<a href="https://kyzylorda-news.kz/">Kyzylorda-news.kz</a> Ақтаудағы AZAL ұшағының апатын тергеу бойынша қорытынды есеп үш жылдан кешіктірмей бекітіледі.&nbsp;Бұл туралы&nbsp;<a href="https://stan.kz/aktaudagi-yshak-apati-boyinsha-koritindi-esep-3-zhilda-412031/">Stan.kz&nbsp;</a>ақпарат агенттігі хабарлайды.25 желтоқсанда болған авиациялық оқиғаны тергеу инвестициялар және даму министрінің 2017 жылғы бұйрығына сәйкес жүргізіліп жатыр.<blockquote>"Бұйрықтың 32-тармағына сай,&nbsp;адам қаза болған авиациялық оқиғаны тергеп-тексеру ұзақтығы комиссия құрылған сәттен бастап авиациялық оқиғаны тергеп-тексеру нәтижелері туралы қорытынды есеп бекітілген күнге дейін, сондай-ақ егер қосымша зерттеулер қажет болмаса, ереже 36 айдан аспайды”, – деп хабарлады министрлік.</blockquote>Тергеу комиссиясының мүшесі, көлік вице-министрі Талғат Ластаев 30 желтоқсанда тергеудің алдын ала немесе аралық қорытындысы 30 күнде дайын болатынын хабарлады.Еске салсақ,&nbsp;Қазақстан үкіметі Ақтаудағы қайғылы оқиғаны толық әрі ашық тергеу үшін&nbsp;рейстің жазба&nbsp;құрылғыларын&nbsp;Бразилияға жіберу туралы шешім&nbsp;қабылдаған.

Ақтаудағы ұшақ апаты жөнінде қорытынды есеп 3 жылда шығады

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаев Жаңақорған ауданына жұмыс сапары кезінде "Жаңарық" ауылындағы 300 орындық мектептің ашылу рәсіміне қатысты. Білім ошағы "Жайлы мектеп" ұлттық жобасымен салынған.Ашылу салтанатына ҚР Оқу-ағарту министрі Ғани Бейсембаев, Парламент Сенатының депутаттары Наурызбай Байқадамов, Руслан Рүстемов, Мәжіліс депутаттары Мархабат Жайымбетов, Мұрат Ергешбаев, Мұрат Әбенов қатысты.Аймақ басшысы жиналған жұртшылықты құттықтап, ізгі тілегін жеткізді.<blockquote>"Мемлекет басшысы Қасым-Жомарт Кемелұлы "Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды",- деді.Президентіміздің, Үкіметтің ерекше қолдауымен қолға алынған Сыр өңіріндегі байыпты бастамалардың, мақсатты жобалардың игілігін халық көруде. Білімді азамат – егемен еліміздің ертеңі, халқымыздың болашағы. Қандай мықты мемлекет болмасын, жас ұрпақтың білімі мен оқу-ағарту ісіне барынша көңіл бөледі.2024 жылы білім саласына бөлінген қаржы 264 млрд теңгені құрап, алдыңғы жылмен салыстырғанда 9,3 пайызға артты. Аймағымызда 6 мектеп, 5 мектепке қосымша ғимарат салынып, ел игілігіне табысталды. Балалар мен жасөспірімдердің шығармашылығын шыңдау мақсатында облыс орталығынан бой көтерген «Шығармашылық академиясы» мамыр айында ел игілігіне табысталады.Дарынды балаларға арналған физика-математика мектеп-интернатыалдағы наурыз айында пайдалануға беріледі. «Саутс Ойл» компаниясының демеушілігімен қолға алынған музыкалық колледждің жаңа ғимараты да мамыр айында ашылады.Шиелі ауданынан 200 орындық "Оқушылар үйі" мен&nbsp;50 орындық "Өнер мектебін" пайдалануға береміз. 2023 жылы облыс орталығындағы 4 мектепке 1 850 орынға арналған қосымша ғимарат салдық. Бюджетке салмақ түсірмей, қаржыны үнемді пайдаланып, үш ауысымды оқытуға көшуі мүмкін мектептер мәселесін шештік.Былтыр 3 млрд 100 млн теңгеге 8 мектеп ғимараты күрделі жөндеуден өтті. Мемлекет басшысының 1 300 мектепке күрделі жөндеу жүргізу тапсырмасына сәйкес алдағы 3 жылға 51 мектеп жоспарланған. Заманауи білім нысандарының пайдалануға берілуі, жаңа келбеті - аймағымыздың білім саласына үлкен қолдау, балалар мен ұстаздарға деген ерекше қамқорлық. Бүгін табысталған жаңа білім ғимаратынан алдыңғы буынның ізгі жолын жалғаған білімді, талантты шәкірттер шығатынына сеніміміз мол. Санасы сергек, ойы ұшқыр, бәсекеге қабілетті оқушыларымыз көп болғай”,-деді Н.Нәлібаев.</blockquote>Салтанатты іс шарада Оқу-ағарту министрі Ғани Бектайұлы, Мәжіліс депутаты Мұрат Абдуламитұлы жиылған жұртшылықты құттықтады.Сонымен қатар, ауылдың өркендеуіне үлес қосқан ардагерлер мен құрылыс мекемесінің мамандары марапатталды.Айта кету керек, Мемлекет басшысының Жарлығымен 2025 жыл «Жұмысшы мамандықтар жылы» деп жарияланды.Президент тапсырмасына сәйкес 9-сыныпты бітірушілердің арасынан жұмысшы және орта буын мамандықтарды игеруге ниетті жастарды 100 пайыз тегін кәсіптік біліммен қамту жоспарланған. Аймақ колледждеріне 5 308 орын мемлекеттік тапсырыс бөлінеді. Бұл - жастардың кәсіптік білім алуына берілген үлкен мүмкіндік.Аймақтың еңбек нарығына қажетті кадрлардың ұзақ мерзімді болжамын анықтау үшін Мамандықтар атласы әзірленеді. Атласқа сәйкес жаңа мамандықтар ашылады.Атаулы жылдың іс-шараларын жүзеге асыру үшін жергілікті бюджеттен 900 млн теңге қаржы қарастырылуда.Қаржы колледждерді күрделі жөндеуге, материалдық- техникалық базасын жабдықтауға, мектептерде кәсіби бағдар беру кабинеттерін ашуға, «Кәсіби бағдар беру педагогы» штат бірлігін енгізуге және жұмысшы мамандықтарын дәріптейтін түрлі шаралар мен нақты жұмыстарды жүзеге асыруға бағытталады.<img src="https://knadmin.beoblood.kz/uploads/Zha_a_or_an_audanynda_Zhajly_mektep_ashyldy_5_501d810858.jpg" alt="Жаңақорған ауданында Жайлы мектеп ашылды 5.jpg"><img src="https://knadmin.beoblood.kz/uploads/Zha_a_or_an_audanynda_Zhajly_mektep_ashyldy_35ed7d77d6.jpg" alt="Жаңақорған ауданында Жайлы мектеп ашылды.jpg"><img src="https://knadmin.beoblood.kz/uploads/Zha_a_or_an_audanynda_Zhajly_mektep_ashyldy_1_b6975c7283.jpg" alt="Жаңақорған ауданында Жайлы мектеп ашылды 1.jpg"><img src="https://knadmin.beoblood.kz/uploads/Zha_a_or_an_audanynda_Zhajly_mektep_ashyldy_2_2519915a4f.jpg" alt="Жаңақорған ауданында Жайлы мектеп ашылды 2.jpg"><img src="https://knadmin.beoblood.kz/uploads/Zha_a_or_an_audanynda_Zhajly_mektep_ashyldy_3_a11cc09ffb.jpg" alt="Жаңақорған ауданында Жайлы мектеп ашылды 3.jpg">Фото: Қызылорда облысы әкімінің баспасөз қызметі

