<a href="https://kyzylorda-news.kz/">Kyzylorda-news.kz</a> Облыстық табиғи монополияларды реттеу департаменті 53 қызмет түрі бойынша 33 табиғи монополия субъектілерінің жұмысын реттейді. Олар өткен жылы электр энергиясы және газбен жабдықтау саласындағы 4 қоғамдық маңызы бар нарық субъектілеріне қатысты баға белгілеу функцияларын жүзеге асырған. Бүгін Өңірлік коммуникациялар қызметінің ақпарат алаңында департамент басшысы Айбек Егембергенов өткен жылы салада атқарылған жұмыстарды қорытындылап, алдағы жоспарлармен бөлісті.<blockquote>– 2023 жылы басталған «Тарифті инвестицияға айырбастау» бағдарламасы аясында өткен жылы 4 субъектінің тарифтері қайта қаралып, тұтынушыларға тиісті қаржы қайтарылды. Сонымен бірге, бекітілген тарифтік сметалары мен инвестициялық бағдарламалардың орындалуына талдау бойынша 14 субъектіге 20 қызмет түрімен уақытша өтемдік тарифтер бекітіліп, қолданыстағы тарифтер 0,04% - 47,7 % аралығында төмендетілді. Алдағы уақытта табиғи монополия субъектілері өткен жылы статистика деректері бойынша қалыптасқан өңірдегі экономикалық қызмет түрлері бойынша бір қызметкердің орташа айлық номиналды жалақысының өзгеруі, стратегиялық тауарлар құнының өзгеруі және мүлікті сенімгерлік басқаруға беру жоспарына сәйкес жергілікті атқарушы органдардан сенімгерлік басқаруға алуы негіздерімен тарифтерін өзгертеді. Сондай-ақ, су ресурстарын тұтыну мәдениетін арттыру және тұтынушыларды су мен жылу үнемдеуге ынталандыру үшін табиғи монополиялар туралы заңнамаға «Тұтынудың әлеуметтік нормалары» ұғымы енгізілді. Олар жоғарыда аталған қағидат бойынша сумен жабдықтау және жылумен жабдықтау қызметтерін тұтыну көлеміне байланысты жоғары тарифтерді белгілеуге бағытталған. 1 қаңтардан бастап «Теміржолсу-Қызылорда» ЖШС-і жылумен жабдықтау қызметтеріне бекітілген сараланған тарифтермен жұмыс жасауда. Қазіргі таңда департаментпен «Қызылорда су жүйесі» МКК-ны сумен жабдықтау қызметіне тарифтерді және тарифтік сметаларды 2025-2030 жылдарға бекітуге және «Қызылордажылуэлектрорталығы» МКК-ның «Қазалы-Теміржолжылу» филиалынан жылумен жабдықтау қызметтеріне тарифтерді және тарифтік сметаларды бекітуге ұсынған өтінімдерінде тұтынудың әлеуметтік нормалары ескерілген,-деді Айбек Асылханұлы.</blockquote><img src="https://knadmin.beoblood.kz/uploads/tarif_124c22d4f5.jpg" alt="тариф.jpg">Фото: Нұрболат Нұржаубай

 «Тарифті инвестицияға айырбастау» бағдарламасы бойынша іс-шараларға өзгерістер енгізілді

<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы Қуаныш Ахметқалиев Бесарық ауылына барып, ұстаздар және мектеп оқушыларымен кездесті.Алдымен, департамент басшысы елді мекендегі жаңадан салынған спорт кешені жұмысымен танысты. Сырдария ауданының әкімі Берік Сәрменбаев және Қызылорда облысының құрылыс, сәулет және қала құрылысы басқармасының басшысы Ерлан Төрәлиев спорттық нысанның жұмыс барысы туралы айтты.Республикалық «Тәртіпті өзіңнен баста» акциясы аясындағы кездесуде департамент басшысы Қуаныш Ахметқалиев жемқорлықтың алдын алу және жолын кесу шаралары туралы ақпарат беріп, сыбайластыққа қатысты жауапкершілік күшейтіліп жатқанын жеткізді. Жастар сапалы білім алса, жемқорлыққа жол берілмейтінін атап өтті.Өз кезегінде сала ардагері Бақытжан Ниязов республика көлемінде «Заң мен тәртіп» қағидаты негізінде «Тәртіпті өзіңнен баста» акциясы жүргізіліліп жатқанын, оның мақсаты – азаматтарды жемқорлыққа қарсы заңнаманы сақтауға ынталандыру және мемлекеттік органдарға деген сенімді арттыру екеніне тоқталды.Кездесу барысында аудан басшысы жемқорлықпен қоғам болып күресу керектігін атады.– Кез келген өркениетті қоғам үшін сыбайлас жемқорлықпен күрес – ең өзекті мәселелердің бірі. Барлық күш-жігерімізді біріктіріп, қоғам дертімен күресуіміз қажет. Сондықтан барлығыңызды жұмыла жұмыс жасауға шақырамын, - деді Берік Әбдіғаппарұлы.Кездесуде оқушылардың сұрақтарына жауап беріп, естелік суретке түсті.Фото: Сырдария ауданы әкімінің баспасөз қызметі

