Қаржылық сауаттылық – жарқын болашақтың кепілі

<a href="https://kyzylorda-news.kz/">Kyzylorda-news.kz</a> Жер бетінде 250 миллионға жуық адам қант диабетімен ауырады екен. Деректерге сүйенсек, әлемдегі әрбір 500-ші сәби мен әр 200-ші жасөспірім қант диабетіне шалдыққан. Біздің елде де кейінгі он жылда қант диабетіне шалдыққандар саны екі есеге артыпты.Ал, Қазалы ауданындағы ахуал қандай жағдайда? Қазалы Теміржол ауруханасы бойынша 18 жасқа дейінгі – 7785 бала бар. Олардың екеуі қант диабетімен ауырады, көрсеткіші – 0,2 % құрайды. 2024 жылдың алты айында бұл диагнозбен науқас тіркелмеген. Осы орайда, балалар дәрігері Шара Байбазароваға жолығып, диабет туралы жан-жақты білуге, оқырманды құлағдар етуге тырыстық.– Шара Кәрібайқызы, жалпы қант диабеті дегеніміз не? Оқырманға жатық тілмен жеткізсеңіз...– Қант диабеті – ұйқы безінің бетта-клеткаларының инсулинді аз мөлшерде шығаруымен осы инсулин гормонының жетіспеушілігінен пайда болады. Осы себепті, барлық зат алмасу түрлерінің, айрықша қант алмасуының бұзылуымен сипатталатын ауру. Қант диабеті инсулинге тәуелді, инсулинге тәуелсіз болып екі түрге бөлінеді. Ең басты себептердің бірі – тамақтану салтының өзгеруі, атап айтқанда қантқа тез айналатын көміртегі бар тағамдарды шектен тыс пайдалану болып табылады. Сол сияқты қажеттен артық тамақтану және дене еңбегімен шұғылданбау семіздікке әкеліп соқтырады. Қант диабетінің көп таралу себептерінің бірі де осы семіздікке тіреледі. Сырқатқа шалдығудың көп себептері тұқымдық бейімдеушілік екенінде айтып өткен жөн. Тұқым қуалаушылықтың әсерінен қант диабеті балалар арасында өте көп таралып отыр. Тағы бір себебі, экологиялық жағдайдың бұзылуы, химиялық өндірістің зиянды әсері. Бұл ауру жас талғамайды. Әйтсе де, бұл сырқат егде адамдар арасында көп кездеседі, оның басты себебі, организмді қоректендіретін қан тамырларының, әсіресе ұйқы безіне келетін тамырлардың қан жүргізу қабілетінің азаюы. Қант диабетінің кең таралуына – ұйқы безінің қабынуы, зақымдануы және ісіктердің пайда болуы да әсер етеді. Қант диабетінің балалардағы ерекшелігі ауру қатты екпінді басталады. Балаларда аурудың жеңіл түрі кездеспейді. Асқынуға бейімді. Бұл қауіпті асқынулар – гипергликемиялық және гипогликемиялық комалар. Екі типтегі диабетте де, қанда қант деңгейі жоғарылайды, гиперкликемия пайда болады.– Қант диабеті екі типке бөлінеді екен. Оларды қалай анықтауға болады?– Қант диабеті – тағамды қорыту кезінде қанға түсетін қантты ағзамыздың жасушаларына сіңіру қиынға соғатын жағдай. Қант – дене жасушаларының негізгі энергия көзі. Инсулин қантты қаннан жасушаларға жылжыту және оны энергияға айналдыру үшін қажет. І типті қант диабетінде ұйқы безі инсулин бөлмейді. ІІ типті қант диабетінде инсулин жеткілікті болуы мүмкін, бірақ, дұрыс жұмыс істемейді. І типті қант диабетінде инсулин шығаратын ұйқы безінің жасушалары жойылып, инсулиннің абсолют тапшылығына әкеледі. Бұл бұзылудың себебі, аутоиммундық процестердің нәтижесінде вирустардың (тұмау вирусы, Коксаки, паратиф, коронавирус және тағы басқа) әсерінен иммундық жүйе өз тіндерін танымай, қарсы антиденелер шығарып, өз ағзасының ұлпаларын жояды. Бұл жағдайда, инсулин синтезіне жауапты жасушалар антиденелермен жойылады.– Қант диабетіне пайда қандай фактор душар етеді?– Біріншіден, вирустық инфекциялар: қызамық, желшешек, паротит, Коксаки вирусы, вирустық гепатит, коронавирустар. Екіншіден, ана сүті – өтемаңызды фактор. Финляндияда жүргізілген зерттеу қант диабетінің осы түрімен ауыратын барлық баланың нәресте кезінде ана сүтімен қоректенбегенін көрсеткен. Үшіншіден, балаға ерте бастан сиыр сүтін беру. Сиыр сүтінде ақуыз бар. Бұл зат ұйқыбезінің бета жасушаларын бұзатын антиденелердің пайда болуына ықпал етеді. Төртіншіден, аутоиммундық реакция факторлары, генетикалық (туабіткен) бейімдік. Ата-анасы (біреуі немесе екеуі) осы ауруға шалдыққан болса, балаларында қант диабетінің осы түрінің даму ықтималдығы жоғары болады. Бесіншіден, психологиялық күйзеліс. ІІ типті қант диабетінің пайда болу себебіне келсек, көп жағдайда артық салмақ, қозғалыстың аздығы және дұрыс тамақтанбау. Бұл факторлардың генетикалық бейімдікпен үйлесуі қауіпті. Бұған қоса, бұрынғы Халықаралық қант диабеті федерациясының президенті Пьер Лефевр атап өткендей, «қант диабетінің әлдеқайда жасарып кеткені ерекше алаңдатады». Кейінгі он, жиырма жыл көлемінде майлы фастфуд өнімдерінің көбеюі, компьютер мен теледидар алдында шамадан тыс көп уақыт өткізу, қимыл-қозғалыстың азаюы балалар мен жасөспірімдер арасындағы семіздікке алып келді. Семіздік – диабетке бастайтын жол.– «Ауру – астан» деп жатамыз. Диабетке душар қылатын тағамдар туралы білсек...– Фастфуд өнімдері, газды тәтті сусындар, консервіленген дайын өнімдер, тәттіні (көмірсу) шамадан тыс пайдалану қант диабетіне алып келеді.Ата-аналардың өз баласының денсаулығына немқұрайлы қарауы,жауапкершілікті толық мойнына алмауында. Бұлай дейтінім, жас организмге зиян екенін біле тұра балаға өздері кола, чипсы алып береді.– Бұл аурудың алғашқы белгілері қалай байқалады?– Суды шамадан тыс көп ішу, әлсіздік, кіші дәретке жиі шығу, салмақ тастау.– Балалардағы қант диабетін емдеу және асқынудың алдын алу жолдары қандай?– Балалар мен жасөспірімдердегі қант диабетінің алдын алу үшін ең алдымен ата-аналар баланың тамақтану сапасына назар аударуы керек, тәттілерді шамадан тыс пайдаланбау, гиподинамия және артық салмақ қосуды болдырмау қажет. Вирустық инфекциялардың алдын алу және уақытылы емдеу, интоксикацияны жою маңызды рөл атқарады. Қант диабетінің бірінші түрін емдеу жолы біреу-ақ. Ол инсулин қабылдау. Қазір инсулиннің көптеген түрі бар. Олар тұрақты инъекциялар режимінде, помпалы инсулин терапиясы әдісімен, немесе инсулин препараттарының тұрақты инфузиясы режимінде де, қолданыла береді. Бұл – толықтырушы терапия, яғни, науқастар ағзада жетіспейтін инсулинді сырттан алады.Қант диабетінің бірінші түрінде науқастар ішкен тағамының көлеміне қарай инсулинді қажетті мөлшерде салады. Қандағы қантты қалыпқа келтірудің ең маңызды шарты – рационал тамақтану. Ең бастысы, дұрыс тамақтану жүйесі қандағы глюкозаның тамақтанғаннан кейін, көтерілмеуіне мүмкіндік береді. Мұндай тамақтану барлық адам үшін пайдалы. І типті қант диабетінің алдын алу екі кезеңге бөлінеді. Біріншісі, аурудың басталуына дейін жүзеге асса, екіншісі аурудың клиникалық кезеңі пайда болған кездегі профилактика.Бастапқы профилактикада ата-анасы қант диабетімен ауыратын балаларға генетикалық зерттеу жүргізу керек. Құрсақішілік және балалар мен жасөспірімдердің инфекцияларының алдын алу. Ұйқы безінің бета жасушаларын бұзатын аутоиммунды процестерді тудыруы мүмкін (сиыр сүті, азотты заттар – нитраттар, токсиндерді) балалар тағамынан шектеу. Жоғары сапалы суды пайдалану. Балаларға газдалған тәтті сусындар мен пластик ыдыстағы кола, фанта, спрайт, лимонад, шырындар мен жасанды сүт бермеу. Екінші кезеңдегі алдын алу шарасы ұйқы безінің бета жасушаларының зақымдану дәрежесін анықтаудан, аутоиммунды агрессиядан қорғауға бағытталған дәрілік терапиядан және инсулярлық аппаратқа күш түсірмеу мақсатында төмен дозалы инсулин терапиясынан тұрады. Қант диабеті – бұл қандағы қанттың (глюкозаның) жоғарылауымен сипатталатын ауру. Қант диабеті балалар мен жасөспірімдердегі барлық эндокриндік аурулар арасында бірінші орында.– Уақыт бөліп, сұхбат бергеніңізге рақмет.Әңгімелескен,Ұлболсын ТАЛАПБАЕВА

