<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Алматы қаласында күрес түрлерінен өтіп жатқан Азия чемпионатында грек-рим күресінен сынға түскен қызылордалық Айдос Сұлтанғали 60 келі салмақта алтын медальді жеңіп алып, үшінші мәрте Азия чемпионы атанды.⠀
Ол жарыс барысында үш кездесу өткізіп, барлығында да жеңіске жетті. Ширек финалда Оңтүстік Корея спортшысын 10:1 есебімен жеңсе, жартылай финалда ирактық қарсыласын 7:2 есебімен, финалда ирандық спортшы Мехди Нижадты 8:4 есебімен ұтты.
Айта кетейік, бұл Қазақстан командасының екінші алтыны.
Бұған дейін Айдос Сұлтанғали 2015 жылы жасөспірімдер, 2016 жылы жастар арасында Азия чемпионы, 2017 жылы жабық кешендегі Азия ойындарының және әлем чемпионатының қола жүлдегері, 2018 жылы ересектер арасында әлем чемпионатының қола жүлдегері, 2019 жылы Бүкіләлемдік әскерилер ойынының қола жүлдесін иеленген болатын.
Айдос Сұлтанғалиды жарысқа білікті бапкер Ғабиден Райымбек дайындады.
Сонымен қатар ертең боз кілемге әйелдер күресінен Асылзат Сағымбай (53 келі) шықса, 17 сәуір күні еркін күрестен Дәулет Ниязбеков (65 келі) пен Ғалымжан Өсербаевтар (79 келі) өнер көрсетеді.

Қызылордалық спортшы Азия чемпионы атанды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қазақстанда коронавируспен қанша адам екінші рет ауырды? Бұл сауалға ҚР ДСМ Санитарлық-эпидемиологиялық бақылау комитетінің төрайымы Айжан Есмағамбетова жауап берді, деп хабарлайды ҚазАқпарат.
<blockquote>
 «Қазіргі уақытта жаңа штамдардың пайда болуын байланысты коронавирус инфекциясын қайтадан жұқтырып алу тәуекелінің жоғары екендігіне қатысты мәліметтер шығып жатыр. Бізде әзірше нақтыланған екі жағдай бар. Клиникалық хаттамаға қайтадан жұқтыру және қандай жағдайлар оған сай келетіндігіне қатысты түсініктеме енгізілді. Ақпараттық база зерделеніп жатыр. Мұндай әрбір жағдай міндетті түрде консилиум арқылы нақтылануы тиіс», – деді ол Орталық коммуникациялар қызметіндегі баспасөз мәслихатында.
</blockquote>
Осы орайда ҚР Денсаулық сақтау бірінші вице-министрі Марат Шоранов қазақстандық мамандар тобы коронавирустан кейінгі асқыну мәселелерін есепке алуға кірісіп кеткендігін айтты.

Қазақстанда коронавируспен қанша адам екінші рет ауырды?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін облыс әкімі Гүлшара Әбдіқалықованың төрағалығымен төтенше жағдайлардың алдын алу және оларды жою жөніндегі облыстық комиссияның отырысы өткізілді. Жиынға комиссия мүшелері, облыстық департамент, басқарма, кәсіпорын басшылары және селекторлық байланыс арқылы қала, аудан әкімдері қатысты.
Комиссияда екі бірдей мәселе қаралды. Алғашқысы – «Облыс аумағындағы қауіпті өндірістік объектілерде және ауылшаруашылығы саласында аммиак селитрасын қауіпсіз қолдану мәселесі. Өнеркәсіптік қауіпсіздік комитетінің Қызылорда облысы бойынша департаменті басшысы Жанмұрат Балғабаев тақырып аясында баяндама жасап, аммиак селитрасының айналымын бақылау, оның қауіпсіздігін сақтау өте өзекті екенін алға тартты.
Сондай-ақ, аммиак селитрасын пайдалану және сақтаудың қауіптілігінен әлем елдерінің бірқатары зиян тартып отырғанын атап өтті. Мәселен, 2020 жылғы 4 тамызда Бейрут қаласы портты аймағында 2 750 тонна аммиак селитрасы жарылған.
