<a href="https://kyzylorda-news.kz/">Kyzylorda-news.kz.</a> Үкіметтің баспасөз орталығында Қаржы вице-министрі Ержан Біржанов қайырымдылық мақсатта ақша жинайтын блогерлердің мобильді аударымдары қалай қадағаланатынын айтты, деп <a href="https://kaz.inform.kz/news/kayirimdilikka-aksha-zhinagan-blogerler-salik-organdarina-esep-beretn-boladi-2ceeec/">Kazinform.</a><blockquote>«Бүгінде блогерлердің көбі кәсіпкер ретінде тіркелмеген. Олар әлеуметтік желіде тікелей эфир арқылы ұтыс ойнатып, қайырымдылық қорына ақша жинайды. Олардың мобильді аударымы тексеріле ме?» - деп сұрады журналист.</blockquote>Ержан Біржанов мұндай мақсатта жасалған аударымдар да «100 аударым» қағидаты бойынша салық органдарының назарына ілігетінін айтты.<blockquote>«Тек блогерлер ғана емес, басқа азаматтар да осылай ақша жинауы мүмкін. Бұл қаражат баланың еміне арналса және мобильді аударым саны 100-ден асса, ендігі жылы бізге ол туралы тиісті мәлімет түседі. Содан біз бұл азаматқа арнайы хабарлама жібереміз. Азамат немесе блогер «Иә, мен қаңтар, ақпан, наурызда осындай ақша жинаған едім. Кәсіпкерлік мақсатта емес, ақшаны осы бағытта жұмсадым. Жіберілген ақшаның реквизиті бар» деп өзіне аударылған ақшаның қандай мақсатта жұмсалғанын түсіндіріп беруге тиіс. Мұндай жағдайда оған адамға сұрақ туындамайды, салық міндеті қойылмайды. Ақша жинайтын адам қаржыны не үшін жинап жатқанын нақты білуі тиіс. Егер кәсіпкерлік немесе жарнама болса, салық міндеттемесі болады. Қайырымдылыққа жиналса, адам ешқандай жауапкершілікке тартылмайды, салық төлемдері пайда болмайды», - деді вице-министр.</blockquote>Фото: Нұрболат Нұржаубай

Қайырымдылыққа ақша жинаған блогерлер салық органдарына есеп беретін болады

<a href="https://kyzylorda-news.kz/">Kyzylorda-news.kz.</a> Жаңаөзенде кешкі мектеп директорына сот үкімі шықты, - деп хабарлады <a href="https://aikyn.kz/260392/zhan-aozende-70-myn--ten-ge-para-alg-an-mektep-direktoryna-ukim-shyk-ty">Aikyn.kz.</a>Жаңаөзен қалалық сотында пара алған мектеп директорына қатысты қылмыстық іс қаралды. Сотта анықталғандай, сотталушы Жаңаөзен қаласындағы кешкі мектептің директоры қызметін атқара отырып, орта білімді аяқтау туралы аттестатын беру үшін 70 мың теңге көлемінде пара алған.2023 жылы 1 қарашада прокурор мен сотталушы арасында кінәні мойындау туралы мәміле түріндегі процестік келісім жасақталған.Сот сотталушының жағдайын жеңілдететін мән-жай ретінде оның кінәні толықтай мойындауын, бұрын сотты болмағанын ескерген, ал жағдайын ауырлататын мән-жайлар анықталмаған.<blockquote>Сот үкімімен директор ҚК-нің 366-бабы 2-бөлігімен кінәлі деп танылып, оған мемлекеттік қызметте лауазымдарды атқару құқығынан өмір бойына айыра отырып, 2 млн 100 мың теңге айыппұл жазасы тағайындалған, – делінген сот хабарламасында.</blockquote>Үкім заңды күшіне енді.Фото: Нұрболат Нұржаубай

