<a href="https://kyzylorda-news.kz/">Kyzylorda-news.kz</a> &nbsp;Қаржы нарығын реттеу және дамыту агенттігі жеке тұлғаларға банктен қарыз бен шағын несие беру кезінде жұбайлардың келісімін талап ететін шарттарды нақтылайтын қаулы жобасын жариялады, деп хабарлайды &nbsp;<a href="https://qaz.ulysmedia.kz/news/17271-nesie-alu-ushin-zhubaiynyn-kelisimi-kalai-r-simdeledi/">Ulysmedia.kz</a>. «Республикалық бюджет туралы заңмен тиісті қаржы жылға белгіленген мың еселенген айлық есептік көрсеткіш мөлшерінде банктік қарыз немесе микрокредит алуға жұбайының (зайыбының) келісімі қажет болатын тұтынушылық банктік қарыздың немесе тұтынушылық микрокредиттің ең төменгі мөлшері бекітілсін», — деп жазылған қаулы жобасында.Келісім қандай жағдайда қажет?Қазақстандықтар банктен немесе қаржы ұйымдарынан 1000 айлық есептік көрсеткіштен, яғни, 2024 жылы 3 млн 692 мың теңгеден астам шағын несие алар кезде жұбайының келісімі талап етіледі.«Кредит беруші жеке тұлғаға кредит беру туралы шешім қабылдағаннан кейін азаматтық хал актілерінің ақпараттық жүйесі (АХАЖ) арқылы оның жұбайы туралы ақпаратты тексереді не кредиттік бюродан АХАЖ-да бар ақпаратты алады. Жұбайының келісімі АХАЖ-да клиенттің жұбайы туралы ақпарат болған кезде талап етіледі», — делінген құжатта.Келісім қалай рәсімделеді?Несие алушының жұбайы өз келісімін қағаз түрінде де, онлайн тәсілмен де раста алады. Келісім беру құжатында мына деректер көрініс табу керек:келісімнің ресімделген күні; клиент пен жұбайының тегі, аты, әкесінің аты және жеке сәйкестендіру нөмірі; рәсімделетін кредиттің сомасы, мерзімі, сыйақы мөлшерлемесінің көлемі. Қағаз түрінде берілген келісімді нотариус арқылы куәландыру қажет.Электронды келісім беру eGov веб-порталы биометриялық идентификаттау арқылы рәсімделеді.Мұндай келісімді несие алушының жұбайы электрондық цифрлық қолтаңба арқылы 48 сағат ішінде куәландыруы қажет.Фото: freepik.com

Несие алу үшін жұбайының келісімі қалай рәсімделеді?

