<a href="https://kyzylorda-news.kz/">Kyzylorda-news.kz</a>.&nbsp; Қазақстан Республикасы Бас Прокурорының бұйрығымен Қазиев Мақсат Бейсенбекұлы Қызылорда облысы прокурорының бірінші орынбасары болып тағайындалды.
М.Б.Қазиев 1981 жылы дүниеге келген. Қазақ гуманитарлық заң Университетін «заңгер» мамандығы бойынша тәмамдаған.
Еңбек өтілін құқық қорғау органдарында 2003 жылы Алматы облысы, Жамбыл аудандық сотының маманы қызметінен бастаған.
Прокуратура органдарына 2006 жылы қабылданып, Алматы облысы, Жамбыл аудандық прокурорының көмекшісі, одан әрі Астана қаласы «Алматы» ауданы прокурорының көмекшісі, ҚР Бас Прокуратурасы Қылмыстық қудалау басқармасының прокуроры, Бас көлік прокуратурасының Ақмола көлік прокурорының орынбасары, Қостанай қаласының прокуроры қызметтерін атқарған. 2016 жылдың қазан айынан бастап Қостанай облысы прокурорының орынбасары лауазымын атқарып келген.
Құқық қорғау органдарында 15 жылдан жоғары қызмет өтілі бар, әділет кеңесшісі сыныптық шенінде
<img src="https://kyzylorda-news.kz/wp-content/uploads/2021/06/da63567f-1c9e-4f9e-995c-c248bdd3c93f.jpg" alt="" />

Қызылорда облысы прокурорының бірінші орынбасары тағайындалды

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 2 575 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 193, 
Алматы қаласы – 1122, 
Шымкент қаласы – 151, 
Ақмола облысы – 99, 
Ақтөбе облысы – 80, 
Атырау облысы – 119, 
Шығыс Қазақстан облысы – 149, 
Жамбыл облысы – 25, 
Батыс Қазақстан облысы – 32, 
Қарағанды облысы – 329, 
Қостанай облысы – 29, 
Қызылорда облысы – 45, 
Маңғыстау облысы – 58, 
Павлодар облысы – 62, 
Солтүстік Қазақстан облысы – 42, 
Түркістан облысы – 40.
Қазақстан бойынша жазылғандар саны – 362 018.

Қызылордада 45 адам коронавирустан емделіп шықты

<a href="https://kyzylorda-news.kz/">Kyzylorda-news.kz</a>. ҚР Президенті Әкімшілігінің Басшысы Ерлан Қошановтың бұйрығымен Президент Баспасөз қызметінің Сектор меңгерушісі, белгілі журналист Ержан Байтілес бүгіннен бастап ҚР Мемлекеттік хатшысының Хатшылығы меңгерушісінің орынбасары (саяси қызмет) болып тағайындалды.
Бұл туралы ҚР Президентінің Баспасөз хатшысы Берік Уәли хабарлады.
<blockquote>
 «Ержан Байтілес «Ақ жол Қазақстан», «Алматы ақшамы», «Алты Алаш», «Ана тілі», «Егемен Қазақстан» секілді еліміздің іргелі басылымдарында тілшіліктен бастап журналистиканың барлық сатысынан өткен тәжірибелі қаламгер. Қызылорда қалалық мәслихатының депутаты, «Nur Otan» партиясы Қызылорда облыстық филиалы төрағасының орынбасары ретінде қоғамдық жұмысқа да белсенді араласқан азамат. Осыдан екі жыл бұрын ҚР Президентінің Баспасөз қызметіне арнайы шақырдық. Солайша мемлекеттік қызметтің қыр-сырына үйреніп, үлкен мектептен өтіп, шыңдалды. Енді қанаты қатайып, тәжірибесі толысып тағы бір баспалдаққа көтеріліп жатыр», дейді Берік Уәли әлеуметтік желідегі <a href="https://www.facebook.com/profile.php?id=100003403233694">парақшасында</a>.
</blockquote>

