<a href="https://kyzylorda-news.kz/">Kyzylorda-news.kz.</a> Осы уақытқа дейін коронавирустық инфекцияға шалдыққан бірде-бір науқас тіркелмеген Жалағаш ауданында қауіпті індет жұқтырған алғашқы тұрғын анықталды.
Аталған науқас соңғы тәулікте тіркелген.
Жалпы, Қызылорда облысында 4 маусым күнгі 09:10-дағы мәлімет бойынша барлығы 465 науқас тіркелген.
Оның 270-і індеттен жазылып шыққан.
Жалағаш ауданында анықталған тұрғынға байланысты қосымша ақпарат берілетін болады.

Жалағаш ауданында қауіпті індет жұқтырған алғашқы науқас тіркелді

<a href="https://kyzylorda-news.kz/">Kyzylorda-news.kz.</a> Биыл Қызылорда облысындағы эпидемиологиялық ахуалға байланысты Рәміздер күні мерекесі онлайн форматта өтеді. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысының ішкі саясат басқармасының басшысы Мира Қазбекова мәлімдеді.
<blockquote>
 «Рәміздер мерекесіне орай іс шаралар жоспары бекітілді. Атап айтқанда: 
– Мемлекеттік рәміздер күніне орай қала, аудан көшелерінің бойына тақырыптық көрнекі құралдары ілінді (билбордтар, баннерлер); 
– Кітапханаларда, музейлерде «Мемлекеттік рәміздер –Тәуелсіздік нышаны», «Рәміздерім – мақтанышым» тақырыптарында онлайн кітап көрмелері мен экскурсиялар өткізілуде; 
– Мемлекеттік органдарда карантин талаптарын сақтай отырып, мемлекеттік қызметке жаңадан қабылданған қызметкерлердің ант қабылдау шарасы өтеді; 
– 4 маусым күні сағат 10.00-де барлық мемлекеттік мекемелерде қызметкерлер бір мезетте, карантин талаптарын сақтай отырып, Мемлекеттік Гимн шырқайды; 
– Мереке қарсаңында «Елімнің көк байрағы – елдігімнің айғағы» тақырыбында «Сыр бірлігі» ютуб каналында онлайн лекторий, Облыстық білім басқармасының ресми фейсбук парақшасында «Менің Қазақстаным» атты онлайн мәнерлеп оқу челленджі, онлайн патриоттық әндер байқауы, оқушылар арасында онлайн шығармалар байқауы өтеді; 
– Әбділда Тәжібаев кітапханасының фейсбук парақшасында «Туым – намыс, ұраным – бірлік, рәміздерім -мақтанышым» онлайн білгірлер сайысын өткізу жоспарлануда; 
– «Сыр шаңырағы» ютуб каналында «Сырлы саз» аспапты музыка айдарында Тұрмағамбет атындағы халық аспаптар оркестрі әртістерінің біріккен онлайн концерті беріледі; 
– 4 маусымда Қызылорда облыстық филармониясының фейсбук парақшасында «Рәміздерім – рухымның айнасы» атты онлайн фильм-концерті болады; 
– Мереке күні балалар үшін «Әдемі» балалар музыкалық театр студиясының «Отанымды сүйемін» атты онлайн балалар қойылымы көрсетіледі; 
– Атаулы күнге байланысты қаладағы қоғамдық көліктерде және саябақтар мен сауда орталықтарында Мемлекеттік Гимн шырқалады. 
– Рәміздер күніне орай қала көшелерінде Авто-шеру ұйымдастырылады. 
– 4 маусымда Қызылорда қалалық мәдениет және тілдерді дамыту бөлімінің фейсбук парақшасында «Рәміздер – ел беделі», «Мемлекеттік рәміздер – ұлт мақтанышы» атты онлайн мерекелік шаралары өтеді; 
– Жалағаш аудандық кітапханасының фейсбук парақшасында «Рәміздер – ұлт мақтанышы», «Желбіре, көк байрағы елімнің!» атты онлайн байқау мен оқулары – 2 маусымнан 4 маусымға дейін жалғасады; 
– Шиелі аудандық мәдениет және тілдерді дамыту бөлімінің фейсбук парақшасында бүгін «Ұраным – бірлік, рәміздерім – мақтанышым» атты онлайн концерт өткізіледі; 
– 4 маусымда Сырдария аудандық мәдениет және тілдерді дамыту бөлімінің фейсбук парқшасында «Ел нышандары – мақтанышы елімнің» атты оқушылар арасында онлайн әскери-патриоттық сайыс ұйымдастырылады; 
Мұнан өзге, «Мемлекеттік рәміздер – ұлтымыздың мақтанышы» тақырыбында бейнероликтер 3 маусымнан бастап жергілікті телеарналар мен әлеуметтік желілер арқылы көрсетіледі», – деді сала басшысы.
</blockquote>
Сонымен қатар, «Ел рәміздері – ел рухы» атты әлемдік, халықаралық сайыстардағы жеңімпаз спортшылармен сұқбаттар телеарналар мен баспасөз беттерінде және әлеуметтік желілерде жарияланады. Және де мерекелік іс шаралар карантиндік және санитарлық талаптарды сақтай отырып жүргізіледі.
<img src="https://kyzylorda-news.kz/wp-content/uploads/2020/06/brifing-ishine-1.jpg" alt="" />

