<a href="https://kyzylorda-news.kz/">Kyzylorda-news.kz</a> Қызылорда облыстық перинаталдық орталығының мультипәндік командасы Қарағанды облыстық клиникалық ауруханасының перинаталдық орталығында іссапарда болды. Бұл сапар ҚР Денсаулық сақтау министрлігінің тапсырмасына сәйкес ұйымдастырылып, жоғары деңгейлі медициналық мекемелер арасындағы тәжірибе алмасуға және әдістемелік қолдау көрсетуге арналды.Іссапар құрамында келесі жетекші мамандар болды:<ul><li style="text-align:justify;">Бас дәрігер, облыстық денсаулық сақтау басқармасының штаттан тыс бас акушер-гинекологы – О. В. Ким</li><li style="text-align:justify;">Реанимация және қарқынды терапия бөлімінің меңгерушісі, анестезиолог-реаниматолог – А. А. Ауезбеков</li><li style="text-align:justify;">I акушерлік бөлім меңгерушісі, акушер-гинеколог – Л. Ш. Бимаганбетова</li><li style="text-align:justify;">Неонатология блогының меңгерушісі, неонатолог – Л. А. Дауренбаева</li><li style="text-align:justify;">Инфекциялық бақылау бөлімінің меңгерушісі, эпидемиолог – Г. Н. Махашова</li><li style="text-align:justify;">Облыстық перинаталдық орталығының бас мейіргері – Қ. Ж. Бегимова</li></ul>Сапар аясында қызылордалық делегация перинаталдық орталықтың құрылымдық бөлімдерін аралап, қызмет көрсету барысымен, медициналық құрал-жабдықтармен және емдік-диагностикалық үдерістермен танысты. Жергілікті мамандармен тиімді тәжірибе алмасып, күнделікті жұмыс кезінде қолданылатын озық әдістер талқыланды.Сондай-ақ, кәсіби пікір алмасуға негізделген ашық диалог ұйымдастырылып, күрделі жағдайларды жүргізу, шұғыл көмек көрсету, инфекциялық қауіпсіздік пен неонаталдық көмек сапасын арттыру жолдары нақты мысалдармен сараланды.Бұл сапар екі өңірдің мамандары арасында тығыз кәсіби байланыс орнатып, ана мен бала саулығын қамтамасыз етуге бағытталған ортақ бастамалардың дамуына серпін берді.

Қызылорда мамандары Қарағандыда: жаңа әдістер мен тиімді шешімдер

<a href="https://kyzylorda-news.kz/">Kyzylorda-news.kz</a>&nbsp; Қапшағай су қоймасында жас қыз суға батып кетті. Бұл туралы Мәжіліс депутаты Бақытжан Базарбек мәлім етті. Бұл туралы <a href="https://kaz.inform.kz/news/kapshagayda-deputattin-koz-aldinda-zhas-kiz-suga-batip-kett-13230c/">kaz.inform.kz</a> хабарлады.&nbsp;Қайғылы жағдай кезінде жағажайда Мәжіліс депутаты Бақытжан Базарбек те&nbsp;болған. Айтуынша, қызды судан куәгерлер алып шыққан.<blockquote>–&nbsp;Жағалауда қауіпсіздікке жауапты ешкім болмады. Құтқарушылар, бейнебақылау камералары, құтқару құралдары, медициналық қызметкер жоқ. Су&nbsp;қоймасының жағасы жеке кәсіпкерлерге берілген. Қызды судан куәгерлер алып шығып, алғашқы көмек көрсетуге тырысты,&nbsp;– дейді ол.</blockquote>Депутат жағажайлардың кімге тиесілі екенін анықтап, заң талаптарын бұзғандарды жауапқа тарту үшін тексеріс жүргізуді талап ететінін жеткізді.Полиция департаменті қыздың өліміне қатысты қылмыстық іс қозғалғанын хабарлады.<blockquote>– Оқиғаның барлық мән-жайын анықтау үшін сотқа дейінгі тергеу амалдары жүргізіліп жатыр. Полицейлер құтқару техникасының және кезекші құтқарушылардың бар-жоғын, демалыс аймағының белгіленген қауіпсіздік талаптарына сәйкестігін анықтайды,&nbsp;– делінген хабарламада.</blockquote>Фото: ШҚО ТЖД

