Kyzylorda-news.kz. Қызылорда қаласындағы ЗК-169/5 түзеу &nbsp;мекемесінің аумағында РМК «Еңбек- Қызылорда» филиалының «Наубайханасы» 2009 жылдан бері жұмыс істеп келеді. Наубайхана нан пісіруге қажетті құралдармен толық қамтамасыз етілген. Аядай ғана ғимаратта тәулігіне 1500-нан астам &nbsp;бөлке нан пісіріледі. Бұл наубайханада 4 жазасын өтеуші екі аусыммен жұмыс істейді. Наубайханадан шыққан &nbsp;нан өнімдері Қызылорда облысы бойынша Қылмыстық- атқару жүйесіне қарасты ЗК-169/1, ЗК-169/4, ЗК-169/5 мекемелерін толықтай қамтып отыр. Шығарылып жатқан өнімдер ыстық күйінде мекемелерге жеткізіледі.
Бүгін, бірнеше жылдан бері нан пісірудің бесаспап шеберіне айналған&nbsp; Әмірбек, Қанат, Наурызбай, Даулет есімді жазасын өтеушілерден&nbsp; сұхбат алудың &nbsp;сәті түсті.&nbsp;
Бірінші ауысымдағы&nbsp; Наурызбай мен Қанат наубайханада киетін арнайы киімдеріне киіп жұмыстарын бастап кетті. Олар ұнды өлшеп, қамыр илейтін машинаға салып қажетті дәмдеуіштерін қосты. Одан соң, қалыптарын дайындай бастады. Қамырдың ашып, көтерілуін күтіп, дайындаған қалыптарына таразыға қайта өлшенген қамырларды сала бастады. Қалыпқа салынған қамырдың көтерілуін бір сағаттай күтеді екен. Нан пісіру технологиясының соңғы кезеңі&nbsp; қалыптағы көтерілген қамырды қызып тұрған пештерге салып,&nbsp; 40-45 минут шамасында пісіріп алып жатыр.
<img src="https://kyzylorda-news.kz/wp-content/uploads/2020/07/img-20200729-wa0017.jpg" alt="" />
<blockquote>
 «Ас атасы – нан» демекші нанды пісіру оңай емес, осы мекемеге келгелі осы наубайханада жұмыс жасап келемін. Ол нан пісіретін жабдықтардың тілін жатқа меңгерген. Температурасын белгілеп, нанның піскен, піспегенін бір көзқараспен-ақ ұғады. Бостандықта жүргенімде ас пісіргенді ұнататын едім, нан пісіретін наубайшы қажет екендігін естігенімде ойланбастан келістім. Ай сайын 50 мың теңге көлемінде жалақымды уақытылы алып тұрмын. Мемлекет алдындағы қарызымды өтеп, артылғанын отбасыма да жіберіп отырмын. «Еңбек- Қызылорда» филиалының өндірістік аймақтағы жауапты шебері Жангелді Құдайбергенұлы күнделікті жұмыс барысымызды, нанның сапасын, наубайхананың тазалығын тексеріп тұрады. Жұмысқа деген адалдығымызды байқаған филиал басшылығы атынан бірнеше мәрте «Алғысхатпен» марапатталдық», – деп&nbsp; әңгімесін аяқтады Наурызбай.&nbsp;
</blockquote>
<img src="https://kyzylorda-news.kz/wp-content/uploads/2020/07/img-20200729-wa0016.jpg" alt="" />
Екінші ауысымдағы Даулет пен Қанатта дәл осылар сияқты нан пісіру технологиясымен нан пісіреді.
<blockquote>
 «Осы мекемеде 2015 жылдан бері жазамды өтеудемін. Содан бері осы наубайханада нан пісірушімін. Жұмысым ұнайды өзіме. Екінің бірінің қолынан нан пісіру келе бермейді. Шыдамдылықты , төзімдікті қажет ететін жұмыс. Арманым да жоқ емес. Жазамды өтеп, темір тордан бостандыққа шыққын соң, менде наубайхана ашсам деген ойым бар. Бастысы жұмысым тұрақты, жалақым да жақсы дейді жазасын өтеуші Қанат.
</blockquote>
<img src="https://kyzylorda-news.kz/wp-content/uploads/2020/07/img-20200729-wa0011.jpg" alt="" />

