Kyzylorda-news.kz. Жеңіс күніне орай өтетін дәстүрлі мерекелік шаралар келесі жылға ауыстырылды. Бұл туралы Мемлекет басшысының баспасөз хатшысы Берік Уәли <a href="https://m.facebook.com/story.php?story_fbid=3809518819171522&id=100003403233694">Facebook</a>-тегі парақшасында хабарлады.
<blockquote>
 «Қазіргі күрделі эпидемиологиялық жағдайға байланысты Жеңіс күніне орай өтетін дәстүрлі мерекелік шараларды келесі жылға ауыстыру туралы шешім қабылданды.
 Президент отандастарымызға арнайы құттықтауын жолдайды. Қазақстанда Ұлы Отан соғысының ардагерлері мен тыл еңбеккерлерінің есімі ерекше құрметтеледі.
 Мемлекет басшысының өкімімен Ұлы Жеңіс күні мерекесіне орай соғыс ардагерлеріне материалдық көмек көрсетілді» делінген хабарламада.
</blockquote>

Жеңіс күніне орай өтетін дәстүрлі мерекелік шаралар келесі жылға ауыстырылды

<h4 id="kyzylordanewskz">Kyzylorda-news.kz. Білім және ғылым министрлігінің аппарат жиналысында вице-министр Шолпан Каринова жазғы мектептердің жұмысына қатысатын мұғалімдерге қосымша қаржы талап етілмейтінін айтты.</h4>
Каринова жазғы мектептерге тартылатын кадрлар мәселесіне тоқталды.
<blockquote>
 Бұл аралықтар (26 мамыр-19 маусым) мұғалімдердің еңбекақысын төлеуге қосымша қаражат талап етілмейді. Себебі мұғалімдердің жазғы уақыттағы 56 күн еңбек демалысының кестесі қайта қаралады, – деді вице-министр.
</blockquote>
Оның сөзінше, мұғалімдердің еңбекақысы осы күнге дейін сақталатын болғандықтан қосымша қаражат талап етілмейді.
<blockquote>
 Барлық мұғалім әр мектеп бойынша жасалған тарификацияға сәйкес өз жүктемесімен жұмыс істей алады. Сонымен қатар ұйымдастырылатын жазғы мектептің жұмысы санитарлық талаптардың қатаң сақталуымен жүзеге асырылады, – деп Каринова түсіндірді.
</blockquote>
Оқыту формалары, түрлері әртүрлі болуы мүмкін.&nbsp;
Біріншіден, қалыпты сабақтар, 40 минут жүргізілетін сабақтар, кесте, қоңырау болады. Әр мектепте тиісті тәртіппен сабақтар ұйымдастырады.
Шолпан Каринова атап өткендей, жұмыстың бірнеше түрі ұсынылады. Бұл – жобалық жұмыс, зерттеулер және басқа да жұмыстар. Сонымен қатар жазғы мектептің жұмысында оқушыларға үй тапсырмасы берілмейді.
<a href="https://baq.kz/news/othernews/zhazgy-mektepte-sabak-beretin-mugalimge-kosymsha-aky-tolene-me/?live=Y">BAQ.KZ</a>

Жазғы мектепте сабақ беретін мұғалімге қосымша ақы төлене ме?