 Жаңақорған ауданында "Жайлы мектеп" ашылды

<a href="https://kyzylorda-news.kz/">Kyzylorda-news.kz</a> Кеше &nbsp;облыс әкімі Нұрлыбек Нәлібаевтың қатысуымен Шиелі ауданында «Руханият орталығының» салтанатты ашылу рәсімі өтті. Мерекелік іс-шараға Парламент Сенаты мен Мәжілісінің депутаттары Нұртөре Жүсіп, Наурызбай Байқадамов, Руслан Рүстемов, Аманжол Әлтай, Мархабат Жайымбетов, Мұрат Әбенов, облысқа арнайы жұмыс сапарымен келген ҚР Оқу-ағарту министрі Ғани Бейсембаев, ақын, Қазақстанның еңбек сіңірген қайраткері Жүрсін Ерман, облыстық мәслихат төрағасы Мұрат Тілеуімбетов, сондай-ақ, Мәдениет министрлігі мен Жазушылар одағының өкілдері арнайы қатысты.Рәсім үш дүркін "Алтын домбыра" иегері Мұхтар Ниязовтың арнауымен ашылды.Аймақ басшысы жұртшылықты жаңа нысанның ашылуымен құттықтады.<blockquote>«Мемлекет басшымыз Қасым-Жомарт Кемелұлы «Еліміздің рухани дамуы ұлттық рухқа тікелей байланысты. Сол себепті азаматтарымыздың рухы әрқашан биік болуы үшін мәдениетімізге, руханиятымызға баса мән беруіміз қажет» - деген болатын.2024 жыл өңірімізде «Руханият жылы» деп жарияланып, атаулы жылда мәдени-көпшілік шаралармен қатар, ауқымды жобалар жүзеге асты."Руханият жылы" Сыр өңірі үшін жемісті жыл болды. Барлық 7 ауданда құны 11 млрд. 500 млн. теңге, ішінде неке қию залы, кітапхана, музей, архив, жастар, ардагерлер мен аналар үйі бар «Руханият орталықтары" салынып, пайдалануға берілуде.Сыр өнерпаздарының әлеуметтік мәселесі де басты назарымызда. Мәдениет саласы өкілдеріне арналып алғаш рет жаңадан көпқабатты тұрғын үй салынып, 40 жаңа қызметтік пәтер табысталды. Мәдениет және өнер, әдебиет өкілдерін қолдау мақсатында өткен жылдан бері «Тұран» сыйлығы дәстүрлі түрде жыл сайын табысталуда. «Төрлет, еңбек адамы!» тақырыбындағы республикалық айтыста жерлесіміз Мейірбек Сұлтанхан «Алтын домбыраны» иеленді. Бұл жеңіс аймағымызда жарияланған «Руханият жылы» қорытындыланатын тұста керемет тарту болды. «Руханият орталығы" бірліктің ордасы болып, еліміздің құндылықтар қазынасын толықтыра бергей. Жаңа 2025 жыл құтты болсын!», – деді Н.Нәлібаев.</blockquote>Жиында ҚР Парламенті Сенаты Әлеуметтік-мәдени даму және ғылым комитетінің төрағасы Нұртөре Жүсіп, Мәжіліс депутаты,айтыскер ақын Аманжол Әлтай,Сенат депутаты Наурызбай Байқадамов, мемлекет және қоғам қайраткері Мұрат Бақтиярұлы сөз сөйлеп, жиылған жұртшылықты құттықтады. Ақын Жүрсін Ерман ақ батасын берді. Ауданның өркендеуіне үлес қосқан ардагерлер мен мердігер мекеме қызметкерлері марапатталды.Рәсімде Мейірбек Сұлтанхан арнау айтып, «Алтын домбыраны» облыс әкіміне табыстады.Бұл - Сыр елінің айтыскер ақындары жеңіп алған екінші "Алтын домбыра". Оны Сыр руханиятының жұлдызын биікте жарқыратқан Айтыстың ақтаңгері Мұхтар Ниязовтан кейін Мейірбек Сұлтанхан иеленіп, жыр еліндегі сабақтастықтың үзілмегенін тағы бір дәлелдеді. Еңбек тақырыбын, Мемлекет басшысы Қасым-Жомарт Кемелұлы ұсынған «Адал еңбек – адал табыс – адал адам» қағидатын жырлап, көрерменді асыл сөздің нәрімен сусындатты.Айта кетейік, төрімізге озған 2025 өңір үшін тарихи маңызды жыл болмақ. Осыдан бір ғасыр бұрын, 1925 жылы мемлекет астанасын Орынбордан Ақмешітке көшіру туралы шешім шыққан. Сырдың киелі топырағында Кеңестердің Бүкіл қазақстандық бесінші съезі өтіп, «Киргиз Автономиялы Социалистік Кеңес Республикасы» деген атау «Қазақ автономиялы Социалистік Кеңес Республикасы» деп өзгертіліп, ұлтымыздың тарихи атауы қайтарылды.&nbsp;Республика астанасы Ақмешіт қаласын Қызылорда деп атау туралы қаулы қабылданды. Еліміздің алғашқы Үкімет басшылығы, басқару институттары осы жерде қалыптасып, нығайды. Өнер-білім ордаларының іргесі қаланып, әсем ғимараттар бой көтерді.Ұлт зиялыларының баршасы осы қалада шоғырланды. Қызылорда сол кезден бастап қазақ елінің тек саяси ғана емес, рухани және мәдени орталығына айналды, халық ағарту ісі, қазақ әдебиеті, театры сынды рухани құндылықтар осы топырақта жаңа қарқынмен дамыды. Биыл қазақ театр өнерінің негізі қаланған Қызылордадағы Нартай Бекежанов атындағы қазақ академиялық музыкалық драма театрының құрылғанына 70 жыл толады.Кәсіби өнер ұжымы 300-ден астам қойылымды сахналаған. Республикалық, халықаралық фестивальдерге қатысып, жүлделі орындарды иеленіп келеді.<img src="https://knadmin.beoblood.kz/uploads/Shieli_audanynda_Ruhaniyat_ortaly_y_ashyldy_1_db741ed9fc.jpg" alt="Шиелі ауданында Руханият орталығы ашылды 1.jpg"><img src="https://knadmin.beoblood.kz/uploads/Shieli_audanynda_Ruhaniyat_ortaly_y_ashyldy_3_60350caa35.jpg" alt="Шиелі ауданында Руханият орталығы ашылды 3.jpg"><img src="https://knadmin.beoblood.kz/uploads/Shieli_audanynda_Ruhaniyat_ortaly_y_ashyldy_5_1276d237f4.jpg" alt="Шиелі ауданында Руханият орталығы ашылды 5.jpg"><img src="https://knadmin.beoblood.kz/uploads/Shieli_audanynda_Ruhaniyat_ortaly_y_ashyldy_4_fdc8b45833.jpg" alt="Шиелі ауданында Руханият орталығы ашылды 4.jpg">Фото: Қызылорда облысы әкімінің баспасөз қызметі

