<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Шиелі ауданына жұмыс сапары барысында Ыбырай Жақаев ауылындағы дене шынықтыру- сауықтыру кешенінің ашылуына қатысты. Салтанатты жиынға Парламент Сенаты жанындағы Сенаторлар кеңесінің мүшесі Мұрат Бақтиярұлы, облыстық мәслихат төрағасы Мұрат Тілеуімбетов, зиялы қауым өкілдері, жауапты сала басшылары мен ауыл тұрғындары келді.Аймақ басшысы жұртшылықты мерекемен құттықтап, жаңа нысанның ел игілігіне қызмет ететініне сенім білдірді.<blockquote>«Президентіміз Қасым-Жомарт Кемелұлы «Бұқаралық спортты дамыту арқылы біз кәсіби спортқа жол ашамыз және ең бастысы, ұлт саулығын жақсартамыз», – деген болатын. Бұл бағытта облыс тұрғындарының спортпен шұғылдануына қолайлы жағдай жасалуда. Өткен жылы қазан айында Қызылорда қаласында "Үстел теннисі" орталығы пайдалануға берілді. Халықаралық стандарттарға сәйкес келетін 11 мың орындық Орталық стадион салынуда. Нысан алдағы мамыр айында ел игілігіне табысталады. Жақын күндері Қызылорда қаласында көпбейінді «Қызылорда Арена», дене шынықтыру-сауықтыру кешендерінің құрылысы басталады. Жыл басынан бері Қармақшы ауданындағы ІІІ Интернационал, Дүр Оңғар елді мекендерінде, Сырдария ауданының Бесарық ауылында жаңа кешендер қолданысқа берілді. Дәл осындай спорт кешені ертең екі ауданда ашылады. Бүгін Ұлыстың ұлы күні қарсаңында Ыбырай Жақаев ауылындағы жаңа спорт кешенінің ашылу салтанатына жиналдық. Жаңа спорт ғимараты құтты болсын! Баршаңызды жыл басы - Наурыз мейрамымен шын жүректен құттықтаймын!Ұлыс оң болсын! Ақ мол болсын!», - деді Н.Нәлібаев.</blockquote>Рәсімде Шиелі ауданының дамуына үлес қосқан белсенді азаматтар облыс әкімінің Алғыс хатымен марапатталып, Қызылорда облысының құрметті азаматы Ибрагим Әбибуллаев батасын берді.<img class="image_resized" style="width:99.84%;" src="https://knadmin.beoblood.kz/uploads/Shieli_sport_kesheni_7aab620b5c.jpg" alt="Шиелі спорт кешені.jpg"><img src="https://knadmin.beoblood.kz/uploads/Shieli_sport_kesheni_2_59956a5913.jpg" alt="Шиелі спорт кешені 2.jpg"><img src="https://knadmin.beoblood.kz/uploads/Shieli_sport_kesheni_3_5d6e1948ce.jpg" alt="Шиелі спорт кешені 3.jpg">Фото: Қызылорда облысы әкімінің баспасөз қызметі

