<a href="https://kyzylorda-news.kz/">Kyzylorda-news.kz</a>.Облыс әкімі Гүлшара Әбдіқалықова Тәуелсіздік мерекесі қарсаңында жаңадан ашылған «Зерде» интеллектуалды мектебінің ашылу салтанатына қатысты. Аймақ басшысы соңғы жылдары жекеменшік мектептердің құрылысы бойынша инвесторлармен қарқынды жұмыс жүргізіліп жатқанын атап өтіп, жаңа білім ошағына баратын білім алушыларды құттықтап, ақжолтай тілегін жеткізді.
<blockquote>
 “Қазіргі таңда өңірімізде мемлекет пен жеке бизнес секторының арасында тығыз байланыс орнағаны белгілі. Осы орайда, жекеменшік мектептердің құрылысы бойынша инвесторлармен жұмыс белсенді жүргізілуде. 2019 жылы 1300 орындық 3 мектеп ашылды, биыл 300 және 500 орындық тағы 2 мектеп салынуда.Міне, 500 орындық «Зерде» интеллектуалды мектебін пайдалануға бергелі отырмыз. Осы жаңа мектеп ғимаратынан заманауи білімді меңгерген талапты да талантты тұлғалар, Тәуелсіз еліміздің дамуына аянбай үлес қосып, Сыр елін әлемге танытар зияткер ұрпақ білім алып шығады деп сенемін”, -деді облыс әкімі Гүлшара Әбдіқалықова.
</blockquote>
Аймақ басшысы Гүлшара Әбдіқалықова мемлекет және қоғам қайраткері Бекмырза Еламановпен бірге жаңа мектептің лентасын қиды. Мұнан кейін, мектеп фойесінде оқушылармен кездесіп, оқу ошағының материалдық-техникалық базасымен танысты. Мектептің құрылтайшысы Сейтқали Алшынбаев заманауи бағытта салынған интеллектуалдық мектептің ерекшеліктерін баяндады.
Мектептің мердігер мекемесі «Нұр-Ай» жауапкершілігі шектеулі серіктестігі. 500 орындық білім ошағының жоба құны 1 млрд. 250 млн.теңгені құрайды. Жаңа ғимараттың аумағы 8 000 шаршы метр, жалпы алаңы 1600 гектарды құрайды. Оқу ордасында 120 қызметкер жұмыспен қамтылатын болады. Интеллектуалды мектеп 3 қабаттан тұрады. Бірінші қабатта оқушылар үшін спортзал, би залы, асхана мен оқу кабинеттері орналасса, екінші қабатта балалар демалыс алаңы және теннис залы салынған. Ал, үшінші қабат заманауи үлгідегі акт зал, компьютер сыныпқа арналған.
Бүгінде аймақтағы 120 мектеп дәстүрлі режимде жұмыс жасаса, 180 мектеп қашықтан оқыту форматында білім беруде. 40 мыңға жуық бала оқитын 2 мыңнан астам кезекші топ ашылған. Тұрмысы төмен отбасылардың балаларына мектеп теңгеріміндегі 14 мыңнан астам компьютер беріліп, бюджет қаражаты мен демеушілер есебінен 27 мыңға жуық компьютерлік техника сатып алынған.
Ерекше айту керек, Сыр елінде апатты мектептерді жою бағытындағы жұмыстар шешілуде. Жыл басында 140 орындық бір мектептің құрылысы аяқталып, тағы бір мектептің құрылысы жалғасуда. Ал, келесі жылы үшінші мектептің құрылысы басталады.Еске сала кетейік, Қызылорда өңірінде 293 мемлекеттік мектеп болса, жеке мектептер саны 8-ге жетті.
<img src="https://kyzylorda-news.kz/wp-content/uploads/2020/12/131639727_2971688069600909_6867768590154779518_o.jpg" alt="" />
<img src="https://kyzylorda-news.kz/wp-content/uploads/2020/12/131263595_2971688806267502_8034157824221311116_o.jpg" alt="" />
<img src="https://kyzylorda-news.kz/wp-content/uploads/2020/12/131211263_2971688456267537_5678923512635500074_o.jpg" alt="" />

