<a href="https://kyzylorda-news.kz/">Kyzylorda-news.kz</a> Қазалы аудандық сотында Қазақстан Республикасы Әкімшілік құқық бұзушылық туралы кодексінің 127-бабының 3-бөлігі бойынша әкімшілік құқық бұзушылық туралы іс қаралды.Сотта азаматшаның кәмелетке толмаған ұлының жүргізуші куәлігінсіз автокөлік басқарғаны және әкімшілік құқық бұзушылық жасағаны анықталды. Осылайша, анасы баласының қауіпсіздігін қамтамасыз ету және оны тиісінше тәрбиелеу жөніндегі міндеттерін орындамаған.Сот отырысында азаматша өз кінәсін толық мойындап, мұндай жағдайдың енді қайталанбайтынын мәлімдеді.Сот қаулысымен азаматша әкімшілік жауапкершілікке тартылып, оған 60 550 теңге мөлшерінде әкімшілік айыппұл салынды.Сурет: Нұрболат Нұржаубай&nbsp;

Қазалы ауданында кәмелетке толмаған ұлының әрекеті үшін анасы жауапқа тартылды

<a href="https://kyzylorda-news.kz/">Kyzylorda-news.kz</a> Қызылорда облысында «Өңірлік-ҚАРУ» республикалық жедел-профилактикалық іс-шарасы жалғасуда. Іс-шара Мемлекет басшысының «Заң және тәртіп» тұжырымдамасы аясында қарудың заңсыз айналымының жолын кесу және қоғамдық қауіпсіздікті қамтамасыз ету мақсатында өткізілуде.Сегіз күн ішінде өңірде 5704 қару иесі тексеріліп, қару айналымы саласында 51 әкімшілік құқық бұзушылық анықталды. Заңсыз айналымнан ішкі істер органдарында тіркелмеген 6 тегіс ұңғылы қару тәркіленді.Қаруды сақтау талаптарын бұзған 32 азамат, ал қаруды тасымалдау және тіркеу талаптарын сақтамаған 13 азамат әкімшілік жауапкершілікке тартылды.Қызылорда облысының Полиция департаменті азаматтарды қаруды сақтау, алып жүру, тасымалдау және тіркеу талаптарын қатаң сақтауға шақырып, профилактикалық жұмыстардың тұрақты түрде жалғасатынын хабарлады.Фото: polisia.kz

«Өңірлік-ҚАРУ»: Қызылордада заңсыз айналымнан 6 қару тәркіленді

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың төрағалығымен мәжіліс өтіп, аймақтағы қоғамдық-саяси ахуал, алдағы жылу беру маусымына дайындық мәселелері қаралды. Оған қала, аудан әкімдері мен басқарма басшылары қатысты.&nbsp;Жауапты маусымға әзірлік бекітілген іс-шара жоспарына сәйкес жүргізілуде. Оған 7,8 млрд.теңге қаржы жоспарланған. Бұл қаржыға 8,7 шақырым жылу желісін жаңғырту жобасы аяқталып, №1 және 2 газтурбиналық қондырғы, 1,3 шақырым жылу желісі, 1 қазандық, 1 турбина және 10 автономдық қазандық, негізгі және қосалқы қондырғылар жөнделеді. Бүгінде жұмыстың 68 пайызы орындалған.Мемлекет басшысының қолдауымен «Акса Энерджи» түрік компаниясы Қызылорда қаласында 240 МВт электр энергиясын және 277 Гкал жылу энергиясын өндіретін жылу-электр орталығын салды. Жоба бойынша қуатылығы 176 МВт 2 газ турбиналық қондырғы, 95 МВт бу турбинасы, қуаттылығы 120 тн/сағ 2 &nbsp;бу қазандығы мен 150 Гкал/сағ 4 &nbsp;жылу қазандығы орнатылған.Бүгінде жылу орталығы толық іске қосылып, 240 мегаватт электр энергиясы өндірілуде. Қуаттылығы 150 МВт 4 су жылыту қазандығы жұмыс істеп тұр. Алдағы жылу беру маусымында Қызылорда қаласының тұрғындары жаңа станция арқылы жылумен қамтамасыз етіледі.