Шиеліде дене шынықтыру-сауықтыру кешені ашылды

<a href="https://kyzylorda-news.kz/">Kyzylorda-news.kz</a> Ұлыстың ұлы күні қарсаңында облыс әкімі Нұрлыбек Нәлібаевтың қатысуымен Шиелі кентінде 200 орындық Оқушылар үйі мен 50 орындық Өнер мектебінің іргетасын қалау рәсімі өтті. Оған Парламент Сенаты жанындағы Сенаторлар кеңесінің мүшесі Мұрат Бақтиярұлы, облыстық мәслихат төрағасы Мұрат Тілеуімбетов, жауапты сала басшылары, зиялы қауым өкілдері, ардагерлер мен аудан тұрғындары қатысты.Жаңадан бой көтеретін ғимараттың бас мердігері «СПМ - Қызылорда» ЖШС нысанды биыл пайдалануға береді.Айта кетейік, кейінгі жылдары Сыр өңірі қарқынды құрылыс алаңына айналды. Құрылыс көлемі, пайдалануға берілген ғимараттар мен тұрғын үйлер саны еселеп артты.«ҚазГермұнай» компаниясының демеушілігімен Қызылорда қаласында заманауи үлгідегі 350 орындық «Оқушылар сарайы», 3 ауданда 200 орындық «Оқушылар үйі» мен 50 орындық «Өнер мектебі» ел игілігіне табысталды.«Шығармашылық академиясы», музыкалық колледждің жаңа ғимараты мамыр айында аяқталады. Дарынды балаларға арналған физика-математика мектеп-интернаты да шәкірттерге есік ашпақ.Биыл «Білім беру инфрақұрылымын қолдау қоры» есебінен Арал ауданының «Жалаңаш» ауылынан 150 орындық мектеп салынады. Былтыр 3 млрд 100 млн теңгеге 8 мектеп ғимаратына күрделі жөндеу жүргізілді.Мемлекет басшысының 1 300 мектепті жаңғырту тапсырмасына сәйкес алдағы 3 жыл ішінде облыстағы 51 мектеп, оның 9-ы биыл күрделі жөндеуден өтеді.<img src="https://knadmin.beoblood.kz/uploads/Shieli_200_oryndy_mektep_895f70f75d.jpg" alt="Шиелі 200 орындық мектеп.jpg"><img src="https://knadmin.beoblood.kz/uploads/Shieli_200_oryndy_mektep_2_ee00ae3911.jpg" alt="Шиелі 200 орындық мектеп 2.jpg">Фото: Қызылорда облысы әкімінің баспасөз қызметі

Оқушылар үйі мен өнер мектебінің іргетасы қаланды

<a href="https://kyzylorda-news.kz/">Kyzylorda-news.kz</a> Жақын арада eGov қосымшасында қазақстандықтар жеке деректерінің таралып кеткен-кетпегенін тексере алатын жаңа функция іске қосылады. Бұл туралы <a href="https://stan.kz/egov-zhuyesinde-zhana-funkciya-payda-boladi-415389/">Stan.kz</a> ақпарат агенттігі хабарлайды.&nbsp;Web-Totem ЖШС директоры Руслан Төргелдиновтың айтуынша, жаңа Nomad Guard сервисі eGov жүйесіне интеграцияланған.<blockquote>"Сіз электрондық цифрлық қолтаңба арқылы авторизациядан өткен кезде, жүйе сіздің ЖСН, аты-жөніңіз және мобильді азаматтар базасындағы деректеріңізді. Соның ішінде электрондық поштаңызды пайдаланады. Дәл осы деректер бойынша жүйе ақпараттың таралып кетуін тексереді. Егер сіздің деректеріңіздің таралып кеткені анықталса, сізге 1414 нөмірінен хабарлама келеді. Сонымен қатар eGov Mobile мобильді қосымшасы арқылы да ескерту аласыз", – деді Төргелдинов Орталық коммуникациялар қызметіндегі брифингте.</blockquote>Руслан Төргелдиновтың айтуынша, қазіргі уақытта жаңа функцияның соңғы тестілеу кезеңдері аяқталып жатыр. Алдағы күндері ол қосымшада қолжетімді болады және әрбір азамат өз деректерінің таралып кеткен-кетпегенін тексере алады.Фото: Цифрлық даму министрлігі

eGov жүйесінде жеке деректер таралып кетуін тексере алатын жаңа функция пайда болады

<a href="https://kyzylorda-news.kz/">Kyzylorda-news.kz</a> Бұл күннің идеясы – жалпы халық бір-біріне деген сый-құрметтерін арттырып, татулық пен бірлік насихатталады.

