<a href="https://kyzylorda-news.kz/">Kyzylorda-news.kz</a> Қала бойынша заңсыз орналастырылған жарнамаларға қатысты рейд жұмысы жалғасуда. Бүгін қалалық сәулет және қала құрылысы бөлімінің мамандары Мемлекеттік кірістер басқармасының өкілдерімен ескі базар аумағында сауда жасаушы кәсіпкерлерге заңсыз жарнама орналастыруға жол бермеу туралы түсіндіру жұмыстарын жүргізді.Баршаға белгілі, базар тұтынушысы көп сауда нысаны. Осындай қалың ортада санитарлық тазалықты, жарнаманы ретке келтіру керек. Базар бейғамдықты, бейберекетті, алқам-салқамды сүймейді. Мұны әрбір сауда жасаушы ескеріп, олпы-солпы жарнамаға жол бермеуі қажет.Яғни, кәсіпкер жарнаманы орнатпас бұрын, оны заңдастыру үшін уәкілетті органға хабарлама жіберуі тиіс. Сонымен қатар, ҚР Салық кодексінің 603-бабы, 1-тармағына сәйкес, жарнамалық-ақпараттық нысан орналастырылған орын үшін тиісті мөлшерде төлем жасау міндеттеледі.

Түсіндірме жұмыстары жүргізілуде

<a href="https://kyzylorda-news.kz/">Kyzylorda-news.kz</a> Айдана сыйлықақы алып, кредит бойынша төлемді бірден үш айға төлеп тастады. «Енді аз төлеуге де болады», – деп ойлады ол. Алайда, &nbsp;бір аптадан кейін ол қосымшадан ай сайынғы төлемнің өзгермегенін көріп: «Бұл қалай?»,-деген ойда қалды. Банк оның аударымын ішінара өтеу ретінде ескеріп, кестені өзгертпеген, &nbsp;яғни бұл жерде нақты нені – &nbsp;мерзімін немесе төлемді өзгерту керектігін таңдау керек болған. Бұл жиі кездесетін жағдай. &nbsp;Мерзімінен бұрын төлеу – бұл пайдалы құрал, бірақ оның көптеген нюанстары бар. Оларды Fingramota.kz-тің көмегімен қарастырып көрелік.Мерзімінен бұрын төлем жасаған кезде пайыздар қалай азаядыМерзімінен бұрын өтеу – бұл кестеде көрсетілген мөлшерден көп төлеу &nbsp;немесе қарызды мерзімінен бұрын толығымен өтеу. Оның мынадай түрлері болады: &nbsp;Толық – белгілі бір күні сіз қарыздың барлық қалдығын және нақты пайдалану күндері үшін пайыздарды өтейсіз.Ішінара – сіз әдетте төлейтін соманың «үстінен» артық төлейсіз, борышыңызды азайтасыз және банктен кестені қайта есептеуді сұрайсыз. &nbsp;Шарттарда, әдетте, банктің мұндай төлемдерді қалай қабылдайтыны көрсетілген: қосымшада өтініш/өтінім беру қажет пе, қанша күн бұрын ескерту керек, ең төменгі сома көрсетілген бе, пайыздарды үнемдеу үшін айдың қай күні енгізген дұрыс.Аннуитеттік кесте бойынша алғашқы айларда негізгі қарыздың өзі емес, пайыздар төленеді. Ол борыштың басым бөлігін алады. Мерзімінен бұрын төлем жасаған кезде&nbsp;негізгі сома азаяды, сол сомадан әрі қарай пайыздар есептеледі. Бұл жағдайда бірден үнемдей бастап, оны мерзімнің соңына дейін жеткізу &nbsp;керек. Сіз үстінен артық ақша қосып төлеуді&nbsp;неғұрлым ерте&nbsp;бастасаңыз, банкке пайызды соғұрлым аз төлейсіз. Кейінірек мерзімінен бұрын өтеу де пайдалы, бірақ пайдасы аз болады.Бүгінгі күні банктер қарызды мерзімінен бұрын өтегені үшін, егер ол алғашқы алты айда (бір жылға дейінгі мерзімге қарыздар бойынша) не бірінші жыл ішінде (бір жылдан астам мерзімге қарыздар бойынша) жүзеге асырылса, айыппұл санкцияларын алуға құқылы. Бұл шектеу барлық қарыз алушыларға қатысты қолданылады.Алайда, 2025 жылғы 31 тамыздан бастап заң өзгереді: мұндай айыппұлдар тек заңды тұлғаларға (компанияларға) қатысты қолданылады. Қарапайым адамдар, жеке тұлғалар үшін мерзімінен бұрын өтеу үшін ешқандай айыппұлдар болмайды, берешекті кез келген уақытта қосымша айыппұл санкциясыз өтеуге болады.Ішінара өтеу кезінде таңдауға болатын екі нұсқаӘдетте банк екі сценарийдің бірін ұсынады. Өзіңіз таңдаған нұсқаны жазып көрсету маңызды — әйтпесе олар әдеттегі қалып бойынша кестені сол күйінде қалдыруы мүмкін.