<a href="https://kyzylorda-news.kz/">Kyzylorda-news.kz.</a> Осы жылдың тамыз айына жоспарланған Токиода өтетін жазғы Олимпиада бір-екі жылға кейінге шегерілуі мүмкін.
Бұл туралы Wall Streat Journal газетіне жапондық ұйымдастыру комитетінің мүшесі Харуюки Такахаши айтты, деп хабарлайды&nbsp;<a href="https://24.kz/kz/zha-aly-tar/sport/item/379752-tokio-olimpiadasy-koronavirus-a-bajlanysty-eki-sh-zhyl-a-kejinge-aldyryluy-m-mkin">«Хабар 24»</a>.
<blockquote>
 «Олимпиаданы мүлде өткізбей тастау мүмкін емес деп ойлаймын, тек уақытын ауыстыруға болады», – деді Такахаши.
</blockquote>
Оның айтуынша, Олимпиаданы ауыстыру алдағы жылға басқа спорттық іс-шаралардың уақыты белгіленіп қоюына байланысты қиындықтар тудыруы мүмкін. Сондықтан 2 жылға кейінге қалдыру жеңілірек болмақ.

Токио Олимпиадасы коронавирусқа байланысты екі-үш жылға кейінге қалдырылуы мүмкін

<a href="https://kyzylorda-news.kz/">Kyzylorda-news.kz.</a> Мамандар қолды жиі жуу зиянды болуы мүмкін екенін айтты, деп хабарлайды <a href="https://sputniknews.kz/society/20200311/13038453/mamandar-sabyn-qauip.html">Sputnik Қазақстан.</a>
Аллерголог-иммунолог Алексей Бессмертный тұмау маусымы кезінде қолды жиі жуу қажеттілік екенін жеткізді. Алайда арнайы гигиеналық құралды тым жиі қолданудың кері әсері болуы мүмкін.
Мамандар сабынды күніне сегіз реттен артық қолданбауға кеңес берді
<blockquote>
 “Жуынуға арналған құралдарды күніне алты-сегіз реттен артық қолдану зиян. Өйткені бұл ағзаны инфекциялардан қорғайтын тері қабатын жояды. Бұған қоса, тері бұзылады”, – деді Бессмертный.
</blockquote>
Арнайы құралдар көмектесе ме?
Мамандар антисептикалық гель мен спрейдің айтарлықтай пайдасы жоқ екенін айтып отыр.&nbsp;
Дәрігер америкалық педиатрия академиясының зерттеуін мысалға келтірді. Зерттеу қорытындысына сәйкес, антисептиктер дымқыл майлық сияқты қолдың кірін кетірмей, керісінше, езіп қояды.
Қолды қалай жуу керек
Қол таза болуы үшін дәрігерлер сабынды күніне сегіз реттен артық қолданбауға кеңес берді. Сондай-ақ, сабын қолданғаннан гөрі таза сумен шайған жөн. Бұл терінің қорғаныс қабатын сақтауға мүмкіндік береді.

