<a href="https://kyzylorda-news.kz/">Kyzylorda-news.kz</a> Қазақстанның 16 өңірінде ауа-райының бұзылатыны жөнінде ескерту жарияланды, деп хабарлайды <a href="https://qaz.ulysmedia.kz/news/23685-karly-boran-tuman-koktaigak-bugin-aua-raiy-kandai-bolady/">Ulysmedia.kz.</a>Атырау облысының солтүстігінде, оңтүстігінде, шығысында тұман, көктайғақ күтіледі. Атырауда түнде және таңертең тұман, көктайғақ болады.Күндіз Ұлытау облысының солтүстігінде, орталығында боран соғады. Түнде және таңертең облыстың солтүстігінде, шығысында тұман. Облыстың солтүстігінде, шығысында оңтүстік-шығыс жел, екпіні 15-20 м/с. Жезқазғанда күндіз қарлы боран болады.Күндіз Қарағанды облысының батысында, солтүстігінде боран соғады. Түнде және таңертең облыстың солтүстігінде, шығысында тұман. Облыстың батысында, солтүстігінде, орталығында оңтүстік-шығыс жел, екпіні 15-20 м/с. Қарағандыда күндіз оңтүстік-шығыс жел, екпіні 15-20 м/с.Түнде Қостанай облысының батысында, солтүстігінде төменгі боран, күндіз облыстың батысында, солтүстігінде, оңтүстігінде төменгі боран, көктайғақ болады. Жел оңтүстік-батыс, оңтүстік, 15-20, күндіз облыстың батысында, солтүстігінде, оңтүстігінде екпіні 23 м/с. Қостанайда күндіз боран соғады. Жел оңтүстік-батыс, оңтүстік, 15-20 м/с.Түнде және таңертең Маңғыстау облысының батысында, оңтүстігі, орталығында тұман, солтүстікте, облыстың орталығында көктайғақ болады. Ақтауда түнде және таңертең тұман түседі.Павлодар облысының батысында, солтүстігінде түнде жел, 15-20 м/с.Алматы облысының оңтүстігінде, шығысында, орталығында оңтүстік-шығыс жел, екпіні 17-22 м/с. Қонаевта оңтүстік-шығыс жел, кейде екпіні 17-22 м/с.Түркістан облысының батысында, оңтүстігінде, таулы аймақтарында тұман. Облыстың батысында, оңтүстігінде, солтүстігінде, таулы және тау бөктеріндегі оңтүстік-шығыс жел, 15-20, күндіз облыстың тау асуларында 25 м/с. Түркістанда түнде және таңертең тұман түседі. Оңтүстік-шығыс жел, күндіз екпіні 15-20 м/с.Қызылорда облысының орталығында тұман бар. Оңтүстік жел күндіз облыстың орталығында, 15-20 м/с. Қызылордада жел күндіз, екпіні 15-20 м/с.Батыс Қазақстан облысында көктайғақ. Түнде және таңертең облыстың солтүстігінде, шығысында тұман. Облыстың батысында, солтүстігінде, шығысында оңтүстік-батыстан, батыстан соққан жел, екпіні 15-20 м/с. Оралда көктайғақ. Түнде және таңертең тұман. Жел оңтүстік-батыстан соғады, түнде екпіні 18 м/с.Солтүстік Қазақстан облысының батысында, солтүстігінде түнде боран, күндіз боран соғады. Жел оңтүстік-батыс, 15-20 м/с, облыстың батысында, оңтүстігінде екпіні 23-28 м/с. Оңтүстік-батыстан жел 15-20 м/с.Абай облысының батысы, солтүстігі, орталығында боран. Оңтүстік-шығыс жел батыста, солтүстікте, облыстың орталығында, 15-20, Жарма ауданында екпіні 25 м/с.Түнде және таңертең Шығыс Қазақстан облысының оңтүстігінде тұман түседі. Облыстың оңтүстік-шығысында аздаған боран. Облыстың оңтүстік-шығысындағы оңтүстік-шығыс жел, екпіні 15-20 м/с.Жамбыл облысының таулы аудандарында тұман түседі. Облыстың таулы аудандарында оңтүстік-шығыс жел, Таразда 15-20 м/с. Кейде тұман түседі.Күндіз Ақмола облысының батысында, солтүстігінде, оңтүстігінде боран соғады. Жел оңтүстік, оңтүстік-батыс, екпіні 15-20 м/с, күндіз облыстың солтүстігінде, шығысында кейде 23-28 м/с. Көкшетауда күннің екінші жартысында төменгі боран болады. Жел оңтүстік, оңтүстік-батыс, 15-20 м/с, күндіз екпіні 23 м/с.Жетісу облысының Алакөл көлдері ауданында оңтүстік-шығыс жел, 15-20, екпіні 23-28 м/с, кейде 30 м/с және одан да көп. Түнде және таңертең шығыста, облыстың таулы аймақтарында тұман болады.Сурет: kazlenta.kz

Демалыс күндеріне арналған ауа-райы болжамы

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті жыл сайын халықаралық білім беру ортасындағы беделі мен бәсекеге қабілеттілігін арттырып келеді.Жақында Тұрақты даму мақсаттарына қол жеткізу бойынша әлемдегі үздік университеттердің рейтингі – 2025 нәтижелері жарияланды.Қорқыт ата атындағы Қызылорда университеті алғаш рет рейтингтен орын алып, әлемнің 107 елінен 1744 жоғары оқу орынының ішінде 1401-1450 позициясын, Азияның 661 жоғары оқу орынының ішінде 503-орынды, 17 қазақстандық жоғары оқу орынының арасында 12-позицияны иеленді.Университеттердің рейтингі 3 негізгі критерий бойынша жүзеге асырылды:– қоршаған ортаға әсер ету (1001+ позициясы);– әлеуметтік әсер&nbsp; (1001+ позициясы);– басқару (435 позиция).Университеттің әлемдік деңгейге шығуы – халықаралық деңгейдегі жоғары сапалы білім алу мүмкіндігін ұсынады. Әлемдік талаптарға сай білім беру бағдарламалары мен халықаралық ынтымақтастықтың күшеюі профессор-оқытушылар мен білім алушылардың жаңа белестерді бағындыруына жол ашады.