<a href="https://kyzylorda-news.kz/">Kyzylorda-news.kz.</a> Қызылорда облысының Полиция департаментінде 7 мамыр – Отан қорғаушылар күні мен 9 мамыр – Ұлы Жеңіс мерекесі қарсаңында салтанатты іс-шара өтті. &nbsp;Аталған шара барысында&nbsp; қажетті санитарлық талаптар сақталды.&nbsp;&nbsp;&nbsp; &nbsp;
Ұйымдастырылған&nbsp; шара барысында Қазақстан Республикасының Ішкі істер министрі полиция генерал-лейтенанты Е.Тұрғымбаевтың құттықтау хаты оқылды.
<blockquote>
 &nbsp;«Сіздерді 7 мамыр – Отан қорғаушылар күні &nbsp;мен Ұлы Жеңіс Күні мерекелерімен шын жүректен құттықтаймын! Жеңіс күнін жақындатуға үлес қосқан ардақты ардагерлерімізге лайықты құрмет көрсету өскелең ұрпаққа парыз. Қаншама&nbsp;жылдар өтсе де, соғыс жылдарында елі мен жерін, ұрпағының болашағын қорғаған, Отанға бейбіт өмірді тарту еткен, қан майданда от кешкен ержүрек жауынгерлердің ерлігі ұмытылмайды.&nbsp;&nbsp;
 Батырлық пен жанқиярлықтың жарқын үлгісін көрсеткен ардагерлер мен тыл еңбеккерлеріне зор денсаулық, ұзақ ғұмыр тілеймін! Елімізде әрдайым бейбітшілік пен тыныштық болсын!» деген тілегін білдірді Қызылорда облысы Полиция департаментінің бастығы полиция полковнигі Бектөре Жеңісбайұлы.
</blockquote>
Жиын барысында Ішкі істер министрінің бұйрығымен «Құқық тәртібін қамтамасыз етуге қосқан үлесі үшін» медалімен Штаб басқармасының бастығы полиция полковнигі Іздібаев Арғынбай Аралбайұлы, ІІ дәрежелі «Ішкі істер органдарының үздігі» төсбелгісімен Қызылорда облысы ПД Жаңақорған ауданы полиция бөлімі бастығының бірінші орынбасары полиция подполковнигі Жолдасбаев Айбол Тасболатұлы, Анықтау басқармасының аса маңызды істер жөніндегі анықтаушысы полиция майоры Ерназаров Әзілхан Жантурин марапатталды. &nbsp;&nbsp;
Сонымен қатар, мерзімінен бұрын «майор» шенін &nbsp;Криминалды полиция басқармасының аға жедел уәкілі полиция капитаны Мұханов Ғани Сабитұлы алды.
Ішкі істер министрі полиция генерал-лейтенанты Тұрғымбаев Ерлан Заманбекұлының бұйрығымен 10 қызметкер марапатталса, Департамент бастығының бұйрығымен 13 ардагер, сондай-ақ, өз қызметтік міндеттеріне адалдықпен қарап, құқықтық тәртіп пен қауіпсіздікті қамтамасыз етуге ерекше көзге түскен 30-ға жуық қызметкері марапатталды. &nbsp;Бұдан бөлек 30 қызметкердің мерзімінен бұрын тәртіптік жазалары алынды.
<img src="https://kyzylorda-news.kz/wp-content/uploads/2021/05/img_6499-scaled.jpg" alt="" />
<img src="https://kyzylorda-news.kz/wp-content/uploads/2021/05/img_6523-scaled.jpg" alt="" />
<img src="https://kyzylorda-news.kz/wp-content/uploads/2021/05/img_8450-scaled.jpg" alt="" />

