<a href="https://kyzylorda-news.kz/">Kyzylorda-news.kz</a> Қаламыздағы М.Ықсанов атындағы Қызылорда политехникалық колледжі - &nbsp;білікті мамандар даярлап келе жатқан аймағымыздағы маңдайалды оқу орындардың бірі. Қызылорда облысының әкімдігінің 2025 жылғы 4 наурыздағы қаулысымен Мұстахым Ықсанов атындағы Қызылорда техникалық – ІТ жоғары колледжі болып қайта аталды.Колледж 2015-2016 оқу жылынан бастап, “Дуалдық оқыту” әдісі бойынша “Газбен және электрмен пісіруші” және “Автомобиль крандарының машинисі” мамандықтары білім алушыларына білім беру ісін жүргізуде. Өнеркәсіптік мекемелермен мамандарды даярлау мерзімі бойынша 3 жақты келісім шарттар жасалып, жауапты тәлімгер мамандар бекітіліп, жастарды кәсіби дағды қалыптастыру бағытында жоспарлы жұмыстар жүргізілуде. Қазіргі уақытта даярланатын мамандықтарға сай облыс төңірегіндегі 20-дан астам өнеркәсіптік мекемелер мен келісім-шарттар жасасып, әлеуметтік әріптестік орнатты.Колледж түлектері облыстық, республикалық олимпиадалар мен кәсіби байқауларда жеңімпаз атанып, жүлделі орындарды иеленуде. Оқу орны Қазақстан Республикасы Білім және Ғылым министрлігі Техникалық және кәсіптік білім беру департаментінің ұйымдастрыуымен өткен бірнеше жобаларға қатысып жеңімпаз атанған, колледждің материалдық техникалық базасы жаңарып жабдықталуда. «Техникалық және кәсіби білім беруді модернизациялау» жобасы аясында колледж Бүкіл әлемдік банк қорынан «Автомобиль крандарының машинисі» біліктілігі бойынша грант иегері атанып, арнайы оқу үдерісіне пайдаланылатын тренажорлық шеберханалар жабдықталды.<img src="https://knadmin.beoblood.kz/uploads/SAPALY_BILIM_K_SIBI_MAMAN_1_3a62738597.jpg" alt="САПАЛЫ БІЛІМ – КӘСІБИ МАМАН 1.jpg">​2020 жылы Қазақстан Республикасы Білім және Ғылым министрлігі және «Talap» коммерциялық емес акционерлік қоғамы тарапынан ұйымдастырылған техникалық және кәсіптік білім беру ұйымдарының материалдық техникалық базасын дамыту мақсатында «Жас маман» жобасына қатысып, 323 312 000 теңге көлемінде қажетті құрал-жабдықтармен және техникалармен, зертханалық жабдықтармен және тренажерлармен «Ұсталық дәнекерлеу» шеберханасы, «Жеңіл автомобиль құрылымы» зертханасы, «Жеңіл автокөліктерге техникалық қызмет көрсету жіне жөндеу, бұзып-жинау» шеберханалары жабдықталып, «Көлік жөндеу» құзыреттілік орталығы ашылды.Өткен оқу жылында колледж шеберханалары мен зертханаларына 40 млнға жуық &nbsp; қаражатқа жабдықтар алынып оқу базасы жаңартылды. Оқу орны аумағында автокөлікті жүргізуді үйретуге арналған автодром құрылысы бар, «Жеңіл автокөліктерге техникалық қызмет көрсету» зертханасы, «Тракторлар мен автомобильдер» оқу зертханасы, «Ұсталық дәнекерлеу» оқу шеберханасы, «Ағаш ұстасы жұмыстары» шеберханасы, «Жылу электр станциялары және құбырлар,жылу техникалық процестердің жылу техникалық өлшемдері және автоматтандыру негіздері» зертханалары бар. Оқу орнында кәсіпкерлікке, бизнес ашуға бейім білім алушыларды қолдау, әдістемелік, заңнамалық тұрғыда көмек беру мақсатында «Бизнес стартап жобасын» ашуға жұмыс жасалып жатыр.&nbsp; &nbsp; &nbsp; &nbsp; &nbsp;Аталған жоба жұмысына қатысушыларға кәсіпкерлік саласына қатысты құзырлы мекемелердің (мемлекеттік кірістер, «Атамекен» ҰКП, мемлекеттік қолдауға ие бизнесті несиелендіру мекемелері, т.б.) өкілдері тарапынан дәрістер өткізіліп, әр білім алушының бизнес-жобасын жоспарлаудан жүзеге асыруға дейін алып жүру жүзеге асырылады.<img src="https://knadmin.beoblood.kz/uploads/Zh_mysshy_maman_zaman_s_ranysy_2_5933823a12.jpg" alt="Жұмысшы маман - заман сұранысы 2.jpg">&nbsp; &nbsp; &nbsp; &nbsp; Сонымен бірге, колледжде «Жас шекарашы» әскери патриоттық үйірмесі №2019 әскери бөлімімен бірлесіп жұмыс жасайды. Мақсаты - келешекте &nbsp;жастардың әскери технологияны жетік меңгеруі үшін оқып жатқан механиктерді – танк әскеріне, электриктерді - байланыс әскеріне, ВС категориялы жүргізушілерді – автомобиль әскеріне, химик- лаборанттарды – төтенше жағдай әскеріне баулып оқытуды жүйелі жолға қою. Құрамында 140 белсенді жастар және еріктілер мектебінде 94 жас жеткіншектер жұмыс жасайды.Қоғамның дамуына қарай ғылым мен техника, басқару жүйесі де өзгеріп отыратыны белгілі, осыған орай маман қызметінің мазмұны жаңарып, жаңа мақсат, жаңа көзқарас, жаңа шешімдер мен жаңа мүмкіндіктер, технология&nbsp;қажеттігі туындайды.Ең бастысы қоғамға қажетті кадрды дайындап, елдің дамуы үшін сүбелі үлесін қосатын, колледж &nbsp;- келешектің кемел кәсіптік білім беретін ұйымы.

