Kyzylorda-news.kz. Қазақстанның 9 аумағында ауа райына байланысты ескерту жарияланды. Бұл туралы ҚазАқпарат «Қазгидромет» РМК-ға сілтеме жасап хабарлайды.
13 желтоқсанда күндіз Ақмола облысында оңтүстік-батыстан екпіні 15-20 м/с болатын жел соғады. Ауа райы болжамының ықтималдылығы 85-90%.
13 желтоқсанда Ақтөбе облысында кей жерлерде тұман түседі. Ақтөбеде де 13 желтоқсанда түнде тұман түседі.
13 желтоқсанда Батыс Қазақстан облысының кей жерлерінде тұман түсуі ықтимал. Орал қаласында 13 желтоқсанда түнде және таңертең тұман түседі.
13 желтоқсанда Батыс Қазақстан облысының кей жерлерінде тұман түсуі ықтимал. Орал қаласында 13 желтоқсанда түнде және таңертең тұман түседі.
13 желтоқсанда Солтүстік Қазақстан облысында кей жерлерде тұман түседі. Батыстан соққан желдің екпіні кей жерлерде 15-20 м/с құрайды. Петропавл қаласында 13 желтоқсан күні тұман түседі.
13 желтоқсанда Ақмола облысының кей жерлерінде тұман түседі.
13-15 желтоқсанда Қарағанды ​​облысының кей жерлерінде тұман түседі. Жезқазған қаласында 13 желтоқсан күні таңертең және түнде тұман түседі.
13 желтоқсанда Түркістан облысында кей жерлерде тұман түседі. Шығыстан соққан желдің екпіні кей жерлерде 15-20 м/с құрайды. Шымкент қаласында 13 желтоқсанда кей уақытта тұман түседі деп күтілуде. Түркістан қаласында 13 желтоқсан күні кей уақытта тұман түсуі ықтимал.
13 желтоқсанда Қызылорда облысының кей жерлерінде тұман түседі. Солтүстік-шығыстан 15-20 м/с жылдамдықпен жел соғады. Қызылорда қаласында 13 желтоқсан күні күндіз солтүстік-шығыстан жел соғып, екпіні 15-20 м/с болады.
13 желтоқсанда Жамбыл облысының кей жерлерінде тұман түсіп, солтүстік-шығыстан жел соғады, кей жерлерде желдің екпіні 15-20 м/с болады. Тараз қаласында 13 желтоқсан күні ара-тұра тұман түседі деп күтілуде.

Қызылорда облысында ауа райына байланысты ескерту жарияланды

Kyzylorda-news.kz. Қызылорда облысының құтқарушылары ірі газ жарылысының алдын алды.
Төтенше жағдайлар жөніндегі ведомство өкілдерінің хабарлауынша, құтқарушыларға 13 желтоқсан күні таңғы сағат 6:27-де “Қызылорда–Жезқазған” тас жолының бойында жүк көлігінің жанып жатқаны туралы қоңырау түскен.
<blockquote>
 “Өрт сөндіру қызметінің жеке құрамы оқиға орнына дереу жетті. Ол жерде “Азимут” ЖШС-не тиесілі пропан тиелген 12 тонналық MAN көлігінің алдыңғы бөлігі өртеніп жатқаны анықталды”, – делінген хабарламада.
</blockquote>
Өрт сөндірушілер оқиға орнында жедел әрі үйлесімді әрекет етіп, таңғы сағат 7-де тілсіз жау толық сөндірілді.
Осылайша, өрт сөндірушілер Шымкенттен Ақшабұлақ кен орнына бара жатқан жүк көлігіне тіркелген 12 тонналық цистерна жарылысының алдын алды.
Апат салдарынан ешкім зардап шегіп, жарақат алған жоқ. Тиісті сала мамандары өрттің шығу себебі мен шығын көлемін анықтап жатыр.
Sputnik Қазақстан

&#8220;Қызылорда–Жезқазған&#8221; тас жолында 12 тонналық газ цистернасы жарылуға шақ қалды

