<a href="https://kyzylorda-news.kz/">Kyzylorda-news.kz.</a> Балаларда коронавирустың «омикрон» штамы ауыр өтеді, деп мәлімдеді балалардың инфекциялық аурулары кафедрасының меңгерушісі, инфекционист дәрігер Динагүл Баешова. Оның айтуынша, жаңа «омикрон» штамының жұққыштығы жоғары, жылдамдығы дельта штамнан бірнеше есе көп.
<blockquote>
 «Омикрон барлық жастағы адамдарға, соның ішінде балаларға да жұғады. Бүгінде шетелдік дәрігерлер «омикрон» балаларда өтетінін жазып жатыр, оны өзіміз де оқып отырмыз. Қандай штамм болса да, иммунитеті төмен, созылмалы және онкологиялық ауруы бар адамдарда коронавирус ауыр өтетіні белгілі. Сондықтан бұл инфекция балалардағы инфекциялық аурулар құрылымында бүгінде маңызды орынға ие болып отыр», – деді дәрігер.
</blockquote>
Нұр-Сұлтан қаласының әкімі ауру асқынып, вирус жұқтырғандар саны күніне мың және одан да көп адамға жетуіне жол бермеу керектігін хабарлады.
Ол үшін азаматтар эпидемияға қарсы іс-шараларды қатаң ұстануы керек: әлеуметтік қашықтық, бетперде тағу, қол жуу, көз бен мұрынның шырышты қабығына қол тигізбеу, адамдар көп шоғырланған орындарға бармау.
<blockquote>
 «Өкінішке қарай, ата-аналардың кішкентай балаларымен бірге сауда орталықтарында серуендеп жүргенін көріп отырмыз. Қазір мұндай орындарда демалатын уақыт емес. Балаңыздың дені сау болсын десеңіз, шыдамдылық танытып, баламен оқшаулауланған орындарда қыдыру қажет. Біз Қазақстандағы барлық стационар бойынша сараптама жұмысы жүргізіп, 2020 және 2021 жылдары коронавирус жұқтырғандар санын салыстырдық. 2021 жылы коронавирус жұқтырғандар саны 5 есе, ал ауыр халде жатқандар саны 20 есе артқанын анықтадық», – деді инфекционист.
</blockquote>
Ол ата-аналарды респираторлы ауру белгілері бар туыстар мен таныстарға балаларды жақындатпауға шақырды. Себебі коронавируста да тұмау сынды тамақ жыбырлауы, жөтел, мұрын бітуі сынды ұқсас симптомдар бар.
Дәрігер вакциналауды коронавирустан қорғайтын ең тиімді әдіс деп атады.
Бұған дейін денсаулық сақтау министрі Ажар Ғиният Қазақстанда коронавирусқа қатысты оптимистік және пессимистік сценарийлерді атады. Оптимистік болжам бойынша, егер халық 100% ревакциналаудан өтсе және профилактикалық шараларды толық сақтаса, онда наурыздың соңына қарай ауру жұқтырғандар саны тәулігіне 17,5 мың адамға жетеді. Реалистік сценарий бойынша, ревакциналау деңгейі 70% және сақтану шаралары ішінара сақталса, онда ауру жұқтырғандар саны тәулігіне 25,5 мың адамға жетеді.
Ал ревакциналау халықтың 40%-іне жүргізілсе және профилактикалық шаралар сақталмаса, онда бір тәуліктегі вирус жұқтырғандар саны 40 мың адамға жетеді.
<a href="https://sputnik.kz/densauly/20220112/19127452/omikron-balalar-infektsionist.html">Sputnik.kz</a>