<a href="https://kyzylorda-news.kz/">Kyzylorda-news.kz</a> Сот әкімшілігі ҚР Жоғарғы Сотының, жергілікті, және басқа да соттардың қызметін ұйымдық-құқықтық, ақпараттық-талдамалық және материалдық техникалық қамтамасыз етуді жүзеге асыратын сот әкімшілігі саласындағы уәкілетті мемлекеттік орган болып есептеледі.&nbsp;ҚР Президентінің 2023 жылғы 19 қаңтардағы №106 жарлығымен Жоғарғы сот жанындағы соттардың қызметін қамтамасыз ету департаменті Сот әкімшілігі болып қайта құрылды. Ал, сот әкімшісінің аумақтық &nbsp;органдары &nbsp;департамент &nbsp;болып өзгертілді. Республиканың барлық &nbsp;облысында сот әкімшілігінің &nbsp;аумақтық бөлімшелері &nbsp;жұмыс істеп жатыр.&nbsp;Қазақстан Республикасының Сот әкімшілігі- Қазақстан Республикасы Жоғарғы Сотының, облыстарда, астанада және республикалық &nbsp;маңызы бар қалаларда аумақтық бөлімшелері &nbsp;бар жергілікті &nbsp;және басқа да соттардың қызметін ұйымдастырушылық-құқықтық, ақпараттық–талдамалық және материалдық техникалық қамтамасыз етуді жүзеге асыратын сот әкімшілігі саласындағы Қазақстан Республикасының &nbsp;уәкілетті мемлекеттік органы болып &nbsp;есептеледі.Сот әкімшілігі өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзгеде нормативтік &nbsp;құқықтық актілеріне, өзге де &nbsp;нормативтік &nbsp;құқықтық актілерге, сондай ақ, осы Ережеге сәйкес &nbsp;жүзеге асырылады.&nbsp;Мұндай тәсіл арқылы толығымен шоғырланатын болады делінген түсіндірмеде. Сот Әкімшілігінің құрылымында Қазақстан Республикасы Жоғарғы Сотының аппараты құрылады.&nbsp; Айта кетсек, Сот әкімшілігінің қызметкерлері жалақы деңгейі, материалдық, қаржылық және әлеуметтік-тұрмыстық қамтамасыз етудің өзге де шарттары бойынша Қазақстан Республикасы &nbsp;Премьер-Министрі Кеңесінің және Қазақстан Республикасы Парламенті Палаталары аппараттарының &nbsp;қызметкерлеріне &nbsp;теңестіріледі.Оның міндеттері: 1. Сот әкімшілігі саласында мемлекеттік саясатты қалыптастыру:2.Сот төрелігін &nbsp;тәуілсіз жүзеге асыру үшін қажетті әрі жеткілікті жағдайлар жасау3.Сот жүйесін және соттардың қызметін жетілдіруге бағытталған жүйелі реформаларды әзірлеуден тұрады.&nbsp; &nbsp; &nbsp; &nbsp; &nbsp;Сот әкімшілігіне басшылықты басшы жүзеге асырады, ол Сот әкімшілігіне &nbsp;жүктелген &nbsp;міндеттердің &nbsp;орындалуы және оның өз өкілеттіктерін жүзеге асыруы үшін дербес жауапты болады.А.Ж. Куншығарова&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Қызылорда қаласының мамандандырылған тергеу сотының сот әкімшісі басшысыФото: Нұрболат Нұржаубай

Сот әкімшілігі: ашықтық айнасы

<a href="https://kyzylorda-news.kz/">Kyzylorda-news.kz</a> &nbsp;Бүгін Үкіметтік емес ұйымдарға арналған сыйлықақы алу үшін, жыл сайын өтетін конкурсқа өтінім қабылдау басталды. Конкурстың мақсаты – ҮЕҰ әлеуетін нығайтуға және қоғамдық пайдалы жобаларды іске асыру үшін, олардың мотивациясын арттыруға бағытталған маңызды институционалдық қолдау көрсету.Сыйлық 16 әлеуметтік маңызды бағыт бойынша беріледі, ал бір салаға арналған сыйлықақы мөлшері 2000 АЕК құрайды.Айта кетейік, соңғы 7 жылда 420 ҮЕҰ қоғамдық мәселелерді шешуге өз үлесін қосып, осы беделді марапатқа ие болды.Қоғам өміріне белсенді араласатын, өз саласында көшбасшы атанған, әлеуметтік мәселелерді шешуге елеулі үлес қосқан және инновациялық идеяларды іске асырған ұйымдар конкурсқа қатысуға өтінім бере алады. Өтінімдерді қабылдау 2024 жылғы 2 қыркүйекте Астана уақыты бойынша сағат 18:30-да аяқталады.Қатысу шарттары туралы толық ақпарат мына сілтеме бойынша қолжетімді: www.gov.kz/memleket/entities/mam/documents/details/685056?lang=kkҚосымша ақпарат алу үшін мына телефондарға хабарласуға болады: +7 (7172) 74-09-97, 74-13-41, 74-02-17.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ҚР Мәдениет және ақпарат министрлігінің баспасөз қызметі

