<a href="https://kyzylorda-news.kz/">Kyzylorda-news.kz</a> Қазақстан оқушылары робототехникадан Ұлттық құрамасы Панама-Ситиде өткен FIRST Global Challenge (FGC) 2025 Бүкіләлемдік Олимпиадасында биыл қатарынан төртінші жыл айрықша жеңіске жетіп, тағы да тарихи жетістікке қол жеткізді. &nbsp;Бұл туралы <a href="https://stan.kz/kazakstandik-okushilar-robototehnika-chempionatinda-tor-425685/">Stan.kz</a> ақпарат агенттігі хабарлайды.&nbsp;Әлемнің 190 елінен келген командалардың ішінен біздің оқушылар бірінші орынды иеленіп қана қоймай, бірден екі жоғары марапатты жеңіп алды:– GRAND CHALLENGE AWARD (алтын) – Роботтардың біліктілік ойындарында рекорд орнатқан абсолютті чемпиондарға берілетін турнирдің Бас жүлдесі.– &nbsp;ALBERT EINSTEIN AWARD (алтын) – Үздік инженерлік әзірлемелері, техникалық шеберліктері мен командалық жұмыс және көшбасшылық жетістіктері үшін берілетін Жоғарғы төрешілік марапат. Бұл марапатта кешенді артықшылық пен инновация ескеріледі.Еліміздің құрамасын NIS Алматы-Медеу мектебінің 9-10 сынып оқушылары Рашат Досымжан, Дәулет Ілияс, Орынбасаров Алихан, Әсетұлы Мадиар және Тұрсымбаев Нұрасыл таныстырды. Жаттықтырушылары – Нұрдәулет Досмағамбет, Асылбек Мұрзахметов және Дулат Байтуленов.Бүкіләлемдік чемпионатта қатарынан төрт рет жеңіске жету (Женева-2022, Сингапур-2023, Грекия-2024, Панама-2025) Қазақстанды халықаралық STEM-білім беру аренасындағы абсолютті әлемдік көшбасшыға айналдырады.<blockquote>"Біздің балаларымыз жеңісті төртінші рет қатарынан жеңіске жетті. Бұл ретте, команданың құрамы бірде-бір рет қайталанбағанын атап өткен жөн – жыл сайын ел намысын қорғау үшін жаңа қатысушыларды дайындаймыз", – деп бөлісті USTEM Foundation Қоғамдық қорының жетекшісі Асылбек Мұрзахметов.</blockquote>Фото: Оқу-ағарту министрлігі

Қазақстандық оқушылар робототехника чемпионатында төрт дүркін әлем чемпионы атанды

<a href="https://kyzylorda-news.kz/">Kyzylorda-news.kz</a> Сырдария ауданының Сәкен Сейфуллин ауылында елді мекеннің 50 жылдық мерейтойына арналған салтанатты іс-шара өтті.Мерекелік жиынға аудан әкімі Сәрменбаев Берік Әбдіғаппарұлы, ауылдың ардагерлері, құрметті азаматтар, зиялы қауым өкілдері мен ауыл тұрғындары қатысты.Іс-шараның басында аудан әкімі ауыл тұрғындарын айтулы мерейлі мерекемен құттықтап, елді мекеннің дамуы мен өркендеуіне үлес қосқан азаматтарға ризашылығын білдіріп, бірқатар тұрғындарды аудан әкімінің Алғыс хаттарымен марапаттады.Бүгінде келбеті жаңарған Сәкен Сейфуллин ауылының тарихы өткен ғасырдың 30-жылдарынан бастау алады. «1 Май» мен «Құндызды» колхоздарының негізінде іргетасы қаланып, кейіннен «Ленин», «Партияның 21 съезі» колхоздарына біріктіріліп, осыдан жарты ғасыр бұрын өз алдына совхоз болып құрылған.<img src="https://knadmin.beoblood.kz/uploads/Syrdariya_merejtoj_3_10744cf9a8.jpg" alt="Сырдария мерейтой 3.jpg">Қасиетті топырақтан батырлар мен билер, ақын-жазушылар мен елге танымал тұлғалар шыққан. Олардың өмір жолы мен өнегелі еңбегі кейінгі ұрпаққа үлгі болып келеді.Тәуелсіздік жылдарында ауыл әкімдігі ғимараты, 150 орындық мәдениет үйі, балабақша, дәрігерлік амбулатория және өзге де әлеуметтік нысандар бой көтеріп, ауылдың жаңа келбеті қалыптасты. Инфрақұрылым жаңартылып, көшелер абаттандырылып, тұрғындардың өмір сапасы арта түсті.Мерейтой аясында Сыр өңірінің белгілі ақындарының қатысуымен айтыс ұйымдастырылып, ел мен жердің рухын асқақтатқан ерекше мәдени шара өтті. Айтыс барысында ақындар ауылдың өткені мен бүгіні, еңбек адамдарының ерен еңбегі, бірлік пен татулықтың маңызы жайлы жыр арқау етті. Әсем сөз өрнегімен өрілген жыр додасы көрермендердің ыстық ықыласына бөленіп, аймақтық мәдени өмірдің жарқын сәтіне айналды.Сонымен қатар, елді мекеннің әлеуметтік-экономикалық дамуына және қоғамдық өмірдің өркендеуіне үлес қосқан азаматтарға құрмет көрсетіліп, ауыл ардагерлері мен белсенді тұрғындарға арнайы марапаттар табысталды. Ардагерлерге ізет көрсетіліп, жас буынға өнегелі сөздер айтылды.Салтанатты жиын соңында ауыл өнерпаздарының қатысуымен мерекелік концерт ұйымдастырылды.<img src="https://knadmin.beoblood.kz/uploads/Syrdariya_merejtoj_dc4fe87153.jpg" alt="Сырдария мерейтой.jpg">