Қапшағайда депутаттың көз алдында жас қыз суға батып кетті   

<a href="https://kyzylorda-news.kz/">Kyzylorda-news.kz</a> Бүгін Қызылорда облыстық қоғамдық даму басқармасының басшысы Руслан Каюповтың төрағалығымен облыстық Қазақстан халқы Ассамблеясы кеңесінің отырысы өтті.Кеңес жұмысына облыстық этномәдени бірлестіктердің жетекшілері қатысты.Кеңес барысында өңірдегі этносаралық татулық пен қоғамдық келісімді сақтау, облыстық Ассамблеяның қызметін жандандыру және оның қоғамдық-саяси рөлі мен маңызын арттыру бағытында атқарылып жатқан жұмыстар мен алдағы міндеттер айтылып, ұсыныс-пікірлер тыңдалды.Күн тәртібінде облыстық Қазақстан халқы Ассамблеясы төрағасының қоғамдық негіздегі екі орынбасарын сайлау мәселесі қарастырылды. Осы қызметті бүгінгі күнге дейін абыройлы атқарып жүрген түрік этномәдени бірлестігінің белсендісі Дильфура Байрахтарова қайта сайланды. Сонымен бірге, көпшіліктің қолдауымен облыстық шешен этномәдени бірлестігінің ардагері Хусайн Домбаевтың кандидатурасы ұсынылды.<blockquote>Сөз соңында «Жуырда Қызылорда облысының әкімі, облыстық ҚХА төрағасы Нұрлыбек Нәлібаевтың төрағалығымен өңірлік Ассамблеяның XXVII сессиясы «БІРЛІК ПЕН КЕЛІСІМ ЖОЛЫНДАҒЫ 30 ЖЫЛ» күн тәртібімен өтеді. Қазіргі таңда сессияға дайындық жұмыстары жүргізіліп, тиісті іс-шаралар жоспары әзірленді. Сессияда мемлекет басшысының хаттамалық тапсырмалары талқыланатын болады. Баршаңызды осы жұмыстарды бірлесіп атқаруға және қолдау көрсетуге шақырамын», - деді басқарма басшысы Руслан Мұхамедәліұлы.</blockquote>

Облыстық ҚХА кеңесінің отырысы өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласының сол жағалауында аймақ тарихындағы ең ауқымды спорттық нысандардың бірі салынуда. Жалпы құны 20,9 миллиард теңгені құрайтын нысанның құрылыс жұмыстарымен өңірде жұмыс сапарымен болған ҚР Парламенті Мәжілісінің депутаттары, «AMANAT» партиясы фракциясының мүшелері Мұрат Әбенов, Мархабат Жайымбетов пен Мұрат Ергешбаев танысты.«UEFA» талаптарына сай салынып жатқан жаңа стадион жергілікті бюджет есебінен қаржыландырылуда. Сыйымдылығы 11 мың орынға шақталған. Құрылыс қарқыны жоғары. Трибуналардың металл конструкциялары орнатылып, қабырғалар, ішкі бөлмелер мен сыртқы витраждар қаланған. Қазіргі таңда футбол алаңын жабдықтау, ішкі әрлеу және аумақты абаттандыру жұмыстары жүргізілуде. Стадион ғимараты маңында 238 орындық автотұрақ алаңы, 40 орындық VIP автотұрақ, автобусқа арналған 4 автотұрақ орналаспақ. Жаңа стадион футболшылар үшін ғана емес, қала тұрғындары үшін де тиімді болмақ.<blockquote>«Стадионда тек кәсіби футболшыларға ғана емес, сонымен қатар қала тұрғындары, жастар, балалардың да спортпен шұғылдануына мүмкіндіктер қарастырылуда.&nbsp;Мұнда бокс, күрес, спорттық гимнастика, ауыр атлетика, таеквондо және фитнес залдары бар. Осы залдарда біздің болашақ чемпиондарымыз жаттығып, шынығып, өз өнерлерін шыңдап, халықаралық ареналарда Қазақстанның атын паш ететінін болады»,- дейді облыстық дене шынықтыру, спорт және туризм басқармасының басшысы Бақтияр Артаев.</blockquote>«Президент Бурабайда өткен «Ұлттық құрылтайда» футболға қатысты бірқатар тапсырмалар берді.&nbsp;<blockquote>Қызылорда облысы сол тапсырмалардың негізінде алғаш болып УЕФА классификациясы бойынша ІІІ санатты, сондай-ақ, халықаралық стандарттарға толық сәйкес келетін жаңа стадион құрылысын бастап, қыркүйек айында өтетін үлкен ойынға дайындық үстінде. Сондай-ақ, облыстық әкімшіліктің ұстанымымен облыстың «Қайсар» футбол командасы алғаш рет легионерлерсіз ойнап, өзіміздің қазақстандық спортшыларға қолдау көрсетуде. Көпшілік ойын болғандықтан футболды насихаттауымыз қажет. Сонда жастардың ойынға деген қызығушылығы артады», -деді фракция мүшесі Мұрат Әбенов.</blockquote>«Қайсар» футбол командасының қақпашысы Нұрым Салайдин легионерлерсіз ойнау қиын емес. Барлық ойындар отандық футболшылардың арқасында тұрақты түрде өтіп келеді. Ендігі біздің арманымыз осы жаңа стадионда өнер көрсетіп, легионерлерсіз ойынның жемісін көрсету,- дейді.Кездесуде футбол командасының өкілдері халық қалаулыларына аяқдоп саласындағы бірқатар өзекті мәселелерді баяндады. Соның бірі – легионерсіз ойнау барысында жауапты азаматтар тарапынан туындаған жағдайлар. Футбол командасының басты мәселелерін фракция мүшелері Парламентте көтеретінін жеткізді.

