<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев қала және аудан әкімдерінің қатысуымен арнайы мәжіліс өткізіп, құрылыс нысандарының уақытылы және сапалы салынып, қолданысқа берілуі, күріш орағының барысы туралы мәселелерді талқылады.Сонымен бірге, қоғамдық саяси ахуалдың тұрақтылығын сақтау, елді мекендердің тазалығы, жылу маусымына әзірлік жайы да назардан тыс қалмады. Жиында қаладағы қоғамдық көлік қозғалысы, коммуналдық қызметтің үздіксіз әрі сапалы көрсетілуіне қатысты мәселелер де қозғалды.Аймақ басшысы құрылыс алаңдарындағы жұмыс барысын күнделікті қадағалауды тапсырды. Елді мекендердің тазалығы да ұдайы бақылауда ұсталуы тиіс. Жылу маусымы жақын қалғандықтан, бұл бағыттағы жұмыстардың тиянақты орындалуы маңызды.Нұрлыбек Машбекұлы тұтынушыларға сапалы, талапқа сай қызмет көрсетілуі тиіс екенін атап өтіп, орын алған кемшіліктерді тез арада түзету туралы тапсырмалар жүктеді. Тұрғындар күнделікті тұрмыс-тіршілікте кезігетін мәселелерді жиі көтереді. Бұл ұсыныстар мен түйткілдер жан-жақты сарапталуы керек.Жиында атқарылған жұмыстар баяндалып, тұрғындар қозғаған мәселелерді негізге алып, оларды тиімді шешу жолдары қарастырылды.<img src="https://knadmin.beoblood.kz/uploads/zh_mys_barysy_1_404facc771.jpg" alt="жұмыс барысы 1.jpg"><img src="https://knadmin.beoblood.kz/uploads/zh_mys_barysy_1_f1656a355a.jpg" alt="жұмыс барысы 1.jpg"><img src="https://knadmin.beoblood.kz/uploads/zh_mys_barysy_3_dbed4f9111.jpg" alt="жұмыс барысы 3.jpg">Фото: Қызылорда облысы әкімінің баспасөз қызметі

Аймақ басшысы: Жұмыс барысы күнделікті бақылауда болуы керек

<a href="https://kyzylorda-news.kz/">Kyzylorda-news.kz</a> Желіде Маңғыстау облысы, Түпқараған ауданы, Баутино ауылындағы Горький атындағы мектеп-лицей мұғалімінің түсірген видеосы&nbsp;тарады. Мұғалім оқушысына ұрысып жатқанын қыздың&nbsp;әпкесіне өзі жіберіпті.&nbsp;Бұл туралы&nbsp;<a href="https://stan.kz/beti-bulk-etpeydi-mangistau-oblisindagi-auil-mygalimini-406570/">Stan.kz</a>&nbsp;ақпарат агенттігі&nbsp;хабарлайды.Видеода мұғалім оқушы қыздан жемпірін шешуді талап етеді. Дегенмен&nbsp;сол видеода&nbsp;басқа оқушылар да жейде, жемпір киіп алғаны көрсетілген. Оған қоса ол ұялы телефонын тапсыруды талап етеді, қыз тапсырғанын айтқан.<blockquote>"Бүкіл сыныптың алдында мен мына жемпірді шешуін талап етемін. Бөлме ыстық. Ал ол&nbsp;“тоңып тұрмын” дейді. Беті бүлк етпей отырғанын қарашы! Мен ұялы телефонын тапсыр дедім, өйткені тест болып жатыр, бірақ ол оны маған бермеді. Талаптарымды орындамағандықтан, сабақтан шығып, үйіне қайтуын сұраймын. Әбден құтырып кеткен! Кабинеттен лақтырып жібергім келіп тұр", –&nbsp;деді мұғалім.</blockquote>Қыздың жақындары мұғалімнің сөздері этикаға жат екенін және ұстаз мәртебесіне сай келмейтінін айтып, оны&nbsp;жазалауды талап етіп отыр. Сөздерінше, мұғалім бірнеше жылдан бері қызды қорлап келеді екен. Желідегі пікірлерден мұғалімнің 20 жылдық еңбек өтілі бар екенін көруге болады.Облыстық білім басқармасы Баутино ауылының мұғалімі тәртіптік жазаға тартылғанын мәлімдеді.<blockquote>"Мәселе комиссия отырысында қаралды. Комиссияның шешімімен "Педагогикалық әдептің кейбір мәселелері туралы" оқу-ағарту министрлігінің 2020 жылғы 11 мамырдағы №190 бұйрығына сәйкес, мұғалім тәртіптік жауапкершілікке тартылды. Педагогикалық этиканың негізгі қағидаларын бұзғаны үшін "ескерту" берілді. Оқушының ата-анасы мектепке шақырылды, бірақ олар келмеді", –деді Түпқараған аудандық білім бөлімінің басшысы Айбаршын Өтесбаева.</blockquote>Фото: Stan.kz

"Әбден құтырып кеткен! Кабинеттен лақтырып жібергім келіп тұр" Ауыл мұғалімінің оқушыларға айтқаны желіде талқыға түсті