Қызылордада ардагерлер мен тәртіп сақшылары марапатталды

<a href="https://kyzylorda-news.kz/">Kyzylorda-news.kz.</a> Ұлы Жеңіс күні Құрманғалиевтер әулеті үшін биыл да ерекше аталып өтпек. Отбасының атасы – майдангер Мәжит Қысырауұлын Жеңістің 76-шы көктемінде бала-шағасы еске алып, аруағына құран бағыштамақ.
Қара шаңырақ иесі Бисенбай жылда әкесінің ерліктерін ұрпақтарына айтып, әлем тарихына таңбадай басылған тарихи деректерді ұл-қыздарына жеткізіп, Ұлы Отан соғысында отан үшін қан төккен қандастарымызды әрқашан құрметтеуге шақырады.
Мәжит Қысырауұлы Орал облысында дүниеге келіп, балалар үйінде тәрбиеленген. Жетім бала ер жетіп келгенде сұрапыл соғыс басталып кеткен еді. Әскери жасқа жеткен ол замандастарымен бірге Отан үшін соғыс аяқталғанға дейін фронтта өз борышын өтеген.&nbsp; &nbsp;&nbsp;&nbsp;
Бисенбай Мәжитұлының айтуынша, жер бетін тып-типыл етуге ұмтылған, аранын ашып, әлемге алақұйын жалын шашып, жан біткенді жалмауға жанталасқан заһарлы зұлмат болып таңбадай басылған екінші дүниежүзілік соғыста әкесі артиллерия, пехотада шайқасып, талай жауды жойған. Отанға деген махаббат, патриоттық сезімнің күштілігі болуы керек, фашистермен бетпе-бет кездесіп, «өлген жерім осы екен…» деген жағдайлар да жиі болып тұрғанын марқұм Мәжит атай еске алу сәттерінде ұлына айтып беріп отырған.
<blockquote>
 «Әкем фронттан 1946 жылы оралған. 1942 жылы оқ жарақатын алып, госпитальға жөнелтілген екен. Сол кезде дерек көздері жоғалып, із-түссіз жоғалғандар қатарына ілігіп кеткен болса керек. Таяуда интернет желісінде ҰОС турлы ақпараттар іздеп отырғанымда, әкемнің атын жоғалып кеткен солдаттар қатарынан таптым»,-дейді ұлы Бисенбай.
</blockquote>
Бірақ, мерген атағын алған солдат өз борышын Будапешт, Вена, Монголияда жалғастырып, сұм ажалдан аман қалған полктастарымен Ұлы Жеңісті тойлап, төсіне орден, медальдар тағып елге қайтқан.
Жеңіске қол жеткізіп, Қазақстанға эшелонмен оралғалы жатқан&nbsp; М.Құрманғалиев Сыр елі стансасынан түсіп қалған екен. Осы мекеннің нан-тұзы бұйырған болуы керек, отбасын құрып, отанасымен бірге төрт баланы дүниеге әкелген. Темір жол саласында талмай еңбек еткен Мәжит Қысырауұлы балаларын темірдей тәртіппен өсірген. Бір ұлы – Бисенбайдың ішкі істер саласына таңдауы түсіп, ұзақ жылдар бойы Қызылора облысы жол полициясында абыройлы қызметін атқарып, зейнеткерлікке шыққан.
Бисенбай Мәжитұлының келіні-Гүлжанат Әлібекова да бүгінде майор шенінде ккімшілік полиция басқармасында қоғамдық қауіпсіздікті сақтау жолында еңбек етуде.
Гүлжанат та полициямен тығыз байланыс орнатқан отбасында туып өскен. Әулеттің ұлы Қайрат учаскелік инспектор, жедел кезекші, штаб қызметінде абыроймен қызмет атқарып, бүгінде бейнеттің зейнетін көріп отыр.
Әлібековтердің немере атасы Мүсілім да соғыс ардагері. Төрт ағайындының бірі Махат аман-есен елге оралса, Қаржаубай бір аяғынан айырылып келген, ал Бишембай Германияға дейін жетіп, із-түссіз жоғалып кеткен. Ұрпақтары Бишембайды Ресей Федерациясына бірнеше рет барып, дерек көздерін іздеген, алайда бұл әрекеттері сәтсіз аяқталған.
Қайрат пен Гүлжанат аталары Мүсілімнің сұрапыл соғыстан офицер шенімен оралып, Қызылорда қаласының әскери бөлімінде ұзақ жылдар бойы қызмет атқарған. Жылдағы үрдіспен Мүсілім қарияның бала-шаға, немерелері аруағын құрметтеп, 9-мамырда үйіне кең дастарқан басында жиналады екен.
<blockquote>
 «Балаларымыздың санасына миллиондаған адамның өмірін қиған екінші дүниежүзілік соғыс туралы, ондағы ұрандап отансүйгіштігімен жүрегімізде қалатын ата-бабаларымыз туралы жеткізіп отыруымыз керек. Ұрпағымыз тарихтан хабардар болып, өз балаларына мұра ретінде жеткізіп отыруын қалаймыз»,-дейді Қайрат Сапарбайұлы.&nbsp;
</blockquote>
Әлемге тараған коронавирустық инфекция салдарынан карантиндік режим жарияланып, барлық бұқаралық шараларға тиым салынған. Сондықтан, Құрманғалиевтер мен Әлібековтер дәстүрлі «Өлмейтін полк» шеруіне шыға алмайтынына қынжылады. Дегенімен, ҰОС ардагерлері рухы үшін тағзым етіп, гүл шоқтарын қойып, сағына еске алатындарын жеткізді.
<img src="https://kyzylorda-news.kz/wp-content/uploads/2021/05/alibekova.jpg" alt="" />