Төлемді өзгеріссіз қалдыру арқылы мерзімді қысқарту.&nbsp;Бұл – пайыздар бойынша барынша үнемдеу: Сіз кредит мерзімінің соңына тезірек жетесіз және көп артық төлем жасамайсыз. Өзіне ағымдағы ай сайынғы төлем &nbsp;ыңғайлы деп санайтын адамдар үшін қолайлы.Мерзімін өзгеріссіз қалдырып, ай сайынғы төлемді азайту.&nbsp;Үнем аз болады, бірақ ай сайын бюджетте бос ақша пайда болады. Ай сайынғы жүктеме маңызды болған жағдайда (мысалы, басқа міндеттемелер жоспарланған болса) ыңғайлы.Нені таңдау керек?&nbsp;Егер мақсат&nbsp;артық төлемді мейлінше аз төлеу болса, мерзімді қысқартқан&nbsp;жақсы.&nbsp;Егер&nbsp;бюджеттің орнықтылығы&nbsp;маңызды болса – төлемді азайтуды таңдаған дұрыс.Шарт және рәсім бойынша маңызды жайттарӨтініш/өтінім. Нұсқаны таңдаудың қай жерде тіркелетінін нақтылаңыз (мерзімді немесе төлемді қысқарту) — қосымшада, бөлімде немесе байланыс орталығы арқылы. Скринді/көшірмені сақтаңыз.Күндер және «есеп айырысу күндері».&nbsp;Пайыздарды есептеу күніне дейін&nbsp;енгізген дұрыс (әдетте жоспарлы есептен шығарудан 1-3 күн бұрын). Осылайша барынша көп үнемдейсіз.Мерзімінен бұрын өтеудің ең төменгі сомасы.&nbsp;Кейбір кредит берушілердің «шегі» бар, мысалы, кем дегенде 5-10 мың теңге немесе тіпті бірнеше айлық төлем. Алдын ала біліп алыңыз.Есептен шығарудың кезектілігі.&nbsp;Ереже бойынша алдымен айыппұлдар/өсімпұлдар мен комиссиялар, сосын пайыздар, содан кейін ғана алынған қарыз төленеді. Егер кешіктірулер болса, мерзімінен бұрын жарнаның бір бөлігі соларға «кетеді».Комиссиялар мен шектеулер.&nbsp;Тұтынушылық кредиттерде, әдетте, мерзімінен бұрын өтегені үшін төлемдер жоқ, бірақ&nbsp;шартты тексеріңіз&nbsp;– ипотека немесе автокредиттің ерекшеліктері болуы мүмкін. Егер талаптар реттеушінің қолданыстағы талаптарына қайшы келсе, банктің ұстанымын нақтылаңыз және қажет болған жағдайда кредиторға, ал егер ол сіздің сұранысыңызды қанағаттандырмаса, банк омбудсманы мен реттеушіге жүгініңіз.Сақтандыру және «пакеттер».&nbsp;Толық мерзімінен бұрын өтеген кезде,&nbsp;сақтандыру сыйлықақысының&nbsp;немесе пайдаланылмаған кезең үшін абоненттік төлемнің&nbsp;бір бөлігі қайтарылатынын нақтылаңыз.Ипотека және ауыртпалық.&nbsp;Берешек толық өтелгеннен кейін&nbsp;берешектің жоқ екендігі туралы анықтама&nbsp;алыңыз, ал ипотека болса, тізілімдегі&nbsp;ауыртпалықты&nbsp;міндетті түрде&nbsp;алып тастаңыз&nbsp;(ХҚКО/электрондық сервистер арқылы). Онсыз тұрғын үй заңды түрде «кепіл» болып табылады.Кредит тарихы.&nbsp;Толық өтеу – кредит тарихыңыздың артықшылығы. Кредиттік бюролар немесе egov қосымшасы арқылы кредиттік тарих бюроларындағы деректердің жаңартылғанын тексеріңіз.Артық төлемді қайтару.&nbsp;Кейде банк «артығымен» есептен шығарып қояды. Қалдықты шотқа қайтаруды сұраңыз және қарызыңыздың жоқ екендігі &nbsp;туралы анықтама алыңыз.&nbsp; Мерзімінен бұрын өтеудің артықшылықтарыПайыз бойынша төлемнің аз болуы. Бұл тікелей қаржылық тұрғыдан алғандағы пайда.Борыштан тезірек құтылу.&nbsp;Стресс пен тәуекелді азайту.Бюджеттің икемділігі.&nbsp;«Төлемді төмендету» нұсқасы кезінде шығыстарды қабылдау оңайырақ.Кредиттік бедел. Уақтылы және мерзімінен бұрын жасалатын төлемдер нарық үшін тиімді болып табылады.Ықтимал кемшіліктер мен тәуекелдерБалама құны. Мерзімінен бұрын өтеуге жіберілген ақша енді қауіпсіздік жастығы немесе инвестиция үшін жұмыс істемейді.Бонустардан/акциялардан айырылу.