Kyzylorda-news.kz. Қазақстанда өткен тәулікте 1485 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 365
Алматы қаласы – 450
Шымкент қаласы – 34
Ақмола облысы – 48
Ақтөбе облысы – 50
Алматы облысы – 105
Атырау облысы – 93
Шығыс Қазақстан облысы – 17
Жамбыл облысы – 15
Батыс Қазақстан облысы – 87
Қарағанды облысы – 85
Қостанай облысы – 39
Қызылорда облысы – 24
Маңғыстау облысы – 10
Павлодар облысы – 35
Солтүстік Қазақстан облысы – 21
Түркістан облысы – 7
Жалпы ел бойынша ауырғандар саны 238785.

Қызылордада 24 адамнан коронавирус инфекциясы анықталды

<a href="https://kyzylorda-news.kz/">Kyzylorda-news.kz</a>. ҚР «Жылжымайтын мүлікке құқықтарды мемлекеттік тіркеу жүргізу тәртібі туралы» Заңның (одан әрі Заң) &nbsp;3-бабына сәйкес, жылжымайтын мүлікке құқықтардың (құқықтар ауыртпалықтарының) туындауы, өзгеруі немесе тоқтатылу, сондай-ақ заңдық талаптар құқықтық кадастрда мемлекеттік тіркеуге жатады.
&nbsp;Тіркеуші орган аталған Заңның 21-бабында көрсетілген жылжымайтын мүлікке қатысты құжаттар тізбесін түгендейді. Бұдан әрі жасалатын мәміленің және жылжымайтын мүлікке құқықтардың (құқықтар ауыртпалықтары) туындауына, өзгеруіне, тоқтатылуына негіз болып табылатын өзге де заңдық фактілердің&nbsp; заңдылығын немесе мемлекеттік тіркеудің өзге де объектілерін тексеруді қоса алғанда, мемлекеттік тіркеуге ұсынылатын құжаттардың қолданыстағы заңнамаға сәйкестігін тексеріледі.
Құқық белгілейтін құжатта жүргізілген мемлекеттік тіркеу туралы жазба жасалып, жүргізілген тіркеу туралы белгісі бар құқық белгілейтін құжатты, не аталған&nbsp; заңда көзделген негіздер бойынша мемлекеттік тіркеуден бас тарту немесе оны тоқтата тұру туралы құжатты шешім қабылдайды.
Тіркеуге тапсырылатын құжаттарға қойылатын талаптарға тоқтала келсек, онда жылжымайтын мүлікке құқықтардың туындауын, тоқтатылуын, ауысуын, шектеуін растайтын құжаттар тиісінше ресімделген түрде қабылданады. Тазартулары бар не қосымша жазулар жазылған, сызып тасталған сөздер мен өзге де ескертілмеген түзетулері бар құжаттар, сондай-ақ қарындашпен орындалған құжаттар қабылданбайды. Құжаттың түпнұсқасы тіркелгеннен кейін құқық иесіне қайтарылады. Өтініш берушінің тілегі бойынша тіркеуші орган тіркеуге табыс етілген құжатта жазба жасау арқылы өтініш берілген күннен бастап үш жұмыс күні ішінде тіркеу жүргізілгенін куәландыруға тиіс.
Ал, құқықтар (құқықтар ауыртпалығы) нотариат тәртібімен куәландырылған мәміле, мұраға құқық туралы куәлік, меншік құқығы туралы куәлік негізінде туындаған, өзгертілген немесе тоқтатылған жағдайларда, электрондық тіркеу жүзеге асырылады.
Электрондық тiркеу нотариус мәмілені куәландырғаннан, мұраға құқық туралы куәлікті немесе меншік құқығы туралы куәлікті бергеннен кейін жүзеге асады. Құқық белгiлейтiн құжаттың электрондық цифрлық қолтаңбамен куәландырылған электрондық көшiрмесiн бiрыңғай нотариаттық ақпараттық жүйе арқылы құқықтық кадастрдың ақпараттық жүйесiне жiбередi.
Осы Заңның 22- бабына сәйкес, ортақ бірлескен меншік құқығының туындау, өзгеруін немесе тоқтатылуын мемлекеттік тіркеген кезде тіркеу туралы өтінішті барлық қатысушылар не олардың біреуі қалған қатысушылардың нотариат тәртібімен куәландырылған келісімін ұсына отырып беруі мүмкін.
Ортақ үлестік меншік құқығының (өзге ортақ құқықтың) туындауын, өзгеруіне, тоқтатылуына мемлекеттік тіркеу кезінде мемлекеттік тіркеу туралы өтінішті барлық қатысушылар (уәкілетті өкілдер) беруі тиіс. Яғни, жылжымайтын мүлік жұбайларға ортақ меншік ретінде құқықтық кадастрге жазба енгізіледі.
Құқық белгілеуші құжаттарды тіркеудің &nbsp;алты ай мерзім уақыты өтіп кеткен жағдайда Қазақстан Республикасының Әкімшілік құқық бұзушылық туралы Кодекстің 460-шы бабына қатысты әкімшілік жауапкершілікке тартылатын.
Алайда, 2021 жылғы 26 қаңтардағы «Қазақстан Республикасының кейбір заңнамалық актілеріне жылжымайтын мүлікке құқықтарды және заңды тұлғаларды мемлекеттік тіркеу мәселелері бойынша өзгерістер мен толықтырулар енгізу туралы» Қазақстан Республикасының Заңына сәйкес алынып тасталды.
Сонымен қатар, құқықтық кадастрді тіркеуші орган жүргізеді және онда жылжымайтын мүлікке қолданылатын және тоқтатылатын құқықтар және тіркеудің өзге де объектілері туралы ақпарат, жылжымайтын мүліктің сәйкестендіру сипаттамалары, құқық иелері туралы мәліметтер, құқықтық кадастрдың мәліметтеріне бар сұрау салулар туралы ақпарат қамтылады.
Янғи, «Жылжымайтын мүлік тіркелімі» дерекқорына енгізілген мәліметтер жойылуға, алынып тасталуға жатпайды және де ақпараттық жүйеде сақталады.
Құқықтық кадастрге енгізілген мәліметтерді «Жылжымайтын мүлік тіркелімі» дерекқорынан алып тастау қылмыстық жауапкершілікке&nbsp; әкеліп соғады.
А.Алибекова,
Қызылорда облысының Әділет
департаментінің бас маманы
<img src="https://kyzylorda-news.kz/wp-content/uploads/2021/04/5fdbc733-bc9f-4973-a641-a20b13544df3.jpg" alt="" />

