<a href="https://kyzylorda-news.kz/">Kyzylorda-news.kz</a> Шиелілік Бекжан Ержігіт жас та болса бірнеше адамды жұмыспен қамтып отыр. Жас кәсіпкер &nbsp;шлакоблок пен брусчатка өнімдерін шығаруда.<blockquote>&nbsp; – Әрине, сырттай қарағанда жеңіл көрінер. Дегенмен іс барысы оңай емес. Біріншіден, тиянақтылық керек. Биылғы жыл мен үшін тәуекелге толы болды. Жаз шықса, тұтынушылар сұранысына сай есік алдына брусчатка төсеп беретінмін. «Осыны неге өзім жасамасқа?!» деген ой келді. Былтыр қажетті аппаратын, формаларын алып қойған болатынмын. Бастап кетуге қаражат пен тәуекел жетіспей жүрген.&nbsp;Түркістан қаласына барып, тәжірибеден өтіп келдім. Жасап үйрендім. Содан тәуекел деп бастап кеттім. Сапасы өзім ойлағаннан да жоғары болды. Әзірге аудан көлемінен тапсырыс түсуде. Басқа қаладан алдырсаң, уақыт әрі артық қаржы жұмсайсың. Ал мынау – нағыз қажетті кәсіп, – дейді ол.</blockquote>Кәсіпкердің айтуынша, басты мақсат – тұтынушы сұранысына сай өнім өндіру. Шлакоблок, брусчатканың қолданыс аясы кең. Заманауи материал. Құрамы берік, өндіріс тәсілі қарапайым.&nbsp;Бекжан брусчатканы өз есігі алдында, ал &nbsp;шлакоблокты жалға жер алып, сонда жасап шығаруда. Күніне 500-600-ін құяды. Өніміне сұраныс артып келеді. Барлығын өз қаражаты есебінен атқаруда. Мемлекеттен тиісті деңгейде көмек алсам деген ниеті де бар. Үш түрлі өнімге жергілікті цемент пайдаланады.Қазір бұл өнімдерге риза болған тұтынушылар көбейіп келеді.&nbsp;Тұрар Бекмырзаев

Шиелілік кәсіпкер бурсчатка өнімін өндіруде

<a href="https://kyzylorda-news.kz/">Kyzylorda-news.kz</a> Скрипка аспаптардың патшасы саналады. Бұл сиқырлы аспапты үйрену, оның қыр-сырын жүрекпен ұғыну, ішкі жан-дүниеңмен сезіну екінің бірінің қолынан келмейді. Медицина маманы болу үшін 9-11 жыл уақыт жұмсалатын болса, скрипкашы болуға Анар Жаңбырбаева 18 жыл уақытын арнаған.Бүгінде Қазанғап атындағы жоғары музыкалық колледжінің оқытушысы, симфониялық оркестр мүшесі, Мәдениет саласының үздігі Анар Жаңбырбаева еңбек жолын Мұрат Серкебаевтың жетекшілігімен Алматыдағы телерадио оркестрінде бастаған. Жас маман үшін атақты ұжымда жұмыс істеу кәсіби тұрғыдан өсу ғана емес, шығармашылық қабілетін шыңдауда мықты іргетас болды.Өнерде өзі ғана шыңдалып қоймай, жас музыканттарға скрипканың қыр-сырын үйретуден жалыққан емес. «Бұлақ көрсең көзін аш» деген аталы сөзді ұстаз ретінде өмірлік ұстанымына айналдырған. Әр баланың бойындағы музыкаға деген махаббатты оятып, сиқырлы сазды әуенмен тербеліп өсуіне ата-ана жағдай жасауы тиіс деп есептейді. Себебі есті әуен естіп өскен ұрпақтың бойында айналаға деген мейірім, сүйіспеншілік, жанашырлық секілді адами қасиеттер қалыптасып, санасына сіңіп ер жетеді. Мұндай балалар қоғамға да, мемлекетке де пайдасын тигізбек.<blockquote>– Егер менің қолымнан келсе, классикалық музыканы үйретуді &nbsp;мектепке негізгі пән ретінде енгізер едім. Себебі одан бала бойында адами асыл қасиеттер қалыптасады. Ал өнер үйренген баланың ой-өрісі биік, талғамы жоғары болмақ. Байқасаңыз, қазір қоғам қатыгезденіп барады. Жағымсыз хабарды көп естиміз. Әсіресе, жастардың бір-біріне мейірім танытпауы, қамқорлық көрсетпеуі алаңдатады.Музыка – мықты тәрбие құралы. Шуға толы әуенді естісең шаршап-шалдығып шығасың, керісінше жанға рахат сыйлайтын әуезді музыканы тыңдасаң миың тынығып қалады. Балаға анасының құрсағында жатқаннан классикалық туындыларды, Моцарттың, Бахтың, Бетховеннің шығармаларын тыңдату дәстүрі бар. Бұл бала болашақта кәсіби музыкант болмауы мүмкін, бірақ жан-жақты, ой-өрісі мықты дамыған тұлға болып қалыптасатыны анық. Әлемдік мәдениет пен өнердің тарихын шәкірттеріме жиі айтып отырамын. Олардың дүниетанымын кеңейтуге, қабілет-қарымын шыңдауға тырысамын, – дейді Анар Жаңбырбаева.</blockquote>Иә, әуезді музыканың адам бойындағы дертті жеңуге септігі тиетінін медицина әлдеқашан дәлелдеген. Мұндай жағдай оның ұстаздық тәжірибесінде де кездесетінін айта кеткенді жөн көрдік. Баласының мықты, талапшыл маманнан тәлім алуын әрбір ата-ана қалайды. Бірақ скрипкаға ерте бастан баулу қажет. Бірде оған 13 жасар қызын ерткен ана келеді. Ол мұндай жастағы баланы оқытудан бас тартатынын, музыка мектебі үшін өте кеш келгенін айтады. Алайда анасы қызының дамуында тежелу барын айтқанда, тәлімгер бір ауыз сөзге келместен оны оқытуға бел буады. Дені сау балаларға қарағанда мұндай оқушымен жұмыс жасау оңай іс емес екені анық. Алайда мықты ұстаз үшін мүмкін емес нәрсе жоқ. Шәкіртіне аспапта ойнауды үйретіп қоймай, оның қоғамда өз орны бар тұлға болып өсуіне зор еңбек сіңірді. Қазір сол шәкірті музыкалық колледждің бірінде студент. Мұндай мысалдар ұстаздың ұзақ жылғы тәжірибесінде кездеседі. Ол шәкірттерінің бағындырған әр биігімен мақтанады.Білікті маман Алматыдағы А.Жұбанов атындағы дарынды балаларға арналған республикалық мамандандырылған мектеп-интернатында, Ақтау қаласындағы кіші симфониялық оркестрде 10 жылдан астам тер төккен. 2017 жылдан бері қасиетті Сыр топырағына келіп, сүйікті ісін жалғастыруда. Небір өнер майталмандары шыққан қасиетті өлкеде дәл осы классикалық бағыттағы мықты мамандар жетіспейтіні жасырын емес.<blockquote>– Облыста камералық оркестрдің құрылғанына биыл 10 жыл толу керек еді. Бүгінде оның аясы кеңейіп симфония жанрына ауысты. Әйтсе де екеуінің арасында айырмашылық көп. Өнерді түсінетін жан мұны біледі. Оған жұмыс бірлігі бөлінсе, қайтадан жасақтауға болады. Өйткені концертке шыққанда аз адаммен әрі-бері қозғалу оңай әрі ыңғайлы. Сондықтан да 10 жылдық тарихы бар камералық оркестрді қайтадан құру әлі де кеш емес деп ойлаймын, – дейді.</blockquote>Өнер адамына бүгінге дейін небір қызметтің тізгінін ұсынғандар жетерлік. Алайда оның барлығына қарсылық білдіріп, өмірлік миссиясы өнерді қадірлейтін, құрметтейтін шәкірт тәрбиелеу жолындағы тынымсыз тірлігін жалғастыруда.Айсауле Қарапаева