Сырдария: Игі іс-шара ұйымдастырылды

<a href="https://kyzylorda-news.kz/">Kyzylorda-news.kz</a> Облыстық кәсіпкерлік және өнеркәсіп басқармасының басшысы Мөлдір Тәуіпбаева &nbsp;партияның облыстық филиалы алаңында қоғамдық қабылдау өткізді.Қабылдау барысында тұрғындар кәсіп ашу, кәсіпкерлікті дамытудағы қолайлы бағдарламалар мен жобалар төңірегінде кеңестер сұрап, ұсыныстарын ортаға салды.Басқарма басшысы &nbsp;аталған тақырыптар бойынша кеңес беріп, келушілердің сұрақтарына жауап берді.Қызылорда өңірлік инвестициялық орталық арқылы кепілдікке мүлік қойып 78,6 млн тг дейін несие, Аграрлық несие корпорациясы арқылы кепілге мүлікке қойып 10 жылға 6 пайызбен несие алуға, «Ауыл аманаты» жобасы арқылы 2,5 пайызбен 9,8 млн тг дейін құс шаруашылығына 7 жылға дейін несие алуына мүмкіндігі бар екенін айтты.&nbsp;«Ауыл аманаты» жобасы зәкірлік кооперацияларды дамыту және ауылдық жерлерде кәсіпкерлікті дамытуға бағытталғаны түсіндірді.&nbsp;Кәсіп көзін бастамақшы жас буын өкілдеріне Бизнеске арналған үкімет орталығына жолықса бизнес жоба әзірлеуіне қолдау көрсетілетінін жеткізіп, сала бойынша мемлекеттік бағдарламалар бойынша кеңестер берді.

Кәсіпкерлік саласы бойынша кеңес берді

<a href="https://kyzylorda-news.kz/">Kyzylorda-news.kz</a> &nbsp;Түркиялық жартылай қорғаушы Арда Гүлер “Реал Мадридтің” қазан айындағы үздік ойыншысы атанды. Бұл туралы&nbsp;<a href="https://stan.kz/turkiyalik-arda-guler-real-madridtin-kazan-ayindagi-uzd-425633/">Stan.kz</a>&nbsp;ақпарат агенттігі хабарлайды.Бұл туралы Madrid Xtra басылымы хабарлады. Жанкүйерлер 20 жастағы футболшыны командадағы ең белсенді ойыншы деп танып, оны әлемдік деңгейдегі ойыншылар – Килиан Мбаппе, Джуд Беллингем сияқты жұлдыздардан озды деп бағалады.Айта кетейік, Арда Гүлер бұған дейін Чемпиондар Лигасының “Ювентусқа” қарсы матчында (1-0) айдың үздік ойыншысы атанған еді. Сонымен қатар&nbsp;ол жақында өткен “Эль-Классикода” (2-1) да шешуші рөл атқарған футболшылардың бірі болды.Бұл Испаниядағы осы маусымдағы түрік футболшысының алғашқы марапаты емес: Ла Лига оны қыркүйек айында 23 жасқа дейінгі үздік ойыншы деп таныған.Осы маусымда Арда Гүлер клуб үшін 13 ойында 3 гол соғып, 5 нәтижелі пас берді.Фото: Getty Images