Шара Байбазарова: тамақтану сапасына назар аударғандар диабет дертіне шалдықпайды

<a href="https://kyzylorda-news.kz/">Kyzylorda-news.kz</a> Әлемдік және дәстүрлі діндер лидерлері Съезіне биыл 20 жыл. 20 жыл уақытта Қазақстан өзінің бірлікке бастар саясатын әлемге мойындатып үлгерді. Астана - азды-көпті жаһандық дау-дамайларды шешетін диалог орталығына айналды. Осылайша, әлемге бейбіт елдің үлгісін көрсетті.2022 жылдың күзінде &nbsp;Съездің VII шақырылымы өтті. Дәл сол сәтте Қазақстан әлемнің назарында болды. Себебі, бұл кезекті жиынға 50-ден астам елден 100-ден аса делегация қатысты. Олардың ішінде, форумға Рим Папасы Франциск, Әл-Азхардың Жоғарғы имамы Ахмед Мохаммед Ахмед ат-Тайеб, Иерусалим Патриархы III Теофил, Ашкеназдың бас раввині Давид Лау, Израильдің Бас сефард раввині Ицхак Иосифтің және басқа да діни жетекшілер, сондай-ақ бірқатар халықаралық ұйымның өкілдері қатысты. Ислам, христиан, буддизм, иудаизм, индуизм, даосизм, зороастризм, синтоизм секілді бірнеше дін өкілдерін бір дөңгелек үстел үстіне жинаған шара, әлбетте әлем тарихында қалары сөзсіз. Үстел басына жиналған дін өкілдеріне ортақ бір ғана мақсат бар. Ол – барлық адамзатқа ортақ адамгершілік қағидатын насихаттау, тату болу.VII Съезд 4 секциялық отырыстан құралды. Бұл жолы қоғам назарын аудартқан «Әйелдердің қазіргі қоғамның әл-ауқаты мен тұрақты дамуына қосқан үлесі және әйелдердің әлеуметтік мәртебесін қолдаудағы діни қауымдастықтардың рөлі» тақырыбындағы 4 секциялық отырыс болды.Дәстүрлі дала мәдениетінде қазақ әйелдері өздерінің отбасылық қана емес, қоғам мүшесі ретіндегі әлеуетін өнер-білім саласында, сондай-ақ, қоғам кайраткерлері ретінде көрсетіп, өзін-өзі дамытуға мүмкіндігі болды. Қазақы ортада қарақан бастан гөрі отбасылық мүдденің жоғары тұруы әйелдердің қоғамдық-әлеуметтік белсенділігіне кедергі болған жоқ: өнер саласында атағы жалпақ жұртқа жайылған белгілі әншілер, ақындар, майталман күйшілер болды. Тарихта болған Болған ана, Домалақ ана, Дарабоз ана, Қарқабат ана, Қызай ана, Найман ана, Ұлпан аналар - рулы елдің бүтіндігіне қызмет еткен қайраткер тұлғалар болса, Қарқабат, Абақ, Қызай т.б. аналар рулы елдің ұранына айналып (Е.Мүсірепов), сол рудың атына негіз болды.Осылайша, қазақ әлімсақтан әйелдің, ананың қоғамдағы ролін жоғары бағалаған деген тұжырым жасауға толық негіз бар. Бүгінде әйелдердің рөлі бала тәрбиелеумен, үй шаруашылығын жүргізумен шектеліп қана қоймайды. &nbsp;Содан болар, қазіргі уақытта әйелдердің ролінен бөлек, олардың білім-көкжиегіне қыз бала кезінен аса назар аударылып жүр. «Ұлға білім берсең, сауатты ер шығады, қызға білім берсең, сауатты ел шығады» деген тәмсілдің халық арасында кеңінен таралып кеткені көңіл қуантады.Демек, бұл өркениетті көшке ілескен қазақ қоғамында да тақырып жөнінде өзгеріс табы байқалады.Қалай десекте қазақ халқы әйел затын аса ыждақатпен құрметтегенін жоққа шығаруға болмайды.Тәуелсiздiк жылдaрында Қaзақстан гендерлік сaясатты жүзеге асыру жолында белгілі бір жетістіктерге жетті. Бірінші кезекте бұл әйелдердін мүмкіндіктерін дамытуда, ер азаматтар мен әйел азаматтарының еңбек жағдайларының теңдесуі.Гендерлік теңдік идеясы «Әйелдердің дамуы» атты БҰҰ бағдарламасында белгіленген, оның негізгі ережелері, әйел – бұл әлемдік қоғамның экономикалық дауына өзінің шешуші жарнасын жасауға қабілетті, адамзаттың қолданылмаған ресурсы ретінде қаралады. Ал біздің еліміздегі гендірлік теңдік саясатының міндеттері билік құрылымына әйелдер мен ерлердің тең қатысуы, экономикалық тәуелсіздік үшін тең мүмкіндіктерді қамтамасыз ету, отбасындағы тең құқықтар мен міндеттер үшін талаптар құру, жыныс белгілері бойынша күштеу бостандығы, біздің қоғамымыздың дамуында әйелдердің рөлін бұдан әрі дамыту үшін жаңа мүмкіндіктер ашатын шешімдер қабылдау болып табылады.Дін көшбасшыларының секциялық отырыста бұл тақырыпқа аса мән беріп, әйелдердің қазіргі қоғамның әл-ауқаты мен тұрақты дамуына қосқан үлесі және әлеуметтік мәртебесін қолдаудағы діни қауымдастықтардың рөлін айқындағаны қуантарлық жайт.2023 жылғы 11 қазанда Астанада Әлемдік және дәстүрлі діндер лидерлері Съезі Хатшылығының ХХІ отырысы өтті. Бұл жылы да Қазақстан бір дөңгелек үстел басына ислам, христиан, иудаизм, буддизм, даосизм, синтоизм, индуизм, бахаи, және басқа да діндердің діни жетекшілерін, сондай-ақ 23 елдің саяси қайраткерлері мен халықаралық ұйымдардың өкілдерін жинады.Қоғамдағы өзекті тақырыптарды қамтыған XXI Хатшылықта &nbsp;қатысушылар Әлемдік және дәстүрлі діндер лидерлері Съезінің 2023-2033 жылдарға арналған «Діни лидерлер әділ және қауіпсіз әлем үшін» даму Тұжырымдамасын бекітті.Бұл Тұжырымдамада астын сызып мән беретін тақарыптардың бірегейі, басымдықты жастарға беру.Атап айтқанда, Съездер бағдарламасында Жас діни лидерлер форумын, сондай-ақ жас рухани қайраткерлер мен зайырлы жастардың қатысуымен басқа да іс-шараларды (секциялық отырыстарды) өткізу көзделетін болады. Жас лидерлерді Съезд қызметіне тарту алдағы жылдары өркениетаралық және конфессияаралық диалог дәстүрлерін сақтаудың кепілі болып табылады.Съездің құрылымдары қазіргі жас ұрпақты толғандыратын мәселелерді шешу үшін халықаралық жастар диалогы мен ынтымақтастықты дамытуға ықпал ететін болады. Съезд құрылымдары дінаралық және мәдениетаралық өзара түсіністікті ілгерілету мақсатында діни және зайырлы жастар ұйымдарымен, соның ішінде AIESEC, SIFE, Жастар түсіністігі үшін, Халықаралық жастар палатасы, Еуропалық құқық студенттері қауымдастығымен (ELSA) және басқа да ұйымдармен ынтымақтасатын болады. Осы мақсатта Съезд аясында жастар ұйымдары өкілдерінің қатысуымен түрлі іс-шаралар өткізіледі деп жоспарлануда. &nbsp;Съезге қатысушылар жастарды экстремистік идеологиялардың ықпалынан қорғап қалуды маңызды міндет деп санайды және жастар ортасында радикализмнің таралуына қарсы тұру кезінде халықаралық қоғамдастықтарға және ұлттық үкіметтерге жәрдем көрсетеді.Жалпы, бұл Тұжырымдама адамзаттың ең өзекті мәселелерін шешу үшін діни көшбасшылардың күш-жігерін біріктіру арқылы форумның алдағы жылдардағы дамуының жаңартылған көзқарасын ұсынады. Логикалық тұрғыдан, бұл идеяның оң екеніне анық көз жеткізуге болады. Себебі, жеңіс, күш бірлік болған жерде ғана болады.Н.ӨрғараКонфессияаралық және өркениетаралық диалогты дамыту жөніндегі&nbsp;Н.Назарбаев орталығының бас консультант

