<a href="https://kyzylorda-news.kz/">Kyzylorda-news.kz</a>&nbsp; Жуырда Қазалыда ән әлемінің ақ баяны атанған Қазақстанның еңбек сіңірген әртісі, жезтаңдай әнші Мәдина Ералиеваның 70 жылдығына орай «Ақ баян» атты республикалық әншілер байқауының облыстық іріктеу кезеңі өтті.Роза Бағланова атындағы аудандық мәдениет орталығында өткен байқауға 18-35 жас аралығындағы Қазалы ауданымен қатар Жаңақорған, Шиелі, Сырдария, Жалағаш, Қармақшы, Арал аудандарынан және Қызылорда қаласынан барлығы 10 әнші қатысты. Байқауға қатысушылар екі кезең бойынша бақ сынап, бірінші кезеңде Мәдина Ералиеваның репертуарынан бір ән және екінші кезеңде еркін тақырыптағы бір әннен орындады.Байқау қорытындысы бойынша үшінші орынды Сырдария ауданынан келген Аяулым Бекболатова мен Шиелі ауданының жезтаңдайы Бекарыс Бауыржан иеленді. Ал жүлделі екінші орынды Жалағаш ауданынан келген Алтынай Көлбаева, бірінші орынды Жаңақорған ауданынан АйсаулеҚияс иеленді. Ал байқаудың бас жүлдесіне қазалылық жезтаңдай әнші Рақымжан Мақсатбаев ие болып, Мәдина Ералиеваның 70 жылдығына арналған республикалық әншілер байқауына жолдама алды. Байқауға қатысқан өнерпаздардың барлығына Алғыс хаттар мен қаржылай сыйлықтар табысталды.Айта кетейік, байқау басталмас бұрын қонақтар мәдениет орталығында ұйымдастырылған Қазақстанның еңбек сіңірген әртісі Мәдина Ералиеваға арналып жасалған көрмені тамашалады. &nbsp;

Қазалыда  «Ақ баян» республикалық әншілер байқауы өтті

<a href="https://kyzylorda-news.kz/">Kyzylorda-news.kz</a>&nbsp; Кез келген табалдырығынан еркін, тіпті еркелей еніп, енапат білімнің қайнарына бас қоятын кітапхананың ұшан-теңіз қызметі жай көзге елене бермеуі мүмкін.&nbsp;Өйткені кітап-түбі жоқ мұхит. Тілсіз қазына. Ізденгенге керегін тегін ұсынып, қызметіне ақы сұрамайтын даналықтың дариясы.Қазалы аудандық орталық кітапхананың қызметкерлері енді оқырмандарға түнгі 24 - 00-ге дейін кітап алып оқуға қызмет ететін болады.Бұл бастаманың негізгі мақсаты – кітап оқуды насихаттаудың заманауи әдісі әрі еліміздегі кітапханалар ахуалы мен көркем әдебиеттерге деген оқырманның қызығушылығын арттыру болып отыр. Сонымен қатар, қоғам назарын кітапқа аударуды діттеген болатын. Бұл әрине, Қазалы ауданында алғашқы рет қолға алынуда.Түнгі ауысымдағы кітапхананың тұңғыш жұмысына Қазалы ауданы әкімінің орынбасары Дәурен Тлеумбетов пен бірқатар бөлім басшылары арнайы барып, жаңа, әрі тың бастамаға сәттілік тіледі.Сондай-ақ, «Бүгінгі заманда кітапсыз, сондай-ақ, кітапханасыз адамның ойдағыдай дамуы мүмкін емес. Бүкіл әлемдегі кітапханалар – білім мен мәдениеттің ошағы, жаңа ойлар мен тың пікірлердің мекені» деп Мемлекет басшысының сөзін тілге тиек еткен Дәурен Оңғарбайұлы, бұл бастама оқырмандар үшін, әсіресе, кітапсүйер жастар үшін жаңа серпін беретінін атап өтті.

Қазалы: Кітапхана 24 сағат жұмыс істейді

Нарық бағасы тұрақты ма?

<a href="https://kyzylorda-news.kz/">Kyzylorda-news.kz</a>&nbsp; Өнегелі отбасы – қоғамның тірегі. Ұрпаққа берген тәлімді тәрбиесімен, туған-туыс, көрші-қолаң арасындағы сыйластығымен, салт-дәстүр мен ұлттық құндылықтарға деген құрмет сезімімен көпке үлгі боларлық отбасылар ел арасында көп-ақ. Осындай берекелі шаңырақтың бірі – Қармақшы ауданындағы Қуаңдария ауылындағы Құндақбаевтар әулеті.Өнегелі шаңырақтың отағасы Ғани Әптайұлы осы өңірдің тумасы. Мектепті бітірген соң, Жетісай қаласындағы университетке оқуға түседі. Осында өмірлік жары Замирамен танысады. Ал отанасы Замира Сарыағаш ауданы, Қапланбек елді мекенінің тумасы. Қызығы мен шыжығы мол студенттік кезеңде қол ұстаса жүріп, оқуды бірге аяқтап, 1988 жылдың күзінде отбасылық өмірге аяқ басады. Отағасы Ғани сол уақыттан бері ауылдағы №186 мектепте алғашқы әскери және технологиялық дайындық пәнінің оқытушы-ұйымдастырушысы болып қыз­мет ете отырып, балаларға бі­лім беріп келеді. Ұстаздығымен қатар, үлгілі әке, ардақты ата атанып отырған Ғани ағай отбасының қай кезде де алғашқы орында тұратынын алға тартады.<blockquote>– Ата-анамыз «ел үшін, халық үшін еңбек етіңдер. Көмек сұраған жанға шама-шарқыларың келгенше көмек қолын созыңдар. Қандай іс болса да шын көңілмен кірісіп, үйренуден жалықпаңдар. Ең бастысы – адамшылықтан айнымаңдар» деп өсірді. Біз де перзент тәрбиелеуде осыны негізге алдық. Отбасының орнықты, ұл-қыздың тәртіпті болуы берілген тәрбиеден. Әрбір әке ортасына сыйлы, ісімен үлгі болса, әрбір ананың баласына айтар ақылы болса бұл шаңырақтың іргесі берік болмақ, – дейді ардақты әке.</blockquote>Ал отанасы Замира 2002 жылдан бері&nbsp;Қуадария&nbsp;ауылдық клуб үйінің директоры. Ауыл өрендерін түрлі өнерге баулып, олардың биік шыңнан көрінуіне үлес қосуда. Үлкен шаңыраққа келін болған ол, тұрмыстық өмірінен сыр шертті.– Алғашында атам, енем, қайны ағам, барлығымыз бірге тұрдық. Енем ау­ылдың бипатымасы еді, ешкімге қатты сөйлемейтін. Мінезі жайдары, қолы шебер болды. Қазақы үйдің бауларын дайындап, киім тігіп, көрпеше көктесе де көздің жа­уын аларлықтай әдемі болып шығатын. Сонымен қатар ат тергегіш кісі еді. Күйеуін «Үлкен ұл» десе, қайнысын «Кіші ұл», ал қайын жұртының өзгелерін адам ойына келмейтін ерекше есімдер қойып, солай атап жүретін. Бізді де жайдары мінезді, кең пейілді болуға тәрбиеледі. Әйел бақытының кілті – отбасында. Отбасында береке-бір­лік болса, барлығымыз өсіп келе жатқан ұрпағымызды қадағалап, олардың тәлім-тәрбие алуына жағдай жасап келешекте елін, тілін сүйетін етіп тәрбиелесек ата-ана үшін одан артық қандай бақыт бар дейсің, – дейді отанасы.Берекелі тірлігімен өзгеге үлгі болып отырған Құндақбаевтар 2 ұл, 2 қыз тәрбиелеп өсірген. Барлығы да жоғары білімді. Отбасының тұңғышы Ербол Шым­кент қаласында жоғары оқу орнын бі­тірген. Әке жолын жалғаған ол бүгінде аудан орталығындағы №183 орта мектепте мұғалім. Ал жары Арай №27 орта мектепте биология пәнінен сабақ береді. Ата-анадан өнегелі отбасының үлгісін алған олар да бүгінде 4 ұл тәрбиелеуде. Бұл әулеттің екінші перзенті Алтынай Ор­ал қаласындағы Жәңгір хан ат­ын­да­ғы университеттің қызыл дип­лом ие­гері, аумақтық инспекцияда бас маман бо­лып еңбек етеді. Жолдасы Мұрат ау­дандық ветинспекцияның маманы. Бұл ша­ңырақ жақында тағы бір атқамінермен толығып, Мұрат пен Алтынайдың үшінші перзенті өмірге келді. Ал Айданасы Петропавл қаласындағы Манаш Қозыбаев атындағы университеттің физика-астрономия мамандығын тәмамдаған. Жетісай қаласына тұрмысқа шы­ғып, ұл мен қыз тәрбиелеп отыр. Отбасының кенжесі Ер­ке­бұ­лан Семей қаласындағы Шәкәрім атын­дағы мемлекеттік университетінің ор­ман шаруашылығы факультетін бітірген. Бүгінде&nbsp;Қызылорда қаласында жұмыс істейді. Жары Меруерт Шардара қаласының тумасы.Бір айта кетерлігі, балаларының бар­лығы дерлік өз білімдерінің арқасында мемлекеттік грант ұтып алып, жоғары білім алған. Олардың білімге құштарлығын оятуда ата-ананың орны бөлек екені белгілі. Анасы перзенттерін жастайынан түрлі өнерге баулыса, әкесі таным көкжиегін кеңейтуге күш салады. Олар ұлдарын шаруаға бейімдесе, қыздарын қолөнерге баулыған. Әркім өз рөлін анық сомдаған отбасының озық үлгісі дерсіз. Бүгінде перзенттері ата-анасының тә­лімді тәрбиесін ақтап, жемісті істерімен қуантуда.<blockquote>–&nbsp;Мелекет басшысының&nbsp;әрбір бастамасының біздің отбасыға тигізген шарапаты мол. Мемлекеттік бағдарлама арқасында ұл-қыздарым ақысыз жоғары білім алса, бүгінде «Дипломмен ауылға» жобасы арқылы үйлі болуда. Жолдасым «ұл-қызымның арқасында Қазақстанның батысын, шығысын, солтүстік-оңтүстігін түгел араладым» деп мақтанып та қоя­ды. Аллаға шүкір дейміз. Ұлдарымыз отау құрып, қыздарды құтты орнына қондырдық. «Құдаң құр­дасыңдай, құдағиың сырласыңдай» болсын демекші, құдалаларымыз өзімізбен қатар. Қай кезде де әзіліміз жараса кетеді, сый­лас­ты­ғымыз да ерекше, – дейді аяулы ана.</blockquote>Иә, бұл отбасының әр таңы арайлап атқаны сезіліп-ақ тұр. Сөзсіз, бақыттың шынар шыңына шыққан отбасы. Бүгінде олар 9 немере сүйіп, оларға ақылман ата-әже, балаларына үлгілі ата-ана болған ардақты жандар. Отбасылық өмірдің ыстығы мен суығына бірге төзген, әр жылы өнегеге толы Құндақбаевтар отбасының шаттығы ортаймасын!