Қызылорда: Түзеу мекемесіндегі жазасын өтеушілер еңбекпен қамтылуда

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев эпидемиологиялық ахуалды тұрақтандыру жөнінде кеңес өткізді, деп хабарлайды&nbsp;<a href="https://www.akorda.kz/kz/events/akorda_news/meetings_and_sittings/kasym-zhomart-tokaev-epidemiologiyalyk-ahualdy-turaktandyru-zhoninde-kenes-otkizdi">Ақорда.</a>
Премьер-Министр Асқар Мамин Президентке 5 шілдеден бастап елімізде қатаң карантин шаралары енгізілгеннен кейін індет жұқтырушылардың саны 29 пайызға төмендегенін баяндады. Бір күнде індет жұқтыратын адамдардың саны 1500-1600 аралығында тұрақтаған. Стационарлардағы емделушілердің қатары 43 пайызға, оның ішінде, реанимациялық палаталардағы науқастар саны 27 пайызға азайған. Сауығып шыққандардың саны 63 пайызға дейін өскен. Жедел-жәрдем шақыру жағдайы төмендеген. Осылайша денсаулық сақтау жүйесінің негізгі жүктеме көрсеткішін төмендетуге қол жеткізілген.
Сонымен қатар Асқар Мамин Қасым-Жомарт Тоқаевқа дертке шалдығу және адам өлімі, медициналық көмектің қол жетімділігі мен сапасы, халықтан тест сынамасын алу деңгейі, интенсивті терапия және реанимация палаталарының қажетті дәрі-дәрмектермен, медициналық құрал-жабдықтармен қамтамасыз етілуі секілді негізгі көрсеткіштер бойынша өңірлердегі ахуалға жүргізілген күнделікті мониторинг жайында мәлімет берді.
Денсаулық сақтау министрі Алексей Цой Мемлекет басшысына инфрақұрылым нысандарының эпидемиологиялық ахуалға және экономикаға әсерін ескере отырып, карантин шараларын кезең-кезеңімен жеңілдету жолдарын баяндады.
Мемлекет басшысы коронавирус індетіне шалдығушылардың және соның салдарынан болатын өлім-жітімнің көрсеткішін одан әрі төмендетудің аса маңызды екенін атап өтті.
Шілде айында енгізілген шектеу шараларының оң әсерін одан әрі арттыру мақсатында, сондай-ақ, Қазақстандағы және шекаралас мемлекеттердегі эпидемиологиялық жағдайдың күрделене түсу ықтималдығын ескере отырып, Қасым-Жомарт Тоқаев Мемлекеттік комиссияға карантин шараларын кезең-кезеңімен жеңілдету арқылы екі аптаға ұзартуды тапсырды.

Президент карантин шараларын екі аптаға ұзартуды тапсырды

<a href="https://kyzylorda-news.kz/">Kyzylorda-news.kz.</a> Облыс тұрғындары арасында коронавирустық инфекцияның алдын-алу мақсатында Қызылорда облысының Бас мемлекеттік санитариялық дәрігерінің Қызылорда облысы аумағында «Құрбан айт» мерекесі күндері іс-шаралар өткізуге тыйым салу туралы 28 шілде 2020 жылғы №19 қаулысы қабылданды. Бұл туралы тауарлар мен көрсетілетін қызметтердің сапасы мен қауіпсіздігін бақылау департаменті хабарлады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қаулыға сәйкес&nbsp;Қызылорда облысы аумағында 2020 жылдың 31 шілде – 2 тамыз аралығындағы «Құрбан айт» мерекесі күндері көпшілік, мерекелік және отбасылық іс-шараларын, оның ішінде үй ішінде адамдар көп жиналатын іс-шараларды өткізуге &nbsp;тыйым салынды.
2020 жылдың 31 шілде – 2 тамыз аралығында орталық мешітімен белгіленген онлайн режимінде құрбандық шалуды жүзеге асыратындарды қоспағанда, мал сою цехтары мен мал сату базары қызметі тоқтатылады.
Сонымен қатар мал союды ұйымдастыруға және өткізуге, автокөліктерде және жеке үй иеліктерінде мал сатуға тыйым салынады.
Мал сою орындарын анықтау және құрбан шалу рәсімдерін онлайн форматта жүзеге асыру ұйымдастырылатын болады. Осы Қаулымен облыс аумағында мемлекеттік ветеринариялық-санитариялық бақылауды және қадағалауды күшейту тапсырылды.
Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті мал союға тартылған адамдарды жеке қорғану құралдарымен қамтамасыз ете отырып, мұқтаж адамдарға тез бұзылатын өнімдерді (құрбан болған малдың еті) тасымалдау және сақтау жөніндегі ветеринариялық-санитарлық ережелер талаптарын қатаң сақтауды сұраймыз.

