<a href="https://kyzylorda-news.kz/">Kyzylorda-news.kz</a> &nbsp;Қыз бала аудандық ауруханадан облыстық ауруханаға жеткізілді.Солтүстік Қазақстан облысында әйел 11 жастағы қызын сабақ оқымағаны үшін пышақтады.Оқиға 16 қыркүйекте түнге қарай болған. Жалпы бұл отбасында 6 бала бар, сондай-ақ атасы және әжесі бірге тұрады, толыққанды отбасы.Динара Зәкиеваның айтуынша қызды сабақ оқымағаны үшін жазалаған.<blockquote>"Алдын ала болжам бойынша анасы 11 жастағы қызы сабағын оқымағаны үшін пышақтаған. Қыз бала аудандық ауруханадан облыстық ауруханаға жеткізілді. Жағдайы ауыр. Бұл дерек бойынша қылмыстық іс қозғалған. Комиссия құрылып, сараптама жүргізіле бастады. Бұл іс СҚО бойынша бала құқықтары жөніндегі уәкілдің жеке бақылауында", - дейді Зәкиева.</blockquote>СҚО-дағы бала құқықтары жөніндегі уәкілі Сәуле Сұрағанова отбасыға барғанын айтты.<blockquote>"Қазіргі уақытта жәбірленушіге медициналық көмек көрсетілді, жағдайы қанағаттанарлық. Қыз Петропавлдағы облыстық балалар ауруханасына жеткізілді. Қазір істің мән-жайы анықталып, тергеу жүргізілуде. Оқиғаға қатысты комиссия құрылды. Отбасына бардым", — деп жазды Сәуле Сұрағанова.</blockquote>Бала аудандық ауруханаға 17 қыркүйекте жеткізілген, ал кеше түнде облыстық балалар ауруханасына әкелінген.Қыздың шешесін балалардан аулақ ұстау туралы шешім қабылданған.<blockquote>"Балаға болашақта психологиялық көмек көрсетіледі. Білім басқармасы комиссия құрды. Кәмелетке толмағандардың істері және олардың құқықтарын қорғау жөніндегі комиссия, әкімдік ананы үйде отырған қалған балаларды тәрбиелеуден шеттету туралы шешім қабылдады", - дейді ҚР Білім министрлігінің балалардың құқықтарын қорғау комитеті.</blockquote>presumptuous

Қыздың жағдайы ауыр: Солтүстік Қазақстанда сабақ оқымаған қызды анасы пышақтап тастады

<a href="https://kyzylorda-news.kz/">Kyzylorda-news.kz</a> Әйелін өлтірді деген күдікке ілінген экс-министр Қуандық Бишімбаевтан моральдық өтемақы алынбаса ол мерзімінен бұрын бостандыққа шығып кетуі мүмкін, - деп хабарлайды <a href="https://massaget.kz/">Massaget.kz</a> тілшісі.Бұл туралы марқұм Салтанат Нүкенованың отбасының адвокаты Жанна Оразбахова хабарлады.&nbsp;<blockquote>"Мәселе ақшада емес. Бастысы – қылмыскерді мерзімінен бұрын шығып кету мүмкіндігінен айыру. Өтемақы сомасы көп болған сайын оның бостандыққа шығып кету мүмкіндігі де аз болады", - дейді адвокат.&nbsp;</blockquote>Астана соты Қуандық Бишімбаевқа қатысты түскен істі қарауға кіріскен. Осылайша, Салтанатттың ағасы Айтым Амангелді экс-министрден өтемақы өндіріп алмақ.&nbsp;Айта кетейік, 27 тамызда Айтбек Амангелді Қуандық Бишімбаевтан моральдық өтемақы талап еткені белгілі болды. Бұл туралы сот кабинетіндегі құжатта белгілі болды. Іс 2024 жылдың 2 тамызында басталған. Істі судья Досжан Жұмабаев қарайды.&nbsp;Еске салайық, 13 мамырда Қуандық Бишімбаевқа қатысты <a href="https://massaget.kz/basty-zhaalytar-438/107074/">сот ісі аяқталған</a> болатын. Сот Ұлттық экономиканың экс-министрі Қуандық Бишімбаевты жұбайын азаптағаны және өлтіргені үшін кінәлі деп тапты. Ол 24 жылға бас бостандығынан айырылды.Оның ағасы Бақытжан Байжанов қылмысты жасырғаны үшін кінәлі деп танылып, <a href="https://massaget.kz/basty-zhaalytar-438/107075/">4 жылға бас бостандығынан айырылды.</a>26 маусымда сот алқасы Бишімбаев пен Байжановтың апелляциялық шағымы бойынша шешім қабылдап, олардың үкімдерін<a href="https://massaget.kz/basty-zhaalytar-438/110418/"> өзгеріссіз қалдырды.</a>Ал 6 тамызда Қуандық Бишімбаев үкімді жеңілдету үшін күресін жалғастырып жатқаны белгілі болды. Бұл туралы ақпарат сот кабинетінде бар.Фото: Жоғарғы сот

