*<a href="https://kyzylorda-news.kz/">Kyzylorda-news.kz</a>.&nbsp;&nbsp;Клиенттердің өтініші бойынша Halyk Bank тағы да Алматыдағы “Хан-Тәңірі” тұрғын үй кешеніндегі жаңа пәтерлерді ұтысқа қосты. Банк клиенттері, яғни ұтыс ойынына қатысушылар атаулы тұрғын үй кешеніндегі жеті жаңа пәтердің бірін ұтып алу мүмкіндігіне ие болды. Ұтыс ойыны 2021 жылғы 11 мамырдан бастап 20 желтоқсанға дейін өткізіледі.*
Былтыр ұйымдастырған науқан клиенттердің көңілінен шықты. Ұтыс ойынды бір уақытта миллиондаған көрермен көріп, мыңдаған жылы пікір қалдырды. Ал ұтыс ойынның жеңімпаздары, яғни “Хан-Тәңірі” тұрғын үй кешенінде орналасқан пәтерді ұтып алған банк клиенттері өз өңірінде танымал адамға айналды. Осыған орай, көпшіліктің сұрауымен Halyk Bank тағы Алматыда орналасқан 7 пәтерді ұтысқа қосты.
Сонымен, кредит алу, бөліп төлеуге зат сатып алу жоспарыңызда болса, онда Halyk Bank ұсынған тиімді ұсынысты қолданыңыз. Қандай тиімді ұсыныс десеңіз: ең аз пайыздық мөлшерлеме, 24 айға дейін артық төлемсіз бөліп төлеу және жаңа пәтер иесі атану мүмкіндігі бар.
Ұтысқа қатысу үшін қарапайым екі шартты орындау жеткілікті. Бірінші – Halyk Bank-тен кредит немесе бөліп төлеу ресімдеу, екінші – Halyk Homebank қосымшасында әр ай сайын қызметтер үшін төлем жасау. Алғашқы пәтердің иесі маусым айында анықталады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сонымен, №1 шарт. Кредиттің қандай түрлері қатысады?
Бөліп төлеу:
<ul>
<li>Halyk Homebank қосымшасында 24 айға дейін пайызсыз және банк серіктестерінің желісінде артық төлемсіз онлайн бөліп төлеу ресімдеу</li>
<li>Halyk Market арқылы 200 000 ₸ бастап 0-0-24 мерзімге бөліп төлеуді ресімдеу</li>
</ul>
Кепілсіз кредиттер:
<ul>
<li>Halyk Homebank қосымшасындағы 200 000 ₸ басталатын онлайн кредит</li>
<li>Бөлімшеде 500 000 ₸ басталатын кепілсіз кредит</li>
<li>1 000 000 ₸ басталатын шұғыл қажеттіліктерге берілетін кредит қатысады</li>
</ul>
Кепілді кредиттер
<ul>
<li>Ипотекалық қарыз 1 000 000 ₸ бастап (оның ішінде “7-20-25”, “Баспана Хит” мемлекеттік бағдарламалар да қатысады)</li>
<li>Автокредит. Серіктестердің автосалонында. Жеңілдікпен берілген кредиттеуді қоспағанда</li>
</ul>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кредитті немесе бөліп төлеуді бір рет алыңыз және барлық 7 ұтыс ойынына да қатысыңыз. Бұл қалай? Ол үшін екінші шартты орындау қажет – Halyk Homebank қосымшасында төлемдер жасау. Ескеріңіз, кредитті неғұрлым ерте ресімдесеңіз және екінші шартты орындасаңыз пәтерді ұтып алу мүмкіндігі соғұрлым жоғары болады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; № 2 шарт. Halyk Homebank қосымшасында қандай төлемдер жасау керек?
Науқанның екінші шартын орындау үшін 2021 жылғы мамырдан бастап желтоқсанға дейін (әр айдың 20-күніне дейін) Halyk Homebank қосымшасында 1000 теңгеден басталатын сомаға кемінде бір төлем жасау қажет. Осылайша, Halyk Homebank қосымшасында комиссиясыз төлем жасап, 7 пәтердің бірін ұтып алудың мүмкіндігіне ие боласыз. Ал егер сіз жеңіске жету мүмкіндігіңізді арттырғыңыз келсе, онда айына бірнеше рет және әртүрлі санаттағы төлемдерді жасаңыз. Мысалы, егер сіз ұялы байланыс үшін 1, интернет үшін 1, коммуналдық қызмет үшін 1 төлем жасасаңыз, онда сіз ұтыс тізіміне 3 рет қосыласыз.
Тек бұл ғана емес! Halyk Homebank арқылы қызметтерді төлей отырып, сіз сондай-ақ қосымша жүлделі ұтыс ойынына қатыса аласыз. Әр апта сайын iPhone 12 ұтып алу және коммуналдық қызмет үшін жұмсалған соманы 100% бонус ретінде кері қайтара аласыз. Ол үшін Halyk Homebank қосымшасында әр апта сайын төлем жасау керек.
Арманыңызды орындау мақсатында ұтысқа қатысып оңтүстік астанада орналасқан жайлы пәтерді ұтып алу мүмкіндігін пайдаланыңыз. “Halyk Bank-тен ай сайын пәтерлер ұтысы” науқаны бойынша кредит алыңыз, Halyk Homebank-те қызметтерге ақы төлеңіз және Алматының беделді ауданы “Хан-Тәңірі” тұрғын үй кешеніндегі жаңа пәтерді ұтып алыңыз! Кредитті неғұрлым ерте ресімдесеңіз, пәтерді ұтып алу мүмкіндігі соғұрлым жоғары болады.
Науқан туралы барлық соңғы жаңалықтарды Halyk Bank-тің желідегі, яғни Instagram <a href="https://instagram.com/halykbank.kz?igshid=t8wthxnzcpn3">(@halykbank.kz</a>), Facebook парақшасында біле аласыз.
* Ұтыс ойынына ең көбі 10 төлем қатысады
** Ұтыс ойынына қатыспайды:
<ul>
<li>Halyk Bank қызметкерлері</li>
<li>Банкпен айрықша қарым-қатынастағы тұлғалар</li>
<li>Атаулы ұтыс аясында пәтер ұтып алған клиенттер</li>
<li>Ұтыс өткізу үшін тізімді қалыптастыру күнінде:
<ul>
<li>Ұтысқа қатысатын кредиті бойынша толық немесе ішінара мерзімінен бұрын өтеу</li>
<li>Ұтысқа қатысатын кредиттері бойынша ай сайынғы өтеу сомасы кешіккен клиенттер</li>
<li>Банктегі кез келген кредиті бойынша өтеу сомасы кешіккен клиенттер</li></ul></li>
</ul>
/ҚР Ұлттық Банктен 03.02.2020 ж. берілген №1.2.47/230/38/1 лицензиясы/

