<a href="https://kyzylorda-news.kz/">Kyzylorda-news.kz</a> Қазіргі таңда Сырдария өзеніндегі мұз Жосалы кентінен 136 шақырым төмен орналасқан, яғни Байқоңыр қаласы маңында. Бұл Қызылорда су торабының төменгі ағысынан шамамен 428 шақырым қашықтықта орналасқан. Бүгін Өңірлік коммуникациялар қызметінің ақпарат алаңында Сырдария өзенінің су деңгейі туралы Су ресурстарын реттеу, қорғау және пайдалану жөніндегі Арал-Сырдария бассейндік инспекциясы басшысының орынбасары Сейітқасым Әбуұлы және «Қазсушар» РМК Қызылорда облысы филиал директорының орынбасары Айдос Әлібекұлы айтты.<blockquote>–&nbsp;⁠Республика аумағында өзен суын реттеу үшін 6 су торабы жұмыс істейді, олардың барлығы жан-жақты зерттеуден өткен. Қызылорда облысында жалпы көлемі 34,7 млн м³ болатын 6 су қоймасы бар, оның 5-еуі көп факторлы тексеруден өткен. Бүгінде бұл қоймаларда 17,2 млн м³ су жиналған. Бұдан бөлек, аймақта 22 магистралды канал, 1 қорғаныс дамбасы, 2 су өткізу құрылғысы, 1 САТ бөгеті және 1 тоған орналасқан. Қазіргі уақытта Сырдария өзенінде мұз Жосалы кентінен 136 шақырым төмен, Байқоңыр қаласы маңында Қызылорда су торабынан 428 шақырым қашықтықта байқалады. Жалпы жағдай тұрақты. Шардара су қоймасы мен Көксарай су реттегішінің жұмысы қатаң бақылауда ұсталып, жергілікті билік пен су шаруашылығы ұйымдары Сырдария өзеніндегі су деңгейін күн сайын қадағалап отыр,-деді, Сейітқасым Әбуұлы.&nbsp;</blockquote>Қазіргі таңда Сырдария өзені арқылы келіп жатқан су көлеміне байланысты Шардара су қоймасы мен Көксарай су реттегішіне су жинау жұмыстары жүргізілуде.<blockquote>– Қызылорда облысына секундына 300 текше метр су келіп жатыр. Өзеннің оңтүстік және орталық бөліктерінде мұз толық еріген, ал Арал мен Қазалы аудандарында мұз әлі де сақталып тұр. Қармақшы ауданында мұздың 90%-ы еріді. Ақпан айының басынан бастап ауа райының жылынуына байланысты Сырдария өзенінде сең жүруде. Осыған орай, су тасқынының алдын алу мақсатында Тасбөгет кентіндегі Қызылорда және Қазалы су тораптарында мұз кептелісін болдырмау шаралары қолға алынды. Арнайы техникамен ірі қалқымалы мұздарды тазалау жұмыстары жүргізілуде. Қазіргі уақытта Сырдария өзеніндегі жағдай тұрақты, су шаруашылығы нысандары күнделікті бақылауда,-деді, Айдос Әлібекұлы.</blockquote><img src="https://knadmin.beoblood.kz/uploads/1_a0fa367e2b.jpg" alt="1.jpg">Фото:&nbsp;

Сырдария өзеніндегі су деңгейі мен қауіпсіздік шаралары бақылауда

<a href="https://kyzylorda-news.kz/">Kyzylorda-news.kz</a> Қызылорда қаласы Полиция басқармасының қызметкерлері пәтер ұрлығына күдіктелген жергілікті тұрғынды ұстады.Наурыз айының 7-8 күндері аралығында екі қала тұрғыны 102 арнасына орын алған пәтер ұрлығы туралы арызданған: 2 млн теңге және алтын бұйымдар ұрланған.Үй иелерінің жоқтығын пайдаланып, ұры түнгі уақытта үйдің пластик терезесін бұзып кіріп, құнды заттарды қолды еткен.Сонымен қатар, күдіктінің жыл басынан орын алған бұдан бөлек 3 ұрлық дерегіне қатыстылығы анықталды. Жәбірленушілерге 10 миллион теңгеден аса залал келтірілген.Қазіргі уақытта полицейлер күдіктінің басқа да қылмыстарға қатыстылығын &nbsp;тексеруде.Аталған дерек бойынша сотқа дейінгі тергеп – тексеру әрекеттері жүргізілуде. Күдікті уақытша ұстау изоляторына &nbsp;қамаққа алынды. Фото: Қызылорда облысының Полиция департаменті

