БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев балалар мен жасөспірімдерге арналған шығармашылық үйірмелерді, спорттық секцияларды жан басына қаржыландыру, атаулы әлеуметтік көмек мәселесіне қатысты арнайы жиын өткізіп, жауапты сала басшыларына, аудан әкімдеріне бірқатар тапсырма берді.<blockquote>«Балалардың шығармашылық үйірмелерге,спорттық секцияларға нақты қатысуын ата-аналар растаған ақпаратты негізге алып, тиісті шара қабылдаңыздар. Барлық кәсіпкерлер Face ID мобильді қосымшасымен қамтамасыз етілсін. Атаулы көмек алушылар қатарында шынайы табысын жасырып, жалған ақпарат ұсынғандар түрлі әрекетке баруда. Бұл көмек тек шын мұқтаж отбасыларға ғана берілуі қажет. Осыған орай, жыл соңына дейін белгіленген жоспарды орындауды, негізсіз көмек алғандардың қаржысын мемлекетке қайтаруды тапсырамын», – деді Н.Нәлібаев.</blockquote>Айта кетейік, Мемлекет басшысының тапсырмасымен елімізде 2021 жылдан бері балалар мен жасөспірімдерге арналған шығармашылық үйірмелерді, спорттық секцияларды жан басына қаржыландыру бағдарламасы қолға алынды. Биыл шығармашылық тапсырыс аясында қаралған қаржыдан 600,0 млн.теңге бюджетке кері қайтарылды.Жалпы облыс бойынша 40 мәдениет үйі мен клубты, 15 мектеп, 1 университет корпусын кәсіпкерлер үйірме жұмысын жүргізу үшін жалға алған.Алдағы уақытта арнайы комиссия құрылып, қаладағы, аудандардағы барлық үйірмелердің жұмысы толық тексеріледі.<img src="https://knadmin.beoblood.kz/uploads/jirmeler_men_sportty_sekcziyalardy_arzhylandyru_m_selesi_araldy_1_16b97cfc63.jpg" alt="Үйірмелер мен спорттық секцияларды қаржыландыру мәселесі қаралды 1.jpg"><img src="https://knadmin.beoblood.kz/uploads/jirmeler_men_sportty_sekcziyalardy_arzhylandyru_m_selesi_araldy_2_25c25ece88.jpg" alt="Үйірмелер мен спорттық секцияларды қаржыландыру мәселесі қаралды 2.jpg"><img src="https://knadmin.beoblood.kz/uploads/jirmeler_men_sportty_sekcziyalardy_arzhylandyru_m_selesi_araldy_4_f0dc35bb8b.jpg" alt="Үйірмелер мен спорттық секцияларды қаржыландыру мәселесі қаралды 4.jpg"><img src="https://knadmin.beoblood.kz/uploads/jirmeler_men_sportty_sekcziyalardy_arzhylandyru_m_selesi_araldy_3_f07d42e595.jpg" alt="Үйірмелер мен спорттық секцияларды қаржыландыру мәселесі қаралды 3.jpg">Фото: Қызылорда облысы әкімінің баспасөз қызметі

Үйірмелер мен спорттық секцияларды қаржыландыру мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Қасым-Жомарт Тоқаевтың шақыруымен 27 қараша күні елімізге Ресей Федерациясының Президенті Владимир Путин мемлекеттік сапармен келеді. Бұл туралы Ақорданың баспасөз қызметі <a href="https://kaz.inform.kz/news/prezidenttn-shakiruimen-vladimir-putin-kazakstanga-memlekettk-saparmen-keled-b9ae8e/">хабарлады.&nbsp;</a>Сапар аясында жоғары деңгейдегі келіссөздер жүргізіледі. Мемлекет басшылары Қазақстан мен Ресейдің ХХ Өңіраралық ынтымақтастық форумына бейнеконференция режимі арқылы қатысады.&nbsp;28 қараша күні Қазақстан Президенті Қасым-Жомарт Тоқаевтың төрағалығымен ҰҚШҰ Ұжымдық қауіпсіздік кеңесінің кезекті сессиясы өтеді. Жиында аймақтық және халықаралық қауіпсіздіктің негізгі мәселелері талқыланады. Отырыс қорытындысы бойынша бірқатар құжатқа қол қойылады.Фото: kazpravda.kz