 70 мың теңге пара алған мектеп директорына үкім шықты

Фото: zhardem.kz<a href="https://kyzylorda-news.kz/">Kyzylorda-news.kz.</a>&nbsp;Алматы облысының әкімшілік-аумақтық құрылысында &nbsp;өзгерістер енгізілді, – деп хабарлайды <a href="https://aikyn.kz/261064/k-azak-standa-zhan-a-k-ala-payda-boldy">Aiqyn.kz. </a>Ақордаға сілтеме жасап.«Қазақстан Республикасының әкімшілік-аумақтық құрылысы туралы» Қазақстан Республикасы заңының 9-бабына сәйкес ҚАУЛЫ ЕТЕМІН:1. Алматы облысының Іле ауданы одан Жетіген ауылын бөлу жолымен қайта ұйымдастырылсын.2. Алматы облысы Іле ауданының Жетіген ауылы облыстық маңызы бар қала санатына жатқызылсын және оның атауы Алатау қаласы болып өзгертілсін.3. Қазақстан Республикасының Үкіметі осы Жарлықтың 1 және 2-тармақтарын іске асыру жөнінде қажетті шаралар қабылдасын.4. Осы Жарлық алғашқы ресми жарияланған күнінен бастап қолданысқа енгізіледі", – делінген Президент қол қойған құжатта.

Қазақстанда жаңа қала пайда болды

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-министрі Әлихан Смайыловтың төрағалығымен өткен Үкімет отырысында су тасқыны кезеңіне дайындық мәселелері қаралды.Төтенше жағдайлар министрі Сырым Шәріпханов, бірқатар облыс әкімдері, сондай-ақ Қызылорда облысының әкімі Нұрлыбек Нәлібаев су тасқынына әзірлік туралы хабарлама жасады.<blockquote>«Су ресурстары және ирригация, Экология және табиғи ресурстар, Төтенше жағдайлар министрліктерімен бірлесіп, су тасқынының алдын алу үшін барлық шаралар қабылдануда. Өзен арнасына күнделікті бақылау жүргізілуде. Қауіпті учаскелерге арнайы техникалары бар жауапты мекемелер бекітіліп, қажетті материалдық-техникалық қор толықтай жасақталды. Су шаруашылығы жағдайы тұрақты бақылауда», – деді аймақ басшысы.</blockquote>Өңірдегі «2021-2023 жылдарға арналған су тасқынына қарсы іс-шаралар» Жол картасына 17 іс-шара енгізілген. Қазір 8-і толықтай аяқталды. Оның ішінде жергілікті бюджеттен жоспарланған 6 жоба толықтай орындалды. Елді мекендерді су басу қауіпінен сақтау мақсатында республикалық бюджеттен жоспарланған 2 жоба жергілікті бюджет есебінен атқарылды, 1 жоба жалғасуда. 2 жобаны өзектілігі жойылуына байланысты Жол картасынан алып тастау жөнінде ұсыныс берілді. Біріншісі – «Қызылорда қаласы шегінде Сырдария өзенінің жағалауын нығайту және реконструкциялау» жобасы. Онда қарастырылған жұмыстар жағалаудағы жол құрылысы барысында бірге атқарылды, сондықтан оны іске асырудың қажеті жоқ. бұл жобаға республикалық бюджеттен бөлінетін 9 млрд. теңге үнемделді. Екіншісі – «Қызылорда қаласы шегінде Сырдария өзенінің арнасын тазалау» жобасы өзендегі су деңгейінің төмендеуіне байланысты тоқтатылды. Нәтижесінде бұл жұмыстарға республикалық бюджеттен қажетті 3,5 млрд. теңге үнемделді. Қалған 5 жобаның сметалық құжаттамасына қайта түзетулер енгізіліп, Төтенше жағдайлар министрлігіне республикалық бюджеттен 3,5 млрд. теңгеге бюджеттік өтінім жолданды. Жол картасының мерзімінің аяқталуына байланысты бұл жобалар «Қызылорда облысының әлеуметтік-экономикалық дамуының 2024-2028 жылдарға арналған кешенді жоспарына» енгізіліп, мемлекеттік органдар қарауына ұсынылды.Үкімет жиынынан кейін облыс әкімі Нұрлыбек Нәлібаев арнайы мәжіліс өткізіп, аталған мәселелер бойынша негізгі жұмыс бағыттарын белгіледі. Қызылорда қаласы мен аудан әкімдеріне өзен бойындағы қауіпті учаскелерге бақылауды күшейтіп, тәулік бойы кезекшілікті жалғастыру тапсырылды. Су басу аймағына жақын орналасқан елді мекендерде инертті материалдар қорын шоғырландырып, қажет болған жағдайда инженерлік жұмыстарды ұйымдастыру міндеттелді. Облыстық төтенше жағдайлар департаменті авариялық-құтқару қызметтері мен күш-құралдардың дайындығын үнемі әзірлікте ұстап, мониторинг жұмыстарын жалғастыруға жауапты болмақ. Ал, Арал-Сырдария бассейндік инспекциясы Шардара су қоймасынан босатылатын су көлеміне тұрақты бақылау жасап, облыс аумағына қауіпсіз мөлшердегі судың жіберілуі бойынша тиісті мемлекеттік органдармен жұмыс жасайды.