 Шиелі ауданында «Руханият орталығы» ашылды

<a href="https://kyzylorda-news.kz/">Kyzylorda-news.kz</a> Кеше Шиелі ауданына жұмыс сапарымен барған облыс әкімі Нұрлыбек Нәлібаев әлеуметтік осал топ санатындағы отбасылар үшін салынған 120 пәтерлік 60 жаңа тұрғын үйдің кілтін иелеріне табыстады. Рәсімге Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев, Мұрат Әбенов, жауапты сала басшылары, қоғам қайраткерлері мен аудан тұрғындары қатысты.Аймақ басшысы Жаңа жылдың алғашқы күндерінде көл-көсір қуанышқа кенеліп, жаңа баспанаға ие болған тұрғындарға ізгі тілегін білдірді. Жыл қорытындысымен іске асқан игіліктерді, аймақтың әлеуметтік-экономикалық дамуындағы жетістіктерді атап өтті.<blockquote>«Алдымен баршаңызды Жаңа 2025 жылмен құттықтауға рұқсат етіңіздер! Жаңа жыл жемісті де нәтижелі, ырыс-несібесі мол жыл болсын. Мереке күндері Шиелі ауданында бірқатар нысан ашылып, "Ортақшыл" ауылына "көгілдір отын" келді. Президентіміздің, Үкіметтің ерекше қолдауы барлық саланың көтеріңкі көрсеткіштерінен, іске асқан жобалардан, қолданысқа берілген нысандардан, байыпты бастамалардан байқалады. Жыл бойы негізгі макроэкономикалық көрсеткіштер бойынша республикада алдыңғы қатардан көріндік.Осыдан екі жарым жыл бұрын 364 млрд. теңге болған аймақ бюджеті 206 пайызға өсіп, 750 млрд теңгеден асты.Бұл қаражатты тұрғындардың кездесулерде, қабылдауларда көтерген ең өзекті мәселелерін шешуге бағыттадық. Іске қосылған жобалар тұрғындардың өмір сүру сапасын арттыруға септігін тигізуде. Әсіресе, ауқымды инфрақұрылымдық жобалар елді мекендердің тыныс-тіршілігінің тамырына қан жүгіртіп, халықтың әл-ауқатын арттыруға жол ашты.Тұрғын үймен қамтамасыз ету жұмыстары Шиелі ауданында да үйлесімді жүргізіліп келеді. 2024 жылы құрылыс жұмыстарының жалпы көлемі 14 млрд. 550 млн. теңге болып, 2023 жылдың тиісті кезеңімен салыстырғанда 12 пайызға артты. Жеке тұрғын үй құрылысының жалпы ауданы 67 934 шаршы метрге жетіп, 10,9 пайызға өсті. Бүгін Шиелі кентінде 120 пәтерлік 60 тұрғын үйдің құрылысы аяқталып, тұрғындарға салтанатты түрде табысталады.Мұндай маңызды бастамалар әрі қарай да жалғасатын болады.Елдік мүддеге қызмет етіп, жаңа баспаналарды сапалы салып, уақытылы аяқтаған мердігер компания ұжымына шынайы алғысымызды білдіреміз.Жаңа баспаналарыңыз татулық пен берекенің ордасына айналып, қуаныш пен құт қонсын!Балаларымыздың шат күлкісі үйдің ішін бақытқа толтырсын!Қуаныштарыңыз көбейсін!Қоныстарыңыз құтты болсын!»,-деді аймақ басшысы.</blockquote>Іс-шарада ауылдың өркендеуіне үлес қосқан ардагерлер, әр салада еңбек ететін азаматтар, құрылыс мекемесінің мамандары марапатталды. Мәжіліс депутаты Мұрат Ергешбаев жиылған жұртшылықты құттықтады, ел ағасы Ибрагим Әбибуллаев батасын берді.Жаңа пәтерлер 3 бөлмелі, ас үй мен жылыту бөлмесі де бар. Сапалы құрылыс материалдарынан салынған жаңа баспаналар кенттің келбетін көріктендіре түсті.<img src="https://knadmin.beoblood.kz/uploads/Shieli_audanynda_120_otbasy_baspanaly_boldy_4_2bc3777603.jpg" alt="Шиелі ауданында 120 отбасы баспаналы болды 4.jpg"><img src="https://knadmin.beoblood.kz/uploads/Shieli_audanynda_120_otbasy_baspanaly_boldy_2_9f5bd33262.jpg" alt="Шиелі ауданында 120 отбасы баспаналы болды 2.jpg"><img src="https://knadmin.beoblood.kz/uploads/Shieli_audanynda_120_otbasy_baspanaly_boldy_3_ae42744d52.jpg" alt="Шиелі ауданында 120 отбасы баспаналы болды 3.jpg">Фото: Қызылорда облысы әкімінің баспасөз қызметі