Президенттің шақыруымен Владимир Путин Қазақстанға мемлекеттік сапармен келеді

<a href="https://kyzylorda-news.kz/">Kyzylorda-news.kz</a> Мәжілісте өткен брифингте Энергетика министрі Алмасадам Сәтқалиев бензин бағасы өсетінін мәлім етті, – деп хабарлайды&nbsp;<a href="https://massaget.kz/">Massaget.kz</a>&nbsp;тілшісі.Министр бағаның өсуі – Қазақстанда мұнай өнімдерінің жетіспеушілігімен байланыстырады.<blockquote>«Қазіргі уақытта біздің нарық тапшылықты сезініп отыр. Тапшылықты жабу және энергетикалық тәуелсіздікті қамтамасыз ету үшін модернизация жүргізіліп жатыр. Модернизацияны жүзеге асыру үшін тиісті қаражат қажет. Мұнай өнімдерінің бағасында жабдық сатып алу, қызмет көрсету, операциялық шығындар, логистика, жаңа мұнай құбыры және теміржол инфрақұрылымын салуға алынған қарыздар да есепке алынатын болады», – деп ескертті Сәтқалиев.</blockquote>Cәйкесінше, бензин бағасының көтерілуі – мұнай өнімдерінің бағасына әсер етпей қоймайды.<blockquote>«Бағаның қандай болатыны – ішкі нарықтағы мұнай бағасына байланысты. Қазіргі уақытта біздің ішкі нарықтағы баға көршілес елдермен салыстырғанда ең төменгі деңгейде, мұнай өнімдерінің бағасы да ең төменгі. Нарық ашылған жағдайда, біздің арзан өніміміз қымбат өнімдермен араласып кетеді, бұл өз кезегінде бағаның өсуіне әсер етеді», – деп қосты министр.</blockquote>Айта кетейік, 2036 жылы жеңіл мұнай өнімдерінің жетіспеушілігі күтілгендіктен, жаңа мұнай өңдеу&nbsp;зауытын салу жоспарланып отыр.&nbsp;Фото: Midjourney нейрожелісі

Қазақстанда бензин қымбаттайды – Энергетика министрі

<a href="https://kyzylorda-news.kz/">Kyzylorda-news.kz</a> Кәсіппен айналысатын азаматтардың бұл салаға келудегі мақсаты әр түрлі. Кәсіпкерлермен сұхбаттасқанда бірі еркіндік, бірі қаржы табу үшін, енді бірі өзіне керек тауарды таба алмаған соң осы саланы таңдағанын айтады.Қызылордалық кәсіпкер Нұрлыбек Ерімбетов соңғы нұсқаны таңдағандардың қатарында. Осыдан бірнеше жыл бұрын жерін қоршамақ болады. Қызылорданың нарығында қоршаудың басым бөлігі қаңылтырдан жасалған болып шықты.<blockquote>«Құм, қиыршықтастан жасалатын қоршау қымбатқа шығатын болды. Алдымда «енді немен қоршаймын?» деген сауал тұрды. Содан амал жоқ, евро қоршауды басқа өңірлерден көріп, жасап көрмек болдым. Оны дайындауға қажет құрал-жабдықты өзіміз құрастырып шықтық. Нарықта бар құралдардың басын қосып жасай бастадық», - дейді Нұрлыбек Ерімбетов.</blockquote>Ол өзіне қажет қоршауды жасап алғаннан кейін оның қаңылтырмен&nbsp;салыстырғанда сапалы, ал пескоблок аталып кеткен құмнан жасалатын қоршаудан арзанырақ болатынын байқайды. Осылайша Қызылорданың нарығында евро қоршауларды жасап бастайды.<blockquote>«Өніміміздің не үшін евро қоршау аталып кеткенін білмеймін. Европаға қатысы жоқ. Бірақ халық осылай айтып жүр. Бетон қоршаулар деп атаса да болады. Оның құрамына құм, қиыршықтас, цемент қолданылады. Толық облыста бар, жерілікті шикізаттар. Тек тоқылатын сымын ғана сырттан алдырамыз. Дайындау жолы күрделі. Арнайы құралмен қоспаның арасын тегістеп, біркелкі етеміз. Одан кейін жабық орында 60 градус ыстықта кептіреміз», - дейді кәсіпкер. &nbsp;</blockquote><blockquote>2023 жылы кәсіпті бастап кеткен Нұрлыбек сұраныс артқаннан кейін оны кеңейтуды жоспарлайды. Осылайша биыл «Қызылорда» Өңірлік инвестициялық орталығынан 6 пайызбен 4,8 млн теңге жеңілдетілген несие алады.</blockquote>«Бұл қаржыға цех салдық. Қазір кәсібіміз кеңейді. 10 адамды жұмыспен қамтып отырмын. Бұрын күніне 3-4 қоршау тірегін шығаратын болсақ, қазір оның саны 20-ға жетті. Қызылордалықтар сапалы өнімдерімізге үйреніп келеді. Сұраныс артса 40 тірекке дейін шығара аламыз», - дейді Нұрлыбек Ерімбетов.Кәсіпкер бүгінде бетон қоршаумен бірге термо панелдер, ауыл шаруашылығы мақсатындағы жер телімдерін қоршауға арналған қадалар да шығарып жатыр.Айта кету керек, «Қызылорда» өңірлік инвестициялық орталығы -&nbsp;микроқаржы ұйымы. 10 жылдан бері аймақта кәсіпкерлік саласындағы жобаларды мемлекеттік бағдарлама аясында қаржыландырып келе жатыр. Бүгінгі күнге дейін орталық жалпы құны 14,9 млрд теңгені құрайтын кәсіпкерлік мақсаттағы 2752 жобаны қаржыландырды. 2 993 жаңа жұмыс орны құрылды.<img src="https://knadmin.beoblood.kz/uploads/Kyzylorda_news_kz_4098c6c819.jpg" alt="Kyzylorda-news.kz.jpg"><img src="https://knadmin.beoblood.kz/uploads/k_sipker_2_e4a15e8b84.jpg" alt="кәсіпкер 2.jpg">«Қызылорда» Өңірлік инвестициялық орталығының баспасөз қызметі