Жылжымайтын мүлік құқығын тіркеу жолы қандай?

<a href="https://kyzylorda-news.kz/">Kyzylorda-news.kz</a>. Биыл жоғары сынып оқушылары үшін қорытынды емтихан болады. Бұл туралы Орталық коммуникциялар қызметінде өткен IV тоқсандағы оқу форматы туралы брифингіде айтылды, деп хабарлайды <a href="https://www.inform.kz/kz/9-synyp-okushylarynyn-korytyndy-attestaciyasy-kalay-otedi_a3768578">ҚазАқпарат</a>.
<blockquote>
 «Жоғары сынып оқушылары қорытынды емтихан тапсыруға дайындалып жатыр. Бұл – өте маңызды, себебі бұл емтихан арқылы олар орта мектепті бітіргені туралы құжат алады. Қазіргі уақытта ҚР Білім және ғылым министрінің бұйрығы дайындалып жатыр. Биыл қорытынды емтихан болады. 9-сынып оқушылары 3 емтихан тапсырады, олар: оқыту тілі бойынша эссе нысанында жазбаша емтихан, математикадан (алгебрадан) жазбаша емтихан. Сондай-ақ, өзге тілде оқитын сыныптарда қазақ тілі мен әдебиеті бойынша жазбаша емтихан және қазақ тілінде оқытатын сыныпта орыс тілі мен әдебиеті бойынша жазбаша емтихан», – дейді ҚР Білім және ғылым вице-министрі Шолпан Каринова.
</blockquote>
Ол 11-сынып оқушылары 4 емтихан тапсыратынын айтты.
<blockquote>
 «Оқыту тілі бойынша эссе нысанында жазбаша емтихан, алгебра және анализ бастамалары пәнінен жазбаша емтихан, Қазақстан тарихынан тестілеу және өзге тілде оқытатын мектептерде қазақ тілінен және қазақ тілінде оқытатын мектептерде орыс тілінен тестілеу», – дейді ол.
</blockquote>

