<a href="https://kyzylorda-news.kz/">Kyzylorda-news.kz.</a> &nbsp;Қызылорда облысындағы Қылмыстық-атқару жүйесі департаментіне қарасты №60 мемлекеттік мекемесі бастығының тәрбие жұмыстары жөніндегі орынбасары Алтынбек Тұрарбекұлы мен кадр саясаты бөлімінің бастығы Гүлмира Алтынбек қызметкелердің отбасылық жағдайымен танысты.Онда жанұядағы психологиялық жай-күйін біліп, тұрмыстық жағдайына қарай жемқорлыққа деген тәуекелдерін бағалау үшін мекеме қызметкерлерінің тұрмыс-тіршілігін көрді. Апта басында жас жеке құрам мүшелерінің барып, ата-анасы, жұбайлары арасындағы қарым-қатынасты бағамдап қайтты.Солардың бірі Режим бөлімінің бақылаушысы Орынбасар Шыңғыс. Бұл отбасының барлық балалары құзырлы органдарда қызмет ететіндіктен, жұмыстың қаншалықты қиын екені бұл отбасыға жақсы таныс.<blockquote>«Үш баламның үшеуі де мемлекеттік қызметте болса да, мекеме басшылығы осылай шаңырағымызға келіп, отбысымыздың жай-күйімен танысып жатқаны бірінші рет. Бұл мекеменің өз қызметкерлеріне бей-жай қарамайтынының белгісі. Баламның жұмысы жөнінде хабардармын. Бос уақытта үйдің шаруасымен айналысады. Ешқандай жаман әдеті жоқ» &nbsp;деді Орынбасар Шыңғыстың анасы.</blockquote>Өз міндетін жауапкершілікпен атқарып жүрген жас маманның отбасы мүшелерімен қарым-қатынасын бағамдап, қызметте де, бос уақытында да қателікке жол бермеуге шақырды.Келесі қызметкер мекеменің сотталғандар арасында әлеуметтік-психологиялық тәрбие жұмысы бойынша бөлімінің отряд бастығы Аманғазиев Асхат болатын. Бұл қызметкер отбасымен қалада пәтер жалдап тұрады. Мемлекет тарапынан төленетін төлемақы негізінде пәтер ақысын төлеп отыр.&nbsp;<blockquote>«Мен өз саламда адал еңбек етіп келемін. Жеңіл ақшаны көздемей, еңбегіммен табыс тауып, тапқан несібемді отбасыма жаратамын. Осы уақытқа дейін оңай олжаны тіпті ойыма да алған емеспін. Ата-анаммен, жұбайыммен қарым-қатынасым да жақсы» деді өз сөзінде Асхат Аманғазиев.&nbsp;</blockquote>Бұл қызметкер өз міндетін жауапкершілікпен атқарып келеді. Қызметтен тыс уақытта да ішкі істер органдары қызметкеріне тән әдеп нормаларын сақтап келеді.Жеке құрам қызметкерлерінің жұмыстан тыс уақыттағы моральдік-психологиялық жағдайына көз жеткізу үшін Режим бөлімінің бақылаушы кинологы Бекзат Аманғалиевтің шаңырағында да қонақ болып, отбасы мүшелері өзара жақсы-қарым қатынаста екендігі көз жеткізді.<blockquote>«Мен бұл салада жас маманмын. Жұмыстың қиындығы уақытпен санаспайды. Қай уақытта келсем де, жұбайым әрдайым қызым екеуі күліп қарсы алады. Бұл мен үшін үлкен қолдау. Басшылық тарапынан да қолдау көрсетіп, отбасмыздың тыныс-тіршілігімен танысуға келіп жатқанына қуаныштымын» деді өз сөзінде Бекзат Аманғалиев. &nbsp;</blockquote>Мекеме әкімшілігі жеке құрам қызметкерлерінің тұрмыстық жағдайы жақсы екендігін, сыбайлас жемқорлыққа тәуелділігі жоқтығын, сонымен қатар, отбасы мүшелерімен жылы қарым-қатынаста екенін біліп қайтты. &nbsp;