Бүгін – Ынтымақ күні

<a href="https://kyzylorda-news.kz/">Kyzylorda-news.kz</a> Мемлекеттік кірістер комитеті кейбір жарияланған теріс ақпараттарға сенбеуге шақырды, деп хабарлайды <a href="https://baq.kz/endi-toy-zhasagandar-da-salyq-toley-me-200010078/">BAQ.KZ тілшісі.</a>Кейбір ақпараттарда деректер бұрмаланған. Мұнда жеке кәсіпкер ретінде тіркелмей, коммерциялық қызметпен айналысатын адамдар туралы сөз болып отыр. Мұндай жүргізушілер, тамадалар, әншілер және басқа да азаматтар салықтық міндеттемелерін жалпы негізде орындайды, бұл салық салудың әділдік қағидатына сәйкес келеді, - деп жауап берді комитет.Еске салайық, бұған дейін салық төлеуден жалтарған ірі компаниялар анықталғанын жазған едік.Комитеттің мәліметінше, бұған дейін жүргізілген талдау нәтижесінде 633 салық төлеушіге ескерту жасалған, олардың ішінде 172 құрылыс саласында, 102 сауда секторында және басқа да салаларда жұмыс істейді.Фото: Нұрболат Нұржаубай

Енді той жасағандар да салық төлей ме?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Шиелі ауданына жұмыс сапарымен барып, Қазақстан Республикасы Парламенті Сенаты жанындағы Сенаторлар Кеңесінің мүшесі Мұрат Бақтиярұлы, облыстық мәслихат төрағасы Мұрат Тілеуімбетов, жауапты сала басшылары, зиялы қауым өкілдерімен бірге Ұлыстың Ұлы күніне арналған көпшілік іс-шараға қатысты.Аудан жұртшылығын Наурыз мейрамымен құттықтап, аймақта атқарылған, қолға алынған, алдағы уақытқа жоспарланған жұмыстарға тоқталды.<blockquote>«Баршаңызды береке мен бірліктің бастауы болған Ұлыстың ұлы күнімен шын жүректен құттықтаймын! Президентіміздің бастамасымен өткен жылдан бері Наурыз мейрамы "Наурызнама" онкүндігі аясында тойлануда. Бұл көктем мерекесінің мазмұнын байытып, көпшілікті ортақ құндылықтар төңірегіне біріктіре түсті. Ұлыстың Ұлы күні Сыр еліне толайым жаңалықтарымен келді! Президентіміздің, Үкіметтің ерекше қолдауымен байыпты бастамалар қолға алынып, жасампаз жобалар жүзеге асуда. Өткен жылы облысымыздың бюджетін 750 млрд. теңгеден асырдық. Жергілікті кәсіпкерлер, осы елден шыққан меценаттар, туған жерді түлетіп, көркейтуге бар күш-жігерін салып, демеушілік көрсетіп, белсенділік танытты. Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Әз Наурыз тәуелсіз елімізге, туған жерімізге молшылығымен, игілігімен келсін! Жеріміздің тынысы кең, еліміздің мерейі үстем, халқымыздың келешегі кемел болсын деп тілеймін! Егініміз бітік шығып, қамбамыз астыққа толсын! Әр шаңыраққа бақ-береке, шаттық, қуаныш орнасын!», - деді Н.Нәлібаев.</blockquote>Мұнда Наурыз мейрамына арналған тақырыптық киіз үйлер тігілген. Ұлттық қолөнер бұйымдары көрмесі қойылып, ұлттық ойындардан сайыстар ұйымдастырылды. Аймақ басшысы бүлдіршіннің тұсауын кесіп, қадамына сәттілік тіледі.Мерекелік шарада ауданның әлеуметтік-экономикалық, рухани-мәдени дамуына үлес қосқан белсенді азаматтар облыс әкімінің Алғыс хатымен марапатталып, еңбек ардагері, Шиелі ауданының құрметті азаматы Рахим Мәуияұлы ақ батасын берді.<img class="image_resized" style="width:98.72%;" src="https://knadmin.beoblood.kz/uploads/Shieli_nauryz_9cbb2b2588.jpg" alt="Шиелі наурыз.jpg"><img src="https://knadmin.beoblood.kz/uploads/Shieli_nauryz_2_bd32a1cf2d.jpg" alt="Шиелі наурыз 2.jpg"><img src="https://knadmin.beoblood.kz/uploads/Shieli_nauryz_3_16ad0a9eba.jpg" alt="Шиелі наурыз 3.jpg"><img src="https://knadmin.beoblood.kz/uploads/Shieli_nauryz_4_0958d14bca.jpg" alt="Шиелі наурыз 4.jpg">Фото: Қызылорда облысы әкімінің баспасөз қызметі