9-сынып оқушыларының қорытынды аттестациясы қалай өтеді

<a href="https://kyzylorda-news.kz/">Kyzylorda-news.kz</a>. Өткен жылы барлық аудандық емханаларда амбулаториялық оңалту және қалпына келтіру емдеу бөлімдері құрылды.
Мұнда коронавирустық инфекция, пневмония, инфаркт, инсульт, стенттеу, коронарлық артерияны айналып егу, түрлі жарақаттар алған науқастар, сондай-ақ даму ақаулары бар балалар ем қабылдай алады.
<blockquote>
 «Егер науқас ауруханаға жатуды қажет етпесе, алғашқы медициналық көмек көрсетіліп, ол оңалтудың үшінші кезеңіне жіберіледі. Сонымен қатар, амбулаториялық жағдайда оңалту емін алу үшін учаскелік дәрігердің жолдамасы қажет. Анализ тапсырудың қажеті жоқ. Ем алған науқас бір айдан кейін қайта тексерілуі мүмкін екенін атап өтемін. Біздің басты мақсатымыз – науқастардың денсаулығын жақсарту, қимыл-қозғалысты, сөйлеу қабілетін үйлестіру», – дейді Сырдария аудандық ауруханасының амбулаториялық оңалту және қалпына келтіру емдеу бөлімшенің меңгерушісі, кардиолог, реабилитолог Гүлзат Тыныштықбаева.
</blockquote>
Оның айтуынша, әр науқасқа жеке-жеке көңіл бөлінеді.&nbsp; Бөлімшеде невропатолог, кардиолог, травматолог, физиотерапевт, сонымен қатар логопед, массажист, психолог жұмыс істейді.
<blockquote>
 «Әсіресе мүмкіндігі шектеулі балалар мен олардың ата-аналары психологиялық көмекке мұқтаж. Бөлімшеде БЦП диагнозы бар балалар оңалтудан өтеді. Олардың саны Сырдария ауданында 43. МӘМС жүйесінде біздің кішкентай азаматтар оңалту қызметінің барлық түрлерін уақытылы алады. Созылмалы ауруы бар және динамикалық бақылауда тұрған балалар мен жасөспірімдер үшінші кезеңнің медициналық оңалтудан жылына екі-үш рет жүйелі түрде өтеді», – деп атап өтті Гүлзат Тыныштықбаева.
</blockquote>
Тегін медициналық көмектің кепілдік берілген көлемі шеңберінде медициналық оңалту және қалпына келтіру емі туберкулезбен ауыратын науқастарға, сондай-ақ барлық сақтандырылған азаматтарға қолжетімді.

