<a href="https://kyzylorda-news.kz/">Kyzylorda-news.kz</a> Облыстық табиғи ресурстар және табиғат пайдалануды реттеу басқармасы басшысының орынбасары М.Акбар мен бөлім басшысы Б. Балденов Арал ауданына арнайы келіп, теңіз ұлтанындағы жұмыстардың барысымен танысты.Осы жылы Арал теңізінің құрғаған ұлтанындағы 100 га жерге фитоорманмелиорациялық жұмыстары жоспарлануда, оның ішінде 15 мың га жерге сексеуіл көшетін отырғызу, 85 мың га жерге галофитті тұқымдар себу жұмыстары жүргізілмек.Сонымен қатар, ағымдағы жылы көктем айында 2024 жылғы егілген екпелердің шығымдылығы төмен алқаптардың 13250 га жеріне толықтыру жұмыстары жүргізілуде.Қазіргі таңда фитоорманмелиорациялық және көгалдандыру жұмыстарына қажетті сексеуіл мен саялы ағаш көшеттерін өсіретін 148 га уақытша орман тұқымбақтары ұйымдастырылуда.Фото: Облыстық табиғи ресурстар және табиғат пайдалануды реттеу басқармасы

Теңіз ұлтанындағы жұмыстар ұдайы бақылауда

<a href="https://kyzylorda-news.kz/">Kyzylorda-news.kz</a> Қызылорда қаласында жылу беру маусымы 7 сәуір күні аяқталады. Бұл туралы қала әкімдігінің баспасөз орталығында өткен брифингте қала әкімінің орынбасары Ғалымжан Еркебай баяндады.<blockquote>- Қызылордада күнтізбелік бес күн ішінде гирдрометеорологиялық қызмет тіркеген сыртқы ауаның орташа тәуліктік температурасы +10⁰ С және одан жоғары болған жағдайда қала әкімінің шешімімен жылу беру маусымы аяқталады. Биыл ол 7 сәуірге жоспарланып отыр, - деді Ғалымжан Бақтығалиұлы.&nbsp;</blockquote>Қаланың жылу жүйелеріне жоғарғы қысымды сынақтар 7 сәуір-7 мамыр аралығында жүргізіледі.<blockquote>- «Қызылордажылуэлектрорталығы» МКК-дағы жылу көздерінің негізгі қондырғылары &nbsp;штаттық режимде жұмыс істеуде. Яғни КОГТЭС-тегі №1,2,3 газотурбиналық қондырғы мен су қазандығы, ЖЭО-ның №6 бу қазандығы, турбогенератор №3, &nbsp;Оңтүстік қазандығы бойынша №3,6,7 бу қазандықтары, мөлтек аудандарда орналасқан 20 дана Автономды блок модульді қазандықтың 17-сі &nbsp;жұмыстарын атқаруда. Кәсіпорын тарапынан барлық қала тұрғындарына жылу энергиясы сапалы әрі тұрақты беріліп келеді, - деді «Қызылорда жылу электр орталығы» мекемесінің бөлім басшысы Хасанғали Иманғалиев.</blockquote>Жалпы, Қызылорда қаласы бойынша жылу желілерінің ұзындығы – 199, 05 шақырымды құрайды. Орталықтандырылған жылу жүйесіне 1 646 нысан қосылған. Биыл 6 жоба бойынша 8,7 шақырымды құрайтын магистралды және квартаралық жылу желілеріне қайта жаңғырту жұмыстары жүргізілетін болады.<img src="https://knadmin.beoblood.kz/uploads/Zhylu_beru_mausysy_brifing_cef7b0d048.jpg" alt="Жылу беру маусысы брифинг.jpg">Фото: Нұрболат Нұржаубай