Бишімбаев мерзімінен бұрын бостандыққа шығып кетуі мүмкін - адвокат

<a href="https://kyzylorda-news.kz/">Kyzylorda-news.kz</a> &nbsp;Ішкі істер вице-министрі&nbsp;Игорь Лепеха Қызылордада сыныптастары қорлаған оқушы қыздың ісіне қатысты тергеудің егжей-тегжейін айтып берді. Бұл туралы <a href="https://stan.kz/klientterdin-barin-tekseremiz-kizilordada-16-zhastagi-k-406517/">Stan.kz</a> ақпарат агенттігі хабарлайды.Вице-министрдің сөзінше, қазір бұл іске қатысты 13 айыпталушы ұсталды."Олардың екеуі үйқамаққа алынды. Қазіргі таңда бірқатар баптар бойынша қылмыстық іс қозғалды. Бұдан басқа ештеңе айта алмаймын. Себебі іске қатысты мәліметтер тергеушінің құзыретінде", – деді Лепеха.Оның айтуынша, 16 жастағы қызды жезөкшелікпен айналысуға мәжбүрлегендер&nbsp;мен зорлық-зомбылықты тікелей ұйымдастырғандар қамауға алынды.Алайда вице-министрі&nbsp;ұсталғандардың қаншасы&nbsp;кәмелеттік жасқа толмағандар екенін нақтыламады."Тергеу бұл мәселені қарап жатыр. &nbsp;Біз қызға клиент болған&nbsp;адамдардың барлығын тексереміз", –&nbsp;деді Лепеха.Фото: depositphotos.com

Қызылордада 16 жастағы қызды жезөкшелікпен айналысуға мәжбүрлеген 13 күдікті анықталды

<a href="https://kyzylorda-news.kz/">Kyzylorda-news.kz</a> АЭС салуды қолдау жөніндегі Қазалы аудандық Халықтық штабының ауыл тұрғындары, түрлі сала өкілдері және еңбек ұжымдарымен жоспарлы кездесулері жалғасып жатыр. Бүгін аудандық Халықтық штаб төрағасы Ғазиз Әліш және штаб мүшелері: Нұркен Ботабаев пен Роза Асанова Қазалы орман және жануарлар дүниесін қорғау жөніндегі мекеме қызметкерлерімен кездесті. Кездесуде АЭС құрылысы энергия тапшылығын жою үшін сенімді және экологиялық таза қуат көзі екендігі, еліміздің ұзақ мерзімді энергетикалық даму стратегиясындағы маңызды элемент бола алатындығы туралы айтылды. «Жыл сaйын элeктр қуaтын пaйдaлaну күннeн күнгe aртып кeлeді. Бұл көрсеткіш алдағы он жылда энергия тапшылығына алып келуі мүмкін. Осы бағыттағы мәселелерді шешу үшін қазірден бастап белгілі қадамдар жaсауымыз қажет. Сoндықтaн, oсы сaлaдaғы ғaлымдap, сарапшылар мен мамандар елімізде атом электр станциясын сaлудың қaжеттігін aйтып oтыp. Атом электр станциясын салу зaмaнның тaлабы. Aлпaуыт eлдep энeргияны осы дүниеден aлып, қoлдaнып oтыр. Oл біздің eлгe дe кeрeк », - дeді штаб төрағасы Ғазиз Әліш. АЭС-тің бой көтеруі нәтижесінде болашақта энергия көздерінен ешқандай кедергіге тап болмасымыз анық. Бұдан бөлек, жаңа жұмыс орындары құрылып, аймақтардың инфрақұрылымын дамытуға мүмкіндік аламыз. Бұл жайында кездесуге қатысқан штабтың басқа да мүшелері айтып өтті. Кездесу соңында мекеме қызметкерлері өз ойларын ортаға салып, болашақ үшін қажет деген пікір білдірді.