Шиеліде әз-наурыз мерекесі тойланды

<a href="https://kyzylorda-news.kz/">Kyzylorda-news.kz</a>&nbsp; Алматыда ер адам әйелін көшедегі жаттығу құрылғысында жаттығуға күштеп мәжбүрлегені түсірілген видео әлеуметтік желіде таралды. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Telegram-арнасында жарияланған видеода "ер адам әйелді жаттығуға мәжбүрлейді" деп жазылған. Сонымен қатар ол әйелдің бұған дейін инсульт алғаны және жергілікті тұрғындардың бұл көрініске күн сайын куә болатыны айтылған.Кадрлардан ер адамның әйелді күшпен жаттығу құрылғысына отырғызуға тырысып жатқаны көрінеді. Оған бұл үлкен қиындықпен беріледі, содан кейін әйел жаттығулар жасай бастайды. Видео авторлары бұл әрекетке ашуланған.Алматы полиция департаменті бұл оқиға бойынша "102" пультіне ешқандай шағым, хабарлама немесе қоңырау түспегенін хабарлады.<blockquote>"Қазір Әуезов ауданы Полиция басқармасының қызметкерлері тексеру жүргізіп жатыр. Оқиғаға қатысушылар мен мән-жайлар анықталып, Қазақстан Республикасының заңнамасына сәйкес шаралар қабылданады", – деп мәлімдеді полицияда.</blockquote>Фото: Видеодан скрин

"Инсульт алған әйелді жаттығу жасауға мәжбүрлеген": Қазақстандықтардың ер адамның дөрекілігіне ашуланды

<a href="https://kyzylorda-news.kz/">Kyzylorda-news.kz</a>&nbsp; Биыл Наурызнама елімізде 14-23 наурыз аралығында тойланады. Әр күннің өз тақырыптық бағыты, дәстүрі мен мәні бар.Наурызнамада 20 наурыз – Ұлттық спорт күні деп белгіленген. Әрбір ұлттың әдебиетімен, мәдениетімен, салт-дәстүрімен бірге жасасып келе жатқан құндылықтардың бірі – ұлттық спорт.Бүгін "Ұлттық мұра" партиялық жобасы аясында "AMANAT" партиясы Байқоңыр филиалына қарасты бастауыш партия ұйымдарының арасында қол күресі, гір көтеру, ләңгі тебу, арқан тартыс ұлттық ойындар түрлерінен спорттық сайыс өткізілді.БПҰ мүшелері сайыс барысында бір-біріне дес бермей, жеңімпаз атану үшін барын салып, ойынның көркін қыздырды.Тартысты өткен жарыс нәтижесінде жеңімпаздарға арнайы кубок, бағалы сыйлықтар мен дипломдар табысталды.Спорттық шараға қатысқан БПҰ мүшелері ұйымдастырушыларға алғыстарын жеткізіп, ризашылықтарын білдірді.Жарысты қорытындылай келе, "AMANAT" партиясы Байқоңыр филиалының Атқарушы хатшысы Мақсат Есбенбетов халқымыздың қайсар рухы мен қажыр-қайраты осы ұлттық спорт түрлерінде жарқын көрініс табады. Тереңнен тамыр тартқан, бабаларымыздың өмір-салтымен біте қайнасқан төл өнеріміз еліміз егемендік алған тұстан бастап қарқынды дамып келеді деп атап өтті.