Әр ай сайын пәтер ұтысы: Halyk Bank 7 пәтерді ұтыс ойынына қосты

<a href="https://kyzylorda-news.kz/">Kyzylorda-news.kz</a>. Өңір басшысы Қармақшы аудандағы Жаңажол елді мекеніндегі орналасқан «Жаңажол» ЖШС-де бірнеше шаруашылық басшыларымен кездесті.
Жалпы Қармақшы ауданында ағымдағы жылы жалпы көлемі 25215 гектар алаңға егіс орналастыру жоспарлан. Су тапшылығына байланысты орналастырылатын күріш егісінің көлемін өткен жылмен салыстырғанда 500 гектарға азайтып, әртараптандыру дақылдарының, көкөніс және бақша дақылдарының көлемін арттырған. Атап айтқанда өткен 2020 жылы егістегі күріштің үлесі 59,6% құраса, биылғы жылы 52,1%-ға төмендетілген.
Күріш егісі бойынша бүгінгі таңда 11310 гектар дән себіліп, 9038 га суға бастырылды. Биылғы су тапшылығына байланысты күріш бастыру жұмыстары кестеге сай жүргізілмей келеді дейді шаруашылық басшылары.
Аймақ басшысы бұл мәселелер бойынша тиісті шаралардың атқарылып жатқанын айтты.
<img src="https://kyzylorda-news.kz/wp-content/uploads/2021/05/190900928_3401776063258772_8738323370481400533_n.jpg" alt="" />