&nbsp;Кейбір сенімді бағдарламалар (кэшбэк, «бонустармен бөліп төлеу») мерзіміне байланысты –олар мерзімінен бұрын өтелген кезде қолданылмайды. Арнайы ұсыныстардың шарттарымен алдын ала танысыңыз.Рәсімдік ерекшеліктер. Өтінішсіз сіз қалаған нәтижеге қол жеткізе алмайсыз (мысалы, төлем азаймайды және мерзім қысқармайды).Резервтегі кемшілік. Біз бәрін өтеуге жібердік, нәтижесі бір айдан кейін &nbsp;мерзімді шығын. Тағы да кредит? Бұл пайданы нөлге айналдырады.Іс жүзінде қалай әрекет ету керек: қысқа чек-парағыҚаржылық «жастықшаны» есептеңіз (кем дегенде 3 айлық шығыстар). Егер ол жоқ болса, алдымен жастықшаны, содан кейін мерзімінен бұрын өтеуді санаңыз.Банктен&nbsp;ең төменгі соманы,&nbsp;күндерді және өтініш нысанын&nbsp;(мерзім/төлем) нақтылаңыз.Есептелген пайыздық күнге дейін&nbsp;соманы енгізіп,&nbsp;таңдалған кесте нұқсасын тіркеңіз.Жаңа кестені алыңыз және мерзімнің/төлемнің және борыш &nbsp;қалдығының төмендеуін тексеріңіз.Қарызды толық өтеген кезде берешектің жоқ екені туралы және шоттың/шарттың жабылғаны туралы екі анықтама алыңыз; ауыртпалықты алып тастаңыз (ипотека үшін).2-4 аптадан кейін&nbsp;кредиттік тарихыңызды&nbsp;және «мойныңыздағы» &nbsp;міндеттердің (комиссиялар, сервистік топтамалар, ақшаны автоматты түрде есептен шығару) жоқ екенін&nbsp;тексеріңіз.Жиі қойылатын сұрақтар (және қысқаша жауаптар)Ай сайын «аз-аздан» енгізуге бола ма? Иә, әдетте болады. әсіресе мерзімнің алғашқы жартысында тіпті кішігірім сомадан да әсер болады.Айына қанша рет мерзімінен бұрын өтеуге болады?&nbsp;Талаптарға байланысты: кейбір жағдайда шектеусіз, кейде – айына/тоқсанына бір рет.Төлем мерзімі өтіп кетсе, мерзімінен бұрын өтеудің маңызы бар ма?&nbsp;Бар, бірақ алдымен өсімпұлдарды/айыппұлдарды «жояды». Мерзімі өткен төлемді өтеңіз, содан кейін негізгі борышты мерзімінен бұрын өтеп тастаңыз.Төлем неліктен азайған жоқ?&nbsp;Сіз өтініш бермеген/қайта есептеу нұсқасын таңдамаған боларсыз. Өтініш беріп, жаңа кесте сұратыңыз.Және тағы бір айта кетерлігі: кредит алудан бұрын не істеу керек?Өзіңізге «не үшін» және «қанша қажет» деген сұраққа жауап беріңіз – кредиттің &nbsp;мақсаты мен сомасы «бір жағдай туындап қалса» деген емес, нақты болуы керек.ЖТСМ бойынша кемінде 3-5 ұсынысты салыстырыңыз&nbsp;(жылдық тиімді мөлшерлеме): ол кредит бойынша барлық шығысты ескереді және нақты құнын көрсетеді.Бюджетті стресс-тестілеуден өткізіңіз:&nbsp;барлық борыштар бойынша төлемдер тұрақты табыстың 30–40%-нан артық болмауға тиіс.Шартта айыппұлсыз мерзімінен бұрын өтеу құқығы және&nbsp;түсінікті тәртіп&nbsp;туралы жазылғанына көз жеткізіңіз&nbsp;(өтініш, мерзімдер, ең төменгі сомалар). &nbsp;График түрін&nbsp;(аннуитетті/сараланған) және мерзімінен бұрын өтеу кезінде төлем қалай қайта есептелетінін&nbsp;тексеріңіз. &nbsp;Кредиттің толық құнын:&nbsp;пайыздарды, комиссияларды, сақтандыруларды, сервистік пакеттерді, бағалау/нотариус (кепілдер үшін) есептеңіз.Қауіпсіздік жастықшасын дайындаңыз&nbsp;(кем дегенде шығындардың 3 айы) – әйтпесе кез келген іркіліс үнемдеуді жоққа шығарады. &nbsp;Шартты басынан аяғына дейін оқып шығыңыз, маңызды талаптардың скриншоттарын/көшірмелерін жасап алыңыз; сұрақтар қойыңыз –бұл сіздің ақшаңыз. &nbsp;Мерзімінен бұрын өтеу жоспарын алдын ала ойластырыңыз: пайдада қалу үшін борышты қашан және қандай сомалармен төмендетесіз. &nbsp;Кредит – үлкен жауапкершілік екенін есте сақтаңыз! Дұрыс жоспарлау және талаптарды зерделеу тәуекелдерді төмендетуге, ал мерзімінен бұрын өтеу артық төлемді төмендетуге мүмкіндік береді. Кредиттік өнімдердің барлық ерекшеліктерін білу үшін Fingramota.kz оқыңыз.Фото: fingramota.kz