Инфекционист: «Омикрон» штамы балаларда ауыр өтеді

<a href="https://kyzylorda-news.kz/">Kyzylorda-news.kz.</a> Елімізде орын алған Төтенше жағдай салдарынан Қызылорда қалалық Полиция басқармасының тәртіп сақшыларының жедел іздестіру шараларының нәтижесінде 292 азамат жеткізілді. Ал уақытша ұстау абақтысына 72 адам қамалды.
Өңірде антитеррорлық операция жалғасып жатыр. 5 қантар күні қала аумағында орын алған жаппай тәртіпсіздік оқиғасы бойынша 52 адам анықталып, қылмыстық іс тіркеліп, сотқа дейінгі тергеп-тексеру әрекеттері жүргізілуде.
Аталған дерек бойынша Қазақстан Республикасының Қылмыстық Кодексінің 202 бабы (Бөтеннің мүлкін қасақана жою немесе бүлдiру), 255 бабы (Терроризм актісі)​ 269 бабы (Ғимараттарға, құрылыстарға, қатынас және байланыс құралдарына шабуыл жасау немесе оларды басып алу) 380 бабы (Құқық қорғау органы, арнаулы мемлекеттік орган қызметкерінің, әскери қызметшінің өміріне қолсұғушылық) бойынша сотқа дейінгі тергеп –тексеру әрекеттері жүргізілуде.
<img src="https://kyzylorda-news.kz/wp-content/uploads/2022/01/271819962_1023025314914571_7687807102865009814_n.jpg" alt="" />

Қызылордада тәртіп бұзған 292 азамат ұсталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында Төтенше жағдай талаптарын сақтамаған 241 құқық бұзушы анықталды.
Бүгінгі таңда енгізілген төтенше жағдай талаптарын бұзғаны үшін 241 құқық бұзушылық анықталды. Оның ішінде Әкімшілік кодекстің 476-бабымен- 182, 488-бабымен – 59 құқық бұзушылық анықталды.
Қызылорда облысының мамандандырылған әкімшілік сотымен 18 азаматқа айыппұл салынса, 97-сі әкімшілік қамауға алынды.
Әлеуметтік желілер мен мессенджерлерде жарияланған материалдарға мониторинг жүргізіліп, арандатушылық сипаттағы жалған ақпарат таратылған 1 дерек анықталып, ол бойынша ҚР ӘҚБтК-нің 478-бабының 1-бөлігіне сәйкес (Төтенше жағдай кезiнде құқықтық тәртiпті бұзуға итермелейтiн әрекеттер) Байқоңыр қалалық сотының шешімімен құқық бұзушыға 30 (отыз) тәулікке әкімшілік қамаққа алу түріндегі әкімшілік жазасы тағайындалды.
Төтенше жағдай режимі кезіндегі талаптардың сақталуын қадағалау мақсатындағы жұмыстар жалғасуда.
<img src="https://kyzylorda-news.kz/wp-content/uploads/2022/01/0109759-scaled.jpg" alt="" />

Қызылордада ТЖ талаптарын сақтамаған 241 құқық бұзушы анықталды

<a href="https://kyzylorda-news.kz/">Kyzylorda-news.kz.</a>&nbsp;ҚР Президенті Қасым-Жомарт Тоқаев қазақстандықтарға маңызды үндеу жариялады.
Мемлекет басшысы үндеуде халықты алаңдатқан мәселелерді алға тартып, оларды шешудің нақты қадамдарын атап өтті. Мәселен, ұзақ уақыттан бері халықтың мұңына айналған утилизациялық алым мәселесін жуық арада шешу жоспарланды. Сонымен қатар ел экономикасының басым бөлігін құрайтын «Самұрық-Қазына» әл-ауқат қорының жұмысын қайта қарастыру да жоспарға енді.
Президент мұнан өзге елде жастар саясатына да ерекше назар аударылатынын айтты.
«Ел болашағы – жастардың қолында» десек, қазір олардың сапалы өмір сүріп, білім алуы мемлекеттің қолдауымен жүзеге асуы тиіс. Осы мәселеде Мемлекет басшысы елімізде белгілі шетелдік бес университеттің филиалын ашу, сонымен қатар жоғарғы оқу орындарының сапалық деңгейін көтеру туралы тапсырма берді. Оған қоса, жастардың бизнестегі бастамасына берілетін гранттар құнын 400 айлық есептік көрсеткішке дейін арттыруды тапсырды. &nbsp;
Президент қазақ елінің жаңа келбетін қалыптастыруға бағытталған үндеуінде тиісті сала жетекшілеріне біршама міндеттер мен тапсырмалар жүктеді. Осы орайда қызылордалықтар да бірлігімізді күшейтіп, ынтымағымызды аттырайық.
Аманжол ОҢҒАРБАЕВ,
Қызылорда облыстық мәслихат депутаты