Гүлшара Әбдіқалықова Қармақшы ауданындағы шаруашылық басшыларымен жүздесті

<a href="https://kyzylorda-news.kz/">Kyzylorda-news.kz</a>. Облыс әкімінің 2021 жылғы 27 мамырдағы өкімімен және Қазақстан Республикасы Президенті Әкімшілігі мен Арал аудандық мәслихатының келісімдері бойынша Арал ауданының әкімі лауазымына Сермағамбетов Серік Сағитжанұлы тағайындалды.
Аймақ басшысы Гүлшара Әбдіқалықова жаңа аудан әкімін Арал ауданында өткен жиында таныстырды.Серік Сермағамбетов 1965 жылы туған. Алматы халық шаруашылық институты экономист, Гумилев атындағы Евразия университетін заңгер мамандықтары бойынша бітірген.
Еңбек жолын 1988 жылы Балық шаруашылығы министрлігінің материалдық-техникалық жабдықтау орталық базасының аға экономисті болып бастаған.1991-2018 жылдары Қызылорда облысы әкімі аппаратында аға инспектор, Қызылорда қаласы әкімінің қаржы шаруашылық басқармасының бастығы, Қызылорда қаласы әкімі аппаратының жетекшісі, Шиелі ауданы әкімінің орынбасары, облыстық кәсіпкерлік және өнеркәсіп басқармасының бастығы, Жалағаш ауданының әкімі. Қызылорда облысының жұмылдыру дайындығы басқармасының басшысы лауазымдарын атқарған.
2018 жылдан бастап осы кезге дейін «Қызылорда облыстық кәсіподақтар орталығы» аумақтық кәсіподақтар бірлестігінің төрағасы қызметін атқарып келді.
<img src="https://kyzylorda-news.kz/wp-content/uploads/2021/05/190883154_3400966506673061_5039909018691815992_n.jpg" alt="" />

Арал ауданының әкімі тағайындалды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1849&nbsp;адамнан коронавирус табылды, деп хабарлады COVID-19 таралуына жол бермеу жөніндегі ведомствоаралық комиссия.
Айта кетейік, бір күн бұрын 1739 науқас тіркелген болатын.
Өңірлер бойынша мәлімет:
<ul>
<li>Нұр-Сұлтан қаласы – 297,</li>
<li>Алматы қаласы – 290,</li>
<li>Шымкент қаласы – 91,</li>
<li>Ақмола облысы – 129,</li>
<li>Ақтөбе облысы – 64,</li>
<li>Алматы облысы – 90,</li>
<li>Атырау облысы – 75,</li>
<li>Шығыс Қазақстан облысы – 80,</li>
<li>Жамбыл облысы – 32,</li>
<li>Батыс Қазақстан облысы – 98,</li>
<li>Қарағанды облысы – 320,</li>
<li>Қостанай облысы – 41,</li>
<li>Қызылорда облысы – 21,</li>
<li>Маңғыстау облысы – 47,</li>
<li>Павлодар облысы – 97,</li>
<li>Солтүстік Қазақстан облысы – 38,</li>
<li>Түркістан облысы – 39.</li>
</ul>
Жалпы ел бойынша ауырғандар саны – 380 160.

Қызылордада 21 адам коронавирус жұқтырғаны анықталды

<a href="https://kyzylorda-news.kz/">Kyzylorda-news.kz</a>.&nbsp;Қазгидромет 27 мамырға арналған ауа райы болжамын жариялады.
Қазақстан территориясының басым бөлігінде атмосфералық ауа ағындардың өтуіне байланысты құбылмалы ауа райы күтіледі. Кей жерлерде найзағаймен өткінші жаңбыр жауады.
Республиканың кей жерлерінде дауыл, желдің күшеюі күтіледі, бұршақ жаууы ықтимал, оңтүстікте шаңды дауыл болады.
Қызылорда облысында қатты ыстық болып, жекелеген аудандарында өте жоғары өрт қаупі күтіледі.

