<a href="https://kyzylorda-news.kz/">Kyzylorda-news.kz</a> Қазақстан ұлттық құрамасының спортшылары Дүниежүзілік көшпенділер ойындарының төртінші жарыс күнінде 6 алтын, 7 күміс, 8 қола жүлде жеңіп алды, – деп хабарлайды <a href="https://aikyn.kz/">Aikyn.kz.</a>Жалпы есепте Қазақстан қоржынында 27 алтын, 17 күміс, 25 қола жүлде бар.Туризм және спорт министрлігінің мәліметінше, көкпардан Қазақстан ұлттық құрамасы Ресейді 18-2 есебімен жеңіп, финалға шықты. Ақтық ойында Қырғызстаннан келген көкпаршыларымен кездеседі. Жарыс «Қазанат» ипподромында өтеді.Көк бөрүден Қазақстан командасы Түркия құрамасын 15-1 есебімен жеңіп, финалға жолдама алды. Финалда қазақстандық спортшылар Қырғызстан командасымен кездесіп, алтын жүлдені сарапқа салады.Ипподром маңында этноауылда жамбы атудан соңғы жарыс күні өтті. Жамбы стилінен Батыр Бексауыт күміс жүлдеге ие болды. Ұлттық құрама спортшылары жалпы екі алтын, екі күміс, екі қола иеленіп, командалық есепте бірінші орынға жайғасты.Этноауылда powerful nomad спортынан абсолютті салмақ дәрежесінде Азамат Мақұлбеков алтын жүлде алды. Ол 16 елден келген 16 спортшының ішінен үздік нәтиже көрсетті.&nbsp;«Арғымақ» ат-спорт кешенінде өтіп жатқан дәстүрлі садақ атудан үшінші жарыс күнінде садақшылар «Жамбы» нысанасы бойынша сынға түсті. Жәнібек Құлмырзаев пен Бақберген Сәлімов қола жүлдеге ие болды. Дәстүрлі садақ атудан жарыстың алғашқы күні «Пута» нысанасы бойынша Айкөркем Батихан мен Қасымхан Қанат қола жүлде алса, Жәнібек Құлмырзаев алтын жүлде иеленді. Ал «Қалқан» нысанасынан өткен бәсекеде Ербол Тәпенов күміс жүлдеге, ал Қасымхан Қанат қола жүлдеге ие болды.Жақсылық Үшкемпіров атындағы Жекпе-жек сарайында қырғыздың ұлттық белбеу күресі алыштан жарыс аяқталды. Ерлер арасында 60 келі салмақ дәрежесінде Тұрмаханбек Қалмұқан және 100 келі салмақ дәрежесінде Бекбол Нұрланұлы күміс жүлде алды. Нұржан Сәрсенғалиев (70 келі) пен Нұрдәулет Жарылғапов (+100 келі) қола жүлдеге ие болды. Әйелдер арасында 75 келіде Перизат Жақыпбекова күміс жүлдеге ие болса, 55 келіде Назерке Әбілтаева, 60 келіде Арайлым Ракиш жәнк 65 келіде Айнұр Ақжігітова қола жүлде алды.«Алау» мұз сарайында арқан тартыстан жарыс өтті. Қазақстан ерлер құрамасы да, әйелдер құрамасы да финалда ресейлік спортшылардан жеңіліп, әрқайсысы күміс жүлдеге ие болды.«Алау» мұз сарайында ерлер арасында асық ату мен әйелдер арасында бес асықтан финалдық ойындар өтті. Асық атудан ерлер құрамасы Қырғызстан құрамасын жеңіп, алтын жүлдеге ие болды. Ал бес асық сайысында Қазақстан әйелдер құрамасы Ресейден басым түсіп, алтын жүлде алды.«Думан» қонақүй және спорт кешенінде тоғызқұмалақтан финалдық ойындар өтті. Ұлттық құрама спортшылары жекелей сында екі алтын, бір күміс, бір қола иеленіп, командалық есепте алтын жүлде алды. Қыздар арасында Мөлдір Серікқызы алтын жүлдеге ие болса, Аңсаған Қожанәсіп күміс жүлде еншіледі. Ерлер арасында Бексұлтан Бостандықов алтын алса, Ерсұлтан Әуелбай қола жүлде иеленді.Фото: Туризм және спорт министрлігі