Скрипканың сұлу  үнін бағындырған өнер иесі 

<a href="https://kyzylorda-news.kz/">Kyzylorda-news.kz</a> Мемлекет басшысының «Адал азамат» тұжырымдамасы аясында аймақ басшысының тапсырмасына сәйкес Қызылорда облысындағы 171 мәдениет үйі мен елді мекендерде орналасқан клубтар «Адал адам» мәдени-тәрбие орталығы концепциясының шеңберінде 7 бағытпен биылдан жұмыс жасай бастады.Жоба жүзеге асырылғаннан бері түрлі форматта мәдени-танымдық шаралар өткізіліп, мәдениет ошақтарының жұмысы қайта жандануда.Қазір мәдениет үйі мен клуб ғимараттарына «Адал адам мәдени-тәрбие орталығы» атауы ілінді.«АРТ уақыт» клубы бағыты бойынша шығармашылық үйірме саны артты. Мысалы, биыл мәдениет ошақтарының жанындағы шығармашылық үйірмелердің саны 1032-ні құрады, оған 15 564 адам тартылды. Жоба аясында 55 клубта 78 үйірме, оның ішінде 47 клубта 67 балалар шығармашылық үйірмесі ашылып, оған 1 мыңнан аса бала мен жасөспірім қамтылуда. Бүгінде үйірмелерге қатысатын өнерпаздар облыс орталығында өткен ауқымды мәдени шаралар мен концерттерде өнер көрсетіп жүр.Жыл соңына дейін 100-ге жуық үйірме ашылып, қосымша 2 мыңнан астам жасөспірімді қамту жоспарланды. Кейбір елді мекендердегі жастар мен тұрғындардың сұранысына сай мобилография курстары мен робототехника сабақтары да тұрақты жүргізілуде.Бұған дейінгі статистикалық деректер 5-11 сыныптардағы 88 709 бала мен жасөспірімнің шығармашылық үйірмелерге 7,4 пайызы ғана қамтылғанын көрсетті. Жаңа бастамадан кейін көрсеткіш 35 пайызға жетті.Мәдениет үйлерінің жанынан сол ауылдың, елді мекеннің ерекшелігіне қарай қолөнершілер мен өнертапқыштардың креативті хаб орталықтары құрылды. Апта сайын сауда-жәрмеңкелері ұйымдастырылып, (601 көрме-жәрмеңке), креатившілердің монетизациясына жағдай жасалды.«Отбасы шуағы» отбасылық дәстүрлі шаралар неке қию, «Алтын той», «Күміс той», «Маржан той» секілді 633 шара &nbsp;ұйымдастырылды. «Әлем BOOK» жобасы аясында 171 оқырмандар клубы құрылып, 6000-нан аса адам тартылды, 800-ге жуық іс-шара (әдеби оқулар, балалар жазушысы Б.Соқпақбаевтың, Халық жазушысы Ә.Нұрпейісовтің 100 жылдығына орай қаламгерлердің шығармаларына талдаулар, поэзия сағаттары, т.б.) ұйымдастырылды.«Сұхбат time» фото-видео подкаст бұрыштары жабдықталып, жастар мен жасөспірімдердің қатысуымен елге сыйлы тұлғалармен, үлгілі әулеттермен, еңбек адамдарымен, мерейлі отбасылармен 533 сұхбат жүргізілді. Апта сайын «Кино time» жобасы шеңберінде тәрбиелік мәні бар ұлттық фильмдердің 1028 көрсетілімі ұйымдастырылды. Әр клубтың жанынан тазалық, қайырымдылық жұмыстарына жұмылатын «Еріктілер клубы» құрылып, 3000-ға жуық адам тартылды. Олар егін науқаны барысында да еңбек жасақтарына бірігеді. Еріктілер тобының қатысуымен 756 акция ұйымдастырылды. Еріктілер «Таза Қазақстан» республикалық акциясына жыл соңына дейін қатысады. Мәдени-көпшілік шараларға, үйірмелерге және шығармашылық тапсырыспен балалар мен жасөспірімдердің 70 пайызы қамтылатын болады.

