<a href="https://kyzylorda-news.kz/">Kyzylorda-news.kz</a> Танымал блогер Әлішер Елікбаев әнші Қайрат Нұртастың қатысы бар “Прайм” плазадағы оқиға&nbsp;қалай болғанын айтып берді. Бұл туралы&nbsp;<a href="https://stan.kz/ahmetzhan-esimov-kayrat-nyrtastin-koncert-beruine-ryksa-411339/">Stan.kz</a>&nbsp;ақпарат агенттігі хабарлайды.&nbsp;Желі жұлдызы әншінің шығармашылығын жоғары бағалайтынын&nbsp;<a href="https://www.youtube.com/watch?v=QQLtLUOdmjc&amp;list=PLhxazkJX8lN4rUu274QSjpw_7PcMpwzbm">“Айқап”</a>&nbsp;подкастында жеткізді.&nbsp;“2013 жылы Айсұлтан Назарбаевтың тойы болып жатқанда Қайрат Нұртастың “Прайм” плазадағы шуы басталған еді. Достық даңғылының жоғары жағында үйлену тойы болып жатты. Қаланың төменгі көшесінде әншінің концерті жанжалға ұласты. Сол кезде алматылықтардың бірінші сұрағы: “Қайрат Нұртас деген кім?!” болды. Көбі танымайды екен. Ол кезде мен журналист болып жұмыс істеймін. Қайратты редакцияға шақырып, орысша сұхбат алайық дедім. Бірақ ол келіспей, қазақша беремін деді. Анасымен де сөйлестік. Ақыры қазақша сұхбат беріп, оны біз орысшаға аудардық. Мықты әнші екеніне көзім жетті. Орыс тілді орта ғана Қайрат Нұртасты онша танымайды екен. Шығармашылық жолына кедергі&nbsp;көп болды”, – деді блогер.&nbsp;Сондай-ақ&nbsp;Алматы қаласының сол кездегі әкімі Ахметжан Есімов Қайрат Нұртастың концерттерін өткізуге тыйым салғанын да жасырмады.&nbsp;“Сен Алматыда концерт бермейсің, сенің кім екеніңді танымаймыз” деп Ахметжан Есімов Қайрат Нұртасқа ашуланды. Енді концерт бермейді деп эмоциялық&nbsp;шешім шығарды. Өйткені жоғары жақтағы той қатар өтіп жатқан еді. Бірақ сұхбаттың орысша нұсқасын оқығаннан кейін халықтың Қайратты қалай жақсы көретініне көзі жетті. Жалпы&nbsp;Есімов әншінің шығармашылығына тосқауыл болғаны жасырын емес”, – деді Елікбаев.Сурет: stan.kz

"Ахметжан Есімов Қайрат Нұртастың концерт беруіне рұқсат еткен жоқ": Әлішер Елікбаев

<a href="https://kyzylorda-news.kz/">Kyzylorda-news.kz</a> Маңғыстау облысында әкімдік ғимаратының алдында өзін өртеп жіберген ер адам қайтыс болды. Бұл туралы <a href="https://stan.kz/">Stan.kz</a> ақпарат агенттігі <a href="https://www.lada.kz/aktau_news/incidents/132276-zagovor-molchaniia-skonchalsia-muzhchina-sovershivshii-samopodzhog-v-aktau.html">Lada.kz</a> сайтына сілтеме жасап хабарлайды. Басылым бұл ақпараттың расталмағанын атап өтті.&nbsp;Басылымның мәліметінше, 18 желтоқсан күні облыстық әкімдік ғимаратының алдында өзін өртеп жіберген азаматтың көз жұмғаны туралы ақпарат тарады. Алайда бұл ақпаратты растап я жоққа шығаратын ресми органдар ешқандай пікір білдірген жоқ.Бұған дейін ер адамның өте ауыр жағдайда екенін айтып, тыныс алуын сақтау үшін жасанды желдету аппаратына қосылғаны туралы жазған едік.Stan.kz редакциясы Маңғыстау облыстық денсаулық сақтау басқармасына хабарласып көрді. Алайда ведомстводан ешқандай жауап болмады.Айта кетейік, бұған дейін 5 желтоқсанда Маңғыстау облысы әкімдігінің алдында ер адам өзін өртеп жіберген еді. Оқиғаның видеосы әлеуметтік желіде тараған. Маңғыстау облысының әкімдігінің мәліметінше, ер адам облыс әкімінің қабылдауына кіргісі келген.Фото: <a href="https://www.lada.kz/aktau_news/incidents/132276-zagovor-molchaniia-skonchalsia-muzhchina-sovershivshii-samopodzhog-v-aktau.html">Видеодан скрин</a>