Бейсенбіге арналған ауа райы болжамы

Kyzylorda-news.kz. Заманауи талапқа сай құрал-жабдықтармен қамтамасыз етілген «Баспасөз орталығында» алғаш рет аудан әкімі Мұрат Ергешбаев журналистерге арнап брифинг өткізді. Оған республикалық, облыстық және аудандық бұқаралық ақпарат құралдарының өкілдері қатысты.
Брифингте аудан әкімі Мұрат Ергешбаев аудан көлемінде атқарылып жатқан жұмыстар мен жыл ішінде атқарылуы тиіс істерді тілге тиек етті.
Аудан басшысы Мұрат Нәлқожаұлы Қазалыда әсіресе, құрылыс, жол жөндеу, газдандыру бағытындағы ауқымды жұмыстар бар екенін ерекше айтты.
Биыл аудандық маңызы бар 50 шақырым жол мен елді мекенішілік 30 көшені жөндеуге 3,1 млрд теңге қаржы бөлінді. Қазіргі таңда аудан орталығындағы 2 көше, Ақтан батыр ауылында 1 көше, Қ.Пірімов ауылында 1 көшені асфальттау жұмыстары аяқталып, қабылдау жұмыстары жүргізілуде.
Ал, Әйтеке би кентіндегі Әбілқайыр хан және С.Мұқанов көшелері қайта жаңғыртылып, Қарасақал Ерімбет бұрылысы, М.Мәметова, Р.Бағланова көшелері, Қазалы қаласындағы 10 көшені асфальттау жұмыстары қарқынды жүргізілуде.
Ауданды газдандыру жұмыстары да қарқынды жүргізілуде. Бүгінгі таңда Әйтеке би кенті мен Ғ.Мұратбаев ауылы көгілдір отынға қосылды. Енді аудан орталығына жақын елді мекендер – Жалаңтөс батыр, Қашақбай Пірімов және Басықара ауылдарын газдандыру үшін қаржы бөлініп, жобасы әзірленуде.
Брифинг барысында бұқаралық ақпарат құралдарының өкілдері өздерінің сұрақтарын қойып, жауаптарын алды
<img src="https://kyzylorda-news.kz/wp-content/uploads/2021/05/img-20210526-wa0022.jpg" alt="" />
<img src="https://kyzylorda-news.kz/wp-content/uploads/2021/05/img-20210526-wa0020.jpg" alt="" />
.

Қазалы ауданы әкімдігі жанынан «Баспасөз орталығы» ашылды

Қызылорда облыс әкімі Г.Әбдіқалықованың қатысуымен интернет-конференция өтеді

<a href="https://kyzylorda-news.kz/">Kyzylorda-news.kz</a>. Қызылорда қаласында 8 жастағы бала өткелден құлап кетті.
Бала кешкі уақытты күріш алқабын суаратын магистральді канал үстіндегі көпірден өтіп бара жатып абайсызда құлап кеткен. Жанында анасы болған. Бірақ ештеңе істей алмаған. Қараңғы түсіп кеткендіктен құтқарушылар да көмек бере алмады.
<blockquote>
 «67 жеке құрам, 7 бірлік техника, 3 моторлы қайық, 3 сүңгуір және 2 кинологиялық топ жұмылдырылып іздестіру жұмыстары жүргізілуде. Судың жылдамдығы үлкен деңгейде болып отыр, соған байланысты күрішке дейін баратын барлық суармалы каналдарда іздестіру жүргіземіз», – дейді «Өрт сөндіру және авариялық құтқару қызметі» мекемесінің басшысы Нұрсұлтан Ибрагимов.
</blockquote>
Айта кетейік, бұл «Сталинск» каналына осыдан 2 күн бұрын 4-сынып оқушысы <a href="https://kyzylorda-news.kz/kogam/qyzylordada-10-zhastaghy-bala-swgha-batyp-ketti-112203/">батып кеткен</a> болатын.
Жалпы, жыл басынан бері облыс бойынша 13 адам суға кетсе, соның 8-і бала.