Қарызды мерзімінен бұрын өтеу: нелерді білу маңызды

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев "Жаркент крахмал-сірне зауыты" компаниясының құрылтайшысы, ҚР Парламенті Сенатының депутаты Закиржан Кузиевпен кездесті. Кездесуде Сыр өңірінде жүгері дақылын терең өңдеу мәселесі талқыланды.<blockquote>«Өткен аптада Жаркент қаласына арнайы жұмыс сапарымен барып, зауыт жұмысымен таныстық. Кәсіпорынның негізгі өндірістік алаңдарын аралап, жүгеріден крахмал мен сірне өндіру технологиясын көрдік.Қызылорданың агро-индустриалдық өңір екендігін ескеріп, осындай өндіріс орнын облыста ашуды ұсынамыз. Бұл мақсатта Жалағаш, Сырдария, Шиелі, Жаңақорған аудандарынан егістік алқабына жақын жерден зауытты орналастыруға қолайлы, белгіленген жер учаскелерімен танысып келдіңіздер.Арнайы топ жасақталып, инженерлік инфрақұрылымға, теміржолға, экологиялық, санитарлық мәселелерге қатысты, тағы да басқа сұрақтарға жауап алдыңыздар.Біз әрбір инвесторға қолданыстағы заңнама аясында жер телімін беруге, даму институттары арқылы қаржыландыру құжаттарын рәсімдеуге және әкімшілік қолдау көрсету бойынша толық сүйемелдеуге әзірміз», - деді Нұрлыбек Нәлібаев.</blockquote>Өз кезегінде Закиржан Кузиев бұл бастамаға қолдау білдіріп, бірлесіп жұмыс істеуге дайын екенін жеткізді.Айта кетейік, өңірде 286 мың гектар суармалы жер бар, оның 178,6 мың гектары - инженерлік жүйеге келтірілген ауыспалы егіс алқаптары. Мемлекет басшысының ауыл шаруашылығы өнім көлемін екі есеге арттыру жөніндегі тапсырмасына сәйкес, облыста суды аз қажет ететін дақылдардың көлемі ұлғайып келеді. Мәселен, биыл жүгері дақылы 2 490 гектарға егіліп, өткен жылмен салыстырғанда 415 гектарға артқан.Фото: Қызылорда облысы әкімінің баспасөз қызметі

Жүгері өңдеу өндірісі: Қызылорда облысында жаңа жобаны жүзеге асыру жолдары қарастырылуда

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының бастамасымен жүзеге асырылып жатқан «Таза Қазақстан» экологиялық жобасы өңірлерде ерекше қарқын алып келеді. Соның айқын дәлелі – Жалағаш ауданында атқарылып жатқан ауқымды істер.Бүгінде ауданның әлеуметтік-экономикалық дамуына серпін беретін бірқатар нысандардың құрылысы жүргізіліп, ауылдардың келбеті жаңаша сипат алуда.Бұқаралық спорт пен жастарға қолдауАудан орталығында бұқаралық спортты дамытуға айрықша көңіл бөлінуде. Қазақстан футбол федерациясымен жасалған меморандум аясында Жалағаш кентіндегі орталық стадион УЕФА-ның «Alan» жобасы негізінде демеушілер есебінен қайта жаңғыртылуда.Стадион жасыл алаңына төсеніштер Еуропадан арнайы жеткізіліп, орналастыру жұмыстарын тәжірибелі мамандар атқарады. Құрылыс жұмыстары жыл соңына дейін аяқталады деп жоспарлануда.Сонымен қатар, биыл аудан орталығында денешынықтыру-сауықтыру кешені пайдалануға беріліп, жергілікті тұрғындардың спортпен тұрақты айналысуына жағдай жасалды. Мұндай игі бастамалар тек спортшыларды ғана емес, барша жас ұрпақты ынталандырары сөзсіз.Жолдар мен инфрақұрылымАудан халқы үшін ең өзекті мәселелердің бірі – жол сапасы. Осы бағытта да жүйелі жұмыстар қолға алынуда.Жалағаш кентіндегі бірнеше көшеге күрделі жөндеу жүргізіліп, тұрғындар үшін ыңғайлы жағдай жасалуда. Елді мекендердің кіреберіс жолдары абаттандырылып, қоғамдық тәртіпті нығайту мақсатында көше бойларына бейнебақылау камералары орнатылды.Таң ауылындағы жаңа серпінАуылдардың дамуына да ерекше назар аударылып отыр.Мәселен, Жалағаш ауданының Таң ауылында өндірістік базалардың құрылысы жүргізілуде. Жоба іске қосылған соң күріш қалдықтарынан ұн, мақсары майы және макарон өнімдері шығарылып, жергілікті экономикаға тың серпін бермек. Бұл бір жағынан жаңа жұмыс орындарын ашып, ауыл тұрғындарының әл-ауқатын арттыруға жол ашады.Сонымен қатар, Таң ауылына кіреберіс аумағында жүргізіліп жатқан2 пәтерлі 10 тұрғын үйдің құрылысы бүгінде аяқталуға жақын.Тұрғын үйлердің құрылысы өңірдің әлеуметтік инфрақұрылымын жетілдіруге бағытталған.Бұдан бөлек, ауыл орталығынан Ұлы Жеңістің 80 жылдығына орай боздақтарға арналған «Ер есімі – ел есінде» монументі ашылды. Бұл - болашақ ұрпаққа тағылым беретін, ел тарихының мәңгілік ескерткіші.Сондай-ақ балалар үшін ойын және спорт алаңы ашылып, ауылдың ажары арта түсті.Еңбек ауылындағы игі істерЕңбек ауылдық округінде де бірқатар жұмыстар жүзеге асырылуда. Мұнда ауылға кіреберіс арка салынып, мемлекеттік рәміздер алаңы, автотұрақ пен жаяу жүргіншілер жолы салынды. Балаларға арналған жаңа ойын алаңы ашылып, ауыл келбетіне серпін берді. Бұл жобалар ауыл тұрғындарының тұрмыс сапасын арттырумен қатар, елді мекеннің мәдени бейнесін жаңартуға бағытталған.Бұдан бөлек, «Таза Қазақстан» республикалық экологиялық жобасы аясында ауданның барлық елді мекендерінде санитарлық тазарту, көркейту-көгалдандыру жұмыстары қарқынды жүргізілуде.Жыл басынан бері аудан көлемінде 100-ге жуық сенбіліктер ұйымдастырып, барлығы 1300 тоннаға жуық қатты қалдықтар белгіленген орындарға арнайы техникалар арқылы жеткізілді.Сонымен қатар, «Таза Қазақстан» республикалық экологиялық жобасы аясында аудан көлемінде «Таза қала», «Болашақты бірге отырғызамыз», «Өз ағашыңды отырғыз» және «Мөлдір бұлақ» санитарлық тазарту, көркейту және көгалдандыру апталықтары өткізіліп, барлығы апта сайын 3000 ға жуық адам,27 арнайы техникалар қатыстырылды. 2789 тонна қатты қалдықтар полигонға жеткізілді.Жалағаш ауданының елді мекендерін көгалдандыру және жасыл аймақ құру туралы жоспарына сәйкес биылғы жылы ауданда 23 800 түп ағаш отырғызылды.

