Мемлекет басшысы Қасым-Жомарт Тоқаевтың мәлімдемесі

<a href="https://kyzylorda-news.kz/">Kyzylorda-news.kz.</a> Қазақстанда коронавирус індетін жұқтырған тағы 4 адам тіркелді, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-31-nauryz-sagat-20-45-zhagday_a3631906">www.coronavirus2020.kz.</a>
31 наурыз сағат 20:45 жағдай бойынша, елімізде коронавирус жұқтырған тағы 4 адам тiркелді: Нұр-Сұлтан қаласында – 2 адам, Солтүстік Қазақстан облысында – 1 адам, Түркістан облысында – 1 адам.
Осы сағатта Нұр-Сұлтан қаласы бойынша 178 адам, Алматы қаласында – 82 адам, Қарағанды облысында – 13 адам, Ақмола облысында – 10 адам, Атырау облысы – 13 адам, Жамбыл облысында -3 адам, Шымкент қаласында – 2 адам, Шығыс Қазақстан облысында – 2 адам, Алматы облысында – 8 адам, Ақтөбе облысында – 3 адам, Солтүстік Қазақстан облысында – 3 адам, Павлодар облысында – 1 адам, Маңғыстау облысында – 1 адам, Қызылорда облысында – 18 адам, Батыс Қазақстан облысында – 2 адам, Түркістан облысында – 1 адам, жалпы 340 науқас бар.

Түркістан облысының тұрғыны коронавирус инфекциясын жұқтырды: елімізде 340 адамға жетті

<a href="https://kyzylorda-news.kz/">Kyzylorda-news.kz.</a> Қызылордада облыстық мәслихаттың 2020 жылғы 31 наурыздағы кезектен тыс сессиясы өтті. Отырыста 2020-2022 жылдарға арналған облыстық бюджетке өзгерістер мен толықтыру енгізу мәселесі қаралды.
Сессияда облыс әкімі Гүлшара Әбдіқалықова елімізде жарияланған төтенше жағдай кезінде жедел шешімдер қабылдау қажеттігін айтты.
<blockquote>
 «Баршамызды коронавирустың таралуы алаңдатады. Бұл жағдайды әлемдік экономикалық дағдарыс, азық-түлік бағасының тоқтаусыз өсуі секілді келеңсіз жайттар одан әрі ушықтыра түсуде. Әрине, бұл қиындықтар біздің өңірді айналып өтпейтіні анық. Біздің ендігі ортақ міндетіміз – осындай сын шақта ел Президенті Қасым-Жомарт Кемелұлы Тоқаев және Үкіметпен жүктелген тапсырмаларды мінсіз жүзеге асыру. Облыс халқын бірінші кезектегі әлеуметтік маңызы бар негізгі азық-түлік тауарларымен қамтамасыз ету мақсатында Өңірлік тұрақтандыру қорын бірінші кезектегі әлеуметтік маңызы бар азық-түлік тауарларымен толықтыруға жергілікті атқарушы орган резервінен 105,8 млн. теңге бөлінген. Бұл қаржыға 720 тонна азық-түлік қоры сатып алынды. Әрі қарай тұрғындарды азық-түлікпен қамтамасыз етуге, қиын кезеңде әлеуметтік жағдайды төмендетпеуге жұмыс істеуіміз қажет», – деді Гүлшара Әбдіқалықова.
</blockquote>
«Азық-түлік тауарларының өңірлік тұрақтандыру қорларын қалыптастыру» бюджеттік бағдарламасы бойынша негізгі азық-түлік өнімдерін қамтамасыз етуге және бағаны тұрақтандыруға, сондай-ақ короновирус індетін алдын алу мақсатында облыс әкімінің резервіне қосымша қаражат бөлінетін болды.
Сонымен қатар, төтенше жағдайға байланысты елімізде 2020-2021 жылдарға арналған жұмыспен қамтудың Жол картасы қабылданды. Бұл құжат әлеуметтік маңызға ие, халықты еңбекпен қамтуға, жұмыссыздықтың алдын алуға бағытталған. Бағдарламаны өңірде іске асыру үшін жоспарланған қаржының бір бөлігін қаржылық несие ретінде беру мәселесі шешімін тапты.
Айта кетейік, облыстық мәслихаттың кезектен тыс сессиясы бейнебайланыс арқылы өткізілді.
<img src="https://kyzylorda-news.kz/wp-content/uploads/2020/03/whatsapp-image-2020-03-31-at-20.27.13.jpeg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-31-at-20.27.11.jpeg" alt="" />