Қызылордалық кәсіпкер: Кәсібім өзіме керек өнімді жасаудан басталды  

<a href="https://kyzylorda-news.kz/">Kyzylorda-news.kz</a> "Атамекен" Ұлттық кәсіпкерлер палатасы – кәсіпкерлердің құқығын қорғап, сыбайлас жепқорлыққа қарсы іс-қимыл кеңесі бойынша жұмыс істейді. Палата шағын және орта бизнес өкілдеріне және кәсіпкерлік бастамасы бар азаматтарға тегін қолдау көрсетіп келеді. Мәселен, кәсіпкерлер палатасы жыл басынан бері 1 595 азаматқа 5 384 рет кеңес берсе, сервистік қызмет көрсету аясында 468 кәсіпкерлік субъектісіне 593 қызмет көрсеткен. Сондай-ақ, биыл "Іскерлік байланыстарды кеңейту" құралы аясында 2 кәсіпорын Германиядан және 2 кәсіпорын Жапония елінде бизнес-тағылымдамадан өткен. Бұл туралы Өңірлік коммуникациялар қызметінің ақпарат алаңында облыстық кәсіпкерлер палатасының директоры Пірмұхаммед Сыздық айтты.<blockquote>– Бүгінде облыстық кәсіпкерлер палатасында 5 салалық кеңес жұмыс істейді. Олар сауда, қызмет көрсету және туризм, өнеркәсіп, құрылыс, адами капиталды дамыту және агроөнеркәсіптік кешені кеңестері. Салалық кеңес бүгінгі күні 174 тұрақты кәсіпкерді қамтып отыр. Кеңес жұмысының даму динамикасын арттыру мақсатында оның құрамы белсенді кәсіпкерлер және қауымдастық өкілдерімен толықтырылып, ұдайы жасақталуда. Сондай-ақ, 25 шілдеде "Бір ауыл – бір өнім" жобасы аясында өткізілген өнімдер көрмесіне 36 тауар өндіруші қатысып, Бренд-комитетті шешімімен 3 финалист анықталды. Ал, бизнесті қорғау саласы бойынша биыл кеңестің 9 отырысы өткізіліп, 11 мәселе қаралды. Кеңеспен кәсіпкердің құқықтарын қалпына келтіру бойынша мемлекеттік органдарға 15 ұсыныс беріліп, оның 8-і қолдау тауып, 3-і қаралу үстінде. Жалпы, жыл басынан бері бизнесті қорғау бағытында кәсіпкерлерден 98 өтініш келіп түсті. Бүгінде олардың 30-ы оң шешімін тауып, өтініштерді қарау барысында кәсіпкерлердің 450 млн теңгеден астам қаражаты сақталып қалды. Сонымен қатар, интерактивті инвестициялық карта бойынша бизнес субъектілер мен облыстық кәсіпкерлік және өнеркәсіп басқармасының ақпаратына сәйкес 20 инвестициялық жоба бойынша мәліметтер платформаға салынды. Бұл карта әр жобаның жүзеге асырылу кезеңін анықтауға мүмкіндік береді. Енгізілген жобалардың басым бөлігі инвестиция алдындағы кезеңнің 2 және 3 деңгейінде. Оның ішінде бүгінгі күнге 7 жобаның құрылысы аяқталып, іске қосылды, 1 жоба жыл соңына дейін іске қосылады деп жоспарланып отыр,- деді Пірмұхаммед Айтбайұлы.</blockquote><img src="https://knadmin.beoblood.kz/uploads/k_sipkerlik_83263f594e.jpg" alt="кәсіпкерлік.jpg">Фото: openbusiness.ru