Жұмысшы маман – заман сұранысы

<a href="https://kyzylorda-news.kz/">Kyzylorda-news.kz</a> &nbsp;​Исатай Әбдікәрімов атындағы Қызылорда политехникалық жоғары колледжі – техникалық және кәсіптік білім беру саласындағы көшбасшы оқу орны. Оқу орны бүгінде аймақтағы басты инновациялық және кәсіби білім берудің орталығына айналып отыр.Колледждің басты миссиясы – озық әдістемелер, ұлттық мұра және әлемдік тәжірибе негізінде заманауи еңбек нарығының сұранысына сай білікті мамандар даярлау.Сонымен қатар, бұл оқу орны мамандықтардың қоғамдағы беделін көтеруге үлес қосып, адами капиталды дамыту жолында аймақтық драйвер ретінде қызмет атқаруда.Бүгінгі күні колледжде 30 мамандық пен 31 біліктілік бойынша білім беру жүзеге асырылуда. Оқу ордасы мемлекеттік лицензияға ие және техникалық, кәсіптік бағыттағы заманауи маман даярлауға толық мүмкіндік беретін материалдық-техникалық базаға ие.Колледждің жобалық қуаттылығы 1800 орынды қамтиды. 200 орынға арналған жатақхана білім алушыларға қолайлы жағдай жасап отыр. Қазіргі таңда студенттер контингенті – 1334 адам. Колледждің білім беру сапасын қамтамасыз етуде кәсіби деңгейі жоғары педагогтар қауымы маңызды рөл атқарады. Штаттық бірлікте 248 қызметкер еңбек етеді. Колледжде 2 ғылым докторы, 2 ғылым кандидаты, 38 магистр, 3 – «Ы.Алтынсарин» төсбелгі иегері, 3 – «ҚР білім беру ісінің үздігі», 3 – «Үздік педагог», 5 – «Құрметті қызметкер» жұмыс жасайды.<img src="https://knadmin.beoblood.kz/uploads/Zh_mysshy_maman_zaman_s_ranysy_4188f9a704.jpg" alt="Жұмысшы маман - заман сұранысы.jpg">Тарихы терең, тәжірибесі мол, білім мен тәрбиенің берік ұясы саналатын Исатай Әбдікәрімов атындағы Қызылорда политехникалық жоғары колледжі техникалық және кәсіптік білім беру саласында көшбасшы орнын сақтап келеді.Колледж аумағында 1200 және 600 студентке арналған екі оқу ғимараты, 150 орындық жайлы жатақхана, 100 орындық кітапхана, 324 орындық акт залы, 2 спорт залы, теннис залы және 150 орындық асхана жұмыс істейді. Сонымен қатар, оқу кабинеттері, зертханалар мен өндірістік шеберханалар, WorldSkills чемпионатына арналған арнайы дайындық кабинеттері заманауи талаптарға сай жабдықталған.«Жас маман» жобасы аясында 323 млн теңгеге жуық қаржыға 4 мамандық бойынша жаңа оқу зертханалары ашылды. Олар:– Электрмен қамтамасыз ету (салалар бойынша) зертханасы;– Электр станциялары мен желілерінің электр жабдықтары;– Пайдалы қазбалар кен орындарын геологиялық түсіру, іздеу және барлау;– Жылу электр станцияларының жылу энергетикалық қондырғылары.Бұл зертханалар студенттердің тәжірибелік дағдыларын арттырып, өндірістік ортаға барынша бейімделуіне жол ашады.Колледждің дамуына кәсіпкерлер де белсенді үлес қосып келеді. Демеушілік қолдаудың нәтижесінде ашылған жаңа оқу кабинеттері де пайдалануға берілуде.Атап айтсақ, Мәжит Өтемұратов атындағы «Виртуалды тренажер» зертханасы, Бағдаулет Искаков атындағы «Жобаларды басқару» кабинеті, Жүзбай Таңырақбаев атындағы «Автомобильге қызмет көрсету және пайдалану» оқу кабинеті, Арғын Садықов атындағы оқу кабинеттері.