Республикалық акция аясында оқушылармен кездесу өтті

<a href="https://kyzylorda-news.kz/">Kyzylorda-news.kz</a> &nbsp;2024 жылы Қызылорда облысының соттарына 22733 талап қою түскен. Талап қоюлардың басым көпшілігі неке және отбасы дауы, жер дауы, залал өндіру санаттары бойынша. Республикада азаматтық істер бойынша медиация қолдану бойынша көрсеткіші 43,1 құраса, Қызылорда облысында 40%, бұл деңгейдің төмендегенін көрсетеді.Бұл туралы Қызылорда облыстық сотының азаматтық істер жөніндегі сот алқасы төрағасының міндетін атқарушы Светлана Жуынтаева баяндады.<blockquote>– Дау мұраты – біту. Алайда, сотқа келген тараптар өзара ымыраға келіп, дауды татуластыру жолымен аяқтауға онша ынта таныта қоймайды. Мұның өздері үшін де тиімсіз екенін түсіну қажет. Себебі, сот шешімінің орындалу барысында қиындықтар кездеседі, тіптен орындалмай қалуы да мүмкін. Өзгерістер де орын алуы ғажап емес. 2025 жылдың 1 шілдесінен бастап, елордада үш дербес кассациялық сот жұмыс істейді. Азаматтық істерді қарайтын кассациялық сотқа сот шешімі заңды күшіне енген соң алты ай ішінде кассациялық шағым беріледі. Кассациялық соттарда 2027 жылдың 1 шілдесінедейін жеке тұлғалар үшін талап қою сомасы 2000есептік көрсеткішке дейінгі, заңды тұлғалар үшін 30000 айлық есептік көрсеткішке дейінгі істер қаралады. 2027 жылдың 1 шілдесінен бастап бұл ерекшеліктер алынып тасталып, азаматтық істердің барлығы кассациялық соттарда қарауға жатады,- деді Светлана Нағашыбайқызы.</blockquote>Қылмыстық істерді қарау сапасы 2023 жылмен салыстырғанда 1,7 пайызға жақсарған.<blockquote>– Өткен жылы аппеляция, кассация сатысында күші жойылып, өзгертілгендер 4,9 пайызды құрайды, республикалық көрсеткіш - 5,9 пайыз болатын болса, 2023 жылы апелляция, кассация сатысында күші жойылып, өзгертілгендер 6,6 пайызды құраған. Ақтау үкімдеріне тоқтала кетсек. 2023 жылы 9 ақтау үкімі болды. 2024 жылы ақтау үкімі 5 адамды құрап отыр. Яғни, ақтау үкімінің біршама азайғанын айтуға негіз бар,- деді Қызылорда облыстық сотының қылмыстық істер жөніндегі сот алқасының төрағасы Жанат Бекжанов.</blockquote>Әкімшілік істер жөніндегі сот алқасының сот төрелігін жүргізу сапасын көтеруге жұмыс жүргізілмек.&nbsp;<blockquote>– Біркелкі сот практикасының сақталуын қамтамасыз етіп, талаптардың негізсіз қайтарылуын болдырмауға жұмыс істейтін боламыз. Әкімшілік рәсімдер мен әкімшілік актілердің біркелкілігін қамтамасыз ету мақсатында мемлекеттік органдармен жұмыс жалғасатын болады - деді облыстық соттың судьясы Шолпан Маликова.</blockquote><img src="https://knadmin.beoblood.kz/uploads/borifing_sud_66c83d13f3.webp" alt="брифинг суд.webp">Фото: Нұрболат Нұржаубай