Гүлзат Тыныштықбаева: Медициналық оңалту барлығына қолжетімді

<a href="https://kyzylorda-news.kz/">Kyzylorda-news.kz</a>. Қызылордада кәсіпкерлердің құқығын қорғау кеңесі өңір бизнесінің негізгі мәселелерін атап көрсетті. Бұл туралы Қызылорда облысының кәсіпкерлер палатасы жанындағы Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңес төрағасы Болат Нұрхожаев «Атамекен» ҰКП жанындағы республикалық кеңесте айтты.
Қызылорда облысында бизнес өкілдерінің құқығын қорғау бағытында атқарылған жұмыстар жөнінде есеп берген Болат Нұрхожаев кәсіпкерлерден түскен арыздарға жасалған талдау барысында жиі кездескен проблемаларға қатысты ұсыныстарын да берді.
Облыстық кәсіпкерлердің құқығын қорғау кеңесінің төрағасы ауылда кәсіпкерлікті ашуда мүмкіндігінше бюрократиялық жолдарды алып тастап, жеңілдету қажет деп санайды. Ол үшін мысалын да келтірді.
<blockquote>
 «Мемлекеттік бағдарлама аясында 550 мың теңге грант алған азамат ісін ашу үшін жылжымайтын мүлкінің нысаналы мақсатын өзгертуі қажет, одан бөлек жер телімін сатып алу қажет. Оның құжаттарын әзірлеуге кемі 6 айдан 1 жылға дейін уақыт кетеді. Құжаттарға кететін қаржыны қосыңыз. Басынан бұл мәселе өткен кәсіпкерлер 1 млн.теңгеге дейін шығын кетті деп отыр. Мұндай қадаммен кәсіпкерлікті дамыту қиын. Мәселенің шешімі ретінде жоғарыдағы талаптарды алып тастап, кәсібінің эскиздік жобасын жергілікті әкімдікке хабарлама ретінде беруді ғана ұсынамыз. Ол үшін сәулет-құрылыс, салық және жерге қатысты нормативтік-құқықтық актілерге өзгеріс енгізу қажет», – деді Болат Нұрхожаев.
</blockquote>
Екінші проблема көлеңкелі бизнестің алдын алуға қатысты. Бүгінде кәсіпкерлікте 32 қызмет түрі бойынша патент арқылы жұмыс жасауға болады. Ол үшін айналым қаражаты 12 млн.теңгеден аспауы қажет. Қызылордалық кеңес төрағасы шағын кәсіпкерлік үшін қызмет түрлерін кеңейтіп, айналым қаражатын 20 млн.теңгеге дейін ұлғайтуды ұсынды.
<blockquote>
 «Патент алған кәсіпкер түрлі есептерден арылады. Тапсыратын есептіліктерінің көптігі, әрі қиындығынан көпшілігі кәсібін тіркеп, жұмыс жасауға құлықты бола бермейді. Ал патентпен жұмыс жасағанда еркіндік алып, бюджетке түсетін салықтық түсімдер де артар еді», – дейді Кеңес төрағасы.
</blockquote>
Республикалық кеңес төрағасы Қайырбек Сүлейменов ұсыныстардың орынды әрі маңызды екендігіне тоқталып, шешу жолдарын қарастыратындықтарын жеткізді. Айта кету керек, өткен жылы облыстық кәсіпкерлердің құқығын қорғау кеңесінің 10 отырысы өткізіліп, 19 өзекті мәселе қаралды. Нәтижесінде 13-і оң шешілді. Осылайша бизнес өкілдерінің 948 млн.598 мың теңге қаржысын сақтап қалуға қол жеткізілді. Биылғы жылы кеңестің 2 отырысы өтті.

Қызылордада бизнестің негізгі мәселелері қандай?