Kyzylorda-news.kz. Ресей Федерациясы Мемлекеттік думасының білім және ғылым комитетінің төрағасы Вячеслав Никонов “Қазақстан территориясы – Ресейдің үлкен сыйы” деген сөзіне қысқаша түсініктеме берді, деп хабарлайды <a href="https://m.sputnik.kz/Russia/20201213/15726579/Reseylk-sayasatker-Qazaqstan.html">Sputnik Қазақстан.</a>
Ал көрші ел саясаткерінің мұндай мәлімдемесі қазақ қоғамында үлкен резонанс тудырған болатын.
<blockquote>
 “Мен Қазақстан Республикасының шекарасына айналған Қазақ КСР-нің шекараларын анықтағанда Қазақстанның мүдделері толығымен сақталды деп есептеймін. “Большая игра” бағдарламасында осыны айтқан едім. Ал енді осы жағдайға байланысты бауырлас Қазақстан халқына тағы да жылы лебізімді білдіремін”, – деп жазды Никонов өзінің&nbsp;<a href="https://t.me/VA_Nikonov/264">Telegram</a>-арнасында.
</blockquote>
<h3 id="">Мәлімдемені Қазақстан қалай бағамдады</h3>
Никоновтың мәлімдемесінен кейін Ресей Федерациясының уақытша сенімді өкілі Александр Комаров Қазақстан сыртқы істер министрлігіне шақырылды. Оған наразылық нотасы тапсырылып, ресейлік саясаткерлердің мұндай мәлімдемелерінің алдын алу туралы ескерту жасалды.
Сондай-ақ, кейбір ресейлік саясаткерлердің Қазақстанға қарсы мұндай арандатушылық әрекеттері мемлекеттер арасындағы одақтастық қатынастарға үлкен зиян келтіретіні де айтылды.
Сонымен қатар, парламент сенатындағы халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед ресейлік әріптесінің сөзін “арандатушылық” деп атады.
<blockquote>
 “Барлық қазақстандықтар үшін қасиетті мереке – Тәуелсіздік күні қарсаңында никоновтардың мұндай демаршы біздің азаматтарымыздың үлкен наразылығын тудырды. Бұл саяси жауапсыздық қана емес, сонымен қатар ғасырлар бойы біздің ортақ мұрамызды – халықтар арасындағы достықты құрып келе жатқан миллиондаған қазақтар мен орыстардың жадын қорлау болып табылады”, – деді ол.
</blockquote>

Ресейлік саясаткер Қазақстан туралы даулы сөзіне түсініктеме берді

Kyzylorda-news.kz. Футболдан Қазақстан Премьер-лигасының ең қымбат футболшыларының рейтингі жаңарды, деп хабарлайды ҚазАқпарат Transfermarkt сайтына сілтеме жасап.
Спорт порталының дерегіне сүйенсек, Алматының «Қайрат» командасында ойнайтын польшалық Яцек Гуральски ел чемпионатының ең қымбат футболшысы атанды. Оның трансфердегі бағасы – 2,5 миллион еуро.
Екінші орында трансферлік құны 2,2 миллион еуро болатын «Қайраттың» тағы бір футболшысы Раде Дугалич тұр. Дугалич биыл чемпионаттың үздік ойыншылары қатарына енген болатын. Қымбат футболшылардың үштігін алматылықтардың тағы бір қорғаушысы Дино Миканович түйіндеді. Оның трансфердегі бағасы – 2 миллион еуро.
Қазақстандық футболшылардың арасында «Қайрат» пен «Тобыл» командаларында ойнайтын қорғаушылар Нұралы Әліп пен Темірлан Ерланов та құны қымбат спортшылардың қатарында. Сондай-ақ, Қазақстан құрамасының шабуылшысы Абат Айымбетовтің трансфердегі бағасы 1,5 млн еуроға дейін өсті.
<img src="https://kyzylorda-news.kz/wp-content/uploads/2020/12/201213092019970e.jpg" alt="" />

Қазақстан чемпионатының ең қымбат футболшылары кімдер?

