&nbsp;<a href="https://kyzylorda-news.kz/">Kyzylorda-news.kz</a>. Кеше Қызылода облысына Израиль және Польша мемлекеттерінен 75 дана пульсоксиметр құрылғысы, 650 дана Tarsime, Azimycin дәрілік препараттары және 20 дана дезинфекциялық құралдар гуманитарлық көмек ретінде келді.
Сонымен қатар өңірімзге қараша айында Китай, Германия, Сингапур мемлекеттерінен және Шеврон Мунайгаз Инк-2 ЖШС-нен медециналық құрылғылар мен препараттар гуманитарлық көмек облыстық арнайы дәрі-дәрмек қоймасына орналастырылған болатын.
Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің қызметкерлері, «Ақмешіт-Адалдық алаңы» жобалық кеңсесінің мүшелері және қоғам белсенділері келіп түскен гуманитарлық көмектің облыстық арнайы дәрі-дәрмек қоймасына қабылдау барысына қоғамдық бақылау жүргізіп келеді.
Алдағы уақытта осы бағыттағы жұмыстар өз жалғасын табатын болады.

Қызылодаға Израиль мен Польша мемлекеттерінен гуманитарлық көмек  келді

<a href="https://kyzylorda-news.kz/">Kyzylorda-news.kz</a>. Қалалық сайлау комиссиясының қорытынды хаттамасы негізінде, қала әкімінің өкімімен Жылқыбай Айбек Жамалұлы Талсуат ауылдық округінің әкімі қызметіне тағайындалды.
Бүгін қалалық мәслихатта Талсуат ауылдық округі әкімінің сайлауы өткізілді. Сайлауға таңдаушылардың, яғни депутаттардың жалпы санының үштен екісінен астамы қатысып, ұсынылған үміткерлер ішінен Жылқыбай Айбек Жамалұлы басым дауысқа ие болып, кандидатурасы қолдау тапты.
Жаңадан сайланған округ әкімін ауыл тұрғындарымен кездесіп, шаһар басшысы Нұрлыбек Нәлібаев таныстырды. Кездесу барысында осы кезге дейін Талсуат ауылдық округінің әкімі қызметін абыроймен атқарып келген, Нұрлыбаев Болатбек Қалиұлының ел үшін атқарған еселі еңбегіне тоқталып, 2 жылдан аса ауылдың бірқатар мәселелерін оңтайлы шешуге жұмыс жасаған басшының құрметті еңбек демалысқа шыққанын атап өтті.
<img src="https://kyzylorda-news.kz/wp-content/uploads/2020/12/130889935_2728626607404080_2264596999476887148_o.jpg" alt="" />
Айбек Жамалұлы 1979 жылы Қазалы ауданы, Басықара ауылында дүниеге келген. 2002 жылы Қорқыт Ата атындағы Қызылорда мемлекеттік университетін «Экономист-маркетолог» мамандығы бойынша аяқтап, еңбек жолын 2002 жылы «КСИ» жауапкершілігі шектеулі серіктестігінің сауда жөніндегі менеджері қызметінен бастаған. 2005-2011 жылдары Төтенше жағдайлар департаментінің «Жедел құтқару жасағы» мемлекеттік мекемесінде құтқарушы бөлімшесінің командирі, баспасөз хатшысы, 2011-2012 жылдары Қызылорда қаласының жұмыспен қамту орталығының жоғарғы санаттағы маманы, бөлім бастығы, 2012-2016 жылдары «Жұмылдыру жұмыстары және дағдарыс жағдайындағы шұғыл талдау орталығы» коммуналдық мемлекеттік мекемесінде бөлім бастығы қызметтерін атқарған.2016 жылдың шілде айынан бастап осы кезге дейін Қызылорда облысының жұмылдыру дайындығы басқармасының терроризмге қарсы іс-қимыл және арнайы құрылымдарды үйлестіру бөлімінің басшысы қызметін абыроймен атқарып келді.
<img src="https://kyzylorda-news.kz/wp-content/uploads/2020/12/131024923_2728626490737425_6375991961684173169_o-1.jpg" alt="" />
Қала әкімі Айбек Жамалұлының жаңа қызметіне сәттілік тілеп, алдағы уақытта талсуаттықтардың, халық қалаулыларының сенімдерін ақтап, округтің одан әрі өсіп өркендеуіне аянбай еңбек ететіндігіне сенім білдіретінін жеткізді. Ауыл бойынша алда атқарылатын жұмыстарды, әкімдік алдындағы міндеттерді нақтылап, елмен етене жұмыс істеуді тапсырды.
Жаңа әкімді жылы қарсы алған тұрғындар да ауылды дамытуға бағытталған бастамаларды бірлесе атқарып, жақсы істе жұмыла жұмыс жасайтындарын айтты.
<img src="https://kyzylorda-news.kz/wp-content/uploads/2020/12/130789003_2728626577404083_8511647377537339687_o.jpg" alt="" />
<img src="https://kyzylorda-news.kz/wp-content/uploads/2020/12/130269802_2728626530737421_9019904440028340615_o.jpg" alt="" />

