<a href="https://kyzylorda-news.kz/">Kyzylorda-news.kz</a> 29 тамыз бен 1 қыркүйек аралығында Словакияның Братислава қаласында шайбалы хоккейден 2026 жылғы қысқы Олимпиадаға іріктеу турнирі өтеді. Ұлттық олимпиадалық комитет аталған турнирге қатысатын Қазақстан құрамасының жарыс кестесі жариялады, деп хабарлайды El.kzақпарат агенттігі.&nbsp;Финалдық іріктеу кезеңі аясында шайбалы хоккейден Қазақстан құрамасы Австрия, Венгрия және Словакия құрамаларымен кездеседі.&nbsp;Жарыс кестесі төмендегідей:&nbsp;29 тамыз, 17:00Қазақстан - Венгрия;&nbsp;30 тамыз, 17:00Қазақстан - Австрия;1 қыркүйек, 21:00Словакия - Қазақстан.Фото: freepik.com

Олимпиадаға іріктеу: Хоккейден Қазақстан құрамасының жарыс кестесі жарияланды

<a href="https://kyzylorda-news.kz/">Kyzylorda-news.kz</a> Актриса Жұлдыз Әбдікәрімова Қайрат Нұртас туралы сұраған оқырмандарына жауап қатып, халықтан тыныштық беруді сұрады, - деп хабарлайды <a href="https://massaget.kz/">Massaget.kz</a>."Күйеуіңізді уайымдамайсыз ба?", "Қайрат ағамен хабарласып тұрасыз ба?", "Бүкіл ел уайымдаймыз Қайратқа, сіздің қолдауыңыз қажет емес пе?", "Күйеуіңіз қамауда жатса, сіз қайдағыны қиялдап", "Масқара, әкелері жатыр, бұл апам қыдырғанын салып", - деп жазған желі қолданушылары.Актриса бұл жағдай балаларына ауыр екенін айтты.<blockquote>"Бұдан артық үндемеуге болмады! Ешқашан жеке мәселені инстаграмда талқылаған емес едім. Сіздердің жазғандарыңызды балалар оқып жатыр. Бұл оқиғада менің бар фокусым балаларымда. Қыздар жасөспірім шақта. Ұлдар намысшыл. Ата-анасы өнер адамдары болғаны үшін олар неге қиындық көруі керек? Заң алдында Қазақстанның барлық азаматы бірдей. Ол азаматтығын көрсетті. Қателескенін ескеріп, жауап беруге дайын екенін дәлелдеді. Балаларға түсіндіруге тырыстық. Енді сіздер де доғарыңыздар. Балаларға ауыр тиіп жатыр!" - деп жазды актриса.</blockquote>Айта кетейік, Қайрат Нұртас ұшақта танысымен сөзге келіп, артынша төбелесіп, <a href="https://massaget.kz/basty-zhaalytar-438/111165/">15 күнге қамауға алынған</a> болатын.Фото: әлеуметтік желіден

"Бұдан артық үндемеуге болмады!" Жұлдыз Әбдікәрімова Қайрат туралы сұраған оқырмандарына жауап берді

<a href="https://kyzylorda-news.kz/">Kyzylorda-news.kz</a> «Қарызсыз қоғам» жобасының кезекті оқу аптасы сәтті аяқталды. Жобаға қатысушылар қаржылық сауаттылығын арттырып ғана қоймай қаржы саласы жайлы бірқатар мәліметтерден хабардар болды.Оқу аптасын сәтті аяқтаған қатысушыларға партияның облыстық филиалының Атқарушы хатшысы Төрешова Ләйлә Бегалықызы сертификат табыстады.Айта кетейік, жыл соңына дейін 1620 қала тұрғынын аталған жоба аясында оқудан өткізу жоспарланған.Бүгінгі таңда еліміз бойынша оқудан өткен азаматтардың 80 пайыздан астамы ауылдық елді мекен тұрғындары.