 Облыстық кәсіпкерлер палатасы – бизнесті қолдау орталығы

<a href="https://kyzylorda-news.kz/">Kyzylorda-news.kz</a> Мессенджерлерде күннің ерте батуына байланысты сабақ уақыты қысқаратыны туралы ақпарат тарады. <a href="https://massaget.kz/news/kunnn-erte-batuyina-baylanyistyi-sabak-uakyityi-120854/">Massaget.kz </a>тілшісі бұған қатысты Оқу-ағарту министрлігіне сауал жолдады. Ведомство бұл ақпаратты жоққа шығарды.<blockquote>"2-ауысым оқушылары сабақтан тарағанда күн өте қараңғы болуына байланысты сабақ ұзақтығы уақытша 40 минутқа ауыстырылды", - делінген тараған ақпаратта.</blockquote>Оқу-ағарту министрлігі Massaget.kz тілшісіне бұл ақпаратқа қатысты пікір білдірді.<blockquote>"Сабақ уақыттарын заң бойынша жергілікті орган шешеді. Себебі аяз немесе түрлі іс-шара секілді түрлі жағдай болады", - делінген жауапта.</blockquote>Оқу-ағарту министрлігінің өкілдері күннің ерте батуына байланысты сабақ уақытын қысқарту жоспарда жоғын айтты.Бұл хабарлама Астанадағы ата-аналар чатында тараған. Редакция Астана білім басқармасына сауал жолдады. &nbsp;<blockquote>"Астана қаласының Білім басқармасы қысқы уақытта сабақтардың ұзақтығын қысқарту туралы бұйрық шығармады. Сол себепті, сабақ уақытын қысқарту мәселесі қарастырылып жатқан жоқ", - деп жауап берді ведомстводағылар.&nbsp;</blockquote>