ҚР Парламенті Мәжілісінің депутаттары «Қайсар» футбол командасының ойыншыларымен кездесті

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласында "With You Kyzylorda" ЖШС қатты тұрмыстық қалдықтарды сұрыптау, өңдеу және кәдеге жарату зауытының капсуласын салу рәсімі өтті. Оған ҚР Парламенті Мәжілісінің депутаттары Қарақат Абден, Мархабат Жайымбетов, Мұрат Әбенов, Мұрат Ергешбаев, ҚР Экология және табиғи ресурстар министрі Ерлан Нысанбаев және зиялы қауым өкілдері қатысты.Аймақ басшысы зауыт құрылысына сәттілік тілеп, өңірде экологиялық ахуалды жақсартуға бағытталған бастамаларды атап өтті.<blockquote>«Мемлекет басшысы Қасым-Жомарт Кемелұлының ірі қалаларда қатты тұрмыстық қалдықтарды қайта өңдейтін зауыттар салу тапсырмасына сәйкес облысымызда 96 млрд. 100 млн. теңгеге 10 жоба жүзеге асырылуда. Қалдықтарды басқару саласына шетелдік инвестициялар мен озық технологиялар тартуда Қызылорда қаласында халықаралық компаниялардың қатысуымен 2 ірі жоба бойынша жұмыс басталды.Соның бірі - шыны зауыты жанынан неміс технологиясымен 60 млрд. теңгеге жылына 240 млн. шыны ыдыс шығаратын зауыт жобасы.Бұл республикадан жиналған шыны қалдықтарынан жоғары сапалы отандық өнім шығарып, импортты алмастыруға мүмкіндік береді. Бүгін құны 34 млрд. 500 млн. теңге болатын, Оңтүстік Корея технологиясына негізделген қатты тұрмыстық қалдықтарды сұрыптау, өңдеу және кәдеге жарату зауытының іргетасы қалануда.Алғашқы кезеңде 9 млрд. 535 млн. теңгеге қолданыстағы полигон жаңғыртылып, қуаттылығы жылына 300 мың тоннаға есептелген заманауи қалдықтарды сұрыптау кешені салынады. Кешен заманауи қондырғылар, арнайы техникалармен жабдықталып, полигонның қабылдау қуаттылығы 60 мың тоннадан 300 мың тоннаға дейін артпақ.Қоршаған ортаны қорғау – бұл тек билік пен ұйымдардың ғана емес, керісінше әрбір азаматтың жауапкершілігінен басталатын іс.Өркениетті қоғамда өз қоқыстарын сұрыптау, саналы тұтыну, тазалық акцияларына қатысу тұрғындардың күнделікті әдетіне айналуы тиіс. Экологиялық ахуалды жақсартуға бағытталған байыпты бастамаларымыз нәтижелі болғай!», - деді Нұрлыбек Машбекұлы.</blockquote>Рәсімде ҚР Экология және табиғи ресурстар министрі Ерлан Нұралыұлы, ҚР Парламенті Мәжілісінің депутаттары Қарақат Жақсылыққызы, Мұрат Нәлқожаұлы құттықтау сөз сөйледі.<img src="https://knadmin.beoblood.kz/uploads/2_yzylordada_atty_t_rmysty_aldy_tardy_deu_zauytyny_kapsulasy_salyndy_e6b0e273c6.jpg" alt="2Қызылордада қатты тұрмыстық қалдықтарды өңдеу зауытының капсуласы салынды.jpg"><img src="https://knadmin.beoblood.kz/uploads/yzylordada_atty_t_rmysty_aldy_tardy_deu_zauytyny_kapsulasy_salyndy_95dc753753.jpg" alt="Қызылордада қатты тұрмыстық қалдықтарды өңдеу зауытының капсуласы салынды.jpg">Айта кетейік, «Таза Қазақстан» бағдарламасы аясында өңірде экологиялық ахуалды жақсарту мақсатында кешенді жұмыс жүргізілуде. Бюджеттен бөлек, кәсіпкерлердің демеушілігімен орталық алаңдар, демалыс және спорт алаңдары жаңғыртылып, әлеуметтік нысандар заманауи үлгіде жөнделуде. Демеушілік есебінен 1 млрд. теңгеге Қызылорда қаласындағы орталық алаң жаңартылды. Биыл 6,3 млрд. теңгеге қалалық мәдени-демалыс паркі қайта жаңғыртылып, пайдалануға берілді. Оған қоса 14,7 млрд. теңгеге Президент саябағы жаңғыртылып, тамыз айында ашылады. Қала аумағында 992 гектар жерде жасыл белдеу құру басталды. 2030 жылға дейін 2,5 млн. ағаш отырғызып, тұқымбақтар мен зертхана салу жоспарлануда.Фото: Қызылорда облысы әкімінің баспасөз қызметі