Әлемдік және дәстүрлі діндер лидерлерінің Съезі – халықтар достығының кепілі

<a href="https://kyzylorda-news.kz/">Kyzylorda-news.kz</a> Қазақстан Республикасының Қаржы нарығын реттеу және дамыту агенттігі (бұдан әрі – Агенттік) мемлекеттік органдармен және халықаралық сарапшылармен бірлесіп төтенше жағдайлар кезінде мемлекет және сақтандыру ұйымдарының өзара іс-қимыл тетігін пысықтауда &nbsp;және залалды өтеу тәртібін айқындауда.Апаттық тәуекелдерден сақтандыру енгізуге табиғи апаттар қарқындылығының күшеюі, оның ішінде Қазақстандағы ауқымды су тасқыны негіз болып табылады.Қазіргі уақытта табиғи апаттардан болған залал үшін өтемақыны мемлекет негізінен бюджет қаражаты есебінен төлейді. Өз мүлкін табиғи апаттар тәуекелінен сақтандыру үшін алдын ала шаралар қабылдаған азаматтар мен кәсіпкерлердің аз бөлігі ғана сақтандыру қорғаумен қамтылған.Біздің елімізде апаттық тәуекелдерден сақтандыру ерікті болып табылады. 2023 жылы 366 мың ерікті сақтандыру шарты жасалды, 2022 жылмен салыстырғанда 11,6%-ға өсу, соңғы 5 жылда – 114%-ға өсу.Сонымен бірге тұрғын үй-жайларды табиғи апаттардан сақтандырумен қамту ел бойынша орташа есеппен 3,2%-ды және Алматы қаласы бойынша 7,7%-ды құрайды. Бұл өңіріміздің географиялық және климаттық ерекшеліктерін ескере отырып, халықаралық стандарттар бойынша төмен көрсеткіш.<blockquote>«Ең тиімді модель мемлекеттік-жеке әріптестік қағидаты бойынша қорғау тетігін құру болып табылады. Халықаралық тәжірибе көрсеткендей, сақтандыру ұйымдары ірі табиғи апаттардың залалын толығымен өтей алмайды. Табиғи апаттар қаупіне жиі ұшырайтын елдердің басым бөлігінде, соның ішінде Түркия, Румыния, Франция, Испания, Марокко, АҚШ және Қырғызстанда апаттық тәуекелдерді сақтандыру міндетті болып табылады»,- деп атап өтті ҚР Қаржы нарығын реттеу және дамыту агенттігінің Төрағасы Мәдина Әбілқасымова.</blockquote>Қазіргі уақытта Қазақстанда тұрғын үйді міндетті немесе жүктелген сақтандыруды енгізу қарастырылуда. Республика бойынша тіркелген барлық тұрғын үй құрылыстары сақтандырумен қамтылуы мүмкін. Міндетті сақтандыру бойынша төлемдер белгіленген шаманы құрайтын болады. Міндетті сақтандырудан басқа, ерікті сақтандыру шартын жасасқан азаматтар келтірілген залал үшін көбірек өтем алатын болады.Бүгінгі күні әлемдегі бірде-бір ел өз аумағында болып жатқан апаттардың залалын өз бетінше өтей алмайды, ірі тәуекелдерді қайта сақтандыруға отандық сақтандыру ұйымдарымен қатар халықаралық қайта сақтандыру ұйымдары қатысуға тиіс.Сақтандыру жарналарының мөлшерін және ең төменгі сақтандыру төлемдерін анықтау үшін сақтандыруға жататын жылжымайтын мүлік объектілері бойынша, оның ішінде құрылыс түрі, салынған жылы, жер сілкінісінен қорғау деңгейі және басқа өлшемдер бойынша сипаттамаларды қоса алғанда, толыққанды статистика қажет.Сондай-ақ, ел өңірлері бойынша орын алған сақтандыру жағдайлары бойынша тарихи ақпаратқа және жылжымайтын мүліктің бұзылу дәрежесіне байланысты залалды өтеу мөлшері жөнінде деректерге қол жеткізу маңызды.Апаттық тәуекелдерден сақтандыруды енгізу актуарлық есептеулер жүргізуді және тиісті заңнамалық түзетулер әзірлеуді талап етеді. Егер тұрғын үйді міндетті сақтандыруды енгізу туралы шешім қабылданса, жеке заңнамалық акт қабылдау талап етіледі.Дереккөзі: <a href="https://www.gov.kz/memleket/entities/ardfm/press/news/details/798519?lang=kk">ҚНРДА</a> сайты&nbsp;