Көшпенділер ойындарының төртінші күнінде Қазақстан 21 медаль иеленді

<a href="https://kyzylorda-news.kz/">Kyzylorda-news.kz</a> Қалалық мәслихатта "Қазақстандағы атомдық энергетика: оның мүмкіндіктері" тақырыбында пікір-алмасу алаңы өтті.Отырысты қалалық мәслихат төрағасы И.Құттықожаев жүргізіп, мемлекет басшысы Қ.Тоқаевтың 2024 жылғы 2 қыркүйектегі «Әділетті Қазақстан: Заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдауында Атом электр стансасын салу мәселесіне қатысты референдумды өткізу күнін (6 қазан) белгілегендігін атап өтіп, "Жалпы бейбіт атом энергиясын пайдалану – бүгінгі жаһандану үдерісіндегі әлемнің ең өзекті, сонымен қатар қарама-қайшылығы көп мәселенің бірі. Ядролық энергияның тиімділігі мен тұрақтылығы біраз елге оны таза энергия көзі ретінде қолдануға мүмкіндік беретіні сөзсіз.Ең бастысы, АЭС мәселесіндегі шешімнің ғылыми негізі болуы, стратегиялық оң шешім қабылдану қажеттігін" жеткізді.Пікір алмасу алаңында ҚР Құрметті энергетигі, қалалық қоғамдық кеңес мүшесі М.Кәрімбаев еліміздегі энергетика саласының қазіргі жағдайы, болашақта электр энергиясы тапшылығы мәселесі бойынша өз пікірін білдірді.Сонымен бірге, Қорқыт Ата атындағы Қызылорда университетінің профессоры, химия ғылымдарының кандидаты Н.Аппазов сөз сөйлеп, атомдық энергетика саласының артықшылықтары мен еліміздегі атомдық энергетика саласының әлеуеті, қауіпсіздікті қамтамасыз ету бойынша түсініктеме берді.Пікір алмасуға қатысқан қалалық мәслихат депутаттары мен қоғамдық кеңес мүшелері бұл мәселеге қатысты өз пікірлерін білдірді.

"Қазақстандағы атомдық энергетика: оның мүмкіндіктері" тақырыбында пікір-алмасу алаңы өтті

<a href="https://kyzylorda-news.kz/">Kyzylorda-news.kz</a> Облыс бойынша экономикалық тергеп-тексеру департаментінің ұйымдастыруымен «Қауіпсіз орта – қауіпсіз болашақ» жастар акциясы өтті. Шараға облыстың белсенді жастары, мемлекеттік органдардың өкілдері, шығармашылық қоғам өкілдері қатысты.Басты мақсат – жастарға &nbsp;қаржылық сауаттылық негіздерін үйрету, алаяқтықтың алдын алу, құмар ойындары мен заңсыз ойын бизнесіне тұсау салу.<blockquote>− Бұл шара өңір үшін ғана емес қоғам үшін маңызды. Себебі лудомания – &nbsp;адам өмірінде негативті тұрғыдан басым рөл ойнайтын, әлеуметтік, кәсіби, материалдық тұрғыдан және отбасылық құндылықтардың төмендеуіне әкелетін патологиялық ойын құмарлығы. Сондықтан онымен қоғам болып күресуіміз қажет. Бүгінгі шарада осы мәселе кеңінен қозғалмақ. Қатысушыларға кішкене болса да ой сала алсақ, біздің мақсаттың орындалғаны, − дейді департамент басшысы Аслан Кеңесұлы.</blockquote>Шара барысында психолог, жастар көшбасшылары түрлі кеңес берді. Мәселен, «Сенімен Болашақ» республикалық қоғамдық бірлестігі облыстық филиалының психологі Жұмакүл Баянова тәуелділіктің себептері мен салдары туралы баяндаса, облыстық жастар ресурстық орталығы директорының орынбасары Қорған Өтегенов жастардың әлеуметтік және тұлғалық дамуына ықпал ету мақсатында атқарылған жұмыстарды баяндады. &nbsp;Кеш соңы мерекелік концертке ұласты.