Қармақшыдағы құт қонған Құндақбаевтар шаңырағы

Фото: zhanaqorgan-tynysy.kz<a href="https://kyzylorda-news.kz/">Kyzylorda-news.kz</a> Биыл тұрғындар арасында тұмауға ұқсас дерт дендеп, күндіз-түні жөтел қысып, көпшіліктің мазасын қашырғанын аңғарып жүрміз. Тынысы тарылған ересектер мен көгере жөтелген кішкентайлардың аянышты халі жан ауыртады. Бұл індеттің кең таралуына не себеп және одан айығудың жолы бар ма?Деміге жөтелген баланы аңғарған көпті көргендер: «Мына бала көкжөтел ғой» деп жатады.&nbsp;Десе де, ақхалаттыдан үлкен үміт күтетін халық дәрігер қаралуынан өткеннен кейін ғана ем-дом қабылдайды. Бір қызығы, дәрігердің қойған диагнозы қариялардың топшылауымен сәйкес келгенмен тиянақты емін жазып бере алмайды. Деректерге сүйенсек, биыл республика бойынша көкжөтел ауруы өршіп, 790 жағдай тіркелген. Оның 98%-ы, яғни 773 жағдайы 14 жасқа дейінгі балалар. Тұрғындар айлап кетпейтін жөтел мен тамақ ауруына ұқсас мазасыздық туындағанын айтып шағымдануда. Әсіресе мектеп жасына дейінгі балаларға кенеше жабысқан сырқат әбден әбігерге салуда. Біздің ауданның ахуалы да мәз емес. Мәселен, өзімнің бір жарым жасар баламда наурыз айында басталған жөтел дәрігердің берген нұсқаулығын бұлжытпай орындасақ та 4 айдан бері айығатын түрі жоқ. Керісінше күшіне мініп алған. Бұл – бір отбасындағы оқиға. Осындай сырқатпен алысып жүрген қаншама жанұя бар.Көкжөтел (коклюш) – жоғары тыныс алу жолдарының шырышты қабықшаларын зақым­дайтын жұқпалы ауру.&nbsp;Ол адам ағзасына ауа тамшылары арқылы түсіп, көмей мен бронхта дамиды. Патогенді микроағзалар бөлетін уыттардың салдарынан қабыну реакциясы туындап, булықпа жөтел пайда болады.<blockquote>– Қазір тұрғындар арасынан жөтелмен ша­ғымданатындар саны артты.&nbsp;Оған экологиялық ахуал да себеп. Сосын көп аналар екпеден бас тартады. Салдарынан, балаларға жұққан ауру ұзақ уақыт бойы кетпей организмнің онымен күресуі қиын болады. Мәселен, жыл басынан бері 5 айдың ішінде маған қарасты аймақтың өзінен 30-дан аса тұрғын осы шағыммен келді. Оның басым бөлігі балалар. Бұл бір аймақтың ғана көрсеткіші. Енді осыған бүкіл аудандағы аймақтар мен ауылдық округтерді қосыңыз. Сондықтан балалар екпені уақытында алса ауру осылай өршімес еді, – дейді аудандық емхананың жалпы тәжірибелік дәрігері Арайлым Әшімова.</blockquote>Дәрігердің сөзінше, ауру асқынса ол мидағы тыныс алу орталығына әсер етіп, нәтижесінде, жөтел күлгенде, ауырғанда немесе сөйлегенде күше­юі мүмкін.&nbsp;Сонымен қоса көкжөтел жүрек-қан тамыр жүйесіне жағымсыз әсер етеді. Иммунитетті әлсіретіп, бір ауырған адам екінші рет қайталап ауыруы мүмкін. Негізі аталған ау­румен көбіне мектеп жасына дейінгі балалар ауырады. Дегенмен кей жағ­дайда ересектердің арасында да кездесіп жатады. Әсіресе, омыраудағы балаларға бұл ауру өте қауіпті. Көкжө­тел жұқтырған адам аурудың белгілері пайда болғаннан бастап, 25-30 күн бойы басқаларға инфекция таратады. Ауруға қарсы екпе алған адамдарда ол жеңіл өтеді.Ауру тудыратын бактерия науқас жөтелгенде немесе сөйлегенде бөлінетін сілекей арқылы жұғады.&nbsp;Сондықтан бұл ауру науқаспен байланыста болған барлық адамда пайда болуы мүмкін. Әсіресе, көкжөтел балабақшада жылдам таралады. Ал ересектерде кейде бұл ауру еш белгі бермейді, бірақ олар тасымалдаушы болады. Көкжөтелге қарсы туа біткен иммунитет жоқ, оны кез келген адам жұқтырып алуы мүмкін. Алайда екпе алған және онымен бұрын ауырған адамда қорғаныш қалыптасады. Жеті жасқа дейінгі балалардың індетті жұқтыруы, балада екпенің болмауы, жұқпаны тасымалдаушымен үнемі байланыста болу қауіпті фактор болып табылады. Егер адам өзінен немесе баласынан көкжөтел белгілерін байқаса міндетті түрде дәрігерге көрінуі керек. Әйтпесе, оның соңы пневмония, апноэ, ми гипоксиясы, бронхит, отит сынды көптеген қауіпті ауруларға ұласуы ықтимал.Айта кетейік, көкжөтел – Bordetella pertussis (бордетелла пертуссис) бактерияларынан тарайтын инфекциялық ауру.&nbsp;Bordetella бактериясына күн сәулесі 1 сағаттай түсіп тұрса, өзінің белсенділігін жояды. Дезинфекциялық препараттар арқылы немесе 50-60 градус ыстықта да жоюға болады.Көкжөтелді жұқтырған адам алғашында өзін салқындап, тұмауратып қалдым деп ойлауы мүмкін.&nbsp;Оны кейде бірнеше күн, кейде екі апта бойы байқамайды. Бастапқыда ол құрғақ жөтел, сәл температураның көтерілуі және мұрын бітелуімен қатар жүреді. Бірақ бірнеше күн өткен соң науқасты ұзаққа дейін кетпейтін булықпа жөтел мазалайды.<blockquote>– Әдетте көкжөтел кезінде дене температурасы қатты көтерілмейді, себебі бактериялар терең тіндерге өтпейді.&nbsp;Егер науқаста қалтырау пайда болса ол жұқпаны екінші рет жұқтыруды білдіреді. Көкжөтелдің негізгі белгісі: тыныс алғанда шулы дыбыстың шығуы, кеуде тұсындағы жағымсыз сезім, тамақтың тітіркенуі, жөтелген уақытта ауа жетпеу, жөтелдің түнде ушығуы, мазасыздық, әлсіздік, науқастың тез шаршауы, тәбеттің нашарлауы, тыныс алудың қысқа уақытқа тоқтап қалуы. Бұл жағдай көбіне сәбилерде кездеседі. Бұл бала өміріне өте қауіпті, – дейді Арайлым Әбдімәжитқызы.</blockquote>Оның айтуынша, балаларда қатты жөтелгеннен апное (тыныс алуының тоқтап қалуы) болуы мүмкін.&nbsp;Бұл бала өміріне қауіп төндіреді. Дәл осы кезде мидың қан айналымы бұзылып, ағзада оттегінің жетіспеуі байқалады. Аурудың асқынуы мидың дамуына әсер етіп, психикалық жағдайын да қиындата түседі. Көкжөтел симптомдары 5-6 апта жеңіл түрде өтеді. Ал ауыр түрде 6-7 айға дейін созылады. Мидың қан айналымынан басқа тағы бір асқыну белгісі – өкпенің қабынуы. Бұл да – өте ауыр ауытқу.Дәрігерлердің айтуынша, аурудың алдын алу­дың бірден-бір жолы вакцина алу.&nbsp;Ауруға қарсы вакцинация екі айлық кезеңнен бастап, бірнеше рет жүргізіледі. Екі және төрт айдан кейін, 18 айында, одан әрі 1-сыныпқа барар кезде салынады.<blockquote>– Екпе алып үлгермеген балалар инфекцияны жұқтыруға бейім келеді.&nbsp;Мұндай кезде оқшаулау шаралары орындалуы керек. Егер адам жоспарлы алуы керек барлық екпені алса, ауруға иммунитет қалыптасады. Жұқтырған жағдайдың өзінде ауру симптомдары жеңіл өтеді. Ал екпе алмаған балаларға жұқса олардың ағзасы аурумен ауыр әрі ұзақ күреседі. Сондықтан ата-аналарға айтарым, дені сау балалардың екпесін уақытылы алып отырғандары абзал, – дейді дәрігер.</blockquote>Жоғарыда айтып өткеніміздей, елде аурудың әбігеріне түсіп жүргендер көп. Соның бірі – Ақер­ке Ниязова. Ол осы аурумен үлкен-кіші демей отбасымен ауырғандарын тілге тиек етті:– Бастапқыда балабақшаға баратын екі балам жөтеліп жүрді. Бір қызығы, олар күндіз емес, тек түнде жөтелді. Кейіннен ауру әжемізге, басқа балаларға, бесіктегі сәбиіме жұқты. Әжеміз бен 8 айлық баламда ауру өте ауыр өтіп жатыр. Ауруханаға да жатып шықтық. Бірақ нәтиже жоқ. Қатты жөтелгенде дем жетпей қиналады, – дейді ол. Ал балаларына екпе алудан түбегейлі бас тарт­қан тұрғын Самал Нұрымбет екпенің еш пайдасы жоқ деген пікірін жасырмады.<blockquote>– Менің үлкен балам жасынан асқанда сәл ысты­ғы көтерілсе есінен танып құлайтынды шығарды.&nbsp;Ол медицинада «фербильді ұстама» деп атала­ды. Дәрігерлердің сөзінше, қазіргі таңда әр үшінші балада осы ұстама бар екен. Оның соншалықты белең алуына не себеп? Мен оның себебін екпеден деп ойлаймын. Өйткені кезкелген екпе баланың миына әсер етуі мүмкін. Одан кейінгі балаларымның ешқайсына екпе алмадым. Өзім топшылағанымдай, ол балаларым қанша ыстығы көтеріліп ауырса да, естен танып құламайды. Бірақ қазір екпе алмаған балаларым көкжөтелмен ауырып жатыр. Таяқтың екі ұшы бар деген осы ғой. Мен екпеден барлық ата-ана бас тартсын демеймін. Дегенмен, әркімнің өз таңдауы бар, – дейді ол.</blockquote>Байырғы медицина қызметкері Алмаш Марат­қызы жалпы халықтың денсаулығына қатты алаң­дайтынын жасырмады.<blockquote>– Менің түсінуімше, қазір ауада белгісіз бір вирус бар.&nbsp;Ыстығы көтеріліп ауырып жүргендер өте көп. Екпені алған да, алмаған да балаларым бар. Барлығы да жөтелдің зардабын шегуде. Жасамаған емім қалмады. Нәтиже жоқ. Үлкен кісілердің өзі қатты жөтелден ауа жетпей тұншығып, қиналуда. Халық арасындағы тараған осы ауруға билік басындағылар бей-жай қарамай бір шара енгізсе екен деймін. Мүмкін оқшаулау жұмыстарын жүргізіп, маскалы режим енгізу керек шығар. Өйткені, ауру осылай асқына берсе, арты ауыр жағдайларға ұласуы ықтимал, – дейді ол.</blockquote>Мәліметтерге зер салсақ, көкжөтел әлемдегі кең тараған аурулар тізіміне кіреді. Дүниежүзілік денсаулық сақтау ұйымының ақпаратынша, әлемде жыл сайын 60 млн-ға жуық адам көкжөтелмен ауырады екен. Демек, көкжөтелге жәй жөтел деп қарамай, дер кезінде ем-шараларын жасау керек.Айсұлу Алданазар

Көкжөтелдің кең таралуына не себеп және одан айығудың жолы бар ма?