Облыс әкімі су тасқынының алдын алу шараларын баяндады

<a href="https://kyzylorda-news.kz/">Kyzylorda-news.kz.</a>&nbsp; Қызметкерлердің салғыртығынан баланың жамбасы және екі санын қатты күйік шалған, деп хабарлайды «<a href="https://azattyq-news.kz/kk/qyzylordada-massaj-kezinde-buldirshinnin-denesin-kuidirgen-medicina-qyzmetkerleri-sottaldy/?fbclid=IwAR1JS3bZ_TSA9nHcefg9v-uhQ_EpoKwsoBeESJaFhP_icHWPI_-FMpcy-yg">Азаттық-Ньюс</a>».Ең сорақысы, бүлдіршінге массаж жасаған орталықтың кәсіби лицензиясы да болмай шығыпты. Сөйте тұра,&nbsp; 1 жасар балаға ем қолданған. Алайда өз ісіне салғырт ақ халаттылар “парафиндік” ем-шараны дұрыс жасамай, айналасы 10 минуттың ішінде бүлдіршіннің денесі күйіп қалған. Орталық қызметкерлерінің кінәсі сот арқылы дәлелденген.<blockquote>“Сот үкімімен сотталушы Б. онша қатаң емес жазаны неғұрлым қатаң жазаға сiңiру арқылы түпкілікті медициналық қызметпен айналысу құқығынан 3 жыл мерзімге айыра отырып, 2 жыл мерзімге бас бостандығын шектеу жазасы тағайындалды. Сотталушы Е.медициналық қызметпен айналысу құқығынан 2 жыл мерзімге айыра отырып, 100 сағатқа қоғамдық жұмыстарға тарту жазасы тағайындалды”, – деп хабарлады №2 қалалық соттың баспасөз қызметіндегілер.</blockquote>Фото: Нұрболат Нұржаубай