Бұл бастамалар оқу сапасын арттырумен қатар, жастарды кәсіпке баулудың тиімді жолына айналуда.Колледжде: Құзыреттілік орталығы, Мансап және кәсіби бағдар беру орталығы, Ветеринарлық клиника, Жылыжай шаруашылығы, 150 гектарлық оқу-өндірістік тәжірибе алаңы жұмыс істейді.Бұл жерлерде мал шаруашылығы, ауыл шаруашылығы дақылдары, жеміс ағаштарын өсіру, аграрлық бағыттағы тәжірибе жұмыстары жүргізіледі. Сонымен қатар, білім алушылар кәсіби тәжірибеден өтіп, нақты дағдыларды меңгеруде.2025 жылы Электрмен қамтамасыз ету мамандығы бойынша колледж Флорида штатындағы NCCER орталығынан халықаралық салалық аккредиттеуден өтті. Нәтижесінде 9 оқытушы мен 11 студент халықаралық сертификат иегері атанды. Сондай-ақ, «Жобаларды басқару» мамандығы бойынша халықаралық аккредиттеудің бірінші кезеңі сәтті өтіп, желтоқсан айына екінші кезең жоспарланған.2025 жылы колледж «Атамекен» ҚР ҰКП ұйымдастырған «Кәсіби маман» байқауында I орынды жеңіп алып, «Үздік колледж – 2025» атағына ие болды. Бұл жеңіс оқу орнының кәсіби бағыттағы жұмыстарын, заманауи әдістемелерді сәтті енгізіп отырғандығын тағы бір мәрте дәлелдеді.Бүгінде Исатай Әбдікәрімов атындағы Қызылорда политехникалық жоғары колледжі – техникалық және кәсіптік білім берудің флагманы. Жаңа форматтағы зертханалар мен кабинеттер, халықаралық серіктестік, инновациялық орталықтар, тәжірибелік алаңдар – мұның бәрі заманауи, бәсекеге қабілетті, жоғары білікті маман дайындауға бағытталған жүйелі жұмыстың нәтижесі. Колледж – тек білім ордасы емес, кәсіби дамудың, жаңашылдықтың, шығармашылықтың орталығы. 95 жыл бойы үздіксіз дамып, жаңа дәуір талаптарына сай бейімделіп келе жатқан бұл оқу орны – ел болашағын қалыптастыратын мамандардың алтын бесігі.

Сапалы білім – кәсіби маман ⠀

<a href="https://kyzylorda-news.kz/">Kyzylorda-news.kz</a> “AMANAT” партиясы алаңында облыстық мәслихаттағы “AMANAT” партиясы депутаттық фракциясының мүшесі Рахметов Алмас Алтынбайұлы кестеге сай қоғамдық қабылдау өткізді.Фракция мүшесінің қабылдауына келген азаматтар апатты жағдайдағы тұрғын үй мәселесі, вокалды-инструменталды ансамбльге қолдау көрсету және тұрғын үй-коммуналдық мәселелерге қатысты өтініштері мен ұсыныстарын білдірді.Өз кезегінде Алмас Алтынбайұлы айтылған мәселелер бойынша тиісті мекемелермен байланысу арқылы шешілетінін жеткізіп, оңтайлы шешілгенше бақылауында болатынын айтты.Ансамбль жетекшісіне жас ұрпақты өнерге баулыға жасап жатқан жұмыстарына алғысын білдіріп, мүмкіндік шегінде көмек көрсетілетінін жеткізді.Ауыз су мәселесі бойынша қала әкімдігіне депутаттық сауал жолданады. Сауалға берілген жауап бойынша өтініш иесіне қосымша хабар беріледі.Тұрғын үйді ортақ мүлік ретінде тану бойынша заң нормалары айтылды. Отбасы-неке қатынастарын сақтау, заңды неке қию маңыздылығы түсіндірілді. Тұрғын үй заңдылығын қосымша түсіндіруге филиал тарапынан көмек берілетіні айтылды.

