Kyzylorda-news.kz. Қазақстанда өткен тәулікте 3241 адам коронавирус індетінен емделіп шықты.
Аймақтар бойынша: Нұр-Сұлтан қаласы – 1433, Алматы қаласы – 350, Шымкент қаласы – 173, Ақмола облысы – 91, Алматы облысы – 81, Атырау облысы – 114, Шығыс Қазақстан облысы – 53, Жамбыл облысы – 52, Батыс Қазақстан облысы – 130, Қарағанды облысы – 461, Қостанай облысы – 82, Қызылорда облысы – 46, Маңғыстау облысы – 3, Павлодар облысы – 89, Солтүстік Қазақстан облысы – 45, Түркістан облысы – 38.
Қазақстан бойынша жазылғандар саны – 427 237.

Қызылордада 46 науқас коронавирустан жазылып шықты

Kyzylorda-news.kz. Қазгидромет Қазақстан аймақтарында 17 шілдеде болатын ерекше метеорологиялық құбылыстарға болжамын жариялады.
Бұл күні циклон жырасының өтуіне байланысты атмосфералық фронттардың әсерінен әлі де Қазақстан аумағының басым бөлігінде тұрақсыз ауа райы сақталады – жаңбыр жауады, найзағай болады, оңтүстік-шығыстағы таулы аудандарда бұршақ түседі, тек елдің оңтүстігі мен оңтүстік-батысында жауын-шашынсыз ауа райы күтіледі. Республика бойынша кей жерлерде жел күшейіп, түнде солтүстікте тұман болады.

Жексенбіге арналған ауа райы болжамы

Kyzylorda-news.kz. Қазақстанда өткен тәулікте 5658 адамда коронавирус індеті ПТР арқылы расталды.
Аймақтар бойынша: Нұр-Сұлтан қаласы – 1547, Алматы қаласы – 891, Шымкент қаласы – 368, Ақмола облысы – 180, Ақтөбе облысы – 205, Алматы облысы – 178, Атырау облысы – 342, Шығыс Қазақстан облысы – 82, Жамбыл облысы – 81, Батыс Қазақстан облысы – 289, Қарағанды облысы – 704, Қостанай облысы – 123, Қызылорда облысы – 112, Маңғыстау облысы – 180, Павлодар облысы – 185, Солтүстік Қазақстан облысы – 98, Түркістан облысы – 93.
Жалпы ел бойынша ауырғандар саны – 483 412.

Қызылордада 112 адам індет жұқтырды

<a href="https://kyzylorda-news.kz/">Kyzylorda-news.kz</a>. Қазақстандық балаларға Pfizer вакцинасы егілуі мүмкін. Бұл туралы денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Бүгінде әлемде қолданылатын барлық вакцина 18 жасқа дейінгі балаларға егілмейді. Әйтсе де Pfizer вакцинасы 12 жастан асқан балаларға салынуда. Сондықтан біз қазіргі таңда балаларға вакцина салу мүмкіндігін қарастырып жатырмыз. Өйткені Қазақстанда 12 мен 18 жасқа дейінгі балалардың саны –&nbsp; шамамен екі миллион. Бұл аз емес. Оның үстіне елде үнді штамы таралып, соңғы уақытта балалар вирусты жиі жұқтырып жатыр”, – деді Есмағамбетова брифингте.
</blockquote>
Айтуынша, балаларға вакцина тек ата-анасының рұқсатымен ғана салынады.
Есмағамбетова америкалық Pfizer вакцинасы осы жылдың төртінші тоқсанында жеткізілетінін атап өтті.
Бұған дейін “Pfizer” компаниясымен вакцинаны Қазақстанға жеткізу бойынша алдын ала келісімге қол жеткізілгені хабарланды.