Ақтауда әкімдіктің алдында өзін өртеп жіберген ер адам қайтыс болды – БАҚ

<a href="https://kyzylorda-news.kz/">Kyzylorda-news.kz</a> Облыс аумағында ұлттық жобалар, мемлекеттік бағдарламалар аясында, инвесторлар демеушілігімен бой көтерген жаңа нысандардың қатары көп.Бүгін аймақ басшысы Нұрлыбек Нәлібаевтың тапсырмасымен қала әкімі Нұржан Ахатов, облыстық құрылыс, сәулет және қала құрылысы басқармасының басшысы Ерлан Тұралиев Қызылордадағы бірқатар нысанның құрылыс барысын тексерді.Алдымен сол жағалаудағы жаңа стадионның, физика-математика мектеп-интернатының және 40 пәтерлік 10 тұрғын үйдің құрылыс алаңдарына барды.Стадионды бас мердігер «ВД Строй Инжиниринг» ЖШС келесі жылы ел игілігіне береді деп жоспарлануда.<img src="https://knadmin.beoblood.kz/uploads/Stroitelnye_obekty_pod_kontrolem_glavy_regiona_f757f73cf7.jpg" alt="Строительные объекты – под контролем главы региона.jpg">«Промстройсервис Е» ЖШС 300 орындық жатақханасы бар, 400 оқушыға арналған физика-математика бағытындағы мектеп-интернат құрылысын өткен жылы бастады, келесі жылы бітіреді.Тұрғын үйлер құрылысын қолға алған «Аман құрылыс», «Орион ЛТД», «Интегрострой», «Асар», «Промстройсервис.Е», «Авангард-ПГС», «Техостнастка-Ремсервис», «Абу-Сер» серіктестіктері де жұмысты алдағы жылы аяқтауды межелеген.Әрі қарай тарихи-мәдени мұра орталығының, музыкалық колледждің жаңа ғимаратының, «Инновациялық-шығармашылық орталығының» құрылыс барысы сараланды. Бас мердігерлер «Авангард ПГС», «Интегрострой», «Bi Global» серіктестіктерінің құрылысшылары нысандарды келесі жылы қолданысқа беру үшін еңбек етуде.<img src="https://knadmin.beoblood.kz/uploads/Stroitelnye_obekty_pod_kontrolem_glavy_regiona_1_d0c6341f79.jpg" alt="Строительные объекты – под контролем главы региона 1.jpg">Бүгінгі құрылыс нысаны – келешекте жылдар бойы ел игілігіне қызмет ететін ғимарат. Сондықтан оның сапалы салынуына, әрлеу жұмыстарына асқан жауапкершілікпен қарау керек. Тағы бір ескеретін талап – межелі мерзімінде пайдалануға беру. Бұл – аймақ басшысының тапсырмасы.Н.Ахатов пен Е.Тұралиев құрылыс нысандары облыс әкімінің тікелей назарында екенін, қойылған талаптарға баса мән беру керектігін айтты.Фото: Қызылорда облысы әкімінің баспасөз қызметі

Құрылыс нысандары аймақ басшысының тікелей назарында 

<a href="https://kyzylorda-news.kz/">Kyzylorda-news.kz</a> Топырағына өлең мен өнер қатар түнеген қасиетті Сыр елінде, оның ішінде Арал топырағында Әбеңдей перзенттің дүниеге келуі бір мақтаныш болса, оның 100 жылдық мерейтойы күллі қазақтың қуанышы.Бүгін өтіп жатқан сол торқалы той аудандық мәдениет үйінде «Ғасырлық ғұмыр ғибраты» атты республикалық ғылыми-танымдық конференцияға ұласты.<a href="https://tolqyn.kz/uploads/posts/2024-12/1734601667_5.jpg"><img src="https://tolqyn.kz/uploads/posts/2024-12/medium/1734601667_5.jpg" alt=""></a>Келелі басқосуға келген қонақтар ең алдымен «Әбдіжәміл - феномен» атты жазушының шығармашылығы мен өмір жолына арналған көрмемен және суретшілер симпозиумының туындыларымен танысты. Теңізбен тел өскен тұлғаның адамгершілік болмысы мен ақиқатқа бастаған алдаспан қылыштай туындылары бұл көрменің басты ерекшелігі. Қиялға қанат бітіретін суреттер шоғыры да соны меңзейді. Ауданда өткен тұңғыш симпозиумның отты есетеліктері енді аңыз тұлғаның өмірі мен өскен өңірі жайында сыр шертеді.<a href="https://tolqyn.kz/uploads/posts/2024-12/1734601874_11.jpg"><img src="https://tolqyn.kz/uploads/posts/2024-12/medium/1734601874_11.jpg" alt=""></a>Конференцияға аудан әкімі Аманжол Оңғарбаев төрағалық етіп, қасиетті Арал топырағына табан тіреген қонақтарды таныстырып өтті. Жазушының өмірі мен шығармашылығы жайында сөз сабақтап, қаламгер тарапына айтылған ұлы тұлғалардың түрлі пікірлері мен пайымды ойларын ортаға салды.