ҚАЖ: Қызметкерлердің отбасылық жағдайымен танысты

<a href="https://kyzylorda-news.kz/">Kyzylorda-news.kz.</a> Күріш, картоп, сәбіз секілді «аса бағалы» өнімдер тізіміне құрылыс материалдары да енуде. Біраздан бері тұтынушылар үй соғуға қажетті материалдар 2-3 есе қымбаттап кеткенін айтып та, жазып та жатыр. Соның ішінде арматура, швеллер стандартты профилі, темір бетон мен цемент бар.Мәселен, осыдан 2 жыл бұрын болат жайманың тоннасы 190-230 мың теңге болса, кейін 300-ге, 350-ге, содан соң 400-ге көтерілген. Қазір бағасы 480 мың төңірегінде. Ұлттық статистика бюросы ұсынған деректер бойынша қалыңдығы 4 мм-ге дейінгі қаңылтыр болат 65 процентке, диаметрі 12-14 мм болатын А-I класындағы ыстық илектелген арматура 58,3 процентке, биіктігі 80 мм-ге дейінгі швеллер 35 процентке қымбаттаған.Соның салдарынан болар, қазір үйдің де бағасы шарықтап тұр. Әсіресе жер үйдің бағасы аспандап кеткен. Кемінде 2 бөлмелі үй алу үшін 10 миллион теңгеңіз болуы керек. Ал жер үй сатып алсаңыз да, салсаңыз да орта есеппен 20 миллион теңге кетеді. Қазір қалада салынып жатқан тұрғын үйлердің шаршы метрі 360 мың теңгеге дейін көтерілді. Баға қанша есе көтерілсе де, жұрт құрылыс материалдарын сатып алуға мәжбүр. Оның үстіне, тап қазіргі кезден бастап күзге дейін құрылыс тауарларының бағасы «ұшқаны ұшқан».Анығында оларға ешкім бақылау жасай алмайды. Себебі қажетті құрылыс материалдарының 70 проценті сырттан келеді. Ең негізгілері Ресейден тасымалданады. Ал қазіргі таңда көрші елдің соғыс жағдайы, санкцияның салқыны бізге де тиіп отыр. Әлемдегі ең ұзын шекара – Ресей мен Қазақстан арасындағы шекара. Екі елдің экономикалық байланысы біте қайнасқан. Сондықтан ол жақтағы геосаяси жағдайдың күрделілігі мен тұрақсыздығы бізге де әсер етпей қоймайды. Қазіргі уақытта «өлетін» және ғасыр жасайтын мамандықтар туралы айтылып жүр. Сол ғасыр жасайтын мамандықтың тізімінде құрылысшы бар. Өйткені жаппай пандемия кезінде біраз сала тығырыққа тірелді. Біразы онлайн жұмыс істеуге мүжбүр болды. Ал жұмысы онлайн емес, офлайн ғана жүретін ол әрине, құрылыс саласы. Менде сол кезде қаламды тастап, қолға қалақ алғаным бар. Дәл қазіргі уақытта темірді де, ағашты да дәлдеп кесуді үйренгеніңіз ләзім. Неге десеңіз, бұл екеуінің бағасы бәрін басып озып тұр. Құрылысқа көп қолданатын арматураның тоннасы былтыр 410 мың теңге болатын. Биыл 455 мың теңгеден сатылып, бағасы 109 процентке көтерілген. Бағасының өсімімен одан кейінгі орынды бұрыштама темірлер (угольник) алды. Қоршауға, қақпа жасауға көбірек пайдаланылатын бұл темірдің тоннасы бір жылдың ішінде 485 мың теңгеден 549 мың теңгеге өсіпті. Ал темірлердің төресі труба қадалар. Олардың тоннасы 590 мың теңгеден 729 мың теңгеге шарықтап, өсімі 239 процентті құраған. Тұрғындар темірдің бұл түрлерін тот басуға үлгертпей, жаппай сатып алып жатыр.