Қаржылық сауаттылығын арттырған азаматтарға сертификат табысталды 

<a href="https://kyzylorda-news.kz/">Kyzylorda-news.kz</a> &nbsp;«Халықтың әні кетсе, сәні кетеді, сәні кетсе, жаны кетеді» деп Сұлтанмахмұт Торайғыров айтқандай, қазақ қоғамында домбырасыз ән де, сән де жоқ. Туғанда дүние есігін өлеңмен ашқанда қазақ домбырамен думандатқан. Одан соң бала шақтан қолына қос ішекті аспапты ұстатып, барлық құндылық осында екенін түсіндірген.Қос құлағын бұрап тұрып, әуелетіп ән айтып, күмбірлетіп күй төккенде делебесі қозбайтын жан болмасы анық. Ер жетіп, есейгенде ер жігіттің бес қаруымен домбырасы да қатар жүрген. Өйткені, бұл қандай сәтте болмасын адамға жігер береді, қайратты, өр рухты болуға үндейді. Жігіттің жан серігі болып, оның ақылды, батыл екенін ғана емес, өнерлі екенін де ұғындырады. Қазақ қызы өз теңіне қосылғанда беташары да осы домбырамен жүзеге асады. Осыдан-ақ, ұлттық аспаптың қадір-қасиетін біле берген жөн.Соның негізінде «AMANAT» партиясы Қызылорда қалалық филиалыны мен «Жастар Рухы» жастар қанаты бірлесіп «Ұлттық мұра» жобасы аясында «Ұлттық домбыра күніне» орай орталық алаңда өнер кешін өткізді.Өз өнерлерін қалың көрерменге паш ету үшін «Қазанғап атындағы Жоғарғы музыкалық колледжінің» өнерпаздары да қолдау білдіріп,&nbsp;атсалысты.Кеш аясы қыза түскен шақта қала тұрғындары да&nbsp;домбырада ойнауға ынта білдіріп, өзара сайысты. Боз бала мен бойжеткендер, үлкендер де домбыраның құлағында ойнап, қазақтың күйлерінен тарту етіп, партия атынан кәдесыйларға ие болды.Шараның мақсаты - халық көп шоғырланатын аумақтарды мәдени орынға айналдыра отыра қала тұрғындары мен &nbsp;қонақтарына ұлттық өнерімізді дәріптеу.Кеш көрермендері ұлттық рухқа қанық өнер шарасын биік бағалап, ұйымдастырушыларға алғыс білдірді.<img src="https://knadmin.beoblood.kz/uploads/2_2f20d551cc.jpg" alt="2.jpg"><img src="https://knadmin.beoblood.kz/uploads/3_8b55b2ab2c.jpg" alt="3.jpg"><img src="https://knadmin.beoblood.kz/uploads/4_c14263c5b9.jpg" alt="4.jpg">

Домбыра – халықтың қазынасы

<a href="https://kyzylorda-news.kz/">Kyzylorda-news.kz</a> Азық-түлік қауіпсіздігін қамтамасыз ету үшін Ауыл шаруашылығы министрлігі мал шаруашылығы өнімдерінің толық қадағалануын қамтамасыз ету жұмыстарын жүргізуде, деп хабарлайды El.kz ақпарат агенттігі. &nbsp;Ауылшаруашылығы жануарларын тексеріссіз союға жол бермеу мақсатында алдымен ветеринариялық тексеруді және союдан кейінгі ветеринариялық-санитариялық сараптаманы өткізу үшін ведомство «Етті ветеринариялық-санитариялық сараптау» модулін әзірледі.Жүйе сою және ішкі сауда объектілерінде ветеринариялық-санитариялық сараптамадан өткеннен кейін сараптама актісін берудің бизнес-процестерін автоматтандырады, сондай-ақ жануардың толық өмірлік циклі туралы ақпараты бар QR-кодты қалыптастырады. Бұл QR ет сату орындарында орналастырылады, малдарды ветеринарлық тексерусіз және ұшалар мен ағзаларды сараптамасыз союдың алдын алуға мүмкіндік береді.Қазіргі таңда жоба іске қосылып, барлық облыстар мен республикалық маңызы бар қалаларда жұмыс істеуде. Оған 1664 мал сою орны, ветеринарлық-санитарлық сараптама зертханалары, сауда орындары қосылған. Жүйеде 1470-тен астам ветеринар, Ветеринариялық-санитариялық сараптама зертханасының қызметкері және мемлекеттік ветеринариялық-санитариялық инспекторлар тіркелген.QR-код арқылы 117 мыңнан астам ветеринариялық анықтама бланкілері және 438 мың сараптама қорытындысы шығарылды.Жүйе Ресей Федерациясымен шекаралас Шарбақты ветеринарлық бақылау пунктінде сынақтан сәтті өтті.Фото: Нұрболат Нұржаубай

