<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Өңірдегі арнаулы әлеуметтік қызмет көрсету мекемелерінің 524 маманы індетке қарсы екпе алды. Бұл туралы Өңірлік коммуникациялар қызметінің ақпараттық алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов мәлімдеді.
Аймақта жыл басынан бері әлеуметтік қызмет көрсету орталықтарының стационарында 677 азаматқа, күндізгі бөлімшелерде 184 адамға қызмет көрсетілді.
<blockquote>
 «Қазір бізге қарасты медициналық мекеменің үшеуі Талсуат елді мекенінде, бірі Қазалы да, енді бірі қалада орналасқан. Бүгінде бұл мекемелерге облыстық бюджеттен азық-түлік, дәрі-дәрмек, коммуналдық шығындары мен басқа да қажеттіліктеріне толығымен қаржы бөлінген. Сондай-ақ, Covid-2019 пандемиясына байланысты 2-3 айға жететін қажетті дезинфекциялық құрал-жабдықтар қоры да дайын. Оның ішінде, 5 тепловизор, 31701 бетперде, 273 литр антисептик, 258 дана қорғаныш костюм, 12603 дана қолғап, 2710 бахила, 340 бір реттік халат пен 593 термометр бар», – деді Мейрамбек Жақсылықұлы.
</blockquote>
<a href="https://www.facebook.com/photo/?fbid=1268990000163176&set=a.135180260210828&__cft__[0]=AZUepbkG_7SXBJek82cbyZcMLo_SuUXQ-WrEHSoV1XFR7S3hLJ9zqtqSt_ZiHW-L2wEbrRwEk-u315vbp_2QcjRXu4kuoPEcSGtyqgGhEjAcaZ4mTX6beHjk_xv71GIDMR3svhoxKVqYbYNi1FXnXYLlKf40f_FvQN03YVEGottmtw&__tn__=EH-R"></a>

Қызылорда: Әлеуметтік қызмет көрсету орталықтарында 524 адам вакцина салдырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгінде əлемдегі бірнеше ірі мемлекет өршіп бара жатқан инфекцияны болдырмау жолында барын салып жатыр. Біздің елімізде де ахуал айтарлықтай мəз емес. Қазақстан таяуда əлемдік эпидемиологиялық бағалау матрицасы бойынша «қызыл аймаққа» өтті. Қызылорда облысы «сары аймаққа» еніп, індетке ілінгендер көрсеткіші едəуір өсіп тұрғанын, қарым-қатынас арқылы жұқтырған жағдайлар да жиілеп отырғанын біліп отырмыз. Қазіргі таңда коронавирус инфекциясынан сақтанудың ең тиімді жолы – вирусқа қарсы екпені қабылдау.
Қызылорда облыстық перинаталдық орталығында бүгінге дейін &nbsp;257 қызметкер «Спутник-V» екпесін салдырды. Вакцина алған қызметкерлердің жағдайы қалыпты. Жұмыстарын ойдағыдай жалғастырып жатыр.
Сонымен қатар, қазір елімізде жас айырмашылығына қарамай екпе алуға рұқсат етілді. Оларға қатысты медициналық қарсы көрсетілімдерін ескере отырып, егде жас санатындағы адамдарды вакцинациялауға рұқсат беру туралы шешім қабылданды. Өз денсаулығымыз бен жақындарымыздың амандығы үшін мамандардың кеңесіне құлақ түрген абзал.
Жалпыға ортақ сақтық шараларын сақтай отырып, біз бұл індетті жеңеміз деп сенемін. Еліміз аман болып, жұртымыз тыныш болғай.
Сәуле ЖАҚАНОВА,
Облыстық перинаталдық орталығы бас дәрігердің пациенттерді қолдау және медициналық көмектің сапасын бақылау жөніндегі орынбасары

Сәуле Жақанова: Екпе алған қызметкерлердің жағдайы қалыпты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Елімізде жаңбыр және ауа температурасының төмендеуі күтіледі.
Кең антициклонның Қазақстанға әсері аяқталып, Батыс Сібірге қарай ығысады. Осыған байланысты республиканың басым бөлігінде атмосфералық ауа ағындарды өтіп, тұрақсыз ауа райы күтіледі. Кей жерлерде найзағай ойнап, жаңбыр жауады. Аптаның соңында солтүстік өңірлерде температуралық фон төмендейді деп күтілуде. Республика бойынша кей жерлерде тұман түсіп, жел күшейеді, оңтүстікте және оңтүстік-батыста шаңды дауыл күтіледі.

