<a href="https://kyzylorda-news.kz/">Kyzylorda-news.kz</a> Ресей президенті Владимир Путин "<a href="https://kazpravda.kz/n/rossiya-kazahstan-soyuz-vostrebovannyy-zhiznyu-i-obrashchennyy-v-budushchee/">Казахстанская правда</a>" газетінде жарияланған мақаласында Қазақстанда жаңа орыс мектептерін салуға қолдау білдіретінін айтты. Ол Қазақстанның оңтүстігінде, қазақтар тығыз қоныстанған үш қалада, атап айтқанда Қызылорда, Тараз және және Түркістанда жаңа орыс мектептерінің ашылатынына үміт білдірген, деп хабарлайды <a href="https://sn.kz/">Skifnews.kz </a>ақпарат порталы.<blockquote>"Ресей Қазақстанда орыс мектептерін салуды және орыс тіліндегі білім сапасын арттыруды қолдайды. Таяуда Қызылорда, Тараз және Түркістанда жаңа орыс мектептері салынады деп сенеміз", – деп жазды Путин.</blockquote>Сонымен қатар ол Қазақстан Президенті Қасым-Жомарт Тоқаевтың "орыс тілін қолдау жөніндегі халықаралық ұйым" құру бастамасына алғыс білдірді.Қазір Қазақстанда шамамен 7 мың мектеп бар, соның ішінде 1160-ы – таза орыс тілінде білім береді, ал 2 мыңнан астамы аралас мектептер.Былтыр күзде Қазақстанның оңтүстігінде үш орыс мектебін ашу жоспары туралы айтылған кезде, журналистер оқу-ағарту министрі Ғани Бейсембаевқа "қазақтар көп тұратын аймақтарда неге орыс мектептері ашылады?" деген сауал қойған. Министр бұл сұраққа "Біз көптілділікті дамытудамыз. Балаларымыз бәсекеге қабілетті болуы үшін көп тілде білім алуы қажет. Ата-аналардың бұған қарсылығы жоқ. Барлық мектептер мемлекеттік стандарттарға сай жұмыс істейді" деп жауап берген еді.Ол бұл бастаманың артында ешқандай саяси мүдде жоқ екенін және орыс мектептерінде сабақты Ресейден келген мұғалімдер жүргізетінін атап өтті. Ресей президентінің бұл мәлімдемесі оның Қазақстанға мемлекеттік сапары қарсаңында жарияланды. Өз кезегінде Қазақстан президенті Қасым-Жомарт Тоқаев Ресейлік "Известие" басылымына мақаласын ұсынды.<blockquote>"Іргелес жатқан Ресей қалаларында Қазақстан мектептері ашылады деп сенеміз", – деді Тоқаев мақалада.</blockquote>Оның айтуынша, қазір Ресейдің жоғары оқу орындарында 60 мыңға жуық қазақстандық студент білім алып жатыр. Бұған қоса, Астанада Мәскеу Халықаралық қатынастар мемлекеттік институтының филиалын, ал Омбыда Әл-Фараби атындағы Қазақ ұлттық университетінің өкілдігін ашу жоспарланып отыр.Фото: Pixabay