Қызылордада ҚР мемлекеттік рәміздер күні мерекесі онлайн форматта өтеді

<a href="https://kyzylorda-news.kz/">Kyzylorda-news.kz.</a> Бүгін Тәуелсіз Қазақстанның мемлекеттік рәміздері – Мемлекеттік ту, Мемлекеттік елтаңба және Мемлекеттік гимн күні.
Осыдан тура 28 жыл бұрын, нақты айтқанда 1992 жылдың 4 маусымында ҚР Тұңғыш Президенті – Елбасы Нұрсұлтан Назарбаев «Қазақстан Республикасының Мемлекеттік туы туралы», «Қазақстан Республикасының Мемлекеттік елтаңбасы туралы» және «Қазақстан Республикасы Мемлекеттік әнұранының музыкалық редакциясы туралы» Заңдарға қол қойған еді. Ал «Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданды. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді.
Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Қазақстан Республикасында Мемлекеттік ту, Мемлекеттік елтаңба және Мемлекеттік гимн мемлекеттік рәміздер болып саналады.
Осынау мемлекеттік үш нышанды таңдау үшін 1992 жылдың басында Жоғарғы Кеңес президиумы жұмыс тобын құрып, арнайы шығармашылық комиссия тағайындады. Оның құрамына Салық Зиманов, Ербол Шәймерденов, Серікболсын Әбділдин, Серік Әбдрахманов сынды қайраткерлер кірді. Осыдан кейін бүкіл Қазақстан көлемінде Елтаңба, Ту, Әнұран нұсқаларына конкурс жарияланды. Бір ғана тудың өзіне 600 адамнан 1 200 нұсқа түссе, Елтаңбаның 245 жобасы, әнұранның 750 үлгісі байқауға қатысты.
Эстетикалық сипатымен де, тарихи, саяси, экономикалық символизмге сәйкес келуі бойынша да үздік туынды ұсынған байқау жеңімпаздарын қазір халық мемлекеттік нышан авторлары ретінде таниды.
Атап айтқанда, Қазақстан Республикасының Мемлекеттік туы. Тудың авторы – Қазақстанның еңбек сіңірген өнер қайраткері Шәкен Ниязбеков.
Еліміздің мемлекеттік туы – ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында ұлттық өрнек тік жолақ түрінде нақышталған. Күн, оның шұғыласы, қыран және ұлттық өрнек бейнесі алтын түстес. Тудың ені мен ұзындығының арақатынасы – 1:2.
Қазақстан Республикасы Мемлекеттік елтаңбасының авторлары – белгілі сәулетшілер Жандарбек Мәлібеков пен Шот-Аман Уәлиханов.
Қазақстан Республикасының Мемлекеттік елтаңбасы – дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған. Жоғарғы бөлігінде – бес бұрышты көлемді жұлдыз, ал төменгі бөлігінде «QAZAQSTAN» деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесі, сондай-ақ «QAZAQSTAN» деген жазу – алтын түстес.
Қазақстан Республикасының Мемлекеттік Туы мен Мемлекеттік Елтаңбасының эталондары Қазақстан Республикасы Президентінің Резиденциясында сақталады.
Тәуелсіз Қазақстанның тұңғыш Әнұранның авторлары ретінде – әуенін жазған Мұқан Төлебаев, Евгений Брусиловский мен Латиф Хамидидің есімі тарихта қалды. Үздік мәтінге жарияланған байқауды Мұзафар Әлімбаев, Қадыр Мырзалиев, Тұманбай Молдағалиев және Жадыра Дәрібаева жеңіп шықты.
2006 жылы «Менің Қазақстаным» әні ретінде танымал болған Қазақстанның гимні Президент Нұрсұлтан Назарбаевтың бастамасымен 2006 жылы 6 қаңтарда еліміздің Парламентінде бекітілді. Бірінші рет ол 2006 жылы 11 қаңтарда Тұңғыш Президент, Елбасының салтанатты ұлықтау рәсімінде орындалды. Әннің авторы Шәмші Қалдаяқов, сөзін жазғандар: Жұмекен Нәжімеденов, Нұрсұлтан Назарбаев.
<a href="https://www.inform.kz/kz/bugin-memlekettik-ramizder-kuni_a3657320">ҚазАқпарат</a>