Қызылордада қатты тұрмыстық қалдықтарды өңдеу зауытының капсуласы салынды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен мал шаруашылығының дамуы, ветеринариялық бақылау және саланы цифрландыру мәселелері талқыланған Үкімет отырысы өтті. Оған ҚР Экология және табиғи ресурстар министрі Ерлан Нысанбаев, облыс әкімі Нұрлыбек Нәлібаев селекторлық режим арқылы қатысты.Мемлекеттік қолдаудың арқасында өңірде мал басы өсіп, өнім көлемі артуда. Өткен жылы Қызылорда қаласында 800 басқа арналған тауарлы-сүт фермасын құруға 3,2 млрд. теңге бөлінді. Биыл 11 млрд. теңгеге екі сүт-тауарлы ферма салу жоспарланған. Өңірде мал азығы дақылдары 73 600 гектарға егілді, бұл өткен жылмен салыстырғанда 3 400 гектарға артық. Ерте көктемде көлдер жүйесін толтыру арқылы76 200 гектар жайылымдық, шабындық жер суғарылды.2025-2026 жылдарға 958 мың тонна табиғи шөп, 192 мың тонна жем және 157 мың тонна сабан дайындау жоспарлануда. Жоңышқаның бірінші орымынан 111 300 тонна жиналды. Жаппай шөп дайындау жұмыстары шілде айының екінші жартысынан басталады.Аса қауіпті 13 жұқпалы мал ауруының алдын алу үшін 6,3 млн. доза ветеринариялық препараттың 4,5 млн. дозасы жеткізілді. Облыс аумағындағы Сібір жарасы көмінділері бақылауда. Ветеринариялық нысандарға қатысты ұсыныстар енгізіліп, биыл 6 жаңа ветпункт салынады. Өткен жылы 7 ветпункт іске қосылды.Фото:&nbsp;Қызылорда облысы әкімінің баспасөз қызметі

Мал шаруашылығының дамуы мен ветеринариялық бақылау мәселелері талқыланды

<a href="https://kyzylorda-news.kz/">Kyzylorda-news.kz</a> Қызылорда қаласында алғаш рет өтіп жатқан Ұлттық Урбан Форум — еліміздің қалаларын ғана емес, ауылдық елді мекендердің де болашағын біріктіретін диалог алаңы. Осы форумның делегаты, БҰҰ-Хабитат аймақаралық кеңесшісі Шефер Катя өңірдің үлгілі ауылдарының бірі — Берекелі Бесарыққа арнайы сапармен барды.Бесарық — табиғи сұлулығы мен қоғамдық белсенділігі үйлескен ауыл. Катя Шефер ауыл тұрғындарымен, жастармен және жергілікті билік өкілдерімен, шаруашылық иелерімен кездесті.<blockquote>«Ауылдар — тек аграрлық емес, сонымен қатар әлеуметтік және мәдени тіршіліктің маңызды бөлігі. Бесарық ауылындағы өзгерістер — тұрақты және инклюзивті дамудың жарқын көрінісі», — деді ол кездесу барысында.</blockquote>Сапар барысында сарапшы ауылдағы инфрақұрылыммен, «Ауыл аманаты» жобасымен, ауыл мәдениетімен, көркемөнерпаздардың өнерімен, әлеуметтік жобалармен, жастар бастамаларымен танысты.Сонымен қатар, Республикалық Ұлттық Урбан Форум аясында форум делегаты, БҰҰ-Habitat аймақаралық кеңесшісі Шефер Катя Сыр өңірінің маржаны – Н.Ілиясов ауылында болды.Н.Ілиясов ауылы – өзінің таза көшелерімен, көркейген инфрақұрылымымен және тұрғындарының белсенділігімен белгілі. Бұл ауыл – ауылдық аумақтардағы урбанизация мен тұрақты даму идеяларының нақты үлгісі.Катя Шефер жергілікті тұрғындармен, ауыл әкімдігімен және жастар өкілдерімен кездесті. Ол ауылдың даму бағытымен танысып, инклюзивті жоспарлау, климатқа бейімделу мәселелері бойынша тәжірибе алмасты. Сонымен қатар, қазақ дәстүрі мен мәдениетінен мәліметтер алды.<blockquote>«Н.Ілиясов ауылы — өңірлік деңгейдегі урбан дамудың жарқын мысалы. Мұндай жергілікті тәжірибелерді халықаралық деңгейде бөлісу маңызды», – деді Катя Шефер.</blockquote>Урбан Форум тек қалалар үшін емес. Ол ауыл мен қала арасындағы тепе-тең даму жолын ұсынатын жаңа платформа. Н.Ілиясов секілді ауылдар — осы өзгерістердің алдыңғы қатарында.Фото: Облыс әкімдігі