<a href="https://kyzylorda-news.kz/">Kyzylorda-news.kz</a> Қазақстандағы инвесторлар бүкіл әлемдегі инвесторлар сияқты инвестициялау кезінде бірнеше тәсілдерді қолданады. Пассивті инвестор нарықты зерделеуге уақытын аз жұмсайды, тиісінше өз капиталын да қалыпты қарқынмен толықтырып отырады. Активті инвестор нарыққа барынша көп қатысады және соның арқасында ақшаны да көп табады.&nbsp;«Сатып ал да ұстап тұр» (buy and hold)Пассивті инвестициялар инвесторға өз күшін, ресурстары мен уақытын үнемдеуге мүмкіндік береді және ол нарық жөнінде көп білімді қажет етпейді. Бұл стратегияны стратегиялардың ішіндегі ең қарапайымы деп санауға болады. Пассивті инвестициялаудың басты мақсаты – сенімді құралдардан тұратын түрлі портфельдер қалыптастыру және оны ұстап тұру, мұндай портфельдер уақыт өте келе өсіп, тұрақты кіріс әкеліп тұрады. Бұл стратегияны ұстанатын инвестор өз ақшасының құнсыздануына жол бермеуге және бағалы қағаздар бүкіл нарықтағы қалыптасқан жағдайда көп кіріс әкелеуге мүмкіндік беретіндей әрекет етеді.<blockquote>Оған қол жеткізудің неғұрлым қарапайым және қолжетімді тәсілі –индекстік қорларға инвестициялау. Индекстік қор бұл түрлі компаниялардың активтерінің тізімі. Ол бір елдің немесе жеке бір саланың ірі компанияларының қағаздарының бірнеше санынан тұруы мүмкін.&nbsp;</blockquote>Индекстік қорлар инвестициялық пай қорларына ұқсас болады және инвесторларға азғантай бағаға кеңінен әртараптандыру мүмкіндігін береді. Пассивті инвесторға жеке акциялардың талдауын жүргізу қажет емес. Ол бір мәмілемен биржалық қордағы өз үлесін сатып алады да ақшасының ұзақ мерзімді жұмыс істеуіне мүмкіндік бередіМысал ретінде белгілі миллиардер әрі филантроп Уоррен Баффеттің стратегиясын келтіруге болады, оның тәсілі акцияларды сақтаудың оңтайлы мерзімі – шексіздік. Уоррен Баффет сонау 1988 жылы Coca-Cola &nbsp;компаниясының акцияларында өз позициясын ашқан және осы уақытқа дейін осы брендтің бір де бір қағазын сатқан жоқ. «Омахадан шыққан Сәуегей» деген лақап атқа ие болған миллиардер және филантроп болашаққа көз тігіп, жылдар бойы кіріс әкелетін индустриялық тұрғыдан тиімді трендтерді табуға тырысады.&nbsp;Пассивті стратегия кезінде компанияның бизнесін зерттеу және &nbsp;оның болашағын анықтау өте маңызды, сонымен қатар маңызды талап &nbsp;– үнемі дивидендтер төлеп отыру. Сондай-ақ пассивті инвестициялау экономиканың технологиялық, өндірістік, энергетикалық, өнеркәсіптік немесе басқа секторларын бақылап отыратын қорларға салынатын инвестицияларды көздейді. &nbsp;Бұл ретте, табысты пассивті инвестициялаудың басты талаптарының бірі – әртараптандыру екенін қоса айту керек. Пассивті инвестор үшін ақшаны пайда түсетін идеяларды болжаудан гөрі, түрлі активтер қоржынына бөлу маңыздырақ.Пассивті түрде&nbsp;инвестициялаудың оң және теріс жақтары:<blockquote>Артықшылықтары:- Комиссиялар мен салықтардан үнемдеу;- Жаңадан бастаған инвесторлар үшін қолжетімділік;- Тәуекелдердің төмендігі;- Басқа жұмыспен қатар атқаруға болады;- Алыпсатарлық аз. &nbsp;</blockquote><blockquote> Кемшіліктері:- Жоғары кірісті мүмкіндіктер аз;- Икемділік аз;- Нарықтық құлдырау кезінде әрекетсіздік басым.&nbsp;</blockquote>«Әрдайым дайын бол»Активті немесе «агрессивті» тәсіл инвестордың өзі процеске үнемі қосылып, ақшаны өзі басқарады деп болжайды: ол нарықты, жаңалықтарды өзі бақылайды, &nbsp;процестерді, жаңалықтарды талдайды, бағалы қағаздар мен мәмілелер жасау сәттерін таңдайды. Бұл стратегия тәжірибелі инвесторлар үшін қолайлы, мұнда техникалық және толық талдауды білу және сауда платформасын жақсы меңгеру, тәуекелдерді басқару және капиталды басқару дағдылары маңызды.<blockquote>Белсенді инвестициялаудың басты мақсаты – &nbsp;нарықтан жоғары деңгейде кірістер алу және мүмкіндігінше оны басып озу. Белсенді инвестор негізгі индекстерден озып кетуге тырысады.&nbsp;</blockquote>Белсенді инвесторларға арналған стратегиялар жағдайында активтер себеттері инвестициялау кезеңінде айтарлықтай түзетулерге ұшырауы мүмкін. Бірақ бұл ретте қағаздармен операциялар жиі жүргізіледі, тұрақты емес, сонымен қатар нарықтық жағдайдың немесе басқа факторлардың өзгеруіне деген реакция болып табылады.