Бүгінгі күні «ҚазАзот» АҚ аммиак және аммиак селитрасын жалғыз өндіруші компания болып табылады. Оның жылдық өндіріс көлемі шамамен 350 мың тоннаны құрайды. 2018 жылдан бастап «ҚазАзот» АҚ өндірісті әртараптандыру мақсатында күрделі минералды тыңайтқыштар цехын жаңғыртуды жүзеге асыруда. Дайын өнім шығару қуатын арттыруға бағытталған жоба жылына 400 мың тонна минералды тыңайтқыштарды өндіруді жоспарлап отыр.
Жиында департамент басшысы кәсіпорындарда аммиак селитрасын қауіпсіз пайдалану бағытына жүргізілген тексеріс нәтижелеріне тоқталды. Аммиак селитрасы сақталатын қоймалардағы тиісті журналдардың болмауы, қойманың тазартылмауы, қоймада басқа заттардың сақталуы сынды мәселелерде 3 жеке тұлғаға барлығы 37875 теңге, 2 заңды тұлғаға барлығы 277800 теңге айыппұл салынған. Бүгінде айыппұлдар толығымен өндірілген.
Аймақ басшысы Гүлшара Әбдіқалықова облыс аумағында аммиак селитрасын пайдаланатын қауіпті өндіріс орындары мен тыңайтқыш ретінде қолданатын ауылшаруашылығы ұйымдары бар екенін жеткізіп, жауапты сала басшыларына есептелік арнап, мониторинг жүргізу қажет екенін тілге тиек етті. Сондай-ақ, аппарат басшысы Ерлан Райғаниевке жергілікті атқарушы органдардың әкімшілік құқық бұзушылық құзыреттілігіне қатысты химиялық өнім қауіпсіздігіне байланысты қолданыстағы заңнамалықтарды зерттеп, нәтижесі бойынша ұсыныс беруді тапсырды.
Мұнан бөлек, төтенше жағдайлар департаментіне облыс аумағындағы аммиак селитрасын сақтау қоймаларында өрт қауіпсіздігі талаптарының сақталуын қамтамасыз етуді жүктеді. Ал, көліктік бақылау инспекциясы мен полиция департаментіне инфрақұрылымдарға залал келтірмеу мақсатында республикалық және облыстық маңыздағы автожолдар бойында аммиак селитрасын қауіпсіз тасымалдау бойынша бақылау-қадағалау жұмыстарын күшейтуді міндеттеді. Өнеркәсіптік қауіпсіздік департаментіне барлық бағыттағы жұмыстарды үйлестіруді тапсырды.
Отырыста қаралған екінші мәселе – «Өңірдегі барлық жер қойнауын пайдаланушы объектілерінің өртке қарсы жай-күйі. Өңірдегі ахуалды сараптаған облыстық төтенше жағдайлар департаментінің бастығы Руслан Қайрақбаев атқарылған жұмыстарды тізбектеді.
Өткен жылы өрт қауіпсіздігі талаптарының сақталуы бойынша 74 мұнай саласындағы объектілерге тексеру жұмыстары жүргізіліп, 215 бұзушылық анықталған. Талапты бұзған 30 субъекті заңды тұлға ретінде әкімшілік жауапкершілікке тартылса, оның ішінде 8 субъектіге 525 915 теңге ақшалай айыппұл салынып, қалған 22 субъектіге «ескерту» шарасы көрілген.
Департамент басшысы мұнай саласында орын алған өрт оқиғаларына да тоқталды. Айтуынша, соңғы 4 жылда мұнай саласындағы объектілерде 7 қауіпті өрт оқиғасы орын алып, салдарынан 3 адам қаза тапты. Өрт оқиғалары қауіпсіздік талаптарының толық сақталмауынан туындаған.
Жиында облыстық төтенше жағдайлар департаментінің бастығы өңірдегі өрт оқиғаларының жиілеу себебін ескере келе бірқатар ұсыныстарын жеткізді.