Қызылорда қаласына қарасты Талсуат ауылына жаңа әкім тағайындалды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Қазақстан Республикасының Тәуелсіздігі күні мерекесі қарсаңында еліміздің, Сыр өңірінің өркендеуіне аянбай үлес қосып жүрген белсенді әйелдер қауымымен, іскер әйел-аналармен, қыз-келіншектермен «Әйел-қоғам тірегі» атты кездесу өткізді.
<blockquote>
 «Елбасымыздың «Әйелдер Тәуелсіздік жылдарының бәрінде менің ең сенімді тірегім болды» деген сөзі бар. Бүгінде әйелдер қауымы отбасының ұйытқысы болып қана қоймай, Тәуелсіз Қазақстанның дамуына үлес қосып, қоғамдық-саяси, әлеуметтік-экономикалық және рухани-мәдени салада табысты еңбек етіп келеді. Қазақстан Республикасы Парламент Сенатына алғаш рет Ақмарал Әлназарова сайланса, Мәжілісте жерлестеріміз Балайым Кесебаева мен Наталья Жұмаділдаевалар бар. Сонымен бірге, биылғы жылы облыстық басқармалардағы әйел басшылардың саны 1-ден 6-ға көбейді. Ал, аумақтық департаменттердегі бірінші басшылықта 5 әйел отыр. Бұл басқарма, департамент басшыларының 21,5 пайызы. Мұндай басқосулар нәзік жандылардың көкейінде жүрген көп сауалының жауабын табуына, жетістіктерімен бөлісіп, тәжірибе алмасуға мүмкіндік беретіні сөзсіз», – деді облыс әкімі Гүлшара Әбдіқалықова.
</blockquote>
Облыста 812 мыңнан астам тұрғын болса, оның 405 мыңға жуығы әйелдер. Экономикалық белсенді халықтың үлесі 452 мыңнан аса, оның ішінде 217 мыңнан астамы әйелдер болып есептеледі.
Сондай-ақ, медицина қызметкерлерінің 87 пайызы, педагогтардың 73 пайызы әйелдер болса, жалпы бюджеттік сала қызметкерлерінің 60 пайызы нәзік жандылардың үлесінде.Облысымызда 54 157 шағын және орта кәсіпкерлік субъектісі тіркелген болса, оның ішінде шамамен 22 мыңнан астамы әйел кәсіпкерлер.
Сонымен қатар, «Еңбек» мемлекеттік бағдарламасы және «Қызылорда» өңірлік инвестициялық орталығы арқылы 95 кәсіпкер әйелге төмен пайызбен несиелер берілді. Бизнеске көпбалалы аналар да тартылуда. «Еңбек» бағдарламасы бойынша бизнес-идеяларды іске асыруға 602 көпбалалы ана грант алды.
Кездесу барысында облыстың құрметті азаматы, «Ұрпақтан ұрпаққа» қоғамдық бірлестігінің төрайымы Алмагүл Божанова, облыстық әйелдер кеңесінің төрайымы Райкүл Байназарова, «Бойтұмар – Ханым» қоғамдық бірлестігінің төрайымы Рахима Ахметова, облыстық Іскер әйелдер Ассоциациясының төрайымы Манат Алмашева, облыстық Қазақстан халқы Ассамблеясы жанындағы Аналар кеңесінің төрайымы, «Сыр аналары» қоғамдық қорының құрылтайшысы, «Тілдерді оқыту орталығы» МКҚК директоры Нұрсауле Мұсаева, облыстық кәсіпкерлер палатасы жанындағы Іскер әйелдер кеңесі төрайымының орынбасары, «Beauty academy by Dinara Almussayeva» әсемдік мектебінің директоры Динара Алмусаева, «Сәт сервис» ЖШС директоры Роза Иманова, «Казспецстройэкспертиза» ЖШС директоры Гүлзагира Әбдірайымова, «Ас-Ка» ЖШС директоры Дана Махатова, «Қызылорда» оптомаркетінің құрылтайшысы Нейля Жусупова, жеке кәсіпкерлер Ақмарал Алибаева, Гүлдана Бисенова, Жанат Токмеилова, Ұлбазар Әбілда және көпбалалы ана Әсем Баймаханова облыс әкімінің Алғыс хатымен марапатталды.Сондай-ақ, облыс әкімінің Алғыс хаты республикалық Іскер әйелдер Ассоциациясының президенті Раушан Сәрсембаева, Маңғыстау облысының кәсіпкері Юлия Халиева, Ақмола облысының кәсіпкері Раушан Қожанова мен аудандардағы кәсіпкер қыз келіншектеріне табысталды.
Шараға қатысушылар әйелдердің қоғамдық-саяси өмірдегі ролі, отбасы құндылығын насихаттау және жас отбасылардың арасындағы ажырасулардың алдын-алу бағытындағы жұмыстар, көпбалалы аналарға беріліп жатқан қолдаулар, қарапайым заттар экономикасы, аграрлық сектордағы әйелдер бірлестігі және басқа да маңызды мәселелер туралы айтып, пікірлерін білдірді.
Айта кетейік, кездесуде кәсіпкер қыз-келіншектердің өнімдерінен көрме ұйымдастырылды.
<img src="https://kyzylorda-news.kz/wp-content/uploads/2020/12/130705948_2960054004097649_2731549089143456156_o.jpg" alt="" />
<img src="https://kyzylorda-news.kz/wp-content/uploads/2020/12/130273499_2960054330764283_4684677077469121506_o.jpg" alt="" />
<img src="https://kyzylorda-news.kz/wp-content/uploads/2020/12/130763458_2960054574097592_6078635897562997907_o.jpg" alt="" />
<img src="https://kyzylorda-news.kz/wp-content/uploads/2020/12/130936540_2960054987430884_7043727987305767240_o.jpg" alt="" />