Гүлшара Әбдіқалықова «Зерде» интеллектуалды мектебінің лентасын қиды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова мереке қарсаңында Сырдария өзенінің сол жағалауында орналасқан 40 пәтерлі екі үйдің кілтін тұрғындарға табыстады. Пәтер иелерін жаңа қоныстарымен құттықтап, құрылыс саласындағы аймақтың жетістіктерін атап өтті.
<blockquote>
 “Қазақстан тәуелсіздік жылдарында толымды табыстарға қол жеткізсе, оған Сыр елі де өз үлесін қосып келеді. Соңғы жылдары аймағымыз қарқынды құрылыс алаңына айналды. Биылғы жылы облыста барлық қаржыландыру көздерінен 1 946 пәтерді құрайтын 98 тұрғын үйдің құрылысы басталды. Қызылорда қаласында жыл басынан бері 580 пәтерді құрайтын 15 тұрғын үй пайдалануға берілді. Тағы бір мақтанышпен айтатын жаңалығымыз жыл аяғына дейін қаламызда 680 пәтерді құрайтын 14 арендалық тұрғын үйдің құрылысы аяқталып, қабылданады. Қазіргі таңда Қызылорда қаласында 1 741 пәтерлік 38 көпқабатты тұрғын үйдің құрылысы жүргізілуде. Сырдария өзенінің сол жағалауында құрылысы жүргізіліп жатқан 725 пәтерлік 15 көпқабатты тұрғын үйдің 14-і ағымдағы жылы табысталмақ. 2021 жылы СПМК-70 тұрғын ауданы бойынша 13 көпқабатты тұрғын үйдің құрылысы аяқталып, пайдалануға берілмек”, – деді Г.Әбдіқалықова.
</blockquote>
Облыс орталығындағы №3 қалалық емхананың мейірбикесі Айжан Ізтілеуова бүгін баспанаға қол жеткізгендердің бірі. Ол жайлы үй табыстаған аймақ басшысы мен құрлысшыларға алғысын жеткізді.
<blockquote>
 “Әр адам жайлы баспана, жақсы жұмысы болғанын қалайды. Мен бүгін пәтер кілтін алып, үлкен қуанышқа кенеліп отырмын. Осындай қуаныштың себепшісі болған облыс әкімі Гүлшара Әбдіқалықова мен өзге де азаматтарға алғысымды айтамын. Бұл күнге біз Тәуелсіздіктің арқасында қол жеткізіп отырмыз деп ойлаймын. Сондықтан баршаңызды мерекемен құттықтаймын”, – деді А.Ізтілеуова. Шара соңында ардагер Шахизат Төребаев қоныс той иелерін құттықтап, ақ батасын берді.
</blockquote>
<img src="https://kyzylorda-news.kz/wp-content/uploads/2020/12/131110528_2971721899597526_439456155441365624_o.jpg" alt="" />

Қызылорда: Тәуелсіздік күні қарсаңында тұрғындарға пәтер табысталды

<a href="https://kyzylorda-news.kz/">Kyzylorda-news.kz</a>. Қызылорда облысының ПД Қазалы ауданының ПБ қызметкерлері көпбалалы отбасыға азық-түлікпен көмектесті.
Ел ішінде әлеуметтік жағдайы төмен түрлі отбасылар бары анық. Бастысы адамгершілік қасиетті жоғалтпай-қиналғанға қол ұшын созу. Кеше Қазалы ауданы полиция бөлімінің қызметкерлері көпбалалы, тұрмысы төмен отбасыға азық-түлік пен шаруашылық заттарын алып барды. &nbsp;
<blockquote>
 “Қиналғанға қол ұшын созу әрбіріміздің адами борышымыз. Оның ішінде халықтың санын көбейтіп, ел мүддесіне қызмет ететін ұл-қыздарды өсіріп отырған мұндай отбасыларға демеу көрсетуіміз керек. Қазіргі таңда Мемлекет басшысының халықтың әлеуметтік жағдайын көтеру бағытында жұмыс істеп жатқанын білеміз. Бізде бір жағадан бас, бір жеңнен қол шығарып, осылай көмек көрсетейік деп шештік. Бұл үрдіс полиция қызметкерлерінің арасында алдағы уақытта да&nbsp; өз жалғасын табатын болады”, – деді Қазалы ауданының ПБ бастығы Айбек Алиев.
</blockquote>
Айта кетейік, Қызылорда облысы Полиция департаментінің Жалағаш ауданының полиция бөлімінің жеке құрам қызметкерлерінің ұйымдастыруымен 16 желтоқсан Тәуелсіздік күніне орай «Жылы жүрек – жомарт қол» атты акциясы өткізілді.
Акция барысында аудандық Полиция бөлім басшылығының ұйымдастыруымен жеке құрам атынан Жалағаш аудандық білім бөлімінің Жалағаш психологиялық-педогогикалық түзету мекемесінде оңалту сабақтарын алатын балалардың отбасына қайырымдылық мақсатында азық-түлік пен керекті шаруашылық заттары табыс етілді.
<img src="https://kyzylorda-news.kz/wp-content/uploads/2020/12/131437467_797463350804103_3673354128091145212_n.jpg" alt="" />