Атқарылған жұмыстарды саралаған облыс әкімі Гүлшара Әбдіқалықова өрт салдарын болдырмау, қайғылы қазаларды алу алу бағытында сала басшыларына нақты тапсырма жүктеді. Мәселен, төтенше жағдайлар департаментіне өңірдегі барлық жер қойнауын пайдаланушы объекті басшыларымен бірлесе отырып, мемлекеттік емес өртке қарсы қызмет күш-құралдары мен жеке құрам санының қолданыстағы заңдылықтар талаптарына сәйкестендірілуін ұйымдастыруды, бірлескен өзара іс-қимыл жоспарларын әзірлеп, бекітілуін қамтамасыз етуді тапсырды. Сондай-ақ, мұнай компанияларының басшылары өздеріне қарасты мұнай кеніштерінде жұмыс жасап жатқан мердігер мекемелердің жаңартылған тізімін жылына 2 рет төтенше жағдайлар департаментіне ұсынуды, өртті сөндіруге арналған газ-су сөндіру автокөлігін алуды қарастыруды жүктеді.

Гүлшара Әбдіқалықова төтенше жағдайлардың алдын алуға арналған облыстық комиссия отырысын өткізді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Бүгін Қызылорда қаласының әкімі Ғанибек Қазантаев коронавирус инфекциясының алдын алу шараларын күшейту, карантиндік шектеу шараларын пысықтау мақсатында мәжіліс өткізді.&nbsp;&nbsp;&nbsp;&nbsp;&nbsp;&nbsp;
Жиында қалалық санитариялық-эпидемиологиялық бақылау басқармасының басшысы Ерлан Ұзақбаев індеттің алдын алу шаралары туралы атқарылып жатқан жұмыстар жайына тоқталды.
Басқарма басшысының хабарлауынша, Қызылорда облысы сары аймаққа енгенімен қалада санитарлық талаптар мен карантиндік шектеулерді ескермейтіндер қатары азаймаған. Мәселен, жыл басынан бері басқармаға 110 карантиндік тәртіп бұзушының құжаттары келіп түскен. Айыппұл арқалағандар арасында отбасылық той, мерекелік басқосу өткізген азаматтар мен қоғамдық тамақтану орындары және сауда нүктелерінің басшылары да бар.
Күн тәртібіндегі мәселеге қосымша медицина ұйымдары және денсаулық сақтау саласындағы атқарылып жатқан жұмыстар туралы облыстық денсаулық сақтау басқармасы басшысының орынбасары Жанкелді Шаймбетов баяндады.
<blockquote>
 «Індет күшейген жағдайда, инфекциялық және провизорлық стационарларда 1635-ге дейін төсек-орын дайын. Бүгінде медициналық ұйымдарда 272 оттегі концентраторы және 119 ИВЛ аппараты мен 575 оттегі баллоны, 4 КТ және 25 рентген аппараты бар. Сондай-ақ, 1 оттегі шығару станциясы жұмыс істеп тұр. 200 орындық модульдік жұқпалы аурулар ауруханасының құрылысы да аяқталып, мамыр айында іске қосылмақ. Медициналық мекемелер мен дәріханаларда қорғаныш киімдері мен дәрі-дәрмектердің тапшылығы жоқ. Екі айға жетерлік дәрі-дәрмек қоры жасақталған», – деді Жанкелді Шаймбетов.
</blockquote>
Мәжілісте қала көлемінде карантиндік шектеулер ережелерін сақтау, жолын кесу және алдын алу мақсатында атқарылып жатқан жұмыстар туралы хабарлаған қалалық полиция басқармасы бастығының міндетін атқарушы Нұрлан Бекманов бекітілген мобильдік топтармен іс-шара барысында 1&nbsp;500-ге жуық объектілер араланғандығын жеткізді.
Жиын барысында қала әкімі жауаптыларға жұмыс тиімділігін одан әрі арттырып, инфекцияның алдын алу бағытында тұрақты түрде түсіндірме жұмыстарын жүргізіп, меншік нысанына қарамастан қалада орналасқан барлық ғимараттарды санитариялық талаптарға сәйкестендіру бағытындағы жұмыстарды ширатуды тапсырды. Сонымен қатар берілген тапсырмалардың сапалы және мерзімінде орындалуы мен ұйымдастырылуын қала әкімінің орынбасарларына жүктеді.
<blockquote>
 «Індеттен айығудың алғышарты&nbsp; санитарлық талаптарды ескеру мен&nbsp; инфекцияға қарсы екпе салдыру екені әлдеқашан айқындалды. Әйтседе тұрғындардың бейқамдық танытуы ұжымдық иммунитет қалыптастыру үдерісін баяулатып отыр» – деді Ғанибек Қазантаев.