Қызылордада бүлдіршіннің денесін күйдірген медицина қызметкерлері сотталды

<a href="https://kyzylorda-news.kz/">Kyzylorda-news.kz.</a>&nbsp; Қазақстанның денсаулық сақтау министрі Ажар Ғиният қауіпті инфекцияларға қарсы міндетті вакцинацияның енгізілуіне қатысты түсініктеме берді. Бұл туралы <a href="https://kyzylorda-news.kz/kogam/aekesimen-auruhanagha-ketken-bir-uejding-eki-balasy-khajtys-boldy-09-01-2024">Stan.kz&nbsp;</a> ақпарат агенттігі хабарлайды.Министрдің сөзінше, бұл мәселе елдегі эпидемиологиялық жағдайға байланысты болады.<blockquote>“Әзірге жоспарда жоқ. Бүгінде 800 мың бала екпе алмаған. Қолданыстағы заңнамаға сәйкес, егер медициналық қарсы көрсетілімдер болса, вакцинадан бас тартуға болады", – деп жауап берді Ажар Ғиният.</blockquote>Министр медициналық тұрғыдан тыйым салынбаған азаматтар мен балалардың ата-аналарына қызылшаға қарсы екпе алуға кеңес берді. Сондай-ақ ол негізгі белгілерін де атап өтті.<blockquote>“Вакциналанғандар ауыр аллергиялық реакцияларды бастан кешіреді және иммун тапшылығы жағдайлары бар. Бүгінде вакцина алуы тиіс балалардың ата-аналарымен жұмыс істеудеміз", – дейді министр.</blockquote>Айта кетейік, соңғы мәліметтер бойынша, елде қызылша жұқтырғандар саны 20,2 мың адамға дейін өскен.Елорданың бас санитарлық дәрігері Сархат Бейсенова Астанада жағдай ушыққанын айтты. Тәулігіне 45 вирус жұқтыру дерегі тіркеледі. Бұған дейін елордада күн сайын қызылшаның 35 жағдайы тіркелетіні хабарланған. Сондай-ақ ЮНИСЕФ қорының мәліметтері бойынша Қазақстан қызылшаның таралуы бойынша әлем елдерінің арасында бірінші орында екені айтылды.Өткен жылдың 28 желтоқсанында елімізде екі бала қызылшадан көз жұмғаны белгілі болды. Ал оның алдында Өскеменде қызылшадан 6 айлық сәби көз жұмған еді.&nbsp;<span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото:pixabay.webp

Қазақстанда балаларға қызылшаға қарсы вакцина салу міндеттеле ме – Министрдің жауабы

<a href="https://kyzylorda-news.kz/">Kyzylorda-news.kz.</a>&nbsp; Қазақстандықтар қайта маска тағуы мүмкін бе? Бұл сауалға ҚР Денсаулық сақтау министрі Ажар Ғиният жауап берді, деп хабарлайды <a href="https://kaz.inform.kz/">Кazinform.&nbsp;</a><blockquote>«Коронавирус инфекциясының таралуы жыл бойы жүреді. Біз оны ай сайын тіркеп, бақылап отырмыз. Коронавирус жұқтыру фондық (фоновые) аурулары бар адамдарға қиынға түседі. Бұл – негізінен қарттар. Одан бөлек созылмалы ауруы бар науқастар, әсіресе тыныс алу және жүрек-қан тамырлары дертіне шалдыққандарға да оңайға соқпайды. Осы орайда біз жоғарыда аталған қатардағы азаматтарды ревакцинациядан өтуді ұсынамыз», - деді Ажар Ғиният Үкімет отырысынан кейін өткен баспасөз мәслихатында.</blockquote>Оның айтуынша, өткен жылы 350 мың азамат COVID-19 инфекциясына қарсы екпе алған. Сондай-ақ министр «Қазақстандықтар қайта маска таға ма?» деген сауалға жауап берді.<blockquote>«Біз маска тағуды ұсынамыз. ЖРВИ маусымы қалай басталады, яғни қазан-мамыр айлары аралығында бас санитарлық дәрігердің қаулысымен маска кию ұсынылады. Сонымен қатар медициналық ұйымдарда да маска режимі енгізіледі. Маскаға қатысты тағы бір нақтылағым келеді, біз тек ұсынамыз», - деп толықтырды ведомство басшысы.</blockquote>Фото: Нұрболат Нұржаубай