Қызылордада полиция қызметкерлері қайырымдылық шараларын ұйымдастыруда

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың қатысуымен мемлекет және қоғам қайраткері Нәлқожа Ергешбаевтың ескерткіш-мүсінінің салтанатты ашылу рәсімі өтті.
<blockquote>
 «Әр тарихи кезеңнің халқымыз үшін өз орны бары белгілі. Сол қоғамның дамуы мен өркендеуіне, ел іргесінің берік болып, халықтың ауызбіршілігі мен ынтымағының сақталуына еңбегі сіңген тұлғаларды еске алып, есімін ардақтау – елдік парызымыз. Сондай ардақты азаматтардың бірі – мемлекет және қоғам қайраткері Нәлқожа Ақбалаұлы Ергешбаев. Нәлқожа Ақбалаұлы – Сыр елінің әлеуметтік-экономикалық дамуында із қалдырған қайраткер азамат. Ол «Қазақ ауылшаруашылығы техникасы» облыстық бірлестігіне төраға болған тұста техниканы сақтайтын, жөндейтін арнаулы орындар ашу мәселесін алғашқы болып көтеріп, оны жүйелі жүзеге асырған басшылардың бірі ретінде ел есінде қалды», – деді облыс әкімі Гүлшара Әбдіқалықова.
</blockquote>
Ергешбаев Нәлқожа Ақбалаұлы 1931 жылы 1 наурызда Қызылорда облысы, Жаңақорған ауданы, Бірлік ауылында дүниеге келген.1954 жылы Қазақ мемлекеттік ауыл шаруашылығы институтын, 1965 жылы Кеңес Одағы Коммунистік Партиясы Орталық комитеті жанындағы Мәскеу Жоғары партия мектебін бітірген. «Ленин», «Құрмет белгісі», «Еңбек Қызыл Ту» ордендерімен марапатталған.
Еңбек жолын 1954 жылы Арал машина-трактор станциясында инженер-механик болып бастап, Аламесек трактор-жөндеу станциясының директоры, Қызылорда қаласындағы «Главторгмаш» облыстық басқармасының бастығы, Қызылорда қаласындағы «Қазақ ауыл шаруашылық техникасы» бірлестігінің төрағасы, Қазақстан Коммунистік партиясы Қызылорда облысы Тереңөзек аудандық комитетінің бірінші хатшысы, 1985 – 1992 жылдары зейнетке шыққанға дейін Қазақстан Коммунистік партиясы Қызылорда облысы Сырдария аудандық комитетінің бірінші хатшысы қызметтерін атқарған. 1997 жылы 9 желтоқсанда өмірден озды.
«Күріш өндіруді мамандандыру және шоғырландыру» кітабының авторы.
Шараға мемлекеттік мекемелер өкілдері, облыстық мәслихат хатшысы Қылышбай Бисенов, облыстық ардагерлер кеңесінің төрағасы Серік Дүйсенбаев пен мемлекет және қоғам қайраткерінің баласы Әбдіқадыр Ергешбаев қатысып, өз лебіздерін жеткізді. Мемлекет және қоғам қайраткерінің ескерткіш-мүсіні Тасбөгет кентіндегі Нәлқожа Ергешбаев атындағы № 172 орта мектептің ауласында орнатылды. Сондай-ақ, мектеп жанынан өмірі мен қызметіне арналған қоғамдық музей ашылды.
Ескерткіш-мүсін қола материалынан дайындалған, биіктігі 1 метрді құрайды, тұғырының биіктігі – 2,3 метр. Авторы – суретші, мүсінші, Қазақстан Суретшілер одағының Қызылорда облыстық филиалының төрағасы, Қазақстан Суретшілер одағының мүшесі, Қазақстан Республикасының «Құрмет» грамотасының, ҚР Мәдениет және спорт министрлігінің «Мәдениет қайраткері» төсбелгісінің иегері Аманкелді Кененбаев.
<img src="https://kyzylorda-news.kz/wp-content/uploads/2020/12/131624535_2971684459601270_5818302253673369729_o.jpg" alt="" />