Енді ет сапасын QR-кодпен тексеруге болады

Бүгін, 11 шілде 5-ші Дүниежүзілік көшпенділер ойындарын дайындау және өткізу жөніндегі Дирекциясы «Alageum Electric» Компаниялар тобымен екіжақты меморандумға қол қойды. Меморандум негізінде «Alageum Electric» 5-ші Дүниежүзілік көшпенділер ойындарының ресми бас демеушісі болып танылды.&nbsp; Шараға 5-ші Дүниежүзілік көшпенділер ойындарын дайындау және өткізу жөніндегі Дирекция басшысы Наиль Нұров пен «Alageum Electric» КТ Директорлар кеңесінің Төрағасы Еркебұлан Ілиясов қатысты.<blockquote>«Отандық алпауыт компанияның жылдың ең маңызды оқиғасы – 5-ші Дүниежүзілік көшпенділер ойындарына қызығушылық танытуы отандық спортқа, оның ішінде ұлттық спортқа деген жоғары құрметті көрсетеді. Біз Alageum Electric компаниясының 5-ші Дүниежүзілік көшпенділер ойындарының бір бөлігі болғанына қуаныштымыз», - деді дирекция басшысы Наиль Нұров. &nbsp;</blockquote>Ұлттық спорт түрлерін қолдау және оларды одан әрі дамыту жөніндегі жұмысты жүйелеу мақсатында 2024 жылы «Ұлттық спорт түрлерін қолдау қоры» Қоғамдық қоры құрылды.«Ұлттық спорт қорының» басты мақсаты – &nbsp;ұлттық спорт түрлерін дамыту, спортшылар мен жаттықтырушыларды қолдау, ұлттық дәстүр мен мәдениетті насихаттау әрі сақтау. Одан бөлек ұлттық спорт түрлерінен өтетін жарыстардың сапалы өтуіне, спортшыларға қаржылық және материалдық көмек көрсетуге, жаттықтырушылар мен төрешілердің біліктілігін арттыруға және даму бағдарламаларын іске асыруға ықпал жасап, ұлттық спорт түрлерін зерттеу және дамыту бойынша ғылыми-зерттеу жұмыстарын атқару қордың тікелей қызметі болады.<blockquote>«Біздің компания әрқашан еліміздің мәдени және спорттық дәстүрін қолдауға және дамытуға ұмтылады. Дүниежүзілік көшпенділер ойындарының бас демеушісі мәртебесі – бұл біздің ағымдағы жұмысымыздың жалғасы деп санауға болады. Біз халықаралық аренада дәстүрлі спорт түрлерін насихаттауға өз үлесімізді қоса алуымызды мақтан тұтамыз», –деді «Alageum Electric» КТ Директорлар кеңесінің Төрағасы Еркебұлан Ілиясов.</blockquote>«Alageum Electric» электротехника компаниясы Қазақстан Республикасы Туризм және Спорт министрі Ермек Маржықпаевтың тікелей қолдауымен &nbsp;5-ші Дүниежүзілік Көшпенділер ойындарын қолдауға ниет білдірді. Бұл маңызды қадам Компанияның ұлттық спорт түрлерін қолдау және дамыту жолындағы адалдығын, сонымен қатар әлеуметтік жауапкершілігін, тамырына және халықтың тарихи мұрасына деген құрметін көрсетеді.&nbsp; Айта кетерлігі, 8-13 қыркүйекте Астана қаласында этникалық спорт түрлерінен өткізілетін халықаралық спорт жарыстары – 5-ші Дүниежүзілік көшпенділер ойындары өтеді. Іс-шарада 89 елден 2000-нан астам қатысушы болады деп жоспарлануда. 5-ші Дүниежүзілік көшпенділер ойындарының Бас демеушісі - ALAGEUM ELECTRIC, Ойындардың Бас серіктесі - Halyk Bank. Астанада өтетін Дүниежүзілік көшпенділер ойындарында барлығы 21 спорт түрінен 97 медаль жиынтығы сарапқа салынады.5-ші Дүниежүзілік көшпенділер ойындарын дайындау және өткізу Дирекциясының баспасөз қызметі