Ұлттық спорт түрлерінен жарыс ұйымдастырылды 

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаевтың қатысуымен Жаңақорғанда «Армысың, Әз Наурыз» атты мерекелік шара өтті. Жиынға Қазақстан Республикасы Парламенті Сенаты жанындағы Сенаторлар Кеңесінің мүшесі Мұрат Бақтиярұлы, облыстық мәслихат төрағасы Мұрат Тлеумбетов, аудан тұрғындары, аймақ ардагерлері қатысты. Кенттегі «Prime Park» орталық саябағына ұлттық қолөнер бұйымдары көрмесі қойылып, ұлттық ойындардан сайыстар ұйымдастырылды. Салт-дәстүрлердің тағылымы суреттелген қойылымдар көрсетілді. Іс-шара қонақтары бүлдіршіндердің тұсауын кесіп, игі тілек айтты. Аймақ басшысы тұрғындарды Наурыз мерекесімен құттықтап, атқарылған жұмыстарға тоқталды.<blockquote>«Мемлекет басшысы Қасым-Жомарт Кемелұлы «Ұлыстың ұлы күнінде ұрпақтар сабақтастығы, достық қарым-қатынастар мен қонақжайлық салты дәріптеледі.Тереңнен тамыр тартатын құндылықтарымыз, үлкенге құрмет, кішіге ізет көрсету дәстүрі ерекше салтанат құрады», – деген болатын. Президентіміздің бастамасымен өткен жылдан бері елімізде Наурыз мейрамы 10 күн бойы тойлануда. Ұлыстың Ұлы күні Сыр жеріне толайым жаңалықтарымен келді! Биыл – еліміз, өңіріміз үшін мерейтойлар жылы! Қазақтың бас ақыны Абай Құнанбайұлының туғанына 180 жыл, Қызылорданың Қазақ елінің астанасы болғанына 100 жыл, Ұлы Жеңістің 80 жылдығы, Байқоңыр ғарыш айлағының ашылғанына 70 жыл, Қазақстан халқы Ассамблеясының 30 жылдығы кең көлемде аталып өтеді. Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің Сыр өңіріндегі атқарылып жатқан жұмыстарға берген оң бағасы.Ұлттық құндылықтарымызды ұлықтаған Наурыз мейрамы тәуелсіз елімізге, туған жерімізге игіліктерімен, жаңалықтарымен келсін! Жеріміздің тынысы кең, еліміздің мерейі үстем, халқымыздың келешегі кемел болсын деп тілеймін! Әрбір шаңыраққа бақ-береке, шаттық, қуаныш орнасын! Ұлыс оң болсын, ақ мол болсын! Әз Наурыз құтты болсын!», - деді Нұрлыбек Машбекұлы.</blockquote>Мерекелік жиында Жаңақорған ауданының дамуына үлес қосқан белсенді азаматтар облыс әкімінің Алғыс хатымен марапатталып, Қызылорда облысының құрметті азаматы Бекмырза Еламанов батасын берді.Іс-шара соңы мерекелік концертке ұласты.<img src="https://knadmin.beoblood.kz/uploads/1_Zha_a_or_anda_Armysy_z_nauryz_atty_merekelik_shara_tti_86492e8ee8.jpg" alt="1 Жаңақорғанда «Армысың, Әз наурыз!» атты мерекелік шара өтті.jpg"><img src="https://knadmin.beoblood.kz/uploads/2_Zha_a_or_anda_Armysy_z_nauryz_atty_merekelik_shara_tti_8b8477a859.jpg" alt="2 Жаңақорғанда «Армысың, Әз наурыз!» атты мерекелік шара өтті.jpg"><img src="https://knadmin.beoblood.kz/uploads/3_Zha_a_or_anda_Armysy_z_nauryz_atty_merekelik_shara_tti_7e56bf9464.jpg" alt="3 Жаңақорғанда «Армысың, Әз наурыз!» атты мерекелік шара өтті.jpg"><img src="https://knadmin.beoblood.kz/uploads/4_Zha_a_or_anda_Armysy_z_nauryz_atty_merekelik_shara_tti_f4b46f0027.jpg" alt="4 Жаңақорғанда «Армысың, Әз наурыз!» атты мерекелік шара өтті.jpg">Фото: Қызылорда облысы әкімінің баспасөз қызметі