<a href="https://tolqyn.kz/uploads/posts/2024-12/1734601730_6.jpg"><img src="https://tolqyn.kz/uploads/posts/2024-12/medium/1734601730_6.jpg" alt=""></a>Конференцияда ең алдымен облыс әкімінің орынбасары Шахмардан Байманов сөз сөйлеп, Әбе болмысын аша түсудегі конференцияның маңыздылығына тоқталып, торқалы тойдың түрлі деңгейдегі іс-шаралармен толығып жатқанын атап өтті. Сонымен қатар ҚР Мемлекеттік кеңесшісі Ерлан Қариннің құттықтау лебізін жеткізді.Мұнан соң ақын, Қазақстанның еңбек сіңірген қайраткері, Қазақстанның мемлекеттік сыйлығының иегері, ТҮРКСОЙ жазушылар одағының төрағасы Ұлықбек Есдәулет мыңжылдықтарға мұра қалдырған Әбе әлемінің әдемілігін айтып,рухани болмысын аша түсті. Өлең жазбаса да ойлы шығармалары арқылы әлем оқырмандары алдында қазақ әдебиетінің айбынын асқақтатқан аңыз тұлға жайында айтылар ой мұнымен шектелмеді.<a href="https://tolqyn.kz/uploads/posts/2024-12/1734601766_8.jpg"><img src="https://tolqyn.kz/uploads/posts/2024-12/medium/1734601766_8.jpg" alt=""></a>Әбе 1993 жылдан бері Қазақстан жазушылары ПЕН-клубының президенті қызметін атқарып, талай тағылымды істердің бастамашысы болды. Қаламгерлерге құрмет пен қамқорлықтың үлгісін көрсетті. Руханиятқа сүбелі қызмет істеді. Осы бір ұлы көштің тізгінін ұстаған, жазушы-журналист, философия ғылымдарының кандидаты, доцент Бигелді Ғабдуллин келесі сөз кезегін алып, тұлға болмысын аша түсетін кесек ойларын ортаға салып, әдебиет алыбының аңызға бергісіз қырлары жайында сөз сабақтады.Биыл тарих тағылымын дәуір үнімен, уақыт сынымен бейнелеп, кешегі мен бүгіннің арасын жалғап, ел шежіресін қағазға хаттаған қастерлі шаңырақ «Қазақ әдебиеті» газетіне 90 жыл. Сол киелі орданың тізгінін ұстаған бас редактор, ақын, филология ғылымдарының докторы, профессор, ҚР Ұлттық Академиясының академигі Бауыржан Жақып шындық пен шынайылықты, адалдық пен ақиқатты тұғыр еткен турашыл тұлға жайында түйінді ойдың тінін тарқатты. Аталы сөздің құнын пайым парқына салып, жігін жазушылықпен ұштастырған ұлы тұлға жайындағы ой мұнда жиналған көпшіліктің көңіл сарайына сәуле түсіргендей.Қаламгердің бірегей болмысына терең бойлап, жан дүниесіне үңіле білгендердің қатарында жазушы, журналист, Халықаралық «Алаш» әдеби сыйлығының лауреаты, Қазақстан Жазушылар Одағының мүшесі, Әбенің інісі Қуаныш Жиенбай да бар. Мінбеге көтерілген жазушы қаламгердің болмысы мен мінезі де теңізге тартқан деген пікірде. Өйткені ол да қауырсын қаламның құдіретін ақ парақ арқылы айшықтай түскен алыптар қатарында. Шекара таңдамайтын бекзат өнердің буына балқып, қазанында қайнаған қаламгер туысы жайында төгіле сөйлеп, естеліктер есігін есті жұртқа айқара ашты.<a href="https://tolqyn.kz/uploads/posts/2024-12/1734601726_9.jpg"><img src="https://tolqyn.kz/uploads/posts/2024-12/medium/1734601726_9.jpg" alt=""></a>Эколог-жазушы, «Парасат» ордені мен «Алаш» халықаралық әдеби сыйлығының иегері С.Жұбатырұлы, қоғам қайраткері Н.Мұсабаевтар сөз сөйлеп, Әбенің өмірі, еңбегі, қасиеттері жайлы естеліктерін айтты.Аудан әкімі Аманжол Сақыпұлы тағылымды ой, салмақты сөз айтылған конференцияның тоқтамы бұқаралық ақпарат беттерінде жарияланатынын айтып, қатысқан ардақты ақсақалдарға, құрметті қонақтарға, абыз Әбе жайлы пікір білдірген баяндамашыларға шынайы алғысын жеткізді.Тағылымға толы мазмұнды шара түйінделген соң Арал топырағына табан тіреген қабырғалы қаламгерлер естелік дүниелерге қолтаңба қалдырып, жазушының туған жеріндегі барлық бастамаларға тілектестік білдірді.<a href="https://tolqyn.kz/uploads/posts/2024-12/1734601760_10.jpg"><img src="https://tolqyn.kz/uploads/posts/2024-12/medium/1734601760_10.jpg" alt=""></a> Аудан әкімінің баспасөз қызметі