Сот алқасының шешімімен 358 іс татуласу ісімен аяқталған	

<a href="https://kyzylorda-news.kz/">Kyzylorda-news.kz</a> Ұлы Жеңістің 80 жылдығына орай Арал ауданы орталығында алғаш рет «Алғашқы әскери және технологиялық дайындық» пәні оқытушылары арасында волейболдан облыстық біріншілік басталды.Тартысты доданың ашылу салтанатына аудан әкімінің орынбасары Н. Бохаев, облыстық тәрбие, спорт және қосымша білім беру орталығының спорт бөлімінің басшысы Б. Танымбетов, сондай-ақ аудандық білім бөлімінің басшысы С. Жанназарова қатысты.Спорттық шарада алғы сөз алған аудан әкімінің орынбасары жас ұрпаққа патриоттық тәрбие беріп, салауатты өмір салтын насихаттап жүрген ұстаздардың еңбегін ерекше атап өтіп, жарыс жолдарына сәттілік тіледі.<blockquote>- Биыл ауданымызда алғаш рет «Алғашқы әскери және технологиялық дайындық» пәні ұстаздары арасында волейболдан жарыс өтуде. Байрақты бәсекеге Сыр өңірінің барлық аудандары мен Қызылорда қаласынан жиналған 8 команда қатысып, өзара мықтыны анықтауда. Баршаңызды теңізді өлкенің киелі топырағына келулеріңізбен құттықтаймын. Бүгінгі біріншілік Ұлы Жеңістің 80 жылдығына арналған. Аладоп бәсекесі майдан даласында ерлікпен қаза болған батыр-жауынгерлердің рухына тағзым ету мақсатында ұйымдастырылып отыр. Осы орайда, тарихи датаға байланысты жыл бойы түрлі іс-шаралар легі жалғасатын болады. Бүгінде өңіріміз өркенді өзгерістер мен жаңа жобалар қанат жайған мерейлі мекенге айналды. Ауданда көлемінде ауқымды жобалар жүзеге асырылып, тың бастамалар қолға алынуда. Спорт саласын дамыту және жас ұрпақты елжандылыққа тәрбиелеуде Сіздер – педагогтардың үлесі зор. Бұл сайыс өзара достықты нығайтып, әріптестік қарым-қатынасты күшейте түседі деп сенемін. Ал, нағыз жүйріктер жарыс барысында топ жарып, жеңіс тұғырынан көріне берсін!» - деді Н. Бохаев.</blockquote>Мұнан соң, облыстық тәрбие, спорт және қосымша білім беру орталығының спорт бөлімінің басшысы Б. Танымбетов қатысушыларды айтулы турнирдің басталуымен құттықтап, ойыншыларға сәттілік тіледі.Айта кетейік, облыс біріншілігіне Сыр өңіріне қарасты барлық аудандар мен Қызылорда қаласынан келген спортшы-ұстаздардан құралған 8 команда қатысып, тартысты ойын өрнегін көрсетуде. Ойын барысында шеберлігімен ерекшеленіп, командасына жеңіс сыйлаған қатысушылар арнайы марапатқа ие болды.Жарыстың басынан-ақ сенімді ойын үлгісін көрсеткен Жаңақорған ауданының командасы бас жүлдені иеленіп, біріншілік жеңімпазы атанды. Арал ауданының ұстаздары жүлделі екінші орынға ие болса, Қызылорда қаласы мен Шиелі ауданының құрамалары үздік үштікті қорытындылады.Сонымен қатар, жарыс барысында ерекше шеберлігімен көзге түскен ойыншылар арнайы номинациялармен марапатталды. Жарыс жеңімпаздарына дипломдар мен естелік сыйлықтар табысталды.<img src="https://knadmin.beoblood.kz/uploads/Vollejbol_46_f55089cfe2.png" alt="Воллейбол (46).png"><img src="https://knadmin.beoblood.kz/uploads/Vollejbol_47_b837917793.png" alt="Воллейбол (47).png">Фото: Арал ауданы әкімінің баспасөз қызметі