Жаңақорғанда «Армысың, Әз наурыз!» атты мерекелік шара өтті 

<a href="https://kyzylorda-news.kz/">Kyzylorda-news.kz</a>&nbsp; ҚМДБ «Зекет және қайырымдылық» қорының Қызылорда облысы бойынша өкілдігі кезекті 100 отбасына қуаныш сыйлады.Қайырымдылық шарасында Сыр өңірінің бас имамы Дастан Жанасұлы мүмкіндігі шектеулі жандарды берекелі аймен және ұлттық мейрам келуімен құттықтап, «Рамазан сыйын» табыстады.Айта кетейік, Діни басқарманың 35 жылдығына және Рамазан айының құрметіне орай Бас мүфти Наурызбай қажы Тағанұлының тапсырмасымен 35 000 отбасына азық-түлік тарату марафоны бастау алған болатын. Рамазан айында басталған жоба жыл бойы жалғасын табады. Аймақтағы көмекке мұқтаж адамдар тізімі облыстық «Отбасын қорғау» орталығынан алынуда.Фото: ҚМДБ-ның Қызылорда облысы бойынша өкілдігінің баспасөз қызметі

Рамазан сыйы – 2025: Кезекті 100 отбасына қуаныш сыйлады

<a href="https://kyzylorda-news.kz/">Kyzylorda-news.kz</a> Бүгін Наурызнама онкүндігіне сәйкес, 20 наурыз – Ұлттық спорт күні. Осыған орай, Қызылорда қалалық ипподромында қазақтың ұлттық ойындарын кең көлемде дәріптеу мақсатында арнайы мерекелік іс-шара ұйымдастырылды.Салтанатты шараның ашылуына Қызылорда облысының дене шынықтыру, спорт және туризм басқармасының басшысы Бахтияр Артаев қатысып, сырбойылықтарды Ұлттық спорт күнімен құттықтады.<blockquote>– Ең алдымен баршаңызды Ұлыстың ұлы күні Наурыз мерекесімен шын жүректен құттықтаймын! Ұлттық спорт – өскелең ұрпақты үйлесімді тәр­­­бие­­леудің ажырамас бөлігі. Сол себепті ұлтымыздың тарихы мен дәстүрінен сыр шертетін ұлттық ойындарымызды кеңінен насихаттап, қайта жаңғырту баршамыздың парызымыз.Білек пен білім, күш пен мінез, төзім мен сабыр сынға түсетін сан түрлі сайыстар арқылы тәрбие мен тағылымды бойына сіңірген жастарымыздың әрдайым алда болары анық. Баршаңызға Ұлттық спорт күні құтты болсын!, – деді басқарма басшысы.</blockquote>Өз кезегінде спорт саласының құрметті ардагері Құрманғали Мырзаұлы ақ батасын беріп, көпшілік қауымға өзінің ізгі тілегін жеткізді.Сондай-ақ, мерекелік шарада Ұлттық спорттың дамуына өзіндік үлесін қосып жүрген бірқатар спорт саласының қызметкерлері марапатталып, құрмет төрінен көрінді.Ұлттық құндылығымыз ұлықталған мерекелік шарада тұсаукесер рәсімі өтті. Басқарма басшысы Бахтияр Ғарифоллаұлы қадам басқан бүлдіршіннің тұсауын кесіп, ел мақтанышына айналар азамат болуына тілек білдірді.Одан кейін шара барысы спорт мектептері дайындаған мерекелік концертпен жалғасты. Сондай-ақ, ұлттық ойындарымыз көкпар, арқан тартыс, қазақ күресі, қол күрес, асық ату, тоғызқұмалақ, аударыспақ, гір көтеруден жарыс өтіп, оған 400-ге жуық спортшы қатысты.Айта кетейік, бүгінде Сыр өңірінде 29 446 адам ұлттық спортпен айналысады. Аймақта ұлттық спорттың басым көпшілігі ерекше қарқынмен дамып келеді.<img src="https://knadmin.beoblood.kz/uploads/1_Syr_elinde_ltty_sport_k_ni_atalyp_tti_3b8a6cc887.jpg" alt="1 Сыр елінде Ұлттық спорт күні аталып өтті.jpg"><img src="https://knadmin.beoblood.kz/uploads/2_Syr_elinde_ltty_sport_k_ni_atalyp_tti_268efaa51d.jpg" alt="2 Сыр елінде Ұлттық спорт күні аталып өтті.jpg"><img src="https://knadmin.beoblood.kz/uploads/3_Syr_elinde_ltty_sport_k_ni_atalyp_tti_53b91ec13f.jpg" alt="3 Сыр елінде Ұлттық спорт күні аталып өтті.jpg">Фото: Қызылорда облысының дене шынықтыру, спорт және туризм басқармасы