Алдағы үш күнде ауа температурасы төмендейді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Наурыз айында аудандарға ресейлік “Спутник V” вакцинасының алғашқы дозалары жеткізіліп, коронавирус инфекциясына қарсы егу жұмыстары басталған болатын. Вакцинацияның бірінші кезеңінде аралдықтарға 210 доза, қазалылықтарға 300 доза салынды.
<blockquote>
 «Біз ауданға вакцина келе салысымен екпе жұмыстарын бастап кеттік. Наурыз айының 10-15 аралығында шипагер егу кабинетінен 149 медицина қызметкері екпе салдырды. Енді 21 күннен соң тағы 150 дозаны салдыратын болады. Вакцинациялаудан кейін азаматтарға 30 минуттық және 3 күндік бақылау жұмыстарын жүргіздік. Екпеден соң ауырсыну секілді қолайсыз жағдайлар тіркелген жоқ. Бүгінде ауданда вирусқа қарсы дәрі қоры мен қажетті құрал-жабдықтар жеткілікті», – дейді Қазалы ауданаралық ауруханасының бас дәрігері Бақыт Алишева.
</blockquote>
Аудандарда егу жұмыстары алдымен инфекцияны жұқтыру қаупі жоғары адамдарға салынды. Оның ішінде медицина қызметкерлері, инфекциялық ауруханалар, жедел жәрдем, реанимация бөлімшелері, науқастарды қабылдау бөлмесі, алғашқы медициналық-санитарлық көмек қызметінің медицина қызметкерлері, санитарлық-эпидемиологиялық қызмет жұмысшыларына жүргізілді.
<blockquote>
 «Аралда вакциналау жұмыстарын жүргізу үшін «Байтұрсынов» ауылдық емханасында санитарлық-эпидемиялогиялық талаптарға сай егу бөлмелері дайындалды. Сондай-ақ, екпе егуге 4 дәрігер, 4 медбике және 2 медициналық тіркеуші мамандары жұмылдырылды. Қазір екпе салдырған азаматтар біздің дәрігерлердің бақылауында. Енді қалған дозалар алдағы уақытта кезең-кезеңімен жеткізілетін болады», – дейді Арал ауданаралық ауруханасының бас дәрігері Марат Ршымбетов.
</blockquote>

Аралда екпе егу жұмыстары жоспарлы түрде жүргізілуде

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Коронавирустық инфекцияның алдын алу мақсатында Қызылорда облысы бойынша Қылмыстық-атқару жүйесі департаментіне қарасты ЗК-169/5 мекемесіндегі сотталғандар өз еріктерімен «Спутник V» вакцинасын алды.
<blockquote>
 «Қазіргі кезде коронавирустық инфекцияның алдын алу мақсатында салынатын вакцинаны&nbsp; алу әрбір адамның міндеті деп есептеймін. Вакцина салдыруға &nbsp;қуана келістім. Өйткені вакцина салдыру арқылы өзіңді де, өзгелерді де қорғайсың. Ешқандай жанама әсерлер бойымда байқалған жоқ.Қауіпті індетке қарсы&nbsp;вакцина&nbsp;ереже бойынша екі&nbsp;рет&nbsp;салынады екен. Енді екінші вакцинаны 21 күннен кейін салдыртамын»,- деді сотталған азамат.
</blockquote>
Қызылорда облысы бойынша ҚАЖ департаменті бастығының орынбасары әділет подполковнигі Ж.Әбдіқайыров сотталғандарға вакцина алуға өздері өтініш білдіргенін айтты.
<blockquote>
 «Қызылорда облысы бойынша ҚАЖ мекемелеріндегі сотталғандар вакцина алуға өздері өтініш берді. Бұған дейін жазасын өтеушілерге дәрігер мамандар коронавирусты инфекцияның алдын алу барысында вакцинаның маңыздылығы мен вакцинаны егу әдістері және вакцинадан кейінгі күтім мен сақтық шаралары туралы түсіндірме жұмыстарын жүргізген. Соның нәтижесінде, бүгін&nbsp; өз өтініші бойынша&nbsp;60-қа жуық сотталғанға &nbsp;«Спутник V» вакцинасы егілді»,- деді Ж.Әбдіқайыров.&nbsp;&nbsp;
</blockquote>
<img src="https://kyzylorda-news.kz/wp-content/uploads/2021/04/whatsapp-image-2021-04-14-at-08.59.47-1.jpg" alt="" />