Ал ағаштың жөні тіпті басқа. Бұрын үй салатын адам ерте қамданып, қыста алып қоятын. Себебі ол кезде арзандау болады. Биылғы қыс оның да пайдасы жоқ екенін көрсетті. Баға қыста «қатып» тұрады да, жазда көтеріле береді. Тіпті қыста сатылмайды да. Азбайтын тауар өз бәсін жоғалтқан емес. Ағаш сатушылар үшін қыста сатқаннан гөрі жазда өткізген тиімді. Қыс бойы аулаларын ағашқа толтырып, құрылыстың қызған кезінде нарықтың ең жоғары бағасына сата береді. Қазіргі таңда 1 текше метр ағаштың құны – 130 000 теңге.«Қазақ байыса той жасайды, өзбек байыса үй салады» деген жұрт арасында әзіл бар. Бүгінде бұл әзіл орын алмастырған секілді. Қазір ауыл-ауылдарда құрылысты меңгерген жігіттер бастарын біріктіріп, бригада құрып, жұмыс істеп жүр.Ауылда екі қолға бір күрек іздеп, сенделіп жүрген жастардың саны да азайғанын аңғаруға болады.«Құрылысқа қажетті барлық құрал жабдықтар өзімізден. Тапсырыс берушімен бағасына келіссек болғаны. Одан кейінгі жұмыс пен құрылыстың сапасына өзіміз жауап береміз. Бізге үйдің толық сызбасы және өлшемі берілсе жеткілікті. Өзіміз әрі қарай жұмысты жүйелі түрде жүргізіп, сапасына ерекше мән береміз. Өйткені қанша тұрғындардың сенім жүгін арқалау бізге үлкен міндет. Қанша қаржы жұмсап салып жатқан үйлерінің сапасы дұрыс болмаса, реніш туындайды. Біздің істеп жатқан жұмысымызға сын келеді. Мысалы, мен осы бригаданы ұйымдастырып, жұмыс жүргіземін. Мұндай ауыр жұмысты тоқтаусыз істеуге болмайды. Жігіттер де шаршайды. Сондықтан біз әр аптаның жексенбі күні міндетті түрде демаламыз», – деді дәнекерлеуші Ғалымжан Байниязов.Ал еңбекақыға келер болсақ, құрылысшылармен сөйлесе келе, 14/15 өлшемді орташа үйдің іргетасын (фундаментін) 500 мың теңге жобасында қалайтынын білдік. Бұл баға қазіргі шарықтап тұрған нарық бағасына сәйкес өзгеріп отырады. Мысалы, өткен жылы орташа үйдің ірге тасын қалау жұмыстары 400-450 мың теңге болса, биыл 450-500 мың теңге аралығында екен. Иә, бұрындары көктем келіп күн жылынғаннан бастап, елімізге қарай ағылатын өзбек ағайындардың қарасы қалың еді. Шыны керек, сырттан келген өзбектерге тапсырысты да, шарықтаған бағаны да өзіміздің қазекеңдер қоятын. Өзбек ағайындардың екі айдың ішінде бір үйді өріп, ішкі сыртқы жұмыстарын толықтай бітіріп бергенімен, олардың салған үйлері көп ұзамай іргетасы (фундаменті) жарылып, үй қабырғасының бөлінуі белең алды. Байқасаңыздар, көршілес өзбек ағайындардың сапасыз салған құрылыстарына қарағанда өзіміздің құрылыстан хабары бар жігіттердің жұмыстары әлдеқайда сапалы шығып жүр.