Гүлшара Әбдіқалықова: Төтенше жағдай кезінде жедел шешімдер қабылдау қажет

<a href="https://kyzylorda-news.kz/">Kyzylorda-news.kz.</a> Бүгін Қазақстан Президенті телеарналар арқылы Қазақстан халқына үндеу жолдайды.
<blockquote>
 «Бүгін сағат 21:00-де Мемлекет басшысы Қасым-Жомарт Тоқаев республикалық телеарналардың эфирінен еліміздегі төтенше жағдайға және мемлекеттің экономика мен әлеуметтік саладағы дағдарысқа қарсы іс-шараларына байланысты мәлімдеме жасайды», деп жазды Берік Уәли&nbsp;<a href="https://www.facebook.com/100003403233694/posts/2717560911700657/">Facebook</a>&nbsp;парақшасында.
</blockquote>

Бүгін Қасым-Жомарт Тоқаев телеарна арқылы мәлімдеме жасайды

<a href="https://kyzylorda-news.kz/">Kyzylorda-news.kz.</a> Қазақстандық полицейлер коронавирус жұқтыруы мүмкін деген 47 адамды іздестіруде, деп хабарлайды&nbsp;<a href="https://stan.kz/kazakstanda-koronavirus-zhyktirui-mumkin-47-adam-izdest-329148/">Stan.kz</a>.
Бұл туралы ішкі істер министрі Ерлан Тұрғымбаев мәлімдеді.&nbsp;
Министр тәртіп сақшылары мен әскерилер төтенше жағдай орнатылған бірінші күннен бастап дәрігерлермен бірге елдің қауіпсіздігін күзетіп жүргендерін алға тартты.&nbsp;
<blockquote>
 “Коронавирусқа тап болуы мүмкін деген адамдарды іздеп тауып, медициналық мекемелерге жеткізу үшін тиісті шаралар атқарылуда. Денсаулық сақтау органдарының тапсырысымен 3800 адам табылды Тағы 47 адамды іздеудеміз”, – деді Тұрғымбаев.&nbsp;
</blockquote>
Бұған қоса ол ішкі істер&nbsp;органдарының қызметкерлері ауру табылған ошақтарды қоршауға алуға қатысып жатқандығын атап өтті. Сөзінше, қазіргі таңда 31 тұрғын үй нысаны карантинге жабылыпты.&nbsp;
Еске салайық, Қазақстанда коронавирус жұқтырғандардың саны 31 наурыз 15:30-дағы мәлімет бойынша <a href="https://kyzylorda-news.kz/kogam/qyzylorda-oblysynda-koronavirws-zhuqtyrghandar-sany-18-boldy-53060/">336-ға жетті</a>.

Қазақстанда коронавирус жұқтыруы мүмкін 47 адам іздестірілуде

<a href="https://kyzylorda-news.kz/">Kyzylorda-news.kz.</a> 2 сәуірде республикалық ата-аналар жиналысы өтеді. Бұл туралы Білім және ғылым министрі Асхат Аймағамбетов мәлімдеді, деп хабарлайды&nbsp;<a href="https://sputniknews.kz/society/20200331/13462246/respublikalyq-ata-analar-zhinalysy.html">Sputnik Қазақстан.</a>
«Бейсенбі күні республика бойынша ата-аналар жиналысы өтеді. Онда біз ата-аналарға қашықтан оқыту жүйесіне қалай қосылу керек екенін және ол қалай жүргізілетінін түсіндіреміз», – деді Аймағамбетов онлайн брифингте.
3 сәуір, жұма күні елімізде сынып сағаттары өтеді. Ол жерде де балаларға қажетті ақпарат беріледі.
Ал ертең, 1 сәуірде бүкіл оқушы үшін <a href="https://kyzylorda-news.kz/kogam/1-saewirde-qazaqstan-mektepteri-oqwshylargha-synama-sabaq-oetkizedi-53083/">сынама сабақ</a> өткізіледі.
Министрдің айтуынша, бұл үш шараның мақсаты – 6 сәуірде басталатын қашықтан оқыту форматына дайындық.