</blockquote>
Сондай-ақ қала әкімі вакциналау жұмыстарын да жүйелі жүргізу керектігін ескертті.
<img src="https://kyzylorda-news.kz/wp-content/uploads/2021/04/03-scaled.jpg" alt="" />
<img src="https://kyzylorda-news.kz/wp-content/uploads/2021/04/04-scaled.jpg" alt="" />
<img src="https://kyzylorda-news.kz/wp-content/uploads/2021/04/02-scaled.jpg" alt="" />

Ғанибек Қазантаев: Тұрғындардың бейқамдық танытуы ұжымдық иммунитет қалыптастыру үдерісін баяулатып отыр

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;COVID-19 індетіне шалдыққан 20 жастағы жүкті әйел дәрігерлердің көмегімен аман-есен босанды. Бұл туралы Түркістан облыс әкімдігінің баспасөз қызметі <a href="https://www.facebook.com/ontustik.gov.kz">хабарлады</a>.
Ол Сайрам аудандық инфекциялық ауруханасына жүктіліктің 39 аптасында ЖРВИ симптомдарымен амбулаторлық қабылдауға жеткізілген.
Сынама нәтижесі оның коронавирус инфекциясын жұқтырғанын көрсетті. Айы – күні толып, толғағы қысқан әйел мен оның сәбиінің өмірін аман алып қалу үшін шұғыл түрде білікті дәрігерлердің қатысуымен арнайы консилиум өткізілген.
Әйел аман-есен тұңғышын дүниеге әкелді. Нәрестенің салмағы 3 келі 400 грамм. Одан бірден коронавирусқа сынама алынды. Жаңа туған ұл бала анасынан оқшауландырылды. Тест қорытындысы нәрестенің бойынан COVID-19 инфекциясының табылмағанын көрсетті. Мамандардың айтуынша, сәбидің жағдайы жақсы. Жеке бокста, дәрігерлердің жіті бақылауында. Анасының да жағдайы бірқалыпты.
Айта кетейік, былтыр өңірде короновирус инфекциясын жұқтырған 122 жүкті әйел аман-есен босанған. Түркістан облысында жыл басынан бері 15 мыңға жуық сәби дүниеге келген. 2020 жылы өңірде 61 274 нәресте туылған.
Түркістан облысы бала туу көрсеткіші бойынша елімізде көш бастап тұр.

Коронавирус жұқтырған әйел босанды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Индустрия және инфрақұрылымдық даму вице-министрі Қайырбек Өскенбаев ауылда салынатын үйлердің құрылыс шығындарын өтеу тәртібін түсіндірді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Ауылда тұрғын үй салу тетігін енгізу ұсынылады. Оған сәйкес, ауылдағы қызметкерлер үшін тұрғын үй салу кезінде жұмыс берушілердің шығындарын 50 процентке субсидиялау қарастырылған”, – деді орталық коммуникациялар қызметінде өткен онлайн брифингте.
</blockquote>
Оның айтуынша, жұмыс беруші алдымен ауылға қажетті мамандарды анықтайды. Сосын тізімін жергілікті әкімдікке береді. Ал әкімдік оны индустрия және инфрақұрылымдық даму министрлігіне көрсетеді. Орталық мемлекеттік орган рұқсат бергеннен кейін үй салуға болады. Артынан құрылысқа кеткен шығындардың жартысы қайтарылады.
Талапқа сәйкес, үйдің ауданы 100 шаршы метрден, ал бағасы 10 миллион теңгеден аспауы қажет. Еңбек шарты 5 жылға рәсімделуі шарт. Осы уақыттың ішінде ауылға барған маман үйдің 50 процентін өтеп, оны өз атына аудара алады.
Бүгінде республика бойынша 76 ауданның әкімдігі министрлікке ұсыныс жіберді. Әзірше, 3 мыңға жуық коттедж салу қажет. Оған республикалық бюджеттен 14,3 миллиард теңге керек болады.