Қызылорда облысында бірнеше пәтер тонаған күдікті ұсталды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің «Биология, география және химия» білім беру бағдарламасының қауымдастырылған профессоры, биология ғылымдарының кандидаты Рахат Құрманбаев пен Эндауменд қорының қамқоршылық кеңесінің мүшесі Елена Когай 11-13 наруыз күндері Өзбекстанның Нүкіс қаласында арнайы іссапармен болды. Іссапар барысында Қорқыт ата атындағы Қызылорда университеті және Өзбекстан Республикасының Экология, қоршаған ортаны қорғау және климаттың өзгеруі министрлігінің жанындағы “Арал өңірінің Халықаралық инновациялық орталығы” арасында ынтымақтастық туралы меморандумға қол қойды. Орталық басшылығымен екіжақты бірлескен жұмыстарды ұйымдастырып, жүзеге асыру мүмкіндіктері қарастырылды.<blockquote> “Өзбекстанға сапарымыздың басты мақсаты – оқу орнындағы «Арал өнірі экожүйелерін зерттеу Халықаралық орталығы» жұмыстарын дамыту. Нүкіс қаласындағы “Халықаралық Арал өңірін инновациялық орталығының» жұмысымен таныстық. Іссапар барысында халықаралық жобаларының жүзеге асырылуы, өсімдіктердің генетикалық банкі, көлемі 24 гектар құрайтын алаңдарында өсірілетін тәжірибелік түрлері, in vitro өсіру зертхананың жұмысы, тұқымдар қоймасы, фермерлерді және көгалдандыруға қызығушылығын танытқан жастарды оқыту платформалары және тұзды топырақтарда жеміс ағаш түрлерінен жоғары өнім алу жолдары туралы кеңінен ақпарат алдық”, – деді Рахат Құрманбаев.</blockquote> Арал өңірінің Халықаралық Инновациялық орталығы 2018 жылы үкімет тарапынан құрылып, Арал өңірінің қолайсыз экологиялық факторларға төтеп беру шараларына бағытталған. Мұнда дамыған Еуропа, Азия мемлекеттеріндегі өсімдіктану саласы бойынша инновациялық технологияларды Арал өңірінде қолдану, ғылыми дәлелденіп құрғақшылыққа бейімделген, суды аз қажет ететін, жоғары өнімді, өндірістік қолдануға жарамды өсімдіктер түрлерін мүмкіндінше кеңінен қолдануға аса назар аударады.

Өзбекстанның “Арал өңірінің Халықаралық инновациялық орталығымен” келісімшарт жасалды

<a href="https://kyzylorda-news.kz/">Kyzylorda-news.kz</a> Наурыз айының ортасында алдағы күндері ауа температурасы түнде нөлден жоғарылап, біртіндеп жылынады, ал күндіз айтарлықтай көтеріліп, облыстың оңтүстігінде одан да жоғары болады. Бұл туралы бүгін Өңірлік коммуникациялар қызметінің ақпарат алаңында «Казгидромет» РМК Қызылорда облысы бойынша филиалының бөлім басшысы Әйгерім Жокелова және І санатты инженер-гидролог Раушан&nbsp; Бейсетаева айтты.<blockquote>– «Қазгидромет» РМК Қызылорда облысы бойынша филиалы Сырдария өзені бойындағы су деңгейін арнайы бекеттер арқылы тұрақты бақылауда ұстайды. Өзен бойында он су бекеті орналасқан, олар күн сайын ауа мен су температурасын, мұз жағдайын өлшеп, деректерді реттеп отырады. Бұл ақпарат тәулігіне екі рет жаңартылып, тиісті мекемелерге беріледі. Су деңгейіне қатысты мәліметтер желтоқсаннан сәуір айына дейін тұрақты түрде жеткізіледі, бұл өзендегі жағдайды бақылап, алдын алу шараларын уақтылы жүргізуге мүмкіндік береді,-деді, Раушан Қыдырбайқызы.</blockquote>&nbsp;Наурыз айында ауа температурасы қалыпты деңгейден сәл жоғары болады деп болжануда.&nbsp;<blockquote>– Айдың соңына қарай ауа райы салқындап, түнде суытады, ал күндізгі температура біршама жылы болады. Жауын-шашын Арал, Қазалы, Қармақшы аудандарында әдеттегіден көбірек түссе, қалған аймақтарда қалыпты мөлшерде болады. Облыс бойынша айдың ортасы мен соңында аздаған жаңбыр жаууы мүмкін. Желдің күшеюі жиі байқалып, айдың екінші жартысында шаңды дауыл соғуы ықтимал,-деді Әйгерім Болатбекқызы.</blockquote><img src="https://knadmin.beoblood.kz/uploads/Nauryz_ajy_zhyly_bolady_e785b01225.jpg" alt="Наурыз айы жылы болады.jpg">Фото: Нұрболат Нұржаубай