Күннің ерте батуына байланысты сабақ уақыты қысқаратыны рас па?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Жалағаш ауданының «Ақсу», М.Шәменов ауылдарын газ желісіне қосу рәсімі өтті. Аймақ басшысы көптен күткен игілікті пайдалануды бастаған тұрғындарды құттықтады.<blockquote>«Мемлекет басшымыз Қасым-Жомарт Кемелұлы: «Аса маңызды мәселелердің бірі – ауылды кешенді түрде жетілдіру. Ауылдарға нақты қолдау көрсетіп, заманауи инфрақұрылымды дамытуымыз керек» деген болатын.Елді мекендерге жеткізілген инфрақұрылым мұндағы халықтың әл-ауқатын арттырады, кәсіпкерліктің өркендеуіне, басқа да бастамаларға жол ашады. Өткен жылы Жалағаш ауданының бюджеті 10 млрд. 848 млн. теңге болды. Биыл 12 млрд. 215 млн. теңгеге жетті, 12,6 пайыз өсім қалыптасты. Бұл қаржы тұрғындардың өмір сүру сапасын арттыратын жобаларға бағытталуда. Кейінгі 3 жылда ауданда 4 млрд. 400 млн. теңгеге 104 шақырым ішкі көшелер мен аудандық маңызы бар автомобиль жолдары жөндеуден өтті. Тағы 1 млрд. теңгеге 7 шақырым ауыз су жүйелері, 1 млрд. 400 млн. теңгеге электр желілері жаңартылды, 51 тұрғын үй пайдалануға берілді.«Таң», Мырзабай ахун, Есет батыр ауылдарында жаңа дәрігерлік амбулаториялар ел игілігіне табысталды. «Ауыл – ел бесігі» жобасы аясында 572 млн. теңгеге 250 орындық «Оқушылар үйі» мен «Өнер мектебі» ашылды. Сондай-ақ «Таң» ауылындағы мәдениет үйі мен Бұқарбай батыр ауылындағы мектеп ғимараттары күрделі жөндеуден өтті. Бүгінде «Аққыр» ауылындағы дене шынықтыру-сауықтыру кешені, «Қаракеткен» ауылындағы дәрігерлік амбулатория, Жалағаш кентіндегі «Руханият орталығының» құрылысы жүруде. Бұл жұмыстарға 2 млрд. 200 млн.теңге қаржы бағытталды.Елдің дамуы ауылдың гүлденуінен басталады. Ауылдың дамуы, келешегі сіздердің бірліктеріңіз бен тату тірліктеріңізге байланысты. Бүгін әр үйге қосылған «көгілдір отын» отбасыларыңызға бақыт пен шаттық әкелсін! Еліміз аман, жұртымыз тыныш болсын! Туған жеріміз – Сыр өңірі қарыштап дами бергей!», – деді Н.Нәлібаев.</blockquote>Газ қосу рәсімінен кейін аймақ басшысы екі ауылдың тұрғындарымен кездесіп, атқарылған істер, алдағы мақсат-міндеттер туралы айтты. Инфрақұрылымдық жобаларға, әр саладағы жаңашылдықтарға, ауыл тұрғындарына ұсынылатын мүмкіндіктерге, аймақта қолға алынған жобаларға жан-жақты тоқталды. Кездесуге келушілердің ұсыныс-пікірлерін тыңдап, сұрақтарына жауап берді.<img src="https://knadmin.beoblood.kz/uploads/Zhala_ash_audanynda_2_auyl_gaz_a_osyldy_2_c788ed0bda.jpg" alt="Жалағаш ауданында 2 ауыл газға қосылды 2.jpg"><img src="https://knadmin.beoblood.kz/uploads/Zhala_ash_audanynda_2_auyl_gaz_a_osyldy_3_6359186595.jpg" alt="Жалағаш ауданында 2 ауыл газға қосылды 3.jpg"><img src="https://knadmin.beoblood.kz/uploads/Zhala_ash_audanynda_2_auyl_gaz_a_osyldy_4_a763154f46.jpg" alt="Жалағаш ауданында 2 ауыл газға қосылды 4.jpg">Фото: Қызылорда облысы әкімінің баспасөз қызметі