«Таза Қазақстан»: Жалағаш ауданының бірқатар ауылдарында абаттандыру және құрылыс жұмыстары жандануда

<a href="https://kyzylorda-news.kz/">Kyzylorda-news.kz</a> Қысқы маусым жақындаған сайын аймақтағы тұрғындарды үздіксіз әрі қауіпсіз көгілдір отынмен қамту мәселесі басты назарда. Осы мақсатта &nbsp;Өңірлік коммуникациялар қызметінің ұйымдастыруымен Бұқаралық ақпарат құралдары өкілдеріне арналған баспасөз туры ұйымдастырылып, «QazaqGaz Aimaq» АҚ Қызылорда өндірістік филиалының күнделікті қызметі мен жылыту кезеңіне дайындық жұмыстары көрсетілді.Журналистер қала ішінде орналасқан бірқатар нысандарды аралап, мамандардың жұмыс барысымен жақыннан танысты. Сала өкілдері газ құбырларының техникалық жай-күйі, қауіпсіздік шаралары және жоспарлы жұмыстар туралы жан-жақты мәлімет берді. БАҚ өкілдері өз кезегінде сұрақтарын қойып, пікірлерін білдірді.Аймағымызда көгілдір отын тұтынушыларының саны жылдан жылға артып келеді. Бүгінгі таңда аймақта 147 995 абонент газға қосылған. Бұл көрсеткіш тұрғындардың тұрмыс сапасын арттырып қана қоймай, өңірдің әлеуметтік-экономикалық дамуына да оң әсерін тигізуде.Облыстағы газ жүйесін қалыпты ұстау және оны үздіксіз жеткізу мақсатында «QazaqGaz Aimaq» АҚ Қызылорда өндірістік филиалы үлкен ауқымда жұмыс жүргізіп отыр. Қазіргі таңда филиалдың теңгерімінде ұзындығы 4250,4 шақырымды құрайтын газ құбыры бар.<blockquote>- Қысқы маусымға дайындық жұмыстарын біз сәуір айының 15-інен бастадық. Тамыз айының соңына дейін толық аяқтап, жүйені сақадай-сай ету - басты мақсатымыз. Бұл ең әуелі облыс тұрғындарының үздіксіз әрі сенімді газбен қамтылуын қамтамасыз етуге бағытталған. Бүгінде барлық жоспарланған жөндеу және техникалық қызмет көрсету шаралары толық орындалды. Құбырлар мен газ реттеу нысандары тексеріліп, ақаулар жойылды. Сонымен бірге мамандар арнайы оқу-жаттығулардан өтіп, кез келген жағдайға дайындықтарын шыңдауда. Алдағы жылыту кезеңінде халық пен әлеуметтік нысандарды тұрақты газбен қамтамасыз ету - біздің негізгі міндетіміз. Осы мақсатта филиал ұжымы бар күшін салып жұмыс істейтін болады, - деді «QazaqGaz Aimaq» АҚ директорының міндетін атқарушы Бауыржан Әбдіғаппарұлы.</blockquote>Келер жылыту маусымына толыққанды дайындық жасау үшін арнайы паспорт әзірленіп, ол облыстық Энергетика және тұрғын үй-коммуналдық шаруашылық басқармасымен келісілген. Жоспарға сәйкес барлық ағымдағы және күрделі жөндеу жұмыстары орындалды.Дайындық кезеңінде бірқатар маңызды шаралар жүзеге асырылды. Мамандар оқу-жаттығулар өткізіп, газ реттеу пункттері мен шкафтық пункттерге жөндеу жұмыстарын жасады. Жер үстіндегі ажыратқыш құрылғыларға техникалық қызмет көрсетіліп, газ реттеу пункттерінің жылыту жүйесі де әзірленді. Сондай-ақ катодты қорғау құрылғылары тексерістен өтті.Филиал мамандарының мәлімдеуінше, бүгінде Қызылорда облысы алдағы күзгі-қысқы жылыту маусымына толық дайын. Ал баспасөз-турына қатысқан журналистер өндірістік нысандарды аралау барысында атқарылған жұмыстардың ауқымымен танысып, сала қызметкерлерінің жүйелі еңбегін жоғары бағалады.Фото: Қызылорда облысының Өңірлік коммуникациялар қызметі

Газбен жабдықтау жүйесі қысқы маусымға толық дайын

Президенттің 2024 жылғы Жолдауын жүзеге асыру: Отын-энергетика кешенін ауқымды жаңғырту қалай жүргізілуде?