Еңбек ұжымына АЭС маңыздылығы түсіндірілді

<a href="https://kyzylorda-news.kz/">Kyzylorda-news.kz</a> &nbsp;ҚР Ғылым және жоғары білім вице-министрі Дархан Жұмаханұлы Қызылордаға іссапармен келіп, Қорқыт ата атындағы Қызылорда университетінде Сыр өңірі жұртшылығымен кездесті.&nbsp; Дархан Жұмаханұлы халықпен кездесуде 2024 жылдың І жартыжылдығында атқарылған жұмыстардың нәтижелерін таныстырып, алдағы жоспарларды баяндады.&nbsp; “Биыл мемлекеттік грант саны 93 952 құрап, шәкіртақы көлемі бакалавриат 20 пайызға, магистратура, докторантура бойынша 15 пайызға артты. Сонымен қатар, өзекті мәселелердің бірі жатақхана құрылысы кезең-кезеңімен шешімін табуда. Қазіргі таңда 10 576 орындық 27 жатақхананың құрылысы жүруде. Бұдан бөлек, елімізде 9 шетелдік жоғары оқу орнының филиалы ашылды”, - деді вице-министр. Дархан Жұмаханұлы еліміздегі жоғары&nbsp;білім&nbsp;мен&nbsp;ғылымды&nbsp;дамытудың 2023-2029 жылдарға арналған жұмыс жоспарына тоқталды. Атап айтсақ, жоғары&nbsp;және&nbsp;жоғары оқу орнынан&nbsp;кейінгі&nbsp;білім&nbsp;беру&nbsp;жүйесінің&nbsp;негізгі&nbsp;қорытындылары, педагогтарды&nbsp;даярлау,&nbsp;инженерлік&nbsp;білім&nbsp;берудің&nbsp;ұлттық&nbsp;моделі,&nbsp;студенттерді&nbsp;жатақханалардағы&nbsp;орындармен&nbsp;қамтамасыз&nbsp;ету,&nbsp;шетелдік&nbsp;жоғары&nbsp;оқу орындарының&nbsp;филиалдары,&nbsp;жастарды&nbsp;әлеуметтендіру&nbsp;және&nbsp;тәрбиелеу,&nbsp;үздіксіз&nbsp;білім&nbsp;беру&nbsp;жүйесін&nbsp;дамыту,&nbsp;әлемдік&nbsp;цифрлық&nbsp;кітапханалар&nbsp;мен&nbsp;платформаларғақолжетімділік, ғылымды&nbsp;әкімшілендірудің&nbsp;жаңа&nbsp;моделі, ғылыми&nbsp;әлеуетті&nbsp;арттыру,&nbsp;коммерцияландыру&nbsp;жобаларының&nbsp;нәтижелері,&nbsp;тіл&nbsp;саясатын&nbsp;дамытудың&nbsp;2023-2029 жылдарға&nbsp;арналған&nbsp;тұжырымдамасы. Кездесуден кейін жеке қабылдау ұйымдастырылды. Вице-министр ғылым мен жоғары білімге қатысты негізгі мәселелер бойынша өтініштер мен ұсыныстарды тыңдап, сұрақтарға жауап берді. Қазіргі таңда Қорқыт ата атындағы Қызылорда университетінде ғылыми-зерттеу жұмысынан түскен табыс 5 есе өсті. Оқу орнында 30 ғылыми жобаның 23-і &nbsp;Ғылым комитетінің гранттық қаржыландыруы аясында орындалуда. Университеттің 3 ғалымы мемлекеттік ғылыми стипендиялардың иегері атанып, 3 ғалым Ұлттық ғылыми кеңестің құрамына кірді. Сондай-ақ, "500 ғалым" жобасы аясында былтыр 13 оқытушы шетелде тағылымдамадан өтсе, биыл тағы 6 оқытушымыз &nbsp;шетелде ғылыми тәжірибе алмасуда. Үш жылдан бері жас ғалымдардың ғылыми ізденістерін қолдау мақсатында жалпы сомасы 10 млн.теңге құрайтын университеттің ішкі гранты бөлініп келеді. Ал биылдан бастап грант көлемі 20 миллионға көтерілді. Бұдан бөлек әлемдік мықты журналдарда жарияланымдары жарық көрген ғалымдар үшін материалдық қаржыландыру көздері қарастырылған.&nbsp; Айта кетейік, вице-министр Дархан Ахмед-Заки Қорқыт ата атындағы Қызылорда университетінде 20 қыркүйек күні "Қазатомөнеркәсіп "ҰАК" АҚ бірлескен ғылыми-техникалық хакатон өтетін айтты. Басқосудың негізгі мақсаты – ғылым нәтижелерін өндіріске жақындату.