Әке ерлігі – ұрпаққа үлгі

<a href="https://kyzylorda-news.kz/">Kyzylorda-news.kz.</a> Қазақстанның Қорғаныс министрі, генерал-лейтенант Нұрлан Ермекбаев әскери қызметшілер мен ардагерлерге Отан қорғаушы күніне арнап бейнеқұттықтау жолдады.
Биыл Қазақстанның Қарулы Күштеріне 29 жыл толмақ. Осы уақыт ішінде ел әскері мемлекеттің егемендігі мен аумақтық тұтастығының кепілі, сенім артар тірегі болды.
– Сіздердің әскери борышқа берік, антқа адал болу қасиетіңіздің арқасында ел іргесі бүтін, аспаны ашық, халқымыз бейбіт өмір сүруде, – деді министр әріптестері мен қызметтестеріне.
Генерал-лейтенант Нұрлан Ермекбаев Қарулы Күштердің Жоғарғы Бас қолбасшысы Қасым-Жомарт Кемелұлы Тоқаевтың елдің қорғаныс қабілеті мен армияның жауынгерлік қуатын нығайтуға бағытталған тапсырмаларының Тұңғыш Президент салған сара жолмен сабақтастығын атап өтті.
<blockquote>
 – Қазақстан жауынгерлері адамзат тарихындағы ең алапат соғыста 76 жыл бұрын бостандық пен тәуелсіздікті қорғаған ата-бабаларымыздың жауынгерлік дәстүрін абыроймен жалғастыруда, – деді қорғаныс ведомствосының басшысы.
</blockquote>
Нұрлан Ермекбаев Екінші дүниежүзілік соғыстағы ата-бабамыздың ерлікке толы дара жолы өскелең ұрпақ үшін тағылымы мол үлгі-өнеге екенін айтып өтті.
<blockquote>
 -Біздің ортақ міндетіміз – сұрапыл соғыстың болуына жол бермей, еліміздің тыныштығын сақтап, болашақ ұрпаққа бейбіт өмір сыйлау, – деді Қорғаныс министрі Нұрлан Ермекбаев.
</blockquote>
Сөз соңында қорғаныс ведомствосының басшысы қан майдандағы шайқаста Жеңіс туын желбіреткен, тылдағы қажырлы еңбегімен Жеңісті жақындатқан қадірлі ардагерлерді, бейбіт өмірде ел тыныштығын қорғауда тұрған жауынгерлерді құттықтады.
Қорғаныс министрі Нұрлан Ермекбаев баршаға зор денсаулық, әр отбасына амандық, қасиетті Отанымыз – Қазақстанның айбынын асқақтатып, оны қорғау жолындағы абыройлы істе толағай табыс тіледі.

