<a href="https://kyzylorda-news.kz/">Kyzylorda-news.kz.</a> Бүгін А.Тоқмағамбетов атындағы қалалық мәдениет үйінде 27 наурыз - Халықаралық театр күніне орай Жастар театрының сахналауындағы «Олимптің күйреуі» мифологиялық драмасы халық назарына ұсынылды.Спектакльге арнайы қатысқан қала әкімінің орынбасары Жанмұрат Сейілов қойылымнан соң сөз алып, атаулы мерекенің мәні мен маңызы, Жастар театрының бүгінгі беталысы жөнінде тілге тиек етті.<blockquote>«Жалпы, өнер атаулының ішіндегі шоқтығы биігі – театр өнері. Театр адам баласының жан дүниесін байытып, ізгілік пен зұлымдық, махаббат пен қиянат сынды қасиеттердің ара жігін ажырата білуге, адамгершілікке тәрбиелейді. Әсіресе, өскелең ұрпақтың бойындағы мәдениетті дамытуда театрдың рөлі айрықша. Осы мақсаттың үдесінен шығу жолында жанкешті еңбек атқарып келе жатқан Жастар театры ұжымын алғаш үйірме ретінде ашылған сәтінен жақсы білемін. Театр мәселесінің ең жанды жері – репертуар болса, өнер ұжымы бұл күнде түрлі жанрмен жарақтанып, шырқау шыңдарға беттеп барады десем қателеспеймін», – деді қала әкімінің орынбасары Жанмұрат Сейілов.&nbsp;</blockquote>Сондай-ақ театр труппасын кәсіби мерекесімен құттықтап, театр жанашырлары мен жас әртістерге облыс, қала басшылығының арнайы алғыс хаттарын табыс етті.Сонымен қатар, рухани кештің құрметті қонақтарының бірі, Н.Бекежанов атындағы қазақ музыкалық академиялық драма театрының директоры Мұхтар Ниязов белгілі өнер тарланы Оңталап Нұрмаханов бастаған Жастар театры ұжымына шығармашылық өрістеу тіледі.

Жастар театры «Олимптің күйреуі» мифологиялық драмасын ұсынды

<a href="https://kyzylorda-news.kz/">Kyzylorda-news.kz.</a> Қазақстан Ұлттық банкі 2023 жылғы 28 наурыздан бастап жаңа коллекциялық монеталардың сатылымға шығатынын мәлім етті."Қазақстанды монеталар арқылы зертте!" сериясынан Street art. BATYR BEINESI коллекциялық монетасы.<figure class="image"><img src="https://knadmin.beoblood.kz/uploads/523bb10a8b0edede06ca7af816664f50_844256ab56.png" alt="523bb10a8b0edede06ca7af816664f50.png"></figure>Сынамасы 925/1000 күміс монетасы түрлі түсті баспа технологиясы арқылы дайындалған. Массасы - 31,1 грамм, мөлшері - 30х45 миллиметр, дайындау сапасы - proof, номиналы 500 теңгелік, таралымы 5 000 дана."Спорт" монеталар сериясымен шыққан FIFA WORLD CUP QATAR 2022 коллекциялық монеталарында алтын жалату технологиясы қолданылған. 925/1000 сынамасы бар күміс монеталардың массасы - 20 грамм, диаметрі - 37 миллиметр, дайындау сапасы - proof, номиналы 100 теңгелік, Қазақстанның ішкі нарығына арналған саны - 3 650 дана.<figure class="image"><img src="https://knadmin.beoblood.kz/uploads/51b38d9ea25738eb284b502541bc2cd2_035c837943.png" alt="51b38d9ea25738eb284b502541bc2cd2.png"></figure>Номиналы 100 теңгелік&nbsp;нейзильбер&nbsp;қоспасынан&nbsp;SALIÝT-1&nbsp;монеталарының бейнесі<blockquote>"Ғарыш" монеталар сериясымен шыққан SALIÝT-1 коллекциялық монеталары нейзильбер қоспасынан (МН 15-20) тұрады. Массасы - 11,17 грамм, диаметрі - 31 миллиметр, дайындау сапасы - uncirculated, номиналы - 100 теңгелік, таралымы - 100 000 дана.</blockquote>&nbsp;