Президент үндеуі елдің жаңа келбетін қалыптастыруға бағытталып отыр

<h4 id="kyzylordanewskzhttpskyzylordanewskznbsp"><a href="https://kyzylorda-news.kz/">Kyzylorda-news.kz.</a>&nbsp; Үкімет отырысында Білім және ғылым министрі Асхат Аймағамбетов қаза тапқан әскери қызметкерлердің балалары үшін білім гранты бөлінетінін айтты.</h4>
Қазақстанда бірнеше күнге ұласқан жаппай тәртіпсіздік салдарынан қаза тапқан &nbsp;полицей, әскери қызметкер, арнаулы мемлекеттік органдар қызметкерлерінің балалары университетте білім алу үшін арнайы білім гранты беріледі.
<blockquote>
 «Елімізде қоғамдық тәртіпті сақтау үшін әскери, азаматтық міндетін өтеу кезінде қаза тапқан әскери қызметшілер, құқық қорғау және арнаулы мемлекеттік органдар қызметкерлердің балаларына университетте оқу үшін білім гранты беріледі», – деді министр.
</blockquote>

Қаза тапқан полицейлер мен әскери қызметкерлердің бала-шағасы университетте тегін оқиды

<a href="https://kyzylorda-news.kz/">Kyzylorda-news.kz.</a> Қазақстанда төтенше жағдайға байланысты бірқатар салада жедел желі жұмыс істеп тұр.
Қазір «Атамекен» кәсіпкерлер палатасында 14-32 нөмірлі жедел желі жұмысы іске қосылды. Оған зардап шеккен бизнес нысандарының қожайындары хабарласа алады. Келтірілген шығын көлемін фото және видеоға түсіру керек.
Азық-түлікті негізсіз қымбаттатуға қарсы телефон желісі ашылды.
Елімізде әуе рейстері бойынша ақпарат алатын жедел желі ашылды. Желіде рейстердің мәртебесі, олардың шегерілуі және билеттерді қайтару мәселелері жөнінде жолаушыларға кеңес беріледі. Ол үшін 8 7172 79 82 13 және 8 7172 79 82 14 нөмірлеріне хабарласу керек.
Call-орталық тәулік бойы үздіксіз жұмыс істейді. Желі «Қазақстанның авиациялық әкімшілігі» АҚ базасында ұйымдастырылды.
Сонымен қатар медициналық ұйымдардың жедел желісі ашылды. Қызметкерлердің қауіпсіздігін ескере отырып, күшейтілген режимде жұмыс істейді. Ел бойынша орталықтардың жедел желісі іске қосылды. Төтенше жағдайда медициналық көмек көрсету және міндетті әлеуметтік сақтандыру жүйесі мәселелері бойынша халыққа кеңес беру үшін экранда көрсетілген нөмірлер бойынша 14-06 байланыс орталығының қосымша КОЛЛ-орталығы ашылды. Күн сайын таңғы 08:00-ден кешкі 20:00-ге дейін қолжетімді.
Айта кетейік, бұған дейін желтоқсанның 24-і мен 5 қаңтар аралығында ҰБТ-ға құжат тапсыру керек болған. Тестілеу 10 қаңтардан басталып 1 ай ішінде өткізілуі қажет еді. Ал балалардың қауіпсіздігін қамтамасыз ету мақсатында олардың құқықтарын қорғау комитетінің жедел желісі іске қосылды.
ҚР БҒМ білім саласына қатысты сауалдар туындаған жағдайда хабарласуға болатын аймақтық жедел желі нөмірлерін жариялады.
ЖЕДЕЛ ЖЕЛІ: 87172742528; 87771836567; 87013786629; 87761707383
Террористік шабуыл кезінде зардап шеккен азаматтарға қолдау көрсету мақсатында Республикалық адвокаттар алқасы заң көмегін көрсетуге қатысты мәселелер бойынша өтініштер қабылдау үшін аумақтық адвокаттар алқалары бойынша «жедел желіні» іске қосты.
Қызылорда облысының адвокаттар алқасы: +77087086606.
<a href="https://24.kz/kz/zha-aly-tar/bylu-manyzdy/item/521238-aza-standa-y-tzh-kezinde-azhetti-bajlanys-n-mirleri">Хабар 24</a>

ТЖ кезінде қажетті байланыс нөмірлерін білесіз бе?