Нұрлан Ермекбаев: Біздің ортақ міндетіміз – болашақ ұрпаққа бейбіт өмір сыйлау

<a href="https://kyzylorda-news.kz/">Kyzylorda-news.kz.</a> Биыл Қадір түнінде мешітте орындалатын діни рәсімдер онлайн режимде өтеді. Бұл туралы Қазақстан мұсылмандары діни басқармасы мәлімдеді.
<blockquote>
 “Еліміздегі және әлемдегі көптеген қоғамдық іс-шара мен жиындар онлайн режимде өтіп жатыр. Оның басты себебі пандемиялық жағдайды одан сайын күрделендірмеу екені белгілі. Өйткені жұқпалы дертпен оқшаулану арқылы ғана күресудің маңызы күн сайын артуда. Қазақстан мұсылмандары діни басқармасы еліміздегі пандемиялық жағдайды ескеріп, қауіпті дерттің таралуын алдын алу үшін қасиетті Қадір түнінде мешітте орындалатын діни рәсімдер онлайн режімде өтетінін хабарлайды”, – делінген діни басқарма таратқан ақпаратта.
</blockquote>
Сондай-ақ дін саласының мамандары Қадір кешін үйде өткізуге шақырды. Халықтың денсаулығы мен өмірі бәрінен қымбат құндылық болғандықтан, осындай уақытша шешімді дұрыс қабылдауларыңызды және тәртіпке бағынуларыңызды сұраймыз, деді басқарма өкілдері.
Осылайша &nbsp;Қадір түнінде отандық телеарналар мен “Халық арна”, “Хикмет ТВ” және muftyat.kz сайтының әлеуметтік желідегі парақшаларында арнайы онлайн бағдарлама көрсетіледі.
“Қасиеті мол қадір түні” онлайн бағдарламасында белгілі ғалымдар уағыз-насихат айтады. Сондай-ақ Құран хатым дұғасына қатысуға мүмкіндік бар.
Сонымен қатар қазақстандықтар діни басқарма жанындағы ақпарат беру орталығынан 8 7172 33 30 30 нөміріне хабараласып, тәулік бойы қызықтырған сауалды қоя алады.

Қазақстан мұсылмандары діни басқармасы Қадір түніне қатысты мәлімдеме жасады

<a href="https://kyzylorda-news.kz/">Kyzylorda-news.kz.</a> Қазгидромет 8 мамырға арналған ауа райы болжамын жариялады.
Қазақстанның басым бөлігінде атмосфералық фронтальды бөліктердің өтуіне байланысты құбылмалы ауа райы сақталады. Кей жерлерде найзағаймен жаңбыр жауады.
Бұрынғыша батыста және солтүстікте антициклон әсерінен жауын-шашынсыз ауа райы сақталады. Республика бойынша кей жерлерде жел күшейеді, оңтүстікте, оңтүстік-шығыста және солтүстік-батыста –дауыл, күтіледі, бұршақ жаууы мүмкін.
Қызылорда облысының кей жерлерінде найзағай күтіледі, күндіз кей жерлерде жел 15-20 м/с күшейеді.

Сенбіге арналған ауа райы болжамы

Kyzylorda-news.kz. Қазақстанда өткен тәулікте 2333 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 530,
Алматы қаласы – 427,
Шымкент қаласы – 56,
Ақтөбе облысы – 93,
Алматы облысы – 364,
Атырау облысы – 189,
Шығыс Қазақстан облысы – 80,
Жамбыл облысы – 31,
Батыс Қазақстан облысы – 112,
Қарағанды облысы – 219,
Қостанай облысы – 9,
Қызылорда облысы – 57,
Маңғыстау облысы – 69,
Павлодар облысы – 50,
Солтүстік Қазақстан облысы – 11,
Түркістан облысы – 36.
Қазақстан бойынша жазылғандар саны – 291829.

Қызылордада 57 адам коронавирус инфекциясынан жазылып шықты

Kyzylorda-news.kz. Қазақстанда өткен тәулікте 2587 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 477
Алматы қаласы – 646
Шымкент қаласы – 115
Ақмола облысы – 135
Ақтөбе облысы – 89
Алматы облысы – 186
Атырау облысы – 82
Шығыс Қазақстан облысы – 94
Жамбыл облысы – 65
Батыс Қазақстан облысы – 142
Қарағанды облысы – 246
Қостанай облысы – 24
Қызылорда облысы – 33
Маңғыстау облысы – 57
Павлодар облысы – 127
Солтүстік Қазақстан облысы – 32
Түркістан облысы – 37
Жалпы ел бойынша ауырғандар саны 340239.

Қызылордада өткен тәулікте қанша адамнан коронавирус анықталды?