Қызылордада Мемлекет және қоғам қайраткері Нәлқожа Ергешбаевтың ескерткіш-мүсіні ашылды

<a href="https://kyzylorda-news.kz/">Kyzylorda-news.kz</a>. Қазақстан азаматтары еуропалықтармен салыстырғанда, табысының денін тамаққа жұмсайды. Тамақ, бос уақытты өткізу және зиянды әдеттерді зерттеген сарапшылар осындай қорытынды жасады деп хабарлайды&nbsp;<a href="https://sputnik.kz/economy/20201214/15731345/qazaqstandyqtar-tabys-aqsha.html">Sputnik.kz.</a>
Қазақстан соңғы, яғни 40-шы орында. Тұрғындар тапқан қаражатының 49,4%-ін тамаққа жұмсайды. Украиналықтар (47,95) мен молдовалықтардың&nbsp; (40,6%) да осындай әдеті бар көрінеді.&nbsp;&nbsp;
Ақшаның басым бөлігін азық-түлікке беру тұрғындар табысының аздығын білдіреді. Экономикалық жағынан дамыған елдерде тамаққа табыстың 15 проценті ғана жұмсалады.&nbsp;
<h3 id="">Зиянды әдеттерге жұмсалатын қаржы</h3>
Бұл бағыттағы тауарларға Люксембург, Германия, Португалия, Кипр және Испания тұрғындары аз ақша жұмсайды. Осы елдер азаматтары алкоголь мен темекіге тұтынушылық шығындардың 1,7%-нен артық ақша кетірмейді. Ал Румыния (8,2%), Болгария (5,1%) және Сербияда (4,8%) керісінше осы бағытқа табыстың басым бөлігі жұмсалады.
Қазақстанда тұрғындар табысының 2,4 процентін&nbsp;алкоголь мен темекіге шығындайды.
<h3 id="-1">Дәмхана мен мейрамханалар үлесі</h3>
Отбасы бюджетінің қонақүй, мейрамхана, дәмхана сынды қызметтерге жұмсалуы елдегі өмір сапасының жоғары екенін білдіреді. Алайда адамдардың үйде тамақтанбауы халықтың тарихи әдеттерімен де байланысты болуы мүмкін.&nbsp;
Бұл салаға Грекия тұрғындары көп ақша жұмсайды – 11,1%. Екінші орында Швейцария (11,0%), ал испаниялықтарда бұл көрсеткіш он проценттен аз емес.
Қазақстан осы сала бойынша да төменгі орында. Тұрғындар қоғамдық тамақтану орындарында орташа есеппен табысының 2,9%-ін ғана қалдырады.
<h3 id="-2">Мәдениетке қанша ақша жұмсалады</h3>
Экономикасы дамыған батыс еуропалық Швеция (18,7%), Ұлыбритания (13,1%) және Австрия (11,5%) елдері рейтинг көшін бастап тұр. Алғашқы екі елде бос уақытты өткізу мен мәдениетке жұмсалатын қаржы тамаққа жұмсалатын ақшадан көп.
Ал Қазақстанда бұл көрсеткіш небәрі 1,7% шамасында.

Қазақстандықтар табысын қайда жұмсайды?