Шиелі ауданында 120 отбасы баспаналы болды

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаевтың қатысуымен Шиелі ауданының "Ортақшыл" ауылында "Ауылдық денсаулық сақтауды жаңғырту" ұлттық жобасымен салынған дәрігерлік амбулатория ашылды. Рәсімге Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев, Мұрат Әбенов, жауапты сала басшылары, қоғам қайраткерлері мен ауыл тұрғындары қатысты.Аймақ басшысы жиналған қауымды Жаңа жылмен құттықтап, өңірдің әлеуметтік-экономикалық дамуындағы, құрылыс, денсаулық сақтау салаларындағы жаңашылдықтарды атап өтті.<blockquote>«Президентіміз Қасым-Жомарт Кемелұлы қоғамдағы денсаулық сақтау саласының маңызын айқындап, медицина мамандарының мәртебесі мен беделін арттыру үшін жағдай жасауды тапсырды.2024 жылы облыстың денсаулық сақтау саласының бюджеті 146 млрд. 200 млн.теңгеге жетті.Ұлттық жоба аясында барлық ауданда 10 млрд. 200 млн. теңгеге 27 медициналық нысан салынды. Оның ішінде, Шиелі ауданында 2023 жылы 3 дәрігерлік амбулатория Досбол би, Бала би, "Бұланбай бауы" ауылдарында бой көтерді. Тәуелсіздік күні "Тартоғай" және "Алмалы" елді мекендерінде дәрігерлік амбулаториялар ел игілігіне табысталса, күні кеше Әбділда Тәжібаев және "Бестам" ауылдарындағы медицина мекемелері іске қосылды. Бүгін, "Ортақшылда" жаңа дәрігерлік амбулатория ашылуда. Ұлттық жоба аясындағы ғимаратты сапалы салып, мерзімінде аяқтаған «Бақ Береке – 2030» мекемесінің ұжымына Сыр жұртшылығы атынан шынайы ризашылығымызды білдіреміз!Жаңа амбулаторияда ауыл тұрғындарына бастапқы медициналық көмек сапалы әрі дер кезінде көрсетіледі деп сенеміз. Егемен еліміздің еңсесі биік,Тәуелсіздігіміз тұғырлы болғай!Жаңа 2025 жыл құтты болсын!»,- деді Нұрлыбек Машбекұлы.</blockquote>Жиында Сенат депутаты Руслан Рүстемов жиналған жұртшылықты құттықтады. Ауданның өсіп-өркендеуіне еңбек сіңірген аға буын ардагерлер мен құрылысшылар облыс әкімінің Алғыс хатымен марапатталды.<img src="https://knadmin.beoblood.kz/uploads/Orta_shyl_auylynda_d_rigerlik_ambulatoriya_pajdalanu_a_berildi_2_0c9d5aa803.jpg" alt="Ортақшыл ауылында дәрігерлік амбулатория пайдалануға берілді 2.jpg"><img src="https://knadmin.beoblood.kz/uploads/Orta_shyl_auylynda_d_rigerlik_ambulatoriya_pajdalanu_a_berildi_4_ca2003b832.jpg" alt="Ортақшыл ауылында дәрігерлік амбулатория пайдалануға берілді 4.jpg">Фото: Қызылорда облысы әкімінің баспасөз қызметі