Бүгін &#8211; мемлекеттік рәміздер күні

<a href="https://kyzylorda-news.kz/">Kyzylorda-news.kz.</a> 4 маусым күні атмосфералық фронталды бөліктердің өтуімен жекелеген өңірлерде найзағай ойнап, жаңбыр жауады, деп хабарлайды Қазгидромет.
Кей жерлерде жел күшейеді. Қызылорда облысында шаңды дауыл тұрады. Солтүстікте және орталықта түнде және таңертең тұман күтіледі, солтүстікте бұршақ жаууы ықтимал.
Синоптиктердің айтуынша, Солтүстік Қазақстан, Павлодар, Қарағаңды облыстарында түнде және таңертең кей жерлерде тұман күтіледі, жел 15-20 м/с күшейеді. Солтүстік Қазақстан облысында бұршақ жаууы ықтимал.
Ақмола облысында түнде және таңертең кей жерлерде тұман күтіледі, күндіз жел 15-20 м/с артады.
Маңғыстау, Атырау, Шығыс Қазақстан, Қызылорда Ақтөбе облыстарында, күндіз Түркістан, Жамбыл, Батыс Қазақстан, Қостанай облыстарының кей жерлерінде желдің күші 15-20 м/с болады. Қызылорда облысында желмен шаңды дауыл көтеріледі.
Алматы, Жамбыл, Түркістан, Маңғыстау облысының оңтүстігінде қатты ыстық болады. Қызылорда, Атырау облыстарының оңтүстігінде өте қатты ыстық күтіледі.
Қызылорда, Павлодар облыстарында, Ақмола, Шығыс Қазақстан облыстарының кей жерлерінде, Жамбыл, Түркістан облыстарының солтүстігінде, Ақтөбе облысының оңтүстігінде өте жоғары өрт қаупі болжанады.

