<a href="https://kyzylorda-news.kz/">Kyzylorda-news.kz</a> ақпараттық агенттігінің 12 наурызға арналған жұлдыз-жорамалы.
Тоқты
Пайдалы істермен айналысасыз. Маңызды тапсырмаларды тез орындап, сонан соң келесі мақсатыңызға қадам басасыз. Жақындарыңыз көп көмектеседі.
Торпақ
Нақты шешім қабылдай біліңіз. Табысқа жетуге мүмкіндік туып тұр. Сол мүмкіндікті жіберіп алмаңыз. Тек өзіңізге сеніңіз.
Егіздер
Қандай іспен айналыссаңыз да, мықты тәжірибе керек екенін ұғасыз. Сонымен қатар жұмысқа немқұрайлы қарамыңыз. Әріптестеріңізбен тіл табысыңыз.
Шаян
Өте сәтті күн. Жұмыста табысқа жетуге, сондай-ақ айналаңыздағы адамдармен тіл табысуға мүмкіндік бар. Жол сапарға шығуға қолайлы күн.
Арыстан
Түске дейін әрбір басқан қадамыңызға абай болыңыз. Кез келген уақытта, кез келген істе қателік жіберуіңіз мүмкін.
Бикеш
Күннің алғашқы жартысында қызықты мүмкіндіктер туындап, жұмысыңыз алға басады. Өз кәсібіңізді кеңейтіп, жұмыс ауқымы да көбейеді.
Таразы
Жемісті күн. Бойыңызда энергияңыз тасып, барлық мәселенің шешімін табасыз. Жұмысыңыз алға басып, өз мақсатыңызға жетесіз.
Сарышаян
Сабырлы болыңыз. Көптен бері ойда жүрген жоспарды қолға алып, сол бойынша жұмыс жасайсыз. Қызықты ұсыныстар түсуі мүмкін.
Мерген
Өзгеге де, өзіңізге де пайдалы іспен айналысасыз. Өз жоспарыңызды жүзеге асырып, көпшілік сіздің ізіңізді басатын болады.
Тауешкі
Асықпаңыз. Ұсақ-түйекке көңіл бөлмеңіз. Жүйкеңізді жұқартып, өзіңізді шаршатудың қажеті жоқ. Жақындарыңызбен әңгімелесіңіз.
Суқұйғыш
Жемісті күн. Көптен бері ойыңызда жүрген, біраз уақыттан бері басыңызды «қатырған» тапсырманы орындайсыз.
Балықтар
Жаңа идеялар пайда болады. Оларды жүзеге асыру үшін сізге көмек қажет. Жақын адамдарыңыздан тосынсый аласыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда мемлекеттік университетінде облыстық «Сыр Медиа» ЖШС мен облыстық «Qyzylorda» телеарнасында университеттің қазақ тілі мен әдебиеті және журналистика кафедрасының филиалдарын ашу жөніндегі екі жақты келісім жасалды.
Кездесуге «Qyzylorda» және «Қоғам ТВ» телеарналары, «Сыр Медиа» жауапкершілігі шектеулі серіктестігі, республикалық «Егемен Қазақстан», «Айқын», аймақтық «Сыр бойы», «Кызылординские вести» газеттерінің басшылары, «Хабар», «24kz», «Қазақстан» Ұлттық арнасының Қызылорда облысындағы меншікті тілшілері және оқытушы-профессорлар қатысты.
Арадағы келісім университет студенттерінің өз мамандығы бойынша тәжірибе жинақтап, білімін жетілдіруге мол мүмкіндік береді. Алдағы уақытта білім алушылар белгілі журналистермен тығыз қарым-қатынас орнатып, сабақ алмақ.
<blockquote>
 &nbsp;«Біздің басты бағытымыз – Сіздердің болашақ ізбасарларыңызды бәсекеге қабілетті маман етіп дайындауда біріге жұмыс жасау. Бұл өз кезегінде теориялық білім мен тәжірибенің ұштаса жүруін қажет етеді. Маман даярлау ісінде біз ең алдымен жұмыс берушілердің талап-тілегін басты назарға аламыз. Осы бағытта бүгінде бірлескен білім бағдарламаларын даярлап, жұмыс берушілердің сұранысына сай таңдау пәндерінің каталогын жасау жұмыстары жүйелі жүргізілуде», – деді Бейбіткүл Кәрімова.
</blockquote>
Басқосуда университет тарапынан 2020-2021 оқу жылында қабылданатын түлектерге ректор және өндіріс орындары мен кәсіпкерлер тарапынан грант бөлінетіні айтылды. Сонымен қатар, аймақтағы еңбек ресурстарының балансына және мектеп бітірушілердің таңдауына жүргізілген талдау нәтижесінде өңірде орыс тілінде педагог мамандардың, оның ішінде физика, химия, биология, математика, орыс тілі, сондай-ақ ағылшын тілі ұстаздарының&nbsp; жетіспеушілігі анықталды.
<blockquote>
 «Аймақтың сұранысын қанағаттандыру, қажетті кадрлармен қамтамасыз ету мақсатында сәуір айында оқу орны базасында мектеп бітірушілер арасында облыстық пәндік олимпиадалар өткізіледі. Жоғарыда аталған ректор және кәсіпкерлер тарапынан гранттардың басым бөлігі осы мамандықтарға берілетін болады. Бұл өңірдің талантты жастарына көрсетілетін үлкен қамқорлық, білім алуына жасалатын зор мүмкіндік болмақ», – деді университет ректоры.
</blockquote>
Кездесу барысында «Qyzylorda» телеарнасының директоры&nbsp; Жағыппар Қарабалаға және «Айқын» газетінің меншікті тілшісі Миуа Байназароваға бірлесіп атқарған жұмыстар нәтижесімен Қорқыт ата атындағы «Алтын медаль» табысталды. Сонымен қатар, Қорқыт ата атындағы ҚМУ ректорының «Құрмет грамотасы» «Сыр Медиа» ЖШС бас директоры Аманжол Оңғарбаев, «Егемен Қазақстан» газетінің Қызылорда облысындағы меншікті тілшісі Мұрат Жетпісбаев, «Қазақстан» Ұлттық арнасының Қызылорда облысындағы меншікті тілшісі Әділбек Жақанов, «24.kz» телеарнасының Қызылорда облысындағы меншікті тілшісі Қамбар Бекенов, «Кызылординские вести» газетінің бас редакторы Қазыбек Ботаев, «Қоғам Тв» телеарнасының басқарушысы Тұрсынкүл Желдербаеваға табысталды. «Хабар» телеарнасының меншікті тілшісі Нұрлан Жақыпбеков пен «Сыр бойы» газетінің бас редакторы Қуат Шарабидинов «Үздік түлек» медальдарымен марапатталды.
<img src="https://kyzylorda-news.kz/wp-content/uploads/2020/03/img-20200311-wa0016.jpg" alt="" />
<img src="https://kyzylorda-news.kz/wp-content/uploads/2020/03/img-20200311-wa0014.jpg" alt="" />
<img src="https://kyzylorda-news.kz/wp-content/uploads/2020/03/img-20200311-wa0007.jpg" alt="" />
<img src="https://kyzylorda-news.kz/wp-content/uploads/2020/03/img-20200311-wa0006.jpg" alt="" />