<a href="https://kyzylorda-news.kz/">Kyzylorda-news.kz</a> &nbsp;«Atamnyn Amanaty» қоғамдық бірлестігі жастарды рухани-адамгершілік, әскери-патриоттық тәрбиелеуге бағытталған жобаларды жүзеге асыруды жалғастыруда. Биыл бұл шаралар Кеңес Одағының Батыры, Халық Қақарманының, армия генералы С.Нұрмағамбетовтың 100 жылдығын және Халық Қақарманы Р.Қошқарбаевтың 100 жылдығын мерекелеу аясында өтуде.«Қазақстандықтардың Екінші дүниежүзілік соғыс майдандарындағы ерлігі» тақырыбындағы «Батыр баба тарих» викторинасы 2024 жылдың қаңтар-сәуір айлары аралығында өтті. Жарысқа 30 команда қатысты. Зияткерлік ойынның финалына «Көлік және коммуникациялар жоғары колледжі», «Астана халықаралық университетінің» педагогикалық колледжі», З.Г.Мырзағұлова атындағы жоғары «Даналық» медициналық колледжі, «М.Жұмабаев атындағы халықаралық колледж», «Шипагер» медициналық колледжі, «Сервис және туризм колледжі» командалары шықты.Викторинаның финалы 2024 жылдың 26 ​​сәуірінде өтіп, онда колледж студенттері өз командаларына белсенді қолдау көрсетті. Зияткерлік ойынның жеңімпаздары кубоктармен, құрмет грамоталарымен және бағалы сыйлықтармен марапатталды.«Atamnyn Amanaty» ұйымының атына мұндай викторинаны өткізу қажеттілігі туралы жастардан да, колледж оқытушыларынан да көптеген оң пікірлер мен ұсыныстар келіп түсті.Сонымен қатар, 2024 жылдың 22 мамырында Астана қаласындағы Достық үйінде «Аталар аманатына адалмыз» атты дөңгелек үстел өтткізілді. Оған аты аңызға айналған батырлардың ұрпақтары – Лира Нұрмағамбетова мен Дәурен Қошқарбаев, белгілі ғалымдар мен Қазақстан Республикасы Қорғаныс министрлігінің өкілдері қатысты.Орта арнаулы оқу орындары мен «Атамның аманаты» қоғамдық ұйымы арасында жастарды патриоттыққа рухта тәрбиелеу бойынша қол қойылған меморандумға сәйкес, 2022-2024 оқу жылында белсенді қызмет атқарған колледждер Кеңес Одағының Батыры – қазақстандықтардың ерліктері туралы баяндамалар дайындады.Бұл шара ұрапқ сабақтастықтығының символына айналып, жастардың бойында рухани-адамгершілік құндылықтарды нығайта түскеніне сенімдіміз.Астанадағы Триатлон паркте өткен &nbsp;5 және 10 шақырымдық жарыс Кеңес Одағының Батыры, Халық Қаһарманы, тұңғыш қорғаныс министрі, армия генералы Сағадат Нұрмағамбетов пен Халық Қақарманы Рахымжан Қошқарбаевтың жүз жылдық мерейтойы аясындағы бір айтулы шара болды.Жарыс«Atamnyn Amanaty» ҚБ мен Қазақстан Республикасының Қорғаныс министрлігінің ұйытқы болуымен ұйымадастырылды.Оған Қарулы Күштердің, Ұлттық қауіпсіздік комитеті Шекара қызметінің, Ұлттық ұланның мыңға жуық әскери қызметшілері мен төрт жүзден астам кәсіби желаяқтар мен спорт әуесқойлары қатысты.&nbsp; Марафонға қатысушыларды «Қарулы Күштер ардагерлері» РҚБ төрағасының орынбасары, отставкадағы генерал-майор Марат Нағұманов құттықтады:<blockquote>– Спорттық шараларды атақты жауынгерлерді еске алу жақсы дәстүрге айналды. Өткен жылы тура осы жерде екі мәрте Кеңес Одағының Батыры, авиация генерал-майоры Талғат Бегелдиновке арналған жарыс өткен еді. Бүгінгі жарыс аты аңызға айналған батырлар Сағадат Нұрмағамбетов пен Рақымжан Қошқарбаевтың жүз жылдығына орай ұйымдастырылып отыр. Осы аламанға қатысу – олардың ғасырлар бойы жасай беретін ерліктеріне деген тағзым мен құрмет.</blockquote>Сондай-ақ, 2024 жылдың 31 мамырында біздің бірлестігіміз Қазақстан Республикасы Құрлық әскерлерінің Ақмола гарнизонында орналасқан 68655 әскери бөлімінде елордалық студенттерге арналған «Ашық есік күнін» ұйымдастырды. Онда болашақ Отан қорғаушылар сарбаздардың тұрмыс жағдайын өз көздерімен көрді, салтанатты әскери ант қабылдауға куә болып, қару-жарақ пен әскери техника түрлерімен танысты.Бұл іс-шара жастар арасында әскери қызмет мәртебесін көтеруге, патриоттық сезімдерін дамытуға ықпал етті деп ойлаймыз.

«Atamnyn Amanaty» қоғамдық бірлестігі әскери-патриоттық бағыттағы жобаларын жалғастырып жатыр 