Kyzylorda-news.kz. Нұрсұлтан Назарбаев қорында «Елбасы медалі» бағдарламасына қатысушыларды марапаттау жөніндегі комиссияның бірінші отырысы өтті, деп хабарлайды <a href="https://www.inform.kz/kz/elbasy-medali-zhobasy-algashky-kola-medal-iegerlerinin-esimderi-anyktaldy_a3729595">ҚазАқпарат</a>.
Комиссия құрамына Нұрсұлтан Назарбаев Қорының, «Елбасы академиясы» корпоративтік қорының, ҚР Ақпарат және қоғамдық даму министрлігінің, ҚР Білім және ғылым министрлігінің, Қазақстан Жастар Конгресінің, БАҚ және ата-аналар қауымдастығының өкілдері енді.
Комиссия бағдарламаны іске асыру нәтижелерін қарап, 2020 жылы 1 000 қатысушыны Елбасының қола медалімен марапаттау туралы шешім қабылдады. Комиссия бағдарламаның барлық бағыттары бойынша тапсырмаларды сәтті орындаған қатысушылардың алғашқы легінің нәтижелерін қарады. Жиын қорытындысы бойынша 1000 қатысушыны 2020 жылы Елбасының қола медалдарымен марапаттау туралы шешім қабылданды. Қазіргі уақытта тағы 7 мың жас қазақстандық бағдарламаның қола деңгейінде қатысуды жалғастыруда.
Естеріңізге сала кетейік, «Елбасы медалі» – жастарды кешенді дамытуға бағытталған ұлттық деңгейдегі жалғыз бағдарлама. Ол 7 негізгі бағыттан тұрады: спорт, таланттар мен дағдылар, кітап оқу, Ұлттық мұра, волонтерлік, экспедициялар мен жорықтар, еңбек практикасы. Бағдарламаға 14-29 жас аралығындағы қазақстандықтар қатысады.
Қазіргі уақытта жобаға 11 мыңнан астам қатысушы, 600 тәлімгер, 17 өңірлік үйлестіруші мен сарапшы қатысуда.

«Елбасы медалі» жобасы: Алғашқы қола медаль иегерлерінің есімдері анықталды

Kyzylorda-news.kz. Қазақстанда өткен тәулікте 794 адамнан коронавирус анықталды, деп хабарлады coronavirus2020.kz сайты.
Аймақтар бойынша:
Нұр-Сұлтан қаласы – 88
Алматы қаласы – 80
Шымкент қаласы – 1
Ақмола облысы – 72
Ақтөбе облысы – 13
Алматы облысы – 62
Атырау облысы – 50
Шығыс Қазақстан облысы – 97
Жамбыл облысы – 26
Батыс Қазақстан облысы – 38
Қарағанды облысы – 30
Қостанай облысы – 75
Қызылорда облысы – 3
Маңғыстау облысы – 9
Павлодар облысы – 80
Солтүстік Қазақстан облысы – 67
Түркістан облысы – 3
Жалпы ел бойынша ауырғандар саны 141578.

Өткен тәулікте Қызылордада коронавирус тіркелді

Kyzylorda-news.kz. Аудан әкімі Асылбек Шаменовтың қатысуымен өткізілген “Қайырымдылық – жүректен” атты акциясынан түскен қаражаттың бір бөлігіне бүгін көмір алынып, мұқтаж жандарға таратылды.
Айта кету керек, қайырымдылық акциясынан 2 млн 305 мың теңге түсті. Бұл қаражатқа 120 отбасыға азық-түлік және қатты отынмен көмек көрсетіледі делінген.
Жыл басынан бері ауданда 65 қайырымдылық акциялары ұйымдастырылып, аудандағы қайырымды жандармен 1325 адамға 28 млн 500 мың теңгеге көмек көрсетілді.

Жалағаш: Қайырымдылық акциясынан түскен қаржыға 120 отбасына көмек көрсетіледі

Kyzylorda-news.kz. «Қазгидромет» 13 желтоқсанға арналған ауа райы болжамын жариялады.
13 желтоқсанда Қызылорда облысының кей жерлерінде тұман түседі. Солтүстік-шығыстан 15-20 м/с жылдамдықпен жел соғады. Қызылорда қаласында 13 желтоқсан күні күндіз солтүстік-шығыстан жел соғып, екпіні 15-20 м/с болады.