2 сәуірде республикалық ата-аналар жиналысы өтеді

<a href="https://kyzylorda-news.kz/">Kyzylorda-news.kz.</a> Шалғайдағы елді мекендердің оқушылары 4-тоқсанды мектепте оқуға мүмкіндіктері бар. Бұл туралы Орталық коммуникациялар қызметіндегі брифингте ҚР Білім және ғылым министрі Асхат Аймағамбетов айтты, деп хабарлайды <a href="https://lenta.inform.kz/kz/shalgaydagy-auyl-mektepteri-dasturli-formatta-bilim-bere-alady-ashat-aymagambetov_a3631657">ҚазАқпарат.</a>
<blockquote>
 «Бізде шағын жинақталған, әсіресе, шалғайдағы, өте алыстағы елді мекендердегі мектептер бар. Оларда бала саны өте аз. 20, 40, 50 бала білім алады. Бірақ, үлкен мектептер. Осы мектептер бойынша қазіргі уақытта тиісті шешім қабылдадық. Әрине, эпидемиологиялық жағдайға байланысты әлі де шешімді қарап, керек болса түзетеміз. Бірақ, республика бойынша осындай мектептердің тізімін анықтадық және осы мектептерде қазіргі уақытта тиісті карантиндік шаралар қабылданатын болса, онда сол мектептер өздерінің дәстүрлі форматында жұмысын жалғастыра беруге мүмкіндіктері бар», – ол.
</blockquote>
Бірақ, министрдің айтуынша, мұндай мектептерде сабақ өткізу уақыты 30 минутқа қысқартылады. Сонымен қатар оқушылар екі ауысыммен білім алады.

Министр: Шалғайдағы ауыл мектептері дәстүрлі форматта білім бере алады

<a href="https://kyzylorda-news.kz/">Kyzylorda-news.kz.</a> Қызылорда облысында екі балықшы суға батып кетті, деп хабарлайды Төтенше жағдайлар комитеті.
30 наурыз сағат 13:00-де Қызылорда облыстық ТЖД кезекші пультіне 29 наурызда Кіші Арал теңізіне моторлы қайықпен балық аулауға кеткен екі балықшының жоғалып кеткені туралы хабар түсті.
Іздеу жұмыстарына шұғыл түрде ТЖД жедел-құтқару жасағының құтқарушылары мен жергілікті тұрғындар тартылды. Екі сағаттан кейін құтқару тобы 1974 және 1998 жылғы екі балықшының денесін судан алып шықты.
Азаматтық қорғаныс органдарының құтқару жасақтары көктем кезінде су айдындарында адамдардың қаза табуына жол бермеу мақсатында тұрғындармен түсіндіру жұмыстарын, профилактикалық шаралар жүргізіп жатыр.

Арал теңізінде екі балықшы суға кетіп, көз жұмды

<a href="https://kyzylorda-news.kz/">Kyzylorda-news.kz.</a> Еліміздегі төтенше жағдайға байланысты үкімет тұрғындарға үйінен шықпауға тәртіп сақтауға, үйінен шықпауға міндеттеді. Барлық жиын тойларға тыйым салынды. Осыған қарамастан тәртіпті бұзған кейбір азаматтарға іс қозғалды.
Қазалыда төтенше жағдай режимін бұзған тойхана басшылығы 7 күнге қамалды. Сонымен қатар, сағат 22.00-ден кейін жұмыс жасағаны үшін 20 кафе-тойханаға хаттама толтырылды. Иә, еліміздің басына түскен қиындықты бірігіп қана жеңе аламыз. Ал бірігу билік қойған талаптарды бұзбай өз-өзімізді сақтандыру.
Карантин қалыптасқан жағдайларды түбейгейлі өзгертті. Той өткізбесе жұрттан қалғандай сезінетін қазақ, мереке жиындарын кейінге қалдырды. Оқушылар «онлайн» білім алуға көшті.
Онлайн демекші… Нұр-Сұлтан қаласында Азамат пен Әсел атты жас жұбайлар видео байланыс арқылы той өткізді. Алғашында үлкендер қарсы болған екен. «Алайда біз видео арқылы той өткізуді жөн көрдік», депті жастар. Олар смартфон арқылы құдандасып, екі жақ бір бірімен танысқан. Дүркіретіп 500 адамға той өткізбей осылай да той өткізуге болатынына көзіміз жеткендей.
Барлық телеарналар #үйдеқалыңыз деген хэштег арқылы елді сақтануға шақыруда.
Бүгін тағы бір онлайн той танымал әзілкештің отбасында өтті.
«Аралас» – Арал жайдарман тобының ойыншысы Ғалым Махамбетов 30 жасқа толғанын инстаграмда атап өтті. Әзілкешті жақын достары эфир арқылы құттықтады. Той 1990 жылдар өткізілген мерекеге ұқсас жасалды. Қабырғаға кілем іліп «Ғалым 30 жас» деп мақтамен жаздырып, синтезатормен ән айтып көңіл көтерді. Достары онлайн құттықтап лебіздерін білдірді.
Бізде өз тарапымыздан Ғалымды туған күнімен құттықтаймыз. Бала-шағасының қызығын көріп, ғұмыры мәнді, сәнді болсын.
Иә, мұның бәрі адамның топтасуын болдырмаудың амалы. Осы арқылы ғана коронавирустың алдын аламыз.
Думан КЕҢШІЛІК
<img src="https://kyzylorda-news.kz/wp-content/uploads/2020/03/whatsapp-image-2020-03-31-at-16.49.58.jpeg" alt="" />