«Адал адам»: ұтымды идея және ұрпақ тәрбиесі 

<a href="https://kyzylorda-news.kz/">Kyzylorda-news.kz</a>&nbsp;&nbsp; «Дүниеде екі нәрседен қателеспеу керек» деген тіркесті жиі естіген боларсыз.&nbsp;Оның бірі – өмірлік серігіңді жазбай тану болса, екіншісі, мамандығыңды тиянақты таңдау. Расында да, отбасында бақытты, жұмыста жемісті болу үшін осы екеуіне таңдау жасауда шалыс баспау маңызды.Ал, ерлі-зайыптылардың бір салада еңбек етуі бір-біріне деген сыйластықты одан әрі арттырмаса, кемітпесі хақ. «Жұмыс барысы, тәртібі мен талабы екеумізге де, түсінікті, әрі таныс болғандықтан, арадағы байланыста нық» деген жандар бүгінгі мақалаға арқау болмақ.Ақ халатты абзал жан атанып, халыққа қалтқысыз қызмет көрсетіп жүрген дәрігерлер: Талғат Елбосынов пен Ляззат Жұбанова 2006 жылы шаңырақ көтерген. Бүгінде Қазалы ауданарлық ауруханасында еңбек етеді.Талғат Ипбергенұлы Қазалы ауданына қарасты Бекарыстан би ауылында дүниеге келген. Әкесі Ипберген Елбосынов медицина саласының қызметкері болған. Анасы Бақыт Елмұратова акушерка болып қызмет етіп, 3000-дай баланың кіндік анасы атанған.Алтын алқа иегері, көпбалалы ана. Талғат Ипбергенұлы тоғыз ағайынды. Барлығы әртүрлі салада жұмыс жасайды.Талғат 1994 жылы Актөбе медицина академиясы емдеу бөліміне түсіп, оқуды аяқтап, 2003 жылы Жетес би ауылдық ауылдық емханасында аймақтық терапевт болып еңбек жолын бастаған. 2019-2022 жыл аралығында Болат жолы емханасының меңгерушісі болды. 2022 жылдан бастап, ауданаралық аурухана стат-ұйымдастыру бөлімінің меңгерушісі қызметінде. Жары – Ляззат Серікқызы Әйтеке би кентінде туған. Әкесі – Серік Жұбанов қызметкер, анасы – Талайлы Нұрымбет Қ.Сәтбаев атындағы №216 орта мектебінде тарих пәнінен ұстаз болған. Қазіргі таңда екеуі де, зейнеткер. Ляззат төрт ағайынды, бауырлары әр салада қызмет жасауда.Ляззат Жұбанова 2004 жылы Ақтөбе медицина академиясы емдеу бөлімін тәмамадаған. Сол жылы Жетес би емханасына аймақтық дәрігер болып орналасты. 2016 жылы аудандық емханада кардиолог дәрігер және функционалист (узи сердца, холтер, смад) аппараттармен жұмыс жасады. 2017-2019 жылдар аралығында аудандық аурухананың терапия бөлімінде терапевт болды. 2019 жылдың қыркүйек айынан бастап, Қазалы ауданарлық ауруханада ангиограф аппараты келуіне байланысты кардиология бөлімі ашылып, меңгерушілігіне Ляззат Жұбанова тағайындалды. Бес жылдан бері, кардиолог-дәрігер ретінде халыққа қызмет көрсетуде.Балаларының үлкені – Назерке №249 Бозғұлов атындағы мектепте – 11, Дінмұхаммед 9-сынып оқушысы. Отбасының кенжесі, Айша №266 орта мектептің орыс сыныбында оқиды.Ерлі-зайыпты медицина қызметкерлерінен «Бір салада жұмыс істеудің тиімді тұсы қандай?» деп сұрағанымызда: «Тиімді тұсы өте көп деуге болады. Ең біріншіден, уақытпен санаспай, жұмыс істейтін дәрігер үшін жолдасының қолдауы мен түсінігі аса қажет. Мен кардиолог-дәрігер болғандықтан көп жағдайда адамдарды жүрек ауруы түнгі уақытта жиі мазалайды. Сондай кезде ауруханаға түсіп, жедел жету керек болғанда сағаттың қай шама екендігіне қарамастан жылдам жетуге асығамын. Сондай кезде жолдасымның бір салада болғанына қуанамын», – дейді Ляззат Серікқызы.Бұдан бөлек, бір-бірімен отбасылық мәселелерде де, жұмысқа қатысты жағдайларда да ақылдаса отырып, шешім қабылдайтындықтарын алға тартты.<blockquote>– Бізді мамандық табыстырды. Жиырма жылға жуық уақыт бір шаңырақ астында тату-тәтті өмір сүрудеміз. Ұл-қыздардың ата-анасы атандық. Балаларымыз келешекте қандай мамандық иесі боламын десе де, таңдауды өздеріне қалдырдық, – дейді дәрігер ата-ана.</blockquote>Ал, Қазалы қаласының тұрғындар, ерлі-зайыпты – Қанат Өтеген мен Ақмарал Ағайдарқызының махаббат оқиғасы мектеп партасында басталды десек болады. Бірінші сыныпқа бірге қабылданған Қанат пен Ақмарал тоғызыншы сыныпқа дейін бір партада отырған. Тоғызды бітірген соң екеуі де, мамандық меңгеру үшін оқуға аттанады.Бала күнінен жолсерік болуды армандаған Ақмарал Ақтөбе көлік, коммуникация және жаңа технологиялар колледжіне оқуға түседі.<blockquote>– Кішкентайымнан ұзақ жолға шыққанды ұнататынмын. Көлікке, пойызға мінсем, терезеден дархан даланы сағаттап, тамашалап отыруға жалықпайтынмын. Сол кездері іштей өзіме «өскенде жолсерік боламын» деуші едім. Сол мақсаттың жетегінде теміржол саласында білім алдым. Колледжді тәмамдауға екі ай уақыт қалғанда жолдасыммен шаңырақ көтердік. Оқуымды бітіріп, қолға қызыл диплом алдым. Десе де, отбасылы әйел адамға жолсерік болуға көп жағдайда ері рұқсат ете бермейтіні жасырын емес. Менің де, жолдасым қарсы болды. Десе де, теміржол саласы бойынша жоғары білім алуыма қарсылық болған жоқ», – деп ағынан жарылды Ақмарал Ағайдарқызы.</blockquote>Сәті түсіп, осыдан бір жыл бұрын Қанат пен Ақмарал №58/57 «Орал Нұрлы жол» пойызына жолсерік болып жұмысқа орналасты. Қазір екеуі бірге рейске барып, қайтады. Бала күнгі арманымның орындалуына жолдасым мен оның ата-анасы себепші болды деген жолсерік келіншек оларға деген алғысы шексіз екендігін жеткізді.