Жылу желілерін жаңғырту жұмыстары жүргізіледі

<a href="https://kyzylorda-news.kz/">Kyzylorda-news.kz</a> Ел Президентінің Жарлығымен «2025 жыл – Жұмысшы мамандықтар жылы» деп жарияланды. Бұл бастама жұмысшы мамандардың қоғамдағы беделін арттырып, кәсіптік бағытты дамытуға мүмкіндік бермек. Бүгінде құрылыс, энергетика, өндіріс, сауда және ауыл шаруашылығы саласындағы қарапайым еңбеккерлердің жұмысы дәріптеліп, салаға қызығушылық танытқан жастардың жаңа толқыны қалыптасып келеді.Іс-шара жоспарындағы «Жұмысшы күні» жалпы республикалық жобасы аясында мектеп оқушылары мамандық бағыттары бойынша қаладағы ірі кәсіпорын мен мекеме базасына экскурсия жасап, өндіріс орындарының ішкі жұмысымен танысты.Мектеп оқушылары ең алдымен «Orda Glass LTD» ЖШС-нің шыны зауытында болып, қысқа уақытта қуатты кәсіпорынға айналған мекеменің жұмысын көрді. Шыны зауыты өткен жылы 6,7 млрд. теңгені құрайтын энергия үнемдейтін жаңа құрылғылармен толықтырылып, өндіріс көлемі 2 есеге артқан болатын.Оқушылар мұнан кейін ірі кәсіпорынның бірі - «Жан-Арай» ЖШС-нің күріш ақтау зауытына барды. Мұндағы техникалық мүмкіндіктер, өндіріске қажетті құрылғылармен қамтамасыз етілу және жұмыс процесі экскурсия мүшелеріне толық таныстырылып, жастар жұмысшы мамандарымен сұрақ-жауап алмасты.<img src="https://knadmin.beoblood.kz/uploads/Zhastar_ndiris_ornyn_aralady_62469db66b.jpg" alt="Жастар өндіріс орнын аралады.jpg"><img src="https://knadmin.beoblood.kz/uploads/Zhastar_ndiris_oryndaryn_aralady_2_3c490568be.jpg" alt="Жастар өндіріс орындарын аралады 2.jpg">Фото: Қызылорда қаласы әкімінің баспасөз қызметі

Оқушылар өндіріс орындарына экскурсия жасады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаевтың Катар еліне іссапары барысында еліміздің оңтүстік өңірлерінде электр энергиясының тапшылығын болдырмау үшін қуаттылығы 1100 МВт, құны 800 млрд теңге бу-газ қондырғысын салу келісілген болатын.Аталған жобаны жүзеге асыру үшін «Самұрық-Қазына» АҚ мен катарлық «Power International Holding» компаниялары арасында келісімге қол қойылып, жобаның техника-экономикалық негіздемесін әзірлеу жұмыстары басталуда.Аймақ басшысы Нұрлыбек Нәлібаевтың тапсырмасына сәйкес облыс әкімінің орынбасары Ардақ Зебешевтің төрағалығымен өткен мәжілісте станция құрылысына қатысты негізгі мәселелер талқыланды.Жиынға «Самұрық-Энерго» АҚ өкілдері, облыстық басқарма және жергілікті мекеме басшылары қатысып, бірқатар мәселе пысықталды.Станция құрылысы үшін 250 гектар жер телімі белгіленген.Жоба аясында «Қызылорда-Жезқазған» және «Қызылорда-Шымкент» бағытында 500 кВ жоғары қуатты электр желілері салынады.Өңірдің әлеуметтік-экономикалық дамуы жолындағы өте маңызды жоба еліміздің оңтүстік өңірлерінде электр энергиясының тапшылығын болдырмауға, республиканың энергетикалық қауіпсіздігін қамтамасыз етуге бағытталған.Бұл мегажобаны 2028 жылдың аяғына дейін толық іске асыру көзделген.Фото: Қызылорда облысы әкімінің баспасөз қызметі