<a href="https://kyzylorda-news.kz/">Kyzylorda-news.kz</a>. Қызылордалық полицейлер мал ұрлығымен айналысып жүрген ұрыларды ұстады.
Облыс көлемінде өтіп жатқан «Киік» рейдтік іс-шарасы барысында 12 желтоқсан күні сағат 00:30 шамасында «Самара-Шымкент» тас жолының Шиелі ауданы Байгеқұм ауылының тұсында патрульдiк полиция ротасының қызмет инспекторлары полиция аға лейтенанттары Ғалымжан Көкпарбаев және Жазылбек Изимбетов күдікті «Фольксваген Пассат» автокөлігін тоқтатқан. Құжаттарын тексеру барысында автокөліктiң жүк салғышынан еш құжатсыз 1 бас ірі қара малы бары екені анықталды.
Күдікті азаматтардың 2-і Қызылорда қаласының, ал үшіншісі аудан тұрғыны екендігі анықталды. Олардан айғақты зат алынды.
Қазіргі уақытта күдіктілер Жанақорған АПБ-нің уақытша ұстау изоляторына қамауға алынды.
Сонымен қатар тексеру барысында күдіктілердің бұдан бөлек мал ұрлығының 10-нан аса дерегіне қатыстылығы дәлелденді. Олар бұған дейін басқа да аудандарда мал ұрлаған.
Қазіргі таңда аталған дерек бойынша Қазақстан Республикасы Қылмыстық кодексінің 188/1 бабының 2 бөлігіне (мал ұрлығы) сәйкес сотқа дейінгі тергеп-тексеру амалдары жүргізілуде. Полицейлер күдіктілердің басқа да қылмыстарға қатыстылығын тексеруде.

Қызылордада бірнеше рет мал ұрлағандар ұсталды

<a href="https://kyzylorda-news.kz/">Kyzylorda-news.kz</a>. Қызылорда облысында 15 желтоқсаннан бастап 2021 жылдың 7 қаңтарына дейін «Пиротехника» жедел-профилактикалық іс-шарасы өтеді.
Іс-шараның басты мақсаты – заңды және жеке тұлғалардың пиротехникалық өнімдерді сақтау, есепке алу, қолдану, сатып алу, тасымалдау тәртібінің сақталуын тексеру, сертификатталмаған өнімді жеткізушілерді анықтау, қоғамдық орындар мен көшелерде, тұрғын үйлерде осы өнімдердің салдарынан болатын төтенше жағдайлардың алдын алу болып табылады.
Аталған іс-шараға байланысты, облыс көлеміндегі базарлар мен сауда орындарында рейдтік іс-шаралар ұйымдастырылуда.Мереке қарсаңында балалар арасында жарақат алуды болдырмау мақсатында, барлық білім беру мекемелерінде ЖПҚб-нің мектеп инспекторларымен кәмелетке толмағандармен қауіпсіздік шаралары туралы дәрістер өткізілуде.
Сондай-ақ, Қызылорда қалалық желілік полиция бөліміне Қызылорда облысы аумағындағы барлық бекеттерде темір жол қозғалысы арқылы сертификатталмаған өнімдерді тасымалдаудың жолын кесу, анықтау жөнінде нұсқаулар жолданды.
Елді мекендерде және бұл үшін бөлінбеген орындарда арнайы және қолдан жасалған пиротехникалық құрылғыларды жару орын алған жағдайда, пиротехникалық құралдар мен құрылғылар тәркілене отырып, Қазақстан Республикасы ӘҚБтК-нің 436-бабының 2-бөлігіне сәйкес 20 айлық есептік көрсеткіш көлемінде айыппұл салуға әкеп соғады.
Сондай-ақ азаматтық пиротехникалық заттардың және оларды қолданып жасалған бұйымдардың айналымы саласындағы қызмет құқығына лицензиясы бар тұлғалардың азаматтық пиротехникалық заттарды және оларды қолдану үшін жасалатын бұйымдарды сақтау, есепке алу, пайдалану, тасымалдау, олармен сату-сатып алу, оларды жою, әкелу, әкету тәртібін бұзған тұлғаларға ҚР Әкімшілік құқық бұзушылық туралы кодексінің 483-бабы 1-бөлігі бойынша пиротехникалық құралдары тәркілене отырып, жеке тұлғаларға –5, шағын кәсіпкерлік субьектілеріне немесе коммерциялық емес ұйымдарға –10, орта кәсіпкерлік субьектілеріне – 15, ірі кәсіпкерлік субьектілеріне – 45 айлық есептік көрсеткіш мөлшерінде айыппұл салынады. Бұдан бөлек, еркін сауда жасауға Қазақстан Республикасының заңнамасымен тыйым салынған немесе шектелген тауарлармен, заттармен сауда жасау ҚР ӘҚБтК-нің 196-бабына сәйкес 25 айлық есептік көрсеткіш мөлшерінде айыппұл салуға әкеліп соғады.

