<a href="https://kyzylorda-news.kz/">Kyzylorda-news.kz.</a> Коронавирус іңдетіне байланысты 26 наурыз, яғни бүгіннен бастап Қызылорда қаласының теміржол вокзалы мен автовокзал аумағын дезинфекциялау басталды.&nbsp;
Бұл туралы Қызылорда облысы әкімдігінің баспасөз қызметі хабарлады.
<blockquote>
 «Қалада орналасқан басқа да қоғамдық орындарды дезинфекциялау жұмысы Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің кестесіне сәйкес жүргізіледі. Түсіністікпен арауларыңызды сұраймыз», – делінген әкімдіктің хабарламасында.
</blockquote>
Дезинфекция жұмысын Қорғаныс министрлігіне қарасты Қызылорда облысында орналасқан әскери бөлімдер ұйымдастырады.

Қызылорда қаласында дезинфекциялау жұмыстары басталды

<a href="https://kyzylorda-news.kz/">Kyzylorda-news.kz.</a> 23 наурызы күні ауданға қарасты Аманөткел елді мекенінің тұрғыны баласын үйлендіру мақсатында отбасылық шара өткізіп, той жасағаны анықталды. Аталған азаматша Қазақстан Республикасында төтенше жағдай жариялануына байланысты мемлекеттік орган белгілеген режимді бұзған.
ӘҚБтК-нің 476-бабының 3-тармақшасында төтенше жағдайдың жариялануына байланысты мемлекеттік орган белгілеген режимді бұзу немесе талаптарын орындамау, сондай-ақ, жергілікті заң комендантының заңды бұйрықтары мен өкімдерін, жиналыстар, митингілер, шерулер, демонстрациялар, сондай-ақ, ойын-сауық, спорттық, басқа да бұқаралық іс-шараларды өткізуге тыйым салу бөліктерінде талаптарды орындамағаны үшін жауаптылық көзделген.
Сот отырысында ӘҚБтК-нің 476-бабының 3-тармақшасы бойынша кінәлі деп танылған азаматшаға 26 510 (жиырма алты мың бес жүз он) теңге мөлшерінде айыппұл салынды. Қаулы заңды күшіне енген сәттен бастап, айыппұлды еркімен өз төлеуі үшін 30 тәулік мерзім берілді.
<a href="https://www.facebook.com/photo.php?fbid=2607162979612072&set=a.1382418035419912&type=3&eid=ARDSokjPeSPMwe85uy6OdsszRSgXI1Tb69aa2CNGXnPiLgySfoYncInEaklAs10J-6qGTQHwIriO3jRm"> 
</a>