Наурыз айы жылы болады

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінің 3-курс студенті Нұрасыл Тілектесов Италияның Лидо-ди-Езоло қаласында өткен ересектер арасындағы кикбоксингтен әлем чемпионы атанды.Ол спортпен 6 жасынан бері кәсіби тұрғыда айналысып келеді. Бұл оның тынымсыз еңбегінің, табандылығының және жоғары дайындық деңгейінің нәтижесі.&nbsp;Айта кетейік, дүбірлі додаға 46 елден 429 спортшы қатысты. Нәтижесінде Қазақстан құрамасы 14 алтын, 7 күміс және 6 қола медаль жеңіп алып, жоғары нәтиже көрсетті.Фото: Қорқыт ата атындағы университеті

Нұрасыл Тілектесов – әлем кубогінің жеңімпазы

&nbsp;<a href="https://kyzylorda-news.kz/">Kyzylorda-news.kz</a> «Таза Қазақстан» жалпыұлттық бастамасы аясында «AMANAT» партиясы қолға алған «Таза бейсенбі» экологиялық акциясына бүгін Қызылорда облысы, Қармақшы ауданындағы аманаттықтар өз үлесін қосты.Экологиялық акцияға партия қызметкерлері, партия мүшелері, ауданға қарасты мекеме қызметкерлері қатысып, Жосалы кенті, Амангелді көшесінің бойына тазалық жұмыстарын жүргізді.– Аудан тұрғындарының тұрмыс жағдайын жақсарту мақсатында әр түрлі тазалау жұмыстарын жүргізіп, қоршаған ортаны таза ұстаудың маңыздылығы жоғары. Мұндай шаралар экологиялық мәдениетті арттырып, жұртшылықты қоғамдық жұмыстарға белсене қатысуға шақырады. Бүгін партияның Қармақшы аудандық филиалына қарасты бастауыш ұйымдар да өз мекемелері ауласына тазалық жұмыстарын жүргізді. Бір мезетте жүргізілген жұмыстарға аудан тұрғындары да ат салысты. Бұл тұрғындардың «Таза Қазақстан» жалпыұлттық бастамаға бей-жай қарамайтындығының дәлелі деп білемін, &nbsp;– деді партияның Қармақшы аудандық филиалының атқарушы хатшысы Ғалымжан Ақжігітов.Бүгін экологиялық акцияға 60-тан астам адам қатысып, 2 тонна шамасында қоқыс шығарылды.&nbsp;50 түп ағаш түбі ақталды.

«Таза бейсенбі»: 100-ге жуық тал көшеттері отырғызылды

<a href="https://kyzylorda-news.kz/">Kyzylorda-news.kz</a> &nbsp;2025 жылдың 2 айының қорытындысымен 38 есірткі қылмысы тіркелген, оның ішінде есірткі өсіру – 1, өткізу – 4 , аса ірі көлемде сақтау – 1 , жарнамалау – 2.Заңсыз айналымнан 86 кг 691 гр. есірткі заты алынған, оның ішінде 60,064 гр. марихуана есірткі заттары тәркіленді.Жүргізілген жедел іздестіру шаралар барысында үй ауласындағы жылыжайдан сора өсімдігін өсіріп марихуана өндірген 4 қала тұрғыны құрықталып, 2 фитозертхана анықталды.Облыс орталығында полицияның кешенді күштерімен күнделікті нарядтарда көп қабатты үй аулалары, гараждар мен құрылыс аумақтары арасында тексеру жұмыстары үнемі жүргізіліп, жедел басқару орталығының бейнекамералары арқылы шолу жұмыстары жүргізілді.Ұйымдасқан қылмыстық топ іс-әрекеттерін әшкерелеу, қылмыстық жолмен алынған қаражаттарды заңдастыру, есірткі тұтыну үшін притон ұйымдастыру деректерін анықтау мақсатында әзірлеме жұмыстары жүргізілуде. Іс-шара аяқталғанымен бұл бағыттағы жұмыстар өз жалғасын табуда.«Есірткісіз қоғам құру – Қазақстанның әрбір азаматының алдындағы міндеті».Жастар – біздің болашағымыз! Олардың қауіпсіздігін қамтамасыз ету барлығымыз үшін ең бірінші орында екенін ұмытпайық.Полиция департаментінің жеке құрамы өз кезегінде нашақорлықтың алдын алуда қойылған міндеттерді орындау үшін қолда бар мүмкіндіктерді барынша тиімді пайдаланып, әрдайым бірлесіп есірткіні түбегейлі жоюға жұмыстар жасауда.<img src="https://knadmin.beoblood.kz/uploads/1_Esirtkige_arsy_ymyrasyz_k_res_7bac3b3b9a.webp" alt="1 Есірткіге қарсы ымырасыз күрес.webp"><img src="https://knadmin.beoblood.kz/uploads/2_Esirtkige_arsy_ymyrasyz_k_res_899ea6104f.webp" alt="2 Есірткіге қарсы ымырасыз күрес.webp"> Фото: Полиция департаменті