"Ортақшыл" ауылында дәрігерлік амбулатория пайдалануға берілді

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаевтың қатысуымен Шиелі ауданының "Ортақшыл" ауылын газ желісіне қосу рәсімі өтті. Рәсімге Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев,Мұрат Әбенов, жауапты сала басшылары, қоғам қайраткерлері мен ауыл тұрғындары қатысты.Аймақ басшысы ортақшылдықтарды ауылға газ келу қуанышымен құттықтады.<blockquote>"Мемлекет басшысы Қасым-Жомарт Кемелұлы Ұлттық құрылтайда «Үкімет газ тартылған елді мекендердің санын барынша арттыруға және 1700 шақырым газ желісін жаңғыртуға тиіс. Бұл 300 мыңнан астам адамды "көгілдір отынмен" қамтамасыз етуге мүмкіндік береді», - деп атап өткен болатын. Президентіміздің, Үкіметтің ерекше қолдауының арқасында аймағымызда ауқымды жобалар қолға алынды, байыпты бастамалар іске асып халық игілігіне айналды. Өткен жылдың қорытындысымен өңіріміз барлық негізгі макроэкономикалық көрсеткіш бойынша республикада алдыңғы қатарға орнықты.Облыс бюджеті 750 млрд.теңгеден асты, осыдан екі жарым жыл бұрын 364 млрд. теңге болатын. Өсім 206 пайызды құрады. Бұл ауқымды қаражат аймақтағы ең өзекті деген мәселелерді шешуге, тұрғындардың өмір сүру сапасын арттыруға және ауқымды инфрақұрылымдық жобаларды жүзеге асыруға жұмсалуда.Соңғы үш жылда Шиелі ауданына 159 млрд. 500 млн. теңгеден астам инвестиция тартылды. 2023 жылы аудан бюджеті 16 млрд. 500 млн. теңге болса, 2024 жылы 18 млрд. 800 млн. теңгеге жетіп, 12,4 пайызға өсім алды. Өткен жылдан бері 5 млрд. 953 млн. теңгеге 25 жоба жүзеге асырылуда.Кейінгі үш жылда 1 млрд. 262 млн.теңгеге ауыз су желілері жаңартылып, аудан халқының 99,9 пайызы таза ауыз сумен қамтылды. "Ақтам", "Ызалы" елді мекендеріне су желісі тартылғаннан кейін бұл көрсеткіш 100 пайызға жетеді. Бүгінде "Еңбекші", "Жиделіарық", "Бестам", Әбділда Тәжібаев, "Алмалы" және Досбол датқа елді мекендерін газдандыру жобасы толық аяқталды.Бұдан бөлек, ауданның Сыр беткейіндегі жұртшылықты "көгілдір отынға" қосу үшін 1 млрд. 165 млн. теңгеге Мұстафа Шоқай автоматтандырылған газ тарату стансасының құрылысы басталды.Елдің дамуы ауылдың гүлденуінен басталады.Ауылдың дамуы, келешегінің зор болуы – бекем бірлігіміз бен тату тірлігімізге байланысты. Бүгінгі қуаныш барша отбасының бақыты мен шаттығын еселесін! Еліміз аман, жұртымыз тыныш болсын! Туған жеріміз Сыр өңірі қарыштап дами бергей!”,-деді Нұрлыбек Машбекұлы.</blockquote>Іс-шарада Парламент Мәжілісінің депутаты Мархабат Жайымбетов жиналған жұртшылықты құттықтады, ел ағасы Қорғанбек Қайруллаев батасын берді.Ауылдың өсіп-өркендеуі жолында қажырлы қызмет еткен сала мамандары мен ардагерлерге облыс әкімінің Алғыс хаты табысталды.<img src="https://knadmin.beoblood.kz/uploads/Orta_shyl_auylyna_k_gildir_otyn_keldi_3_93031e945d.jpg" alt="Ортақшыл ауылына көгілдір отын келді 3.jpg"><img src="https://knadmin.beoblood.kz/uploads/Orta_shyl_auylyna_k_gildir_otyn_keldi_2_3d2cb5ae67.jpg" alt="Ортақшыл ауылына көгілдір отын келді 2.jpg"><img src="https://knadmin.beoblood.kz/uploads/Orta_shyl_auylyna_k_gildir_otyn_keldi_b68be2061f.jpg" alt="Ортақшыл ауылына көгілдір отын келді.jpg">Фото: Қызылорда облысы әкімінің баспасөз қызметі

"Ортақшыл" ауылына көгілдір отын келді

<a href="https://kyzylorda-news.kz/">Kyzylorda-news.kz</a> Кеше «Қорқыт Ата әуежайынан» Астана қаласында өткен «Төрлет, еңбек адамы» тақырыбындағы республикалық ақындар айтысының «Алтын домбыра» иегері атанған, күні кеше Ұлытау облысында өткен республикалық ақындар айтысының бас жүлдесі – темір тұлпарды иеленген Сыр айтысының сұңқары Мейірбек Сұлтанханды жерлестері күтіп алды.«Облыстың бас ақыны» атанған Маханбетқали Тұрсановтан бастап Мұхтар Ниязовқа дейінгі аралықта Сыр бойынан қаншама айтыс саңлақтары шықты. Осыдан 12 жыл бұрын Мұхтар Ниязов алғаш рет «Алтын домбыраны» жеңіп алып, осы жетістігін тағы да екі рет қайталап, үш мәрте «Алтын домбыра» иегері атанды. Қазіргі таңда «Алтын домбыра» облыстық тарихи- өлкетану музейінен орын алған.Мейірбек Сұлтанхан Шиелі ауданының тумасы, Л.Н.Гумилев атындағы Еуразия ұлттық университетінің магистранты.Айтыс ақындары мен жыршы-термешілердің халықаралық одағының мүшесі. Мәдениет саласының үздігі, «Дарын» мемлекеттік жастар сыйлығының лауреаты.2006 жылдан бері сөз сайыстарында әрдайым бас бәйге мен бірінші орынды иеленіп келеді. Қазақтың айтыс өнерінің бар құдіретін бойына сіңірген, шашасына шаң жұқтырмас дарабоз дәрежесіне жеткен Мейірбек Сұлтанханның «Алтын домбыра» айтысындағы жеңісі – сол жеңістерінің жалғасы.Ертең ақынның туған жері Шиелі ауданында «Руханият орталығының» ашылуы және «Алтын домбыраны» табыстау рәсімі өтеді.Айтулы шараға Сыр елінің құрметті қонақтары, ақын, Қазақстанның еңбек сіңірген қайраткері Жүрсін Ерман, Мәжіліс депутаты, ақын, Қазақстанның еңбек сіңірген қайраткері Аманжол Әлтай, Сенат депутаты, журналист, Нұртөре Жүсіп және ақын Өміржан Көпбосын қатысады.Сурет Мұхтар Ниязов парақшасынан алынды

Жерлестері «Алтын домбыра» иегерін күтіп алды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Жаңақорған ауданына жұмыс сапары кезінде Nº54 мектеп жанындағы 375 орындық қосымша оқу ғимаратын көрді.Құрылысты «Жабдықтау» ЖШС салған. &nbsp;Үш қабатты нысанға &nbsp;789,6 млн теңге қаржы «Білім беру инфрақұрылымын қолдау» қоры арқылы бөлінді. Онда білім алушыларға барлық қолайлы жағдай жасалған. Кең әрі жарық сыныптар, жоғары сапалы оқу құралдарымен, ақпараттық технологиялармен жабдықталған кабинеттер бар. Оқушылар үшін арнайы кітапхана, зертханалар және шығармашылық үйірмелерге арналған бөлмелер де қарастырылған.Ғимараттың әр қабатындағы арнайы инженерлік, жылу, жарық, су және желдету жүйелері заманауи талаптарға сай орнатылған. Спорт залы мен демалыс орындары дене шынықтырумен айналысуға және түрлі спорттық жарыстар өткізуге мүмкіндік береді.Айта кетейік, 2023 жылы облыс орталығындағы 4 мектептің орын тапшылығы мәселесін шешу үшін 1850 оқушыға арналған қосымша &nbsp;ғимараттар салынды. Ал өткен жылы &nbsp;1050 орынға лайықталған 3 қосымша ғимарат, &nbsp;2 спорт зал құрылысы жүргізілді.&nbsp;Фото: Қызылорда облысы әкімінің баспасөз қызметі