Қорқыт ата университеті тұрақты даму бойынша QS әлемдік рейтингіне енді

<a href="https://kyzylorda-news.kz/">Kyzylorda-news.kz</a> Елімізде желтоқсан айының үшінші жексенбісінде Энергетиктер күні аталып өтеді. Бұдан бөлек осы энергетика саласындағы негізгі кәсіпорын «Қызылордажылуэлектрорталығы» МКК және Қызылорда электр тарату тораптары компаниясы АҚ-ның құрылғандарына биыл 60 жыл толып отыр. Бұл туралы Өңірлік коммуникациялар қызметінің баспасөз алаңында белгілі болды.<blockquote>– Кәсіби мерекеміз қарсаңында өткізілетін іс-шаралар тек мерекелік көңіл-күй сыйлап қана қоймай, ұжымдық рухты нығайтып, энергетика саласының маңыздылығын көрсетуге бағытталмақ. Мерекені атап өту мақсатында үстел теннисінен және шахматтан жарыс өтеді. Оған 14-15 команда қатысады деп жоспарлануда. Сонымен қатар, 8 команданың қатысуымен «Қызылорда электр тарату тораптары» АҚ біліктілікті арттыру сайысы ұйымдастырылады. «Евразия спорт кешенінде» кіші футболдан өтетін турнирге 11 команда дайындалып жатыр. Іс-шаралар бильярдтан ашық турнирге ұласады. Бұл сайыс бойынша 16 команда бақ сынайды. Барлық іс-шаралар «Энергетика – ұлт қуаты» атты мерекелік концертпен қорытындыланады. Концерт барысында үздік энергетиктер марапатталып, танымал өнерпаздар қатысатын әсерлі бағдарлама ұсынылады, – деді облыстық энергетика және тұрғын үй – коммуналдық шаруашылық басқармасы басшысының орынбасары Тахир Нәдірбек.</blockquote>– Барлық әріптестерімді кәсіби мерекемен шын жүректен құттықтаймын. Биылғы Энергетиктер күнімен біздің мекеменің 60 жылдығы қатар келіп отыр. 1964 жылдың мамырында облыстың шағын энерго шаруашылықтары Қазақ КСР Министрлер Кеңесінің шешімімен Энергетика және электрлендіру министрлігіне берілді. Сол жылдың шілдесінде Қызылорда қаласының электр тораптары мен аудандық дизель электр станциялары негізінде Электр тораптарының басқармасы құрылды. 1972 жылы ол Қызылорда электр тораптары кәсіпорны болып қайта ұйымдастырылды, – деді Қызылорда электр тарату тораптары компаниясы» АҚ-ның басшысы Батыржан Қаракөзов.«Қызылордажылуэлектрорталғы» 1964 жылы целлюлозо-картон зауытының жылу беру цехынан бастау алады.&nbsp;<blockquote>– Қаланың өсуі мен Байқоңыр ғарыш айлағына электр қуаты қажеттілігінің артуына байланысты Үкімет шешімімен Қызылордада жаңа электр станциясын салу қолға алынды. Нәтижесінде станция төрт кезекпен салынып, 1972 жылға дейін қаланы және Байқоңырды электр қуатымен қамтамасыз етті. Сол жылы станция республиканың бірыңғай энергетикалық жүйесіне қосылды. 2005 жылдың 4 шілдесінде Қызылорда қаласы әкімінің №132 қаулысы бойынша «Қызылордажылуэлектрорталығы» мемлекеттік коммуналдық кәсіпорны құрылды, – деді «Қызылордажылуэлектрорталғы» МКК директоры Дінмұхаммед Исламов.</blockquote><img src="https://knadmin.beoblood.kz/uploads/Energetikter_k_ni_eleuli_mereke_7ec155acaf.webp" alt="Энергетиктер күні – елеулі мереке.webp">Фото: almaty.tv