ҮЕҰ-ға арналған сыйлықақы үшін өтінім қабылдау басталды

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаев кезектілік тәртібімен жазылған азаматтарды жеке мәселелері бойынша қабылдады.Қабылдауға келген 12 тұрғынның көтерген мәселелерінің қатарында үй алу, жол, жарықтандыру, жұмысқа орналасу және кәсіп жүргізу бар.Келушілердің ұсыныс-пікірі, өтініші мамандардың жіті назарында болады. Себеп-салдары зерттеліп, шешімі заң талаптары шеңберінде қарастырылады. Кей мәселеге қатысты түсіндірмені мамандар сол жерде берді.Мәселен, баспана алу жайын қозғаған 48 жастағы қала тұрғынына кезегі жақындағаны және үйді жыл аяғында алатыны түсіндірілді. Сондай-ақ, Хангельдин көшесіне электр жарығын жүргізуді сұраған тұрғынға да бұл мәселе жақын арада шешімін табатыны айтылды. Бүгінде көше жарығына бюджеттен тиісті қаржы қарастырылып, қыркүйек айында жүргізіледі деп жоспарлануда.Қабылдауға келген жалғызбасты ана «Бауыр циррозы» диагнозымен есепке алынған 15 жастағы қызына ота жасауға қаржылай көмек сұрады. Жеті жылдан бері іздеген донор табылған, енді емдеу шараларына қомақты қаржы қажет. Аймақ басшысы жауапты тұлғаларға тапсырма беріп, көмек көрсетілетінін айтты.Бүгінгі қабылдауға «Қазақ радиосының үздігі», Шиелі ауданының Құрметті азаматы Қатира Жәленова да келді. Ақын, қаламгер Нұрлыбек Машбекұлына өңірдің руханият саласын өркендетуге қатысты бірқатар ұсыныс айтты. Оның ұсыныс-пікірлері алдағы уақытта зерттеліп, қаралатын болады.Еске салайық, тұрғындар облыс әкімінің қабылдауына&nbsp;egov.kz порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.Фото: Қызылорда облысы әкімінің баспасөз қызметі

Облыс әкімі жеке қабылдау өткізді

<a href="https://kyzylorda-news.kz/">Kyzylorda-news.kz</a> &nbsp;Алматы облысындағы мектеп директоры қызмет бабын пайдаланып сеніп тапсырылған мүлікті ұрлағаны үшін сотталды, - деп хабарлайды <a href="https://massaget.kz/">Massaget.kz</a> тілшісі облыстық соттың баспасөз қызметіне сілтеме жасап.Сотталушы 2022 жылғы тамызда Балқаш ауданындағы мектептердің бірінің директоры бола тұра ұлын осы мекемеге лаборант ретінде жалған жұмысқа орналастырған. Оның әрекеті нәтижесінде мемлекет бюджетіне жалпы сомасы 902 мың теңге материалдық шығын келтірілген.Сотталушы өз кінәсін толық мойындап, жасаған әрекетіне өкінетінін айтты.Сот істің барлық мән-жайын зерделей келе, сотталушыны өзіне айыпталған әрекетті жасағаны үшін кінәлі деп танып, ұрланған мүліктің 10 еселенген сомасында, яғни 9 миллион теңге айыппұл салды, сондай-ақ, мемлекеттік қызметте, жергілікті өзін-өзі басқару органдарында, қаржы ұйымдарында лауазымдарды атқару немесе белгілі бір кәсіптік немесе өзге де қызметпен айналысу құқығынан өмір бойына айыру туралы шешім қабылдады.&nbsp;Сотталған адам айыппұлды үкім заңды күшіне енген күннен бастап үш айдан кешіктірмей төлеуге міндетті. Айыппұл белгіленген мерзімде төленбесе, айыппұл түріндегі жаза бас бостандығынан айырумен ауыстырылады.Фото: Нұрболат Нұржаубай