Астанада өтетін 5-ші Дүниежүзілік көшпенділер ойындарының бас демеушісі белгілі болды

<a href="https://kyzylorda-news.kz/">Kyzylorda-news.kz</a> «Витебсктегі славян базары» жарысы аясында өткен халықаралық Dream Dance Fest байқауында қазақстандық «Жас өркен» би ансамблі 1-орынға ие болды.Халықаралық би жарысы Беларусь елінің Витебск қаласында өткен. «Жас өркен» жетекшісі Аида Келгенбаеваның айтуынша, қазақстандық биші қыздар 20 шақты команданы артта қалдырып, 1-орынды жеңіп алған. Ал Гран-При жүлдесі Беларус елінің ұжымына берілген.<blockquote>– «Славян базары» аясында Dream Dance Fest хореграфиялық байқауы өте жоғары деңгейде өтті. Әртүрлі мемлекеттерден келген 20-дан аса би ансамбльдері қатысты. Солардың ішінде топ жарып, 1-орынға ие болғанымызға өте қуаныштымыз. Бұл біз үшін бірінші халықаралық жарыс емес. Былтыр Грузияға барып, онда да бірінші орын алғанбыз. Оған дейін Түркия еліндегі жарысқа қатысқанымыз бар. Бірақ солардың ішінде осы «Славян базарындағы» ірі жарыста жеңіске жеткенімізге қуанамыз, – деді Аида Келгенбаева.</blockquote>Сондай-ақ ол «Жас өркен» би ансамблі 2007 жылы құрылғанын атап өтті. Топ жетекшісінің айтуынша, қазір ансамбльде 150-дей бала бар. Негізгі бағыты – ұлттық билер. Дегенмен, эстардалық және заманауи билер де үйретіледі.<blockquote>– Біз Беларусь елінде аққу биін биледік. «Сармад» этно-фольклорлық ансамблінің «Көркем саз» деген әуеніне би қойдық. Осы би арқылы қазақ қыздарының нәзіктігін, қарапайымдылығын, сыпайлығын көрсеткіміз келді. Сол мақсатымызға жеттік деп ойлаймын. Өте әсерлі қойылым болды. Сол жақтың әділқазылары, көрермендері қазақтың киімдеріне, биіне тәнті болды, – деп атап өтті ол.</blockquote>Аида Келгенбаева Витебск қаласында өткен жарыста әділқазылардың дауыс беруі жабық өткенін және ашық талқылау болмағанын айтты.<blockquote>– Біз бірінші орын алғандықтан, әділқазылар жоғары бағалады деп ойлаймын. Бірақ жабық дауыс беру болды. Әр ансамбль өнер көрсеткен соң, бірден бағалау парақтарына ұпай жазылып, оны кураторлар жинап алып кетеді екен. Бізде секілді талқылау болмайды. Сол ұпайларды соңында санап, жеңімпазды анықтады, – деді ансамбль жетекшісі.</blockquote>Қазақ биін Еуропада паш етіп, жоғары нәтижеге жеткен биші қыздар қазіргі уақытта елге оралған. Аида Келгенбаева бұл жарыс ансамбль үшін үлкен тәжірибе болғанын атап өтті.<blockquote>– Көңіл-күйіміз өте жақсы. Себебі осындай халықаралық жарыста абыроймен қайтқанымызға қуаныштымыз. Мұнда қаншама талантты балаларды, ұстаздарды көрдік. Олардан сабақ алдық. Білімімізді толықтырып келдік деп айта аламын, үлкен тәжірибе болды, – деді ол.</blockquote>Еске салайық, бұған дейін Сағын Өмірбайұлы «Славян базарының» балалар байқауында екінші орын <a href="https://kaz.inform.kz/news/sagin-omrbayuli-slavyan-bazarinin-balalar-baykauinda-eknsh-orin-aldi-e1eb96/">алған еді.</a> Фото: Аида Келгенбаева/ “Жас өркен” би ансамблі