Бу-газ қондырғысы құрылысына қатысты мәселелер талқыланды

<a href="https://kyzylorda-news.kz/">Kyzylorda-news.kz</a> Парламент Мәжілісінің депутаты, «AMANAT» партиясы фракциясының мүшесі Мархабат Жайымбетов мемлекет бақылауынан тыс қалған делдал компаниялар көмір бағасын шарықтатып, халықтың қалтасына ауырпалық салып отырғанын айтты. Ол мемлекет басшысының &nbsp;Жолдауында өнеркәсіп әлеуетін толық пайдалану үшін жан-жақты шаралар қабылдау қажеттігі туралы тапсырма бергенін еске сала отырып, көп жылдар бойы қалыптасып қалған көмірді делдалдар тізбектері арқылы сату жүйесін сынады, деп хабарлайды <a href="https://azattyq-ruhy.kz/society/87465-komir-kompaniialary-biudzhetti-1-mlrd-tengeden-kakty-amanat-deputattary-deldaldardyn-zhumysyn-katan-bakylauga-aludy-usyndy/amp">Azattyq Rýhy.</a><blockquote>«Делдал компаниялардың қоймалары да, көліктері де, өндірістік қуаттары да жоқ. Есесіне олардың басты қарулары – стол, компьютер және «атағы біраз жерге жететін жақсы есім». Олар көмірді екі есе қымбаттатып, қайта сатумен айналысып отыр. Мысалы, Шұбаркөл көмірі бастапқы бағасы 9 мыңнан сатылып, делдалдар арқылы соңғы тұтынушыға 25 000 теңге шығады. 2023 жылы екі ірі көмір өндіруші компания – Шұбаркөл Көмір мен Қаражыра – өз көмірінің 90 пайызын 20 делдал арқылы сатқан! Тағы бір үлкен мәселе, жыл сайын коммуналдық көмір үшін артық төлем сомасы 30 миллиард теңгеден асады. Ал, бұның зардабы мен салмағы ауылдағы көмір тұтынып отырған халыққа түседі деген сөз», - деді ол.</blockquote>Айтуынша, делдалдар арқылы өткізу көмір өндіруші компанияларға пайдалы қазбаларды өндіруге салынатын салық төлемдерін төмендетуге мүмкіндік береді (ХДПИ, көмір сатудан түскен табыстың 2,7% мөлшерінде алынады, сатудың жалпы құнының төмендеуі ХДПИ салық салынатын базасын қысқартады) және табыс салығын азайтады. Нәтижесінде өткен жылы мемлекеттік бюджет 1 миллиард теңгеге жуық салық алмаған.<blockquote>«Ашықтықты қамтамасыз ету үшін коммуналдық-тұрмыстық көмірдің кемінде 50% - ы тауар биржалары арқылы сатылуы тиіс. «Астана» биржасында көмір бірнеше секунд ішінде үлестес трейдерлерге кетті. Өз кезегінде, Шұбаркөл көмірі MTS деген жаңа биржаға көшті - Modern Trading Solutions (MTS). Онда аккредиттеудің шектен тыс шегі – 95 миллион теңге болып белгіленді. Монополияға қарсы органның араласуынан кейін бұл соманы 240 мың теңгеге дейін төмендетуге мүмкіндік туды. Алайда, бұл да көмектеспеді: тәуелсіз трейдерлер әртүрлі сылтаулармен бұғаттауды жалғастырды», - деді ол.</blockquote>Депутаттың мәліметінше, монополияға қарсы агенттік көмір өндіретін Шұбаркөл және Қаражыра компанияларын тексеруге бірнеше рет әрекет етті. Алайда, облыс бюджетінің негізгі доноры болған бұл компаниялар жергілікті соттардың шешімі толықтай тосқауыл жасады. Бас прокуратураның бастамасымен биржалық сауда-саттықтағы келісімдерді тексеру бір айдан кейін жабылды.<blockquote>«Ағымдағы жылдың қаңтарында Қаржылық мониторинг агенттігі MTS тауар биржасының лауазымды тұлғалары мен Шұбаркөлдегі бірқатар делдалдарға қатысты іс қозғаумен шектелді. Бірақ бұлар тәуелді адамдар, ал бұл схемалардың негізгі бенефициарлары, көмір өндірушілер бүгінде жауапкершіліктен тыс қалып отыр!», - деді депутат. &nbsp;</blockquote>Ол делдалдарсыз көмірді тікелей сатуды көздеген көмір операторларына қатысты тағы бір мәселені көтерді.<blockquote>«Соңғы 3 жыл ішінде аталған операторлардың саны үш есеге өскен. Бүгінгі таңда бүкіл ел бойынша 389 теміржол тұйығына бізде 545 операторлар бар. &nbsp;AMANAT партиясының тікелей араласуымен, біз бұл саланы ретке келтіруіміз керек! Көмірдің бағасы - бұл жеке тұлғалардың бизнес мүдделері ғана емес, бұл біздің азаматтарымыз үшін әділеттілік пен жылудың қол жетімділігіндегі мәселесі!», - деген депутат премьер-министр Олжас Бектеновке ұсыныстар жолдады:</blockquote><ul><li style="text-align:justify;">Әлеуметтік маңызы бар тауарлардың, соның ішінде көмірдің барлық көлемі саудаланатын мамандандырылған биржаны енгізу;</li><li style="text-align:justify;">Биржа арқылы тікелей көмір операторларына сатылатын көмірдің үлесін ұлғайту;</li><li style="text-align:justify;">Сыбайлас жемқорлық пен аты бар, заты жоқ компанияларды болдырмау үшін аймақтық көмір операторларының нақты критерийлерін анықтау;</li><li style="text-align:justify;">Көмір өндіретін кәсіпорындар мен олардың контрагенттеріне тұрақты салықтық тексерулер жүргізу.</li></ul><img src="https://knadmin.beoblood.kz/uploads/Marhabat_Zhajymbetov_deputatty_saual_3c66c8cf91.jpg" alt="Мархабат Жайымбетов депутаттық сауал.jpg">Фото: freepik.comҚР Парламенті