Энергетиктер күні – елеулі мереке

<a href="https://kyzylorda-news.kz/">Kyzylorda-news.kz</a> Жылда Қазақстанда Тәуелсіздік күні 16 және 17 желтоқсанда тойланатын еді. Сәйкесінше, бұл күндері қазақстандықтар үшін демалыс жарияланатын. Алайда биыл күнтізбеде демалыс күні ретінде тек 16 желтоқсан белгіленген. Неге? <a href="https://massaget.kz/">Massaget.kz</a> тілшісі анықтап көрді.&nbsp;Бұдан екі жыл бұрын, 2022 жылы Нормативтік-құқықтық актілердің ақпараттық-құқықтық жүйесінде «Қазақстан Республикасындағы мерекелер туралы» заңның жаңа редакциясы жарияланған еді. Онда былай делінген:&nbsp;<ul><li style="text-align:justify;">Тұңғыш Президент күні мемлекеттік мерекелер қатарынан алып тасталды. Сәйкесінше, бұл күні демалыс болмайды.</li><li style="text-align:justify;">Тәуелсіздік күні «ұлттық мереке» деген мәртебесінен айырылып, ондағы демалыс күндері қысқарды.</li></ul>Енді мереке тек бір күн – 16 желтоқсанда тойланады. Ал&nbsp;17 желтоқсан жұмыс күні&nbsp;болады.Неге былтыр қазақстандықтар 17 желтоқсанда демалды?2023 жылы 17 желтоқсан&nbsp;сенбіге&nbsp;сәйкес келді, сондықтан аптасына бес күн жұмыс істейтін қазақстандықтар үшін демалыс күні болған еді.&nbsp;31 желтоқсанда демаламыз ба?&nbsp;«Қазақстандағы мерекелер туралы» заңға сәйкес 1, 2 қаңтар мемлекеттік мереке саналады. Бұл күндер мереке және демалыс деп танылған. Еңбек және халықты әлеуметтік қорғау министрлігі пікірінше, 31 желтоқсанды ресми демалыс күндер тізіміне қосу орынсыз. Демек бұл күні қазақстандықтар жұмыс істейді.&nbsp;Қазақстандықтар желтоқсанда қанша күн демалады?Биыл 16 желтоқсан – Тәуелсіздік күні дүйсенбіге тұспа-тұс келеді.14 желтоқсан, сенбі: алты күн жұмыс істейтіндер үшін жұмыс күні және бес күн жұмыс істейтіндер үшін демалыс күні;15 желтоқсан, жексенбі: әдеттегі демалыс күні;16 желтоқсан, дүйсенбі: Тәуелсіздік күні (барлығына демалыс).Биыл&nbsp;<a href="https://massaget.kz/news/31-jeltoksanda-demalamyiz-ba-121388/">30 және 31 желтоқсан</a>&nbsp;да жұмыс күндері.&nbsp;<img src="https://syrboyi.kz/wp-content/uploads/2024/12/1ab29e7e2c811322ebd9f6974bd6556c.webp" alt="Неге биыл Тәуелсіздік күніне орай 17 желтоқсанда демалмаймыз?" loading="lazy">Мектеп оқушылары қысқы каникулда қанша күн демалады?Қысқы каникул 2024 жылғы&nbsp;30 желтоқсанда&nbsp;басталады және 2025 жылғы&nbsp;8 қаңтарын&nbsp;қоса алғанда күнтізбелік 10 күнге жалғасады. Толық күнтізбе&nbsp;<a href="https://massaget.kz/news/mektep-okushyilaryi-kyiskyi-kanikulda-kansha-kun-demaladyi-121064/">мына</a>&nbsp;материалда.&nbsp;Жаңа 2025 жылы қалай демаламыз?2024 жыл аяқталуға жақын. 2025 жылы демалыс күндері ауыстырыла ма?&nbsp;<a href="https://massaget.kz/news/2025-jyilyi-kazakstandyiktar-kalay-demaladyi-119270/">Massaget.kz</a>&nbsp;тілшісі материалында.Фото: Massaget.kz

Неге биыл Тәуелсіздік күніне орай 17 желтоқсанда демалмаймыз?

