<a href="https://kyzylorda-news.kz/">Kyzylorda-news.kz</a> Бүгін қазақ күресінен өткен «Дала қырандары» республикалық турнирінде 55 кг салмақ дәрежесінде жеңіске жеткен мақтанышымыз Руслан Теміржанды сырбойылықтар салтанатты түрде қарсы алды.Қызылорда облысының дене шынықтыру, спорт және туризм басқармасының мәліметіне сүйенсек, ҚР спорт шебері Руслан Теміржан бұған дейін халықаралық және республикалық жарыстарда үздік атанып, аймақ абыройын асқақтатып жүрген спортшы.Атап айтқанда, жастар арасында Әлем чемпионы, ҚР чемпионаттарының бірнеше дүркін чемпионы, ҚР чемпионатының 2024 жылғы күміс жүлдегері.<img src="https://syrboyi.kz/wp-content/uploads/2025/01/syr.webp" alt="Спортшы Руслан Теміржанды жанкүйерлер құрметпен қарсы алды" srcset="https://syrboyi.kz/wp-content/uploads/2025/01/syr.webp 1280w, https://syrboyi.kz/wp-content/uploads/2025/01/syr-768x576.webp 768w" sizes="(max-width: 1280px) 100vw, 1280px" width="1280" loading="lazy">Фото: Сыр спорты

Спортшы Руслан Теміржанды жанкүйерлер құрметпен қарсы алды

<a href="https://kyzylorda-news.kz/">Kyzylorda-news.kz</a> Бүгін қалалық құрылыс бөлімінің басшысы Жеңіс Файзуллаев бұқаралық ақпарат құралдарының өкілдеріне өткен жылы салада атқарылған жұмыстар мен алдағы жоспарлар бойынша баспасөз- конференциясын өткізді.<blockquote>-​ Өткен жылы тұрғын үй құрылысына 10 млрд. 122,1 млн. теңге, инженерлік инфрақұрылымды дамытуға 7 млрд. 939,6 млн.теңге, ауыз су жүйесін дамытуға 1 млрд. 594,8 млн. теңге, газ желісін жүргізуге 621,5 млн. теңге, электр жүйесі құрылысын бастауға 394,8 млн. теңге, кезекте тұрған тұрғындарға пәтер сатып алуға 15 млрд. 659,9 млн. теңге, жылу жүйесін дамыту мақсатында 300 млн. теңге қаржы бөлініп, тиісті жұмыстар атқарылды, - деді Жеңісбек Исламұлы.</blockquote>​ «Тұрғын үй құрылысы» бағдарламасы аясында Сырдария өзенінің сол жағалауында 504 пәтерді құрайтын 7 қабатты 6 тұрғын үй пайдалануға берілді. Бүгінде 400 пәтерді құрайтын көпқабатты 10 тұрғын үйдің құрылысы жүруде. 7 қабатты 84 пәтерлі 10 тұрғын үйдің және көпқабатты 50 пәтерлі 10 тұрғын үйдің жоба-сметалық құжаттары әзірленуде. Жақын күндері құрылыс жұмыстары бастау алады.​Бұдан бөлек, «Инженерлік инфрақұрылымды дамыту» бағдарламасы аясында Мәуелі, Сарысу, Майлықұм көшелерінде ауыз су желісі жүргізіліп, Жас Алаш, Теректі, Сарысу көшелері мен Белкөл кентіндегі Жерұйық, Сарыарқа, Бірлік көшелеріне электр желісі тартылды. Қызылжарма ауылдық округінің 1,2,3 ауданында (35 көшеге) 38,25 км тас төселді. Қазір "Бәйтерек" ықшам ауданындағы тұрғын үйлерді газбен және сумен жабдықтау жобасы жүзеге асырылуда. «Жылу жүйесін дамыту» бағдарламасы бойынша Қызылорда қаласындағы Сырдария өзенінің сол жағалауы бөлігін жылумен жабдықтау жобасының құрылысы жүргізілуде.​«Ауыл-Ел бесігі» жобасы шеңберінде Ақсуат, Қосшыңырау ауылдық округіне қатысты Досан елді мекені, Қызылжарма, Қызылөзек ауылдық округіне қарасты Қараөзек ауылы, Қараөзек бекеті, Айнакөл ауылдарына электр желісі тартылуда.​Қызылорда қаласында орамішілік газ құбырлары желісін салу (ақ дақтар) жобасы аясында «Гагарин», «Титов», «СПМК-70», «Арай», «КБИ», «Сәулет», «Саяхат», «Бәйтерек», «Орталық», және «Шұғыла» шағын аудандарындағы газ құбырлары жүргізілмеген көшелерге газ тарту жұмыстары жүргізілуде. Сондай-ақ, Сабалақ саяжайын газдандыру жобасы аясында 4 дана газды басқару блогы қойылып, 12 шақырым газ желісі тартылды. Қалаға қарасты елді мекендерден Қызылөзек ауылдық округіне газ жүйесін тарту үшін жоба-сметалық құжаттамаларын әзірлеу жұмыстары жүргізілуде.<img src="https://knadmin.beoblood.kz/uploads/At_aryl_an_zh_mystar_men_alda_y_mindetter_saralandy_d873451251.jpg" alt="Атқарылған жұмыстар мен алдағы міндеттер сараланды.jpg">Фото: Нұрболат Нұржаубай