Ғылым және жоғары білім вице-министрі  Дархан Ахмед-Заки Қызылордада халықпен кездесті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен «Ауыл аманаты» және «Артспорт»&nbsp;бағдарламаларының өңірде жүзеге асырылуы талқыланған мәжіліс өтті.Аймақ басшысы аталған бағдарламалар бойынша жұмысты күшейтуді тапсырды.<blockquote>«Ауыл аманаты» бағдарламасы біздің өңірде былтыр бастау алды. Өткен жылы республикалық бюджеттен 3 млрд. теңге қаржы бөлінсе, биыл 4 млрд. 600 млн. теңге қаралды. Қазіргі таңда нақты 1 млрд. теңге қаржы бөлінді. Қызылорда қаласы мен аудандарда 125 жобаны іске асыру жоспарланған, бүгінде 512 млн. теңгенің 68 жобасы қолдау тапқан. Аудандардан ұсынылған жоба өте көп. Бірақ, құжат қабылдау, портал жұмысының баяулығы жұмысқа кедергі келтіруде. Өткен жылы несие алған азаматтар салық және міндетті әлеуметтік төлемдерді дұрыс төлемеген. Бағдарламаны тиімді және мақсатты пайдаланып, ауыл халқының табысын арттыруда жоғары көрсеткіштерге қол жеткізуіміз қажет. Әрбір жоба және оны сүйемелдеу жұмыстарының барысы жеке-жеке сұралатын болады», – деді Нұрлыбек Машбекұлы.</blockquote>Жиында аудан әкімдері бағдарлама аясында атқарылған жұмыстар мен алдағы уақытта жоспарланған шараларды баяндады.Қызылорда қаласы мен аудан әкімдеріне облыстық ауыл шаруашылығы және жер қатынастары басқармасымен бірлесіп, өткен жылы несие алғандарға толыққанды талдау және мониторинг жасау тапсырылды. Анықталған ақпаратты басқармаға ұсынып, елді мекендердегі кәсіп бастаймын деген ынталы азаматтардың бағдарламаға қатысуын қамтамасыз ету, сүйемелдеу керек.Сондай-ақ, аталған басқарма «Байқоңыр» әлеуметтік-кәсіпкерлік корпорациясымен бірлесіп, «Ауыл аманаты» бағдарламасына қаралған қаражаттың тиімді әрі уақытылы игерілуін қамтамасыз етуі тиіс. Облыстық жұмыспен қамтуды үйлестіру және әлеуметтік бағдарламалар басқармасы несие иеленгендер арасынан атаулы әлеуметтік көмек алушыларды анықтап, отбасының цифрлық картасы негізінде міндетті әлеуметтік төлемдер және оның категориялары бөлінісіндегі ақпаратты ұсынуға жауапты. Ал облыстық денсаулық сақтау басқармасына міндетті әлеуметтік-медициналық сақтандыру қорына аударым жасаған несие алушыларға талдау жүргізу жөнінде тапсырма берілді.Мұнан бөлек, облыс әкімі «Артспорт» бағдарламасы аясында балалар мен жасөспірімдерге арналған cпорттық тапсырысты орындайтын кәсіпкерлер жұмысын әлі де зерделеу қажет екенін ескертті. Бюджеттің әрбір тиыны бақылауда болуы тиіс. Сондықтан мониторингтік топ жұмысын тұрақты түрде жалғастыру қажет.<img src="https://knadmin.beoblood.kz/uploads/oblys_kimi_1_fc3b95bc4a.jpg" alt="облыс әкімі 1.jpg"><img src="https://knadmin.beoblood.kz/uploads/oblys_kimi_2_06a4d22dd6.jpg" alt="облыс әкімі 2.jpg"><img src="https://knadmin.beoblood.kz/uploads/oblys_kimi_3_fabf0ff9ae.jpg" alt="облыс әкімі 3.jpg">Фото: Қызылорда облысы әкімінің баспасөз қызметі

 Н.Нәлібаев: Маңызды бағдарламаларды іркіліссіз іске асыру қажет

<a href="https://kyzylorda-news.kz/">Kyzylorda-news.kz</a> Шымкенттегі пәтерлердің бірінен үндістандық&nbsp;екі студенттің денесі табылды. Бұл туралы <a href="https://stan.kz/shimkenttegi-paterlerdin-birinen-undistandik-eki-studen-406492/">Stan.kz</a> ақпарат агенттігі хабарлайды.Қалалық төтенше жағдайлар департаменті ақпаратты растады.&nbsp;Екі жігіттің мәйіті 17 қыркүйек күні таңертең табылған.Әлеуметтік желідегі деректерге сүйенсек, Үндістаннан келген 21 және 22 жастағы екі жігіт&nbsp;Оңтүстік Қазақстан медицина академиясының 2-курсында оқыған. Олардың мәйіттері&nbsp;аталмыш университеттің басқа да студенттері тұратын пәтерден табылды.Төтенше жағдайлар департаментінің мәліметінше, шетелдіктердің өлімінің себебі әлі белгісіз, нақты ақпарат&nbsp;тек сот-медициналық сараптама қорытындысынан кейін ғана жарияланады.Газ қызметкерлерінің айтуынша, пәтерде газ иісі&nbsp;анықталмаған. Студенттердің мәйіттері пәтердің&nbsp;жатын бөлмесі мен дәлізінен анықталыпты.&nbsp;Фото:&nbsp;colodu.club