Қызылордада «Құрбан айт» мерекесі күндері қандай шектеулер белгіленді?

<a href="https://kyzylorda-news.kz/">Kyzylorda-news.kz.</a> Бүгін таңғы сағат 05:19-да Ақмола облысы Атбасар ауданы Хрящевка ауылында жеке тұрғын үйде 100 шаршы метр алаңда өрт болды, деп хабарлайды <a href="https://lenta.inform.kz/kz/akmola-oblysynda-ortten-bir-otbasynyn-3-balasy-koz-zhumdy_a3677789">ҚазАқпарат</a>.
<blockquote>
 «Үйде 1979 және 1981 жылғы ата-ана мен олардың 2004, 2005, 2007, 2008 жылы туған ұлдары мен 2012 жылы туған қызынан, жеті адамнан, тұратын көпбалалы отбасы тұрған. Атбасардағы №4 мамандандырылған өрт сөндіру станциясына дейінгі қашықтық 25 шақырым. Өрт сөндіру бөлімшелері келгенге дейін, отағасы 2004 және 2012 жылы туылған екі баланы және оның әйелін аман құтқарып қалған», – деп атап өтті баспасөз қызметі.
</blockquote>
ТЖД мәліметі бойынша өрт салдарынан үйдің төбе жабындысы құлаған.
«Сағат 06: 40-та өрт ауыздықталып, сағат 08:25-те сөндірілді. Өрт шыққан орыннан үш баланың денесі табылды», – деп хабарлады ТЖД.
Өртті сөндіруге ТЖД-ның12 қызметкері мен 2 техникасы, ерікті өрт сөндіру құралымдары -3 техника және үш адам жұмылдырылды.
Оқиға орнында аудандық полиция бөлімінің жедел-тергеу тобының кезекшісі жұмыс істейді.
<blockquote>
 «Отағасының айтуынша, таңертеңгі сағат бес шамасында ұлы оны оятып, веранда өртеніп жатқанын айтқан. Ер адам үйдің терезесін сындырып, әйелі мен екі баласын шығарып алған. Өрт тез тараған, өйткені үй тез тұтанатын материалдардан салынған. Үш баланы құтқару мүмкін болмады. Өрттің себебі анықталуда, Көкшетау қаласынан өрт сынамасы зертханасына жіберілді», – деді Ақмола ТЖД басшысының міндетін атқарушы Қанат Доспаев.
</blockquote>
<img src="https://kyzylorda-news.kz/wp-content/uploads/2020/07/200729112152986a3677789i.jpg" alt="" />

Өрттен бір отбасының 3 баласы көз жұмды

Kyzylorda-news.kz. Қазалы ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасының аясында құны 3 млрд 11 млн 89 мың теңге болатын 42 жоба іске асырылып жатыр. Осының нәтижесінде жүздеген тұрғынға жұмыс табылып, әлеуметтік нысандар жаңғыртылудан өткізілуде.
Бағдарлама шеңберінде Ғ.Мұратбаев ауылына табиғи газ жеткізіліп, Ақсуат ауылынан 150 орындық клуб салынады. Сондай-ақ көшелер жөнделіп, жарықтандырылады, әлеуметтік нысандар жаңғыртылады.
<blockquote>
 «Жол картасы» бағдарламасының негізгі мақсаты жұмыссыздар санын азайту. Осыған байланысты қолға алынған жобаларда аудан бойынша 600-ден астам адам жұмыспен қамтылады. Олардың жалақысы 85 мың теңгеден басталады, – делінген аудан әкімдігінің таратқан хабарламасында.
</blockquote>
<img src="https://kyzylorda-news.kz/wp-content/uploads/2020/07/116244116_2811312872422975_8563551555064068913_o.jpg" alt="" />
<img src="https://kyzylorda-news.kz/wp-content/uploads/2020/07/116336392_2811310889089840_2815047263852107425_o.jpg" alt="" />