Атқарылған жұмыстар мен алдағы міндеттер сараланды

<a href="https://kyzylorda-news.kz/">Kyzylorda-news.kz</a> Астана қаласының тұрғыны М.Талғатова мен Қызылордалық Т.Бурикулова есімді азаматшалар 2023 жылдың маусым айынан, 2024 жылдың тамыз айы аралығында адамдар тобының алдын ала сөз байласуымен заңсыз ойын бизнесін ұйымдастырған.&nbsp;Ойын бизнесін «Instagram» әлеуметтік желісіндегі «@make_madikow» парақшасы арқылы лицензиясыз жүзеге асырылып, нәтижесінде 27 473 328 теңге аса iрi мөлшерде табыс тауып келген.&nbsp; Сот үкімімен М.Талғатова мен Т.Бурикулова Қазақстан Республикасы Қылмыстық Кодексінің 307-бабының 3-бөлігінің 2) тармағының талабына сәйкес кінәлі деп танылып, 3 жыл 6 ай мерзімге шартты түрде сотталды.Фото: Нұрболат Нұржаубай

Қызылордада заңсыз ойын бизнесін ұйымдастырғандар сотталды

<a href="https://kyzylorda-news.kz/">Kyzylorda-news.kz</a> Сауда және интеграция министрі Арман Шаққалиев Wildberries, Ozon, Temu және Pinduoduo сияқты маркетплейстердегі&nbsp;баға Қазақстанда жаңа ережелер қабылданғаннан кейін өсе ме деген сұраққа жауап берді.&nbsp;Бұл туралы&nbsp;<a href="https://stan.kz/zhana-erezhege-baylanisti-wildberries-ozon-temu-zhane-p-412388/">Stan.kz&nbsp;</a>ақпарат агенттігі хабарлайды.Шетелдік онлайн маркетплейстерге тіркелу міндеттелгеннен кейін баға қалай өзгеретіні айтылды.<blockquote>"Бағаның өсуі мен түсуіне келетін болсақ, бүгінде Қазақстанның әр түкпірінде орналасқан Wildberries пен Ozon бәсекелес болып отыр. Сарапшылардың болжамы бойынша 15% өзгеруі мүмкін. Бүгінгі күні жұмыс істеп тұрған онлай дүкедерде баға көтерілмейді. Баға, әрине, әдеттегідей өзгеруі мүмкін, ол сұраныс пен ұсынысқа байланысты. Бүгінде Қазақстанда тіркелмеген маркетплейстер бар. Мысалы Temu және Pinduoduo тіркелмеген, олардың әлі ресми өкілі жоқ. Сіздің сұрағыңызға жауап берсем, баға өспейді, оларда тауар, желі бар, баға саясаты бар, ол бұрын қалыптасып қойған", – деді Шаққалиев үкімет отырысында.</blockquote>Бұған дейін Қазақстанда шетелдік маркетплейстен алынған тауарлар декларацияланатыны туралы жазған едік. Шаққалиев енді шетелдік маркетплейстер тіркелуге міндетті болатынын айтты.Фото: Pixabay.com

Жаңа ережеге байланысты Wildberries, Ozon, Temu және Pinduoduo тауарлары қымбаттай ма – Министр жауап берді