Қолды жиі жуу денсаулыққа зиян &#8211; дәрігер

<a href="https://kyzylorda-news.kz/">Kyzylorda-news.kz.</a> Парламент Мәжілісінің жалпы отырысында&nbsp; “Ардагерлер туралы” заң жобасын жұмысқа алу туралы қаулы қабылданды.
<blockquote>
 «Аталған заң жобасы отан алдындағы әскери әрі азаматтық борышын атқарған Қазақстан ардагерлері мен азаматтарының құқықтары мен әлеуметтік мүдделерін қорғау саласындағы мәселелерді реттеуге бағытталған. Осы заң жобасы ардагерлердің 5 әлеуметтік қорғалатын санаты мәртебесін белгілеуді көздейді», – деді Мәжілістің әлеуметтік-мәдени даму комитетінің төрайымы Гүлшара Әбдіқалықова.&nbsp;
</blockquote>
Оның айтуынша, бұл заң жобасында ҰОС ардагерлерінің және жеңілдіктер мен кепілдіктер бойынша соғыс ардагерлеріне теңестірілген тұлғалардың мәртебесін белгілеу ұсынылып отыр.
<blockquote>
 «Одан бөлек, басқа мемлекеттердің аумағында жауынгерлік қимылдар атқарған ардагерлерді, Қазақстан Республикасының бейбітшілік пен қауіпсіздікті сақтау жөніндегі халықаралық міндеттемелерін орындаған әскери қызметшілерді оларға жатқыза отырып, жеке санатына бөлу ұсынылады»,- дейді депутат.
</blockquote>
Оның айтуынша, бұл заң жобасында ардагерлер үшін әлеуметтік қолдаудың бірқатар шараларын белгілеу қарастырылады. Комитет заң жобасын жұмысқа алуға әрі ол бойынша қорытындыны 2020 жылдың 24 маусымына дейін ұсынуға дайын екен.
«Ардагерлер үшін бірқатар әлеуметтік және құқықтық кепілдемелер бар. Социалистік еңбек ерлеріне, Еңбек даңқы орденінің кавалерлерінің үш санат бойынша әлеуметтік жәрдемашы 38,63 АЕК-ке дейін (2020 жылы 102 мың теңге – ескерту) ұлғаюы мүмкін. Басша мемлекеттердің аумағында соғысқан ардагерлері үшін арнайы мемлекеттік жәрдемақы тағайындалады. Оның көлемі – 6,19 АЕК (2020 жылы 64 мың теңге – ескерту) болмақ», – дейді Әбдіқалықова.
Айта кетейік, қазіргі уақытта Социалистік еңбек ерлеріне, үш дәрежелі Еңбек даңқы орденінің кавелерлеріне 9,6 АЕК мөлшерінде жәрдемақы төленеді. Басқа елдердегі соғыс ардагерлеріне берілетін жәрдемақы 4,59 АЕК құрайды.
<a href="https://baq.kz/news/othernews/so-ys-zh-ne-e-bek-ardagerlerini-zh-rdema-ysy-sedi/">BAQ.KZ</a>

Соғыс және еңбек ардагерлерінің жәрдемақысы өседі

<a href="https://kyzylorda-news.kz/">Kyzylorda-news.kz.</a> Шиелі ауданында желтоқсан айында іске қосылған жаңа 50 мегаваттық «Байқоңыр» күн электр станциясы өзіндік электр энергиясы түнгі уақыт пен күн сәулесінің болмауына байланысты апаттық жағдайда сөндірілді.
Бұл ретте электр энергиясы ұлттық электр желісіне берілетін 220/20 кВ “Байқоңыр” жоғарылататын қосалқы станциясы, 220 кВ секциялық ажыратқышы, 220/20 кВ “Байқоңыр” және 220 кВ “РУ-6” қосалқы станциялары арасындағы 220 кВ Л-2599 электр беру желісі күн электр станциясы өндіретін 10 МВт – тан астам электр энергиясын ұлттық электр желісіне беруін толығымен тоқтатты. “Байқоңыр Солар” электр станциясының және “КЕГОК” АҚ 220 кВ ұлттық электр желілерінің жұмысындағы технологиялық бұзушылықтарды жою шаралары жүргізілді.
“Байқоңыр” қосалқы станциясында 220 кВ секциялық ажыратқыш және 220/20 кВ “Байқоңыр” және 220 кВ “РУ-6” қосалқы станциялары арасындағы 220 кВ Л-2599 электр беру желісі өзіндік электр энергиясы өндірілмегенінен түнгі уақыт пен күн сәулесінің болмауына байланысты қайта авариялық түрде сөндірілді. Осылайша күн электр станциясы толық токтан ажыратылды. “Байқоңыр Солар” электр станциясының және “КЕГОК” АҚ 220 кВ ұлттық электр желілерінің жұмысындағы технологиялық бұзушылықтарды жою шаралары жүргізілді.
Атомдық және энергетикалық қадағалау мен бақылау комитетінің
&nbsp;Қызылорда облысы бойынша аумақтық департаменті