Белгілі журналист Ержан Байтілес жаңа қызметке тағайындалды

<a href="https://kyzylorda-news.kz/">Kyzylorda-news.kz</a>. Қызылорда облысында міндетті әлеуметтік медициналық сақтандыру (бұдан әрі – МӘМС) жүйесінде сақтандырылмаған 142 мыңға жуық азамат бар. Егер 2021 жылдың басында сақтандырылмағандар саны 138&nbsp;788 құраса, ал 01 сәуірдегі мәлімет бойынша бұл санаттағы азаматтар 141&nbsp;986-ға дейін көбейген (3 198 адамға өсті).
Сақтандырылмағандардың басым бөлігі облыс орталығының, Қазалы ауданының және Байқоңыр қаласының тұрғындары. Негізінде біріңғай жиынтық төлем төлеушілері мен әр түрлі мекемеде жұмыс жасайтын жалдамалы жұмысшылар. Бұл туралы Әлеуметтік медициналық сақтандыру қорының облыстық филиалының директорының міндетін атқарушы Жұпар Алхожаева айтты.
<blockquote>
 &nbsp;«Қызылорда облысының 800 мың тұрғынындардың 654 мыңнан астам сақтандыру мәртебесіне ие болған. Бұл аймақ халқының жалпы санының 82,2% құрайды. Осы көрсеткіш бойынша аймақ соңғы орындарда», – деді Жұпар Алхожаева.
</blockquote>
Қор филиалының басшылығы МӘМС жүйесінің бірқатар өзекті мәселелеріне баса назар аударылды: облысымыздағы жоғарғы және орта-арнайы оқу орындарының студенттерін Ғылыми-білім беру деректер базасына (НОБД-Научно-образовательная база данных) толық енгізуін қамтамасыз ету және шетелде оқитын студенттер үшін Электронды үкімет порталы арқылы&nbsp; тіркелу үшін мемлекеттік қызмет түрін пайдалану; кәсіпкерлік субъектілерге МӘМС жарналарының төлеу міндеттілігі туралы жазбаша ескерту. Оның ішінде табысын 0 деп көрсететін кәсіпкерлерге қатысты түсіндірме жұмыстарын дұрыс және толық өткізіп отыратын аймақтық кірістер департаментінің құзыретіндегі мәселе деп санай отырып, оларға жұмыс берушілер мен жұмысшыларға МӘМС жарналары мен төлемдерін уақытылы төлеу және жұмысшылардың еңбек демалысына немесе науқастануына байланысты еңбекке жарамсыздық парағына шыққан уақыттарында жарналарды дұрыс есептеу мәселелері бойынша мекеме басшыларымен, есеп бөлімінің қызметкерлерімен тиісті жұмыстар жүргізуді.
Сонымен қатар, Қор филиалы директорының міндетін атқарушының айтуынша, өңірдің 7 мыңнан астам тұрғыны емханаларға тіркелмеген. Бұдан басқа, медицина қызметкерлерінің біліктілік деңгейі нашар. Мәселен, өңірдегі медицина қызметкерлерінің «Құпия пациент»бағдарламасы бойынша МӘМС жүйесі туралы білім деңгейі орташадан сәл жоғары, 65% – ды құрайды.
Облысымызда әр бір медицина ұйымдарында «бестіктер» құрылып, яғни бес маман бекітіліп, осы мамандар МӘМС жайлы 100% біле отырып, өздері каскад әдісімен ары қарай мекеменің барлық қызметкерлерін тұрақты оқыту үстінде.
Әлеуметтік медициналық сақтандыру қоры халықпен кері байланыс жүйесін жолға қойған.
<blockquote>
 «Қор&nbsp; тарапынан пайда болған 1406 call орталығы мен «Qoldau – 24/7»&nbsp; мобилді қосымшасы арқылы облыс бойынша 2020 жылы 169 шағым түссе, жыл басынан бері 45 арыз-шағым түсті. Басым бөлігі №1 емхана, №3 емхана, Шиелі ауданаралық ауруханасының жұмысына қатысты. Азаматтардың барлық өтініштері уақытында қанағаттандырылып шешілді», – деді Жұпар Алхожаева.
</blockquote>
МӘМС жүйесіндегі ең тиімді көмекшілердің бірі «Qoldau – 24/7» мобильді қосымшасы. Осы бірегей платформаның көмегімен тұрғындар уақытша сақтандыру мәртебесін (азаматтардың 15 жеңілдік санаты үшін) ала алады, өздерінің сақтандыру мәртебесін тексере алады, МӘМС – ғы төлемдер мөлшерін біле алады, медициналық қызметтердің сапасын бағалайды, коронавирус, COVID-19 қарсы вакцинация, тегін медициналық көмектің кепілдік берілген көлемі мен МӘМС пакеттері туралы өзекті сұрақтарға жауап таба алады.
Ақпараттық-түсіндіру жұмыстарын күшейту мақсатында Қор филиалы жергілікті әкімшіліктің, медицина саласының, жұмыспен қамтуды үйлестіру және әлеуметтік саланың қызметкерлерін, жергілікті учаскелік полиция қызметкерін, жергілікті белсенділер мен сыйлы азаматтарды тарта отырып, «МӘМС жүйесіне тарту» жұмысшы тобын құру туралы бастама көтерді.
<img src="https://kyzylorda-news.kz/wp-content/uploads/2021/06/whatsapp-image-2021-06-02-at-17.54.03.jpeg" alt="" />