Жексенбіге арналған ауа райы болжамы

Kyzylorda-news.kz. Балалалар арасында кавасакиге ұқсас синдром ауруы артуы мүмкін. Мұндай пікірді «Астана медицина университеті» коммерциялық емес акционерлік қоғамы балалар инфекциялық аурулары кафедрасының меңгерушісі, медицина ғылымдарының докторы Динагүл Баешева білдірді, деп хабарлайды ҚазАқпарат.
<blockquote>
 «Коронавирус инфекциясы кез келген жасқа, балаларға да, ересектерге де жұғатындығын атап өткен жөн. Балалар да коронавирус инфекциясымен ауырады. Дегенмен, оларда ересектерге қарағанда ауру біршама жеңіл өтеді. Балалар көбіне симптомсыз түрін тасымалдаушы болады. Яғни, оларда аурудың ешқандай белгісі байқалмайды. Алайда, коронавирус инфекциясымен ауырған балалаларда 2-4 апта өткеннен кейін мультижүйелі қабыну симптомы пайда болуы мүмкін екендігін естен шығармау қажет. Мұндай кезде бірқатар ағза мен жүйе зақымданып, баланың жағдайы өте ауыр болады. Дене қызуы үнемі жоғары болып, дәріге де түспейді. Теріде бөртпе пайда болып, өкпе, бас миы, буындар қабынады. Сондықтан да балаларды коронавирус инфекциясын жұқтырып алмауы үшін барынша қорғаған дұрыс болар еді», – деді Динагүл Баешева.
</blockquote>
Осы ретте дәрігер ел азаматтарын мамандардың кеңесіне құлақ асуға шақырды.
<blockquote>
 «Әрине, балалар ойнағысы, достарымен кездескісі келеді. Дегенмен, олар вирус жұқтырып алмауы үшін барынша қорғау қажет. Кей адамдарда «балалар қазір ауырып алсын, содан кейін оларда тұрақты иммунитет қалыптасып, ауырмайтын болады», деген жақсақ пікір бар. Өкінішке қарай, бүгінде мұндай пікірдің дұрыс екендігін дәлелдейтін еш дәйек жоқ. Балалардың ауруып қалғаны туралы деректер күннен күнге ауысып отырады. Мұндай ақпарат барлық уақытта да ашық. Ақпараттар дұрыс әрі нақты беріледі. Денсаулық сақтау министрліне бұл мәліметтерді жасыруға еш себеп те жоқ. Ауру бүкіл әлемде таралып отыр және ол күнделікті өмірде адамнан адамға тез жұғады», – деді медицина ғылымдарының докторы.
</blockquote>
Сонымен қатар ол балалалар арасында кавасакиге ұқсас синдромның өту мүмкіндігі бар екендігін де жасырмады.
<blockquote>
 «Мен кавасакиге ұқсас синдром бойынша тәртіптік комиссиясының мүшесімін. Бүгінде балалар арасында мұндай синдромның өсімі байқалып отырған жоқ. Бірақ, аурудың сәл кейінірек, яғни белгілі бір уақыттан пайда болуы мүмкін екендігін де естен шығармауға тиіспіз. Осынау эпидемиологиялық циклдің өз заңы бар. Сондықтан салғырттыққа жол беруге болмайды. Барлық уақытта сақтық шараларын қаперден шығармай инфекционист дәрігердің ұсыныстарын ұстану қажет», – деді Динагүл Баешева.
</blockquote>

Динагүл Баешева:   Балалалар арасында кавасакиге ұқсас синдром ауруы артуы мүмкін