Әбеге 100 жыл: Мерейтой ғылыми-танымдық конференцияға ұласты

Жыл қорытындысы: Еліміздің энергетика саласындағы басты жетістіктері мен болашақ даму бағыттары

<a href="https://kyzylorda-news.kz/">Kyzylorda-news.kz</a> Саналы ғұмырының соңына дейін-ақ қағазбен дос болып, арымен серттескен, туған жерінің талайлы тағдырына алаңдап, тұтас дәуірдің жүгін арқалай білген алып тұлға, артына көл-көсір мұра қалдырған Қазақстанның Еңбек Ері, Қазақстанның халық жазушысы, КСРО Мемлекеттік сыйлығының лауреаты Әбдіжәміл Кәрімұлы Нұрпейісовке биыл 100 жыл.Шын мәнінде сөз өнерінің әкесі болған Әбеңнің рухына жасалып жатқан құрмет – ұрпақтың рухани қазынасын молайта түсудің бір жолы. Қорыта келсек, «Қазақ әдебиетінің қара нары» Әбдіжәміл Нұрпейісовтің 100 жас мерейтойы, бүкіл қазақ халқының, қала берді қазақ әдебиетінің тойы.<img src="https://aqmeshit-aptalygy.kz/wp-content/uploads/2024/12/1734596637_2.webp" alt="Әбеге 100 жыл: Торқалы той жалғасын тапты" loading="lazy">Өздеріңіз білетіндей, бұл мерейтой аясындағы шаралар 20 қазанда басталды. Нақ сол күні аңыз тұлғаның ақырет алдындағы өзі қалаған орынға, яғни көк теңіздің биік нүктесі саналатын Беларан төбенің басында арнайы ас беріліп, рухына Құран бағышталды.Бұдан бөлек Алматы қаласында қаламгердің есімін ұлықтау мақсатында Қазақ ПЕН клубының ұйымдастыруымен және ҚР Жазушылар одағының бастамасымен Ә.Нұрпейісовтің 100 жылдығына арналған халықаралық ғылыми-танымдық конференция өтті.Одан кейінгі жазушының туған жерінде өткен шаралар легі толастаған жоқ. «Ғасырлар толқынының дарабоздары» деген атаумен бастау алған мерейтой аясында көптеген тағылымды шаралар шымылдық түрді. Күні кеше Қызылорда қаласындағы «Өнер орталығында» облыс әкімі Нұрлыбек Нәлібаевтың қатысуымен Әбдіжәміл Нұрпейісовтің 100 жылдығына арналған «Әлем таныған Әбдіжәміл» атты еске алу кеші өтті. Бүгінгі шара сол торқалы тойдың лайықты жалғасы.Арысы Астана мен Алматы қалаларынан арнайы келген ақын-жазушылар, көптеген зиялы қауым өкілдері мен жазушының ет жақын туыстары бас қосқан шара ең алдымен қаламгердің шығармашылық үйінде бастау алды.Ұлт классиктерінің жолын лайықты жалғастырған қаламгердің өмірі мен шығармашылығы жайында кеңінен танысу мақсатында қонақтар Ә.Нұрпейісов атындағы әдебиет үйіне саяхат жасады.Мұнда Әбе болмысын аша түсетін рухани құнды қазыналар жинақталған. Түрлі тарихи суреттер мен қолжазбалар, Әбенің өзі тұтынған заттары мен сан алуан экспонаттар жиынтығы және классик жазушының өз қолымен қайта өңдеген кітабы қонақтарға ең құнды жәдігер ретінде таныстырылды.Зиалы қауым өкілдері шығармашылықтың қара шаңырағында өз естеліктерімен бөлісіп, арнайы қолжазба кітапқа қолтаңба ретінде естелік қалдырды.<img src="https://aqmeshit-aptalygy.kz/wp-content/uploads/2024/12/1734596732_3.webp" alt="Әбеге 100 жыл: Торқалы той жалғасын тапты" srcset="https://aqmeshit-aptalygy.kz/wp-content/uploads/2024/12/1734596732_3.webp 1600w, https://aqmeshit-aptalygy.kz/wp-content/uploads/2024/12/1734596732_3-768x512.webp 768w, https://aqmeshit-aptalygy.kz/wp-content/uploads/2024/12/1734596732_3-1536x1023.webp 1536w" sizes="(max-width: 1600px) 100vw, 1600px" width="1600" loading="lazy"><img src="https://aqmeshit-aptalygy.kz/wp-content/uploads/2024/12/1734596700_4.webp" alt="Әбеге 100 жыл: Торқалы той жалғасын тапты" srcset="https://aqmeshit-aptalygy.kz/wp-content/uploads/2024/12/1734596700_4.webp 1600w, https://aqmeshit-aptalygy.kz/wp-content/uploads/2024/12/1734596700_4-768x512.webp 768w, https://aqmeshit-aptalygy.kz/wp-content/uploads/2024/12/1734596700_4-1536x1023.webp 1536w" sizes="(max-width: 1600px) 100vw, 1600px" width="1600" loading="lazy"><img src="https://aqmeshit-aptalygy.kz/wp-content/uploads/2024/12/1734596689_5.webp" alt="Әбеге 100 жыл: Торқалы той жалғасын тапты" srcset="https://aqmeshit-aptalygy.kz/wp-content/uploads/2024/12/1734596689_5.webp 1600w, https://aqmeshit-aptalygy.kz/wp-content/uploads/2024/12/1734596689_5-768x512.webp 768w, https://aqmeshit-aptalygy.kz/wp-content/uploads/2024/12/1734596689_5-1536x1023.webp 1536w" sizes="(max-width: 1600px) 100vw, 1600px" width="1600" loading="lazy">

Әбеге 100 жыл: Торқалы той жалғасын тапты

<a href="https://kyzylorda-news.kz/">Kyzylorda-news.kz</a> Мерейтой қарсаңындағы шаралардың бел ортасында жүрген қонақтар қаладағы «Жайлы мектеп» ұлттық жобасы аясында жаңадан салынып жатқан мектеп ғимаратын аралап көрді.«Бар жақсылық балаға» деген дана халқымыздың дәстүрлі жолын сабақтай түсетін бастамалар бүгінде жүзеге асып, баянды болашақтың көшін түзуде. Интеллектуал ұлт қалыптастыру жолындағы ортақ ойдың жемісі саналатын жоба бойынша еңсе тіктеген білім ордасы озық ойлы, өнерге құштар, спортқа бейім дарынды балалардың шамшырағын жағатын мекен болмақ.Ұлтымыздың дамуында маңызды рөл атқаратын бұл білім ордасында шәкірттердің барлық пәнді оқып үйренуіне, ұстаздардың шығармашылықпен еңбек етуіне толық мүмкіндіктер жасалған. Ұстаздар мен оқушыларға жайлы ортаны сезіндіріп, жалпыға бірдей мүмкіндік беретін білім ордасында болған қонақтар қолға алынып жатқан жұмыстарға сәттілік тілеп, еңселі ғимараттың ел кәдесіне жарай беруіне тілектестік білдірді.Айта кетейік, ұлттық жобасы аясында салынған бұл білім ошағы Қызылорда қаласынан кейінгі аудандар арасында бірінші болып халық игілігіне пайдалануға берілгелі тұр. Ғимарат 300 орынға арналып салынған.Мұнан соң қонақтар қаладағы Балықшылар аллеясында болып, ақжал толқынмен алысып, ата кәсіптен ажырамаған балықшы қауымның өмірі мен тұрмысынан сыр шертетін Балықшылар мұражайында болды.Мұнда балықшының өміріне қатысты түрлі экспонаттар бар. Теңіз айдынында жүзген кемелер мен капитаннан қалған киім де, балықшыға қажетті құрылғылар да осында орын тапқан. Қонақтар сан алуан экспонаттармен танысып, құнды жәдігерлер жинақталған қазыналы мұражайдың жұмысына ризашылықтарын білдірді.<img src="https://aqmeshit-aptalygy.kz/wp-content/uploads/2024/12/1734595972_21.webp" alt="Қонақтар жайлы мектеп ғимараты мен балықшылар мұражайында болды" srcset="https://aqmeshit-aptalygy.kz/wp-content/uploads/2024/12/1734595972_21.webp 1280w, https://aqmeshit-aptalygy.kz/wp-content/uploads/2024/12/1734595972_21-768x512.webp 768w" sizes="(max-width: 1280px) 100vw, 1280px" width="1280" loading="lazy"><img src="https://aqmeshit-aptalygy.kz/wp-content/uploads/2024/12/1734595987_22.webp" alt="Қонақтар жайлы мектеп ғимараты мен балықшылар мұражайында болды" srcset="https://aqmeshit-aptalygy.kz/wp-content/uploads/2024/12/1734595987_22.webp 1280w, https://aqmeshit-aptalygy.kz/wp-content/uploads/2024/12/1734595987_22-768x512.webp 768w" sizes="(max-width: 1280px) 100vw, 1280px" width="1280" loading="lazy"><img src="https://aqmeshit-aptalygy.kz/wp-content/uploads/2024/12/1734595950_24.webp" alt="Қонақтар жайлы мектеп ғимараты мен балықшылар мұражайында болды" srcset="https://aqmeshit-aptalygy.kz/wp-content/uploads/2024/12/1734595950_24.webp 1280w, https://aqmeshit-aptalygy.kz/wp-content/uploads/2024/12/1734595950_24-768x512.webp 768w" sizes="(max-width: 1280px) 100vw, 1280px" width="1280" loading="lazy">