«Қауіпсіз орта – қауіпсіз болашақ» жастар акциясы өтті

<a href="https://kyzylorda-news.kz/">Kyzylorda-news.kz</a> Егер сіз кредит алуға бел бусаңыз, оны ресімдеу және қаржы ұйымдарымен іс-әрекеттесудің негізгі қағидаларынан басқа, оның сомасы жөнінде де ойлану қажет.Fingramota.kz-пен толығырақ қарастырайық.Кірісіңіз жоғары және кредиттік тарихыңыз тамаша болғанның өзінде де кредитті өзіңіз қалаған, кез келген сомаға ала алмайсыз. 16 тамыздан бастап кредиттерге белгілі бір шектеулер қойылады.Айтпақшы, кез-келген соманы алуға болады. Алайда, оны тек &nbsp;банктен және кепілмен &nbsp;ала аласыз. &nbsp;Жаңа қағидаларға сәйкес кепілді банктік қарыздар бойынша шектеулер болмайды және кредиттің мөлшері сіз банкке ұсынатын кепілдің құнына ғана байланысты болады.Ал кепілсіз қарыздар бойынша шектеулер нақты белгіленген – 2200 АЕК, ол 2024 жылы &nbsp;8 122 400 теңгені&nbsp;құрайды. Одан көп сома беруге банктің құқығы жоқ.Микроқаржы ұйымдарында шектеулер бұдан да қатал. Кепілсіз микрокредиттің ең жоғары сомасы банкке қарағанда екі есе аз &nbsp;– 1100 АЕК немесе 4 061 200 теңге. Кепілді&nbsp;микрокредиттерге де шектеулер бар.Ломбард кепілмен 8 000 АЕК-ке дейін немесе 29 536 000 теңге&nbsp;бере алады. Ал МҚҰ 20 000 АЕК-ке дейін немесе 73 840 000 теңге. Бұл ретте, мұндай ірі микрокредиттер негізінен бизнесті дамытуға берілетінін атап өтеміз, ал кепілзатқа кәсіпкердің жылжымалы және жылжымайтын мүлігі қойылады.Кредиттер сомасын шектеу практикасы әлемдік тәжірибеге сәйкес келеді.Мәселен, АҚШ-та арнайы құрал – «кредиттік желі» қолданылады. Банк қарыз алушының ықтимал кірісін бағалайды және әдетте 5 жылдағы ықтимал табыстан аспайтын лимитті белгілейді. &nbsp;Көршілес Ресейде банктер кепіл алу негізінде 30 млн рубльге (шамамен 160 млн теңге) дейін бере алады. Ал МҚҰ кепіл болған кезде жеке тұлғаларға небәрі 1 млн рубльге (5,2 млн теңге) дейін және заңды тұлғаларға 5 млн рубльге (26 млн теңге) дейін береді.Әрине, кредит сомасы бойынша заңнамалық шектеулер қойылмайтын елдер де бар. Бірақ ол уақытта мұндай шектеулерді әдетте кредиторлардың өздері, яғни өздеріне тәуекелдерді қабылдағысы келмейтін банктер мен МҚҰ енгізеді.Ал Қазақстанда шектеулерді ірі сомаға кепілсіз тұтынушылық қарыздар беруді тежеу және азаматтардың борыш жүктемесінің өсуіне жол бермеу үшін енгізді.Барлық жаңа өзгерістер ресми түрде тіркелді - Агенттік Басқармасының «Тұтынушылық банктік қарыз және тұтынушылық микрокредит сомасына қойылатын талаптарды бекіту туралы» 2024 жылғы 16 тамыздағы № 61 қаулысы қабылданды.Қаулы Мемлекет басшысы ағымдағы жылғы 19 маусымда қол қойған «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Қазақстан Республикасының Заңын іске асыру үшін қабылданды.Осы Заңмен енгізілген жаңа өзгерістер жөнінде біздің Fingramota.kz сайтымыздан оқыңыздар.