«Мемлекет 50 процентін өтейді»: вице-министр ауылда салынатын коттедждер жайлы айтты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгінде аймақтың тұрақтандыру қорында 1,3 мың тонна өнім бар. Әлеуметтік дүкендер мен бұрыштарда 19 маңызы бар азық-түлік тауарларының бағасы нарықтан төмен сатылуда.
<blockquote>
 «Әлеуметтік маңызы бар азық-түлік тауарларының бағасын тұрақтандыру мақсатында кәсіпкерлерге займ беру қолға алынды. Мәселен 27 әлеуметтік дүкенді сиыр етімен қамтамасыз ету үшін « Оразбердин Т» ЖК-не 40 млн. теңге займ берілді. Қазіргі таңда, дүкендерде 1650 теңгеден сатылуда. Сондай-ақ, тауық жұмыртқасының бағасын тұрақтандыру мақсатында «Омарова К» жеке кәсіпкеріне де 40 млн. теңге займ беріліп, күнделікті жұмыртқаны әлеуметтік дүкендерге 39 теңгеден жеткізуде», – деді «Байқоңыр» ӘКК» АҚ басқарма төрағасының орынбасары Жеңісбек Ахметов.
</blockquote>
Сонымен қатар, тез бұзылатын, яғни сақтау мерзімі 6 ай сақталатын өнімдердің көлемін арттыру мақсатында «Оразбердин Т» ЖК-не 60 млн. теңге көлемінде займ аударылған. Бүгінде дүкендерге картоп, пияз, сәбіз, қырыққабат өнімдерін белгіленген бағада тасымалдауда.
<blockquote>
 «Бағаның негізсіз өсуіне жол бермеу үшін облыстың тұрақтандыру қорынан тауарлық интервенциялар жүргізу, «айналым» схема бойынша бағаны тұрақтандыру механизмі аясында несие беру, ауыл шаруашылығы өнімдерінің жәрмеңкесін өткізу арқылы шаралар қабылдануда. Облыста жағдай тұрақты, сауда орындарында азық-түлік тауарларының қоры жеткілікті, тапшылық байқалмайды. Нарықты молықтыру және баға мәселесі тұрақты бақылауда», – деді облыстық ауыл шаруашылығы басқармасының басшысы Шахмардан Қойшыбаев.
</blockquote>
Айта кетейік, облыс орталығында 29 әлеуметтік-сауда дүкені бар. Биыл қосымша тағы да 10 дүкен ашу жоспарлануда.

Қызылордада азық-түлік тауарының қоры жеткілікті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Отандық «QazVak» вакцинасы тұрғындарға нақты қашан егіле бастайтыны әлі белгісіз, деп хабарлайды «Хабар 24».
Мамандар клиникалық зерттеудің үшінші фазасына келді. Сынаққа 3 мың ерікті қатысып жатыр. Оның тең жартысы вакцинаны салдырған, қалғаны плацебосын қойдырыпты. Ертең солардан сынама алынады. Көп ұзамай нәтижесін жариялаймыз дейді мамандар. Шыны керек, отандық вакцинаға күмән келтіріп жатқандар көп. Өйткені бірінші және екінші фазадан қалай өткенін ғалымдар ашып айтпады. Ғылыми мақала жазуға қол тимей жатыр деп ақталғандай болып еді. Кейін вакцина дайын болғанда оны Түркияда құтыға құяды деген ақпарат тараған соң, бұқара одан бетер күдіктене бастады.
<blockquote>
 «Біздің вакцинамыз туралы толық ақпаратты үшінші фаза аяқталғаннан кейін ғана айтуға болады. Өздеріңіз білесіздер, бұл вакцинаны әзірлеген адамдар ең бірінші болып соны өздеріне салдырған. Содан бері 9 ай өтті. Қазіргі жағдайлары жақсы. Вирусқа қарсы тұратын иммундық жүйе қалыптасқан. Антиденелер жеткілікті. Зерттеуді жалғастыра береміз», – дейді ҚР БҒМ биологиялық қауіпсіздік проблемалары ғылыми-зерттеу институтының бас директоры Күнсұлу Закарья.
</blockquote>
Қауіпті індетке қарсы препараттар әзірлеуге қазынадан 2 жарым млрд теңге бөлінген. Ғалымдар бас-аяғы 5 вакцина әзірлеп жатыр. «QazVak» – соның бірі. Одан бөлек, олар жануарларды осы індеттен қорғайтын дәрі дайындап жатыр екен.