&#8220;Сыр медиа&#8221; серіктестігінде Қорқыт ата атындағы Қызылорда мемлекеттік университетінің филиалы ашылды(ФОТО)

Оқыған: Фариза ОМАРОВА
Жас бала анадан туғанда екі түрлі мінезбен туады: біреуі – ішсем, жесем, ұйқтасам деп тұрады. Бұлар – тәннің құмары, бұлар болмаса, тән жанға қонақ үй бола алмайды. Һәм өзі өспейді, қуат таппайды. Біреуі – білсем екен демеклік. Не көрсе соған талпынып, жалтыр-жұлтыр еткен болса, оған қызығып, аузына салып, дәмін татып қарап, тамағына, бетіне басып қарап, сырнай-керней болса, дауысына ұмтылып, онан ержетіңкірегенде ит үрсе де, мал шуласа да, біреу күлсе де, біреу жыласа да тұра жүгіріп, «ол немене?», «бұл немене?» деп, «ол неге үйтеді?» деп, «бұл неге бүйтеді?» деп, көзі көрген, құлағы естігеннің бәрін сұрап, тыныштық көрмейді. Мұның бәрі – жан құмары, білсем екен, көрсем екен, үйренсем екен деген.
Дүниенің көрінген һәм көрінбеген сырын түгелдеп, ең болмаса денелеп білмесе, адамдықпен орны болмайды. Оны білмеген соң, ол жан адам жаны болмай, хайуан жаны болады. Әзелде құдай тағала хайуанның жанынан адамның жанын ірі жаратқан, сол әсерін көрсетіп жаратқаны. Сол қуат жетпеген, ми толмаған ессіз бала күндегі «бұл немене, ол немене?» деп, бір нәрсені сұрап білсем екен дегенде, ұйқы, тамақ та есімізден шығып кететұғын құмарымызды, ержеткен соң, ақыл кіргенде, орнын тауып ізденіп, кісісін тауып сұранып, ғылым тапқандардың жолына неге салмайды екеміз?
Сол өрістетіп, өрісімізді ұзартып, құмарланып жиған қазынамызды көбейтсек керек, бұл жанның тамағы еді. Тәннен жан артық еді, тәнді жанға бас ұрғызса керек еді. Жоқ, біз олай қылмадық, ұзақтай шулап, қарғадай барқылдап, ауылдағы боқтықтан ұзамадық. Жан бізді жас күнімізде билеп жүр екен. Ержеткен соң, күш енген соң, оған билетпедік. Жанды тәнге бас ұрғыздық, ешнәрсеге көңілменен қарамадық, көзбен де жақсы қарамадық, көңіл айтып тұрса, сенбедік. Көзбен көрген нәрсенің де сыртын көргенге-ақ тойдық. Сырын қалай болады деп көңілге салмадық, оны білмеген кісінің несі кетіпті дейміз. Біреу кеткенін айтса да, ұқпаймыз. Біреу ақыл айтса: «Ой, тәңірі-ай, кімнен кім артық дейсің!» – дейміз, артығын білмейміз, айтып тұрса ұқпаймыз.
Көкіректе сәуле жоқ, көңілде сенім жоқ. Құр көзбенен көрген біздің хайуан малдан неміз артық? Қайта, бала күнімізде жақсы екенбіз. Білсек те, білмесек те, білсек екен деген адамның баласы екенбіз. Енді осы күнде хайуаннан да жаманбыз. Хайуан білмейді, білемін деп таласпайды. Біз түк білмейміз, біз де білеміз деп надандығымызды білімділікке бермей таласқанда, өлер-тірілерімізді білмей, күре тамырымызды адырайтып кетеміз.
1891