Түркиялық Арда Гюлер “Реал Мадридтің” үздік футболшысы атанды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев отандық жоғары оқу орындарының көрсеткіштері әлемдік рейтингтерде жақсарып келе жатқанын айтты, деп хабарлайды <a href="https://t.me/aqorda_resmi/28276">Ақорда.</a>Мемлекет басшысы "Қазақстан – академиялық білім аймағы" стратегиялық серіктестер форумында сөйлеген сөзінде еліміздің бес университеті Times Higher Education басылымы ұсынған әлемдегі үздік оқу орындарының тізіміне қосылғанын айтты.Президент еліміздегі жоғары оқу орындарының беделді халықаралық рейтингтердегі көрсеткіші жақсарып келе жатқанын айтты.<blockquote>"QS халықаралық рейтинг агенттігінің президенті Нунцио Квакварелли мырза өз баяндамасында бұл мәселеге кеңінен тоқталды, Қазақстан университеттерінің қарқынды дамып келе жатқанын ерекше атап өтті. Біз ортақ мақсат жолында күш біріктіріп, әріптестігімізді нығайта түсуге мүдделіміз, бірлесіп жұмыс істеуге қашанда дайынбыз. Сондай-ақ еліміздің 5 университеті Times Higher Education басылымы ұсынған әлемдегі үздік оқу орындарының тізіміне қосылды. Бұл да біз үшін зор жетістік", - деді президент.</blockquote>Фото: Ақорда

Тоқаев: Еліміздің 5 университеті әлемдегі үздік оқу орындарының тізіміне қосылды

<a href="https://kyzylorda-news.kz/">Kyzylorda-news.kz</a> Мемлекет басшысы "Қазақстан – академиялық білім аймағы" стратегиялық серіктестер форумында сөйлеген сөзінде Қазақстан ChatGPT негізінде білім беру құралдарын енгізу жөніндегі пилоттық жобаны жүзеге асыра бастағанын мәлімдеді. Бұл туралы Stan.kz ақпарат агенттігі хабарлайды.&nbsp;Қасым-Жомарт Тоқаев білім-ғылым саласына салынған инвестиция Қазақстанның жарқын болашағына қарай жасалған қадам екенін, алдымызда экономиканы жаңғырту, жаңа өндіріс секторларын қалыптастыру, жасанды интеллект технологияларын барлық салаға енгізу және Қазақстанды толыққанды цифрлық мемлекет ретінде дамыту мақсаттары тұрғанын жеткізді.<blockquote>“Қазақстан технологиясы озық ел болуға нық қадам басты. Бұл – біздің жаңа ұлттық болмысымыздың аса маңызды бөлігі деп айтсақ, қате болмайды. Бүгін спикерлер жасанды интеллектінің жаһандық ортақ прогресті өрге сүйрейтін жаңа қозғаушы күш ретіндегі рөліне баса мән берді. Шын мәнінде, осы бірегей технологияның арқасында адамзат алға қарай қарышты қадам жасай алады. 2030 жылға қарай ЖИ әлемдік ІЖӨ көлемін 15 триллион доллардан аса ұлғайтады деп болжанып отыр. Бірақ жасанды интеллектінің дамуынан ең көп пайданы қай ел көреді? Бұл – өте қызықты сауал. Оны терең зерделеп, сараптау қажет. Жауабы аса қиын көрінбегенімен, бұл мәселе адамзат келешегімен тікелей байланысты екенін мойындауымыз керек”, - деді Президент.</blockquote>Тоқаев Қазақстанда жасанды интеллектіні дамыту және басқа салалармен жан-жақты интеграциялау ең жоғары стратегиялық басымдық саналатынын мәлімдеді.<blockquote>“ЖИ сарапшылары мен мамандарын даярлау ісіне айрықша мән беріп отырмыз. Осы мақсатта жыл басынан бері AI Sana бағдарламасын іске қостық. 540 мыңнан астам студент оқу курсынан өтті. Бұдан бөлек, жасанды интеллект барлық мектеп пен университетке міндетті курс ретінде енгізілді. Елімізде Жасанды интеллект университетін ашу үшін дайындық жұмыстары жүргізіліп жатыр”, – деді Президент.</blockquote>Осы орайда Мемлекет басшысы қыркүйек айында АҚШ-қа жасаған сапары кезінде OpenAI компаниясымен маңызды уағдаластыққа қол жеткізілгенін еске салды.<blockquote>“Нәтижесінде Қазақстан ChatGPT негізінде білім беру құралдарын енгізу жөніндегі пилоттық жобаны жүзеге асыра бастады. Аталған бастамалар арқылы отандық білім беру саласында жасанды интеллект әлеуетіне сүйене отырып, кешенді цифрлық трансформация жасалып жатыр”, – деді Қасым-Жомарт Тоқаев.</blockquote>Фото: Ақорда