“AMANAT”: Фракция мүшесі азаматтардың өтініштерін тыңдады

<a href="https://kyzylorda-news.kz/">Kyzylorda-news.kz</a> Қызылорда облысы Қармақшы ауданындағы № 99 орта мектептің есепшісі 2022-2024 жылдар аралығында артық аванстық төлемді өзінің және 6 сыбайлас мұғалімнің есепшотына жүйелі түрде негізсіз аударып отырған.Облыстық экономикалық тергеп-тексеру департаментінің мәліметінше, бұл соманы бухгалтерлік есепте жасыру үшін танысымен бірге әрекет еткен.&nbsp;<blockquote>— Нәтижесінде мемлекетке 50 млн 918,5 мың теңгеден астам залал келтірген. Қылмыстық іс бойынша 8 адамға қатысты Қармақшы аудандық сотының үкімі шықты. Соған сәйкес есепші 7 жылға бас бостандығынан айырылды. Ал оның сыбайластарына 8 млн 422 млн теңгеге жуық қаражаттың өндірілуіне байланысты 3,5 жылдан 7 жылға дейінгі аралықта бас бостандығын шектеу жазасы тағайындалды, — деді департаменттің тергеу басқармасының басшысы Медеу Таубай.</blockquote>Фото: Нұрболат Нұржаубай

Өзіне және алты мұғалімнің шотына негізсіз ақша аударған есепші сотталды 

<a href="https://kyzylorda-news.kz/">Kyzylorda-news.kz</a> Қызылорда облысы әкімдігінің мәжіліс залында өңірдегі қоғамдық келісім мен этносаралық татулықты нығайтуға ұзақ жылдар бойы сүбелі үлес қосқан Қазақстан халқы Ассамблеясының ардагері, қоғам қайраткері Ахметова Рахима Қаржаубайқызының 70 жасқа толуына арналған салтанатты қабылдау өтті.Іс-шараны Қызылорда облысы әкімінің орынбасары Шермағанбет Мейрамбек Зинабдинұлы жүргізіп, мерейтой иесіне облыс әкімінің атынан Облыстың ең жоғарғы марапаты облыс әкімінің Құрмет грамотасын табыс етті. Сонымен қатар, дәстүрге сай мерейтой иесіне камзол кигізіліп, кестелі орамал мен әсем гүл шоқтары сыйға тартылды.Салтанатты жиын барысында Мейрамбек Зинабдинұлы ардагердің өмір жолына тоқталып, оның өңірдің қоғамдық-саяси өміріндегі белсенді қызметін, ел бірлігі мен келісіміне қосқан үлесін жоғары бағалады.<blockquote>– Құрметті Рахима Қаржаубайқызы, Сіз – елмен бірге жасап, халық игілігі жолында аянбай еңбек еткен ардақты тұлғасыз. Кеңестік кезеңнің партия мектебінен өтіп, Тәуелсіздік жылдарында да қоғамдық өмірдің бел ортасында болдыңыз. Өскелең ұрпақ үшін өнеге боларлық қайраткерсіз, – деді ол өз сөзінде.</blockquote>Рахима Қаржаубайқызының есімі Қызылорда жұртшылығы үшін қоғамдық белсенділіктің, әйелдер көшбасшылығы мен этносаралық татулықты нығайтудың жарқын символына айналған. Ол – облыстық саясаткер әйелдер клубының төрайымы ретінде нәзік жандылардың саяси белсенділігін арттыруға бағытталған бірқатар жобаларды табысты жүзеге асырып келеді.Мерейтой иесіне арналған жүрекжарды лебіздерін білдіру үшін арнайы шақырылған қадірлі қонақтар – Қазақстан халқы Ассамблеясының ардагері Жұмабаев Асылбек Теңелұлы мен білім саласының ардагері Әбдіхалықова Әлима Жақыпқызы өз естеліктерімен бөлісіп, ізгі тілектерін жеткізді.