4 маусымға арналған ауа райы болжамы

Қазақстан Республикасының мемлекеттік рәміздері күні
1992 жылғы 4 маусымда тәуелсіз Қазақстанның жаңа мемлекеттік рәміздері алғаш рет бекітілді – бұл күн ел тарихында жаңа мемлекеттік рәміздер күні ретінде мәңгі есте сақталады. Мемлекеттік рәміздер – мемлекеттің мызғымас негіздерінің бірі.
Мемлекеттік Ту, Мемлекеттік Елтаңба және Мемлекеттік Әнұран мемлекеттің негізгі рәміздері саналады.
Көгілдір түсті туымыз бен ортасында шаңырақ бейнесіндегі алтын сәулелі күн орныққан елтаңбамыз бүкіл әлемге Қазақстан Республикасы аталатын жаңа тәуелсіз Мемлекет бейнесін паш етті. 1992 жылы суретші Шәкен Ниязбеков салған Мемлекеттік ту бекітілді. &nbsp;Егемен Қазақстанның бүгінгі Елтаңбасы – екі танымал сәулетші Жандарбек Мәлібеков пен Шота Уәлихановтың қыруар еңбегінің жемісі. 1992 жылы республикамызда әнұранның әні мен мәтініне конкурс жарияланды. Тұңғыш Қазақстан әнұран әнінің авторлары – Мұқан Төлебаев, Евгений Брусиловский мен Латиф Хамиди. 2006 жылы жаңа Мемлекеттік әнұран қабылданды.
Бақытты тағдыры өткен ғасырдың елуінші жылдарының екінші жартысынан басталған халық арасында кең танымал патриоттық ән «Менің Қазақстаным» жаңа Әнұран негізіне айналды. Қазақстан Республикасы жаңа Мемлекеттік әнұранның авторлары – Шәмші Қалдаяқов, Жұмекен Нәжімеденов, Нұрсұлтан Назарбаев. Мемлекеттік рәміздер күні – Қазақстандағы жаңа мейрам, әйтсе де оны қазақстандықтар асқан патриоттық сезіммен мерекелейді.
1943 жылы Қазақ КСР-нің алғашқы Мемлекеттік Әнұранын жазуға байқау жарияланды. Әнұран сөзі бойынша өткізілген байқауда 27 жастағы Қайым Мұхамедхановтың мәтіні таңдалып алынса, сол кезде 30 жаста болған композитор Мұқан Төлебаев жас ақынның сөзіне тамаша ән жазды. 1944 жылы қазақтың қаһарман қызы Әлия Молдағұловаға Кеңес Одағының Батыры атағы берілді. Әлия (шын есімі Ілия, майдандас достары «Лия» деп атапты) Нұрмұхамбетқызы Молдағұлова (1925-1944) – Совет Одағының батыры, снайпер, ефрейтор.
1944 жылы 14 қаңтарда Псков облысының солтүстігіндегі Новосокольники ауданында қаза тапты. Әлия Нұрмұхамбетқызы Молдағұловаға 1944 жылы 4 маусымда Кеңес Одағының Батыры атағы берілді. Ленин орденімен марапатталды. Новосокольники ауданының Монаково ауылында жерленген. Әлия есімімен көшелер, ондаған мектеп (Мәскеудегі № 891 орта мектебі, Шымкенттегі № 29 орта мектебі, Новосокольники № 72 орта мектебі, Оралдағы № 38 орта мектебі), Әскери-теңіз флотының кемелері, Каспий жүк таситын теплоходы аталған. Ақтөбе, Астана, Алматы, Мәскеу, Санкт-Петербург, Новосокольники қалаларында ескерткіштер орнатылған. Ақтөбеде облыстық мемориалдық музей жұмыс жасайды.
1992 жылы Елбасы Нұрсұлтан Назарбаевтың Жарлығымен «Қазақстан Республикасы Мемлекеттік жалауы туралы»,
«Қазақстан Республикасы Мемлекеттік елтаңбасы туралы»,
&nbsp;«Қазақстан Республикасы Мемлекеттік әнұранының музыкалық редакциясы туралы» Заңдар күшіне енді.
ҚР мемлекеттік туының авторы – суретшi Шәкен Ниязбеков. Қазақстан Республикасының мемлекеттік елтаңбасының авторлары – Ж.Мәлiбеков пен Ш.Уәлиханов. 2006 жылғы 6 қаңтарда Жұмекен Нәжімеденов пен Нұрсұлтан Назарбаевтың сөзіне жазылған Шәмші Қалдаяқовтың «Менің Қазақстаным» әні Қазақстан Республикасының әнұраны болып бекітілді.