Қазақстанда балаларға вакцина салынуы мүмкін

<a href="https://kyzylorda-news.kz/">Kyzylorda-news.kz</a>. Бүгін аймақ басшысы Гүлшара Әбдіқалықованың қатысуымен облыстық мәслихаттың кезекті 4 сессиясы өтті. Сессияны облыстық мәслихат хатшысы Наурызбай Байқадамов жүргізді. Кезекті сессия барлық санитарлық талаптарды сақтай отырып өткізілді.
Күн тәртібінде 2020 жылға арналған облыстық бюджеттің атқарылуы туралы есебі мен Қызылорда облыстық мәслихатының бірқатар шешімдеріне өзгерістер мен толықтырулар енгізу туралы 19 мәселе қаралды. Атап айтқанда, «2021-2023 жылдарға арналған облыстық бюджет туралы» Қызылорда облыстық мәслихатының 2020 жылғы 11 желтоқсандағы №519, «Қазалы ауданы Әйтеке би кентінде «Рауан» инклюзивті балабақшасын ашу» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы» Қызылорда облыстық мәслихатының 2018 жылғы 17 қазандағы №245 шешімдеріне өзгерістер мен толықтырулар енгізу, «Жаңақорған ауданы Төменарық ауылдық округіндегі дене шынықтыру-сауықтыру кешенін жалға алу» мемлекеттік-жекешелік әріптестік жобасы бойынша мемлекеттік міндеттемелерді қабылдау, Қызылорда облыстық мәслихатының денсаулық сақтау саласындағы мемлекеттік-жекешелік әріптестік жобалары бойынша кейбір шешімдерін жойылды деп тану және т.б. маңызды жобалар сөз болды.
Облыс әкімі биылғы жылдың жартыжылдық қорытындысы негізінде депутаттар алдында есеп беріп, шектеу шараларына қарамастан өңірде экономикалық көрсеткіштерде өсім бар екенін атап өтті.
<blockquote>
 «Биылғы жылғы 10 шілдеде өткен Үкіметтің Кеңейтілген отырысында Мемлекет Басшысы Қасым-Жомарт Кемелұлы Тоқаев коронавируспен күресті жалғастыра отырып, экономиканың өсу қарқынын арттыруды тапсырды. Өнеркәсіп өнімінің көлемі – 0,5%, өңдеу өнеркәсібі – 14,6%, ауыл шаруашылығының жалпы өнімі – 2,8%, инвестициялар – 13,6%, оның ішінде жеке инвестициялар – 5,9%, құрылыс жұмыстары – 34%, пайдалануға берілген тұрғын үйлер – 5,3% және бөлшек сауда – 1%-ға өсті. Жұмыс жасап тұрған шағын және орта бизнес субъектілерінің саны 6,1%-ға артып, 49 808 бірлікті құрады. Жыл басынан бері экономика салаларында 16 464 жаңа жұмыс орыны құрылды, оның 6328-і тұрақты жұмыс орны. Жұмыссыздық деңгейі – 4,9%. Индустрияландыру бағдарламасының үшінші бесжылдығы аясында 7 мыңнан астам жұмыс орны құрылатын 41 жобаны жүзеге асыру жұмыстары жүргізілуде. 
 Есепті кезеңде Индустрияландыру картасының іске асырылған жобаларымен шығарылған өнім көлемі 8 млрд.теңгеге артып, жалпы 18 млрд.теңгені құрады. Экспорт 24,3%, ал экспорттаушы елдер саны 8-ден 12-ге дейін өсті. Биылдың өзінде 48,5 млрд.теңгеге 506 жұмыс орны құрылатын 4 жоба іске асырылады. Азық-түлік тауарларының бағасын тұрақтандыру мәселелері де бақылауда», – деді Гүлшара Әбдіқалықова.