<a href="https://kyzylorda-news.kz/">Kyzylorda-news.kz</a> &nbsp;«Ауылшаруашылығы ел экономикасының драйверіне айналуы тиіс». Қолда бар төрт түліктің жайын жасап, оның тұқымын асылдандыруға әрі бордақылауға ерекше көңіл бөліне бастады. Мұны соңғы жылдарда инвестиция мен субсидияның көлемі артуы мен шаруақожалықтардың саны артуынан бағамдауға болады.&nbsp;«Есесі қайтпас еңбек жоқ». «Мал – баққандікі, пұл – тапқандікі». «Ер еңбегі елге ортақ». Қазақтың дәстүрлі сөз өнерінің тереңіне бойласақ, төрт түлікті кәсіп етудің мәні мен маңызы айтылады. Туған халқымыз ежелден-ақ, мал шаруашылығына бейім, әрі әр түліктің қасиетін ұққан. Ата дәстүрді жалғастырып, мал шаруашылығын отба­сылық кәсіпке айналдырып, табысын еселеп отырған жерлестеріміз көп-ақ. Оның ішінде мал басын асылдандырып, халықтың сұранысын қанағаттандырып жүрген шаруалардың ісі құрметтеуге лайық. Бұл бағытта еңбектенумен бірге іздену де өз алдына үлкен жауапкершілік жүктейді.Жаңақорған ауданындағы берекесі дарыған Сүттіқұдық – бағзыдан атакәсіпті арқау еткен берекелі аймақ. Дала дидарының тұмса табиғаты бақташы қауымға қарасып тұр. Осы тұста, ауылдағы ағайынға бабадан қалған атакәсіпті дамытуда мемлекеттік бағдарламалардың алар орны айрықша. Осы тұста, мемлекет қолдауын сезініп, қарекет жасап отырған шаруашылықтың бірі Сүттіқұдық аулының тұрғыны – Махсатхан Раманқұлов. Ол – отбасылық кәсіпті өрістетіп, жылқы мал бордақылауды кәсіп еткеніне бірнеше жылдың жүзі болды.«Бүгінгі таңда «қимылдағанның қыр асатынын» елдің бәрі біледі. Сондықтан да тірліктің көзін тауып, шаруаның тетігін тапса жұмыс жүйелі жүреді. Өзімде мемлекет қамқорлығын сезінбек ниетте осыдан үш жыл бұрын «Ауыл шаруашылығын қаржылай қолдау қоры» АҚ Қызылорда облыстық филиалы арқылы «Нәтижелі жұмыспен қамтуды және жаппай кәсіпкерлікті дамыту бағдарламасы» аясында 3 миллион теңге несиеге қол жеткіздім. Әуелі «Атамекен» кәсіпкерлер палатасының аудандық филиалы арқылы «Бизнес-кеңесші» оқыту курсынан өттім. Осы мекеме арқылы қаржы институттарына бардым. Одан әрі ауылда атакәсіпті өрістету ісіне ден қойдық. Мал бордақылау кәсібі ауылдағы ағайынға таптырмас тірлік. Әрі үйреншікті жұмысы. Бұқараның жанынан табылған мемлекет қолдауына біз қашанда ризамыз», – дейді Махсатхан Раманқұлов.Расында шағын және орта бизнесті дамытуға мемлекет айрықша басымдық беруде. Нәтижесінде, ауыл-аймақта кәсіпкерлік кең қанат жайып, бизнеске ынталы азаматтардың қатары күн санап артуда. Бұл өз кезегінде аудан экономикасының өркендеуіне өзіндік үлесін қосады. Әсіресе, «Ауыл шаруашылығын қаржылай қолдау қоры» АҚ Қызылорда облыстық филиалы сынды қолдау қорының демеуіне ел риза. Отбасылық кәсіпті талғажау еткен сүттіқұдықтық Махсатханның жары Гүлжахан Төрехожаева биыл тағы да аталмыш қолдау қоры арқылы 4 млн. теңге несие алды. Осылайша, 10 бас жылқыны бордақылаумен айналысып отырған отбасы ауыл-аймақтан бөлек Қызылорда қаласы мен Шалқия кентін ет өнімімен қамтамасыз етіп отыр. Жылқы етіне сұраныс қашанда жоғары екенін жасырмады. Отбасылық бизнес болғандықтан отағасына қашанда жары көмектеседі. Олар кәсіпкер ретінде тіркеліп, уақытылы мемлекеттік аударымдарымды аударып отқанын тілге тиек етті. Бұл да болса, салық базасының ұлғайып, ауыл әлеуетінің артуына үлкен септігін тигізері сөзсіз.Иә, Мемлекет басшысы сайын халыққа арнаған Жолдауында ет өнімдері экспорты әлеуетін арттыруды жүктеуде. Әзірге Махсатхан Раманқұлов ішкі нарықты игеріп, мал бордақылау кәсібіне әбден маманданып алғанша ауыл-аймақ пен аудан орталығын ет өнімдерімен қамтамасыз етуді жоспарға қойған. Соңыра, кәсібін кеңейтіп, көрші облыстарға ет экспорттау жоспары бар. Десе де, бұл отбасының мақсаты айқын. Ол – атакәсіпті арқау еткен ауылдағы ағайынның ахуалын тіктеу. Яғни, қолдау қаржы арқылы «екі қолға бір күрек тауып», ауыл әлеуетінің артуына ықпал ету. Межелі мақсатта кезең-кезеңімен орындалу үстінде. Тек, маңдай терді төгіп, адал еңбек ету керектігін сүттіқұдықтық шаруа естен шығарған емес. Керсінше, оны өмірлік ұстанымға айналдырып, қарекетін жасауда.Осы тұста Аққорған ауылы – бағзыдан атакәсіпті арқау еткен берекелі аймақ. Жазиралы жайылымы төрт түлікті түлетіп һәм төлдетуге таптырмайтын жер. Содан болса керек, аққорғандық Сәдірқожа Атымтаев ауыл азаматтарының басын қосып, «Сәдір ата» ауыл шаруашылығы өндірістік кооперативін қолға алды. «Біріккен істе береке бар» демекші, мал бордақылау кәсібін дөңгелетіп отырған қожалық әлі де мемлекет қолдауына үміт артады.<blockquote>– Шүкір, бүгінде іріленудің нәтижесінде мемлекет тарапынан үлкен қолдауға ие болдық. Мемлекеттің «50 ауыл» бағдарламасы аясында мүйізді ірі қара малын бордақылау алаңдарын ашуға кооперативтің 24 мүшесіне 46 млн. теңге қаржы алдық. Несие алып, несібін арттырған кәсіпкерлер бүгінде мал бордақылау ісіне әбден бейімделген. Биылғы жылға да кооперативтің 20 мүшесі қаржылай қолдау алуға құжаттарын дайындап, өтінім беріп қойды. Сәтін салса, демеу қаржы қолға тисе, атакәсіпті одан әрі жандандырамыз – дейді «Сәдір ата» ауыл шаруашылығы өндірістік коопертивінің төрағасы Сәдірқожа Атымтаев.