BATYR BEINESI коллекциялық монетасы шығады

<a href="https://kyzylorda-news.kz/">Kyzylorda-news.kz.</a> &nbsp;Жалағаш ауданындағы «Байтабын» ЖШС ұжымы өткен аптада ақ егісті бастаған.Қазір не керек? Бәрі бар. Барын ұқсатып, мына қызуы қайнаған тіршілікте нәсібін көріп жүргендер жетерлік. Елдің табысты болуы оның табиғи байлығымен емес, адамдардың еңбекпен біте қайнасу қабілетінен де байқалса керек-ті. Экономика дамуының басым бағыттарының бірі – ауыл шаруашылығы саласы. Ал аймақ еңбеккерлері агробизнес пен агроөнеркәсіп кешенінің көкжиегін кеңейтуде кенде қалмақ емес. Әсілінде көктем – шығыры майлаулы диқаншылардың жер жыртып, егін салуға асығатын мезгілі. Олар ерте көктемнен бастап алқапқа алғашқы дәнін септі. Жалағаш ауданындағы қыстай кетпенін мұзға қайраған диқандары қырманды дәнге толтырудың қамына кіріскеніне де бірнеше аптаның жүзі болған. Күрежолдың бойында егіс алқабы бар «Байтабын» ЖШС ұжымы өткен аптада ақ егісті бастады.Бұқарбай батыр ауылындағы шаруашылық ұжымы көктемгі науқан жұмыстарын елден бұрын бастауды дәстүрге айналдырған. Есесіне ала жаздай күтіп баптаған егінді жауынға қалдырмай қырманға құйып алады. Биыл да шаруашылық ұжымының дала жұмысы әдеттегідей айналасынан бұрын басталды. &nbsp;Артында тіркемесі бар қос трактор алқапқа айтарлықтай сән берген. Бірі атыздың басынан соңына дейін тіркемеден тұқым тастаса, келесі механизатор оған жанаса кетеді. Бас-аяғы 20-30 минутта атыздан-атызға ауысқан қос механизатордың санаулы күнде ақ егісті сеуіп тастайтыны байқалады. Оның үстіне биыл егілетін жоңышқаның көлемі де айтарлықтай көп емес екен. Былтыр шаруашылық 200 гектардан астам алқапқа жаңа жоңышқа сепкен. Биыл да оның көлемінде айтарлықтай айырмашылық жоқ. Бастысы, шаруашылық ұжымының ротацияны қатаң сақтайды екен. Әлбетте күріштен түсетін табыс жоңышқаға қарағанда айтарлықтай жоғары. Алайда төраға Болат Ділдабеков үшін өнімнің көлемінен сапасы маңызды. Тіпті әлі жерге дән түспей агроном Сұлтанбек Үсейіновты егіс басына қойғаны да сондықтан. Бұрын ауылдағы үлкендер пысықай біреуді сөз еткенде әңгімесін «оның білмейтіні жердің астында» деп бастайтын. Сұлтанбек Үсейінов жердің астындағы дәннің де қай уақытта қалай пісіп-жетілетінін жетік біледі. Қазір ауыл шаруашылығы дақылдарының қайсысына қандай күтім қажет, ол жағы серіктестіктің бас агрономына таңсық емес. Бүгінде олар 207 гектар алқапқа жаңа жоңышқаны бидаймен араластырып сепкен. Әзірге егіс басында 10-15 адам бар, негізгі жауапкершілік механизаторларға жүктелген.&nbsp;Бригадир Болат Жетпісбайұлы наурыздың аяғында жерді сүдігерлеуге кірісетінін айтады. Ол басшылық ететін бригада биыл 500 гектар күріш пен 100 гектар жоңышқаның шығымына жауапты. Айта кеткен жөн, былтыр шаруашылық 800 гектарға жуық алқаптан жоңышқа өнімін жиған. Оның 210 гектары жаңа жоңышқа болса, 580 гектар ескі жоңышқаны күтімге алған. Биыл да 207 гектарға жаңа жоңышқа егіп отыр. Сыр салысын былай қойғанда, жоңышқаның тұқымына дейін өздері дайындайды. Өнім өздерінен бөлек басқа да шаруашылықтарға сатылады екен. Мәселен, биыл дайындалған 10 тонна жоңышқа тұқымының өздері тек 4 тоннасын пайдаланып, қалғанын сатылымға шығарады. Жоңышқа сұрпының сапасы жоғары болса керек, тіпті басқа да облыстардан сұраныс болады дейді олар. Оны дайындайтын германиялық аппарат 2018 жылы 48 миллион теңгеге сатып алынған. Агроном Сұлтанбек Қабылбекұлы көктемде «Байтабын» ЖШС 500 тоннадай күріш пен 4 тонна жоңышқа тұқымын себетінін айтады. Ал қалғаны жергілікті шаруашылықтарға сатылады. «Байтабын» ЖШС былтыр 1 100 гектар алқапқа Сыр салысын сепкен. Сыр салысының әр гектарынан 70 центнерден орташа өнім жиса, диқандардың алды әр гектардан 86 центнер астық алған. Былтыр аяқ судың мәселесі жергілікті шаруашылықтардың ешқайсысын айналып өткен жоқ. Уақыт өткен сайын мәселе күрделеніп келеді. Егер келер жылы мұндай мәселе қайталанбаса, «Байтабын» ЖШС 1390 гектарға күріш егетінін айтқан. Биыл мамандар су тапшылығы айтарлықтай қиын болмайды деп болжам жасады. Жақсы жаңалықтан құлағдар болған шаруашылық ұжымы биыл 1300 гектарға күріш егуді межелеп отыр. Шаруашылық бүгінде 107 адамды жұмыспен қамтиды. 3 өндіріс бригадасы биыл науқанды оң нәтижемен қорытындылауға ниетті. Техникадан да мәселе жоқ, төраға Болат Ділдабеков «ала жаздай бапталған өнім жауын-шашынға қалады» деп уайымдамайды. Себебі ол шаруашылық базасын толық заманауи соңғы үлгідегі техникалармен жарақтаған. Ал мұның еңбек өнімділігіне де оң әсері болатыны айтпаса да анық. Соңғы жылдары серіктестік егінді әртараптандыруға да басымдық берген. Былтыр ауыл халқына бақша салу үшін біршама жер ашып берген еді. Жергілікті тұрғындар қыстай тұтынатын картоп-сәбізін, қызылша, асқабын өздері өсіріп, жинап алды. Болат Ділдабеков бұл жылдағы қалыптасқан дәстүр екенін айтады.&nbsp;Әрине, шаруашылық қолға алған бұл бастаманың жергілікті халыққа тиімді екені айтпаса да белгілі. Ал биыл мақсары, соя секілді суды аз қажет ететін дақылдарға да басымдық беріледі екен. Шаруашылық өз кәсіптерінен бөлек ауылдың болашағы үшін де жарқын жобаларды жүзеге асырғанын аудан жұрты жақсы біледі. 100 миллион теңгеден астам қаражатқа спорт кешенін салған. Бүгінде батыр атындағы ауылдың жастары оның игілігін көріп отыр. Одан бөлек бірнеше жылдан бері ауылда тұралаған интернет байланысына қатысты мәселені де түбегейлі шешіп берген. Үлкен балалар ойын алаңының өзі бүгінде ауыл балақайларына айтарлықтай базарлық болғаны көрініп тұр. Табысын жұртымен бөлісетін осындай ұжымның жұмысында береке болатынын «Байтабындықтардың» бүгінгі тыныс-тіршілігі айқындап тұрғандай.&nbsp;Бастысы – жаңа егіннің бітік шығуы. Ал алғашқы дән себілгеннен бастап алты ай жер кеудесін сауып, бел шешпей еңбектенетін дала еңбеккерлерінің өнімі күз сайларда қамбаны мол астыққа толтырары шүбәсіз.&nbsp;