</blockquote>
Бүгінгі күні аймақта қалыптасқан күрделі жағдайға байланысты облыс «қызыл аймаққа» енді, эпидемиологиялық ахуалды жақсарту мақсатында тиісті шаралар қабылдануда.
Вакцинациялау бойынша 106 екпе кабинеті жұмыс жасауда, оның 91-і аудандарда. Шалғай елді мекен тұрғындарын вакцинациялау үшін 39 мобильді топ жұмыс жасауда. Облыста «Ashyq» жобасына қатысатын 510 нысан нақтыланды. Бүгінде бұл жобаға 280 кәсіпкерлік нысаны тіркеліп, жұмыс жасауда.
Облыстық бюджетті қалыптастырудағы басым бағыттардың бірі – «Nur Otan» партиясының сайлауалды бағдарламасын іске асыру. Бағдарламаның республикалық Жол картасының іс-шараларын іске асыруға жыл басынан бері 2,3 млрд.теңге, ал өңірлік Жол картасына 362,8 млн.теңге бөлінген.
Белгілі болғандай Арал ауданында қатты құрғақшылық салдарынан ірі қара шығыны орын алып, нәтижесімен төтенше жағдай жарияланды. Осыған байланысты, облыстың төтенше резервінен тиісті қаржы бөлінуде. Ірі көлемдегі шараларға қажетті қаражат көлемі есептеліп, Үкіметке жолданды. Алдағы уақытта Үкімет резервінен де тиісті қаржы бөлінеді деп күтілуде.
Жедел шараларды атқару нәтижесінде жағдай дер кезінде тұрақталып келеді. Бүгінгі күні 1767,6 тонна жоңышқа, 50 тонна жем әкелінді, қосымша 406 тонна жоңышқа мен 60 тонна арпаға тапсырыс берілді. Облыс бойынша 2021-2022 жылдың қысына түсетін малдарға қажетті 942,4 мың тонна ірі азықтың бүгінгі күнге 181,1 мың тоннасы дайындалып, жалпы қажеттіліктің 19,2% қамтып отыр. Бұл бағыттағы жұмыстар жалғасуда.
Аймақ басшысы депутаттық корпус тарапының облыстың әлеуметтік-экономикалық дамуындағы бірінші кезекте шешуді қажет ететін өзекті мәселелер мен ұсыныс пікірлері ескеріліп, бірқатар маңызды жобаларына республикалық және облыстық бюджеттен қаржы бөлінгенін атап өтіп, облыстық мәслихат сессиясының қарауына 2021-2023 жылдарға арналған облыстық бюджетті кезекті нақтылау мәселесін ұсынды.
Сессия барысында облыс әкімі Гүлшара Әбдіқалықова облыстық мәслихат депутаты Мақсұт Нәлібаевты «Қызылорда облыстық кәсіподақтар орталығы» аумақтық кәсіподақтар бірлестігінің төрағасы қызметіне сайлануымен құттықтап, алдағы кезеңде бірлесе жұмыс атқаратынына сенім білдірді.
<img src="https://kyzylorda-news.kz/wp-content/uploads/2021/07/215679638_3533993013370409_2669987781120606679_n.jpg" alt="" />
<img src="https://kyzylorda-news.kz/wp-content/uploads/2021/07/218346149_3533992660037111_1347979681178233245_n.jpg" alt="" />