Абай Құнанбайұлының жетінші қара сөзі

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық Қазақстан халқы ассамблеясының ұйымдастыруымен «Атамекен» балалар ауылында «Next чемпионмын» акциясы өтті.
Акцияға Қызылорда облыстық ҚХА мүшелері, облыстық ҚХА жанындағы волонтерлер орталығының мүшелері және «Tarbie» спорттық волонтерлік бағытының өкілдері, «Қайсар» футбол клубының ойыншылары, спортшылар, жаттықтырушылар қатысты.
Әлеуметтік осал топ балаларын спортқа баулу мақсатында өткен шарада «Қайсар» футбол клубының ойыншылары Елдос Ахметов, Думан Нәрзілдаев сайысқа қатысушылармен кездесіп, оларға сәттілік тіледі.
<blockquote>
 «Мен сіздердей кезімде космонавт болғым келді, бірақ өскенде футболшы болдым. Армандар орындалу үшін алға үлкен мақсат қою керек. Мақсатқа жету үшін еңбек керек. Қазақстан халқы Ассамблеясының 25 жылдығы мен республикалық акцияға орай ұйымдастырылып жатқан салауаттылықты насихаттайтын шарада баршаңызға жеңіс тілеймін», – дейді «Қайсар» футбол клубының ойыншысы Елдос Ахметов.
</blockquote>
Жасөспірімдерді спортқа баулу арқылы салауатты өмір салтына деген ынтасын арттыру, рухани даму және жақындарына құрмет көрсету, елде спорттық ортаны дамытуды көздеген шарада балалар ауылының тәрбиеленушілері көңілді спорт түрлерінен сайысқа түсті.
Белсенділік танытып, оқ бойы озып шыққан мықтыларға облыстық Қазақстан халқы ассамблеясы хатшылығының меңгерушісі Ләйлә Бегалықызының атынан диплом табысталып, этномәдени бірлестіктер мен волонтерлер тарапынан сыйлықтар берілді.
<img src="https://kyzylorda-news.kz/wp-content/uploads/2020/03/02-26.jpg" alt="" />
<img src="https://kyzylorda-news.kz/wp-content/uploads/2020/03/03-13.jpg" alt="" />
<img src="https://kyzylorda-news.kz/wp-content/uploads/2020/03/04-5.jpg" alt="" />
<img src="https://kyzylorda-news.kz/wp-content/uploads/2020/03/05-3.jpg" alt="" />