Есірткіге қарсы ымырасыз күрес

<a href="https://kyzylorda-news.kz/">Kyzylorda-news.kz</a> Бүгін Премьер-министр Олжас Бектеновтің төрағалығымен Су тасқынына қарсы шараларды үйлестіру және қарғын су жүру кезеңінің салдарын жою жөніндегі республикалық штаб отырысы өтті.Қазіргі таңда Шардара су қоймасынан Сырдария өзенінің төменгі ағысына секундына 500 текше метр су жіберілсе, оның 200 текше метрі Көксарай су реттегішіне алынуда. Облыс аумағына секундына 378 текше метр су келіп түсуде. Ықтимал су тасқынының алдын алудың кешенді шаралары үйлестіріліп, «2024-2025 жылдардағы қысқы-көктемгі кезеңде Сырдария өзеніндегі үлкен көлемдегі суды қауіпсіз өткізу» жоспары бекітілді.Өзен суы магистральді каналдар мен көлдер жүйесіне жіберу арқылы реттелуде. Су басу қаупі бар аймақтарға арнайы техника, күш-құралдары бар жауапты мекемелер бекітілген. Тасқынға қарсы қажетті материалдық-техникалық қор да, халықты көшіру пункттері де дайын. Жергілікті атқарушы органдар, төтенше жағдайлар мен су шаруашылығы мамандары тәулік бойы кезекшілікте.Облыс бюджетінен 139 млн. теңге бөлініп, «Қазавиақұтқару» акционерлік қоғамымен жасалған келісім-шартқа сәйкес 2 тікұшақ дайындыққа келтірілді. Мұз жарумен айналысатын арнайы мамандандырылған мекемемен келісім-шарт жасалған. Өткен жылы 3 нысандағы қорғаныс бөгеттеріне облыстық бюджеттен 130 млн. 500 мың теңге бөлініп, тиісті жұмыс жүргізілді. Бұдан бөлек, бюджеттен тыс қаржы көздері есебінен 20 нысан жөндеуден өтті.<img src="https://knadmin.beoblood.kz/uploads/Su_tas_ynyny_aldyn_alu_m_seleleri_tal_ylandy_37957b4687.jpg" alt="Су тасқынының алдын алу мәселелері талқыланды.jpg"><img src="https://knadmin.beoblood.kz/uploads/1_Su_tas_ynyny_aldyn_alu_m_seleleri_tal_ylandy_8ee1ae1dde.jpg" alt="1 Су тасқынының алдын алу мәселелері талқыланды.jpg">Фото: Қызылорда облысы әкімінің баспасөз қызметі