Мәжіліс депутаты делдалдардың жұмысын қатаң бақылауға алуды ұсынды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев қытайлық KCT компаниясы өкілдері Тан Хонгвей, Янь Тао, Ван Цээмен кездесті. Кездесуде газоблок немесе фиброцемент, әк зауыттарын ашу мәселесі талқыланды.Нұрлыбек Машбекұлы облыс әкімдігі &nbsp;зауыттарды орналастыратын жер телімдерін беруге, инженерлік инфрақұрылым жеткізіп, &nbsp;жан-жақты логистикалық қолдау көрсетуге дайын екендігін айтты.Мемлекет басшысының экономикаға отандық және шетелдік инвестиция тарту &nbsp;тапсырмасына сәйкес ҚР Сыртқы істер министрлігі, «Kazakh Invest» ҰК» АҚ мен Қазақстанның шетелдердегі елшіліктерінің қолдауымен өңірге &nbsp;инвестиция тарту мақсатында іссапарлар мен іс-шаралар ұйымдастырылуда. Өткен жылы бірқатар маңызды жоба қолға алынды. Қытай Халық Республикасында өткен ІІІ Қазақстан-Қытай өңіраралық ынтымақтастық форумы аясында кірпіш зауытын салу туралы келісімге қол жеткізілді. Нәтижесінде құны 5 млрд. теңгені құрайтын, қуаттылығы 90 млн. дана кірпіш өндіретін &nbsp;зауыт құрылысы жүргізілуде. Зауыт 70 адамды жұмыспен қамтиды, мамыр айында іске қосылады деп жоспарланған.Сонымен қатар, облыс делегациясының Испанияға іссапары кезінде испандық компаниямен келіссөз жүргізіліп, &nbsp;санфаянс өндірісін орналастыру &nbsp;жұмыстары басталды. Жоба құны шамамен 70 млн. АҚШ доллары. Биыл компания өкілдері облысқа жұмыс сапарымен келіп, қажетті шикізат және инфрақұрылым жеткізуші мекеме басшыларымен кездесті. Бірлескен жұмыс қорытындысында компания басшылары ҚР Премьер-министрі Олжас Бектеновпен кездесіп, өндіріс орнын Қызылорда облысында ашу мәселесі талқыланды.Мұнан бөлек, биыл кореялық «With You E&amp;C» компаниясы өкілдерімен қатты тұрмыстық қалдықты сұрыптау және қайта өңдеу зауытының II кезеңі – «Қоқысты өртеу арқылы электр энергиясын өндіру зауытының» құрылысы бойынша үшжақты меморандумға қол қойылды. Құны 25 млрд. теңге болатын бұл зауытта қоқысты өртеу арқылы 20 МВт-қа дейін электр энергиясы өндіріледі.<img src="https://knadmin.beoblood.kz/uploads/Oblys_kimi_kezdesu_2_fad1dadd02.jpg" alt="Облыс әкімі кездесу 2.jpg"><img src="https://knadmin.beoblood.kz/uploads/Oblys_kimi_kezdesu_3_2b3dfce2d2.jpg" alt="Облыс әкімі кездесу 3.jpg">Фото: Қызылорда облысы әкімінің баспасөз қызметі