Байқоңыр күн электр станциясы апаттық жағдайда ажыратылды

<a href="https://kyzylorda-news.kz/">Kyzylorda-news.kz.</a> Қызылорда облысында 13-14 наурыз күндері сағат 09:00-19:00 аралығында «Жолда қабылдау» және «Аулада қабылдау» акциясы өтеді.
Облыстық полиция департаменті баспасөз қызметі акцияны өткізу орындарын жариялады.
Естеріңізге саламыз, облыстық Cаll центр телефон желісі 8-7282-30-45-51.
«Жолда қабылдау» акциясын өткізу орындары
Қызылорда қаласы
«Самара 1» стационарлы полиция пункті, мекен-жайы: Қызылорда қаласы, Әуелбеков – Толыбеков көшелерінің қиылысы.
«Самара 3» стационарлы полиция пункті, мекен-жайы: Қызылорда қаласы, Тоқтыбаева – Әйтеке би көшелерінің қиылысы.
Арал ауданы
Арал АПб-нің фронт–офисі, мекен-жайы: Арал қаласы, Бақтыбай батыр көшесі №29 үй.
Қазалы ауданы
Қазалы АПб-нің фронт-офисі, мекен-жайы: Әйтеке би кенті, Әйтеке би – Прімов көшелерінің қиылысы.
Қармақшы ауданы
Қармақшы аудандық халыққа қызмет көрсету орталығы, мекен-жайы: Жосалы ауылы, Абай көшесі, №100 А үйі.
Жалағаш ауданы
Жалағаш аудандық халыққа қызмет көрсету орталығы, мекен-жайы: Жалағаш ауылы, Қазыбек би көшесі, №44 үй.
Сырдария ауданы
Сырдария АПб-нің фронт-офисі, мекен-жайы: Тереңөзек ауылы, Аманкелді көшесі, №47 үй.
Шиелі ауданы
№1 УПП, мекен-жайы: Шиелі ауылы, Жахаев көшесі №25/13 үй.
Жаңақорған ауданы
«Нұр Асыл» сауда үйі, мекен-жайы: Жаңақорған ауылы, А.Иманов көшесі, нөмірсіз үй.
«Аулада қабылдау» акциясын өткізу орындары
Қызылорда қаласы
&nbsp;&nbsp;&nbsp;&nbsp;&nbsp; 1. УПП №1 – Қызылорда қ., Сүлейменов к-сі №58 үй
&nbsp;&nbsp;&nbsp;&nbsp;&nbsp; 2. УПП №2 – Қызылорда қ., Усербаев к-сі, нөмірсіз үй
&nbsp;&nbsp;&nbsp;&nbsp;&nbsp; 3. УПП №3 – Қызылорда қ., №3 іріленд. Квартал, 3/50 үй&nbsp;
&nbsp;&nbsp;&nbsp;&nbsp;&nbsp; 4. УПП №4 – Қызылорда қ., Мерей м/а, №18 Б үй
&nbsp;&nbsp;&nbsp;&nbsp;&nbsp; 5. УПП №5 – Қызылорда қ., Титов қыстағы, нөмірсіз үй&nbsp;
&nbsp;&nbsp;&nbsp;&nbsp;&nbsp; 4. УПП №6 – Қызылорда қ., Аль-Фараби к-сі нөмірсіз үй
Арал Ауданы
УПП №1 Арал қ., Әбілхайырхан көшесі, №127 үй.
Қазалы ауданы
УПП №7 Әйтеке би кенті, Жамбыл көшесі, №14 Б үй.
Қармақшы ауданы
УПП №2 Жосалы ауылы, Мүсербаев көшесі, №7/1 үй.
Жалағаш ауданы
УПП №1 Жалағаш ауылы, Үркенбаев көшесі, №1/3 үй.
Сырдария ауданы
&nbsp;1. УПП №1 Тереңөзек ауылы, Абдулпаттаев көшесі нөмірсіз үй.
Шиелі ауданы
УПП № 3 Шиелі ауылы, РУ-6 көшесі, №21/5 үй.
Жаңақорған ауданы
&nbsp;УПП № 2 Жаңақорған ауылы, Тәуелсіздік көшесі, нөмірсіз үй.

