<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің басшысы Ерлан Теңізбайұлы мен қалалық кәсіподақ комитетінің төрағасы Орынша Міржақыпқызы Әлия &nbsp;Молдағұлова атындағы №173 орта мектеп ұжымымен кезектен тыс пед кеңес өткізді.&nbsp;Жиында мектеп директоры Гүлмира Расылқызы &nbsp; атқарылған жұмыстар мен мектептің даму жоспары жайында баяндама жасады.&nbsp;<blockquote>2022-2023 оқу жылында мектеп іргетасынының қаланғанына 60 жыл және Әлия Молдағұлова &nbsp;есімі берілгеніне 30 жыл толуына орай қатар келген қос тойдың мерекелік кеші М. Ералиева атындағы мәдениет үйінде кең көлемде аталып өтті. Аймақ мектептері арасында «Ұлттық құндылықтарымыз-ұлтымыздың қорғаны» тақырыбында өткізілген &nbsp;дебат турнирінде І орын &nbsp;және «Үздік спикер» номинациясын, Жалпы білім беру ұйымдарының оқушылары арасында «Ұшқыр ой алаңы» қалалық пікірсайыс турнирінде ІІІ орын, облыстық &nbsp;пікірсайыс турнирінде &nbsp;11 сынып оқушысы алтын белгі үміткері Нұрхан Аружан ІІІ орын және «Үздік спикер» номинациясын 11 сынып оқушысы алтын белгі үміткері Жұмағали Сагдиана иеленіп, Республикалық пікірсайыс турниріне жолдама алып, Республикалық &nbsp;пікірсайыс турнирінде Алғыс хатпен марапатталды. Ахмет Байтұрсынұлының 150 жылдық мерей тойы қарсаңында ұйымдастырылған «Қазақ халқының рухани көсемі» атты Ахмет шығармаларынан сахналық қойылым сайысына &nbsp;7 сынып оқушылары &nbsp;қатысып жүлделі ІІІ орын алды. &nbsp;Оқушылардың өз білімін жетілдірудің негізгі формасы – үйірме. Оқушылардың өзі қызығатын саласында практикалық жұмыспен айналысатын орта. Егер үйірменің жұмысы балалардың уақытын тиімді пайдалануға мүмкіндік берсе, денсаулығын шынықтырса &nbsp;нәтижелі болатыны сөзсіз. Бүгінде мектеп жанындағы 17 спорттық секциялар мен түрлі үйірмелерге 1273)оқушы қамтылып, жұмыстар жүргізілуде. Мектепішілік Футбол, волейбол, баскетбол, стол теннисі, шахмат, дойбы, тоғыз құмалақ спорт үйірмелеріне мектептің 373 оқушысы қамтылған. Сонымен қатар, спорттық секцияларда шахмат, тоғызқұмалақ, үстел теннисі үйірмелерін сапалы жүргізу мақсатында 12 дана шахмат тақтасы, 22 дана тоғызқұмалақ тақтасы және замануи үстел теннисі бар. Мектептен тыс қосымша білім беру орталықтары, спорт клубтары, дарынды балаларға арналған спорт мектептері және тағы басқа үйірмелер бойынша 923оқушы қамтылуда. Қосымша білім беру бағытында атқарылған жұмыстар нәтижелі болып, бүгінде қалалық, облыстық, республикалық және халықаралық &nbsp;сайыстардан 102 оқушы жүлдегер қатарынан көрінді, – деді мектеп директоры.</blockquote>Жиында Ерлан Теңізбайұлы жас өренді батыл, батыр болуға, Әлия Молдағұлованың ерлігін оларға үнемі айтып жүруді, жас ұрпаққа патриоттық тәрбие берудің маңыздылығы туралы сөз қозғады. Сонымен қатар мұғалімдердің сағат жүктемесі мәселесі талқыланды. Бөлім басшысы мектеп ұстаздарымен кері байланыс жасап,ұсыныс-пікірлерін білдірді.

Қызылорда: Отансүйгіштікке тәрбиелеу Әлия Молдағұлова атындағы мектептен басталуы керек

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Сырдария ауданына жұмыс сапары аясында ауданның әлеуметтік-экономикалық дамуы жөнінде кеңейтілген мәжіліс өткізді. Жиында аудандағы негізгі салалардың жұмыс нәтижелері мен мәселелері талқыланды. Оған ауданның барлық ауылдық округ әкiмдерi, облыстық басқармалар мен аудандық бөлiм басшылары қатысты.Сырдария ауданының ауылдары облыс орталығына жақын орналасқандықтан, басқа аудандарға қарағанда кәсіпкерлікті дамыту мүмкіндігі жоғары. Өнімдерді өткізудің бұрыннан қалыптасқан жолы бар.Аймақ басшысы Сырдария ауданы 2023 жылдың 3 айының қорытындысы бойынша 2-ші орын алғанымен, рейтингтегі 10 көрсеткіштің 4-уінде орташа және төмен даму динамикасы қалыптасқанын атап өтті.<blockquote>«Қазіргі кезде ауыл тұрғындарының өмір сүру сапасы мен әл-ауқатын жақсарту, ауылдарды тұрақты дамыту бағытында мемлекеттік бағдарламалар іске асырылуда. Соның бірі – «Ауыл – ел бесігі» жобасы. Былтырдың өзінде осы жоба арқылы аймақтағы ауылдарға 7,8 млрд. теңге бағытталып, тиісті жұмыстар жүргізілді. Сырдария ауданына бағдарлама шеңберінде 11 жобаны жүзеге асыруға 801,2 млн теңге бөлінді. Биыл 1 кент 4 ауылдық округтің 1 млрд. 858 млн. теңгені құрайтын жобалары қолдау тапты. Дегенмен, осы бағдарлама бастау алғалы ауданға қарасты 6 елді мекенге мүлде қаржы қаралмаған. Айдарлы, Жетікөл, Бесарық, Іңкәрдария, Сәкен Сейфуллин және Асқар Тоқмағамбетов елді мекендеріспутникті және тіректі ауылдар тізімінде бола тұра, ұсынылған мүмкіндіктерді тиімді пайдаланбаған», – деді аймақ басшысы.</blockquote>«Ауыл аманаты» жобасына Аманкелді, Айдарлы, Шаған және Іңкәрдария ауылдық округтері ғана қатысқан. Аймақ басшысы аудан әкімдерінен скринингтен өткен ауылдардан басқа да елді мекендер бойынша кемінде 2 млрд. теңгеге жоба жасап, ұсынуды талап етті. Мемлекеттік бағдарламалар кәсіп ашудың, ауылды көркейтудің жөн-жобасын көрсетті. Ендігі кезекте барлық тетіктерді қосып,қаржы тартуға жұмыла жұмыс істеу керек.Нұрлыбек Машбекұлы аудан әкімі Берік Әбдіғаппарұлынаелдің мұң-мұқтажына дер кезінде жауап қатып, оңтайлы реформаларды халыққа түсіндіруді,жазғы демалыс кезінде балалар қауіпсіздігін бақылауды тапсырды. Жұртшылықпен тығыз жұмыс атқарылса, көптеген өзекті мәселелер тез шешім таппақ. Бұл бір жағынан азаматтардың көңіліндегі алаңдаушылықты басса, екінші жағынан билікке сенімін арттырады.Былтыр ауданға қарасты кент және ауылдық округтерде102 қылмыс тіркеліп, оның 84-і, немесе 82%-ы ашылған. Биылғы қаңтар-сәуір айында 37 қылмыс тіркеліп, оның 8-і немесе 22 пайызы әлі ашылмаған. Осы реттеқылмыстарды ашу міндетін өз деңгейінде атқармаған аудандық полиция бөлімінің басшылығына ескерту жасалды.Жиынды қорытындылаған облыс әкімі аудан басшысына көрсетілген барлық кемшіліктерді қалпына келтіріп, жұмысты жаңаша бағытта өрбітуді тапсырды.<figure class="image"><img src="https://knadmin.beoblood.kz/uploads/347446260_964925231372929_1354150817702374976_n_979a1e883c.jpg" alt="347446260_964925231372929_1354150817702374976_n.jpg"></figure>&nbsp;<figure class="image"><img src="https://knadmin.beoblood.kz/uploads/347557730_1739850396412117_5976972872171970499_n_9a52d9615a.jpg" alt="347557730_1739850396412117_5976972872171970499_n.jpg"></figure>