<a href="https://kyzylorda-news.kz/">Kyzylorda-news.kz.</a> Қала әкімі Ғанибек Қазантаев Тәуелсіздік даңғылының бойында орналасқан насостық құрылғының жай-күйін көрді. Дария деңгейінің төмендеуіне байланысты бұл жерден аяқ су тарту мүмкін болмай тұр. Салдарынан қала орталығы аяқ судан тапшылық көруде. Жауаптылар жағдайды оңалту мақсатында насосты қайта орналастыру жұмыстарын жүргізуде. Аталған аумаққа барған қала әкімі сала басшыларына жұмысқа қарқын қосуды тапсырды.
Одан әрі Ғанибек Қонысбекұлы Әбілқайыр хан көшесі яғни Қорқыт ата монументінің жанында орналасқан су тарту құрылығысының да жағдайын көрді. «Бұл құрылғының да жұмысын бастауына су деңгейінің төмендеуі кедергі болып тұр. Қосалқы құбыр жалғасақ су тартуға қиындық туғызбайды», – деген қала әкімінің орынбасары Елмұрат Рахматуллаевқа шаһар басшысы мамыр айының 10-на дейін тиісті жұмыстарды жүргізіп, насосты іске қосуды жүктеді.
Сыр Ана монументінің жанынан су тартып, Арай каналына жіберетін насостың да орнын алмастырып, қайта құру жұмыстары жүргізілуде. Сырдағы судың төмендігі насосты бірнеше метр төмен түсіруді қажет еткен. Орын алмастыру жұмыстары 10-мамырда толығымен аяқталатын болады. «Сырдың жағасында тұрып, аяқ судан тапшылық көрмеуіміз керек», – деген шаһар басшысы насосты межелеген уақыттан кешіктірмей қосу керек екендігін баса айтты.
Ал Жібек жолы каналына су айдайтын станция 20-сәуірден бастап жүйелі түрде жұмыс істеп тұр. Н.Назарбаев даңғылының бойында орналасқан қаладағы негізгі арық жүйелерін аяқ сумен қамтитын станцияда 4 насостық құрылғы орнатылған. Оның екеуі үзіліссіз жұмыс істесе, қалған екеуі қосалқы құрылғылар. Қала әкімі бұл аумақтағы насостардың да жұмысымен танысты.
Жалпы қала бойынша ұзындығы 54,6 шақырым арық жүйелері мен 31,3 шақырым болатын 20 канал бар. Каналдар бойына қаланы аяқ сумен қамтуға арналған 13 насос қондырғылары орнатылса, қосымша жасыл желектерді суаруға арналған арнайы 11 дана жер асты ұңғымалары жұмыс істейді.
Аралау барысында шаһар басшысы қаланы аяқ сумен қамту күн тәртібінен түспейтін өзекті мәселе екендігін айтып, мәселенің толыққанды шешімін тауып, түйткілдің түйінін тарқату жолдары әлі де қарастырылатындығын жеткізді.
<img src="https://kyzylorda-news.kz/wp-content/uploads/2021/05/183244119_2828890720711001_6291568313463077546_n.jpg" alt="" />
<img src="https://kyzylorda-news.kz/wp-content/uploads/2021/05/182812361_2828890860710987_7235798089808452386_n.jpg" alt="" />
<img src="https://kyzylorda-news.kz/wp-content/uploads/2021/05/183567143_2828890687377671_4034464373041361833_n.jpg" alt="" />
<img src="https://kyzylorda-news.kz/wp-content/uploads/2021/05/183237198_2828890657377674_2386804338237213350_n.jpg" alt="" />

Ғанибек Қазантаев: Сырдың жағасында тұрып, аяқ судан тапшылық көрмеуіміз керек

*<a href="https://kyzylorda-news.kz/">Kyzylorda-news.kz.</a> Қызылорда облысында 11 Ұлы Отан соғысының ардагері бар.*
Атап айтқанда, Аралда – 1, Қазалыда – 3, Сырдария ауданында – 1, Шиеліде– 1, Қызылорда қаласында – 5. Сондай-ақ, аймақта Ұлы Отан соғысының қатысушылары мен оларға теңестірілген 3756 ардагер бар.
<img src="https://kyzylorda-news.kz/wp-content/uploads/2021/05/fb_img_1620379691479.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379699186.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379713961.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379723973.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379736015.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379748951.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379756312.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379761841.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379766910.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379771680.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379776788.jpg" alt="" />