Мектеп директоры ұлын жұмысқа заңсыз орналастырғаны үшін сотталды

<a href="https://kyzylorda-news.kz/">Kyzylorda-news.kz</a> Үндістанның солтүстігіндегі Уттар-Прадеште нөсер жаңбырдың салдарынан кем дегенде 22 адам көз жұмған, деп хабарлайды El.kzақпарат агенттігі.Үздіксіз жаңбырдан өзендердегі су деңгейі көтеріліп, 12 округіндегі 600-ден астам ауыл су астында қалды.Су тасқыны мың гектардан астам ауылшаруашылық жерін шайып, 800 мыңға жуық адамға зардабын тигізді. Төтенше көмек көрсету топтары мен құтқарушылар 10 мыңнан астам адамды қауіпсіз орындарға ауыстырды.Елдің солтүстік-шығысында орналасқан Ассам штатындағы су тасқынынан басқа, муссондық жаңбыр Үндістанның көптеген штататында батпақты көбейтіп, су тасқынын тудырды.Фото: Нұрболат Нұржаубай

Нөсер жауынның салдарынан 22 адам көз жұмды

<a href="https://kyzylorda-news.kz/">Kyzylorda-news.kz</a> &nbsp;Ұлттық тестілеу орталығы «көпбалалы отбасы» квотасы туралы <a href="https://kaz.inform.kz/news/kopbalali-otbasi-balalari-arnayi-kvotamen-okuga-tuse-aladi-71c4e8/">ақпарат ұсынды</a>.Кәмелетке толмаған төрт және одан көп бала тәрбиелеп отырған отбасынан шыққан балалар квотасы – 5%.Яғни, жалпы мамандыққа бөлінген гранттың 5%-ы осы квотамен беріледі. Мысалы, 2024 жылы «Педагогикалық ғылымдар» бағыты бойынша 13 735 грант бөлінген. Оның ішінде 687 грант немесе 5%-ы көпбалалы отбасынан шыққан балаларға арналған.«Көпбалалы отбасы» квотасы бойынша грант конкурсына қатысу үшін талапкер 18 жасқа толмауы керек.Отбасында кәмелетке толмаған төрт бала, оның ішінде 23 жасқа толмаған күндізгі бөлімде оқитын жоо немесе колледж студенті болуы керек.Мысалы, талапкердің өзі (18 жасқа толмаған) + 1 бала (18 жасқа толмаған) + 1 бала (18 жасқа толмаған) + 1 бала (23 жасқа толмаған күндізгі бөлімде оқитын жоо немесе колледж студенті).Қосымша сұрақтарыңыз болса, жоғары оқу орындарының қабылдау комиссиясына жүгінуге болады. Олардың байланыс нөмірі мына <a href="https://t.me/uto92/2206">сілтемеде</a> жарияланған.Фото: Нұрболат Нұржаубай