</blockquote>Расында ұсақ шаруалардың өндірістік кооперативтерге бірігудің маңызы зор. Өйткені, ет өнімдеріне деген сұраныс қашанда жоғары. Мәселен, «Сәдір ата» кооперативі өткен жылдың қазан айынан бастап, бүгінгі таңға дейін 35 тонна ет өнімдерін пұлдаған. Ең алғашқы ет өнімдерін облыс орталығында өткен «Алтын күз» мерекесінде қызылордалық тұрғындарға саудалаған қожалықтың шаруасы ширақ. Оған қоса, Елбасы жыл сайын халыққа арнаған Жолдауында ет және сүт өнімдері экспорты әлеуетін арттыруды жүктеуде. Әзірге бұл қожалық ішкі нарықты игеріп, мал бордақылау кәсібіне әбден маманданып алғанша ауыл-аймақ пен аудан орталығын ет өнімдерімен қамтамасыз етуді жоспарға қойған. Қазірде 200-ге жуық ірі қара малын байлап отырған кооператив мүшелері өз кәсіптеріне дән риза.<blockquote>– Жасыратыны жоқ, ұсақ қожалықтардың аты бар да, заты жоқ.&nbsp;Бірігуде береке барын бабалар ертеректе айтып кеткен. Осы тұста, мұны шешудің қандай жолы бар деген орынды сауал туындайды. Мал бордақылау кәсібі ауылдағы ағайынға таптырмас тірлік. Әрі үйреншікті жұмысы. Бұқараның жанынан табылған мемлекет қолдауына біз қашанда ризамыз – дейді кооператив мүшесі Бауыржан Үсенов.</blockquote>Осы тұста, аймақ халқының 60 пайызы ауылдық жерде тұратынын ескерсек, кооперативке бірігіп, тындырымды тірлік жасау бұл үлкен қолдау. Яғни, кооперативтерге бірігу арқылы кірістердің артуына, бәсекелестік қабілетін жоғарылатуға, бірлесіп өнім өндіруге, өңдеу және оны тиімді сатуға қол жеткізеді. Әрине, ауылда қорасындағы азын-аулақ малымен күнелтіп отырған жандар жетерлік. Алайда төрт түліктің өнімін өткізу оңай шаруа емес. Бұл тұрғыда өндірістік тұрғыда іріленуден ұтарымыз көп. Мемлекеттің діттеген мақсаты – отандық экономиканың, оның ішінде агроөнеркәсіп кешенінің өзекті мәселесі – осы саланы дамытып, ауылдағы еңбек өнімділігін арттыру. Десе де, аудандағы ұсақ шаруа қожалықтардың ауызбіршілік танытып, өндірістік кооперивтерге бірігіп, аймақ бойынша көш бастауы қуантарлық жайт. Бұл бағытта аққорғандық Сәдірқожа Атымтаев басшылық ететін «Сәдір ата» ауыл шаруашылығы өндірістік коопертивінің мақсаты айқын. Ол – атакәсіпті арқау еткен ауылдағы ағайынның ахуалын тіктеу. Яғни, қолдау қаржы арқылы «екі қолға бір күрек тауып», ауыл әлеуетінің артуына ықпал ету. Межелі мақсатта кезең-кезеңімен орындалу үстінде.Аудандағы атакәсіптің көкжиегі мал шаруасынан көрінеді. Ауылдағы ағайын ежелден айналысып келе жатқан мал шаруашылығы жыл сайын жанданып келеді. Күн сайын мал азығын даярлап, қиындығы мен қияметі көп жұмысты тындырып, кәсіп көзіне айналдырғалы көп болды. Соның қайтарымы жыл сайын төрт түлік төлдеп, бүгінде облыста мал басынан үздік аудан атансақ, аймақтағы жалпы есептің үштен бірін біздің аудан құрайды. Қыста қыстауда, жазда жайлауда жүретін шопандардың да еңбегі елеусіз емес. Жылда озат атанып келеді.<blockquote>– Жалпы ауданда мүйізді ірі қараның саны 80 мыңға жуықтады, қой 350 мыңға, жылқы 26 мыңға, ал, құс саны 22 мыңнан асты. Бұл облыс көлемінде үлкен көрсеткіш. Нақты цифр жыл соңында анықталады. Одан бөлек, төрт түлік азығын дайындаудан да алда келеміз. Былтыр Түркістан облысына экспорт жасасақ, биыл Сыр өңірінің өзге аудандарына тасымалдадық. Баға да қолжетімді, әсіресе, шөптің құны былтырғымен салыстырғанда екі есе төмен түсті. Осы жағдайлардың жүгінен, шаруалардың берекелі кәсібінен үздіктер көшінен түспей келеміз, – деді ауылшаруашылығы бөлімінің басшысы Талғат Зейдалиев.</blockquote>Бізде бұл кәсіптен тек мал басын көбейтіп қана қоймай, ет бағытында да жұмыстар жүйелі жүргізілуде. Соның бірі Қыркеңседегі «Бекарыс – Агрофуд» ЖШС.<blockquote>– Қазір егін науқаны аяқталды, ерте көктеммен ала жаздай төккен тердің жемісін жеп, нәпақаны тауып отырмыз. Енді қыс бойы малдың қоңын келтіріп, төрт түлікті түгендеп, төлдетіп, көктемде жайылымға немесе тауға жөнелтеміз. Мал басын асылдандырумен қатар ет бағытында шаруаны ширатып, өзге өңірлерге экспорттаймыз. Әсіресе, қыста сұраныс көп болады. Ең бастысы, берекелі кәсіптің адал нанын жеп отырған жайымыз бар, – деді қожалық төрағасы Серік Мырзабаев.&nbsp;</blockquote>Міне, мал бағытындағы ата кәсібіміз осылай жалғасып келеді. Сұраныс та өте жоғары, өйткені, тау мен Сырдың бойынан нәр алған жануардың қоңын өздеріңіз бағамдай беріңіздер. Тек субсидия деген ұғымды ырыққа көндіріп, пайдасын далаға жібергеніміз рас. Осыны тыю керек немесе жеке қалтаға емес, жалпы қоғамға пайдасы тиетіндей ету аса маңызды.Қорыта айтқанда, бәсекеге қабілетті өнім өндіру, оларды ішкі нарық қана емес, сыртқы нарыққа да шығару – бүгінгі заман талабы. Бұл ретте өнімділікті арттыруға және өнім сапасын жақсартуға оң әсер ететін негізгі факторлар қатарында мал бордақылау жұмыстарын жүргізу маңызды. Біз осының мән-мазмұнын терең түсініп, еңбекті жүйелеген кезде ғана Қытай, Иран, Үндістан және т.б. үлкен нарықтан өз еншімізді аламыз.&nbsp;Әлібек Жарықбаев