<a href="https://kyzylorda-news.kz/">Kyzylorda-news.kz.</a>&nbsp; Халықтың бейбіт шеруімен басталып, осы сәтті пайдаланған лаңкестік топтардың террористтік әрекеттеріне ұласқан қайғылы күндер Тәуелсіздік алған жылдардағы ең ауыр күндер болды. Бұл күтпеген жағдай баршамызды есеңкіретіп тастады. Ертеңгі күнімізге деген сенімге қаяу түсірді.
Алайда, 11 қаңтар күні Ел Президенті Қасым-Жомарт Тоқаев Парламент Мәжілісінің пленарлық отырысына қатысып, контртеррористік операцияның негізгі фазасы аяқталғанына тоқталып, еліміздің барлық өңірінде ахуал тұрақты екенін жеткізді. Сондай-ақ, осы пленарлық отырыста Президент баяндама жасап, жаңа Үкіметке саяси, әлеуметтік-экономикалық салалардағы және ұлттық қауіпсіздік пен қорғанысты қамтамасыз ету жөніндегі өзекті мәселелерді шешу үшін нақты міндеттер жүктеді. Ең бастысы қазіргі антитеррорлық іс-шараларды тиімді аяқтап, бағаның негізсіз өсуіне тосқауыл қойып, кәсіпкерлердің елдің экономикалық жағдайының өсуіне үлес қосуына қолдау білдіріп, мәдениет пен білім саласының да дамуы әрқашан назарда болуға тиіс екеніне тоқталды.
Мемлекет басшысы қайғылы күндерде бірлігін танытқан қазақстандықтарға шынайы ризашылығын білдіре отырып: «Ең бастысы, береке-бірлікті, тыныштық пен тұрақтылықты сақтауымыз қажет. Енді, Қазақстанда дамудың жаңа кезеңі басталады. Бұл шынайы жаңару кезеңі болады. Егемен елімізді бірге өркендетейік! Халқымыз үшін Тәуелсіздік бәрінен қымбат. Жаңа Қазақстанды Бірге құрайық!» -деп үндеу тастады.
Қашанда бейбітшілік пен ауызбіршілікті ойлаған халық үшін Президентіміздің бұл мәлімдемесі ертеңгі күнге деген сенімнің бір ұшқынын жаққандай болды. Әрқашан жақсылықтан үміт күткен қазақпыз. Бірлігімізді сақтай отырып, болашаққа нақты қадам жасайық!
Қанағат МАХАМБЕТОВА,
Арал аудандық оқушылар үйінің директоры, аудандық мәслихаттың депутаты.

Қанағат Махамбетова: Жаңа қадам. Жаңа Қазақстан

<a href="https://kyzylorda-news.kz/">Kyzylorda-news.kz.</a>&nbsp;Atameken Qyzylorda микоқаржы ұйымы арқылы жалпы құны 28,2 млн теңгені құрайтын 6 жоба қаржыландырылды.
Қызылорда облысы кәсіпкерлер палатасының директоры Ғалымбек Жақсылықов Палата, Кәсіпкерлерге қызмет көрсету орталығы мен Atameken Qyzylorda микроқаржы ұйымы қалыпты режимде жұмыс жасап жатқанын жеткізді.
<blockquote>
 «Өткен жылдың тамызынан жұмысын бастаған Atameken Qyzylorda микроқаржы ұйымы арқылы жалпы құны 304,2 млн теңгені құрайтын 82 жоба қаржыландырылды. Айта кету керек, ұйым «Бастау Бизнес», «Бизнес мектеп» және басқа да мемлекеттік бағдарламалар аясында соңғы 3 жыл ішінде кәсіпкерлік негіздеріне оқыған сертификаттары бар азаматтарға жеңілдетілген несие береді. Аймақтардан Сырдария мен Жалағаш аудандарының тұрғындары белсенді. Жалпы қаржының 45 пайызын осы аудандағылар алды», – деді Палата директоры Ғалымбек Жақсылықов.
</blockquote>
Еске салайық, несиені кез келген салада бизнесті дамыту үшін алуға болады. Тек микроқаржы ұйымы несиені тұтынушылық мақсатқа, бұрын алған несиені өтеу, несие берешегін қайта қаржыландыруға, жылжымайтын тұрғын үй, жеке тұрғын үй құрылысы үшін жер учаскелерін сатып алуға бермейді.
Несие 5 жылға дейін, ал мал шаруашылығындағы жобалар үшін 7 жылға дейін беріледі.
Ауылдық жерде тұратын азаматтар Кәсіпкерлер палатасының аудандық филиалына арқылы өтінім бере алады.
Қызылорда облысындағы Atameken Qyzylorda микроқаржы ұйымы Қызылорда қаласы Қорқыт ата көшесі 123 «Бизнеске арналған Үкімет» ғимаратының 3-қабаты 316-кабинетінде орналасқан.
Несиелендіруге қатысты барлық сауал бойынша 8 /7242/ 40-09-81, ішкі нөмірі 4330 арқылы хабарласа аласыздар.