Кредиттік шарт жасамас бұрын не білу керекҚаржылық қажеттіліктеріңіз бен мүмкіндіктеріңізді бағалаңыз. &nbsp;Кредит, егер дұрыс мақсатқа пайдаланылса, өте ыңғайлы қаржы құралы болып табылады. Қарыз алу туралы шешім қабылдай отырып, алдымен барлық тәуекелдерді бағалап алыңыз. Кредитті ресімдеу алдында:кірістер мен шығыстарды ескере отырып, қаржылық мүмкіндіктеріңізді есептеңіз; кредитке кететін күтілетін шығыстардың өсуін ескере отырып, өз мүмкіндіктеріңізді талдаңыз; кредитті алу шартта белгіленген мерзімде борыштың негізгі сомасын (кредитордан алынған соманы) қайтару, сондай-ақ кредитті пайдаланғаны үшін сыйақы, комиссиялар және басқа да төлемдер төлеу міндетін қамтитынын түсіну қажет. Борыш жүктемесі коэффициенті туралы ұмытпаңыз! Қарыз бойынша ай сайынғы төлем сіздің кірісіңіздің 50%-нан аспауға тиіс. Кредит бойынша ай сайынғы төлемді төлегеннен кейін сізде бір ересек адамға ең төменгі күнкөріс деңгейінен және отбасының әрбір кәмелетке толмаған мүшесіне ең төменгі күнкөріс деңгейінің жартысынан кем емес мөлшерде қаражат қалуы керек.Қарыз мақсатын және өтеу әдістерін анықтап алыңыз.Кредиттер әр түрлі:кредитор қарыз алушының әр түрлі мұқтаждарына белгілі бір соманы берген кезде нысаналы емес; нысаналы - жылжымайтын мүлікті, жер учаскесін сатып алуға, білім беру, емдеу және басқаларға қысқа мерзімді, өтеу мерзімі бір жылға дейін қоса алғанда берілетін; ұзақ мерзімге берілетін ұзақ мерзімді (12 айдан астам). Кредиттер сондай-ақ қарыздың ең жоғары сомасымен, сыйақы мөлшерлемесімен, кепілдің болуымен немесе болмауымен ерекшеленеді.Кредит шартына қол қоймас бұрын, кредитті өтеудің ыңғайлы әдісін таңдау керек. Атап айтқанда:негізгі қарызды тең үлеспен өтеуді білдіретін сараланған әдіс. Негізгі қарыз тең үлеспен өтелуі есебінен ай сайынғы төлем ай сайын азаяды, ал пайыздар қарыздың қалдығына есептеледі. Егер сіз мерзімінен бұрын өтеуді жоспарласаңыз, бұл тиімді; кредит берудің бүкіл мерзіміне созылған ай сайынғы төлемдер тең аннуитеттік әдіс. Яғни берешекті өтеу кредиттеудің бүкіл мерзімі ішінде тең төлемдермен жүзеге асырылады. Негізгі қарыз бойынша төлемдер ұлғаяды, ал сыйақы бойынша төлемдер азаяды, тиісінше басында төлемдердің негізгі сомасы сыйақыны өтеуге кетеді. Бірнеше қаржы ұйымының ұсыныстарын салыстырыңыз.Кредит ресімдегіңіз келетін бірнеше кредит ұйымының сайттарына мониторинг жүргізіп, олардың өнімдерін талдаңыз.Ең жақсы нұсқаны таңдап, банк менеджерінен кредиттеудің барлық шарттарын нақтылаңыз: қарыз сомасы, төлемдердің мерзімі мен мөлшері, кредит алу немесе мерзімінен бұрын өтеу кезінде комиссиялар бар-жоқтығы, барлық пайыздармен және төлемдермен кредиттің толық құны қандай болады, артық төлем қанша болады және басқа да маңызды мәселелер.Fingramota.kz қаржы сауаттылығын арттырайық!Фото: Fingramota.kz