Қазақстандық бишілер «Славян базары» байқауында жеңіске же

<a href="https://kyzylorda-news.kz/">Kyzylorda-news.kz</a> Жамбыл облысында 17-25 жас аралығындағы төрт жігіт 8-сынып оқушысын зорлады деген күдікке ілінді, деп хабарлайды El.kz ақпарат агенттігі.Оқиғаға байланысты қылмыстық іс қозғалып, сот сараптамасы жүргізілген. Алайда, оның жауабының ұзақ уақыт шықпауына байланысты жәбірленушінің анасы Айгүл Қонқашева айыпталушылар жазадан құтылып кете ме деп алаңдайды. Өйткені, күдіктілердің ешбірі де әліге дейін қамалмаған.&nbsp;Айгүл Қонқашеваның 31 арнаның «Информбюро»ақпараттық бағдарламасының тілшілеріне айтып бергеніндей, бұл оқиғаның болғанына жарты ай өткен. Оның оқушы қызын кешкілік таныс жігіт далаға шығуға көндіріп, көлікпен әкеткен. Кеш қарайғасын ата-анасы іздегенімен еш байланыса алмайды. Тек таңға жақын ауладағы орындықта сүлесоқ күйде отырған жерінен тауып алады. Дереу ауруханаға жеткізіп, медициналық сараптама жасатады. Қыздың бойынан синтетикалық есірткі зат табылған.&nbsp;<blockquote>Қызым есін білмейді. Буын-буыны істемейтін мас адамдай. Медициналық сараптама оның бойынан синтетикалық есірткіні анықтады. Бұл жерде есірткі беріп, топтасып зорлау болғаны анық, – деді Айгүл Қонқашева.&nbsp;</blockquote>Оның айтуынша, қызын көлікпен алып кеткенде, көлік ішінде тағы үш адам болған. Жас шамасы 17, 18, 20, 25-тегі жігіттер.&nbsp;Бұл оқиға бойынша арна тілшілеріне Қордай ауданының прокуратурасы түсініктеме берді.&nbsp;Ал бар өкпесін айтқан жәбірленушінің туыстары прокуратурадан тергеушілердің дөрекілігі, бала құқығын қорғау бойынша комиссияның келмеуі, істің созбаққа салыну себебін сұрады.&nbsp;<blockquote>Сол күні аудандық полиция бөлімі Қылмыстық кодекстің 122 -бабы, 1-бөлімі бойынша іс қозғады. Қазір іс бойынша сот сараптамалары тағайындалған. Жәбірленуші айтып отырған барлық сұрақтар, уәждер ескерусіз қалмайды. Оларды мен прокурор ретінде назарға алатын боламын, – деп сендірді Қордай ауданының прокуроры Бірлік Ізбасаров.&nbsp;</blockquote>Дегенмен, сот сараптамасының нәтижесі ұзақ уақыт бойы шықпауы мен күдіктілердің қамауға алынбауы оқушының туыстарын алаңдатып отыр.&nbsp;Фото: Нұрболат Нұржаубай

Оқушы қызды топтасып зорлағандар жазасын алмай жүр

<a href="https://kyzylorda-news.kz/">Kyzylorda-news.kz</a> &nbsp;Ұстаздардың бірі студенттен микрофонды жұлып алған.Қазақстанмен шекаралас Ресейдің Самара қаласының Халықаралық нарық институтының орта кәсіптік білім беру факультетінің түлегі Надежда Новикова диплом табыстау салтанатты кешінде сабақ берген оқытушыларын сынға алды, деп хабарлайды &nbsp;<a href="https://ru.qaz365.kz/">Qaz365.kz</a> .&nbsp;<blockquote>Мен айтатын сөзімді дайындадым. Өкінішке қарай, маған оқуға тыйым салды. Бірақ мен өзімдікін айтамын. Құрметті ұстаздар мен студенттер! Халықаралық нарық институтына айтар жалғыз алғысым –әр түрлі іс-шарада өзімді көрсетуге мүмкіндік бергендігі. Ал ұстаздарға ешқандай рахметім жоқ. Дене шынықтыру пәнінің мұғалім Наталья Николаевна Радова жыл бойы ешкім емес екенімді айтумен болды. Өмірде ешқандай жетістік жетпеген деп қорлады. Музыканы сөндіріңдер, әріқарай жалғастырайын. Лилия Долгатовна Галиева ол мені әрқашан оқудан шығаруға тырысты, бірақ көріп тұрғаныңыздай, ол мұны істей алмады, – дейді студент.</blockquote>Осыдан кейін видео үзіліп кеткен. Ұстаздардың бірі студенттен микрофонды жұлып алған. Ол бірақ кейін телеграм арнасында өз айыптауын жалғастырған.Фото: qaz365.kz