Жалағаш ауданында ауыл еңбеккерлері ақ егісті бастады

<a href="https://kyzylorda-news.kz/">Kyzylorda-news.kz.</a>&nbsp;Қазақстанның дамуына, экономикалық қиындықтардан шығуына әлем жұртшылығы назар аударып отыр. Егемен еліміз қарыштап дамып келеді. Айбарлы да ажарлы мемлекетке тамсана қарайтындар аз емес. Өңірлерді дамытуға да баса назар аударылып келеді. Үкіметке және жергілікті әкімшіліктерге нақты тапсырмалар берілді. Орындалуы үшін де ұдайы бақылауда ұстап, алға қойылған, міндеттелген жүктемелер тиянақталып жүр.Президент Қасым-Жомарт Тоқаев «Жаңа Қазақстан» үндеуінде алдағы уақытта назар аударылатын өзекті мәселелерге тоқталып, оларды шешуге міндетті жауапты үкімет мүшелері мен ведомостволарға нақты тапсырма берген болатын. Әсіресе қоғамда белең алып жатқан келеңсіздіктерді айта келе, елімізде жүйелі түрде реформа жасау қажет екенін баса айтты. Сондай-ақ жаңа құрылған үкіметке елдің экономикасын, халықтың әлеуметтік жағдайын көтеру, жұмыссыздықты азайту мақсатында жаңа өндіріс орындарын ашу, мамандар даярлайтын білім беру жүйесін кәсіпорындардағы сұраныстармен үйлестіру, ауылдық жерлерде спорт кешендерін салу, тұрғын үймен қамтамасыз ету сияқты көп жылдан бері шешімін таппай келе жатқан, елдің көкейінде жүрген өзекті әлеуметтік мәселелерді шешу тапсырылды.Президент жолдауынан халық, өзі күткендей, оң өзгерістер, жаңа лепті сезінді. Жаңа Қазақстанның жарқын болашағына жол ашатын өзекті мәселелердің барлығы осы мәлімдемеде қамтылды. Қазақстанның бірлігін ойлаған Президентіміздің ел болашағы үшін алға қойған мақсаттарын орындайтынына сенімдіміз. Халқымыздың тұтастығы мен бірлігін сақтау және еліміздің көркейіп, өркендеуі үшін қоғамның барлық саласында жүргізілетін реформаларға қолдау көрсетуге дайынбыз.&nbsp; Иә, мемлекеттің өркендеуі аймақтардан басталады. Бұл тұста оң істер жүзеге асырылып жатыр. Өңір гүлденіп, біршама нысандар бой көтеруде. Халықтың тұрмыс-тіршілігі де оңалып, аудандардан құралған аграрлы өлкелердің берекесі артып отыр.&nbsp;Жылдар мен жылдарды салыстырғанда ілгерілеу нышанының игі белгісі байқалып-ақ жүр. Алдағы уақытта аймақ одан әрі ауқым алып, өскен, өркендеген, кемел сипатқа ие болатынына сенім бар. Елдік мақсаттар мен мұраттар өзінің жүзеге асуында өркені өсуін тоқтатпайтын, түпкі нәтижесі толас тауып қалмайтын, еш уақытта үзілмейтін үрдіс!Айнұр ӘЛИ

Мемлекеттің өркендеуі аймақтардан басталады

<a href="https://kyzylorda-news.kz/">Kyzylorda-news.kz.</a> Орталық сайлау комиссиясы ҚР Парламент Мәжілісі депутаттарының кезектен тыс сайлауының түпкілікті қорытындысын шығарды.&nbsp;&nbsp;1. Amanat партиясы – 53,90% немесе 3 431 510 адам дауыс берді;2. «Ауыл» халықтық-демократиялық партиясы – 10,90% немесе 693 938 адам дауыс берді;3. Respublica партиясы – 8,59% немесе 547 154 адам дауыс берді;4. Қазақстан халық партиясы – 6,8% немесе 432 920 адам дауыс берді;5. «Байтақ» жасылдар партиясы – 2,30% немесе 146 431адам дауыс берді;6. «Ақ жол» Қазақстан демократиялық партиясы – 8,41% немесе 535 139 адам дауыс берді;7. Жалпыұлттық социал-демократиялық партиясы – 5,20% немесе 331 058 адам дауыс берді;«Бәріне қарсымын» бағаны – 3,90% немесе 248 291 адам дауыс берді.ОСК төрағасы Нұрлан Әбдіровтың дерегінше, 5 және одан да көп пайыз дауыс жинаған саяси партиялардың арасында Мәжіліс депутатының мандаттары былай бөлінді:1. Amanat партиясы – 40 мандат;2. «Ауыл» халықтық-демократиялық партиясы – 8 мандат;3. Respublica партиясы – 6 мандат;4. Қазақстан халық партиясы – 5 мандат;5. «Ақ жол» Қазақстан демократиялық партиясы – 6 мандат;6. Жалпыұлттық социал-демократиялық партия – 4 мандат.Еске салайық, 19 наурызда Қазақстан Республикасы Парламенті Мәжілісі депутаттарының сайлауы өтті. Бұл жолы кандидаттар партиялық тізім негізінде және бір мандатты округтер бойынша сайлауға қатысты.Мәжіліс сайлауына 7 саяси партия тіркеліп, оның алтауы 5%-дан жоғары дауыс жинады.&nbsp; &nbsp;