Шиеліде құрылыс материалдарының құны қанша?

<a href="https://kyzylorda-news.kz/">Kyzylorda-news.kz.</a>Қаржы нарығын реттеу және дамыту агенттігі банктер мен микроқаржы ұйымдарын кредиттік шарттарда және өздерінің кредиттік өнімдерін жарнамалау кезінде жылдық тиімді сыйақы мөлшерлемесін (ЖТСМ) номиналды сыйақы мөлшерлемесімен бірдей ресімдеп көрсетуге міндеттеді.Қаржылық қызметтерді тұтынушылардың құқықтарын қорғауды күшейту және қарыз алушыларға банктік қарыздар мен салымдар, сондай-ақ микрокредиттер бойынша толық құны туралы ақпаратты дұрыс беру үшін ағымдағы жылғы 20 ақпанда реттеуші екі қаулы қабылдады. Бұл Агенттіктің «Берілетін микрокредиттер бойынша сыйақының жылдық тиімді мөлшерлемесін есептеу қағидаларын бекіту туралы» Қазақстан Республикасы Ұлттық Банкі Басқармасының 2019 жылғы 26 қарашадағы № 208 қаулысына өзгеріс енгізу туралы» №7 қаулысы және «Қарыздар мен салымдар бойынша шынайы, жылдық, тиімді, салыстырмалы есептеудегі сыйақы мөлшерлемелерін (нақты құнын) есептеу қағидаларын бекіту туралы» Қазақстан Республикасы Ұлттық Банкі Басқармасының 2012 жылғы 26 наурыздағы № 137 қаулысына өзгеріс енгізу туралы» № 8 қаулысы. Бұл құжаттар алғашқы ресми жарияланған күнінен кейін күнтізбелік 60 күн өткен соң қолданысқа енгізіледі.Осылайша, банктер мен МҚҰ шарттарда және өз жарнамаларында жылдық тиімді сыйақы мөлшерлемесін және номиналды сыйақы мөлшерлемесін көрсеткен кезде олардың қаріп мөлшері мен стилі бойынша бірдей ресімделуін ұстануға тиіс.Қаулыларда банктер мен МҚҰ:- қызметтер бойынша сыйақы шамасы туралы ақпаратты тарату, оның ішінде оны жариялау кезінде;- клиенттермен жасалатын, компьютерлік техника құрылғыларының көмегімен жылдық тиімді сыйақы мөлшерлемесі басқа сыйақы мөлшерлемелерімен бір сөйлемде басып шығарылатын шартта цифрмен ЖТСМ-ді мөлшері мен ресімделу стилі (курсив, қою, түспен белгілеу) бойынша басқа сыйақы мөлшерлемелерімен бірдей көрсететіні айтылған. Егер жалпы шарттар шартта кесте түрінде көрсетілсе, ЖТСМ басқа мөлшерлемелер көрсетілгеннен кейін келесі жеке жолда (бағанда) көрсетіледі.ЖТСМ номиналды сыйақы мөлшерлемесінен несімен ерекшеленеді?Қарыз алушы кредит алу қарыз сомасын, есептелген сыйақыны (номиналды мөлшерлемені) қайтарумен ғана емес, сондай-ақ қарызға қызмет көрсетуге байланысты өзге де комиссияларды, төлемдерді төлеумен де байланысты екенін түсінуі қажетЖТСМ – бұл банк пен МҚҰ қызметтері бойынша сенімді, жылдық, тиімді, салыстырмалы есептеудегі (нақты құны) сыйақы мөлшерлемесі, оған қарызды беруге және қызмет көрсетуге байланысты барлық комиссиялардан, төлемдерден, яғни кредит бойынша артық төлемнің нақты көрсеткішінен тұрады.Номиналды мөлшерлеме - бұл комиссиялар мен басқа төлемдерді есепке алмағанда, қарызды пайдаланғаны үшін ай сайынғы сыйақы есептелетін мөлшерлеме.Сондықтан ЖТСМ&nbsp;банктің кредит бойынша сыйақысын (пайыздарды) ғана емес, сонымен қатар қарызды беруге және қызмет көрсетуге байланысты барлық басқа комиссияларды, төлемдерді ескеретін негізгі мөлшерлеме болып табылады.Осыған байланысты тек пайыздарды (банктің сыйақысын) ғана ескеретін номиналды пайыздық мөлшерлемеге емес, ЖТСМ-ға назар аудару қажет.2011 жылдан бастап ЖТСМ банктік қарыздар мен микрокредиттердің барлық түрі бойынша бірыңғай болып, 56%-ды құрады.ҚР Қаржы нарығын реттеу және дамыту агенттігі Басқармасының 2021 жылғы 15 наурыздағы қаулысы қабылданғаннан кейін банктік қарыздар бойынша сыйақының шекті мөлшерлемелері былайша сараланды:кепілсіз банктік қарыздар бойынша ЖТСМ шекті мәні 56% деңгейінде сақталды;кепілді банктік қарыздар бойынша ЖТСМ-нің шекті мәні 56%-дан 40%-ға дейін азайтылды;ипотекалық тұрғын үй қарыздары бойынша ЖТСМ-нің шекті мәні 56%-дан 25%-ға дейін азайтылды;микрокредиттер (кепілді және кепілсіз) ЖТСМ-нің шекті мәні 56%&nbsp;деңгейінде сақталды;45 күнге дейінгі мерзімге және 50 АЕК-ке дейінгі сомаға берілетін кепілді микрокредиттер бойынша сыйақы мөлшерлемесінің шекті мәні 30%-дан 20%-ға дейін азайтылды.Қол қоймас бұрын кредит шартын мұқият оқып шығыңыз, ЖТСМ-нің мөлшеріне назар аударыңыз және Fingramota.kz-пен қаржылық сауаттылығыңызды арттырыңыз!&nbsp;

