<a href="https://kyzylorda-news.kz/">Kyzylorda-news.kz</a>. Бүгінде Қызылорда облысы бойынша ҚАЖ мекемелеріндегі жазасын өтеушілер жұмыспен қамтылған.
Қауіпсіздігі барынша төмен ЗК-169/4 мекемесіндегі&nbsp; 140 жазасын өтеуші 23 кәсіпкердің жұмыс обьектісінде жұмыс істейді. Олар пластик терезелер жасаумен, жалюз тігумен, машина жөндеумен, кірпіш өнімдерін шығарумен айналысады. Мекемедегі 8 сотталған «Еуропласт» пластик терезелер шығаратын цехта жұмыс істейді.
Мекеме бастығы әділет майоры Руслан Алимовтың айтуынша түрме әкімшілігі аталған бағыттағы жұмыстарды жергілікті кәсіпкерлермен бірлесе жүзеге асыруда. Осының нәтижесінде жеке кәсіпкер тәтті өнімдер шығаратын цех ашпақшы. Бірнеше жазасын өтеуші жұмыспен қамтылмақ.
<blockquote>
 «Цехтан шығып жатқан&nbsp; пластикалық терезелер сапалы, әрі қолжетімді өнімге сұраныс жоғары. Тапсырыстар өте көп, мерзімінде жасап беруге тырысамыз. Пластик терезе жасайтын өнімді Алматы қаласынан алдырамыз. Сотталған азаматтар уақытылы жұмысқа келіп, тиянақты жұмыс жасайды.Күні. Осы азаматтардың арқасында тапсырыстарды халыққа уақытында жеткізіп отырмын»&nbsp; – дейді цех директоры Талған Әлиев.
</blockquote>
Өмірден шалыс басып, жазасын өтеп жатқандардың бірі – Арман. Ол заңсыз балық аулап, істі болып&nbsp; сотталған. Қазір ол пластик терезелерді жасауға машықтанып алған. Көпқабатты үйлер мен зәулім ғимараттарға қолданылатын сапалы пластик терезелер істейді.
<blockquote>
 «Қылмыстың өтеуі –жаза дегендей,&nbsp; жазамды өтеудемін. Бос уақытымыз жоқ десем болады.&nbsp; Осы цехта 8 сотталған жұмыс істейміз.&nbsp; Уақытылы айлық жалақымды алып, артылғанын отбасыма жіберіп отырмын»,- дейді Арман.&nbsp;
</blockquote>
<img src="https://kyzylorda-news.kz/wp-content/uploads/2021/07/whatsapp-image-2021-07-16-at-11.41.58.jpeg" alt="" />
<img src="https://kyzylorda-news.kz/wp-content/uploads/2021/07/whatsapp-image-2021-07-16-at-11.41.57.jpeg" alt="" />

Қызылордада 140 жазасын өтеуші жұмыспен қамтылған

<a href="https://kyzylorda-news.kz/">Kyzylorda-news.kz</a>. Қазгидромет 17-19 шілдеге арналған ауа райы болжамын жариялады.
Алдағы үш күнде еліміздің оңтүстігі мен батысында ыстық ауа райы сақталады. Батыста ауа температурасы +28+39℃, солтүстікте +20+36℃, орталықта және шығыста +23 +35℃, ал оңтүстікте +29+40°С болады.

Демалыс күндері 40 градусқа дейін аптап ыстық болады

<a href="https://kyzylorda-news.kz/">Kyzylorda-news.kz</a>. Биыл Қорқыт ата атындағы Қызылорда универсиететі 1504 түлегін еңбек нарығына қосты.&nbsp; ҚР Білім туралы заңының 39-бабына сәйкес жоғары оқу орындары 2021 жылдан бастап өзіндік үлгідегі дипломдар табыстауда.
Жеке үлгідегі дипломдар жұмыс берушілерге маман даярлау сапасын бағалауға мүмкіндік береді.
Әр дипломда БҒМ жасаған бірегей сәйкестендіру нөмірі болады, ол сақталады және белгілі бір студентке бекітіледі. Бұл кез келген уақытта дипломның түпнұсқалығын тексеруге мүмкіндік береді. Диплом нөмірлерінің сәйкес келуі және олардың өзгеруіне жол берілмейді. Деректердің қауіпсіздігін блокчейн технологиясын қолдану – түлектің қайда оқығанын, дипломдық жұмысты қашан қорғағанын және дипломды қашан алғанын тексеруге мүмкіндік береді. Бұл диплом бланкілері үшінші тұлғаларға қол жетімді болған жағдайда «диплом сатумен» күресу үшін де қажет.
Университет табыстаған әр дипломда «Білім туралы» заңына сәйкес қорғаныс белгілері бар. Жеке үлгідегі дипломдар БҒМ-нің минималды талаптарына сәйкес келуі тиіс. Дегенмен, Қорқыт ата атындағы Қызылорда университеті министрліктің талабын 100 пайыз орындады. Бұл жүйе алдағы уақытта кез келген жағдайда құжаттың түпнұсқалығын тексеруге мүмкіндік беріп, еңбек нарығында сапаны арттыруға, жалған құжат даярлауға жол бермейді.
2020 жылы университетті бітірген жас мамандардың 91 пайызы жұмысқа орналасқан. Жалпы университетте 78 бакалавриат, 35 магистратура, 13 докторантура мамандығы бар. Білімнің сапасын басты орынға қоятын оқу ордасы сұранысқа ие мамандар даярлау үрдісін жүйелі түрде жалғастыра бермек.