Жаңа зауыт ашу мәселесі қаралды

<a href="https://kyzylorda-news.kz/">Kyzylorda-news.kz</a>&nbsp; Мәлім болғандай, экс-шенеунік Қуандық Бишімбаевтың анасы немерелеріне алимент төлеуден бас тартқан. Бұл туралы Бишімбаевтың бұрынғы әйелі Назым Қаһарман Instagram-дағы парақшасында айтты, деп хабарлайды <a href="https://baq.kz/bishimbaevtyn-otbasy-onyn-balalaryna-aliment-toleuden-bas-tartty-200010925/">BAQ.KZ</a>."Қуандық өзі төлесін" &nbsp;Назым Қаһарманның айтуынша, 30 наурызда Бишімбаевтар отбасының адвокаты байланысқа шығып, Қуандықтың анасы алимент төлемейтінін жеткізген. Себебі ретінде "басқа шығындар көп, ал балалар бізбен араласпайды" деген уәж айтылған.30 наурызда адвокат: "Қуаныдықтың анасы алимент төлеуден және басқа да міндеттемелерден бас тартты" деп хабарлады. Себебі – "атасына ақша керек, басқа да шығындар бар, ал балалар бізбен араласпайды. Қуандық өзі төлесін" деген шешімге келген, - дейді Бишімбаевтың бұрынғы әйелі.Сөзінше, Қуандық Бишімбаевтың өзі сол адвокаттан алимент төлеуге қарсы емес екенін айтып жіберген. Бірақ оның барлық мүлкі анасының атына тіркелгенін алға тартқан.Ал анасы немерелеріне ақша төлеуге құлықсыз немесе қаржыны үшінші тұлғаларға аударып жіберген болуы мүмкін. Ол (Қуандық Бишімбаев – ред.) алимент төлеу үшін мекемеде (жазасын өтеп отырған – ред.) жұмыс тапқанша күте тұруды сұрап отыр, - дейді Назым Қаһарман.Әже мен немере диалогыНазым Қаһарманның айтуынша, Бишімбаевтың қызы Рания мектеп ақысын төлей алмауына байланысты сүйікті оқу орнын тастауға мәжбүр екенін білгенде, әжесіне өзі хабарласқан. Алайда әжесі күтпеген жауап айтқан.Қуандықтың анасы қызыма "Бұл шындыққа жанаспайды, сендерге жалған ақпарат жеткізген, бізбен араларыңды одан әрі ушықтыру үшін. Біз сендермен араласқымыз келеді… Бізге қолдау керек…" деп айтқан, - дейді Бишімбаевтың бұрынғы әйелі.Ол мұны "жоғары деңгейдегі манипуляция" деп бағалап, бұл әңгіменің барлығы видеоға жазылғанын мәлімдеді.Қазіргі уақытта іс бойынша Жоғарғы соттың шешімі күтілуде.Фото: Жоғарғы сот