<a href="https://kyzylorda-news.kz/">Kyzylorda-news.kz</a> Қызметтік борышын орындау кезінде қаза тапқан Алматы облысы полиция департаменті патрульдік полиция батальонының инспекторы Шалхар Байжомартов «Айбын» ІІІ дәрежелі орденімен марапатталды, деп хабарлайды <a href="https://polisia.kz/qyzmet-babynda-qaza-tapqan-politsej-iii-darezheli-ajbyn-ordenimen-marapattaldy/">Polisia.kz</a>&nbsp;Мемлекеттік награданы марқұмның әкесіне ҚР Ішкі істер министрінің орынбасары Айдар Сайтбеков Алматы облысы полиция департаментіне жұмыс сапары барысында табыстады. Ол отбасына көңіл айтып, аға лейтенант Байжомартовтың ерлігі мен қызметіне адалдығын атап өтті.<blockquote>– Ішкі істер органдарының қызметкерлері қылмысқа қарсы күресте және тәртіпті қамтамасыз етуде әрдайым алдыңғы қатарда. Шалхар Байжомартов өз өмірін құрбан ете отырып, Отанына адал қызмет еткенін дәлелдеді, – деді Айдар Сайтбеков.</blockquote>Қайғылы оқиға өткен жылдың 20 желтоқсанында болды. Жол-көлік оқиғасын тіркеу кезінде көліктердің бірі тізгінге ие бола алмай, полицейді қызметтік көлікке қысып, оның өліміне себеп болды.<blockquote>– Полиция аға лейтенанты Шалхар Байжомартов мәңгілікке өз қызметіне адал, ерлікке толы офицер ретінде есте қалады. Оның ерлігі – азаматтардың қауіпсіздігі үшін күнделікті тәуекелге бел буатын полиция қызметкерлерінің еңбегінің маңыздылығын еске салатын үлгі, – деп түйіндеді А. Сайтбеков.</blockquote>Фото: Polisia.kz

Қызмет бабында қаза тапқан полицей III дәрежелі «Айбын» орденімен марапатталды

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен актив отырысы өтіп, орын алған бірқатар кадрлық тағайындауларға тоқталды.Алдымен Арал ауданының төтенше жағдайлар бөлімінің бастығы қызметін абыройлы атқарып келген Дархан Шакен Нұрбекұлын құрметті зейнет демалысына шығарып салу рәсімінде еңбек жолына кеңінен тоқталып, ауданның ең жоғарғы наградасы «Құрмет грамотасын» табыстады.Бұл қызметті одан әрі осы салада ұзақ жылдар еңбек етіп, абырой бигінен көрініп жүрген Айдос Мұратұлы Сыдықов атқаратын болады.Аудан әкімі жас әрі білікті кадр Айдос Мұратұлының кандидатурасы қолдау тапқанын айтып, саланың өзіндік жауапкершілігі зор екенін алға тартты.<blockquote>– Айдос Мұратұлы, саланың жауапкершілігін өзіңіз жақсы білесіз. Төтенше жағдай мезгіл таңдамайды. Кез келген сәтте, қай уақытта болсын адам өміріне қауіп төнген жағдайда Сіз басқаратын ұжым қызметкерлері ең алғаш болып оқиға орнынан табылауға міндетті. Ел ортақ болған соң оның жауапкершілігі де ортақ. Төтенше жағдайлардың алдын-алу, адам өмірін құтқару - жауапты миссиясы өзіңізге тікелей жүктеледі. Сондықтан, әлеуметтік нысандардың, жеке секторлардың өрт қауіпсіздігін алдын-алу және тиісті шараларды дер кезінде ұйымдастыруды тапсырамын, – деді аудан әкімі А.Оңғарбаев.</blockquote>Бұған дейін Арал аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы қызметін абыройлы атқарып келген Шерхан Жұбаханұлы Есжанов облыс әкімдігінің келісімі және аудан әкімінің өкімі негізінде аудан әкімінің орынбасары лауазымына тағайындалды.Аудан әкімі мемлекеттік қызметтің түрлі сатысынан өтіп, мол тәжірибе жинақтаған Ш.Жұбаханұлының жаңа қызметіне сәттілік тілеп, міндеттер бөлінісіне сәйкес жетекшілік ететін салар бойынша бірқатар тапсырма жүктеді.Сонымен қатар аудан әкімі Аманжол Сақыпұлы аудан әкімінің орынбасарлары мен аудан әкімі аппараты басшысының міндеттер бөлінісін қайта нақтылап, артылар жауапкершіліктің жоғары екенін атап өтті.Жиын барасында әр жылдары ауданымыздың қоғамдық өміріне белсене араласып, әлеуметтің әлеуетін арттыруда көптеген келелі істердің басы-қасынан табылып, бір мүдде жолында аянбай еңбек етіп келе жатқан бірқатар азаматтар мен еңбек ұжымдарына аудан әкімінің Алғыс хаты табысталды.Фото: Арал ауданының әкімдігі