Жаңа диплом: Жалған құжат даярлауға жол бермейді

<a href="https://kyzylorda-news.kz/">Kyzylorda-news.kz</a>.&nbsp; Ресми Михаил Мищенко маусым соңына дейін қасқырлардың намысын қорғайды.
32 жастағы қорғаушы футболдық мансабының басым бөлігін Ресейде өткізген. Атап айтсақ, “Рубин”, “Терек”, “Алания”, “Торпедо”, “Тосно”, “Сибирь”, “Тамбов”, латвиялық “Венстлипс”, беларустік “Торпедо Белаз” секілді клубтарда доп тепкен. Михаил өткен маусымда “Тараздың” намысын қорғаған.
Қорғаушы алаңда 24 нөмірлі жейдемен өнер көрсетеді.

«Қайсар» жаңа ойыншымен толықты

<a href="https://kyzylorda-news.kz/">Kyzylorda-news.kz</a>. Қызылорда облысы кәсіпкерлер палатасы Өңірлік кеңесінің мүшесі Болат Нұрхожаев аймақ басшысына өңірдегі жем-шөпке тапшылық мәселесін шешуге қатысты ұсыныстарын жеткізді.
Жақында ғана Арал ауданындағы жағдайға қатысты төтенше жағдай жарияланып, мемлекеттік деңгейде көмек көрсетілетіндігі белгілі болды. Дегенмен, қызылордалықтар да қарап қалмай, қолдарынан келген көмектерді жасауда.
Өткен аптада Өңірлік кеңестің мүшелері, кәсіпкерлер өздері бастама көтеріп, Аралдағы ағайынға бірнеше машина шөп жеткізген болатын. Осы аптада Қармақшы ауданындағы III Интернационал ауылының тұрғындары қолдау ретінде шөп оруға шықты. Басы-қасында ұйымдастырып жүрген кәсіпкер Мұрат Сәрсенбаев.
<blockquote>
 «Арал ауданында қуаңшылық жайлаған ауылдарға жем-шөп жеткізуде әлеуметтік осал топтардың қорғалуы мақсатында ауылдағы жағдайды нақты көргеннен ұсынамын. Біріншіден, әр ауылдағы шөпке мұқтаж отбасылардан бөлек, бір-жар сауын малымен күнелтіп отырған мұқтаж отбасылар тізімі жасалып, шөп бірінші кезекте соларға үйлестірілуі керек. Бұл тізім ауылдың қоғамдық қауымдастық, ауыл ақсақалдары, әділеттік айтатын кәсіпкер азаматтарымен бірлесіп шешілуі керек және шөп жеткізілген кезде әділетті үлестірілуін қадағалау қажет. Мұқтаж отбасыларға шөп тиіспей қалса жағдайлары одан да төмендейді. Қазір олар қорасындағы бұзау-боталарына беретін шөп таппай отыр. Жақында ауыл әкімдерін сайлау науқаны басталғалы отыр, бірақ қызметтегі ауыл әкімдері осы кезден тізім нақтылауға қысқа мерзімде кірісуі қажет», – деген Өңірлік кеңес мүшесі Болат Нұрхожаев өзге де ұсыныстарын айтты.
</blockquote>
Кәсіпкер Болат Нұрхожаев облыс әкімінен мұндай шаралармен қоса, қабылданатын шешім барысында келесідей жайттардың басшылыққа алынуын сұрайды.
«- Қуаңшылық бойынша қызыл аумақтағы ауылдарды әр ауданға мүмкіндігіне қарай және ауылдың ірілігіне, егістік пен шабындық көлеміне қарай шефтік бекітіліп берілуі керек. Ол шефтік аудан, ауыл тұрғындарына қуаңшылық жағдайындағы елге көмек жасап қиындықтан бірге шығу қажеттігін түсіндіру жұмыстары жүргізілуі керек, әйтпесе сыртқа сатып жатсыңдар дейтін наразылар болып жатыр.
– Облыстан тыс келетін шөп(жем) мал санына қарай ауылдарға әділетті бөлінуі үшін штабтарға қоғам белсенділерімен қатар Кәсіпкерлер палатасының аудандық филиалы ұсынысымен кәсіпкерлерді қосу қажет, себебі тәуелсіз кәсіпкерлер әділеттілікті қамтамасыз етуде тиімдірек.