Арал ауданында төтенше жағдай режимін бұзған тұрғын жазаланды

<a href="https://kyzylorda-news.kz/">Kyzylorda-news.kz.</a> Қызылорда облысында егін көлемі өткен жылғы межеден қысқармайды, деп хабарлайды <a href="https://24.kz/kz/zha-aly-tar/o-am/item/383327-yzylorda-oblysynda-ba-a-t-ra-tyly-y-basty-nazarda?fbclid=IwAR28GAdacCOk7rG6ac599R_VcKRpv8Q9yxX5zKhmyT0JRg065uKlPpsFzoQ">«Хабар 24»</a>.
Тұз, балық, сүт өндірісі де қалыпты жұмыс істеп тұр. Ал әлеуметтік дүкендер саны екі есеге дейін артады. Елдегі төтенше жағдай кезінде Сыр өңірінің басты дақылы – күріштің көтерме бағасы келісіне 220 теңгеден, ал бөлшек саудада 253 теңгеден аспауы тиіс. Бұл – шекті баға. Бүгінде облыс бойынша Сыр маржанының 95 мың тонна қоры бар. Яғни келесі егін орымына дейін ел нарығын қамтуға жеткілікті. Мәселен, өңірдегі тәулігіне 120 тонна өнім шығаратын ірі күріш өңдеу зауытының қоймасында 15 мың тонна ақ күріш ел аймақтарына жөнелтілуге дайын тұр.
<blockquote>
 «Республика бойынша 30-40 пайызын Нұр-Сұлтан қаласы мен Алматыға жіберіп жатырмыз. Одан кейін Шымкент қаласы, Түркістан облысы. Ең бастысы, доллардың өсіп кетпеуі. Біздің қосалқы бөлшек, гербицидтеріміз, техникаларымыз осы доллорға байланысты болып тұр», – дейді серіктестік директоры Мағжан Ералиев.
</blockquote>
Коронавирус індеті өрши түскен кезде, мұнайдың арзандап, доллардың қымбаттауы азық-түлік өндірісіне де оңай соқпасы анық. Дегенмен биыл күрішті аймақ диқандары басты дақылдың көлемін өткен жылғыдан кем екпеуді, яғни 88 мың 200 гектарды еңсеруді жоспарлап отыр.
Аймақта азық-түлік бағасын тұрақтандыру және қажетті қорын қалыптастыру мақсатында облыс әкімінің резервінен 105 млн 800 мың теңге бөлініп, 1 мың 100 тонна өнім сатып алынды. Сондай-ақ тұрақтандыру қорына қосымша 3,5 мың тонна өнім алу үшін облыстық бюджеттен 400 миллион теңгеден астам қаржы бөлінді. Ал бүгінгі күні облыс қоймаларында 9,5 мың тоннаға жуық азық-түлік қоры бар.
<blockquote>
 «Қазіргі таңда Қызылорда облысында күріш жармасы мен ас тұзының жеткілікті қоры бар. Өздеріңіз жақсы білесіздер, Аралда балық шаруашылығы өте жақсы дамыған. Бүгінгі күні біз Нұр-Сұлтан қаласын және Алматы қаласын осы өнімдермен қамтамасыз етуге біздің кәсіпкерлеріміз дайын. Және өзіміздің әріптестерімізбен бірге жұмыс жасап жатырмыз. Басқа облыстардан шығатын өнімдерді біз алу бойынша тиісті жұмыс істеп жатырмыз», – дейді облыс әкімі Қуанышбек Ысқақов.
</blockquote>
Әлеуметтік маңызы бар азық-түлікті тауарларына қойылатын үстеме баға 15 проценттен аспауы тиіс. Облыс әкімдігі тауарөндірушілер және сауда субъектілерімен ынтымақтастық меморандумына қол қоя отырып, осындай келісімге келді.

Қызылорда облысында баға тұрақтылығы басты назарда

<a href="https://kyzylorda-news.kz/">Kyzylorda-news.kz.</a> Қызылорда қалалық жастар ресурстық орталығы жанынан құрылған волонтерлық топ қала орталығындағы базарлар мен сауда орындарында және теміржол вокзалы мен автовокзалда тегін медициналық маскалар таратты.
Бұл бетперделерді демеуші ретінде қаладағы “Dalatex” ЖШС ұсынған. «Ажар сити» сауда орталығы да өз тұтынушыларына тегін медициналық бетперделер үлестірді.
Сонымен қатар облыстық тауарлар мен көрсетілетін қызметтердің сапасы мен қауіпсіздігін бақылау басқармасы санитарлық талаптарды сақтау туралы түсіндірме жұмыстарын жүргізсе, қалалық төтенше жағдайлар басқармасы қала көшелері мен халық көп шоғырланатын орындарда арнайы жабдықталған автокөліктегі дыбыс күшейткіш құралдары арқылы қауіпсіздік шараларын сақтау, төтенше жағдай кезіндегі талаптар мен жауапкершіліктер туралы хабарландырулар жасады.
Айта кету керек, қалалық жедел штаб 16 наурыздан бастап, көңіл көтеру орындары, мейрамханалар, дәмханалар және өзге де қоғамдық орындарда түнгі рейд жұмыстарын күнделікті жүргізуде.
Бүгінгі күнге дейін, рейд жұмыстарының нәтижесінде ҚР «Әкімшілік құқық бұзушылық туралы» Кодексінің 476-бабы “Төтенше жағдай режимін бұзу” дерегімен Қызылорда қаласы бойынша 19 хаттама толтырылып, іс сотқа жолданды және 14-не қатысты сот шешімі шығарылды. 
Оның, ішінде 12 кафе-ресторан иелеріне 10 АЕК айыппұл салынса, талапқа бағынбаған 1 кәсіпкер 5 тәулікке, 1 кәсіпкер 7 тәулікке қамауға алынған.
<img src="https://kyzylorda-news.kz/wp-content/uploads/2020/03/02-49.jpg" alt="" />
<img src="https://kyzylorda-news.kz/wp-content/uploads/2020/03/03-29.jpg" alt="" />
<img src="https://kyzylorda-news.kz/wp-content/uploads/2020/03/04-15.jpg" alt="" />
<img src="https://kyzylorda-news.kz/wp-content/uploads/2020/03/05-9.jpg" alt="" />
<img src="https://kyzylorda-news.kz/wp-content/uploads/2020/03/06-8.jpg" alt="" />
<img src="https://kyzylorda-news.kz/wp-content/uploads/2020/03/07-3.jpg" alt="" />