Пәтерлердің бірінен екі студенттің денесі табылды

<a href="https://kyzylorda-news.kz/">Kyzylorda-news.kz</a> Заңнаманың талаптарына сәйкес қазақстандықтар банктік қарыздар мен микрокредиттер алудан ерікті түрде бас тартуды орната алады не оны «электрондық үкіметтің» веб-порталы арқылы алу жиілігі мен мерзімдері бойынша шектеусіз, яғни шексіз уақытқа алып тастай алады.Қарыз алудан ерікті түрде бас тартуды қалай орнатуға болады және қызметтің бұл түрі азаматтарға қандай артықшылықтар беретіні жөнінде &nbsp;Fingramota.kz.еске салады.&nbsp;Қарыз беруге өздігінен тыйым салу («Стоп кредит»&nbsp;немесе «Банктік қарыздар, микрокредиттер алудан өз еркімен бас тарту») – бұл адамның банктер мен микроқаржы ұйымдарынан (МҚҰ) жаңа кредиттер алудан ерікті түрде бас тартуы. Мұндай бас тартуды тек қарыз алушының өзі eGov.kz. порталында және E-GOV mobile мобильдік қосымшасында орната алады. Сондай-ақ, пайдаланушы кез-келген уақытта кредиттер мен қарыздар алуға қойылған шектеулерді алып тастай алады.«Бірінші кредиттік бюро» АҚ деректеріне сәйкес бүгінгі күні 596 808 азамат кредиттер мен микроқарыздар ресімдеу бойынша тыйым салу орнатуға өз бетінше өтінім берді.«Стоп кредит» қызметінің артықшылықтары&nbsp;Бұл опция қолданылған кезде қарыз алушының кредиттік тарихында оның кредит алудан уақытша бас тартуға шешім қабылдағаны жөнінде белгі пайда болады. Кредиттік ұйым кредиттік бюролардан деректерді сұрата отырып, мұндай шектеу белгісін көреді және автоматты түрде клиентке қарыз бермеу туралы шешім қабылдайды.Сондай-ақ, 2024 жылғы 1 қыркүйектен бастап қарыз алушының кредиттік тарихында кредиттерден ерікті түрде бас тарту туралы ақпарат болған жағдайда, банктер мен МҚҰ-ның кредит бойынша берешекті есептен шығару міндеті бойынша заңнамалық түзетулер қолданысқа енгізілді. Яғни, егер азамат кредит алудан ерікті түрде бас тарту қызметін пайдаланатын болса, бірақ осы кезеңде оған кредит заңсыз ресімделген болса, онда кредитор банк немесе МҚҰ кредит және микрокредит бойынша берешекті есептен шығаруға міндетті болады.Назар аударыңыз!&nbsp;Кредиттен ерікті түрде бас тарту орнатылған жағдайда оның кредиттік тарихта болуын мезгіл-мезгіл тексеріп отыру ұсынылады. Егер осы сервисті орнату кезеңінде Сіздің атыңызға кредит ресімделсе, онда банк немесе МҚҰ оны есептен шығаруға міндетті.«Стоп кредит» қызметін қалай пайдалануға болады&nbsp;«Банктік қарыздар, микрокредиттер алудан ерікті түрде бас тарту» кредиттік алаяқтардан қорғау болып табылады және е-GOV mobile қосымшасында және egov.kz сайтында қолжетімді. &nbsp;Қызметті смартфон арқылы пайдалану үшін мыналарды орындау қажет:- eGov.kz порталына кіру және «Кеден және салықтар» бөліміне өту;- тізімнен «Экономика және қаржы» бөлімін таңдау, «Банктік қарыздар, микрокредиттер алудан ерікті түрде бас тарту» қызметін таңдау;- қажетті жолдарды толтырып, ЭЦҚ-ның көмегімен өтінімге қол қою;- қызмет нәтижесімен Жеке кабинетте танысуға болады.Сондай-ақ, бұл қызметті компьютер арқылы қосуға болады:логин мен парольді пайдалана отырып ЭЦҚ-ның көмегімен egov.kz сайтына кіріңіз; сайттың басты бетінде «Сервистер» - «Банктік қарыздарды, микрокредиттерді алудан мерзіммен ерікті түрде бас тарту» – «Қызметке онлайн тапсырыс беру» бөлімін таңдаңыз; барлық міндетті жолдарды толтырыңыз және ЭЦҚ арқылы өтінімге қол қойыңыз. Бұрын белгіленген шектеулерді алып тастау үшін пайдаланушыға мыналарды орындау қажет:- «Банктік қарыздар, микрокредиттер алудан ерікті түрде бас тарту» қызметін таңдау;&nbsp;- «Жазылудан бас тартқыңыз келе ме?» деген сұраққа «Иә» деп жауап беріңіз және қол қоюдың қолжетімді әдістерінің бірімен өтінімге қол қойыңыз.Цифрлық қауіпсіздіктің негізгі ережелерін сақтаңыз!Кредит алаяқтары әлеуметтік инженерия мен ІТ-технологияның заманауи тәсілдерін пайдалана отырып, үнемі банктер, микроқаржы ұйымдары клиенттерінің дербес деректеріне қол жеткізуге тырысады. Сондықтан әрқашан цифрлық гигиенаны, оның ішінде ЭЦҚ пайдаланған кезде негізгі қауіпсіздік ережелерін сақтаңыз:ЭЦҚ-ны үшінші тұлғаларға бермеңіз. Ешбір жағдайда бөтен адамдарға рұқсат беруге болмайды, өйткені ЭЦҚ-ның көмегімен олар құжаттарға қол қоя алады.&nbsp;Қойылған қолдың сіздікі емес екенін дәлелдеу мүмкін болмайды. ЭЦҚ-ны мессенджерлер арқылы, әсіресе топтық чаттарда жібермеңіз, өйткені оны топтың кез келген қатысушысы жүктеп, пайдалана алады. ЭЦҚ-мен байланысты барлық рәсімдерді өзіңіз жүргізуге тырысыңыз. Компьютерді вирустардан қорғаңыз. Егер сіз ЭЦҚ-ны компьютерде сақтайтын болсаңыз, онда лицензиясы бар, вирусқа қарсы сапалы &nbsp;бағдарлама орнату арқылы оны қорғауға көңіл бөліңіз және оны тұрақты түрде жаңартып отырыңыз. Сондай-ақ белгісіз мекенжайлардан келген электрондық хаттарды ашпаңыз және күдікті сілтемелерге кірмеңіз. Олар шпиондық бағдарламалар болуы мүмкін, олардың пайдаланушылары сіздің компьютеріңіздегі барлық деректерге қашықтан қол жеткізе алады. ЭЦҚ салынған файлдың атауы ретінде құпиясөзді пайдаланбаңыз. Кейбір азаматтар ЭЦҚ-ның құпиясөзін ұмытып қалмау үшін қолтаңба салынған &nbsp;папканы немесе файлдың өзін құпия комбинациямен атауы мүмкін. Олай істеген жағдайда сіз алақтардың жұмысын жеңілдетіп, олар ЭЦҚ-ға оңай қол жеткізе алады. ЭЦҚ-ны бөгде адамдар арқылы ресімдемеңіз. ЭЦҚ-ны алу үшін ХҚКО-ға жүгініңіз немесе eGov mobile-ды қолданыңыз, егер сұрақтар болса, 1414 колл-орталығына қоңырау соғыңыз. Қолтаңбаны тез әрі еш қиындықсыз ресімдеу туралы ешкімнің уәдесіне сенбеңіз, өйткені алаяқтар «дәлел үшін» ЖСН-ды, банк картасының деректемелерін, тіпті пин-кодты да сұратудан тайынбайды. &nbsp;&nbsp; Смартфоныңызға тексеруден өтпеген қосымшаларды жазудан бойыңызды аулақ ұстаңыз. Сіздің ЭЦҚ-ңыз eGov mobile-да сақтаулы болса, алаяқтар телефоныңызға қол жеткізген жағдайда сізді онда орнатылған пин-код та қорғай алмайды. Бұл үшін шпиондық бағдарламаны жүктеп алу жеткілікті. Өз смартфоныңызға барынша аз қосымша орнатып отыруға тырысыңыз – ең сенімдісі осы. Тіпті жеткізу қосымшалары да экранға жазып алумен «ұсталған» жағдайлар болды.&nbsp; Егер компанияның ЭЦҚ-сына қолжетімділігі бар қызметкер жұмыстан шыққан жағдайда, қол қою сертификаттарын уақтылы қайтарып алыңыз. Бұл тармақ бизнес иелеріне қатысты – экс-қызметкер компанияның шотынан ақша шешіп алуы, тіпті оны жабуы мүмкін.&nbsp; Егер сіз компьютерде немесе флешкада сақтайтын ЭЦҚ-ны жоғалтып алған болсаңыз, оны дереу қайта шығарыңыз. &nbsp;Фото: fingramota.kz