Қызылорда: Тәуелсіздік күні қарсаңында бірқатар әйелдер қауымы марапатталды

<a href="https://kyzylorda-news.kz/">Kyzylorda-news.kz</a>.&nbsp; Бүгін аудан әкімі Асылбек Шаменовтың қатысуымен “Қайырымдылық – жүректен” атты қайырымдылық акциясы өткізілді.
Шараның алғашқы сөзін аудан әкімі Асылбек Шаменов алып, елімізде орын алған індет кезінде қолдау көрсетіп, демеушілік жасаған, бүгінгі қайырымдылық акциясына атсалысқан азаматтарға алғысын білдірді.
<blockquote>
 “Елімізде орын алған індет кезінде де ауруханаларға, тұрғындарға дәрі-дәрмек, медициналық аппарат, азық-түлікпен қол ұшын созып, қолдау білдіріп, бастама көтерген азаматтар бар. Бұл – елдің ауызбіршілігі мен ынтымағының белгісі, аудан жұртшылығының кең пейілді мәрттігі мен дархан көңілінің дәлелі. Бүгінгі шараға атсалысқан барша азаматтарға, іскер адамдар мен мемлекеттік, қоғамдық ұйым өкілдеріне, мәрт мінезді аудан жұртшылығына алғыс білдіреміз”-деді Асылбек Өмірбекұлы.
</blockquote>
Шарада аудандық “Иманқұл” мешітінің бас имамы Айбек Мадиев сөз сөйлеп, қайырымдылық жасаудың игі амал екенін айтты.
Қайырымдылық акциясынан 2 млн 305 мың теңге түсті. Бұл қаражатқа 120 отбасыға азық-түлік және қатты отынмен көмек көрсетілетін болады.
Жыл басынан бері ауданда 65 қайырымдылық акциялары ұйымдастырылып, аудандағы қайырымды жандармен 1325 адамға 28 млн 500 мың теңгеге көмек көрсетілді.
<img src="https://kyzylorda-news.kz/wp-content/uploads/2020/12/130777117_1112750409177036_1510087906059225304_o.jpg" alt="" />
<img src="https://kyzylorda-news.kz/wp-content/uploads/2020/12/130906265_1112750769177000_5618309141069087191_o.jpg" alt="" />