– Ауыл әкімдері мұқтаж отбасылардың шөп сатып алатын қаржысы бар-жоғын, ол үшін сататын малдарын, одан шөпке қаржы жинақтауын немесе ауылдағы ірі кәсіп иелерінен шөп алуға қарызға болса да меценаттық көмек көрсетуді реттеуі керек. Олай болмаған жағдайда жолы нашар, алыс ауылдар мен осал топтарға жем-шөп жетпей қалуы мүмкін. Бәрі солай дей алмаймыз, бірақ барлық ауыл әкімдері бұл жұмыстарды ауылдағы өз деңгейінде атқара алмауы мүмкін, сенім мен бедел болмауы мүмкін, ал оның соңы айқай-шуға ұласатынын білесіз, сондықтан қазірден алдын алу керек.
– Әрбір жіберіліп жатқан шөптің үлестірілуі туралы ақпарат жария, әділетті болуын қамтамасыз ету керек. Қай ауылға, қанша шөп, кімдерге және қалай, қанша бағамен, ол туралы аудандық штабқа ақпарат түсіп отыруы және ол сұралған жағдайда берілуі керек. Қазіргі таңда, осынша шөп жіберілді деп айтылғанымен оның қай ауылға, кімге, қанша бағамен үлестіріліп жатқаны туралы еш ақпарат жоқ, оны бір адам сатып алып жатыр ма, әлде жолдағы бір ауылға ғана барып жатыр ма, қалай үлестіріп кім шешіп жатырғаны туралы ақпарат жоқ. Жалпы облыс бойынша күнделікті дайын жем-шөп жөніндегі ақпарат болса бос көліктерді(попутный) тиімді пайдалануға болады
– Шөп тасуға бейімделген көліктер тізімі жасақталып, төтенше жағдайда оларға жанар-жағар май шығыны субсидиялану ақпараты да ашық болуы керек. Облыс бойынша ниет білдірген шөп тасуға бейімделген көліктер тізімі жасақталуы тиіс, себебі Арал ауданындағы көлік иелері Қарабұтақ жақта жүр, кейбірі Жалағашта шөп ала алмай жатып қалып жатыр, оларға ақпарат бөлісе отырып штабтан тиімді пайдалану керек. Еріктілермен дайындалған шөп трасса бойына бір шаруашылықтың базасына жиналып, ауылдарға жөнелтілуі тізіммен реттелуі керек, кез келген уақытта жедел желі (горячая линия) бойынша трассадағы попутный көліктерді пайдалану мүмкіндігін қарастыру керек, шөп тасымалында транспорт құны шөп бағасының 50%-ын құрайды.
– Аудан, ауылдарда мұқтаж жандарға үлестірілетін шөп келгенде түсіріп тарататын орын және адамдар (ауыл еріктілері) тізімі болуы керек».
<blockquote>
 «Гүлшара Наушақызы, бұндай шаралар қарастырылмаса күші барлар ғана алып, әлеуметтік осал топтардың жағдайы одан да төмендеуі мүмкін. Бұл шаралардың орындалуы ауыл әкімдеріне, қоғамдық қауымдастық төрағаларына қатаң тапсырылуы керек және штабпен күнделікті қадағаланса. Шөп үлестіруде рулық пен тамыр-таныстық орын алса, әділетті жасалмаса ауылдағы бірлікті бұзып алуымыз мүмкін. Барлық мәселелер ашық, мұқтаж отбасылар туралы ақпарат ауылдағы штабпен талқыланып, әділетті болуы тиіс.Біз қазір ауылдар бойынша тіпті нақты мал санын (статистикалық емес) білмейміз. Ауыл тұрғындарына мал санын нақтыламаса жем-шөптен құр қалатыны түсіндірілуі керек», – деді ол.
</blockquote>
Кәсіпкердің айтуынша, бүгінде өзге облыстардан шөпке осы кезден алдын-ала тапсырыс беруі салдарынан облыс тұрғындары тапшылықты сезініп отырғанын да баса айтты. Ол үшін жергілікті жем-шөппен айналысатын кәсіпкерлерді жазғырудың қажеттілігі жоқ деп санайды. Тек түсіндірме жұмыстарын жүргізіп, бизнестің әлеуметтік жауапкершілігі аясында жұмысты ұйымдастыруға кәсіпкерлерді де, жергілікті атқарушы органды да шақыруда.