 Сырдария ауданының әлеуметтік-экономикалық дамуы қаралды

<a href="https://kyzylorda-news.kz/">Kyzylorda-news.kz.</a> Қызылорда Ашық университетінің “Қызылорда технология және қызмет институты” құрылымдық бөлімшесі отандық экономика үшін бәсекеге қабілетті кадрлар даярлауды жүзеге асыратын, әлемдік ғылыми білім кеңістігінде интеграцияланған білім беретін мекеме.&nbsp;ЖОО қызметінің негізгі бағыттарының бірі - Қазақстан Республикасының жоғары білімді және ғылымды дамытудың 2023-2029 жылдарға арналған тұжырымдамасын іске асыру болып табылады.Университеттің құрылымдық бөлімшесі Қызылорда технология және қызмет институты биыл 25 жылдық мерейтойын атап өтуде. Ширек ғасырлық тарих бедерінде алған асулары мен бағындырған белестері аз емес, бәсекеге қабілетті мамандар даярлауда материалдық-техникалық базасы нығайған оқу орны мүмкіндіктерін одан әрі дамыту мақсатында көптеген жұмыстар атқаруда. Бүгінде жоғары оқу орны бакалавриаттың 18 білім беру бағдарламасы бойынша ҚР Ғылым және жоғары білім министрлігінің лицензиясына сейкес білім беру қызметін жүргізеді.Бұл туралы Өңірлік коммуникациялар қызметі алаңында “Бәсекеге қабілетті тұлғаларды қалыптастырудағы цифрлық технологиялардың рөлі туралы” тақырыбында баспасөз мәслихатын өткізген Қызылорда Ашық университетінің ректоры, т.ғ.д., профессор, ҚР Ұлттық ғылым Академиясының академигі Қылышбай Бисенов баяндады.Оқу орнының ғылыми инновациялық даму бағыты, шетелдік жоғары оқу орындарымен халықаралық ынтымақтастық байланысы, болашаққа құрған жоспарлары жөнінде кеңінен сөз қозғаған Қылышбай Алдабергенұлы баспасөз конференциясы барысында БАҚ өкілдерінің сауалдарына жауап берді. Қызылорда технология және қызмет институтының 25 жылдық мерейтойы аясында өтетін ауқымды шараларға тоқталды.&nbsp;Сонымен бірге, 19 мамырда институт базасында “Бәсекеге қабілетті жеке тұлға қалыптастырудағы цифрлық технологиялардың рөлі” тақырыбында Халықаралық ғылыми-тәжірибелік конференция өтетінін атап өтті.

Ашық университетінің «Қызылорда технология және қызмет институты» 25 жылдық мерейтойын атап өтуде

<a href="https://kyzylorda-news.kz/">Kyzylorda-news.kz.</a> Қазалы ауданының мәдениет және спорт бөлімінің және Әйтеке би кенті әкімдігінің қолдауымен Әйтеке би кенттік мәдениет үйінің ұйымдастыруымен Қазалы ауданының құрылғанына 95 жыл толуына орай 21 мамыр – Мәдениет және өнер қызметкерлерінің мерекесі қарсаңында өнер саласындағы әріптестер арасында спорттың Бильярд түрінен аудандық жарыс өткізілді.Аталған жарыс аудан орталығындағы «Биль-Арт» клубында болды. Жарыстың ашылуында Әйтеке би кентінің әкімі Қ.Орынбасаров, Қазалы аудандық Бильярд федерациясының президенті К.Асқар қатысушыларға сәттілік тіледі. Бұдан әрі жарыстың бас төрешісі №18 Қазалы ауданының БЖСМ жаттықтырушысы Б.Медетбаев жеребе арқылы ойыншылардың реттілігін анықтап, жарысты жүргізді. Ептілік пен жүйке мықтылығы сыналатын жарыстың қарқыны мықты болды.&nbsp;Нәтижесінде финалдық бәсекеде бағы мен бабы келіскен Ақсуат ауылдық клубының есепшісі Нұрбек Ибраймов бірінші орын және ауыспалы кубок пен медаль, бағалы сыйлықты иеленді. Екінші орынды ҚР Мәдениет саласының үздігі, сазгер, әнші әйтекебилік Кемеңгер Өтеп иеленсе, үшінші орынды Қазалы қалалық мәдениет үйінің көркемдік жетекшісі Дастан Пірімбаев иеленді. Сонымен қатар «Жеңіске деген жігері үшін» номинациясымен Қазалы ауданының мәдениет және спорт бөлімінің сектор меңгерушісі Нұржан Аралбаев марапатталды.&nbsp;Ғасырбек Аралқан, Бақытбек Макеев, Ербол Ізтілеуов, Ақниет Абуов, Нұртілек Тағыбаев, Аманкелді Тажиков, Талғат Бағдәулет, Асылбек Түймебаев, Ержан Төлегенов, Таңат Жебев, Нұркелді Махамбет, Серік Жүсіпов, Самат Құтжанов, Бауыржан Нұров алғыс хат алды.