Қызылордада «Жолда қабылдау» акциясы өтеді

<a href="https://kyzylorda-news.kz/">Kyzylorda-news.kz.</a> Халықтың тұрғын үймен қамтамасыз етілуін 30 шаршы метрге дейін арттыру шеңберінде 2030 жылға қарай жаңа тұрғын үйді іске қосу көлемін жыл сайын 8-10%- ға арттыру жоспарлануда. Бұл туралы ҚР Индустрия және инфрақұрылымдық даму министрлігінің баспасөз қызметі хабарлады.
«Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауында Президент бірыңғай тұрғын үй саясатын іске асыру жөніндегі басымдықтарды белгіледі.
Халықты тұрғын үймен қамтамасыз ету және тұру жайлылығын арттыру– мемлекеттің тұрақты және маңызды міндеттерінің бірі.
Азаматтар үшін тұрғын үйдің қолжетімділігін арттыру үшін 2017 жылдан бастап «Нұрлы жер» тұрғын үй-коммуналдық даму мемлекеттік бағдарламасы іске асырылуда.
Бағдарламаның басты ерекшелігі мен мақсаты- мемлекеттің тұрғын үй құрылысына барынша аз қатысуы және нарықтық механизм дамуы үшін жасалуы тиіс. Бұған жеке инвестициялар мен халықтың жинақтарын тарту есебінен қол жеткізіледі.
2019 жылы тұрғын үй құрылысына инвестициялар 17%- ға артып, 1 трлн. 423,1 млрд. теңге.
Инвестициялардың айтарлықтай көлемі “Нұрлы жер” мемлекеттік бағдарламасы бойынша рекордтық 13,1 млн. шаршы метр тұрғын үйді тапсыруға және республиканың тұрғын үй қорын 115,8 мың тұрғын үйге жаңартуға мүмкіндік берді. Бұл 43,4 мың жеке үй және 72,4 мың пәтер көп пәтерлі үйлерде.
Ең көп тұрғын үй мегаполистерде (Нұр-сұлтан Қ. -1,8 млн. шаршы метр, Алматы қ. -2,1 млн. шаршы метр), Маңғыстау (1,2 млн. шаршы метр) және Ақтөбе (1,0 млн. шаршы метр) облыстарында салынды.
Ал, Алматы, Ақтөбе, Атырау, Қызылорда, Түркістан, Жамбыл облыстарында аумақтарда жеке құрылыс салу басым.
Жалпы алғанда жылдық жоспарға басқа өңірлерде құрылыс қарқынын арттыру есебінен қол жеткізілді.
Азаматтардың тұрғын үй мәселелері мемлекеттің басым міндеті. Қолданыстағы бағдарламалардың тетіктері арқылы табыстың түрлі деңгейі бар барлық қазақстандықтар үшін тұрғын үйге қол жетімділікті қамтамасыз етіледі.
Халықтың тұрғын үймен қамтамасыз етілуін 30 шаршы метрге дейін арттыру шеңберінде 2030 жылға қарай жаңа тұрғын үйді іске қосу көлемін жыл сайын 8-10%- ға арттыру жоспарлануда.
<img src="https://kyzylorda-news.kz/wp-content/uploads/2020/03/02-23.jpg" alt="" />

Қазақстанда 2020 жылы 23 мың пәтер салу жоспарлануда

<a href="https://kyzylorda-news.kz/">Kyzylorda-news.kz.</a> Қызылордада Президенттік жастар кадр резервіне енген жастардың қатарынан алғашқы тағайындау болды.
“Президенттік жастар кадр резерві” қатарына алынған Мусилимов Ерлік Ерғалиұлы “Байқоңыр” әлеуметтік-кәсіпкерлік корпорациясы” АҚ басқарма төрағасының орынбасары лауазымына тағайындалды.
Ерлік Мусилимов 1989 жылы дүниеге келген. Ол Қазақстан-Британ техникалық университетін 2011 жылы “Мұнай-газ ісі” мамандығы бойынша бітірген. 2018 жылы “Engineering Business Management” мамандығы бойынша Ұлыбританиядағы Уорвик университетінің магистратурасын тәмамдаған.
Еңбек жолын 2012 жылы “Болашақ-Атырау” ЖШС-де шетелдік қызметкерлерді іріктеу бойынша кеңесші болып бастаған. Ал, 2014 жылдан бастап осы кезге дейін “Шлюмберже” халықаралық мұнай сервистік компаниясында бас дала инженері лауазымын атқарып келген.
Айта кету керек, Мемлекет басшысы Қасым-Жомарт Тоқаевтың бастамасымен елімізде алғаш рет жүзеге асырылған “Президенттік жастар кадр резерві” жобасына 300 азамат іріктеліп алынған болатын.
Аталған резервке Қызылорда облысының 11 тумасы өтті.