Қызылордада 8 жастағы бала суға кетті

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен кеңейтілген мәжіліс өтті.
Жиынның күн тәртібінде Конго-Қырым геморрагиялық қызбасының алдын алу шаралары, білім беру саласындағы мемлекеттік саясатты іске асыру және жергілікті қамтуды дамыту туралы 3 мәселе қаралды. Алғашқы мәселе бойынша баяндама жасаған облыстық жұмылдыру дайындығы басқармасының басшысы Медет Усаин ағымдағы жылы облыс бойынша Конго-Қырым геморрагиялық қызбасының қоздырғыштары болып табылатын кенелерден «қолайсыз» ретінде 113 елді мекен анықталғандығын жеткізді.
Анықталған 113 елді мекендегі барлық 567 мың 318 мал басына және жалпы көлемі 2 млн. 352 мың 450 шаршы метрді құрайтын 33 мың 385 қора, суат-шаңлақтарға көктемгі және күзгі залалсыздандыру жұмыстарын жүргізу жоспарланған. Қазіргі таңда, Қызылорда қаласы мен Жалағаш, Сырдария, Шиелі, Жаңақорған аудандарында көктемгі залалсыздандыру жұмыстары толығымен аяқталса, Қармақшы аудандарында ІІ-ші кезең жүргізілуде. Қазалы, Арал аудандарында І-ші кезең жалғасуда. Көктем айы басталғалы облыс аумағында «Конго-Қырым геморрагиялық қызбасы нақтыланған» жағдайы бойынша шұғыл түрде қосымша залалсыздандыру жұмыстары жүргізілді.
Аймақ басшысы көктем-күз айларындағы залалсыздандыру жұмыстарының уақытылы әрі сапалы жүргізілуі бойынша бірқатар тапсырма берді. Атап айтқанда, Қызылорда қаласы мен аудан әкімдеріне залалсыздандыру жұмыстарының сапалы жүргізілуі үшін елді мекендердегі мал қоралары мен оның сыртқы аймақтарының механикалық тазалануын қатаң бақылауға алып, тұрғындар арасында өз иеліктеріндегі мал бастарын кенеден жеке қорғау шараларын ұйымдастыру жөнінде түсіндірме жұмыстарын жүргізу тапсырды. Ал, облыстық санитарлық-эпидемиологиялық бақылау департаментіне тиісті сала басшыларымен бірлесіп, Конго-Қырым геморрагиялық қызбасы індетінің алдын алу бойынша профилактикалық шаралардың тиімді әдісін ұсынып, бұқаралық ақпарат құралдарында насихаттауды ұйымдастыруды жүктеді.
Күн тәртібіндегі екінші мәселе бойынша облыстық білім басқармасының басшысы Ақзира Қасымова баяндады. 
Облыс бойынша білім беру саласындағы мемлекеттік саясатты іске асыру бағытында Қазақстан Республикасы Президенті Жолдауында және «Білім беруді және ғылымды дамытудың 2020-2025 жылдарға арналған» мемлекеттік бағдарламасында белгіленген міндеттер мен тапсырмалар, көрсеткіштер кезенмен бекітілген жоспарға сәйкес орындалуда.
2021 жылға білім саласына 173,6 млрд. тенге бөлініп, былтырғы жылмен салыстырғанда қаржыландыру 8 пайызға артқан. Бүгінгі күні облыстағы 669 мектепке дейінгі ұйымда 58 519 бала тәрбиеленуде. Облыста жекеменшік балабақшалардың үлесі 74% құрайды.
Облыстағы 60 қосымша білім беру ұйымдарына 53 012 оқушы қамтылса, мектеп жанындағы үйірмелерге 84 020 оқушы тартылған. Облыста 550 орындық 3 қосымша білім беру ұйымының құрылыстары жүргізілуде (Қармақшы, Жалағаш, Қызылорда). Оның ішінде, екі ғимарат жаңа оқу жылына іске қосылса, бір ғимарат жыл соңына дейін пайдалануға беріледі деп жоспарлануда.
2020 жылы «Жол картасы» аясында 5 колледждің оқу ғимараты, оқу-өндірістік шеберханалары мен жатақханаларына күрделі жөндеу жұмыстары жүргізілді. Бұл мақсатқа республикалық бюджеттен 2,1 млрд. теңге қаржы бөлінді. Оқу орындары ақылы оқу мен ақылы қызмет түрлерінен табыс табу көздерін жүзеге асырып келеді. Атап айтқанда, жылы-жайда көкөніс өсіру, күріш, жоңышқа дақылдарын егу, бау-бақша, жеміс-жидек өсірумен айналысуда.
Облыс әкімі білім саласындағы мемлекеттік саясатты жүзеге асыру бойынша нақты тапсырмалар берді.
<blockquote>
 «Білім беруді және ғылымды дамытудың 2020-2025 жылдарға арналған мемлекеттік бағдарламасында белгіленген индикаторлар мен көрсеткіштердің мерзімінде орындалуын қамтамасыз етіп, жазғы маусымда балалардың тынығуы мен сауқтырылуын сапалы ұйымдастыру қажет. Жазғы уақытта балалардың судағы қауіпсіздігін қамтамасыз ету бағытындағы шараларды бақылауға алыңыздар. Облыстық экономика және бюджетті жоспарлау басқармасы білім басқармасымен бірлесіп, салаға қосымша қажетті қаржы көлемін қайта пысықтап, тиісті ұсыныстар енгізсін. Бюджет есебінен салынып жатқан мектеп құрылыстарының мерзімінде пайдалануға берілуін қамтамасыз етіңіздер, – деді Гүлшара Әбдіқалықова.
</blockquote>
Жергілікті қамтуды дамыту туралы облыстық индустриялық-инновациялық даму басқармасының басшысы Ринат Сұлтангереев баяндама жасады.
ҚР Индустрия және инфрақұрылымдық даму министрлігі тапсырмасына сәйкес ағымдағы жылдың ақпан айында 2019-2020 жылдар кезеңінде жергілікті атқарушы органдардың қызметінде жергілікті қамтуды дамыту жөніндегі шаралардың тиімділігін бағалау үшін тексеру жүзеге асырылды. Тексеру қорытындысы бойынша облысымызға жақсы деген баға қойылды.
Өңірде цемент зауыты, кірпіш зауыттары, темірбетон, асфальт-битум бұйымдарын, әк, полиэтилен құбырларын, желім, әртүрлі фракциядағы қиыршық тасты өндіретін кәсіпорындар жұмыс жасайды.
Аймақ басшысы «Жұмыспен қамту жол картасы – 2021» мемлекеттік бағдарламасы және құрылыс-монтаждау жұмыстары аясында тауарларды сатып алудағы жергілікті қамту үлесін 90%-ға дейін жеткізуді тапсырды. Сонымен қатар, мемлекеттік бюджет қаражаты есебінен іске асатын жобалардың сметалық құжаттамаларына сәйкес отандық құрылыс материалдарын нақты сатып алуға мониторинг жүргізілу қажет екенін айтты.