 Рахима Қаржаубайқызы – мерейлі 70 жаста

<a href="https://kyzylorda-news.kz/">Kyzylorda-news.kz</a> &nbsp;Президент Әкімшілігінің басшысы Айбек Дәдебайдың төрағалығымен мәжіліс өтіп, күн тәртібінде «Жайлы мектеп» ұлттық жобасын іске асыру барысы талқыланды.Аймақта ұлттық жоба аясында 2023 жылдан бері 6 900 орындық 10 мектеп салынып, пайдалануға берілуде.Облыс әкімдігі жергілікті бюджеттен бөлген 118 млн. 400 мың теңгеге жоба-сметалық құжаттар әзірлеп, 1 млрд. 700 млн. теңгеге 10 мектептің инфрақұрылымы толық жеткізілді. Мектептердің іргелес аумақтарын абаттандыру мен жол салуға жергілікті бюджеттен 2 млрд. 80 млн. теңге бөлініп, жұмыс жүргізілді.Бүгінде облыста 6 мектеп пайдалануға берілді. Оның 5-і әділет органдарында мемлекеттік тіркеуден өтіп, техникалық паспорты мен жер телімінің құжаттары әзірленіп, білім басқармасының теңгеріміне алынды. Тағы 1 мектепті «Самұрық Қазына констракшн» акционерлік қоғамы алдағы күндері әкімдікке тапсырады. Қалған 4 мектептің 3-еуі жаңа оқу жылына дейін, 1 мектеп 2-ші тоқсанға дейін ел игілігіне табысталады.Фото: Қызылорда облысы әкімінің баспасөз қызметі

"Жайлы мектеп" ұлттық жобасын іске асыру барысы талқыланды

<a href="https://kyzylorda-news.kz/">Kyzylorda-news.kz</a> Бүгін Мақпалкөл ауылдық округінде ақын, Қазақстан Республикасы Ақпарат саласының үздігі, белгілі журналист, туған жерінің тұғырын биіктетіп жүрген танымал қаламгер Гаухар Асқарқызы Қожахметованың “Мақпалкөлдің аспаны” атты кітабының тұсаукесер рәсімі өтті.Тағылымы терең, рухани мазмұны зор бұл шараға аудан әкімінің орынбасары Ғани Сүлейменов, облыстық мәслихат депутаты Әмірбек Шаймағанбетов, “Сыр медиа” ЖШС директоры Марат Аралбаев, өңірлік БАҚ өкілдері, зиялы қауым мүшелері мен ауыл тұрғындары қатысты.Салтанатты жиында аудан әкімінің орынбасары Ғани Сүлейменов Гаухар Асқарқызын 60 жасқа толған мерейлі мерейтойымен және жаңа туындысының жарық көруімен құттықтап, аймақ басшысы Нұрлыбек Нәлібаевтың құттықтауын жеткізіп, сый-құрмет көрсетті.“Мақпалкөлдің аспаны” кітабы – туған жерге деген сағыныш пен құрметтің, ұлттық рух пен сыршыл сезімнің көркем туындысы екенін жеткізген зиялы қауым өкілдері жинақ көпшілік оқырманға ой салып, ұрпақ тәрбиесіне үлес қосатын шығарма ретінде бағалады.&nbsp;Рухани шара барысында жаңа кітаптың тұсаукесер рәсімі өтіп, жиынға қатысушыларға сыйға берілді.

"Мақпалкөлдің аспаны": Жаңа кітап оқырманға жол тартты

<a href="https://kyzylorda-news.kz/">Kyzylorda-news.kz</a> Қызылордада кәсіби футзал клубы құрылды. Бұл туралы журналист Әділбек Жаханов өзінің әлеуметтік желідегі парақшасында<a href="https://www.facebook.com/asi.zhakanov"> хабарлады.&nbsp;</a>&nbsp;<blockquote>– Сыр өңірінде "Qyzylorda" футзал клубы құрылды! Жаңа команда тек жергілікті талантты аяқдопшылармен жасақталатын болады. Бүгінде аймақтың әуесқойлар лигасында 10 мыңға жуық адам шағын футболмен шұғылданып жүр. Клуб алғашқы қадамын 25-30 тамыз аралығында Қазақстан кубогы бәсекесінен бастайды. Негізгі мақсат – биыл футзалдан Қазақстан Бірінші лигасында өнер көрсету, – дейді журналист.</blockquote>