Бишімбаевтың отбасы оның балаларына алимент төлеуден бас тартты

<a href="https://kyzylorda-news.kz/">Kyzylorda-news.kz</a>&nbsp; Алматыда 2 сәуірде жүк көлігі жая жүргіншілер өткелінен қағып кетіп, көз жұмған&nbsp;7 жасар Айзеренің жерлеу рәсімі өтті. Жақындарының айтуынша, балдырған өзінің 8-ге толатын туған күнін күтіп жүрген. Бұл туралы <a href="https://stan.kz/tugan-kunin-kutip-zhurgen-almatida-zhuk-koligi-kagip-ke-415943/">Stan.kz</a> ақпарат агенттігі хабарлады.&nbsp;Алатау ауданында болған оқыс оқиғадан кейін желіде қызды жерлеу рәсімінің видеосы пайда болды.&nbsp;&nbsp;Қыздың отбасы қайғылы оқиғаға автобус жүргізушісін кінәлап, жазалауды талап етті. Айтуларынша,&nbsp;бұл жағдай соның әрекеттерінен болып отыр.<blockquote>"Автобус жүргізушісін жазалауға жұртшылықтың назарын аударғымыз келеді. Ол жол-көлік оқиғасын тудырды", - деді қайтыс болған қыздың ағасы.</blockquote>Айзеренің ағасының айтуынша, ол үш аптадан кейін сегіз жасқа толар еді. Балдырған өзінің туған күнін күтіп жүрген.Фото: Видео кадрларынан скрин

"Туған күнін күтіп жүрген": Алматыда жүк көлігі қағып кеткен 7 жасар Айзерені жерлеу рәсімі өтті

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясы Қызылорда облыстық филиалы өз қызметкерлерін таныстыруды бастадық. Арнайы айдарымыздың алғашқы кейіпкері – Ізтелеуова Индира Жұбанышбайқызы.Индира Жұбанышбайқызы 10 жылдан астам уақыт мемлекеттік қызметтерді көрсетіп келеді. Оның негізгі міндеті – қағаз жүзінде қабылданған құжаттарды тексеріп, өңдеу. Күн сайын 100-ден аса құжатпен жұмыс жасайтын жауапты маман өз ісіне аса мұқият қарап, халыққа сапалы қызмет көрсетуге барын салуда.Қызметімен қатар, ол – төрт баланың анасы, отбасылық өмір мен жұмысты қатар алып жүретін жан. Өзінің еңбекқорлығы мен кәсібилігінің арқасында әріптестері арасында құрметке ие.

Халыққа қызмет – абыройлы міндет

<a href="https://kyzylorda-news.kz/">Kyzylorda-news.kz</a> Азаматтарға арналған үкімет мемлекеттік корпарациясы КЕАҚ Қызылорда облысы бойынша филиалы зейнеткерлік, неке, сәбидін туу туралы куәлігін салтанатты түрде табыстауда.Туу туралы куәлікке өтініштеріңізді <a href="https://kaspi.kz/">Kaspi.kz</a> қосымшасы арқылы, eGov mobile, <a href="https://egov.kz/">eGov.kz</a> порталы арқылы және Халыққа қызмет көрсету орталығына бару арқылы рәсімдей аласыз.Салтанатты туу туралы куәлікті табыстау рәсімі музыкалық сүйемелдеу арқылы С.Бейбарыс 1А мекенжайында орналасқан “Отбасы орталығының” үлкен сәулетті залында өткізілуде.Фото: ХҚКО

Жаңа өмірдің бастамасы – бізбен бірге!

<a href="https://kyzylorda-news.kz/">Kyzylorda-news.kz</a> Бүгін Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлының, ішкі істер органдары ардагерлерінің, департаменттің және қалалық полиция басқармасы жеке құрамының қатысуымен жазғы киім үлгісіне ауысу рәсіміне арналған саптық байқау өтті, деп хабарлайды <a href="https://www.facebook.com/qyzylorda.pd?__tn__=-UC*F">Qyzylorda PD</a>.Қызылорда қаласындағы Тағзым алаңында жеке құрам саптық байқауға тұрғызылды. Саптық байқауды Арнайы және жұмылдыру даярлық басқармасының бастығы полиция полковнигі Балдақов Марат басқарды.Саптық байқау барысында қызметкерлердің сыртқы түр-сипаты, үлгілік киімі, қызметтік куәліктерінің, айырым белгілерінің талаптарға сай болуы тексерілді. Сондай-ақ, полиция қызметкерлерінің ұқыптылығы мен жинақылығы, шаш үлгісі, киімінің мұнтаздай тазалығы басты назарға алынды.Одан әрі саптық байқау жас қызметкерлердің ант қабылдау рәсіміне ұласты. Полиция қатарына жаңа қосылған 20 жас маман қызметті адал және абыроймен атқаруға, Қазақстан Республикасы азаматтарының құқығы мен бостандықтарын қорғауға салтанатты түрде ант берді. Полиция департаменті бастығының орынбасары полиция полковнигі Омаров Оралбек полиция қызметкерлерінің қатарын толықтырған әскери қызметкерлерді ант қабылдауларымен құттықтап, оларға сәттілік тіледі. Жас буынды айтулы күндерімен ішкі істер органдары ардагерлерінің атынан Қалалық ардагерлер кеңесінің төрағасы Алмағанбетов Жақсылық құттықтап, азаматтық борыштарын абыроймен атқаруларына тілектестік білдіріп, ыстық ықыласын жеткізді.Жазғы киімге ауысу рәсіміне арналған жиын қызметкерлердің шеруімен аяқталды.Фото: Qyzylorda PD