Қазалыда «Өнер бильярды – 2023» жарысы өтті

<a href="https://kyzylorda-news.kz/">Kyzylorda-news.kz.</a>&nbsp; Қазақ әдебиетінің Сыр өңіріндегі көрнекті өкілі, ақын Қаңлы Жүсіптің 150 жылдығына орай облыстық деңгейде жазба ақындар мүшәйрасы өткізілді. А.Тоқмағамбетов ауылында ұйымдастырылған мүшәйраны аудандық мәдениет және спорт бөлімінің, ауыл әкімдігінің қолдауымен ауылдық мәдениет үйі өткізген еді.Мүшәйраға Қызылорда қаласы мен аудандардан барлығы 11 ақын қатысып, бақ сынады. Ереже шартына сәйкес талапкерлер бірінші кезеңде Қаңлы Жүсіпке арнау өлең оқыса, екінші кезеңде еркін тақырыпта жырға шөліркеген жұртшылыққа өлеңнен шашу шаша білді. Мүшәйраның ұйымдастырылу барысында ауыл әкімі Ғ.Алданазаров ақындарға ауылдың тарихын және ауылдан шыққан тарихи тұлғаларды таныстырған болатын.<blockquote>Ауылымыздың тарихы тереңде. Біздің ауылда атақты тұлғалар көп шыққаны белгілі. Солардың бірі де бірегейі Қаңлы Жүсіп Қадірбергенұлы сонау 1873 жылы Майлықұм табанында дүниеге келген. Ол жәй ақын ғана емес, Сыр бойындағы шайырлық мектептің көрнекті өкілдерінің бірі бола білген. Ел арасында «Қаңлы Жүсіп», «Молла Жүсіп» деген есімдері қатар айтылған. Алғашқыда ауыл молдасы Темір қожа деген кісіден хат танып, әрі қарай өз бетінше мұсылманша және орысша сауатын жетілдірген. 14-15 жасқа қараған шағында ақындығымен халыққа таныла бастаған. Біраз уақыт биге атқосшы, болысқа тілмаш болып еңбек еткен. Кеңес өкіметі тұсында Тереңөзек қыстағының сотында хатшылық қызмет атқарған деген де дерек бар. Биыл ақынның 150 жылдығына орай облыстық деңгейде мүшәйра өткізуді жоспарладық. Ауылымызға келген ақындарға айтар алғысымыз шексіз. Баршаңызға шығармашылық сәттілік тілеймін, – деді ауыл әкімі Ғабдолла Рүстембекұлы.</blockquote>Мұнан соң 11 ақын сахна төріне көтеріліп, кезек-кезегімен өлең оқыды. Бірі Қаңлы Жүсіптің ақындығын, екіншісі сөзшеңдігін жырға арқау етсе, енді бірі жазған-қисса дастарын, мысалдарын өлең тілінде өрнектеді. Талапкерлердің өнерін, өлеңін ақын, «Құрмет» орденінің иегері Мамыр Байдәулетов бастаған ақын, Қазақстан Жазушылар одағының мүшесі Ақтөре Ибрагимұлы мен №135 А.Тоқмағамбетов атындағы орта мектебінің қазақ тілі мен әдебиеті пәнінің мұғалімі &nbsp;Гүлнар Тәжімұратова бағалады. Нәтижесінде бес ақынға, атап айтқанда Гүлзада Есмаханова, Жасұлан Серік, Бекжан Нұрман, Бексұлтан Санақұл, Ермахан Нұртуғанға ынталандыру сыйлығы берілді. Ал жүлделі үшінші орынды Бекжан Ержігіт пен Ұлықбек Бектай иеленді. Қазылар алқасының ұйғарымымен екінші орын екеу болып, Ақерке Балманова мен Дидар Өмірзаққа берілді. Бірінші орынды А.Тоқмағамбетов ауылының атынан қатысқан Гүлзат Қалыбек еншілесе, бас жүлдемен Бақтөре Айтбаев марапатталғандығын айта кетейін.Жыр бәйгесінің қорытындысында ақын, «Құрмет» орденінің иегері Мамыр Байдәулетов пен ақын, Қазақстан Жазушылар одағының мүшесі Ақтөре Ибрагимұлы сөз сөйлеп, қазылар алқасының қарауына ұсынылған өлеңдерді талдап, ақыл-кеңестерін айта білді. Сонымен қатар Қаңлы Жүсіп поэзиясындағы әлеуметтік сарын жөнінде пікір білдіріп, мүшәйраны ұйымдастырушыларға алғыс айтты. Мұнаң соң ауылға арнайы келген ақындар А.Тоқмағамбетовтің музейімен танысты. Ауылдық мәдениет үйінің директоры Ә.Ибраева ауыл халқына көрсетіліп жатқан мәдени қызметтер жөнінде ақпарат беріп, жетістіктерімен бөлісті, сондай-ақ алдағы уақытта да жыр мүшәйралары өткізілетінін айтып берді.Айта кету керек, Қ.Жүсіптің «Замана түріне», «1916 жыл» атты толғауларында орыс отаршылдығын әшкерелеу мен ұлт бірлігін насихаттау көрініс тапса, «Әлди-ай» әуенімен айтылатын «Оспанбайдың қызы едім, мен Зылиха» өлеңінде және «Жүкті қыз», «Ана мен бала» хикаяттарында әйел теңдігі мәселесі көтерілген. Ақынның «Мағрупа қыз», «Мәрді Салық», «Ағайынды үш жігіт», «Әбірһаттың бастан кешкендері», «Түлкі, қасқыр һәм қой» атты қисса, дастан, мысалдары шығыстық үлгіде жазылған. Жұмбақ айтыстың шебері болған Қаңлы Жүсіп өз заманында Қарасақал Ерімбетпен, керейт Даңмұрынмен, Нақып қожамен, Шәкей салмен, Бермағанбетпен айтысқан, ол айтыстардың жазбаша нұсқалары сақталған. Ақын өмірі мен шығармашылығын зерттеген ғалымдар Е.Ысмайылов, М.Байділдаевтың еңбектерінде оның Кете Жүсіппен жазба айтысы 8 жылға созылған деген де дерек бар екенін еске салайық. &nbsp;

Тарихи тұлғаның есімі ұлықталды

<a href="https://kyzylorda-news.kz/">Kyzylorda-news.kz.</a>&nbsp; Халықтың қоңырау шалу мүмкіндігін арттыру және «жоғалған» қоңыраулардың үлесін қысқарту үшін МӘМС және медициналық көмек алу мәселелері бойынша консультацияларды 1414 бірыңғай байланыс орталығы ұсынады. Бұл туралы Әлеуметтік медициналық сақтандыру қоры хабарлады.Қазіргі уақытта бірыңғай медициналық ақпараттық байланыс орталығы 1406 нөмірі бойынша жұмыс істейді. Әлеуметтік медициналық сақтандыру қорының байланыс орталығы 2019 жылдың қыркүйегінде іске қосылды, ал 2020 жылы 1406 коронавирусқа қатысты сенім телефоны болып жарияланды. Осы жылдардың ішінде азаматтардан 2,4 млн-ға жуық өтініш қабылданып, өңделді. Олардың 90%-дан астамы консультативтік сипатта болған. Қорға көбінесе Астана, Алматы қалаларының, Ақмола, Ақтөбе, Қарағанды облыстарының тұрғындары өздерін мазалаған сұрақтар бойынша жиі жүгінеді.<blockquote>«Күн сайын азаматтардың міндетті әлеуметтік медициналық сақтандыру жүйесі туралы хабардарлығы артып келеді. Адамдар өз құқықтарын зерделеп, қызығушылық таныта бастады және олар өз жағдайларын түсініп, келеңсіздіктерді шешуге көмектесуді сұрайды. Бүгінгі таңда өтініштер көбейіп келеді. Сол себепті азаматтарға кеңес беру қызметін 1414 бірыңғай байланыс орталығына беру туралы шешім қабылданды. Ол жерде операторлардың штаты кеңірек, сонымен қатар қоңыраулардың мол ағынын қабылдау үшін техникалық мүмкіндіктер қарастырылған. Бұл абоненттердің жауап күту уақытын бірнеше минуттан бір минутқа дейін қысқартады. Сондай-ақ бұл халықтың қоңырау шалу мүмкіндігін арттырады және «жоғалған» қоңыраулар үлесін азайтудың тиімді жолы болып саналады», – деп түсіндірді Әлеуметтік медициналық сақтандыру қоры заңды және жеке тұлғалармен жұмыс департаментінің директоры Забира Оразалиева.&nbsp;</blockquote>1414 операторлары 9.00-ден 21.00-ге дейін консультативтік сипаттағы сұрақтар бойынша қоңыраулар қабылдайды әрі оларға жауап береді. Егер ситуациялық сипаттағы өтініштер тереңірек зерделеуді қажет етсе, онда олар Қор мен медициналық ұйымдардың өкілдері өңдейтін екінші және үшінші желілерге жолданады.&nbsp;Бұл ретте Qoldau 24/7 мобильді қосымшасы, fms.kz ресми сайты немесе Telegram-дағы @SaqtandyrýBot сияқты Қордың баламалы байланыс арналары бұрынғыдай жұмысын жалғастыратын болады. Оператордың жауабын күтіп, уақытты жоғалтқысы келмейтін азаматтар өз сұрақтарын сол арналарға жібере алады.Сондай-ақ Электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі өз мәртебеңізді тексеруге және жүргізілген төлемдер туралы ақпарат алуға болады.&nbsp;&nbsp;