Жарты миллионнан астам азамат кредиттен өз еркімен бас тартты  

<a href="https://kyzylorda-news.kz/">Kyzylorda-news.kz</a> Қала күні мерекесі аясында "Ғалам мен қалам" поэтикалық дуэль жобасы өтті.&nbsp; Қала күні мерекесінің көрігін қыздырған кезекті тағылымды кеш қайта жаңғыртудан өткен орталық алаңда өтті. Республикаға танымал жас ақындар арасындағы "Ғалам мен қалам" поэтикалық дуэль жобасына еліміздің түкпір-түкпірінен іріктелген 9 ақын қатысты. Қала тұрғындарына ғажайып кеш сыйласақ деп жиылған ақындардың қадамына сәттілік тілеген қала әкімінің орынбасары Дархан Тұрсынбаев «Сырдария жағалауындағы шырайлы шаһардың өткені мен бүгіні тарихта алтын әріптермен тасқа басылған. Бұл ретте «көшесінде жүріп сағынатын» ғажап қаланың жылнамасын жырмен жазып жүрген Сіздердің орындарыңыз бір төбе» деді. Содан соң қаламыздың мәдени-рухани тынысына дем беріп жүрген бір топ зиялы қауым өкілдеріне қала әкімінің алғыс хаттары мен естелік сыйлықтарын табыс етіп, биыл 80 жасқа толған балалар ақыны, педагогика ғылымдарының докторы Рахат Наурызбаеваға арнайы құрмет көрсетті. Ерекше айта кеткен жөн, жас та болса бас болып, әрқайсысы бір елдің сөзін айтып жүрген жас ақындар додасына Ақтөбе қаласынан Дәурен Тілеухан, Шымкент қаласынан Арайлым Мұратәлиева, Елорда мен Алатау бөктерінен Мөлдір Айтбай, Дина Бөкебай сынды ақындардың келуі бүгінгі кештің маңызын арттырды. Қазақстан жазушылар одағының Қызылорда облысындағы өкілі Қаршыға Есімсейітова, Елубай Әуезов, Ғазиза Әбілда төрелік еткен поэтикалық дуэльдің бірінші кезеңінде ақындар Қызылорда қаласы туралы жазған жырларын оқыса, екінші айналымға өткен 8 ақын өзара жұптасып сарындас, үндес өлеңдерімен шын мықтыны анықтады. Нәтижесінде қызылордалық Аружан Оралбай Сыр елінде алғаш рет өткізілген поэтикалық дуэль жобасының жеңімпазы атанып, 300 мың теңгелік сертификатпен марапатталды. Басқа қатысушылардың барлығы 50 мың теңге ақшалай сыйлық және қала әкімінің алғыс хатын иеленді.<img src="https://knadmin.beoblood.kz/uploads/Aruzhan_1_3bb89c15b5.jpg" alt="Аружан 1.jpg"><img src="https://knadmin.beoblood.kz/uploads/Aruzhan_3_0dbdaa8c44.jpg" alt="Аружан 3.jpg"><img src="https://knadmin.beoblood.kz/uploads/Aruzhan_2_7fac3ac9be.jpg" alt="Аружан 2.jpg"><img src="https://knadmin.beoblood.kz/uploads/Aruzhan_b392e37439.jpg" alt="Аружан.jpg">