Арал ауданында актив отырысы өтті

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде электрондық сауданы дамыту, Харбин қаласындағы IХ қысқы Азия ойындарына дайындық, Үкімет қаулыларының жобалары қаралды. Жиынға облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін аймақ басшысының төрағалығымен аталған мәселелер бойынша міндеттер айқындалған мәжіліс өтті. Қызылорда қаласы, аудан әкімдері мен жауапты сала басшыларына тапсырмалар жүктелді.<blockquote>«Жергілікті кәсіпкерлерді электронды сауда негіздеріне оқыту жұмыстарын ұйымдастырыңыздар. Электронды саудадағы экспорт көлемін арттыру мақсатында бұл саладағы кәсіпорындардың интернет маркетплейстарға тіркелуіне көмек беріп, тиісті жұмыстарды жүргізіңіздер. Тұтынушылардың құқықтарын қорғау бағытында электронды саудадағы тауар сапасына аса мән беріп, дер кезінде қажетті шараларды қабылдаңыздар. 2025 жылғы 7 ақпан – 14 наурыз аралығында Қытайдың Харбин қаласында тоғызыншы Қысқы Азия ойындары өтеді. Жарысқа мемлекетімізден 139 спортшы қатысып, ел намысын қорғайтын болады. Дене шынықтыру және спорт басқармасы, қысқы спорт түрлерін дамыту бойынша нақты шаралар қабылдап, осы бағытта қызмет көрсетететін спорт мектептерінің санын арттыру қажет. Жұмыстарды күшейтіп «Мұз айдыны» спорт кешенінің, өңірдегі спорт мектептерінің әлеуеттерін барынша пайдалануымыз керек»,- деді аймақ басшысы.</blockquote>Айта кетейік, өңірде тауарлар мен қызметтерді өткізу үшін интернет-ресурсты пайдаланатын 10 кәсіпорын тіркелген.Аталған кәсіпорындармен 2023 жылы 18 мыңнан аса тапсырыс жасалып, сауда айналымы 281 млн. теңгені құрады. Тапсырыстарды сақтау мен жеткізу бағытында аймақта «Қазпошта» желісінің 11 супермаркеті және өзгеде интернет дүкендердің тарату пунктері жұмыс жасайды. Қазіргі таңда тауар өндірушілер электронды портал арқылы өз өнімдерін сатуда.Облыста барлығы 14 822 спорттық секцияда 342 223 адам, оның ішінде қысқы спорт түрлері бойынша 14 секцияда 153 спортшы спортпен шұғылданады. Спорт түрлеріне облыстық бюджеттен барлығы 1 млрд 869 млн. теңге бөлінсе, соның ішінде қысқы спорт түрлеріне 51 млн. 476 мың теңге қаржы бөлінген. Аймақтың климаттық ерекшелігіне байланысты «Мұз айдыны» спорт кешенінде қысқы спорттың 3 түрі бойынша үйірмелер жұмыс жасайды.Бүгінгі таңда республикалық чемпионаттарда орын алып жүрген 4 спортшымыз бар. Оның екеуі шорт-тректен кіші жасөспірімдер арасында болса, екеуі мәнерлеп сырғанаудан. Өңірде барлығы 22 балалар мен жасөспірімдер спорт мектептері жұмыс жасаса, оның ішінде 1 спорт мектебінде қысқы спорт түрлерінен қызмет көрсетіледі.Фото: Қызылорда облысы әкімінің баспасөз қызметі