Қызылордадағы «Атамекен» балалар ауылында «Next чемпионмын» акциясы өтті

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімінің орынбасары Наурызбай Байқадамов қаладағы бірқатар емдеу ұйымдарының жұмысымен танысты.
Облыс әкімінің орынбасары ең алдымен, көпбейінді облыстық балалар ауруханасына барды. Облыстың 286-нан аса балаларына стационарлық, стационар алмастыру және жедел травматологиялық, кеңес беру диагностикалық медициналық көмек беретін аурухана 350 төсек орынға арналған. Жылына 11-13 мыңнан аса емделіп шығатын балалар ауруханасында, өткен жылы ауылдық жерден келген науқастардың саны да&nbsp;2,4 % өскен.
Аталған аурухананың бас дәрігері Зоя Кушенова аурухананың жұмыс барысын таныстырды.
<blockquote>
 «Міндетті әлеметтік медициналық сақтандырудағы басым бағыттың бірі – профилактикалық жұмыспен бірге қалпына келтіру, оңалту емі болып табылады. Көп бейінді облыстық балалар ауруханасында 18 жасқа дейінгі балаларға ерте, ІІ, ІІІ кезеңді қалпына келтіру ем шаралары жүргізіледі. Осы ем шараларды науқас балаларға толық көлемде қабылдау мүмкіндігі жасалған. Олар бөлімшелерде және физиотерапия бөлімшесінде шоғырланған. Бөлімшеде физиоемшаралары, емдік уқалау, емдік дене шынықтыру, тұз шахтасы, емдік бассейн жұмыс жасап тұр. Ауруханадағы науқастардың басым көпшілігі оның ішінде неврологиялық науқастардың 80% физиотерапия бөлімінде ем қабылдайды», – дейді бас дәрігер.
</blockquote>
Одан әрі Наурызбай Сейтқалиұлы №3 қалалық емханаға барды. Алдымен пациенттің өзіне-өзі қызмет көрсету үшін орнатылған терминал жұмысымен танысты. Терминалда дәрігерлердің жұмыс кестесі көрсетіліп, пациент өзі қалаған дәрігердің қабылдауына жазыла алады. Сонымен қатар, дәрігердің қабылдауына алдын-ала да жазылуға, электронды кезек арқылы флюорографияға түсуге, зертханаға қан тапсыруға талон алу мүмкіндігіне ие.
Бүгінде емханаға тіркелген 63 706 адамның әлеуметтік мәртебесі анықталған. Наурызбай Байқадамов «Дамумед» бағдарламасы бойынша атқарылып жатқан жұмыстарға қатысты сауалдарына да жауап алды. «Дамумед» арқылы емханаға аумағына тіркелген адам қабылдауға жазылу, дәрігерді үйге шақыру, еңбекке жарамсыздық парағын мен рецепттерді көру және ұзарту сондай-ақ зертхана нәтижелерін алу мүмкіндігіне ие. Айта кетейік, 086/у, 083/у, 035/у, 095/у, 094/у үлгідегі нысандар электронды түрде алынып, «Дамумед» арқылы QR-кодымен сәйкестігін тексере алады.
Облыстағы стоматологиялық көмек түрлерінің кеңеюі, қолжетімдігі, алдағы жоспарлары туралы танысып, осы орталық базасында орналасқан республикалық «Әлеуметтік оңалтуды дамытудың ғылыми-практикалық орталығы» Қызылорда облыстық филиалының 1 жылдағы жеткен жұмыстарына баға берді.
Орталықтың негізгі мақсаты – кохлеарлы имплантталған балалардың естіп-сөйлеу тілін дамыту, оқыту және тәрбиелеу. Қызылорда облысы бойынша осындай 95 бала тіркеуде тұр. 1 жылда 50 бала 4 рет естіп-сөйлеуді оңалтуынан өтіп, оңтайлы нәтижелер мен жетістіктерге жеткен.
<img src="https://kyzylorda-news.kz/wp-content/uploads/2020/03/02-25.jpg" alt="" />

Облыс әкімінің орынбасары емдеу мекемелерінің жұмысымен танысты

<a href="https://kyzylorda-news.kz/">Kyzylorda-news.kz.</a> WhatsApp желісі арқылы қазақстандықтар үшін наурыздың 11-22 аралығында карантин жарияланады, сол себепті бұл күндері демалыс юолып жарияланды деген ақпарат жаппай тарала бастады, деп хабарлайды&nbsp;<a href="https://stan.kz/dsm-11-22-naurizda-kazakstandiktar-demaladi-degen-akpar-328204/">Stan.kz</a>.&nbsp;
<blockquote>
 «Денсаулық сақтау министрінің үкімімен 11-22 наурыз аралығында демалыс жарияланады», – делінген хабарламада.
</blockquote>
Денсаулық сақтау министрлігінің ресми өкілі Диас Ахметшәріп бұл хабарламаны жоққа шығарды.&nbsp;
<blockquote>
 «Бұл – ақпарат жалған. Қазақстандықтардың қай күндері демалатындығын үкімет шешеді», – деп мәлімдеді Ахметшәріп.&nbsp;
</blockquote>
Еске салайық, &nbsp;алдағы уақытта еліміздің тұрғындары 21-25 наурыз аралығынада демалысқа шығады.

Қазақстандықтар 11-22 наурызда демала ма?