Қонақтар жайлы мектеп ғимараты мен балықшылар мұражайында болды

<a href="https://kyzylorda-news.kz/">Kyzylorda-news.kz</a> Қызылорда облыстық қан орталығының ұйымдастыруымен «Донор бол, өмір сыйла!» акция өтті.Қашанда көмекке ділгір жанға қол созуға әзір құтқарушылар бұл акциядан да қалыс қалмады. Себебі олар кішкене қан беріп, адам өмірін алып қалу қызметтік міндет қана емес, адамгершілік белгісі деп біледі. Сондықтан болар жыл сайын ерікті түрде қан берушілердің саны артып келеді. Ал Қызылорда облысы ТЖД «Жедел құтқару жасағы» РММ бас құтқарушы Ғалымжан Шермаханов 20 жылдан бері тұрақты түрде донорлық қан тапсырып келеді.<blockquote>-Бағамдап қарасақ, қан тапсыру – сауапты әрі жауапты іс. Бұл қадам донордың өзіне физиологиялық жағынан да, психологиялық тұрғыдан да пайдалы. Егер еліміздің әрбір тұрғыны қан тапсыруды өзіне азаматтық парыз деп санаса, сан мыңдаған науқас ауруынан айығып, аяғына нық тұрар еді» -дейді ол.</blockquote>Расында, донор бір рет қан өткізу арқылы орта есеппен үш адамның өмірін құтқарады. Ал тұрақты түрде қан тапсыратын донорлар жылына 12 адамды аман алып қалуға көмектеседі екен. Ал, донорлық қан түрлі жарақат алғандар мен күрделі оталар кезінде тіпті бала босану кезінде көп қан жоғалтқан әйелдерге таптырмас ем. Сондықтан болар дәрігерлер донорлық қан құю бұл науқасты аман қалудың бірден бір жолы дейді.<img src="https://knadmin.beoblood.kz/uploads/donor_1_93d22a5caf.jpg" alt="донор 1.jpg"><img src="https://knadmin.beoblood.kz/uploads/donor_db6c6bd54f.jpg" alt="донор.jpg">Фото: egemen.kz

Донор болу: өмір сыйлаудың жолы

<a href="https://kyzylorda-news.kz/">Kyzylorda-news.kz</a> Жаңа жыл десе, көпшіліктің көз алдына түрлі-түсті жарқылдаған салют пен фейерверктер елестейді. Алайда, пиротехниканы дұрыс қолданбау салдарынан туындайтын қауіп-қатерді де қаперден шығармауымыз қажет. Осыған орай Өңірлік коммуникациялар қызметінің ақпарат алаңында тиісті сала мамандары тұрғындарға пиротехникалық бұйымдарды пайдалану кезінде сақталуы тиіс қауіпсіздік ережелерін түсіндірді.<blockquote>– Облыстық төтенше жағдайлар департаментінің қызметкерлері жыл сайын жаңа жыл мерекесі қарсаңында адам өмірі мен денсаулығын, мүлікті және қоршаған ортаны өрттен, әртүрлі төтенше жағдайлардан қорғау бойынша іс-шаралар атқарады. Соның бірі мереке қарсаңында пиротехникалық бұйымдарды қолдану кезіндегі өрт оқиғаларын болдырмау және жарақат алу жағдайларының алдын алу. Қазіргі таңда облыс бойынша жаңа жылдық мерекелік іс-шаралар өтетін 523 объектінің тізімі нақтыланды. Департамент қызметкерлері барлық іс-шара өтетін орындардың өрт қауіпсіздігі жағдайына тексеру жүргізіп, нәтижесінде 119 өрт қауіпсіздігінің бұзушылығы анықталып, жою үшін нұсқама берілді. Қажеттілігіне қарай кей объектілерде кезекшілік жұмыстары ұйымдастырылады. Одан бөлек, облыс бойынша жаңа жылдық кештер ұйымдастырылуы мүмкін кафелер мен мейрамханалар тізімі жасалып, кәсіпкерлерге өрт қауіпсіздігін сақтау бойынша түсіндірме жұмыстары жүргізілуде. Тағы бір айта кететін жайт, пиротехникалық бұйымдарды қолдану барысында нұсқаулықты мұқият оқып, фитильді қол созым арақашықтықта тұтандырып, қауіпті аймақтан кемінде 20 метр қашықтықта орналасу қажет. Сонымен қатар, тұтандырылған пиротехникалық бұйымдарды қолда ұстауға, оларды бөлме ішінде пайдалануға қатаң тыйым салынады,- деді обылстық ТЖД мемлекеттік өрт бақылау басқармасының басшысы Асхат Оразбеков.</blockquote>&nbsp;Елімізде 5 желтоқсан мен 3 қаңтар аралығында «Пиротехника» жедел профилактикалық іс-шарасы өткізілуде.&nbsp;<blockquote>– Шараның басты мақсаты – заңды және жеке тұлғалардың пиротехникалық өнімдерді сақтау, сатып алу және тасымалдау тәртібінің сақталуын тексеру. Сондай-ақ, сертификатталмаған өнімді жеткізушілер мен осы өнімдердің салдарынан болатын төтенше жағдайлардың алдын алу да дәл осы профилактика кезінде анықталады. Осы іс-шара барысында облыс көлеміндегі базарлар мен ірі сауда орталықтарында облыстық полиция департаментінің Әкімшілік полиция басқармасы мен ТЖД қызметкерлерімен бірге рейд жұмыстары жүруде. Іс-шара барысында барлығы 12&nbsp;әкімшілік құқық бұзушылық анықталып, 254 дана пиротехникалық бұйым тәркіленді. Бұл бағыттағы жұмыстар өз жалғасын табатын болады,-деді облыстық Полиция департаментінің Әкімшілік полиция басқармасы бастығының орынбасары Нұркен Бақтияров.</blockquote><img src="https://knadmin.beoblood.kz/uploads/PIROTEHNIKA_AUIPSIZDIK_ERE_Zh_ELERIN_ESKERI_IZ_bd94ec4823.jpg" alt="ПИРОТЕХНИКА ҚАУІПСІЗДІК ЕРЕЖЕЛЕРІН ЕСКЕРІҢІЗ.jpg">