Ауқымды су тасқыны сақтандыру нарығына қалай әсер етті?

<a href="https://kyzylorda-news.kz/">Kyzylorda-news.kz</a> Қаржы нарығының инфрақұрылымын одан әрі дамыту мақсатында Қазақстан Республикасының Қаржы нарығын реттеу және дамыту агенттігі &nbsp;Ұлттық рейтингтік агенттік туралы заң жобасын әзірледі.Құжат қазақстандық кредиттік рейтингтік агенттікті құру үшін заңнамалық негіз болады. Жобаны әзірлеу кезінде Бағалы қағаздар жөніндегі комиссиялардың халықаралық ұйымының (IOSCO) кредиттік рейтингтік агенттіктердің қызметіне қатысты ұсынымдары пайдаланылды.Заң жобасы шеңберінде рейтингтік агенттік қызметінің негізгі қағидаттары, корпоративтік басқаруға, рейтингтік қызметті ұйымдастыруға, мүдделер қақтығысын басқаруға, ақпаратты жариялауға қойылатын талаптар және IOSCO кредиттік рейтингтік агенттіктерінің кәсіптік іс-қимыл кодексіне сәйкес басқа да талаптар белгіленеді.<blockquote>«Қазақстандық рейтингтік агенттік нарықты сапалы, объективті және қолжетімді рейтингтік қызметтермен қамтамасыз ету үшін&nbsp;қажет. Мұндай рейтингтік агенттіктің пайда болуы облигациялар нарығы арқылы экономиканың нақты секторын қаржыландыруды кеңейтуге, қаржылық тұрақтылық тәуекелдерін төмендетуге, сондай-ақ кредиттік тәуекелдерді тәуелсіз бағалау саласында құзыреттер орталығын құруға мүмкіндік береді», - деп атап өтті Қазақстан Республикасының Қаржы нарығын реттеу және дамыту агенттігінің Төрағасы Мәдина Әбілқасымова.</blockquote>Рейтингтік агенттіктің қатысушылары&nbsp;қазақстандық қаржы ұйымдары, қаржы нарығының инфрақұрылымдық ұйымдары, даму институттары&nbsp;болады деп күтілуде.&nbsp;Шетелдік рейтингтік агенттіктердің қазақстандық рейтингтік агенттіктің&nbsp;стратегиялық серіктесі ретінде қатысуы туралы келіссөздер жүргізілуде. Осы заң жобасын Қазақстан Республикасының Парламентіне 2024 жылдың соңына дейін енгізу жоспарлануда.Қазіргі уақытта Қазақстан Республикасының рейтингтік қызметтер нарығында S&amp;P, Moody's және Fitch халықаралық рейтингтік агенттіктері бар. Сонымен бірге Қазақстан Республикасы Қаржы нарығын реттеу және дамыту агенттігі Басқармасының 2023 жылғы 31 шілдедегі №67 қаулысымен біліктілік өлшемшарттары негізінде шетелдік рейтингтік агенттіктерді тану рәсімдері қабылданды. Осы рәсімге сәйкес, аса ірі ресейлік кредиттік рейтингтік агенттіктері ТКРА мен Эксперт РА танылды, олар белгіленген өлшемшарттарға &nbsp;сәйкестігін растады. Бұл ретте ЕАЭО кеңістігінде бүгінгі таңда бес кредиттік рейтингтік агенттік жұмыс істейді – төртеуі ресейлік, біреуі – белоруссиянікі.Халықаралық рейтингтік агенттіктердің ресми сайттарының деректері бойынша 2022 жылғы жағдай бойынша 75 қазақстандық компанияның халықаралық рейтингтік агенттіктердің 101 жария кредиттік рейтингі болған. Оның ішінде 19% – ЕДБ, 19% – сақтандыру компаниялары, 41% – мемлекеттік сектор компаниялары, 8% – микроқаржы компаниялары, 7% – басқа банктік емес қаржы ұйымдары, 6% – жеке қаржылық емес компаниялар.Дереккөзі:<a href="https://www.gov.kz/memleket/entities/ardfm/press/news/details/798483?lang=kk"> ҚНРДА</a> сайты&nbsp;

Қазақстанда Ұлттық рейтингтік агенттік құрылады  

<a href="https://kyzylorda-news.kz/">Kyzylorda-news.kz</a>&nbsp;Әлемдік қауымдастықтың кейінгі 20 жылдағы болып жатқан оқиғаларына көз жүгіртсек, әлем әлі де сын-қатерлер мен қиындықтарды бастан кешіріп жатыр.Бұл – орнықты дамуға жол бермеу, экологиялық-климаттық мәселелер және басқа да өзекті мәселелер. Сондай-ақ адам­­зат­тың күш-жігерін осы ғаламдық мә­се­ле­лерді шешуге жұмылдыру қажет.Адамзаттың алдағы тағдырына қалай әсер етуге болады? Біріншіден, өзара ынты­мақ­т­астыққа қол жеткізу өркениетаралық түсі­ністікке қол жеткізеді. Біз әртүрлі өрке­ниет­т­ердің арасындағы дамуды түсініп, үйлесімді дамуға ұмтылуымыз қажет. Яғни әлемдік өркениеттің бақшасы гүлденіп тұруы керек. Басқа өркениеттің жетістіктерін мойындай біліп, бір-біріміздің мықты жақтарымызды толықтыра түсуіміз қажет.Пу ЧЖЭН,Қытай буддистер қауымдастығыБас хатшысының орынбасарыEgemen Qazaqstan