<a href="https://kyzylorda-news.kz/">Kyzylorda-news.kz</a> Тәуелсіздік күні қарсаңында «Ауыл аманаты» жобасына қатысушылар арасындағы үздік шаруашылыққа арналған республикалық конкурс қорытындыланды. Іс-шараға Мәжіліс Спикері, «AMANAT» партиясының Төрағасы Ерлан Қошанов, Премьер-Министрдің орынбасары Тамара Дүйсенова, Премьер-Министрдің кеңесшісі Ералы Тоғжанов, Қызылорда облысының әкімі Нұрлыбек Нәлібаев және тағы басқалар қатысты.Өз сөзінде Ерлан Қошанов осы күні халықтың шамамен 40%-ы ауылдық жерлерде тұратынын, сондықтан Президент Қасым-Жомарт Тоқаев өзінің сайлауалды бағдарламасында ауыл тұрғындарының тұрмыс жағдайын жақсарту және әл-ауқатын арттыру мәселесіне ерекше назар аударғанын атап өтті.<blockquote>«Мемлекет басшысының тапсырмасы бойынша «AMANAT» партиясы ел игілігі үшін белсенді жұмыс істеп жатқан «Ауыл аманаты» жобасын іске қосты. Биыл біздің партия жобаға қатысушылар арасындағы үздік шаруашылықтар мен кооперативтерді жұртқа көрсету үшін арнайы конкурс өткізді. Олардың тәжірибесі болашақта «Ауыл аманаты» жобасын жетілдіру үшін пайдаланылады. Президент айтқандай, жаһандану дәуірінде халықты сақтау үшін, ең алдымен, ауылды сақтауымыз керек. Сондықтан конкурс аясында біз ауыл өміріне ерекше назар аударуды көздедік. Ауыл – біздің алтын бесігіміз, мәдениетіміздің, дәстүріміздің және рухани өміріміздің сарқылмас қайнары. Ауылға деген қамқорлық – әрқайсымыздың өткенге, бүгінге және болашаққа деген қамқорлығымыз», – деді ол.</blockquote>Сонымен қатар, Ерлан Қошанов мемлекет тарапынан жүйелі назар аударуды талап ететін бірқатар өзекті мәселені атап өтті. Бұл ауылдардың инфрақұрылымын дамыту, ауыл тұрғындары үшін кепілсіз «тауарлық несие» енгізу, ауылдық округтер бюджетінің кіріс базасын арттыру және тағы басқалар.Өз кезегінде, вице-премьер Тамара Дүйсенова «Ауыл аманаты» жобасы іске қосылған сәттен бастап 16 мыңға жуық ауыл тұрғыны жеке кәсібін бастау үшін 2,5% жеңілдікпен шағын несие алғанын, бұл 17 мыңнан астам жұмыс орнын құруға мүмкіндік бергенін айтты. Сондай-ақ ол қазір шағын несие алушылар өндіретін өнімді өткізуді жолға қоюға ерекше назар аудару керек екенін атап өтті.Ал Премьер-Министрдің кеңесшісі Ералы Тоғжанов жоба ауылдағы жұмыссыздық деңгейін айтарлықтай төмендетуге арналғанын атап өтті. Сондықтан жобаның барлық артықшылығы туралы тұрғындарды дұрыс ақпараттандыру маңызды. Ол еліміздің барлық өңірінен байқауға қатысу үшін 250-ден астам өтінім келіп түскенін атап өтті. Қазылар алқасының шешімімен 30 өтінім 10 номинация бойынша жүлделі орындарға ие болды.Мәселен, Батыс Қазақстан облысы Қоскөл ауылының тұрғыны Дамир Қадіров «Үздік кооператив» номинациясын жеңіп алды. «Үздік ЖҚШ» номинациясы бойынша бірінші орын Маңғыстау облысы Ақшұқыр ауылынан Александра Григоловаға бұйырды. Ақтөбе облысы Саржанай ауылының әкімі Медет Бекжанов Үздік ауыл әкімі атанды. «Үздік тауар кредиторы» номинациясында Ақтөбе облысы Байқадам ауылының тұрғыны Айгүл Төлеуова жеңіске жетті. Үздік сүт өнімі үшін бірінші орын Абай облысы Қарасу ауылының тұрғыны Дарьян Жанболатоваға бұйырды. Қызылорда облысы Тасбөгет кентінің тұрғыны Гүлзира Ерниязова ет өнімдерін үздік өндіруші атанды. «Үздік аспаздық өнім» номинациясы бойынша бірінші орынды Жетісу облысы Қарашоқы ауылының тұрғыны Назгүл Шоқанова иеленді. Алматы облысы Қаракемер ауылының азаматы Омар Лимтонов «Үздік көкөніс-бақша және жидек-жеміс өнімдері» номинациясы бойынша жеңімпаз атанды. Ауылдағы үздік аграрлық емес жоба үшін бірінші орын демалыс үйін ашып, кәсібін өркендетіп отырған Шығыс Қазақстан облысы Жаңа Үлбі ауылының тұрғыны Жанна Абуғалиге берілді. Ал Батыс Қазақстан облысы Дарьинск ауылының тұрғыны Сергей Каверин «Үздік қайта өңдеу кәсіпорны» номинациясын жеңіп алды. Сонымен қатар, Қызылорда облысы Бесарық ауылының кәсіпкері Мұрат Сәрсенбаев жобаға қолдау білдіргені үшін Алғыс хатпен марапатталды.Байқауға қатысушылар «Ауыл аманаты» жобасы – мемлекеттің Еңбек адамына деген қамқорлығының жарқын үлгісі, ауыл тұрғындарының табысын арттырудың қарапайым әрі түсінікті құралы екенін атап өтті. Олар Мемлекет басшысына және «AMANAT» партиясына көрсетілген қолдау үшін алғыс білдірді.Сондай-ақ, Бесарық ауылында «Ауыл аманаты» аясында өндірілген ауыл шаруашылығы өнімдерінің көрмесі өтті. Биыл ауылда аталған жоба аясында үлкен өндірістік орталық салынды. Онда картоптан жасалған фри, наубайхана, кондитерлік цех, сондай-ақ жартылай дайын өнімдер, пластик ыдыс-аяқтар, жұмысшыларға арналған қолғаптар, сабын, шұлық және ағаш бұйымдар шығаратын кәсіпорындар, сондай-ақ, «Қызылорда» супермаркеті мен кафе жұмыс істеп тұр.Іс-шара соңында аймақ басшысы Нұрлыбек Нәлібаев Сыр өңіріне келген қонақтарға алғысын білдіріп, «Ауыл аманаты» жобасы бойынша ауқымды жұмыс жалғасатынын жеткізді.<blockquote>«Президентіміздің: «Ауылды дамыту – бүкіл Қазақстанды дамыту» деп атап өткені белгілі. Күні кеше Үкімет басшысының тапсырмасымен өткен республикалық семинарда «Бесарық» ауылында іске қосылған шағын бизнес орталығының тәжірибесі таратылды. Семинар оған қатысушылардың жаңа бастамалары мен тың идеяларына жол ашты, тәжірибе алмасу алаңы болды деп санаймыз.</blockquote><blockquote>Аталған іс-шараны Қызылорда облысында өткізуді қолдаған Ерлан Жақанұлына, Үкімет басшысына, Тамара Қасымқызына, «AMANAT» партиясына барша Сыр жұртшылығының атынан шынайы алғысымызды айтамыз!</blockquote><blockquote>Аймаққа арнайы келіп, оң тәжірибелерін бөліскен министрлік өкілдеріне, барлық өңірден келген әріптестерімізге ризашылығымызды білдіреміз!», – деді Н.Нәлібаев.</blockquote>Биыл «Ауыл аманаты» бағдарламасымен аймақтың өңдеу өнеркәсібі, мал, егін шаруашылығы және басқа да келешегі бар салаларында 610 жұмыс орнының ашылуына септігін тигізген 575 жоба іске асты.Осы күні «AMANAT» партиясының Төрағасы Мемлекет басшысының тапсырмасы бойынша ашылған Қызылорда қаласының «Қорқыт Ата әуежайындағы» жаңа терминалдың жұмысымен танысты.<img src="https://knadmin.beoblood.kz/uploads/470145117_883526613968584_3000195353315630330_n_1631662624.webp" alt="470145117_883526613968584_3000195353315630330_n.webp"> Фото: «AMANAT» партиясының баспасөз қызметі

«AMANAT» партиясында «Ауыл аманаты» жобасына үздік қатысушылардың еңбегі елеп-ескерілді