1 маусымнан МӘМС бойынша консультациялар 1414 арқылы беріледі

<a href="https://kyzylorda-news.kz/">Kyzylorda-news.kz.</a> Қай кезде болмасын полиция қызметкерлері антына адал, азаматтардың тыныштығын сақтап, көмекке келуге әзір. Осы қиын да қатерлі қызмет жолында өз өмірлерін құрбан еткен полицейлердің ерлігі ешқашан ұмытылмайды. Олардың кәсіби қасиеттері, ант пен таңдалған өмір жолына адалдығы құрметке ие.Небәрі 25 жасында ерлік көрсетіп, бейбіт күннің батыры атанған азаматтың бірі – Қызылорда облысы Шиелі аудандық ішкі істер бөлімінің бұрынғы учаскелік полиция инспекторы, полиция лейтенанты Талғат Қозыбаев. Ол ерлікпен қаза тапқан соң, ел Президентінің Жарлығымен ІІ дәрежелі жауынгерлік «Айбын» орденімен марапатталды.Сондай-ақ, қызмет бабында ерлікпен қаза тапқан Талғат Қозыбаевтың есімі Сырдария ауданының Мәлібаев ауылындағы көшелердің біріне берілді. Оның оқыған №131 орта мектебінің ауласында ескерткіш орнатылып, мектепке аты берілді.Бүгін міне, полиция департаментінің бастығы полиция генерал-майоры Аблазимов Махсудхан Нұғманұлы Сырдария ауданындағы жұмыс сапары барысында бейбіт өмірде өз өмірін қиып ел азаматын &nbsp;қорғап қалған, елінің каhарманы Қозыбаев Талғаттың мектеп алдындағы ескерткішіне гүл шоқтарын қойып, бір минут үнсіздікпен еске алды. Талғат Қозыбаевқа арналған «Ерлік бұрышымен» танысты.Сонан соң Махсудхан &nbsp;Нұғманұлы Қозыбаев Талғаттың &nbsp;шаңырағына ат басын тіреді. Талғатты тәрбиелеген Есентай ағаның жағдайын сұрап, жылы лебізі мен шексіз алғысын білдірді. Бүгінде &nbsp; отбасының ақылшысы, батагөйі әрі қамқоршысы Есентай аға шөбересін бағып отыр. Немересі Алмат Сырдария аудандық полиция бөлімінің аға тергеушісі болып абыройлы қызмет атқаруда. &nbsp;​Осылайша, қызметіне адал, антына берік, қоғамның қауіпсіздігін қамтамасыз ету жолында мерт болған қайсар тәртіп сақшысы &nbsp;Талғат Қозыбаевтың &nbsp;ерлігіне тағзым жасалды. Өз өмірін бейбіт халықтың тыныштығы жолында құрбан еткен полицейдің &nbsp;қайсарлығы, батылдығы, ерлігі өскелең ұрпаққа үлгі болмақ.<blockquote>««Адамзаттың өмірін аман сақтаймын деп, антына берік, еліне адал қызмет барысында өзгенің өмірі үшін жанын қиған әріптестеріміздің ерлігі мен батырлығы біздің есімізде мәңгі сақталады. Бүгінгі полицейлер үшін оның ерлігі патриотизм мен жанқиярлықтың үлгісі», - деді Махсудхан Нұғманұлы.</blockquote><img src="https://knadmin.beoblood.kz/uploads/image_18_05_23_11_48_6_781c2f46a2.jpeg" alt="image-18-05-23-11-48-6.jpeg">

Департамент бастығы қызмет бабында қайтыс болған Талғат Қозыбаевтың шаңырағына барды