Қызылорда облысында сақтандырылмаған азаматтардың саны өсуде

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықова Қызылорда қаласының сол жағалауын дамыту жобасын жүзеге асыру бойынша облыстық штабтың алғашқы отырысын өткізді.
Жиынға облыс әкімінің орынбасарлары, қала әкімі және басқарма басшылары мен салалық мекеме басшылары қатысты.
Аймақ басшысы перспективалық жобаның маңыздылығын ескере келе, осы кезге дейін сол жағалауда іске асқан жұмыстарды саралап өтіп, алдағы кезеңде атқарылуға тиіс міндеттерді айқындап берді.
Сырдария өзенінің сол жағалауын дамыту жобасы 2017 жылдан бастап жүзеге асып келеді. Осыған дейін жеке инвесторлардың қаражаты мен мемлекет бюджеті есебінен 53 көпқабатты тұрғын үй, бірқатар әлеуметтік нысандар, көше-жол торабы, сыртқы және ішкі инженерлік инфрақұрылымдар, екі көпірдің құрылысы жүргізіліп, пайдалануға берілген. Ал, алдағы кезеңде бірқатар әлеуметтік нысандар мен 9-12 көпқабатты тұрғын үйдің құрылыстарын жүргізу көзделіп отыр.
Жиында облыстық құрылыс, сәулет және қала құрылысы басқармасының басшысы Бердияр Пірімбетов соңғы 4 жылда орындалған жұмыстарды тізбелеп, сол жағалаудан бой көтеретін жаңа нысандардың негізгі ерекшеліктеріне тоқталды.
Биыл республикалық бюджет есебінен 590 пәтерді құрайтын 12 арендалық тұрғын үй пайдалануға беру көзделген. Бұл үшін тұрғын үйлер мен инженерлік желілерінің және абаттандыру жұмыстарына қаржы толығымен қаралған. Мұнан бөлек, алдағы уақытта 9 және 12 қабатты тұрғын үйлердің құрылысын салу жоспарда бар.
Алдағы жылы сол жағалаудан көгалдағы хоккей, физика-математикалық бағыттағы жаңа мектеп, көпсалалы аурухана, облыстық қан орталығы, әкімшілік ғимараттар салынбақ. Сонымен бірге салтанат сарайы мен әлеуметтік базардың құрылысын салу көзделіп отыр.
Сол жағалаудан бой көтеретін жаңа “Гүл бульварлары” жобасы да қала көркіне сән қосады. Мұнда әртүрлі сәулет фигуралары, жасыл желектер мен гүл композицияларын отырғызу, балалар және ойын алаңдарын, субұрқақтар мен су айдындары қамтылады.
Отырыста облыс әкімі сол жағалауда жоспарланған әрбір нысанның инженерлік инфрақұрылыммен толықтай қамтамасыз етілуі және жол сапасын қадағалауға жете мән беру керектігін қаперге салып, сала басшыларына бірнеше тапсырмалар жүктеді.Штаб отырысын қорытындылаған облыс әкімі Гүлшара Әбдіқалықова сол жағалаудағы әрбір нысанның құрылысы, инженерлік-инфрақұрылымы, абаттандырылуы облыстық штабпен жан-жақты талқыланып, келісілуі қажеттігін баса айтты. Сондай-ақ, қала әкімі Ғанибек Қазантаевқа «Гүл бульвары» құрылысының жоба-сметалық құжаттамаларын жыл соңына дейін әзірлеп, құрылысын бастауды қамтамасыз етуді тапсырды. Ал, облыстық құрылыс, сәулет және қала құрылысы басқармасының басшысы Бердияр Пірімбетовке құрылыс нысандарына мониторинг жүрігізіп, бақылауға алып, тоқсанына бір рет баяндауды жүктеді.
Аймақ басшысы жиында айтылған барлық тапсырмалардың орындалуын бақылауды орынбасары Серік Сүлейменовке тапсырды.