Қазалыда «Жол картасы» бағдарламасы аясында 42 жоба іске асырылып жатыр

<a href="https://kyzylorda-news.kz/">Kyzylorda-news.kz.</a> Қызылордада кешкі уақытта полицияға Қызылорда қаласындағы мөлтек аудандардың бірінде жасөспірімдердің жиналып жүргені жайында &nbsp;белгісіз тұрғыннан хабарлама түскен.
Аталған хабарлама бойынша Қызылорда қалалық Полиция басқарманың патрульдік полиция батальоны, ювеналды полиция және учаскелік полиция инспекторларымен тексеру барысында сағат 23:00-ден кейін заңды өкілдерінің еріп жүруінсіз жүрген жеті кәмелетке толмаған жасөспірім анықталып, учаскелік полиция пунктіне жеткізілді.
<blockquote>
 “Жеткізілген жасөспірімдердің ата-аналары шақыртылып, олармен профилактикалық бағытта түсіндірме жұмыстары жүргізіліп, ҚР ӘҚБтК-нің 442-бабы 2-бөлігіне&nbsp;“Кәмелетке толмағандардың заңды өкілдерінің еріп жүруінсіз тұрғынжайдан тыс жерде сағат 23-тен таңғы 6-ға дейін болуы”&nbsp;сай жеті ата-анаға қатысты әкімшілік хаттама толтырылды”, – полиция департаменті баспасөз қызметінің хабарламасында.
</blockquote>
Полиция қызметкерлерімен кәмелетке толмағандармен жасалатын құқық бұзушылықтың алдын алу мақсатында профилактикалық бағытта жұмыстар жүргізілуде.

Қызылордада түнгі уақытта серуендеп жүрген жеті жасөспірім анықталды

<a href="https://kyzylorda-news.kz/">Kyzylorda-news.kz.</a> Қытайда коронавирустың жаңа түрімен күрес күшейтілді.
Мұнда COVID-19-дың басқа түрін бір тәулікте 68 адам жұқтырған. Олардың төртеуі – шетелден келгендер, ал 64-і – жергілікті тұрғындар.
Қауіпті дертпен 57 адам Шыңжаң-Ұйғыр автономиялық ауданында, ал алты науқас Ляонин провинциясында, тағы біреуі Бейжің қаласында тіркелген, деп хабарлады&nbsp;<a href="https://www.ktk.kz/kz/news/video/2020/07/28/154863/">КТК.</a>
Жұқпалы дертті дер кезінде тоқтату мақсатында екі қаланың миллиондаған тұрғыны COVID-19-ға тест тапсырып жатыр. Алайда қауіпті кесел соның өзінде бес аймаққа тарап үлгерген.
Әлемде коронавирусқа шалдыққандар 16 миллионнан асып кетті. Оның 10 миллионға жуығы жазылып шықты, ал 654 мың адам қайтыс болған.

Қытайда коронавирустың жаңа түрі таралып жатыр

Kyzylorda-news.kz. Облыста 184,7 мың жерге егін орналастырылса, оның 89,6 мың гектары күріш. Бүгінде каналдардан егістік алқабына секундына 403,5 текше метр су жіберілуде. Бұл туралы Өңірлік коммуникациялар қызметінің ақпараттық алаңында облыстық ауыл шаруашылығы басқармасының басшысы Сейілбек Нұрымбетов мәлімдеді.
<blockquote>
 «Нарын – Сырдария каскадының су қоймаларында өткен жылмен салыстырғанда судың көлемі 4,4 млрд.текше метрге аз болса, Шардарадағы жиналған су 1,9 млрд текше метрді құрап, өткен жылдың осы кезеңмен салыстырғанда 1,1 млрд текше метрге аз. Сырдария өзені арқылы төменге секундына 550 текше метр су тасталып, өткен жылдан 150 текше метрге аз болып отыр»-, деді Сейілбек Серғазыұлы.
</blockquote>
<img src="https://kyzylorda-news.kz/wp-content/uploads/2020/07/zhivotnovodstvo2-1.jpg" alt="" />
Үстіміздегі жылдың 24 шілдесінен бастап Сырдария өзенінің төменгі ағысына секундына 550 текше метр су жіберілуде. Қазіргі таңда «Арал Сырдария» Бассейндік инспекциясы су ресурстары комитетімен бірлесіп «Шардара» су қоймасына 10-ы тамызға дейін секундына 550 текше метр су көлемін ұстап тұру бойынша тиісті жұмыстар жүргізілуде.
Аймақта ұзындығы 96,4 шақырым болатын 12 каналды тазалау жұмыстары жүруде. Оның 8-і облыстық бюджеттен, 4-еуі «Жұмыспен қамту жол картасы 2020» бағдарламасы аясында жүзеге асуда.
Сондай-ақ, 20,9 км болатын 4 каналдың тазалау жұмыстары аяқталды. Бұл өз кезегінде, 1000 гектар егістік жерге су жеткізіліп, елді мекендегі 1079 тұрғын үй аяқ сумен қамтамасыз етіліп, егіс егуге мүмкіндік болды.