Жауапты маусымға дайындық барысы талқыланды 

<a href="https://kyzylorda-news.kz/">Kyzylorda-news.kz</a>&nbsp;Қызылорда облысы бойынша ҚАЖ департаментінің №37 мекемесінде жазасын өтеушілердің қоғамға бейімделуіне қолдау көрсету мақсатында «Жігер» қоғамдық бірлестігінің ұйымдастыруымен «Жаңа өмірге қадам: Өзгеру және қоғамға бейімделу» тақырыбында психологиялық тренинг өткізілді.Іс-шараның басты мақсаты – сотталғандардың өз-өзіне деген сенімін нығайту, эмоцияларын басқару қабілетін дамыту, жауапкершілік сезімін қалыптастыру және бостандыққа шыққаннан кейін жаңа өмірге дайын болуына психологиялық қолдау көрсету.&nbsp;Тренинг барысында жазасын өтеушілер өмірлік құндылықтар, жеке даму, күйзелісті еңсеру, дұрыс шешім қабылдау және қоғамда өз орнын табу мәселелері бойынша пікір алмасты. Сонымен қатар сенімді қарым-қатынас орнатуға, ішкі жан дүниені тануға және болашаққа нақты мақсат қоюға бағытталған психологиялық жаттығулар өткізілді.&nbsp;Кездесу барысында мамандар әрбір адамның өмірін жақсы жаққа өзгертуге мүмкіндігі бар екенін атап өтіп, қоғамға қайта бейімделуде адал еңбек пен заңға құрметтің маңызын түсіндірді. Шара соңында қатысушылар ұйымдастырушыларға алғыстарын білдіріп, осындай кездесулердің өздеріне үлкен мотивация беретінін жеткізді.<blockquote>- Осындай кездесулер бізге өз қателігімізді саралап, болашаққа жаңаша көзқараспен қарауға көмектеседі. Бостандыққа шыққаннан кейін адал еңбек етіп, қоғамның толыққанды мүшесі болуға ниеттімін, – деді сотталған азамат.</blockquote>Сурет: Polisia.kz

Қызылорда облысында сотталғандарға психологиялық тренинг өткізілді 

<a href="https://kyzylorda-news.kz/">Kyzylorda-news.kz</a> Жалағаш ауданында білім беру саласында өткен оқу жылы табысты аяқталды. Бұл жөнінде аудан әкімі Ардақ Ибраимов Өңірлік коммуникациялар қызметінде өткен баспасөз конференциясында мәлімдеді.2025-2026 оқу жылында аудан мектептерін 6885 оқушы аяқтады. Оның ішінде 470 түлек мектеп бітірып, үлкен өмірге жолдама алды. Биыл 19 оқушы «Алтын белгі» иегері атанса, 43 түлек үздік аттестатқа ие болды.<blockquote>«Аудан үшін ең үлкен жетістіктің бірі Ұлттық бірыңғай тестілеу қорытындысында Жалағаш ауданының бірінші орынға шығуы болды. Сонымен қатар Еңбек ауылындағы №232 М.Байділдаев атындағы орта мектептің түлегі Альфия Балхан ҰБТ-дан ең жоғары 140 балл жинап, аудан мерейін үстем етті. Жаңа оқу жылына дайындық жұмыстары да қарқынды жүргізілуде. Бұл мақсатқа 145 млн теңге бөлініп, жеті мектепте ағымдағы жөндеу жұмыстары қолға алынған. Сондай-ақ бір балабақшаға газдандыру жұмыстары жүргізілуде. Білім сапасын арттыру ауданның басты басымдықтарының бірі. Алдағы уақытта да білім беру сапасын көтеруге бағытталған жұмыстар жалғаса береді», - деді аудан әкімі.</blockquote>Оқушылардың қауіпсіздігін қамтамасыз ету бағытында барлық білім беру ұйымдары толықтай бейнебақылау жүйесімен қамтылып, олар полиция бөлімінің жедел басқару орталығымен біріктірілген.<figure class="image"><img src="https://knadmin.beoblood.kz/uploads/zhalagash_bilim_badb109d26.jpg" alt="жалагаш білім.jpg"></figure>Фото: Нұрболат Нұржаубай