Активті түрде инвестициялаудың артықшылықтары мен кемшіліктері:<blockquote>Артықшылықтары:- шексіз пайда әлеуеті;- икемділік;- инвестициялауды негізгі іс және негізгі кіріс деп қарастыру керек;</blockquote><blockquote> Кемшіліктері:&nbsp;- комиссиялар және салықтардың болуы;- жоғары тәуекелдер;- &nbsp;процесс қиындығы.&nbsp;</blockquote>Сондай-ақ, инвестициялар бірнеше белгілер бойынша жіктеледі, мысалы: инвестициялау мерзімі (қысқа, орта және ұзақ мерзімді), қажетті кірістілік және тәуекелдің рұқсат етілген деңгейі, басқару әдісі, инвестордың белсенділігі.Стратегияның тағы да қандай түрлері бар?Инвестициялаудағы басқа да стратегияларды атап өтуге болады, мысалы – ақша құнын орташа ету стратегиясы&nbsp;(money-cost&nbsp;averaging). Бұл стратегия қарапайым стратегияға жатады және бос капиталға ие немесе үнемі қосымша салым жасай алатын инвесторларға анағұрлым сай келетін тәсіл. Стратегияның мәні нарықтық жағдайға қарамастан, белгіленген кезеңділікпен немесе баға белгілеулерінің белгілі бір өзгеруімен акцияларды сатып алу. Нәтижесінде инвестор бағалы қағаздар пакетін орташа бағамен алады. Осының арқасында пакет ұстаушы жоғары кірістілікке ие болады.Дивидендтік стратегия. Бұл стратегия да қарапайым стратегияға жатады. Ол бойынша портфельге акционерлерге пайданың бір бөлігін тұрақты төлейтін эмитенттердің қағаздары ғана енгізіледі.Құнды инвестициялау. Бұл стратегия ең тиімді, бірақ сонымен бірге жеткілікті деңгейде күрделі стратегиялардың бірі болып табылады. Стратегиялардың мәні - жақсы акцияларды ыңғайлы бағамен сатып алу. Бұл тәсіл бағасы олардың нақты құнынан төмен активтерді таңдауды білдіреді.Ірі компанияларға инвестициялау. Стратегия эмитенттердің барынша жоғары нарықтық капитализациясы бар бағалы қағаздарын сатып алуды қамтиды. Стратегия қарапайым және мыналарды көрсететін статистикалық мәліметтерге негізделген:- тұрақты экономика кезеңінде дәл осы компаниялар индекстің өсуін анықтайды, бұл инвестордың үлкен нарыққа шығынын айтарлықтай азайтуға мүмкіндік береді;- рецессия мен дағдарыстың даму кезеңдерінде олар бағалы қағаздарды ұстаушылардың шығындарын едәуір азайта отырып, барынша тұрақтылықты көрсетеді.Атап өткіміз келетін соңғы стратегия – Гринблаттың «сыйқырлы формуласы» бойынша инвестициялау. Бұл стратегия құнды инвестициялаудың нұсқасы болып табылады, бірақ сатып алуға арналған акцияларды таңдау әдістемесімен ерекшеленеді. Бағалау капитал рентабельділігі (ROC) мен кірістілік сияқты екі көрсеткіштің негізінде жүргізіледі. Компанияны таңдау төмендегідей жүргізіледі:Компаниялар үшін капитал рентабельділігі мен кірістілік көрсеткіштері есептеледі.Компаниялар көрсеткіштердің кемуі бойынша ранжирленеді (бөлек 2 тізім жасалады).Рентабельділігі жоғары компаниялар 1 балл алады, әрбір келесі компания үшін баға өседі. Кірістілік тізіміндегі компаниялар осыған ұқсас бағаланады.Әрбір компанияға берілген баға жинақталады. Сатып алу үшін эмитенттердің ең аз жиынтық көрсеткіштерден тұратын 25-30 акция таңдап алынады.Барлық жоғарыда көрсетілген стратегиялар аса жоғары емес тәуекел деңгейлері жағдайында салыстырмалы түрде жоғары кірістілікке қол жеткізуге мүмкіндік береді. Бұл стратегиялар қалыпты және консервативті нұсқаларға жатады.<blockquote>Акциялармен сауда жасау жөніндегі барлық стратегиялардың олардың қандай да бір топқа тиесілі болуына қарамастан мынадай негізгі 2 мәселені шешуі керек екенін атап өту қажет:<ul><li>Сатып алу/сату үшін активтерді таңдау.</li><li>Инвестициялаудың тұтастай кезеңінде портфельді басқару қағидаттары.</li></ul></blockquote>Қарапайым инвесторлар үшін ненің барынша қолайлы болатынына келсек, нарықтағы білікті мамандар сапалы пассивті портфель құруды ұсынады. Содан кейін қаласаңыз, жоғары кірісті құралдар үшін капиталдың біраз бөлігін бөлуге болады. Қалған стратегиялар үшін инвестор тәжірибелі және білімді болуы керек.Портфельді белсенді басқару немесе трейдинг көп білім мен дағдыларды қажет етеді. Нарықты талдау мен зерттеуге көп уақыт қажет. Бұл барлық инвесторға сәйкес келе бермейді. Жалпы, жоғарыда аталған стратегиялардың қайсысы қолайлы екенін таңдау – бұл инвестордың жеке таңдауы. Бұл тұрғыда бәрі инвестордың өзінің қалауына байланысты.<figure class="image"><img src="https://knadmin.beoblood.kz/uploads/fingramota_1d44033763.png" alt="финграмота.png"></figure> Fingramota.kz-пен бірге инвестициялық сауаттылығыңызды арттырыңыз!&nbsp;Фото: Fingramota.kz