Қызылорда: Егінге су жеткізу мәселесі басты назарда

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1544 адам коронавирус індетімен ауырғаны белгілі болды. Бұл туралы www.coronavirus2020.kz сайтында жарияланды.
Оның ішінде 760 адам клиникалық белгілері жоқ тасымалдаушы тіркелді.
Аймақтар бойынша (жалпы/симптомсыз):
Нұр-Сұлтан қаласы – 250 / 136
Алматы қаласы – 271 / 162
Шымкент қаласы – 51 / 35
Ақмола облысы – 51 / 28
Ақтөбе облысы – 22 / 8
Алматы облысы – 73 / 50
Атырау облысы – 58 / 42
Шығыс Қазақстан облысы – 193 / 75
Жамбыл облысы – 52 / 35
Батыс Қазақстан облысы – 80 / 41
Қарағанды облысы – 129 / 40
Қостанай облысы – 65 / 42
Қызылорда облысы – 52 / 21
Маңғыстау облысы – 49 / 9
Павлодар облысы – 50 / 17
Солтүстік Қазақстан облысы – 63 / 5
Түркістан облысы – 35 / 14
Жалпы ел бойынша ауырғандар саны 86 192

Қызылордада өткен тәулікте 52 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Синоптиктердің болжауынша сәрсенбі елімізде ауа райы құбылмалы болады, деп хабарлайды Қазгидромет.
<blockquote>
 «29 шілдеде Қазақстан аумағының басым бөлігінде атмосфералық ағындардың өтуіне байланысты сақталады – найзағайлы жаңбыр, солтүстік-батыстың кей жерлерінде қатты нөсер жауады. Тек еліміздің батысында және оңтүстігінде антициклон жотасының әсерінен күн райы ашық болады. Республиканың кей жерлерінде жел күшейіп, дауыл соғуы, бұршақ жаууы мүмкін. Еліміздің солтүстігінде тұман түсуі ықтимал», – делінген хабарламада.
</blockquote>

Сәрсенбіге арналған ауа райы болжамы

Халықаралық жолбарыс күні
Бұл дата 2010 жылы Санкт-Петербургта аталмыш жыртқыш жануардың популяциясын сақтап қалу мәселелері бойынша өткен «Жолбарыс туралы саммит» халықаралық форумында белгіленді. Оны өз жерлерінде жолбарыс мекендейтін 13 мемлекет қолдады.
1936 жылы&nbsp;Бүкілодақтық орталық атқару комитетінің Қарағанды облысын бөлу туралы қаулысы шықты. Осы құжатқа сәйкес, Солтүстік Қазақстан облысы бөлініп шықты және Қарағанды облысының орталығы Қарағанды қаласы болып белгіленді.
1936 жылы&nbsp;Қостанай мен Торғай губернияларының негізінде Қостанай облысы құрылды. Орталығы – Қостанай қаласы.
1990 жылы&nbsp;Алматыдағы Медеу мұз айдынында «Азия дауысы» музыка өнеріндегі танымал әндер мен талантты орындаушылардың бірінші халықаралық байқауы өтті. Бас жүлдені Өзбекстаннан келген «Карс» тобы жеңіп алды. 1993 жылы «Азия дауысы» халықаралық фестивальдар ұйымдастыру федерациясына (ФИДОФ) мүшелікке қабылданды.
«Азия дауысы» халықаралық фестивалінің жеңімпаздары: 1990 – «Карс» тобы (Өзбекстан), 1991 – Женева Круз (Филиппин), 1992 – Шехназ (Түркия), 1993 – Сара (Моңғолия), 1994 – Суави (Түркия), 1995 – Барт Бисли (АҚШ), 1996 – Бауыржан Исаев (Қазақстан), 1997 – «Эй-би-3» тобы (Индонезия), 1998 – Лука Сепе (Италия), 1999 – Манана Джапаридзе (Әзербайжан), 2000 – Моника Агел (Румыния), 2001 – Ладин Роксас (Филиппин), 2002 – Сити Нурхализа (Малайзия), 2003 – Сю Ян (Қытай), 2004 – Нико (Румыния).
Аталған байқауға арналған «Алтын домбыра» жүлдесін алғашқы жылдары Мақпал Жүнісова, Нағима Есқалиева, 1997 жылы Роза Рымбаева жеңіп алды.
1993 жылы&nbsp;Алматыда халықаралық мәртебесі бар 20-дан астам қоғамдық ұйымдарды біріктірген «Жаңа келісімге» форумы құрылды.