Мәжіліске өткен партиялар анықталды

<a href="https://kyzylorda-news.kz/">Kyzylorda-news.kz.</a> &nbsp;Орталық сайлау комиссиясы бірмандатты округтер бойынша Мәжіліс депутатының мандатын иеленген кандидаттардың тізімін жариялады.ОСК шығарған түпкілікті қорытындыға сай, бірмандатты округтер бойынша мына кандидаттар Мәжіліс депутаты болып сайланды:Астана қаласы №1 сайлау округі бойынша Дәулет Тұрлыханов 71 698 дауыс жинады;Астана қаласы №2 сайлау округі бойынша Дәулет Мұқаев 51 769 дауыс жинады;Алматы қаласы №3 сайлау округі бойынша Ермұрат Бапи 23 690 дауыс жинады;Алматы қаласы №4 сайлау округі бойынша Ерлан Стамбеков 15 930 дауыс жинады;Алматы қаласы №5 сайлау округі бойынша Бақытжан Базарбек 22 685 дауыс жинады;Шымкент қаласы №6 сайлау округі бойынша Данабек Исабеков 21 098 дауыс жинады;Шымкент қаласы №7 сайлау округі бойынша Болатбек Нәжметдинұлы 19 851 дауыс жинады;Абай облысындағы №8 сайлау округі бойынша Нұртай Сабильянов 131 872 дауыс жинады;Ақмола облысындағы №9 сайлау округі бойынша Айна Мысырәлімова 154 587 дауыс жинады;Ақтөбе облысындағы №10 сайлау округі бойынша Қазыбек Әбішев 238 195 дауыс жинады;Алматы облысындағы №11 сайлау округі бойынша Ардақ Назаров 122 242 дауыс жинады;Алматы облысындағы №12 сайлау округі бойынша Данияр Қасқарауов 153 225 дауыс жинады;Атырау облысындағы №13 сайлау округі бойынша Әділ Жұбанов 107 973 дауыс жинады;Батыс Қазақстан облысындағы №14 сайлау округі бойынша Абзал Құспан 126 784 дауыс жинады;Жамбыл облысындағы №15 сайлау округі бойынша Мұқаш Ескендіров 99 021 дауыс жинады;Жамбыл облысындағы №16 сайлау округі бойынша Гүлдара Нұрымова 190 078 дауыс жинады;Жетісу облысындағы №17 сайлау округі бойынша Руслан Қожасбаев 132 678 дауыс жинады;Қарағанды облысындағы №18 сайлау округі бойынша Құдайберген Бексұлтанов 132 471 дауыс жинады;Қарағанды облысындағы №19 сайлау округі бойынша Арман Қалықов 145 228 дауыс жинады;Қостанай облысындағы №20 сайлау округі бойынша Еркін Әбіл 181 175 дауыс жинады;Қызылорда облысындағы №21 сайлау округі бойынша Мархабат Жайымбетов 148 646 дауыс жинады;Маңғыстау облысындағы №22 сайлау округі бойынша Еділ Жаңбыршин 117 880 дауыс жинады;Павлодар облысындағы №23 сайлау округі бойынша Амантай Жарқынбек 168 625 дауыс жинады;Солтүстік Қазақстан облысындағы №24 сайлау округі бойынша Еркебұлан Мамбеков 153 736 дауыс жинады;Түркістан облысындағы №25 сайлау округі бойынша Қайрат Балабиев 142 595 дауыс жинады;Түркістан облысындағы №26 сайлау округі бойынша Ұласбек Сәдібеков 92 445 дауыс жинады;Түркістан облысындағы №27 сайлау округі бойынша Темір Қырықбаев 117 584 дауыс жинады;Ұлытау облысындағы №28 сайлау округі бойынша Ерболат Сатыбалдин 44 406 дауыс жинады;Шығыс Қазақстан облысындағы №29 сайлау округі бойынша Лұқбек Тұмашинов 165 596 дауыс жинады.&nbsp;

Сайлау-2023: Қызылорда облысынан Мәжіліске кім барады?

<a href="https://kyzylorda-news.kz/">Kyzylorda-news.kz.</a> Биыл «Ауыл – ел бесігі» жобасы еліміздегі 736 ауылды жарылқауы керек. Бұл ауылдарда 1,5 мыңнан астам жоба жүзеге аспақ. Қоңыр тіршілік кешкен ауылдағы ағайынның өмір сапасын жақсартуды көздейтін аталған бағдарлама Шиелі ауданында да жалғасады. Биылғы жылы тізімге ауданнан 6 ауыл еніп отыр.«Ауыл – ел бесігі» 2019 жылдан бастап іске қосылды. Жобаның мақсаты – ауылдық аумақтарды дамыту екені белгілі. Жоба аясында әлеуметтік және инженерлік инфрақұрылымды дамыту, әлеуметтік игіліктердің қолжетімділігін қамтамасыз ету, ауыл тұрғындары үшін жайлы өмір сүру ортасын құру жөніндегі шаралар іске асырылып келеді.Шиелі ауданында жоба аясында Бестам елді мекеніндегі Ы.Алтынсарин, М.Әуезов, Ә.Әбуов, А.Құнанбаев, С.Төлебаев және Тәуелсіздік (6,1 шақырым) көшелерінің орташа жөндеу жұмыстарына ҚР Ұлттық қорынан 109 млн теңге бөлініпті. Ал Н.Бекежанов ауылындағы 14,6 шақырымды құрайтын 15 көшеге аталған қордан 323 млн теңге қаралып отыр. Сонымен қатар аудандық маңыздағы Жуантөбе ауылына кіре беріс 6 шақырым автомобиль жолын күрделі жөндеу жұмыстарына Ұлттық қордан – 250 млн теңге бөлінсе, облыстық бюджеттен – 150 млн теңге, аудандық бюджеттен – 64 млн теңге, барлығы – 464 млн теңге бөлінген.Қазақта «Жол қадірін жүрген біледі» деген керемет сөз бар. Шындығында солай. Қайбір нәрсенің байыбына барып, қадірін жіті түсіну үшін алдымен оны көзбен көріп, қолмен ұстап, білу қажет. Сонда ғана оның қадір-қасиетіне тереңдей түсесің. Осы орайда өзіміз күнделікті жұмысқа қатынап, тіршілігімізбен тікелей байланысып кеткен жолдардың бүгінгі тыныс-тіршілігіне аз-кем тоқталып өтуді жөн санадық. Біздің қолымыздағы мәліметке сүйенсек, бүгінде аудан бойынша 145,4 шақырым аудандық, 92 шақырым облыстық, 80 шақырым республикалық маңыздағы автомобиль жолдары халыққа қызмет етуде. Сонымен барлығы – 323,4 автомобиль жолы бар.Облыстық жолаушылар көлігі және автомобиль жолдары басқармасының тапсырысымен «Шиелі-Қарғалы-Байкенже-Жаңақорған» автомобиль жолында орналасқан көпірді (Бидайкөл ауылына кіре беріс) күрделі жөндеу (193 млн теңге) және «Шиелі-Жемісжидек» автомобиль жолының 14,2 шақырымында орналасқан көпірді (Ә.Тәжібаев ¬ауылына кіре беріс) күрделі жөндеуге (305 млн теңге) келісім шарттар жасалыпты. Бидайкөл ¬ауылына кіре берістегі көпір пайдалануға берілсе, Ә.Тәжібаев ¬ауылына кіре берістегі көпірдің құрылыс-монтаждау жұмыстары жүргізілу үстінде. «Ауыл – ел бесігі» жобасы бойынша кент және елді мекендердің көшелерін жөндеуге 511 млн теңге қаржы бөлінген. Бұған қоса, кентішілік көшелерді жөндеуге облыс әкімінің тікелей қолдауымен облыстық бюджеттен 563 млн теңге қаржы қаралыпты. Сондай-ақ Сұлутөбе елді мекеніне кіре беріс жолды күрделі жөндеуден өткізуге 264 млн теңге қаржы жұмсалмақ.Қоса кеткен жөн, «КАП логистик» ЖШС-нің «Шиелі-Сұңқар» филиалының Еңбекші жолының 13 шақырымына 2 млрд теңгеге жөндеу жұмыстары жоспарланған. Биыл 6 шақырымын жөндеу үшін 1 млрд теңге, одан өзге аудандық вокзалдан Көкшоқы мөлтек ауданына баратын темір жолды жөндеу үшін 300 млн теңге, кенттегі Ж.Тұрабаев көшесіне жаяу жүргіншілер жолы мен түнгі жарық шамдарын орнатуға 38 млн теңге қаржы қаралыпты.