Инвестициялаудың қандай түрін таңдау керек: пассивті және активті инвестициялау бойынша гайд

<a href="https://kyzylorda-news.kz/">Kyzylorda-news.kz</a> Абай облысында әскери қызметкердің мәйіті табылды.&nbsp;Бұл туралы&nbsp;<a href="https://stan.kz/ayagozde-oficer-ozine-kol-salip-mert-boldi-406576/">Stan.kz</a>&nbsp;ақпарат агенттігі хабарлайды.Аягөз гарнизонының баспасөз қызметі офицердің өзіне қол салғанын айтады."19 қыркүйекте Аягөз гарнизоны әскери бөлімнің офицерінің мәйіті жұмыстан тыс уақытта&nbsp;пәтерінен табылды. Алдын ала мәлімет бойынша, офицер асылып қалған", –&nbsp;деп хабарлады гарнизон.Себептері мен мән-жайы анықталып жатыр. Әскери қызметкердің өліміне қатысты қылмыстық іс қозғалды.Фото: Pixabay.com

Әскерде тағы өлім: Аягөзде офицер өзіне қол салды

<a href="https://kyzylorda-news.kz/">Kyzylorda-news.kz</a>&nbsp; Қаланың қазіргі келбеті кіреберіс қақпасынан белгілі. Сондай қақпалар шаһардың үш нүктесінде тұр. Бірі – әуе, екіншісі – көлік, үшіншісі – теміржол қатынасында.Аймақ басшысының бастамасымен осы үш қақпа да қайта жаңғыртудан өтті. Соның негізінде облыс орталығына бастайтын кіреберістер заманауи келбет тағынып, айшықты орындарға айналды.Теміржол вокзалының ғимараты өткен жылы "Қазақстан Темір жолы" компаниясының және жергілікті кәсіпкерлердің демеушілігімен жаңартылды. 1905 және 1969 жылдары салынған екі ғимарат та адам танымастай өзгеріп, көзтартар көрініске енді.Перрон мен жолаушылар платформасына асфальт төселіп, баспалдақтар мен пандустар жолаушылар үшін қолайлы етіп қайта жасалды. Вокзал маңы және ғимарат ішінің жарық шамдары ауыстырылып, түнгі бейнесі түрлене түсті. Вокзал аумағына бейберекет қойылған сауда дүңгіршектері алынып, арнайы орын салынды. Үлкен сауда павильондары кәсіпкерлерге қолайлы жағдай туғызып, жазда салқын, қыста жылы, келушілерге жайлылық ұсынады.Жуырда ғана Сыр өңіріне арнайы жұмыс сапарымен келген «Қазақстан Темір Жолы» ҰК» АҚ Басқарма төрағасы Нұрлан Сауранбаев жаңарған теміржол вокзалында болып, ұтымды ұйымдастырылған жұмыстарға жоғары бағасын берді.Айта кету керек, бүгінде Қызылорда вокзалы арқылы 28 пойыз өтіп, ондағы жолаушылар ағыны тәулігіне шамамен 3900 адамды құрап отыр.<img src="https://knadmin.beoblood.kz/uploads/vokzal_1_416269dfd9.jpg" alt="вокзал 1.jpg"><img src="https://knadmin.beoblood.kz/uploads/vokzal_2_5dee726313.jpg" alt="вокзал 2.jpg"><img src="https://knadmin.beoblood.kz/uploads/vokzal_3_4b9ea7ea8e.jpg" alt="вокзал 3.jpg"><img src="https://knadmin.beoblood.kz/uploads/vokzal_4_56516263a3.jpg" alt="вокзал 4.jpg">