Қазақстанда қарыздар мен микрокредиттер бойынша ЖТСМ ресімдеудің жаңа қағидалары қолданылады

Байқоңыр ғарыш айлағында тарихи мұражай бар

<a href="https://kyzylorda-news.kz/">Kyzylorda-news.kz.</a> Биыл 1 сәуірде жеке тұлғалардың 2022 жылға арналған көлік құралдарына салық төлеу мерзімі аяқталады, - деп хабарлайды Мемлекеттік кірістер департаменті.Көлік құралдары салығы сомасын kgd.gov.kz веб-порталындағы калькуляторды немесе E-Salyq Azamat мобильді қосымшасының көмегімен дербес есептеуге болады.<blockquote>"Салық органдары есептеген төленетін салық сомасы Kaspi Bank АҚ және Halyk Bank АҚ мобильді қосымшаларын қолданушыларын PUSH хабарламасы түрінде жіберілді", - деп хабарлады ведомство өкілдері.</blockquote>Есептелген салық сомаларын, сондай-ақ, Kaspi Bank АҚ, Halyk Bank АҚ мобильді қосымшаларынан және E-Salyq Azamat қосымшасынан білуге ​​болады.&nbsp;

Салық қызметкерлері көлік иелеріне ескерту жасады 

<a href="https://kyzylorda-news.kz/">Kyzylorda-news.kz.</a> Қырғыз Республикасының астанасы Бішкек қаласында «Қазіргі жағдайдағы сот сараптамасының теориясы мен практикасының өзекті мәселелері». Мемлекеттік емес (тәуелсіз) сот сараптамасы Сот төрелігінің балама құралы ретінде" атты бірінші халықаралық конференция өтті.Ауқымды шараға Армения, Беларусь, Грузия, Молдова, Ресей, Өзбекстан және Қазақстанның мемлекеттік және жеке ұйымдарының сарапшылары шақырылды. Еліміздегі Алматы қаласының сараптамалық компаниясының директоры А. Еспаев және Қорқыт ата атындағы Қызылорда университетінің криминалистикалық зертханасының меңгерушісі М.Садықов қатысты.Қырғыз тарапынан заң шығарушы органдар, криминалистика және сот сараптамасы саласындағы жетекші ғалымдар және мемлекеттік емес ұйымдардың сарапшылары жасады. Сот-сараптама қызметі саласындағы заңнамалық базаны жақсарту бойынша идеялар мен ұсыныстар айтылды.Спикерлер республикамызда сот сараптамасының даму деңгейі техникалық жарақтандыру бойынша да, ғылыми әзірлемелердің жай-күйі бойынша да әртүрлі деңгейде екенін атап өтті.Жиында барлық сарапшылар криминалистика және сот сараптамасы саласында бірыңғай сараптамалық ақпараттық кеңістік құру туралы бірауыздан шешім қабылдады.<figure class="image"><img src="https://knadmin.beoblood.kz/uploads/Whats_App_Image_2023_03_24_at_17_56_38_2_d7874638c2.jpeg" alt="WhatsApp Image 2023-03-24 at 17.56.38 (2).jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2023_03_24_at_17_56_38_dbbbfa043f.jpeg" alt="WhatsApp Image 2023-03-24 at 17.56.38.jpeg"></figure>

Қызылордалық ғалым Қырғызстанда өткен конференцияға қатысты

<a href="https://kyzylorda-news.kz/">Kyzylorda-news.kz.</a> Бүгін антициклон сілемінің әсерінен еліміздің бүкіл аумағында жауын-шашынсыз ауа райы сақталады, деп хабарлайды Қазгидромет.Тек батыста, күндіз Қазақстанның шығысында атмосфералық фронтальды бөлімдердің өтуімен аздаған жаңбыр жауады. Республика бойынша тұман, желдің күшеюі, оңтүстік-батысында шаңды дауыл сақталады.