Ынтымақтастық кезеңі

<a href="https://kyzylorda-news.kz/">Kyzylorda-news.kz</a> &nbsp;Тәжірибе алмасу – іркіліп тұрған істің алға басуына септігін тигізетін іс. Бұл тәжірибеден өткендер өзге өңірдің өзгешелігін байқап, іліп алар тұсын өз еліне алып келуге тырысады. Бұл кеше немесе бүгін пайда болып жатқан дүние емес. Бұл тәжірибе кеңес дәуірінде де кеңінен қолданылды. Ол үрдіс бүгінгі күнге дейін күшін жойған жоқ. Жуырда тәжірибе алмасу мақсатында Арал ауданының әкімі Аманжол Оңғарбаев бастаған делегация Қазалыға келіп, біздің өлкенің тыныс-тіршілігімен танысты.Қазалы ауданының әкімі Мейрамбек Шермағанбет делегация мүшелерін атқарылып жатқан жұмыстармен және алдағы жоспарлармен таныстырды.&nbsp;Сондай-ақ, аудан орталығы – Әйтеке би кентіндегі бірқатар әлеуметтік, кәсіпкерлік, құрылыс нысандарын аралатып, атқарылып жатқан жұмыстарды көрсетті.Делегация мүшелері алдымен аудандық ардагерлер үйіне барып, ардагерлермен кездесті. Аудандық ардагерлер кеңесінің төрағасы Оразғали Бекпанов көрші жатқан қос ауданның мұндай игі ісіне ризашылығын білдіріп, алдағы жұмыстарына сәттілік тіледі.<blockquote>– Құт қонған мекен, қасиетті Қазалы жеріне қош келдіңіздер! Терең тарихы бар топыраққа қоныстанғалы мұнда ілкімді істер жасалып келген. Сол оң жұмыстар бүгінге дейін жалғасын тауып, облыстағы белді, инфрақұрылымы келіскен мекендердің біріне айналып отырмыз. Оның ішінде кәсіпкерлігі де жақсы дамыған, елге танымал, тіпті көп адам «Екінші Түркістан» атап кеткен бұл жерді. Аудан әкімі Мейрамбек Зинабдинұлы да осынау жауапты істі әрмен қарай жалғастырып, Қазалының абыройын асқақтатып, одан әрі гүлденуіне үлкен үлес қосып жатыр. Құрметті Аманжол Сақыпұлы, біздің де сіздерден аларымыз көп. Алдағы істеріңізге, сапарларыңызға сәттілік тілейміз, – деді ол.</blockquote>Мұнан соң аралдықтар аудандағы жастар ресурстық орталығы, «РЗА» акционерлік қоғамы, «Амир» жеке спорт кешені, Р.Бағланова атындағы аудандық мәдениет орталығы, аудан әкімдігі ғимараты, әлеуметтік осал топтағы отбасылар үшін салынып жатқан тұрғын үй құрылысы, Қазалы көлік-техникалық жоғары колледжі мен орталық алаң, Жеңіс саябағы және аудан орталығында жүргізіліп жатқан абаттандыру мен жол жөндеу жұмыстарын көрді.Бүгінде ауданның әрбір саласында жүріп жатқан қызу тіршіліктің жайын көріп, ілгері істің куәгері болған аралдықтар алдағы уақытта түрлі жобалар бойынша тәжірибе алмасып, бірлесе жұмыс істейтіндерін жеткізді.

Қазалыға арнайы іс сапармен аралдық делегация келді

Зауалхан Ермаханов: Кіші Аралды өлтіріп алмайық

<a href="https://kyzylorda-news.kz/">Kyzylorda-news.kz</a> Әйелі Салтанат Нүкенованы өлтірді деп айыпталып, 24 жылға сотталған экс-министр Қуандық Бишімбаевтың отбасының адвокаты Ерлан Ғазымжанов 100 миллион алып, үкімді "жеңілдетпек" болған әйел кім екенін айтты.Адвокат&nbsp;<a href="https://ztb.kz/advokat-rasskazal-o-popytke-otkupit-bisimbaeva">ZTB</a>&nbsp;порталына берген сұхбатында әйел адам адвокаттар мен Бишімбаевтың отбасына көп жазғанын айтады, деп мәлімдейді&nbsp;<a href="https://dalanews.kz/kz">Dalanews.kz</a>.&nbsp;<blockquote>"Оны бұғаттап тастасақ та ол оның артында "маңызды адамдар" тіреп тұрғанын айтатын. Ата-анасының үйін тауып алып, баласымен келіп, сөйлескісі келді. Келген кезде белгілі бір сомада ақша берсек үкімді жеңілдетіп бере алатынын айтты. Біз бірден Антикорға хабарладық", - дейді Ғазымжанов.&nbsp;</blockquote>Адвокаттың сөзінше, осылайша Бишімбаевтың отбасы мен Антикор бірігіп, әйел адамды ұстаған. Ол ақшаны алып жатқан кезінде ұсталған.&nbsp;<blockquote>"Ол әйел ұсталды, қазір қамауда отыр. Әйел адам муляж ақшаларды алып жатқан кезінде ұсталды. Бишімбаевтың ата-анасында 100 миллион теңге жоқ", - дейді Ерлан Ғазымжанов.&nbsp;</blockquote>Еске салайық, бұған дейін Бишімбаевтың үкімін жеңілдетіп беремін деп, 100 млн теңге жымқырған тұрғын ұсталған болатын. Сыбайлас жемқорлыққа қарсы қызмет Бишімбаевтың туыстарының өтініші бойынша елорда тұрғыны «Г»-ға қатысты сотқа дейінгі тергеу жүргізуде. Ол аса ірі мөлшерде алаяқтыққа оқталғаны, яғни Қ.Бишімбаевтың үкімін жеңілдету сылтауымен алдау арқылы 100 млн теңгені иемдену бойынша күдікті. Сонымен қатар, күдіктінің іс-әрекеті аса ірі мөлшерде пара беруге итермелеу бойынша сараланды. Оның қылмыстық әрекетінің басқа эпизодтары тексерілуде.Күдікті соттың санкциясымен қамауға алынды.Фото: Dalanews.kz

Бишімбаевтың отбасынан 100 миллион алып, үкімді «жеңілдетпек» болған әйел кім?