Су тасқынының алдын алу мәселелері талқыланды

<a href="https://kyzylorda-news.kz/">Kyzylorda-news.kz</a> Кейбір адамдар кредиттің қолжетімді екеніне қуанса, енді біреулер артық төлем мен жоғары пайыздар үшін оны мүлдем ұнатпайды, алайда сіз кредит жайлы қалай ойласаңыз да – ол жай ғана қаржы құралы.&nbsp;Және осы құралды сауатты пайдалануды үйренген жөн.Fingramota.kz өзіңіздің нақты мүмкіндіктеріңізді қалай дұрыс бағалауға және қалтаңызға салмақ тудырмайтын етіп ресімдеу керектігі туралы айтып береді.&nbsp;Мақсат және нақты мүмкіндіктерКредит – сіздің өміріңізді тез арада жақсартуға, мысалы, қандай да бір қажетті техника, автокөлік немесе тіпті пәтер сатып алуға мүмкіндік беретін өнім. Және ең бастысы, сіз алдағы уақытта кредитті өтеу үшін төлейтін ақша сіздің өміріңізді қиындатып жібермеуі керек.Кредит ресімдейтін уақытта оның мақсатын түсіну өте маңызды. Яғни, біз қарыз қаражатын не үшін алып жатқанымызды және оны қайда жұмсайтынымызды түсінуіміз қажет. Сіздің нақты не сатып алатыныңызға қарай мақсаттар қысқа мерзімді, орта мерзімді, ұзақ мерзімді болады. Сондай-ақ, мақсаттар орынды, демек қаржылық тұрғыдан сауатты және асығыс шешім қабылданған, яғни орынсыз болады. Бірақ ең бастысы, мақсатсыз кредит – бұл қиын салдарларға әкеп соқтыратын қарыз.Мысалы, ақша қажет болып, сіз бір миллион теңге сұрадыңыз делік, ал банк сізге екі миллион бере алатыны хабарлайды! Әрине, сіз қосымша бір миллионды қайда жұмсауға болатынын табасыз. Алайда, егер сіз асығыс шешім қабылдап, осы ақшаны бірден алып алатын болсаңыз, бұл әрекетіңіз мүлдем тиімсіз болады.Ал егер сізге қосымша қаражаты расымен де қажет болып қалса, қаржы ұйымына қайтадан жүгінгеніңіз жөн болады. Әдетте, сізге белгілі бір соманы алдын ала мақұлдаған болса, оны кейінірек пайдалана аласыз. Оған дейін барлығын мұқият жоспарлап алуға уақытыңыз болады!Әсіресе жастар арасында ең көп тараған мақсат – соңғы үлгідегі смартфон сатып алу. Трендтен қалмау жиі жағдайда &nbsp;қаржылық жағдайға теріс әсер етеді. Бұл жерде мәселе тіпті кредит сатып алу фактісінде де емес, мәселе адамдардың басым көпшілігінің соңғы модельдегі смартфондар мүмкіндігінің тек 30%-ын ғана пайдалануында. Бұл кез келген техникаға да қатысты: компьютерлер мен ноутбуктер, камералар және тіпті тұрмыстық техника. Егер сіз оны қолдансаңыз және ол сізге көмектесіп, өміріңізді жеңілдететін, жақсырақ, тиімдірек ететін болса ғана мұндай затты кредитке алу ақылға сыйымды. Егер сіз мәртебе үшін, бренд қуып, айналаңызды мойындату үшін болса – бұл, әрине, біреулер үшін өте маңызды. Бірақ мұндай заттарды кредитке алмаған абзал.Келесі талданатын нәрсе – өз мүмкіндіктеріңіз. Біріншіден, заң бойынша сіз барлық кредит бойынша ай сайынғы табысыңыздың 50%-дан аспайтын бөлігін ғана беруге құқылысыз. Егер сіздің кредит жүктемеңіз өте жоғары және кірісіңіздің жартысына жақын болса, кредиторлар, қаржы ұйымдары сізге жаңа кредит бермеуі керек.Екіншіден, сіз қандай да бір қажеттілікті кредитпен өтеген кезде, біраз уақытқа дейін басқа бір нәрседен бас тартуға тура келетінін есте ұстаған жөн. Бұл сіздің әл-ауқатыңызға әсер етпеуі үшін, сіз отырып, жеке немесе отбасылық бюджетті есепке алуыңыз қажет, әрине онда ай сайынғы кредит төлемі міндетті түрде ескерілуі керек. Ең бастысы –кредиттің не үшін төленетінін, яғни неден бас тартатыныңызды түсіну. Бұл жерде қосымша, әсіресе тұрақты келіп түспейтін кірісті кредитті өтейтін ақша ретінде қарастырудың қажеті жоқ. Ол кенеттен жоғалып кететін жағдайды елестетіп, жоспарды ең жағымсыз сценарийге сүйене отырып жасаңыз. Содан кейін, егер бәрі жақсы болса, кенеттен жоспарланбаған қиындықтар туындайтын жағдайға қарағанда, сізге әлдеқайда оңай болады.Кредиттің мақсаты туралы тағы бір ереже бар. Ешбір жағдайда қарыз қаражатын тысқары жобаларға, бағалы қағаздарға, криптовалюталарға инвестициялауға болмайды. Ондай құралдар жоғары кіріс түсіреді деп уәде еткенмен, оған кепілдік бермейді. Қарыз қаражаты тәуекелге ұшырамауы керек. Яғни, «қазір кредит алып, инвестицияға саламын, 2 есе пайда табамын» деген жағдай жұмыс істемейді. Егер кредит бизнесті дамыту үшін алынса, ол сіздің бизнесіңіз болуы керек және алған ақшаның сізге одан да көп ақша әкелетінін және оның қалай болатынын нақты түсінуіңіз керек.