Қызылордалық волонтер жастар тегін медициналық маскалар таратты

<a href="https://kyzylorda-news.kz/">Kyzylorda-news.kz.</a> Қазақстанда кейбір мектеп басшылары каникул кезінде мұғалімдерді жұмысқа шығуға міндеттеген. Бұл туралы ҚР Білім және ғылым министрлігінің баспасөз қызметі хабарлады.
<blockquote>
 «Мұндай жағдай, әсіресе, Түркістан және Алматы облыстарында анықталды. Ұстаздарды жұмысқа шақыртқан мектеп басшыларына тәртіптік жаза қолданылды», – делінген хабарламада.
</blockquote>
Педагогтер әдістемелік және каникулдан кейінгі сабаққа дайындық жұмыстарын қашықтан атқаруы тиіс. Сондай-ақ пандемия кезінде педагогтердің еңбек ақысы толық көлемде сақталады, яғни үйден жұмыс істеу ұстаздардың айлығына әсер етпейді.
Айта кетейік, COVID-19 жұқтыру қаупін азайту шаралары аясында қабылданған ҚР білім және ғылым министрінің бұйрығына сәйкес, 16 наурыздан бастап еліміздегі барлық педагог көктемгі демалыс уақытында қашықтан жұмыс істейді.

Көктемгі каникул кезінде мұғалімдерді мектепке шақырған директорлар жазаға тартылады

<a href="https://kyzylorda-news.kz/">Kyzylorda-news.kz.</a> Ауа райының нашарлауына байланысты 26 наурызға, яғни, бүгін Қызылорда облысында ескерту жарияланды.
«Қазгидромет» РМК ақпаратына сәйкес, Қызылорда облысының кей жерлерінде шаңды дауыл сақталады. Солтүстік-шығыстан, шығыстан жел соғып, оның күші кей жерлерде 15-20, күндіз 25 м/с артады.
Дабылды ескертудің ықтималдылығы 95-100%.

Қатты дауыл: Бүгін Қызылорда облысында ескерту жарияланды

Күлгін күн
2008 жылғы 26 наурыздан бері қалың жұртшылыққа эпилепсия ауруы туралы ақпарат беру мақсатында аталып өтеді. Оған қатысушылар киімдеріне күлгін түсті таспаны (эпилепсияның символы) түйреп алады. 2009 жылы Күлгін күн АҚШ-та анита Кауфманн қорының қолдауымен тойланды. Акцияға 100 мыңнан астам студент, 95 ұйым өкілдері және 116 саясаткер қатысты. Содан бері оған қатысушылардың қарасы көбейіп келеді.
1937 жылы&nbsp;1936 жылғы желтоқсанның 5-дегі КСРО-ның жаңа Конституциясы қабылдануына және Қазақ Автономиялы КСР-ның Қазақ КСР одақтас республика болып қайта құрылуына орай Қазақстан Кеңестерінің төтенше X съезі өтіп, Қазақ КСР-ның жаңа Конституциясы қабылданды.
1993 жылы&nbsp;Қызылорда қаласында Арал теңізі проблемалары бойынша мемлекетаралық келісімге қол қойылды. Келісімге Қазақстан, Қырғызстан, Тәжікстан, Өзбекстан Республикаларының президенттері қол қойды. Келісімнің арнайы баптарында Арал теңізі айдынындағы экологиялық дағдарысқа байланысты негізгі мәселелер нақты қаралды. Апаттың алдын алуға, қоршаған ортаны сауықтыруға және Арал аймағының әлеуметтік-экономикалық дамуын қамтамасыз ететін, денсаулық сақтау, т.б. шараларға тікелей назар аударылды. Келісімді орындаудың алғышарты ретінде Халықаралық Арал қоры, Арал теңізі мәселелері жөніндегі мемлекетаралық кеңес құрылып, олардың ұйымдық мәселелері шешілді.
2012 жылы&nbsp;Оңтүстік Қазақстан облысының әкімдігі өңірдегі 6 елді мекенді – Арыс, Түркістан, Сарыағаш, Жетісай, Шардара, Леңгірді моноқалалар тізіміне енгізуді ұсынды.