Kyzylorda-news.kz. Қазақстанда декреттік жәрдемақының орташа мөлшері 490 мың теңгені құрайды, деп хабарлайды Stan.kz.
Жұмыс берушілер мемлекеттік әлеуметтік сақтандыру қорына әлеуметтік аударымдар төлеп отыруы керек. Жұмыс істейтін әйелдер жүктілігі мен босануы бойынша уақытша еңбекке жарамсыздық парағын алған кезде әлеуметтік төлем тағайындауға өтініш жасай алады.
<blockquote>
 “Төлеушіден түсетін әлеуметтік аударымдар есептелетін ай сайынғы объект тиісті қаржы жылына республикалық бюджет туралы заңда белгiленген ең төмен жалақының 7 еселенген мөлшерiнен аспауға тиіс. Қордан жүктiлiкке және босануға, жаңа туған баланы асырап алуға байланысты кірісінен айырылу жағдайларына арналған әлеуметтiк төлем жұмыс істейтін әйелдерге тағайындалады. Жүктiлiкке және босануға, жаңа туған баланы асырап алуға байланысты кірісінен айырылу жағдайларына арналған әлеуметтiк төлемнің мөлшерi әлеуметтік аударымдар есептелетін объект ретінде есепке алынған кірістің орташа айлық мөлшерін еңбекке қабілетсіздік күндері санының тиісті коэффициентіне көбейту жолымен айқындалады”, – дейді еңбек және әлеуметтік қорғау министрлігі.
</blockquote>
Заңға сәйкес, жүктілік және босану бойынша уақытша еңбеккежарамсыздық парағы, әдетте, жүктіліктің 30 аптасынан бастап босанғанғадейін 70 күнтізбелік күнге және босанғаннан кейін 56 күнтізбелік күнге беріледі.
Жүктiлiкке және босануға, жаңа туған баланы асырап алуға байланысты кірісінен айырылу жағдайларына арналған әлеуметтiк төлемнің мөлшерiн анықтаған кезде жұмыс істейтін әйелдің соңғы 12 айдағы орташа табысы еңбекке жарамсыздық күндері санының коэффициентіне көбейтіледі.
<blockquote>
 “Бұл ретте, МЗЖ-ның 10%-ын ұстамай, ең төменгі жалақыдан (42500 теңге) есептеу кезінде ЖБӘТ-нің ең төменгі мөлшері 160 мың теңгені құрайды. МЗЖ-ның 10%-ын ұстамай, еңбекке уақытша жарамсыздықтың ең жоғары күндерін және әлеуметтік аударымдарды ұсынуды ескере отырып, ЖБӘТ-нің ең жоғары мөлшері 1,2 млн теңгені құрайды. 2020 жылғы 1 желтоқсандағы жағдай бойынша әлеуметтік төлемдердің орташа мөлшері 490 мың теңгені құрайды”, – дейді еңбек министрлігі.
</blockquote>
Еске салсақ, бухгалтер декреттік төлемақыға миллион алу үшін не істеу керек екенін айтқан болатын.

Орташа мөлшері 490 мың теңгені құрайды: Қазақстанда декреттік төлем қалай тағайындалады

Kyzylorda-news.kz. Корея Республикасының Үкіметі Қазақстанға COVID-19 шалдыққан пациенттерге 72 оттегі концентраторы, 50 монитор және 111 000 дана FFP2 стандартты респираторлық қорғаныс маска жіберген. Гуманитарлық көмектің құны 375 000 АҚШ доллар.
Денсаулық сақтау вице-министрі – ҚР Мемлекеттік бас санитарлық дәрігері Ерлан Қиясов кореялық әріптестеріне ҚР Денсаулық сақтау министрлігінің және өз атынан COVID-19-ға қарсы күресте гуманитарлық және консультациялық көмек көрсеткені үшін алғыс айтты.
<blockquote>
 “Бұл екі мемлекет арасындағы достықтың, сондай-ақ пандемияға қарсы халықаралық ынтымақтастықтың айқын көрінісі. ДДСҰ-ға да COVID-19-ға қарсы күресте қолдау көрсеткені үшін алғыс айтамыз. Бұл ұйымдар арасындағы серіктестік қарым-қатынастың тағы бір дәлелі”, – деді Е.Қиясов.
</blockquote>