<a href="https://kyzylorda-news.kz/">Kyzylorda-news.kz</a> Қарағандыда төтенше жағдайлар министрлігіне қарасты әскери бөлімнің екі командирі сарбаздарды тегін жұмыс күші ретінде пайдаланғаны үшін қызметінен босатылды. Бұл туралы <a href="https://stan.kz/byringi-vice-ministrdin-uyin-salgan-karagandida-sarbazd-411075/">Stan.kz</a> ақпарат агенттігі “Информбюро” жаңалықтарына сілтеме жасап хабарлайды.Құтқарушылар қызмет етудің орнына бұрынғы төтенше жағдайлар вице-министрі Ибрагим Күлшімбаевқа үй салып берген.2021 жылы сол кездегі облыстық төтенше жағдайлар департаментінің бастығы Ибрагим Күлшімбаев ұлына Қарағандыдан үй салған. Төтенше жағдайлар министрлігіне қарасты әскери бөлімнің әскери қызметшілері бұл құрылыс алаңына жұмыс істеуге барған. Бөлімшенің, өртке қарсы қызмет пен төтенше жағдайлар бөлімінің техникасы да жеке мақсаттарда пайдаланылды. Құтқарушылар бұл уақыт аралығында төтенше жағдайлар департаментінен жалақы алған. Сонымен қатар техниканың жанар-жағармайы да мемлекет есебінен төленген. Оған қоса, әскерилер бұл үйге өз қаражатына қақпа сатып алып, бұл үйге бөлімшеден алған бейнекамералардв орнатқан. Соттың анықтауы бойынша, келтірілген шығын, 2 миллион теңгеден асады.Еске салсақ, экс-вице-министр 3 жылға шартты түрде бас бостандығынан айырылған еді. Ол енді мемлекеттік органдарда қызмет атқара алмайды.Сонымен қатар, іске қатысы бар екі бөлімше командирі қызметінен босатылды.<blockquote>“Бірде-бір заңбұзушылық ескерусіз қалмайды және шара қолданылады. Шеніне қарамастан генерал қылмыстық жауапкершілікке тартылып жатыр”, - дейді Қарағанды ​​облысы төтенше жағдайлар департаменті бастығының орынбасары Роллан Есмағанбетов.</blockquote>Фото: Видеодан скрин <a href="https://stan.kz/byringi-vice-ministrdin-uyin-salgan-karagandida-sarbazd-411075/">Stan.kz</a>

“Бұрынғы вице-министрдің үйін салған:” Қарағандыда сарбаздарды тегін жұмыс күші ретінде пайдаланған екі командир қызметінен кетті

<a href="https://kyzylorda-news.kz/">Kyzylorda-news.kz</a> Алматы облысының әкімі Марат Сұлтанғазиев марқұм Шерзат Полаттың отбасына меценаттар тарапынан көмек көрсетілгенін айтты. Сөзінше, алдағы уақытта меценаттар тарапынан тағы баспана алып беруі мүмкін. Бұл туралы <a href="https://stan.kz/">Stan.kz</a> ақпарат агенттігі хабарлайды.Облыс басшысы Шерзат Полаттың отбасына көмек мемлекеттік емес ұйымдар арқылы көрсетілгенін атап өтті.&nbsp;<blockquote>«Аудан әкімдіктері, өзіміздің құрылымдар олармен байланыста. Қазір де меценаттар үй салып беруге дайын. Егер иелері атынан мақұлданып жатса, құрылысты бастаймыз. Әзірге қыс мезгілінде тиісті құжаттарды дайындап алайық деп ұсындық», – деді Сұлтанғазиев.</blockquote>Еске салайық, бұған дейін Алматы облысының әкімі Шерзат Полаттың әпкесін елден депортациялауға қатысты пікір білдірген еді.Фото: smi24.kz

«Отбасының рұқсаты керек»: Марқұм Шерзат Полаттың отбасына меценаттар баспана алып бермек