БҰҰ-Хабитат кеңесшісі Шефер Катя Берекелі Бесарық ауылында

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев ҚР Парламенті Мәжілісінің депутаты, «Ауыл» халықтық-демократиялық патриоттық партиясының мүшесі Қарақат Абденмен кездесті.Кездесуде өңірде жүзеге асырылған, соның ішінде ауылды дамыту бағытындағы жобалар мен бағдарламалар талқыланды.<blockquote>“Президентіміз саяси реформаларды қалыптастыруда Парламент Мәжілісіне жоғары мәртебе берді.Бұрын Мәжіліс заң жобасын дайындап, Сенатқа талқылап, бекіту үшін жолдайтын болса, қазір заң жобасын қолдау немесе кері қайтару құзыретіне ие. Бұл Мәжіліске халық аманатының еселеп артқанын айғақтайды.Өңірімізде мемлекеттік органдар саяси партиялармен тығыз жұмыс жасап, олардың бастамаларына әрдайым қолдау көрсетуде. Қазіргі таңда аймағымызда 7 саяси партияның филиалы қызмет етеді. Саяси партиялардың облыстық филиалдарында 81 мыңнан астам адам тіркелген. Біз «Ауыл» партиясы филиалының бастамаларына тұрақты қолдау көрсетіп, бірлескен шараларды атқарып келеміз. Облыстағы барлық деңгейдегі 152 мәслихат депутатының 15-і - «Ауыл» партиясының өкілдері. Қоғамдағы өзекті мәселелерді шешу мақсатында облыстық, қалалық, аудандық әкімдіктер жанындағы кеңестер мен комиссиялар құрамына 100-ден астам саяси партия жетекшілері мен мүшелері енгізілді”, - деді Нұрлыбек Машбекұлы.</blockquote>Бүгінде облыс халқының 53 пайызы, яғни 448 мыңнан астамы ауылда тұрады. Ауыл тұрғындарының тұрмыс сапасын арттыру мақсатында Мемлекет басшысының тапсырмасымен «Ауыл – ел бесігі», «Ауыл аманаты», «Дипломмен ауылға» және «Ауылда денсаулық сақтауды жаңғырту» сияқты бірқатар маңызды бағдарламалар жүзеге асуда.Соның ішінде ауыл тұрғындарының әл-ауқатын жақсартуға бағытталған «Ауыл аманаты» бағдарламасының маңызы ерекше. 2023 жылы бағдарлама аясында 3 млрд теңгеге 406 жоба іске асып, 713 жаңа жұмыс орны ашылды. Өткен жылы 2,5 млрд теңгеге 376 жоба жүзеге асырылды. Биыл 5,5 млрд теңгеге 815 жоба жоспарланған.Қ.Абден Сыр еліне жұмыс сапары барысында облыстық перинаталдық орталық қызметкерлерімен кездесіп, "Сыр жұлдыздары" шығармашылық-инновациялық орталығының, "Мағжан и К" ЖШС күріш зауытының, "Анаға тағзым" орталығының, тағы басқа мекемелердің жұмысымен танысады.Фото: Қызылорда облысы әкімінің баспасөз қызметі