Тоқаев Қазақстан ChatGPT негізіндегі пилоттық жобаны іске қосқанын айтты

<a href="https://kyzylorda-news.kz/">Kyzylorda-news.kz</a> Қызылорда облысының жұмылдыру дайындығы, аумақтық және азаматтық қорғаныс басқармасының басшысы Марат Құрманбаев партия алаңында қоғамдық қабылдау өткізді.&nbsp;Қабылдауға келуші азаматтар мерзімді әскери қызметке шақыру барысында тұрақты жұмыс орнындағы қызметін (лауазымын) сақтау, су тасу ықтималдарын болдырмау және өзге де тақырыптар бойынша сұрақтарын қойып, ұсыныстарын ортағы салды.&nbsp;Марат Құрманбаев мерзімді әскери шақыру барысында тұрақты жұмыс орны және лауазымы сақталатынын, әскерден келгеннен кейін жұмысын қайта жалғастыру мүмкіндігі бар екенін түсіндірді.&nbsp;Облыс бойынша су тасқыны қауіпті аймақтар анықталып, дария арнасында науқан кезінде осал аймақтарға кезекшілік және бөгендерді нығайту шаралары қолға алынатынын жеткізді.

Түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz</a> Қоғамдық этиканың көзтартар көрінісіне айналған «Таза Қазақстан» экологиялық бағдарламасы аясында аймақта ауқымды жұмыстар атқарылуда. Қашан да ортақ жауапкершілікке қауымдаса кететін қызылордалықтар бұл бастаманы да ауызбіршілікпен еңсеруде. Жалпы, Сыр өңірі барлық сала бойынша байтақ республиканың төрінде көш бастап тұр.&nbsp;Ел сұранысындағы әрбір істі ұтымды үйлестіретін облыс әкімі өңірдегі барлық саябақтар мен сквер-аллеяларды қайта жаңғыртуға пәрмен берді. Бүгінде Сырдың бас қаласындағы бірнеше саябақ &nbsp;абаттанып, халықтың қарасы үзілмейтін, отбасылық демалыс орындарына айналды. Көптің көңілінен шыққан берекелі бастама жүйелі жалғасын табуда. Соның бірі – Тұңғыш Президент саябағындағы абаттандыру және инфрақұрылымдық жұмыстар.&nbsp;Мұнда жобада көрсетілгендей 3 аллея, 6 субұрқақ, 5 амфитеатр, 7 балалар ойын алаңы, 4 спорт және 4 workout, 7 демалыс аймағы, 4 фудкорт, теннис үстелдері, биіктігі 50 метр болатын ойын-сауық &nbsp;аттракционы салынуда. Одан бөлек, бұл аумақта би алаңы, стритбол, вело және жүгіру жолақтары, сахна, сарқырама каналдары мен олардың үстінен өтетін көпірлер, шахмат, баскетбол және футбол алаңдары, арқан саябағы мен модульдік санитарлық нысандар түсуде. Ірі жобаны «Bi Global» компаниясы жүзеге асыруда.&nbsp;Сонымен қатар, саябақ ішінде жыл бойы жұмыс істейтін 300 орындық заманауи балалар тынығу лагерінің және Ботаникалық білім беру орталығының құрылысы жүруде. Осы аумақтың алқасында спорт блогы, іс-шараларға арналған event-аймақ, тұрғын корпустар, қонақ үй үлгісіндегі шағын ғимараттар, дәстүрлі киіз үйлер, ашық бассейн, стадион, футбол алаңы және сахна салу қарастырылған. Жобаны «Alem Qurylys AQ» ЖШС-гі атқаруда.&nbsp;Бүгін аймақ басшысының тапсырмасына сәйкес, облыс әкімінің орынбасары Бақыт Жаханов пен қала әкімі Нұржан Ахатов аталған аумақта болып, жұмыс нысанын аралап көрді. Мердігер мекемелердің басшыларымен кездесіп, құрылыс қарқынын арттыруды және нысандарды сапалы әрі мерзімінде аяқтауды тапсырды.Айта кету керек, бұл жобалармен қатар Сырдария өзені үстінен Президент саябағы мен Астана шағын ауданын байланыстыратын жаяу жүргіншілер көпірі салынады.<img src="https://knadmin.beoblood.kz/uploads/Prezident_sayaba_y_5_09d06cf9c8.jpg" alt="Президент саябағы 5.jpg">