Қызылорда, Тараз, Түркістанда орыс мектептерін ашқалы отырмыз – Путин

<a href="https://kyzylorda-news.kz/">Kyzylorda-news.kz</a> Қала әкімдігінің баспасөз орталығында отбасын қолдау орталығының директоры Гүлнар Сексенбаева, қалалық полиция басқармасы жергілікті полиция қызметі бөлімі әйелдерді зорлық-зомбылықтан қорғау тобының аға инспекторлары Еркебала Артықбаева және Айгерім Ерболатқызының қатысуымын баспасөз конференциясы өтті.Өздеріңізге белгілі, елімізде «Зорлық-зомбылықсыз 16 күн» халықаралық акциясы басталған болатын. Науқан жыл сайын 25 қараша мен 10 желтоқсан аралығында өткізіліп келеді. Акцияның мақсаты – тұрмыстық зорлық-зомбылықтың алдын алу және халықтың құқықтық сауаттылығын арттыру.Осы бағытта қала әкімдігі жанынан ақпараттық-насихаттық топ қалаға қарасты кент және ауылдық округтерінде болып, тұрғындар арасында профилактикалық үгіт-насихат жұмыстарын жүргізуде.Сандық мәліметтерге жүгінетін болсақ, жыл басынан бері Қызылорда қалалық полиция басқармасына «102» арнасы арқылы «Отбасы жанжалы болуда» деген 2500-ге жуық хабарлама келіп түскен. Хабарламалар бойынша заң аясында тиісті шаралар қабылданды.Айта кету керек, бұған дейін ұрып-соғу мен денсаулыққа қасақана жеңіл зиян келтірген дерегі бойынша ҚР ӘҚБтК-нің 73-2-бабы, 73-1-бабы бойынша әкімшілік хаттама рәсімделсе, жаңа өзгерісте 2024 жылдың маусым айының 16-нан бастап ұрып-соғу және денсаулыққа қасақана жеңіл зиян келтіру криминализацияланды.Жоғарыда көрсетілген өзгерістер мен толықтыруларға байланысты әйелдерге қарсы жасалған 71 қылмыс дерегі орын алып, көрсеткіштің көлемі артқан. Фото: Қала әкімдігі

Болашақтың кілті – бақытты отбасында

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаев Жаңақорған ауданындағы құрылыс нысандарына да барып, ондағы жұмыс барысын көрді.«Төменарық» елді мекеніндегі жанында дәрігерлік амбулаториясы бар ауылдық аурухана 15 төсек-орынға арналған. Бүгінде ғимараттың сыртқы-ішкі қабырғалары сыланып, әрленіп, есік-терезе орнатылған, еденге керамикалық плитка төселіп, сырты қапталған. Ендігі жұмыс бағыты – газ қосу.Одан кейін аймақ басшысы Жаңақорған кентіндегі 200 орындық «Оқушылар үйі» мен 50 орындық «Өнер мектебінің», «Руханият орталығының», теміржол үстінен өтетін көпірдің құрылысымен танысты.Бұл нысанда да жер жұмыстары, іргетас қалау, монолитті колонна, ригель құю, кірпіш қалау, екі қабаттың да ішкі қабырғасын сылау, әрлеу, терезелерін орналастыру 100 пайыз аяқталған. Сыртын қаптау және абаттандыру жұмыстары қарқынды жүргізілуде.Биылғы «Руханият жылында» Қызылорда облысының өнер және мәдениет саласында жаңа жобаларды жүзеге асыру жоспарланғаны белгілі. Барлық ауданда 11 млрд. 500 млн. теңгеге тәулік бойы жұмыс жасайтын кітапханалары бар «Руханият орталықтары» салынуда. Орталықтар жыл соңында, яғни желтоқсан айында іске қосылады. Қазір ішкі және сыртқы сылақ, әрлеу жұмыстары, шатырын жабу қолға алынған. Аталған нысандардың бас мердігері – «Астана сервис LTD» ЖШС.Жаңақорғандағы ұзындығы 76, ені 15,4 метрлік теміржол үстінен өтетін көпірдің құрылысы да қарқын алған. Бетондау, шкафтық қабырғалары мен шеткі плиталарын ауыстыру, тротуар блоктары мен жарық бағаналарын орнату, ГПС, щебень, асфальт төсеу және т.б. жұмыстары аяқталған. Көпірге дейінгі 1,2 шақырым жол салынды. Мердігер мекеме – "Сервис НС", бас жобалаушы – "ТОП Геодезия" ЖШС.Облыс әкімі әрбір нысанды салғанда оның ұзақ жылдар бойы ел игілігіне қызмет ететінін басты назарда ұстауды тапсырды. Осы орайда сапаға баса мән беріп, құрылыс жұмыстарын уақытылы аяқтауды ескертті.<img src="https://knadmin.beoblood.kz/uploads/Proanalizirovan_hod_stroitelstva_v_Zhanakorganskom_rajone_3_a52912c9c0.jpg" alt="Проанализирован ход строительства в Жанакорганском районе 3.jpg"><img src="https://knadmin.beoblood.kz/uploads/Proanalizirovan_hod_stroitelstva_v_Zhanakorganskom_rajone1_5c0f5cbee8.jpg" alt="Проанализирован ход строительства в Жанакорганском районе1.jpg">Фото: Қызылорда облысы әкімінің баспасөз қызметі