Президенттік жастар кадр резерві: Қызылордада алғашқы тағайындау

<a href="https://kyzylorda-news.kz/">Kyzylorda-news.kz.</a> Арал ауданында биыл өтетін халық санағына дайындық жұмыстары жайында кеңейтілген жиыналыс өтті. Аудан әкімі Мұхтар Оразбаевтың төрағалығымен өткен жиынға қала, кент, ауылдық округ әкімдері, бөлім басшылары мен жауапты мамандар қатысты.
<blockquote>
 «Былтыр аппарат мәжілісінде екі мәрте осы мәселе қаралған болатын. Дайындық жұмыстарына жәрдемдесу мақсатында арнайы комиссия құрылып, іс-шара жоспары бекітілген. Бүгінде бұл жұмыстар жүргізіліп жатқанымен әлі де болса үлкен еңбек талап ететін кезең толықтай шешіле қоймады. Алда көптеген тапсырмалар бар», – деген аудан басшысы күн тәртібіндегі алғашқы мәселе бойынша аудандағы халық санағына дайындық барысын қатаң сынға алды.
</blockquote>
Жиында алғашқы болып Арал ауданы бойынша халық санағына дайындық жұмыстары бойынша аудандық статистика басқармасының басшысы Еламан Қапаров баяндама жасады.
<blockquote>
 «Қазақстан Республикасы Үкіметінің 2019 жылғы Қаулысы бойынша биыл 1-30 қазан аралығында халық санағы өткізіледі. Осыған байланысты комиссия құрылғанын өз сөзінде аудан әкімі де атап өтті. Бекітілген іс шара жоспары бойынша осы жылдың 1 сәуіріне дейін көше атаулары мен үй нөмерлері толық орнатылып, оларды нақтылау жұмыстары толық аяқталуы тиіс. Шаруашылық кітаптары реттеліп, ай сайын халық санында болған өзгерістер есепке алынып отыруы керек. Біз сол шаруашылық кітаптағы өзгерістерге байланысты сараптама жасаймыз. Біздің есеп бойынша жыл санап аудан халқында өсім бар. Сондықтан келгендерді де тіркеуге алып отыруды назарда ұстауды ұмытпайық. Сонымен қатар бүгінгі күнге дейін көше атаулары мен үй нөмерлері толық нақтыланбады. Алдағы уақытта бірлесе жұмыс жасау керек. Себебі халық санағы үлкен жауапкершілікті талап ететін кезең. Интернет байланысы да кедергі жасамайтындай дәрежеде болуы міндетті», – деді.
</blockquote>
Күн тәртібіндегі екінші мәселе бойынша Арал қаласының әкімі Бауыржан Махатов пен Сексеуіл кенті әкімінің міндетін атқарушы Мырзагүл Рсалиева баяндама жасады. Баяндама барысында өздері тарапынан істеліп жатқан жұмыстарға тоқталды.
Одан соң аудан әкімі Мұхтар Оразбаев жауапты қызметкерлерге іс-шараға сәйкес 1 сәуірге дейін орындалуға тиісті кезеңді көрсетілген мерзімге дейін толықтай бітіруді қатаң тапсырды.
<img src="https://kyzylorda-news.kz/wp-content/uploads/2020/03/aral-awdanynda-halyq-sanaghyna-dajyndyq-2.jpg" alt="" />
<img src="https://kyzylorda-news.kz/wp-content/uploads/2020/03/aral-awdanynda-halyq-sanaghyna-dajyndyq-3.jpg" alt="" />

Арал ауданында халық санағына дайындық қалай?