Облыс әкімі «Ауыл» партиясының өкілі Қарақат Абденмен кездесті

<a href="https://kyzylorda-news.kz/">Kyzylorda-news.kz</a> Бүгін «Өнер орталығында» «Қазақстан Ұлттық Урбан Форумы 2025 – Қызылорда» халықаралық форумының ашылу рәсімі өтті.Халықаралық форумға ҚР Экология және табиғи ресурстар министрі Ерлан Нысанбаев, ҚР Сыртқы істер министрінің бірінші орынбасары Ақан Рахметуллин, ҚР Өнеркәсіп және құрылыс министрлігі өкілдері, ҚР Парламенті Сенаты мен Мәжілісінің депутаттары, Қазақстандағы Біріккен Ұлттар Ұйымының тұрақты үйлестірушісі Саранго Раднарагча, Біріккен Ұлттар Ұйымының UN-Habitat Ұйымы, Біріккен Ұлттар Ұйымының Қазақстандағы өкілдері, еліміздің барлық өңірінен келген облыс әкімінің орынбасарлары, басқарма басшылары қатысты.<img src="https://knadmin.beoblood.kz/uploads/1_aza_stan_ltty_Urban_forumy_2025_yzylorda_haly_araly_forumyny_ashylu_r_simi_tti_6ca89a8a57.jpg" alt="1 «Қазақстан Ұлттық Урбан форумы 2025 – Қызылорда» халықаралық форумының ашылу рәсімі өтті.jpg">Аймақ басшысы Нұрлыбек Нәлібаев форумға қатысушыларға сәттілік тілеп, аймақта атқарылған ауқымды жұмыстарды атап өтті.«Президентіміз Қасым-Жомарт Кемелұлы «Қазақстан орнықты урбанизация үрдісімен келе жатыр. Тұрғын саны миллионнан асатын қалалар еліміздің жаһандық бәсекелестік қабілетінің тірегі, ал облыс орталықтары өз өңірлері өсімінің өзегі болуға тиіс», – деген болатын.<blockquote>Бүгінгі урбанизация дәуірінде қалаларды тұрақты дамытуда экологиялық тепе-теңдікті сақтау, тұрғындардың өмір сүру сапасын арттыру – басты міндеттердің бірі. Қызылорда – дәстүрлі аграрлы аймақ! Қызылорда – мегаполис болмағанымен, қарқынды урбанизация жолына түскен, өз деңгейінде қалалық инфрақұрылым мен өмір сүру сапасын арттыру, экономиканы әртараптандыру бағытында нақты қадам жасаған қала. Қала халқының үлесі өсіп, өңір тұрғындарының шамамен 50%-ға жуығы облыс орталығында тұрады.Қызылорда облысы Президентіміздің, Үкіметтің ерекше қолдауымен тұрақты даму мақсаттарына сәйкес келетін, нақты стратегияларға, аймағымыздың заманауи келбетін қалыптастыруға бағытталған жүйелі жұмыс жүргізіп келеді. Қазіргі таңда облыс бюджеті 750 млрд. теңгеден асты. Бұл қаражат аймақтағы ең өзекті деген мәселелерді шешуге, тұрғындардың өмір сүру сапасын жақсартуға, ауқымды инфрақұрылымдық жобаларды іске асыруға бағытталуда.Мемлекет басшысының қолдауымен Қызылорда қаласында 215 млрд. теңгеге қуаттылығы 240 МВт жаңа жылу-электр орталығы салынуда. Инвестор «Акса Энерджи» түрік компаниясы 135 млрд. теңгеден астам инвестиция құйып, құрылыстың 80%-ы аяқталды. Орталық қыркүйек айында пайдалануға беріледі. Сонымен қатар, Катармен үкіметаралық келісім негізінде оңтүстік өңірлерде электр энергиясының тапшылығын болдырмау мақсатында қуаттылығы 1100 МВт, құны 892 млрд. теңге болатын бу-газ қондырғысы салынады. Бұл мегажоба 2028 жылы толығымен іске қосылады.Бүгінгі форум – қалаларды тұрғындарға қолайлы, климатқа төзімді, инклюзивті орталықтарға айналдыру жолындағы бірлескен бастамаларымызды нығайтатын алаң. Біз үшін форум – тек талқылау емес, нақты әріптестікке бастайтын жол. Осы жұмыстарды одан әрі жетілдіруге серпін беріп, қалалардың болашағын қалыптастыру жолындағы ортақ мақсаттарға жетуде маңызды қадамдар жасауға ықпал етеді деп сенеміз»,– деді Н.Нәлібаев.</blockquote><img src="https://knadmin.beoblood.kz/uploads/2_aza_stan_ltty_Urban_forumy_2025_yzylorda_haly_araly_forumyny_ashylu_r_simi_tti_4dfaf90986.jpg" alt="2 «Қазақстан Ұлттық Урбан форумы 2025 – Қызылорда» халықаралық форумының ашылу рәсімі өтті.jpg">Сонымен қатар, UN-Habitat атқарушы директоры Анаклаудия Россбахтың бейнехабарламасы көрсетілді.Фото: Қызылорда облысы әкімінің баспасөз қызметі

«Қазақстан Ұлттық Урбан форумы 2025 – Қызылорда» халықаралық форумының ашылу рәсімі өтті