Думан Кеңшілік: «Онлайн той» туралы ой&#8230;

<a href="https://kyzylorda-news.kz/">Kyzylorda-news.kz.</a> Синоптиктер ауа райына байланысты Қызылорда облысында ескерту жариялады.
«Қазгидромет» РМК баспасөз қызметінің хабарлауынша, 1 сәуірде Қызылорда облысының кей жерлерінде найзағай жарқылдайды. Оңтүстік-батыстан соққан желдің екпіні кей жерлерде 15-20, 23-28 м/с жетеді.
Осы күні Қызылорда қаласында да түнде және таңертең күн күркірейді. Оңтүстік- батыстан соққан желдің күші – 15-20 м/с.

Қызылорда облысында күн күркіреп, күшті жел соғады

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус жұқтырған адамдармен қарым-қатынаста болған 388 адам анықталды. Оның ішінде 101 адам жұқтырғандармен жақын қарым-қатынаста болған.
<blockquote>
 «Жалпы облысымызда коронавирусқа қарсы стационарларда төсек орындар дайындалған. Қазіргі таңда 135 төсек орынға дейін кеңейтілді. Сонымен қатар провизорлық стационар 100 төсек орын болса, қазір 260 төсек орынға дейін кеңейтілді. Карантиндік қосымша 600 төсек орын бар», – деді Қызылорда облысының денсаулық сақтау басқармасының басшысы Жақсылық Әбдусәметов «Хабар 24» арнасында тікелей эфирден сөйлеген сөзінде.
</blockquote>
Басқарма басшысы облыс аумағына сырттан келген азаматтардың бәрі де бақылауға алынғанын айтып өтті.
<blockquote>
 «1А санатындағы елдерден келген 33 азамат бар. Оның 9-ы ауруханада оқшауланса, 23-і үй жағдайында. 1В санатынан келген 148 азаматтың 12-і аурухана, қалған 136-ы үй жағдайында оқшаулауға алынған. Медициналық ұйымдардың қызметкерлерінің бәрі қазіргі уақытта сырттан келген азаматтарды анықтау және үйде бақылау жұмыстарын жүргізуде. Жұқпалы аурулардың алдын алу, таралуының қаупін болдырмау мақсатында ауыр науқастарға және жалғызбасты аналарға қатысты дәрі-дәрмекті үйді-үйге тарату жұмыстары жолға қойылған», – деді ол.
</blockquote>
Жақсылық Әбдусәметов сондай-ақ Қызылорда облысында коронавирус жұқтырған азаматтармен қарым-қатынаста болған 388 адамның анықталғанын қосып өтті.
<blockquote>
 «Оның ішінде 101-і тығыз қарым-қатынаста болған. Аталған азаматтар үй карантинінде. Алдында анықталған 9 азамат ем алып жатыр. Қазіргі динамикада жағдайларының нашарлағаны байқалмайды. Осы науқастарды емдеуге қажетті дәрі-дәрмек қоры бар», – деді басқарма басшысы.
</blockquote>
Басқарма басшысы ел ішінде той-жиынға бармау туралы насихат жұмыстары жүргізіліп жатқанын жеткізді.
<blockquote>
 «Бір үйдің азаматтарынан және сол төңіректегі көшенің бойында тұратын азаматтардан осынша науқастың тіркелуі – сақтану шараларының толық көлемде орындалмауынан болып отырғанын атап өткіміз келеді. Алдағы уақытта тұрғындарды оқшаулау мәселесіне мән беруге, індеттің таралуына жол бермеуге шақырамыз», – деді Ж.Әбдусәметов.
</blockquote>