Воллейболдан облыс біріншілігі өтті

<a href="https://kyzylorda-news.kz/">Kyzylorda-news.kz</a> Қызылорда облысы Шиелі ауданында екі күн ауырған он айлық сәби ауруханада көз жұмды. Кішкентай қыздың ата-анасы қайғылы оқиғаға дер кезінде көмек көрсетпеген дәрігерлерді кінәлайды.&nbsp;Бұл туралы&nbsp;<a href="https://stan.kz/suik-palataga-zhatkizip-karamay-koydi-kizilordada-10-ay-413094/">Stan.kz</a>&nbsp;ақпарат агенттігі 31-арнаның Информбюро жаңалықтар бағдарламасына сілтеме жасап&nbsp;хабарлайды.Қызылордалық ата-ана бірге толмаған қызының&nbsp;ауруы асқынып, ауруханаға барғандарын айтады. Сөздерінше, өлім аузында жатқан бүлдіршінге ақ халаттылар салғырт қараған. Тек қызуын түсіретін дәрі беріп, суық палатада жатқызып қойды дейді. Сондықтан&nbsp;отбасы кінәлі мамандардың жазаланғанын талап етеді.Сап-сау жүрген Айлин бір апта бұрын қызуы көтеріліп, қайта-қайта лоқси берген. Айтуларынша, сол сәтте жедел жәрдем алғашқы көмек көрсеткен. Бәрі қалыпқа келгендей болғанымен, екінші күні түнде ауруы қайта асқыныпты.<blockquote>“Бала терлеу керек деді. Мына мұздай палатының ішінде қайтып терлейді десем, “орап жатыңыз” дейді. Бір кезде жарты сағат өткен соң қызымның ерні көгеріп, қол-аяғы мұздай бастады. Ентіге бастады. Осыны дәрігерге айтып едім, “орап жатыңыз, қанша бала жатыр. Мен қайсына қараймын?” деп қайтарып жіберді”, –&nbsp;деді сәбидің анасы Мөлдір Дүйсенбі.</blockquote>Мөлдір Дүйсенбінің сөзінше, баланың жағдайы нашарлағанына қарамастан, ол&nbsp;ұзақ уақыт&nbsp;суық палатада жатқан. Тек &nbsp;есінен танған сәтте&nbsp;жансақтау бөліміне апарыпты.Қайғылы оқиғадан кейін дәрігерлер&nbsp;отбасыға келіп кешірім&nbsp;сұраған екен.<blockquote>“5-6 дәрігер үйге келді. Кешірім сұрады. Екінші күні Ерлан есімді маман тағы кешірім сұрап келді. Жұмыстарына немқұрайлы қарағаны үшін жауапты адамдардың жауапкершілікке тартылуын сұраймыз. Біз бұлай қалдырмаймыз”, –&nbsp;деді баланың әкесі Қазбек Шәріпбеков.</blockquote>Аудандық аурухананың басшылары 10 айлық Айлин Бекмағанбет нақты қандай аурудан көз жұмғаны әзірге белгісіз деп отыр. Емдеу мекемесінде болған жайтты медициналық және фармацевтикалық бақылау департаментінің мамандары тексеріп жатыр екен.<blockquote>“Науқас таңғы сағат 5-те қабылдау бөліміне келіп түскен. Қабылдау бөлімінде тиісті медициналық көмек көрсетілген. Қазіргі таңда қайтыс болу фактісі туралы қызметтік тексеріс жүргізіліп жатыр. Нәтижесіне байланысты тиісті шаралар қабылданады”, –&nbsp;деді Шиелі аудандық көпбейінді ауруханасы бас дәрігерінің орынбасары Гүлназира Сүлейменова.</blockquote>Ата-ана прокуратураға шағым түсірген. Олар кішкентай бүлдіршінді емдей алмай, ісіне салғырт қараған ақ халаттылардың жазаланғанын қалайды.Фото: Видеодан скриншот

"Суық палатаға жатқызып, қарамай қойды": Қызылордада 10 айлық сәби ауруханада көз жұмды

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен актив отырысы өтіп, орын алған кадрлық өзгерістер жөнінде айтылды.Бұған дейін аудандық сот төрағасы қызметін абыройлы атқарып, ел сенімінен шығып келген Камшат Әшімқызы Садуақасова басқа лауазымға тағайындалып, Президент Жарлығымен аудандық сот төрағасы қызметіне Руслан Темірханұлы Алдамбергенов тағайындалды.Жаңадан тағайындалған аудандық сот төрағасын Қызылорда облыстық сотының қылмыстық істер жөніндегі сот алқасының төрағасы Жанат Бекжанов таныстырып, ұзақ жыл ел сеніміне лайық болып, өз міндетін адал әрі абыройлы атқарған Кәмшат Әшімқызына ерекше ризашылығын білдірді.<blockquote>«Камшат Әшімқызын өздеріңіз жақсы білесіздер. Аудандағы қызметін 2019 жылы бастап, абыроймен атқарып келді. Заң мен тәртіп қағидатын негізгі басшылыққа алған Камшат Әшімқызы осы кезге дейін көптеген мәселелерге аса сергек қарап, сот шешімінде әділдік орната білді деп есептеймін. Сонымен қатар аудандағы сот жүйесінің дамуына, ашықтығы мен әділдігіне айрықша үлес қосып, өзінің кәсіби біліктілігін көрсете білді», деген аудан әкімі ауданның ең жоғарғы марапаты «Құрмет грамотасын» табыстап, сый-құрмет көрсетті.</blockquote>Сөз кезегін алған К.Сәдуақасова қызмет атқарған жылдар ішінде көптеген мәселеде бірге жұмыс істеген барша аралдыққа айрықша алғысын жеткізіп, ыстық ықыласын білдірді.Арал аудандық сотының төрағасы қызметіне жаңадан тағайындалған Руслан Темірханұлы жауапкершілігі мол жұмысты сеніп тапсырған жоғарғы сот билігіне алғысын жеткізіп, барша аралдық азаматтарды бір мүдде жолында тізе қосып, бірге жұмыс істеуге шақырды.Елдегі әрбір бастамаға тілекші болып, игі жұмыстарға куә болып келе жатқан ауданның зиялы қауым өкілдері Н.Оспанов пен А.Жоланов қызмет ауыстырып жатқан азаматтарға ерекше ризашылығын жеткізіп, батасын берді.Арал аудандық сотының судьясы Гүлсара Маратқызы бірге жұмыс істеп, әріптес болған К.Садуақасоваға әріптестер атынан алғыс білдіріп, құрмет көрсетті.Жиын барысында Қызылорда облыстық сотының қылмыстық істер жөніндегі сот алқасының төрағасы Жанат Бекжанов өткен жыл қорытындысымен аймақта сот саласы бойынша атқарылған жұмыстарға қысқаша тоқталды.Арал ауданы әкімінің баспасөз қызметі