Ажар Ғиният: Біз маска тағуды ұсынамыз

Фото: Центр национального тестирования<a href="https://kyzylorda-news.kz/">Kyzylorda-news.kz.</a> Қаңтар айындағы ақылы тестілеуге өтініш беру мерзімі тағы ұзартылды, деп хабарлайды ұлттық тестілеу орталығы.8 қаңтарда сағат 17:00-де қосымша орындар ашылды.<blockquote>"Сондай-ақ ҰБТ-ға өтініш беру 11 қаңтарға (қоса алғанда) дейін жалғасады. Мұқият болыңыздар! Сәттілік!", - деп жазылған орталықтың ресми парақшасында.</blockquote>Ұлттық тестілеу орталығы ақылы ҰБТ-ға өтініш беру мерзімін осымен екінші рет ұзартып отыр. Бұған дейін қаңтардың <a href="https://sputnik.kz/20240106/qantardagy-ubt-ga-otinim-beru-uaqyty-uzardy-41402429.html">9-ына дейін өтініш қабылданады</a> деген хабарлама жарияланған.Ал желі қолданушылары сайттың жиі істемей қалатынын жазып жатыр. Соның салдарынан мектеп оқушылары тіркеліп үлгермейді.<blockquote>"Бұлай орын ашқанша, ашпай-ақ қойыңдар! Не сұмдық мынау, сайт мүлдем жұмыс істемейді, кірмейді, "403" деп шығып тұр! Тегін емес, сонша ақша төлеп қатысып жатырмыз ғой!", - деп <a href="https://www.instagram.com/p/C11UZ7Js91o/">жазды</a> қолданушылар.</blockquote>Олардың арасында мектеп мұғалімдері де бар.<blockquote>"Тағы орындар ашыла ма? Біздің мектептегі 11-сыныптардың тек 30%-ы тіркеліп үлгерді. Сайттарыңыз таңның атысы күннің батысы қатып тұрады, орын ашыңыздар! Не сұмдық, біресе орын жоқ, біресе сайт жұмыс істемейді. Оқушылар онсыз да күйзелісте жүр, жеткілікті орын бөліп, сайтты дұрыстаңыздаршы", - дейді олар.</blockquote>

Ақылы ҰБТ-ға өтініш беру уақыты тағы ұзартылды

<a href="https://kyzylorda-news.kz/">Kyzylorda-news.kz.</a>&nbsp; Премьер-министр Әлихан Смайылов ата-аналарды балаларына қызылшаға қарсы вакцина салдыруға шақырды, деп хабарлайды <a href="https://sputnik.kz/">Sputnik Қазақстан</a>.Премьер былтырдан бері елімізде қызылшамен ауырғандар саны айтарлықтай өсіп кеткенін айтты. Ол соңғы 10 жылда болмаған көрсеткішке жеткен. Инфекция жұқтырғандардың 80%-ке жуығы – 14 жасқа толмаған балалар.<blockquote>"Ауырғандардың көпшілігі – тиісті екпе алмағандар. Екпе алмаған науқастардың ауруы асқынып кету қаупі жоғары. Мұндай жағдайлар қазірдің өзінде тіркеліп отыр. Өкінішке қарай, ата-аналардың арасында балаларына екпені әдейі салғызбай, бас тартып отырғандардың қатары аз емес. Мұның соңы ауыр зардаптарға алып келуі мүмкін. Сондықтан жағдайды тұрақтандырудың жалғыз жолы – екпе салу", - деді Смайылов үкімет отырысында.</blockquote>Айтуынша, қызылшаға қарсы жаппай вакциналау үшін қосымша 1,5 млн доза вакцина сатып алынды. Осы мақсатқа үкімет былтыр резервтен 3 млрд теңгеден астам қаражат бөлді.<blockquote>"Алайда, көріп отырғанымыздай, кейбір өңірлерде қызылшаға қарсы иммунизациямен қамту деңгейі әлі де төмен", - дейді үкімет басшысы.</blockquote>Осыған байланысты Смайылов әкімдіктерге денсаулық сақтау министрлігімен бірлесіп, қызылшаға қарсы вакциналау жұмыстарын күшейтуді, сондай-ақ басқа да профилактикалық екпелермен вакциналауды жандандыруды тапсырды.Жол қатынасы қиын және шалғайдағы ауыл тұрғындарын вакциналау үшін жағдай жасау керек екенін атап өтті.Фото: Нұрболат Нұржаубай