Теміржол вокзалына жөндеу жұмыстары жүргізілді

<a href="https://kyzylorda-news.kz/">Kyzylorda-news.kz</a> Республикалық референдумды ұйымдастыру және өткізу мәселелеріне қатысты 17-19 қыркүйек аралығында ҚР Орталық референдум комиссиясының мүшесі Асылбек Смағұлов Қызылорда облысына жұмыс сапарымен келді.Алдымен Асылбек Смағұлов Қызылорда қаласындағы учаскелік референдум комиссияларына арналған 3 күндік оқу-семинар процесін көріп, комиссия мүшелерімен пікірлесті.Арнайы тренерлер пулы жасақталған оқытуда референдум өткізудің құқықтық, құжаттамалық ұйымдастыру мәселелері, дауыс беруші азаматтар тізімімен жұмыс жүргізу, республикалық және халықаралық байқаушылар мен БАҚ өкілдерімен коммуникация орнату тақырыптары кеңінен түсіндірілді. Сондай-ақ, комиссия мүшелері дауыс беру күні жүзеге асатын рөлдік ойындар ойнап, практикалық кейстерді талдады.Көшпелі оқытуға қала және аудандағы аумақтық сайлау комиссиясының 56 мүшесі мен учаскелердегі 1692 комиссия мүшесі қамтылады. Қалған комиссия мүшелері каскад әдісімен оқытылады.Іссапар барысында ОРК мүшесі Орда скул мектебінде орналасқан №380 УРК және Ықсанов атындағы Қызылорда политехникалық колледжіндегі №222 УРК жұмысымен танысып, ғимараттардың жабдықталуын тексерді.Әрі қарай А.Смағұлов жедел әрекет ету орталығына барып, референдум уақытында іске қосылған онлайн сервистер мен 109 бірыңғай байланыс желісінің қызметін көрді.Мекеме директоры Темірхан Мұқанғали Қызылорда облысының әкімдігі облыс тұрғындары үшін <a href="https://referendum.orda.gov.kz/kk">referendum.orda.gov.kz</a> сайты ашылғанын жеткізді. Яғни тұрғындар аталған сайтқа кіру арқылы учаскелік референдум комиссиясының мекен-жайы, байланыс деректері және комиссия мүшелерінің құрамы туралы ақпаратты алады. Сондай-ақ, әрбір азамат яндекс карта арқылы өз учаскесіне баратын жолдың сызбасын да көреді.Бұл қызметтер «Smart Qyzylorda» мобильді қосымшасында және телеграм желісінде де бар.<blockquote>“109 бірыңғай байланыс қызметі республикалық референдум жарияланған уақыттан бері 24/7 жұмыс жасауда. Бізге күн сайын әртүрлі деңгейдегі сауалдар түседі.&nbsp; 4 ауысыммен жұмыс атқаратын 28 диспетчер сауалдарды қабылдап, оперативті түрде алгоритмге сай сұрақтарға жауап берді. Соңғы 5 күнде 60 қоңырау түсті. Азаматтар көбінесе өз учаскелерін табу, уақытша тіркеу мәселелеріне қатысты өзекті сауалдарын қойды”,-дейді Т.Мұқанғали.</blockquote>Әрі қарай А.Смағұлов Жастар ресурстық орталығында орналасқан 372 УРК-ге және аумақтық референдум комиссиясының ғимаратына барып, комиссия мүшелерімен кездесті.Жұмыс сапарының екінші күнінде ОРК мүшесі Сырдария, Жалағаш, Қармақшы аудандарында бірқатар учаскелерді аралап, референдумға дайындық барысын саралады.А.Айжарықұлы референдум процесі ашық әрі әрбір азаматқа қолжетімді болу керектігін, мүгедектігі бар дауыс берушілердің құқығын сақтау маңызды міндет екенін қаперге салды.Жұмыс сапарының соңында Асылбек Смағұлов облыс әкімі Нұрлыбек Нәлібаевпен кездесіп, маңызды саяси науқанға дайындық және оны өткізудің бірқатар мәселелері бағытында пікірлесті.Қызылорда облысының аумақтық референдум комиссиясы

ҚР Орталық референдум комиссиясының мүшесі А.Смағұлов Қызылорда өңіріне жұмыс сапарымен келді

<a href="https://kyzylorda-news.kz/">Kyzylorda-news.kz</a> Мұғалімге медициналық көмек көрсетілді.Павлодарда мұғалімге пышақ сұққан студент қамауға алынды, деп хабарлайды <a href="https://sn.kz/">Skifnews.kz</a> ақпарат порталы.Павлодар облыстық білім басқармасы оқу орнында тағы бір төтенше жағдай болғанын хабарлады.<blockquote>"18 қыркүйекте Павлодардағы колледждің 2007 жылғы студенті Павлов көшесіндегі үйдің ауласында мұғалімге пышақ жарақатын салған. Мұғалімге медициналық көмек көрсетілді, қазіргі уақытта оның жағдайы қанағаттанарлық", – деп хабарлады облыстық білім басқармасы.</blockquote>Колледж басшылығы төтенше жағдайға қатысты шара қолданылғанын айтты.<blockquote>"Осы факті бойынша тәртіп сақшылары ұсталды. Білім басқармасында қауіпсіздік мәселелері бойынша білім беру ұйымдарының басшыларымен кездесу өтті", – деп түсіндірді баспасөз қызметі.</blockquote>Фото: Pixabay