Atameken Qyzylorda: Қызылордада 6 жоба қаржыландырылды

<a href="https://kyzylorda-news.kz/">Kyzylorda-news.kz.</a> 12 қаңтардан бастап өңірімізде, автокөлік иелеріне мемлекеттік қызметтер көрсететін мамандандырылған ХҚО-лар жұмыс істей бастады.
Жұмыс кестесі – сағат 9.00-ден 18.00-ге дейін (дүйсенбі-жұма аралығында).
<blockquote>
 «Автоқызметтер – сұранысқа ие мемлекеттік қызметтердің бірі. Бүгін&nbsp; мамандандырылған ХҚО өз жұмысын қайта бастады.Белгілі себептерге байланысты, он күн көлемінде автокөлік иелеріне қызмет корсету мүмкіндігі болмады, осы орайда тұрғындардан кезектердін болу ықтималдығына түсіністікпен қарауларыңызды сұраймын. Сондай-ақ автокөлікті Kaspi және Halyk Homebank банк қосымшалары арқылы қайта ресімдеуге болатынын еске саламын. АвтоХҚО-ларда кезек тудырмау үшін осы сервистерді пайдалануға кеңес беремін» – деді «Азаматтарға арналған үкімет» мемлекеттік корпорациясы Қызылорда облысы бойынша филиал директоры Айнұр Тобаева.
</blockquote>
Мамандандырылған ХҚО ғимаратына кіру Ashyq қосымшасы арқылы жүзеге асырылады. Эпидемиологиялық жағдайға байланысты клиенттер санитарлық қауіпсіздік ережелерін сақтауы тиіс – әлеуметтік қашықтықты сақтап, бетперде тағуы керек.

Бүгін Қызылордада мамандандрылған ХҚО жұмысын қайта бастады

<a href="https://kyzylorda-news.kz/">Kyzylorda-news.kz.</a>&nbsp;«Қазақтелеком» елде жарияланған төтенше жағдайға байланысты жеке абоненттерге қаңтардағы қызметі үшін ай сайынғы абоненттік төлемге 50% жеңілдік береді. Бұл туралы «Қазақтелеком» АҚ басқармасының төрағасы Қуанышбек Есекеев хабарлады.
<blockquote>
 «Әрине, еліміз үшін қиын-қыстау кезеңде, сын сағатта біз сырт қала алмадық, тұтынушыларымызды қолдауға бағытталған шаралар кешенін әзірледік. Қолданушылар алдындағы жауапкершілікті толықтай сезініп, компанияның топ-менеджменті жеке тұлғаларға 2022 жылдың қаңтар айының қызметтері үшін ай сайынғы төлеміне 50% жеңілдік беру туралы шешім қабылдады», – деді Қуанышбек Есекеев.
</blockquote>
Компания түзетілген соманы ақпанда шығарады, өйткені post paid режимінде жұмыс істейді (яғни төлемақыны есептеу әдетте есеп айырысу айынан кейінгі 25-күнге дейін жасалады).
Бұл тармақ компанияның тұтынушыларымен жасасқан келісімшартта жазылған.
Сондай-ақ байланыс операторы 2022 жылдың 31 қаңтарына дейін барлық абонентіне шектеусіз қалааралық қоңырау шалуға, сонымен қатар тіркелген қалалық нөмірлерге қосымша төлемсіз хабарласу үшін байланыс операторларының мобильді нөміріне 1000 минут тегін таратты.
Айта кетері, бұған дейін «Қазақтелеком» кәсіпкерлер төтенше жағдай кезінде қызметін жалғастыру үшін Ismet.kz порталын интернетсіз қолжетімді етті.