Аймақ басшысы мектеп жанындағы қосымша оқу ғимаратын көрді

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың қатысуымен Шиелі ауданының &nbsp;"Бестам", Ә.Тәжібаев ауылдарында дәрігерлік амбулатория ашылды. &nbsp;Медициналық мекемелер "Ауылдық денсаулық сақтауды жаңғырту" ұлттық жобасымен салынған. Рәсімге Парламент Сенаты мен Мәжілісінің депутаттары Наурызбай &nbsp;Байқадамов, Руслан Рүстемов, Мархабат Жайымбетов, Мұрат Әбенов, жауапты сала басшылары, қоғам қайраткерлері мен ауыл тұрғындары қатысты.<blockquote>Аймақ басшысы жиналған қауымды Жаңа жылмен құттықтап, өңірдің әлеуметтік-экономикалық дамуындағы, &nbsp;құрылыс саласындағы жетістіктерге тоқталды. «Президентіміздің, Үкіметтің ерекше қолдауының арқасында қазіргі таңда аймағымыз байыпты бастамалар мен жасампаз жобалардың ордасына айналды. Өткен жылдың қорытындысымен &nbsp;барлық негізгі макроэкономикалық көрсеткіштер бойынша республикада алдыңғы қатардан көріндік. Облысымыздың бюджеті 750 млрд. теңгеден асты, осыдан екі жарым жыл бұрын 364 млрд. теңге болатын. Өсім 206 пайызды құрады.Бұл ауқымды қаражат тұрғындар көтерген ең өзекті мәселелерді шешуге, халықтың өмір сүру сапасын арттыруға, ауқымды инфрақұрылымдық жобаларды жүзеге асыруға бағытталды.&nbsp;Президентіміз Қасым-Жомарт Кемелұлы "Еліміздің басты құндылығы – адам. Бұл – айқын нәрсе. &nbsp;Ұлт саулығы жақсы болса ғана, қоғам орнықты дамиды. Медициналық инфрақұрылымды кешенді түрде жақсартуға баса назар аудару керек" деп атап өтіп, бірқатар маңызды міндет жүктеді.&nbsp;Өткен жылы облыстың денсаулық сақтау саласының бюджеті 146 млрд. 200 млн. теңгеге жетті. Ұлттық жоба аясында барлық ауданда 10 млрд. 200 млн. теңгеге 27 медициналық нысан салынды. Оның ішінде, Шиелі ауданында 3 дәрігерлік амбулатория Досбол би, Бала би, "Бұланбай бауы" ауылдарында бой көтерді.Тәуелсіздік күні дәрігерлік амбулаториялар "Тартоғай" және "Алмалы" елді мекендерінде ел игілігіне табысталса, бүгін "Ортақшыл", Әбділда Тәжібаев, "Бестам" ауылдарында пайдалануға береміз. Жаңа ғимаратта ауыл тұрғындары сапалы &nbsp;әрі уақытылы бастапқы медициналық қызмет алады деп сенеміз. Егемен еліміздің еңсесі биік, Тәуелсіздігіміз тұғырлы болғай! Жаңа 2025 &nbsp;жыл құтты болсын!»,- деді Нұрлыбек Машбекұлы.</blockquote>Іске қосылған дәрігерлік амбулаториялар құрылысын "Бақ-Береке" ЖШС сапалы әрі сәулетті етіп салған.Жиында облыстық ардагерлер кеңесінің төрағасы Серік Дүйсенбаев сөз сөйлеп, жиналған жұртшылықты құттықтады. Қызылорда облысының Құрметті азаматы Дайрабай Ысқақов &nbsp;бата беріп, ауданның өсіп-өркендеуі жолында еңбек еткен ардагерлер мен ауылға сән берген әсем ғимараттарды салған құрылысшылар облыс әкімінің Алғыс хатымен марапатталды.Фото: Қызылорда облыс әкімінің баспасөз қызметі