Павлодарда студент мұғалімді пышақтаған

<a href="https://kyzylorda-news.kz/">Kyzylorda-news.kz</a> Жалағаш ауданының құрылыс саласында қарымды істер көп. Қазірде “Бибігүл ана” дүкені &nbsp;түгел ауданды құрылыс заттарымен қамтамасыз етуде. Жарға жапсыратын түрлі түс қағаздар, желімдер, ұнтақтарды бір дүкеннен-ақ табуға болады. Бүгінде аядай ғана жерді ауқымды құрылыс дүкеніне айналдырып, татымды тірлік атқарып жатқан кәсіп иесі өнімдерін Қызылорда қаласына жөнелтіп жатыр. Алдағы уақытта Шымкент, Ақтөбе қалаларын қамту жоспаларында бар.<blockquote>–&nbsp;Құрылысы былтыр көктемде басталды. Қазірде кәсіпорыннан кафель желімдері, үйдің төбесі мен еденге пайдаланатын 6 түрлі өнім шығады. Құрылыс заттарын дайындауға 6 жұмысшы жұмылдырылған. Мемлекет тарапынан қайтарымсыз несие ұсынылып жатыр, осы зауытты салуға көп көмегі тиді. Қолдау бар. Өндіріс орындарын көптеп салу кәсіпкерге ғана емес аудан тұрғындары үшін де тиімді. Бағасы нарықтан арзанға түседі, сонымен бірге жұмыссыздықты азайтар еді. Ерінбей кәсіптің көзін зерттесең мемлекеттен қаржылық көмек ұсынып жатыр,– деді кәсіпкер.</blockquote><img src="https://knadmin.beoblood.kz/uploads/zhala_ashta_zhasal_an_2_7e1315b2d0.jpg" alt="жалағашта жасалған 2.jpg"><img src="https://knadmin.beoblood.kz/uploads/Zhala_ashta_zhasal_an_7428112126.jpg" alt="Жалағашта жасалған.jpg">

Жалағаш: Кәсіпкерлік көкжиегі кеңейіп келеді

<a href="https://kyzylorda-news.kz/">Kyzylorda-news.kz</a> И.Әбдікәрімов атындағы Қызылорда аграрлық техникалық жоғары колледжінде Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдауын түсіндіруге бағытталған кездесу болып өтті.&nbsp;Оған колледж ұстаздары қатысты. Кездесу барысында қалалық ақпараттық топ мүшесі, қоғамдық даму бөлімінің басшысы А.Қайруллаев Жолдаудың негізгі бағыттары туралы айтып, алдағы іске асырылатын жұмыстарға тоқталды.&nbsp;Кездесуге қатысқан ұстаздар Президент Жолдауын қолдайтындықтарын, ондағы міндеттерді орындауға атсалысатындықтарын жеткізді.

Колледж ұжымы Жолдау бастамаларын қолдайды

<a href="https://kyzylorda-news.kz/">Kyzylorda-news.kz</a> Астана соты бүлдіршінді көпқабатты тұрғын үйдің балконынан лақтырып жібермек болған ұлдардың ата-аналарына 36 920 теңгеден айыппұл салды, - деп хабарлайды <a href="https://massaget.kz/">Massaget.kz</a><blockquote>«Сот кәмелетке толмаған балалардың ата-аналарын балаларды тәрбиелеу жөніндегі міндеттерін орындамағаны, балаларын тұрмыста, қоғамдық орындарда айналасындағылардың өмірі мен денсаулығына қауіп төндіретін мінез-құлық ережелеріне үйретпегені үшін кінәлі деп танып, оларға 10 АЕК мөлшерінде айыппұл тағайындады», - деп хабарлады қалалық соттың баспасөз қызметі.&nbsp;</blockquote>Фото: Астана соты