Қызылорда: Сол жағалаудан 12 қабатты тұрғын үй салынады

<a href="https://kyzylorda-news.kz/">Kyzylorda-news.kz</a>.&nbsp; Қазақстанда 2 маусымдағы эпидемиологиялық жағдай бойынша ПТР тестінің оң нәтижесі бар коронавирус инфекциясыны жұқтырған 1 385 жағдай тіркелді, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Өңірлердегі статистика: 
Нұр-Сұлтан қаласында – 272, 
Алматы қаласында – 203, 
Шымкент қаласында – 54, 
Ақмола облысында – 76, 
Ақтөбе облысында – 41, 
Алматы облысында – 65, 
Атырау облысында – 72, 
Шығыс Қазақстан облысында – 85, 
Жамбыл облысында – 17, 
Батыс Қазақстан облысында – 95, 
Қарағанды облысында – 205, 
Қостанай облысында – 39, 
Қызылорда облысында – 8, 
Маңғыстау облысында – 46, 
Павлодар облысында – 63, 
Солтүстік Қазақстан облысында – 26, 
Түркістан облысында – 18.
Елімізде коронавирус инфекциясын жұқтырғандар саны 390 376 жетті.

Коронавирус өткен тәулікте 8 қызылордалықтан анықталды

&nbsp;<a href="https://kyzylorda-news.kz/">Kyzylorda-news.kz</a>.&nbsp; «Қазгидромет» республикалық мемлекеттік кәсіпорны маусымның 3-і күнгі ауа райы болжамын жариялады.
Кәсіпорынның мәліметтеріне қарағанда, 3 маусым күні Қазақстан территориясының басым бөлігінде оңтүстіктен келген циклон сақталады, осыған байланысты кей жерлерде найзағай ойнап жаңбыр жауады, бұршақ жаууы ықтимал.
Еліміздің батыс бөлігінің кей жерлерінде нөсер жауын жауады. Республиканың кей жерлерінде жел күшейіп, дауыл тұрады, оңтүстікте және оңтүстік-шығыста шаңды дауыл тұрады, солтүстігінде түнде және таңда тұман түсуі ықтимал.
Күндіз Қызылорда облысының кей жерлерінде шаңды дауыл тұрып, желдің жылдамдығы секундына 15-20 метрге жетеді.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қызылорда облысы Полиция департаменті Есірткі қылмысына қарсы іс-қимыл басқармасының қызметкерлері «Қарасора-2021» жедел профилактикалық іс-шарасы барысында есірткі еккен қала тұрғынын қолға түсірді.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Оқиға орнын тексеру барысында күдікті өз үйінің ауласында 21 түп&nbsp;жасыл түсті өзіне тән ерекше иісі бар өсімдіктерді егіп-өсірген.
Тағайындалған сот-сараптамасының қорытындысына сәйкес анықталған шөп сора өсімдігіне жататындығы белгілі болды.
Бұл дерек бойынша Қазақстан Республикасының Қылмыстық кодексінің 300-бабының 2-бөлігімен (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) сотқа дейінгі тергеп-тексеру амалдары жүргізілуде. Оқиғаның мән-жайы анықталуда.
<img src="https://kyzylorda-news.kz/wp-content/uploads/2021/06/whatsapp-image-2021-06-02-at-16.40.43.jpeg" alt="" />