Арал аудандық сотының жаңа төрағасы тағайындалды

<a href="https://kyzylorda-news.kz/">Kyzylorda-news.kz</a> «Таза Қазақстан» республикалық экологиялық бағдарламасы аясында санитарлық тазалық, абаттандыру және тұрғындардың өмір сүруіне қолайлы жағдай жасау мақсатында аудандық жоспар бекітіліп, кешенді жұмыс жүргізілуде.Аудан әкімі Айтбай Жандарбеков кент орталығын тазалық, абаттандыруға арналған арнайы техникалардың жағдайымен танысты.Аудан әкімі кездесу барысында арнайы алынған техникалар «Қажеттілікті қамтамасыз ету жолында үздіксіз жұмыстар жасалу керек. Сонымен қатар, «Таза Қазақстан!» акциясы - тек айналаны тазарту ғана емес, экологиялық мәдениетті қалыптастыру бағытындағы маңызды қадам. Қоғамдық орындарда тазалық жұмыстары ұйымдастырылып, халық арасында экологиялық насихат жүргізуді жандандыру қажет. «Тазалық - баршаға ортақ іс. Туған өлкеміздің тазалығы өзімізге тығыз байланысты. Осыған орай акция басталған уақыттан бері ауданымызда ауқымды жұмыстар жасалып жатыр.<blockquote>«Екі жыл қатарынан облыста ұйымдастырылған «Үлгілі елдімекен» байқауында Шиелі кенті «Үлгілі аудан орталығы» деп танылып, техникалық көліктермен қамтамасыз етілді. Бұл жүйелі жұмыстардың нәтижесі» - деді аудан әкімі.</blockquote>Фото: Шиелі ауданы әкімдігі

Айтбай Жандарбеков: "Таза Қазақстан" бағдарламасы аясында атқарылып жатқан жүмыстар жүйелі

<a href="https://kyzylorda-news.kz/">Kyzylorda-news.kz</a> Шиелі ауданы әкімдігінің мәжіліс залында аудан әкімі Айтбай Жандарбеков кәсіпкерлермен кездесу өткізді.Кездесуде шағын және орта кәсіпкерлікті дамыту бағытында атқарылған жұмыстар, аудан орталығы ғимараттарының архитектуралық келбеті мен кәсіпкерлік нысандардың құрылыс мәселелері және заңдылығы, жер иелену заңдылықтары туралы мәселері қаралды. Сонымен қатар кәсіпкерлік салада өзекті мәселелердің бірі салық жүйесі айтылды.Аудан басшысы бүгінгі кездесудің маңызына тоқталып, «Аймақ басшысының аппараттық мәжілістерінде беріліп жүрген тапсырмаларының бірі қоршаған ортаның оның ішінде тұрғындардың өмір сапасын жақсарту мақсатында қаланың, кенттің, елдімекеннің тазалығы және сәні мен ажары, осыны іске асыру жолында кәсіпкерлердің үлесі зор.&nbsp;Кәсіпкерлігі дамыған Шиелі ауданында кәсіп бастаймын деген азаматтарға жан-жақты қолдау көрсетілетіндігін айтты.&nbsp; Мұнымен қоса түрлі мемлекеттік бағдарламалар арқылы кәсіпкерлерді қолдау мақсатында несие грант қаражаттары беріліп жатқандығын айтты.Сондай-ақ аудан кәсіпкерлеріне салық нормалары мен кассалық аппараттар орнату, белгіленбеген орында сауда-саттық жасамау туралы, ауданның тазалығы, кәсіпкерлік нысандардың сыртқы келбеті мен түнгі жарықтарын қолға алу туралы бірқатар тапсырмалар берді.Фото: Шиелі ауданы әкімдігі