Жалағаш ауданында білім сапасы артып келеді

<a href="https://kyzylorda-news.kz/">Kyzylorda-news.kz</a> Жалағаш ауданында 2026 жылдың алғашқы жартыжылдығында әлеуметтік-экономикалық даму көрсеткіштері оң нәтижемен қорытындыланды. Бұл туралы Өңірлік коммуникациялар қызметінің ақпарат алаңында өткен баспасөз конференциясында аудан әкімі Ардақ Ибраимов мәлімдеді.Жыл басынан бері аудан экономикасының негізгі бағыттарында тұрақты өсім қалыптасты. Өнеркәсіп өнімінің көлемі 110,7 пайызға, өңдеу өнеркәсібі 100,1 пайызға, инвестициялар көлемі 113,2 пайызға жетті. Сонымен қатар бөлшек сауда, ауыл шаруашылығы, құрылыс және тұрғын үй пайдалануға беру көрсеткіштері де жоспардан жоғары орындалған.<blockquote>«Бірінші жартыжылдықта аудан бюджеті нақтыланып, толық көлемде игерілді. Бұл инфрақұрылымдық және әлеуметтік жобаларды уақытылы жүзеге асыруға мүмкіндік берді. Кәсіпкерлікті қолдау бағытындағы жұмыстар да жалғасуда. Бүгінде ауданда 2541 шағын және орта кәсіпкерлік субъектісі тіркелсе, оның 2471-і тұрақты жұмыс істеп тұр. Қаржы институттары арқылы кәсіпкерлердің 56 жобасы қаржыландырылды. Ауыл тұрғындарының табысын арттыруға бағытталған «Ауыл аманаты» жобасы аясында биыл 37 жоба қаржыландырылып, 39 жаңа жұмыс орны ашылды», - деді аудан әкімі.</blockquote>Өңірдегі ең ауқымды жобалардың бірі швейцариялық «Харвест Агро Холдинг» компаниясының техникалық қарасора, жүгері және мақсары өсіру әрі қайта өңдеу жобасы. Жалпы құны 68 млрд теңгені құрайтын өндіріс іске қосылғанда жыл сайын ондаған мың тонна ауыл шаруашылығы өнімі өндіріліп, өңделетін болады. Биылдың өзінде компания 26,3 млрд теңге инвестиция салып, 7 мың гектар алқапқа егіс орналастырып, 142 жаңбырлатып суару қондырғысын іске қосқан. Қазіргі таңда жоба аясында 100 адам тұрақты жұмыспен қамтылған.Бұдан бөлек, ауданда жалпы құны 70 млрд теңгені құрайтын алты инвестициялық жоба жоспарланып, оның бесеуі іске асырылды. Нәтижесінде 120 жаңа жұмыс орны құрылды.<blockquote>«Мемлекет басшысы мен Үкіметтің, облыс әкімдігінің қолдауының арқасында аудан экономикасында тұрақты өсім қалыптасты. Инвестициялық жобалар өндірісті әртараптандыруға, жаңа жұмыс орындарын ашуға және тұрғындардың әл-ауқатын арттыруға мүмкіндік беріп отыр. Алдағы уақытта бұл бағыттағы жұмыстар жалғасын табады», – деді аудан әкімі Ардақ Ибраимов.</blockquote><figure class="image"><img src="https://knadmin.beoblood.kz/uploads/zhala_ash_kimi_5358095635.jpg" alt="жалағаш әкімі брифинг .jpg"></figure>Фото: pixabay