Жаңақорған ауданындағы құрылыс жұмыстарының барысы сараланды

<a href="https://kyzylorda-news.kz/">Kyzylorda-news.kz</a> Қазіргі таңда елімізде мемлекеттік қызметке кіруді барынша жеңілдету мақсатында «Б» корпусының&nbsp;мемлекеттік әкімшілік лауазымдарына конкурстық іріктеусіз тағайындалу бойынша белгілі нормалар қабылданды.Атап айтқанда,&nbsp;жоғары оқу орындарын мемлекеттік грант есебінен үздік аяқтаған түлектер диплом алғаннан кейін бір жыл ішінде аудандық және ауылдық деңгейдегі «Б» корпусының&nbsp;мемлекеттік әкімшілік лауазымдарына заңнамалардан ешқандай тест тапсырмастан конкурстан тыс тағайындала алады.Осы норма заңды күшіне енген уақыттан бері бүгінгі күнге дейін өңірімізде 9 түлек Қызылорда қаласы мен Арал, Қазалы, Қармақшы, Сырдария, Шиелі, Жаңақорған аудандарындағы аудандық және ауылдық деңгейдегі түрлі лауазымдарға конкурстан тыс тағайындалды.Сонымен бірге, Қазақстан Республикасының Президенті жанындағы&nbsp;Мемлекеттік басқару академиясын үздік бітірген түлектерді оқуды бітіргеннен кейін бір жыл ішінде Астана қаласын қоспағанда, еліміздің барлық өңірлеріндегі мемлекеттік органдардағы жекелеген лауазымдарға конкурстық іріктеусіз тағайындау мүмкіндіктері қарастырылды.Осы жаңашылдық аясында, өңіріміз бойынша 2024 жылы 2 түлек конкурстық іріктеусіз&nbsp;бос лауазымдарға&nbsp;тағайындалды.Сонымен бірге, Агенттіктің келісімі бойынша конкурстық іріктеусіз&nbsp; «Б» корпусының жоғары лауазымдарына тікелей тағайындау мүмкіндігі берілді.Бұл өз кезегінде бірінші басшылардың жауапкершілігін күшейтеді. Мысалы, Қызылорда облысының мәдениет және спорт, қоғамдық даму, білім, экономика және қаржы, сонымен қатар денсаулық сақтау басқармаларының басшылары Агенттікпен келісу арқылы конкурстан тыс тағайындалды.Жоғарыда айтылған заңнамалық нормаларға сәйкес конкурстан тыс қабылданатын кандидаттардың «Б» корпусының мемлекеттік әкімшілік лауазымдарына қойылатын Үлгілік біліктілік талаптарына сәйкес келуі басты шарт болып табылады.&nbsp;Ерлеген Мендалиев,Қазақстан РеспубликасыМемлекеттік қызмет істері агенттігініңҚызылорда облысы бойыншадепартаментінің басшысыФото: aqtobegazeti.kz