<a href="https://kyzylorda-news.kz/">Kyzylorda-news.kz</a>&nbsp; Облысы әкімінің тапсырмасына сәйкес, Қармақшы ауданында теміржол вокзалдарын жаңғырту, балалар ойын алаңдарын көбейту, аулалық клубтардың жұмысын жандандыру, сондай-ақ елді мекендердің абаттандырылуын күшейту бағытында бірқатар жүйелі шаралар жүзеге асырылуда.Осыған орай, аудан әкімі Жандос Еркінбек Жосалы кентіндегі құрылыс жұмыстарының барысымен танысып, бірқатар нысандарды аралады. Атап айтқанда, теміржол вокзалы ғимаратына жүргізіліп жатқан күрделі жөндеу жұмыстары мен Мүсірбаев көшесінде салынып жатқан балалар ойын алаңы назарға алынды.Теміржол вокзалына жүргізіліп жатқан күрделі жөндеу жұмыстары — облыс әкімінің тапсырмасына сәйкес жолаушыларға қолайлы жағдай жасау бағытындағы маңызды бастама.1904 жылы салынған тарихи маңызы бар бұл вокзал ғимараты қазіргі кезде “Қазақстан темір жолы” ҰҚ АҚ тапсырысымен, “Р и А Сервис ЛТД” ЖШС мердігерлігімен күрделі жөндеу жұмыстары жүргізілуде. Құрылыс сәуір айында басталған, желтоқсанда аяқталады деп жоспарланып отыр. Жалпы жоба құны – 526 млн теңге.Жөндеу аясында ғимараттың сыртқы келбетін әрлеу, шатырды жаңарту, ішкі бөлмелерді қайта жабдықтау жұмыстары жүргізілуде. Бүгінде демонтаж жұмыстарының 70%-ы аяқталған.Мұнан соң аудан басшысы Мүсірбаев көшесіндегі балалар ойын алаңының құрылысымен танысты. Мүсірбаев көшесінде балалар ойын алаңының құрылысы қарқынды жүруде. Жоба “Жосалы кенті әкімінің аппараты” КММ мен “Энергия Строй Монтаж” ЖШС арасындағы келісімшарт аясында жүзеге асырылып отыр. Құны – 28,56 млн теңге.Қазіргі таңда алаңды абаттандыру, ойын және спорттық құрылғыларды орнату жұмыстары басталған. Жұмыс барысы аудан әкімінің тұрақты бақылауында.Аудан басшысы құрылыс жұмыстарының сапасы мен уақытылы орындалуын қамтамасыз ету бойынша нақты тапсырмалар жүктеп, бұл жұмыстарды өз бақылауында ұстайтынын жеткізді.Айта кетейік, аудан бойынша Төретам кентінде, ІІІ Интернационал және Ақжар ауылдық округтерінде балалар ойын алаңы салынуда. Сондай-ақ, Қуаңдария ауылында спорт алаңы жанынан көше жаттығу алаңының құрылыс жұмыстары жүргізілуде. Аталған нысандар аяқталып, кезеңімен пайдалануға берілетін болады.

Аудан әкімі құрылыс жұмыстарының барысымен танысты

<a href="https://kyzylorda-news.kz/">Kyzylorda-news.kz</a> Облыстық мәслихат депутаты, «AMANAT» партиясы фракциясының мүшесі Алмас Алтынбайұлы Рахметов тұрғындармен жүйелі түрде кездесіп, елдің мұң-мұқтажына құлақ асып келеді. Жуырда ол "AMANAT" партияның облыстық филиалында азаматтарды жеке мәселелері бойынша қабылдау өткізіп, халықтың өтініш-тілектеріне назар аударды.Қоғамдық қабылдауға келгендердің бірі – Сырдария ауданының тұрғыны, "Dos" вокалды ансамбль жетекшісі. Ол өз өнер ұжымының шығармашылық жұмысына қажетті музыкалық аппаратура сатып алу үшін қаржылай қолдау көрсетуді сұрады.Өнер – халықтың рухани айнасы. Бұл саланың дамуына үлес қосу – ел болашағына салынған инвестиция десек, артық айтқандық емес. Осыны терең түсінген Алмас Алтынбайұлы тұрғынның өтінішін жерде қалдырмай, өз жеке қаражатынан 200 мың теңге көлемінде демеушілік көмек көрсетті.Өтініш иесі А.Рахметовке және облыстық «AMANAT» партиясының филиалына шынайы алғысын білдіріп, бұл көмектің ансамбль жұмысына үлкен серпін беретінін жеткізді.«Халықпен бірге» деген ұранды берік ұстанған халық қалаулысының бұл әрекеті – қоғамға қызмет етудің жарқын үлгісі. Осындай жанашыр азаматтардың арқасында ел еңсесі биіктеп, талай түйткілді мәселе шешімін табатыны сөзсіз.