<a href="https://kyzylorda-news.kz/">Kyzylorda-news.kz</a>&nbsp;&nbsp; Аймақ басшысы Нұрлыбек Машбекұлының тапсырмасына сәйкес, облыс әкімінің орынбасары Ардақ Зебешев ҚР Парламенті Мәжілісінің депутаттары Мархабат Жайымбетов, Мұрат Ергешбаев, Мұрат Әбеновке өңірге инвестиция тарту механизмдерін таныстырды. Оған“Аманат” партиясы облыстық филиалының төрағасы Алмасбек Есмаханов және сала басшылары мен кәсіпкерлер қатысты.<blockquote>“Мемлекет басшысының Жолдауынан туындайтын негізгі міндеттердің бірі – инвестициялық ахуалды жақсарту арқылы отандық және шетелдік инвестиция тарту.Бұған мемлекет тарапынан жан-жақты қолдау бар. Өңірімізде инвесторларға қолайлы жағдай жасалған. Оған дәлел, соңғы 4 жылда инвестиция көрсеткіші жыл сайын өсімді көрсетуде.Өңірге 2025 жылы 631 млрд. 400 млн. теңге инвестиция тарту межесі бекітілді. Өткен 5 айдың қорытындысымен 229 млрд. 800 млн. теңге тартылып, өсім 27,1 пайызды құрады. Жеке инвестиция үлесі - 70 пайыз. Экономиканы әртараптандыру мақсатында 2025-2028 жылдары аймақта құны 2 трлн. теңгеге жуық 89 инвестициялық жоба іске асырылып, 11 мыңнан астам жаңа жұмыс орны құрылады. Биыл 302 млрд. 500 млн. теңгеге 27 жобаның іске қосылуы жоспарланған”,- деді Ардақ Зебешев.</blockquote>Өңірде Мемлекет басшысының тапсырмасы және Үкіметтің қолдауымен «Қорқыт Ата» арнайы экономикалық аймағы құрылды. АЭА Қызылорда халықаралық әуежайы маңында орналасқан, жалпы аумағы 550 гектар, 25 жыл, яғни 2049 жылға дейін жұмыс істейді. Құрылымында үш ішкі сектор қарастырылған: авиацияға қызмет көрсету аймағы – 50 гектар, көтерме-бөлшек сауда және қоймалау аймағы – 100 гектар, өнеркәсіптік аймақ – 400 гектар.Құрылыс индустриясы, жеңіл өнеркәсіп, машина жасау, көлік-логистика, технологиялар және инновациялар салаларындағы инвестициялық жобаларды жүзеге асыру көзделген. Жалпы 22 экономикалық қызмет түрі айқындалған.Қазіргі таңда облыс әкімдігі АЭА аумағын сапалы инвестициялық жобалармен толықтыру бағытында белсенді жұмыс жүргізуде. Маусым айында Астанада өткен «Орталық Азия – Қытай» форумы аясында облыс делегациясы мен Қытай компаниялары арасында жалпы құны 30,5 млрд теңге болатын төрт меморандумға қол қойылды. Атап айтқанда, су есептеу құрылғыларын өндіру, ауыл шаруашылығы техникаларын жинау және шығару, кальциленген силикатты тақтайшалар өндіру, жылыжай кешенін салу.Бұл жобалардың үшеуі «Қорқыт Ата» АЭА аумағында жүзеге асырылады, ал бір жоба дайын өндірістік ғимаратты қажет етеді. Осыған байланысты, облыс әкімдігі «Байқоңыр» әлеуметтік-кәсіпкерлік корпорациясымен бірлесіп, стандартқа сай шағын өнеркәсіптік аймақтар салуды жоспарлаған. Бұл бастама инвесторлардың жедел орналасуына мүмкіндік береді. Жобаға «БНК Груп» компаниясы қызығушылық танытуда.АЭА резиденттеріне барлық инженерлік инфрақұрылыммен қамтамасыз етілген жер телімдері ұсынылады. Мұнан бөлек, аймақта орналасқан кәсіпорындар үшін салық және кедендік жеңілдіктер қарастырылған. Атап айтқанда, корпоративтік табыс салығы, қосылған құн салығы, кедендік баждар, жер және мүлік салығынан, жер пайдаланғаны үшін төлемақыдан босатылады. Сондай-ақ, шетелдік жұмыс күшін квотасыз және рұқсатсыз тартуға мүмкіндік беріледі.Фото: Қызылорда облысы әкімінің баспасөз қызметі