Сыр елінде Ұлттық спорт күні аталып өтті 

"Менің алғашқы оразам" байқауына<a href="https://kyzylorda-news.kz/">Kyzylorda-news.kz</a>&nbsp; &nbsp; Ораза ұстау &nbsp;парыз. Міне, осы сөздің мағынасын терең түсінгендер қатары бүгінде артып келеді. Қуантарлығы, жастар арасында да ауыз бекітіп, ораза ұстаушылар көбейді.&nbsp; Мен де алғашқы оразаны мектеп қабырғасында бастағанмын. Ең алғашқы ораза болған соң білмей істеген қателіктер болады. Бірақ уақыт өте келе тәжірибе жинақтап, істеуге болатын, болмайтын нәрселерді үйрендім. Қазір ғаламтордың дамыған заманы. Кез келген сұрақтың жауабы ғаламторда тұр. Оның үстіне инстаграм әлеуметтік желісінде имамдардың парақшасына жазылып, күнделікті тың бір ақпаратты үйреніп алуға мүмкіндік бар.&nbsp;Қазіргі таңда танымал имам Нұрлан Байжігітұлы күнде сәресіде тікелей эфирде отырады. Оның оқырмандары көп екені айтпаса да белгілі. Оқырмандарынан келген кез келген сұраққа жеп-жеңіл, жастардың тілінде, қабылдауына оңай етіп жауап береді. "30 күн оразада мен сіздермен бірге боламын. Егер сәресі ішуге қасыңызда серік болмаса, менің тікелей көрсетілімімді қосып қойыңыз. Оразаға қатысты сұрағыңызға жауап алып, біліміңізді әрі қарай дамытасыз" дейді. Ораза ұстау үшін шешім қабылдау оңай. Бастысы – ниет қана. Ал білмей істелген қателікті Алланың өзі кешіреді.&nbsp; &nbsp;Биыл 20-сыншы рет ауызбекітіппін. Бұл мен үшін мақтаныш емес, қуантарлық іс.&nbsp; &nbsp;Анам бастапқыда "Мектеп оқып жүргенде ауыз бекіту қиын болады келер жылы ұстайсың" деді. Бірақ анамның келісімін алып, ниет етіп, ауыз бекіттім. Ең алғашқы ұстаған ораза болған соң, білмей істелген қателіктер көп болды. Бірте-бірте үйрене бастадым. Рұқсат етілген нәрселерді, тиым салынғандарды іздеп, оқып зерттедім. Ол кезде әлі баласың, дұрыс-бұрысты үйреніп кету оңай емес. Біреуі "анау болмайды, мынау болмайды" деп жүрді, солай үйрендім. Бастысы, ораза тек азаннан-кешке дейін тамақ ішпей жүру емес екенін түсіндім. Оразада Алла өзі күш-қуат береді дейді. Бұл сөзге анық көзім жетті. Себебі ораза кезінде қарның ашпайды, тамақ іздеп, шыдамсызданбайсың. 30 күнде астан ғана емес, жаман әдеттен, біреуді жамандап, ғайбаттаудан тиыласың. Бір сөзбен айтқанда, &nbsp;рухани тазарасың. Сауапты іс-әрекет жасауға, әр жұма сайын садақа беруді бойға сіңіреді екенсің. Қазір ораза ұстағандар қатары көбейіп келеді. Бұл мені айтарлықтай қуантады. Тарауих намазға баратын жастар да көбейді. "Қосшыңырау ауылдық округінің" мешітінде күнде кешке жиналғандар қарас көп. Оқушылардың да шын көңілмен ниет етіп, мешітке қарай қуана-қуана барғанын көру, ниетін сезіну адамға ерекше қуаныш сыйлайды екен. Мешіт – құлшылық жасалатын орын. Ол жерге барудағы мақсат – Аллаға құлшылық ету, парыз етілген үкімдерді орындау. Мұны жастар жақсы түсініп келеді.