Корея Республикасы Қазақстанға гуманитарлық көмек жіберді

Kyzylorda-news.kz. Америкалық Finencial Times басылымы 2020 жылғы ең ықпалды әйелдер тізімін атады.
Бұл тізімге 12 әйел енген. Басылым олардың барлығы дағдарыстармен күресіп, қазіргі заманның маңызды мәселелеріне назар аударғанын атап өтті.
Рейтингтің басында Жаңа Зеландия премьер-министрі Джасинда Ардерн тұр. Ол коронавирус қаупіне жедел назар аударуымен ерекшеленді.
Одан кейінгі орынға коронавирус вакцинасын шығаратын Biontech компаниясының жетекші ғалымы Озлем Туречи жайғасқан. &nbsp;Ол – иммундық реакциялар үшін мРНҚ қолдану саласындағы жетістіктерге қолжеткізген негізгі ғалымдардың бірі.
Содан кейін бұл тізімге АҚШ-тың вице-президенті болатын Камала Харрис, беларусьтық оппозиционер Светлана Тихановская және америкалық саясаткер Стейси Абрамс кіреді.
Одан кейінгі позицияны жұмыс істейтін аналар алды. Бұл – белгілі бір әйел адам емес, карантин мен балаларға білім беру мекемелерінің жабылуына қарамастан өз мансабын жалғастырған барлық аналар.
Тізімнің соңында редакторлар биыл өз елінің экономикасын жақсартқан Тайвань президенті Цаи Инг Венді, коронавируспен күресуде шешуші шаралар қабылдағаны үшін Германия канцлері Ангела Меркельді, АҚШ Жоғарғы сотының судьясы Рут Гинзбургті, америкалық саясаткер Александр Окасио-Кортесті, Үндістан денсаулық сақтау министрі К.К.Шайлайды және америкалық әнші Тейлор Свифтті атап өтті.
<a href="https://24.kz/kz/zha-aly-tar/lemde/item/440973-zhyldy-e-y-paldy-jelderi-any-taldy">Хабар 24</a>

Қазақстан және Қызылорда облысының жаңалықтары

Қызылорда облысында ауа райына байланысты ескерту жарияланды

“Қызылорда–Жезқазған” тас жолында 12 тонналық газ цистернасы жарылуға шақ қалды

Ресейлік саясаткер Қазақстан туралы даулы сөзіне түсініктеме берді

Қазақстан чемпионатының ең қымбат футболшылары кімдер?

«Елбасы медалі» жобасы: Алғашқы қола медаль иегерлерінің есімдері анықталды

Өткен тәулікте Қызылордада коронавирус тіркелді

Жалағаш: Қайырымдылық акциясынан түскен қаржыға 120 отбасына көмек көрсетіледі

Жексенбіге арналған ауа райы болжамы

Динагүл Баешева: Балалалар арасында кавасакиге ұқсас синдром ауруы артуы мүмкін

Орташа мөлшері 490 мың теңгені құрайды: Қазақстанда декреттік төлем қалай тағайындалады

Корея Республикасы Қазақстанға гуманитарлық көмек жіберді

Жылдың ең ықпалды әйелдері анықталды

Қазақстан және Қызылорда облысының жаңалықтары

Қызылорда облысында ауа райына байланысты ескерту жарияланды

&#8220;Қызылорда–Жезқазған&#8221; тас жолында 12 тонналық газ цистернасы жарылуға шақ қалды

Ресейлік саясаткер Қазақстан туралы даулы сөзіне түсініктеме берді

Қазақстан чемпионатының ең қымбат футболшылары кімдер?

«Елбасы медалі» жобасы: Алғашқы қола медаль иегерлерінің есімдері анықталды

Өткен тәулікте Қызылордада коронавирус тіркелді

Жалағаш: Қайырымдылық акциясынан түскен қаржыға 120 отбасына көмек көрсетіледі

Жексенбіге арналған ауа райы болжамы

Динагүл Баешева: Балалалар арасында кавасакиге ұқсас синдром ауруы артуы мүмкін

Орташа мөлшері 490 мың теңгені құрайды: Қазақстанда декреттік төлем қалай тағайындалады

Корея Республикасы Қазақстанға гуманитарлық көмек жіберді

Жылдың ең ықпалды әйелдері анықталды

“Қызылорда–Жезқазған” тас жолында 12 тонналық газ цистернасы жарылуға шақ қалды