«Оқытушыларға айтар ешқандай алғысым жоқ»: Cтудент диплом табыстау шарасында бар шындықты айтты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ҚР Парламенті Мәжілісіндегі «Қазақстан Халық партиясы» фракциясының депутаты Гаухар Танашевамен кездесті.Кездесуде өңірде атқарылған жұмыстар мен алдағы жоспарлар талқыланды. Аймақ басшысы атқарушы органдар саяси ұйымдармен тығыз жұмыс жасап, олардың бастамаларына әрдайым қолдау көрсететінін атап өтті.«Аймақта Президентіміздің, Үкімет басшысының, Парламенттің қолдауымен халықтың әлеуметтік жағдайын жақсарта түсу, инфрақұрылым объектілерін жаңарту бойынша ауқымды жұмыстар іске асырылуда. Облыс бюджеті 708 млрд теңгеден асты. Бар-жоғы екі жылдан сәл астам уақытта 236,8 млрд теңгеге немесе 53,7 пайызға ұлғайды. Ауқымды қаражаттың басым бөлігі халықтың жайлы тұрмысын қамтамасыз ететін инфрақұрылымдық жобаларға жұмсалуда. Бюджетті жоспарлауда әлеуметтік бағытқа басымдық берілген.2022 жылы өңір өңдеу өнеркәсібінің өсу қарқыны бойынша республикада 11-орында болса, өткен жылы 1-орынға көтерілді.Мемлекеттің ерекше қолдауы құрылыс саласының дамуына жаңа қарқын қосты. Өткен жылға бөлінген қаржы 2022 жылмен салыстырғанда 3,5 есе артып, 87,1 млрд. теңге болған еді. Биылға қаралған қаржы бұрын-соңды бұл салада болмаған деңгейге, яғни 119,3 млрд. теңгеге жетті. Осы сияқты әр саладағы серпінді жұмыстар тоқтаусыз жүргізіле береді», – деді Нұрлыбек Машбекұлы.Гаухар Шаймерденқызы облыс басшысының бастамаларына сәттілік тіледі.Айта кетейік, бүгінде атқарушы органдар саяси партиялармен, оның ішінде «Қазақстан Халық партиясы» облыстық филиалымен тығыз байланыста. Филиалға 6 мыңнан астам адам тіркелген. Облыстық мәслихатқа «Қазақстан Халық партиясынан» 1 депутат сайланды.Фото: Қызылорда облысы әкімінің баспасөз қызметі