Болат Нұрхожаев: Жем-шөп алдымен мұқтаж отбасыларға таратылуы керек

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықованың төрағалығымен өткен селекторлық жиында егісті суармалы сумен қамтамасыз ету және мал азығын дайындау мәселелері талқыланды.
Аймақ басшысы өңірде орын алған қуаңшылық мәселесі аса күрделі екенін еске салып, ауыл шаруашылық саласына айтарлықтай қиындық туғызғанын атап өтті.
<blockquote>
 «Нарын-Сырдария су қоймаларында жиналған судың көлемі өткен жылмен салыстырғанда 1 млрд. 878 миллион текше метрге кем жиналды. Біз вегетациялық кезеңде егінді қажетті сумен қамтамасыз ету үшін, мүмкін болған барлық шараларды қабылдадық. Аймақтағы егінді суармалы сумен қамтамасыз ету үшін, алда 1 айдан астам уақыт бар. Мәселе күн тәртібінен түскен жоқ, әлі де өзекті», – деп ескертті облыс әкімі Гүлшара Әбдіқалықова.
</blockquote>
Жиында облыстық ауыл шаруашылығы басқармасының басшысы Талғат Дүйсебаев суармалы сумен қамту жұмыстарын, «Қазсушар» республикалық мемлекеттік кәсіпорнының Қызылорда филиалы директоры Хамит Биімбетов су айдындарының ахуалын баяндады. Cуармалы суды тиімді пайдалану мақсатында облыста 93 су қондырғылары жұмыс жасауда.
Күн тәртібіндегі бірінші мәселе бойынша аймақ басшысы Қызылорда қаласы және аудан әкімдеріне егіс көлемін судан қалдырмау мақсатында «Қазсушар» Республикалық мемлекеттік кәсіпорнының Қызылорда филиалы тарапынан бекітілген «Су тапшылығы жағдайына байланысты каналдар бойынша кезектестіріп суландыру» кестесін қатаң сақтау, су беру көздеріне су тартатын қондырғылар орнату және жиналған қайырлардан тазартуды тапсырды. Сондай-ақ, егілген ауыл шаруашылығы дақылдарын суармалы сумен толықтай қамтамасыз ету мен су тартатын қондырғыларға қажетті дизель отынын жеткізу міндеттелді. «Қазсушар» республикалық мемлекеттік кәсіпорнының Қызылорда филиалына Сырдария өзені арқылы алынатын суармалы суды кестеге сәйкес бөлінуін қамтамасыз ету, Қармақшы, Қазалы және Шиелі аудандары бойынша коллекторларға қойылатын су тарту қондырғыларын 2021 жылғы 20 шілдеге дейін аяқтау және магистралды каналдарды жедел түрде тазалау жөнінде тапсырма берілді. Мұнан бөлек, аймақ басшысы сатып алынатын 43 дана насос қондырғысын елді мекендерге жедел жеткізуді тапсырды.
Отырыста төрт түлік малды жем-шөппен қамтамасыз ету мәселелері де қаралды. Атқарылған жұмыстарды ауыл шаруашылығы басқармасының басшысы Талғат Дүйсебаев тізбектеді. Биылғы жылдың 1 маусымына облыс бойынша қысқа түсетін малдың саны 534,6 мың шартты мал басын құрап отыр, сәйкесінше зоотехникалық есепке сәйкес 942,4 мың тонна ірі азық қажет. Жыл аяғына дейін жоңышқа дақылынан 220,2 мың тонна өнім жиналады деп күтілсе, қалған 722,2 мың тоннасы табиғи шөппен және күріш сабанымен толықтырылатын болады.
Облыстағы мал басын қажетті жем-шөппен қамтамасыз ету мақсатында барлық аудандар мен Қызылорда қаласында арнайы штабтар құрылып, шабындық жерлердің нақты көлемдері айқындалды, қажетті жем-шөп қорымен қамтамасыз ету бойынша іс-шара жоспары бекітілді. Облыстың елді мекендерінде шөп дайындайтын 114 бригада құрылып, оған 170 ауыл шаруашылық техникалары мен 823 адам күші жұмылдырылуда.