Оқыған: <a href="https://www.facebook.com/profile.php?id=100046759452246">Фариза ОМАРОВА</a>
Қазақтың бір мақалы: «Өнер алды – бірлік, ырыс алды -тірлік» дейді. Бірлік қандай елде болады, қайтсе тату болады – білмейді. Қазақ ойлайды: бірлік – ат ортақ, ас ортақ, киім ортақ, дәулет ортақ болса екен дейді. Олай болғанда байлықтан не пайда, кедейліктен не залал? Ағайын құрымай мал іздеп не керек? Жоқ, бірлік – ақылға бірлік, малға бірлік емес. Малыңды беріп отырсаң, атасы басқа, діні басқа, күні басқалар да жалданып бірлік қылады! Бірлік малға сатылса, антұрғандықтың басы осы. Ағайын алмай бірлік қылса керек, сонда әркім несібесін құдайдан тілейді, әйтпесе құдайдан тілемейді, шаруа іздемейді. Әуелі біріне-бірі пәле іздейді. Не түсін, не ажарын, не өкпесін бұлдап, ол болмаса, бір пәле салып, қорғалатып, әйтеуір бірін-бірі алдаудың амалын іздеседі. Мұның қай жерінен бірлік шықты?
«Ырыс алды – тірлік» дейді, ол қай тірлік? Ол осы жан кеудеден шықпағандық па? Жоқ, ондай тірлік итте де бар. Ондай тірлікті қымбат көріп, бұлдаған адам өлімді жау көріп, ахиретке дұшпан болады. Жанын қорғалатып, жаудан қашып, қорқақ атанып, еңбек қылудан, қызмет қылудан қашып, еріншек атанып, ез атанып, дүниеде әлгі айтылған ырысқа дұшпан болады. Ол айтқан тірлік олар емес. Көкірегі, көңілі тірі болса, соны айтады. Өзің тірі болсаң да, көкірегің өлі болса, ақыл табуға сөз&nbsp;ұға алмайсың. Адал еңбекпен ерінбей жүріп мал табуға жігер қыла алмайсың.
Кеселді жалқау, қылжақбас,
Әзір тамақ, әзір ас,
Сыртың – пысық, ішің – нас,
Артын ойлап ұялмас, –
болып жүріп, тірімін деме, онан да алла жіберген ақ бұйрықты өлімнің өзі артық.
1891

Абай Құнанбайұлының алтыншы қара сөзі (АУДИО)

<a href="https://kyzylorda-news.kz/">Kyzylorda-news.kz.</a> Қызылорда облысында 1 млн теңгеден астам қарызы бар 31 жеке тұлға бюджетке 46 млн теңге төлеуі тиіс. Қызылорда облысы бойынша мемлекеттік кірістер департаментінің дерегінше көлік салығы бойынша салық төлеуді ұмытқандар төмендегі тізімде.
1) Мырзабеков Нурлан Ибадуллаевич – 2 264 351 
2) Донец Галина Сергеевна – 1 999 258 
3) Цой Олег Николаевич (ИП Цой) – 1 942 592 
4) Имаханов Кайрат Айтапаевич –1 944 596 
5) Искаков Серик Бектаевич – 1 795 917 
6) Серитханов Гиланий Рамзаеви – 1 811 434 
7) Мырзабеков Бакитжан Ибадуллаевич – 1 713 992 
8) Махамбетов Базарбай Жусипбекович – 1 767 897 
9) Махантаев Шаймерден Маханбетханович – 1 748 241 
10) Сейдахметов Алтынбек Шарапович – 1 750 465 
11) Естаев Муратбек Бахытович – &nbsp;1 735 465 
12) Мүталов Еркеғали Молдағалиұлы – 1 720 965 
13) Смагулов Нурлан Маратович(Ип Смагулов) – 1 684 593 
14) Жумагулов Мейрамбек Куанышевич(Ип Жумагулов) – 1 578 542 
15) Мұратбекұлы Қанатбек – 1 517 950 
16) Төлеген Еркін Музарапұлы – 1 489 284 
17) Абдикаппаров Конратбай – 1 523 919 
18) Батыршаева Аружан Жолдасовна(Ип) – 1 384 141 
19) Хамзина Гулбагира Корганбековна – 1 347 460 
20) Құламетов Руслан Сәдуақасұлы – 1 264 032 
21) Ге Наталья Георгиевна(Ип Ге) – 1 289 981 
22) Бакенов Сейтжан Ердилдаевич – 1 352 005 
23) Мырзабеков Ержан Ерділдаұлы – 1 246 280 
24) Алдонгаров Ильяс Сагинбаевич – 1 110 000 
25) Оралов Айгали – 1 227 210 
26) Өтеш Абылайхан Қалдыбекұлы 1 084 273 
27) Оспанова Инна Женисовна – 1 069 001 
28) Дунгулов Нурлан Абсултанович – 1 013 976 
29) Нурмаханов Ерлан Жазыкбаевич – 1 010 155 
30) Исимов Сайлаубек Габдуллинович – 1 069 701 
31) Кошекеев Жандос Бакытович – 1 058&nbsp;891