Көпбалалы отбасы балалары арнайы квотамен оқуға түсе алады

<a href="https://kyzylorda-news.kz/">Kyzylorda-news.kz</a> &nbsp;Қазақстан премьер-министрі Олжас Бектенов жұмыс сапарымен Алматыға барды, деп хабарлайды <a href="https://el.kz/olzhas-bektenov-almatyny-sumen-qamtamasyz-etetin-rezervtik-zhuye-salu-barysyn-tekserdi_124553/">El.kz </a>ақпарат агенттігі.Сорғы стансасының аумағында Үкімет басшысы мегаполистің жоғарғы аудандарын сумен қамтамасыз етудің резервтік жүйесін салу жұмысының қарқынын тексерді. Жобаның маңызы жер үсті суларына тәуелділікке байланысты. Бұған дейін 2023 жылғы 18 тамызда Алматы қаласын дамыту мәселелері жөніндегі кеңесте селдің көбеюі және өзен суы лайлануының артуына байланысты президент қаланың жоғарғы бөлігіне ауыз су беруді шектемеу үшін аталған мәселені шешуге тапсырма берген болатын. Мәселен, Алматы 6 негізгі көзден: Үлкен және Кіші Алматы, Ақсай, Қарғалы өзендерінен және Алматы мен Талғар кен орындарының жерасты су жинағышы арқылы сумен қамтамасыз етіледі.&nbsp;Қала тұрғындарын сумен тұрақты әрі үздіксіз қамтамасыз ету мақсатында Талғар жерасты су жинағышынан тәулігіне 17 мың м3&nbsp;көлемінде қолданыстағы желілерді қосымша толықтыруға жағдай жасалды. Жоба қуаттылығы 15 мың м3 болатын жаңа 6 ұңғыма салуды және қуаттылықты 60%-ға&nbsp;арттыра отырып, 6 сорғы стансасындағы 14 сорғыны толық ауыстыруды көздейді.&nbsp;Қала әкімінің орынбасары Асқар Әмрин Президенттің резервтік жүйе туралы тапсырмасының орындалғанын баяндады. Мәселен, сумен жабдықтаудың ағымдағы жалпы қуаты тәулігіне&nbsp;1,3 млн м3-ты құрайды, ал қаланың орташа тұтыну нормасы – тәулігіне 700 мың м3.&nbsp;Сонымен қатар премьер-министрге Алматы қаласының барлық тұрғынын орталықтандырылған сумен қамту бойынша жүргізіліп жатқан жұмыс барысы туралы баяндалды. Өткен жылы 117 шақырым су құбыры&nbsp;салынып, 46 шақырымы жаңғыртылды, бұл Алматы тұрғындарының 99,3%-ын&nbsp;орталықтандырылған сумен қамтамасыз етуге мүмкіндік берді. Алатау, Бостандық және Наурызбай аудандарының тұрғындарын сумен қамту мәселесін шешу үшін 4 су жинағыш құрылысы мен жобасы жүргізілуде.&nbsp;Биыл 142 шақырым инженерлік коммуникация салу және 48 шақырым желіні жөндеу&nbsp;жоспарланған. Қабылданған шаралар жыл соңына дейін тұрғындардың 99,6%-ын&nbsp;орталық сумен қамтуға және желілердің тозу деңгейін 53,8%-ға&nbsp;дейін төмендетуге мүмкіндік береді.&nbsp;Үкімет басшысы халықтың ауыз суға қол жеткізуінің маңыздылығын атап өтіп, инженерлік инфрақұрылымды одан әрі жаңғырту жөнінде бірқатар тапсырма берді.<blockquote>Сумен қамту – стратегиялық мәселе. Қаланың тыныс-тіршілігін қамтамасыз ету жүйелерінің жұмыс істеуі – әкімдіктің басты міндеті. Өткен жазда мәселе бар екені байқалды. Сондықтан барлық басталған жобаларды аяқтау маңызды. Әкімдік әзірлеп жатқан Алматы қаласын сумен жабдықтау схемасында тұрғывндарды сумен түрлі баламалы көздерден қамтамасыз ету мүмкіндігі ескерілуі тиіс, — деп атап өтті Олжас Бектенов.</blockquote>Фото: el.kz

Олжас Бектенов Алматыны сумен қамтамасыз ететін резервтік жүйе салу барысын тексерді

<a href="https://kyzylorda-news.kz/">Kyzylorda-news.kz</a> «Қазгидромет» РМК синоптиктері 11-13 шілдеге арналған ауа райы болжамын жасады, деп хабарлайды El.kz ақпарат агенттігі.Синоптиктердің мәліметінше, атмосферадағы синоптикалық жағдайға оңтүстік циклон әсер етеді, ауа райы бұлтты болады деп болжанып отыр. Өткінші жаңбыр жауады.Солтүстік-батыста, оңтүстік-шығыста, 12-13 шілдеде батыста, 13 шілдеде оңтүстікте, орталықта кей уақыттарда қатты жаңбыр жауады. Қазақстан бойынша найзағай ойнап, бұршақ жауады, дауыл тұрады, жел күшейеді деп болжануда.Ауа температурасы күндіз еліміздің батысында +25+30°С дейін, солтүстік-батыста +20+30°С дейін төмендейді, ал республиканың солтүстігі мен шығысында +28+38°С дейін жоғарылайды, қалған аумақта өзгеріс болмайды.Фото: Нұрболат Нұржаубай