– Екінші, ата-анамның қолдауы көп болды. Әлі де, көмектерін аяған емес. Отбасымызда ата-әжеміз бар. Екі ұлымыз Қазалыда. Біз жұмыс барысымен жолдасыммен Ақтөбеде тұрамыз. Жұмыс кезінде сегіз күн бойы жолда боламыз. Ал, балаларымыздың осындай өте қамқор ата-әжелері барына шүкір дейміз, – дейді ерлі-зайыпты жолсеріктер.Бізбен әңгіме барысында Ақмарал бір салада жұмыс істеудің тіпті, керемет екендігін айтты. «Жолсерік болу оңай жұмыс емес. Күндіз-түні пойыз ішіндегі халықтың жағдайы, олардың жайлы орналасып, аман-есен діттеген жеріне жетуіне жауаптымыз. Пойыздың тазалыға да басты орында. Жолдасыммен рейсіміз бірге болғандықтан үнемі көмектесіп жүреді. Ауыр заттарды көтертпей, білмеген тұсымда үйретуден де жалыққан емес, – дейді Ақмарал Ағайдарқызы.Бастысы – бала күнгі арманының аяқсыз қалмай, отбасынан қолдау тапқан келіншек өз жұмысына дән риза. Жолдасы Қанат та, өмірлік серігімен үйде де, түзде де, қол ұстасып қатар жүретіндігіне қуанышты.Оқытушылар отбасы Еділ Саниязов пен Асылзат Қайназарова білім беру саласында еңбек етеді. Отағасы Еділ Қазыбайұлы Қазалы аграрлы-техникалық колледжінде оқытушы болса, Асылзат Изатуллақызы Ғани Мұратбаев атындағы №17 мектепте бастауыш сынып мұғалімі. Бір қызығы, бұл отбасының үлкендері – Қазыбай Саниязов пен Перуза Жөлкеева да қырық жылға жуық уақыт ұстаздық қызметте болып зейнет демалысна шыққан.Еділ Қазыбайұлы Қызылорда обылысының Қорқыт ата атындағы университетіне «Тасымалдау, жол қозғалысын ұйымдастыру және көлікті пайдалану» факультетінен жоғары білім алған. Бұдан кейін, Қызылорда гуманитарлық университетінің «Құқықтану» факултетінде оқыған. Еңбек жолын, 2008 жылы Қазалы аудандық ішкі істер бөліміне учаскелік полиция инспекторы болып бастаған. 2012 жылы денсаулығыма байланысты білім саласына ауысып, 2013 жылдың 1 қыркүйегінен Қазалы аграрлы-техникалық колледжіне арнайы пән оқытушысы болып жұмысқа орналасты. Жары – Асылзат Арал қаласының тумасы. Қызылордадағы «Болашақ» университетіне түсіп, «Бастауыш оқыту педагогикасы мен әдістемесі» мамандығын бітірген. Еңбек жолын Арал қаласындағы №262 мектеп-гимназия жанындағы «Айгөлек» шағын орталығында тәрбиеші болып бастаған. 2011 жылы Қазалыдағы «Өрімтал» балабақшасында тәрбиеші болды. 2014 жылдан бастап, Ғ.Мұратбаев атындағы №17 мектепте мұғалім.<blockquote>– Бір салада жұмыс жасаудың өзі мен үшін мақтаныш деп айта аламын. Бір -бірімізді түсініп, қолдау білдіріп, толықтырып отырамыз. Ата-әжеміз де, ардагер ұстаздар. Осы бір салада жұмыс атқарғанымызда балаларымызға септігі тиіп жатыр. Балаларымыз – Елжан мен Еркежанды үйден өзіміз оқытып, мектепте алған білімін одан әрі дамытуға күш саламыз, – дейді Асылзат Изатуллақызы.</blockquote>

Талғат Ипбергенұлы:  Бізді мамандық табыстырды

<a href="https://kyzylorda-news.kz/">Kyzylorda-news.kz</a> Өткен апта соңында медицина саласының майталманы Исмаил Кәрімбаевтың 100 жылдығына орай Шиелі аудандық көпбейінді орталық ауруханасының хирургия бөліміне оның есімі беріліп, арнайы тақтайша мен бюст қойылды. Сондай-ақ аудандық мәдениет үйінде көзкөрген жандардың қатысуымен еске алу шарасы өтті.Жиынға аудан әкімі Нұржан Ахатов, Мәжіліс депутаты Мұрат Ергешбаев арнайы қатысып, 31 жыл бойы Шиелі ауданы медицина саласының тізгінін ұстап, бүгінгі биігіне көтерілуі үшін бел жазбай еңбек еткен Исмаил Кәрімбаевтың есімі ұлықталғаны өнегелі іс екенін атап айтты.Мәдениет үйіндегі еске алу шарасында Исмаил Сейітназарұлының күреске толы еңбек жолы, жарқын бейнесі туралы естеліктер сөз болды. Жиынды медицина ардагері, Шиелі кенті ардагерлер кеңесінің төрағасы Болат Күлімбетов жүргізіп, аудандық ауруханасының бас дәрігері Алмас Әбілпатта баяндама жасады.Исмаил Сейітназарұлының мектеп бітірген шағы Ұлы Отан соғысының басталуына тура келіп, әскер қатарына алынған. Отан қорғауда өзінің батылдығымен танылған жауынгер Украина, Молдова жерлерін жаудан азат етуге қатысты. Майданның алдыңғы шебінде жүрген қазақ солдатының әскери барлау құрамында жау шебінен мол мағлұматтар жинап, «тіл» алып келген ерлігі де аз емес.Соғыстың аты – соғыс, Отан қорғауда жан аямаған ол ауыр жарақат алады. Тез бойын жинап, онан әрі ұрыс қимылдарына қатысып отыруы да өзіндік бір ерлік. Соғыстан оралған соң Алматы медицина институтында оқып, хирург мамандығын алып шығады. Студент кезінен өзінің алғырлығымен танылған ол білікті мамандар назарында болды. Еңбек жолын Шиелі аудандық ауруханасында қатардағы хирург болып бастап, ұйымдастыру қабілетімен танылып, аурухана бас дәрігері лауазымына өседі. Осы қызметін 1984 жылға дейін үзбей 31 жыл атқарды. Оның басшылығы кезінде 1974 жылы жаңа типтегі аурухана ғимараты салынады. Өз кәсібіне деген адалдығы сонша, алыс ауылдарда, науқан кезінде жұмыс басында білте шамның жарығымен ота жасап, адам өміріне арашашы болған.Дәрігер-хирургтің 100 жылдығы құрметіне «Аңызға айналған адам» атты кітаптың тұсауы кесілді. Оны ардагер дәрігер Тұрғанбай Мақанов пен облыстық денсаулық басқармасы басшысының орынбасары Жаңыл Абубакирова орындады. Жерлестері дәрігерді осылайша еске алып, ұрпақтарына ізгі тілек білдірді.

