<a href="https://kyzylorda-news.kz/">Kyzylorda-news.kz</a> «AMANAT» партиясы жанындағы облыстық және қалалық Партиялық бақылау комиссиясының мүшелері қала әкімдігі жанындағы «Қала тазалығы» өкілі, аумақтың учаскелік полициялармен бірлесіп «Таза Қазақстан» республикалық акциясын іске асыру барысына мониторинг жүргізді.Өңірде апта сайын тазалық жұмыстары ұйымдастырылып, акция жалғасын тауып жатыр. Алайда қаланың шет аймақтарының кей жерлерінде тазалық мәселесіне келгенде әлі де бұл бағыттағы жұмыстарды күшейту қажеттігі байқалуда.Осы мақсатта мониторинг топ қаланың Шанхай бөлігінің Мешітбай Қаржаубай көшелері бойында белгіленбеген жерлерге қоқыс шығару ережелерін бұзуға жол бермеу туралы түсіндірме жүргізді. Осы мақсатта топ мүшелері аталған аумақтың экологиялық жағдайын жақсартуда көше бойында орналасқан коммерциалық нысандар мен мемлекеттік мекеме басшыларымен кездесіп, аумақты абаттандыру үшін ұжым болып тазалық акциясына үлес қосуға шақырды. Онда көше аумағын қоқыстан таза ұстап, жол бойындағы өсіп тұрған арам шөптерді шауып, аймақтарды ретке келтіруді ұсынылды. Коммерциалық мекемелер өкілдері ұсыныстар бойынша жұмыстарды қысқа мерзім ішінде қалпына келтіретіндерін жеткізді. Сонымен бірге қоқыстар жиналған жағдайда оларды алдырту үшін «Қала тазалығы» тиісті орынға ұсыныс берілді.Мемлекеттік мекеме басшыларыда бұл акциядан сырт қалмай, бір кісідей атсалысып жатқандарын айтты. Дегенмен бүгін ғана тазалап, қоқысын жинап кеткен көшеде келесі күні тағы бір қоқыстың пайда болатынын алға тартып, бақылау камерасын қоюға және учаскелік полициялар тұрғындарды тазалық сақтауға шақырып тұруын сұрады.&nbsp;

«Таза Қазақстан» акциясының іске асырылу барысына зерделеу жұмыстары жүргізілді

<a href="https://kyzylorda-news.kz/">Kyzylorda-news.kz</a> Әлгінде ғана&nbsp;№9&nbsp;дарынды балаларға арналған Қызылорда облыстық&nbsp;«Білім-Инновация»&nbsp;лицейінің спорт алаңы мен шағын бағы бар ауласына әкімдік жаңа ғимарат салмақшы деген ақпарат тараған. Бұны естіген ата-аналар әлемжеліге базынасын жеткізді. Әлеуметтік желі қолданушылардың ойы да екіге бөлінді. Бірі мектеп ғимаратына тиесілі жерді қалдыруды талап етсе, енді бірі балалардың спортпен шұғылдануы үшін&nbsp;«Қызылорда аренаның»&nbsp;БИЛ ғимаратының ауласына салу керек деген пікірді құптады. Бір аптаға созылған жер дауы немен аяқталды?Аталған мәселені анықтау мақсатында&nbsp;«Білім-Инновация»&nbsp;ХҚҚ президенті Дархан Ермаханұлы Сыр еліне арнайы келді. Аймақ басшысы Нұрлыбек Машбекұлымен кездесіп, мән-жайды нақтылады. Нәтижесінде,&nbsp;«Қызылорда арена»&nbsp;көп функционалды кешен құрылысы салынатын болып шешілді. Бұл ғимарат лицей оқушылары мен өңір жастары үшін қажетті әлеуметтік нысанға айналмақшы екен.Өз кезегінде әкімдік&nbsp;«Қызылорда арена»&nbsp;құрылысына өтетін жерде тұрған спорт алаңдары мен демалыс алаңқайларын мектептің артқы ауласына салып беріп, оқу процесіне және білім алушылардың сапалы әрі қауіпсіз білім алуына барша жағдай жасаймыз деп қолдау білдіріпті.&nbsp;«Білім-Инновация»&nbsp;ХҚҚ президенті Дархан Ермаханұлы лицей ата-аналарымен кездесіп, мәселені толық түсіндіріп, алдағы уақытта лицейдің бұдан әрі сапалы білім саналы тәрбие беру жолындағы жоспарлы жұмысын қарқындата түсетіндігін жеткізді.