Шиелі ауданында ұлттық жоба аясында екі дәрігерлік амбулатория ашылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Жаңақорған ауданының Әбдіғаппар, «Бесарық» ауылдарында дәрігерлік амбулатория ашылды. Салтанатты жиындарға Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, жауапты сала басшылары, қоғам қайраткерлері мен аудан тұрғындары қатысты.Аймақ басшысы жиналған қауымды Жаңа жылмен құттықтап, жаңа нысандардың ел игілігіне қызмет ететініне сенім білдірді.<blockquote>«Жаңа жыл халқымыз үшін берекелі жыл болсын! Әр шаңырақ шаттыққа, қуанышқа толсын!Президентіміз Қасым-Жомарт Кемелұлы "Отандық медицинада емдеудің инновациялық әдістері енгізіліп, онкологиялық қызметті кешенді жаңғырту жұмыстары басталды. Сала қызметкерлерін құқықтық және қаржылық тұрғыдан қорғау туралы заң қабылданды. Бұл – аталған мамандықтың мәртебесін арттыруға бағытталған қадам. Осы және басқа да жүйелі шаралардың нәтижесінде негізгі медициналық-демографиялық көрсеткіштердің жақсарғаны байқалып отыр" деп бұл саланың айрықша маңызға ие екенін айтты. Өткен жылы облыстың денсаулық сақтау саласының бюджеті 146 млрд. 200 млн. теңгеге жетті. Ұлттық жоба аясында өңіріміздің барлық ауданында &nbsp;10 млрд. 200 млн. теңгеге 27 медициналық нысан салынды. Оның ішінде, 3 дәрігерлік амбулатория Жаңақорған ауданында бой көтерді. Тәуелсіздік күні "Төменарық" ауылында &nbsp;дәрігерлік амбулаториясымен қоса 15 төсек-орынға арналған ауылдық аурухана ел игілігіне табысталды. Осы игі істердің жалғасы ретінде бүгін Әбдіғаппар, "Бесарық" ауылдарындағы амбулаторияларды пайдалануға береміз. Халқымыз «Тәні саудың – жаны сау» деген. Бүгін іске қосылған жаңа нысандар бастапқы медициналық қызмет көрсетуге маманданған үздік мекемеге айналып, &nbsp;ақ халатты абзал жандар халық алғысына бөлене &nbsp;берсін!»,-деді Нұрлыбек Машбекұлы.</blockquote>Жиында Мәжіліс депутаты Мұрат Әбенов жиналған жұртшылықты құттықтады, ел ағасы Бақыт Нұртазаев бата беріп, ауданның өсіп-өркендеуі жолында еңбек еткен ардагерлер мен құрылысшылар облыс әкімінің Алғыс хатымен марапатталды.Айта кету керек, аймақтың денсаулық сақтау саласында ауқымды жұмыстар атқарылуда. Бұрын-соңды өз ғимараты болмаған"Қан орталығы" салынып, ел игілігіне қызмет етуде. Ана мен бала өмірін қорғау мақсатында &nbsp;көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Облыс орталығында емханасы және онкологиялық бөлімшесі бар 300 орындық көпбейінді аурухананың, Арал ауданы "Сексеуіл" кентінде 40 төсек-орынға арналған ауылдық аурухананың құрылысы жүргізілуде. Халықтың сұранысына сәйкес 45 жедел жәрдем көлігі алынып, облыстық медициналық жедел жәрдем стансасы&nbsp;100 пайыз қамтамасыз етілді. Соңғы 2 жылда &nbsp;барлық елді мекендегі денсаулық сақтау ұйымдарына 225 &nbsp; санитарлық автокөлік табысталды. Саланы дамытуға бюджеттен тыс ресурстар да тартылуда. «Қазақстан халқына» қоғамдық қорымен тұрақты әріптестік байланыс орнатылған. Қор соңғы екі жылда өңірдің денсаулық сақтау саласына 4 млрд. теңге қаржы бағыттады.Бұл қаржыға облыстық балалар ауруханасы базасында «Қамқорлық» орталығы ашылып, &nbsp;қажетті дәрі-дәрмек алынды. Қор облыстық онкология орталығын &nbsp;скрининг жүргізуге арналған жылжымалы медициналық кешенмен қамтамасыз етті. Мұндай кешен еліміздің 3 &nbsp;өңірінде ғана бар. Бүгінде шалғай елді мекендердегі тұрғындарға тұрақты қызмет етуде.Фото: Қызылорда облыс әкімінің баспасөз қызметі

Жаңақорған ауданының екі ауылында дәрігерлік амбулатория ашылды

<a href="https://kyzylorda-news.kz/">Kyzylorda-news.kz</a> &nbsp;Жаңақорған ауданына жұмыс сапарымен барған облыс әкімі Нұрлыбек Нәлібаев әлеуметтік осал топ санатындағы отбасылар үшін салынған 124 пәтерлік 62 жаңа тұрғын үйдің кілтін иелеріне табыстады. Рәсімге Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, жауапты сала басшылары, қоғам қайраткерлері мен аудан тұрғындары қатысты.Аймақ басшысы Жаңа жылда жаңа баспанаға ие болған тұрғындарға ізгі тілегін арнады. Аймақтың әлеуметтік-экономикалық дамуындағы жетістіктерге тоқталды.<blockquote>«Президентіміз Қасым-Жомарт Кемелұлы «Халықты тұрғын үймен қамтамасыз ету - мемлекеттік саясаттың басым бағыттарының бірі» деп ерекше атап өтті. Сыр өңіріндегі &nbsp;мақсатты бастамалардың нәтижесі &nbsp;тұрғындардың тұрмыс-тіршілігіндегі оң өзгерістерден анық байқалады. Бір ғана құрылыс саласына тоқталсақ, тұрғын үй құрылысының көлемі 126 пайызға өсті. Бұл көрсеткіш 2022 жылы 683 мың шаршы метр болса, өткен жылы 864 мың шаршы метрге ұлғайды. Өткен жылы бюджеттен тұрғын үй құрылысына және жеке салушылардан дайын пәтерлер сатып алуға 39 млрд. 100 млн. теңге бөлініп, 2 500-ден астам пәтер пайдалануға берілді.Соңғы екі жылда &nbsp;4 мыңға жуық пәтер табысталып, 17 мың тұрғынның баспана мәселесі шешімін тапты. Бүгін міне, аумағы 10 мың &nbsp;шаршы метрден асатын тұрғын үйлердің құрылысын аяқтап, &nbsp;иелеріне салтанатты түрде табыстауға жиналдық. Жаңа баспаналарды уақытылы әрі сапалы салған құрылыс мекемелеріне шынайы алғысымызды білдіреміз. Мемлекеттің қолдауын сезініп, баспаналы болуға ниет еткен әрбір отбасы үшін бүгін айтулы күн! Жаңа қоныс - жақсылықтың бастауы.&nbsp;Баспаналарыңыз татулық пен берекенің ордасына айналсын, баршаңызға құтты болсын! Еліміз еңселі, Тәуелсіздігіміз мәңгілік болғай! Жаңа 2025 жыл құтты болсын, ардақты ағайын!»,-деді аймақ басшысы.</blockquote>Айта кетейік, өткен жылы Жаңақорған ауданының бюджеті 15 млрд. 800 млн. теңге болса, биыл 20 млрд. теңгеге жетіп, 20 пайызға өсім қалыптасты. Бұл қаржы аудан тұрғындарының &nbsp;көтерген мәселелерін шешуге &nbsp;бағытталуда. Мәселен, 1 млрд. теңгеден астам қаржыға 40 шақырым болатын 38 көше жөндеуден өтті. Жаңақорған кентіндегі теміржол үстінен өтетін аспалы көпірдің құрылысы жүргізілуде.Тұрғындарды "көгілдір отынмен" қамтуға ерекше мән берілуде. Аудан орталығы мен 7 елді мекенге газ келіп, &nbsp;халықтың 40 пайызы табиғи газды қолдануда. "Сүттіқұдық", "Жайылма", Қожамберді елді мекендеріне орталықтандырылған ауыз су жеткізілді. «Ауылдық денсаулық сақтауды жаңғырту» ұлттық жобасы аясында "Қаратөбе" ауылында дәрігерлік амбулатория ашылып, ел игілігіне қызмет етуде. Тәуелсіздік күні "Төменарық" ауылында дәрігерлік амбулаториямен қоса 15 төсек-орынға арналған ауылдық аурухана ел игілігіне табысталды.Одан бөлек, Жаңақорған кентінде «Қамқорлық» оңалту орталығы, 200 орындық &nbsp;"Оқушылар үйі" мен 50 орындық "Өнер мектебі", Байкенже ауылында 150 орындық мектеп, "Бесарық" ауылындағы 375 орындық қосымша оқу ғимараты пайдалануға берілді. «Жайлы мектеп» ұлттық жобасы аясында Жаңақорған кенті «Саяжай» шағын ауданындағы 600 орындық, "Жаңарық" елді мекеніндегі 300 орындық мектептер жақын күндері ел игілігіне табысталады.Іс-шарада құрылыс мекемесінің мамандарына облыс әкімінің Алғыс хаты табысталып, мемлекет және қоғам қайраткері Бекмырза Еламанов батасын берді. Рәсімнен кейін аймақ басшысы тұрғындармен кездесті. Әлеуметтік-экономикалық дамудың бағыт-бағдары, инфрақұрылымдық жобалардың жүзеге асу барысы туралы айтып, жиналған жұртшылықтың ұсыныс-пікірлеріне ден қойды.Фото: Қызылорда облыс әкімінің баспасөз қызметі