Кредитті қалай таңдауға болады?Fingramota.kz әрқашан зерттеу жүргізуді және бірінші кездескен кредитті ала салмауды ұсынады. Әр түрлі нұсқаларды зерттеп, қайсысы сізге сәйкес келетінін біліп алыңыз. Мұны істеу оп-оңай. Егер сіз кәсіпкер болсаңыз, онда сізге арналған жалақы жобасы немесе дара кәсіпкерге арналған жобасы бар өз Банкіңізге барыңыз. Менеджерден сізге мысал ретінде 1 миллион теңгені есептеп беруді сұраңыз. Алдымен 12, 15 және 18 айға есептеу жасаңыз. Нәтижесінде, бұл мерзімдердің әрқайсысының шарттары мүлдем басқа болып шығады. Айтпақшы, сіз аннуитет кестесін жасауды өтіне аласыз – бұл ай сайын тең төлемдер мен сараланған төлемдер жасау дегенді білдіреді, бұл ретте сіз алдымен сәл көп, содан кейін аз төлейсіз. Біріншісі қысқа мерзімге, екіншісі – ұзақ мерзімге алғанда тиімді болады. Қалай болғанда да, екі тәсілді де зерттеп алғаныңыз жөн.Дәл осыны тағы басқа екі банкте жасап көріңіз. Сонымен сізде 1 млн теңге мөлшеріндегі бірдей сомаға кредит алудың жиырмаға жуық түрлі нұсқалары болады. Және олардың ішінен ең тиімдісін таңдауға болады. Кейбір нұсқа сізге тиімсіз, себебі артық төлемі көп, оны алып тастаймыз. Екіншісінде ай сайынғы төлем өте үлкен, ол да сәйкес келмейді.Нәтижесінде алып тастау әдісімен сіз бірнеше қолайлы нұсқаларды таңдай аласыз. Кредиттің төлеуге ыңғайлы, қауіпсіз және тиімді болуы маңызды – ақша алу немесе ақша салу не банктер арасында аударымдар жасау, комиссияларды төлеу үшін кассаға барудың қажеті болмағаны жақсы. Қысқасы, талдау жасаңыз және бірінші нұсқаны емес, ең жақсысын таңдаңыз.Бұл ретте ең шешуші фактор – жалпы артық төлем. Бұл көп жағдайда кредиттің мерзіміне байланысты, өйткені сіз кредит берушіге ақшаны пайдалану уақыты үшін төлейсіз. Ақшаны неғұрлым ұзақ пайдалансаңыз, соғұрлым артық төлейсіз. Әрине, мөлшерлеме де әсер етеді, кредит мерзімі ұзақ болған сайын, артық төлемді көбірек төлеуге тура келеді. Дәл сол миллион теңгені номиналды мөлшерлеме бойынша &nbsp;30 немесе 32 пайызбен алсаңыз, айырмасы шамалы болады. Бірақ бір жылға емес, екі жылға алсаңыз, артық төлем әлдеқайда көбірек болады. Екінші жағынан, мерзім неғұрлым қысқа болса, ай сайынғы төлем соғұрлым көп болады. Сондықтан зерттеу жүргізіп, бір жағынан көп төлегіңіз келмейтінін, ал екінші жағынан ай сайын көп төлегіңіз келмейтінін түсінуіңіз керек. Қай жағынан да қолайлы шарттарды табу маңызды.Айтпақшы, мынадай лайфхак бар. Бірден кредит алудың қажеті жоқ. Көптеген елдерде қағидалар бойынша кредит өтінім берілген күні берілмейді. Қарыз алушы осы уақыт аралығында өз ойына талдау жүргізіп, барлық жағдайды әбден зерделеп, кредит алу қажеттілігінің қаншалықты маңызды екенін саралайды. Өз ойының дұрыс екеніне әбден көзі жеткен соң ғана шартқа қол қояды.Маңызды! Бөліп төлеу – бұл да кредит!&nbsp;Бөліп төлеу, кредиттік карталар, ипотека, автокредит те, тіпті 3-4 айға өнімдерден бастап билеттерге дейін кез келген нәрсені бөліп алуға мүмкіндік беретін банктік өнімдер де - бәрі кредит ретінде есептеледі. Айтпақшы, олар да кредиттік тарихына әсер етеді. Ал, олар міндетті түрде БЖК есептеу кезінде, яғни борыш жүктемесі кезінде ескеріледі.&nbsp;Егер Сіздің атыңызда бірнеше бөліп төлеу болса, мысалы, сізге ипотека немесе ақшалай кредит берілмеуі мүмкін. Айтпақшы, мұндай жағдайлар жиі кездеседі. Әсіресе жастардың кіріс көзі болғанымен, ипотека бағдарламаларына қатыса &nbsp;алмау жағдайлары жиі кездесіп отырады, себебі олар әртүрлі техникаларға (әдетте смартфондар мен компьютерлерге) бөліп төлеуді өз аттарына ресімдеген болып шығады, осыдан оларда кредиттік жүктеме орын алады. Бөліп төлеуді жауып, келесі кезекті күтуге тура келді. Бұл факторларды да ескеру қажет.<img src="https://knadmin.beoblood.kz/uploads/Infog_1203_ee1c0a159f.png" alt="Infog_1203.png">Кредиттік шартқа қол қоймас бұрын нені тексеру керек?Қосымша факторлар - әр түрлі комиссиялар, тараптардың құқықтары мен міндеттері, мерзімінен бұрын өтеу мүмкіндігі және бұл ретте комиссияның болуы.Төлем күні. Оны жалақы алғаннан кейін екі-үш күннен кейін қоюға тырысыңыз. Сіз осы уақыт аралығында ақша табуға мүмкіндігіңіз &nbsp;болатындай және техникалық іркілістер болған жағдайда төлем жасап үлгеретіндей болуыңыз керек. Айтпақшы, төлем күнін өзіңіз белгілей аласы, бірақ, әдетте, бұл шартқа қол қойылғанға дейін жасалуы керек, себебі келешекте банктер мен МҚҰ төлем күнін өзгертуге байланысты өтініміңізді бірден орындай қоймайды. &nbsp;Тараптардың құқықтары мен міндеттері. Олар шартқа қол қойылғанға дейін оны оқып, танысып алғаны жөн. Шартқа қол қою, оның барлық шарттарымен келісетініңізді білдіреді.Fingramota.kz-пен&nbsp;бірге қаржылық сауаттылығыңызды арттырыңыз!Фото: fingramota.kz