Қызылорда: БИЛ мектебінің жер дауы шешімін тапты

<a href="https://kyzylorda-news.kz/">Kyzylorda-news.kz</a> &nbsp;Қазіргі таңда облыс аумағында суға шомылуға тыйым салынған 63 қауіпті аймақ бар. Жыл басынан бері аталмыш орындарға 334 ескерту тақтайшасы орнатылып, 92 билборд ілінген. Одан бөлек, бүгінде жауапты сала мамандарымен бірге 1 435 рейдтік жұмыстар жүргізіліп, 46 мыңнан астам тұрғынға судағы қауіпсіздік ережелері түсіндірілген. Бұл туралы кеше Өңірлік коммуникациялар қызметінің ақпарат алаңында облыстық ТЖД Азаматтық қорғаныс басқармасының бастығы Жандос Жүгінісов мәлімдеді.<blockquote>– Облыстағы су айдындарында, әсіресе, Сырдария өзенінде жыл сайын азаматтардың суға түсудегі сақтық шарасына бей-жай қарағаны және белгіленбеген орындарға түсуінен қайғылы жағдайлар орын алады. Жыл басынан бері су айдындарында 5 адам құтқарылды. Суда адамдардың қаза болуының басты себебі – қауіпсіздік ережелерін өрескел бұзуы. Қазіргі таңда аймақта 18 стационарлық және 6 модульдік бассейн орнатылған. Қосымша жеке кәсіпкерлер тарапынан жазғы демалыс орындарында 11 стационарлық бассейн бар. Сондай-ақ, облыста жазғы демалыс уақытында 8 балалар лагері жұмыс жасайды. Облыс тұрғындары мен қонақтарының қауіпсіздігі мақсатында күнделікті 11:00 мен 22:00 аралығында жауапты сала мамандарын жұмылдыра отырып рейдтік жұмыстар ұйымдастырылуда. Бұл профилактикалық жұмыстарға 575 ерікті де өз үлестерін қосып жатыр. Осы орайда, тұрғындардан суға түсер уақытта қауіпсіздік шараларын қатаң сақтауын және балаларды ересектердің бақылауынсыз суға түсірмеуін сұраймыз, – деді Жандос Шайымұлы.</blockquote>Фото: Қызылорда облысының Өңірлік коммуникациялар қызметі

Жандос Шайымұлы: Тұрғындардан суға түсер уақытта қауіпсіздік шараларын қатаң сақтауын сұраймыз