Гүлшара Әбдіқалықова: Облыстың әлеуметтік-экономикалық дамуында өсім бар

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықова мемлекет және қоғам қайраткері Биғали Каюповпен кездесіп, 70 жас мерейтойымен құттықтады.
Аймақ басшысы мерейтой иесіне ізгі тілектерін білдіріп, Биғали Әбдікерұлы елге парасаттылығымен, қадір-қасиетімен, іскерлігімен, абыройлы қызметімен, жайсаң мінезімен танымал тұлғаекенін атап өтті.
<blockquote>
 «Құрметті Биғали Әбдікерұлы, Сіздің еңбек жолыңыз, мол тәжірибеңіз, еңбекқорлығыңыз, ақыл-кеңесіңіз қазіргі жастар үшін аса қымбат. Сыр елінің қоғамдық-саяси, әлеуметтік-экономикалық дамуына қосқан ерекше үлесіңіз үшін облыстыңқұрмет грамотасымен және Ауыл шаруашылығы министрлігінің ауыл шаруашылығы үздігі төсбелгісімен марапатталасыз», – деді Гүлшара Әбдіқалықова.
</blockquote>
Сондай-ақ, облыс әкімі Биғали Каюповқа Қазақстан Республикасы Парламенті Сенаты төрағасының құттықтауын табыстады. Мерейтой иесін ардагерлер кеңесінің төрағасы Серік Дүйсенбаев, Қазақ ССР бұрынғы балық шаруашылығының министрі Құдайберген Саржанов және облыстық мәслихатының депутаты Шәкизада Әбдікәрімов құттықтады. Кездесу соңында Биғали Әбдікерұлы әріптестеріне ізгі тілектері үшін ризашылығын білдіріп, елге қызмет етуді жалғастыра беретінін атап өтті. Сондай-ақ, мерейтой иесі Елбасының Арал ауданын әрқашан қолдап, қорғап жүретінін айтып, туған жерінің өркендеу жолына барын салатынын жеткізді.
Биғали Қаюпов 1951 жылы Арал қаласында дүниеге келген. Қоғам қайраткері, экономика ғылымдарының кандидаты. Қызылорда педагогика институтының (қазіргі Қорқыт Ата атындағы Қызылорда университеті) филология факультетін, Алматы халық шаруашылық институтының жоспарлау-экономика факультетін, Мәскеу қоғамдық ғылымдар академиясын бітірген. Еңбек жолын 1968 – 1969 жылдары ауылдық мектепте мұғалім болып бастаған. Облыстық, республикалық комсомол комитеттерінде бөлім меңгерушісі, хатшы, Қазақстан Компартиясында нұсқаушы, Қазақ КСР Жоғарғы Кеңесі Төралқасы төрағасының көмекшісі қызметтерін атқарды. Сырдария аудандық Кеңесі атқару комитетінің төрағасы, Арал аудандық партия комитетінің 1-хатшысы, аудандық Кеңестің төрағасы, Арал ауданының әкімі, ҚР Парламенті Сенатының депутаты, ҚР Президенті Әкімшілігінде мемлекеттік инспектор болды. Қармақшы және Жалағаш аудандарының әкімі болып қызмет атқарды. 2016 жылдан бері Арал ұн зауытының директоры қызметінде.
<img src="https://kyzylorda-news.kz/wp-content/uploads/2021/07/1-3-scaled.jpg" alt="" />
<img src="https://kyzylorda-news.kz/wp-content/uploads/2021/07/1-2-scaled.jpg" alt="" />

Гүлшара Әбдіқалықова Биғали Каюповты 70 жас мерейтойымен құттықтады

<a href="https://kyzylorda-news.kz/">Kyzylorda-news.kz</a>. Қызылорда облысында тікелей сайлау арқылы 40 ауылдық округте әкімдер сайланады.
Сайлау процесін байқау үшін «Партиялық емес байқау орталығы» республикалық қоғамдық бірлестігінің Қызылорда облыстық филиалы 300-ден астам тәуелсіз байқаушыны даярлауда.
<blockquote>
 «Елімізде тұңғыш рет ауылдық округтері әкімдерінің сайлауы өтеді. Осы орайда сайлау процесінің ашықтығы мен&nbsp; заңдылығын байқау үшін&nbsp; елімізде «Партиялық емес байқау орталығы» құрылып, жұмысын жолға қоюда. Аталмыш орталық атынан біздің өңірімізде 300-ден астам байқаушы арнайы оқытудан өтті. Мақсатымыз – алдағы сайлаудың ашық, заңға сәйкес өтуіне өз үлесімізді қосу», – дейді «Партиялық емес байқау орталығы» республикалық қоғамдық бірлестігінің Қызылорда облыстық филиалының төрағасы Жандос Тұсмағамбетов.&nbsp;&nbsp;
</blockquote>
Жалпы Қазақстан бойынша бір мезгілде 700-ден астам ауыл әкімдерін сайлауы өтеді. &nbsp;Партиялық емес бақылау орталығы Қазақстанның барлық өңірлерінде ресми тіркеуден өткен филиалдары арқылы&nbsp; шамамен&nbsp; 1700 сайлау учаскесіндегі сайлау үдерісін бақылауды жоспарлап отыр. &nbsp;Қазіргі кезде байқаушылар арнайы оқытудан өтіп, сайлау үдерістеріне қатысты білімін шыңдауда. Партиялық емес байқау орталығының &nbsp;&nbsp;қызметі сайлауды, оның ішінде сайлау учаскелерінде байқау мен мониторинг жүргізу арқылы сайлау процесіне жүйелі түрде қатысуға бағытталған.