Асылбек Шаменов  қайырымдылық акциясына қатысты

<a href="https://kyzylorda-news.kz/">Kyzylorda-news.kz</a>.&nbsp; «Самара-Шымкент» тас жолында Қармақшы ауданының 49 жастағы тұрғынының басқаруындағы жеңіл шетел автокөлігі тоқтатылды. Тексеру кезінде артқы жүк салғыштан 16 калибрлі қос ауызды аңшы мылтығы анықталды. Алынған мылтық ішкі істер органдарында тіркелмеген болып шықты.
Мылтық айғақ зат ретінде алынып, Қызылорда облысы Полиция департаментінің жедел-криминалистикалық бөліміне зерттеуге жіберілді.
Аталған дерек бойынша Қазақстан Республикасы Әкімшілік құқық бұзушылық кодексінің 482 бабымен әкімшілік хаттама рәсімделіп, сотқа жолданады.
<img src="https://kyzylorda-news.kz/wp-content/uploads/2020/12/img-20201209-wa0017.jpg" alt="" />

Қызылордада тіркелмеген қару тасымалдаған аудан тұрғыны анықталды

<a href="https://kyzylorda-news.kz/">Kyzylorda-news.kz</a>. Қызылорда облысында 2021 жылдың 1 қаңтарынан бастап судың тарифі төмендейді. Бұл туралы ҚР Ұлттық экономика министрлігінің Табиғи монополиялардың реттеу комитетінің баспасөз қызметі хабарлады.
Тарифтің қолданылу мерзімі өткен жағдайда, табиғи монополия субъектісі, бекітілген инвестициялық бағдарламаны іске асыруға тартылған қарыздар бойынша негізгі борышты өтеуге бағытталған қаражатты қоспағанда, бекітілген инвестициялық бағдарламаны іске асыруға бағытталған қаражатты (амортизациялық аударымдар мен пайданы) есепке алмастан, уәкілетті орган бекіткен тариф бойынша реттеліп көрсетілетін қызметтерді ұсынады («Табиғи монополиялар туралы» Қазақстан Республикасының Заңының 15-бабы 3-тармағы).
Заңның аталған нормасын басшылыққа ала отырып, Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті Қызылорда облысында қызмет көрсететін «Теміржолсу-Қызыл-Орда» ЖШС-і үшін суды таратушы желілер арқылы беру қызметіне қолданыстағы тарифті 8,2 пайызға немесе қосымша құн салығынсызз 1 текше метрге 282,44 теңгеден 259,35 теңгеге дейін төмендетіп тариф және тарифтік смета бекітті.
Тариф 2021 жылдың 1 қаңтарынан бастап қолданысқа енгізіледі.

Қызылордада келесі жылдан бастап су тарифі төмендейді

<a href="https://kyzylorda-news.kz/">Kyzylorda-news.kz</a>. Қызылорда облысында «Ашық бюджеттер интерактивті картасы» жобасы аясында 698 мекеменің бюджеті арнайы платформаға енгізілді. Бұл туралы Қызылорда облысы бойынша Сыбайлас жемқорлыққа қарсы іс-қимыл департамент басшысының бірінші орынбасары Бақытжан Ниязов мәлімдеді.
Кез келген адам тиісті салаға бөлінген қаржыны көре алады. Жоба іске қосылғаннан бастап денсаулық сақтау және құрылыс салаларына байланысты 3 өтініш және 2 ұсыныс түсті. Барлығына тиісті жауаптар берілді.
<blockquote>
 “Аймақта сыбайлас жемқорлық дерегі біршама азайды. Яғни, өткен жылы 103 қылмыс, ал биыл 63 жағдай тіркелді. Сондай-ақ, арнайы мониторинг топ және «Ақмешіт – адалдық алаңы» жобасы мүшелерінің қатыстырылуымен сыбайлас жемқорлыққа қарсы 14 мониторинг жүргізілді. Нәтижесінде 45 ұсыным берілді. Бұған қоса, «Protecting bussines and investments» аясында инвесторлардың жалпы құны 554,3 млрд теңгені құрайтын 21 инвестициялық жоба қаралды. Жоба аясында кәсіпкерлерден 61 өтініш келіп түсті, оның 33-і қанағаттандырылды, қалған 28-і бойынша тиісті түсініктемелер берілді. Сонымен қатар, салық органдарында тіркеу, мемлекеттік жылжымайтын мүлікті жалға беру бойынша тендерге қатысу және жер мәселелері бойынша 4 кәсіпкерге көмек көрсетілді”, – деді облыс бойынша Сыбайлас жемқорлыққа қарсы іс-қимыл департамент басшысының бірінші орынбасары Бақытжан Ниязов.
</blockquote>
<img src="https://kyzylorda-news.kz/wp-content/uploads/2020/12/130277177_1186202995108544_6262031168762071593_o.jpg" alt="" />