 Әлихан Смайылов қызылшаға қарсы вакцина салдыруға шақырды

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-министрі Әлихан Смайыловтың төрағалығымен өткен жаңа жылдағы бірінші Үкімет отырысында Қазақстандағы қазіргі санитарлық-эпидемиологиялық ахуал талқыланды.Денсаулық сақтау министрі Ажар Ғинияттың айтуынша, 2023 жылдың қорытындысымен жұқпалы аурулардың эпидемиологиялық ахуалы тұрақты болды. Алдын алу шараларының арқасында оба, тырысқақ, полиомиелит сияқты 20-дан астам қауіпті жұқпалы ауру тіркелген жоқ. Сондай-ақ, коронавирус, ротавирус және жіті ішек инфекциялары бойынша сырқаттанушылық төмендеді. Жыл соңында елде 29 мыңнан астам қызылша жұқтыру дерегі тіркелді, оның 80%-ы 14 жасқа дейінгі балаларға тиесілі. Осыған байланысты Әлихан Смайылов қызылшаға қарсы, басқа да профилактикалық екпелерді салу жұмыстарын күшейтуді тапсырды.Үкімет жиынынан кейін облыс әкімі Нұрлыбек Нәлібаев арнайы мәжіліс өткізіп, аймақта профилактикалық бағыттағы жаппай, жоспарлы және толықтырып иммундауды әрі қарай жоспарлы түрде жалғастыру қажеттігін ескертті.<blockquote>«Бүгінгі отырыста Үкімет басшысы елдегі санитарлық-эпидемиологиялық ахуалға қатысты бірқатар өзекті мәселелерді көтерді. Оның ішінде аса қауіпті және жұқпалы аурулардың алдын алу жұмыстарын жүйелі әрі сапалы жүргізуді тапсырды. Өңірімізде коронавирус инфекциясы 2022 жылдың есепті кезеңімен салыстырғанда 55 есе төмендеген. Алайда, өткен жылы қызылша ауруының 1 682 жағдайы тіркелді. Эпидемиологиялық ахуалды тұрақтандыру үшін Бас мемлекеттік санитарлық дәрігердің қаулысына сәйкес қараша айынан бастап қызылшаға қарсы жаппай иммундау шарасы өтті. Қазір облыста эпидемиологиялық жағдай тұрақты», – деді аймақ басшысы.</blockquote>Мәжіліс қорытындысымен облыстық санитарлық-эпидемиологиялық бақылау департаментіне қызылша, қызамық, паротит және коронавирус инфекциясының таралуын болдырмауда атқарылуы тиіс жұмыстар тапсырылды. Алдағы уақытта оқу орындарында эпидемияға қарсы профилактикалық іс-шаралар толық ұйымдастырылуы тиіс. Халық арасында иммундаудың маңыздылығы туралы ақпараттық-түсіндіру жұмыстарын күшейту керек. Меншік нысанына қарамастан облыстағы балабақша балаларының екпе құжаттарына ревизия жүргізіп, егілмеген балаларды ата-аналарының рұқсатымен жаппай иммундау шараларына тарту маңызды. Облыстық денсаулық сақтау басқармасына вакциналау жұмыстарын жалғастырып, жалған профилактикалық егудің алдын алу туралы тапсырма берілді.<figure class="image"><img src="https://knadmin.beoblood.kz/uploads/417368201_672717721716142_6747575408282292101_n_f273e265ed.jpg" alt="417368201_672717721716142_6747575408282292101_n.jpg"></figure>