&nbsp; &nbsp;Сырдария ауданына қарасты &nbsp;Аманкелді ауылдық округі бойынша 532 отбасында 2742 халық тұрады.&nbsp;Ауылда мектеп-лицей, балабақша, аурухана, ауылдық мәдениет үйі, кітапхана, қазпошта бөлімшесі, вет.станция, ауылдық өнер мектебі және өрт сөндіру бекеті халыққа қызмет көрсетіп келеді.Берекесі тасыған ауылда 8 тыл ардагері, 25 «Алтын алқа» және 62 «Күміс алқа» иегерлері бар.Елді мекеннің экономикалық дамуының негізгі саласынің бірі – ауыл шаруашылығы болып табылады.&nbsp;Ауылдық округі бойынша 3313 ірі қара мал, 2121 жылқы, 3756 қой, 830 ешкі және 1465 құс тіркелген. Бір ветеринарлық пункте 4 маман қызмет көрсетеді.Елдімекенде жыл басынан бері мал басын көбейту мақсатында «Аграрлық несие корпорациясы» микро қаржы ұйымынан 3 тұрғын жылқы басы мен түйе басын көбейту мақсатында 5 млн теңге несие алса, ал Ерлан Омаров&nbsp;мүйізді ірі қара малын көбейту мақсатында «Қызылорда Өңірлік инвестиция орталығы» микро қаржы ұйымынан 4 млн теңге несие алған.&nbsp; &nbsp;Өткен жылғы қожалықтар мен жеке секторларда орналастырған ауыл шаруашылығы дақылдарының егіс көлемі бойынша картоп 15, қауын 8, қарбыз 6, асқабақ 5, жуа 1, қызанақ 2, қияр 1, жаңа жоңышқа 30, ескі жоңышқа 38, күріш 150, жүгері 10 гектар жерді құрайды. Сонымен қатар тұрғындар елді мекеннің сырт аймақтарындағы тың жерлерге ұжымдасып, әкімшілік тарапынан берілген су насос құралын пайдаланып, Желқазған, Аяқкөл, Қосапан, Шағырлы өңіріне егін еккен болатын.Білім саласы бойынша мектеп-лицейде 535 оқушы білім алуда. Барлық педагог саны –&nbsp;74. Оның ішінде педагог-зерттеуші-14, &nbsp;педагог-сарапшы –&nbsp;22, педагог-модератор-15. № 8 «Айгүл» балабақшасы 1980 жылы типтік жобада салынған. Қазіргі таңда 6 топта 125 бала тәрбиеленуде.Бала тәрбиесімен жоғары білімді – &nbsp;16 педагог, 8 модератор, 1 зерттеуші жұмыс жасайды. «Үлгілі оқыту» бағдарламасын жүзеге асыру барысында бес саламен жұмыс жасап келеді.Денсаулық саласына келер болсақ, ауылдық дәрігерлік амбулаторияда барлығы 29 адам жұмыспен қамтылып отыр.&nbsp;Өткен жылы &nbsp;9757 адам белсенді түрде қаралып ем алса, профилактикалық байқаудан өткен ересектер саны - 150 адам, балалар саны - 240. &nbsp;Ағымдағы жылы туылған бала саны - 24.Қайтыс болғандар саны-11. Үйге шақырушылар саны - 350 адам. Диспансерлік есепте тұратын науқастарға &nbsp;тиісті медициналық көмектер көрсетілді.Мұнан бөлек, &nbsp;Аманкелді ауылдық мәдениет үйінде 7,5 штаттық бірлік бойынша барлығы 8 жұмысшы-қызметкер бар. Ауылдық мәдениет үйі жанында 7 үйірмеге 74 көркем өнерпаз тартылған. Атап айтқанда, ән, би, домбыра, сурет, көркемсөз үйірмелері мен «Жадыра» халықтық&nbsp;әжелер &nbsp;ансамблі, «Аналар» ансаблі, «ДО-СИ» вокальды-аспапты&nbsp;ансамблі &nbsp;бар.Ауылда 2014 жылдан бастап Аманкелді ауылдық&nbsp;Өнер мектебі жұмыс жасап келеді. Қазіргі уақытта би, домбыра, баян, қобыз, дәстүрлі ән, фортепиано және вокал сыныптарында барлығы 120 оқушы оқиды, 14 мұғалім қызмет атқарады. Өнер мектебі оқушылары топтық би, дәстүрлі ән, домбыра, қобыз, баян, фортепиано аспаптары бойынша аудандық, облыстық, республикалық байқауларда өнер көрсетіп &nbsp;жеңімпаз&nbsp;атанып келеді.Өрт сөндіру бекетінде 4 қызметкер жұмыс атқарады. Ауылдық округі бойынша 1263 экономикалық белсенді халық бар. Жыл басынан бері 24 адам тұрақты жұмысқа орналасып, 48 адам ақылы қоғамдық жұмысқа тартылып, 8 адам жастар тәжірибесімен жұмыс жасауда. Жыл басынан бері атаулы әлеуметтік көмекке 19 отбасы құжат тапсырып, 16 отбасы алды. &nbsp;Жұмыссыздық деңгейі осы кезеңде 5,7 пайызды құрады.&nbsp; Кәсіпкерлік саласы бойынша кәсіпкерлікті дамыту бағытында елді мекенде бірқатар жобалар іске асты. Жыл басынан бастап жаңадан тіркелген кәсіпкерлер саны –&nbsp;36. Ауылдық округ бойынша жалпы тіркелген кәсіпкерлер саны –&nbsp;183. «Жұмыспен қамту жол картасы» бағдарламасы бойынша «Қызылорда Өңірлік инвестиция орталығы» микро қаржы ұйымы арқылы құны 7 млн 8 мың теңгенің 2 жобасы қаржыландырылды. 15 млн теңгенің 1 жобасы дәріхана жобасы бойынша &nbsp;комиисия оң шешімін алып, қаржыландырылу күтілуде. «Аграрлық несие корпорациясы» микро қаржы ұйымы арқылы жастардың кәсіпкерлік бастамаларын қолдау бағыты бойынша 4 жоба ұсынылып.&nbsp;Оның ішінде құны 15,0 млн теңгенің 3 жобасы қаржыландырылып. 1 жоба комиисия оң шешімін алып, қаржыландырылу&nbsp;күтілуде.&nbsp;Еңбек нәтижелі жұмыспен қамту бағдарламасының грант тетігі &nbsp;арқылы құны 5 млн 520 мың теңгеге 4 жоба мақұлданып қаржыландырылды. «Бастау Бизнес» жобасы бойынша мемлекеттік қайтарымсыз грант &nbsp;мүйізді ірі қара мал басын көбейту мақсатында&nbsp;4 тұрғын&nbsp;1 380 000 теңге қайтарымсыз грант алған болатын. Демеушілік бойынша &nbsp;"АКЗ ЛТД" ЖШС және ауылдың шағын жеке кәсіпкерлері &nbsp;тұрмысы төмен отбасыларға азық-түлікпен қамтамасыз етіп, өз көмектерін көрсетуде.Есепті кезеңде ауылда қоғамдық-саяси ахуал тұрақты болды.