Шиеліде «Ауыл – ел бесігі» жобасы жалғасады

<a href="https://kyzylorda-news.kz/">Kyzylorda-news.kz.</a> &nbsp;Жалағаш ауданында биыл да қайтарымсыз грант үлестіретін комиссия отырысы өз жұмысын бастап кетті. Онда бас-аяғы 136 жоба қаралып, оның 36-сы қаржылай қолдауға лайық деп танылған.Облыстағы кәсіпкерліктің дамуы сан қырынан көрініс табуда. Қолдағы барды мол табыс көзіне айналдырып, ел игілігіне еңбек ету қазіргі кәсіпкердің басты ұраны. Кәсіпкерлік саласындағы өсу өңір экономикасының әлеуетін арттырады емес пе?Жаңа жобалар жалғасын тауып, жұмыс орындары ашылып, жұмыссыз жандар жұмыспен қамтылуда. Иә, бүгінде шағын және орта бизнесті дамытуға мемлекет айрықша назар аударды. Жергілікті тұрғындар арасында да кәсіпкерлік кең қанат жайып, бизнеске ынталы азаматтардың қатары артты. Жас кәсіпкерлерді қолдаудан бөлек, орта бизнеске арналған тиімді бағдарламалар да бар. Осындай қолдаудың нәтижесінде көкжиегін кеңейтіп отырған кәсіпкерлер де жоқ емес.Ал кәсіп ашып, көкжиегін кеңейтіп отырған жандар бастысы ынта болса болғаны дейді. Рас-ау, қазір іс бастаймын деген адам қаржылай қолдаудан құр қалмайды. Пайыздық үстемақысы төмен несиені былай қойғанда, бүгінде шағын және ірі жобалар жұмысын ширатуға тіпті қайтарымсыз қаражат та қарастырылған. Олардың жыл сайын көлемі де артып келеді. Айта кеткеніміз жөн, өткен жылы Жалағаш ауданының өзінде шағын кәсіпті дамыту және жұмыссыздық деңгейін төмендету мақсатында 300 жоба жалпы құны 367 миллион теңгеден астам қаржылай қолдауға ие болған. Олардың басым бөлігі мал шаруашылығына негізделсе, кент орталығында кондитерлік өнімдер әзірлейтін шағын цех, жартылай фабрикаттар дайындайтын шағын өндіріс орындары, бірнеше тігін цехы да сол қайтарымсыз гранттың арқасында ауданда іске қосылды. Биыл да қайтарымсыз грант үлестіретін комиссия отырысы өз жұмысын бастаған. Онда бас-аяғы 136 жоба қаралып, оның 36-сы қаржылай қолдауға лайық деп танылыпты. Наурыз айының екінші онкүндігінде өткен комиссия отырысында 1 миллион 380 мың теңгеге қаржыландырылған жобалар қатарында Ерлан Нұрбаевтың да жобасы бар екен.&nbsp;Ол туған жері Жалағаш ауданына қарасты Қаракеткенде жылқы шаруашылығын дамытсам деген ниетін білдіріпті. Алдымен құлынды биелер алып, ауыл тұрғындарына саумал сатуды көздеп отыр. Алдағы уақытта басқа мемлекеттік бағдарламалардың көмегіне жүгініп, жылқы басын көбейту де жоспарында бар екен.&nbsp;<blockquote>«Қаракеткен ауылында басқа ауылдардай күріш алқабы жоқ, яғни егін шаруашылығы да мардымсыз деуге болады. Алайда, жайылымдық жерден айтарлықтай мәселе болады дей алмаймын. Аяқ суға қатысты мәселеміз де жуырда шешіледі деген ойдамыз. Сондықтан өз ауылымда жылқы шаруашылығымен айналысуды жөн санадым. Алдымен олардың басын көбейтуге басымдық беремін. Кейін саумал сатып, мал бордақылап, ет өнімдерін де нарыққа шығару ойда бар. Кешегі комиссия отырысында менің жобам 1 миллион 380 мың теңге қайтармсыз қаржылай қолдау тапты. Алдағы уақытта енді соны кәсіпкерлік мақсатқа жұмсап, жұмысымды жандандырамын» дейді жоба авторы. Бұрын 2021 жылға дейін әр жобаға бөлінетін қайтарымсыз гранттың жалпы құны 600 мың теңгеге жуықтайтын. Былтыр оның көлемі 1 миллион 225 мың теңгеге жетсе, биыл 1 миллион 380 мың теңгені құрап отыр. Бұл қаражат шағын кәсіпті ширатуға немесе бастауға таптырмас мүмкіндік.</blockquote>Ал Жалағаш кентінің тұрғыны Әлия Зейнуллақызы кондитерлік өнімдер өндіріп, оны нарыққа шығаруды бұрыннан жоспарлаған. Тіпті мұндай өнімдерді ол өзі әзірлейді. Қазірдің өзінде көрші-көлем, дос-жаранның өтінішімен күніне 2-3 тапсырыс қабылдайтын көрінеді. Ал одан артық қабылдайын десе, қажетті аппараттардың жоқтығы қолбайлау болып отыр. Сондықтан ол қайтарымсыз грантпен кондитерлік өнімдер әзірлейтін арнайы аппараттар алып, тұтас аудан жұртының сұранысын қамтамасыз етуге бел буыпты.