4 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 4 маусымға арналған жұлдыз-жорамалы.
Тоқты
Материалдық жағдайыңызды қадағалап отырыңыз. Бүгін маңызды мәселелерді шешуге, басшылыққа өтінішпен кіруге, жұмыс ауыстыруға қолайсыз күн. Арандатушыларға ермеңіз.
Торпақ
Бала күннен қалған сырқаттарыңыз сыр беруі мүмкін. Сондықтан денсаулығыңызға мән беріңіз. Сонымен қатар бүгін уақытыңызды тиімді пайдаланыңыз.
Егіздер
Бүгін өте қаталсыз, әрі ашушаңсыз. Сондықтан болар жаныңыздағыларға дөрекілік танытасыз. Сондықтан жақындарыңызбен тығыз қарым-қатынас орнатпаңыз. Шыдамсыз, сабырсыз мінезіңізден опық жеп қалмаңыз.
Шаян
Бойыңыздағы күш-жігеріңіз бен батылдығыңыз оң нәтижесін береді. Жұмысты үйден шықпай-ақ істей аласыз. Сіз жетістікке де, бақытқа да өз күшіңізбен жететін жансыз. Сондықтан кездейсоқтыққа сенбеңіз.
Арыстан
Бүгін қаржылық жағдайыңыз тұрақты емес. Кірісіңізден бұрын шығысыңыз көп. Жалпы ақшаңызға сақ болыңыз. Жоғалтып алу қаупі бар. Не болмаса валюталық қызметтер кезінде мұқият болыңыз.
Бикеш
Жолыңыз әркез болады деп айту қиын. Бірақ сіз бұл қиындықтарға мойынсұнбайсыз. Біліктілігіңіздің және мол тәжірибеңіздің арқасында барлық мәселелерді оң шешіп, жақсы нәтижеге қол жеткізесіз.
Таразы
Бүгінгі күнді жақындарыңыз бен сүйіктіңізге арнаңыз. Олардың сіз үшін қаншалықты маңызды екенін көрсетіп, оларға қамқор болыңыз. Егер біреуді ренжіткен болсаңыз, кешірім сұраңыз. Сізді міндетті түрде кешіреді.
Сарышаян
Жақын адамдарыңыздың бірі сізді қатты ренжітуі мүмкін. Қатты реніштен денсаулығыңызға да зиян тиеді. Сондықтан көп тынығып, тек жақсылық ойлаңыз. Тәттіден бас тартпаңыз.
Мерген
Жұмыс ауыстырмаңыз. Себебі дәл қазіргі сәтті орын ауыстыру сіздің күш-жігеріңізді сарқып алады. Сонымен қатар жақсы жетістікке жетуге кедергісін келтіреді.
Тауешкі
Қызықты жол сапарға шығуға, басқосулар өткізуге, ғылыми жобаларға қатысуға қолайлы күн. Туған жерден алыстап кетуге де болмайды. Өз өлкеңіздің сіз білмейтін сырларымен танысып, кішігірім саяхат жасап қайтыңыз.
Суқұйғыш
Жақындарыңыздан немесе достарыңыз тарапынан сізге көмек қолын созатындар болады. Бірақ тек өзіңізге ғана сеніңіз. Өзіңіз дұрыс деп тапқанды орындауға тырысыңыз.
Балықтар
Тағдырдың түрлі сынағы таусылған емес. «Аңдамай сөйлеген, ауырмай өледі» демекші, аңдаусызда айтылған сөздің кесірінен жақындарыңыздың жанын жаралап аласыз. Әрбір сөзіңізге абай болыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда облысында бүгінгі күнге коронавирус індетінен тағы 2 науқас емделіп шықты. Бұл туралы Қызылорда облыстық денсаулық сақтау басқармасының басшысы Жақсылық Абдусаметов мәлімдеді.
Емделушілердің емі толық аяқталған соң, 2 рет тест сынамасы алынды. Сынама нәтижесі теріс көрсеткіш көрсетуіне орай, яғни науқастар “Covid-19” вирусынан айығуына байланысты ауруханадан үйлеріне қайтарылды.
Індетті жеңген 2 науқас та Кызылорда қаласының тұрғындары. Олар 14 күн бойы аймақтық дәрігерлер бақылауында болады.
Осы күнге дейін өңірімізде індеттен айығып шыққандар саны – 270. 
(Кызылорда қаласы – 116, Арал ауданы – 8, Қазалы ауданы – 8, Қармақшы ауданы – 6, Сырдария ауданы – 26, Шиелі ауданы – 68, Жанакорған ауданы – 35 және өзге мемлекеттер мен өңірлердің азаматы – 3 (Алматы қаласы – 2, Ресей федерациясы – 1).