Кәсіпкерлік саласындағы маңызды мәселелер қаралды

<a href="https://kyzylorda-news.kz/">Kyzylorda-news.kz</a> Қызылорда облысы Сырдария ауданындағы №11 олимпиадалық резервтің мамандандырылған балалар-жасөспірімдер мектебі талантты спортшыларды тәрбиелеуде үздік нәтиже көрсетіп, спорттың серпінді дамуына айрықша басымдық беріп келеді. Қазіргі таңда аталмыш мектеп спорттың 15 түрі бойынша мыңға жуық жас өренге кәсіби бағыт-бағдар беруде.Атап айтсақ, ауыр атлетикада – 2 жаттықтырушы, 46 спортшы, бокста – 2 жаттықтырушы, 66 спортшы, волейболда – 5 жаттықтырушы, 133 спортшы, гандболда – 1 жаттықтырушы, 36 спортшы, дзюдода – 2 жаттықтырушы, 84 спортшы, көгалдағы хоккейде – 3 жаттықтырушы, 78 спортшы, таеквондода – 2 жаттықтырушы, 62 спортшы, футболда – 2 жаттықтырушы, 72 спортшы, үстел теннисінде – 2 жаттықтырушы, 52 спортшы, каратэде – 1 жаттықтырушы, 36 спортшы, панкратионда – 1 жаттықтырушы, 38 спортшы, қазақ күресінде – 5 жаттықтырушы, 156 спортшы, тоғызқұмалақта – 3 жаттықтырушы, 94 спортшы қамтылған.Спорт мектебінде балалардың тыңғылықты дайындығын қадағалап, әрдайым шеберлігін шыңдап жүрген 31 жаттықтырушы-оқытушы жұмыс істейді. &nbsp;Олардың ішінде, 2 - біліктілігі жоғары деңгейдегі жоғары санатты, 5 - біліктілігі жоғары деңгейдегі бірінші санатты, &nbsp;10 - біліктілігі жоғары деңгейдегі екінші санатты жаттықтырушы қамтылған. Жоғарыда аталған спорт мектебі балалардың жас ерекшеліктеріне қарай ақысыз негізде қабылдау жүргізеді.№11 Сырдария аудандық олимпиадалық резервтің мамандандырылған балалар-жасөспірімдер мектебінің спортшылары 2024 жылы халықаралық, республикалық турнирлер мен облыс біріншіліктерінде 40 алтын, 54 күміс, 54 қола медаль жеңіп алса, ҚР чемпионаттары мен кубоктарынан 9 алтын, 13 күміс, 22 қола жүлдені иеленді.Сондай-ақ, тоғызқұмалақ бөлімшесінің жаттықтырушы-оқытушысы Бексұлтан Бостандықов Елорда төрінде өткен V Дүниежүзілік көшпенділер ойындарында чемпион атанды. Бұдан бөлек, Өзбекстан елінде волейболдан өткен Азия Кубогында және «Азия балалары» ойындарында Ержігіт Айбекұлы қола жүлдені қоржынға салса, грэпплингтен өткен Азия чемпионатында Әли Ешмұратов қола медаль иеленді.Фото: Қызылорда облысының дене шынықтыру, спорт және туризм басқармасы

Серпінді спорт мектебінің сәтті жұмысы

<a href="https://kyzylorda-news.kz/">Kyzylorda-news.kz</a>&nbsp; Биыл қала төңірегінде 15 жаңа инвестициялық жобаны іске қосып, 800-ге жуық жұмыс орнын ашу жоспарлануда. Осы жобалардың жай-күйін зерделеу мақсатында қала әкімінің орынбасары Пакуатдин Шамұратов жоба жетекшілерімен кездесті.Бірінші нысан – қаланың сол жағалауында орналасқан шағын өндірістік алаңдарының инженерлік-инфрақұрылымдық жүйелерін жүргізу мәселесін пысықтады. Құрылыс жұмыстары барысында туындаған мәселелердің оң шешілуіне жан-жақты қолдау көрсетілетіндігін жеткізді.Әрі қарай «Панабек» серіктестігінің жиһаз өндірісі цехының құрылысына барды. Аумағы 1,5 га құрайтын өндіріс цехы автоматтандырылған заманауи үлгідегі жабдықтармен қамтылады. Сондай-ақ, дайын жиһаз өнімдерін сататын сауда орны мен сақтау қоймасы бой көтереді.<img src="https://syrboyi.kz/wp-content/uploads/2025/01/475751048_3821202698146460_5840288585487209921_n.webp" alt="15 инвестициялық жоба іске қосылады" srcset="https://syrboyi.kz/wp-content/uploads/2025/01/475751048_3821202698146460_5840288585487209921_n.webp 1320w, https://syrboyi.kz/wp-content/uploads/2025/01/475751048_3821202698146460_5840288585487209921_n-768x813.webp 768w" sizes="(max-width: 1320px) 100vw, 1320px" width="1320" loading="lazy">Пакуатдин Сражадинұлы жоба бастамашыларына құрылыс жұмыстарын уақытында әрі сапалы орындауға күш салуды тапсырды.Жалпы, қалада құрылысы жүріп жатқан ірі инвестициялық жобалардың бірі – қуаттылығы 240 мегаваттық заманауи жаңа жылу орталығы. Сонымен қатар, «Қызылорда Саз М» серіктестігінің керамикалық заманауи кірпіш шығару, «Ayna Glass» серіктестігінің жоғары технологиялылық айна өндірісі және «Қызылорда-Нан» серіктестігінің нан-тоқаш кондитерлік өнімдері кешендері іске қосылады. Сондай-ақ, «Оңтүстік Корея технологиясы бойынша тұрмыстық қатты қалдықтарды сұрыптау және өңдеу зауыты» жобасын қолға алған «With You E&amp;C Kyzylorda» ЖШС-і биыл өндіріс орнының құрылысын бастайды.Айта кетейік, өткен жылы Қызылорда қаласына негізгі капиталға тартылған инвестиция көлемі 288 млрд 453 млн теңгеге жетіп, өсім 19 пайызды құрады. Өткен жылы 26,3 млрд теңгенің 7 инвестициялық жобасы іске қосылып, 175 жұмыс орны ашылды.Фото: Қала әкімдігі