Үкімет отырысындағы көтерілген мәселелер бойынша міндеттер айқындалды

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Тоқаев: «Жас әрі терең білімді азаматтар – ұлтымыздың басты капиталы және қоғамдағы оң өзгерістердің қозғаушы күші» деп үнемі жастарды қолдау мәселесін басты назарда ұстайды. Бұл жас ұрпақтың жан-жақты дамуына және алдына қойған мақсаттарына қол жеткізуге мүмкіндіктер ашады.Қорқыт ата атындағы Қызылорда университетінде студенттерге арналған «әлеуметтік сатылар», «әлеуметтік жобалар», мемлекет есебінен оқу мүмкіндігі, оқу ақысы, қоғамдық көлікте жүру, студенттік жатақханаға орналасу жеңілдігі мен тамақтануға өтемақы, жұмыспен қамту, &nbsp;кәсіпкерлікпен айналысу, шығармашылықпен, спортпен шұғылдануға мүмкіндіктер және басқа да әлеуметтік қолдаулар қарастырылған.Президентіміздің тапсырмасы бойынша жыл сайын жаңадан студенттік жатақханалар салу мәселесі біздің аймағымызда да оң шешімін табуда. Университеттің студенттік жатақханаларымен қатар, мемлекет қолдауымен салынған жеке кәсіпкерлермен де келісім-шарттар жасалған. &nbsp;Университетте барлық өтініштер қанағаттандырылып, 1218 білім алушы орынмен қамтамасыз етілді. Түрлі әлеуметтік санаттар бойынша студенттерге жатақханада тегін және жеңілдікпен тұруға мүмкіндіктер жасалған.Мемлекет басшысы Қасым-Жомарт Тоқаевтың тапсырмасына сәйкес жыл сайын жастардың тегін жоғары білім алуына қолдау артып келеді. Бұл білімді әрі бәсекеге қабілетті ұрпақ қалыптастыруға бағытталған нақты қадам. Университетте&nbsp;2024-2025 оқу жылында 10231 білім алушы бар. Оның ішінде 4905 жас мемлекеттік тапсырыс негізінде оқиды.Сонымен қатар, студенттерді әлеуметтік қолдау мақсатында оқу ақысына жеңілдік жасау мәселесі де жүйелі қолға алынған. Қазіргі таңда әр түрлі санаттағы 1552 білім алушыға облыстық әкімдік, университет, демеуші ірі компаниялар, қоғамдық қорлар мен қаржы институттары тарапынан білім гранттары мен оқу ақысын төлеуге қолдау көрсетілген.Ел Президентінің 2025 жылдың 1 қыркүйегінен бастап білім алушылардың шәкіртақы көлемінің 2 есеге өсіру жөніндегі тапсырмасы жастар үшін қуанышты жаңалық болды. Біздің өңірде білім алудың ең басты ерекшелігі – еліміз бойынша берілетін ең жоғары шәкіртақы мөлшері. &nbsp;Шәкіртақының өсуі студенттерді әлеуметтік қолдаумен қатар, білім алуға деген ынтасын арттырады.Жыл сайын облыстық әкімдіктің қолдауымен әлеуметтік аз қамтамасыз етілген және көпбалалы отбасынан шыққан білім алушыларға қоғамдық көлікте жүру үшін қаржылай көмек көрсетіліп келеді. 2024-2025 оқу жылы бойынша 216білім алушы осы мүмкіндікке ие болды.Биылғы оқу жылында ата-аналарының қамқорлығынсыз жетім қалған 57 білім алушыға тамақтану үшін өтемақы және біржолғы ақшалай жәрдемақы берілді.Президентіміздің еліміз бойынша жасанды интеллект бағытындағы нақты тапсырмаларына сәйкес университеттің бас оқу ғимаратының жанында Жасанды интеллект базасында жұмыс атқаратын BIC орталығының стартап коворкингі салынып, жақында қолданысқа берілді. Бұл өз кезегінде креативті жобалардың пайда болуына жол ашады.Университетте&nbsp;спорттың 11 түрінен секциялар қызмет жасайды. Атап айтқанда шахмат, тоғызқұмалақ, қазақ күресі, волейбол, баскетбол, футбол, үстел теннисі, бокс,&nbsp;пауэрлифтинг, жүзу, фитнес бойынша бағыттар бар.&nbsp;Университеттің 95 студенті Әлем, Азия және түрлі халықаралық чемпионаттардың жеңімпаздары мен жүлдегерлері.Кез-келген студенттің оқу-тәрбие үдерісінде өзін-өзі дамытуына барлық жағдайлар жасалған. Ол үшін 5 оқу залы, 4 электрондық оқу залы және OPEN SPACE жаңа үлгідегі кітапхана, 1 958 057 миллион кітап қоры, жаңа үлгідегі компьютерлік парк, 64 мамандандырылған оқу зертханалары, әрбір білім беру бағдарламаларының жанындағы пәндік үйірмелер, «Археология және этнография» ғылыми-зерттеу орталығының көрме залы, университеттің тарихи мұражайы, Студенттер сарайы, дыбыс жазу студиясы, «Сейхун» спорттық-сауықтыру кешені, 7 спорт залы мен 5 жазғы спорт алаңы, 7 студенттік асхана, бас оқу ғимараты жанындағы асханасы бар коворкингорталығы, медициналық пункт қызмет етеді. Барлық оқу ғимараттарында WІ-FI желісі қосылып, білім алушылардың үзіліс уақытында демалып отыруларына арнайы орындар, көңіл-күйлерін көтеруге оң әсер ету үшін музыкалық аппаратуралар ұйымдастырылған.Жандос Базартай,Қорқыт ата атындағы Қызылорда университетінің проректорыФото: Қорқыт ата атындағы Қызылорда &nbsp;университеті