Отандық вакцина қашан қолданысқа енеді?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қоғамдық кеңестердің төрағалары мен құрамы сондай-ақ, жұмыс ережелері бүгін облыстық партия филиалы төрағасы, облыс әкімі Гүлшара Әбдіқалықованың төрағалығымен өткен облыстық партия филиалының Саяси кеңесі Бюросының отырысында бектілді.
<blockquote>
 «Өздеріңізге белгілі бұған дейін «Nur Otan» партиясының сайлауалды бағдарламасын іске асыру жөнінде Жол картасы бекітіліп, оған жауапты фракция мүшелері мен орындаушылар белгіленді. Ел Президенті Қасым-Жомарт Тоқаевтың «Халық үніне құлақ асатын мемлекет» тұжырымдамасын іске асыру аясында партияның қоғамдық кеңестерінің жұмысы да қайта құрылымданды. Жақында партияның Саяси кеңесі Бюросының шешімімен партиялық кураторлар институтының орнына «Nur Otan»-ның сайлауалды бағдарламасының нақты бағыттарының іске асырылуын бақылауға негізделген 14 республикалық қоғамдық кеңес құрылды. Мұндай жұмыс облыстық деңгейде де қолға алынып отыр»,- деді филиал төрағасы Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/abdikalykova.jpg" alt="" />
Жалпы, аталған Қоғамдық кеңестер Партия Лидерінің алға қойған міндеттерін ескере отырып, өңірде партияның сайлауалды уәделерінің орындалуына жүйелі бақылау, бюджет қаражатының тиімді және ашық жұмсалуына мониторинг жасауды қамтамасыз етеді. Олардың міндетіне өңірлік дамуды жетілдіру бойынша тұжырымдамалық ұсыныстарды, нақты практикалық шешімдерді әзірлеу үшін диалог алаңына айналып, сарапшылар қауымдастығын өзекті әлеуметтік мәселелерді ашық талқылауға тарту, сондай-ақ азаматтық бастамаларға қолдау көрсету міндеттері жүктеліп отыр.
Кеңестердің төрағалығына партия депутаттары мен белсенділерінен бөлек, үкіметтік емес ұйымдардың өкілдері, сарапшылар мен ғалымдар, жалпы қоғамдық пікір көшбасшыларынан іріктелген тиісті саланы жетік меңгерген тәжірибелі азаматтар ұсынылып, бюро шешімімен «Отбасы, әйелдер және балалардың құқықтарын қорғау мәселелері» жөніндегі облыстық қоғамдық кеңес төрағалығына – Райкүл Байназарова, «Экономиканы дамыту және кәсіпкерлікті қолдау» жөніндегі кеңес төрағасы – Қожахмет Ильясов, «Білім мен ғылымды дамыту» жөніндегі қоғамдық кеңес төрағасына -Гүлнара Есқалиева, «Ұлт денсаулығы мәселелері» жөніндегі кеңес төрағасына Нұриддин Әмитов, «Жұмыспен қамтуды және халықтың әлеуметтік осал әлсіз топтарын қолдау» бағытындағы кеңес төрғасына – Алтын Есқараева, «Өңірлік даму» жөніндегі кеңес төрағасына – Жанкелді Ысқақ, «Аграрлық секторды дамыту» – Бақдәулет Махашов, «Экология жөніндегі» кеңес төрағасына Нұрбол Аппазов, «Жастарды қолдау» жөніндегі кеңес төрағасына Мағжан Ералиев, «Партиялық бақылау» комиссиясы төрағалығына Абайбек Жүнісов басшылық жасаса, Сыбайлас жемқорлыққа қарсы іс-қимыл жөніндегі қоғамдық кеңес пен «Miras» аймақтық кеңесін тиісінше Мақсұт Налибаев пен Баймырза Қожамберлиев жетекшілік етеді.
Жалпы Бюро отырысында партия ұйымдарының есеп беру-сайлау жиналыстарының және аймақтық, аумақтық партия филиалдарының есеп беру-сайлау конференцияларының өткізу кестелері бекітіліп, облыстық партия филиалының кезекті XXVIII есеп беру-сайлау конференциясын шақыру туралы мәселелер де қаралды.