Жалағашта инвестициялық жобалар қарқын алды

<a href="https://kyzylorda-news.kz/">Kyzylorda-news.kz</a>&nbsp;Қытай Халық Республикасының Бейжің қаласында 3–16 шілде аралығында «Seminar on Digital Capacity Building for Developing Countries» атты халықаралық семинар өтті.Білім беру бағдарламасы Шанхай ынтымақтастық ұйымына (ШЫҰ) мүше мемлекеттер, сондай-ақ Латын Америкасы мен Кариб аралдары (Антиль аралдары) дамушы елдердің жоғары оқу орындары, мемлекеттік ұйымдары және кәсіпорындары қызметкерлерінің цифрлық құзыреттерін дамытуға, халықаралық тәжірибе алмасуды кеңейтуге және мемлекетаралық ынтымақтастықты нығайтуға бағытталды. Халықаралық семинарға Қорқыт ата атындағы Қызылорда университетінің жас ғалымдары – «Су шаруашылығы және жерге орналастыру» білім беру бағдарламасының аға оқытушысы, PhD Ақсәуле Олжабаева, Инфрақұрылымдық шешімдер басқармасының маманы, магистр Ұлжан Юлдашева және «Физика-химиялық талдау әдістері» инженерлік бейіндегі зертханасының бас ғылыми қызметкері, PhD, қауымдастырылған профессор Нұрғали Ақылбеков қатысып, тәжірибе алмасты.<figure class="image"><img src="https://knadmin.beoblood.kz/uploads/korkyt_4_6b4eb11e91.jpeg" alt="коркыт 4.jpeg"></figure><blockquote>«Семинар аясында ұйымдастырылған ғылыми-танымдық сапарлар бізге Қытайдың инновациялық даму тәжірибесін жан-жақты зерделеуге мүмкіндік берді. Хуаншань, Уху және Хэфэй қалаларындағы жоғары технологиялық өндіріс орындарын аралап, электроника, робототехника, жеңіл көлік жасау және байланыс технологиялары салаларындағы озық шешімдермен таныстық. Бұл тәжірибе ғылым мен өндірістің өзара ықпалдастығының маңызын айқындап қана қоймай, цифрлық технологияларды білім беру мен ғылыми зерттеулерге тиімді енгізудің жаңа бағыттарын көрсетті. Алдағы уақытта семинар барысында жинақтаған тәжірибемізді университеттің ғылыми-зерттеу жұмыстары мен білім беру үдерісінде пайдаланып, халықаралық әріптестік аясындағы бірлескен жобаларды дамытуға үлес қосамыз деп сенемін»,- деді Нұрғали Ақылбеков.</blockquote>Айта кетейік, семинарға Қазақстан, Әзербайжан, Барбадос, Эфиопия, Гренада, Гайана, Кения, Руанда және Оңтүстік Африка Республикасынан келген ғалымдар, кәсіпкерлер мен мемлекеттік ұйымдардың өкілдері қатысып, өзара тәжірибе алмасып, ғылыми ынтымақтастықты дамыту мәселелерін талқылады.<figure class="image"><img src="https://knadmin.beoblood.kz/uploads/korkyt_2_12ff1e24a4.jpeg" alt="коркыт 2.jpeg"></figure><figure class="image"><img src="https://knadmin.beoblood.kz/uploads/korkyt_3_476b4fd9bc.jpeg" alt="коркыт 3.jpeg"></figure>