Әрбір елді мекендердегі ауыл шаруашылығымен айналысатын ірі кәсіпкерлермен жеке қосалқы шаруашылықтардағы мал бастарын қажетті жем-шөппен қамтамасыз етіп, оларға қолжетімді бағада мал азықтарын сату үшін 17 меморандум жасалды. Бүгінгі күні барлық елді мекендерде шөп жинайтын бригадалар жасақталып, жаппай шөп ору науқаны басталды. Қуаңшылыққа ұшыраған Арал ауданындағы жем–шөп дайындау жұмыстар туралы онлайн режимде аудан әкімі Серік Сермағамбетов баяндады. Жалпы қысқа түсетін төрт тұлік малға 184,6 мың тонна шөп қажет болса, оның 36,5 мың тоннасы ауданның шабындық жерлерінен дайындалады. Ал, жетіспейтін 148,1 мың тонна сырттан дайындалмақ.
Осыған орай ауданнан шөп дайындайтын 5 бригада 30 адаммен жасақталып, Ақтөбе облысының Ырғыз ауданында шөп ору жұмыстарын бастап кетті. Одан бөлек, Жалағаш және Қармақшы аудандарымен меморандум жасалынып, 3 бригада жұмылдырылмақ.
Сондай–ақ, 3 шаруашылық «Азық-түлік келісімшарт Корпорациясы» ҰК» АҚ арқылы 490 тонна арпа жемін сатып алуға келісім шарт жасалып, бүгінгі күні осы жемнің 125 тоннасы шаруашылықтарға жеткізілді. Қалған көлем 1-2 күнде вагондарға жүктелетін болады. Облыс бойынша қысқа түсетін ауыл шаруашылығы малдарын жем-шөп қорымен қамтамасыз етудің іс-шара жоспары бекітіліп, осы жоспарда әрбір ауданға Арал ауданының ауылдық округтері бойынша бөлінісі жасалып, қажетті шөп көлемі нақтыланып берілді.
Жиында онлайн байланыс арқылы Қазалы ауданындағы жағдай бойынша аудан әкімі Мұхтар Оразбаев баяндама жасады. Мал азығы мен мал шаруашылығы өнімдерінің бағасын тұрақтандыру жөніндегі аудандық штаб құрылып, арнайы іс-шаралар жоспары қабылданды. Есепке сәйкес мал қыстату науқанына 142 мың тонна шөп және 28,6 мың тонна жем қажеттілігі нақтыланды. Қажетті шөптің 70,4%, ал жемнің 10% өз күшімен қамтамасыз етіледі, қалғаны сырттан тасымалданады деп жоспарлануда.
Жиынды қорытындылай келе, облыс әкімі Қызылорда қаласы мен аудан әкімдіктеріне жергілікті жерде алдағы қыс маусымына қажетті жем-шөп көлемін толығымен дайындап, артылған көлемін Арал және Қазалы аудандарына жеткізуді, «Азық-түлік келісім шарт корпорациясы» акционерлік қоғамынан жемдік бидай, арпа және сұлы өнімдерін сатып алуды ұйымдастыру үшін аудандардан арнайы оператор белгілеуді, жұмыссыз жүрген жастарды және жұмыспен қамту орталықтарында тіркелген азаматтарды шөп дайындау жұмыстарына тарту жолдарын қарастыруды тапсырды. Сондай-ақ, «Байқоңыр» әлеуметтік-кәсіпкерлік корпорациясымен бірлесіп, «Азық түлік келісім шарт корпорациясы» акционерлік қоғамы арқылы жемдік азықтар сатып алу жұмыстарын үйлестіруді жүктеді.
Аудандардың қажеттілігіне орай мемлекеттік орман қоры жерлерінен арнайы шөп дайындайтын аумақтарды белгілеу, ауыл шаруашылығы жануарларының ауруын болдырмау, ауру малдарды алдын-ала анықтау және эпизоотиялық тұрақтылықты сақтау мақсатында жоспарлы ветеринариялық-профилактикалық іс-шараларды уақытылы жүзеге асыру мен эпизоотиялық ахуалды тұрақты бақылау тапсырылды. Отырыста айқындалған тапсырмаларды бақылау және үлестіру облыс әкімінің орынбасары Бақыт Жахановқа жүктелді.