<a href="https://kyzylorda-news.kz/">Kyzylorda-news.kz</a> Шымкенттің экс-әкімінің ағасы Марат Әйтенов "<a href="https://www.youtube.com/watch?v=QUia0dSHAe4">Barys Media</a>"-ға берген сұхбатында "мені балаларыммен үйден күштеп қуып шықты" деген Дана Әтешованың даулы видеосындағы жағдай қалай болғанын айтып берді, - деп хабарлайды <a href="https://massaget.kz/">Massaget.kz</a>&nbsp;Марат Әйтенов бұрынғы әйеліне оннан аса ұсыныс жасағанын, алайда Дана Әтешова олардың ешбіреуін қабылдамағанын айтты.&nbsp;<blockquote>"Бұл мәселе бейбіт жолмен шешілу керек еді. Ол жерде ешқандай заң бұзушылық әрекет болған жоқ. Ол пәтерге Дана өзі кіріп алған. Ал меншіктің иесі сотқа жүгініп, мүлікті босатып, өзінің заңды иесіне беру керек деген сот шешімін алып барған. Ол сот шешімі бұдан екі жыл бұрын шыққан болатын. Сол кезде Дана соттан 1 жыл уақыт беруін сұраған және 2023 жылы босатып беретінін айтқан. Сот оның өтінішіне құлақ асып, біраз уақыт берген. Оның арасында мен Данаға небір ұсыныстар жасадым. "Сендердің меншіктеріңде мынадай баспана бар, сол жерде тұрыңдар, сендерді далада қалдырмаймын, ұрыс-жанжалды қояйық" деп жанұялық достар және медиатор арқылы, сондай-ақ сот процестерінің аясында да бірнеше ұсыныстар жасадым. Есептесем, 10-нан аса түрлі ұсыныс жасаппын. Олардың біреуіне де ресми түрде немесе жазбаша түрде жауап берген жоқ. Мен оған не керек екенін түсінбедім. Жекеше сөйлескенде "менің атыма сол үйді қалдырасың, пәтерді де қалдырасың, мен оны жалға беріп, ақшасын алуым керек" деді, содан кейін бірнеше жоқ қаражаттарды сұрады және менің балаларымның атына жазасың деп түсініксіз нәрселер айтты", - дейді Марат Әйтенов.</blockquote>Марат Әйтенов заң бойынша, Дана Әтешова үйді босату керек болғанын, алайда ол қарсыласқанын айтты.<blockquote>"Кейін Дана Әтешова тағы да сотқа жүгініп, тағы бір жыл уақыт беруін сұраған. Алайда бұл жолы сот келісім бермеді. Содан соң ол прокуратураға жүгінді. Алайда қалалық прокуратура "бәрі заңды, меншік сіздікі емес, босатуыңыз керек" деген. Енді не үшін сол күні бүкіл туысқанын үйге жинап, балаларды сондай сынаққа салғанын білмеймін", - дейді ол.</blockquote>Сондай-ақ Марат Әйтенов сол күні не үшін үйге барғанын айтып берді.<blockquote>"1 жыл бұрын мен сотқа жүгініп, балаларымды көру уақытын бекітуге өтініш берген болатынмын. Сот шешімі бойынша, балаларым сабақ аяқталған кезде маусым айында бір ай менімен тұруы керек. Алайда оны да орындамады. Дәл сол күні менің балаларыммен кездесу тәртібін орнататын сот орындаушы хабарласып, "балаларыңызды алып кетіңіз, әкелік қамқорлық көрсетіңіз" деді. Мен сол мақсатта бардым. Алайда балаларымды ала алмадым. Дана "маған жолама" деді және түрлі балағат сөздер айтты. Мен кетіп қалдым. Шамамен жарты сағат өткен соң сот орындаушылары маған қайта қоңырау салды. "Балаларыңызды сіз қорғамағанда кім қорғайды, келіп, бір амалын тауып, балаларыңызды алып кетіп, қауіпсіз жерге апарыңыз" деп талап қойды. "Менің балаларымның тағдырын өздерің шешіңдер" деп қалай айтамын, қайтып келдім. "Пәтер бар, жүріңдер, жағдайларыңды жасап берейін "дедім. Оған да құлақ салған жоқ. Оған да келіскен жоқ, маған балағат сөздер айтты. Қызымды алайын десем, өз денесімен бөгет жасады", - дейді ол.</blockquote>Еске салайық, бұған дейін&nbsp;<a href="https://massaget.kz/basty-zhaalytar-438/111691/">Шымкентте экс-әкімнің ағасы</a>&nbsp;бұрынғы әйелі мен үш баласын үйінен күштеп қуып шыққаны туралы видео тарап кетті. Кадрларда белгісіз ер адам Дана Әтешованы үйінен күштеп алып шығады. Кадр сыртында бұл Марат Әйтенов екені айтылады. Бұл уақытта полиция оқиғаны көшеде бақылап тұрған."Ең сорақысы әйелді шашынан сүйреп, күш қолданғанда, бәрін полицейлер камераға түсіріп тұр", - деп жазылған жазбада. Дана Әтешова бұл жағдайдан соң Президент Қасым-Жомарт Тоқаевтан өзіне және балаларына көмектесуін өтініп, үндеу жасады. Ал Астана полициясы Әйтенов отбасын үйінен қуып шыққан шулы видеодан кейін тергеу жүргізілгенін хабарлады. Кейін Шымкентте экс-әкімнің ағасы<a href="https://massaget.kz/basty-zhaalytar-438/111709/">&nbsp;Марат Әйтенов ұсталды</a>.&nbsp;Фото: видеодан кадр