Қорқыт ата университетінің жас ғалымдары халықаралық деңгейде тәжірибе алмасты

<a href="https://kyzylorda-news.kz/">Kyzylorda-news.kz</a>&nbsp; Жалағаш ауданында ауыл шаруашылығы өндірісін дамыту және ауылдық инфрақұрылымды жаңғырту бағытындағы жұмыстар жүйелі түрде жүргізілуде. Бұл туралы аудан әкімі Ардақ Ибраимов өңірлік коммуникациялар қызметінде өткен брифинг барысында айтты.Биыл аудан бойынша 41 864 гектар жерге ауыл шаруашылығы дақылдары орналастырылды. Оның ішінде негізгі дақыл күріштің көлемі 16 618 гектарды құрады. Аудандағы 359 шаруашылықтың басым бөлігі егін шаруашылығымен айналысады.<blockquote>«Материалдық-техникалық база да жаңарып келеді. Шаруашылықтар 147 млн теңгеге жаңа ауыл шаруашылығы техникаларын сатып алған. Мал шаруашылығында да оң өсім сақталып, ірі қара, қой-ешкі, жылқы, түйе және құс саны артқан. Жер ресурстарын тиімді пайдалану мақсатында пайдаланылмай жатқан 8 753 гектар жер мемлекет қорына қайтарылып, қайта айналымға енгізу үшін 3 429 гектар жер жеке және заңды тұлғаларға табысталды. Су үнемдеу технологияларын енгізу аясында 15 мың гектар егістікке лазерлік тегістеу жұмыстары жүргізілді», - деді аудан әкімі.</blockquote>Инфрақұрылым саласында да нақты нәтижелер бар. Биыл жол саласын дамытуға бөлінген қаржы есебінен үш елді мекендегі сегіз көшеге жөндеу жұмыстары жүргізілуде. Жобалар аяқталғаннан кейін ауданішілік жақсы және қанағаттанарлық жолдардың үлесі 88 пайызға жетеді деп күтілуде. Сондай-ақ демеушілер қаражатына қосымша 2 шақырым жолға тас төселген.<blockquote>«Аудан халқы бүгінде толықтай орталықтандырылған ауыз сумен қамтылған. Есет батыр ауылында ауыз су жүйесін қайта жаңғырту жобасы жүзеге асырылып жатыр. Сонымен бірге электр желілерін жаңарту бойынша бірнеше жобаның құжаттары әзірленіп, қаржыландыру мәселесі қарастырылуда. Ауыл шаруашылығы мен инженерлік инфрақұрылымды дамыту аудан экономикасының тұрақты өсуінің басты негізі. Біз тұрғындардың өмір сүру сапасын жақсартуға бағытталған барлық жобаларды кезең-кезеңімен жүзеге асырудамыз», – деді аудан әкімі Ардақ Ибраимов.</blockquote>

Жалағашта аграрлық сектор мен инфрақұрылым қатар дамып келеді 

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Мұрат Ергешбаев, облыстық мәслихат төрағасы Мұрат Тлеумбетов және зиялы қауым өкілдері Сырдария ауданына жұмыс сапары кезінде Ақжарма ауылына газ қосу рәсіміне қатысты.&nbsp;<figure class="image"><img src="https://knadmin.beoblood.kz/uploads/akimat_gaz_syrdariya_4c9215b87e.jpg" alt="акимат газ сырдария.jpg"></figure>Салтанатты шарада аймақ басшысы ауыл тұрғындарын көптен күткен игіліктің іске асуымен құттықтап, ізгі тілегін білдірді.&nbsp;<blockquote>«Мемлекет басшысы ауылдарға инфрақұрылым жеткізуге ерекше көңіл бөлуде.&nbsp;Бүгін Сіздер көптен күткен, ауыл халқының тұрмыс-тіршілігіне жаңа тыныс беретін табиғи газ қосуға жиналдық. Бұл жобаға бюджеттен 1,8 млрд теңгеден астам қаржы бөлінді. Өткен жылы Нағи Ілиясов, Шаған ауылдарына газ қосылып, &nbsp;ел игілігін көруде. Алдағы уақытта да бұл бағыттағы жұмыстар жалғасын табады. Егемен еліміз еңселі, Тәуелсіздігіміз тұғырлы болғай!», - деді аймақ басшысы.&nbsp;</blockquote>Шарада тыл ардагері Өмірбек Сағындықов сөз сөйлеп, аймағымыздың әлеуметтік-экономикалық дамуына үлес қосқан және газ тарту жұмыстарын сапалы әрі мерзімінде жүргізген мердігер мекеме қызметкерлері облыс әкімінің Алғыс хатымен марапатталды.&nbsp;<figure class="image"><img src="https://knadmin.beoblood.kz/uploads/akimat_16380ffb5f.jpg" alt="акимат.jpg"></figure><figure class="image"><img src="https://knadmin.beoblood.kz/uploads/akimat_syrdariya_gaz_390ce86241.jpg" alt="акимат сырдария газ.jpg"></figure>Рәсімнен кейін аймақ басшысы ауыл тұрғындарының үйлеріне барып, естелік сыйлық табыстады.&nbsp;Өңірде 2022 жылдан бері 65 млрд. теңгеден астам қаржыға 77 газдандыру жобасы жүзеге асты. Нәтижесінде облыс халқын газдандыру деңгейі 83 пайыз болды. Биыл жыл соңына дейін 10 елді мекенге көгілдір отын қосылып, қамту деңгейі 85 пайызға жеткізіледі. Жақын күндері Сырдария ауданына қарасты Шіркейлі, Қоғалыкөл және Бесарық ауылдарын газдандыру басталады.<img src="https://knadmin.beoblood.kz/uploads/akimat_8876ac5ebf.jpg" alt="акимат.jpg">Сапар барысында аймақ басшысы Ақжарма, Шаған, Іңкәрдария, Нағи Ілиясов, Шіркейлі ауылдарының тұрғындарымен кездесті. Онда ауданның әлеуметтік-экономикалық дамуы туралы айтылып, жиналған жұртшылық ұсыныс-пікірлерін ортаға салды. &nbsp;<figure class="image"><img src="https://knadmin.beoblood.kz/uploads/akimat_gaz_syrdariya_9f0b0b1934.jpg" alt="акимат газ сырдария.jpg"></figure>