Суармалы сумен қамтамасыз ету және мал азығын дайындау жұмыстары пысықталды

<a href="https://kyzylorda-news.kz/">Kyzylorda-news.kz</a>. Бүгінгі таңда Қазақстанда негізінен COVID-19 – ға қарсы екі вакцина қолданылады- Спутник V немесе Гам-Ковид-Вак және QazVac. Бірқатар өңірлерде шамалы мөлшерде Hayat-Vax SARS-CoV-2 және CoronaVac бар.
ҚР Президенті жанындағы Орталық коммуникациялар қызметінде өткен брифингте Денсаулық сақтау магистрі, ҚР ДСМ ҚДСҰО «Санитарлық- эпидемиологиялық сараптама және мониторинг ғылыми-практикалық орталығыі филиалы директоры орынбасарының міндетін атқарушы Манар Смағұл ҚР-да қолданылатын препараттардың тиімділігі туралы айтып берді.
<blockquote>
 «Бүгінгі таңда қолда бар мәліметтерге сәйкес, COVID-19 вакцинасының бірінші компонентімен вакцинациялау жаңа штамдарға қарсы жеткілікті қорғауды қамтамасыз етпейді, ал екінші компонентпен вакцинациялау кезінде ұсынылған аралықты сақтай отырып, бірінші кезекте аурудың ауыр ағымынан және COVID-19 – дан болатын өлімнен сенімді қорғау қамтамасыз етіледі, Инфекциядан жалпы қорғау «жабайы» штамға қарсы тиімділікке қарағанда айтарлықтай төмен емес», – деді М.Смағұл.
</blockquote>
Әр вакцина туралы нақты айтатын болсақ, сарапшы Sinovac Biotech қытайлық компаниясы жасаған CoronaVac Дүниежүзілік денсаулық сақтау ұйымы (ДДҰ) мақұлдағанын атап өтті. The Lancet журналында ұсынылған нәтижелер симптоматикалық инфекциялардың алдын алуда вакцинаның 50,7% – ға, емдеуді талап ететін жеңіл жағдайлардың алдын алуда тиімділікті 83,7% – ға көрсетті.
БАӘ-де өндірілген Hayat – Vax- Sinopharm Қытай вакцинасы. Зерттеу нәтижелері симптоматикалық жағдайларға қатысты 78,1%-ды және ауыр жағдайларға қатысты тиімділікті 100%-ды көрсетті.
Спутник V-Гамалея атындағы Ресей ұлттық эпидемиология және микробиология ғылыми-зерттеу орталығы жасаған вакцина. Зерттеу нәтижелері вакцинаның тиімділігін – 91,6%-ға, ал COVID-19 орташа немесе ауыр 
вакцинасының тиімділігі – 100%-ға көрсетті QazVac – Қазақстан Республикасы Білім және ғылым министрлігінің Биологиялық қауіпсіздік проблемалары ғылыми-зерттеу институты әзірлеген инактивтендірілген вакцина. Вирус формальдегидтің көмегімен белсенді болмады. Қазіргі уақытта тиімділігі дәлелденген ғылыми басылым жоқ, бірақ әзірлеушілердің деректері бойынша , вакцинаның тиімділігі 90% -ды құрайды.

Сарапшы КВИ вакциналарының тиімділігі туралы айтты

<a href="https://kyzylorda-news.kz/">Kyzylorda-news.kz</a>. 1-30 маусым аралығында ұлттық халық санағының I кезеңі өтті. Тұрғынжайлар, тұрғын үйлер, ғимараттар және тұрғын емес үй-жайлар тізімдерін жасау жұмыстары толығымен аяқталды. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық статистика департаментінің басшысы Мариям Баекеева мәлімдеді.
I-кезеңдегі сұқбатшылардың қауіпсіздігін қамтамасыз ету мақсатында, әрбір санақ учаскелеріне облыстық ішкі істер департаментінің учаскелік инспекторлары бекітілді. Санақ жұмыстарына жастарды тарту мақсатында көбінесе облыстық «Жастар ресурстық орталығында» жұмыссыз тіркелген жастар мен студенттер тартылды.
<blockquote>
 «Алдағы II кезеңіндегі санақ жұмыстарына 1113 адам тартылатындығын және ол адамдардың планшетпен жұмыс жасай алуы керектігін ескерсек, жұмыспен қамту орталығы мен қала және аудан әкімдерінің үлкен көмегі керектігін баса айтқым келеді. Санақтың II-кезеңі 1қыркүйектен – 30 қазан аралығында тұрғындарды жаппай халық санағынан өткізу жұмыстары жүргізіледі. 1 қыркүйектен 15 қазан аралығында онлайн режимінде, 1-30 қазан аралығында планшет құрылғысымен», – деді М.Баекеева.
</blockquote>
Айта кету керек, халықтың санаққа белсене қатысуы өте маңызды. Санақшының қойған сұрақтарына дұрыс жауап беру әр азаматтың міндеті, санақ нәтижелері үй шаруашылықтарының жағдайларын, отбасылық қатынастарды жақсарту, мүмкіндігі шектеулі адамдардың өмірін, халықтың тұрғын үй жағдайларын жақсарту бойынша мемлекеттік бағдарламаларды әзірлеу үшін, сонымен қатар білім, жұмыспен қамту, туу және көші-қон мәселелері бойынша шешімдерді қабылдау үшін қажет.