Қызылордада кәсіби футзал клубы құрылды

<a href="https://kyzylorda-news.kz/">Kyzylorda-news.kz</a> Бүгін Мемлекет басшысының жалпыұлттық бастамасы «Таза Қазақстан» республикалық экологиялық жобасы аясында Қызылордада «AMANAT» партиясы Сырдария аудандық филиалының ұйымдастыруымен "Таза бейсенбі" акциясы ұйымдастырылып, &nbsp;"Тағзым" және орталық алаңда тазалық жұмыстары жүргізілді.&nbsp;Табиғатқа жанашырлықпен қарауды насихаттау мақсатында ұйымдастырылған ауқымды шарада бастауыш партия ұйымының мүшелері, аудандық "Жастар рухы" жастар қанатының еріктілері және қоғам белсенділері жұмыла жұмыс жасады.Тазалық жұмыстары барысында "Тағзым" және "Орталық" алаңдағы шөптер шабылып, қоқыстардан тазаланды.<blockquote>– Бүгінде Мемлекет басшысы Қасым-Жомарт Кемелұлы Тоқаевтың бастамасымен елімізде «Таза Қазақстан» экологиялық акциясы жүргізілуде. Қоршаған ортаны қорғау мақсатында ауданымызда тазалық акциялары мен сенбіліктер тұрақты өткізіліп келеді. Соның нәтижесінде өңіріміз таза аймақтар қатарынан көрінуде. Бұл бағытта аудан тұрғындары үлкен үлес қосуда. Біздің әрқайсымыз табиғатқа деген жауапкершілікті сезінуіміз қажет. Таза ауа, жасыл желек пен таза су – біздің келешегіміз. Сіздерді табиғатты қорғауға, оны аялауға, болашақ ұрпаққа таза және сау табиғат қалдыруға шақырамын, – деді "Жастар Рухы" Жастар қанаты Сырдария аудандық филиалының төрағасы Нұржан Сейтжан.</blockquote>Экологиялық мәдениетті қалыптастыруға бағытталған акцияға 50-ден астам адам қатысып, игі іске өз үлестерін қосты.&nbsp;

"Таза бейсенбі": "Тағзым" алаңына тазалық жүргізілді

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының қоғамдық қабылдау бөлмесіне өтініштері бойынша жүгінген тұрғындардың мәселелері негізінде тақырыптық қабылдау ұйымдастырылды. Қабылдауды партияның облыстық филиалының атқарушы хатшысы Төрешова Ләйлә Бегалықызы өткізді.Қабылдауға келген азаматтар &nbsp;«Рисмаш» мөлтек ауданындағы бір көшеде электр желісі мен ауыз су құбыры тартылмағанын және «Мерей» мөлтек ауданында жаяу жүргіншілер жолы (тротуар) жағдайы нашар екенін, &nbsp;одан бөлек көшелерге жол қауіпсіздік белгілері жасалмағанына да &nbsp;шағымдарын білдірді.&nbsp;Сондай-ақ қаладағы көшелер бойындағы &nbsp;аялдамаларға жеңіл көліктер заңсыз тұрақ етіп қойып, соның салдарынан автобустар аялдамаларға тоқтамай &nbsp;кетіп жататынын әсіресе Қорқыт ата көшесі мен &nbsp;А.Байтұрсынов көшесінің бойындағы кәсіпкерлік нысандар жанындағы аялдамаларды &nbsp;тәртіпке келтіру қажеттігін айтты.Тұрғындардың өтініш-тілектерін назарға алған партия филиалының атқарушы хатшысы және қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің өкілі өтініштерге қолданыстағы заңнамалар аясында жауап берді.&nbsp;«Рисмаш» мөлтек &nbsp;ауданындағы &nbsp;электр желісімен қамтамасыз етуге бүгінгі таңда жобалық құжаттама әзірленіп, оны қаржыландыру 2026 жылы жүзеге асырылатыны хабарланды.&nbsp;Ал &nbsp;“Мерей” мөлтек ауданындағы мәселелер бойынша жан-жақты зерттеулер жүргізіліп, нәтижесі тұрғындарға хабарланатын болды.&nbsp;Қабылдауға арнайы шақырылған қалалық автобус паркі басшысының &nbsp;мәліметіне сәйкес, қаладағы &nbsp;аялдамалар &nbsp;бойынша проблемелар орын алып жатқанын, ол бойынша тиісті анықтамалық ақпарат барын, айтылған кемшіліктер ескеріліп, тиісті құзырлы мекемелер арқылы жақын арада оларды шешу жолдары қаралатынын жеткізді.«AMANAT» партиясы облыстық филиалының атқарушы хатшысы Ләйлә Төрешова тақырыптық қабылдау негізімен аталған барлық кемшіліктер бойынша жауапты органға хат жолданатынын, тиісінше аталған мәселелер облыстық филиалдың жіті бақылауында болатынын айтты.