Астанада қауіпті ойын ойнаған балалардың ата-аналары жазаланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданы, Тереңөзек кентінде мемлекет және қоғам қайраткері Елеу Көшербаевты еске алуға арналған волейболдан ХХV халықаралық турнирдің салтанатты ашылу рәсіміне қатысты. Іс-шараға ҚР Парламенті Мәжілісінің депутаты Мұрат Ергешбаев, Елеу Көшербаевтың ұрпақтары, мемлекет және қоғам қайраткерлері келді.Жарысқа Өзбекстаннан, Астана, Шымкент қалалары мен Ақтөбе, Алматы, Жамбыл, Түркістан, Шығыс Қазақстан және Қызылорда облыстарынан 25 команда қатысуда.Аймақ басшысы турнир қатысушыларына ізгі тілегін білдірді.<blockquote>«Президентіміз Қасым-Жомарт Кемелұлы Олимпиада ойындарының жүлдегерлерімен кездесуде: «Бұқаралық спортты дамыту арқылы біз кәсіби спортқа жол ашамыз және ең бастысы, ұлт саулығын жақсартамыз», – деген болатын.Мемлекет басшысының, Үкіметтің қолдауымен және кәсіпкерлердің демеушілігімен соңғы жылдары аймағымызда заманауи спорт нысандары көптеп бой көтеруде. Өткен жылы 13 спорт кешені салынып, бүгінде 9-ы ел игілігіне табысталды. Биыл 10 спорт кешенінің құрылысы басталды.Бұдан бөлек, халықаралық стандарттарға сай келетін 10 000 орындық Орталық стадион және жабық бассейні бар көпсалалы денешынықтыру-сауықтыру кешені салынуда. Үстел теннисі орталығының құрылысы аяқталды, жақында пайдалануға беріледі. Құрылысы жоспарланған «Қызылорда Арена» көпбейінді спорт кешенінде 2000 көрерменге арналған арена, олимпиадалық стандартқа сай келетін бассейн және 600 адамдық көрермен залы, жаттығу, конференц және хореография залдары болады. Қазақстан футбол федерациясының «ALAN» бағдарламасымен Ғани Мұратбаев атындағы стадионның қосалқы алаңы күрделі жөндеуден өткізілуде. Осылайша біз жастар мен жасөспірімдердің бос уақытын тиімді ұйымдастырып, спортпен шұғылдануына қолайлы орта қалыптастырудамыз. «Спорт – денсаулық кепілі» десек, нысандарды көпшілікке қолжетімді ету арқылы халық денсаулығын жақсарту біздің басты міндетіміз болып қала бермек», – деді Нұрлыбек Машбекұлы.</blockquote>Салтанатты ашылу рәсімінде мемлекет және қоғам қайраткері, Қызылорда облысының Құрметті азаматы Айтбай Көшербай мен Мәжіліс депутаты Мұрат Ергешбаев сөз сөйледі. Сондай-ақ, іс-шарада турнирді ұйымдастыруға атсалысқан спорт саласының қызметкерлері марапатталды.Е.Көшербаев Тереңөзек, Сырдария аудандық атқару комитеттерінің төрағасы, Қармақшы, Қазалы аудандық партия комитеттерінің бірінші хатшысы, облыстық атқару комитеті төрағасының орынбасары болған. Зейнетке шыққан соң да облыстық ардагерлер кеңесінің төрағасы ретінде игі істер атқарған.<img src="https://knadmin.beoblood.kz/uploads/turnir_1_aaebffff13.jpg" alt="турнир 1.jpg"><img src="https://knadmin.beoblood.kz/uploads/turnir_2_895de29e3b.jpg" alt="турнир 2.jpg"><img src="https://knadmin.beoblood.kz/uploads/turnir_3_aa057f4187.jpg" alt="турнир 3.jpg">Фото: Қызылорда облысы әкімінің баспасөз қызметі