<a href="https://kyzylorda-news.kz/ru">Kyzylorda-news.kz.</a> Бұл өмірде әрбір адамның мақтаныш тұтар жайлары бар. Өмірлік мақсатына, арманмүддесіне қарай әркім әрқалай мақтанар. Менің де өмір жолымда мақтан тұтар көп нәрселерім болды. Соның бірі – жақсы әріптес, жақсы замандас, достарымның көп болуы. Олар менің алтын қазыналарым десем болар. Мұраты бір рухани жақындарым. Солардың бірі – есімі елге таныс, қолы алтын хирург-дәрігер Әмірхан Жүсіпов.Көп нәрсеге мойын бұрғызып үлгертпес дөңгеленген тірлікте адам адамның қадіріне жетіп бола ма, шын бағасын беріп бола ма?! Дегенмен, қатар жүрген азаматтардың әрқилы деңгейін көңіл көзімен саралап, кейбірін тіпті жаныңа жақын тұтасың, күнделікті тірлікте тонның ішкі бауындай араласып- құраласып кетесің. Маған жайсаң мінезді азамат Әмірханның адами болмыс-бітімі, шынайы тұлғасы, шексіз қарапайымдылығы, ар-ожданының биіктігі, бойында ізгі қасиеттердің молдығы, одан бері қарай өз кәсібі жағынан асқан біліктілігі, әр ісінің тазалығы, тынымсыз ізденімпаздығы әп бастан-ақ ұнаған. Өткен ғасырдың 80 жылдарынан бастап иықтаса, бір-біріміздің өкшемізді баса жүріп, Арал өңірінің денсаулық сақтау саласында қатар келе жатырмыз. Аз ба, көп пе, 40 жылға таяу уақыт болыпты. Сонау бір жылдары жас маман болып келіп, медицина саласында қаз-қаз басып алғашқы қадамымызды жасасақ, бүгіндері елдің көз алдындағы арқа тұтар азаматқа айналған бұл шағымызда, өткен уақыттарымыздың баяндылығына, мазмұндылығына көңіліміз тоғая отырып, еске алып, сыр суыртпақтағанның, бірімізге біріміз лайықты баға бергеннің еш артықшылығы болмас. Өйткені іні-досым Әмірхан Жүсіпов те, міне, алпыс атты асқаралы жасқа ентікпей шығып, абыздықтың ақ кемесін жаңа бір биікке көтерді. Мағыналы өткен өмір белестеріне бір қайырылып қарайтындай шаққа жетіпті.Белгілі жазушы-ғалым Зейнолла Қабдоловтың: «Біз Мүсіреповті мақтамауымыз керек, Мүсіреповпен мақтануымыз керек» дегені бар. Айтса айтқандай, біз де ел құрметтісі Әмірхан дәрігермен қалай мақтансақ та болады. Иә, бір-жар жыл бұрын ғана аудандағы осы салаға бұрын келгендіктен де, дәрігер Әмірхан Жүсіповтің бүкіл кәсіби маман ретінде қалыптасып, жүріп өткен айшықты жолы менің көз алдымда. Оның бай да өнегелі кәсіби биографиясына ағалық көзбен бір шолу жасағым келіп отыр.&nbsp;Балаң жігіт Әмірхан 1976 жылы Арал қаласындағы №15 қазақ орта мектебін бітірген соң, жүрек түкпіріндегі үлкен арман жетелеп, Алатау баурайындағы Алматы мемлекеттік медицина институтына оқуға түсті. Ұстаздардан жолы болды. Медицина саласының жілігін шағып, майын ішкен білікті профессорлар Михаил Иванович Брякин, Ишанбай Қарақұлов, Аркадий Райз, Бейнеш Жарбосынов, Тұрар Көкеевтерден дәріс алды. Емдеу саласының тереңдеріне талай үңілді. 1982 жылы институттың емдеу факультетін үздік бітіріп шықты.Әмірхан еңбек жолын студенттік күндерінде-ақ Алматы қалалық жедел жәрдем стансасында фельдшер болып бастаған. Алғашқы қадамы оның кәсіби біліктілігінің қалыптасуына баспалдақ болды. Қолына дипломын алған жас жігіт 1982 жылы Қызылорда қалалық ауруханасының хирургия бөлімшесінде дәрігер-хирург болып бастап, бір жылдан соң туған жеріне оралып, Арал аудандық ауруханасына ауысты. 1984-1988 жылдары дәрігер-онколог болып жұмыс істеді. Жас маман өзінің біліктілігін көрсетіп, ұйымдастырушылық қабілетін танытқаннан да ол он жылдан астам уақыт аудандық аурухана бас дәрігерінің емхана жөніндегі орынбасары, кейін емдеу ісі жөніндегі орынбасары болып жұмыс атқарды. Қиыншылығы мол басшылық жұмыстың бел ортасында жүріп, өңіріміздегі медициналық қызмет көрсету істерінің дамуына өз үлесін қосты. Ал 1999 жылдан осы уақытқа дейін аудандық ауруханада хирург-уролог дәрігері, кейінгі жылдары осы хирургия бөлімшесінің меңгерушісі міндетін абыроймен атқарып келеді.&nbsp;Әрине, Әмірханның жақсы дәрігер болып қалыптасуына облыстық, аудандық медицина саласында өз орындары бар белгілі мамандар Қапланбек Оразов, Сағынбай Құлсартов, Мамыт Кәрібаев, Асылбек Ізмағамбетов, Жақсылық Майданов, Самат Ілиясов, Геннадий Трофимович Ким, Досхана Ранов, Толыбай Медетовтердің тәлімгерлігі мол болды.Жақсы дәрігер болу оңай емес. Адам жанының арашасы болу үшін әрбір маман өмір бойы ізденіп, білімін жетілдіріп қана қоймай, адами жағынан да ерекшеленіп, алдына келген науқастарға жүрек жылуын бөліп беріп отыруға тиіс. Әрбір адамның Тәңір берген жақсы қасиеттері болады. Мен білетінде Әмірхан Жүсіпов тумысынан хирург болуға жаратылғандай еді. Оның қолы сондай жеңіл. Жоғары дәрежедегі тігінші сияқты ешқашан ерінуді білмейтін еңбекқор маман. Елгезектігі сондай, әрбір сырқаттың қас-қабағындағы кішкентай кірбіңді қапысыз таниды. Және де күні-түні жұмыс істеуге бар. Тіпті ауруларға ынтасының ауып кететіндігі сондай, демалыс дегенді де ұмытып кетеді. Жаны қиналып отырған науқас адамды өзіне жақын тартып, жылы сөздерімен тұнжыраған көңілдерін жадыратып жібереді. Ауырып келген адамға дереу қол көмегін беруді парызым деп біледі. Міне, Гиппократ антын берген нағыз дәрігерге тән қасиеттер оны осылайша ерекшелендіреді.&nbsp;Сондай еңбекқорлығының нәтижесі болар, хирург- дәрігер Әмірхан Жүсіпов 36 жылдың ішінде тоғыз мыңнан астам ота жасапты. Бұл айтуға ғана оңай. Ал әрбір отаның қандай қиындықтармен жасалатынын, бойындағы соңғы энергиясын жұмсайтынын біздер, әріптестер өте жақсы білеміз. Және де Әмірхан отаның барлық түрін жасайды. Кеуде қуысы, ішкі қуыс мүшелеріне ота жасаудың хас шебері. Сонымен қатар уролог-дәрігер ретінде бүйрек, дәрет жолдары, қуық, қуық асты бездеріне жасаған оталарының көбісі облыс, республика көлемінде жасалатын оталар. Иә, біздің аудан орталықтан шалғай жатыр. Көп адамдардың облысқа, астаналарға бара беруге мүмкіншіліктері бола бермейді емес пе. Ал ауыр жағдайлар жоғары біліктілікті, кәсібилікті талап етеді. Әмірхан сияқты мықты, білікті хирургтеріміздің арқасында Арал ауданындағы хирургия саласында көрсетілетін медицналық көмек облыс көлемінде жоғары дәрежеде деп танылып отыр. Бұл нәтиже – өңір халқы үшін үлкен игілік.&nbsp;Қазір технологияның дамыған заманы. Медицина саласында да бұрын болмаған заманауи жаңалықтар көптеп енгізілуде. Ал осыларды енгізуде ізденімпаз дәрігер Әмірханның қалай уақыт тауып жүргендігіне таңданбасқа болмайды. Ол 2013 жылдан бастап облысымыздағы аудандар ішінде алғашқы болып лапроскопиялық оталар жасай бастады. Ал қазіргі кезде осы емдеу шараларын меңгеріп алғаны сондай, оталардың бәрі лапроскопиялық әдіспен жасалады. Хирургтер арасында бір мойындалған жағдай, Әмірханның әрбір жасаған отасы әдемі тігілген сәнді көйлек сияқты деп бағалануы оның феномендік қасиеттерін айғақтайтындай.&nbsp;Басында айтқандай, Әмірхан досымды өте жақсы білемін. Осы салада мен басшылық қызметтерде болған жылдары қарамағымда 16 жыл жұмыс істеді. Оның жақсы кәсіби қасиеттерін бағалай отырып, кейде «Егер Әмірхан інім ғылым жолын қуғанда, қазір медицина ғылымының белгілі бір академигі болар еді- ау» деп те ойлап қоямын. Ауданымызда жүріп күнделікті ота жасаудан қолы бір босамай, маңдай терін сығып жүрсе де, ғылыми журналдарға мақалалар жазуға да уақыт табады. Және Әмірхан да өз саласынан жаңалықтар ашып, бірнеше өнертапқыштық жұмыстары үшін патент алған. Ол практикада жер-жерде қолданыс тауып отыр. Әр жылдары Павлодар, Алматы, Ақтөбе, Астана, Казан қалаларындағы халықаралық, республикалық хирургия-урология саласы бойынша курстарда білімін жетілдірді.&nbsp;Әмірхан Жүсіпов Қазақстан хирургтерінің ІІІ, IV, VII конгрестеріне, хирургтердің І съезіне, эндоскопиялық хиругтерінің III съезіне, халықаралық хирург-гепатологтардың XIII-XIV конгрестеріне қатысқан. 2007 жылы Санкт-Петербургте өткен халықаралық хирург- гепатологтардың конгресінде «Аудандық аурухана жағдайында бауыр жарақатын емдеу» тақырыбында баяндама жасаған. Бұлардың өзі дәрігер деңгейінің мойындалуы деп білу керек.&nbsp;Ер-азамат еңбегімен танылады, халқының құрметіне бөленеді. Ол тәжірибелі маман ретінде көптеген шәкірттер тәрбиеледі. Бүгіндері өңіріміздің белгілі дәрігері атанып отырған Тұрғанбек Ерсейітов, Серік Сералиев, Гүлмира Кемалова, Әділет Ғизатов, Ойарыс Төремұратов, Нұрсұлтан Кеулімжаевтар ізбасарлары ретінде білікті дәрігердің бойындағы жақсы қасиеттерін, кәсіби шеберлік дағдыларын үйреніп, науқастарды емдеуде жақсы нәтижелерге жетіп жүр. Әр бейнеттің өз зейнеті болады. Төгілген тер босқа кетпейді. Жылдар бойғы еткен еңбегінің жемісіндей болып Әмірханға үлкен танымалдық әкелді. Ол Қазақстан Республикасы Денсаулық саласының үздігі, жоғары санатты хирург-дәрігер. Жерлестері оны жоғары бағалап «Арал ауданының құрметті азаматы» атағын берген. 2015 жылы облыстық патриоттар форумының «Жүрек жылуы» аталымының иегері атанды. Қаншама атақ алса да, Әмірхан қарапайымдылығынан танған емес. «Мен» деп көкірегін керген кезін көрмеппіз. Осыдан 40 жыл бұрынғы қалпындағыдай. Асықпай сөйлеп, парасат биігінен төмен түскен емес. Қым-қуыт жұмыста жүрсе де, достарына керек кезінде уақыт табады. Дос-жарандар арасында домбырасын қоңырлата күйге келтіріп, ән айтатыны бар. Ал рухани әлем – әдебиетті оқуға деген құштарлығы кім-кімді де сүйсіндіреді. Қалай уақыт тауып, көп оқитындығына таңғаламыз. Бойында ақындық қасиеті де бар. Анда-санда болса да шығарған өлеңдеріне құлақ түреміз, қол соғамыз. Жан тазалығы, сезім мөлдірлігі осындай.&nbsp;Жақсы азаматтың алғаусыз қызмет істеуіне, үлкен жетістіктерге жетуіне оның отбасының әсері өте мол болады. Әмірханның жұбайы Ботакөз Рахатқызы санитарлық дәрігер болып жұмыс істеген. Өз ісінің білікті маманы ретінде танылған-тын. Амал не, дүниеден ерте өтіп кетті. Марқұм Ботакөз өте сымбатты, сыпайы, ақкөңіл жан болатын. Осындай тәлімді- тәрбиелі отбасынан үлгі алған Алтынбек пен Күмісбек бұл күндері мұнай саласында қызмет етеді. Қызы Ақгүл –қаржыгер. Кейінгі жары Зәмзагүл Бекарыстанова ультрадыбыспен зерттейтін жоғары санатты дәрігер. Қыздары Шолпанай әулеттің мамандығын жалғастыру ниетімен Ақтөбе қаласындағы М.Оспанов атындағы медицина университетінің І курсында оқып жүр. Ұл- қыздарынан көрген тоғыз немересі–Әмірхан мен Зәмзагүлдің көз қуаныштары.Міне, аралдықтардың құрметіне бөленген ақ халатты абзал жан, іні-досым Әмірхан Жүсіпов–біз мақтанарлықтай арда азамат, кәсіби білікті маман. «Асыл адам айнымас» деп хакім Абай айтқан жан осындай болар.