Тақырыптық қабылдау өтті

<a href="https://kyzylorda-news.kz/">Kyzylorda-news.kz</a> Қызылорда облысында көлеңкелі экономикаға қарсы күрес бағытындағы іс-қимылдар жүйелі түрде жүргізілуде. Экономикалық тергеп-тексеру департаменті 7 ай ішінде бірқатар құқықбұзушылықтың жолын кесіп, мемлекет қаржысына жасалған қол сұғушылықтарға дер кезінде тосқауыл қойған. Бұл туралы бүгін Өңірлік коммуникациялар қызметінің ақпарат алаңында облыстық экономикалық тергеп-тексеру департаментінің басшысы Аслан &nbsp;Кеңес мәлімдеді.&nbsp;<blockquote>- Қоғам мен мемлекет мүддесіне қарсы бағытталған көлеңкелі экономиканың жолын кесу және экономикалық қауіпсіздікті нығайту - біздің басты міндетіміз. Осы бағытта Қызылорда облысы бойынша экономикалық тергеп-тексеру департаменті тарапынан жүйелі жұмыстар атқарылып келеді. Біз тек заң бұзушылықтарды анықтап қана қоймай, олардың алдын алу және себептерін жою арқылы қатердің тамырын кесуге баса мән береміз. Себебі бұл салдармен емес, түпкі себеппен күресудің ең тиімді жолы. Өкінішке қарай, соңғы уақытта кейбір азаматтар оңай табысқа қызығып, заңсыз әрекеттерге барып, ел экономикасына елеулі залал келтіруде. Өз кезегінде бұл қарапайым құқықбұзушылық емес, мемлекеттің дамуына, болашағына төнген үлкен қауіп болып отыр. Жыл басынан бері көлеңкелі экономика, жалған кәсіпкерлік, бюджет қаржысын жымқыру фактілері бойынша ондаған қылмыстық іс тіркелді. Мемлекеттің мүлкі мен қаржысына қол сұғушылыққа дер кезінде тосқауыл қойылды. Сонымен қатар, біз тек тергеу шараларымен шектелмей, құқықбұзушылықтардың алдын алу бағытында да нақты жұмыстар атқарудамыз,-деді Аслан Кеңесұлы.&nbsp;</blockquote>Сондай-ақ экономикалық құқықбұзушылықтардың алдын алу және тергеп-тексеру бағытында атқарылып жатқан жұмыстар жайында облыстық экономикалық тергеп-тексеру департаментінің тергеу басқармасының басшысы Медет Таубай мен ұйымдастыру-бақылау басқармасының аса маңызды істер жөніндегі тергеушісі Майра Оралбаева кеңінен тоқталды.<blockquote>- Жыл басынан бері департаменттің өндірісінде барлығы 37 қылмыстық іс тіркелді. Осы кезеңде 29 іс аяқталып, жалпы іс санының 79 пайызын құрады. Бұл өткен жылдың сәйкес кезеңімен салыстырғанда айтарлықтай жоғары көрсеткіш болып табылады. Аяқталған істер аясында мемлекетке келтірілген залал көлемі елеулі деңгейде өндірілді. Басым бағыттардың бірі - қаржы пирамидалары мен салықтық алаяқтықтың жолын кесу. «Warner Bros», «Qnet», «HRT», «Fashion Star», «Rain BNB», «Асар баспана» секілді жобалар бойынша істер қозғалып, олардың қызметі тоқтатылды. «Qnet» ісі бойынша мүлік тәркіленіп, жәбірленушілердің құқықтары қорғалды. Сонымен қатар, «Даму бала» бағдарламасына байланысты бірқатар істер сотқа жолданды. Біз тек қана тергеумен шектелмей, алдын алу мен түсіндіру жұмыстарын да жүйелі түрде жүргізіп келеміз. Экономикалық тұрақтылықты қамтамасыз ету - баршамыздың ортақ міндетіміз,-деді Медеу Дулатұлы.&nbsp;</blockquote>&nbsp;<blockquote>- Қызылорда облысы бойынша экономикалық тергеп-тексеру департаменті алаяқтық схемаларға, оның ішінде қаржылық пирамидалар мен интернет алаяқтыққа қарсы алдын алу шараларын жүйелі түрде жүргізіп келеді. Жыл басында қаржылық мониторинг агенттігімен бірлесіп, Қызылорда қаласының мектеп оқушылары арасында қаржылық сауаттылықты арттыру мақсатында «PHYGITAL» сайысы ұйымдастырылды. Бұл шараға 9-сынып оқушылары қатысты, жеңімпаздар арнайы сертификаттармен марапатталды. Департамент қызметкерлері қаржылық пирамидалар мен интернет алаяқтыққа қатысты түсіндіру жұмыстарын белсенді жүргізіп, зейнеткерлер, мұғалімдер мен медицина қызметкерлерімен арнайы кездесулер ұйымдастырды. Қаладағы ірі мекемелерде қызметкерлерге ақпараттық кездесулер мен бейнероликтер көрсетілді. Сонымен бірге, Қорқыт Ата университетімен бірлесіп жастар волонтерлік қозғалысы құрылып, интернет алаяқтыққа қатысты 2 913 сайт бұғатталды. Департаментпен «Заң мен тәртіп» тақырыбында үш университет пен сегіз колледжде 3 600 студентке 31 лекция оқылды. Алдағы уақытта бұл іс-шаралар облыстың аудандарында да жалғасын табады. Бұл жұмыстар &nbsp;азаматтардың қаржылық сауаттылығын арттырып, экономикалық қауіпсіздікті нығайтуға бағытталған маңызды қадамдарымыздың бірі,- деді Майра Тұрлыбекқызы.</blockquote>