&nbsp;Иә, бұған дейін де мұндай өнімдер өндіруді жоспарлаған жалағаштықтардың бірнеше жобасы қолдау тапқан болатын. Қазір олардың басым бөлігі әлі күнге дейін жұмыс жасап тұр. Демек, кондитерлік өнімдерге жергілікті тұрғындар тарапынан сұраныс жоғары. Комиссия мүшелері де мұндай жобаны бір ауыздан қолдайды.<blockquote>«Бұрын осындай цехтарда жұмыс жасап, тәжірибе жинадым. Алдағы уақытта өзім де кәсіп бастасам деймін. Жобамның қолдау тапқанына қуанып тұрмын және бұл жобаның өміршеңдігіне сенімім мол. Себебі осыған дейін де үйде отырып, тапсырыс қабылдадым. Сұраныс көп, алайда оның барлығын қамтамасыз ету үшін қажетті аппараттар керек. Енді бұл мәселені шешуге де жол ашылды. Алдағы уақытта кәсібімнің көкжиегі кеңейсе, тағы да қосымша жұмыс орнын құрамын» дейді Әлия Зейнуллақызы.&nbsp;</blockquote>Алғашқы комиссия отырысында қорғалған 36 жобаның 28-і мал шаруашылығына бағытталған екен. Жалпы ауданда жұмысын бастайтын жобалардың түрленгенін құптамайтын адам жоқ шығар, сірә? Дегенмен, аграрлық ауданда жайылымдық жер, су, мал азығына қатысты мәселе болмағандықтан, тұрғындардың басым бөлігі аталған салада бақ сынауға бел буған. Бұл шаруашылық кәсібіне ден қойып, идеясын жүзеге асыру үшін білек-сыбана кірісіп жүргендер жетерлік.Мамандардың айтуынша, әсіресе тиісті қаражат қой шаруашылығын дамытуға таптырмас мүмкіндік. Расымен, ірі қара, жылқы алып та кәсіп етуге болады, алайда көпшілік 1 миллион теңгеден астам қаражатқа түліктің бұл түріне көптеп қол жеткізе алмайсыз. Ал керісінше осынша қаражатқа жүзге жуық уақ мал алуға болады. Жалағаш кентінің тұрғыны Сұлтанхан Аханаевтың жобасымен танысқан кез келген адам оның осындай көзқараста болғанын оңай аңғарады. Ол аудан орталығында уақ мал өсіріп, оны бордақылап, нарыққа шығаруға ынталы. Комиссия мүшелері де бұл жобаны бір ауыздан қолдаған. Нәтижесінде қайтарымсыз грантқа ие болды. Ол тіпті мал алу үшін жергілікті шаруашылықтармен сөйлесіп те қойған. Бұдан жоба авторының іс бастауға тыңғылықты дайындықпен келгенін аңғаруға болады.&nbsp;<blockquote>«Аудан орталығында да мал шаруашылығын дамытуға болады. Жалпы, халық қазір атакәсіпте айтарлықтай пайда барын жете түсінген. Қазір комиссияға кіріп жатқан жобалардың да басым бөлігі мал шаруашылығына негізделген. Бұлардан бөлек те ауданда мал шаруашылығымен айналысып жатқандар жетерлік. Бірақ ешкімнің еті болмаса сүті өтпей қалып жатқан жоқ. Неге? Себебі нарықта ет, сүт өнімдеріне сұраныс жоғары. «Бәрі мал шаруашылығымен айналысып жатыр, кәсіптің бұл түрінде пайда жоқ» деген ойдан ада болған абзал. Қазір қоғамдық ортада «ет аламыз, сүт аламыз» деп жүрген адамды байқайсыз ба, керісінше «Жілікке мал соятындар бар ма екен, қолдың сүтін кім сатады?» дейтіндер жетіп артылады. Міне, бізге бұл қаражат сол сұранысты қамтамасыз ете отырып, өзіміздің мол табысқа жетуіміз үшін беріліп отыр. Алдағы уақытта қой шаруашылығымен айналысып, халықты ет өнімдерімен қамтамасыз етемін. Қазір оразаның уақыты, осыдан бір ай бұрын қаражатқа қол жеткізгенімде, бұл кезде өнімімді нарыққа шығаратын едім. Алда әлі құрбан айт және басқа да мерекелер бар. Сол кезде де қой етіне сұраныс көп болады. Бірақ мен алдымен мал басын көбейтуге басымдық беремін» дейді кент тұрғыны.</blockquote>Жалағаш ауданындағы қайтарымсыз грант бойынша өткен комиссия отырысында 36 жоба жалпы құны 50 миллион теңгеге жуық қаржылай қолдау тапты. Олардың қатарында мал шаруашылығынан бөлек, тігін цехы, алма бақ, шикі зат қалдықтарын өңдеу, шаштараз, кондитерлік өнімдер әзірлеуге негізделген жобалар да бар екен. Жыл соңына дейін комиссия отырысы ай сайын өтеді деп жоспарлануда.Иә, қазір өз ісін бастап, аяққа тұруды ниет еткендерге мемлекет тарапынан көрсетілетіліп жатқан көмек көп. Жоба әзірлеп, қайтарымсыз қаржыға ие болғысы келгендер мен жаны сүйетін істі бастау мақсатында жеңілдетілген несие иемденуді ниет еткендерге үкіметтен қолдау аз емес. Тек тиімді пайдалана білсе болғаны. &nbsp;