Қызылордада есірткі еккен тұрғын ұсталды

<a href="https://kyzylorda-news.kz/">Kyzylorda-news.kz</a>.&nbsp;Қыс-көктем мезгілдерінде қар мен жауын-шашын мөлшерінің аз болуына байланысты Арал ауданында қуаңшылық орын алды. Нәтижесінде наурыз-сәуір айында өңір шаруалары мал шығынына ұшырады.
<blockquote>
 «Мал басының қырылуының бірнеше себебі бар. Алғашқысы қуаңшылық болса, екіншісі жайылымдық жерлердің тозуы. Аталған факторлар салдарынан бүгінге дейін ауданда 321жылқы, 159 мүйізді ірі қара және 1 түйе малы, барлығы 481 бас ауылшаруашылығы жануарлары өлген. Мал саны мен мал азығының балансын ұстап тұру үшін аудандағы шаруашылық құрылымдары мал бастарын қысқарту бағытында жұмыс жасап жатыр. Ауыл тұрғындары, еріктілер және аудандық төтенше жағдайлар бөлімінің қызметкерлері тарапынан кезекшілік ұйымдастырылуда. Қосымша падамен қамтамасыз етілуде. Қазір мал өлімі жоқ», – деді аудан әкімінің орынбасар Еркін Әбішев.
</blockquote>
Аудандағы шаруа қожалықтарын жем-шөппен қамтамасыз ету мақсатында жүйелі жұмыстар жүргізілуде. Ақтөбе облысының Ырғыз ауданы және аймақтағы аудандармен келісімдер жасалуда. Күні кеше Аралға 116 тонна жоңышқа шөбі әкелінсе, алдағы күндері 518 тонна мал азығы алынады. Осы аптаның сенбі күні Арал ауданында ауыл шаруашылығы жәрмеңкесі өткізіліп, жем шөп нарық бағасынан 10-15 пайызға арзан сатылмақ.
<img src="https://kyzylorda-news.kz/wp-content/uploads/2021/06/195113722_1301841626878013_4124279959851328848_n.jpg" alt="" />

Қуаңшылық: Аралдағы шаруашылықтарға жем-шөп жеткізілуде

<a href="https://kyzylorda-news.kz/">Kyzylorda-news.kz</a>.&nbsp; Жалағаш ауданы бойынша биыл ауыл шаруашылығы дақылдары 36750 гектар алқапқа егіледі. Оның 20 400 гектарына күріш орналастырылуда. Аудан шаруалары он күндікте Сыр салысын толық суға бастырады.
<blockquote>
 «Биыл су көлемі 1002,337 млн текше метр. Оның ішінде егінге пайдаланатыны 845,190 млн. текше метрді құрайды. Қазіргі таңда барлық каналдар бойынша секундына 82-83 текше метр су көлемі келуде. Су тапшылығын болдырмау мақсатында ауданда 1200 гектар күріш дақылының көлемі қысқартылып, оның орнына суды аз қажет ететін дақылдар орналастырылды», – деді Жалағаш ауданы әкімінің орынбасары Алтынбек Дәрібаев.
</blockquote>
Шарушылық басшылары егілген егінді сумен қамтамасыз ету үшін 48 дана әр түрлі қуаттағы насос қондырғыларын іске қосып, егілген егінді суға бастыру бағытында жұмыс жасауда.
<blockquote>
 «Бүгінгі мәлімет бойынша, Шардара су қоймасына секундына 87,3 текше метр су түсуде. Бұл өткен жылдың осы кезеңімен салыстырғанда 26,7 текше метрге кем. Қоймадағы су көлемі 4077 млн. текше метр. Ал қоймадан төменге секундына 200 текше метр су жіберілуде. Ал Көксарай су реттегішіндегі су көлемі 877,6 млн. текше метр, төменге секундына 340 текше метр су жіберілуде. Шардара мен Көксарайдағы су көлемі 4954,7 млн. текше метр. Қазіргі таңда Сырдария өзенінің төменгі ағысына секундына 590 текше метр су жіберілуде», – деді облыстық табиғи ресурстар және табиғат пайдалануды реттеу басқармасы басшысының орынбасары Бауыржан Оспанов.
</blockquote>
Жалағаш ауданындағы егістікке Сол жаға магистралді және Айтек каналы арқылы арқылы су берілуде.
<blockquote>
 «Сол жаға магистралді каналы арқылы егістікке 94,35 текше метр су алынуда. Қазір Қызылорда қаласы мен Сырдария ауданында күріштікті суға бастыру жұмыстарының аяқталуына байланысты сол жаға магистралді каналының бойында орналасқан ПК-899 бекетінің жоғарғы бьеф деңгейі рейка көрсеткіші 134-тен 147-ге көтерілді. Енді жетіспей тұрған егістіктерге су жіберуге болады. Жалпы қазір ахуал тұрақталып келеді», – деді «Казсушар» РМК Кызылорда облыстык филиалы директоры Айдос Асанбаев.
</blockquote>