Қызылордада салыққа қарызы  азаматтардың тізімі жарияланды

<a href="https://kyzylorda-news.kz/">Kyzylorda-news.kz.</a> Қызылордалық полицейлер бірнеше дүкенді тонаған ұрыны ұстады.
Қазалы полиция бөлімінің қызметкерлері бір түнде аудан орталығында орналасқан екі дүкенге ұрлыққа түскен аудан тұрғыны ұсталды.
<blockquote>
 «10 наурыз күні түнгі уақытта сағат 03.30 шамасында белгісіз тұлға дүкендердің есік құлпын бұзу арқылы кіріп ақша ұрлап, оқиға орнынан бой тасалаған. Жәбірленушілерге келтірілген жалпы материалдық шығын 310 мың теңгені құрады. Заттай дәлелдеме ретінде балта, пышақ, фонарь және ұрланған ақша алынды. Күдіктінің басқа да ұрлық қылмыстарына қатыстылығы тексеріліп жатыр», – делінген полиция департаменті баспасөз қызметінің хабарламасында.
</blockquote>
Қазіргі уақытта күдікті уақытша ұстау изоляторына қамаққа алынған. Барлық фактілер бойынша ҚР&nbsp; Қылмыстық Кодексінің 188-бабының 3-бөлігі “Ұрлық” бойынша сотқа дейінгі тергеп-тексеру амалдары басталды.

Қазалыда екі дүкенді тонаған аудан тұрғыны ұсталды

<a href="https://kyzylorda-news.kz/">Kyzylorda-news.kz.</a> Мәжіліс депутаттары “оралман” ұғымын “қандас” сөзіне алмастыруды көздейтін заң жобасын мақұлдады. Құжат сенатқа жіберілді, деп хабарлайды&nbsp;<a href="https://sputniknews.kz/society/20200311/13042096/qazaq-oralman.html">Sputnik Қазақстан.</a>
Мәжілісте кейбір заңнамалық актілерге көші-қон процестерін реттеу мәселелері бойынша өзгерістер мен толықтырулар енгізу туралы заң жобасы екінші оқылымда қаралды.
Басты жаңашылдықтың бірі – “оралман” ұғымын “қандас” сөзімен ауыстыру.
<blockquote>
 “Бір кезде ойдан шығарылып, жағымсыздау атауға айналған “оралман” сөзінің орнына алдағы уақытта қандас атауы қолданылатын болады”, – деді заң жобасы бойынша баяндама жасаған депутат Кәрібай Мұсырман.
</blockquote>
Сонымен қатар, қандастарға елде тұрақты тұруға рұқсат алу және Қазақстан азаматтығын алу үшін құжаттарды бір мезгілде тапсыру мүмкіндігі берілмек.
Депутаттың айтуынша, бұған дейін олар екі рет құжат жинап әлекке түскен.
“Сондай ақ, елімізде 183 күннен кем тұру және әкімшілік құқық бұзушылықтардың болуы бойынша заңнамалық нормалар қолданылмайтын адамдар санатына этникалық қазақтарды қосу көзделіп отыр. Бүл түзетулер қандастарымыздың Қазақстан азаматтығын алуын жеделдетуге септігін тигізеді”, – деді мәжілісмен.
Оралман мәртебесін ұзарту мерзімін үш айдан алты айға дейін ұлғайтуға бағытталған түзетулер енгізілді.
Бұдан бөлек, еңбек мигранттарын маусымдық жұмысшыларға теңестіру арқылы оларды шағын кәсіпкерлік субъектілерінің жұмысқа тартуына рұқсат етіледі.
<blockquote>
 “Бұл да қоғамда көптен бері көтеріліп жүрген өзекті мәселе”, – деді Мұсырман.
</blockquote>
Сонымен қатар, депутаттар ешқандай құжаты жоқ шетелдік азаматтарды елден шығаруға мүмкіндік беретін “жол жүру” құжатын енгізуді ұсынды.
Депутаттың айтуынша, соттардың шешімімен елден шығуы тиіс жүздеген шетелдік ешқандай жарамды құжатының болмауына байланысты Қазақстан аумағынан шығарылмай, полицияның қабылдау-бөлу орындарында мемлекеттік бюджет есебінен тегін тұрып жатыр.
Мәжіліс заң жобасын мақұлдап, сенаттың қарауына жіберді.