Әріптесіміз Аружан Оралбай топ жарды

<a href="https://kyzylorda-news.kz/">Kyzylorda-news.kz</a> Санаулы күн бұрын V Дүниежүзілік көшпенділер ойындары да өз мәресіне жетті. Әлемнің 85-тен астам елінен 2 000-ға жуық спортшы қатысқан дүбірлі додада Қазақстан құрамасы жалпы нәтиже бойынша 43 алтын, 34 күміс, 37 қола медальмен көш бастады.Ұлттық құраманың сапында болып, ел намысын жоғарғы деңгейде қорғаған жерлестеріміз Өңірлік коммуникациялар қызметінің ақпарат алаңында қонақ болып, БАҚ өкілдеріне сұхбат берді.<blockquote>– V Дүниежүзілік көшпенділер ойындарында тоғызқұмалақ бойынша 40-қа жуық мемлекеттен спортшылар бақ сынады. Бұл сайыс біздің елімізде өтіп жатқандықтан мен үшін жауапкершілік жүгі екі есе ауыр болды. Әрбір адам жарысқа қатысарда басты жүлдеден үмітті болады ғой. Сол сияқты менде де жеңіске жетсем екен деген арман болды. Тақта үстіндегі сайыста сегіз ойын өткіздім. Барлығында да жеңіске жетіп, жалпы есепте 8 ұпай жинап жекелей сында да, жалпыкомандалық есепте де жеңімпаз болып, алтыннан алқа тақтым. Ендігі мақсатым, қараша айында Түркия елінде өтетін Әлем чемпионатында да осы жеңісімді қайталасам деймін. Осы орайды пайдаланып әлеуметтік желі арқылы маған қолдау білдірген барша жанкүйерлеріме, жерлестеріме алғысымды айтамын, – деді V Дүниежүзілік көшпенділер ойындарының жеңімпазы Бексұлтан Бостандықов.</blockquote>Көшпенділер ойындарының бағдарламасына енген спорт түрлерінен облысымыз бойынша 4 спортшы Ұлттық құрама командаға шақырту алып, жарыстарға қатысты.<blockquote>– Спортпен айналысып жүргеніме 12 жыл уақыты болды. Осы жылдар аралығында көптеген байрақты бәсекелерде өнер көрсеттім. Бірақ осы көшпенділер ойынының алар орны ерекше болды. Олай деуімізге себеп көп. Әлемнің 89 мемлекетінен спортшылар келді. Олармен лайықты бәсеке көрсетуге біз де дайын болдық. Жауапкершілікті сезіне алдық. Жарысқа қай спортшы болсын, жеңіс үшін барады. Қоланы қанағат тұттық. Алдағы уақытта да елдің абыройын асқақтатып, туымызды биіктен желбіреткім келеді. Қолдаған жерлестеріме шынайы алғысымды білдіремін, – деді V Дүниежүзілік көшпенділер ойындарының жүлдегері Назерке Әбілтаева.</blockquote>Ат спортын ел арасында насихаттап жүрген спортшыларымыздың қатарында көкбөрі жарысынан Ұлттық құрамада өнер көрсеткен Нұрлыбек Асқаров та бар.<blockquote>– Жарыстың оңайға соқпайтынын алдын-ала білдік. Тыңғылықты дайындалдық. Мен қырғыздардың ұлттық ойыны көкбөрі деп аталатын спорт түрінен сынға түстім. Алтыннан дәмелі едік. Дегенмен, көпшілік көз тіккен спорт додасында күмісті олжаладық. Финалда қырғыз ағайындармен болған ойын өте қиын әрі қызық болды. Елдің намысын абыроймен қорғай алдық деп ойлаймын, – деді V Дүниежүзілік көшпенділер ойындарының жүлдегері Нұрлыбек Асқаров.</blockquote>Фото: Өңірлік коммуникациялар қызметі