&nbsp; Ораза сөзінің араб тіліндегі баламасы – "саум". Бұл – барлық нәрседен тыйылу деген мағынаны білдіреді. &nbsp;Ораза – Алла Тағала Құранда: "Уа, иман келтіргендер! Өздеріңнен бұрынғыларға парыз етілгендей сендерге де ораза ұстау парыз етілді. Бәлкім, сол арқылы (асау нәпсіні тізгіндеп) күнә атаулыдан сақтанып, тақуалыққа жетерсіңдер", – дейді. Бұл аят оразаның Мұхаммедтің (оған Алланың салауаты мен сәлемі болсын!) үмбетінен басқа қауымдарға да жалпылама міндеттелгеніне дәлел болады. Ораза – адамды игілікке бастап, Алланың рақымына жетелейтін игі құлшылық. Сондықтан да Хақ Тағала аятта: "Бәлкім, тақуалыққа жетерсіңдер", – деп үміт ұшқынын жағады.Ораза пендені көптеген жаман әдеттерден сақтайды. Тәнді аурудан, жанды құмарлықтан, ақыл-ойды азғындықтан тыяды.&nbsp; &nbsp; Демек, оразаның адамға тигізер пайдасы, сауабы көп. Сондай-ақ адам ағзасына тигізер 10 пайдасы бар екен. Мәселен, жасушалар жаңарып, ескілері жойылады. Қант ауруына тосқауыл болады. Артық салмақтан арылуға әсер етеді, тері ауруларына пайдалы. Тұз байлану ауруына әсері бар. Қан қоюлануының алдын алады, адам ағзасын улы заттардан тазартады. Сондай-ақ ас қорыту жүйесі демалады, жағымсыз тәуелділіктерден арылтады. Қан қысымын түсіреді, бас ауруына пайдасы бар. Яғни ораза адам денсаулығын жақсартады.<blockquote>– Рамазан – он екі айдың сұлтаны, берекелі де кешірімі мол ай. Қасиетті айда адам баласы көбірек жақсылық жасап, ізгі амалдар атқаруға тырысады. Ораза пендені тақуалыққа тәрбиелейді. Рамазан – Алланың мейірімі төгіліп, жұмақтың есігі айқара ашылатын, иманды күшейтуге мүмкіндік берілген берекелі ай. Бұл – Жаратушы Иеміздің ұлы сыйы әрі нығметі. Рамазан – он бір ай бойы кір шалып, тот басуға аз қалған рух пен жүректің қайта тазарып, кемелденуі үшін Алла Тағаланың арнайы бекіткен киелі бағдарламасы, – дейді ҚМДБ төрағасы, Бас мүфти Наурызбай қажы Тағанұлы инстаграм әлеуметтік желідегі парақшасында.</blockquote>&nbsp;Ғұламалардың айтуынша, Рамазанның алғашқы он күні – мейірім, екінші он күні – кешірім және соңғы он күні – тозақ отынан азаттық. Ораза ұстауға сауапты іс істеуге, жұма сайын садақа беруге асығайық!&nbsp;Мөлдір САБЫРЖАНФото: freepik.com

Қазақстан және Қызылорда облысының жаңалықтары