Аймақ басшысы мәжіліс депутатымен кездесті

<a href="https://kyzylorda-news.kz/">Kyzylorda-news.kz</a> &nbsp;5-ші Дүниежүзілік көшпенділер ойындарының басталуына 2 ай уақыт қалды. Дүниежүзілік көшпенділер ойындарында спорт жарысынан бөлек мәдени әрі ғылыми бағдарлама да қолға алынған. Жылдың ең маңызды оқиғасы саналған Ойындарды&nbsp;қолдауға және жобаны халық арасында насихаттау мақсатында мәдени бағдарлама аясында Жамбыл облысында «Бірлік Керуені» атты аймақты үлкен жоба басталды.Жамбыл облысы&nbsp;Қордай ауданының Ноғайбай ауылында, Ырғайты өзенінің жағалауында «Бірлік керуені» барысында ұлттық нақыштармен жасалған этноауыл құрылып, 6 киіз үй тігілді. Әр киіз үй өзіндік ерекшелігімен тақырыбына сай безендірілді. Этноауылда қазақтың салт-дәстүрлерінің көрінісі, тарихи жәдігерлер көрмесі, ауданнан шыққан танымал тұлғалардың кітап көрмесі, ұлттық ойындар, көшпелі жабдықтар көрмесі өтті.<blockquote>«Бүгінгі ұйымдастырылып отырған шара халқымыздың мәдени мұрасын, оның ішінде ұлттық құндылықтар мен ұлттық ойындарын насихаттауда, Қазақстан халқының бай тарихы мен мәдениетін таныстыруда, халықтың бірлігін, ынтымағын арттыруда маңызы зор. Бұл – ата-бабамыздың тұрмыс-салтын, жалпы болмысын паш ететін ерекше мәдениет орны болды, десек қателеспейміз. Қордай ауданы ынтымағы жарасқан, тұрақтылықты ту еткен қасиетті мекен. Елордада өтетін көшпенділер ойынын да жоғары деңгейде өткізіп, бірліктің үлгісін көрсетеміз деген сенімдемін», - деп пікір білдірді ардагер спортшы Мықтыбек Алтыбай.</blockquote>Ұйымдастырушылар қазақ күресі, аударыспақ, садақ ату, тоғызқұмалақ, асық ату, арқан тарту секілді ұлттық ойындардан жарыстар өткізді.Қонақтар ұлттық тағамдар фестивалінде дәм татса, сахна алаңында қазақтың ұлттық әндері мен билерінен концерттік бағдарлама ұйымдастырылды.Жамбыл облысының мәдениет қайраткерлері бастаған «Бірлік керуені» жобасы еліміздің барлық аймағында ұйымдастырылады. Көшпенділер мәдениетінің негізінде құрылған «Бірлік Керуені» 5-ші Дүниежүзілік көшпенділер ойындарын республика көлемінде сезінуге мүмкіндік береді.&nbsp;5-ші Дүниежүзілік көшпенділер ойындарын дайындау және өткізу Дирекциясының баспасөз қызметі<img src="https://knadmin.beoblood.kz/uploads/4_a18771acf8.jpg" alt="4.jpg"><img src="https://knadmin.beoblood.kz/uploads/3_944c349c13.jpg" alt="3.jpg">

Дүниежүзілік көшпенділер ойындары:  «Бірлік керуені» Жамбыл облысынан басталды

<a href="https://kyzylorda-news.kz/">Kyzylorda-news.kz</a> &nbsp;Танымал коуч Құралай Ошақбаева бұл жайында әлеуметтік желіде жазды.Белгілі психолог Құралай Ошақбаева ерлерді өзгеруге шақырды, деп жазды <a href="https://turkystan.kz/article/245727-iel-erkekke-endi-bagynbaidy-kazakstandyk-psikholog-erler-kauymyna-ozgeru-keregin-aitty">turkystan.kz</a>.<blockquote>«Әйел эмансипациясына, оның таңдау еркіндігі бар екеніне, еркектің айтқанымен енді жүрмейтініне үйренісе алмай жүрген ер азаматтар көп. Мен оларды түсінемін. Бұл жаңа реальность, жаңа ережелер және бұл процесс енді тоқтамайды. Әйел еркекке енді бағынбайды түсінесіздер ме? Бұл мүмкін емес, өйткені білімді еркін адам өз бостандығын біреудің қолына ұстатпайды. Әйелдің жетістігіне шын қуана алатын, жанашыр дос, мықты қорған, сырлас және мұңдас ер азаматқа ғана әйел өз еркімен мойынсұнады. Көкірегін қағып, “мен еркекпін” деп, әйелді төмендету арқылы өз “мықтылығын” көрсеткісі келетін еркектерден әйел енді кетуге қорықпайды. Өткенде бір келіншек: “6 баламды алып, абъюзерден кеттім, урааа!” - деп жазып жіберіпті. Әйел енді өзін қорлаған еркектен кеткенде той жасайды. Сондықтан енді ерлерге өзгеру керек. Әйел қорқып, таяқ жеп өмір сүргісі келмейді, ол енді тек қана өзін сыйлаған және бағалаған ер азаматқа мойынсұнғысы келеді», - деп жазды ол әлеуметтік желіде.</blockquote>видеодан алынған скрин

Қазақстан және Қызылорда облысының жаңалықтары