Мемлекеттік қызметке кіру талаптары жеңілдетілді

<a href="https://kyzylorda-news.kz/">Kyzylorda-news.kz</a> ҚР Қарулы Күштері Әскери полициясы бас басқармасының талаптарын жоғары деңгейде көтеру мақсатында, Қызылорда гарнизонының әскери бөлімдері мен мекемелерінде құқықбұзушылықтар мен сыбайлас жемқорлықтың алдын алуға бағытталған бағдарламаны жүзеге асыруда Қызылорда гарнизонына қызмет көрсету жөніндегі әскери полиция бөлімшесімен көптеген іс-шаралар жүргізіліп жатыр.&nbsp; Әскери қызметшілердің құқықтық сауаттылығы мен мәдениеттілігін нығайту мақсатында&nbsp;Қазақстан Республикасы Қорғаныс министрлігімен 2022-2025 жылдарға арналған «Өмірді сақта» ведомоствааралық бағдарламасымен бекітілген жоспарға және&nbsp;«Қазақстан Республикасының сыбайлас жемқорлыққа қарсы саясатының 2022–2026 жылдарға арналған тұжырымдамасына» сәйкес «Құмар ойынды тоқтат» акциясы, «Өз-өзіне қол жұмсау көріністерін алдын алу», «Сыбайлас жемқорлықсыз армия» он күндік іс-шаралары аясында әскери қызметшілер арасында құқықбұзушылықтар мен сыбайлас жемқорлық деректерін алдын алу және мүлде болдырмау бойынша 2024 жылғы қараша айында Қызылорда облысының қорғаныс істері жөніндегі департаментімен Облыстық жиын пунктінің жеке құрамымен қылмыстық және сыбайлас жемқорлық қылмыстық жауаптылық пен жаза Қазақстан Республикасы қылмыстық кодексі мен Қазақстан Республикасы әкімшілік құқық бұзушылық туралы кодексінде көзделген талаптарды насихаттау жұмыстары арқылы дәрістер өткізілді.Бұл сыбайлас жемқорлыққа қарсы мемлекеттік саясаттың тиімділігін арттыруға бағытталған іс-шаралар бәрімізден өз ісімізге адал болуды, адалдығымызға күмән келтірмеуді, әскери қызметшілерге құқықтық тәрбие беруге, құқық бұзушылықтардан ада болуды талап етеді. &nbsp; &nbsp;&nbsp;Бақтияр Дәуренқұлов,Қызылорда гарнизонына қызмет көрсету жөніндегіәскери полиция бөлімшесінің бастығы, майор&nbsp;

Ашықтық пен адалдық ең басты міндет

&nbsp;<a href="https://kyzylorda-news.kz/">Kyzylorda-news.kz</a> Өңірлік Антикормен қоғамда құқықтық мәдениетті арттыруға, «мүлдем төзбеушілік» қағидатын қалыптастыруға және сыбайлас жемқорлықтың алдын алуға бағытталған іс-шараларды ұйымдастыру» әлеуметтік жобасы аясында «Сыбайлас жемқорлық-қоғам дамуының кедергісі» тақырыбындағы өткен сурет сайысы қортындыланды.&nbsp;&nbsp;Шараға ҚР сыбайлас жемқорлыққа қарсы қызметтің Қызылорда облысы бойынша департаменті превенция басқармасының бас маманы А.Болат, Қорқыт Ата атындағы Қызылорда Университетінің «Құқықтану» кафедрасының аға оқытушысы Л.Қаржаубаева, С.Айтбаев атындағы көркемсурет галлереясының суретшісі Б.Назаров, ұстаздар мен оқушылар қатысты.&nbsp;Сайысқа Қызылорда қаласына қарасты мектеп оқушылар арасынан 100-ден аса қатысушы қатысты. Мектеп оқушылары салынған суреттерінде сыбайлас жемқорлық ұғымын айқын анықтап, олардың қоғамдағы осы құбылысқа теріс көзқарасын байқауға болады.&nbsp;Сайыстың қортындысымен бас жүлдені №253 орта мектептің 9 сынып оқушысы З.Мүсілім &nbsp;иеленсе, І орынды Абай мектебі 5 сынып оқушысы Ж.Бекқұл &nbsp;жеңіп алды. Ал ІІ және ІІІ орынды сәйкесінше №3 IT мектептің оқушылары Н.Анасбаева (6 сынып) мен Т.Қонысбекке (11 сынып) &nbsp;табысталды.&nbsp;<img src="https://knadmin.beoblood.kz/uploads/Sybajlas_zhem_orly_o_am_damuyny_kedergisi_Suret_sajysy_orytyndylandy_1_5e995aaeea.jpg" alt="Сыбайлас жемқорлық-қоғам дамуының кедергісі Сурет сайысы қорытындыланды 1.jpg"><img src="https://knadmin.beoblood.kz/uploads/Sybajlas_zhem_orly_o_am_damuyny_kedergisi_Suret_sajysy_orytyndylandy_3689438716.jpg" alt="Сыбайлас жемқорлық-қоғам дамуының кедергісі Сурет сайысы қорытындыланды.jpg">