Қазақстанда &#8220;оралман&#8221; сөзі ресми түрде ауыстырылды

<a href="https://kyzylorda-news.kz/">Kyzylorda-news.kz.</a> Президент кадр резерві мен «Болашақ» бағдарламасының қатысушыларына білім беру ұйымының директорын таңдауда басымдық берілмек. Бұл туралы ҚР БҒМ мектепке дейінгі және орта білім департаментінің педагогикалық кадрлар мен көрсетілген мемлекеттік қызметті мониторингтеу жұмыстары жөніндегі басқарма басшысы Айман Дүйсембаева мәлім етті, деп хабарлайды ҚазАқпарат.
<blockquote>
 «Қазіргі таңда «Педагог мәртебесі туралы» заң аясында бірқатар нормативті-құқықтық құжаттарды қабылдап жатырмыз. Соның бірі – білім беру ұйымдарының басшыларын тағайындау ережесі. Бұл жерде мектепке дейінгіден бастап толығымен техникалық-кәсіптік білім беру жүйесіне дейінгі білім беру ұйымдарының басшыларын тағайындау ережесі жасалып жатыр. Қазіргі таңда бұл ереже мемлекеттік және жергілікті атқарушы органдармен келісілуде. Жергілікті атқарушы органның барлығынан келісім алдық», – деді Айман Дүйсембаева Білім және ғылым министрлігінің елордада өтіп жатқан жиналысында.
</blockquote>
Басқарма басшысының айтуынша, бұрынғы тәртіп бойынша тек талаптар қойылып, директорлар тағайындалып келген. Ал қазір мектепке дейінгі ұйымдар үшін – бір бөлек, арнайы мамандандырылған мектептер үшін – бір бөлек, техникалық және кәсіптік білім ұйымдарында – бір бөлек талаптар бекітілгелі отыр. Яғни, әр ұйымның өзіндік талаптары бар.
<blockquote>
 «Бірақ бәріне қатысты бір талап бар – үміткер 72 сағаттық менеджмент курсынан міндетті түрде өтуі тиіс. Сонымен қатар оның бірінші, жоғары немесе жаңа деңгейдегі сарапшы, зерттеуші және шебер санаттарының болуы міндетті. Бұл үрдіс төрт кезеңмен өткізіледі. «Болашақ» бағдарламасы және Президент кадр резервінен келген үміткерлерді бірден төртінші кезеңге жіберуді қарастырып отырмыз. Одан бөлек кейінгі кезде қамқоршылық кеңестен өтпеген жағдайда біз үміткерді облыстық білім басқармасына ұсынамыз», – деді ол.
</blockquote>
Басқарма басшысы білім ұйымдарына басшылық ету үшін директор өтуі тиіс төрт кезеңді атап берді.
<blockquote>
 «Біріншісі – үміткердің құжаттарын қарау, екінші кезең – қамқоршылық кеңесіне жіберу, үшіншісі – облыстық білім басқармасынан келісім алу, төртінші кезең – жергілікті жердегі конкурстық комиссияға бару. Сонымен қатар педагогика және психология бойынша тест жалпы 120 сұрақтан тұрады. Соның әрбір бағытынан міндетті түрде 50 пайыздық ұпай жинау керек. Сонда ғана конкурсқа жіберіледі», – деді ол.
</blockquote>

Мектепке директор тағайындауда Президент кадр резервінің мүшелеріне басымдық беріледі

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақовтың төрағалығымен cалық салу базасын кеңейтуге қатысты мәжіліс өтті. Күн тәртібінде салық базасын кеңейту аясында 2019 жылы атқарылған жұмыстар мен 2020 жылға қойылған міндеттер талқыланды.
Салық салу базасын кеңейту бойынша 2019 жылы атқарылған жұмыстардың нәтижесі және 2020 жылдың міндеттері жайлы мемлекеттік кірістер департаментінің басшысы Ғалымжан Орынов баяндама жасады. Мемлекеттік сатып алуға қатысушылардың салық төлеу кезінде жалдамалы жұмысшылар санын толық көрсетілмейтіндігі айтылды.
Мәжілісте облыс әкімі Қуанышбек Ысқақов салық салу базасын ұлғайтуда көлік салығын есептеуде кемшіліктер бар екендігінде айтты.
<blockquote>
 «Облыстық полиция департаментінің мәліметі бойынша 2019 жылдың қорытындысымен аудандар аясында заңды және жеке тұлғалардан көлiк құралдарының саны – 136 443. Ал, аудандардың ақпаратына сүйенетін болсақ, оның саны 117 398 құрайды, айырмасы 19 045 бірлікті құрап отыр. Көлік құралдарына салынатын салық төлеушілердің санынан неге мұншалықты ауытқу орын алған»,- деді облыс әкімі Қуанышбек Ысқақов.
</blockquote>
Аймақ басшысы автокөліктердің салығын реттеуге қатысты қала мен барлық аудан және ауылдық округ әкімдеріне тапсырма берді. Сондай-ақ, мемлекеттік кірістер департаменті мен полиция департаменті бірлесіп, көлік құралдарына түгендеу жүргізіп, жарамсыз және жоқ көліктерді мемлекеттік тіркеуден шығару жұмыстарын ұйымдастыруды тапсырды.
Мәжілісте 4-ші деңгейлі бюджет туралы облыстық экономика және бюджеттік жоспарлау басқармасының басшысы Нұрғали Қордабай баяндама жасады. Бүгінде 4-ші деңгейлі бюджет аясында салықтық түсімдердің 7 түрі, салықтық емес түсімдердің 4 түрі және бюджет шығындарының 19 бағыты ауыл әкімінің иелігіне берілген. Мәселен аудандық маңызы бар қала, ауыл, кент, ауылдық округ әкімі аппаратының жұмыс істеу, мектепке дейінгі тәрбиелеу және оқыту, оның ішінде мектепке дейінгі тәрбиелеу және оқыту ұйымдарында медициналық қызмет көрсетуді ұйымдастыру, ауылдық жерлерде оқушыларды жақын жердегі мектепке дейін тегін алып баруды және одан алып қайтуды ұйымдастыру, әлеуметтік көмек көрсету, жарықтандыру, абаттандыру, жұмыспен қамту, автомобиль жолдарын салу, жөндеу, сумен жабдықтау жұмыстарына қаржыны аудандық, ауылдық әкімдік бөледі.
Аймақ басшысы жыл басында аудандарды аралау кезінде ауылдағы негізгі проблеманың бірі ретінде тұрғындар автомобиль жолдарын жөндеу мәселесін жиі көтергендігін айтты.
<blockquote>
 «Жақсықылыш кентінің тұрғындарымен кездесу барысында кенттің ішкі көшелерінің жолдарын жөндеуден өткізуге облыстық бюджеттен қаржы бөлу туралы ұсыныс білдірді. Алайда, 2019 жылы ауылдық округ бюджет жоспарын 5,4 млн. теңгеге бекітіп, нақты 8,6 млн. теңгенің түсімін түсірген. Жоспардан тыс 3,2 млн. теңге түсім түссе де, кент ішіндегі жолды жөндеу мәселесі шешілмеген. Мұндай мысалдар өзге аудандардың ауылдарында да бар», деді облыс әкімі Қуанышбек Ысқақов.
</blockquote>
Осы орайда өңір басшысы Қызылорда қаласы мен барлық аудан, ауылдық округ әкімдері бюджет түсімдерін барынша дұрыс жоспарлап, ауылда жасалуға тиісті әлеуметтік бағыттар шеңберінде халықтың қажеттілігін ескеруді тапсырды.
<blockquote>
 _«Салық жиналса, ауылдағы әлеуметтік мәселелер шешіледі. Барлығы да ауылдың жағдайын жақсартуға бағытталады, қалай, қайда жұмсау қажеттілігін ауылдағы қоғамдық кеңеспен ақылдаса отырып, шешуге мүмкіндік бар. Енді сол шаруаны жоғары деңгейде атқару сіздердің міндеттеріңіз. Сондықтан бұл мәселеде барлығымыз тиянақтылық танытып, аса жауапкершілікпен жұмыс жүргізуіміз қажет. Себебі оның артында халықтың өмір сүру сапасы тұр. Ал, халықтың жағдайы біз үшін қашанда басты орында», – деді облыс әкімі Қуанышбек Ысқақов. 
 _
</blockquote>
<img src="https://kyzylorda-news.kz/wp-content/uploads/2020/03/02-24.jpg" alt="" />