Марат Әйтенов Дана Әтешованы не үшін үйден "қуып шыққанын" айтты

<a href="https://kyzylorda-news.kz/">Kyzylorda-news.kz</a>&nbsp; &nbsp;Қапшағайда демалып жүрген бейтаныс әйел көлде кәдімгі күнделікті жұмысқа киетін кастюммен шомылып жүр, деп хабарлайды <a href="https://qaz.ulysmedia.kz/news/17656-men-pedagogpin-kapshagaida-beitanys-iel-kastiummen-shomylyp-zhur/">Ulysmedia.kz.</a>Ол бұл әрекетін «мен педагогпін, маған купальникпен шомылуға болмайды» деп түсіндіреді.<blockquote>Мен Қапшағайда жүрмін. Мен – педагогпін. Маған купальникпен шомылуға болмайды. Мен кастюммен түстім. Мен ешқашан өзімнің педагок екенімді ұмытпауым қажет. Мен қай жерде болсам да – педагогпын! – дейді ол.</blockquote>Бұл видеоны көрген әлеуметтік желі қолданушылардың пікірі сан түрлі. “Бұл былтырғы Түркияның түнгі клубына барған мұғалімдерді қолдау акциясы ма?”, “Педагогтарда ойын күлкімен өмір сүруге хұқылы.” т.б. қатарлы түрлі ойлар жазылып жатыр.Фото: скрин&nbsp;

«Мен педагогпін». Қапшағайда бейтаныс әйел кастюммен шомылып жүр

<a href="https://kyzylorda-news.kz/">Kyzylorda-news.kz</a> Қызылорда облысында жол апатынан бір адам оқиға орнында қайтыс болып, бес адам дене жарақатымен ауруханаға түсті. Бұл туралы <a href="https://turkystan.kz/article/246167-kyzylorda-oblysynda-zhol-apatynan-bir-adam-kaitys-bolyp-5-adam-zardap-shekti">turkystan.kz</a> хабарлады.&nbsp;Оқиға 20 шілдеде «Самара-Шымкент» тас жолының Сырдария ауданы Шаған елді мекені тұсында болған.Тәжікстаннан Ресей мемлекетіне бағыт алған «Kia Rio» автокөлігінің жүргізушісі қарсы бағытқа шығып кеткен. Аталған дерек бойынша қылмыстық іс қозғалды. Тергеу әрекеттері жүргізіліп жатыр.Фото: istockphoto.com

Қызылорда облысында жол апатынан бір адам қайтыс болып, 5 адам зардап шекті

<a href="https://kyzylorda-news.kz/">Kyzylorda-news.kz</a> Мегаполистегі ірі сауда орталықтарының біріне директор боп тағайындалады деген.Алматы облысында әйел күйеуін Алматыдағы ірі нарықтың директоры ретінде орналастыруға уәде берген алаяқтарға 20 млн теңге қаражат берген, деп хабарлайды <a href="https://sn.kz/sn-akparat-agyny/114584-almatyda-iel-kuieuin-direktor-gyp-ornalastyru-ushin-20-mln-berip-aldanyp-kalgan">Skifnews.kz</a> ақпарат порталы.Бұл туралы 2024 жылғы 22 шілдеде Алматы облысы полиция департаментінің (ПД) бастығы Бауыржан Аленов айтты.Облыстық ұйымдасқан қылмысқа қарсы күрес басқармасының полицейлері Қарасай ауданының тұрғынынан алаяқтық жолмен 20 миллион теңге иемденген ер адамды ұстады. Тексеру барысында алаяқ арызданушының азаматтық некедегі жұбайын мегаполистегі ірі сауда орталықтарының біріне директор лауазымына тағайындау туралы мәселені шешу сылтауымен ақша алғаны анықталды", деп жазды ол Instagram-да.Оның айтуынша, күдікті уақытша ұстау изоляторына қамауға алынды.

Алматыда әйел күйеуін директор лауазымына орналастыру үшін 20 млн беріп, алданып қалған