Жаңақорғанда 124 отбасы баспаналы болды

<a href="https://kyzylorda-news.kz/">Kyzylorda-news.kz</a> &nbsp;Президент Қасым-Жомарт Тоқаев “Ана тілі” газетіне кең көлемде сұқбат беріпті. Қоғам мен мемлекетте болып жатқан өзгерістерді толық саралап, көпті толғандырған біраз сауалға ашық жауап берген екен.Сондай сұрақтың бірі мынадай:“Қазақстанды парламенттік басқару жүйесіне көшіру үшін іргелі реформа дайындалып жатыр деген ақпарат тарады. Шынымен солай ма?” Мемлекет басшысы:– Әрине, парламенттік басқару жүйесі де жұмыс жүргізуге қақылы. Бұл жүйе Еуропадағы, тіпті Азиядағы бірқатар елде әбден орнығып, тамырын тереңге жайған. Бірақ биліктің әмбебап формуласы жоқ. Әр мемлекет саяси жүйесін таңдаған кезде төл тарихына, ұлттық болмысына, саяси тәжірибесіне сүйенеді. Менің аппаратым әлемдік тәжірибені мұқият зерделеп жатыр. Посткеңестік елдерде парламенттік басқару жүйесі жақсы қырынан көріне алған жоқ деген пікірге келісесіз деп ойлаймын. Грузиядағы соңғы оқиғалар осы пайымға нақты дәлел бола алады.Мемлекеттік биліктің саяси жүйесін таңдау – айрықша жауапты шешім. Мұндай шешімдер үркердей топтың оңаша басқосуында емес, тек қана жалпыхалықтық референдумда қабылдануы керек. Менің «Күшті Президент – Ықпалды Парламент – Есеп беретін Үкімет» атты тұжырымдамам Қазақстанның саяси жүйесіне ең қолайлы тұжырымдама екеніне сенімдімін. Бірақ оны толығымен жүзеге асыру үшін біз әлі талай жұмыс істеуіміз керек. Президенттік басқару тәсілі Қазақстан үшін қазір де, таяу кезеңде де ең ұтымды тәсіл деп сенемін.Мемлекетіміздің тұрақты әрі орнықты дамуына зияны тиетін шешім қабылдауға менің де, сіз бен біздің де еш қақымыз жоқ. Мұндай мәселеге байланысты қателікке жол беруге болмайды. Түптеп келгенде, Конс­титуцияға енгізілген өзгерістің бәрі – Парламенттің реформалануы, ауыл, аудан және қала әкімдерінің сайлануы, Ұлттық құрылтайдың құрылуы және, ең бастысы, заң үстемдігінің басымдыққа айналуы – осының барлығы саяси тоқырауға ұшырамауға сенімді кепілдік береді.Тағы бір сұрақ:“Елімізде мерзімінен бұрын парламент сайлауы бола ма? Бұл туралы қазір жиі айтыла бастады”.Бұған да Президент бүкпесіз жауап беріпті.– Мұндай болжамдар бар екенін білемін. Бұл ақпарат әдейі таратылып жатыр деп ойлаймын. Біздің елде жаңа Үкімет жұмысына кіріскен бетте оның отставкаға кететіні туралы әңгіме тарайды. Парламент туралы да дәл солай деуге болады. Мен Парламент депутаттары азаматтық және саяси жауапкершілік танытып, жақсы жұмыс істеп жатыр деп ойлаймын. Ал Үкімет – ауыс-түйіске бейім құрылым. Оның құрамында түрлі жағдайға, оның ішінде «Amanat» партиясының және Парламенттегі басқа да партиялардың ұстанымына байланысты өзгерістер болуы мүмкін.Меніңше, Парламент сайлауын мерзімінен бұрын өткізуге әзірге еш негіз жоқ. Сайлау заңда белгіленген мерзімдерге сәйкес өтеді. Парламент өзіне тиесілі мерзім аясында қызметін атқаруға құлықты. Ал Үкімет бекітілген бағдарламалар мен жоспарларға сәйкес әрекет етіп, оң нәтижеге жету үшін жұмыс істеп жатыр. Стратегиялық міндет – тұрақты әлеуметтік-экономикалық дамуды қамтамасыз ету, еліміздің өңірдегі көшбасшы мәртебесін нығайту”.Мемлекет басшысы бұдан да басқа бірталай өзекті мәселені ортаға салған. Нұртөре Жүсіп, Сенат депутатыФото: senate.parlam.kz

Қазақстан және Қызылорда облысының жаңалықтары