Фракция мүшесі тұрғындардың өтінішін тыңдады

<a href="https://kyzylorda-news.kz/">Kyzylorda-news.kz</a> «AMANAT» партиясы Қазалы аудандық филиалы жанындағы Партиялық бақылау комиссиясы білім беру ұйымдарындағы жөндеу жұмыстарына мониторинг жүргізді. Атап айтқанда, комиссия мүшелері Ж.Жабаев атындағы №234 орта мектеп пен Қ.Сәтбаев атындағы №216 мектептегі жөндеу жұмыстарының барысымен танысты.№234 мектептегі күрделі жөндеу жұмыстары биыл сәуір айында басталған. Мердігер ұйым «Конструктив LTD» ЖШС. Мұнда шатыр ауыстырылып, қасбеті жаңартылды. Сондай-ақ электр желілері мен жарықтандыру жүйесі толықтай жаңаланып, ішкі әрлеу жұмыстары жүргізілген, бірқатар бөлмелерге кафель төселген. Қазіргі таңда есіктерді ауыстыру, линолеум төсеу, қабырғаларды бояу және аумақты абаттандыру жұмыстары жүргізілуде.Ал №216 мектептегі ағымдағы жөндеу жұмыстарына сәйкес бүгінгі күнге дейін оқу ордасының шатыры мен терезелері толық ауыстырылды. Сонымен қатар мектеп жабындылары жөнделіп, жарықтандыру жүйесі жаңартылды. Қазір қасбетін әрлеу және есік блоктарын орнату жұмыстары атқарылып жатыр.Бақылау жұмыстарына аудандық мәслихат депутаттары, аудандық партия филиалының Атқарушы хатшысы Нұрғиса Жалғасбаев, Партиялық бақылау комиссиясының төрағасы Әділбек Сарабеков, комиссия мүшелері Арғын Орымбаев, Ардақ Кәдір және Есет Табынбаев қатысты.Өз кезегінде партия өкілдері мердігер мекемелердің жұмыс қарқынына қатысты ұсыныстарын білдіріп, сапаға айрықша мән беру қажеттігін атап өтті. Барлық құрылыс жұмыстары жаңа оқу жылына дейін толық аяқталуы тиіс екендігін жеткізді.

Мектептердегі жөндеу жұмыстарына кезекті рет партиялық бақылау жүргізілді

<a href="https://kyzylorda-news.kz/">Kyzylorda-news.kz</a> Биыл "Аралтұз" АҚ ерекше күнді, яғни 100 жылдық мерейтойын атап өтуде. Ғасыр бойындағы тарихында кәсіпорын шағыннан Қазақстандағы ең ірі ас тұзын өндірушіге айналды, оның өнімдері халықаралық сапа стандарттарына сай болып табылады және бүкіл еліміз бойынша және одан тысқары да тасымалданып, өткізіліп отырады.&nbsp;Бүгінгі таңда зауытта 1000-нан астам қызметкер жұмыс істейді, олардың 94%-ы - Арал ауданының тұрғындары. Көптеген отбасы үшін "Аралтұзда" жұмыс істеу — бұл тұрақты табыс қана емес, сонымен қатар бірнеше буын ұрпағы мақтан тұтатын қадірлі іс. Компания өндіріске жаңа технологияларды белсенді енгізіп, инфрақұрылымды дамытуда, әлеуметтік жобаларды қолдап, өңір экономикасына да елеулі үлес қосуда.Заманауи және қауіпсіз өндірістің негізгі элементтерінің бірі-зауыт территориясының ұйымдастырылған және қорғалған болуы. Бұл - формальдылық емес, адамдарды қорғауға, санитарлық нормаларды сақтауға және кәсіпорынның үздіксіз жұмысына бағытталған халықаралық тәжірибе.&nbsp;<img src="https://knadmin.beoblood.kz/uploads/Aralt_z_ef958c9ad8.jpg" alt="Аралтұз.jpg">Қауіпсіздік - біздің басымдығымыз&nbsp;Өндіріс алаңында күн сайын ондаған техника жұмыс істейді, ауыр машиналар ары-бері қозғалып, көптеген технологиялық процестер қызу жүріп жатады. Территорияның жабық жәнеөткізурежимінің болуыбөгде адамдардың, соның ішінде балалардың аяқ-асты жоғары қауіпті аймаққа тап келуін болдырмауды қамтамасыз етеді.&nbsp;<blockquote>- Біздің зауыттағы күзет және өткізу режимі жүйесі адамдарды, жабдықтарды және өндірістік процестерді қорғау үшін құрылған. Біз заманауи бейнебақылау технологияларын қолданамыз, тек қызметкерлер мен шақырылған қонақтарға ғана территориямызда болуға рұқсат, мұны сырттай бақылап отырамыз. Қоршау зауыт пен қоғам арасындағы барьер емес, керісінше өнеркәсіптік қауіпсіздік элементі болып табылады. Оның арқасында біз жазатайым оқиғалардың алдын аламыз, технологиялық процестерді қорғаймыз, санитарлық нормаларды сақтаймыз және кәсіпорынның тұрақты жұмысын қамтамасыз етеміз, — дейді зауыт директоры Дәулет Рахымбаев.&nbsp;</blockquote>Өндірістің бақыланатын аймағы-қазақстандық санитарлық ережелердің (СанПиН), сол секілдітамақ кәсіпорындарына арналған ISO халықаралық стандарттарының міндетті талабы. Олар аумақты бөтендерден қорғауды, вандализмнің алдын алуды, тазалықты сақтауды және технологиялық процестердің қауіпсіздігін қарастырады.<blockquote>— Біздің қоршау ISO халықаралық стандарттарына сәйкес келеді: ол өндірістік аймақтарды оқшаулап қоршауды, зауыт аумағына кіріп-шығуды бақылауды және аумақты толық визуалды шолуды қамтамасыз етеді, - дейді Дәулет Рахымбаев.&nbsp;</blockquote><img src="https://knadmin.beoblood.kz/uploads/Aralt_z_94cb5d43b7.jpg" alt="Аралтұз.jpg">Ашықтық және даму&nbsp;Адамдардың қауіпсіздігі-компанияның басты басымдығы. "Аралтұз" АҚ үнемі баспасөз турларын, тұрғындарға экскурсиялар мен кездесулер өткізеді, онда қауіпсіздік шаралары тек адамдарды қорғауға және жоғары сапа стандарттарын сақтауға бағытталғанына жекелей көз жеткізуге болады.&nbsp;Кәсіпорын диалог үшін әрдайым ашық және өңірдің ұзақ мерзімді дамуына бағдарланған қалпын сақтап келеді. Компания алда да жаңа технологияларды енгізуге, экологиялық тиімділікті арттыруға, адами капиталға және әлеуметтік жобаларға инвестиция салуға, жұмыс орындарын құруға, инфрақұрылымдарды жақсартуға және аймақтың әлеуметтік-экономикалық дамуына үлес қоса береді.Фото: “Аралтұз” АҚ