Кредитті қайдан және қанша сомаға алуға болады? Шекті сомалар белгіленді  

<a href="https://kyzylorda-news.kz/">Kyzylorda-news.kz</a> Қыздың мәйіті кеше, 10 қыркүйек күні табылған.Елордада №5 мектеп-гиназиясының жанында қаңырап бос тұрған ғимараттан 14 жастағы оқушы қыздың денесі табылды, деп хабарлады&nbsp;<a href="https://turkystan.kz/article/248583-astanalyk-okushy-mektep-manyndagy-bos-turgan-gimarattan-oli-tabyldy-video">turkystan.kz.</a>Аталған ақпаратты Астана қалалық полиция департаменті растады. Қыздың мәйіті кеше, 10 қыркүйек күні табылған.«2024 жылдың 10 қыркүйегінде қыз баланың мәйіті табылғаны туралы ақпарат түсті. Оның бойынан ұрып-соғудың белгілері табылған жоқ. Бірақ, оның өлімі неден болғаны анықталып жатыр. Адам өлімі бойынша қылмыстық іс қозғалды», - деп хабарлады полиция департаменті.Фото: turkystan.kz

Астаналық оқушы мектеп маңындағы бос тұрған ғимараттан өлі табылды

<a href="https://kyzylorda-news.kz/">Kyzylorda-news.kz</a> Қызылорда облысында 75%-ға жуық күйік жарақатымен қатты күйіктен зардап шеккен, аса ауыр жағдайдағы екі бала шұғыл түрде Алматы қаласының Балалар және шұғыл медициналық көмек орталығына жеткізілген болатын. Бүгін&nbsp;ҚР Денсаулық сақтау министрі Ақмарал Әлназарова өзінің Facebook әлеуметтік парақшасында балалардың үйіне шығарылғанын жеткізді.<blockquote>– &nbsp;Қызылорда облысында газ жарылған кезде зардап шеккен екі жасөспірім бүгін Алматы қаласындағы Балалар шұғыл медициналық көмек көрсету орталығынан үйлеріне шығарылды. Олар 42 күн бойына біліктілігі жоғары дәрігерлердің бақылауымен үздіксіз ем алды, қазір олардың өміріне қауіп төніп тұрған жоқ. Денесін қатты күйік шалған науқастарға терісін ауыстыруға дейін ота жасалды, әзірге бәрі қиындықсыз өтуде, трансплантаттар толық бітісіп кетті. Тағы екі жасөспірім толық емделіп кетуі үшін стационарда қалдырылды. Дәрігерлер олардың жағдайын орташа ауыр деп бағалады. Олар да кезең кезеңімен аутодермопластикадан өтуі керек. Стационарға өте ауыр жағдайда жеткізілген балалардың өмірін сақтап қалу біздің балалар дәрігерлерінің жоғары деңгейдегі кәсібилігі мен жанкешті еңбегінің арқасында мүмкін болды, – деді А.Әлназарова.</blockquote>

Министр жарылыс кезінде зардап шеккен қызылордалық жасөспірімдердің жағдайымен бөлісті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен өткен мәжілісте жылу беру маусымына дайындық барысы қаралды.<blockquote>«Өздеріңізге белгілі, жылу беру маусымына әзірлік Мемлекет басшысы мен Үкіметтің тікелей бақылауында. Биыл жылу көздері мен желілерін жаңғыртуға республикалық және жергілікті бюджеттен 12 млрд.теңге қаржы бөлінді. Осы қаржыны тиімді игеріп, жұмысты уақытылы және сапалы жүргізу қажет. Нысандардың барлығы 1 қазанда дайын болу керек. Облыс тұрғындарын көмірмен қамтамасыз етудегі түйткілдер де түгелімен шешім табуы, алдағы жылу беру маусымында ешқандай мәселе туындамауы тиіс», – деді Нұрлыбек Машбекұлы.</blockquote>Өткен мәжілісте қала және аудан әкімдеріне тұрғындарға қажетті көмір қорын жасақтау тапсырылды. Алайда, бүгінгі күнге теміржол арқылы жеткізілген көмірдің көлемі жеткіліксіз. Аудан әкімдері операторлармен, «Қазақстан Темір жолымен» тығыз жұмыс жасауы қажет.Осыған дейін коммуналдық мекеме басшыларына қарыздарды толық өтеу ескертілген болатын. Дегенмен, бүгінде ЖЭО-ның «ҚазақГаз» алдындағы қарызы 38 млн. теңгеге жеткен, ал КРЭК-тің ЖЭО-ға берешегі 521 млн.теңге. «Энергосервис» КРЭК-ке 138 млн.теңге, «Қызылорда су жүйесі» ЖЭО-ға 137 млн.теңге, КРЭК-ке 87 млн.теңге, «Энергосервиске» 185 млн.теңге қарыз.Аталған мекеме басшыларына коммуналдық қарыздарды қысқа мерзімде толық өтеу міндеті қойылды.Фото:depositphotos.com