Несиеге өтініш беру кезіндегі қателіктер мен лайфхактар

<a href="https://kyzylorda-news.kz/">Kyzylorda-news.kz</a> Бүгін тұрғындарды мерзімді флюорографиялық тексерістен өткізуге бағытталған шаралардың бірі «Туберкулезге қарсы күрес айлығы» аясында «Жайна» сауда орталығында өтуде.&nbsp;Онда кез келген қала тұрғыны алғашқы профилактикалық тексеруден, оның ішінде қан қысымы мен қант мөлшерін өлшеу және жылжымалы флюромашинада флюорографиялық тексеруден өте алады. Ал көрсетілімдер болған жағдайда облыстық фтизиопульмонология орталығының директоры Нұрлан Әмір және облыс бойынша штаттан тыс рентгенологы Жәнібек Айтбаев, дәрігерлерден кеңес ала алады.&nbsp;Айта кету керек, туберкулезге қарсы күрес айлығының мақсаты – тұрғындарға дерт туралы ақпарат беріп, алдын алу және күрес шараларын күшейту. Айлық аясында туберкулездің алдын алу, анықтау және емдеу тақырыптарында ақпараттық науқандар, медициналық ұйымдарда, мектептер мен жоғары оқу орындарында дәрістер, акциялар ұйымдастырылуда. Облыс көлемінде туберкулезге қарсы бағдарламаның жүргізілуінің нәтижесінде аурушаңдылық көрсеткіші соңғы 10 жылда 2 есеге азайған.<img src="https://knadmin.beoblood.kz/uploads/Tuberkulezge_arsy_k_res_ajly_y_zh_rude_1_68930d52e0.jpg" alt="Туберкулезге қарсы күрес айлығы жүруде 1.jpg">