Гүлшара Әбдіқалықованың төрағалығымен кеңейтілген жиын өтті

<a href="https://kyzylorda-news.kz/">Kyzylorda-news.kz</a>. Қазақстанда волонтерлікті және қайырымдылықты дамыту мәселелері бойынша заңнамаға түзетулер енгізіледі. Бұл туралы ҚР Ақпарат және әлеуметтік даму министрі Аида Балаева мәлімдеді.
Заңға енгізілетін түзетулерде еріктілер мен қайырымдылықпен айналысатындарға жоғарғы оқу орнына түсу, мемлекеттік қызметке тұру жеңілдету көзделген.&nbsp;Оған қоса, қайырымдылық ұйымдарына мемлекеттік меншікті ұсыну, зейнетке шыққаннан кейін еріктілер қызметін есепке алу мәселесі де заңмен бекітілмек.&nbsp;
Аида Балаева атап өткендей, еріктілер жылында волонтерлер саны&nbsp;шамамен 3 есеге өсті (2020 жылдың басында – 224, қазіргі уақытта – 600), ал белсенді еріктілер – 2 есеге өсті.
<blockquote>
 “Қайырымдылық қызметін дамыту шаралары тиімді жүзеге асырылды. Пандемия азаматтарға бір-біріне көмектесудің қаншалықты маңызды екенін көрсетіп берді.&nbsp;Осы дәстүрді сақтай отырып, биыл мемлекет басшысының бастамасымен жалпыхалықтық игі істер марафоны басталды. Ол да қоғамдық&nbsp;қолдау тауып отыр. Тек бірінші тоқсанның өзінде 2500-ден астам түрлі форматтағы іс-шаралар өткізілді, оған 2 миллионнан астам азамат қатысты”, – деді министр.
</blockquote>
Естеріңізге сала кетейік, Қазақстанда 500-ден астам ұйымды біріктірген Республикалық фронт-офис және 17 аймақтық волонтерлік қолдау орталығы құрылды. 6000-нан астам еріктілер оқытылды, 50 бастамашыл топтар құрылды, 500-ден астам шағын гранттар іске асырылды.
<a href="https://stan.kz/kazakstandik-eriktilerge-zhoo-ga-tusu-zhenildetiledi-347248/">Stan.kz</a>