Жалағаш ауданында 2 ауыл газға қосылды

<a href="https://kyzylorda-news.kz/">Kyzylorda-news.kz</a> ҚР Президенті жанындағы Мемлекеттік басқару академиясы – мемлекеттік қызметшілерді даярлау, қайта даярлау және біліктілігін арттыруды жүзеге асыратын ерекше мәртебеге ие жоғары оқу орны. Академия бәсекеге қабілетті білім беру мен зерттеу өнімдерін өндіру үшін институционалдық жағдайларын дамытуды мақсат етіп, мемлекеттік қызметшілер арасында жоғары басқарушылық мәдениетті қалыптастыруды көздейді. 1-30 қараша аралығында магистратураның білім беру бағдарламалары бойынша биылғы жылға қосымша қабылдау жүргізілуде. Бұл туралы ҚР Президенті жанындағы мемлекеттік басқару академиясының Қызылорда облысы бойынша филиалының директоры Ақзада Мадалиева айтты.<blockquote>– ҚР Президентінің жанындағы Мемлекеттік басқару академиясына ҚР заңнамасында тыйым салынбаған өзге де қаржыландыру көздері есебінен оқу мерзімі бір жыл, мемлекеттік қызметшілер, мемлекеттік бюджет есебінен қаржыландырылатын ведомстволық бағынысты ұйымдардың өкілдері, квазимемлекеттік сектор субъектілері, мәслихаттар депутаттары үшін модульдік оқыту қағидаты бойынша магистратураның білім беру бағдарламалары бойынша 2024 жылға қосымша қабылдау жүргізілуде. Құжаттар 2024 жылғы 01-30 қараша аралығында <a href="https://l.facebook.com/l.php?u=https%3A%2F%2Fadmission.apa.kz%2F%3Ffbclid%3DIwZXh0bgNhZW0CMTAAAR3VyVAVCeyYgjruzxdnpKsrfdT4VE6uwwN9-U8ldowIAkLmkTAmBproreo_aem_mZQXYhO78DCWO0vwkpYbSA&amp;h=AT3R8Ia9lHvq3ABlotEBLa7r7J6W_lld1qiKiqrSaR7Gkk0xYkb5SHV-oivL-VHPxf8Dgjpvo64EbKv9XKiYnp36pt6WUGg7CpsH6cG1_sNCqxg5x0U6Db8WgdCKi38pqs99&amp;__tn__=-UK-R&amp;c[0]=AT27V40i-qCCy_AlJq1CwSiXs2u79WxBsnscgdhuDnTPdqQ9kl9giW-JXC1_D-MAI_6NZO-TadM-9D9gMfBv1Sc21DyyKNHKPQX7hH7-wDE-wke2nwYJinlUuC5BuVZpmxjXhuARrAiT4sEg-tCvBJ_sGvxepspoQdf1DV4SORNcBMScbhE">https://admission.apa.kz</a> онлайн қабылдау жүйесі арқылы қабылданады. Үміткерлер үшін магистратураның білім беру бағдарламаларына шет тілін білу деңгейі талап етілмейді,- деді Ақзада Алайдарқызы.</blockquote>Оқуға ақылы негізде, өндірістен қол үзбей күндізгі қашықтықтан оқыту магистратураның «ЕМРА – Мемлекеттік басқару» бағдарламасы бойынша құжаттарды тапсыру сәтінде басшылық лауазымда кемінде екі жыл еңбек өтілі бар, «MRD - Өңірлік даму» екі жыл жалпы еңбек өтілі бар тұлғалар тапсыра алады.<blockquote>– Модульдік оқыту – бұл оқыту мазмұнын модульдер деп аталатын шағын блоктарға бөлуге негізделген оқыту әдісі. Оқу жылы 6 модульден тұрады, олардың әрқайсысында офлайн және қашықтықтан оқыту форматтары қарастырылған. Бұл тәсіл білім алушыларға материалдың жекелеген бөліктерін ыңғайлы қарқынмен және негізгі жұмыстан қол үзбей арнайы кесте бойынша оқып-зерделеуге мүмкіндік береді. Модульдік оқытудың бірнеше артықшылығы бар. Модульдер оқыту қарқыны оқу мазмұнын барынша тиімді игеруге мүмкіндік беретіндей етіп ұйымдастырылған. Жалпы, конкурстық іріктеу екі кезең бойынша өтеді. Біріншісі – аналитикалық эссе болса, екіншісі – сұхбат. Аналитикалық эссе – бұл белгілі бір мәселе бойынша жеке ұстаным мен талдауды білдіретін еркін композициядағы жазбаша жұмыс және кәсіби қызмет саласындағы хабардарлықты анықтауға бағытталуы мүмкін. Ал, сұхбат – білімнің тереңдігін, стратегиялық ойлауды, өзінен-өзі дамытуға деген ұмтылысты, үміткердің коммуникациялық дағдыларын анықтау тәсілі,- деді ҚР Президенті жанындағы мемлекеттік басқару академиясының Қызылорда облысы бойынша филиалының аға оқытушысы Гүлсара Нұрова.</blockquote>Сұхбаттың мақсаты – үміткерлердің кәсіби және жеке құзіреттерінің деңгейін, оқуға деген ынтасын, мемлекеттік басқару жүйесінің стартегиялық және бағдарламалық құжаттарын, нормативтік-құқықтық актілер мен заңнаманы білу болып табылады.<blockquote>– ҚР Президенті жанындағы мемлекеттік басқару академиясы мемлекеттік қызметшілердің кәсіби деңгейін арттыруда маңызды орын алады. Академияда оқу қазақ, орыс және ағылшын тілдерінде жүргізіліп әлемдік деңгейдегі профессорлар мен сарапшылар тартылған. Бұл оқу орны мемлекеттік қызметкерлердің жаңа көзқарастар қалыптасытруына, инновациялық шешімдер табуына, кәсіби дамуына зор үлес қосып келеді. 2022 жылы облыс бойынша алғаш рет мемлекеттік басқару академиясының докторантурасына грант жеңіп алдым. Қазір оқуымның үшінші жылындамын. Бүгінде ҚР Су дипломатиясы және Орталық Азиядағы транс шекаралық су ресурстарын реттейтін модельін даярлап, қазір диссертациялық жұмыс жазып жатырмын. Бүгінгі күнге дейін 3 ғылыми мақалам жарық көрді. Бұл мен үшін үлкен дәреже,- деді ҚР Президенті жанындағы мемлекеттік басқару академиясының докторанты Альбина Прниязова.</blockquote><img src="https://knadmin.beoblood.kz/uploads/Memlekettik_bas_aru_akademiyasy_lemdik_de_gejdegi_bilim_ordasy_d176520930.jpg" alt="Мемлекеттік басқару академиясы Әлемдік деңгейдегі білім ордасы.jpg">Фото: egemen.kz