<a href="https://kyzylorda-news.kz/">Kyzylorda-news.kz</a> Премьер-министрдің орынбасары Тамара Дүйсенова, облыс әкімі Нұрлыбек Нәлібаев облыстық көпбейінді ауруханада медицина қызметкерлерімен кездесті. Жиынға салалық министрліктің өкілдері, өңірдегі денсаулық сақтау саласының қызметкерлері қатысты.Аймақ басшысы Нұрлыбек Нәлібаев мәжілісті жүргізіп, тұрғындарға медициналық қызмет көрсету сапасын арттыру мәселесіне тоқталды.<blockquote>«Мемлекет басшысы Қасым-Жомарт Кемелұлы 2022 жылы Қазақстан Республикасы Президенті лауазымына кіріскеннен кейін ең бірінші «Ауылдық аумақтарды дамытудың 2023-2027 жылдарға арналған тұжырымдамасы туралы» Жарлыққа қол қойды. Елімізде «Ауылда денсаулық сақтауды жаңғырту» ұлттық жобасы, «Ауыл – ел бесігі» мемлекеттік бағдарламасы сәтті жүзеге асырылуда. Биыл облыстың медицина саласына 146 млрд. 200 млн. теңге қаржы бөлініп, ауқымды жұмыстар атқарылуда. Өткен 11 айдың қорытындысымен негізгі көрсеткіштерде оң динамика қалыптасты. «Ауылда денсаулық сақтауды жаңғырту» ұлттық жобасымен 27 медициналық нысан салу жоспарланып, өткен жылы 15 дәрігерлік амбулатория, 1 медициналық бекет ел игілігіне табысталды. Қалған 11 нысанның құрылысы жақын күндері аяқталып, іске қосылады»,- деді Н.Нәлібаев.</blockquote>Мәжілісте Тамара Дүйсенова денсаулық сақтау саласындағы ауқымды жобаларға тоқталып, қатысушылардың ұсыныс-пікірлерін тыңдады. Сонымен қатар, Денсаулық сақтау вице-министрі Тимур Сұлтанғазиев, "Әлеуметтік- медициналық сақтандыру қорының" басқарма төрағасы Әбілқайыр Сқақов, облыстық денсаулық сақтау басқармасының басшысы Олжас Искаков сөз алып, атқарылған жұмыстар мен алдағы міндеттер туралы баяндады.Айта кету керек, өңірімізде 4 млрд. 500 млн. теңгеге төрт көпбейінді аудандық орталық аурухана жанынан қосымша құрылыс салу жоспарланған. Шиелі ауданында 30 төсектік инфекциялық бөлімше, Шиелі көпбейінді ауруханасының қосымша құрылысы басталды. Қалған қосымша құрылыстар келесі жылы бой көтереді.Облыс орталығында 36 млрд. 400 млн. теңгеге емханасы және онкологиялық бөлімшесі бар 300 орындық көпбейінді аурухананың құрылысы жүруде. Арал ауданы Сексеуіл кентінде 40 төсек-орынға, Жаңақорған ауданы Төменарық ауылында дәрігерлік амбулаториямен қоса 15 төсек-орынға арналған ауылдық аурухана құрылысы аяқталды. Жаңа нысандар жақын күндері ел игілігіне табысталады.Ана мен бала өмірін қорғау басты назарда. Жыл басында көпбейінді облыстық аурухана базасында жаңа МРТ аппараты іске қосылып, перинаталдық бөлім ашылды. Жаңақорған ауданында «Қамқорлық» оңалту орталығы пайдалануға берілді. Жақын күндері осындай орталық Арал ауданында ашылатын болады.Соңғы 2 жылда денсаулық сақтау мекемелеріне 225 санитарлық автокөлік табысталды.<img src="https://knadmin.beoblood.kz/uploads/Tamara_Dujsenova_vstretilas_s_kyzylordinskimi_vrachami_1_86fe8a204d.jpg" alt="Тамара Дуйсенова встретилась с кызылординскими врачами 1.jpg"><img src="https://knadmin.beoblood.kz/uploads/Tamara_Dujsenova_vstretilas_s_kyzylordinskimi_vrachami_f7ac30259d.jpg" alt="Тамара Дуйсенова встретилась с кызылординскими врачами.jpg">Фото: Қызылорда облысы әкімінің баспасөз қызметі

Үкімет басшысының орынбасары Қызылордалық дәрігерлермен кездесті

<a href="https://kyzylorda-news.kz/">Kyzylorda-news.kz</a> &nbsp;Сыр елінде «Руханият жылы» аясында Әлем әртісі, Қазақстанның Халық әртісі, Еңбек Ері, академик Айман Мұсақожаеваның шығармашылық кеші өтті.Классикалық музыка кешін облыс әкімі Нұрлыбек Нәлібаев, аймақтың өнерсүйер жұртшылығы, зиялы қауым тамашалады.«Өнер орталығына» жиналған көрермен сұлу саздың ырғағына бөленіп, мәртебелі музыканың салтанатына куәгер болды.Скрипкашы жеке орындаушылық шығармашылығымен ұстаздық, ұйымдастырушылық, қоғамдық еңбек жолын қатар дамытып келеді. Репертуарында әлем музыкасының жауһарларынан Бах, Моцарт, Бетховен, Паганини, Хачатурян, Брамс, Чайковский сияқты композиторлардың туындылары, отандық сазгерлердің шығармалары бар.Концерт Мүсілім Әмзенің дирижерлігімен облыстық симфония оркестрі орындаған Арам Хачатурянның «Маскарад» драмасының «Вальсімен» ашылды.Айман Мұсақожаева аталған автордың скрипка мен оркестрге арналған концертін, әлемдік классикалық музыканың басқа да үздік туындыларын орындады.Шығармашылық кеште өнер көрсеткен Айман Қожабекқызына және барша таланттарға облыс әкімінің ықылас гүлі табысталды.<img src="https://knadmin.beoblood.kz/uploads/Syr_elinde_Ajman_M_sa_ozhaevany_shy_armashyly_keshi_tti_1_7fcf64b734.jpg" alt="Сыр елінде Айман Мұсақожаеваның шығармашылық кеші өтті 1.jpg"><img src="https://knadmin.beoblood.kz/uploads/Syr_elinde_Ajman_M_sa_ozhaevany_shy_armashyly_keshi_tti_9b425f23f8.jpg" alt="Сыр елінде Айман Мұсақожаеваның шығармашылық кеші өтті.jpg"><img src="https://knadmin.beoblood.kz/uploads/Syr_elinde_Ajman_M_sa_ozhaevany_shy_armashyly_keshi_tti_3_54aba09622.jpg" alt="Сыр елінде Айман Мұсақожаеваның шығармашылық кеші өтті 3.jpg">Фото: Қызылорда облысы әкімінің баспасөз қызметі

 Сыр елінде Айман Мұсақожаеваның шығармашылық кеші өтті

<a href="https://kyzylorda-news.kz/">Kyzylorda-news.kz</a> Мемлекеттік қызметтерді көрсету – мемлекет пен қоғамның өзара іс-қимылының құрамдас бөлігі. Халық үніне құлақ асу, азаматтардың өтініштерін уақытылы қарау – біздің басты міндетіміздің бірі. Қазақстан Республикасының Мемлекеттік көрсетілетін қызметтер туралы Заңына сәйкес кезкелген азамат мемлекет тарапынан көрсетілетін қызмет берушінің шешімдеріне, әрекеттеріне немесе әрекетсіздігіне белгіленген тәртіппен шағымдануға құқылы. Бұл ретте департамент әрбір азаматтың талап-тілегіне заңдық мүддесіне сай қызмет етеді.Мемлекеттік қызметтерді көрсететін органдар үшін қызмет сапасын арттыру, жеке және заңды тұлғалардың құқықтарының сақталуы басты қағида болуы тиіс. Дегенмен, кейбір мекемелер тарапынан саладағы заңнаманың бұзылуына жол беретіні жасырын емес.Департаментке биылғы жылдың қаңтар айынан бастап бүгінгі күнге дейін келіп түскен&nbsp;75 шағымның&nbsp;42-і, яғни&nbsp;56%-ы жер қатынастары саласына тиесілі екені анықталды. Жер қатынастары саласы&nbsp;жиі шағымданатын салалар арасында көшбасшылар қатарында тұр.Аталған салабойынша келіп түскен&nbsp;42 шағымның&nbsp; 30-ы өз құзіреті шегінде қаралып,&nbsp;4-уі басқа мемлекеттік органдарға жолданды. Ал, қалған&nbsp;8&nbsp;шағым азаматтардың өз өтініштері бойынша қараусыз қалдырылды.Шағымдардың басым бөлігі - мемлекеттік қызмет көрсетуден&nbsp;негізсіз бас тартулар мен&nbsp;мемлекеттікқызмет көрсету тәртібінің сақталмауына қатысты.Осы ретте,&nbsp;Департаментпен жыл басынан бері жалпы&nbsp;15 қызмет алушының құқығы қалпына келтірілсе, оның ішіндежер қатынастары саласындаорын алған бұзушылықтар бойынша&nbsp;10қызмет алушының құқығы қалпына келтірілді.Сонымен қатар,Департаментпен жыл басынан бері мемлекеттік қызмет көрсету барысында&nbsp;рұқсат беру тәртібін бұзғаны үшін Әкімшілік құқық бұзушылық туралы кодекстің 465-бабы бойынша жалпы27әкімшілік құқық бұзушылық туралы хаттама толтырылып, мемлекет кірісіне 1&nbsp;218&nbsp;360теңге өндірілді.Оның ішінде&nbsp;жер қатынастары саласы бойынша рұқсат беру тәртібін бұзғаны үшін Әкімшілік құқық бұзушылық туралы кодекстің 465-бабына сәйкес 16 әкімшілік құқық бұзушылық туралы хаттама толтырылды.Хаттамаларды толтыру барысында лауазымды адамдардың кiнәсi заңнамада көзделген тәртiппен дәлелденгендігіне толық көз жеткізіліп, қысқартылған түрде айыппұл салынып, мемлекет кірісіне 812240 теңге өндірілді.Сонымен қатар, облыс көлеміндебиылғы жылдың қаңтар айынан бүгінгі күнге дейін жер қатынастары саласы бойынша&nbsp;ЖАО-да анықталған бұзушылықтар саны 1373-ті құрайды.Оның ішінде:Жұмыс кестесін сақтамау – 873; Мемлекеттік қызмет көрсету тәртібін (бизнес-процесін) бұзу фактілері – 292; Мемлекеттік қызметтерді көрсету мерзімінің бұзылу фактілері – 86; Артық құжаттарды талап ету фактілері – 77.Бұзушылықтарға жол бергендері үшін Департаменттің ұсынысымен тәртіптік жауапкершілікке мемлекеттік органдар мен ұйымдардың 47 қызметкері тартылды.Департамент әрдайым тұрғындарға мемлекеттік қызметті заң шеңберінде алуына жәрдем береді.Егер мемлекеттік қызмет көрсету кезінде Заңнама талаптарының сақталмағанына куә болсаңыз, яғни мемлекеттік қызмет көрсету мерзімі бұзылса, мемлекеттік қызмет көрсетуден негізсіз бас тартылса, артық құжаттар талап ету фактісі орын алса немесе мемлекеттік қызмет көрсету тәртібі бұзылса, Сіз құқығыңызды Департаментке шағымдану арқылы &nbsp;қорғай аласыз.&nbsp;Е.Ж.Мендалиев,&nbsp;Департамент басшысы,&nbsp;Әдеп жөніндегі кеңес төрағасыФото: ашық дереккөзден

Азаматтардың өтініштері қараусыз қалмайды

<a href="https://kyzylorda-news.kz/">Kyzylorda-news.kz</a> Жаңа жылдан бастап еңбек сіңірген жылдары үшін және жасына байланысты &nbsp;зейнетақы төлемдерінің мөлшері 8,5 пайызға артады. Бұл туралы Өңірлік коммуникациялар қызметінің ақпарат алаңында халықты әлеуметтік қорғау саласындағы реттеу және бақылау комитеті Қызылорда облысы бойынша департаментінің басшысы Бекболат Шәріпбеков мәлімдеді.Жасына байланысты жаңадан тағайындалатын зейнетақы төлемдерінің мөлшерін есептеу үшін ескерілетін ең жоғары табыс мөлшері 203 060 теңгеден 216 260 теңгеге көбейтіледі.<blockquote>«Бала тууға байланысты біржолғы мемлекеттік жәрдемақы және бала бір жарым жасқа толғанға дейін оның күтіміне байланысты ай сайын берілетін мемлекеттік жәрдемақы төлемдері де өсті. Бірінші, екінші және үшінші бала туылғанда берілетін біржолғы жәрдемақының мөлшері бұған дейін 140296 теңгені құраса, жаңа жылдан бастап 149416 теңгеге өсетін болады. Ал төрт және одан да көп бала туылғанда 232596 теңгеден 247716 теңгеге артады. Бала бір жарым жасқа толғанға дейінгі күтіміне байланысты берілетін жәрдемақы мөлшері тууы кезектілігіне байланысты 2025 жылдың 1 қаңтарынан бастап бірінші балаға 22649 теңге, екінші балаға - 26777 теңге, үшінші балаға - 30867 теңге, төртінші және одан да көп бала туылғанда 34995 теңгені құрайды», - деді департамент басшысы.</blockquote>Қызылорда облысы бойынша «Мемлекеттік әлеуметтік сақтандыру қоры» АҚ филиалының директоры Гүлсім Денееваның айтуынша, 2025 жылғы 1 қаңтардан бастап әлеуметтік аударымдардың мөлшерлемесі 5% құрайды.<blockquote>«Әлеуметтік аударымдардың ең төменгі мөлшері айына 4 250 теңгені, ал ең жоғары мөлшері – 29 750 теңгені құрайтын болады. Жыл сайын ҚР Үкіметінің қаулысы негізінде мемлекеттік әлеуметтік жәрдемақылармен бірге Мемлекеттік әлеуметтік сақтандыру қорының ұзақ мерзімді төлемдері де артады. Жаңа жылдан бастап еңбекке қабілеттілігінен айырылуы және асыраушысынан айырылуы жағдайларына тағайындалатын әлеуметтік төлемдер 6,5%-ға көбейеді. Қызылорда облысы бойынша 3233 алушыға еңбекке қабілеттілігінен айырылған жағдайға және 2746 асыраушысынан айырылған жанұяға төлемдер мөлшері ұлғайтылды. Осылайша, &nbsp;жұмыс істейтін азаматтар алатын төлемдердің жиынтық мөлшері жұмыс істемейтін азаматтарға қарағанда көбірек болады», - деді филиал директоры Гүлсім Жұмағалиқызы.</blockquote><img src="https://knadmin.beoblood.kz/uploads/zha_a_zhyldan_bastap_zh_rdema_y_83552580db.jpg" alt="жаңа жылдан бастап жәрдемақы.jpg">Фото:<a href="https://el.kz/ru/news/aqorda/"> el.kz</a>

 Жаңа жылдан бастап жәрдемақылар мен әлеуметтік төлемдер өседі

<a href="https://kyzylorda-news.kz/">Kyzylorda-news.kz</a>&nbsp; Бүгін Сыр елінде «Руханият жылы» аясында &nbsp; Қызылорда облысы әкімдігінің қолдауымен, Қызылорда облысының мәдениет, архивтер және құжаттама басқармасының ұйымдастыруымен халық батыры Жанқожа Нұрмұхамедұлының 250 жылдығына арналған дастан нұсқаларын жырлаушылардың «Ақ туы төбесінде төңкерілген» атты республикалық жыр байқауы өтті.&nbsp; &nbsp; &nbsp;&nbsp;Байқаудың мақсаты – қара орман жұрты мен кең жазираның азаматтығы жолында қол бастап, жау қайырған Жанқожа Нұрмұхамедұлының өнегелі жолы мен ерлік істерін ұрпақ жадында қайта жаңғырту. Жанқожа батырдың ерлігін паш ететін дастан нұсқаларын заманауи жыршылардың репертуарында қайта жаңғырту арқылы жыршылық дәстүрдегі эпикалық шығармашылықты насихаттау, жастарды &nbsp;отансүйгіштікке тәрбиелеу. дәріптеу. Жыр додасына Ақтөбеден жыр жүйрігі Демеубай Жолымбетов, Маңғыстаудан &nbsp;Аманкелді Сәңкібаев, &nbsp;Сыр сүлейлерінің ізбасарлары, Мәдениет саласының үздігі, жыршы Марат Сүгірбай және дарынды жас жыршылар Досымжан Құрманғалиев, Аяулым Абдумажит, Талант Балтабай, &nbsp;Қуаныш Алғазиев, Нұрперзент Октябрұлы, Әлижан Болатбектер қатысты.Екі күнге созылған жыр додасында жыршылар, Лұқпан Кенжеұлы, Сардарбек Қожағұлов, Орнықбай Сұлтановтардың &nbsp;нұсқаларында және Жанқожаның Созаққа баруы, Патыма қыз, Бабажан сарт салаларында екі сағатан аса жырлады. Байқауға өнер зерттеушісі, филология ғылымдарының кандидаты, «Құрмет» орденінің иегері, ғалым Берік Жүсіпов, Жетісу жыр мектебінің өкілі, Қазақстанның еңбек сіңірген қайраткері, Жамбыл атындағы филармонияның директоры &nbsp;Ақан Әбдуалиев &nbsp;және мәдениет қайраткері Берік Саймағанбетовтер қазылық жасаса, Жанқожа батырдың мұраларын жинақтаушы, белгілі журналист Нұрлан Көбегенұлы және жыршы Майра Сәрсенбаевалар сарапшылық етті.&nbsp;Байқау қорытындысымен &nbsp;Бас жүлдені маңғыстаулық белгілі жыршы Аманкелді Сәңкібаев, жүлделі I орынды &nbsp;жыршы Марат Сүгірбай, II орынды ақтөбелік Демеубай Жолымбетов, III орынды Қуаныш Алғазиев пен Аяулым Абдумажит өзара бөлісті. Алғыс хат жас жыршылар Талант Балтабай, Нұрперзент Октябрұлы, Әлижан Болатбекке &nbsp;табысталды.<figure class="image"><img src="https://knadmin.beoblood.kz/uploads/zhyr1_cff21c4c0e.jpeg" alt="жыр1.jpeg"></figure>

Қазақстан және Қызылорда облысының жаңалықтары