Қызылорда облысындағы Ақжарма елді мекені тұрғындары табиғи газ тұтына бастады

<a href="https://kyzylorda-news.kz/">Kyzylorda-news.kz</a>&nbsp; 2026 жылғы 24 шілде, жұма күні Қазақстанның басым бөлігінде құбылмалы ауа райы сақталады.«Қазгидромет» РМК синоптиктерінің мәліметінше, солтүстік-батыс циклоны найзағай ойнап, жаңбыр әкеледі. Елдің солтүстік, шығыс, орталық және оңтүстік-шығыс өңірлерінде қатты нөсер жаууы мүмкін.Сондай-ақ жел күшейіп, кей жерлерде бұршақ жаууы мүмкін. Түнде және таңертең елдің солтүстігінде, солтүстік-батысында және орталығында тұман түсуі ықтимал.Сонымен қатар Қазақстанның батысында аптап ыстық сақталады.Күндіз ауа температурасы:<ul><li style="text-align:justify;">Батыс Қазақстан, Атырау, Ақтөбе облыстарында және Қостанай облысының оңтүстігінде +35…+39°С;</li><li style="text-align:justify;">Маңғыстау облысында +38…+42°С дейін көтеріледі.</li></ul>Жауын-шашынға қарамастан, елдің бірқатар өңірлерінде өрт қаупі жоғары және төтенше деңгейде сақталады.Қауіпті аймақтарға Қазақстанның оңтүстік, батыс, шығыс және орталық облыстары жатады. Оның ішінде Алматы, Жамбыл, Түркістан, Қызылорда, Атырау, Маңғыстау, Қарағанды, Шығыс Қазақстан, Павлодар, Қостанай, Ақтөбе, Батыс Қазақстан облыстары, сондай-ақ Абай, Жетісу және Ұлытау облыстары бар.Фото: unsplash

Қазақстанда қайтадан +42°С ыстық болады

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидатын іске асыру мақсатында Жаңақорған аудандық пробация қызметі мен Жаңақорған аудандық Жастар ресурстық орталығының ұйымдастыруымен пробация есебінде тұрған азаматтардың бос уақытын тиімді ұйымдастыруға, салауатты өмір салтын насихаттауға және әлеуметтік бейімделуіне қолдау көрсету мақсатында дойбыдан өзара жарыс өткізілді.Аталған іс-шараның басты мақсаты – есепте тұрған азаматтардың логикалық ойлау қабілетін дамыту, қоғамға бейімделуіне оң ықпал ету болды. Жарыс барысында қатысушылар іс-шараға белсенділік танытып, тартысты әрі қызықты ойын өрнегін көрсетті.&nbsp;Жарыс қорытындысы бойынша үздік нәтиже көрсеткен қатысушыларға алғыс хаттар табысталды.&nbsp;Іс-шара барысында Жаңақорған аудандық пробация қызметінің инспекторы Самат Құрымбетов қатысушыларға мұндай тәрбиелік маңызы зор шаралардың алдағы уақытта да тұрақты түрде жалғасатынын атап өтті.&nbsp;<blockquote>– Пробация қызметінің негізгі міндеттерінің бірі – есепте тұрған азаматтардың қайта құқық бұзушылыққа жол бермеуіне ықпал ету және олардың қоғамға бейімделуіне жағдай жасау. Осындай спорттық іс-шаралар азаматтардың бос уақытын тиімді өткізуіне, жауапкершілік сезімін қалыптастыруына және заңға құрметпен қарауына оң әсер етеді. «Заң мен тәртіп» қағидатын жүзеге асыру – баршамыздың ортақ міндетіміз, – деді Самат Құрымбетов.</blockquote>Сурет: Polisia.kz