Қызылордада жазасын өтеушілер «Спутник V» вакцинасын салдырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облысында Ұлы Жеңістің 76 жылдығына орай «Мың алғыс Сізге, майдангер» хештегімен шаралар шеруі басталады. Бұл туралы Қызылорда облысының әкімі Гүлшара Әбдіқалықова «Facebook» парақшасында жариялады.
Қадірлі жерлестер!
Биыл Ұлы Отан соғысындағы Жеңіске 76 жыл толады. Осы орайда, еліміздің барлық өңірінде ардагерлерге зор сый-құрмет көрсетілетіні белгілі.
Өкінішке қарай, жыл өткен сайын майдангерлеріміздің қатары сиреп барады. Бұрын әр ауыл мен қаладан кеудесіне жарқыратып орден-медалін таққан ардагерлерді жиі көруші едік. Тіпті, екі үйдің бірінде «Бұл үйде Ұлы Отан соғысының ардагері тұрады» деген арнайы тақтайша ілулі тұратын. Отан үшін от кешіп, кеудесін оққа тосқан, санаулы ғана саны қалған ардагерлерімізге қандай құрмет көрсетсек те жарасады.
Осыған байланысты, «NurOtan» партиясы облыстық филиалының бастамасымен Қазақстан Республикасы Тәуелсіздігінің 30 жылдығы мен партияның «Ардагерлерді ардақтайық» жобасы аясында облыс көлемінде «Мың алғыс Сізге, майдангер» атты арнайы хэштегпен ақпараттандырылатын шаралар шеруі басталады.
Мақсаты – ардақты ардагерлерімізге жан-жақты қолдау көрсете отырып, майдангерлердің ерен еңбегі мен өшпес ерлігін кейінгі ұрпаққа насихаттау арқылы бүгінгі бейбіт өмірдің құндылығын, Тәуелсіздігіміздің қадір-қасиетін жастар санасына сіңіру.
Ардагерлерді ардақтау – ұрпақ парызы. Әрбір ардагерге лайықты құрмет көрсетіліп, қамқорлықтан тыс қалмауы тиіс. Бұл бәріміздің ортақ, абыройлы борышымыз деп қабылдап, жерлестерімізді осындай маңызды шараларға үлес қосуға шақырамын.
<img src="https://kyzylorda-news.kz/wp-content/uploads/2021/04/171677260_168432305141140_7168663082574786563_n.jpg" alt="" />