Мемлекеттік басқару академиясы: Әлемдік деңгейдегі білім ордасы

<a href="https://kyzylorda-news.kz/">Kyzylorda-news.kz</a> Индонезияның Солтүстік Суматра провинциясында сенбі күні кешке екі ауданды басып өткен лай көшкіні мен су тасқыны салдарынан 13 адам қаза тауып, 18 адам жарақат алды, деп хабарлады <a href="https://russian.news.cn/20241125/e73e057c56ac463391b007bb2405dd62/c.html">Синьхуа</a>&nbsp; ақпарат агенттігіне сілтеме<a href="https://kaz.inform.kz/news/indoneziyada-lay-koshkn-men-su-taskininan-13-adam-kaza-tapti-e11163/"> жасап.</a>&nbsp;Бұл туралы жексенбі күні аймақтың төтенше жағдайлармен күрес және оның салдарын жою агенттігінің өкілі мәлімдеді.Агенттіктің төтенше жағдайлар, жабдықтар және логистика бөлімінің басшысы Шри Вахьюни Панчасилаватидің айтуынша, Делисерданг және Каро аймақтарында лай көшкіні мен су тасқыны сенбі күні кешке болды. Делисердангта су тасқыны төрт үй мен діни ғимаратты шайып кеткен, алты адам қаза тауып, тағы тоғыз адам жарақат алды.Агенттік өкілі сондай-ақ Каро округінде болған осындай табиғи апаттан жеті адам қаза тауып, тоғыз адам жарақат алғанын қосып өтті. Зардап шеккендер жақын маңдағы ауруханалар мен емханаларға жеткізілді.Индонезияның метеорология, климатология және геофизика агенттігі аймақта жауын-шашын нормадан жоғары болады деп болжам жасап, ауа райының күрт өзгеруі туралы ескерту жасады.Ел билігі жағдайды мұқият бақылап отыр және зардап шеккен тұрғындарға көмектесу және тәуекелдерді азайтуға күш салып отыр.Фото: report.az