 Аграрлық салада серпіліс бар

<a href="https://kyzylorda-news.kz/">Kyzylorda-news.kz</a> &nbsp;Сырдария ауданы, Тереңөзек кентінің тұрғыны жеке кәсіпкер Бағдат Иттугулов «Aуыл aмaнaты» жoбaсы aясындa 2,5 пaйыздық жеңілдікпен несие aлып, кәсібін бастады. Жуырда ол үйінің жaнынaн кілем жуу oртaлығын aшты. Орталық aшу үшін кілем жууғa aрнaлғaн құрaл-жaбдықтaр және кептіргіш құрылғылaр сaтып aлғaн.Бағдаттың айтуынша, кәсіптің бұл түріне aудaндa сұраныс жоғары. Сoндықтaн oтбaсыммен aқылдaсa oтырып, oсы орталықты aшып, күніне түскен тапсырысты қабылдап, тәулігіне 30-40-қа жуық кілем жуады.&nbsp;<blockquote>− Әрине, жaз мезгіліндегідей емес, қыста кілем жуу oңaй емес. Сoл себепті орталыққа жүгінетіндер көбейіп келеді. Бaғaсы дa қолжетімді, − дейді ол.</blockquote>Аталған орталықта кілемді жуу квадрат метрі 400 теңгеге оған қоса aлып кету және жеткізіп беру қызметінде жеңілдіктер қaрaстырылғaн. Қазіргі таңда кілем жуу орталығында 1 адам жұмыспен қамтылған.&nbsp;<blockquote>−«Ауыл аманаты» жобасы жаңа кәсіп бастаушыларға өте тиімді. Пайызы аз, мүмкіндігі көп. Әсіресе, кәсіп бастаймын деген ауыл тұрғындарына берілген үлкен қолдау. Егер осы орталықтың жұмысын дамытып, халықтың алғысын алсақ, еңбегіміздің жaнғaны деп білемін, − дейді кәсіпкер.&nbsp;</blockquote>Болашақта орталық жұмысын әрі қарай дамытуды көздеп отыр.Фото: aktau.salexy.kz

Кілем жуу да табысты кәсіп

Қызылорда: Қант диабетін емдеуге мүмкіндік бар

<a href="https://kyzylorda-news.kz/">Kyzylorda-news.kz</a>&nbsp;Соңғы уақытта жерлестеріміздің жеңісті күндері көбеюде. Осындай жағымды жаңалықтарды жиі бөлісіп келеміз. Бүгін де төрт жастағы бүлдіршіннің Ташкентте топ жарғанын айтып сүйіншілемекпіз.&nbsp;Ол – Қармақшы ауданына қарасты Алдашбай ахун ауылының тумасы Мәди Меңгер. Жасы небәрі төртте болса да, ақылды, жан-жақты дарынымен көзге түскен ол түрлі байқауда бақ сынап, жеңіспен оралуда. Көркемсөз оқып, ән айтатын бүлдіршін суретті де тамаша салады. Осы бағытта «Ре Соль» шығармашылық орталығының ұйымдастыруымен «Бабалар аманаты» атты ІІІ Республикалық байқауға қатысып, бас жүлдені қанжығасына байлап, Ташкентке жолдама алады. Ташкенттегі халықаралық «Шығыс жұлдызы» атты өнер байқауында «Бейнелеу өнері» жанры бойынша гран-при иеленді. Онымен қоса Дубайдағы байқауға жолдама жеңіп алды. Бұл төрт жасар таланттың бүгінгі нәтижесі.Мәди Мұратұлы отбасының тұңғыш перзенті. Анасының айтуынша 2 жасынан есте сақтау қабілеті жақсы дамып, біршама өлеңді жатқа білген.<blockquote>&nbsp;– Тұңғышымыз қатарластарына қарағанда ерте сөйледі. Ойы ұшқыр. Ән айтқанды, көркемсөз оқығанды, сурет салғанды жақсы көреді. Қолына қалам мен қағаз беріп қойсаңыз болғаны. Балабақшадағы тәрбиешілер осы қабілетін байқап, байқауларға қатыстырып жүр. Нәтижесі көңіл қуантарлық. Өзім де өнер саласында жұмыс жасайтын болғандықтан талантын дамытуды жөн санаймын. Әкесі де байқауларда бақ сынауына қарсы емес. Керісінше әрдайым қолдау білдіріп отырады. Балапанымның арқасында Ташкентке барып келдік. Енді Дубайды көру бұйырып тұр екен. Жерлесіміз жеңіспен оралсын деп тілеген ауылдастарыма, бізді құттықтап, қабылдау өткізген ауыл әкіміне алғысымыз шексіз, – дейді анасы Гаухар.</blockquote>&nbsp;Талабы таудай жас талант болашақта әнші болуды армандайды. Ал ата-анасы Мұрат пен Гаухар қашанда ұлдарын қолдауға &nbsp;әзір. Тәлімді тәрбие көріп, өмірі өнермен өріліп келе жатқан өреннің талабына біз де бармақтай бақ тіледік.