«Мың алғыс Сізге, майдангер»: Қызылордада шаралар шеруі басталады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда енді кез келген азамат өзін ауыл әкім болуға ұсына алады. Бұл&nbsp; «Сайлау туралы» заң жобасында қарастырылған,&nbsp;деп хабарлайды&nbsp;<a href="https://stan.kz/">Stan.kz</a>.&nbsp;
Бұған дейін ел президенті&nbsp;Қасым-Жомарт Тоқаев: «биыл ауыл әкімдерін халық өзі сайлайды, онда барлық партиялардың, соның ішінде парламентке өтпей қалған саяси күштердің де ұсыныстары ескерілді және болашақта да назарымызда ұстаймыз» , – деп мәлімдеген еді.
Мемлекет басшысының тапсырмасы бойынша, ұлттық экономика министрлігі «Сайлау туралы»&nbsp;Заң жобасын таныстырды.&nbsp;
Жоспарға сәйкес, биыл ауыл әкімдерінің сайлауы тамыз бен желтоқсан аралығында өтеді. Жауаптылардың айтуынша, осы аралықта 836 ауылдың әкімін халық сайлауы керек.
Сайлауға саяси партиялар кандидат ұсына алады немесе кез келген азамат өзін-өзі ұсынады. Кандидат 25 жастан асқан, сотталмаған, Қазақстан Республикасының азаматы, жоғары білімді болуы шарт.
Өзін-өзі ұсынған азамат кемі бір жыл мемлекеттік қызметте немесе екі жыл жеке кәсіпорында жетекшілік жұмыс істеуі тиіс. Яғни, ешбір жерде ресми жұмыс істемеген, бірақ ауылының мәселесін жақсы білетін азаматтар сайлауға түсе алмайды. Айтылған талаптарға сай, өзін-өзі ұсынған азамат сайлауға дейін ауыл халқының кемі бір пайызының қолын жинауы керек. Ондай болмаған жағдайда сайлауға қатыса алмайды.
Соынмен бірге үкіметтен қаржы алып отырған қызметкерлер, яғни ауылдың мұғалімдері немесе мектеп директорлары, әскерилер мен полицейлер сайлауға түспейді. Заң жобасына сәйкес, ауылын бес саусақтай білетін, іскер бұрынғы мектептің немесе мәдениет үйінің директорлары да сайлауға қатыспайды.
Заң жобасының дәл осы тұсына біраз заңгерлер мен түрлі ұйымның мүшелері қарсылық білдіріп отыр. Олардың айтуынша, ауылдың әкімі болуы үшін бір жыл мемлекеттік қызметте жұмыс істеудің қажеті жоқ.
<blockquote>
 «Әкім болуы үшін кем дегенде 2 жыл бір ұйымда басшы болуы тиіс делінген. Тіпті мемлекеттік орган да емес. Меніңше бұл дұрыс талап емес. Үміткер ауылдықтардың талабын, қажетін білетін адам болса, сол ауылдың тұрғыны болса оған мұның қажеті қанша? Мұндай талаппен ол үміткер бола алмайды ғой», – деді&nbsp;заң ғылымдарының докторы Сәуле Амандықова.
</blockquote>
Заң бойынша ауданның әкімі де кандидат ұсына алмайды. Сайлау науқаны қырық күнге созылады. Оның 8 күні үгіт-насихат жұмыстарына беріліп отыр.
Биылғы 836 әкімді сайлау үшін ел бюджетінен 4,8 миллард теңге бөлінген. Ал аудан мен облыстың әкімдерін халық 2024 жылы сайлайды. Қазіргі заңнама бойынша облыстың әкімдерін мемлекет басшысы, ал ауданның әкімін облыс әкімі президент әкімшілігінің құптауымен тағайындайды. Енді билік кезең-кезеңмен, 2025 жылға дейін барлық дәрежедегі әкімді халықтың өзі сайлап алуына көшірмек.

Ауыл әкімі болуға кез келген азамат өзін ұсына алады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазақстанда өткен тәулікте 2229 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 465, 
Алматы қаласы – 612, 
Шымкент қаласы – 74, 
Ақмола облысы – 98, 
Ақтөбе облысы – 100, 
Алматы облысы – 226, 
Атырау облысы – 93, 
Шығыс Қазақстан облысы – 25, 
Жамбыл облысы – 36, 
Батыс Қазақстан облысы – 115, 
Қарағанды облысы – 197, 
Қостанай облысы – 29, 
Қызылорда облысы – 32, 
Маңғыстау облысы – 31, 
Павлодар облысы – 41, 
Солтүстік Қазақстан облысы – 33, 
Түркістан облысы – 22.
Жалпы ел бойынша ауырғандар саны 276054.

Қызылордада 32 адам коронавирус жұқтырған

&nbsp;<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазгидромет 14 cәуірге арналған ауа райы болжамын ұсынады.
Республиканың басым бөлігінде әлі де ауқымды антициклон ықпал етуіне байланысты, басым бөлігінде жауын-шашынсыз ауа райы сақталынады.
Тек оңтүстікте және оңтүстік-батысында атмосфералық фронталды бөлімдердің өтуіне байланысты кей жерлерде жаңбыр, найзағай күтіледі. Кей жерлерде тұман, желдің күшеюі, оңтүстікте және оңтүстік-батыста шаңды дауыл соғады.
Қызылорда облысының кей жерлерінде шаңды дауыл күтіледі, түнде кей жерлерде желдің күшеюі, күндіз басым бөлігінде 15-20 м/с болады.