Коммуналдық қарыздар толық өтелуі тиіс

<a href="https://kyzylorda-news.kz/">Kyzylorda-news.kz</a> Танымал шоумен, актер Жахан Отарғалиевтің анасы ұлына кеңес беріп, тағдырына алаңдайтынын жеткізді. Бұл туралы <a href="https://stan.kz/bala-bar-kelinshekke-uylen-zhahan-otargalievtin-anasi-k-405988/">Stan.kz </a>ақпарат агенттігі хабарлайды.Өнер иесіне анасы баласы бар келіншекке үйленсе, ұрпақ сүю мүмкіндігі бар екенін айтты.<blockquote>“Сен мені мұқият тыңдап ал. Мен сөз бастасам, ашуланып шығасың. Қаншама&nbsp;жылдан бері қиналып жүргеніңді білемін. Ешкімге айтқың келмейтінін, жан-жақтағы туыстарға білдіргің келмейтінін де білемін. Мен бәрін де түсінемін. Сен баласы бар келіншекке үйленші. Баланың еш кінәсі жоқ. Саған ол өз балаңдай болып кетеді. Бала деген еш уақытта саған масыл болмайды. Бала – деген бақыт. Баланың артынан бала ілеседі. Осы туралы ойланып көр. Сен айтпағанмен мен бәрін де жүрегіммен сеземін. Себебі мен – анамын", – деді актердің анасы.</blockquote>Еске салайық, шоумен ұрпақсыз қалудан қатты қорқатынын жасырмаған еді.<blockquote>“Дәрігерлер “cен физикалық тұрғыда балалы бола алмайсың" деп айтты. Бұл нәрсені менің әйелімнің көзінше айтқаны маған екі есе ауыр тиді. Мен бұрында бұл нәрсені сезетінмін. 15 жыл балалы бола алмай жүрдім. Бірақ менің бетіме ешкім айтпаған. Кесіп бетіме айтқан соң, маған еш нәрсе қызық болмай қалды. Оған дейін үміт болды. Үміт әлі де бар. Бірақ естіген кезде маған ауыр тиді”, – деген еді актер.</blockquote>Айта кетейік, бұған дейін Жахан Отарғалиев алғаш рет ажырасу себебін айтқан еді.&nbsp;Фото:&nbsp;https://www.instagram.com/zhahan_utargaliyev/

"Баласы бар келіншекке үйлен": Жахан Отарғалиевтің анасы ұлына кеңес берді

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалы жанындағы Партиялық бақылау комиссиясы мен Cыбайлас жемқорлыққа қарсы іс-қимыл жөніндегі кеңес отырысы өтті.&nbsp; Комиссия отырысын Н.Бақытбекұлы ашып, жүргізіп отырды. Жиынға сыбайлас жемқорлыққа қарсы іс-қимыл жөніндегі кеңес төрағасының орынбасары және кеңес мүшелері мен партиялық бақылау комиссиясы мүшелері қатысты.&nbsp;Кездесуде облыстық жолаушылар көлігі және автомобиль жолдары басқармасы басшысының орынбасары Руслан Ибрагим, «Қызылорда қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі» КММ басшысы Мұрат Әбсұлтанов қатысып, баяндама жасады.<blockquote>&nbsp; &nbsp; – Қаламыздың жол-көлік инфрақұрылымын дамыту бағытында ауқымды жобалар жүзеге асырылуда. Ол үшін бюджеттің барлық көзінен 15 080,3 млн теңге бөлінді. Сонымен қатар, қала аумағындағы ұзындығы 53 шақырымды құрайтын 50 көшеге орташа жол жөндеу жұмыстарына 4 521,0 млн теңге бөлініп, қазіргі таңда 46 көшеде құрылыс-монтаж жұмыстары аяқталып, 4 көшеде жөндеу жұмыстары жүргізілуде. Бұдан бөлек, тамыз айында қаладағы 11 көшеге орташа жөндеу жұмыстарына қалалық бюджеттен 261,7 млн. теңге бөлініп, мемлекеттік сатып алу жұмыстары жүргізілуде. Атқарылып жатқан жол құрылыстарының сапасын бақылау мақсатында жыл басында ШЖҚ «Жол активтері сапасының ұлттық орталығы» РМК-мен 35,0 млн. теңгеге шарт жасалып, зертханалық тексеру жұмыстары жүргізіліп келеді, – деді Мұрат Әбсұлтанов.</blockquote>&nbsp;Сонымен қатар басқосуда «Ұлттық жол активтері сапасы орталығы» РМК облыстық филиалының басшысы Ерболат Көштаев, «Қазавтожол» ҰК АҚ облыстық филиалыдиректорының орынбасары Шанжархан Мырзабай, облыстық энергетика және тұрғын үй-коммуналдық шаруашылығы басқарамасының бөлім басшысы Нұржан Мамбетияров қатысып, пікір алмасты.Жол инфрақұрылымы – ел экономикасының дамуына ықпал ететін негізгі сала. Мемлекет басшысы өз Жолдауында еліміздегі автожол құрылысына, оның ішінде жергілікті жолдардың сапасына баса мән беру керектігін атап өткен болатын. Осыған орай, өңірімізде жол сапасын жақсарту бағытында ауқымды жұмыстар атқарылуда.Одан әрі Желтоқсан және Қорқыт Ата көшелерінде құбырлардың бір бөлігін ауыстыру жұмыстарына мониторинг жүргізілді.