Қызылордада «Пиротехника» жедел-профилактикалық іс-шарасы басталды

<a href="https://kyzylorda-news.kz/">Kyzylorda-news.kz</a>. Бүгін аймақ басшысы Гүлшара Әбдіқалықова облыстық «Кызылординские вести» газетінің бас редакторы Қазыбек Ботаевты 63 жасқа толу мерейтойымен құттықтады. Өңір басшысы мерейтой иесіне аймақтың ақпарат саласына қосқан үлесі үшін Қызылорда облысының Құрмет грамотасын табыстап, иығына шапан жапты.
<blockquote>
 “Құрметті Қазбек Камалұлы өзіңіз білім-біліктілігіңізбен, парасат-пайымыңызды, іскерлік қажыр-қайратыңызды орыс тіліндегі облыстық негізгі басылымның дамуына жұмсап келесіз. Әр жылдары сыр өңірінің бұқаралық ақпарат құралдарында радио, телеарналарда қызмет атқарып, аймақтың ақпарат саласының дамуына ерекше үлес қостыңыз. Өткен жылдан бастап облыстық «Кызылординские вести» газетінің бас редакторы қызметін абыроймен атқарып келесіз. Сіздің ақпарат саласындағы еңбегі лайықты бағаланып, Тұңғыш Президент, Елбасы Нұрсұлтан Әбішұлы Назарбаевтың Алғысымен, Қазақстан Журналистер Одағының Құрмет грамотасымен және әр түрлі дәрежедегі марапаттармен наградталдыңыз. Сізді өзімнің және облыс тұрғындары атынан тағы да мерейтойыңызбен құттықтай отырып, алғысымды білдіремін. Деніңізге саулық, отбастарыңызға амандық тілеймін”, – деді облыс әкімі Гүлшара Әбдіқалықова.
</blockquote>
Шарада сөз алған облыстық «QYZYLORDA» телеарнасының директоры Жағыппар Қарабала замандас досы Қазыбек Ботаев Сыр өңірінің бұқаралық ақпарат құралдарында жемісті еңбек етіп, аймақ журналистикасының алға жылжуына зор үлес қосты дейді.
<blockquote>
 “Бүгінгі мерейтой иесі Қазыбек Камалұлы 25 жылдан астам БАҚ саласында қызмет етіп, облыстың ақпарат кеңістігінде өз орнын қалыптастырды. Білгенін жастарға үйретіп, қанашама жас журналистің тұлға болып танылуына ықпал етті. Қазыбек Ботаев радио, телевидение және газетте алдымен тілші болып қызмет жасап, кейін аға тілші, аға редактор, газет редакторы қызметіне дейін көтерілді. Қазақ және орыс тілдерінде жетік жазып, сауатты сөйлей алатын аз журналистердің бірі болды. Сондықтың бұл кісінің тәлімі мен тәжірибесін біз алдағы уақытта да кәдеге жаратып, жас мамандарды дайындауда қолданатын боламыз”, – деді Жағыппар Қарабала.
</blockquote>
Сондай-ақ, «Сыр медиа» ЖШС бас директоры Аманжол Оңғарбаев басылым беделін көтеріп, оқырман қатарын арттыруда әріптесінің сіңірген еңбегінің өлшеусіз екендігін жеткізді. Өз кезегінде Қазбек Ботаев көрсетілген құрметке алғысын білдірді.