14 сәуірге арналған ауа райы болжамы

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Қорқыт ата атындағы Қызылорда университетінің бас оқу ғимаратында коронавирусқа қарсы «Спутник-V» вакцинасын егу жұмыстары басталды.
Ұжымдық иммунитетті қалыптастыру мақсатында университет қабырғасынан вакцинациялауға арнайы кабинет ашылып, онда алдын-ала залалсыздандыру жұмыстары жүргізілді. Сонымен бірге барлық санитарлық қауіпсіздік шараларын сақтай отырып, оқытушы-профессорлар мен білім алушыларға екпе салынды. Айта кетерлік жайт екпе жұмыстары оқытушылар мен студенттерге ерікті түрде жүргізілді. Алдағы күндері вакцинациялау жұмыстары күнделікті ұйымдастырылады.
<img src="https://kyzylorda-news.kz/wp-content/uploads/2021/04/p1266506-scaled.jpg" alt="" />
Екпені алғашқылардың бірі болып университет ректорының міндетін атқарушы Абайбек Жүнісов алды. Сонымен қатар университеттің әлеуметтік және тәрбие жұмыстары жөніндегі проректоры Жандос Базартай екпе қабылдап, барша азаматтарды вакцина салдыруға шақырды. Екпені қаладағы №6 емхананың қызметкерлері салды. Олар әр екпе салушынының денсаулық жағдайын таразылап, вакцина қабылдауға рұқсат берді. Вакцина егілген қызметкерлердің барлығы дәрігерлердің жіті бақылауында болады
<img src="https://kyzylorda-news.kz/wp-content/uploads/2021/04/p1266319-scaled.jpg" alt="" />
<img src="https://kyzylorda-news.kz/wp-content/uploads/2021/04/p1266519-scaled.jpg" alt="" />
<img src="https://kyzylorda-news.kz/wp-content/uploads/2021/04/p1266407-scaled.jpg" alt="" />