<a href="https://kyzylorda-news.kz/">Kyzylorda-news.kz</a>&nbsp; Өскеменде Паралимпиада және арнайы олимпиадалық бағдарламалардың спортшылары арасында ҚР Ат спорты федерациясының кубогы үшін республикалық жарыс өтті. &nbsp;Оған Шығыс Қазақстан, Ақтөбе, Маңғыстау, Қызылорда облыстарынан, сондай-ақ Алматы, Астана қалаларынан 40-қа жуық мүмкіндігі шектеулі шабандоз қатысты. Жарыс ҚР Ат спорты федерациясы, «Ақ тай» мүмкіндігі шектеулі балаларды қолдау қоры, Шығыс Қазақстан облысының дене шынықтыру және спорт басқармасы, «Қазцинк» ЖШС-ның қаржылай қолдауымен ұйымдастырылды.Үздіктер қатарында Қызылорда қаласының тұрғыны, «Альтаир-Бөбек» қоғамдық қорының түлегі – Құрмет &nbsp;Сейдахметов бар. Ол бірінші орын иеленіп, үздіктер қатарынан көрінді.Айта кетейік, мүмкіндігі шектеулі шабандоздар үшін ҚР FCS кубогы Қазақстанда өткізілетін жалғыз спорттық жарыс түрі. Сондай-ақ 20 шілдеде әр номинация мен пән бойынша жеңімпаздарды марапаттау рәсімі өтті.Құрмет Сейдахметов Балалардағы церебералды паралич оң жақты гемипаретикалық диагнозбен бойынша есепте тұрады. Ол «Альтаир-Бөбек» қоғамдық қорының «Иппотерапия» оңалту орталығында ем қабылдауда.«Альтаир-Бөбек» қоғамдық қорының «Иппотерапия» оңалту орталығы &nbsp;2017 жылы Қызылорда қаласы бойынша ерекше қажеттілігі бар балаларға «Иппотерапия» оңалту жобасы іске қосылды.&nbsp;Аталған қор түлектері бұған дейін жеңімпаздар қатарынан көрінген. Мәселен&nbsp;«ҚР Ат спорты федерациясының кубогы» үшін ашық республикалық жарысында 2017 жылы Мөлдір Жақсылық «Халықаралық ат спорты» жарысында ІІІ орынды иеленген. 2022 жылы&nbsp;Айару Алтынбек Паралимпиадалық және арнайы олимпиадалық бағдарламалардың спортшылары үшін «ҚР Ат спорты федерациясының кубогы» VI ашық Республикалық жарысқа Қызылорда облысы атынан қатысып, ІІІ орынды&nbsp;иеленді. Ал Ерасыл Маратов «Пара ат спортынан ҚР-ның Чемпионатында» ІІ орынды иеленді. Сондай-ақ&nbsp;Ерасыл Маратов «2023 жылға паралимпиадалық ат спорты» бойынша қатысып, І орын алды.Жарыс ерекше балаларды заманауи қоғамда әлеуметтік бейімдеу, бала тұлғасының үйлесімді дамуына ықпал ету, паралимпиадалық құндылықтарды тарату және инклюзивті қоғамды дамыту мақсатында өткізілді. Сонымен қатар мұндай іс-шаралар саламатты өмір салтын насихаттауға және ерекше физикалық қажеттіліктері бар адамдар арасында паралимпиадалық спорт түрлерін дамытуға ықпал етеді.Жоғарыда атап өткендей, ерекше қажеттілігі бар балаларға қосымша оңалту қызметтерін көрсету мақсатында өңірімізде иппотерапиямен оңалту қызметі жүзеге асырылып келеді. Өткен жылы бұл бағытқа облыстық бюджеттен 26 млн теңге қаржы бөлініп, мемлекеттік әлеуметтік тапсырыс арқылы 200 балаға қызмет көрсетілді. Нәтижесінде ат спорты бойынша республикалық паралимпиадалық жарыстарға қатысқан қызмет алушылар кейінгі екі жылда жүлделі орындарға ие болған. Биыл бұл бағытқа 24,4 млн теңге бөлініп, медициналық қарсы көрсетілімі жоқ 150 балаға иппотерапиямен оңалту қызметі көрсетілуде.&nbsp;Облыстық жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырыс негізінде 2022 жылдан бастап мүгедектігі бар адамдар мен балаларды әлеуметтік қолдауға арналған әлеуметтік маңызы бар іс-шаралар жүзеге асырылуда.&nbsp;

Ат үстінде атой салған Құрмет

<a href="https://kyzylorda-news.kz/">Kyzylorda-news.kz</a> &nbsp;Мәсімовпен қызметтес болған дәрігер оның тегі туралы шындықты айтты, – деп хабарлайды&nbsp;<a href="https://massaget.kz/basty-zhaalytar-438/112215/">Massaget.kz</a>.Медицина ғылымдарының докторы, профессор Арай Төлемісова ADAL Adam Youtube арнасына берген сұхбатында мемлекетке опасыздық жасаған ҰҚК-ның экс-төрағасы Кәрім Мәсімовтің әкесі Қажымқан Мәсімовпен қызметтес, сыйлас болғанын айтты.<blockquote>«Қажымқан Мәсімовті ұйғыр дейді, ол ұйғыр емес. Компьютеріндегі құжаттардың бірін оқып қалдым, ол кісі «найман» деп жазылып тұрды. Өз аузынан Талдықорғанның Ақсуынанмын, найманмын дегенін де естідім. Ақсуда мешіт салды. Сонда ас бергенде де болғанмын», – деді Арай Төлемісова.</blockquote>Журналистің «найман екеніне сенесіз бе?» деген сауалына ол «өзім найман болғаннан кейін ол кісіні аға санап жүрдім» деп жауап берді.<blockquote>«Мен Кәрімді емес, әкесі Қажымқан Қасымұлын аға деп санап жүрдім. Ал анасы Элеонора Кәрімқызымен жақсы қарым-қатынастамын. Қазір жасы 86-да. Дәрілерін сұрап тұрады. Бүгін ғана хабарластым. Дәрілерін көмектесіп алып беріп жүрмін», – деді Арай Мағауияқызы.</blockquote>Сурет: видео скрин