Ташкентте топ жарған төрт жасар қармақшылық өнерпаз

<a href="https://kyzylorda-news.kz/">Kyzylorda-news.kz</a>&nbsp;Әлемдегі озық мемлекеттердің үлгісіне ой жіберсеңіз, ұлттық құндылықтарын құрметтей білген елдің біртұтас даму жолына бет алғанын көруге болады. Ұлттық сана шекара таңдамайды. Жер шарының екі қиырында өмір сүрсе де елім, жұртым дегенде өзегін жұлып берер асыл ниет бір арнаға тоғысқанда ұлт мұраты айқындалады.Міне, осындай асыл идеяларға адалдығымен бір қазыққа байланып, қазағының қамын жеген, екі түрлі концепсия, екі түрлі саясат, екі түрлі қоғамда ғұмыр кешіп жатса да жұдырықтай жүректе байыз таппаған бір тілек, бір мүдде, бір арманды қанат қылған ықылас-пейілінен бір-біріне туғаннан да жақын болып өткен ұлтжанды азаматтар – Хасен Оралтай ағамыз бен Алшынбай Тұртанұлының есімін қатар атауымызға не себеп?Хасен Оралтайдың әкесі ұлт-азаттық қозғалысына терең дем берген кісі. Хасеннің өзі халықаралық медианы пайдалана отырып қызыл империяның кеңес одағы деген біртұтас кеңістікке зорлықшыл өктемдігін әшкерелеуден танбағаны құлағы түрік, көкірегі ояу әркімге аян. Ол осындай &nbsp;іс-әрекетімен ұлттық сананы қалыптастырып, теңдікке деген біртұтас көзқарасты шыңдауда қайраткерлік күресін бір күн де тоқтатқан жоқ. Ел тәуелсіздігін жариялаған алғашқы жылдары Хасен Оралтай туған жерге тәу етіп Қазақстанға келген сапарында өзімен мұраттас біраз тұлғаларды тауып қайтты. Солардың бірі – біздің Алшынбай ағамыз.Ауылда тұрып арды биік қойған &nbsp;мемлекетшіл тұлға жас кезінен төл мамандығы бойынша мінсіз қызмет етіп, аудан экономикасы мен әлеуетінің дамуына бір кісідей үлес қосты. Қай салада болмасын елгезектігімен, көзі ашықтығымен, ең бастысы, шаршап-шалдығуды білмейтін еңбекқорлығымен Алшынбай аға араласпаған тірлік қалды ма атамекенінде? Инженер-құрылысшы ретінде жаңадан ірге көтерген шаруашылықтарды аяққа тұрғызған енапат еңбегі өз алдына, тоқсаныншы жылдары тұралаған тірлікті аяққа қоюда қиыр асып, ту қияндағы ну табиғаттың қожайындарымен ымыраға келіп, Сібір мен Сырдың арасын жалғаған кім? Оның мұрындық болуымен Жаңақорғанның құмында өскен қауын-қарбыз, асқабақ пен алмасын, күріші мен салысын қат көріп қаптап алған тюмендіктер бартерге вагон-вагон ағаш артып жіберуді жүйелі жолға қойып, аудан ғана емес, облыс құрылысына қажет қор қалыптасқанын &nbsp;қалай ұмытамыз?Ол кісінің бойындағы осындай мәмілегерлік қабілеттің іскерлік мәнерден де биік қайраткерлік қасиетке арна тартқанына өзі сырттай еңбегіне қанық, шын жүрегімен пір тұтып келгенұлт &nbsp;жоқшысы Хасен Оралтайды тауып, Жаңақорғанда тұңғыш рет халықаралық конференциясын өткізбекке бел буып, &nbsp;демеуші болған қадамы дәлел бола алады.Өткен сенбіде, Адырбек Сопыбеков атындағы кітапханада өткен Алшынбай Тұртанұлының өмірден озғанына жыл толған шарасына орайлас жарық көрген «Асу бермес Алшынбай» атты кітаптың тұсаукесер шарасына жиналғандар &nbsp;қос арысты табыстырған ұлы сезім – ұлтқа деген сүйіспеншілік мәселесіне жан-жақты тоқталды. Олардың қатарында тарих ғылымдарының докторы, профессор Нәбижан Мұхаметханұлы, Қазақстанның еңбек сіңірген қайраткері Қалқазбек Әжібеков, Хасен Оралтайдың бауыры &nbsp;Әбілбашар Ілиясұлы, облыстық мәслихаттың депутаты Жанкелді Ысқақ, ұстаз Ы.Алтынсарин медалінің иегері Айсара Нәлібаева, бауырлары Дәулетбек және Ораз¬алы Жұматовтар және осы кітаптың авторы Нұрлат Байкенже өздерінің жүрекжарды лебіздерін жеткізді.Міне, осы азаматтардың қатарында Қазақстанға еңбегіі сіңген қайраткер, жазушы, Алшынбай ағаның туған бауыры Жолтай Жұмат: «Осын¬дай ұстанымымен, осындай өр мінезімен бейбіт күннің өзінде биік тұғырдан танылған Алшекең егер отызыншы жылдары туғанда Алаш қайраткерлерінің қатарында болар еді деген ой келеді. Жақын танысып, дос болған Хасен Оралтай жөнінде бірде маған айтқан мына сөзі есімнен кетпейді. «Жолтай-ау, Хасен ағаң қоғам қайраткері ғана емес, ол мәдениеттің, әдебиеттің &nbsp;руханияттың, жалпы ұлтты сүюдің, қазақты сүюдің эталоны екеніне көзім жетті. Жүрегіммен қабылдап, аға-інідей болып кеттік» деп еді. &nbsp;Осындай азаматты терең танып бағалауы, сол кісінің деңгейінде пікір өрбітіп, тіпті отбасылық та қарым-қатынас орната білуі біздің Алшекеңнің де биік парасатын, қайраткерлік деңгейінің дәрежесін көрсетеді. Ол кісінің әдебиетші ретінде де таным-түсінігінің кеңдігін кейде шығармаларым төңірегінде айтылатын сын-ескертпесінен, кеңесінен аңдап, көзқарас көкжиегіне еріксіз бас идім. Оның мықты бизнес өкілі екеніне де уақыт өз бағасын берді.Енді асыл азаматтың екінші өмірі басталды. Бұл екінің біріне бұйырмайтын нығмет, – дей келе, өздері өмірден озып кеткенімен есімдері жүректе жырдай жатталып, &nbsp;жалпақ даласын кезіп жүрген Бердібек пен Алшынбай есімінің ел жүрегінде егіз сақталатынына &nbsp; ізгі сенімін жеткізді.<blockquote>«Адамзаттың бәрін сүй, бауырым деп» Абай атамыз айтқандай, мұндай биікке, мұндай дәрежеге бұл қос тұлға қайраткерліктен де бұрын азаматтық болмыс асқақтығымен жете алғандығын көпке үлгі етті.Келесі сөз алған қоғам қайраткері, Хасен Оралтайдың інісі Әбілбашар Ілиясұлы: «2005 жылы Хасан Оралтайәкесінің &nbsp;100 жылдығына орай ас берді. Сол асқа елден &nbsp;Алшынбай аға келді. Ол кісі &nbsp;Түркияға келгенінде осындағы қазақ ағайындардың үйінде болып, олардың бастан өткен қилы тағдыр хикаяларын бауыры езіле тыңдап, шетелде босқан қандастардың жағдайын жүрекпен қабылдайтын. Үнемі телефон соғып, бізбен хабарласып тұрды. &nbsp;Тәуелсіздіктің бекем болуына, шеттегі ағайынның елге келуіне шын тілектес ағаның бірі еді. Ол кісінің өмірден өткен хабарын естігенімізде Түркиядағы, Анадолыдағы бүкіл ағайын-бауыр езіле жоқтап жыла¬дық. Міне, бүгін асыл ағаның жыл-дық асына бір қауым ел Түркиядан арнайы келдік. Ол кісінің алға қойған ізгі мақсатына жетуді ұрпақтарына нәсіп етсін» деді.</blockquote>Алшынбай ағаның халықаралық деңгейдегі бет-беделін былай жиып қойғанда ел ішінде күнделікті тұрмыста ол кісінің көңіл қоймайтын, бас ауыртып, бағыт бермей, жай қол сілтеп қоя салатын ұсақ-түйек мәселе болған емес. Ол барлық нәрсеге байыпты мән беріп, ұқыптылықпен іске асуына барынша мүдделі болып жүретін. Кешеге дейін аудандажаңа құрылыстардың техникалық сапасының қадағалаушысы ретінде көп кемшіліктің түзелуіне тер төкті. Қаптаған мердігерлер қатал мінезіне қанық болып, талабынан шығуға ұмтылды.<blockquote>Бұл жөнінде Қожамберді аулының экс әкімі Молдахмет Нәлібаев: «2010 жылы облыстық бюджеттен қаржы қаралып бас трассадан Төменарық елді мекеніне дейін 12 шақырым жолға күрделі жөндеу басталды. Жол құрылысы жүріп жатқанда ауданнан технадзор Алшекең келіп екеуміз объектіні аралауға шықтық. Ол кісі бірден қалада жүрген мердігерді шақыртты. Ол екі-үш сағатта келіп жетті. Алшекең оған қарап: «Техникаңды, адамдарыңды ал да бұл жерден қараңды батыр» деді. Жеңімпаз ескі техника, құрал-саймандарды тез жиып, алып кетті де, келесі күні жаңа техника, жаңаша жұмыс тобымен қайта келіп, жұмысты жалғастырды. Қожамбердінің тұсына кеп қалған еді, әрі қарай жол құрылысы тағы 3 см-ге биіктеді, яғни асфальт 5 см-ден 8 см-ге қалыңдады. Әлі күнге дейін бұл жерді ауылдықтар «Алшынбай төбе» деп атайды» деді.</blockquote>Тарихта атың қалу үшін алаөкпе боп атақ шығарудың қажеті жоқ, халқыңа шын жаның ашып, ақиқаттың салтанат құруына қолыңнан келгенінше қасқайып амал қыл. Әділ қарекетің күмәнсіз елдің жүрегінде қалады. Мына жағдай соның титімдей бір көрінісі. Жалпы, Алшынбай ағада мем¬лекеттік марапаттар жоқтың қасы. Уағында партия қатарына да өтуге құлықты болмағаны мансап пен лауазымға қызықпағанынан болса керек. Бірақ елім дегенде елжіреген пендесінің дәрежесін Құдырет өзі құрмет төріне шығарып қояды екен.Бүгінгі шарадан біз осындай ой түйдік.<blockquote>– Мен Қытайда туып-өстім. Тәуелсіздіктің арқасында 1993 жылы Қытай қоғамдық ғылымдар академиzсынан Қазақстанға ауысып, институт директорының орынба-сарлығына дейін көтерілдім.</blockquote>Алшынбай ағамен Хасен Оралтай арқылы жақын таныстым. Осы өмірімде рухани жақындықтың өте киелі болатынына осы екі азамат арқылы терең көз жеткіздім. Оған мысал келтірейін: «Жетпіс бес жыл ғұмыр сүрсем ризамын» деген Хасен ағамызға «Неге олай дейсіз?. Алла жомарт, одан артықтауын да береді ғой» деп жік-жапар болғанымыз бар еді. Сонда ол кісі: «Мен тіпті осы күнді көремін деп ойлап па ем? Қалың өртте жанбаған мақта сынды маңдайыма жарық күнді көруді жазыпты. Осы күніме қанағат» деп еді, – деген ғалым ағамыз Нәбихан Мұхаметханұлының сөзі біздің түйсігімізде мына жағдайды тірілтті.Бірде «Аманат» партиясының бір жиынында облыстық мәслихат де¬путаттарымен басқосуда Жаңа¬қор¬ғанның ауызсуы жағдайын айтып таусылған Алшынбай аға: «Өзіміз көп болса бір-екі жыл жүрерміз. Мұның барлығы ұрпаққа керек дүние ғой» деп таусылған. Әлі тың, денсаулығы мықты ағаның аузына бір-екі жылдан басқа сан түспеді ме деп, былай шыққан соң өзіне айттық та. Ол кісі жай күлді де қойды. Бірақ Алшынбай ағамыз да нақ жетпіс бес жасында жарық дүниені тәрк етіп кете барды. Бұл сәйкестікте нендей тылсым сыр жатыр?Баян АЛАУДИНҚЫЗЫ