Кәсіпкерлік көкжиегі кеңейген ауыл

<a href="https://kyzylorda-news.kz/">Kyzylorda-news.kz</a>&nbsp; ӘЛ-АЗХАРДЫҢ ИСЛАМДЫҚ ЗЕРТТЕУЛЕР АКАДЕМИЯСЫНЫҢ БАС ХАТШЫСЫ НАЗИР МУХАММЕД МУХАММЕД АЛЬ-НАЗИР АЯДПЕН СҰХБАТ.– Жоғары мәртебелі, Исламдық зерттеулер Академиясы қызметінің негізгі бағыттары туралы айтыңызшы.&nbsp;– Исламдық зерттеулер Академиясы ақиқат діннің таралуына негізделген және мәдениетті оған кері әсер етуі мүмкін нәрселерден тазартуға, сондай-ақ ұлт және қоғам мәселесін шешуге негізделген.&nbsp;Объективті зерттеу жүргізумен айналысатын көптеген департаменттер мен комитеттердің арқасында Академия исламның байсалдылығы мен толеранттылығын атап көрсетеді. Бұл Әл-Азхардың оқу бағдарламаларының бір бағыты деп айтар едім.&nbsp;Академия өз ішінде және тысқары аумақта әртүрлі насихаттық, білім-ғылымға негізделген, мәдени, әлеуметтік және зерттеу жұмыстарын нәтижелі жүргізіп келеді. Оның тарихы бұған дәлел. Себебі Академия аталған бағытта туындаған сұрақтарға жауап береді, мәселелерді шешеді және қоғамда туындаған диллемалардың шешімін табуға тырысады.&nbsp;Сондай-ақ ол интеллектуалды және психологиялық ауытқулардың алдын алатын құнды ғылыми басылымдарды шығарады. Осы жұмыстарды атқара отырып, Академия қоғамның ішіне іріткі салатын және оның тамырына балта шабатын мәселелермен күреседі, туындаған сұрақтарды шешуге тырысады. Ол сондай-ақ өзінің уағызшылары – ерлер мен әйелдер арқылы және шетелдерде өзінің эмиссарлары арқылы дүниенің төрт бұрышында Құдайға деген сүйіспеншілікті ояту, ішкі сенімді шақыру жұмыстарымен айналысады.&nbsp;Исламдық зерттеулер Академиясы толеранттылық құндылықтарын дініне, діліне қарамастан бүкіл адамзатқа насихаттауды, ұғындыруды мақсат тұтады. Аль-Азхар Аш-Шариф Ислам мен мұсылмандық қағидаттарының дұрыс жолын ұғындыруды, сондай-ақ, мұсылмандардың өзге де дәстүрлі діндермен өзара қарым-қатынасын түсіндіруге тырысады. Сонымен қатар, өздерінің жеке мүддесі үшін өзге оймен бұрмаланған, экстремистік және қоғамға радикалдық ағымдардың идеологиясын енгізуге тырысатын, дәстүрлі діннің құдіреті мен ұлт қасиетін ұғынуды жат көретін бүлікшіл топтармен күреседі.&nbsp;Осы ауқымдағы Академияның аса маңызды іс-шараларының бірі ол – толеранттылық қағидаттарын түсіндіретін конференция мен семинарлар өткізу, сайттар мен әлеуметтік желілер арқылы насихат жұмыстарын жандандыру. Сондай-ақ Египет провинцияларына, шығыс пен батысқа саяхат жасап, насихат жұмыстарын жүргізетін топ құрылған. Олар аталған мәдениеттің қоғам мен қауымдастықтар, жеке тұлғалар арасында қазығының нық қағылуы жолында қалтқысыз еңбектеніп келеді.&nbsp;– Әлемдік және дәстүрлі діндер лидерлерінің Съезі дінаралық және конфессияаралық диалогтың жаһандық дамуына қалай әсер етеді?&nbsp;– Дін көшбасшылары Форумы діни рәсімдерді қалтқысыз орындап, уағыз айту шеңберінен шығып, әлемді алаңдататын ауқымды, жаһандық мәселелердің негізіне үңіліп, дүние жүзінде орын алып жатқан дінаралық және геосаяси оқиғаларға әділ көзбен қарап, оларды шешу жолдарын ұсынуы керек.&nbsp;&nbsp;Тұтастай алғанда, қазіргі уақытта жақсылық пен зұлымдық, ізгілік пен қара ниет ұғымдары өзгеріске түскен заманда біз өтірікті қабылдап, кешіріп, тіпті оны дәстүріміз, мұсылмандық жолымыз, шариғат қабылдамаса да ақтауды үйрендік. Олай дейтін себебіміз, бұл көзқарастар адамгершілік құндылықтарды қастерлеуге, бағалауға, құрметтеуге толы.– Сіз Әлемдік және дәстүрлі діндер лидерлері Съезінің бірқатар жиындарына қатыстыңыз ба? Жұмыс тобындағы қандай өзгерістерді атап өтер едіңіз?&nbsp;– Съезд алдыңғы отырыстардан бері өз жұмысына айтарлықтай оң өзгерістер енгізді. Бүкіл әлемді толғандыратын көптеген маңызды мәселелер қарастырылды. Оның ішінде конфессияаралық диалог пен бейбітшілікте өмір сүру мәселесі, сондай-ақ тұрақты даму мәселесі және оның әрбір адам үшін маңыздылығы, сондай-ақ коронавирус пандемиясынан кейінгі әлемнің жағдайы.– Әлемдік және дәстүрлі діндер лидерлері Съезінің даму Тұжырымдамасының маңыздылығы туралы айтып өтсеңіз?- Исламдық тұрғыдан тұрақты дамудың миссиясы адамзаттың қазіргі және болашақтағы материалдық және рухани қажеттіліктерін, соның ішінде кез келген дәуірде және кез келген мемлекетте, соның ішінде Мысырда адамгершілік, мәдени және әлеуметтік дамудың үлесі ретінде адам құқықтарын қанағаттандыруды қамтамасыз ету болып табылады.&nbsp;Бұл исламдық тұрғыдан тұрақты дамудың басқа жүйелер мен идеялардағы тұрақты дамудан ерекшеленетін маңызды аспектісі, өйткені ол адамзаттың қажеттіліктерін табиғатпен үйлесімді түрде жүзеге асырудағы тепе-теңдік қағидасына байланысты. Сондықтан радио, телевидение, баспа және БАҚ тұрақты даму мәселелерін назарға алып, дін өкілдерінің қатысуымен осы мәселелерге жұртшылықтың назарын аудара алатын бағдарламаларды ұсынуы керек.Сонымен қатар әлемдегі барлық күш-жігерді біріктіріп, тұрақты даму жолындағы кедергілерді жою және ғылыми-зерттеу мен ғылыми серіктестік арқылы мәселелер мен олардың тақырыптары туралы хабардар болу үшін жұмыс істеуде ортақ көзқарас болуы керек.- Мәдениеттер диалогы мен дінаралық ынтымақтастықты нығайтуда қазіргі жастардың рөлі қандай?– Жастар мен қоғам арасындағы алшақтық олардың ой-өрісіне кері әсерін тигізді. Бұл жағдайды өзгерту үшін қарым-қатынас мәдениетінің деңгейін көтеру керек. Және жеке тұлғаның өсуі мен мүмкіндіктерін қамтамасыз ету үшін, айыптаулардан және асығыс үкімдерден арылу үшін отбасында, мектепте және университетте балалармен диалогты орнатуды қажет етеді. Қатаң басқару, зорлық-зомбылық, сөгіс және диктатура балаларды немесе жастарды өздерінің ішіндегісін сыртқа шығара алмайтындай жағдайға душар етеді.&nbsp;Жастардың маңызы ерекше. Пайғамбарымыздың (с.ғ.с.) өмірбаянына үңілсек, оның ілімінде ең көп үлес жастарға берілгенін көреміз.Ұлт пен қоғамды тәрбиелеудегі маңызы орасан зор болғандықтан, бүгінгі жастарымыз Отанды сақтау және қуатты қоғам құру үшін осы нұсқауларды қолдануы қажет деп есептеймін.Сондықтан мектеп болсын, институт болсын, университет болсын, басқа ұйымдар болсын, әртүрлі жерлерде жастардың мәдени диалогы мен конфессияаралық ынтымақтастығын насихаттайтын шараларды көптеп ұйымдастыру қажет.Біз сондай-ақ Facebook, Twitter және т.б. әлеуметтік желілерді мүмкіндігінше қолдана отырып, оған мейлінше кең ауқымда жастарды тарта отырып, диалог форматын орнатуымыз керек.&nbsp;&nbsp;– Алдағы уақытта Съездің дамуын қалай елестетесіз?– Күннен күнге дамып келе жатқан мұсылман елінің жомарт қолдауымен және берекелі қамқорлығымен өткізілетін мұндай конференция Ислам мен мұсылмандарға қатысты айтылған тоқырау мен оқшаулану туралы айыптауларын жоққа шығарады және дүние жүзіндегі мұсылмандардың заманауи адамзат өркениетінің дамуы, алға жылжуы жолында бәсекеге сай, таптырмас серіктес екенін тағы бір мәрте дәлелдейді.&nbsp;&nbsp;Съездің негізгі миссиясына тоқталып, сөзімді аяқтауға рұқсат етіңіздер.Ғылыми зерттеулер – бұл әлемдегі барлық көшбасшылар мен дін көшбасшыларын жек көрушілік пен зорлық-зомбылық сезімін тудыратын барлық қарама-қайшылықты қақтығыстарды жеңуге және порнография, құлдырау және бұрмалау идеяларымен күресуге, сүйіспеншілік, мейірімділік пен бейбітшіліктің құндылығын нығайта алатын біртұтас қоғамды құру қажеттілігіне шақыратын платформа. Мұның бәрі адамзат пен өмірді алға сүйрейтін жаңа әлеуметтік және рухани жаңғыру үшін.