Дәрігер есімі ұлықталды

<a href="https://kyzylorda-news.kz/">Kyzylorda-news.kz</a>&nbsp; Келімсек дегенде ала дорба асып, үй-үйді аралап, алақан жаятын сығандар мен өзбектер көз алдына келетін қазаққа бұл ұғым бүгін бөтен емес. Одақ іргесі ыдырып, Тәуелсіздік еншіге тигеннен бері сең бұзылды, ауқым кеңіді. Қазақстандықтар әлемнің өзге жеріне барып, білім алды, біліктілігін арттырды. Бұл бұрын шекараның арғы жағында айдың арғы жағындай қандай тұрмыс барына болжайтындардың арманын іске асырған алғашқылар бүгінгі еңбек етемін дегендер үшін жол ашты. Алысқа барып, арбалаймын деушілерге қазір мүмкіндік мол. Елге келіп, кәсіпкерлік көкжиегін кеңітіп жатқандар бар, «Бәлен жерде пайда бар» деп, қарызға батқандар бар. Ұтқанымыз қайсы, ұтылғанымыз не? Сараптауға тырыстық.ГастарбайтерлерАдам баласының жылдар бойғы ізденіс, даму, ұмтылысы жаңа өзгерістер мен көптеген күш-қуатты қажет етті. Тоқтаусыз қоғамдық үдеріс еңбек миграциясын қалыптастырды. Халықаралық жұмыс күшiнiң көшi-қон қозғалысы сол кездерден бері маңыздылығын жоғалтпады.&nbsp; Бүгінде өз елінде жұмыс таба алмағандар алыс-жақын шет елдерге барып, нәпақасын айыратын жағдай көпке таныс. Тақырып сөз болғанда, «гастарбайтер» деген ұғым қоса айтылады. Ұғым немістің «гастар» – «қонақ», «байтер» – «жұмысшы» деген ұғымынан біріккен. Яғни, уақытша жұмыс істеуге барған азаматқа айтылатын нағыз балама.&nbsp;БҰҰ-ның мәліметі әлемдегі мигранттар санының 250 миллионнан асқанын көрсетеді. Жұмыс іздеушілердің таңдауы ең көп түсетін ел – АҚШ. Штаттарда 50 миллиондай мигрант тіршілік етеді. Екінші орынға жайғасқан Ресейдегі саяси жағдайға байланысты мигранттар саны соңғы жылдары азайған. Жұмысшы қонақтарды көп қабылдайтындар қатарында Сауд Арабиясы, Біріккен Араб Әмірліктері Германия, Ұлыбритания, Польша, Оңтүстік Корея, Түркия бар. Қазақстан да орта Азиядағы мигранттар паналайтын жайлы мекен деп танылған.Гастарбайтерлер өнімді, арзан жұмыс күші. Екіншіден, олардың табыстарынан түскен аударымдардың ел қаржысына қосар үлесі қомақты. Мәселен, Қазақстан ұлттық банкі 2020 жылғы елден сыртқа бағытталған ақша аударымдарының артуын карантиндік жағдайға байланысты елде қалып қойған еңбек мигранттарымен байланыстырған.Елдегі жағдай жайлы ма?Еңбек және халықты әлеуметтік қорғау министрлігі көші-қон комитетінің мәліметіне зер салсақ, өткен жылы 194 мың қазақстандық шекара асқан. 15 мыңы көшіп кеткен. Ал 2024 жылдың 5 айында ықылас білдіргендер өткен жылмен салыстырғанда, арта түскен.&nbsp; Жастардың шет ел асуының себептері туралы зерттеген Ирина Черных және Рустам Бурнашев өзге мемлекетте оқыған, біліктілігін жоғарылатқан 50 жас маманнан сауалнама жүргізіп, төмендегі факторларды анықтаған.Алғашқысы, Қазақстандағы әлеуметтік жағдай. Баспана «бас ауру». Табыс пен тұрмыстың сәйкессіздігі. Кредиттер үстемесінің көптігі. Коммуналдық шығынның қымбаттығы.Екінші себепке саяси тұрақсыздық түрткі болған. Ресейдегі соғыс, ел ішіндегі жағдайлар, көрші елдермен қарым-қатынас дегенді алға тартты қазалылық тұрғын Есбол Жансарин.Оның айтуынша, жастардың елге кетуінің тағы біріне барған елдердің мигранттарды шақыру бойынша жүргізіп жатқан саясаты себеп болған. Анкетаға қатысушылар сыбайластық, бағаламау, қаржының төмендігі, өрістеудің баяулығын да алға тартқан.&nbsp;Ақша табу үшін шетел асу<blockquote>– Көршілес Ресейде табиғи шырын дайындайтын цехта жұмыс істедім. Жұмыс ауыр, жалақысы да лайықты деп сендік. Дегенмен, еңбегімізді бағаламай, ақымызды сұрасақ, заңсыз жүргенімізді айтып, көші-қон полициясына хабарласып, үстімізге ақы іліп жіберетіннін айтып, қорқытты. Амалсыз кері қайтуымызға тура келді. Хабарласып, шаршадым. Ақша да кетті, уақыт та кетті, – дейді Қазалының тумасы Бақытбек Есенов. Өзін қазақты жақсы көретін патриоттың бірі санайтын Жасұлан Айтөреев те – жоғары техникалық білімімі бар маман. Елде үш жылда алған жалақысы 200 мыңға жетпеген. Пәтерақы, жолақы, отбасылық басқа шығындар титықтатқан жас отбасы тәуекел етіп, таныстары арқылы Африкаға жол тартқан. Қазір ыстық материкте 4 жылды артқа тастаған жұбайлар тұрақты жұмысқа құжат тапсырып қойған. Болашақта Қазақстанға қайтатын ойы бар. Бірақ он жылдықта жүзеге аспайды-ау деп қауіптенеді.&nbsp;</blockquote>«Өмірі өрісті, жұмысы жемісті болса, адамның алысқа кетіп несі бар? Қазақстан қанашама өндіруші күш, заман тұтқасы болар жалынды жастан айырылып жатыр. Күші мен ақылын замандастарым өзге елге сарп етуде. Билік басындағылар осы турлы ойланса екен», – дейді ол.&nbsp;Тағы бір қазалылық Азамат Алмасұлы немістің технологиялық концернінде қызмет етеді. Қазір келіншегімен бірге Германияда тұрады. Жылда жаз айында елге келіп тұрады.&nbsp;Қарекет ету – қамның қарымтасы&nbsp;<blockquote>– Қазақ – көшпелі халық. Десе де атақонысын тастамаған. Түсінемін, сананы тұрмыс билеген тұста, қарекет ету – қамның қарымтасы. Бірақ қарқын тоқтамаса, елдегі адам капиталына айтарлықтай шығын әкеліп, маман тапшылығын тудыруы бек мүмкін.&nbsp; Жыл басынан бері елімізден АҚШ-қа грин-кардқа (green card) 2500-ден аса адам құжат тапсырған. Құжат мақұлданса, қандастарымыз шетел асып, жұмысқа кетпек. Заңсыз кетіп жатқандар қаншама... Ниет етіп жүргендерді қосыңыз», – дейді статист Мақұлбек Ережеп. &nbsp;</blockquote>Мұхит асуды мүмкіндікке санайтындар, өкінішке орай, көбейіп келеді. Жайлы өмірді көксеген жасөспірім, желкілдеген жастар ғана емес, орта жастағылар мен үлкендердердің де көзқарасы оң.&nbsp;<blockquote>«Балам Англияда маусымдық жұмыс істеп жүр. Ақша жіберіп тұрады. Әйелім екеуіміз де жұмыс істейміз. Балам: «Шаршадыңыздар, енді өзім бағамын. Жұмысты қойыңыздар», – дейді. Жақында қажылыққа барып қайттық. Өзі қаласа, неге қарсы шығуымыз керек. Ұлымның ісіне мақтанамын», – дейді қазалылық Әбілғазы Тұрысбек.</blockquote>Жазира есімді қандасымыз 2018 жылы АҚШ-қа, Чехия, Англияға барамын деп қыруар қаржыдан қағылғанын айтады. Шетелге оңай жол деген желеумен заңсыздыққа барып, онсыз да күйін күйттей алмай жүргендерді сызға отырғызғанға тоқтам қойылса да, тоқтар емес.Қазір Техаста уақытша тұрып жатқан ол блогында осыдан 5 жыл бұрын ваканция көп болғанынымен, қазір қиын екендігін айтады. Мәселеге еңбек миграттарынан «Work authorization» картасын талап ету жайы қолданысқа енгендігі басты себеп болған. Сондай-ақ АҚШ-та бүгінгі таңда арзан жұмыс күші мексикалықтар болып тұрғанын да жеткізді.Біріккен араб әмірліктерінде жұмыс істеп жүрген Күнсұлу Әбдікерімқызы жергілікті жұрттың туристер мен миграттарға «екінші сұрыпты адамдар» деп қарайтын көзқарастары қынжылтатынын айтады. Кореяда күн кешіп, келешегін кемелді етемін деген Кемел Серік (аты өзгертілді) заңсыз жұмысқа тұрып, нәтижесінде депортацияланған. Оңтүстік Кореяға кіретін мүмкіндігінен айырылған.&nbsp;Қазақтандықтардың Оңтүстік Кореяға заңды түрде жұмыс істеуі бағытында екі ел тарапынан көтеріліп жатқан бастамашылық орынды екендігі атап өтті. Өз ісіне өкінген кейіпкеріміз, қандастардың көбі саяси сауатсыздық пен білімсіздік салдарынан ұрынатынын айтты. Еңбек және халықты әлеуметтік қорғау министрлігі көші-қон комитеті хабарлағандай, Түркия, БАӘ және тағы басқа елдермен де ол жақта жүрген жерлестеріміздің жағдайына бойлап, еңбек құқықтарын қорғайтын жаңа келісімде жасалып жатқаны жанды жадыратты.Заң саласының маманы, туристік компания қызметкері Жансерік Шеріннің талаптанған жандарға айтары бар.«Қазір «виза алып беремін» деп, елдің қалтасын қағып жүрген алаяқтар көп. Жалған жарнама, арбаған сөзге алданбау үшін қолма-қол ақша берерде, қолма-қол фискальді чек талап етіңіз.<blockquote>Екіншіден, ешқашан «Каспий голдқа» ақша аудармаңыз. Ол аударымның заңды күші жоқ,ешкімге дәлелдей алмайсыз», – дейді.&nbsp; Өздері ұсынған қызметке кіретін Польшаға барғысы келетін азаматтарға қойылатын талаптар туралы сұрап-білдік. «18-55 жас аралығында болуы керек. Соттылығы болса, наркологиялық, психикалық тіркеуде, кредит төлеуден «қара тізімде» тұрса, виза алуда кедергі болады. Соңғысы, денсаулығы мықты болуы шарт», – дейді.</blockquote>Өткен жылы шалғайдан ізгілік іздеп барып, құрбандық құлына айналған Дилмұрат Садиров пен Арай Түсіпжановтың Нигериядағы адам төзгісіз өмірі, Иракта қамалған қазақтар қасіреті, БАӘ-дегі Аяжан есімді аруымыздың қайғылы қазасын қазақ жұрты ұмытқан жоқ. Бұл санаттағы санаулылар, сансызы қандай сергелдеңде жүр?&nbsp;Қазақстан аумағынан – 22 681 шетел азаматы нәпақасын тауып жүр. 2024 жылдың сәуір айында халықаралық ақша аударымдары – 67,8 миллиард теңгені көрсеткен. Сыртқы істер министрлігінің мәліметінше, өткен жылдың бірінші тоқсанында – 195 мыңнан астам отандасымыз шекара асқан. Жыл басынан бері – 16 мыңнан астам қандасымыз көшті жалғаған. Қызылорда облысы бойынша соңғы – 5 жылда шет елге кеткен<blockquote>– 17 адам ғана тіркелген. Бұл ресми ақпар. Бейресми деректі Қазақстан Республикасы Сыртқы істер министрлігі де, көші-қон комитеті де, статистика саласы мамандары да бере алмайды. Тақырып аясында өзге елден жұмыс тапқан қазалылылық 6 адамның отбасымен кездестік. Енді санамалап көріңіз…</blockquote>Түйін: Алыс-жақын қазақтың атақоныстан көбі қаңғып жүргенін жайына аз-кем бойладық. Жақындарының шет елге кетуі, үлкен қалаларға кеткендей, қалыпты жағдай деп қабылдайтын жұртшылық олардың қауіпсіздігі мен қиыныдығына зер салмайтын жайға жеткенін ойладық. Тірлігін тіктеймін деп қатарынан озғандар да, талабы мен тауы шағылып, тозғандар да, барына қамықтық. «Көзден кетсе, көңілден кетеді» деп мұндағы жағдайдан көштегілер құр қаламаса етті деп жабықтық. Елден кеткендердің оғландары өзге жерді отаным деп қабылдап, өз мекенін өгейсімесіне кім кепіл дестік. Жадағай жағдайды сылтау етіп, жерұйық іздеуде жерлестеріміз жаңылмаса етті деген алаң кештік. &nbsp;