26 наурыз: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a>&nbsp;ақпараттық агенттігінің 26 наурызға арналған жұлдыз-жорамалы.
Тоқты
Бүгінгі күн келісім шарт жасасуға, құжаттар дайындауға және қаржылық келісімдер жасауға өте қолайлы күн. Отбасыңызда аздаған қиындықтар тууы мүмкін. Өз мәселелеріңізді өзге біреуге жүктемеңіз. Ауырып ем іздегенше, ауырмайтын жол іздеңіз.
Торпақ
Бүгін басшылыққа қандай өтінішпен кірсеңіз де жолыңыз болады. Сондай-ақ құжаттар рәсімдеуге қолайлы болмақ. Барлық жағдайды өз қалауыңызға қарай өзгертуге болады.
Егіздер
Ойламаған жерден сіздің беделіңізге нұқсан келуі мүмкін. Ұстамды болуға тырысыңыз. Күннің екінші жартысында күтпеген жаңалықтар орын алады. Бұл жаңалықтар ескі жоспарларыңызды қайта еске салады.
Шаян
Бүгін қызметіңізді өсіруге өте ыңғайлы күн. Жеке істеріңіз алға басады. Алайда, қаржылық жағдайыңызды қиындатып алуыңыз мүмкін. Оған өзіңіздің қомақты қаржы жұмсауыңыз әсер етеді. Жан-жағыңызды бағамдап үйреніңіз.
Арыстан
Бүгін жағымды жаңалықтар орын алып, қызықты кездесулер болады. Қонаққа барып, алдағы уақытта өзіңізге аса қымбат болар жандармен танысып қалуыңыз әбден мүмкін.
Бикеш
Бүгін саяхатқа немесе қызықты серуенге шығасыз. Күтпеген кездесулер орын алып, мұнан жағымды әсер аласыз. Әлеуметтік жағдайыңызды жақсартатын кез келді. Материалдық жағдайыңызды қалыпқа келтіріңіз.
Таразы
Түске дейінгі уақыт оңай болмасы анық. Бүгін өзіңізге көп жүк артып, демалыстан бас тартасыз. Түсіңізде көрген жайттар өңіңізге айналуы мүмкін. Барлығы жақсы боларына сеніңіз.
Сарышаян
Бүгін өз ісіңізге ден қойып, соның арқасында басшылықтың мақтауына ие боласыз. Кешке қарай отбасындағы аздаған мәселелерге кезігіп, қаржылық қиындықтар туындауы мүмкін. Жиған қорыңыздың быраз бөлігін жұмсап тастайсыз.
Мерген
Алдағы күндерге мықты жоспар құрасыз. Алайда бүгін жаңа істерді бастағаннан гөрі, ескі жұмыстарыңызды аяқтағаныңыз жөн. Достарыңыз бен жақындарыңыздың көмегінен бас тартпаңыз.
Тауешкі
Бүгін сіз үшін жақсы күн болмақ. Өмірге деген құлшынысыңыз артып, жаңашылдыққа ұмтыласыз. Жүйке жүйеңізді сақтай біліңіз. Әйтпесе, денсаулығыңызға зиян келуі мүмкін. Сондықтан өз-өзіңізді күтіңіз.
Суқұйғыш
Жақын адамдарыңызбен сөзге келіп қалуыңыз мүмкін. Қандайда бір істі қолға алсаңыз, барлығы алға баспайды. Бүгін тек өз-өзіңізбен болып, спортпен айналысыңыз.
Балықтар
Белсенділік танытыңыз. Шығармашылық жұмысыңызды жалғастырыңыз. Алға қойған мақсаттарыңызға ден қойыңыз. Жұмысыңызға қатысты барлық мәселені оңай шеше алас

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> 26 наурыз сағат 08:25 жағдай бойынша коронавирус індетін жұқтырған тағы 2 адам тіркелді, деп хабарлайды <a href="https://www.coronavirus2020.kz/">coronavirus2020.kz</a>.
Коронавирус індетін жұқтырған тағы 2 адам Нұр-Сұлтан қаласында тіркелді.
Осы сағатта Нұр-Сұлтан қаласы бойынша 46 адам, Алматы қаласында – 34 адам, Қарағанды қаласында – 2, Шымкент қаласында – 2 адам, Алматы облысында – 1 адам, Ақтөбе облысында – 1 адам, Жамбыл облысында -1 адам, Солтүстік Қазақстан облысында – 1 адам жалпы 88 науқас тіркелді.