Қызылорда облысында есептегі сотталғандар арасында дойбыдан жарыс ұйымдастырылды  

<a href="https://kyzylorda-news.kz/">Kyzylorda-news.kz</a>&nbsp; Су ресурстарын тиімді басқару - өңірдің тұрақты дамуы мен аграрлық саланың табысты болуының басты шарттарының бірі. Осы бағытта Арал-Сырдария бассейнінде су қорын сақтау, егістікті сумен қамтамасыз ету және су пайдалануды заң талаптарына сәйкестендіру бойынша кешенді жұмыстар атқарылып келеді.Бұл туралы Өңірлік коммуникациялар қызметінің ақпарат алаңында өткен баспасөз конференциясында Арал-Сырдария бассейндік су инспекциясының басшысы Зейнулла Қазтоғанов мәлімдеді.<blockquote>- Қазіргі таңда Арал-Сырдария бассейніндегі су шаруашылығы жағдайы тұрақты бақылауда. Биыл бассейн бойынша тұрақты суару лимиті 7 млрд 103 млн текше метр болып белгіленсе, Қызылорда облысына 3 млрд 270 млн текше метр су бөлінді. Өңірде жоспарланған 185,8 мың гектар егіс алқабы толық егілді. Оның ішінде 70 мың гектар күріш алқабы толық суға бастырылды. Сонымен қатар, жаңа Су кодексінің талаптарын түсіндіру және судың «қара нарығын» жою бағытында жүйелі жұмыстар жүргізілуде. Жыл басынан бері 80 тексеру жүргізіліп, заңсыз су пайдалану фактілері бойынша тиісті әкімшілік шаралар қабылданды. Бұдан бөлек, су үнемдеу технологияларын енгізу жұмыстары жоспарланған көлемнен асып, өңірде 13,7 мың гектар алқапқа заманауи технологиялар қолданылды. Бұл су ресурстарын тиімді пайдаланып, су шығынын азайтуға мүмкіндік береді,- деді Зейнулла Молдағалиұлы.</blockquote>Спикердің айтуынша, су ресурстарын ұтымды пайдалану тек бақылау шараларымен шектелмейді. Бұл бағытта тұрғындардың экологиялық мәдениетін қалыптастыруға да ерекше көңіл бөлінуде. Осы мақсатта «Суды үнемде - болашақты сақта!» және «Судың қара нарығына жол жоқ!» тақырыптарында кең көлемді ақпараттық-түсіндіру жұмыстары жүргізіліп келеді. Сонымен қатар «Таза Қазақстан» бастамасы аясында ұйымдастырылған «Мөлдір бұлақ» экологиялық акциясы арқылы су нысандарының жағалауларында тазалық жұмыстары жүргізіліп, жастар мен еріктілердің белсенді қатысуымен табиғи су көздерін қорғауға бағытталған игі бастамалар жүзеге асырылуда.&nbsp;<figure class="image"><img src="https://knadmin.beoblood.kz/uploads/brifing_e431a7e5ba.jpg" alt="брифинг.jpg"></figure>&nbsp;Фото: primeminister.kz / РСК Кызылорда&nbsp;

Қазақстан және Қызылорда облысының жаңалықтары