15 инвестициялық жоба іске қосылады

<a href="https://kyzylorda-news.kz/">Kyzylorda-news.kz</a> Бүгін партияның облыстық филиалының төрағасы Алмасбек Есмахановтың қатысуымен партияның облыстық филиалы жанындағы партиялық бақылау комиссиясының отырысы өтті.Онда Сайлауалды бағдарламада өткен жылы орындалмаған шаралардың іске асырылуы, партия мүшелері – мемлекеттік орган басшыларының партия алаңында Қоғамдық қабылдау өткізуі, азаматтардың өтініштерімен жұмыс жасау, ішкі партиялық тәртіпті нығайту мәселелері талқыланып, партияның Қызылорда қалалық филиалы жанындағы партиялық бақылау коммиссиясының 2024 жылғы атқарған жұмысы қаралды.Күн тәртібіне сәйкес Жол картаның орындалмаған тармақтары бойынша&nbsp; облыстық экономика және қаржы басқармасы басшысының орынбасары Дастан Баймаханов кеңінен түсіндіріп өтті. Орындалмаған 4 іс-шараның 2-уі ағымдағы жылы іске асырылса, 2-уі бойынша тиісті жұмыстар жасалуда. Атап өту керек, өңірде өткен жылы партиялық бақылау комиссиялары отырыстары мен мониторинг жұмыстары барысында 543 ұсыныс әзірленіп, оның 398 орындалған. Қалғаны жұмыс барысында.Партияның сайлауалды бағдарламасында көрсетілген құрылыс нысандарына жүйелі рейдтік іс-шаралар ұйымдастырылып, 76 нысанға партиялық бақылау бекеттері орнатылған. Бүгінгі күні олардың&nbsp; 64-і&nbsp; пайдалануға беріліп, қалған 12 нысан халық игілігіне пайдалануға берілгенше партия назарында болмақ.Жиында сөз алған партияның облыстық филиалының төрағасы Алмасбек Есмаханов ағымдағы жылы да жаңа нысандарға партиялық бақылау бекеттерін ашу қажеттігін айтты. Сонымен қатар, жалпы облыс бойынша партиялық жауапкершілікке тартылған партияластардың болмауы аймақтағы партиялық тәртіптің дұрыстығынан екенін жеткізді. Партия алдында тұрған міндеттерге де тоқталып, комиссия мүшелерін сайлауалды уәделердің орындалуына жауапкершілікпен қарауға шақырды.<blockquote>«Біз қазір сайлау кезеңінің орта тұсына келдік. Сондықтан елге берілген барлық уәде орындалуы және олардың қатаң партиялық бақылауда болғаны дұрыс. Партия алаңына келіп мұң-мұқтаждарын айтатын азаматтардың да мәселелерін барынша оң бағытта шешуге жұмыс жасалуы керек»,- деді Алмасбек Есмаханов.</blockquote>Партияның негізгі міндеттерінің бірі – халық пен билік арасындағы сенімді нығайтып, кері байланыс орнату.&nbsp; Бұл бағытта партияның облыстық және қалалық, аудандық филиалдарында жергілікті атқарушы органдар басшылары арнайы кестеге сәйкес қабылдаулар өткізіп келеді. Кеше Үкіметтің кеңейтілген отырысында Мемлекет басшысы «Халық үніне құлақ асатын мемлекет» тұжырымдамасын іске асыру шаралары ретінде мемлекеттік аппараттың азаматтардың өтініштерімен жұмыс жасауына назар аударыды. Бұл ретте, тек тыңдап қана қоймай, көтерілген мәселелерді шешу үшін жүйелі жұмыс жүргізу маңызды екенін ескертті.Жиында партияның облыстық филиалы қоғамдық қабылдау бөлімінің меңгерушісі Нұрлан Әбдікәрімов хабарлама жасап, азаматтардың ұсыныс – тілектерінің орындалуы мен қоғамдық қабылдау бөлмелерінің жұмысы төңірегінде ақпарат берді.&nbsp;<blockquote>«2023 жылы өткен сайлауалды үгіт жұмыстары кезінде өңір тұрғындарынан 1223 ұсыныс – тілек түсіп, оның 91-і Парламент Мәжілісіне жолданып, 1132 ұсыныс облыстағы түрлі деңгейдегі мәслихат депутаттарымен тиісті жұмыстар жасалды. Бүгінгі таңда олардың 1044-і орындалып, 88-і бойынша жұмыс жүріп жатыр. Ал 2024 жылы партияның қоғамдық&nbsp; қабылдау бөлмелеріне&nbsp; азаматтардан&nbsp; 6904 өтініш түссе, оның 5141-і, оң шешімін тапты. 1763 өтініш бойынша қолданыстағы заңнама аясында түсіндірме жұмыстары жүргізілді. Өтінішпен келген азаматтардың саны 2023 жылмен салыстырсақ, 54 пайызға жоғары. Сол секілді оң шешілген өтініштер саны 2023 жылы 71 пайыз болса, ал 2024 жылы 74,4 пайызға орындалды. Бұл жұмыстар жергілікті атқарушы органдар және мекемелермен бірлсекен жұмыстардың нәтижесі», – дейді Нұрлан Әбдікәрімов.</blockquote>Жалпы сайлауалды бағдарламада өткен жылы Қызылорда қаласына қарасты 81 іс- шара жоспарланған. Олар 100% орындалды. 2024 жылы Партиялық бақылау комиссиясының 12 отырысы өтіп, оларда көтерілген 27 ұсыныс та шешімін тапты. Жиында партияның қалалық филиалы жанындағы партиялық бақылау комиссиясының төрағасы Мейрамбек Есжанов комиссия мүшелерімен жасалған мониторингтік жұмыстар төңірегінде атап өтті.<blockquote>«Қалалық Партиялық бақылау комиссиясы мүшелерімен өткен жылы 29 құрылыс нысанына, 6 резонанстық мәселелер бойынша, баға тұрақтандыру бойынша қаладағы дәріханаларға – 5, азық-түлік дүкендеріне – 7, май құю бекеттеріне – 4 рет, «Ауыл аманаты» жобасы аясында іске асқан 11 кәсіпкерлік субъектілерінің жұмыстарына жалпы саны 62 мониторинг жүргізілді. Әрбір мониторинг қорытындысы бойынша комиссия отырысы ұйымдастырылып, тиісті органдарға ұсыныстар берілді. Сонымен қатар, кәмелетке толмағандар арасындағы қылмыс пен құқық бұзушылықтың алдын алу бойынша түнгі рейдтік жұмыстар да ұйымдастырылып келеді», – деді Мейрамбек Есжанов.</blockquote>Жиын барысында жұмысты жетілдіруге қатысты ұсыныстар ортаға салынып, күн тәртібіне сай партияның облыстық филиалы жанандағы партиялық бақылау комиссиясы төрағасының орынбасары сайланды. Бұл қызметке филиал басшылығының келісімімен облыстық мәслихаттағы «AMANAT» партиясы депутаттық фракциясының мүшесі Ержан Искендер лайық деп танылды.Комиссия отырысына қалалық, аудандық филиалдардың Атқарушы хатшылары мен Партиялық бақылау комиссиялары жетекшілері онлайн режимде қатысты.Фото: Amanat партиясы