29 шілде: Атаулы күндер мен оқиғалар

Kyzylorda-news.kz&nbsp;ақпараттық агенттігінің 29 шілдеге арналған жұлдыз-жорамалы.
Тоқты
Ойға алған жоспар мен жұмыстарыңызды жүзеге асыру үшін сізге аянбай еңбек етіп, тер төгу керек. Бүгін көмекші мен одақтастар тапсаңыз, айыңыз оңынан туады.
Торпақ
Өзгеретін уақыт жетті. Ескі әдеттерден арылыңыз. Тек алға ұмтылсаңыз болды, сіз үшін мүмкіндіктердің есігі айқара ашылғалы тұр.
Егіздер
Жемісті күн. Бүгін сіздің қолыңыздан келмейтін нәрсе жоқ. Таныс емес, бұрын жасап көрмеген істердің өзін оңай шешесіз. Ішкі түйсігіңіз дұрыс шешімдер қабылдауға көмектеседі.
Шаян
Бүгін сізді қызықты күн күтіп тұр. Көңіл-күйіңіз көтеріңкі, өмірге деген құштарлығыңыз басым болады. Сізге өте пайдалы жаңа таныстықтар орын алады.
Арыстан
Күніңіз сәтті басталады. Маңызды жұмыстарда тез жетістікке жетесіз. Іскерлік қарым-қатынастарыңыз оңынан шешіледі. Жақын адамдарыңыз қолдау танытып, көмекке келеді.
Бикеш
Сәтті күн. Көптеген шаруаларыңыз оңымен шешіледі. Ішкі түйсігіңіз не нәрсені қалай істеу керектігін көрсетіп отырады. Кез келген қиындықтан жол тауып шығасыз.
Таразы
Егер өте сақ қимылдасаңыз, жетістікке жетесіз. Тәуекелге бел байлаудың қажеті жоқ. Сіздің сеніміңізге кіргісі келген адамдардан бойыңызды аулақ ұстаңыз. Сонда ғана көптеген мәселелерге тап болмайсыз.
Сарышаян
Бүгін ештеңеге алаңдаудың қажеті жоқ. Кез келген қиындықтың шешімін табуға болады. Жұмыста да, үйде де біреумен сөзге келмес бұрын әуелі ол адамды мұқият тыңдап алыңыз.
Мерген
Бүгін сіз қолға алған кез келген істе нәтижеге жетесіз. Бірақ, түсініспеушіліктерден қашып құтыла алмайсыз. Тек сабырлы болыңыз. Сонда ғана бәрі жақсы болады.
Тауешкі
Бүгін алға қойған мақсаттарыңызға бір қадам жақындай түсесіз. Егер бір нәрсе дүрыс болмай жатса да, алға қойған мақсатыңыздан бас тартпаңыз. Сіздің қолыңыздан бәрі келетінін ұмытпаңыз.
Суқұйғыш
Бүгін асығыстыққа салынбаңыз. Егер жақындарыңыздың ақыл-кеңестеріне құлақ түретін болсаңыз, күніңіз сәтті өтеді. Жұмыстарыңыз тоқтап қалып жатса да, уайымдамаңыз. Арты жақсы аяқталады.
Балықтар
Сізге қандай жұмыс тапсырылса да, тәжірибеңіздің арқасында оңай еңсересіз. Күннің екінші жартысында сағынып жүрген адамдарыңыздан хабар келеді.

Қазақстан және Қызылорда облысының жаңалықтары