&#8220;Мың алғыс Сізге, майдангер&#8221;: Қызылорда облысында 11 соғыс ардагері бар (ФОТО)

<a href="https://kyzylorda-news.kz/">Kyzylorda-news.kz.</a> Бангкок қаласында (Тайланд) пара пауэрлифтингтен өтіп жатқан Әлем кубогінде Қазақстан құрама командасы сапында өнер көрсеткен қызылордалық Станислав Шакиев жеңімпаз атанды.
Жарыстың бірінші күнінде 54 келі салмақ дәрежесінде сынға түскен Сыр спортшысы алғашқы алтын медальді жеңіп алды. Токио -2021 Паралимпиада ойындарына лицензия алу үшін Станислав маусым айында Дубай қаласында өтетін халықаралық жарысқа қатысады.
Станислав Шакиев – ҚР халықаралық дәрежедегі спорт шебері, 2 дүркін Қазақстан жеңімпазы, Қызылорда облысының мүгедектерге арналған спорт клубының спортшысы.
Оның бапкерлері облыстың аға жаттықтырушысы Бахытбек Рысбаев және жаттықтырушы Мырзағали Ермаханов.
Жалпы жарысқа 9 елден 60 -тан аса спортшы қатысып жатыр. Қазақстан намысын бес спортшы қорғауда.
Айта кетейік, Әлем кубогі 8 мамырға дейін жалғасады.

Қазақстан және Қызылорда облысының жаңалықтары

Жеңіс күніне орай өтетін дәстүрлі мерекелік шаралар келесі жылға ауыстырылды

Жазғы мектепте сабақ беретін мұғалімге қосымша ақы төлене ме?

Қызылордада ардагерлер мен тәртіп сақшылары марапатталды

Әке ерлігі – ұрпаққа үлгі

Нұрлан Ермекбаев: Біздің ортақ міндетіміз – болашақ ұрпаққа бейбіт өмір сыйлау

Қазақстан мұсылмандары діни басқармасы Қадір түніне қатысты мәлімдеме жасады

Сенбіге арналған ауа райы болжамы

Қызылордада 57 адам коронавирус инфекциясынан жазылып шықты

Қызылордада өткен тәулікте қанша адамнан коронавирус анықталды?

Ғанибек Қазантаев: Сырдың жағасында тұрып, аяқ судан тапшылық көрмеуіміз керек

“Мың алғыс Сізге, майдангер”: Қызылорда облысында 11 соғыс ардагері бар (ФОТО)

Қызылордалық спортшы пара пауэрлифтингтен Әлем кубогінің жеңімпазы атанды

Қазақстан және Қызылорда облысының жаңалықтары

Жеңіс күніне орай өтетін дәстүрлі мерекелік шаралар келесі жылға ауыстырылды

Жазғы мектепте сабақ беретін мұғалімге қосымша ақы төлене ме?

Қызылордада ардагерлер мен тәртіп сақшылары марапатталды

Әке ерлігі – ұрпаққа үлгі

Нұрлан Ермекбаев: Біздің ортақ міндетіміз – болашақ ұрпаққа бейбіт өмір сыйлау

Қазақстан мұсылмандары діни басқармасы Қадір түніне қатысты мәлімдеме жасады

Сенбіге арналған ауа райы болжамы

Қызылордада 57 адам коронавирус инфекциясынан жазылып шықты

Қызылордада өткен тәулікте қанша адамнан коронавирус анықталды?

Ғанибек Қазантаев: Сырдың жағасында тұрып, аяқ судан тапшылық көрмеуіміз керек

&#8220;Мың алғыс Сізге, майдангер&#8221;: Қызылорда облысында 11 соғыс ардагері бар (ФОТО)

Қызылордалық спортшы пара пауэрлифтингтен Әлем кубогінің жеңімпазы атанды

“Мың алғыс Сізге, майдангер”: Қызылорда облысында 11 соғыс ардагері бар (ФОТО)