Әкімдер сайлауында тәуелсіз бақылау жүзеге асырылады

<a href="https://kyzylorda-news.kz/">Kyzylorda-news.kz</a>. Аудан әкімдігінің жанынан ашылған «Баспасөз орталығында» Павлодар облысынан арнайы келген мамандар брифинг өткізіп, бұқаралық ақпарат құралдарының өкілдеріне сұхбат берді.
Ең алдымен Павлодар облысы жұмыспен қамтуды үйлестіру және әлеуметтік бағдарламалар басқармасының көші-қон бөлімінің басшысы Меруерт Есембаевасөз алып, жұмыс күші көп өңірлерден жұмыс күші тапшы өңірлерге қоныс аудару – мемлекет жүргізіп отырған ең ұтымды бағдарламалардың бірі екендігін жеткізді.
Бөлім басшысының айтуынша, олар 1100-ден астам бос жұмыс орындарын алып келіп отыр. Себебі бағдарламаға қойылатын өзіндік талаптар бар. Олар негізінен біліктілікті талап ететін мамандықтар. Одан бөлек біліктілікті талап етпейтін мамандықтар жетерлік.
<blockquote>
 «Жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасы – еңбек нарығын дамыту және тұрғындардыңөмір сүру деңгейін арттыру бойынша бойынша қолға алынған шара. Бағдарлама аясында жұмыс күші тапшы өңірлерді жандандыру, еңбек ресурстарының ұтқырлығын ынталандыру үшін Үкімет айқындайтын өңірлерге ерікті түрде қоныс аударатын адамдарға мемлекеттік қолдау шараларын көрсетукөзделген.«Еңбек» бағдарламасы аясында оңтсүтіктен солтүстікке қоныс аудару 2017 жылдан бастау алады. Сол жылдардан бастап көптеген отбасылар біздің аймаққа қоныс аударып, жұмыс істеп жатыр. Өздеріңіз білесіздер, Павлодар облысының жері құнарлы. Ауыл шаруашылығын дамытуға ыңғайлы. Оның үстіне, ірі-ірі зауыттар орналасқан. Яғни, перспективалы жұмыс табуға мүмкіндік мол. Білікті мамандар жетіспейді», – деген Меруерт Сейітбекқызы мемлекеттік бағдарлама шеңберінде ерікті қоныс аударуға қатысушылар үшін субсидия түрінде мемлекеттік қолдау шаралары ұсынылатынын жеткізді.
</blockquote>
– отбасы әрбір мүшесіне 204 мың теңге біржолғы төлем;
– тұрғын үйді жалдау (жалға алу) және коммуналдық қызметтерді төлеу бойынша шығындарды жабу үшін, олар отбасы мүшелерінің санына және жергілікті жеріне байланысты отбасына 12 ай ішінде ай сайын төленеді.
– егер бірден тұрғын сатып алуға ниет білдірсе 12 айда берілетін қаражаттың барлығы 1 реттік болып беріледі;
– қоныс аударған отбасыларды тұрғын үймен қамтамасыз ету тетігі де қарастырылған. Осы мақсатта Павлодар облысында көптеген тұрғын үйлер салынған.
Мұнан соң Павлодар қаласының жұмыспен қамту орталығының маманы Талғат Әкімниязов және Баянауыл аудандық жұмыспен қамту және әлеуметтік бағдарламалар бөлімінің басшысы Магупура Омарова Павлодар қаласы мен Баянауыл ауданындағы бос жұмыс орындары туралы айтып, қажетті мамандықтар жөнінде тілге тиек етті.
Брифинг барысында аудандық «Қазалы» газеті бас редакторының орынбасары Ринат Әбдіқалық, аудан әкімінің баспасөз хатшысы Жеңісбек Айымқұлов Павлодар облысына қажетті мамандықтар мен олардың орташа жалақылары туралы сұрақтарын қойды.
Бұл сұраққа Меруерт Сейітбекқызы жауап беріп, өндіріс орындары мен ауыл шаруашылығына қатысты жұмысшылармен қатар, мектеп мұғалімдері де жетіспейтінін жеткізді.
Егер де Павлодар облысына қоныс аударуға ниеттілер болса аудандық жұмыспен қамту орталығына хабарласып, бос жұмыс орындары мен көрсетілетін көмектер туралы толық ақпаратты білуге болады.
Орталықтың мекен-жайы: Әйтеке би кенті, Төремұрат жырау №7 ғимарат.
Байланыс телефоны: 8 (724-38) 24-4-71, 24-4-15.