Пиротехника: қауіпсіздік ережелерін ескеріңіз

<a href="https://kyzylorda-news.kz/">Kyzylorda-news.kz</a> "Қазгидромет" мамандары өңір тұрғындарын қыс мезгілінде ауа райы өзгерістерін бақылап, қауіпсіздік шараларын сақтауға шақырды. Жаңа жыл қарсаңында облыс аумағында қар аралас жаңбыр күтілуде. Салдарынан көктайғақ болып, екпінді жел соғады. Бұл туралы Өңірлік коммуникациялар қызметінің баспасөз алаңында «Қазгидромет» РМК Қызылорда облысы бойынша филиалы Метеоболжау бөлімінің бастығы Айгерім Жөкелова мәлімдеді.<blockquote>– Қызылорда облысында дәл қазір жауын-шашынды ауа райы байқалуда. Бұл Қазақстан аумағында солтүстік-батыстан енген циклон әсерінен қалыптасты. Жауын-шашынды ауа райы 20 желтоқсанға дейін сақталады. Түнгі ауа температурасы -3,+2 шамасында, күндізгі ауа температурасы 0-ден жоғары. Облыс бойынша жаңбыр аралас қар күтілуде. Сонымен қатар облыс аумағында көктайғақ болуы мүмкін. 19 желтоқсаннан 20 желтоқсанға қараған түні өңір бойынша қар жауады. Ауа температурасы 20 желтоқсаннан бастап төмендейді. 20-27 желтоқсан аралығында жауын-шашынсыз ауа райы орнайды. Яғни түнде -5-15 градус аяз, күндізгі ауа температурасы -2-7 градус суық. Ал желтоқсан айының соңында қар аралас жаңбыр жауады. 28-31 желтоқсан аралығында көктайғақ болып, желдің екпінді күші 23-28 м/с күтіледі, – деді Айгерім Болатбекқызы.</blockquote>Жалпы биыл қыс мезгілінде қаңтар-ақпан айларында ауа температурасы климаттық нормадан 1-2 градусқа жоғары, жауын-шашын мөлшер шамасынан түседі деп күтілуде. Сондай-ақ мамандар «112» қызметінен келетін хабарламаға назар аударып, қауіпсіздік ережелерін сақтауға шақырды.<img src="https://knadmin.beoblood.kz/uploads/aua_rajy_f809b546f2.jpg" alt="ауа райы.jpg"><span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото: freepik.com .jpg

 Қыс мезгілінде ауа райы қандай болады?