"Аралтұз" - адамдар мен аймақ үшін қауіпсіздік және даму кепілі

<a href="https://kyzylorda-news.kz/">Kyzylorda-news.kz</a> Тасбөгет кентінің әкімі Айдын Тыныштықбай бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді. &nbsp;Кенттің инфрақұрылымын дамыту бағытында бірқатар жобалар жүзеге асуда. Атап айтсақ, Тасбөгет кентіндегі жаңа бейітті қоршау және тегістеу жұмыстары аяқталып, 15 млн. теңгеге кенттегі бірқатар &nbsp;көшелер жөнделді. Сондай-ақ, 10 көше жарықтандырылды. Қазір 16 тұрғын үйдің шатырын жабу және ұзындығы 2,7 шақырым болатын жылу құбырының құрылысы жүргізілуде.&nbsp;<blockquote>- Өткен жылы Сабалақ саяжайы тұрғындарының көптен бері көтеріп келген мәселесі оң шешімін тауып, саяжайға көгілдір газ желісін жүргізу үшін 3 кезеңнен тұратын жоба дайындалды. Жобаның жалпы құны 3 млрд. теңгені құрайды. Бүгінде саяжайдың ішкі газ желілерін тарту жұмыстары жүргізілуде. Сонымен қатар, саяжай тұрғындарының сұранысына сәйкес ауыз сумен қамтамасыз ету мәселесі де өз шешімін тапты. Бұл жобаның құрылысын "Авангард ПГС" ЖШС жоспарға сәйкес қарқынды жүргізуде, - деді кент әкімі Айдын Маратұлы.</blockquote>Кентте кәсіпкерлікті қолдау саласында да оң өзгерістер бар. Кәсіптік бағытқа бет бұрған тұрғындардың саны күн сайын артып келеді. Есепті мерзімде кәсіпкерлік субъектілердің жалпы саны 880-ді құрап отыр. Кәсіпкерлікті қолдау, дамыту бағытындағы түрлі мемлекеттік бағдарламалар аясында 29 тұрғын өз жобаларын сәтті қорғап, 72,7 млн. теңге көлеміндегі қаржылай қолдауға ие болды.

Тасбөгет кентінде жүйелі жұмыс жүргізілуде

<a href="https://kyzylorda-news.kz/">Kyzylorda-news.kz</a> Ағымдағы жылдың алғашқы жартыжылдығында аймағымызда аса қауіпті инфекциялық және паразиттік ауруларға қатысты эпидемиологиялық ахуал тұрақты деңгейде сақталды. Эпидемияға қарсы шаралардың нәтижесінде бірқатар нозологиялар бойынша сырқаттанушылық төмендеген. Бұл туралы бүгін Өңірлік коммуникациялар қызметінің ақпарат алаңында облыстық санитариялық-эпидемиологиялық бақылау департаменті басшысының міндетін атқарушы Әлия Әбдіқайымова мәлімдеді.<blockquote>- 2025 жылдың алғашқы жартыжылдығында Қызылорда облысында аса қауіпті инфекциялық және паразиттік ауруларға қатысты эпидемиологиялық ахуал тұрақты деңгейде сақталуда. Індетке қарсы профилактикалық шаралардың нәтижесінде 60-тан астам нозология бойынша сырқат тіркелмеген. Сонымен қатар, өткен жылдың сәйкес кезеңімен салыстырғанда 20-дан астам ауру түрінің төмендеуі байқалды. Бұл біздің сала мамандарының жүйелі еңбегінің нәтижесі. &nbsp;Вакцинамен басқарылатын инфекцияларға қарсы да кешенді шаралар жүргізілуде. Әсіресе балаларды екпемен қамту деңгейі облыс көлемінде оң нәтиже көрсетіп отыр. Дегенмен кейбір аудандарда көрсеткіштерді арттыру бағытында жұмыстар жалғасуда. Өткен жылдың қазан айынан бастап 11-13 жас аралығындағы қыз балаларға адам папиллома вирусына қарсы вакцинация жүргізілуде. Жарты жылдық қорытындысымен 4 мыңнан астам қыз бала егілді. Бүгінгі күні облыс бойынша 5 мыңнан астам нысан санитариялық-эпидемиологиялық бақылауда тұр. Оның ішінде үш мыңнан астамы - эпидемиологиялық тұрғыдан аса маңызды нысандар. Барлық объектілерде жоспарлы тексерулер мен мониторинг тұрақты жүргізілуде. Сондай-ақ халық үшін санитариялық-эпидемиологиялық сала бойынша мемлекеттік қызметтердің барлығы электронды форматта көрсетіледі. Жыл басынан бері 800-ден астам өтініш түсіп, оның басым бөлігіне рұқсат құжаттары берілді. Алдағы уақытта да басты мақсатымыз - өңір тұрғындарының денсаулығын қорғау және жұқпалы аурулардың алдын алу шараларын күшейту. Бұл бағыттағы жұмыстарымыз жүйелі түрде жалғаса береді, - деді Әлия Мүтәліпқызы.</blockquote>

Қазақстан және Қызылорда облысының жаңалықтары