Қызылордада коронавирус инфекциясынан айыққандар саны 270-ке жетті

Төтенше жағдай: Журналист қалай залалсыздандырушы болды? (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысында кальциленген сода өндіру зауыты салынады.
Арал ауданында бой көтеретін нысанның құрылысын «АралСода» ЖШС таяуда бастайды.
Жоба құны 100 млрд теңгені құрайды. Сондай-ақ, мұнда 800 адам жұмыспен қамтылады. Өндіріс орны жылына 300 мың тонна өнім өндіріп, ішкі нарықты толық қамтамасыз етеді деп күтілуде.
Айта кетейік, бұл инвестициялық жоба мемлекеттің индустриаландыру бағдарламасы аясында басталады. Аталған бағдарлама арқасында облыс аумағында 551,2 млрд тенгеге 23 жоба жүзеге асырылады деп жоспарлануда.

Арал ауданында кальциленген сода өндіру зауыты салынады

<a href="https://kyzylorda-news.kz/">Kyzylorda-news.kz.</a> Алматының бас санитар дәрігері Жандарбек Бекшин күн сәулесі коронавирусқа қалай әсер ететінін айтты, деп хабарлайды <a href="https://www.inform.kz/kz/kun-saulesi-koronavirusty-oltire-ala-ma-bekshin-zhauap-berdi_a3657490">ҚазАқпарат</a>.
<blockquote>
 «Коронавирус инфекциясы тыныс алу жолдары арқылы кіреді. Вирус адам ағзасына тері арқылы емес, шырышты қабық арқылы енеді. Адам қолына вирус тиген жағдайда аузын, мұрнын, көзін жиі ұстайды. Халықаралық жаңалықтарды көрсеңіздер, барлығы көзәйнек тағады. Ол көздің шырышты қабығын қорғау үшін тағылады», – деді Жандарбек Бекшин.
</blockquote>
Бас санитар дәрігер «коронавирусты күн сәулесі жоя ма?» деген журналистердің сауалына жауап берді.
<blockquote>
 «Бұл мәселе бойынша толық дәлелді зерттеулер жоқ. Тұмау вирусы сәуір-мамырда бәсеңситінін білеміз. Ауа температурасы көтеріліп, күн жылынғанда тұмау вирусы әлсірейді. Ал коронавирус инфекциясына келсек, климаты ыстық елдер Бразилия, Перу, Үндістан, Пәкістан елдерінде қазір вирус өршіп тұр. Тіпті қазір Алматының өзінде +30 градус ыстықта жұқтыру көрсеткіші төмендер емес. Вирусқа ультракүлгін сәуле ықпал ете алмайды. Сондықтан, жабық бөлмеде ұзақ отыруға болмайды», – деді Жандарбек Бекшин.
</blockquote>
Айта кету керек, қаланың бас санитар дәрігері вирус жұқтырғандар саны азаймай отырғанын айтты. Оның сөзінше, қазір Алматыда коронавирус жұқтырған 2715 адам бар. Қалада індет жұқтыру фактілері азаймай отырғандықтан карантин шаралары сақталады.