Студенттерді әлеуметтік қолдау – оқу орнының басты ұстанымы

<a href="https://kyzylorda-news.kz/">Kyzylorda-news.kz</a> Қызылорда қаласындағы NIS-тің география пәні мұғалімі Арай Нұрбаева республикалық «Педагогикалық идеялар фестивалі» республикалық байқауында ІІІ орын иеленді. Ол танымал Minecraft платформасы арқылы географияны қызықты және интерактивті түрде оқытудың нновациялық жобасын таныстырды.Арай Талғатқызының ұсынған оқыту әдістемесі оқушыларды географиялық объектілер мен үдерістерді виртуалды ортада модельдеуге мүмкіндік береді. GeoFuture-Minecraft – мұғалімдерді оқытудың дәстүрлі емес тәсілдерін қолдануға және заманауи технологияларды оқу үдерісіне енгізуге шабыттандыратыны сөзсіз.<blockquote>«Педагогикалық идеямның мақсаты – география сабағын заманауи және қызықты өткізу. Бұл формат білім алушыларды әлемдік тұрақты даму мақсаттарын зерттеуге көмектеседі. Сонымен қатар, цифрлық сауаттылықты арттырады. Оқушылар сабақта алған теориялық білімдерін Minecraft-та нақты жобалар жасау арқылы тәжірибеде қолданады. Экологиялық тұрақты қалаларды жоспарлау, баламалы энергия көздерін алу және климаттың өзгеруін зерттейді», – дейді Арай Талғатқызы.</blockquote>Фото: Назарбаев зияткерлік мектебі

Сырбойылық мұғалім география пәнін Minecraft ойыны арқылы оқытып жүр

<a href="https://kyzylorda-news.kz/">Kyzylorda-news.kz</a> &nbsp;«2025 жылы 1 қаңтардан бастап Қазақстан Республикасы бойынша кедейлік шегі мемлекеттік атаулы әлеуметтік көмек алуға өтініш берген тоқсанның алдындағы тоқсанға есептелген орташа табыстың 35%-ы мөлшерінде, бірақ есептелген күнкөріс деңгейінің 70%-нан төмен емес &nbsp;мөлшерінде айқындалады.&nbsp;Қызылорда облысы бойынша 2025 жылдың бірінші тоқсанындағы кедейшілік шегі 32 458 теңгені құрайды.Фото: Нұрболат Нұржаубай