Ел алғысына бөленген ақ халатты абзал жан

<a href="https://kyzylorda-news.kz/">Kyzylorda-news.kz.</a> Ел тарихының құнды деректері мен ұлтымыздың санғасырлық тіршілік қалыбын айқындайтын жәдігерлер музейлер қорында сақталған. Байыптап қарасаң, әрбір бұйым өз алдына сыр шертеді.Мамыр айының 18-і – Халықаралық музей күні. Осыған орай облыстық тарихи-өлкетану музейінің директоры Сапар Көзейбаевпен сұхбат әзірлеген едік.– Сапар Әлиасқарұлы, төл мереке құтты болсын! Жалпы облыста қанша музей бар? Биыл жұмыс барысында қандай тақырыптар қамтылды?– Облыс бойынша барлығы 14 музей халыққа қызмет көрсетеді. Олардың жалпы қорында 156140, ал облыстық музейде 65430 экспонат бар. Осы жылдың қаңтар-сәуір айлары аралығында қор 1178, оның ішінде облыстық музей &nbsp;534 экспонатпен толықты. Сонымен қатар, музейлерде экскурсиялар, лекциялар, көрмелер ұйымдастырылады. Келушілер саны &nbsp;да өсіп келеді. Биылғы іс-шаралар Қызылорда облысының 85 жылдығына орай «Музей энциклопедиясы», «Тарих көмбесі», «Тұлғатану», «Бір әулеттің тарихы» атты жобалардан бастау алды. «Ұлттық рухани жаңғыру» бағдарламасы аясында облыс музейлері бойынша «Жәдігерде бір сыр бар», «Тарихтағы сандар», «Музей энциклопедиясы», «Музей радиосы», «Жас өлкетанушы», «Құнды жәдігер», «Жәдігербаян», «Музей Тур» &nbsp;жобалары &nbsp;жүзеге асуда.– Осы орайда жүзеге асырылып жатқан ғылыми жобалар жайлы тарқатып айтып берсеңіз…– Облыстық музейде бірнеше ауқымды жобалар жүзеге асырылуда. Атап айтқанда, 2021 жылдан «Qyzylorda» телеарнасымен бірлескен «Құнды жәдігер», «Шалқар» ұлттық арнасында «Музей радиосы» жобалары жүзеге асырылып келеді. Осыған дейін «Құнды жәдігер» жобасы бойынша 20-дан астам тарихи-танымдық фильмдер насихатталса, «Музей радиосы» жобасы аясында белгілі тұлғалармен арнайы сұхбаттар халық назарына ұсынылды. Сонымен бірге, жобалардың нәтижесі республикалық «Egemen Qazaqstan», облыстық «Сыр бойы», «Кызылординские вести» газеттерінде жарияланып келеді. Бұдан бөлек, былтырдан бастап «Сыр өңірі бойынша далалық экспедиция және эмпирикалық зерттеулер» ғылыми жобасы шеңберінде Сыр бойындағы ұсталар және ұстаханалар зерттеліп, нәтижесінде музей қоры этнографиялық экспонаттармен толықтырылды. Биыл музей қызметкерлері тарапынан «Сыр бойындағы діни-ағартушылар мұрасын кешенді зерттеу» жобасы басталды. Атақты Тапал ахун (Нұрмұхаммед) Қадірұлы (1848-1921 жж.) мен Марал ишан ұрпағы Әмит ишан Әбдірахманұлының (1905-1961 жж.) пайдаланған араб, парсы, шағатай тілдерінде жазылған кітаптарының мазмұны аударылып, 8 кітаптың электронды көшірмесі алынды. Алдағы уақытта аталған жобалар жалғасын табады.&nbsp;– Биыл Сыр перзенті, көрнекті мемлекет қайраткері Т.Жүргеновтің 125 жылдығы халықаралық деңгейде аталып өтуде. Осынау тарихи датаға байланысты музей тарапынан қандай іс-шаралар атқарылып жатыр?– Мемлекет қайраткері Т.Жүргеновтің 125 жылдығына орай «Тарих. Тағдыр. Тұлға.» атты көрме ашылып, Астана қаласының Бірлескен музейлер дирекциясы, Қызылорда облыстық тарихи-өлкетану музейі және «АЛЖИР» музейінің бірлесуімен «АЛЖИР» музейінде «Қазақ руханиятының жарық жұлдызы» атты дөңгелек үстел ұйымдастырылды. Онда ұлт қайраткерінің өміріне қатысты құнды деректер айтылды. Тағы бір жаңалығымыз, Ұлыстың ұлы күні – Наурыз мерекесінде Шымкент қаласында өткен республикалық этнофестивальде біздің қордан Сыр өңірінің тарихы, мәдениеті, өнері және облыста өндірілетін тауарлардан толық мәлімет беретін экспозициялық-композициялық көрме ұйымдастырылып, «Үздік киіз үй» номинациясымен марапатталды. Бұдан бөлек, ҚР Материалдық емес мәдени мұраны қорғау жөніндегі ұлттық комитетімен /ЮНЕСКО/ бірлесе отырып, Наурыз мерекесі қарсаңында және Материалдық емес мәдени мұраны қорғау туралы конвенцияның 20 жылдығына орай балалар арасында «Алтын тақта» атты тоғызқұмалақ ұлттық ойынынан турнир ұйымдастырылды.– Биыл Қызылорда облысының құрылғанына 85 жыл. Тұранның төрі, Алаштың алғашқы астанасы болған аймағымыздың тарихында талай сыр жатқан болар?– Иә, әрине. Облыстың құрылғанына 85 жыл толуына орай Қарағанды, Атырау, Жамбыл, Маңғыстау, Батыс Қазақстан облыстық тарихи-өлкетану музейлері арасында көрме ұйымдастыру, тәжірибе алмасу бағытында арнайы меморандум жасалды. Бұл меморандум аясында Сыр өңірі тарихы мен мәдениетін, көненің көзіне айналған жәдігерлерімізді, киелі өлкеміздің мәдениеті мен рухани құндылықтарын Арқа жұртшылығына таныстыру, ұмыт қалып бара жатқан ата-бабамыздың көне, бай мұрасын жас ұрпаққа таныстыру, аманаттау бағытына назар аударылған. Осы орайда Қарағанды облыстық тарихи-өлкетану музейінде «Сыр өңірі – Түркі өркениетінің алтын бесігі» атты көрме ұйымдастырылды. Онда мәдени құндылығы аса жоғары археологиялық артефактілер, бірнеше ғасырлық тарихы бар жәдігерлер, сан &nbsp;ғасырлар &nbsp;сынынан &nbsp;өтіп &nbsp;шираған, қазақ &nbsp;халқының &nbsp;табиғи &nbsp;дарынымен &nbsp;өзектес, &nbsp;халық &nbsp;өмірімен, тұрмысымен &nbsp;бірге &nbsp;өсіп, біте &nbsp;қайнасып &nbsp;келген &nbsp;қолөнерінің әсем үлгі-нұсқалары, сирек кездесетін кітаптар мен қолжазбалар Арқа жұртшылығының назарына ұсынылды.«Қазанғап мұрасы – ұрпақ қазынасы» атты дәулескер күйшінің жанына серік болған домбырасының көшірмесін музей қорына қабылдау рәсімі өтті. Бабадан қалған жауһар жәдігерді жаңғыртып, ел игілігі үшін табыстаушы Қазақстанның еңбек сіңірген қайраткері, белгілі жыршы, Қазанғап атындағы Қызылорда музыкалық колледжінің директоры Ұлжан Байбосынова домбыраны салтанатты түрде табыс етті. Ал 9 мамыр – Ұлы Жеңістің 78 жылдығына орай Кеңес Одағының Батыры Ә.Молдағұлованың Ақтөбе облыстық мемориалдық музейі қорының «Ақтөбелік ұлт мақтаныштары» атты жылжымалы көрмесі ашылды. Көрмеге қазақтың қайсар қызы Әлия Молдағұлованың өмірі мен ерлік жолы көрсетілген құнды материалдар, әскери киімдер, соғыс кезеңінде пайдаланған &nbsp;қару түрлері қойылды.С.Айтбаев атындағы көркемсурет галереясында Қазақстан Суретшілер және Қолөнершілер одағының мүшесі, ұста, зергер Бекзат Жақыповтың «Құсқанат ғұмыр» және галерея қорындағы туындылардан жасақталған &nbsp;«Ұлы дала тарихы» атты &nbsp;көрмесі, жергілікті қолөнер шебері Пахриддин Садықовтың &nbsp;«Қолөнерден өнеркәсіпке» атты &nbsp;көрмесі, ҚР Суретшілер және Қолөнершілер одағының мүшесі Ұлмекен Маутованың «Көңілдегі керуен», ҚР Суретшілер одағының мүшесі Әбілда Абызбековтың &nbsp;«Дала үні», ҚР Суретшілер және Журналистер одағының мүшесі Көлбай Әбілханұлының «Толқынды Арал» атты шығармашылық көрмелері ҚР Суретшілер одағының құрылғанына 90 жыл толуына орай ұйымдастырылды. Осындай көрермен сұранысына сай іс-шаралар жыл бойы атқарылатын болады. &nbsp;