Күн сәулесі коронавирусты өлтіре ала ма &#8211; Бекшин жауап берді

<a href="https://kyzylorda-news.kz/">Kyzylorda-news.kz.</a> Қызылорда облысында коммуналдық қызмет үшін берілетін төлемдерге өтініштер маусым айының аяғына дейін қабылданады.Бұл туралы Өңірлік коммуникациялар қызметінің ақпараттық алаңында өткен баспасөз конференциясында Қызылорда облысының энергетика және тұрғын үй-коммуналдық шаруашылық басқармасы басшысының міндетін атқарушы Ерлан Жоламанов мәлімдеді.
<blockquote>
 «Өңірде 123 мың тұрғын аталған көмекті алуға құқығы бар. Оның ішінде 1, 2, 3 санаттағы мүгедектер – 27,2 мың, Ұлы Отан соғысының мүгедектері мен қатысушылары және теңестірілген адамдар – 1,5 мың, мүгедек балаларды тәрбиелеушi отбасылар – 5,4мың, көпбалалы отбасылар – 43,3мың, ең төмен және аз зейнетақы алатын зейнеткерлер – 37,5мың, атаулы әлеуметтік көмек алатын азаматтар – 8,3мың, мемлекеттiк немесе қоғамдық мiндеттерiн, әскери қызметiн орындау кезiнде қаза тапқан адамдардың отбасылары – 168. Сонымен қатар коммуналдық төлемді басқа да беріліп жатқан әлеуметтік көмектер сияқты жеке есеп-шотқа қаржылай түспейді. Яғни, бірден коммуналдық қызмет көрсетуші мекемелердің есепшотына аударылады», – деді Ерлан Жоламанов.
</blockquote>
Сонымен қатар, коммуналдық қызметтер бойынша қаражатты өтеу үшін тұтынушы жеке сәйкестендіру нөмірін, әлеуметтік мәртебесін және есепшотының деректерін көрсете отырып, жергілікті атқарушы органмен белгіленген call-орталық арқылы өтінім береді.
Өтінімдер келесі call-орталықтары арқылы қабылданады:
– Қызылорда қаласы: 400-700 телефон нөмірі немесе&nbsp;<a href="https://l.facebook.com/l.php?u=http%3A%2F%2Fwww.15.epd.kz%2F%3Ffbclid%3DIwAR2fzZH3A8wY1VuJ4GvcVmWd1vgdG-r3-elq3S4R2DwEJWrUj8EbanqTsDM&h=AT1usZz06XAGheano251ao5VIJ5f8Hxq6Mg-87lMWMRZ-Z-5WhZHyW1hdH627hKInFRVpKCZUU4m3aLscPgqgKf0DVtXOovMb6nWwrpGdh89sX5-ePOf1eO_fBfBwxxArk2G1osatlQd-M0rAXel4jyMYi6WAUqY">www.15.epd.kz</a>&nbsp;сайты арқылы; 
– Арал ауданы бойынша: 2-22-24;
– Қазалы ауданы бойынша: 7-91-35;
– Қармақшы ауданы бойынша: 2-27-62;
– Шиелі ауданы бойынша: 4-32-66;
– Жаңақорған ауданы бойынша: 2-10-17;
– Сырдария ауданы бойынша: 2-20-01;
– Жалағаш ауданы: 2-32-232, 31-101 нөмері арқылы.
Құрметті облыс тұрғындары, коммуналдық қызмет төлемі туралы түбіртекте 15 мыңнан кем болса, төлем келесі мерзімге шегеріледі. Коммуналдық қызметтің бір бөлігін өтегені бойынша төлем түбіртекте көрсетіледі.