Қызылорда облысында коронавирус жұқтырғандармен қарым-қатынаста болған 388 адам анықталды

<a href="https://kyzylorda-news.kz/">Kyzylorda-news.kz.</a> Бүгінде Қызылорда облысында COVID-19 жұқтырған 18 адам тіркелген.
Өңірдегі алғашқы пациент Оңтүстік Кореядан 1 наурыз күні келгенімен, коронавирус жұқтырғаны тек 28 наурыз күні белгілі болды. Осыған байланысты қазір тергеу жұмыстары жүріп жатыр. Бұл туралы Қызылорда облысының әкімі Гүлшара Әбдіқалықова мәлімдеді.
1 наурыз күні шет елден келген қызылордалық тұрғын бірден оқшауланғаны анықталды. Көп ұзамай келіншек үйіне жіберілген. Бірақ ол өзін 27 наурыз күні жайсыз сезініп, ақ халаттыларға жүгінген. Одан алынған анализ нәтижелері коронавирустық инфекция жұқтырғанын көрсеткен.
Көп ұзамай қазақстандық азаматша медициналық мекемеге жатқызылды. Оның жағдайы орташа дәрежеде ауыр. Ол жөтелге, дене қызуының көтерілуі мен тамақ жыбырлауына шағымданған. Келіншекпен байланысқан 30 тұлға анықталды. Аталған жағдайға байланысты өңірдің жаңа әкімі Гүлшара Әбдіқалықова пікір білдірді.
<blockquote>
 «Коронавирус» диагнозы қойылған бірінші науқасқа қатысты қызметтік тергеу жүргізіледі және қатерлі дерт белгілерінің кеш анықталуының себебі тексеріледі», – деді облыс әкімі.
</blockquote>

Қазақстан және Қызылорда облысының жаңалықтары

Мемлекет басшысы Қасым-Жомарт Тоқаевтың мәлімдемесі

Түркістан облысының тұрғыны коронавирус инфекциясын жұқтырды: елімізде 340 адамға жетті

Гүлшара Әбдіқалықова: Төтенше жағдай кезінде жедел шешімдер қабылдау қажет

Бүгін Қасым-Жомарт Тоқаев телеарна арқылы мәлімдеме жасайды

Қазақстанда коронавирус жұқтыруы мүмкін 47 адам іздестірілуде

2 сәуірде республикалық ата-аналар жиналысы өтеді

Министр: Шалғайдағы ауыл мектептері дәстүрлі форматта білім бере алады

Арал теңізінде екі балықшы суға кетіп, көз жұмды

Думан Кеңшілік: «Онлайн той» туралы ой…

Қызылорда облысында күн күркіреп, күшті жел соғады

Қызылорда облысында коронавирус жұқтырғандармен қарым-қатынаста болған 388 адам анықталды

Гүлшара Әбдіқалықова: Қызылордада коронавирусты кеш анықтау фактісіне қатысты тергеу жүргізіледі

Қазақстан және Қызылорда облысының жаңалықтары

Мемлекет басшысы Қасым-Жомарт Тоқаевтың мәлімдемесі

Түркістан облысының тұрғыны коронавирус инфекциясын жұқтырды: елімізде 340 адамға жетті

Гүлшара Әбдіқалықова: Төтенше жағдай кезінде жедел шешімдер қабылдау қажет

Бүгін Қасым-Жомарт Тоқаев телеарна арқылы мәлімдеме жасайды

Қазақстанда коронавирус жұқтыруы мүмкін 47 адам іздестірілуде

2 сәуірде республикалық ата-аналар жиналысы өтеді

Министр: Шалғайдағы ауыл мектептері дәстүрлі форматта білім бере алады

Арал теңізінде екі балықшы суға кетіп, көз жұмды

Думан Кеңшілік: «Онлайн той» туралы ой&#8230;

Қызылорда облысында күн күркіреп, күшті жел соғады

Қызылорда облысында коронавирус жұқтырғандармен қарым-қатынаста болған 388 адам анықталды

Гүлшара Әбдіқалықова: Қызылордада коронавирусты кеш анықтау фактісіне қатысты тергеу жүргізіледі

Думан Кеңшілік: «Онлайн той» туралы ой…