Санитарлық-эпидемиологиялық ахуал талқыланды

<a href="https://kyzylorda-news.kz/">Kyzylorda-news.kz.</a> &nbsp;ҚР Парламенті Мәжілісіндегі «AMANAT» партиясы фракциясының мүшелері Мархабат Жайымбетов пен Мұрат Ергешбаев Қармақшы ауданы, Ақтөбе ауылдық округіндегі «Қармақшы құс» фабрикасының жұмысымен танысты."Қармақшы құс " ЖШС-і 2023 жылдың желтоқсанның 28-не ашылған. Құс фабрикасының жобасына 3,0 млрд теңге инвестиция салынған. Сыйымдылығы 60000 құсқа арналған 6 бордақылау, инкубациялық, сою, қалдықтарды өңдеу цехтарынан және әкімшілік ғимаратынан тұратын фабрикада ағымдағы жылдың 13 қазанында инкубатордан алғашқы 57 000 балапан шығарылып, бордақылау цехына орналастырылып, алғашқы өнім алу 15 қарашадан басталды.Ақтөбе ауылдық округінің тұсындағы 25 га жерді алып жатқан құс фабрикасы іске қосылғаннан бері күніне 2000-2500 бас тауық сойылып, 3 күнде 10 тоннадан астам өнім дайындалған. Алдағы уақытта фабрика толық қарқын алып, жергілікті мамандар жұмыс үдерісін толық меңгергенде фабрика күніне 13 - 14 тонна өнім шығаратын болады деп күтілуде.Қазіргі таңда 90 адам жұмыс жасайтын фабрика жұмысшыларының басым бөлігі Ақтөбе ауылының тұрғындары болса, Ақжар мен Жосалы кентінен қосымша жұмысшы бригадаларымен қамтылған. Барлық цехтар толық жұмысқа қосылған уақытта жұмысшылар саны 115-120 адамға көбейеді деп күтілуде.Мұнымен қоса, "Қармақшы Құс" ЖШС директоры Іздібаев Нұрлан Тұрғанбекұлы құс шаруашылығы бойынша жемді қол жетімді бағада жеткізу үшін Ақтөбе ауылы мен Қызылорда қаласынан құрама жем зауытын салу мақсатында жұмыстар жүргізіліп жатқандығын жеткізді. Зауыт іске қосылса құс шаруашылығымен айналысатын аймақ кәсіпкерлеріне де үлкен жеңілдік болары анық.

Мәжіліс депутаттары "Қармақшы құс " фабрикасында болды

<a href="https://kyzylorda-news.kz/">Kyzylorda-news.kz.</a> «Қазгидромет» РМК Қызылорда облысы бойынша филиалының ұсынған болжамына сәйкес алдағы күндері облыста жауын-шашынды ауа райы сақталады. Толығырақ Өңірлік коммуникациялар қызметінің баспасөз алаңында аймақтағы филиалдың бөлім басшысы Айгерім Жөкелова хабарлады.<blockquote>- Ауа температурасы түнде -3+2°С аяздан -10-15°С аязға, облыстың солтүстігінде -20°С аязға, күндіз +3+8°С, облыстың солтүстігінде 0 градустан 3-8, облыстың солтүстігінде 11°С аязға дейін төмендеуі күтіледі. Екінші онкүндіктің аяғында ауа температурасы аздап жоғарылайды. Үшінші онкүндігінде ауа температурасы ақырындап жоғарылайды деп болжанады. Жауын-шашынның айлық мөлшері мөлшер шамасында күтіледі. Бірінші онкүндіктің аяғында, екінші онкүндіктің басында және аяғында, үшінші окүндіктің басында жаңбыр, жылбысқы қар түседі деп болжануда. Сондай-ақ, көктайғақ болуы ықтимал, - Айгерім Болатбекқызы.</blockquote>Фото: Нұрболат Нұржаубай

Қазақстан және Қызылорда облысының жаңалықтары