Көлеңкелі экономика мен алаяқтыққа қарсы жүйелі күрес жүргізілуде

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев «Қазақстан халқына» ҚҚ Басқарма төрайымы Ләззат Шыңғысбаевамен кездесті. Кездесуде қор демеушілігімен жүзеге асқан қайырымдылық бағдарламалары мен жобалардың нәтижелері туралы айтылды. Ұсыныстар мен алдағы жоспарлар талқыланды.«Қазақстан халқына» қоры аймақта 10,1 млрд теңгенің әлеуметтік жобаларын жүзеге асыруда. Оның 4,8 млрд теңгесі денсаулық сақтау, 2,7 млрд теңгесі білім беру және 2,6 млрд теңгесі спорт саласына бағытталған.2022 жылы облыстық көпбейінді балалар ауруханасы базасында, былтыр Жаңақорған ауданында «Қамқорлық» балаларды оңалту орталықтары ашылып, 3500-ден астам бала оңалтудан өтті. Орфандық дертке шалдыққан 20 науқас 2,4 млрд теңгеге, онкологиялық және онкогематологиялық аурулармен ауыратын 26 науқас 466,2 млн теңгеге дәрі-дәрмекпен қамтылды. Қан тамыры патологиясы бар 4 бала 640 мың теңгеге ем алды. Онкологиялық скрининг жүргізуге арналған екі жылжымалы медициналық кешен 1,1 млрд теңгеге сатып алынып, 6 мыңнан астам тұрғын тексеруден өтті. Балалар нейрохирургиясын дамыту үшін 92,2 млн теңгеге құрал-жабдықтар әкелінді. Сонымен қатар, генетик пен УДЗ маманы шетелде оқытылып, 4,19 млн теңгеге трансплант-үйлестіруші даярланды. Көз қабығын трансплантациялаудың 171 отасы жасалып, облыс бойынша 5 науқасқа 6 млн теңгеден көмек көрсетілді. Жаңақорғандағы оңалту орталығы 562 млн теңгеге медициналық жабдықтармен жарақталды. Биыл облыстық балалар ауруханасы жанынан Ерте араласу орталығы ашылып, оны жабдықтауға 69,7 млн теңге бөлінді. Байқоңыр қаласында да балаларға арналған оңалту орталығын іске қосу көзделуде.2022–2024 жылдары аудан орталықтарындағы 6 тірек мектептің әрқайсысына 250 млн теңгеден, жалпы 1,5 млрд теңге бөлініп, пән кабинеттері, спорт зал, асхана, акт залы жаңғыртылды. Биыл Сырдария ауданындағы №36 және Байқоңыр қаласындағы №277 мектептердің материалдық-техникалық базасын нығайтуға 500 млн теңге бөлінді. Ерекше білім беруді қажет ететін балаларға арналған №5, 6, 7 интернаттардың инфрақұрылымын жақсартуға 99,5 млн теңге жұмсалды. 2023 жылы «Болашақ инженерлер» жобасы аясында 9 мектеп робототехника құралдарымен қамтамасыз етіліп, оған 32,4 млн теңге бағытталды. Сонымен қатар, 2023–2024 оқу жылында 68 студенттің оқуына 365,2 млн теңге, ал 2030 баланың жазғы лагерьлерде тынығуына 217,1 млн теңге бөлінді.Қармақшы және Сырдария аудандарындағы балалар мен жасөспірімдерге арналған спорт залдарына 17,5 млн теңгеге жабдықтар жеткізілді. Шиелі ауданының Досбол датқа ауылында салынған спорт кешені осы жылдың ақпанында пайдалануға берілді.Кездесуде Ләззат Шыңғысбаева «Қазақстан халқына» қоғамдық қоры мен Қызылорда облысы арасындағы жолға қойылған тұрақты әріптестік байланыс одан әрі жалғасатынын жеткізді.

Қазақстан және Қызылорда облысының жаңалықтары