Елеу Көшербаевты еске алуға арналған халықаралық турнир басталды

\<a href="https://kyzylorda-news.kz/">Kyzylorda-news.kz</a> Соңғы жылдары әлемнің көптеген дамыған елдеріндегі мемлекеттік органдарында қызметкерлердің ғимараттарға кіру және одан шығу уақыттарына бақылау жүргізу арнайы техникалық қондырғылардың көмегімен іске асырылып келеді.Аталған техникалық қондырғылар қызметкерлердің жұмыс орнына уақытылы келуін және жұмыс уақыты аяқталғаннан кейін уақытылы қайтуы бойынша автоматты түрде мәліметтерді тіркеп отырады.Осы ретте, мемлекеттік қызметшілердің артық жұмыс істеу фактілерін болдырмау және олардың құқықтарын сақтау мақсатын көздей отырып, Қазақстан Республикасының мемлекеттік қызмет істері агенттігінің бастамасымен мемлекеттік органдарға қолжетімділікті бақылау және басқару жүйелері орнатылды.Сонымен қатар, Агенттік Төрағасының 2023 жылғы 29 мамырдағы №121 бұйрығымен «Мемлекеттік органдардың жұмыс уақыты режимін сақтауына мониторинг жүргізу қағидалары»&nbsp;(бұдан әрі - Қағидалары)&nbsp;бекітілді.Аталған нормаға сәйкес Агенттік пен оның аумақтық бөлімшелеріне мемлекеттік органдарға бару арқылы жұмыс уақыты режимінің сақталуына мониторинг жүргізу белгіленген. Мониторинг жүргізудің мақсаты- мемлекеттік қызметшілерді үстеме жұмысқа тартудың алдын алу, икемді жұмыс уақыты режиміне, сондай-ақ қашықтықтан немесе аралас қашықтықтан жұмысқа&nbsp;тартуда тиісті талаптардың сақталуы. Жалпы үстеме жұмысқа тарту үшін біріншіден мемлекеттік қызметшінің жазбаша келісімі қажет және ол жұмыс берушінің актісімен рәсімделуі тиіс. Үстеме жұмыс уақыты айына 12 сағаттан аспауы керек. Үстеме жұмысқа жұмыс уақытынан тыс уақытта және демалыс пен мереке күндері тартылған мемлекеттік қызметшіге қосымша ақы төленеді немесе мемлекеттік қызметшінің қалауы бойынша оған басқа күні демалыс сағаттары беріледі.Жоғарыдағы Қағидалардың талаптарына және Департаменттің мемлекеттік органға бару арқылы жұмыс уақыты режимінің сақталуына мониторинг жүргізудің 2024 жылға арналған жұмыс жоспарына сәйкес бүгінгі күнге дейін 28 мемлекеттік органға бару арқылы жұмыс уақыты режимінің сақталуына мониторинг жүргізілді.Мониторингтің нәтижесімен 36 мемлекеттік қызметшінің бұзылған құқығы қалпына келтіріліп, барлығына мемлекеттік органдардың актілерімен демалыс сағаттары (36 сағат 00 минут) берілді.Бұдан бөлек, Департаментпен мемлекеттік органдарға бармай жұмыс уақыты режимінің сақталуы бойынша ақпараттық жүйелердегі мәліметтерге, мемлекеттік органдардың ұсынатын мәліметтеріне, қол жеткізуді бақылау және басқару жүйесінің (СКУД) деректері, бұқаралық ақпарат құралдары мен әлеуметтік желілердегі жарияланымдарға тұрақты түрде мониторинг жүргізіліп тұрады.СКУД жүйесі арқылы жергілікті атқарушы орган және орталық мемлекеттік органдардың аумақтық бөлімшелері мемлекеттік органдарымен барлығы 51 мемлекеттік қызметшілерге демалыс сағаттары (66 сағат 37 минут) берілген.2024 жылдың 3 тоқсанында Департамент жұмыс уақытынан тыс үстеме жұмыс жасаған 9 мемлекеттік қызметшіні анықтады.Былтырғы жылымен салыстырғанда, 2023 жылы жергілікті атқарушы органдардың мемлекеттік қызметшілері тарапынан 3 425 сағат, орталық мемлекеттік органдардың аумақтық бөлімшелерінің мемлекеттік қызметшілері тарапынан 1 370 сағат көлемінде негізгі жұмыс уақытынан тыс жұмыстар атқарылғаны анықталып, &nbsp;жұмыс уақытынан тыс істелетін жұмысқа, демалыс және мереке күндерiндегі жұмыстары үшін 237 мемлекеттік қызметшіге 214 күн көлемінде демалыс күндері (сағаттары) және 1&nbsp;394&nbsp;812 теңге көлемінде өтемақы берілді.Биылғы жылы, артық жұмыс жасау фактілеріне жүргізіліген мониторинг нәтижесімен 87 мемлекеттік қызметші анықталып, оларға 132 сағат көлемінде демалыс күндері (сағаттары) берілгенін ескерсек, мемлекеттік қызметшілер тарапынан артық жұмыс жасау фактілері біршама азайғанын байқауға болады.Жалпы, мемлекеттік қызметшілерді үстеме жұмысқа тартпас бұрын жұмыс берушілер әрбір мемлекеттік қызметшінің артында отбасы құндылықтарын сақтау, оның ішінде бала тәрбиесімен айналысу міндеттері тұрғанын ұмытпағандары жөн.Бұдан басқа, Департаментпен&nbsp;Агенттік төрағасының 2016 жылғы &nbsp; &nbsp; &nbsp; &nbsp; &nbsp;18 қарашадағы № 60 бұйрығымен бекітілген тәртіптік комиссияларының жұмысы туралы 1-ТК есептері негізінде тоқсан сайын мемлекеттік органдардың тәртіптік тәжірибесіне талдау жүргізіледі.Талдаумен бірқатар заң бұзушылықтар анықталып, олардың қорытындысы Қызылорда облысындағы Әдеп жөніндегі кеңестің отырысында қаралады.Атап айтсақ, Шиелі ауданы әкімінің атына берілген Шиелі ауданы прокурорының 2024 жылғы 2 сәуірдегі №2-1008-24-00579 ұсыныс хаты бойынша Шиелі кенті әкімінің және Шиелі ауданы әкімінің жауапты орынбасарының тәртіптік жауапкершіліктерін қарау ұсынылған.Алайда, Шиелі ауданы әкімдігінің басшылығымен ұсыныс хатта көрсетілген лауазымды тұлғалардың жауапкершіліктерін қараудың орнына Шиелі кенті әкімі аппаратының жетекші маманы А.Иманбековтің тәртіптік жауапкершілігі қаралып, оған ескерту түріндегі тәртіптік жаза қолданылған.Атап өту керек, прокуратура органының ұсынуында соңғы заң бұзушылық &nbsp;2023 жылдың 29 наурызында орын алғандығы көрсетілген.ҚР «Қазақстан Республикасының мемлекеттік қызметі туралы» Заңының 45-бабының 1-тармағына сәйкес тәртіптік жаза теріс қылық анықталған күннен бастап бір айдан кешіктірілмей қолданылады және оны теріс қылық жасалған күннен бастап алты айдан кешіктіріп қолдануға болмайды.Алайда, бұл талаптар сақталмай, А.Иманбековке қатысты тәртіптік жаза қолдану мерзімі өтіп кетсе де, оған негізсіз тәртіптік жаза қолданылған.Қызылорда облысындағы Әдеп жөніндегі кеңестің шешімімен А.Иманбековке қатысты қабылданған актінің күші жойылды.Жалпы, Әдеп жөніндегі кеңестің шешімі негізінде 6 мемлекеттік қызметшінің бұзылған құқықтары қалпына келтірілді.Н.Нуртаев,&nbsp;Қазақстан Республикасы Мемлекеттік қызмет істеріагенттігінің мемлекеттік қызмет саласындағыбақылау басқармасының басшысы&nbsp;Фото: qazdauiri.kz

Қазақстан және Қызылорда облысының жаңалықтары