«Мәсімов ұйғыр емес»: Мәсімовпен қызметтес болған дәрігер оның тегі туралы айтып берді

<a href="https://kyzylorda-news.kz/">Kyzylorda-news.kz</a> Ұстаздар баяғыдан айтып келе жатыр. Әйелі санын жалтыратып көшеге шығады, күйеуі оны естиді де, барып өлтіріп қояды деген сияқты…Әнші Ұланғасыр Қамидың болашақ әйелін қоятын талабы, хиджаб туралы пікірі желіде дау тудырды, деп хабарлайды <a href="https://sn.kz/sn-adebiet-zhane-oner/114567-ielin-oltirip-koidy-degennin-b-ri-khidzhab-kimegennen-nshinin-sozi-zhelide-dau-tudyrdy-video">Skifnews.kz</a> ақпарат порталы.«Хиджаб – арабтікі. Неге адасасыздар? Оның бәрін әйелдер бір күні шешеді» деп оған әлеуметтік желіде бір тыңдарманы сұрақ қойған.Осы орайда, шоу-бизнес өкілі «хиджаб кимейтін әйелге үйленбей-ақ қойған дұрыс» деп пікір білдірді.<blockquote>«Көшеге әтірін сеппей шығып, күйеуінің алдында ғана себетін, көшеге боянбай шығып, күйеуінің алдында ғана боянатын» деген талаптарды қатты ұстанамын. Соған дайын әйел болса, аламын. &nbsp;Басқалар (ред-) кигізе ме, шешіндіре ме, шешіп ала ма – шатағым жоқ. Соған көнетін әйелді аламын, көнбесе, алмаймын. Неге, арабтікі ме – маған бәрібір. Мен оны түсініп тұрмын, түсенетін әйел іздеймін. Кимеймін десе, «чао» деймін. Өйткені, мен болашақ әйелімді санын жалтыратып ешқайда шығарғым келмейді. Ал енді неге хиджаб кигізесің деген сұрақ болса, ер адам өзіне жауапкершілік алады ғой. Үйленгеннен кейін екінші адам үшін де жауаптысың. Ақыретте екі адам үшін сұраласың. Сол үшін хиджаб киіп, дұрыс жүрмейтін әйел болса, үйленбей-ақ қойған дұрыс деп ойлаймын. Өйткені, өзімізді қатыра алмай жүргенде, екінші адам үшін сұралғым келмейді. Әйелін өлтіріп қойды дегеннің бәрі хиджаб кимегеннен басталған шаруа. Ұстаздар баяғыдан айтып келе жатыр. Әйелі санын жалтыратып көшеге шығады, күйеуі оны естиді де, барып өлтіріп қояды деген сияқты», – деді әнші.</blockquote>Коллаж: Sn.kz

«Әйелін өлтіріп қойды» дегеннің бәрі хиджаб кимегеннен»: Әншінің сөзі желіде дау тудырды 