Сапар Әлиасқарұлы: Облыстық музей  534 экспонатпен толықты

Аралда индустрияландыру бойынша 9 жоба мақұлданды

<a href="https://kyzylorda-news.kz/">Kyzylorda-news.kz.</a> Жыл сайын елімізде этностық топтардың мемлекеттік тілді меңгеруге қызығушылық танытқан жастары мен өскелең ұрпағын ынталандыру арқылы қазақстандық бірегейлікті дамытуға жәрдемдесу мақсатында Қазақстан Халқы Ассамблеясының «Мың бала» республикалық мәдени-ағартушылық жобасы жүзеге асырылуда.Қазалыда аталмыш жоба аясында аудандық қоғамдық даму бөлімінің қолдауымен «Тіл ғұмыры – ұлт ғұмыры» атты интеллектуалды сайыс өтті. Аудандық Жастар ресурстық орталығында өткен сайыста №249, №266 және №16 мектептің 9-11 сынып оқушыларынан құралған 3 топ 4 кезең бойынша бақ сынады. Сайысты аудандық қоғамдық даму бөлімінің әдіскер маманы Жанар Қайназарова сөз сөйлеп ашып, сайысқа қатысушыларға сәттілік тіледі.Сайыс қорытындысы бойынша жүлделі бірінші орынды Е.Бозғұлов атындағы №249 мектеп-лицейдің «Шаңырақ» тобы, екінші орынды №266 мектеп-лицейдің «Тұғырлы тіл» тобы және үшінші орынды М.Горкий атындағы №16 мектеп-лицейдің «Өткір тіл» тобы иеленді. Шара соңында Қазақстан халқы Ассамблеясы жанындағы Аудандық аналар кеңесінің төрайымы Шакизада Асқарова жеңімпаз оқушыларды марапаттап, арнайы сый-сияпаттарды табыстады.