«Қазақтелеком» абоненттеріне төтенше жағдайға байланысты қаңтарда 50% жеңілдік жасалады

<a href="https://kyzylorda-news.kz/">Kyzylorda-news.kz.</a>&nbsp; «Talap» КЕАҚ президентінің кеңесшісі, белгілі ұстаз Әсима Бимендина елде болған тәртіпсіздіктерге қатысты пікір білдірді, деп хабарлады&nbsp;<a href="http://elorda.info/">Elorda.info</a>.&nbsp;
«Президентіміз патриоттық сезімінің арқасында уақытылы шешім қабылдап, қазіргі таңда барлығы қалыпты өмір жағдайына келіп жатыр. Елімізде төтенше жағдай жарияланды. Енді барша халық осы талаптарды орындауымыз керек. Сабыр сақтауымыз керек.
Президент халық үшін, еліміз үшін барлық жағдайды жасап жатыр. 30 жылда жеткен тарихымызды, жеткен жетістіктерімізді ешкім өшіріп тастай алмайды. Ол әр адам жұмысында, отбасында жауапкершілікпен қараса, сонда ғана барлығы дұрыс шешіледі деп ойлаймын.
Біздің күшіміз – бірлікте. Сондықтан, құрметті халайық, ата-ана, ұстаз ретінде айтарым, балалардың қауіпсіздігін сақтауымыз керек. Балалардың болашағын ойлауымыз керек… Болашағымыз жарқын болады деп сенемін», – деді Әсима Бимендина.

Әсима Бимендина: Біздің күшіміз – бірлікте

<a href="https://kyzylorda-news.kz/">Kyzylorda-news.kz.</a>&nbsp; «Nur Otan» партиясы қашанда халықпен бірге болып, өзінің барлық күш-қуатын халықты қолдауға, Елдікті сақтауға және тұрақтылықты қамтамасыз етуге бағыттауда.
Кешегі орын алған қиын қыстау кезде де партияның барлық ресурстары Мемлекет басшысының елдегі тұрақтылықты қамтамасыз етуге бағытталған тапсырмаларын орындауға жұмылдырылды.
Бейбіт шерулер орын алған уақытта облыстық партия филиалының төрағасы, облыс әкімі Г.Әбдіқалықова, барлық аудандық партия филиалдарының төрағалары, аудан әкімдері, партия ардагерлері мен белсенділері, фракция мүшелері халықтың ортасында болып, олардың ұсыныс тілектерін тыңдады. Ашуға булыққан халыққа басу айтып, елдің тыныштығын сақтауға шақырды.
Мұнан бөлек, Сексеуіл кенті, Қазалы ауданы мен Төретам кентінде теміржол бекеттерінің жабылуы салдарынан орын алған келеңсіздіктер кезінде сол жерлердегі фракция мүшелері тұрып қалған поезд жолаушыларымен бірге болып, сабырлыққа шақырды.
Жолаушыларға ыстық тамақ пен гигиеналық заттардың жеткізілуін үйлестіруге қатысты. Сондай-ақ, фракция мүшелерімен арнайы ұжымдарда (теміржолшылар, мұнайшылар, жұмыссыз жастар арасында) кездесулер өтіп, елдің тыныштығын сақтауға бағытталған ақпараттық жұмыстар жүргізілді. Мұндай насихат жұмыстары партия белсенділері мен партия жанындағы қоғамдық кеңестер төрағаларымен әлеуметтік желілерде және жергілікті БАҚ–да жарияланды.
Денсаулық сақтау саласындағы партияластарымыз шеру кезінде зардап шеккен тұрғындарға медициналық қызмет көрсетіп ұжымды жұмылдыруда.
“Jas Otan”ЖҚ белсенділері облыстағы жастармен бірлесіп, қала қақпаларына орынатылған блок посттардағы әскери қызметшілерге ыстық тамақ жеткізу жұмыстарына атсалысуда.
Бүгінгі күндері де партия мүшелері мен жақтастары өздерінің адал еңбектерімен, жеке қаражаттарымен бұзақылар қолымен бұзылған ғимараттарды қалпына келтіруге көмектесіп жатыр.
«Nur Otan» партиясы әрқашан халықпен бірге болды және солай бола береді.

Қазақстан және Қызылорда облысының жаңалықтары