«AMANAT» партиялық бақылау комиссиясының отырысы өтті

<a href="https://kyzylorda-news.kz/">Kyzylorda-news.kz</a> Мектеп орынбасарына қатысты шара қайта қаралуы мүмкін. Жамбыл облысы Тереңөзек ауылында өзін Томирис деп атайтын Гүлсара Көпбаеваны мектепке шақырып, іс-шара өткізген директор мен оның тәрбие ісі жөніндегі орынбасары жұмыстан қуылды, деп хабарлайды <a href="https://azattyq-ruhy.kz/incidents/77021-tomiris-patshaiymdy-mektepke-shakyrgan-direktor-men-onyn-orynbasary-zhumystan-kuyldy">Azattyq Rýhy.</a>Оқу-ағарту министрі Ғани Бейсембаев мектепте өтетін іс-шаралардың бәріне бірінші кезекте директор жауапты екенін айта келе, оның тәрбие жөніндегі орынбасарына қатысты қабылданған шараның қайта зерттелетінін айтты.<blockquote>«Бүгінде мектеп басшысы жазаланып отыр. Ал, енді өткен шаралардың тәрбие жұмыстарына байланысты болғанына орай тәрбие жөніндегі орынбасарына қабылданған шешімнің дұрыстығын анықтау үшін тапсырма бердім. Біз кез-келген мықты, тәжірибелі мамандарды бағалауымыз керек. Егер расында бұл жағдайға тікелей қатысы бар болса, заң алдында жауапкершілікті мойнына алуы керек. Бірақ біз мектеп директорының тәрбие жөніндегі орынбасарына қатысты мәселені зерделеп көреміз», - деді министр.</blockquote>Еске салайық, жуырда Жамбыл облысында мектепке барған «Томирис патшайымға» қатысты ақпаратқа ел назарын аударған едік. Алдымен бұл адамның етегін оқушылар көтеріп жүргенін, кейін, мектеп мұғалімдері емшіні шақыру үшін 4000 мың теңгеден ақша жинағанын жаздық. Мәселе министрге дейін жетіп, тексеру жүрген болатын.&nbsp;Фото: скриншот