<a href="https://kyzylorda-news.kz/">Kyzylorda-news.kz</a> Еліміздің дамуының тегеурінді тұғыры және ең &nbsp;мәртебелі мамандықтың бірі &nbsp;- заңгер.&nbsp;Кез келген мекемеге, кәсіпорынға, өзге де коммерциялық құрылымдарға қызмет саласының әр түрлі болуына қарамастан құқықтық жұмыспен айналысатын маман қажет. Ол әрине - заңгер.&nbsp;Заңгер болу - бүкіл өміріңді арнап, өз таңдауыңды мақтан етерлік қиын әрі күрделі және өте қызықты &nbsp;мамандық. Бүгінгі таңда азаматтардың &nbsp;мүддесін &nbsp;қорғау &nbsp;жолында елімізде еңбектеніп жүрген кәсіби білікті заңгерлер өте көп. Соның бірі Қызылорда облысы ҚАЖ департаментіне қарасты №60 мекемесінде заңгер кеңесшісі &nbsp;қызметін атқарып келе жатқан маман - Измағанбетова Ардақ Кеңшілікқызы.&nbsp;<blockquote>«Арман алға жетелейді» &nbsp;- демекші, Ардақ Кеңшілікқызы заңгер болуды бала күнінен армандапты. Заңгер болып қоғамдағы әлсіз жандар мен балаларды қорғағым келді, &nbsp;- дейді ол.&nbsp;</blockquote>Ардақ Кеңшілікқызы сот шешімі барысында қоғамның мемлекетке көзқарасы қалыптасатынын, сондықтан да Қазақстанда ашық және бүкпесіз сот орнықтыру керек екенін үнемі назарда ұстап, сол бағытқа өзінің қажыр-қайратын жұмсап келеді. Ұжымның да алдында құрметті, беделді мүшесі. Өз міндеттерін жауапкершілікпен орындайды, өз ісіне адал, тәжірибелі кәсіби маман. Оның заң кеңесшісі қызметінде, осы саланың &nbsp;ыстық-суығына көніп, еңбек етіп келе жатқанына 12 жылға жуықтапты.&nbsp;Әр қапталған құжатты бір тарих десек, сол тарихи құжаттың сапалы дайындалуы да Ардақ Кеңшілікқызы секілді өз ісіне берілген маманның ұқыптылығы соншалық, бүгінгі күнге дейінгі еңбек өтілінде, басшылық тарапынан ешқандай &nbsp;ескерту алмапты.<blockquote>&nbsp;Әйел болған соң отбасымызға да көңіл бөлуді ұмытпаймыз, қызметте қатал, үйде жұмсақпыз. Өзімізді күтуге де уақыт бөліп, әр уақытты тиімді пайдалануды білеміз. Қызметтік &nbsp;қарбалыстан &nbsp;қолым босай қалысымен &nbsp;кітап оқитыным бар дейді Ардақ Кеңшілікқызы. Кабинетіндегі кітап сөресінде өзіміздің &nbsp;қазақ жазушыларынан бөлек, әлем классиктерінің де кітаптарын кездестіруге болады. Таңның атысы, кештің батысы еститінімізде, көретінімізде қылмыстық оқиғалар болған соң кейде кәдімгідей рухың әлсірейді, уайымдайсың, толғанасың, сол сәтте кітап бойыңдағы ауыртпашылықты &nbsp;жеңілдетіп, көкірек көзіңді ашып, санаңды сергітеді. Сондықтан да үнемі кітап оқуға уақыт табамын дейді.&nbsp;</blockquote>Сот саласы қызмет барысында небір қиындықтар, күрделі жағдайлар туындайды Бұндай мәселенің &nbsp;шешімін &nbsp;тек нағыз білікті, сауатты, тәжірибелі заңгер маманы &nbsp;таба алады. Бүгінгі таңдағы Ардақ Кеңшілікқызының бүкіл Қазақстан елінің заңгерлеріне үлгі боларлық еңбегі жетерлік.ҚР Қылмыстық-атқару кодекісінің 118 бабы бойынша ҚАЖ департаменті заң тобында сотталғандардың арам ойын жүзеге асыру барысында, қасақана өзіне зиян келтіру, яғни дене жарақатын салу нәтижесінде сотталғанды емдеуге байланысты мемлекеттен бөлінген шығынды &nbsp;немесе келтірген залалды, сотталушы мемлекетке қайтаруға тиісті деген талап арыз беріп, атқару &nbsp;парағы &nbsp;сот орындаушының өндірісіне &nbsp;енді.&nbsp;Белгіленген тәртіппен бүкіл &nbsp;Қазақстан бойынша осындай заңның жүзеге асырылуын алғаш рет Қызылорда облысынан тек қана Ардақ Кеңшілікқызы орындап, ҚАЖ департаментінің мәртебесін көтерді.&nbsp;Сонымен қатар күнделікті жұмыс барысында сотталған азаматтардың өтініштері бойынша сенімхат беру, жасына байланысты зейнеткерлікке шығару, мүгедектігіне байланысты &nbsp;жәрдемақы тағайындау, жеке және заңды тұлғалардың өтініштеріне заңға сәйкес уакытылы жауап беру секілді қызыметтеріне мығым.Қазіргі таңда Ардақ Кеңшілікқызының ісі сарапқа салынып, бүкіл Қазақстан елінің заң қызметкерлеріне үлгі. Ардақ Кеңшілікқызы осы салада атқарған қызметтері үшін еңбегі елеусіз қалмай ҚАЖ департаментінен, мекеме тарапынан, сондай-ақ облыс әкімі Нұрлыбек Мәшбекұлы Нәлібаевтың қолынан марапатталды. Алдағы таңда ҚР ІІМ-не ұсыныс беріліп қойды.&nbsp;&nbsp;Атаған марапаттар оның қызметін мінсіз атқарып, берілген тапсырмаларды уақытылы орындай білетіндігінің дәлелі.&nbsp; Қазақта «Жақсының жақсылығын айт, нұры тасысын» - деген бар. Ардақ Кеңшілікқызын үлгі етіп алдағы қызметтеріне сәттілік тілейміз.&nbsp;Ақалтын Байжанқызы,ҚАЖД –нің № 60 мекемесі Бұқаралық ақпарат құралдарымен&nbsp; байланыс жөніндегі іс- жүргізушісі &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;