Қызылордада 12 қоғамдық кеңес құрылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Бүгін облыс әкімі Гүлшара Әбдіқалықованың қатысуымен облыстық мәслихаттың кезектен тыс 3 сессиясы өтті.
<blockquote>
 «Өздеріңіз білетіндей, 2021 жылға арналған облыстық бюджет 411,6 млрд.теңге көлемінде бекітілді. Бүгін міне, облыстық мәслихат сессиясының қарауына 2021-2023 жылдарға арналған облыстық бюджетті 18,9 млрд.теңге сомасында алғашқы нақтылау мәселесін ұсынып отырмыз. Бұл қаржылар 2021 жылдың 1 қаңтарындағы жағдай бойынша облыстық бюджет қаражаты қалдықтарын қайта бөлу, кіріс көзінің ұлғаюы, бюджеттік бағдарлама әкімшілерінің пайдаланылмаған және үнемделген қаржысы есебінен қалыптасып отыр. Атап өтетін жәйт, осы нақтылауда энергетика, құрылыс, автомобиль жолдары, әлеуметтік салалар бойынша алдағы уақытта құрылысы жоспарланып отырған жаңа бастамалардың жоба-сметалық құжаттарын әзірлеуге және мемлекеттік сараптамадан өткізуге қаржы қаралуда», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/173886155_3282237148545998_1768736288207811104_n.jpg" alt="" />
Күн тәртібінде 6 мәселе қаралды. Атап айтсақ, «2021-2023 жылдарға арналған облыстық бюджет туралы» Қызылорда облыстық мәслихатының 2020 жылғы 11 желтоқсандағы № 519 шешіміне өзгерістер мен толықтырулар енгізу, «Қызылорда облысы әкімдігінің дербес құрамын келісу туралы» Қызылорда облыстық мәслихатының 2016 жылғы 31 тамыздағы № 51 шешіміне өзгеріс енгізу, «Азаматтардың жекелеген санаттарына амбулаториялық емдеу кезінде тегін және (немесе) жеңілдікті шарттармен тегін медициналық көмектің кепілдік берілген көлемін, оның ішінде дәрілік заттарды, арнайы емдік өнімдерді, медициналық бұйымдарды қосымша беру туралы» Қызылорда облыстық мәслихатының 2020 жылғы 21 қазандағы № 474 шешіміне өзгерістер мен толықтырулар енгізу, «Әлеуметтік маңызы бар қатынастардың тізбесін айқындау туралы» Қызылорда облыстық мәслихатының 2016 жылғы 10 ақпандағы № 352 шешіміне өзгеріс енгізу, Қазақстан Республикасы Үкіметінің жанындағы Республикалық ономастика комиссиясының қарауына «Қызылорда облысының білім басқармасының Қызылорда қаласы бойынша білім бөлімінің «№ 11 мектеп-лицейі» коммуналдық мемлекеттік мекемесіне Әбубәкір Тыныбаевтың есімін беру жөніндегі ұсынысты енгізу және «Қызылорда облыстық сайлау комиссиясының құрамын сайлау туралы» Қызылорда облыстық мәслихатының 2019 жылғы 11 қаңтардағы № 290 шешіміне толықтыру енгізу туралы сөз болды.
Күн тәртібіндегі бірінші мәселе бойынша облыстық экономика және бюджетті жоспарлау басқармасының басшысы Нұрғали Қордабай баяндама жасады.
«Қызылорда облысы әкімдігінің дербес құрамын келісу туралы» Қызылорда облыстық мәслихатының 2016 жылғы 31 тамыздағы № 51 шешіміне өзгеріс енгізу туралы облыс әкімінің аппарат басшысы Ерлан Райғаниев сөз сөйлесе, үшінші мәселе бойынша облыстық денсаулық сақтау басқармасының басшысы Сабит Пазылов баяндады. 