Гүлшара Әбдіқалықова Қазбек Ботаевты зейнет жасқа толу мейрейтойымен құттықтады

<a href="https://kyzylorda-news.kz/">Kyzylorda-news.kz</a>. Күннің тұтылуы дүйсенбі, 14 желтоқсанда болады. Оны бірнеше елдің тұрғындары сол сәтте-ақ көре алады.
Күннің тұтылуы UTC уақыт белдеуі бойынша 16:13-те немесе Мәскеу уақытымен 17:25-те басталып, тұтылудың максималды фазасы шамамен Мәскеу уақытымен 19:00-де күтіледі. Бүгінгі күн тұтылуының ұзақтығы 2 минут 10 секундты құрайды.
Астрономиялық бұл құбылыс Тынық мұхитының оңтүстік-шығысында жақсы байқалады. Соның ішінде Атлант мұхитының оңтүстігі мен Аргентина және Чили тұрғындары айқын көре алады.
Сондай-ақ, тұтылудың ішінара фазалары Оңтүстік Америкада, Полинезияда, Антарктида мен Африкада да көрінеді. ТМД аумағында күннің тұтылуы әлсіз байқалады.
Тәуліктің түнгі мезгіліне сай келгендіктен, күннің тұтылуын қазақстандықтар бақылай алмайды.
Айта кетейік, мұның алдындағы күннің тұтылуы 22 маусымда тіркелді және ол Қазақстан аумағында анық көрінген.
<a href="https://sputnik.kz/space/20201214/15730780/Sagat-kun-tutylu.html">SputnikҚазақстан</a>

Бүгін бірнеше сағатқа күн тұтылады

<a href="https://kyzylorda-news.kz/">Kyzylorda-news.kz</a>. Бұл туралы қала әкімі «Жастар театрының» халықаралық байқау қорытындысы бойынша&nbsp; марапатталу салтанатында айтты.
Ағымдағы жылы халықаралық театр фестивалінде Абай Құнанбайұлының 175 жылдығына арналған Оңталап Нұрмахановтың «Қалың елім, қазағым, қайран жұртым…» трагифарсын тамашалаған өнер ұжымы 1 млн.теңгенің грант сертификатын жеңіп алып, ең жоғарғы І дәрежелі дипломға ие болған болатын.
«Жастар театры» 2016 жылы қала әкімдігінің қолдауымен Асқар Тоқмағамбетов атындағы мәдениет үйі жанынан құрылған. Құрылған 4 жыл ішінде репертуары бірнеше қойылыммен толығып, өскелең ұрпаққа киелі сахна өнерін дәріптеп, талантты жастар өнер сахнасында шыңдалып келеді.&nbsp; Жас театр аз уақытта түрлі деңгейдегі байқауларға, фестивальдерге қатысып, жүлделі орындарға ие болып жүрген шығармашыл ұжымға айналды.
Қала әкімі қазақ өнерінің көшін жалғап, өнердің киесін сақтап, ұрпақтар сабақтастығы мен ұлы өнерді насихаттап жүрген театр ұжымына&nbsp; аймақтың мәдениет саласын дамытуға қосқан үлестері үшін алғыс білдіріп, алдағы шығармашылық жолдарына табыс тіледі. Сонымен қатар, алдағы жылы театрдың 5 жылдығы кең көлемде аталып өтіп, «Жастар театры» жеке мекеме ретінде құрылатынын айтты.
Шара соңында өнер ұжымы Халықаралық театр фестивалінің ең жоғарғы І дәрежелі дипломымен марапатталып, арнайы сертификаттар мен медальдарға ие болды.
<img src="https://kyzylorda-news.kz/wp-content/uploads/2020/12/05-1-scaled.jpg" alt="" />
<img src="https://kyzylorda-news.kz/wp-content/uploads/2020/12/02-2-scaled.jpg" alt="" />