Өзге елде табыс тапқан мәселені шеше ме?

<a href="https://kyzylorda-news.kz/">Kyzylorda-news.kz</a> Өңірдің ауыл шаруашылығы саласы Сырдария өзені арқылы келетін су көзіне еріксіз тәуелді. 2020 жылдан бастап Нарын-Сырдария каскадында орналасқан су қоймаларында жинақталатын су көлемінің төмендігінен, егістікке су алу науқаны кезеңдерінде Сырдария өзенінің төменгі ағысында су тапшылығы жағдайы жыл сайын күрделенуде.Осы мақсатта “Қазсушар” РМК Қызылорда облысы бойынша филиалы көктемгі егістікке су алу науқанына дейін болжамды су тапшылығын ескере отырып, су шаруашылығы нысандарына жоспарға сәйкес дайындық жұмыстарын жүргізген. Бұл туралы өңірлік коммууникациялар қызметінде өткен брифингте “Қазсушар” РМК Қызылорда облысы бойынша филиалының директоры Роллан Ахметов пен Арал-Сырдария бассейндік инспекциясының басшысы Қайратбек Сәрсенбаев баяндады.Роллан Жомартұлының айтуынша жылы су жеткізіп беру қызметін оңтайлы жүргізу және су шаруашылығы нысандарының қалыпты жұмыс жасауын қамтамасыз ету мақсатында теңгерімдегі 120,6 шақырымды құрайтын 23 дана каналдарға механикалық тазарту, 49 дана гидротехникалық құрылымдарды биыл жөндеуге және 26 дана су өлшеу бекеттерін қалпына келтіру межеленген.Оның ішінде, егістікке су алу кезеңіне дейін 73,4 шақырымды құрайтын 22 каналға механикалық тазарту жұмыстары жүргізіліп 605 мың м3 топырақ шығарылса, 19 дана гидротехникалық құрылымды ағымдағы жөндеу және 15 дана су өлшеу бекеттерін қалпына келтіру жұмыстары толық орындалған. Су шаруашылығы нысандарының көктемгі егіске дайындығын&nbsp;қамтамасыз ету жұмыстарының жүргізілуі Қазақстан Республикасы Су ресурстары және ирригация министрлігінің ұдайы бақылауында болды.<blockquote>− Өздеріңізге белгілі, биыл вегетациялық кезең басында, Шардара су қоймасы мен Көксарай су реттегішінде жинақталған су көлемі, өткен жылдан 0,6млрд.м3 кем болуынан ҚР Су кодексінің 82 бабының 2 тармағына сәйкес жылдың сулылығы болжамын ескере отырып, 3,7 млрд.м3(водозабор) су пайдалану лимиті белгіленді (2023 жылы – 3,8 млрд.м3 болған). Белгіленген су пайдалану лимитіне сәйкес Қызылорда облыстық Ауыл шаруашылығы және жер қатынастары басқармасымен 187,5 мың гектар жерге егіс орналастыру жоспарланса, оның ішінде 81,2 мың гектарына күріш дақылын егу межеленді. Қазіргі уақытта нақтыланған индикативтік жоспар мен белгіленген лимитке сәйкес су пайдаланушылармен келісім-шартқа отыру жұмыстары аяқталуға жақындады. Бүгінде 866 су пайдаланушылармен (2023 жылы барлығы – 927 су пайдаланушы болған) 123,7 мың гектар егіс алқабына 2,86 млрд.м3(водоподача) су көлемін (жоспар – 2,96 млрд.м3) жеткізіп беруге келісім-шарт жасалды. Белгіленген су пайдалану лимиті мен нақтыланған индикативтік жоспарға сәйкес су пайдаланудың күнтізбелік жоспарын әзірлеп, кестеге сәйкес жұмыс жасауда, −деді ол.</blockquote>Вегетациялық кезеңде егіс алқаптарына 21 сәуірден бастап каналдар арқылы Сырдария өзенінен 1 520,0 млн.м3 су алынып, су пайдаланушыларға 1 249,0 млн.м3 су нақты жеткізілген.Филиал тарапынан әзірленген күнтізбелік жоспарға сәйкес маусым айының екінші онкүндігінде Сырдария өзенінен магистралді және шаруашылықаралық каналдар арқылы &nbsp; &nbsp;420,0 м3/с су алуы қажет болса, бүгінгі күні каналдармен нақты 420,0 м3/с су алуда. Облыс аумағында егілетін күріш дақылының көлемі 81,2 мың гектарды құраса, бүгінгі күні &nbsp; &nbsp; &nbsp; 81,2 мың гектары себіліп (100%), оның ішінде 78,9 мың гектары (97%) суға бастырылды.Су пайдаланушылар тарапынан күріш дақылын жаппай себу және суға бастыру жұмыстарының бір мезгілде өткізілуіне сәйкес бастапқы кезеңдерде Жалағаш және Қармақшы аудандарында судың жетіспеушілігі жағдайы орын алған. Алайда, бүгінгі күні Шардара су қоймасынан Сырдария өзенінің ағысына жіберіліп жатқан су көлемінің ұлғаюына байланысты, жоспарға сәйкес егіс алқаптарына &nbsp;каналдар арқылы су берілуде.<blockquote>− Шардара су қоймасындағы су көлемінің ұлғаюы Қазақстан Республикасы Президентінің жарлығымен 2023 жылдың &nbsp; &nbsp;3 қыркүйегінде Су ресурстары және ирригация министрлігінің құрылып, 2020 жылдан бері су тапшылығын көріп келе жатқан Сырдария өзенінің вегетациялық кезеңіндегі су тапшылығының алдын алу мақсатында көршілес мемлекеттермен жүргізілген келіссөздердің нәтижесі деп білеміз. Қазіргі уақытта, су пайдаланушылар тарапынан күріш дақылының өсу фазасына сәйкес бастапқы суға бастырылған күріш дақылының суын тартып, тыңайтқыштар себу жұмыстары жүргізілуде. Су пайдаланушылардың суға сұранысын қамтамасыз ету мақсатында Қызылорда облысы әкімдігімен, аудан әкімдіктерімен тығыз қарым қатынаста жұмыс жүргізуде. Сондай-ақ, Филиалдың аудандық өндірістік бөлімшелерінің барлық мамандары күндіз-түні егіс алқаптарына су жеткізіп беру бағытында жұмыс жасауда, − деді Роллан Жомартұлы.</blockquote>Айта кету керек, қазіргі уақытта облыс аумағында егіс алқаптарына судың жетіспеушілігін болдырмау мақсатында бірқатар шаралар атқарылып жатыр. Атап айтсақ, су пайдаланушыларға жаппай күріш дақылын себу және суға бастыру жұмыстарын кезектесіп жүргізуді түсіндіріп, іс-жүзінде орындату, каналдармен су жеткізіп беруді үздіксіз қамтамасыз ету мақсатында су деңгейін 24 сағат бақылауға алу. Сондай-ақ &nbsp;Үкімет резерві есебінен филиалға берілген насос қондырғыларын су жетіспеушілігіне қарай, белгіленген орындарға құруға жұмыс жасау. Оған қоса “Қазсушар” РМК Қызылорда облысы бойынша филиалдың су тапшылығы жөніндегі ескертпелеріне қарамастан канал сағасынан қашық немесе биік егіс алқаптарына су пайдаланушы өз қаражаты есебінен насос қондырғысын орнатуды міндеттеу.Бұдан бөлек Жаңақорған ауданы аумағында Жиделі және Бесарық су қоймалары орналасқан. Су қоймаларының негізгі қызметі маусымдық кезеңдерде жаңбыр және қар ерітінділерінен жинақталған су көлемімен вегетациялық кезеңде бау-бақшалықтарға су жеткізіп беру қызметін жүргізу болып табылады.Екі су қоймаларының жобалық сыйымдылығы 23,7 млн.м3 болса, биылғы вегетациялық кезеңге дейін 21,7 млн.м3 су көлемі жинақталып, қазіргі уақытта су жеткізіп беру қызметіне 18 су пайдаланушымен келісім-шартқа отырып, жалпы көлемі 941 гектар бақшалық дақылдарды суландыруға Жиделі су қоймасынан 1,0 м3/сек (өткен жылы осы уақытта 0,8 м3/сек болған), Бесарық су қоймасынан 1,4 м3/сек (өткен жылы осы уақытта 1,5 м3/сек болған) бақшалық дақылдарды суландыруға берілуде.Жалпы алғанда, биылғы жылы вегетациялық кезең, өткен жылдардағы вегетациялық кезеңмен салыстырғанда, Шардара су қоймасынан Сырдария өзенінің төменгі ағысына жіберіліп жатқан су көлемінің жоғары болуына сәйкес Қызылорда облысы аумағында егіс алқаптарын суармалы сумен қамтамасыз ету қалыпты өтуде. Мейрамгүл Дауылбайқызы