<a href="https://kyzylorda-news.kz/">Kyzylorda-news.kz</a>. Шиелі ауданының 50 жастағы тұрғыны 7 дана газет қиындысына оралған есірткіні 30&nbsp;000 теңгеге сату кезінде ұсталды.
Тағайындалған сараптаманың қорытындысына сәйкес ерекше иісі бар өсімдік тәріздес заттар жалпы салмағы 15,74 грамм «кептірілген марихуана» болып шықты.&nbsp;
Сонымен қатар күдіктінің тұрғылықты мекен-жайына тінту тергеу әрекетін жүргізу барысында үйінен 6 дана газет қиындысына оралған және 1 дана сіріңке қорабына салынған өзіне тән ерекше иісі бар өсімдік тәріздес заттар, одан бөлек гаражынан есірткі тұтынуға арналған 2 дана құрылғы табылды.
Күдікті Шиелі аудандық полиция бөлімінің УҰИ-на қамауға алынды. Қазіргі уақытта аталған дерек бойынша Қазақстан Республикасы Қылмыстық кодексінің 297-бабы 1-бөлігімен (есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, оларды жөнелту не өткізу) сотқа дейінгі тергеп-тексеру амалдары жүргізілуде. Оқиғаның мән-жайы анықталуда.

Қызылордада есірткі сатпақ болған тұрғын ұсталды

<a href="https://kyzylorda-news.kz/">Kyzylorda-news.kz</a>. Халықаралық «Жер сағаты» акциясы аясында Қызылордада 27 наурыз күні жергілікті уақытпен сағат 19.30 бен 20.30 аралығында (Нұр-Сұлтан уақыты бойынша 20.30-21.30) тұспа-тұс келіп отыр.
Акцияның негізгі мақсаты – ғаламшар ресурстарына жауапты және ұқыпты қарауға адамдардың назарын аудару. Жыл сайын 180 елде миллиондаған адам жарық пен электр құрылғыларын 1 сағатқа сөндіреді. Олардың арасында Эйфель мұнарасы, Биг Бен, Колизей сияқты мыңдаған сәулет ескерткіші бар.
Қазақстанда «Жер сағаты» акциясы жыл өткен сайын танымал болып келеді. Егер бұрын бұл науқанды тек ірі қалалар қолдаса, соңғы екі жыл қатарынан елдің барлық өңірлері акцияға қосылып жатыр.

Қызылордада ертең уақытша жарық болмайды

<a href="https://kyzylorda-news.kz/">Kyzylorda-news.kz</a>. Арал аудандық пробация есебінде тұратын азаматтар еріктілер қатарына қосылып, аудандағы көмекке зәру азаматтарға қол ұшын беріп келеді.
Есептегі ерікті азамат кезекті қайырымдылық көмегін тұрмысы төмен отбасыға көрсетті. Ерікті отбасыға бірінші кезекте қажетті азық-түліктерін алып берді.
Жақында осы ерікті азамат аудан тұрғыны мүгедек жанның баспанасын жөндеу, үй ішінің әрлеу жұмыстарымен қоса еденін төсеп, үйін шатырлауға қол көмегін көрсетті.
<blockquote>
 «Қайырымдылық жасасаң, қайырын өзің көресің» демекші, қамкөңіл жандарға қол ұшын созу – ол да қайырлы іс. Мен сияқты жаза басып, жаңылған азаматтар арасында көпбалалы, тұрмыс жағдайы төмен отбасылар бар. Осы азаматтарға қолымнан келгенше көмек қолын созуға тырысамын», – деді есептегі азамат.
</blockquote>

Қызылордада есептегі ерікті қайырымдылық жасады

<a href="https://kyzylorda-news.kz/">Kyzylorda-news.kz.</a> Бірінші сынып оқушыларының құжатын қабылдау 1 сәуірде басталып, 1 тамызға дейін жалғасады. Бұл туралы Орталық коммуникциялар қызметінде өткен IV тоқсандағы оқу форматы туралы брифингіде айтылды, деп хабарлайды <a href="https://www.inform.kz/kz/1-sauirden-bastap-birinshi-synypka-kabyldau-elektrondy-formatta-zhurgiziledi_a3768558">ҚазАқпарат.</a>
<blockquote>
 «1 сәуірден бастап барлық қазақстандық мектепте келесі оқу жылына 1-сыныпқа қабылдау үрдісі басталады. Баласын бірінші сыныпқа беруді жоспарлаған ата-аналар құжаттарын өткізе беруіне болады. Бірінші сыныпқа қабылдау электронды форматта жүргізіледі. 1-сыныпқа алты жасар және биыл 6-ға толатын балаларды қабылдайды. 2021-2022 оқу жылы 1-сыныпқа 340 мыңнан аса бала қабылдау жоспарланып отыр», – дейді ҚР Білім және ғылым вице-министрі Шолпан Каринова.
</blockquote>
Оның айтуынша, бірінші сынып оқушыларының құжаттарын қабылдау 1 сәуірде басталып, 1 тамызға дейін жалғасады. Құжаттарды egov.kz арқылы беруге болады.
«Қажетті құжаттар: ата-ана өтініші (немесе оларды алмастыратын тұлғалар), баланың туу туралы куәлігінің көшірмесі, «Бала денсаулығы паспорты» және 3х4 көлеміндегі 2 фото», – дейді ол.