Президент саябағындағы серпінді құрылыс

<a href="https://kyzylorda-news.kz/">Kyzylorda-news.kz</a> Қызылорда қаласына қарасты Ақсуат ауылдық округі, Жақыпбек Маханбетов ауылында «Әдемі әуезді азаншы» атты қалалық жарыс өтті.«Әліарыстан ата» және «Қалмұхаммед ишан» мешіттерінің ұйымдастыруымен өткен сайысқа 16 шәкірт қатысты. Қатысушылардың ең үлкені — 40 жастағы ел ағасы болса, ең кішісі небәрі 10 жаста.Бәйгеде үміткерлер екі кезең бойынша сынға түсті. Алдымен азанды нақышына келтіріп айтса, екінші кезеңде билет арқылы қойылған сұрақтарға жауап берді.Шараға арнайы қатысқан Қызылорда облысының бас имамы Дастан Жанасұлы жеңімпаздарды марапаттап, дипломдар мен қаржылай сертификаттар табыстады.Жарыс жеңімпаздары төмендегідей:• І орын – 60 000 тг – Айбек Алмурзаев («Нұр» мешіті)• ІІ орын – 50 000 тг – Данияр Бағланұлы («Сұлтан» мешіті)• ІІІ орын – 40 000 тг – Қуаныш Асқар («Ыбрайым молда» мешіті)Игі шараға марқұм Тәжібек Баймолдаұлының жұбайы Шәркүл Әліарыстанқызы мен балалары демеушілік жасады.Марапаттау рәсімінен кейін жарыс қатысушыларына арналып ас беріліп, кеш мәуліт мерекесіне ұласты. Рухани жиында мәуліт жыры оқылып, Алла елшісінің (ﷺ)&nbsp;өнегелі&nbsp;өмірі&nbsp;насихатталды.Айта кетейік, биыл адамзаттың асылы – Әз Пайғамбарымыз Мұхаммед Мұстафаның (ﷺ)&nbsp;туғанына 1500&nbsp;жыл&nbsp;толып&nbsp;отыр.<img src="https://knadmin.beoblood.kz/uploads/Mahanbetov_auylynda_Azan_zharysy_tti_c1b19244ae.jpg" alt="Маханбетов ауылында Азан жарысы өтті.jpg">Фото: ҚМДБ Қызылорда облысы бойынша өкілдігінің баспасөз қызметі