«Сыбайлас жемқорлық – қоғам дамуының кедергісі»: Сурет сайысы қорытындыланды

<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы мәдениетті қалыптастыру, құқықтық түсіндірме жұмыстарын жүргізу мақсатында Қызылорда облысы бойынша Мемлекеттік кірістер департаментінің мамандарымен кездесу өтті.&nbsp;Кездесуге &nbsp;өңірлік Антикордың бас маманы Ж.Қозбағарова, Қорқыт Ата атындағы Қызылорда университетінің комплаенс офицері А.Жаппасбаев және Қызылорда облысы бойынша Мемлекеттік кірістер департаменті басшысының орынбасары Е.Елшібеков қатысты.&nbsp;Кездесу барысында Ж.Қозбағаровамен «Қазақстанның 2022-2026 жылдарға арналған сыбайлас жемқорлыққа қарсы саясат тұжырымдамасы», сондай-ақ сыбайлас жемқорлыққа қарсы заңнамасы және оған енгізілген өзгерістер түсіндіріліп, заң шеңберінде қызметтік міндеттерін адал атқаруға шақырылды.&nbsp;Сонымен қатар, А.Жаппасбаев «Сыбайлас жемқорлықтың алдын алу-басымдыққа ие саясат» тақырыбында баяндама жасасады.&nbsp;Шара соңында &nbsp;қойылған сұрақтарға тиісті жауаптар беріліп, қоғамда сыбайлас жемқорлыққа қарсы мәдениет пен парасаттылықты қалыптастыруға бағытталған әлеуметтік бейнероликтер көрсетілді.

Салық саласының мамандарымен кездесу өтті

<a href="https://kyzylorda-news.kz/">Kyzylorda-news.kz</a>&nbsp; Кәсіптік білім берудің бастапқы сатысы – колледждер. Қызылорда облысында олардың саны - 16. Zoom конференциясы барысында орта білім беру ұйымдарының педагогтары мен студенттерімен міндетті әлеуметтік медициналық сақтандыру жүйесінің өзекті мәселелері талқыланды.Әлеуметтік медициналық сақтандыру қорының облыстық филиалының бөлім басшысы Ғалымжан Салықовтың айтуынша, облыс халқының 83 пайызға жуығы МӘМС жүйесінде сақтандырылған. Олардың қатарында күндізгі бөлімде оқитын студенттер бар. Студенттер мемлекет тарапынан сақтандырылатын 15 жеңілдікті санатқа кіреді.Сондай-ақ, спикер егер студент МӘМС-те сақтандырылмаған болса, оқу орнының деканатына хабарласып, мәліметтерді Ұлттық білім беру деректер базасына енгізуді талап ету керектігін атап өтті.Конференция соңында спикер сұрақтарға жауап берді.