Павлодар облысы қазалылықтарды жұмысқа шақырды

<a href="https://kyzylorda-news.kz/">Kyzylorda-news.kz</a>. Биылғы жауын-шашынның аз мөлшерде түсуі мен ауа температурасының өте жоғары болуы және Сырдария өзеніндегі су деңгейінің аз болуына сәйкес ауданда қуаңшылық жағдайы орын алды.
Қуаңшылыққа байланысты көктем айларында 481 бас малдың өлімі тіркелген болатын. Жаздың қатты ыстық аптаппен басталуына байланысты жануарлардың әлсіздігінен қосымша 78 бас малдың өлімі анықталды. 
Өздеріңізге мәлім, соңғы кездері әлеуметтік желілерде мүйізді ірі қара малының өлекселері жарияланған фото суреттер мен түрлі ақпараттар таруда. Соған сәйкес тиісті ветеринариялық зерттеу жұмыстары жүргізіліп, нәтижесінде Қамыстыбас ауылдық округінің аумағынан қосымша 2 бас сиыр малының өлексесі анықталды. Ветеринар мамандардың айтуынша аталған сиырлар 1-1,5 ай бұрын өлген, алайда мал иелерінің жағдайды уақытылы хабарламауы салдарынан не себепті өлгенін анықтау мүмкін болмады. Себебі, лабароториялық зерттеу жұмыстары мал өлгеннен кейін 4 сағат ішінде жасалуы қажет.
<blockquote>
 «Бұдан бөлек Аманөткел ауылынан 3 мүйізді ірі қара және Қосжар ауылынан 3 жылқы, 2 бас мүйізді ірі қараның өлексесі табылды. Аталған жануарлар Қосжар ауылындағы Қосжар көлінің тартылған жағасындағы ұйыққа батып өлгендігі белгілі болды. Қазіргі таңда аудан бойынша барлығы 569 бас мал өлімі тіркеліп отыр. Осы аталған жағдайларды ескере келе барша аудан тұрғындарын төрт түлік малға қатысты туындаған мəселелері бойынша ауылдық окургтердегі ветеринар мамандарға немесе аудандық ветеринариялық станциясының байланыс номеріне (2-42-26) хабарласуларын сұраймыз», – делінген аудан әкімдігі таратқан хабарламада.
</blockquote>

Аралда тағы мал өлімі тіркелді

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысы бойынша құрбандық шалуға арналған орын болып «KZO.ЕТ» және «Нұрболат» қасапханасы бекітілді. Шариғат бойынша, сойылатын малдардың да өз талаптары бар. Осыған орай, биыл іріктелген малдардың ортақ бағалары да шығарылды.
<blockquote>
 «6 айдан асқан тоқтылар базарда жоқ. Сондықтан жас тоқтылар сойылмайды. Қой бағасы – 70 000 тг, сиыр малы – 350 000 тг, түйе – 600 000 теңгеге бағаланған», – деді облыстың бас имамы Болатбек қажы Ұласқанұлы.
</blockquote>

Құрбан айт: Қызылордада мал бағасы қанша?