Маханбетов ауылында Азан жарысы өтті

<a href="https://kyzylorda-news.kz/">Kyzylorda-news.kz</a> Сақтандыру - бұл күтпеген жағдайларда, соның ішінде жол жүру кезінде сіздің мүдделеріңізді қорғау. Автокөлікті сақтандырудың қандай түрлері бар және сізге қажет түрін қалай таңдау керектігін Fingramota.kz айтып береді.Қазақстанда автосақтандыру негізінен екі түрге бөлінеді:Көлік құралдары иелерінің азаматтық-құқықтық жауапкершілігін міндетті сақтандыру (КҚИ АҚЖМ)&nbsp;Автокөлік құралдарын ерікті сақтандыру (жиі жағдайда — КАСКО)Міндетті сақтандыру &nbsp;КҚИ АҚЖМ — бұл сақтандыру қорғанысының заңнамалық минимумы. Егер сіз біреудің көлігіне зақым келтірсеңіз немесе жол-көлік оқиғасы кезінде басқа адамның денсаулығына зиян келтірсеңіз — сақтандыру компаниясы (зардап шеккен тарапқа келтірілген зиянды заңда белгіленген лимиттер шеңберінде) өтейді. Сіздің сақтандыруыңыз зақым келтірілген сіздің көлігіңіздің өзін емес, егер мұндай зиян сіздің кінәңізден болса, үшінші тұлғалардың алдындағы &nbsp;жауапкершілікті өтейді.&nbsp;Маңызды! Қолыңызда КҚИ АҚЖМ полисі болмаса, сіздің жолға шығуға құқығыңыз жоқ — және бұл үшін айыппұл көзделген (Қазақстанда бұл 10 АЕК).&nbsp;Тариф қалай қалыптасады: базалық сақтандыру сыйлықақысы + коэффициенттерКҚИ АҚЖМ бойынша базалық сыйлықақы (2025 жылы) өзгеріссіз қалады және заңмен белгіленген — 1,9 АЕК. Бірақ полистің қорытынды бағасы сақтандыру мерзіміне және қорытынды соманы есептеу үшін қолданылатын коэффициенттерге байланысты:Жүргізушінің жасы мен тәжірибесі;Түзету коэффициенттерін ескере отырып, автокөлікті тіркеу (пайдалану) аймағы;Көлік құралының түрі;Көлік құралын пайдалану мерзімі;«Бонус-малус» сыныбы — сіздің сақтандыру тарихыңыз (апатқа ұшырамау, бұзушылықтардың болмауы).«Бонус-малус» жүйесінің қағидаты қарапайым, егер сіз апатқа ұшырмай &nbsp;жүрсеңіз, сақтандыру сыйлықақысы азаяды (жеңілдік немесе «бонус» беріледі), егер сіз ЖКО кінәлі болсаңыз, сыйлықақы көбейеді (үстемеақы немесе «малус»).Сондай-ақ, есептеу кезінде мыналар ескеріледі:сіздің міндетті сақтандыру жүйесіне қатысу жылдарыңыз;сізде жол қозғалысы ережелерін бұзу болды ма, егер ЖКО сіздің кінәңізбен болса және сізде ЖҚЕ бұзушылықтар тіркелген болса, бұл сақтандыру құнының өсуіне қосымша әсер етуі мүмкін.&nbsp;Төлемдер туралы нені білу керекЕгер мүлік бойынша шығын сомасы лимиттен асып кетсе, өтемеген бөлігін кінәлі адамның өзі немесе ерікті сақтандыру (егер бар болса) арқылы төлейді. ЖКО кейін сақтандыру компаниясы келтірілген шығынның мөлшерін анықтау үшін көлік құралының зақымдануын бағалауы керек.Егер сіз бағалаумен немесе сақтандырушының шешімімен келіспесеңіз, сақтандыру омбудсманына хабарласып, бұл шешімге шағымдануға құқылысыз. Заң бойынша сақтандыру компаниясы барлық қажетті құжаттарды алғаннан кейін 15 күннен кешіктірмей сақтандыру төлемін төлеуге міндетті.Ерікті түрде автосақтандыру (КАСКО және басқа нұсқалар)Ерікті түрде автосақтандыру жүргізуші өз қалауымен ресімдейтін қосымша қорғауды қамтамасыз етеді. Жауапкершілікті міндетті сақтандырудан (КҚИ АҚЖМ) айырмашылығы ерікті түрде сақтандыру автокөліктің өзіне келтірілген шығынды өтейді және оны пайдалануға байланысты басқа да тәуекелдерді қамтуы мүмкін.Автокөлікті ерікті түрде сақтандырудың ең көп таралған түрі – КАСКО, ол ЖКО-ға кім кінәлі болса да, көліктің өзіне қатысты тәуекелдерді өтейді. Егер сіз жолда өз қателігіңіз болса да, көлігіңізді қорғауға сенімді болғыңыз келсе, бұл – өте маңызды.Сақтандыру талаптарына қарай КАСКО мыналарды қамтуы мүмкін:ЖКО (тіпті сіз кінәлі болсаңыз да);айдап кету, ұрлау;үшінші тұлғалардың заңсыз әрекеттері (вандализм және т.б.);объектілердің (бұтақтардың, құрылымдардың) құлауы, табиғи құбылыстар, табиғи апаттар, өрт, жарылыс;сыртқы факторлардың әсерінен басқа да зақымдану.Әдетте, сақтанушының өзі «тәуекелдер жиынтығын» — өз көлігін қорғағысы келетін жағдайларды таңдайды. КҚИ АҚЖМ-дан айырмашылығы, КАСКО көліктің өзіне келтірілген шығынды (үшінші адамдар алдындағы жауапкершілік емес) өтейді.