Колледж студенттері МӘМС жүйесінде сақтандырылған

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының тапсырмасына сәйкес балалар мен жасөспірімдерге арналған шығармашылық үйірмелер мен спорттық секцияларды жан басына қаржыландыру бағдарламасы бойынша кәсіпкерлердің жұмысы зерделенді. Нәтижесінде аймақ басшысының қадағалауымен балалардың шығармашылық үйірмелерге, спорттық секцияларға нақты қатысуы зерделеніп, негізсіз көмек алғандардың қаржысы мемлекетке қайтарылуда.&nbsp;Бұл туралы Өңірлік коммуникациялар қызметінің баспасөз алаңында облыстық мәдениет, архивтер және құжаттама басқармасының басшысы Мира Қазбекова және облыстық дене шынықтыру, спорт және туризм басқармасы басшысының міндетін атқарушы Жұлдызхан Ерқосаев мәлімдеді.<blockquote>«Аймақ басшысының тапсырмасына сәйкес тамыз айынан бастап мәдениет басқармасы және спорт басқармасының жанынан арнайы зерделеу топтары құрылды. Жұмыс тобы қаржыландырылған барлық үйірмелер мен секцияларға зерделеу жұмыстарын жүргізді. Екі айдың ішінде мәдениет бағытында тапсырыс алып отырған 136 өнім берушіні зерделей келе, 47 кәсіпкердің жұмысында келісім шартқа сәйкес талаптардың орындалмауы анықталды. Мемлекеттен бөлінген қаржының тиімсіз жұмсалуына байланысты кәсіпкерлермен келісім-шарт біржақты бұзылды. Кәсіпкер мен басқарма арасындағы келісім шарттың 3.1 тармағына сәйкес олар 19 түрлі талапты орындап, балалардың қауіпсіздігіне, шығармашылықпен айналысуына жағдай жасаулары қажет болатын», - деді басқарма басшысы Мира Жомартқызы.</blockquote><blockquote>«Спорттық үйірмелерге зерделеу жұмыстарын жүргізгенде нысан ішінде жуыну бөлмелері, киім шкафтары жабдықталмағаны және жылы судың болмауы анықталды. Осындай кемшілік жіберген 42 өнім берушімен келісім шарт бұзылды. 25 кәсіпкер қызметін тоқтатуға өз өтінішін берді. Бүгінде 111 өнім беруші жұмысын жалғастыруда. Ата-аналардан түсіп жатқан түрлі шағымдар бойынша тиісті шаралар қолға алынуда», - деді облыстық дене шынықтыру, спорт және туризм басқармасы басшысының міндетін атқарушы Жұлдызхан Ерқосаев.</blockquote>Сонымен қатар, бейнебақылау камералары орнатылмаған, 30 күндік сақтау жады жоқ, басқа аудан балаларын заңсыз тіркеу фактілері орын алған. Өрт қауіпсіздік талаптары сақталмаған, өрт дабылы қондырғысы жұмыс жасамайды, санитарлық нормаларға сәйкес келмейді.&nbsp; Зерделей келе, шығармашылық үйірмелер бойынша 600,0 млн.теңге, ал спорттық секциялардан 2 млрд 603 млн.теңге бюджетке кері қайтарылды. Бүгінгі күнге мәдениет бағыты бойынша 18474 бала, спорт бойынша 12278 баланы қамтиды.&nbsp;Айта кету керек, аймақ басшысының тапсырмасына сәйкес мониторингтік топтың құрамы жергілікті атқарушы органдардың жауапты қызметкерлерімен қайта жасақталды. Жаңа құрам қала және аудандардағы шығармашылық және спорттық үйірмелердің жұмысын қатаң зерделеуде.