Қызылорда: 15 мың теңге коммуналдық төлем үшін өтініштер қабылдау жалғасуда

<a href="https://kyzylorda-news.kz/">Kyzylorda-news.kz.</a> Қызылорда қаласындағы ЗК-169/5 мекемесінде бас бостандығынан айырылғандар арасында «Мен қазақша сөйлеймін» атты сайыс өтті.
Аталған мекемеде сотталғандарды түзу жолға салып, өмірге деген оң&nbsp; көзқарасын қалыптастыру үшін,&nbsp; тәрбие жұмыстарын жүргізу бөлімі үнемі тәрбиелік мәні бар шараларды ұйымдастырып келеді.
Мемлекеттік тілдің мәртебесін арттыру мақсатында ұйымдастырылған шараға өзге ұлт өкілдері қатысып, бақ сынады.
Сайыс&nbsp; 3 кезеңнен тұрды. Қатысушылар алғашқы кезеңде өздерін қазақ&nbsp; тілінде таныстырып өтті. Сотталғандардың сайысқа бар ынта жігерімен дайындалғанын таныстыру кезеңінен-ақ байқауға болады.
Сайытың екінші кезеңінде қатысушылар мақал-мәтел айтып жарысты. Мақал-мәтелді мүдірмей айтқан тәжік ұлтының азаматы қазылар алқасын таңғалдырды.&nbsp; Қатысушылар соңғы кезеңде ұлы ақын Абайдың қара сөздерін жатқа оқыды.
Сайыс барысында қатысушылар белсенділік танытып, жарыс көркін қыздыра түсті. &nbsp;
Қазылар алқасының шешімімен сайыста мақал-мәтелді мүдірмей айтқан тәжік ұлтының азаматы&nbsp; І орынды жеңіп алды. Ал ІІ және ІІІ орынды кәріс пен ұйғыр ұлтының азаматтары қанжығаларына байлады. Жеңімпаздар Алғыс хатпен&nbsp; марапатталды.

Қазақстан және Қызылорда облысының жаңалықтары

Жалағаш ауданында қауіпті індет жұқтырған алғашқы науқас тіркелді

Қызылордада ҚР мемлекеттік рәміздер күні мерекесі онлайн форматта өтеді

Бүгін – мемлекеттік рәміздер күні

4 маусымға арналған ауа райы болжамы

4 маусым: Атаулы күндер мен оқиғалар

Жұлдыздар не дейді?

Қызылордада коронавирус инфекциясынан айыққандар саны 270-ке жетті

Төтенше жағдай: Журналист қалай залалсыздандырушы болды? (ФОТО)

Арал ауданында кальциленген сода өндіру зауыты салынады

Күн сәулесі коронавирусты өлтіре ала ма – Бекшин жауап берді

Қызылорда: 15 мың теңге коммуналдық төлем үшін өтініштер қабылдау жалғасуда

Қызылордада жазасын өтеуші өзге ұлт өкілдері арасында сайыс өтті

Қазақстан және Қызылорда облысының жаңалықтары

Жалағаш ауданында қауіпті індет жұқтырған алғашқы науқас тіркелді

Қызылордада ҚР мемлекеттік рәміздер күні мерекесі онлайн форматта өтеді

Бүгін &#8211; мемлекеттік рәміздер күні

4 маусымға арналған ауа райы болжамы

4 маусым: Атаулы күндер мен оқиғалар

Жұлдыздар не дейді?

Қызылордада коронавирус инфекциясынан айыққандар саны 270-ке жетті

Төтенше жағдай: Журналист қалай залалсыздандырушы болды? (ФОТО)

Арал ауданында кальциленген сода өндіру зауыты салынады

Күн сәулесі коронавирусты өлтіре ала ма &#8211; Бекшин жауап берді

Қызылорда: 15 мың теңге коммуналдық төлем үшін өтініштер қабылдау жалғасуда

Қызылордада жазасын өтеуші өзге ұлт өкілдері арасында сайыс өтті

Бүгін – мемлекеттік рәміздер күні

Күн сәулесі коронавирусты өлтіре ала ма – Бекшин жауап берді