«Томирис патшайымды» мектепке шақырған директор мен оның орынбасары жұмыстан шығарылды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде жатақхана мәселесі толық шешімін тапты. Бүгінде онда 1 460 орындық 7 жатақхана жұмыс істейді. Ал, жаңа оқу жылында қолданысқа берілген 300 орындық “Іңкәр” жатақханасына қазіргі таңда 180 студент орналасып үлгерген. Заманауи үлгіге сай салынған жатақханада қосымша демалыс орны, компьютермен жабдықталған бөлме мен кір жуатын орын да бар. Өңірлік коммуникациялар қызметі БАҚ өкілдерімен бірге Қорқыт ата атындағы Қызылорда универсетіне барып, ондағы жаңашылдықтармен танысты.<blockquote>– Қорқыт ата атындағы Қызылорда университеті бәсекеге қабілетті жоғары оқу орнының бірегейі. Оған дәлел, биыл біздің университет Біріккен ұлттар ұйымының Тұрақты даму мақсаттары бойынша алғаш рет Times Higher Education әлемдік жоғары оқу орындарының рейтингісінде орын тапты. Сонымен қатар, алғаш рет UI GreenMetric халықаралық рейтингіне енді. Университеттің 20 білім беру бағдарламасы республиканың үздік үштігіне кірді. Мұның барлығы біз үшін үлкен жетістік. Мемлекет тарапынан жасалып жатқан қолдаудың арқасында және өңірлерге бөлінген гранттар мен арнайы квоталардың бөлінуі біздің материалдық-техникалық базалардың жақсаруына да әсерін тигізді. Мәселен, осыдан 4-5 жыл уақыт бұрын біздің студенттердің контингенті 5 000 болған болса, биылғы оқу жылында 10 500-ге жетті. Ал, осы студенттердің 4 900-і мемлекеттік грант негізінде білім алады. Біздің ең басты мақсатымыз – студенттерге сапалы білім берумен қатар оларға мотивация беріп, білім алушылардың қызығушылығына сай қолайлы жағдай жасау, – деді Қорқыт ата атындағы Қызылорда университетінің Басқарма төрағасы-ректор Бейбіткүл Кәрімова.</blockquote>Фото: Қызылорда облысының Өңірлік коммуникациялар қызметі

Университетте жатақхана мәселесі толық шешімін тапты

<a href="https://kyzylorda-news.kz/">Kyzylorda-news.kz</a>&nbsp; Елімізде Халықаралық Мультииндикаторлық кластерлік зерттеуі басталды. Бұл зерттеу балалар мен әйелдердің ахуалын бағалау үшін пайдаланылатын негізгі көрсеткіштерді жинау мақсатында өткізіледі. Қазақстанның 20 өңірін қамтитын сауалнама 29 қарашаға дейін жүргізілмек. Бұл туралы Өңірлік коммуникациялар қызметінің ақпарат алаңында облыстық статистика департаменті басшысының орынбасары Гүлмира Иманбаева мәлімдеді.<blockquote>&nbsp;– ЮНИСЕФ әзірлеген Халықаралық Мультииндикаторлық кластерлік зерттеуі (MICS) 2 қыркүйекте басталды. Қазақстанда MICS зерттеуі төртінші рет жүргізіліп отыр. Бұған дейін 2006, 2010 және 2015 жылдары өткізілген еді. Бұл іс-шараның маңызы өте үлкен. Өйткені MICS-тен алынған мәліметтер бізге базалық көрсеткіштер мен мақсатын салыстырмалы анықтауға, ұлттық және халықаралық міндеттемелерді орындаудағы прогресті бақылауға мүмкіндік береді. Біздің зерттеу Қазақстандағы ЮНИСЕФ өкілдігімен бірлесе отырып, БҰҰ-ның халықты қоныстандыру қорының (ЮНФПА) және Азия даму банкінің қолдауымен жүргізіледі. Биылғы Қазақстандағы MICS әйелдер мен балалардың денсаулығы мен әл-ауқатының жай-күйін бағалауды мақсат етеді. Сондай-ақ олардың дамуының негізгі көрсеткіштері бойынша сенімді ақпарат алуды көздейді. Бұл олардың әл-ауқатын тиімді бақылауға және ұлттық саясаттың тиімділігін арттыруға мүмкіндік береді. Сауалнама денсаулық сақтау, тамақтану, білім беру, санитария, балаларды ерте жастан дамыту және басқа да көптеген аспектіні қамтитын сұрақтардан тұрады. Сауалнамаға қатысу-қатыспау азаматтардың өз еркінде. Айта кету керек, MICS 2024 аясында бес негізгі сауалнама парақтары болады. Әр сауалнама тұрмыс пен денсаулықтың түрлі аспектілерін қамтиды. Зерттеу еліміздегі 24 мың үй шаруашылығында жүргізілсе, біздің өңір бойынша 4 572 үйге сауалнама жасалатын болады,- деді Гүлмира Жеткергенқызы.&nbsp;</blockquote>Фото: Қызылорда облысының Өңірлік коммуникациялар қызметі

Архив