Қазалыда «Тіл ғұмыры – ұлт ғұмыры» атты интеллектуалды сайыс өтті

<a href="https://kyzylorda-news.kz/">Kyzylorda-news.kz.</a> Аймақта кәсіпкерлік деңгейі біршама дамып келеді. Оның ішінде Қармақшы ауданында қолға алған кәсібін дөңгелетіп, оны одан әрі дамытып отырған кәсіпкерлер жетерлік. Солардың бірі – Нұргүл Жаналиева. Ал сөзіміздің дәлелі алыстан көз тартып, менмұндалайтын «Дос» сауда үйі. Қазіргі заман талабына сай салынған нысанның сыртқы келбетіне сүйсіне қарайсың. Батыстан күн сәуле шашқан орын Төретам кентінің ажарын нұрландырып-ақ тұр.Екі қабатты ғимаратқа ене бергеніміз сол еді сауда үйінің иесі алдымыздан жадырай қарсы алды. Сауда үйін бір шолып, мұндағы қызмет орындарымен таныстық. Жалпы 34 дүңгіршектен тұратын нысанның екінші қабатында бірыңғай киім-кешек сатылады. Ал біріншісінде азық-түлік, шаштараз, ойыншықтар дүкені саудасын қыздыруда.<blockquote>«Қазір кәсіп ашамын дегенге мүмкіндік көп. Мемлекеттік бағдарламалар ниеттілерді қолдайды. Мен де берілген мүмкіндікті қалт жібермей, «Бизнестің жол картасы – 2020» бағдарламасы шеңберінде 10 миллион теңге көлемінде несие алып, кәсібімді бастадым. Арманым орындалып, қазір сауда үйіміз халыққа қызмет көрсетуде. Кәсібімді одан әрі дамытқым келеді», – дейді жеке кәсіпкер.</blockquote>Мұнда дүңгіршектің бірін жалға алып, әйелдер киімін сататын қатарға көзіміз түсті. Сатушыны да аз-кем әңгімеге тарттық.– Сауда үйі биыл игілікке берілді. Сол уақыттан бері осындамыз. Бастысы – отырған жеріміз жайлы, әрі жылы. Халық үйренісіп жатыр. Келушілер қатары да артты. Барлығы халықтың арқасы ғой, – деді ол.Бүгінде шағын бизнеске ден қойылып, қолдау көрсетілуде. Ол үшін түрлі бағдарлама мен жобалар да жүзеге асуда. Ал бұл қадам – өрісімізді кеңейтіп, талапқа сай өмір сүруімізге тынысын ашуда. Иә, ауданда кәсіп ашып, бизнесін дөңгелеткендер қатары еселенген. Қуантарлығы да – осы.Қазір дамушы елдер шағын бизнеске ден қойып, қолдау білдіруде. Қазақстанда да осы бағытта түрлі бағдарлама мен жобалар жүзеге асуда. Бұл – ел-жұрттың жылдан-жылға өрісін кеңейтіп, заман талабына сай өмір сүруіне тынысын ашуда. Бүгінде ауданда екі қолға бір күрек ұстап, кәсіп ашып, бизнесін дөңгелеткендер қатары артқан. Мәселен биылдың өзінде кәсіп ашқандар саны еселенген. Солардың бірі – ерлі-зайыпты Әбдімұрат Смайлов пен Жадыра Алшоразованың отбасылық кәсібі.Кәсіпкерлікті дамытуда аянбай тер төге еңбек етіп, өзге әріптестеріне үлгі көрсетіп жүрген төретамдық кәсіп иелерінің бұл салада жүргеніне жиырма жылға жуықтапты. Алғашында Байқоңыр қаласында басталған кәсібін жылдар өте кеңейтуді ойлағанмен отбасылық жағдайға байланысты Төретам кентіне қоныс аударады. Осында жаңа кәсіптің кірпішін қалап, тәуекел етеді.<blockquote>«Қазір елімізде мейрамхана бизнесі күннен-күнге дамып келеді. Алайда оның ішінде сұранысқа ие болу мен сапа мәселесі де өзекті. Себебі тұтынушы талғамы басты орында. Осындай мүдде тоғысынан шыққан нысанның ғана қашан да бәсі жоғары болады. Сол үшін қазіргі заманға сай, тұтынушы талғамынан шығатын мейрамхана салуды мақсат еттік. Несие алып, барлығын нөлден бастауға тәуекелге бел будық. Қызмет той мезгілінде қызады», – дейді олар.&nbsp;</blockquote>Төретамдағы «Ерке» мейрамханасы тұрғындардың талғамынан шығуда. Аталған орталық былтыр бой көтерген. Кәсіп иелері «Бизнестің жол картасы – 2020» бағдарламасы шеңберінде несие алып, кәсібін бастайды. Бүгінде жаңадан салынған жайлы орынға келушілер қатары артқан. Себебі мұнда 350 орындық мейрамханадан бөлек, кафетерий мен сауда-саттық дүкені бар. Халыққа қолайлы бағада қызмет етіп отырған кәсіпкерлік нысанда тұрғындар еңбек етуде. Ерлі-зайыптылар қайырлы іс – қайырымдылық жасауға да белсене атсалысады.– Маңдай терін төгіп еңбек еткен адам міндетті түрде жетістікке жетеді. Біз де осы кәсіпті ашу үшін тер төктік. Отағасымның қолдауымен мақсат жолында жұмыс істеп, арманымның бір бөлігіне қол жеткіздім. Жанұяда 4 бала тәрбиелеп өсірудеміз. Қазір қолғабыс болып жанымыздан табылады. Барлығы оңай жолмен келмеді. Қиындықтар кездесті. Бірақ алға қойған мақсатымыз бізге дем берді. Құладық. Қайта тұрдық. Еңбек етемін деген адамға көмегін беріп жатқан мемлекетке алғысымыз шексіз, – дейді Жадыра.Халықаралық тәжірибеде қонақ үй индустриясы мен мейрамхана бизнесі дамыған салалардың бірінші сатысында тұр. Бәсекелесі көп сала болғанымен табысы да айтарлықтай. Тек істің көзін таба білсе, келушілерге дәмді асын ұсына білсе болғаны.Жасыңда еңбек етсең, қартайғаныңда соның зейнетін көресің. Осы қағиданы ұстанған талай жас кәсібінен береке тауып отыр. Қазіргі кәсіпкерлердің дені – жастар. Жұмыссыздық өзекті мәселе десек, мемлекет кәсіпкерді өзектен теуіп отырған жоқ. Ал кәсіп ашуды қиынға балайтыны да аз емес. Себебі неден ашарын, неден бастарын білмей дал болған талай жасты көзіміз көріп жүр. Ашайын десе – қаражаты жоқ. Қаражаты болса – идеясы жеткіліксіз. Не істемек керек?Төретамдағы сапарда аңғарғанымыз екі қолға бір күрек тапқандар қатары артқан. Солардың бірі – 27 жастағы Жұлдызай Бақтыбаева. Бүгінде ол ашқан наубайхана тұрғындарға үздіксіз қызмет көрсетуде. Жастайынан кәсіп ашуды армандаған жанның ісі берекелі. Талапты жас еңбек етіп, нәпақа табуға бел буады. Кәсіпкерлік – оның бойына анасынан дарыған қасиет болса керек. Дәл осы кәсіппен бірнеше жыл айналысқан отбасы Қызылордаға көшеді. Бірақ бала күнінен маңдай термен нәпақа табуды қызына үйретіп, осы кәсіпті қолға алуға мұрындық болған оның анасы. Уақыт өте Жұлдызай туған жеріне келіп, «Бизнес Бастау» бағдарламасы арқылы 500 мың теңге көлемінде қайтарымсыз грант жеңімпазы атанады. Діттеген мақсатының бір бөлігі орындалған жас кәсіпкер бизнесін одан әрі дөңгелетуге білек-сыбана кіріскен.<img class="image_resized" style="width:100%;" src="https://knadmin.beoblood.kz/uploads/1583230805_nan_9973ece121.jpg" alt="1583230805_nan.jpg">Наубайханада бөлке нан, тәтті тоқаш, балды, бисквитті торт пен нан өнімдерінің түр-түрі пісіріледі. Тұрғындарды жұмыспен қамтуда. Мұндағы қызметке тұрғындар дән риза. Нан өнімдері жақын маңдағы балабақшаға да жеткізіледі.<blockquote>«Адам нені ескеруі керек? Әрине, бір орында тоқтап қалмауды. Кейде өмірден налып, жұмыс жоқ деп ренішті күңкіліміз бар. Бәрі өз қолымызда ғой. Сүрінген адамның қайта тұрып жүруге құқы бар. Дипломды сандыққа тастап, кәсіпкер болсын демеймін. Адам барға қанағат етуі керек. Егер өз мамандығыңнан жолың болмады ма, мұңаюдың қажеті шамалы. Мемлекет жұмыссызға бар мүмкіндікті беріп отыр. Соны тиімді пайдаланып, еңбек етсе болғаны. Әсіресе жас буын жат қылыққа әуестенбей, жастайынан еңбекке баулып өссе жаман болмайды. Әрбір адам өз өмірінің қожайыны. Ал оның қандай болуы тек өзіне байланысты», – дейді жас кәсіпкер.</blockquote>Наубайхана тізгінін ұстаған нәзік жан мұнымен шектелмек емес. Мемлекет тарапынан тағы да қолдауға ие болса, кәсібімді одан әрі дамытқым келеді дейді. Тәуекел еткен жас «Алла қарекет қылғанға береді» дейді тағы да...Жүйткіген көлік Төретам кентінің орталығындағы нысандардың біріне тоқтады. Екі қабатты ғимараттың келбеті алыстан-ақ көзтартады. Ішке ене бергеніміз сол еді «Ali» сауда үйінің иесі Бану Иманзадаева жадырай қарсы алды. «Ә» дегеннен әңгімеміз жарасқан жанға көп сұрақ та қоймадық. Сауда үйін бір шолып, мұндағы құж-құж қайнаған қызу тірлікке куә болдық.Қазір кәсіпті меңгеруде мүмкіндік көп. Түрлі мемлекеттік бағдарламалар қанатқақты жобаларымен кәсіп ашуға ниеттенгендерді қолдайды. Ал мұндай мүмкіндікті қалт жібермеген жан – біз жазып отырған кейіпкер. Ол «Бизнестің жол картасы – 2020» бағдарламасы шеңберінде 5,5 миллион теңге көлемінде несие алып, ойыншық сататын дүкенін одан әрі кеңейтеді. Бой көтерген нысанда кәсіп иесінің ойыншықтар дүкенінен бөлек 15 дүңгіршекті жалға беріп отыр. Мұнда сән салоны, фотосалон, киім-кешек, ет, жеміс-жидек пен кітаптар әлемі бар. Ал жеке кәсіпкер Бану бұдан да биік белестерді бағындырғысы келеді.– Несібе – еңбек еткенде. Бар күшімді жиып, кәсібімді одан әрі дамытқым келді. Арманым орындалып, қазір сауда үйіміз халыққа қызмет көрсетуде. Кәсібімді одан әрі дамытамын. Кентте әзірге жоқ балалар ойын-сауық орталығын ашу жоспарда бар, – дейді жеке кәсіпкер.Сауда үйінен шығатын тұста жеміс-жидек сататын қатарға көзіміз түсті. Сатушыны де аз-кем әңгімеге тарттық.– Сауда үйі ашылғалы осындамыз. Халық үйренісіп жатыр. Келушілер қатары артқан. Барлығы халықтың арқасы ғой, – деп қысқа қайырды Мира Нұрбаева. &nbsp;

Архив