Индонезияда лай көшкіні мен су тасқынынан 13 адам қаза тапты

<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен өткен Үкімет отырысында "Әлеуметтік әмиян" жобасын іске асыру, мектепке дейінгі ұйымдардағы дербестендірілген ваучерлік қаржыландыру, дәрілік заттарды таңбалау және қадағалау, медициналық көмектегі төлемнің бірыңғай жүйесі, бюджетті жоспарлау мен қаржыландырудың кешенді автоматтандырылған жүйесіне қатысты мәселелер қаралды. Жиынға жауапты министрліктер қатысып, өңір әкімдіктері онлайн байланыс арқылы қосылды.Үкімет отырысынан кейін аймақ басшысы Нұрлыбек Нәлібаевтың төрағалығымен өткен арнайы жиында талқыланған мәселелер бойынша тапсырмалар берілді.<blockquote>«Мемлекет басшысы бастауыш сынып оқушылары мен аз қамтылған отбасы балаларына мемлекет есебінен тегін ыстық тамақ беруді, мектеп асханаларындағы тамақ сапасын қадағалауды міндеттеді. Осы ретте санитарлық-эпидемиологиялық нормалардың сақталуын қатаң бақылау, оқушыларды сапасы күмәнді, арзан азық-түлікпен тамақтандырмау, тағамдардың бала ағзасын барлық қажетті дәруменмен қамтамасыз етуін назарда ұстау керек. Бұл өскелең ұрпақтың денсаулығына тікелей әсер ететіні айтпаса да түсінікті. Сондықтан мектепте берілетін ыстық тамақтың сапасын тұрақты бақылауды тапсырамын.«Әлеуметтік әмиян» жобасы бойынша тиісті шараларды қабылдап, мектептердің қосылуын қамтамасыз етіңіздер. Ата-аналар мен кәсіпкерлер арасында кеңінен түсіндірме жұмыстарын жүргізіңіздер.Меншік нысанына қарамастан, медициналық ұйымдарда әлеуметтік- медициналық сақтандыру қоры арқылы қаржыландырылатын дәрілік заттар таңбалануы тиіс. Дәрілік заттардың дұрыс және уақытылы таңбалануын қадағалаңыздар. Емдеу ұйымдарында дәрі-дәрмекке берілетін сұранысты уақытылы қаржыландырыңыздар», - деді Н.Нәлібаев.</blockquote>Айта кетейік, өңірде "Әлеуметтік әмиян" жобасын енгізуге арналған арнайы жол картасы бекітілді. Биыл облыстағы оқушы мен қызметкер саны 700-ден асатын және аудан, қала орталықтарында орналасқан 87 мектепке аппараттық- бағдарламалық кешен орнатуға 119,2 млн. теңге бөлініп, «Транстелеком» мекемесі жүзеге асыруда. Облыстың 298 мектебінде балаларға ыстық тамақ ұйымдастырылған. Тегін тамақпен қамтылған бала саны - 89 572, ол жалпы бала санының 52,2 пайызын құрайды.Бастауыш сыныптар 100 пайыз қамтылған.Тегін дәрі-дәрмекті босатуда мемлекеттік және жеке емханалар таңбалау штрих-код сканері, деректерді жинақтау терминалы және планшет құралдарымен қамтылған. Қазіргі таңда, 27 медициналық ұйымда «Әлеуметтік әмиян» жобасы аясында жалпы саны 25 530 рецепт жазылып босатылған.<img src="https://knadmin.beoblood.kz/uploads/O_ushylardy_ysty_tama_pen_amtu_m_selesi_araldy_1_324abf2051.jpg" alt="Оқушыларды ыстық тамақпен қамту мәселесі қаралды 1.jpg"><img src="https://knadmin.beoblood.kz/uploads/O_ushylardy_ysty_tama_pen_amtu_m_selesi_araldy_2_ff54dae8fe.jpg" alt="Оқушыларды ыстық тамақпен қамту мәселесі қаралды 2.jpg">

Оқушыларды ыстық тамақпен қамту мәселесі қаралды

<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы қызметтің Қызылорда облысы бойынша департаментімен өңірдегі автокөлік жолдары құрылысы саласындағы сыбайлас жемқорлық тәуекелдеріне сыртқы талдау жүргізілді.Талдау шеңберінде Департамент жанынан құрылған мобильдік топ «КазАвтоЖол» Ұлттық компаниясы АҚ-ның Қызылорда облыстық филиалымен бірлесіп, Арал ауданындағы жол жөндеу жұмыстарына мониторинг өткізді.Мониторинг барысында Арал ауданы Қызылжар елді мекеніне кіре беріс жолының жөндеу жұмысында бірқатар кемшіліктер анықталды. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Атап айтқанда, «Жол активтері сапасының ұлттық орталығы» облыстық филиалының қорытындысына сәйкес, жаңа асфальт жабындысының қалыңдығы жеткіліксіз екені, яғни жоба бойынша 4,0 см болу керектігіне қарамастан қалыңдығы 2,5 см асфальт төселгендігі белгілі болды.Департаменттің ұсынысы бойынша тапсырыс беруші тарапынан мердігер мекемеге анықталған кемшіліктерді жою жөнінде тапсырмалар беріліп, ескертпе хаттар жолданды.Нәтижесінде мердігер мекеме тарапынан жарамсыз күйдегі 3,1 шақырым автомобиль жолына толықтай жобаға сәйкес асфальт жабындысы төселініп, пайдалануға берілді.

Қазақстан және Қызылорда облысының жаңалықтары