Қазақстанда коронавирус жұқтырғандар саны 88 адамға жетті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев халықты карантин талаптарын қатаң сақтауға шақырды.
<blockquote>
 «Азаматтарды карантин талаптарын қатаң сақтауға шақырамын. Сары уайымға салынуға болмайды. Көңіліміз көтеріңкі болып, жарқын болашаққа сенуіміз керек. Басты тойларымыз әлі алда. Коронавирусқа шалдыққандарға қажетті ем жасалады. Азаматтарға, бизнеске материалдық қолдау көрсетіледі», – деп жазды Қасым-Жомарт Тоқаев&nbsp;<a href="https://twitter.com/TokayevKZ/status/1242773469802233856">Twitter</a>&nbsp;парақшасында.
</blockquote>

Мемлекет басшысы: Сары уайымға салынуға болмайды

<a href="https://kyzylorda-news.kz/">Kyzylorda-news.kz.</a> Төтенше жағдай кезеңінде табысынан айырылған Қазақстанның жұмыс істейтін азаматтары Мемлекеттік әлеуметтік сақтандыру қорынан ақшалай төлем алады. Бұл туралы «Хабар 24» телеарнасының тікелей эфирінен ҚР Ақпарат және қоғамдық даму министрі Дәурен Абаев айтты.
<blockquote>
 «Кеше хабарлағанымдай, БАҚ пен азаматтардың келіп түсіп жатқан сауалдардың басым бөлігі төтенше жағдайдың енгізілуіне байланысты табысынан айырылғандарға ақшалай төлем жасауға қатысты болып отыр. Жалақысыз еңбек демалысына мәжбүрлі түрде шығуына байланысты төтенше жағдай кезеңінде кірісінен айырылған Қазақстанның жұмыс істейтін азаматтары Мемлекеттік әлеуметтік сақтандыру қорынан төлем алады. 1 жұмысшыға әлеуметтік өлемнің көлемі айына 1 ең төменгі жалақыны немесе 42,5 мың теңгені құрайды», – деді министр.
</blockquote>
Оның атап өтуінше, Мемлекеттік әлеуметтік сақтандыру қорынан жаңа төлем Қазақстан аумағында жұмыс істейтін ел азаматтарына беріледі. Төлем алудың арнайы шарттары да бар. Алдымен төтенше жағдайдың жариялануына байланысты жалақысы сақталмай демалысқа жіберілген жұмысшыға әлеуметтік төлем беріледі. Төлем алу үшін төтенше жағдай енгізілген датаға дейінгі соңғы 12 айдың кемінде 3 айында азаматтары Мемлекеттік әлеуметтік сақтандыру қорына жұмысшы үшін аударым жасалуы қажет.
Әлеуметтік төлем орта, шағын және микробизнес жұмысшылары үшін ғана жүзеге асырылады. Жаңа әлеуметтік төлемді тағайындау үшін жұмыс беруші жұмыспен қамту мәселелері жөніндегі жергілікті органға жүгініп, төтенше жағдай кезінде қызметінің шектелуіне байланысты жұмысшысының кірісінен айырылатынын дәлелдейтін құжат ұсынуы қажет.

Төтенше жағдай: Табысынан айырылғандарға қаржылай төлем берудің тәртібі қандай?

<a href="https://kyzylorda-news.kz/">Kyzylorda-news.kz.</a> Коронавирус жұқтырған шымкенттікпен бір автобуста болған 16 жолаушы іздестірілуде. Бұл туралы «Хабар 24» телеарнасының тікелей эфирінен ҚР Ақпарат және қоғамдық даму министрі Дәурен Абаев айтты.
<blockquote>
 «Коронавируспен ауырған адам болған автобус анықталды. 51 жолаушының 35-і табылды. Олар карантинге жатқызылды. 16-сы қазіргі уақытта іздестіріліп жатыр. Таяу уақытта табылып, карантинге жатқызылады», -деді Дәурен Абаев.
</blockquote>
Еске сала кетейік, біз бұған дейін Шымкентте бір адамның&nbsp;<a href="https://kyzylorda-news.kz/kogam/qazaqstanda-koronavirws-zhuqtyrghandar-sany-70-boldy-shymkentte-1-oqigha-tirkeldi-51776/">коронавирусқа шалдыққанын</a> хабарлаған едік.

Қазақстан және Қызылорда облысының жаңалықтары