Партиялық бақылау комиссиясының отырысы өтті

<a href="https://kyzylorda-news.kz/">Kyzylorda-news.kz</a> Энергетика министрі Алмасадам Сәтқалиев мемлекет бензин бағасының күрт өсуіне жол бермейтінін айтты. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Энергетика министрі Алмасадам Сәтқалиев брифингте Қазақстандағы АИ-92 бензинінің болжамды бағасын айтты. Оның айтуынша, бензин&nbsp;5 теңгеге қымбаттайды. Министрлік ең жоғары баға литріне 210 теңгеге дейін болады деп отыр.&nbsp;Егер автожанармай құю бекеттері бағаны күрт, мысалы, бірден 30 теңгеге көтерсе, бұл мәселемен монополияға қарсы агенттік айналысады.Министр мемлекет мұнай өнімдері бағасының күрт өсуіне жол бермеу үшін әрекет ететінін және ол үшін барлық тетіктердің барын айтты.&nbsp;<blockquote>"Монополияға қарсы агенттік кез келген уақытта жанар-жағармай құю станцияларының немесе жанармай құю бекетінің белгілі бір желісі монополияға қарсы жоғары кіріс ала бастағанын байқаса және бұл туралы нарық қатысушылары білсе, тергеуді кез келген уақытта бастайды. Сондай-ақ министрлік мұны реттеу үшін барлық қажетті шараларды қабылдайды", – деді министр.</blockquote>Фото: pixabay

Қазақстан және Қызылорда облысының жаңалықтары