Егіс алқаптарын суармалы сумен қамтамасыз ету қалыпты өтуде

<a href="https://kyzylorda-news.kz/">Kyzylorda-news.kz</a>&nbsp; «Қайран менің өз үйім, кең сарайдай боз үйім» деп қара шаңырағында көсіліп жатуды кім армандамайды дейсіз?!&nbsp;Қазір әрбір отбасының мәселесіне айналған баспана жайының өзектілігі күшейді. Елде түрлі тұрғын үй бағдарламасын бекітудегі мақсат та халықтың баспаналы болсам деген арманын ақиқатқа айналдыру емес пе?&nbsp;Әлеуметтік желілерде бір бейнежазба тарады. Онда жас отбасы өздері жолыққан тұрғын үй бағдарламасының жылдар бойы алған үй ақысын төлеп отыруына таң қалысып жатады. Тіпті жарты өмірі осы ипотеканы төлеумен өтеді деседі. Расымен солай ма?Былтырғы мәлімет бойынша, Қазақстанда шамамен – 646 819 азамат әкімдіктерде баспана кезегінде тұр. Елде заңда белгіленген нормаларға сәйкес, мемлекеттік тұрғын үй қорларынан мұқтаж азаматтарға төменгі пайызбен тұрғын үй беріледі. Мұндай баспана ҰОС ардагерлері, жетім балалар, көпбалалы отбасылар, халықтың әлеуметтік осал топтары (мүгедектігі бар азаматтар, толық емес отбасылар, зейнеткерлер, қандастар тағы басқа), мемлекеттік қызметшілер, бюджеттік ұйым жұмысшылары, жалғыз тұрғын үйі апатты азаматтарға беріледі. Ал, бұл санатқа жатпайтын, бірақ, баспанаға мұқтаж азаматтар төменде тізімде көрсетілген бағдарламалар арқылы баспана сатып ала алады. Олар «Бақытты отбасы», «Нұрлы жер», «Менің үйім», «Көпір несиесі», «5-10-20» Шаңырақ, «Елорда жастары», «Жас отбасы», «9-20-25» және «7-20-25» бағдарламасы. Бұлардың әрқайсысының өз шарты бар. Екінші реттік тұрғын үй үшін ипотека барын да, естен шығармаған абзал. Азаматтар «Қазақстанның Алтын Банкінен» 1 миллион теңгеден 175 миллион теңгеге дейін «қайта сату» сатып алу үшін қаражатты 14 пайызбен ала алады. Бастапқы жарна тұрғын үй құнының бестен бірін құрайды. Қарызды 1 жылдан 20 жылға дейін өтеу керек. Өтініш бойынша шешім өтініш берілген күні қабылданады. Ал, негізгі тұрғын үйге арналған ипотекада «Бастапқы» мүлікті сатып алуға мүдделі азаматтар үшін Altyn Bank жылжымайтын мүлікті кепілге алып, 1 миллионнан 80 миллион теңгеге дейін несие ұсынады. Несие 14 пайызбен 13 айдан 20 жылға дейін беріледі. Алғашқы төлем жылжымайтын мүлік құнының кемінде 20 процент болуы керек. Қазақстандықтар баспана мәселесін шешуі үшін жоғарыда көрсетілген бағдарламалардың өзіне ыңғайлысын таңдай алады.Қазір жылжымайтын мүлік нарығында қолжетімді ипотека аз. «7-20-25» бойынша қаржыландыру айтарлықтай қысқарды. Ал, «Отбасы Банкі» шарттарды кенет өзгертті. Мұның бәрі сұраныстың төмендеуіне әкеледі, ал, басқа бағдарламаларды қаржыландыру әлі басталған жоқ. Ипотекалық бағдарламалар жылдам ақшаны, жылдам айналымды қамтамасыз ете алады: бір уақытта неғұрлым көп ақша салынса, соғұрлым көп жобалар басталады, құрылыс динамикасы артады. Сондықтан, мұндай жылдам құрал болмаса, оның салдары да дұрыс болмайды. «Отбасы Банкі» 2024 жылға жоспарланған, қазір әзірлену үстіндегі «9-20-25» ипотекасын жариялаған жағдайды сәл өзгертуді жоспарлауда.&nbsp;Мамандардың айтуынша, баға кенеттен секірусіз, айына 0,1-0,5 пайыздық шегінде қалыпты өсуді жалғастырады. Бағаның жалпы өсуі болмайды. Бағаның өсуіне халықтың жалақысының деңгейі, өндірістік процестердің өзіндік құнының өсуі, үстеме шығынның өсуі, құрылыс салушылар рентабельділігінің төмендеуі әсер етеді, сондықтан, баға сөзсіз өседі. Объективті түрде қандай да бір төмендеуді күтуге болмайды. Жаңа «9-20-25» ипотекасы іске қосылса, нарыққа әсер ететіні сөзсіз, өйткені, ол құрылыс нарығын қолдаудың белгілі бір элементін жасайды.&nbsp;Сыр самалыҚызылорда қаласында облыс әкімі Нұрлыбек Нәлібаевтың қатысуымен «Сыр самалы» деп аталатын бизнес санатындағы алғашқы тұрғын үй кешенінің ресми таныстырылымы өткен болатын. Бұл туралы облыс әкімінің баспасөз қызметі хабарлады.Жоба құны – 9,7 миллиард теңге. «Altyn land» жауапкершілігі шектеулі серіктестігі құрылысты былтыр бастаған. 2025 жылы аяқтайды деп жоспарлануда. Тұрғын үй кешенінің жалпы ауданы – 27 мың шаршы метр. Оның ішінде, коммерциялық ауданы – 5 мың шаршы метр. Жерасты тұрағында көлікке арналған 112 орын қарастырылған.<blockquote>– Халықты баспанамен қамту – елдегі негізгі басымдықтың бірі десек, өңірде бұл бағытта тындырымды тірліктер атқарылуда. Өткен жылы аймақта 4108 пәтерлі 300 тұрғын үйдің құрылысы жүргізілді. Осылайша, 400-ге жуық пәтер табысталып, 11 мыңнан астам тұрғынның баспана мәселесі шешімін тапты. Жарасымды істің жалғасы ретінде жақын күндері салтанаты мен сәні келіскен тағы бірнеше нысанның құрылысы басталмақ. «Сыр самалы» тұрғын үй кешені қаламызға ерекше көрік беретін ғимараттардың бірі болары сөзсіз, – деді аймақ басшысы.</blockquote>Айта кеткен жөн болар, биыл бюджет қаражаты есебінен – 14,3 миллиард теңгеге 1890 пәтерлі 70 тұрғын үй салынады. Қызылорда қаласында – 1544, аудандарда – 346 пәтер, оның 16-сы жеті қабатты тұрғын үйлер болады.«Сыр самалы» тұрғын үй кешеніне – 1200-ден астам отбасы қоныстанады. Бұл үйлердің 30 пайыздан астамы аудан орталықтарында бой көтермек. Мәселен, биыл Қазалы ауданында баспана құрылысының көлемі үш есеге артқан. Былтыр Қазалы ауданында 52 отбасы қоныс тойын тойлады. Ал, биыл аудан орталығында – 150 пәтер салынып жатыр. Тұрғын үй құрылысын қыркүйекте бітіру жоспарланған. Сексен шаршы метрлік пәтерлер әлеуметтік аз қамтылған отбасыларға табысталады дейді мамандар. Үш тұрғын бөлмесі, асханасы бөлек, санитарлық бөлмесі бөлек. Барлығы орталық су жүйесімен, жылу жүйесімен, газ жүйесімен қамтылады. Бұл тұрғын үйлерді кәсіпкерлер өз қаражаты есебінен салуда. Тиісті құрылыс талаптарына сай келетін дайын пәтерлерді жергілікті атқарушы орган бюджет қаражаты есебінен сатып алып, баспана кезегі бойынша үлестіреді.&nbsp;<blockquote>– Жалпы аудандағы құрылыс жұмыстарына ең бірінші сапаға мән берілетін болады. Ондағы құрылысқа байланысты материалдар бірінші кезекте жергілікті жерде шығып жатқан құрылыс материалдары пайдаланылады. Ауданда барлық сала бойынша құрылыс жұмыстары қарқынды жүргізіліп жатыр. Алдыңғы жылмен салыстырғанда, былтырғы жылы 23 пайызға артық орындалды. Биылғы жылы да, ауданда 5 миллиард теңгеге жуық қаржыға құрылыс жұмыстары барлық салада жүріп жатыр. 130-140 пайызға артық орындалатын болады. Биыл Қызылорда облысында – 1269 пәтерлі 67 тұрғын үй салынады. Оның, 30 пайыздан астамы аудан орталықтарынан бой көтереді. Бұл мақсатқа бюджеттен 13 миллиард теңгеден астам қаражат бөлінген, – дейді Қазалы ауданының әкімі Мейрамбек Шермағанбет.</blockquote>Өз үйі, өлең төсегіЖеке пәтер не өз үй-жайы, Жиренше шешен айтпақшы, «өз үйі, өлең төсегі» болуы бүгінгі қазақ үшін әлеуметтік жағдайдың, қоғамдағы рөлінің, материалдық-қаржылық ахуалының белгісі, айнасы. Қызығы сол, жеке пәтері бар адам – орташа таптың өкілі. Жеке коттеджі барлар – бақуаттының қатарында. Ал кең-байтақ Қазақстанның бірде-бір қаласында, бірде-бір жерінде жекеменшік үйі жоқ адам өзін кедейге жатқызбаса да, байлар санатынан санай алмасы анық.&nbsp;«Үй кезегіне» не «жер кезегінде» қашан тұрдың деп сұрасаң, «10 жылдан асты ғой» деп күрсінетіндердің саны аз емес. «Үйсіздер» кезегі аталғанмен, анығында, бұл – мемлекеттен үй алуға дәмелі жандардың, үкімет қолдауынан үмітті азаматтардың тізімі. 90-жылдардың аяғынан – 2000-жылдардың басынан бері кезек күтіп, екі көзі төрт болғандар қазір үмітін үзгендей. Ұсынылған баспана бағдарламаларының жәй-жапсарын да көріп отырған боларсыз. Ешқандай санатқа жатпайтын адамдар қажырлы еңбек етіп, жылдар бойы тірнектеуі керек. Мұндай қарқынмен баспанаға мұқтаж, әлеуметтік сүйеніші аз тұрғындардың қатары алдағы жүз жылда сирей қоймас. Сондықтан, жеке шаршы метрге иелік етуді көздеген азаматтар баспаналы болу үшін өз бетінше қам жасауға мәжбүр.Айнұр ӘЛИ

Мейрамбек Шермағанбет: Ауданда барлық сала бойынша құрылыс жұмыстары қарқынды жүруде