Халық санағының ІІ кезеңі қыркүйекте басталады

<a href="https://kyzylorda-news.kz/">Kyzylorda-news.kz</a>. “Pfizer” компаниясымен вакцинаны жеткізу бойынша алдын ала келісімге қол жеткізілді, деп хабарлады денсаулық министрлігі.
Ведомство ақпаратына сәйкес, “Pfizer” компаниясымен 2021 жылдың төртінші тоқсанында вакцина жеткізу бойынша келісім жасалды.
<blockquote>
 “2021 жылдың наурызынан бастап “Pfizer” компаниясы өкілдерімен Сovid-19 коронавирустық инфекциясына қарсы вакцинаны жеткізу мүмкіндігі туралы келіссөз басталды. Министрлік пен “Pfizer” компаниясының арасындағы өзара іс-қимыл шеңберінде құпиялылық туралы келісімге қол қойылды”, – деп атап өтті ведомствода.
</blockquote>
Министрлік мәміленің негізгі шарттары туралы келісімдердің талаптарын оңтайландыру бойынша “Pfizer” компаниясымен тұрақты негізде келіссөз жүргізіліп жатқанын хабарлады. Оның ішінде үкімет деңгейінде кеңес өткізілді.
Сонымен қатар, “Pfizer” компаниясы вакцинаны жеткізу туралы келісім жасау үшін Қазақстан президентінің жарлығы қабылдануы тиіс екенін хабарлады.

Министрлік  Pfizer вакцинасы Қазақстанға қашан келетінін айтты

<a href="https://kyzylorda-news.kz/">Kyzylorda-news.kz</a>. Биыл аймақта ұзындығы 360 шақырымды құрайтын автомобиль жолдары мен көпір өткелдері және көшелер жөндеуден өткізілуде. Оған 4 мемлекеттік бағдарлама арқылы республикалық бюджеттен 10.8 млрд теңге көлемінде инвестиция тартылды. Бұл туралы Өңірлік коммуникациялар қызметінің ақпараттық алаңында өткен брифингте облыстық жолаушылар көлігі және автомобиль жолдары басқармасының басшысы Мұрат Тлеумбетов мәлімдеді.
<blockquote>
 «Бүгінде “Ауыл – ел бесігі” бағдарламасы аясында елді мекендердің 64 көшесіне орташа жөндеу жұмыстары жүруде. Бұған қоса, Қазалы қаласындағы 10 көшені қайта жаңғыртуға 735,6 млн. теңге бөлінді. Ал “Өңірлерді дамыту” бағдарламасы аясында республикалық бюджеттен 1 774,3 млн. теңге бөлініп, шаһардың сол жағалауын дамыту мақсатында үш жоба жүзеге асырылуда. Жол жөндеу жұмыстары арнайы авторлық және техникалық қадағалаушы мамандармен күнделікті бақылауда болады. Сонымен қатар, “Ұлттық жол активтері сапасы орталығы” кәсіпорнымен жол құрылысына қолданылатын материалдарды алдын ала зертханалық тексеруден өткізу, жол жөндеу жұмыстары барысында асфальттың сапасына сараптама жүргізу қызметтерін көрсету ұйымдастырылды. Бұл бағыттағы жұмыстарға көрсеткен қызметі үшін “Ұлттық жол активтері сапасы орталығы” кәсіпорнына 94,0 млн. теңге көлемінде қаражат бөлініп, келісім-шартқа отырды», – деді Мұрат Жолкелдіұлы.
</blockquote>
Сондай-ақ, тамыз айында сол жағалаудағы Сырдария өзенінің қорғаныс бөгетін бойлай орналасқан магистралды көше құрылысы аяқталып, халық игілігіне беру жоспарлануда.