КАСКО полисінің құны мыналарға байланысты:Автокөліктің маркасы, моделі және нарықтық құныМашинаның шығарылған жылыЖүргізушінің жасы мен еңбек өтіліАвтокөлік пайдаланылатын географиялық аймақШығындар мен апаттар тарихы&nbsp;Полиске енгізілген тәуекелдер жиынтығыКүзет жүйесінің, дабылдың, қорғаудағы тұрақтың болуы&nbsp;Франшизалар (сақтандыру жағдайы орын алса, сіз көтеретін сома)Қаншалықты көп тәуекел түрлерін енгізсеңіз, КАСКО полисінің құны соғұрлым жоғары болады. Полисті сақтандыру компаниясының кеңсесінде немесе онлайн түрде — сақтандырушының сайты не қосымшасы арқылы ресімдеуге болады. Ол үшін көлік құжаты, жеке куәлік және жүргізуші куәлігі қажет. Полисті ресімдеу кезінде қандай жағдайлар қамтылатынын, қайсысы қамтылмайтынын, франшиза мөлшерін және басқа да шарттарды нақтылап алу маңызды.Бұл пайдалы болатын жағдайларға мысалдарСізде жаңа немесе қымбат автокөлік бар — залал сіздің бюджетіңізге айтарлықтай әсер етуі мүмкінСіз жиі қауіп деңгейі жоғары аудандарда жүресізЖол-көлік оқиғасы өз кінәңізден болса да, өзіңізді қорғалған сезінгіңіз келедіСіз көліктің ұрлануынан немесе үшінші тұлғалардың зақым келтіруінен қауіптенесізҚаншалықты көп тәуекел түрлерін енгізсеңіз, КАСКО полисінің құны соғұрлым жоғары болады. Полисті сақтандыру компаниясының кеңсесінде немесе онлайн түрде — сақтандырушының сайты не қосымшасы арқылы ресімдеуге болады. Ол үшін көлік құжаты, жеке куәлік және жүргізуші куәлігі қажет. Полисті ресімдеу кезінде қандай жағдайлар қамтылатынын, қайсысы қамтылмайтынын, франшиза мөлшерін және басқа да шарттарды нақтылап алу маңызды.Бұл пайдалы болатын жағдайларға мысалдарСізде жаңа немесе қымбат автокөлік бар — залал сіздің бюджетіңізге айтарлықтай әсер етуі мүмкінСіз жиі қауіп деңгейі жоғары аудандарда жүресізЖол-көлік оқиғасы өз кінәңізден болса да, өзіңізді қорғалған сезінгіңіз келедіСіз көліктің ұрлануынан немесе үшінші тұлғалардың зақым келтіруінен қауіптенесізКеңестер: сақтандыру шартын рәсімдеу кезінде нені ескеру керек1. Сақтандырушының лицензиясы. &nbsp;Сақтандыру компаниясының ҚР Қаржы нарығын реттеу және дамыту агенттігі берген жарамды лицензиясы бар екеніне көз жеткізіңіз.2. Сақтандыру жағдайының шарттары. &nbsp;Шартта нақты көрсетілуі тиіс: қандай жағдайларда төлем жасалады, қандай тәуекелдер қамтылады және қайсысы қамтылмайды.3. Сақтандыру сомасы мен лимиттері. &nbsp;Полис бойынша ең жоғарғы төлем мөлшерін тексеріңіз — кейде базалық лимиттер жеткіліксіз болуы мүмкін.4. Франшиза. &nbsp;Өзіңіз көтеретін сома мөлшерін анықтаңыз (залалдың өтелмейтін бөлігі). Кейде кіші франшизаны таңдау тиімді, бірақ полис бағасы қымбаттайды.5. Бонус-малус коэффициенттері (міндетті сақтандыру үшін). &nbsp;Сізге қандай сақтандыру класы қолданылатынын және ЖКО немесе өзге де факторлар тарифке қалай әсер еткенін біліңіз.6. Құжаттар мен өтініш беру тәртібі. &nbsp;Сақтандыру жағдайы туындаған кезде қандай құжаттар қажет, қанша мерзім ішінде хабарлау керек, залал қалай бағаланады және даулы жағдайларда қайда жүгіну керектігін нақтылап алыңыз.7. Төлем мерзімдері. &nbsp;Шартта төлемнің ақылға қонымды мерзімде (мысалы, 15 күннен кешіктірмей) жүргізілетіні және есептеу жазбаша түрде берілуі міндетті екені көрсетілгеніне көз жеткізіңіз.8. Мәліметтерді тексеру. &nbsp;Шартқа қол қоймас бұрын енгізілген барлық деректердің дұрыс екеніне көз жеткізіңіз. Мысалы, көлікті қолданатын өңір мен пайдалану ерекшеліктері дұрыс көрсетілген бе. Егер жалған немесе қате деректер берілсе, сақтандыру төлемі төленбеуі мүмкін.9. Шартты өзгерту шарттары. Егер сіз тәуекелдерді кеңейткіңіз немесе шарт талаптарын өзгерткіңіз келсе, мұны қандай жағдайда және қалай жасауға болатынын анықтап алыңыз.<img src="https://knadmin.beoblood.kz/uploads/infographics_1211_41_93b18fd152.png" alt="infographics-1211-41.png">Егер сіз тәуекелдерді кеңейткіңіз немесе шарт талаптарын өзгерткіңіз келсе — оны қандай жағдайда және қандай тәртіппен жасауға болатынын анықтап алыңыз.Фото: fingramota.kz