«Бұршақ, жаңбыр, дауыл». Алдағы күндері ауа райы қандай болады

<a href="https://kyzylorda-news.kz/">Kyzylorda-news.kz</a> &nbsp;Кеше ҚР Парламенті мәжілісінің депутаттары Мұрат Әбенов пен Мұрат Ергешбаев Арал ауданында болып, Сыр аймағындағы бірқатар жобалармен танысты. Елдің жайылымдық және су шаруашылығы жайын бағамдап, ауданның туристік әлеуетіне қанықты. Аралға табан тіреген өкілетті билік өкілдерін аудан әкімі Аманжол Оңғарбаев қарсы алып, Қамбаш көлінің қазіргі жағдайымен таныстырды.Көптеген демалушылар келіп тоқтайтын Аққұмшық жағажайында мәселеге қаныққан депутаттар, кәсіпкерлермен тілдесіп, жағалаудағы бірқатар түйткілге көңіл аударды. Қамыстыбас демалыс аймағында 26 кәсіпкердің 104 демалыс үйлері жазғы маусымда туристерге қызмет көрсетеді. Жергілікті кәсіпкерлер Қамбаш көлінің жылдағыдан алыстап кеткендігін айтып, көлге келушілерге жол мәселесі де айтарлықтай кедергі келтіретінін жеткізді. Халық қалаулылары жергілікті кәсіпкерлер тарапынан көтерілген мәселелерді назарға алып, биік мінберден ұсыныс айтылатынын жеткізді.Бүгінде ауданда тоған шаруашылығы да қарқынды қолға алынып келеді. Қазірдің өзінде ауданда жалпы саны 10-ның үстінде тоғандар бар. Бұл соңғы үш жылдың нәтижесі. Онда өсіріліп жатқан балық өнімдері уақыт өте теңізге жіберіліп, сол арқылы балық шаруашылығы саласын жандандыру жұмыстары қолға алынуда. Сондай шаруашылықтардың бірі Аманөтел ауылындағы «АРАЛ РЫБТОРГ» ЖШС-ның жобасы. Жоба ағымдағы жылдың маусым айында іске қосылып, тоғанға 7 млн. 700 дана тұқы балықтары жіберілді. Сонымен бірге, алдағы уақытта тоғанның ауданын 25 га дейін ұлғайтып, жылына 15-20 млн. шабаққа арналған инкубациялық цехты орнату жұмыстары басталатын болады. Депутаттар осы шаруашылықтың тоған алқабында болып, жетілген балық шабақтарын көлге жіберу сәтіне куә болды. Сонымен қатар Арал ауданының ауыл шаруашылығы саласының 2022-2024 жылдарға арналған даму жоспарының жол картасымен танысты.Сосын ауыл сыртындағы «Ескі арна» каналына барды. 2023 жылдың қаңтар-наурыз айларында Сырдария өзені арнасымен мол су және сең өту барысында Аспай су ағытқысы жанындағы Ескі арнаның сағасы өздігінен жырылып кеткен болатын. Бүгінде соны қайта бөгеу жұмыстары жүргізіліп жатыр. Депутаттар осы жұмыстарға қанығып, келешек аудан аумағындағы жайылымдық жерлерді суландыру және көлдерді толтыру жұмыстарына оң әсер ететін бастамаларға сәттілік тілеп, Аралда нәтижелі жұмыстардың барына тоқталды.