1 сәуірден бастап бірінші сыныпқа қабылдау электронды форматта жүргізіледі

<a href="https://kyzylorda-news.kz/">Kyzylorda-news.kz.</a> Қызылорда облысында арнайы газ инспекциясы құрылып, жұмыс жасауда. Бұл өңірдегі өрт пен газдан туындайтын апатты жағдайлардың алдын алуға көмектесетін негізгі күшке айналмақ. Бұл туралы Өңірлік коммуникациялар қызметінің ақпарат алаңында өткен брифингте облыстық ТЖД Мемлекеттік өрт бақылау басқармасының бастығы Бақтияр Тұрманов мәлімдеді.
<blockquote>
 «Біз осы тілсіз жаудың алдын алу мақсатында бірқатар ауқымды шараларды қолға алдық. Мәселен, бүгінде газ құю станцияларының барлығына рұқсат беретін облыстық өнеркәсіптік қауіпсіздік департаментімен қосылып жұмыс жасап жатырмыз. 19 наурыз күні газ құю станцияларының басышылары және «Қаз Транс Газ Аймақ» қызметкерлерін қатыстырып дөңгелек үстел өткізіп, түсінідірме жұмыстарын жүргіздік. Бұдан бөлек, жылу маусымы басталғалы ТЖД саласының еріктілерін қатыстырып әр аптаның сенбі күні өрт қауіпсіздігін алдын алу мақсатында профилактикалық жұмыстар жүргізіп келеміз», – деді Бақтияр Маханбетжанұлы.
</blockquote>

Бақтияр Тұрманов: Газ тарататын мекемелерге түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a>. Бүгін 26 наурыз – Арал теңізі күні. 2017 жылы облыс әкімдігі мен Халықаралық Аралды құтқару Қорының ұйымдастыруымен өткен тұрақты даму форумында Халықаралық Аралды құтқару Қорының құрылған күнін – «Арал теңізі күні» ретінде атап өту туралы шешім қабылданған болатын.
Теңізді сақтап қалу үшін «САРАТС» жобасының бірінші кезеңінің жүзеге асырылуымен бірге аталған қордың Арал теңізін құтқаруға және өңірдің экологиялық жағдайын жақсартуға бағытталған ауқымды жобалары оң нәтижелерін беруде.
Бүгін айтулы күн аясында «Барсакелмес» мемлекеттік-табиғи қорығының кеңсесінің ауласында ағаш отырғызу шарасы өткізілді.
Аталған шараға аудан әкімінің орынбасары Жәнібек Жұбанов қатысып, «Арал теңізі күнінің» мән-мағынасына тоқталды. Сонымен қатар, ата-бабаларымыздың «Атадан мал қалғанша, тал қалсын», «Бір тал кессең, он тал ек» деген тәмсілдердің тәрбиелік мәні зор екендігін, ағаш отырғызу халқымыздың сауапты істерінің бірі екендігін айтып өтті.
Шара барысында туя ағашы мен жеміс талдарының көшеттері отырғызылды.
Атап өтейік, Ұлыстың Ұлы күні – Наурыз мейрамы қарсаңында «Таза табиғат» республикалық акциясы аясында Арал теңізінің ұлтанына 180 мың түп сексеуіл, аудан бойынша 2000 түп ағаш көшеттері отырғызылған болатын.
<img src="https://kyzylorda-news.kz/wp-content/uploads/2021/03/fb_img_1616748891800.jpg" alt="" />