Автокөлікті сақтандыру дегеніміз не және ол не үшін қажет? 

<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық Полиция департаментінің жиын залында басқарма қызметкерлерімен кеңес өткізілді. Жиынға Қызылорда облысы Полиция департаменті бастығының бірінші орынбасары полиция полковнигі Тоқтыбаев Серік Әбдімәуленұлы қатысты. Жиын барысында осы жылдың 9 айындағы жедел-қызметтік жұмыстың қорытындылары шығарылып, алдағы кезеңге арналған негізгі міндеттер айқындалды.​Жедел кеңесте сала басшылары Қазақстан Республикасының Президенті Қасым-Жомарт Тоқаев және ҚР ІІМ министрі Саденов Ержан Сапарбекұлының тапсырмаларының орындалу барысы және атқарылған жұмыс нәтижелері туралы есеп берді.​Мәселен, жиында басшы құрам қаламыздың қоғамдық тәртіпті қамтамасыз етудің жай-күйі, азаматтардың құқын қорғау бойынша атқарылған іс-шаралары кеңінен талқыланды.​Ел Президенті Қ.К.Тоқаевтың Қазақстан халқына Жолдауын іске асыру, «халық үніне құлақ асатын мемлекет» тұжырымдамасы аясында полиция жұмысының ашықтығы мен айқындығын қамтамасыз ету - күн тәртібіндегі ең өзекті мәселе ретінде қаралды.​Кадр саясаты, полицейлердің қызметтік-жауынгерлік дайындық деңгейін көтеру, жеке құрам арасындағы тәртіпті нығайту шаралары әңгімеге арқау болды.​Кеңес соңында Басқарманың барлық қызметтері мен бөліністерінің басшыларына қаланың барлық аумағында, қаланың шет жағында орналасқан елді мекендерде құқықбұзушылықтардың алдын алу, орын алған қылмыстарды ізін суытпай ашу, қоғамдық тәртіпті барынша нығайту бойынша бірқатар міндеттер жүктелді.​Сонымен қатар жедел - қызметтік жиында қаралған тағы бір өзекті мәселе жол қауіпсіздігін қамтамасыз ету, қауіпсіздікті бақылауды күшейтуді, учаскелік полицейлердің өз аумақтарындағы құқық бұзушылықтар мен қылмыстардын алдын алу мақсатында профилактикалық әңгіме сөз жүргізу, жол-пайдалану қызметтерінде бұзушылықтарды жоюды ұйымдастыруды, жол инфрақұрылымына жауапты мемлекеттік органдармен өзара іс-қимылды жандандыруды басқарма бастығы Беркімбаев Дәулет Сүлейменұлы жеке құрамға нақты тапсырмаларды тапсырды.<img src="https://knadmin.beoblood.kz/uploads/1_yzylorda_alasy_Policziya_bas_armasy_9_ajdy_zh_mysyn_orytyndylady_e5221fc508.jpg" alt="1Қызылорда қаласы Полиция басқармасы 9 айдың жұмысын қорытындылады.jpg"><img src="https://knadmin.beoblood.kz/uploads/2_yzylorda_alasy_Policziya_bas_armasy_9_ajdy_zh_mysyn_orytyndylady_15b9250f5e.jpg" alt="2Қызылорда қаласы Полиция басқармасы 9 айдың жұмысын қорытындылады.jpg">

Қызылорда қаласы Полиция басқармасы 9 айдың жұмысын қорытындылады

<a href="https://kyzylorda-news.kz/">Kyzylorda-news.kz</a> Жаңа «Voice Beyond Horizon» жобасы үшін Димаш Құдайберген әлемнің әр түкпірінен үздік әншілерді шақырды. Бұл туралы <a href="https://dimashnews.com/dimash-dajbergen-hunan-tv-voice-beyond-horizon-b-rlesken-zhobasy/">DimashNews</a> сайты жазды.&nbsp;Олардың ішінен 8 орындаушы таңдап алынды. &nbsp;Prince – Сербия елінің әншісі, Евровидение байқауында өз елін танытқан өнер иесі.Цай Чэнъюй – Қытайдың алтын дауысты теноры, жеке орындаушылық жолын енді бастаған талант.Джулия – керемет үнімен шипа болатын, ерекше атмосфера тудыратын итальяндық әнші.Чжан Синьюй – Қытайдың танымал жас жұлдызы, оның әндері миллиардтаған көрілім жинаған.Нұржас – Қазақстанның мақтанышы, магниттей тартатын ерекше дауыс иесі.Ла Даньчжу – Қытайдың халық әншісі, таулардың қуатын бойына сіңірген күшті дауыс иесі.Нур Чолпон – Қырғызстанның ұлттық қазынасы, жас жұлдыз әрі әннің авторы.Джесси Ли – Малайзияның жаңа буын чемпионы, көптеген музыкалық марапаттардың иегері.22 күн ішінде әншілер 7 436 шақырымды еңсеріп, Қазақстанның төрт қаласын (Түркістан, Ақтау, Алматы, Астана) аралады.Айта кетейік, «Voice Beyond Horizon» жобасы көпшілікке 2026 жылы жол тартады.Фото: dimashnews.com

Қазақстан және Қызылорда облысының жаңалықтары