<a href="https://kyzylorda-news.kz/">Kyzylorda-news.kz</a>. Құрбан айттың бірінші күні биыл 20 шілдеге түсіп тұр. Аптасына алты күн жұмыс істейтіндер 18 және 20 шілдеде демалады (17 және 19 шілде – жұмыс күні). Ал аптасына бес күн жұмыс істейтіндер 17, 18 және 20 шілдеде демалады.
Биыл мейрам онлайн форматта өтеді.
Алайда белгілі бір аймақ тұрғындары мейрамды дәстүрлі форматта атап өте алады.
Биыл барлық өңірдің тұрғындары www.qurban2021.kz сайты арқылы онлайн-режимде құрбандық шала алады.
Qurban2021.kz сайты 15 шілдеде іске қосылды. Сайт 22 шілдеге дейін жұмыс істейді. Құрбан шалуға ниет еткен азаматтар осы аралықта тапсырыс бере алады.
Сайт арқылы республика бойынша мұқтаж отбасылар құрбандық етін алу үшін 17 шілдеден бастап өтініш білдіре алады.
Сонымен қатар коронавирустың таралуы бойынша “сары” және “жасыл” аймақтағы құрбандық шалатын арнайы орындарға Ashyq қосымшасы енгізіледі.

Қазақстандықтар Құрбан айтта неше күн демалады?

<a href="https://kyzylorda-news.kz/">Kyzylorda-news.kz</a>. 19 шілде – арапа, 20, 21, 22 шілде – Құрбан айт мерекесі. Пандемия жағдайына байланысты 20 шілде күні Құрбан айт намазы оқылмайды. Сонымен қатар, құрбан шалу рәсімі бұрынғыдай мешіттерде жүзеге асырылмайды.
<blockquote>
 «Жергілікті әкімшілік пен бас санитардың келісімімен арнайы орындарда жүргізілетін болады. Рәсімге құрбан шалушы да, ет алушы мұқтаж жандар да қатыстырылмайды», – деді ҚМДБ-ның Қызылорда облысы бойынша Бас имамы Болатбек қажы Ұласқанұлы.
</blockquote>
Бұл жұмыстарды жүргізу үшін ҚМДБ-ның сайты арқылы құрбан шалушы онлайн тапсырыс бере алады. Тапсырыстарды арнайы құрылған штаб жүзеге асырады. Құрбан шалушыға қажеттігінше фото-видео есеп беріледі. Етке мұқтаж жандардың тізімі «Бақытты отбасы» әлеуметтік орталығынан алынады. Сайт арқылы өтініштер де қабылданады. Оны мешіт имамдары мен еріктілер тобы таратып береді. Облыс бойынша құрбандық шалуға арналған орын болып «KZO.ЕТ» және «Нұрболат» қасапханасы бекітілді. Шариғат бойынша, сойылатын малдардың да өз талаптары бар. Осыған орай, биыл іріктелген малдардың ортақ бағалары да шығарылды.
<blockquote>
 «6 айдан асқан тоқтылар базарда жоқ. Сондықтан жас тоқтылар сойылмайды. Қой бағасы – 70 000 тг, сиыр малы – 350 000 тг, түйе – 600 000 теңгеге бағаланған», – деді облыстың бас имамы Болатбек қажы Ұласқанұлы Өңірлік коммуникациялар қызметінде өткен “Құрбан айт мерекесінің аталып өтілуі және құрбан шалу шарттары” туралы баспасөз конференциясында.
</blockquote>

Қазақстан және Қызылорда облысының жаңалықтары