Қазақстан және Қызылорда облысының жаңалықтары

Жұлдыздар не дейді?

“Сыр медиа” серіктестігінде Қорқыт ата атындағы Қызылорда мемлекеттік университетінің филиалы ашылды(ФОТО)

Абай Құнанбайұлының жетінші қара сөзі

Қызылордадағы «Атамекен» балалар ауылында «Next чемпионмын» акциясы өтті

Облыс әкімінің орынбасары емдеу мекемелерінің жұмысымен танысты

Қазақстандықтар 11-22 наурызда демала ма?

Абай Құнанбайұлының алтыншы қара сөзі (АУДИО)

Қызылордада салыққа қарызы азаматтардың тізімі жарияланды

Қазалыда екі дүкенді тонаған аудан тұрғыны ұсталды

Қазақстанда “оралман” сөзі ресми түрде ауыстырылды

Мектепке директор тағайындауда Президент кадр резервінің мүшелеріне басымдық беріледі

Қ.Ысқақов: Бюджеттік түсім арқылы ауылдардағы әлеуметтік мәселе шешілуі керек

Қазақстан және Қызылорда облысының жаңалықтары

Жұлдыздар не дейді?

&#8220;Сыр медиа&#8221; серіктестігінде Қорқыт ата атындағы Қызылорда мемлекеттік университетінің филиалы ашылды(ФОТО)

Абай Құнанбайұлының жетінші қара сөзі

Қызылордадағы «Атамекен» балалар ауылында «Next чемпионмын» акциясы өтті

Облыс әкімінің орынбасары емдеу мекемелерінің жұмысымен танысты

Қазақстандықтар 11-22 наурызда демала ма?

Абай Құнанбайұлының алтыншы қара сөзі (АУДИО)

Қызылордада салыққа қарызы азаматтардың тізімі жарияланды

Қазалыда екі дүкенді тонаған аудан тұрғыны ұсталды

Қазақстанда &#8220;оралман&#8221; сөзі ресми түрде ауыстырылды

Мектепке директор тағайындауда Президент кадр резервінің мүшелеріне басымдық беріледі

Қ.Ысқақов: Бюджеттік түсім арқылы ауылдардағы әлеуметтік мәселе шешілуі керек

“Сыр медиа” серіктестігінде Қорқыт ата атындағы Қызылорда мемлекеттік университетінің филиалы ашылды(ФОТО)

Қазақстанда “оралман” сөзі ресми түрде ауыстырылды