&#8220;Арал теңізі күні&#8221;: Аралда ағаш көшеттері отырғызылды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова батыр ана, Социалистік Еңбек ері Сәлима Жұмабекованың 85 жылдығына арналған ғылыми-танымдық конференцияға қатысты.
Жиынға ҚР Парламенті Сенатының депутаты Ақмарал Әлназарова, ҚР Ұлттық ғылым академиясының академигі, техника ғылымдарының докторы, профессор Уалихан Бишімбаев, Әл-Фараби атындағы Қазақ ұлттық университетінің профессоры, филология ғылымдарының докторы Фатимабибі Дәулет, ҚР Ұлттық ғылым академиясының академигі, техника ғылымдарының докторы, профессор Қылышбай Бисенов, Қазақстанның Еңбек ері, Қызылорда облыстық күріш өндірушілер және өңдеушілер қауымдастығының Президенті Абзал Ералиев, мемлекет және қоғам қайраткері Рзақұл Нұртаев және еңбек озаттары, ғалымдар мен жазушылар қатысты. Конференцияны облыстық мәслихат хатшысы, тарих ғылымдарының кандидаты Наурызбай Байқадамов жүргізіп, еңбектің шыңын бағындырған Сәлима Жұмабекованың қайраткерлігі мен еңбек жолын қозғады.
Конференцияда облыс әкімі Гүлшара Әбдіқалықова еңбектен бақытын тапқан Сыр елінің батыр анасы Сәлима Жұмабекованың елдің ырыс-несібесін молайтудағы елеулі еңбегін атап өтіп, қарапайымдылықты ту еткен өмірлік ұстанымын сөз етті.
<blockquote>
 “Тағдырдың талай тауқыметіне қазақ әйеліне тән қайсарлықпен, төзімділікпен қарсы тұрған «Ғасырдың Батыр Анасы» талай сынақты басынан өткерді. Сауыншы да, бақташы болды. Алайда, еңбегінің мәнін күріш алқабынан тапты. Бірақ, ең қиыны, өмірлік серігін де күріш алқабында мәңгіге жоғалтты. Ерінің жұмыс кезінде қайғылы қазаға душар болғанына қарамастан, отырып қалмай, бір қолымен сәбиін, бір қолымен Сыр маржанын қорғаштап, ерлермен бірдей иық тірестіре еңбек етті. 
 Ұрпағымен бірге көркейіп, төккен тердің, еткен еңбектің, зейнетін көрді. Ел мен жерге жасаған қалтқысыз еңбегі өзін ұшар биікке көтерді, шексіз алғысқа бөледі. Сөйтіп, халқымыздың мақтан тұтар аяулы аналарының біріне, тіпті бірегейіне айналды”,-деді Гүлшара Әбдіқалықова.
</blockquote>
Конференцияда батыр ананың бейнесі, қайраткерлік жолы, қайраткер әйел бейнесі мен абзал ананың ұрпақ тәрбиесіндегі ұстанымы жан-жақты айтылды. Техника ғылымдарының докторы, профессор Қылышбай Бисенов қайраткер тұлғаның өмірлік жолдағы жанкешті еңбегін сөз етсе, педагогика ғылымдарының докторы, облыстық қоғамдық кеңес төрағасы Бақытжан Сайлыбаев «Ерлікке толы ғұмыр» тақырыбында ой қозғады. Ал, Әл-Фараби атындағы Қазақ ұлттық университетінің профессоры, филология ғылымдарының докторы, Жоғары оқу орнының үздік оқытушысы Фатимабибі Дәулет қазақ фольклорындағы ананы жоқтау өлеңдерінің стильдік ерекшеліктеріне тоқталды.
Конференцияда құрметті қонақтар Уалихан Бишімбаев, Абзал Ералиев, Рзақұл Нұртаев, Нұржан Прмантаев абзал ананың ғибратты ғұмыр жолындғы ерекше естеліктерімен бөлісті.
Айта кетейік, бүгін Сыр анасы Сәлима Жұмабекованың 85 жылдығына орай оның есімін ұрпақ жадында сақтау мақсатында өзі тұрған үйге мемориалдық тақта орнатылып, мұражай-бөлмесі ашылды.
Ел ырысын еселеген Сәлима Жұмабекованың есімі республиканың, облыстың «Алтын кітаптарына» енгізілген. «Социалистік Еңбек Ері», екі мәрте «Ленин», «Құрмет белгісі» ордендерімен, «Ардақты ана» медалімен марапатталған.
2000 жылы «Ғасырдың батыр анасы» құрметті атағы, 2005 жылы 70 жасқа толуына орай «Қармақшы ауданының құрметті азаматы» атағы берілген. Ал, 80 жылдық мерейтойында Ыбырай Жақаев атындағы “Қазақ күріш шаруашылығы ғылыми-зерттеу институы” қатал ауа-райына, қоршаған ортаға төзімді, әрі мол өнім беруге қауқарлы күріштің жаңа сортына «Сәлима» деп атау берілген.
<img src="https://kyzylorda-news.kz/wp-content/uploads/2021/03/fb_img_1616745516281.jpg" alt="" />
<img src="https://kyzylorda-news.kz/wp-content/uploads/2021/03/fb_img_1616745497891.jpg" alt="" />