<a href="https://kyzylorda-news.kz/">Kyzylorda-news.kz</a>&nbsp; Паспорт және жеке куәлікті рәсімдеу барысында мемлекеттік баждың бір бөлігін иемденіп отырған."Қазпочта" АҚ-ның Алматы облысы Жамбыл аудандық халыққа қызмет көрсету бөлімінде кассирлері 2021-2023 жылдар аралығында азаматтарға төлқұжаттар мен жеке куәліктерді беру кезінде төленген мемлекеттік баж салығының бір бөлігін жымқырған, деп хабарлайды <a href="Kyzylorda-news.kz ">Skifnews.kz</a> ақпарат порталы.Содан кейін олар көші-қон полициясына бұрмаланған жалған түбіртектерді берген. Қаржы мониторингі агенттігінің мәлімдеуінше, мемлекетке 84 миллион теңгеден астам шығын келген.Қаржылық мониторинг агенттігі Алматы облысы прокуратураның үйлестіруімен мемлекеттік қызметтер көрсетілгендігі үшін жасалған төлемдерді аса ірі мөлшерде жымқыру мән-жайы бойынша сотқа дейінгі тергеп-тексеру бастады.Тергеп-тексерумен Алматы облысы Жамбыл ауданының халыққа қызмет көрсету бөлімінде қызмет көрсететін "Қазпошта" АҚ кассирлері 2021-2023 жылдар аралығында паспорт және жеке куәлікті рәсімдеу барысында мемлекеттік баждың бір бөлігін иемденіп отырғандығы анықталды.Көші-қон қызметіне баж соммасы жайлы көрінеу жалған ақпарат енгізілген түбіртекті ұсынып, мемлекетке 84 млн теңгеден аса шығын келтірген.Тергеп-тексеру жалғасуда, өзге ақпарат ҚР ҚПК 201 бабына сәйкес жариялауға жатпайды.Қаржылық мониторинг агенттігі экономикалық құқықбұзушылықтар үшін заңмен жауапкершілік көзделгендігін ескертеді, - деп хабарлады ведомстводан.Фото: azh.kz

«Қазпошта» кассирлері 84 миллион теңгеден астам қаржы жымқырған

<a href="https://kyzylorda-news.kz/">Kyzylorda-news.kz</a>&nbsp; Шаруашылықтың аса маңызды салаларының бірі – энергетикасы. Бұл сала өнеркәсіп пен қоғамның барлық өндіргіш күшінің аумақтық орналасуы мен дамуына әсер етеді. Сол себепті де, энергетика саласын республика шаруашылығының жетекші саласы деуге толық негіз бар. Қазіргі кезде ауылдық елді мекендерді газбен қамтамасыз ету аса маңызды. Өткен жылдың қорытындысымен облыс аумағында 4 қала және 35 ауылдық елді мекен табиғи газға қосылып, тұрғындарды газдандыру үлесі 75 пайызды құрады. Ал биыл 4 ауылдық елді мекен табиғи газбен қамтамасыз етілді. Жыл соңына дейін тағы 7 ауылдық елді мекен газдандырылатын болады деп күтілуде. Салада атқарылған сан түрлі жұмыстарды облыстық энергетика және тұрғын үй-коммуналдық шаруашылық басқармасының басшысы Медет Усаин Қызылорда облысының Өңірлік коммуникациялар қызметінде баяндады.&nbsp;<blockquote>Ауыз сумен қамту бойынша облыста 230 ауылдық елді мекеннің 204-і немесе халық санымен алғанда 98,4 пайызы орталықтандырылған ауыз су жүйесіне қосылған. Қалған 26 ауылда 7 мыңнан аса адам немесе ауыл халқының 1,6 пайызы қоныстанған. 26 елді мекендегі халықты 100 пайыз ауыз сумен қамту бойынша кезеңдік жоспар бекітіліп, соған сәйкес жұмыстар жүргізілуде. Нәтижесінде, барлық елді мекендер 2025 жылдың соңына дейін сапалы ауыз сумен қамтамасыз етілетін болады,- деді Медет Усаин.</blockquote>Бүгінде облыс аумағында жалпы ұзындығы 10 490 шақырым электр желілері және әр-түрлі кернеуліктегі 2008 дана қосалқы станциялары бар. Олардың тозу деңгейі 66 пайызды құрайды. Ал жауапты мамандар жыл соңына бұл көрсеткішті төмендетуге жұмыс жасамақ.<blockquote>2024 жылы электр жүйелерінің құрылысы мен жаңғырту жобаларын жүзеге асыруға тиісті қаржы қаралды. Бөлінген қаржы көлеміне 374,5 шақырым электр желісі мен 67 дана қосалқы станцияны қайта жаңғырту жұмыстары жүргізілетін болады. Нәтижесінде тозу деңгейі 66 пайыздан 64 пайызға дейін төмендетіледі деп күтілуде,- деді Медет Усаин.</blockquote><blockquote>Фото: Қызылорда облысының Өңірлік коммуникациялар қызметі</blockquote>

Қазақстан және Қызылорда облысының жаңалықтары