Жалағашта қайтарымсыз грант бойынша 36 жоба қолдау тапқан

<a href="https://kyzylorda-news.kz/">Kyzylorda-news.kz.</a> Шиелі ауданы әкімдігінің баспасөз орталығында аудандық төтенше жағдайлар бөлімінің бас маманы азаматтық қорғау капитаны Әбсаттаров Бағлан Бөлешұлы орман және даланы өрттен қорғау бойынша жергілікті БАҚ өкілдеріне брифинг өтті.Көктем-жаз айларында қатты ыстықтан шөп қурап, өртену қаупі туатыны белгілі. Далалы алқаптардың, шабындық жерлердің және жайылымдық жерлердің өртке орануына адамдар да себепші болып жатады.​Орман, дала өрті – абайсыз жағылған от. Орман, дала өрті көбінесе құрғақшылық мезгілде, ерте көктемде және күзде болады. Адамдардың &nbsp;далалық жерде демалып ашық отты пайдаланудағы аңғалдықтарынан. Орман және дала өрттерінің болуының ең көп себептері ең алдымен ауыл шаруашылық қалдықтарын өртеген кезде қауіпсіздік талаптарының бұзылуынан, сөндірілмеген шылым немесе сіріңке және күннің көзі түсетін жерге тасталған шыны сынығынан түскен күн сәулесінен жануы.«Қызылорда облысындағы құрғақ және желді климат, шөптесін өсімдіктердің көп болуы, дала өртінің тез өріс алуына мүмкіндік туғызады. Ауқымды емес дала өртін сөндіру үшін қажетті іс-шаралар желдің бағытын және өрттің таралу жылдамдығын анықтау, тұрғындарға ескерту, көмекке шақыру үшін жақын жердегі ауылға хабаршы жіберу, отты топырақпен көміп үстіне су құю, кішігірім отты таптау, өрт сөнгеннен кейін кетуге асықпай, қайта тұтанбайтынына көз жеткізу»,- деді Бағлан Бөлешұлы.Мамандар ескертеді: Егер өрт аумағында болсаңыз өзіңіздің күшіңізбен сөндіру мүмкін болмаса, оның таралу бағытын, және шығу бағдарын анықтап құтқару қызметіне 101, 112 номері арқылы хабарлаңыз. ​Сіздерден табиғатта осы қарапайым өрт қауіпсіздігі ережелерін сақтауларыңызды сұраймыз. Сонда ғана дала және орман алқаптарын өрттен сақтап қаламыз.<img src="https://knadmin.beoblood.kz/uploads/336914003_1285781892002270_792235647719709411_n_b6f18d85da.jpg" alt="336914003_1285781892002270_792235647719709411_n.jpg">