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрі Елжан Біртанов коронавирус инфекциясының келуі туралы болжамдарға пікір білдірді.
«Құрметті достар! Әлем бойынша коронавирус инфекциясы 115 елге таралды. Олардың арасында бізге көршілес мемлекеттер және тікелей әуе қатынастарын орнатқан елдер де бар. Сонымен бірге, бәріміз сыртқы әлемнен толық оқшауланудың мүмкін еместігін түсінеміз. Еліміздің аумағына инфекцияның енуі ықтимал екенін де жоққа шығармаймыз», – деп жазды министр&nbsp;Facebook-тегі парақшасында.
Алайда, ҚР Үкіметі коронавирус инфекциясын елге кіргізбеу мен таратпау үшін айрықша шаралар қабылдауда.
<blockquote>
 «Бүгінгі таңда Қазақстанда аурудың расталған бірде-бір жағдайы тіркелген жоқ! ҚР Бас мемлекеттік санитарлық дәрігері Ж.М.Бекшиннің коронавирус инфекциясының келуі туралы болжамы – біздің ғалымдардың статистикалық модельдеу арқылы жасаған болжамы ғана.
 Бастапқы деректер ретінде әлемнің түрлі елдерінде жолаушылар тасымалы мен коронавирус инфекциясының таралу көлемі алынды. Түрлі сыртқы факторларды ескере отырып, деректердің үнемі өзгеріп отыратындығын атап өткен жөн. Мәселен, беделді Ланцет журналында коронавирустың Қытайдан әлемдік мегаполистерге таралуы туралы ұқсас болжам жасалды», – дейді Е. Біртанов.
</blockquote>
Сонымен бірге, министр біздің ғалымдар ұсынған сценарийдің іске аспауы да мүмкін екенін ескертті.
<blockquote>
 «Тағы да мәлімдеймін, Қазақстанда бүгінгі күнге дейін коронавирустық инфекция расталған жоқ», – деді Елжан Біртанов.
</blockquote>

Елжан Біртанов Бас санитардың коронавирус туралы болжамына түсінік берді

<a href="https://kyzylorda-news.kz/">Kyzylorda-news.kz.</a> Иорданияның Амман қаласында өтіп жатқан Олимпиадаға іріктеу турнирінің жартылай финалдық бәсекесіне Қамшыбек Қоңқабаев қатысқан жоқ, деп хабарлайды <a href="https://lenta.inform.kz/kz/boksshy-kamshybek-konkabaev-sharshy-alanga-shykpay-kaldy_a3623385">ҚазАқпарат.</a>
Ол ширек финалда алған жарақатына байланысты кездесуге шығудан бас тартты. Осылайша Қоңқабаев кезекті жарысқа шықпаса да, Олимпиадаға іріктеу турнирінің қола жүлдегері болды. Ол ширек финалда қытайлық Маймаийти Аемайитиді айқын басымдылықпен ұтып, жартылай финал мен Олимпиада жолдамасын қанжығасына байлаған болатын.
Осылайша, Ғалымбек Кенжебаев баптайтын боксшылар Олимпиада ойындарына 7 жолдама жеңіп алса, бүгін төрт боксшы финалға шықты. Үш боксшымыз қола медальді қанағат тұтты.
Қола медальдарды ерлер арасынан Абылайхан Жүсіпов (69 келі) және Серік Теміржанов (57) және +91 келі салмақта қамшыбек Қоңқабаев жеңіп алса, әйелдер боксынан 75 келі салмақта Надежда Рябец ұтып алды.
Ал ертең, яғни олимпиадалық іріктеу турнирінің соңғы күні төрт қазақстандық боксшы алтын медальға таласады. Олар – Зәкір Сафиуллин (63 келі), Василий Левит (91 келі), Әбілхан Аманқұл (75 келі) және 81 келі салмақтағы Бекзат Нұрдәулетов.