Жеңіс тұғырынан көрінген жерлестер

<a href="https://kyzylorda-news.kz/">Kyzylorda-news.kz</a> Биылғы жылы аса қауіпті жұқпалы аурулардың алдын алу бойынша және эпизоотиялық тұрақтылықты сақтау мақсатында аса қауіпті 14 түрлі жұқпалы ауруға республикалық бюджет есебінен 7468,5 мың доза ветеринариялық препараттар қаралды.Облысқа бөлінген 7123,2 мың доза ветеринариялық препараттар аудандарға таратылды. 9 айлық жоспарға сәйкес 5726,9 мың доза препараттың 4987,4 мың дозасы алдын ала егіліп, жұмыстың 87 пайызы орындалды.Салада атқарылып жатқан ауқымды істерді облыстық ветеринария басқармасының басшысы Шахмардан Қойшыбаев айтып берді.<blockquote>– Өңірімізде сапалы жүргізілген жұмыстардың нәтижесінде дүниежүзілік жануарлар денсаулығы ұйымы арқылы облысымызға аусыл ауруынан таза аймақ мәртебесі берілді. Бұл өңіріміздің экспорттық әлеуетін арттыруға мол септігін тигізеді. Сондай-ақ ауыл шаруашылығы жануарларын бірдейлендіру жұмыстары тұрақты түрде жүргізіліп, ақпараттық жүйеге енгізілді. 1 қыркүйекке дейін ақпараттық жүйеге 1567,6 мың бас ауыл шаруашылығы жануарлары тіркелді. Ветеринария саласына аймақ басшысының да қолдауы ерекше. Биылғы жылдан бастап алғаш рет 10 шілде «Ветеринария қызметкерлері күні» болып белгіленді. Аймақ басшысының қатысуымен іс-шара өткізіліп, саланың ардагерлері мен үздік қызметкерлері марапат мінберінен көрінді. Сонымен қатар, биыл облыстық бюджеттен 26 арнайы автокөлік сатып алынып, ветеринария ұйымдарына берілді, – деді Шахмардан Қойшыбаев.</blockquote><figure class="image"><img src="https://knadmin.beoblood.kz/uploads/Oblysta_Epizootikaly_ahual_t_ra_ty_11380a21c6.jpg" alt="Облыста Эпизоотикалық ахуал тұрақты.jpg"></figure>Фото: Өңірлік коммуникациялар қызметі

Облыста Эпизоотикалық ахуал тұрақты

<a href="https://kyzylorda-news.kz/">Kyzylorda-news.kz</a> Түркістан облысы, Келес ауданында анасы мен қызы&nbsp;айуандықпен өлтірілген ауыл тұрғындары күдіктінің туыстарының аймақтан кетуін талап етіп, бас көтерді. Бұл туралы <a href="https://stan.kz/ush-balasi-men-zhukti-ayeli-bar-turkistan-oblisinda-ana-406482/">Stan.kz </a>ақпарат агенттігі хабарлайды.Тұрғындармен қоса&nbsp;ауыл әкімінен бастап, тәртіп сақшылары 30 жастағы ер адамның үйіне барған. Күдіктінің жақындары&nbsp;"ауылдан көшіңдер" деген тұрғындар талабына үш апта уақыт беруді сұраған.<blockquote>"Марқұмның жақындары да, күдіктінің туыстары да осы аядай ауылда тұрады.&nbsp;Ертелі-кеш бір-бірін көруі мүмкін. Ер азаматтар арасында кек алу мақсатында қантөгіс болмасына кепілдік жоқ. Сондықтан қамаудағы адамның жақындары бұл ауылдан көшсін деп&nbsp;талап еттік", – деді марқұмның туыстары.</blockquote>Ақырында күдіктінің отбасы үш апта ішінде ауылдан көшіп кетуге уәде берген.Одан бөлек азаппен ажал құшқан Зарипа Нарымбетова мен Нұрила Тоғанбайдың жақындары полицейден қысым көрдік деп араша сұрап жатыр. Марқұм 45 жастағы келіншектің артында қалған қос қызын аудандық полиция бастығы шақырып алып, ақпарат жариялағаны үшін айыппұл салып&nbsp;немесе қамауға алатынын айтып,&nbsp;қорқытқан. &nbsp;<blockquote>"Келес аудандық полиция басқармасының бастығы өз кабинетіне кіргізіп, сіздер неге әлеуметтік жағдайларға ақпарат таратасыңдар?&nbsp;Бүкіл жазған, шығарған сөздеріңіздің бәрін өшіріңіздер. Өшірмесеңіздер сіздерге 600 мың теңге айыппұл&nbsp;саламын. Болмаса 15 тәулікке қамауға да құқығым бар деп қысым көрсеткен", –&nbsp;дейді Ержан Байболатов.</blockquote>

Қазақстан және Қызылорда облысының жаңалықтары