Бағлан Әбсаттаров: Орман мен даланы өрттен қорғайық

<a href="https://kyzylorda-news.kz/">Kyzylorda-news.kz.</a> Рамазан – айлардың ең қайырлысы, уақыттың ең қасиеттісі. Хақ Тағаланың мейірім-шарапаты ерекше асып-тасатын, күнәлар кешіріліп, сауапқа кенелетін ай. Бұл айда әрбір мұсылман баласы шынайы ниеттеніп, құдайдан жәрдем тілейді. Отыз күн бойы ораза ұстап, ауыз бекітеді. Көпке топырақ шашудан аулақпыз. Алайда арамызда мың айдан да қайырлы айдың маңыздылығын түсінбейтіндер де, рия жасап, ұстаған оразасын жұртқа жария қылатындар да, арықтау үшін ауыз бекітетіндер де жоқ емес.Иә, Рамазан – Алла Тағаланың рақымы түскен, жұмақтың есігі айқара ашылатын, сауаптар еселеніп жазылатын шарапаты мен шапағаты мол ай. Өйткені бұл кезде жан мен тәнді рухани тазартатын Ораза құлшылығы орындалады. Рас. Қасиетті Рамазанда ауыз бекітіп, ораза ұстаған әрбір мұсылманның жан мен тәні рухани тазарады. Ауызды тамақтан тыю арқылы күнә – кемшіліктеріміз кешіріледі. Алайда кейбір арулар оразаны Алланың разылығы үшін емес, арықтау мақсатында бекітетін көрінеді. Сенбеске лаж жоқ. Себебі, бүгінде салмақ тастап, сұлулыққа ұмтылатын сылқымдардың санында шек жоқ. Сондықтан бірнеше күннің ішінде көктем мезгілімен қатар келген қасиетті Рамазан айында қыпша белді бойжеткенге айналғысы келетіндердің қатары артқан.Жуырда инстаграм желісін қолданушы Н есімді блогер келіншектің өз парақшасына жариялаған жазбасын көзім шалды. Қыз-келіншектерге арықтаудың түрлі тәсілін үйретіп жүрген әлгі блогер біресе шөп дәрілерді пайдалануға кеңес берсе, енді кейде «Гербалайф» өнімін тұтынып, тез салмақ тастаудың тәсілін ұсынады. Не керек, әйтеуір аруларды арықтату жолында түрлі амалдарды қолданатын көрінеді. Бұл – өзіне де, сұлулыққа жаны құмар бикештерге де пайда. Неге дейсіз ғой? Өйткені, әлгі блогер дәл осы жол арқылы өз нәпақасын тауып, табыс тапса, бір жағынан қыздардың артық салмақтан «құтылуларына» ықпал етіп жүр. Хош. Бізді елең еткізгені бұл емес. Жағамызды ұстатып, таң қалдырғаны – оның қасиетті айды пайдаланып, аруларға ауыз бекіту арқылы кеңес бергені. Иә, бұл бір қарағанда анау айтқандай жаңалық не таң қаларлық дүние емес. Дегенмен, арықтау үшін ауыз бекітудің жолын ұсынған әлгі әйелдің ісі құптауға келмейді. Сұлулықты сақтау – кез келген әйел затына міндет. Сымбатың жарасып, көркем көрінуді асыл дініміз де құптайды. Дегенмен, сұлу мүсін үшін отыз күн ораза ұстау шариғатымызға қарсы. Бірақ оны бүгінгілер түсінбек түгілі, елеп-ескеріп жүрген жоқ. Денеге салмақ жинап алғандардың дені сауап жинауды ойламақ түгілі, қасиетті айдың қадір-қасиетіне жете алмай жүр. Егер дәл осы Алланың рақымы түскен айдың құндылығын ұғынған болса, салмақ тастау үшін амал қылар ма еді?Иә, отыз күн бойы ауызды тамақтан тиып, күні бойы нәр татпау арқылы салмақ тастап, сымбатты болуға болады. Алайда дәл осы қасиетті Рамазан айында артық салмақтан арылу – қате. Себебі асыл дінімізде ораза ұстаудың басты мақсаты бұл емес. Адам баласы ораза ұстау арқылы бар мен жоқтың, аштықтың қадірін ұғынады, ауыз бекітіу арқылы күнә-кемшіліктерінен арылады. Сондықтан да мұсылман адам, дәл осы айда Алладан кешірім тілеп, таң атқаннан кеш батқанға дейін ауыз бекітіп ораза ұстайды, құлағын өсектен, ауызын балағат сөзден, көзін харамнан тияды. Сауап жинауға асығып, амал етеді. Ал арықтау мақсатында ұсталған оразаның ешқандай сауабы болмайды.&nbsp;<blockquote>«Рамазан – мың айданда қадірлі ай. Бұл айда оразаны тек қана Алланың разылығы үшін ғана ұстау қажет. Иә, Рамазан айында ораза ұстау – мұсылман баласына парыз. Бұл айда тамақтан ашыққан адам күнә атаулыдан тыйылады. Біздің әрбір амалымыз бен ниетіміз арқылы өз сауабымызды аламыз. Сондықтан арықтау мақсатында ауыз бекіткендерге оның сауабы болмайды. Бұдан бөлек, өзінің ораза ұстағанын, өзгелерге жария еткен пенде де өз амалы мен ниетіне байланысты ақыретте сауап алады. Біз тек Алланың разылығы үшін ғана ауыз бекітіп, Жаратқаннан жәрдем сұрауымыз қажет. Егер біз дәл осы айда жай ғана ауыз бекітіп, оған амал етпесек, ол бос құтымен пара пар. Себебі ауыз бекіткен әрбір адам көзін харамнан, ауызын жаман сөзден тыюы қажет. Рамазан айында оразаны әркім өзі үшін ұстайды. Ал егер оны біреуге жария етіп, мақтан үшін жасаса, тәкәппарланып, жасаған сауапты істерін жария етсе, оның дұғасы қабыл болмайды. Сондықтан өзіміз үшін болған оразаны мейлінше көрсетпеген дұрыс», – дейді Шиелі аудандық орталық мешітінің бас има.</blockquote>Иә, расында әрбір амалдар ниетке байланысты. Бас имам айтқандай, Алланың разылығы үшін болған әрбір амалымызды қолдан келгенше жарияламағанымыз абзал. Алайда арамызда шариғаттың заңын білмей жатып, асыл дінімізді бұрмалайтындар, істеген қайырымды істерін рия ететіндер жетерлік. Мұндай жағдайларға сіз бен біз күн сайын куә болып жүрміз. Мәселен, өзіміз күнделікті қолданып жүрген «Ватсап» месенджерлеріндегі ағайын-жұрттың, туған-туыс, дос-жаранның ораза жайлы жариялаған жазбалары мен статустарын аша қалсаңыз, бәрінің бірден иманды болып кеткендіктерін аңғарасыз. Бірақ олардың шынымен амал етіп, ниеттеніп ораза ұстап жүргендері тек бір Аллаға ғана аян. Қасиетті айдың қарсаңында әлеуметтік желіге түрлі уағыздар мен діни суреттерді салып жүргендер расымен ниет етіп, қасиетті айдың маңыздылығын ұғынып жүр ме, әлде мақтан үшін рия жасап жүр ме, кім білсін? Не десек те, арықтау үшін ауыз бекітіп, мақтаныш үшін әлеуметтік желіге жазбалар жариялап, оны жұртқа жария ету мүлде дұрыс емес. Шынында, біз амалдардың ниетке байланысты екенін ұғынған болсақ, оразаны тек Алланың разылығы үшін ғана ұстап, ақыретімізге азық жинаған болар едік.

Ораза  – арықтаудың амалы емес

Зорлық-зомбылық көретін әйелдердің 70 пайызы бұрынғы күйеулерінен зардап шегеді

<a href="https://kyzylorda-news.kz/">Kyzylorda-news.kz.</a>Тұрғындар үшін басты қажеттіліктің бірі болғандықтан азық-түлік өнімдерінің бағасы өзектілігін жойған емес. Алайда аграрлық аймақ саналатын Сырда күріш бағасының қымбаттауына не себеп?Қазақстан Республикасы Қаржылық мониториг агенттігінің Қызылорда облысы бойынша экономикалық тергеп-тексеру департаменті әлеуметтік маңызы зор азық-түлік түрлеріне мониторинг жасады. Мониторинг барысында басты назар өңірде өндірілетін азық-түліктің өзіндік құнына аударылды.Бүгінде Қазақстан Республикасы Қаржылық мониториг агенттігінің Қызылорда облысы бойынша экономикалық тергеп-тексеру департаментінің талдау тобы күріш өндіретін ең ірі тоғыз кәсіпорынның баға белгілеу жұмыстарына талдау жүргізді. Оның нәтижесіне сәйкес, Қаржылық мониторинг агенттігінің облыстық өкілдігі күріш өндіретін алты компанияның бағаны көтеруі қаншалықты негізді екендігін білу үшін тексеру тағайындады.Өзге кәсіпорындар өңірдің әлеуметтік дүкендерінде саудалау үшін облыстың Тұрақтандыру қорына арналған күріштің келісін 420-дан 350-ге дейін түсіруге келісті.Қазіргі таңда әлеуметтік дүкендерде күріштің килограмын 350 теңгеден аспайтын бағада саудалау жұмыстары жергілікті органдар мен «Байқоңыр» әлеуметтік кәсіпкерлік коропорациясы арасында қарастырылып жатыр.

Архив