Боксшы Қамшыбек Қоңқабаев шаршы алаңға шықпай қалды

<a href="https://kyzylorda-news.kz/">Kyzylorda-news.kz.</a> Қазгидромет 11 наурызға арналған ауа райы болжамын жариялады.
Қазақстан аумағының басым бөлігі әлі де антициклон жотасының ықпалында болғандықтан, көбінесе жауын-шашынсыз ауа райы күтіледі.
Тек Қазақстанның солтүстігінде, солтүстік-батысында, орталығы мен шығысында фронтальды бөліктердің өтуіне байланысты кей жерлерде жауын-шашын (қар, жаңбыр) жауады, жел күшейеді, жаяу бұрқасын күтіледі, оңтүстік-шығыста шаңды дауыл соғады. Республиканың кей жерлерінде тұман және көктайғақ күтіледі.
Маңғыстау облысының кей жерлерінде шаңды дауыл соғып, желдің жылдамдығы 15-20, екпіні 23 м/с жетеді.
Жамбыл, Солтүстік Қазақстан облыстарының кей жерлерінде тұман күтіледі, күндіз кей жерлерде жел 15-20 м/с күшейеді.
Шығыс Қазақстан облысының кей жерлерінде жел 15-20 м/с жылдамдықпен соғып, түнде кей жерлерде жаяу бұрқасын, көктайғақ күтіледі.
Қарағанды, Қостанай облыстарының кей жерлерінде тұман, көктайғақ, жаяу бұрқасын болады.
Ақмола облысының кей жерлерінде тұман, көктайғақ күтіледі. Павлодар, түнде және таңертең Атырау облыстарының кей жерлерінде тұман түседі.

Сәрсенбіге арналған ауа райы болжамы

1937 жылы КСРО Қызыл Жарты ай және Қызыл Крест қоғамдық одағының құрамындағы республикалық ұйым ретінде Қазақ КСР Қызыл Крест қоғамы құрылды. 2002 жылдың наурызында Қазақстан Республикасының Қызыл Жарты ай қоғамы болып атауы өзгертілді.
2007 жылы Қазақстан Президенті Нұрсұлтан Назарбаевқа Катар мемлекетінің «Тәуелсіздік» ордені табыс етілді. Бұл шетелдік мемлекеттер басшыларына берілетін ең жоғары награда.
2014 жылы ғарыш орбитасынан оралған ұшқыштар Олег Котов, Сергей Рязанский және америкалық Майкл Хопкинс Қарағанды қаласының 80 жылдығына орай қала елтаңбасына қол қойды. Бұл елтаңба облыстық өлкетану музейінде сақталады.
2016 жылы Түркияда ҚР Тәуелсіздігінің 25 жылдығы аясында Түркияда Қазақстан елшілігін ұйымдастырған кезінде Халықаралық түрік мәдениеті ұйымы мен Анкара қаласы Етимесгут ауданының әкімшілігі 200 и приезд Лоссерталесмажыл мерейтой құрметіне «Тәттімбет атындағы саябақты» ашты.

Қазақстан және Қызылорда облысының жаңалықтары

Токио Олимпиадасы коронавирусқа байланысты екі-үш жылға кейінге қалдырылуы мүмкін

Қолды жиі жуу денсаулыққа зиян – дәрігер

Соғыс және еңбек ардагерлерінің жәрдемақысы өседі

Байқоңыр күн электр станциясы апаттық жағдайда ажыратылды

Қызылордада «Жолда қабылдау» акциясы өтеді

Қазақстанда 2020 жылы 23 мың пәтер салу жоспарлануда

Президенттік жастар кадр резерві: Қызылордада алғашқы тағайындау

Арал ауданында халық санағына дайындық қалай?

Елжан Біртанов Бас санитардың коронавирус туралы болжамына түсінік берді

Боксшы Қамшыбек Қоңқабаев шаршы алаңға шықпай қалды

Сәрсенбіге арналған ауа райы болжамы

11 наурыз: Ел тарихында орын алған оқиғалар

Қазақстан және Қызылорда облысының жаңалықтары

Токио Олимпиадасы коронавирусқа байланысты екі-үш жылға кейінге қалдырылуы мүмкін

Қолды жиі жуу денсаулыққа зиян &#8211; дәрігер

Соғыс және еңбек ардагерлерінің жәрдемақысы өседі

Байқоңыр күн электр станциясы апаттық жағдайда ажыратылды

Қызылордада «Жолда қабылдау» акциясы өтеді

Қазақстанда 2020 жылы 23 мың пәтер салу жоспарлануда

Президенттік жастар кадр резерві: Қызылордада алғашқы тағайындау

Арал ауданында халық санағына дайындық қалай?

Елжан Біртанов Бас санитардың коронавирус туралы болжамына түсінік берді

Боксшы Қамшыбек Қоңқабаев шаршы алаңға шықпай қалды

Сәрсенбіге арналған ауа райы болжамы

11 наурыз: Ел тарихында орын алған оқиғалар

Қолды жиі жуу денсаулыққа зиян – дәрігер