Қорқыт ата атындағы Қызылорда университетінің ұжымы коронавирсқа қарсы вакцина салдырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Гүлшара Әбдіқалықова Қызылорда қаласындағы әлеуметтік нысандарды аралау жұмыстарын бүгін де жалғастырды.
Алдымен аймақ басшысы сол жағалау бойында жаңадан салынып жатқан 14 арендалық тұрғын үйлердің құрылысымен танысты. Жалпы алаңы 40,4 мың шаршы метрді құрайтын тұрғын үйде 780 пәтер бой көтереді. Баспаналарды салуға 8 млрд. 322,6 млн.теңге қаржы бөлінген.
Өңір басшысы пандемия кезеңіне қарамастан тұрғын үйлерді салу тоқтамайтынын айтып, қала әкімі мен мердігер компания басшысына құрылыс жұмыстарын сапалы орындау және уақытылы аяқтау қажеттігін қаперге салды.
<img src="https://kyzylorda-news.kz/wp-content/uploads/2021/04/172798663_3280236798746033_5254912551894252378_n.jpg" alt="" />
Мұнан кейін Гүлшара Әбдіқалықова сол жағалаудағы автономды блокты-модульдік қазандықты көрді. Тұрғын үйлер мен әлеуметтік нысандарды жылу жүйесіне қосатын қазандықты «Ария Жаңа Астана» ЖШС мердігер компаниясы үйлестіреді. Жобаның жалпы құны 2 млрд. 438,5 млн.теңгені құрайды.
Облыс әкімі қала көшелеріндегі абаттандандыру жұмыстарына да мән берді. Ең әуелі Ы.Жахаев пен Әйтеке би көшелеріне барып, көшедегі көркейту бағытында атқарылған жұмысты көрді. Бүгінде көше бойында 250-ге жуық жарық шамдары орнатылып, 3 субұрқақ салынған. Ал, Әйтеке би көшесінде 100-ден аса түнгі жарық шамдары орнатылған. Сондай-ақ, заманауи үлгідегі орындықтар мен қоқыс жәшіктері де қала сәулетіне сән беруде.
<img src="https://kyzylorda-news.kz/wp-content/uploads/2021/04/172758904_3280236198746093_6788700128390607225_n.jpg" alt="" />
Гүлшара Әбдіқалықова келесі бағытты бірнеше шағын өндіріс орындарына бұрды. Алдымен Талсуат ауылдық округіндегі «Сыр маржаны» ет комбинатының құрылыс жұмысымен танысты. Комбинат ауысымына 5 тонна ет өнімдерін өндіруге қауқарлы. Өндіріс орны 250 бас ірі қара малы мен 1000 бас ұсақ мал союға мүмкіндігі бар. Шағын комбинаттағы өнімдердің 70 пайызы ішкі нарыққа, 30 пайызы экспортқа жөнелтіледі. Бүгінгі таңда ет комбинатының құрылысы 30%-ға аяқталған. Қажетті жабдықтар толық алынып болғаннан кейін нысан 2021 жылдың желтоқсан айында пайдалануға беріледі.
Мұнан кейін облыс әкімі Ә.Қашаубаев көшесінің бойында орналасқан шыны зауытына барды. Өндіріс жылына 197 100 тонна табақша шыны шығара алады. Мұнда табақ шыны, энергия үнемдейтін шыны, айна мен ламинатталған шыны өндіреді.
<img src="https://kyzylorda-news.kz/wp-content/uploads/2021/04/173163285_3280234855412894_1777544611133969221_n.jpg" alt="" />
Қазіргі таңда құрылыс алаңында жабдықтау жұмыстарына 91 жұмысшы тартылған. Бүгінде зауыт құрылысы 78%-ға аяқталып отыр. Балқыту ваннасы мен күйдіру пешін монтаждау жұмыстары аяқталғаннан кейін зауыт толықтай іске қосылады. Айту керек, балқыту ваннасы және күйдіру пешін монтаждау үшін 4 ай уақыт және жылы режим жағдайы қажет. Шыны зауытындағы жұмыстарды саралаған облыс әкімі Гүлшара Әбдіқалықова орынбасары Нұрлан Тілешовке жабдықтау жұмыстарын нәтижелі аяқтап, зауыт жұмысын мерзімінде аяқтау қажеттігін тапсырды.
Облыс әкімі қала нысандарын аралау сапарын «Бақытты отбасы» орталығында қорытындылады. Әлеуметтік қызмет көрсету орталығы түрлі санаттағы отбасыларға құқықтық, әлеуметтік, психологиялық көмектер береді. Бұл үшін орталықта 66 маман жұмыс атқарады.
Гүлшара Әбдіқалықова көмекті қажет ететін, өмірде қиындыққа кезіккен отбасы мүшелерін қоғамға бейімдеу мәселесі өзекті екенін жеткізді. Сондай-ақ, көпбалалы, әлеуметтік осал топтағы отбасылардың мемлекеттік қызмет алудағы кейбір қиындықтарды жою және көмек беруде орталық жұмысының маңызды екенін алға тартып, әлеуметтік қызметтерді көрсетудің тиімділігін әлі де арттыруды ұсынды. Яғни мемлекет қолдауымен іске асырылатын жобалар нәтижелі әрі уақытылы аяқталуы қажет деп атап өтті.
<img src="https://kyzylorda-news.kz/wp-content/uploads/2021/04/173079030_3280231415413238_8474758129755069790_n.jpg" alt="" />
<img src="https://kyzylorda-news.kz/wp-content/uploads/2021/04/173869615_3280232785413101_6942899452648877921_n.jpg" alt="" />

Гүлшара Әбдіқалықова: Мемлекет қолдауымен іске асырылатын жобалар нәтижелі әрі уақытылы аяқталуы керек

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Өзі біздің жастық шағымыз Кеңес үкіметінің тұсында өтті ғой. Ол уақытта да ел ішінде түрлі аурулар болды. Сол кезеңдерде әлгі вирустарға қарсы екпе салдырып, талай адам ажалдан аман қалғанын көзімізбен көрдік. Мына жұрттың құтын алған коронавирус инфекциясында жеңудің бірден бір жолы вакцина деп есептеймін.
Қараңызшы, бүгінде әлемді дүрліктірген тәж-тажалмен күресіп келе жатқанымызға бір жылдан асты. Алайда коронавирус қарқынының басылар түрі жоқ. Бүгінге дейін індеттің ілмегіне ілінгендердің саны елімізде 276 мыңнан асты. Ал өңірімізде 4490 науқас тіркелді. Міне, сондықтан вакцина салдыруда, сақтық шараларын жасауда адамдардың ат-тонын ала қашуы дұрыс емес.
Жалпы өз денсаулығына, халықтың, елдің амандығына алаңдаған әрбір адам екпе салдыру қажет. Төтеннен келген ауруға осылай ғана тойтарыс бере аламыз.
Үрмия БЕЙСОВА,
Медицина саласының ардагері

Қазақстан және Қызылорда облысының жаңалықтары