Қызылорда облысы бойынша кедейлік шегінің мөлшері анықталды

<a href="https://kyzylorda-news.kz/">Kyzylorda-news.kz</a> Қызылорда облысының прокуратурасы қылмыстық құқық бұзушылық профилактикасына ерекше назар аударады. Мәселен, өңірдегі профилактикалық шараларды күшейту мақсатында жуырда ғана 539 дана бейнебақылау камерасы мен 49 дана жылдамдық өлшегіш құрылғы алынып, аудандарда тұрғындар көп шоғырланатын жерлерге орнатылған. Бүгінде камералардың көмегімен 295 әкімшілік, 1 қылмыстық іс ашылған. Бұл туралы Өңірлік коммуникациялар қызметінің ақпарат алаңында Қызылорда облысының прокуроры Ризабек Ожаров айтты.<blockquote>– Жергілікті құқық қорғау және атқарушы органдардың жұмысын тиісті дәрежеде үйлестірудің нәтижесінде аймақта қоғамдық-саяси ахуал тұрақты. Біздің бастамамызбен өңірде "Смарт білезік", "ІТ тергеу" және "Қылмыссыз ауыл – кемел келешек кепілі" атты 3 жоба жүзеге асырылуда. Бүгінде бұл жобалар оң нәтижесі беруде. Нақтыласақ, "Смарт білезік" жобасы аясында "үй қамақ" бұлтартпау шарасы қолданылған 137 күдіктіге смарт білезік тағылып, тергеп-тексеру жүргізілді. Одан бөлек, "ІТ тергеу" жобасы аясында интернет алаяқтық қылмыстарды дер кезінде ашу мен сапалы тергеп-тексеруді жүзеге асыру үшін "Киберпол" тобы құрылып, құрамына тәжірибелі прокурорлар мен полиция қызметкерлері енгізілді. Қазіргі күні жасанды интеллект мүмкіндіктерін қолданып, 749 қылмыстық іс бойынша 1 074 ұялы телефон нөмірі тексерілді. Нәтижесінде 151 қылмыс ашылып, 62 қылмыскер құрықталды. "Қылмыссыз ауыл – кемел келешек кепілі" пилоттық жобасы бойынша қала, аудандарда алкоголь өнімін сататын 104 кәсіпкермен алкоголь сатуды шектеу туралы меморандум жасалды. Прокуратураның сүйемелдеуімен 116 тұлға алкогольден және нашақорлықтан емдеуге жіберіліп, оның 89-ы мәжбүрлеп емдеуге жатқызылды. Біздің тарапымыздан ардагерлер және әйелдер кеңесімен өзара ынтымақтастық туралы меморандумға қол қойылды. Отбасында жүйелі түрде жанжал шығаратын құқық бұзушылардың тізімі жасақталып, ардагерлерді қатыстыра отырып, олардың әрқайсысымен жеке-жеке профилактикалық жұмыстар жасалып, құқықтық, психологиялық, әлеуметтік және медициналық көмектер көрсетілуде. Бүгінде бұл жұмыстардан оң серпін байқалып, отбасында жанжал шығаратын тұлғалардың қайта құқық бұзушылық жасау дерегі біршама төмендеген,- деді Ризабек Кәрімұлы.</blockquote>Фото: Қызылорда облысының Өңірлік коммуникациялар қызметі

Жасанды интеллект көмегімен қылмыстар ашылуда

<a href="https://kyzylorda-news.kz/">Kyzylorda-news.kz</a>&nbsp; Qazaq Air әуе компаниясының Қызылордадан Астанаға бет алған ұшағында бір жолаушы кенеттен есінен танып, жүрегі мен тыныс алуы тоқтап қалған. Бұл туралы <a href="https://inbusiness.kz/kz/last/kyzylordadan-astanaga-ushkan-ushak-ishinde-tangazhajyp-okiga-oryn-aldy?fbclid=IwZXh0bgNhZW0CMTEAAR3Yx_yMsoIYq8AfAmaoL5GtKbreEn-BHmk5-Nb6mRqRl0yjFeCBxS5TwCQ_aem_hD6IS9b9JKMbx28PfvHpJA">inbusiness.kz</a> хабарлады.&nbsp;Сол сәтте жолаушы жас жігіт дереу көмекке келіп, шұғыл әрекет еткен. Науқастың жағдайын біліп, қан қысымын тексерген. Сосын жүрегіне жасанды массаж жасап, ұшақ қонғанша оны аман алып қалған.Белгілі болғандай, жолаушыларың арасынан суырылып шығып, алғашқы көмек көрсеткен жас жігіт студент екен. Ол – Дінмұхамед Бектұрған. Қызылорда қаласындағы қарапайым мектептің түлегі. ҰБТ-дан 117 балл алса да, жалпы медицинаға грантқа жетпей қалған.Дінмұхамед сонда да өз арманынан бас тартпапты. Астана медицина университетінің ақылы бөліміне оқуға түскен. Ал бір семестрден кейін өз білімін көрсетіп, грант бөліміне ауысқан. Қазір 7 курста оқиды. Үш тілде еркін сөйлейді.

Архив