Инвестициялық жобалар мен мемлекеттік қолдау механизмдері таныстырылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Біріккен Ұлттар Ұйымының Қазақстандағы тұрақты үйлестірушісі Саранго Раднарагчамен кездесті. Онда өңірдің экологиялық ахуалын жақсарту және Арал теңізін сақтап қалу мәселелері талқыланды.<blockquote>«2023 жылдың желтоқсанында Дубайда өткен Климат жөніндегі дүниежүзілік саммитте Мемлекет басшысы Арал теңізі мәселесіне ерекше назар аударып, халықаралық қауымдастықты Аралды құтқару халықаралық қорын қолдауға шақырды. Құм көшкінінің алдын алудың тиімді жолы – жергілікті климатқа бейімделген өсімдіктерді, әсіресе сексеуіл егу. Бүгінде халықаралық қорлардың қолдауымен теңіз табанына сексеуіл егу жұмыстары қарқынды жүруде. Өңірдің тұрақты дамуын қамтамасыз ету мақсатында облыс әкімдігі БҰҰ Даму бағдарламасына жалпы құны 25 миллион АҚШ долларын құрайтын жобалар тізімін ұсынды. Бұл жобалар экология, су және табиғи ресурстарды басқару салаларын қамтиды», – деді Нұрлыбек Машбекұлы.</blockquote>Кездесуде Саранго Раднарагча Қызылорда облысымен тығыз әріптестік орнатуға және бірлескен жобаларды іске асыруға дайын екенін білдірді.Айта кетейік, облыс Біріккен Ұлттар Ұйымының Даму бағдарламасымен тығыз ынтымақтастық орнатқан. Әсіресе, әлеуметтік жобалар аясында жастардың білімін арттыру, тәжірибе жинақтау мүмкіндіктерін кеңейту бағытында оқыту курстары, тренингтер мен шеберлік сабақтары тұрақты өткізіліп келеді.Фото:&nbsp;Қызылорда облысы әкімінің баспасөз қызметі

Аймақ басшысы БҰҰ өкілі Саранго Раднарагчамен кездесті

<a href="https://kyzylorda-news.kz/">Kyzylorda-news.kz</a> Кеше «Ұлттық Урбан Форумы – 2025 Қызылорда» халықаралық форумына қатысушылар қаладағы маңызды нысандарды аралады. Қонақтарға алдымен жаңғыртудан өткен инфрақұрылым нысандары таныстырылды.Қаланың орталық алаңы өткен жылы жаңа да көрікті келбетке ие болған еді. Алаңға жаңа субұрқақтар орнатылып, газон мен көпжылдық жасыл көшеттер отырғызылды. Сонымен қатар, шағын архитектуралық пішіндемелер, жаңа үлгідегі орындықтар мен жарық бағаналары, балаларға арналған ойын алаңы құрылды.Келесі нысандар – қалалық мәдени-демалыс саябағы және Тәуелсіздік даңғылы. Форум қатысушылары Сырдария өзенінің жағдайын көрді. Өткен жылдан бері Бейбарыс сұлтан көшесінен Әбілқайыр хан көшесіне дейінгі аралықтағы 6,7 шақырымдық даңғыл бойында қызу жұмыс басталған болатын. Сырдария өзенінің қорғаныш бөгетін нығайту да қатар жүргізілуде. Жобаның жалпы құны 6 млрд 656 млн теңге, қажетті қаржы толық бөлініп, қазіргі таңда оның 4 млрд теңгесі игерілді. Құрылыс жұмыстарын «УАД» жауапкершілігі шектеулі серіктестігі атқаруда. Қайта жаңғырту жұмыстары аясында жолдың негізі жаңартылып, асфальт төселді. Сырдария өзені бойындағы 1,4 шақырым қорғаныс бөгеті толықтай тазартылып, 1,4 шақырым тіреу қабырғасы тұрғызылды. Бұған қоса, бұрынғы екі жолақты жол төрт жолақты болып кеңейтіліп, ені 14 метрге дейін ұлғайтылды. Жол бойында 8 балалар ойын алаңы мен спорттық құрал-жабдықтар орнатылып, тұрғындардың бос уақытын тиімді өткізуіне жағдай жасалды. Жағалау аймағы абаттандырылып, серуендеуге қолайлы инфрақұрылым орнатылды. Даңғыл тек инженерлік тұрғыдан ғана емес, эстетикалық жағынан да жаңарды. Жол жиегі түрлі-түсті бояулармен көмкеріліп, көз тартарлық суреттермен безендірілген.Сол жағалаудағы жаңа стадион құрылысы да форум қатысушыларына таныстырылды. Қазір мұнда шығыс және батыс трибуналарының металл конструкциялары орнатылып, қабырғалар мен витраждар қаланған. Футбол алаңымен жабдықталып, аумағы абаттандырылуда.<img src="https://knadmin.beoblood.kz/uploads/1_Haly_araly_forum_a_atysushylar_yzylorda_alasynda_y_nysandardy_aralady_69184ba77c.jpg" alt="1 Халықаралық форумға қатысушылар қызылорда қаласындағы нысандарды аралады.jpg">Одан бөлек, қонақтар физика-математика бағытындағы «Білім-инновация» лицей-интернатына барды. Бұл оқу орны 400 орынға арналған. Лабораториялар, робототехника және STEAM кабинеттері бар. Мұнда физика, математика, информатика пәндері ағылшын тілінде тереңдетіліп оқытылады.Форум қатысушылары "Үстел теннисі" орталығына, облыстық тарихи-өлкетану музейіне, шығармашылық-инновациялық академияға және «Анаға тағзым» орталығына да барды.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары