<a href="https://kyzylorda-news.kz/">Kyzylorda-news.kz</a> 2026 жылдың алғашқы төрт айында Қызылорда облысының күндізгі және тәулік бойы жұмыс істейтін стационарларында 3 912 пациент медициналық оңалтудан өтті. Амбулаториялық деңгейде 13 789-ға жуық оңалту қызметі көрсетілді. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Жақсылық Абдусаметов мәлімдеді. Оның айтуынша, міндетті әлеуметтік медициналық сақтандыру жүйесінің арқасында өңірде оңалту көмегін қаржыландыру көлемі жыл сайын артып келеді.<blockquote>«Егер 2022 жылы оңалту көмегіне 2,7 млрд теңге бөлінсе, 2026 жылы қаржыландыру көлемі бір жарым еседен астам өсіп, 4,1 млрд теңгені құрады. Биылғы жылдың алғашқы төрт айында медициналық оңалту қызметтерін көрсетуге 1,2 млрд теңге бағытталды», – деді филиал басшысы.</blockquote>Денсаулықты қалпына келтіру – емдеудің маңызды бөлігіМедициналық оңалту пациенттерге ауыр аурулардан, жарақаттардан және хирургиялық араласулардан кейін ағзаның жоғалған функцияларын қалпына келтіруге, күнделікті өмірге қайта оралуға мүмкіндік береді. Көптеген азаматтар мұндай көмекті қымбат әрі қолжетімсіз деп есептейді. Алайда медициналық көрсетілімдер болған жағдайда оңалту қызметтері МӘМС аясында тегін көрсетіледі.<img src="https://knadmin.beoblood.kz/uploads/reabilit_2_ba6726e4af.jpg" alt="осмс">Медициналық оңалтудан кімдер өте алады?Медициналық оңалту мынадай жағдайларда тағайындалады:<ul><li style="text-align:justify;">негізгі немесе созылмалы ауруды емдеу кезінде;</li><li style="text-align:justify;">жедел жағдайлардан кейін;</li><li style="text-align:justify;">хирургиялық оталардан кейін;</li><li style="text-align:justify;">жарақаттардан кейін;</li><li style="text-align:justify;">өмір сүру белсенділігін шектейтін жағдайларда.</li></ul><img src="https://knadmin.beoblood.kz/uploads/2024_07_29_11_42_57_a7544f0c41.png" alt="осмс">Медициналық оңалту қай кезде тегін көрсетіледі?Қалпына келтіру емі келесі жағдайларда тегін жүргізіледі:<ul><li style="text-align:justify;">тегін медициналық көмектің кепілдік берілген көлемі (ТМККК) шеңберінде – негізгі ауруды, сондай-ақ туберкулезбен ауыратындарды емдеу кезінде;</li><li style="text-align:justify;">міндетті әлеуметтік медициналық сақтандыру жүйесінде (МӘМС) – аурулар мен проблемалардың халықаралық жіктемесі бойынша аурулар тізбесіне сәйкес.</li></ul><img src="https://knadmin.beoblood.kz/uploads/2024_07_29_11_47_07_3eb7aa3ccf.png" alt="осмс">Пациент бұрын оңалтудан өтпеген. Неден бастаған жөн?1. Ең алдымен тұрғылықты жеріндегі емханаға барады.2. Емдеуші дәрігер реабилитолог маманға немесе мультидисциплинарлық топ мамандарына жібереді.3. Олар аурудың пайда болуы мен күшеюі, сырқаттың денсаулық жағдайына байланысты мәліметтерді ескере отырып, оңалтуға деген қажеттілікті айқындайды. Бастапқы реабилитациялық диагноз қойып, пациент денсаулығын қалпына келтіру жоспарын, курстың мерзмін т.б. анықтайды.4. Егер кешенді тексеру нәтижесінде реабилитация тиімді деп табылса, пациент оны амбулаторияда, стационарда, стационарды алмастыратын емдеу мекемесінде, үйде немесе санатория-курорттарда өте алады. Жоспарлы түрде ем қабылдайтын пациент стационарға «Ауруханаға жатқызу бюросы» порталы арқылы жатқызылады.<img src="https://knadmin.beoblood.kz/uploads/Whats_App_Image_2023_05_16_at_11_52_57_32bc00b764.jpeg" alt="осмс">Медициналық оңалту үш кезеңнен тұрады:Біріншісі ауруы асқынып тұрған науқастарға, хирургиялық операция жасатқан, жарақат алған адамдарға арналған. Ол стационарлардың құрылымдық бөлімшелерінде жүргізіледі.Егер ауруханаға жатқызу қажет болмаса, медициналық көмек көрсетілгеннен кейін және негізгі ауру емделіп болғаннан кейін пациент оңалтудың екінші немесе үшінші кезеңіне жіберіледі.Оңалтудың екінші кезеңі мамандандырылған бөлімшелерде немесе республикалық денсаулық сақтау ұйымдары, мамандандырылған оңалту орталықтары мен көпбейінді стационарлар базасында өтеді. Бұл кезең ауру басталған сәттен бастап тоғыз ай ішінде жүргізу қажет. Курстың ұзақтығы мен жиілігі нозологияға, науқасты денсаулық жағдайына тағы да басқа факторларға байланысты болмақ.Үшінші кезеңде медициналық оңалту емхана-амбулатория деңгейінде, күндізгі және тәулік бойғы стационарларда, оңалту орталықтарында, санаторийлер мен курорттарда, үйдегі стационар жағдайында, сондай-ақ қашықтықтан жүргізіледі. Курстың жиілігі мен ұзақтығы пациенттің денсаулығына қарай белгіленеді. Оңалтудан алынған нәтиже міндетті түрде ескерілуі тиіс.<img src="https://knadmin.beoblood.kz/uploads/Whats_App_Image_2022_06_07_at_17_36_08_56b6beea5d.jpeg" alt="осмс">Оңалтудан бас тартуға мынадай жағдайлар себеп болуы мүмкін:* көп қан кету;* дене қызуының көтерілуі және ұзақ уақыт бойы қалыпты жағдайдан асып кетуі;* өткір жұқпалы аурулар;* өткір остеомиелит;* көктамыр тромбозы* жүрек жеткіліксіздігі;* эпилепсия талмасы ұстаған кезде;* қатерлі ісік, туберкулез, қант диабеті, тиреотоксикоз, бауыр қызметі тапшылығы, ІІІ деңгейлі ұйқы безі тапшылығы, адамның көңіл-күйі мен мінезінде ауытқулар тудырған психикалық аурулар, іріңді және жұқпалы тері аурулары, 2-3-дәрежелі анемия, 3-дәрежелі дистрофия сынды аурулар себеп болуы мүмкін.Оңалту пациенттің өз өтініші бойынша тоқтатылуы мүмкін. Сонымен қатар, ем-шаралардан кейін сырқаттың жағдайы нашарлаған жағдайда немесе негізгі, қосалқы аурулары күшейіп кеткен жағдайда дәрігер ем-шараны тоқтату туралы шешім қабылдайды.<img src="https://knadmin.beoblood.kz/uploads/rcz_4_92a83468ab.jpeg" alt="осмс">Оңалту қызметтерін кімдер көрсетеді?2026 жылы Қордың облыстық филиалы өңірдегі оңалту қызметтерін көрсететін 33 медициналық ұйыммен келісімшарт жасасты. Оның ішінде:<ul><li style="text-align:justify;">18 мемлекеттік медициналық ұйым;</li><li style="text-align:justify;">14 жеке медициналық ұйым;</li><li style="text-align:justify;">1 квазимемлекеттік ұйым.</li></ul>2026 жылы оңалту көмегін қаржыландыруға 4,1 млрд теңге қарастырылған. Оның ішінде 3,5 млрд теңге тәулік бойы және күндізгі стационарлардағы қызметтерге бағытталған.Сұрақтар туындаған жағдайда қайда жүгінуге болады?Медициналық көмек алу мәселелері бойынша азаматтар өз емханаларындағы Пациенттерді қолдау қызметіне жүгіне алады.Егер мәселені сол жерде шешу мүмкін болмаса, Әлеуметтік медициналық сақтандыру қорына келесі байланыс арналары арқылы өтініш жолдауға болады:<ul><li style="text-align:justify;">Qoldau 24/7 мобильді қосымшасы;</li><li style="text-align:justify;">msqory.kz ресми сайты;</li><li style="text-align:justify;">@SaqtandyrýBot Telegram-боты;</li><li style="text-align:justify;">1414 байланыс орталығы.</li></ul>

Қызылорда облысында медициналық оңалту көмегіне 4,1 млрд теңге бөлінді

<a href="https://kyzylorda-news.kz/">Kyzylorda-news.kz</a> &nbsp;Халықаралық балаларды қорғау күнінде Президент паркі аумағында жаңадан ашылған «AI-Kerim» оқу-сауықтыру орталығында жазғы тынығу лагерлерінің маусымы салтанатты түрде ашылды.<img src="https://knadmin.beoblood.kz/uploads/Tyny_u_lagerlerini_mausymy_resmi_t_rde_ashyldy_8020d3decb.jpg" alt="Тынығу лагерьлерінің маусымы ресми түрде ашылды.jpg">Оған облыс әкімінің орынбасары Мейрамбек Шермағанбет қатысып, жас өрендерді мерекемен және маусымның ресми ашылуымен құттықтады.<blockquote>«Бала – отбасының бақыты, мемлекеттің – болашағы. Ел ертеңі бүгінгі жас ұрпақтың қолында. Сондықтан балалардың дені сау, жан-жақты дамыған азамат болып қалыптасуы – мемлекетіміздің басты бағыттарының бірі.​​​​​Президентіміз балалардың қауіпсіздігі мен жан-жақты дамуына ерекше мән беріп, сапалы білім алуына, шығармашылық қабілетін шыңдауға, жазғы демалысты тиімді ұйымдастыруға тұрақты қолдау көрсетіп келеді.Кейінгі жылдары біздің аймағымызда білім беру, мәдениет, спорт және қосымша білім беру ұйымдарының саны артты. Алда сіздерді қызықты кездесулерге, танымдық іс-шараларға, спорттық жарыстар мен шығармашылық байқауларға толы жарқын жаз күтіп тұр. Баршаңызды мерекемен құттықтай отырып, көтеріңкі көңіл-күй мен толайым жетістіктер тілеймін!» – деді Мейрамбек Зинабдинұлы.</blockquote>Кеше облыстағы тоғыз лагерь бір мезетте өз жұмысын бастап, мыңдаған баланы қабылдады.Мемлекет басшысының қолдауымен салынған «AI-Kerim» оқу-сауықтыру лагері материалдық-техникалық базасы мен білім беру мүмкіндіктері жағынан елімізде баламасы жоқ, бірегей орталықтың қатарында. Мұнда робототехника, ұшқышсыз ұшу аппараттарын басқару, инженерлік жобалау, IT-технологиялар және басқа да инновациялық үйірмелер жұмыс істейді. Бұл балалардың болашақ мамандықтарына қызығушылығын арттырып, жаңа технологияларды меңгеруіне жол ашады.Фото: Қызылорда облысы әкімінің баспасөз қызметі&nbsp;

Тынығу лагерьлерінің маусымы ресми түрде ашылды

<a href="https://kyzylorda-news.kz/">Kyzylorda-news.kz</a> Балалардың әл-ауқаты мен қауіпсіздігін қамтамасыз ету – мемлекеттік саясаттың басты бағыттарының бірі. Ішкі істер министрлігі жариялаған «Заң мен тәртіп – қауіпсіз балалық шақтың кепілі» тұжырымдамасы аясында өскелең ұрпақтың құқықтарын қорғауға, олардың қауіпсіз әрі бақытты ортада өсіп-жетілуіне ерекше мән берілуде.«Бала қуанса, әлем қуанады» деген ниетті алға тартқан қызылордалық полицейлер Балаларды қорғау күніне орай мерекелік іс-шара өткізді.Шараның ашылу салтанатында сөз алған Қызылорда облысы Полиция департаменті бастығының орынбасары полиция полковнигі Омаров Оралбек Тәубәқабылұлы жас өрендерді мерекемен құттықтап, ізгі лебізін білдірді.<blockquote>«Балалар – еліміздің жарқын болашағы, тәуелсіз мемлекетіміздің ең қымбат байлығы. Сондықтан олардың қауіпсіздігі мен амандығын қамтамасыз ету – баршамыздың ортақ міндетіміз. Ішкі істер министрі 2026 жылды «Заң мен тәртіп – қауіпсіз балалық шақтың кепілі» жылы деп жариялады.Бұл бастама өскелең ұрпақтың құқықтарын қорғауға, олардың қауіпсіз әрі бақытты ортада өсіп-жетілуіне ерекше мән берілетінін көрсетеді.Осы мерекеде барша бүлдіршіндерге шаттыққа толы балалық шақ, зор денсаулық, жарқын болашақ және оқуда табыс тілеймін! Әр баланың күлкісі сыңғырлап, армандары асқақтай берсін!» деді О.Омаров.</blockquote>Балаларға қуаныш сыйлау мақсатында арнайы ұйымдастырылған мерекелік шара қызықты ойындар мен танымдық бағдарламаларға ұласып, бүлдіршіндерге көтеріңкі көңіл-күй сыйлады.Бұдан бөлек балаларды шығармашылыққа баулу, олардың қиялдарын жүзеге асыру арқылы өнерге деген қызығушылықтарын арттыру мақсатында сурет байқауы ұйымдастырылды. Балалар тақырып бойынша өз өнерлерін ортаға салды. Әсем суреттер салынды.Қатысушылардың көпшілігі шығармашылықтарын таныта отырып, өздерінің айқын қабілеттерін көрсетті.Іс-шараға аниматорлар шақырылып, олар балалар арасында конкурстар мен эстафеталар өткізді.Тəртіп сақшыларымен арнайы балалар үшін ұйымдастырылған мерекелік шара барысында балалар полиция қызметкерлерімен әңгімелесіп, қызықтырған сұрақтарына жауап алды. Бұл мереке балалар үшін жарқын және есте қаларлық күн болды. Балалар полицейлерге алғыстарын айтып, естелікке суретке түсті.&nbsp;

Қызылордалық полицейлер мерекелік шара ұйымдастырды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев халықаралық, республикалық пәндік олимпиада, ғылыми жоба конкурстарының жеңімпаздарымен және олардың жетекші ұстаздарымен кездесті. Кездесуде Мемлекет басшысының білім мен ғылымға ұмтылысты қолдауының арқасында өңірде ауқымды жұмыс атқарылып жатқанын атап өтті.<img src="https://knadmin.beoblood.kz/uploads/yzylordaly_tar_E_zdik_olimpiadaly_komanda_nominacziyasyny_iegeri1_f71d573370.jpg" alt="Қызылордалықтар – «Ең үздік олимпиадалық команда» номинациясының иегері1.jpg"><blockquote>«Мемлекет басшысы Қасым-Жомарт Кемелұлы: «Расында, дарынға ие болу, бұл – бақыт. Бірақ жай ғана еңбексіз дарын жетістіктің кепілі бола алмайды. Дарынның көзін ашу керек және оны толығымен пайдалана білу қажет. Әр жеңіс, әр медаль тынымсыз ізденіспен, маңдай термен, үздіксіз дайындықпен келеді»,– деген болатын.Дана халқымыз «Білім – таусылмайтын кен» деп бекер айтпаған. Қай заманда болсын, елдің еңсесін тіктеп, болашағын баянды ететін күш – білімді ұрпақ. Сыр өңірінің ғана емес, күллі Қазақстанның мерейін үстем етіп жүрген Өздеріңіздей талапты да талантты жастармен кездесудің мәні зор», – деді Мұрат Нәлқожаұлы.</blockquote>Биыл 29 оқушы халықаралық олимпиадалардың жүлдегері атанса, 143 оқушы республикалық олимпиада, ғылыми жоба байқауларында үздік нәтиже көрсетті. Жалпы білім беретін пәндер бойынша республикалық олимпиада қорытындысымен Қызылорда облысының командасы «Ең үздік олимпиадалық команда» номинациясын иеленді. Сонымен қатар, екі оқушы жоғары оқу орындарының білім грантын жеңіп алды.<img src="https://knadmin.beoblood.kz/uploads/yzylordaly_tar_E_zdik_olimpiadaly_komanda_nominacziyasyny_iegeri2_3531819301.jpg" alt="Қызылордалықтар – «Ең үздік олимпиадалық команда» номинациясының иегері2.jpg">Салтанатты жиында 30 жетекші ұстаз облыс әкімінің Алғыс хатымен марапатталып, шипажайға жолдама алды. Халықаралық және республикалық білім додаларында үздік нәтиже көрсеткен 36 оқушыға облыс әкімінің Алғыс хаты мен планшет табысталды. Оқушылар мен ұстаздар ой-пікірлерін ортаға салып, ұсыныстарын жеткізді.Айта кетейік, кейінгі жылдары Мемлекет басшысының, Үкіметтің қолдауымен өңірде 200-ден астам әлеуметтік нысан пайдалануға берілді. Оның ішінде білім беру саласында 46 жаңа нысан іске қосылды. «Келешек мектептері» ұлттық жобасы аясында 10 жаңа мектеп салынды. Физика-математика бағытындағы «Білім-инновация» лицей-интернаты мен музыкалық колледждің жаңа ғимараты пайдалануға берілді.<img src="https://knadmin.beoblood.kz/uploads/yzylordaly_tar_E_zdik_olimpiadaly_komanda_nominacziyasyny_iegeri3_31f09b20fa.jpg" alt="Қызылордалықтар – «Ең үздік олимпиадалық команда» номинациясының иегері3.jpg">«Оқушылар сарайы», «Сыр жұлдыздары» академиясы, Жалағаш, Жаңақорған және Шиелі аудандарында «Оқушылар үйі» мен «Өнер мектебі» іске қосылды. Жақында жаңа балалар тынығу лагері пайдалануға беріліп, алғашқы демалушыларды қабылдады. Бүгін Президент саябағындағы Ботаникалық білім беру орталығы ел игілігіне табысталды.

Қызылордалықтар – «Ең үздік олимпиадалық команда» номинациясының иегері

1 маусым – Халықаралық балаларды қорғау күні мерекесіне орай Қазалы &nbsp;ауданы әкімі Алмасбек Есмаханов Әйтеке би кентіндегі үйден білім алатын оқушылардың үйіне арнайы барып, мерекелік көңіл-күй сыйлады.Мерекелік кездесуде Жамбыл Жабаев атындағы №234 мектептің 4-сынып оқушысы Әбубек Мансұр мен Жанқожа батыр атындағы №70 мектептің үйден оқитын оқушысы Ерлан Елдар арнайы құттықтауға ие болды. Аудан басшысы балалардың хал-жағдайын сұрап, мерекемен құттықтады.Кездесу барысында балаларға арнайы әзірленген сыйлықтар табысталып, ізгі тілектер айтылды. Аудан әкімі балаларға мықты денсаулық, көтеріңкі көңіл-күй, білімге деген құштарлық пен жарқын болашақ тіледі.– Әрбір ата-ана үшін балалардың шат күлкісі мен қуанышынан артық еш нәрсе жоқ. Әрбір бала қамқорлық пен мейірімге бөленіп өсуі тиіс, – деді аудан әкімі.Бұл мерекелік шара балаларға көтеріңкі көңіл-күй сыйлап қана қоймай, қоғамның ерекше қамқорлықты қажет ететін бүлдіршіндерге деген жанашырлығы мен қолдауын айқын көрсетті.

Мерекеде балғындар қуанышқа бөленді

<a href="https://kyzylorda-news.kz/">Kyzylorda-news.kz</a> Бүгін Халықаралық балаларды қорғау күнінде облыс әкімі Мұрат Ергешбаев, ҚР Парламенті Сенаты мен Мәжілісінің депутаттары Руслан Рүстемов, Мархабат Жайымбетов облыстық көпбейінді балалар ауруханасына арнайы барды.Алдымен аймақ басшысына аурухана жұмысы таныстырылып, балалар денсаулығын нығайтуда атқарылған жұмыстар мен алдағы жоспарлар туралы баяндалды.<img src="https://knadmin.beoblood.kz/uploads/Merekede_balalar_auruhanasyny_emdelushileri_syjly_aldy_28130e6c64.jpg" alt="Мерекеде балалар ауруханасының емделушілері сыйлық алды.jpg">Медициналық мекемеде 18 жасқа дейінгі жеткіншектерге қызмет көрсетіледі, 420 төсек-орынға есептелген, 13 бөлімше бар. Салаға көрсетілген қолдаудың арқасында өңірдегі сәби өлімі 20,2 пайыз, бала өлімі 16,4 пайыз, ал жалпы аурушандық 9,8 пайыз төмендеген.Мұрат Нәлқожаұлы салауатты орта қалыптастыру, аурудың алдын алу бағытындағы жүйелі жұмысты одан әрі жалғастыруға қатысты жауапты мамандарға нақты тапсырмалар берді.Әрі қарай емделушілерді бүгінгі мерекемен құттықтап, арнайы әзірленген сый-сияпатты табыстап, ақжарма тілегін арнады.Бұдан бөлек, аймақ басшысы аурухананың сәулелі диагностика бөліміндегі МРТ аппаратының жұмысын көрді.<img src="https://knadmin.beoblood.kz/uploads/714003649_1293821886272386_5816791504249843556_n_a865bc6b53.jpg" alt="714003649_1293821886272386_5816791504249843556_n.jpg">Еске салайық, кейінгі жылдары «Қамқорлық» балалар оңалту орталығы Жаңақорғанда және дәл осындай орталық Арал ауданында да ашылды. Облыстық көпбейінді балалар ауруханасының жанынан «Қамқорлық» ерте араласу оңалту орталығы да пайдалануға берілді.«Қазақстан халқына» қорымен тұрақты әріптестіктің арқасында 10 млрд. теңгеден астам қаржыға маңызды әлеуметтік жобалар жүзеге асты, оның 5 млрд. теңгесі денсаулық сақтау саласына бағытталды. Бұл қаржыға «Қамқорлық» оңалту орталықтарына медициналық жабдықтар, аса қымбат дәрі-дәрмек алынды.Бүгінде ана мен бала өмірін сақтау, денсаулығын жақсарту, демографиялық өсімді қамтамасыз ету үшін Қызылордадағы Президент саябағы аумағынан 200 орындық жаңа перинаталдық орталық салынуда.Бір ауысымда 100 келушіге қызмет көрсететін емханасы және онкологиялық бөлімшесі бар 300 төсектік көпбейінді аурухана, сол жағалауда және Титов шағын ауданында емханалар бой көтеріп келеді.Фото: Қызылорда облысы әкімінің баспасөз қызметі&nbsp;

Мерекеде балалар ауруханасының емделушілері сыйлық алды

<a href="https://kyzylorda-news.kz/">Kyzylorda-news.kz</a> Бүгін 1 маусым – Халықаралық балаларды қорғау күніне орай&nbsp;Арал&nbsp;ауданы&nbsp;орталығындағы Балықшылар алеясында «Бақытты балалық шақ» атты мерекелік шара&nbsp;ұйымдастырылып, бүлдіршіндерге ерекше қуаныш сыйланды.Мерекелік шарада аудан әкімінің орынбасары Н.Бохаев балалар мен олардың ата-аналарын маңызды мерекемен құттықтады. Өз сөзінде жас ұрпақтың жарқын болашағы үшін қолайлы жағдай жасау, олардың сапалы білім алып, жан-жақты дамуына мүмкіндік беру әрдайым басты назарда екенін атап өтті.<img src="https://knadmin.beoblood.kz/uploads/Aralda_Ba_ytty_balaly_sha_atty_merekelik_shara_tti_1_91471cfc9c.jpg" alt="Аралда Бақытты балалық шақ атты мерекелік шара өтті 1.jpg">Мұнан соң аудандық білім бөлімінің басшысы С.Жанназарова алғыр да, ұқыпты, білімді әрі белсенді балдырғандардың жетістіктеріне тоқталып, шат көңілді балаларды мерекелерімен құттықтады.Мерекелік жиында бүлдіршіндердің шығармашылық қабілеттерін дамытуға бағытталған түрлі ойын-сауық бағдарламалары ұйымдастырылып, балалар шаттыққа бөленді.Мұнан бөлек отбасылық сайыстар өткізіліп, өнерлі балалардың түрлі жанрдағы шығармалары көпшілік назарына ұсынылды.Халықаралық балаларды қорғау күні – әр баланың бақытты балалық шаққа, сапалы білімге және жан-жақты дамуға деген құқығын дәріптейтін маңызды мереке. Мереке қарсаңында ауданда түрлі деңгейдегі шаралар ұйымдастырылып, әрбір бала шаттыққа бөленді.Фото: Аудан әкімдігінің баспасөз қызметі

Аралда «Бақытты балалық шақ» атты мерекелік шара өтті

<a href="https://kyzylorda-news.kz/">Kyzylorda-news.kz</a> Бүгін Қазалы ауданында 1 маусым – Халықаралық балаларды қорғау күні мерекесіне орай аудан орталығы - Әйтеке би кентінде екі бірдей спорттық ойын алаңдары ел игілігіне табысталды.Жаңа нысандар 5 квартал аумағындағы №276 мектеп жанында және 2 квартал аумағындағы жаңадан ашылған тұрғын үйлер маңында пайдалануға берілді.<img src="https://knadmin.beoblood.kz/uploads/azaly_audanynda_eki_sportty_ojyn_ala_y_pajdalanu_a_berildi1_cd33fd4b5f.jpg" alt="Қазалы ауданында екі спорттық ойын алаңы пайдалануға берілді1.jpg">Заманауи үлгіде салынған спорт алаңдары балалар мен жасөспірімдердің бос уақытын тиімді өткізуіне, спортпен шұғылданып, саламатты өмір салтын қалыптастыруға үлкен мүмкіндік бермек.Спорт алаңдарының ашылу салтанатына аудан әкімі Алмасбек Есмаханов қатысып, тұрғындар қуанышымен бөлісті.<blockquote>– Президентіміз Қасым-Жомарт Кемелұлы Тоқаев -балалардың қауіпсіздігі мен жарқын болашағын қамтамасыз етуді әрдайым басты назарда ұстап келеді. Осы бағытта елімізде, оның ішінде ауданымызда да өскелең ұрпақтың игілігі үшін жүйелі жұмыстар атқарылуда. Бүгінгі мерейлі мереке қарсаңында аудан орталығы – Әйтеке би кентінде бір емес, екі бірдей спорт алаңының пайдалануға берілуі – соның нақты көрінісі. Бұл – балаларымыздың бос уақытын тиімді өткізуіне, спортпен тұрақты шұғылдануына, саламатты өмір салтын қалыптастыруына жасалған маңызды қадам. Президент Жолдауынан туындаған міндеттер негізінде ауданымызда спорт инфрақұрылымын дамыту бағытында жүйелі жұмыстар жүзеге асырылуда. Биылғы жылдың өзінде аймақты 4 жылдан астам уақыт басқарған Нұрлыбек Машбекұлының қолдауымен «Ауыл – Ел бесігі» бағдарламасы аясында Бекарыстан би ауылында жаңа спорт кешені пайдалануға берілсе, бүгінде Әйтеке би кенті мен Қожабақы ауылында заманауи спорт кешендерінің құрылысы қарқынды жүргізілуде. Жалпы спорт саласында аудан бойынша 12 спорт нысаны, оның ішінде спорт мектептері мен дене шынықтыру-сауықтыру кешендері қызмет көрсетіп, 36 спорттық үйірме жұмыс жасауда. Бұдан бөлек, аудан көлемінде 60 жасанды спорт алаңы ел игілігіне берілген. Мұның барлығы — балаларымыздың дені сау әрі елжанды азамат болып қалыптасуы үшін жасалып жатқан игі істер. Алдағы уақытта аудан көлемінде бұқаралық спортты дамыту мақсатында облыс әкімі Мұрат Нәлқожаұлының басшылығымен, ауданға жасаған қолдауының нәтижесінде бірқатар ауқымды жобалар жүзеге асатын болады.Биыл аудан орталығында 2 спорт алаңына ағымдағы жөндеу жұмыстары жүргізіліп, өздеріңіз куә болғандай 2 спорт алаңы пайдалануға берілуде. Жаңадан пайдалануға беріліп отырған бұл спорт алаңдары аудан жастары мен жасөспірімдерінің сүйікті орнына айналып, талай жас спортшы шыңдалып, ауданымыздың намысын қорғайтын азаматтар тәрбиеленеді деп сенеміз, – деді аудан әкімі Алмасбек Әбілқасымұлы.</blockquote>Спорт алаңдарының ашылу салтанатында аудандық ардагерлер кеңесінің төрағасы, Қазалы ауданының құрметті азаматы, «Құрмет» орденінің иегері Оразғали Бекбанов, Қазалы ауданының құрметті азаматы, Қазақстан халқы Ассамблеясы жанындағы аудандық ақсақалдар кеңесінің төрағасы, «Құрмет» орденінің иегері Қасқырбай Әлімбай, спорт саласының ардагелері Қуанған Бәкен, Мейрамбек Қарабалаев пен ақсақалдар сөз сөйлеп, бата беріп, жаңа спорт алаңдарының ашылуымен құттықтады.Бұдан кейін жаңа спорт алаңның құрылысын жүргізген мердігер мекеме – «Cарым Құрылыс» ЖШС-нің құрылысшылары аудан әкімінің «Алғыс хатымен» марапатталды.Салтанатты шара соңында аудан әкімі мен зиялы қауым өкілдері, тұрғындар жаңа спорт алаңдарын аралап көріп, жас спортшылармен жүздесті. Аудан басшысы жас спортшыларға сәттілік тілеп, жарқын болашақ тіледі.

Қазалы ауданында екі спорттық ойын алаңы пайдалануға берілді

<a href="https://kyzylorda-news.kz/">Kyzylorda-news.kz</a> 1 маусым – Халықаралық балаларды қорғау күніне орай Қызылорда қаласындағы Достық үйі алаңында «Бейбіт ел – бақытты бала» атты мерекелік іс-шара ұйымдастырылды. Қызылорда облыстық қоғамдық даму басқармасының «Қоғамдық келісім және тіл орталығы» КММ ұйытқы болған шара балалардың шығармашылық әлеуетін дамытуға және бейбітшілік пен татулық құндылықтарын дәріптеуге арналды.Мерекелік бағдарламаның негізгі бөлігі «Бейбіт ел – бақытты бала» тақырыбындағы сурет байқауымен өрбіді. Байқауға қатысқан балалар өз ой-қиялын қағаз бетіне түсіріп, бейбіт қоғам, достық пен жарқын болашақ туралы көзқарастарын көркем бейнелеуге тырысты. Жас суретшілердің туындыларынан балалық шынайылық пен ізгілікке ұмтылыс анық байқалды.Іс-шараның ашылу салтанатында «Қоғамдық келісім және тіл орталығы» КММ директорының орынбасары Мартана Дәулетбаева сөз сөйлеп, бүлдіршіндерді мерекемен құттықтады. Ол балалардың алаңсыз күлкісі мен бақытты балалығы қоғамның басты құндылығы екенін атап өтті.Мерекелік кештің жүргізушісі – облыстық неміс этномәдени бірлестігінің төрағасы Ирина Шек қатысушыларға көтеріңкі көңіл күй сыйлап, шараның мазмұнды өтуіне үлес қосты.Бағдарлама әрі қарай «Адажио шоу» орталығы ұйымдастырған ойын-сауық бөлімдерімен жалғасты. Қызықты сайыстар мен қимылды ойындарға белсенді қатысқан балалар мерекелік атмосфераны сезініп, достарымен бірге көңілді уақыт өткізді. Шара барысында балаларға балмұздақтар таратылып, көтеріңкі көңіл күй сыйланды.Сурет байқауының қорытындысында барлық қатысушы жеңімпаз ретінде марапатталды. Осы ретте Ирина Шек балаларды мерекемен құттықтап, олардың шығармашылық ізденістеріне сәттілік тіледі.Мерекелік іс-шара Достық үйінің концерт залында жалғасын тауып, балаларға анимациялық фильм көрсетілді. Танымдық мазмұндағы туынды жас көрермендердің қызығушылығын арттырып, ерекше әсер қалдырды.Шара соңында қатысушыларға ойыншықтар мен кітапшалар табысталып, мереке мейірім мен шаттыққа толы әсерлі сәттермен қорытындыланды.

Қызылордада «Бейбіт ел – бақытты бала» тақырыбында шара ұйымдастырылды

<a href="https://kyzylorda-news.kz/">Kyzylorda-news.kz</a> Бүгін&nbsp;Сырдария&nbsp;ауданы әкімі Берік Сәрменбаевтың қатысуымен орталық алаңда 1 маусым – Халықаралық балаларды қорғау күніне арналған «Бақытты балалық шақ» атты мерекелік шара өтті. Мерекелік шараға зиялы қауым өкілдері, ардагерлер, ата-аналар мен аудан тұрғындары қатысты.<img src="https://knadmin.beoblood.kz/uploads/Syrdariyada_Ba_ytty_balaly_sha_atty_merekelik_shara_tti6_a5ce910e13.jpg" alt="Сырдарияда «Бақытты балалық шақ» атты мерекелік шара өтті6.jpg">Мерекелік шара барысында балалардың шығармашылық және зияткерлік қабілеттерін дамытуға бағытталған бірқатар көрмелер ұйымдастырылды. Атап айтқанда, жас суретшілердің туындылары қойылған сурет көрмесі мен оқушылардың инновациялық жобалары ұсынылған робототехника көрмесі көпшілік назарына ұсынылды. Сонымен қатар ұлттық құндылықтарды дәріптеу мақсатында ұлттық спорттық ойындар ұйымдастырылды.<img src="https://knadmin.beoblood.kz/uploads/Syrdariyada_Ba_ytty_balaly_sha_atty_merekelik_shara_tti_19c3c9a519.jpg" alt="Сырдарияда «Бақытты балалық шақ» атты мерекелік шара өтті.jpg">Мұнан соң аудан басшысы жиналған қауымды мерекемен құттықтап, өскелең ұрпаққа мемлекет тарапынан көрсетіліп жатқан қолдауға тоқталып өтті.<blockquote>– Бүгін бүлдіршіндерге қуаныш сыйлайтын ерекше күн ғана емес, сонымен қатар әр баланың құқығын қорғауға, олардың жарқын болашағы үшін жауапкершілікті арттыруға үндейтін маңызды мереке. Қазақ халқы қашанда бала тәрбиесіне ерекше мән берген. «Балалы үй – базар», «Бала – адамның бауыр еті» деп ұрпағын ұлықтаған халқымыз жас буынды адамгершілікке, адалдыққа, еңбекқорлыққа тәрбиелеген. Президентіміздің бастамасымен елімізде балалардың құқықтарын қорғау, олардың сапалы білім алуына, денсаулығын нығайтуына және жан-жақты дамуына бағытталған ауқымды жұмыстар жүзеге асырылып келеді. Бүгінде білім беру саласын дамыту, мектептердің материалдық-техникалық базасын жақсарту, заманауи технологияларды енгізу, балалар спорты мен шығармашылығын қолдау бағытында нақты нәтижелерге қол жеткізілуде. Ауданда балалардың сапалы білім мен саналы тәрбие алуы бағытында жүйелі жұмыстар жүргізілуде. Мәдениет үйлеріндегі 140 үйірмеде 1700 жас шығармашылықпен айналысуда. «Адал адам» мәдени-тәрбие орталықтарында өткізілген іс-шараларға 17 мыңнан астам бала қатысты. Биыл аудандағы «Жалын» тынығу лагерінде 791 бала демалатын болса, мектеп жанындағы лагерьлерде 3036 бала жазғы демалыспен қамтылатын болады. Елімізде сіздердің жан-жақты дамуларыңыз бен сапалы білім алуларыңыз үшін барлық жағдай жасалған. Бүгінгі атқарылып жатқан игі істердің барлығы – сіздердің жарқын болашақтарыңыз үшін. Әрдайым білімге құштар, өнерге жақын, елін сүйетін азамат болып өсулеріңізге тілектеспін, – деді Берік Әбдіғаппарұлы.</blockquote><img src="https://knadmin.beoblood.kz/uploads/Syrdariyada_Ba_ytty_balaly_sha_atty_merekelik_shara_tti1_17e636aff2.jpg" alt="Сырдарияда «Бақытты балалық шақ» атты мерекелік шара өтті1.jpg">Сонымен қатар, түрлі байқаулар мен қоғамдық іс-шараларда белсенділік танытқан бірқатар балалар аудан әкімінің "Алғыс хатымен" марапатталып, мерекелік сыйлықтар табысталды.<img src="https://knadmin.beoblood.kz/uploads/Syrdariyada_Ba_ytty_balaly_sha_atty_merekelik_shara_tti2_7206e17154.jpg" alt="Сырдарияда «Бақытты балалық шақ» атты мерекелік шара өтті2.jpg">Мерекелік шара жас жеткіншектердің қатысуымен өткен концерттік бағдарламамен жалғасып, көрермендерге көтеріңкі көңіл күй сыйлады.

Сырдарияда «Бақытты балалық шақ» атты мерекелік шара өтті

<a href="https://kyzylorda-news.kz/">Kyzylorda-news.kz</a> Бүгін Халықаралық балаларды қорғау күнінде облыс әкімі Мұрат Ергешбаев, ҚР Парламенті Сенаты мен Мәжілісінің депутаттары Руслан Рүстемов, Мархабат Жайымбетов, зиялы қауым өкілдері мен ел ағалары Мемлекет басшысының қолдауымен салынған Ботаникалық бақтың ашылу рәсіміне қатысты.Мереке күні жеткіншектерге тарту етілген Ботаникалық бақ Президент саябағы аумағында орналасқан. Бас мердігер - «Alem Qurylys AQ» ЖШС. Құрылысына 4,9 млрд теңге бөлінген, нысанның іргетасы былтыр қыркүйек айында сол кездегі аймақ басшысы Нұрлыбек Нәлібаевтың бастамасымен қаланған болатын.<img src="https://knadmin.beoblood.kz/uploads/yzylordada_botanikaly_ba_pajdalanu_a_berildi_8df38257e1.jpg" alt="Қызылордада ботаникалық бақ пайдалануға берілді.jpg">Ашылу рәсімінде облыс әкімі Мұрат Нәлқожаұлы балаларды мерекемен құттықтап, Ботаникалық бақ жұмысы жеткіншектердің тиімді демалысын ұйымдастыруға және тың жобаларды жүзеге асыруға бағытталғанын атап өтті.<blockquote>«Баршаңызды 1 маусым – Халықаралық балаларды қорғау күні мерекесімен шын жүректен құттықтаймын! Бала – біздің басты байлығымыз. Білімді, дені сау, ұлтжанды ұрпақ тәрбиелеу – баршамыздың ортақ парызымыз.Президентіміз Қасым-Жомарт Кемелұлы: «Ұл-қыздарымыздың парасатты, жан-жақты болып өсуіне жағдай жасау, жас азаматтарымыздың құқығын қорғап, денсаулығын сақтау – мемлекетіміздің басты міндеті», – деген болатын.Бүгін Президент саябағының аумағынан ашылған Ботаникалық бақ – осы ауқымды бастаманың аймағымыздағы нақты әрі жемісті көрінісі. Бақ ішіне Қытай, Оңтүстік Африка, Жапония, Оңтүстік және Орталық Америкада өсетін жасыл желек егілді. Осы арқылы жас жеткіншектерге өсімдіктердің экожүйедегі маңызы түсіндіріледі. Бұл жай ғана балалар серуендейтін саябақ емес, табиғат пен ғылымды ұштастыратын, экологиялық мәдениетті қалыптастыратын көпфункционалды кешен болмақ. Балаларымыз осы жерде табиғатпен тілдесіп, эко-жауапкершіліктің, еңбекқорлықтың шынайы үлгісін көреді. Осы бақтан біздің аймақтың ғана емес, бүкіл еліміздің экологиясын зерттейтін болашақ ғалымдар, биологтар мен агрономдар шығады деп сенеміз», – деді Мұрат Нәлқожаұлы.</blockquote>Рәсімде Руслан Рүстемов, Мархабат Жайымбетов құттықтау сөз сөйледі. Білім беру саласының дамуына елеулі үлес қосқан ұстаздар мен жаңа нысан құрылысын мерзімінде аяқтаған мердігер мекеме қызметкерлері облыс әкімінің Алғыс хатымен марапатталды.<img src="https://knadmin.beoblood.kz/uploads/yzylordada_botanikaly_ba_pajdalanu_a_berildi1_18649defeb.jpg" alt="Қызылордада ботаникалық бақ пайдалануға берілді1.jpg">Ботаникалық бақ – экологиялық танымды, туризмді дамытуға және жаңа қоғамдық кеңістіктер құруға бағытталған заманауи көпфункционалды кешен. Жалпы ауданы 1500 шаршы метр болатын екі жылыжайға Африка, Оңтүстік Америка, Австралия, Жапония, Қытай және Мадагаскар сияқты әлемнің әр аймағынан 92 түрлі 3300-ден астам өсімдік егілген. Веерлі пальма, Канар құрмасы, кактус пен алоэ, вашингтония пальмасы, стрелиция, жакаранда, алып юкка, мақта ағашы, бамбук, сәндік өсімдіктер, кариота жайқалып тұр. Бұл өсімдіктер гүлдегенде хош иісі аңқып, қызғылт сары, көгілдір, күлгін сияқты алуан түске боялады.Өсімдіктерге қолайлы жағдай жасау үшін микроклиматты автоматты басқару, суару және су дайындаудың заманауи инженерлік жүйелерімен жабдықталған.Ботаникалық бақ өсімдіктердің бірегей түрлері өсетін орын ғана емес, экологиялық мәдениеттің, білім берудің және ішкі туризмнің дамуына қызмет ететін, аймақ тұрғындары мен қонақтары жиі бас қосатын мекенге айналады.Мұнда студенттер, мектеп оқушыларының, табиғат жанашырларының танымын кеңейтуге барлық жағдай жасалған. Ботаникалық бақтың ерекше атмосферасы келушілерге жайлылық сыйлайды.<img src="https://knadmin.beoblood.kz/uploads/yzylordada_botanikaly_ba_pajdalanu_a_berildi4_86730b88e5.jpg" alt="Қызылордада ботаникалық бақ пайдалануға берілді4.jpg">Айта кетейік, Мемлекет басшысының қолдауымен Сыр өңірінде кейінгі төрт жылда 46 заманауи білім беру нысаны табысталды.«Келешек мектептері» ұлттық жобасы аясында 10 жаңа мектеп салынды. Физика-математика бағытындағы «Білім-инновация» лицей-интернаты, музыкалық колледждің жаңа оқу ғимараты мен жатақханасы пайдалануға берілді. «Оқушылар сарайы», «Сыр жұлдыздары» академиясы, Жалағаш, Жаңақорған, Шиелі аудандарындағы «Оқушылар үйі» мен «Өнер мектептері» жас жеткіншектердің шығармашылық, зияткерлік әлеуетін арттыруға қызмет етуде. Жақында ғана жыл бойы үздіксіз қызмет көрсететін «AI-KERIM» оқу-сауықтыру орталығы балалар игілігіне айналды.Фото: Қызылорда облысы әкімінің баспасөз қызметі

Балаларға базарлық: Қызылордада Ботаникалық бақ пайдалануға берілді

<a href="https://kyzylorda-news.kz/">Kyzylorda-news.kz</a> Өткен аптаның сенбі күні Шиелі ауданында Мемлекет басшысы Қасым-Жомарт Кемелұлы Тоқаевтың бастамасымен жүзеге асырылып жатқан «Таза Қазақстан» республикалық экологиялық акциясы аясында кең көлемді сенбілік жұмыстары ұйымдастырылды.Шиелі ауданының әкімі Айтбай Жандарбеков экология мен санитарлық тазалық мәселелерін әрдайым басты назарда ұстап, бұл бағыттағы жұмыстардың жүйелі жүргізілуіне ерекше мән беріп келеді. Аудан басшысының тапсырмасына сәйкес аудан аумағында абаттандыру, көгалдандыру және санитарлық тазалықты сақтау бағытындағы жұмыстар тұрақты түрде жүзеге асырылуда.<img src="https://knadmin.beoblood.kz/uploads/Shieli_tazaly_sharasy_ea51b1de5e.jpg" alt="Шиелі тазалық шарасы.jpg">Аталған сенбілікке аудан орталығы мен барлық ауылдық округтердің тұрғындары, дербес бөлім қызметкерлері, білім беру және денсаулық сақтау мекемелерінің ұжымдары, жастар ұйымдары мен еріктілер белсенді қатысып, көшелер мен қоғамдық орындарды тазарту жұмыстарын қарқынды жүргізді.Сенбілік барысында көшелер мен саябақтар тазартылып, қоқыстар шығарылып, арам шөптер орылды. Сонымен қатар, әлеуметтік және мәдени нысандардың аумақтарында әрлеу-сырлау жұмыстары атқарылып, аудан келбетін жақсартуға бағытталған жұмыстар жүйелі түрде жүзеге асырылды.Мұндай игі шаралар тұрғындардың қоршаған ортаға деген жауапкершілігін арттыруға, ауданның санитарлық тазалығын қамтамасыз етуге және өңірдің көркеюіне оң ықпал етуде.&nbsp;Айта кету керек, «Таза Қазақстан» акциясы аясындағы тазалық және абаттандыру шаралары алдағы уақытта да тұрақты түрде жалғасын тауып, аудан тұрғындарын ортақ іске белсене атсалысуға шақыру жұмыстары жүргізіле береді.

Қазақстан және Қызылорда облысының жаңалықтары