Лудомания қауіпті дерт	

2021 жылғы 1 қаңтардан бастап, Қазақстанда кезең-кезеңімен жалпыға бірдей декларациялау енгізілді.Қазалы ауданы бойынша Мемлекеттік кірістер басқармасының бас маманы, С.Өтегенов жалпыға бірдей декларациялаудың негізгі міндеті – әділ салық салуды қамтамасыз ету және әлеуметтік саясатты жетілдіру, жеке тұлғалардың кірістерін бақылаудың тиімді тетігін құру, сыбайлас жемқорлық пен көлеңкелі экономика деңгейін төмендету екенін айтты.Мәселен, 2021 жылғы 1 қаңтардан бастап, «кіру» декларациясын мемлекеттік қызметшілер мен оларға теңестірілген адамдар, сондай-ақ, олардың жұбайлары табыс етті.&nbsp;Екінші кезеңде, 2023 жылы мемлекеттік мекемелер мен квазимемлекеттік сектордың қызметкерлері, сондай-ақ олардың жұбайлары адам табыс етті.Үшінші кезеңде, 2024 жылғы 1 қаңтардан бастап, декларацияны заңды тұлғалардың басшылары мен құрылтайшылары (қатысушылары), дара кәсіпкерлер, сондай-ақ олардың жұбайлары тапсырады.Төртінші кезеңде, 2025 жылғы 1 қаңтардан бастап – азаматтардың қалған санаттары (мысалы, жеке құрылымдардың қызметкерлері, зейнеткерлер, үй шаруасындағы әйелдер, студенттер және басқалар) ұсынады.&nbsp;Маманның мәлімдеуінше, үшінші кезең шеңберінде 2024 жылы активтер мен міндеттемелер туралы декларация – 2024 жылғы 1 қаңтардан бастап, декларацияны заңды тұлғалардың басшылары мен құрылтайшылары (қатысушылары), дара кәсіпкерлер, сондай-ақ, олардың жұбайлары тапсыруға тиіс. Бұл талап әрекетсіз және қызметін тоқтатқан тұлғаларға да қолданылады.Азаматтық кодекстің нормаларына сәйкес, филиалдар мен өкілдіктер заңды тұлғалар болып табылмайтындықтан, 2024 жылы филиалдар мен өкілдіктердің басшыларында декларацияны ұсыну бойынша міндеттеме туындамайды (АК 43-бабының 3-тармағы).Сондай-ақ, 2024 жылы активтер мен міндеттемелер туралы декларацияны жеке практикамен айналысатын адамдар ұсынбайды. Декларацияда қандай мәліметтерді көрсету қажет?Жалпыға бірдей декларациялау жүйесі барлық азаматтардың активтері мен міндеттемелері туралы декларация беруінен тұрады. Онда жеке тұлғаның барлық шетелдік активтері, жылжымалы, жылжымайтын мүлкі көрсетіледі.Кейін жыл сайын кірістер мен мүлік туралы декларация (270.00-нысан) ұсынылады. Онда күнтізбелік жыл ішінде алынған кірістер, Қазақстанда және шетелде мүлікті сатып алу не иеліктен шығару туралы мәліметтер, сондай-ақ, оларды иемденуге жұмсалған шығыстарды жабудың көздері көрсетіледі.Декларацияны ұсыну тәсілдері мен мерзімі?Декларацияны 2024 жылғы 15 қыркүйекке дейін тұрғылықты жері бойынша тапсыру қажет. Декларацияны «Салық төлеуші кабинеті», «Электрондық үкімет» веб-порталдары, «e-salyqАzamat», Halyk Bank, CenterCredit, Kaspi.kz мобильді қосымшалары арқылы ұсынуға болады. Сондай-ақ азаматтар декларацияны қағаз нұсқада пошта арқылы немесе өздері барып ұсынуға құқылы.Фото: halyq-uni.kz

С.Өтегенов: Жалпыға бірдей декларациялаудың міндеті – әділ салық салуды қамтамасыз ету	 

<a href="https://kyzylorda-news.kz/">Kyzylorda-news.kz</a> Президент жанындағы кешірім жасау мәселелері жөніндегі комиссия төрағасы Марат Башимов Ұлттық қауіпсіздік комитетінің бұрынғы басшысы Кәрім Мәсімовтен кешірім жасау туралы өтініш әлі түспегенін айтты. Бұл туралы Stan.kz ақпарат агенттігі Азаттық радиосына сілтеме жасап хабарлайды.<blockquote>"Біз Мәсімовтің кешірім жасау туралы өтінішін әлі алған жоқпыз", – деді Марат Башимов.</blockquote>Сондай-ақ ол президентке кешірім жасау туралы өтініш жолдау алдында бірқатар әрекеттердің бар екенін атап өтті.<blockquote>"Алдымен өтініш келеді. Одан кейін Жоғарғы сотқа, Бас прокуратураға, Ішкі істер министрлігіне және бас бостандығынан айыру жазасын өтейтін жерге сұраныстар жіберіледі, себебі ақпарат жинау керек. Содан кейін дауыс беру арқылы кешірім беруге негіз бар-жоғын анықтайтын комиссия отырысы өтеді. Осыдан кейін комиссия шешім қабылдап, президентке жібереді. Басқа түсініктеме бере алмаймын", – деді Башимов.</blockquote>Айта кетейік, 9 маусым күні Кәрім Мәсімовтың президентке кешірім беру туралы өтініш жазғаны жайлы ақпарат тараған еді.&nbsp;Фото: ҰҚК

Мәсімовтен кешірім жасау туралы өтініш әлі түскен жоқ – Кешірім жасау жөніндегі комиссия төрағасы

<a href="https://kyzylorda-news.kz/">Kyzylorda-news.kz</a>&nbsp; Қасиетті Қазалы топырағы талай дарындарды, даңқты тұлғалар мен елге еңбегі сіңген нағыз еңбек ерлерін дүниеге әкелген киелі мекен.Жақында Қазалыда осындай туған жердің өсіп-өркендеуіне зор үлес қосқан еңбек ардагері, Социалистік Еңбек Ері, Қазақ ССР Жоғары кеңесінің депутаты, атақты күрішші Көлжан Оразалиеваның 100 жылдығына орай тағылымға толы шара өтті.Қазалыға қарасты Ғани Мұратбаев ауылдық округінде өткен мерейтойлық шаралардың ашылуына аудан әкімінің орынбасары Дәурен Тлеумбетов қатысып, барша ауыл тұрғындарын, еңбек ардагерінің ұрпақтарын мерейтоймен құттықтап, Қазалы ауданы әкімі Мейрамбек Шермағанбеттің құттықтауын табыстады.Мерейтойлық шараларда «Мен анамын бақыт тапқан еңбектен, бір қолыммен бесігімді тербеткен» атты жас аналар байқауы, «Еңбек fest» атты еңбек фестивалі, жүгіру марафоны және ұлттық спорт түрінен жарыстар ұйымдастырылды. Сонымен қатар, Көлжан Оразалиеваның өмір жолына байланысты ұрпақтарының жазған «Асыл әжем ардақты» атты кітаптың ашылу рәсімі өтті.Көлжан Оразалиева 1924 жылы Қазалы ауданындағы Ғани Мұратбаев ауылында дүниеге келген. Еңбек ардагері, Социалистік Еңбек Ері. Қазақ КСР-і ауыл шаруашылығының озаты. 1945 жылдан күріш өсірушілер звеносының жетекшісі. 1948 жылы оның звеносы күріш егістігінің әр гектарынан – 81 центнерден астық жинаған.Еңбектегі осы жетістігі үшін оған СССР Жоғарғы Советі Президиумының 1949 жылғы 20 мамырдағы Жарлығымен оған Социалистік Еңбек Ері атағы берілді. 1950 жылы Ленин орденімен марапатталған. 1951 жылы Қазақ КСР-і Жоғарғы кеңесінің депутаты болып сайланды. 1966 жылы Қазақ КСР-і ауыл шаруашылығының үздігі белгісімен марапатталған.Күріш өсірудің шебері кейінгі жылдары да бар күш-жігерін, білімін, тәжірибесін мол өнім өсіруге жұмсады. Көп жылғы өнімді еңбегі үшін 1966 жылы оған «Қазақ ССР-і ауыл шаруашылығының озаты» белгісі берілді.

Қазақстан және Қызылорда облысының жаңалықтары