Парламент мәжілісінің депутаттары Аралда болды

<a href="https://kyzylorda-news.kz/">Kyzylorda-news.kz</a>&nbsp; Облысымызда соңғы жылдары түрлі құрылыс нысандары бой көтеріп, қала келбеті көркейе түскені жасырын емес. Бұған құрыш қолды құрылысшылар қауымының қосқан үлесі орасан. Қаржыландырудың барлық көздері есебінен 330,5 мың шаршы метр тұрғын үй пайдалануға беріліп, өткен жылдың сәйкес кезеңіне 103,7% құрап отыр. Алты ай көлемінде атқарылған ауқымды жұмыстарды облыстық құрылыс, сәулет және қала құрылысы басқармасының басшысы Ерлан Төрәлиев баяндап берді.&nbsp;<blockquote>– Жоспарланған қаржының 100% игерілді. Басқарманың тапсырысымен негізгі 4 күрделі сала бойынша құрылыс жұмыстары жүргізілуде. Олар білім, денсаулық сақтау, спорт және мәдениет салалары. Білім саласында биыл 35 нысанның құрылысы жүргізу жоспарланып, қазіргі таңда 24 нысанның құрылысы қарқынды жүріп жатса, 1 нысан пайдалануға берілді. «Жайлы мектеп» ұлттық жобасы аясында 21 мектеп салу бойынша тиісті жұмыстар жүргізілуде. Өткен жылы 10 мектептің құрылысы басталды, олардың барлығын осы жылы аяқтау жоспарланған. Қалған 11 мектеп биыл басталып, 2025 жылы пайдалануға берілетін болады. Биыл пайдалануға берілетін мектептердің барлығына инфрақұрылым жеткізіген, абаттандыру жұмыстары да жақын күндері басталып, 1 тамызға дейін аяқтау межесі қойылған. Сондай-ақ денсаулық сақтау, мәдениет,спорт салалары бойынша құрылыстар өз жалғасын таппақ,- деді Ерлан Кәрімбекұлы.</blockquote>Фото: Қызылорда облысының Өңірлік коммуникациялар қызметі

Құрылыс саласында жоспарлы іс көп

<a href="https://kyzylorda-news.kz/">Kyzylorda-news.kz</a> Өткен жылы мемлекет басшысынының тапсырмасы аясында жастардың кәсіпкерлік бастамаларын қолдауға жеңілдетілген несие беру бағдарламасы аясында 492 жас кәсіпкер өз кәсіптерін ашқан.Биыл да мемлекет тарапынан 400 адамның жаңа бастамасына қолдау көрсетілмек. Бұл туралы бүгін Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасы басшысының міндетін атқарушы Жанар Дәулетбаева мәлімдеді.<blockquote>– Жұмыспен қамтуды үйлестіру және әлеуметтік бағдарламалар саласында жүйелі жұмыстар атқарылып келеді. Жыл басынан бері 11 883 адам мемлекетпен субсидияланатын жұмыс орындарына, 4 741 адам еңбек биржасы арқылы бос жұмыс орындарына, 1 538 адам ұлттық жобалар арқылы іске асырылып жатқан жаңа жұмыс орындарына тартылды. Ал, 7 22 адам жаңа бизнес-идеяларды іске асыруға берілетін мемлекеттік грантты иеленді. Жалпы, жоспарлы көрсеткіштің орындалуымен өңіріміз республика бойынша алғашқы үштіктің қатарында. Одан бөлек, облыс әкімінің ұсынысына сәйкес биыл «100 игі іс» науқаны аясында Қызылорда және Байқоңыр қалаларына мүгедектігі бар адамдарды тасымалдауға әрқайсысының құны 23,0 млн теңге тұратын арнайы 2 – инватакси көлігі сыйға тартылды. Бұл белгілі бір банктің демеушілігімен берілді. Сондай-ақ, биыл алғаш рет облыс бойынша барлық санаттағы мүгедектігі бар адамдар мен мүгедектігі бар балаларға әрқайсысына 3 айлық есептік көрсеткіш мөлшерінде бір реттік әлеуметтік көмек беруге облыстық бюджеттен қаржы бөлінді. Бұл көмек Қазақстан Республикасындағы Ұлттық мереке – 25 қазан Республика күніне орай төленетін болады, – деді Жанар Жұмабекқызы.</blockquote>Фото: Өңірлік коммуникациялар қызметі

Қазақстан және Қызылорда облысының жаңалықтары