Исламдық зерттеулер Академиясы толеранттылық құндылықтарын бүкіл адамзатқа ұғындыруды мақсат тұтады - Мұхаммед Әл-Нәзір

<a href="https://kyzylorda-news.kz/">Kyzylorda-news.kz</a> Соңғы жылдары ауданда құрылыс қарқын алып, қазалылықтар мекендеген өлке дамып, қадамы қарыштап келеді. Сондай қарқынды нысанның бірі осыдан бірнеше жыл бұрын Ғалымбек Баймаханов басшылық ететін ақхалатты абзал жандарға табысталып, қызыл лентасы қиылған еді. Бүгінде жергілікті жердің ғана емес, шет ауылдар игілігі үшін де, аянбай еңбек етіп келе жатқан аудандық емхананың басшысымен әңгіме өрбіткен едік.– Ғалымбек Құрманбайұлы әңгімемізді жаңа емхананың құрылымынан бастасақ. Яғни, қазіргі емхананың бұрынғыдан қандай артықшылығы бар және заман талабына сай ма?– Бүгінде Қазалының 56 мың тұрғынына аудандық кеңес беру диагностикалық емханасында тар буынды 59 дәрігер және 126 орта буынды медицина қызметкерлері адал еңбек етіп келеді. Жаңа ғимарат талапқа сай салынған және әр тар буынды дәрігерлер кабинеті толық заманауи медициналық құралдармен жабдықталған. Дәлірек айтсақ, заман талабына сай.Сондай-ақ стандартқа сәйкес әр дәрігер өз мейіркештерімен және құрал жабдықтарымен бөлек орналастырылған. Бұл науқастың дәрігермен емін-еркін сөйлесіп, шағымын қысылмай айтуына мүмкіндік береді.– Бүгінде емхананың ауқымы кеңейген соң, басқа да қандай маман, бөлімдер қызмет етіп жатыр?– Жаңа ғимаратта амбулаториялық-хирургиялық орталық ашылды. Онда көптеген оталар жасалуда. Атап айтқанда, бүкіл зиянсыз ісік бездерінен биопсия алынып, тексеруге жіберіледі. Басқа да, атерома, липома, бүкіл іріңді ісіктер, флегмона мен панарицы және вросший ног сынды оталар сәтті тәмамдалуда.– Емханаға заман талабына сай бірнеше қондырғылар әкелініп, бүгінде тұрғындар игілігі үшін жұмыс жасап жатыр. Осы қондырғылар жайында толығырақ айтып өтсеңіз...– Жоғарыда атағандай, ғимарат жаңа, заманауи құрылғылармен, әр тар буынды дәрігерлер кабинетінде қамтылған. Толықтыра кетсек, рентген аппараты – медоника, флюрография – ПроСкан-2000, маммография – РЕНТГЕНПРОМ «МАММО-РП», УЗИ эксперткласс – SIUI, ФГДС – PENTAX, ЭЭГ – MITSAR, лор комбаин – Shammed XU2 extreme сынды құрылғылар. Басқа да, көз аппараты – TOPCON CT-800 мен аудиометрия (кереңдікті алдын-ала тексеру) – OtoRead және КТГ (кардиотокография) – EDAN F3 сияқты шетел құрылғылармен жабдықталған.– Маман мәшһүр болуы үшін белгілі бір жерден тәжірибе алмасып, білімін одан әрі жетілдіреді. Ондайды өзге қалалардан естіп те көріп жүрміз. Сіздерде осындай үрдіс қалыптасқан ба?– Әлгінде ғана еңсерген аты жаман аурудың шағында, карантиндік режимге байланысты біршама дәрігерлердің білім жетілдіруін онлайн форматта оқыттық. Сол үрдіске ыңғайлана келе, бүгінде қашықтықтан да білім алып, сауатымыздың аумағын кеңейтуді тоқтатпай келеміз.Соның да, септігінен аудандық емхана дәрігерлерінің санаттылығын процентпен өлшер болсақ, көрсеткіш дәрежесі өте жоғары деп айта аламын. Дәлірек айтсақ, жоғары санатты – 50%, бірінші санатты – 30%, екінші санатты – 20%-ті құрайды.– Кез келген Қазақстан Республикасы азаматына медициналық органда ем-дом алу тегін болады. Алайда, ақылы қызмет түрі де жоқ емес. Осы орайда, емханада қандай қызметтер ақылы және тегін?– Орталық емхананың тар буынды дәрігерлері халыққа кешенді медициналық ақпараттық жүйе арқылы қызмет көрсетеді. Яғни, әр науқасты өз аймақ дәрігері кешенді медициналық ақпараттық жүйесі арқылы компьютерге тіркеп, емханадан тегін қызмет алуға толық мүмкіндіктері болады. Мұнда, 18 жасқа толмаған балалар мен жүкті әйелдерге тегін өткізуге жеңілдік берілген.Ал, ақылы қызмет жайына тоқталар болсақ, ол халықтың декреттелген топтарына, мұғалімдер, тәрбиешілер, су бөлімі, жеке кәсіпкерлер, Ф 075 медициналық анықтама, Ф 076 қару-жарақ анықтама, Ф073 жүргізуші анықтама сынды топтарға көрсетіледі.– Алдағы уақытқа құрған жоспарыңыз бен жаңашыл бастамаларыңызбен бөліссеңіз...– Болашаққа құрған жоспар көп. Бірақ, ең бірінші мақсат ол – халыққа салауатты өмір салтын кеңінен насихаттауды әрі қарай жалғастыру мен елге адал қызмет ету. Онан соң, заманауи аппараттарды тереңірек зерттеп білу мен мамандар білімін жетілдіру және тәжірибесін молайту.– Ашық әңгімеңіз үшін рахмет!<img src="https://knadmin.beoblood.kz/uploads/52df66ad_908a_4ce7_b558_077fe6e0c902_4c92e9b0f9.jpg" alt="52df66ad-908a-4ce7-b558-077fe6e0c902.jpg">Фото: <a href="https://egemen.kz/">egemen.kz</a>ӘңгімелескенСерік АҚМЫРЗА

Қазақстан және Қызылорда облысының жаңалықтары