Туберкулезге қарсы күрес айлығы жүруде

<a href="https://kyzylorda-news.kz/">Kyzylorda-news.kz</a> TikTok жасөспірімдердің қауіпсіздігі мен әл-ауқатын қамтамасыз ету үшін жаңа функцияларды іске қосады. Бұл туралы ҚР Мәдениет және ақпарат министрі Аида Балаева мәлім етті, – деп хабарлайды <a href="https://kaz.inform.kz/news/tiktok-zhasosprmderdn-kaupszdgn-kamtamassiz-etu-ushn-zhana-funktsiya-kospakshi-2091f8/">Қазақпарат.</a><blockquote>– TikTok жасөспірімдердің қауіпсіздігі мен ата-аналардың бақылау жүйесін одан әрі жақсартуда. Платформа жасөспірімдер үшін қауіпсіз онлайн кеңістік құруға және ата-аналарға балаларының TikTok-тағы белсенділігін басқаруға көмектесетін жаңа мүмкіндіктерді іске қосқанын хабарлайды. Атап айтқанда, TikTok «Отбасылық баптаулар» бөлімінде ата-аналарға жасөспірімдердің қосымшаға қолжетімділігін белгілі бір уақыт аралығында шектеуге мүмкіндік беретін жаңа функцияны іске қосуды жоспарлап отыр. Сондай-ақ, платформа сағат 22.00-ден кейін TikTok-ты пайдаланатын жасөспірімдердің назарын аударып, тынығуына көмектесетін жаңа мүмкіндікті іске қоспақ, – деп жазды Аида Балаева.</blockquote>«Отбасылық баптаулардың» қосымша функцияларыTikTok-тағы ата-аналардың бақылау жүйесінің бір бөлігі болып табылатын «Отбасылық баптаулардың» іске қосылғанына бес жыл болды. Осы жылдар ішінде ата-аналардың кері байланысы мен сарапшылардың ұсыныстарын ескере отырып, TikTok жаңа функцияларды бірнеше рет еңгізіп отырды.Бұл жолы TikTok қолданбасының әзірлеушілері «Демалыс» деген жаңа функцияны қосты. Ол қосымшаны белгілі бір уақытқа бұғаттауға мүмкіндік береді.Енді ата-аналар:<ul><li style="text-align:justify;">Балаларына TikTok-қа қол жеткізуді шектеу уақытын белгілей алады, мысалы, оқу уақытында немесе түнгі уақытта.</li><li style="text-align:justify;">Цифрлы детокстқа қол жеткізу үшін қайталанатын кестені орната алады. Шектеу қойылған уақыт аралығында жасөспірімнің TikTok-ты қолдану сұранысын қабылдай алады.</li><li style="text-align:justify;">Оған қоса «Отбасылық баптаулардың» жаңа функциясы ата-аналарға балаларының аккаунттары туралы толық ақпарат алуға мүмкіндік береді.</li></ul>Балаларының TikTok-та кімдерді бақылап отыратынын және олардың аккаунтына кімдер жазылғанын көре алады. Қандай қолданушылардың аккаунттарын бұғаттағанын біле алады. Тіпті ата-аналардың бақылауы қосылмаған кезде де, алдағы айларда TikTok жасөспірімдерге қауымдастық ережелеріне сәйкес келмейтін контент туралы ата-аналарына хабарлау мүмкіндігін қосуды жоспарлап отыр.Фото: Нұрболат Нұржаубай

TikTok жасөспірімдердің қауіпсіздігін қамтамасыз ету үшін жаңа функция қоспақшы

<a href="https://kyzylorda-news.kz/">Kyzylorda-news.kz</a> Қамыстыбас көлдер жүйесіндегі ахуал қазіргі таңда тұрақты бақылауда. Бұл бағыттағы ахуал бойынша Арал ауданының әкімі Аманжол Оңғарбаев Қамыстыбас көлінде болып, су деңгейінің көтерілуіне байланысты жағдайды бағамдады. Бүгінде Аққұмшық жағжайына көлден келер айтарлықтай қауіп жоқ. Аудан әкімі десе де жағдайды бақылауда ұстап, жауаптыларға сәт сайын ахуалды баяндап тұруды тапсырды.Қазіргі таңда Сырдария өзенінің бойында мұз ұстасуда. Аудан әкімі «Ақшатау-Қамыстыбас» көлдер жүйесін суландыру мақсатында салынған «Аспай» суағытқысының және Бұрмақұлақ арнасының жағдайын да бақылады. Аталған аймақтарда дария суы қалыпты деңгейде. Дария бойындағы жағдайды көрген соң аудан басшысы жауапты мамандарға сол маңдағы каналдардың шлюз ағытқылары ашып-жабылуы қиындық тудырмас үшін қажетті жұмыстар жасауды жүктеді.&nbsp;Сондай-ақ, алдағы уақытта дариядан су көп мөлшерде келген жағдайда бөгеттерді жарып өту қаупін болдырмас үшін алдын алу шараларын үйлестіруді жүктеді.

Архив