Қызылордалық полицейлер жазғы киім үлгісіне көшті

<a href="https://kyzylorda-news.kz/">Kyzylorda-news.kz</a> ЖАСҰО Бас директоры Болатбек Айтбаев ZOOM режимінде өткізген онлайн-кездесуге еліміздің 18 өңірінен жоғары сыныптың &nbsp;4 000-нан астам оқушысы мен кейбір өңірлерде олардың ата-аналары да қатысты.Болтабек Қобланбекұлы қатысушыларды 2025-2026 оқу жылындағы қабылдау ережелерімен, "Көлік құрылысы" мамандығына бөлінетін мемлекеттік гранттар санымен, оқуға түсу ерекшеліктерімен, факультеттермен және мамандықтармен, оқу шарттарымен және мансаптық өсу мүмкіндіктерін таныстырды. Спикер түлектердің келешекте жұмысқа орналастыру және оқу кезеңінде студенттердің өзін-өзі дамытатын мүмкіндіктерін әңгімеледі.Түлектерге Қазақстанның автожол ЖОО-да оқудың артықшылықтары туралы мәлімет &nbsp;берілді.Биылғы оқу жылына мемлекет "Көлік құрылысы" білім беру бағдарламалары тобына 700-ден астам грант бөлді. &nbsp;Оқуға түсу үшін бейіндік пәндер-математика және физика жіне 50 балмен өту мүмкіндігі қарастырылған.Анықтама үшін: Жол активтері сапасының ұлттық орталығы жыл сайын жастарға кәсіптік бағдар беру жұмыстарын жүргізеді. Кәсіпорында студенттер ақылы өндірістік практикадан өтеді (80 мың теңге./ ай.). &nbsp;243 студент ЖАСҰО-да тәжірибеден өтті, оның 19-ы кәсіпорынға жұмысқа орналасты. &nbsp;ЖАСҰО қызметкерлері кәсіптік бағдар беру бағытында оқушылармен 7500-ден астам кездесу өткізді. Астана және Алматы қалаларының РФММ, BINOM SCHOOL меморандумдарға қол қойды. &nbsp;Сапа орталығының зертханаларында оқушылар үшін Ашық есік күндері үнемі өткізіледі. Онда іс жүзінде балаларға жолдың жай-күйі қалай анықталатыны көрсетіледі.<img src="https://knadmin.beoblood.kz/uploads/Bir_mezette_4_my_nan_asa_o_ushy_a_mamandy_ta_dauda_k_sibi_ba_dar_berildi_19b3c8f524.jpg" alt="Бір мезетте 4 мыңнан аса оқушыға мамандық таңдауда кәсіби бағдар берілді.jpg"><img src="https://knadmin.beoblood.kz/uploads/1_Bir_mezette_4_my_nan_asa_o_ushy_a_mamandy_ta_dauda_k_sibi_ba_dar_berildi_0278e57b72.jpg" alt="1 Бір мезетте 4 мыңнан аса оқушыға мамандық таңдауда кәсіби бағдар берілді.jpg">Фото: freepik.com

Қазақстан және Қызылорда облысының жаңалықтары