«Damu bala» бағдарламасы бойынша зерделеу жұмыстары жүргізілуде 

<a href="https://kyzylorda-news.kz/">Kyzylorda-news.kz</a> Сыр өңірінде спорт саласы серпінді даму үстінде. Заманауи инфрақұрылымның артуы мен саладағы жаңашылдықтар аймақтан ел намысын қорғайтын талантты спортшылардың көптеп шығуына зор ықпал ететіні анық. Мәселен, бүгінде облыс бойынша барлығы 47 спорт кешені мен 12 стадион, 13 теннис корты және 9 жүзу бассейні жұмыс істейді. Бұл нысандар халықтың, әсіресе, жастардың салауатты өмір салтын ұстанып, спортқа қызығушылығын арттыруға бағытталған. Жергілікті БАҚ өкілдері қаладағы бірнеше спорт кешендерінің жұмысымен танысты.Тасбөгет кентінде орналасқан «№5 облыстық олимпиадалық резервтің мамандандырылған балалар-жасөспірімдер мектебі» өткен жылы ел игілігіне пайдалануға берілген. Нысанда еркін күрес, таеквандо, қазақ күресі, самбо, каратэ спорт түрлерінен 438 спортшы жаттығады. Ал, «Наман ата» қоғамдық қорына қарасты «Мың бала» спорт кешенінде 12 түрлі спорттық үйірме бар. Бүгінде онда 1000-ға жуық оқушы тәрбиеленуде. Олардың ішінде 22 ҚР чемпионы мен 1 Әлем чемпионы бар. Жыл басынан бері 21 спорт шеберіне үміткер Сыр елінің намысын қорғау үшін тыңғылықты дайындалуда.Облыс орталығындағы «Евразия спорт кешені» аймақтағы ұлттық спорт түрлері мен бұқаралық-сауықтыру және дене шынықтыруды дамытуға ерекше үлес қосуда. Мұнда биылғы оқу жылында шайбалы хоккей, мәнерлеп сырғанау, жүзу, дзюдо, шорт-трек және бокс бөлімшелері оқу-жаттығу сабақтарын белсенді жүргізуде. Онда 11 жаттықтырушы және 1 хореограф бар. Қазіргі таңда спорт мектебінде спорттың 6 түрінен 30 топта 402 спортшы шұғылданады. Сондай-ақ, БАҚ өкілдері «Мұз айдыны» орталығының жұмысымен де танысты. Бұл орталық 2013 жылдан бері спорттың түрлі бағыты бойынша қызмет көрсетуде. Спорттық-сауықтыру кешенінде сырғанау мұз айдыны, волейбол, баскетбол-командалық ойындар залы, жекпе-жек үшін оқу-жаттығу залы, сонымен бірге спорттық билерге арналған хореографиялық сынып қарастырылған. Бүгінде нысанда жөндеу жұмыстары жүріп жатыр.Жуырда ғана ресми түрде ашылған "Үстел теннисі орталығы" күніне 150 адамды қабылдауға қауқарлы. Халықаралық стандартқа сай салынған нысанда бір мезетте 32 спортшы жаттыға алады. Облыстағы үстел теннисі бөлімшесінде 3 жаттықтырушы-оқытушы 200-ге жуық жасөспірімлі тұрақты түрде спортпен жаттықтырады.<blockquote>– Өңірімізде 33 спорт мекемесі жұмыс істейді. Оның 4-еуі кәсіби спорт клубты болса, 29-ы спорт мекемелері мен жоғарыспорт шеберлігі мектептері және интернаттарымыз бар. Спорт мектептерінде 22 266 бала жаттығады. Өздеріңіз білесіздер, 2023-2024 жылдары 13 спорт кешенінің құрылысы басталған еді, бүгінде оның 9-ы пайдалануға берілді. Жылдың аяғына дейін тағы 4 спорт кешенінің құрылысы аяқталатын болады. Сонымен қатар, сол жағалаудан үстел теннисі орталығы ашылса, 10 000 адамдық стадионның құрылысы 2025 жылдың мамыр айында ел игілігіне беріледі деп жоспарлануда. Жыл басынан бері Сыр спортшылары түрлі сайыстардан 800-ге жуық медаль иеленді,- деді облыстық дене шынықтыру, спорт және туризм басқармасы басшысының орынбасары Жігер Айекешов.</blockquote><img src="https://knadmin.beoblood.kz/uploads/Syr_sport_6a23d52b23.jpg" alt="Сыр спорт.jpg"><img src="https://knadmin.beoblood.kz/uploads/Syr_sporty_02a8ed3070.jpg" alt="Сыр спорты.jpg"><img src="https://knadmin.beoblood.kz/uploads/Sport_0bd10d35fd.jpg" alt="Спорт.jpg">Фото: Қызылорда облысының Өңірлік коммуникациялар қызметі