Жалағашта 36750 гектар алқапқа ауыл шаруашылығы дақылдары егіледі

<a href="https://kyzylorda-news.kz/">Kyzylorda-news.kz</a>. Индустрия және инфрақұрылымдық даму министрі Бейбіт Атамқұлов ақылы жолдар тарифі қымбаттамайтынын айтты.
Министр осы уақытқа дейін ешқандай шағым түспегенін алға тартты.
“Қазіргі тарифті Үкімет 2013 жылы бекіткен болатын. Содан бері бірнеше девальвация болса да, тариф өзгермеді. Қазіргі тариф көліктің барлық түрі үшін айтарлықтай қолайлы. 2013 жылдан бері ақылы учаскелер қолданылып келеді.
Осыған дейін ешқандай шағым түскен жоқ. Осының бәрі өз кезінде “Атамекен” ҰКП-ның, салалық қауымдастықтардың, жол қозғалысына қатысушылардың мақұлдауынан өткен”, – деді министр БАҚ өкілінің сұрағына берген жауабында.
Ведомство басшысы екінші техникалық санаттағы жолдар тарифі жүк көліктері үшін жеңілдетілген көрсеткішпен есептелетінін қайталап түсіндірді.
<blockquote>
 “Екінші санаттағы ақылы жолдардың тарифі төмендетілген көрсеткішпен қабылданады. Іс жүзінде ол 40 пайыз төмен болады. Жеңіл көліктер үшін “1 шақырымға – 1 теңге” тарифі өзгеріссіз қалады.
</blockquote>
Ал ауыр жүк көліктері үшін тариф коэффициенті төмендейді. Оның мөлшері әлі пысықталып жатыр. Әлі оған жеткен де жоқпыз. Өкінішке қарай, инсайдерлік ақпарат тарап кетіп отыр. Оның өзі тексерілмеген де, расталамаған да. Әуелі жүк көлік жүргізушілерінің құлағына жетіп, кейін түрлі чаттарға тараған”,&nbsp;– дейді Бейбіт Атамқұлов.
Сондай-ақ, ол тариф өзгеретін болса, әуелі оны өзге мемлекеттік органдар мақұлдайтынын ескертті.
<blockquote>
 “Мемлекеттік органдар мақұлдап, тиісті агенттіктер мен “Атамекен” оң бағасын береді. Осыдан кейін ғана тариф министрдің жарлығымен бекітіледі. Оған әлі жеткен жоқпыз ғой. Яғни, жүк көлік иелері мәреден ерте шығып кеткен. Олай істеуге болмайды. Тарифті өсіру бағытында әзірге ешқандай қозғалыс болмайтынына сендіргім келеді. Екінші техникалық санаттағы жолдардың тарифін төмендету болады деп отырмыз. Бірақ мұндай тариф мамыр айынан бастап қана қарала бастаған”, – деді Бейбіт Атамқұлов.
</blockquote>
<a href="https://stan.kz/">Stan.kz</a>

Ақылы жолдардың тарифі белгілі болды

<a href="https://kyzylorda-news.kz/">Kyzylorda-news.kz</a>. Қызылорда қаласының тұрғыны жақын шетелден әкелінген автокөлікті есепке қоюға көмектесуге уәде берген. Ақысына 950 мың теңге алған. Жәбірленушінің ақшасын алып, уәдесін &nbsp;орындамай, байланысқа шықпай қалған.
Жедел-іздестіру іс-шараларының нәтижесінде күдікті анықталып, ұсталған облыс орталығының тұрғыны болып шықты. Ол өз кінәсін мойындады. Күдіктіге қатысты «ешқайда кетпеу және өзін дұрыс ұстау туралы қолхат» түріндегі бұлтартпау шарасы қолданылды.
<blockquote>
 «Аталған дерек бойынша Қазақстан Республикасы Қылмыстық кодексінің 190-бабының 1-бөлігімен сотқа дейінгі тергеп-тексеру амалдары жүргізілуде. Полиция департаменті белгілі бір төлем үшін автокөлікті тіркеуді ұсынатын азаматтардың қызметтерін пайдаланбауды ұсынады, өйткені бұл әрекеттер заңсыз», – делінген полиция департаментінің хабарламасында.
</blockquote>
Көлік құралдарын тіркеу бойынша Мемлекеттік көрсетілетін қызметтерді ұсынуды «Азаматтарға арналған үкімет «мемлекеттік корпорациясы» КЕАҚ жүзеге асырады.
Сонымен қатар, кеңес алу үшін Қызылорда облысы Полиция департаментінің Әкімшілік полиция басқармасының (87242) 29-77-44 телефон нөмеріне хабарласуға болады.

Қазақстан және Қызылорда облысының жаңалықтары