Нұрлыбек Нәлібаев: «Жастар театры» &#8211; тарлан тұлғалардың лайықты жалғасы

<a href="https://kyzylorda-news.kz/">Kyzylorda-news.kz</a>. Байқоңыр қаласында коронавирус инфекциясының таралуына жол бермеу бойынша шектеу шараларының режимі тағы екі аптаға созылды, деп хабарлайды ҚазАқпарат.
«Байқоңыр» кешенінің бас мемлекеттік санитарлық дәрігерінің ұсыныстарына сәйкес және қала әкімшілігі басшысының қаулысы бойынша карантин 2020 жылғы желтоқсан айының 28-іне, сағат 00:00-ге дейін созылады.
Қолданыстағы шектеу шаралы сақталып қалады, деп хабарлайды жедел штабтан.
Ресей Федералдық медициналық-биологиялық агенттігі «Байқоңыр» кешенінің Аймақтық басқармасының мәліметінше, бүгінде Байқоңыр қаласының аумағында коронавирусқа шалдығудың 1113 оқиғасы тіркелген. Статистикаға сәйкес, соңғы екі аптада 23 адам ауру жұқтырған. Бүгінде инфекциялық стационарда 11 адам ем қабылдап жатыр, 2020 жылғы 1 маусым мен 11 желтоқсан кезеңі аралығында стационардан 509 адам шығарылды. Өлім оқиғаларының саны екі айда өскен жоқ (69 адам).

Байқоңырда карантин 28 желтоқсанға дейін ұзартылды

<a href="https://kyzylorda-news.kz/">Kyzylorda-news.kz</a>. Қазақстан аймақтарында 2020 жылғы 14 желтоқсанда болатын ерекше метеорологиялық құбылыстарға болжау-консультациясы жарияланды, деп хабарлайды ҚазАқпарат «Қазгидромет» РМК баспасөз қызметіне сілтемемен.
Қазақстан аумағының басым бөлігіне әлі де антициклон ықпалын тигізеді, ауа райы көбінесе жауын-шашынсыз болады. Тек еліміздің солтүстігінде және шығысында Солтүстік циклонның әсерінен, ал оңтүстігінде таулы аймақтарында атмосфералық фронтальды бөліктердің өтуіне байланысты кей жерлерінде қар жауады.
Республиканың кей жерлерінде тұман сақталады, солтүстігінде және оңтүстік-шығысында желдің күшеюі күтіледі.

Қазақстан және Қызылорда облысының жаңалықтары

Гүлшара Әбдіқалықова «Зерде» интеллектуалды мектебінің лентасын қиды

Қызылорда: Тәуелсіздік күні қарсаңында тұрғындарға пәтер табысталды

Қызылордада полиция қызметкерлері қайырымдылық шараларын ұйымдастыруда

Қызылордада Мемлекет және қоғам қайраткері Нәлқожа Ергешбаевтың ескерткіш-мүсіні ашылды

Қазақстандықтар табысын қайда жұмсайды?

Қызылордада бірнеше рет мал ұрлағандар ұсталды

Қызылордада «Пиротехника» жедел-профилактикалық іс-шарасы басталды

Гүлшара Әбдіқалықова Қазбек Ботаевты зейнет жасқа толу мейрейтойымен құттықтады

Бүгін бірнеше сағатқа күн тұтылады

Нұрлыбек Нәлібаев: «Жастар театры» – тарлан тұлғалардың лайықты жалғасы

Байқоңырда карантин 28 желтоқсанға дейін ұзартылды

Дүйсенбіге арналған ауа райы болжамы

Қазақстан және Қызылорда облысының жаңалықтары

Гүлшара Әбдіқалықова «Зерде» интеллектуалды мектебінің лентасын қиды

Қызылорда: Тәуелсіздік күні қарсаңында тұрғындарға пәтер табысталды

Қызылордада полиция қызметкерлері қайырымдылық шараларын ұйымдастыруда

Қызылордада Мемлекет және қоғам қайраткері Нәлқожа Ергешбаевтың ескерткіш-мүсіні ашылды

Қазақстандықтар табысын қайда жұмсайды?

Қызылордада бірнеше рет мал ұрлағандар ұсталды

Қызылордада «Пиротехника» жедел-профилактикалық іс-шарасы басталды

Гүлшара Әбдіқалықова Қазбек Ботаевты зейнет жасқа толу мейрейтойымен құттықтады

Бүгін бірнеше сағатқа күн тұтылады

Нұрлыбек Нәлібаев: «Жастар театры» &#8211; тарлан тұлғалардың лайықты жалғасы

Байқоңырда карантин 28 желтоқсанға дейін ұзартылды

Дүйсенбіге арналған ауа райы болжамы

Нұрлыбек Нәлібаев: «Жастар театры» – тарлан тұлғалардың лайықты жалғасы