«Асу бермес Алшынбай» кітабы жарық көрді

<a href="https://kyzylorda-news.kz/">Kyzylorda-news.kz</a> Ол «мүгедек болып қалмайын» деген ой келіп, ажырасу туралы шешім қабылдағанын жеткізді. Нұрила Ақберен «Меломан» тобының әншісі Ғабит Бибасыұлынан ажырасуына не себеп болғанын&nbsp;айтты.&nbsp;Aikyn.kz хабарлауынша,тұрмыстық зорлық-зомбылыққа ұшыраған Нұрила Ақберен журналист Анна Данченкоға сұхбат берді.&nbsp; Ол «мүгедек болып қалмайын» деген ой келіп, ажырасу туралы шешім қабылдағанын жеткізді.&nbsp;<blockquote>«Алты жарым жылдай бірге өмір сүрдік. Бізге ешкім араласқан жоқ. Ажырасу менің шешімім болды. Екі адамның бірі осы ойға бекінсе, оған үшінші адамның қатысы жоқ. Қазір әйел құқығы қатты қорғалып жатыр. Осыған мен қатты қуаныштымын. Бес жыл үйде отырдым. Бес жыл таяқ жеп өмір сүрдім. Осы аралықта керемет тамақ істеп, үй шаруасымен айналыстым. Бірақ ата-енемен бірге тұрмағандықтан, қандай келін екеніме баға бермей-ақ қояйын», – дейді Нұрила Ақберен.</blockquote>&nbsp;Оның айтуынша, ажырасқаннан кейін алимент те сұрамаған.&nbsp;<blockquote>«Үш баламен ажырасып, екі жылдан бері бөлек тұрып жатырмын. Ажырасқаннан кейін балаларға алимент те сұрамадым. Ол кісі тек балабақшасын ғана төлейді. Біздің ортақ келісіміміз осы болған. Одан кейін мүмкіндігінше ақшасы артық қалып жатса беріп тұрады. Өзім еңбекке ерте араласқандықтан, қаржылай тәуелсіз болдым. Декретте отырғандықтан табыс табуды үйреніп алдым. Ақшам болған соң, алиментке басымды ауыртқым келмейді. Соңғы кезде «алиментке беремін-ау» деген ой келіп жүр. Ауызекі келісім ештеңені шешпейді екен. Бәрін заң жүзінде болғанын қалаймын», – деді блогер.&nbsp;</blockquote>Нұрила Ақберен тұрмыста болған жылдарда күйеуінің қол көтергенін ашық айтты.&nbsp;<blockquote>«Жеке парақшама шындықты жаза бастағанда ол кісінің туысқандары маған ренжіді. «Елге танымал өнер адамының атына күйе жақтың» деп айыптады. Сол кезде менің намысым мен арымды ешкім ойлаған жоқ. Бәрі балалы болғаннан кейін басталды. Мен жалған үмітпен өмір сүрдім. Адам өзгереді, отбасылық өмір осындай кезеңдерден тұруы керек деп қате түсінік таныттым. Бишімбаевтың ісін көріп отырып, қатты ауыр күйге түстім. Өйткені ешқашан өліп қаламын деп ойламайды екенсің. Соңғы кездегі соққыдан кейін, «мүгедек болып қалмаймын ба, менің кетуім керек» деген ой келді. Шапалақпен ұрдым дегенінің өзі – үш жұдырық. Соны түсіну керек», – дейді Нұрила Ақберен. &nbsp;</blockquote>

Архив

Қазалыда «Ақ баян» республикалық әншілер байқауы өтті