Қызылордада сыбайлас жемқорлық дерегі азайды

**<a href="https://kyzylorda-news.kz/">Kyzylorda-news.kz</a>. Қызылорда облысында автокөлікпен мұз астына түсіп кеткен 4 адамның денесі табылды. Бұл туралы ҚР Төтенше жағдайлар министрлігінің ресми өкілі Талғат Уәли хабарлады. 
**​ 
Кеше Арал ауданы&nbsp;Қамыстыбас ауылынан 35 шақырым жерде Қамбаш көлінде&nbsp;«УАЗ»&nbsp;маркалы автокөлік мұз астына түсіп&nbsp;кетті. Автокөлік салонында 7 адам болған. Оның 3-еуі көліктен өздері шығып үлгерген. Құтқарушылар суға батып кеткен 1985, 1981, 1994, 1973 жылы туған 4 адамды іздестірді. Бірақ түнгі уақытта іздестіру жұмыстары тоқтатылды.
Бүгін таңертең іздеу жұмыстары жалғастырылды. Нәтижесінде 7 метр тереңдікте (мұздың қалыңдығы 25 см) УАЗ автокөлігі табылды. Автокөліктің ішінде қайтыс болған адамдардың денелері бар. Сағат 10.05-те құтқарушылар қаза тапқан 4 адамның мәйітін полиция қызметкерлеріне тапсырды.
Іздестіру жұмыстарына Қызылорда облысы ТЖ департаментінің, Полиция департаментінің, жергілікті атқарушы органдардың күштері мен құралдары және туыстары (27 адам, 7 бірлік техника) жұмылдырылды.​

Қызылордада автокөлікпен мұз астына түсіп кеткен 4 адамның денесі табылды

<a href="https://kyzylorda-news.kz/">Kyzylorda-news.kz</a>. Қызылорда қаласының 23 жастағы тұрғыны қалалық Полиция басқармасына арызданып, онда 2018 жылдың қараша айында өзінің бұрынғы жеңгесі оның жеке куәлігі мен банк карточкасын пайдаланып, микрокредиттік ұйымдар арқылы оның атынан 2 несие ресімдегенін көрсеткен.
Аталған дерек бойынша Қазақстан Республикасының Қылмыстық кодексінің 190-бабының 2-бөлігінің 4-тармағымен (алаяқтық) сотқа дейінгі тергеп-тексеру басталған.
Тергеу барысында басқарманың тергеушісі полиция капитаны Толқын Мұхтарованың кәсіби біліктілігінің арқасында күдікті азаматшаның қылмыстық іс-әрекеті арнайы сот сараптама қорытындыларымен толығымен дәлелденді.
Бұдан бөлек, тергеу барысында күдіктінің аталған қылмыстан бөлек тағы бір алаяқтық қылмыс жасағаны анықталып, аталған қылмыстық істер бір өндіріске біріктірілген. Іс сотқа жолданып, сот процесінде ол өз кінәсін толығымен мойындады. Жәбірленушіге келтірілген шығын толық өндірілді.
Сот үкімімен сотталушы азаматша кінәлі деп танылып, оған 1 жыл 9 ай мерзімге бас бостандығынан шектеу жазасы тағайындалған.