Сыр спортының серпіні

<a href="https://kyzylorda-news.kz/">Kyzylorda-news.kz</a> &nbsp;Бүгін Сұлтан Бейбарыс көшесі мен Мұстафа Шоқай қиылысында жол-көлік оқиғасы болды.<blockquote>"Аталған хабарлама бойынша, тексеру жұмыстары жүргізілді.&nbsp;Нәтижесінде 45 жаста қала тұрғынына қатысты ҚР ӘҚБтК-нің 610-бабы 1-бөлігімен әкімшілік хаттамалар ресімделді. Жол көлік оқиғасы салдарынан жарақат алғандар жоқ. Жолда жүру ережесін қатаң сақтау – баршамыздың қауіпсіздігіміз үшін маңызды", – деп жауап берді Қызылорда облысының Полиция департамені.</blockquote>Фото: egemen.kz

Қызылордада жол-көлік оқиғасы болды

<a href="https://kyzylorda-news.kz/">Kyzylorda-news.kz</a> «Білімдегі өзгерістердің 1 000 көшбасшысы» жобасына қатысып резервке алынған қарапайым педагог шалғайдағы ауыл мектебіне конкурссыз директоры болып тағайындалады.&nbsp;Бұл туралы бүгін аталған жоба қатысушыларына сертификат тапсыру рәсімінде Оқу-ағарту министрлігі Орта білім беру комитетінің төрағасы Қаныбек Жұмашев айтты деп хабарлады<a href="https://kaz.inform.kz/news/kadrlik-rezervke-alingan-karapayim-pedagog-auil-mektebne-konkurssiz-direktori-bolip-tagayindaladi-0bd517/"> kaz.inform.kz&nbsp;</a><blockquote>«Қазақстанда 2023 жылы тұңғыш рет білім беру саласында «Білімдегі өзгерістердің 1 000 көшбасшысы» жаңа жобасы басталған болатын. Бұл жоба Президенттік жастар кадрлық резерві сияқты білім беру саласында кадрлық резервті қалыптастыруға бағытталған. Бұрын білім беру жүйесінде мектептердің, білім беру ұйымдарының басшыларын тағайындау конкурс арқылы және негізінен мамандардың біліктілігіне, жинаған еңбек өтіліне қарай жүзеге асырылды. Бірақ, әлемдік тәжірибені зерттей келе байқағанымыз, Еуропа елдерінде, АҚШ-та білім беру ұйымдарының басшыларын тағайындау арнайы дайындықтан өткеннен кейін ғана жүзеге асырылады. Осыны ескере келе Оқу-ағарту министрлігі арнайы бағдарлама жасап, 4 сатыдан өтетін оқуды ұйымдастырды», — деді ол.</blockquote>Оның атап өтуінше, былтыр бұл жобаға мектеп директорларының 8 мыңнан астам орынбасары қатысты. 4 сатыдан өткен 207 адам кадрлық резервке алынды. Ал олардың 170-і мектеп директоры болып тағайындалды.<blockquote>«Олардың басқа мамандардан айырмашылығы кадрлық резервке алынған маман конкурссыз басшылыққа тағайындалады. Резервтен директорлық лауазымға тағайындалған педагогқа «жоғары деңгейдегі басшы» деген арнайы санат беріледі. Олардың жалақысы 2 есеге дейін өседі. Бұл жобаның мақсаты — басқару жүйесін күшейту, сол арқылы білім сапасын арттыру», — деді комитет төрағасы.</blockquote>Қаныбек Жұмашевтің дерегінше, биыл жобаға 13 мыңнан астам қатысты. Оның ішінде 376 адам кадрлық резервке өтті.&nbsp;<blockquote>«Жобаның биылғы айырмашылығы қарапайым педагогтардың да қатысуына мүмкіндік бердік. Олар мектеп директорының орынбасары лауазымына конкурссыз тағайындалады. Сонымен қатар, шалғай ауылдардағы мектептерде кадр жетіспейді. Оларға директор болып баратын мамандардың да үлесі аз. Сондықтан, біз кадрлық резервке енген қарапайым педагогтерді шалғай ауылдағы мектепке директор боламын десе, конкурссыз негізде тағайындаймыз. Кадрлық резервке енген педагогтер білім саласына жаңа леп әкеледі деп отырмыз», — деді ол.</blockquote>Фото: inbusiness.kz

Қазақстан және Қызылорда облысының жаңалықтары