Адалдықтан айнымаған Ардақ

<a href="https://kyzylorda-news.kz/">Kyzylorda-news.kz</a> &nbsp;Сақтандыру – &nbsp;болуы ықтимал түрлі тосын жағдайлардан қорғайтын және қолдау көрсететін қаржылық құрал. Бұл қалай жұмыс істейді?Сақтандыру дегеніміз не? Кейде үлкендер: «Өмір тосынсыйларға (кездейсоқ жағдайларға) толы» деп қапаланып жатады. Олар мұндайды көбіне өздері күтпеген оқиғаға тап болғанда және олай болады деп мүлдем ойламағанда айтады. Мысалы, қатты жел кезінде көліктің үстіне ағаш құлап кетеді немесе пәтерді су басады. Мұндай оқиғалардың шығу төркіні әртүрлі болады және олар заттай шығын келтірумен шектелмей, денсаулыққа да зиянын тигізуі мүмкін. Біреу ауыр жарақат алып, төсек тартып жатып қалса, уақытша жұмысқа жарамсыз болады. Мұндай сәтте жұмыс істей алмайсыз, бірақ ақша қай уақытта болмасын керек, не істей аламыз?Сақтандыру полисі бар адамдар мұндай жағдайдан жеңіл өтеді. Сақтандыратындай оқиға болғанда клиенттің өзі мен мүлкін қауіп-қатерден қорғайтын қаржы ұйымы – сақтандыру компаниясы Сақтандыру полисін қамтамасыз<a href="https://fingramota.kz/kk/kids-app/publication/onlajn-satandyru-degenimiz-ne-zhne-satandyrushylar-balalara-ne-syna-alady"> етеді.</a>&nbsp;Сақтандыру – бірінші кезекте адамның қаржылық мүддесін қорғау деген сөз. Қазақстанда сақтандырудың екі түрі бар: міндетті және ерікті. Міндетті сақтандыру ел заңнамасының талаптарына сәйкес барлығында болуға тиіс. Ерікті сақтандыру аты айтып тұрғандай адамның жеке қалауына қарай рәсімделеді. Бүгінде міндетті сақтандырудың барлық түрін, кей ерікті сақтандыруларға қатысты сақтандыру полисін онлайн түрде жасатуға болады.Нені сақтандыра аламыз? Түрлі жағдайларды сақтандыруға болады, солардың ішінде негізгілеріне тоқталайық:автокөлікті ұрлау, оның бұзылуы, жазатайым жол көлік апатына тап болу – автокөлікті сақтандыру;үйге немесе пәтерге зақым келтіріп, шығынға ұшырататын кез келген ТЖ (төтенше жағдай) – мүлікті сақтандыру;созылмалы аурудың өршуі, жарақат, улану және т.б. – денсаулықты сақтандыру;Сапарға шығудан бас тарту немесе кейінге шегерту, саяхатшыға шұғыл медициналық көмек көрсету, багажды зақымдау және т.б. – туристерді сақтандыру.&nbsp;Әлемде сақтандырудың бұдан бөлек ерекше түрлері де кездеседі. Мысалы, жұлдыздар өз дауыстарын, дене мүшелерін, үй жануарларын сақтандырып жатады. Адам ұрлаудан, төлем жасаудан және бопсалаудан, жеке деректерін ұрлаудан және тіпті үйлену тойының болмай қалуынан сақтандыру да бар.Балаларға арналған сақтандыру өнімдері бар ма? Балаларды, тура ересектер сияқты, жарақаттар мен жазатайым оқиғалардан және белгілі бір аурулардан сақтандыруға болады. Спорттық сақтандыру деген бар. Мұндайда, мысалы, спортшы жарыс кезінде жарақат алса, сақтандыру компаниясы баланың емделуіне және қаржылық қолдауына кететін, шартта көрсетілген соманы төлеп береді. Сонымен қатар кез келген жерде алған жарақат үшін берілетін сақтандыру бар. Ол емделуге және оңалуға кеткен ақшаның орнын толтыруға мүмкіндік береді.&nbsp;Кей сақтандыру компаниялары белгілі бір мақсат үшін қомақты сома жинақтауға жағдай жасайтын өмірді жинақтық сақтандыру бағдарламасын ұсынады. Мысалы, МБЖЖ (Мемлекеттік білім беру жинақтау жүйесі) білім беру үшін қаржы жинауға көмектеседі.&nbsp;Енді бір сақтандыру полисі ата-ананың немесе қамқоршының және баланың да өмірін қаржылық қорғауды қамтамасыз етеді. Сақтандыру мерзімі аяқталғаннан кейін анаңыз бен әкеңіз сақтандыру сомасын да, инвестициядан түскен пайызды да ала алады. Яғни, қандай да бір сақтандыратындай оқиғаның болуы шарт емес, жай ғана шартта сақтандыру мерзімін көрсету жеткілікті. Ал оның егжей-тегжейлі талаптарын сақтандыру компаниясы өзі тағайындайды.Сақтандыруды қалай рәсімдейміз&nbsp; Сақтандыруды рәсімдеу үшін мұндай қызметті көрсетуге рұқсат алған сақтандыру компаниясымен келісімшарт жасау қажет. Лицензияны Қаржы нарығын реттеу және дамыту агенттігі береді. Оның бар-жоғын қаржы реттеушісінің&nbsp;www.gov.kz сайтындағы «Қаржы нарықтары» бөлімінен («Сақтандыру секторы» бөлімшесі) тексеруге болады.Бүгінде сақтандыру компаниясымен келісімді оның веб-сайты немесе мобильді қолданбасы арқылы бір дегеннен рәсімдей аласыздар.Сақтандыруды рәсімдеу барысында бірнеше терминдер кездесуі мүмкін. Соларды түсіндіре кетейік.Сақтанушы&nbsp;– сақтанғысы келетін жеке немесе заңды тұлға.Сақтандырушы&nbsp;– сақтандыру компаниясы.Сақтандыру оқиғасы&nbsp;– сақтандырушы сақтанушыға ақша төлеуге міндетті болатын оқиға.Сақтандыру сомасы&nbsp;– адамның мүлкіне, денсаулығына немесе өміріне зиян келген жағдайда төленетін ақшалай өтемақы. Сақтандыру бойынша берілетін сома шартта көрсетілуі керек. Келісімшартқа қол қоймай тұрып, оны әрдайым алдын ала мұқият оқып шығу қажет.Фото: fingramota.kz

Қазақстан және Қызылорда облысының жаңалықтары