«Ауыл &#8211; ел бесігі»: Елді мекендердің 64 көшесіне жөндеу жұмыстары жүруде

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 5 648 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 1549, 
Алматы қаласы – 885, 
Шымкент қаласы – 421, 
Ақмола облысы – 175, 
Ақтөбе облысы – 215, 
Алматы облысы – 188, 
Атырау облысы – 329, 
Шығыс Қазақстан облысы – 63, 
Жамбыл облысы – 77, 
Батыс Қазақстан облысы – 259, 
Қарағанды облысы – 746, 
Қостанай облысы – 116, 
Қызылорда облысы – 110, 
Маңғыстау облысы – 208, 
Павлодар облысы – 178, 
Солтүстік Қазақстан облысы – 95, 
Түркістан облысы – 34.
Жалпы ел бойынша ауырғандар саны – 477 754.

Қызылордада 110 адам коронавирус жұқтырған

Kyzylorda-news.kz. Қызылорда қаласының орталығынан соңғы үлгідегі сәнді жиһаздар дүкені ашылды.
<img src="https://aqmeshit-aptalygy.kz/wp-content/uploads/2021/07/217650974_1249915108815018_5256964016274152640_n-766x1024.jpg" alt="" />
Дүкен құрылтайшысы Ақтолқын Махамбетова – осы кәсіп саласында жүргеніне 15 жылға жуықтаған. Кәсіптің қыр-сырын меңгерген маман облыс тұрғындарын сапалы жиһаздармен қамтамасыз етіп келеді.
<img src="https://aqmeshit-aptalygy.kz/wp-content/uploads/2021/07/217603745_1249915178815011_9064158015109693033_n-766x1024.jpg" alt="" />
Кәсіпкер кәсібін кеңейтіп дамыту барысында мемлекеттік қолдау арқылы несие алып, 3 қабатты зәулім ғимаратын салды.Салтанатты шараға Басқарма басшысы Фердоуси Қожабергенов қатысты. 
Жалпы, биылғы жылы өңірімізде бизнесті қолдауға мемлекеттік бағдарламалар есебінен 11 млрд. теңгеден астам қаржы бағытталып, бүгінде бизнестің 1600-ге жобасына несиелер берілді.
<img src="https://aqmeshit-aptalygy.kz/wp-content/uploads/2021/07/216830397_1249915158815013_360275297898881936_n-1024x766.jpg" alt="" />
Мұндай қолдау шаралары өңірде кәсіп бастаушылардың санының артуына септігін тигізуде. Жыл басынан бері жұмыс жасап тұрған кәсіпкерлердің саны 49 808 жетті. Бұл Республика бойынша жоғары көрсеткіштердің бірі болып отыр. 
Кәсіп ашып, қызмет етем дегенге мүмкіндік мол. Әрекетке берекет деген осы болар

Қазақстан және Қызылорда облысының жаңалықтары

Қызылордада 140 жазасын өтеуші жұмыспен қамтылған

Демалыс күндері 40 градусқа дейін аптап ыстық болады

Жаңа диплом: Жалған құжат даярлауға жол бермейді

«Қайсар» жаңа ойыншымен толықты

Болат Нұрхожаев: Жем-шөп алдымен мұқтаж отбасыларға таратылуы керек

Суармалы сумен қамтамасыз ету және мал азығын дайындау жұмыстары пысықталды

Сарапшы КВИ вакциналарының тиімділігі туралы айтты

Халық санағының ІІ кезеңі қыркүйекте басталады

Министрлік Pfizer вакцинасы Қазақстанға қашан келетінін айтты

«Ауыл – ел бесігі»: Елді мекендердің 64 көшесіне жөндеу жұмыстары жүруде

Қызылордада 110 адам коронавирус жұқтырған

Мемлекеттен көмек алған қызылордалық кәсіпкер жиһаздар дүкенін ашты

Қазақстан және Қызылорда облысының жаңалықтары

Қызылордада 140 жазасын өтеуші жұмыспен қамтылған

Демалыс күндері 40 градусқа дейін аптап ыстық болады

Жаңа диплом: Жалған құжат даярлауға жол бермейді

«Қайсар» жаңа ойыншымен толықты

Болат Нұрхожаев: Жем-шөп алдымен мұқтаж отбасыларға таратылуы керек

Суармалы сумен қамтамасыз ету және мал азығын дайындау жұмыстары пысықталды

Сарапшы КВИ вакциналарының тиімділігі туралы айтты

Халық санағының ІІ кезеңі қыркүйекте басталады

Министрлік Pfizer вакцинасы Қазақстанға қашан келетінін айтты

«Ауыл &#8211; ел бесігі»: Елді мекендердің 64 көшесіне жөндеу жұмыстары жүруде

Қызылордада 110 адам коронавирус жұқтырған

Мемлекеттен көмек алған қызылордалық кәсіпкер жиһаздар дүкенін ашты

«Ауыл – ел бесігі»: Елді мекендердің 64 көшесіне жөндеу жұмыстары жүруде