Қызылордада жеңгесі қайын інісінің атынан несие алған

<a href="https://kyzylorda-news.kz/">Kyzylorda-news.kz</a>. Қызылорда облыстық дене шынықтыру жəне спорт басқармасының ұйымдастыруымен “ZOOM” бағдарламасы бойынша онлайн жүйеде футбол фристайлынан Қызылорда облысының жекелей жарысы өтті.
Үшінші мəрте ұйымдастырылған тартысты жарысқа Қызылорда қаласы мен аудандардан 14-15, 16-17 жəне 18 жастан жоғары 30 спортшы қатысты.
Жарыс нəтижесінде 18 жастан жоғары спортшылар арасында қызылордалық Мейіржан Əбішбеков осымен екінші рет жарыстың жеңімпазы болды.
Шиелі ауданынан Мағжан Ізбасар екінші, Жаңақорғаннан Төребек Бəкір үшінші орындарды иеленді. 16-17 жас аралығында шиелілік Бақдаулет Молдақараев 1-орынды, жаңақорғандық Диас Қалкөз 2-орынды, жалағаштық Азиз Махмуд 3-орынды еншіледі. 14-15 жас аралығында сырдариялық Шаттық Меңлібаев чемпион атанса, жаңақорғандық Азат Жанабил – күміс, жалағаштық Диас Сағымбай – қола жүлделерге қол жеткізді.
Жеңімпаздар мен жүлдегерлерге диплом, медальдар берілді.
<img src="https://kyzylorda-news.kz/wp-content/uploads/2020/12/130283573_5468349773191198_2330701857272909986_n-1.jpg" alt="" />
<img src="https://kyzylorda-news.kz/wp-content/uploads/2020/12/130298091_5468350006524508_5875158672693493440_n.jpg" alt="" />
<img src="https://kyzylorda-news.kz/wp-content/uploads/2020/12/130456316_5468350263191149_5272579329999852242_n.jpg" alt="" />
<img src="https://kyzylorda-news.kz/wp-content/uploads/2020/12/130480210_5468350569857785_5236246951229220668_n.jpg" alt="" />

Қызылорда: Футбол фристайлынан жекелей жарыс өтті

&nbsp;<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 729 адамда коронавирус індеті ПТР тесті арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 106
Алматы қаласы – 68
Шымкент қаласы – 4
Ақмола облысы – 60
Ақтөбе облысы – 8
Алматы облысы – 22
Атырау облысы – 34
Шығыс Қазақстан облысы – 95
Жамбыл облысы – 22
Батыс Қазақстан облысы – 34
Қарағанды облысы – 30
Қостанай облысы – 74
Қызылорда облысы – 1
Маңғыстау облысы – 3
Павлодар облысы – 98
Солтүстік Қазақстан облысы – 70
Жалпы ел бойынша ауырғандар саны 138382.

Қызылордада өткен тәулікте коронавирус инфекциясы тіркелді

<a href="https://kyzylorda-news.kz/">Kyzylorda-news.kz</a>. Қазақстан президенті Қасым-Жомарт Тоқаев қайырымдылық пен еріктілер ұйымдарына жеңілдікпен кредит беру мәселесін пысықтауды тапсырды, деп хабарлайды&nbsp;<a href="http://www.akorda.kz/ru/speeches/internal_political_affairs/in_speeches_and_addresses/vystuplenie-glavy-gosudarstva-kasym-zhomarta-tokaeva-na-ceremonii-zakrytiya-goda-volontera">Ақорда</a>.&nbsp;
Министрлер кабинеті қайырымдылық ұйымдарына алғашқы жылдары жеңілдікпен кредит беру жайын қарастырып шығуы тиіс. Соның арқасында жаңадан құрылған қайырымдылық ұйымдары аяққа тұрып, өз қызметін дамыта алады. Бұдан бөлек, мемлекет меншігіне кіретін нысандарды пайдалану жағынан да жеңілдік беру мәселесі пысықталады.
<blockquote>
 “Жеке және заңды тұлғалардың қайырымдылық пен волонтерлік жобаларға қатысуын жанама түрде ынталандыру, соның ішінде мемлекеттік қолдау кезінде басымдық құқығын беру сияқты тиімді тетіктерді енгізу маңызды”, – деп атап көрсетті Тоқаев.&nbsp;
</blockquote>
Президенттің айтуынша, үкімет мемлекет және бизнес тарапынан ондай ұйымдарға қаржылай және қаржылай емес көмекті барынша кеңейтуге қатысты нақты ұсыныстар әзірлеп шығуы тиіс.
Айта кетсек, Волонтер жылын қорытындылау рәсімінде президент “Қайырымдылық қызметі туралы” жаңа заң әзірленіп жатқанын мәлімдеген болатын. Ол осы саладағы олқылықтарды жоюға көмектеседі. Қайырымдылық пен еріктілер ұйымдарына заңды мәртебе беру қарастырылған.

Қазақстан және Қызылорда облысының жаңалықтары

Қызылодаға Израиль мен Польша мемлекеттерінен гуманитарлық көмек келді