2020 жылы Республикалық бюджеттен қаржы бөлініп, амбулаториялық дәрілік препараттармен тегін қамтамасыз етілген. Алайда, соңғы жылдары кейбір дәрілік препараттар атталған бұйрыққа енгізілмеуіне байланысты жергілікті бюджет есебінен қамтамасыз етіліп келеді. Осы орайда, Сабит Пазылов 2021 жылға әлеуметтік осал топтар арасынан науқастарды нозологиялық аурудың ауырлық деңгейіне байланысты тегін және (немесе) жеңілдікпен берілетін дәрілік заттармен қамтамасыз ету туралы шешімге өзгерістер мен толықтырулар енгізуді сұрады.
<img src="https://kyzylorda-news.kz/wp-content/uploads/2021/04/173421023_3282238388545874_749394374533398667_n.jpg" alt="" />
Ал, облыстық жолаушылар көлігі және автомобиль жолдары басқармасысының басшысы Мұрат Тілеумбетов күн тәртібіндегі төртінші мәселе бойынша баяндады.
Қоғамның әлеуметтік-экономикалық жағдайына ықпал ететін және тарифтердің қолжетімділік деңгейі мен Қазақстан Республикасының аумағы бойынша халықтың еркін жүріп тұру мүмкіндігін қамтамасыз ету мақсатында ұйымдастырылатын тұрақты қатынастардағы жолаушыларды тасымалдау әлеуметтік мәні бар тасымалдар деп танылады. Басқарма басшысы ауданаралық бағыттар тізбесін әлеуметтік маңызы бар қатынастар ретінде айқындауды ұсынды.
<img src="https://kyzylorda-news.kz/wp-content/uploads/2021/04/173473815_3282237711879275_1259354315548979616_n.jpg" alt="" />
«№ 11 мектеп-лицейі» коммуналдық мемлекеттік мекемесіне Әбубәкір Тыныбаевтың есімін беру жөніндегі ұсыныс бойынша облыстық ішкі саясат басқармасының басшысы Мира Қазбекова хабарлама жасады. 
Күн тәртібіндегі соңғы сұраққа қатысты облыстық мәслихаттың хатшысы Наурызбай Байқадамов сөз сөйледі.
<img src="https://kyzylorda-news.kz/wp-content/uploads/2021/04/173582154_3282238035212576_8202482200911667633_n.jpg" alt="" />
Облыстық сайлау комиссиясының құрамына «Ауыл» халықтық-демократиялық патриоттық партиясы Қызылорда облыстық филиалынан Болат Накиповтың кандидатурасы қолдау тапты.
Жиын соңында облыстық мәслихат депутаты Қылышбай Бисенов өңірдегі балабақшаларды қаржыландыру мәселесін қозғаса, Шахизада Әбдікәрімов көпқабатты тұрғын үйлер құрылысына қатысты бірқатар ұсыныс айтты.
<img src="https://kyzylorda-news.kz/wp-content/uploads/2021/04/173812204_3282238538545859_2424834901831728047_n.jpg" alt="" />

Қызылорда облыстық мәслихатының кезектен тыс 3 сессиясы өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазіргі таңда аудан көлемінде COVID-19 вирусына шалдыққандар саны 80-ге жетіп, эпидемиологиялық ахуал күрделеніп тұр.
Мамандардың болжамына сәйкес және ахуалдың күрделенуіне байланысты аймақтағы жалғыз аудан ретінде «Қызыл аймаққа» Сырдария ауданы енді.
Осыған байланысты, «Сырдария ауданы бойынша шектеу, оның ішінде карантиндік шаралары туралы» ауданның Бас санитарының қаулысы дайындалуда.
Індеттің таралуына бей-жай қарамай, ресми ақпараттарға сүйенулеріңізді сұраймыз. Мамандардың кеңесіне құлақ асып, аудан тұрғындарын барынша сақтық шараларын сақтауға шақырамыз!

Сырдария ауданы «Қызыл аймаққа» кірді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Коронавирус инфекциясының таралу қаупіне байланысты Қазақстанда 7 және 9 мамырда өтетін әскери шеру болмайды, деп хабарлайды ҚР Қорғаныс министрлігінің баспасөз қызметі.
Отан қорғаушы және Жеңіс күндеріне арналған әскери шеру коронавирус бойынша эпидемиялық ахуалдың тұрақсыздығына байланысты өпейтін болды.
Сонымен қатар ведомствода іс-шараларға байланысты нақты жоспар бекітілмегенін айтты.

Қазақстан және Қызылорда облысының жаңалықтары