Қазақстанда еріктілерге ЖОО-ға түсу кезінде артықшылық беріледі

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында жүргізу құқығынан айырылған мас жүргізуші ұсталды.
Жедел-профилактикалық іс-шарасы барысында &nbsp;24 мамыр күні түнгі уақытта Сырдария ауданы көшелерінің бірінде полиция қызметкерімен жол ережесін бұзғаны үшін жеңіл автокөлік «Volkswagen Golf» тоқтатылды. Автокөлікті басқарған 42 жастағы аудан тұрғыны мас күйінде болды. Анықталғаны, бұл азамат сот шешімімен 27 тамыз 2020 жылы 7 жылға көлік құралын жүргізу құқығынан айырылған, алайда ол көлікті мас күйінде қайта басқарып, басқа жол қозғалысына қатысушылардың өміріне қауіп төндірді.&nbsp;
Оған қатысты Қазақстан Республикасы Қылмыстық кодексінің 346-бабының 1-бөлігімен (көлік құралын басқару құқығынан айырылған, алкогольдік масаң күйдегі адамның көлік құралын басқару) сотқа дейінгі тергеп-тексеру басталды. Автокөлік айып алаңына қойылды. Жүргізуші ауданның полиция бөлімінің уақытша ұстау изоляторына&nbsp; қамалды.
Бұл орайда, жол-көлік оқиғаларының алдын алу және оларды болдырмау&nbsp;мақсатында Қызылорда облысы Полиция департаментінің қызметкерлері&nbsp; облыс тұрғындарының жолдағы жауапкершіліктерін күшейтуді ескертеді.

Қызылордада жүргізу құқығынан айырылған мас жүргізуші ұсталды

<a href="https://kyzylorda-news.kz/">Kyzylorda-news.kz</a>. «Қазақстан Темір жолы Ұлттық компаниясы» АҚ-ның Қазалы жол дистанциясының бөлімше бастығы теміржол құрылыс материалдарын пайдакүнемдік&nbsp; мақсатта иеліктен шығарып, талан-таражға салу&nbsp; арқылы жымқырғаны үшін жазаға тартылды.
&nbsp;Қызылорда магистральдық желі&nbsp; бөлімшесіне келтірілген залал көлемі 23 млн. теңге үстінде.
ҚР Қаржылық мониторинг агенттігі Қызылорда облысы бойынша экономикалық тергеп-тексеру департаментінің дерегінше лауазымды тұлғаның жауапкершілігіндегі тауарлы-материалдық құндылықтардың жетіспеушілігі &nbsp;жүргізілген аудиторлық тексеру кезінде анықталған.
Арал аудандық соты «алдау немесе сенімді теріс пайдалану жолымен &nbsp;аса ірі мөлшерде мүліктік залал келтіру» &nbsp;деген айыппен&nbsp; (ҚР ҚК 195 бабы 4 бөлігі 2 тармағы) үкім кесті.
&nbsp;Яғни, сотталушыға материалдық жауапкершілікпен байланысты қызметпен айналысу құқығынан екі жылға айыра отырып,&nbsp; екі жыл&nbsp; бас бостандығынан шектеу жазасы және осы мерзімге пробациялық бақылау тағайындалды.
Сонымен қатар, зардап шегуші «Қазақстан Темір жолы Ұлттық компаниясы»Акционерлік қоғамының&nbsp;&nbsp; Қызылорда магистральдық желі&nbsp; филиалының&nbsp; пайдасына&nbsp; 23 миллион 152 мың теңгені өз еркімен төлеу үшін&nbsp;&nbsp; сотталушыға 2 ай мерзім белгіленді.

Қазақстан және Қызылорда облысының жаңалықтары