Қазақстан және Қызылорда облысының жаңалықтары

Қызылордада 24 адамнан коронавирус инфекциясы анықталды

Жылжымайтын мүлік құқығын тіркеу жолы қандай?

9-сынып оқушыларының қорытынды аттестациясы қалай өтеді

Гүлзат Тыныштықбаева: Медициналық оңалту барлығына қолжетімді

Қызылордада бизнестің негізгі мәселелері қандай?

Қызылордада есірткі сатпақ болған тұрғын ұсталды

Қызылордада ертең уақытша жарық болмайды

Қызылордада есептегі ерікті қайырымдылық жасады

1 сәуірден бастап бірінші сыныпқа қабылдау электронды форматта жүргізіледі

Бақтияр Тұрманов: Газ тарататын мекемелерге түсіндірме жұмыстары жүргізілді

“Арал теңізі күні”: Аралда ағаш көшеттері отырғызылды

Ғасыр анасы атанған Сәлима Жұмабекованың 85 жылдығына арналған конференция өткізілді

Қазақстан және Қызылорда облысының жаңалықтары

Қызылордада 24 адамнан коронавирус инфекциясы анықталды

Жылжымайтын мүлік құқығын тіркеу жолы қандай?

9-сынып оқушыларының қорытынды аттестациясы қалай өтеді

Гүлзат Тыныштықбаева: Медициналық оңалту барлығына қолжетімді

Қызылордада бизнестің негізгі мәселелері қандай?

Қызылордада есірткі сатпақ болған тұрғын ұсталды

Қызылордада ертең уақытша жарық болмайды

Қызылордада есептегі ерікті қайырымдылық жасады

1 сәуірден бастап бірінші сыныпқа қабылдау электронды форматта жүргізіледі

Бақтияр Тұрманов: Газ тарататын мекемелерге түсіндірме жұмыстары жүргізілді

&#8220;Арал теңізі күні&#8221;: Аралда ағаш көшеттері отырғызылды

Ғасыр анасы атанған Сәлима Жұмабекованың 85 жылдығына арналған конференция өткізілді

“Арал теңізі күні”: Аралда ағаш көшеттері отырғызылды