**<a href="https://kyzylorda-news.kz/">Kyzylorda-news.kz.</a> Қызылорда қаласында 5 қаңтар күні жаппай тәртіпсіздік кезінде қала тұрғыны *бүлікшілермен бірге*** *облыс әкімдігінің ғимаратына кіріп, әскери «Камаз» жүк көлігін тартып алып, өзі тізгіндеген.*
Тартып алынған автокөлікті тізгіндеу кезінде қала орталығында орналасқан Жедел басқару орталығына қарасты бейнебақылау камераларын автокөлікпен соғып, сындырған. Әрі қарай бүлікші азамат Қызылорда облысы ПД Жергілікті Полиция қызметі басқармасының ғимаратының кіре беріс қоршауын әскери көлікпен сындырып, бүлікшілерге өз ойларын іске асыруға жол беріп, өзі оқиға орнынан бой тасалаған.
Қазіргі таңда, аталған дерек бойынша Қазақстан Республикасының Қылмыстық кодексінің 272–бабының 2-бөлігі (Күш қолданумен, қиратумен, өртеумен, бұзумен, мүлiктi жоюмен, атыс қаруын, жарылғыш заттарды немесе жарылыс құрылғыларын қолданумен, сондай-ақ билік өкiлiне қарулы қарсылық көрсетумен ұласқан, оның ішінде шетелдік көздерден алынған қаражатты пайдалана отырып жаппай тәртiпсiздiкке қатысу) және 202 бабының 2–бөлігінің 1– тармағымен (Өрт қою, жарылыс жасау арқылы немесе өзге де жалпы қауiптi тәсілмен жасалған) бойынша сотқа дейінгі тергеп – тексеру амалдары жүргізілуде. Күдіктіге қатысты күзетпен ұстау шарасы таңдалды.

Қызылордада тәртіпсіздік кезінде әскери «Камазды» тізгіндеген азамат ұсталды

<a href="https://kyzylorda-news.kz/">Kyzylorda-news.kz.</a>&nbsp;Бас прокуратура Цифрлық даму, инновациялар және аэроғарыш өнеркәсібі министрлігімен бірлесіп stopterrorism.kz веб-сайтын іске қосты.
Бас прокуратура мәліметінше, бұл сайтта азаматтар биылғы террорлық актілер мен жаппай тәртіпсіздіктер туралы бейне, фото және аудиожазбаларды жасырын түрде жүктей алады.
<blockquote>
 «Қазіргі уақытта прокурорлар дәлелдемелерді жинау мен тіркеуді, сондай-ақ қылмыскерлерді бейнежазбалар бойынша сәйкестендіруді жүргізуде. Сонымен қатар азаматтарға Call-center-115 нөміріне ұсынылған ақпарат үшін алғыс айтамыз», – делінген мәліметте.
</blockquote>

Қазақстанда бейне, фото және аудиожазбалар жүктеуге болатын сайт ашылды

<a href="https://kyzylorda-news.kz/">Kyzylorda-news.kz.</a> 2022 жылдың алғашқы онкүндігі Мемлекетіміз үшін дүрбелеңге толы болды. Алайда, Мемлекет басшысы Қасым-Жомарт Кемелұлы Тоқаевтың шұғыл шаралар қабылдауының арқасында сындарлы күндерден аман өттік.
Отан алдында берген антына адал болып, қасық қаны қалғанша туған жерін қорғаған бүгінгі күннің батырларының есімдері ұлықталуда, сонымен қатар, осындай қиын кезеңдерде ұстамдылық танытқан Отандастарымызға, Партияластарымызға алғыс айтылуда. Мұның бәрі Президентіміздің жалпыхалықтық лозунгке айналған “Күшіміз – бірлікте!” атты ұранына дәлелдеме болатындай.
Қадірлі жерлестер! Ендігі қалған уақытта Еліміздің баянды болашағын қалыптастыру үшін барлық қажыр-қайратын жұмсап жатқан Президентіміздің барлық бастамаларын қолдау – біздің азаматтық парызымызға айналды. Тәуекелді кезеңдерден өттік, берекелі кезеңдерге жеттік.
Мен Қызылорда облысы бойынша “Nur Otan” партиясы жанындағы сыбайлас жемқорлыққа қарсы іс-қимыл қоғамдық кеңесінің және Облыстық Кәсіподақтар орталығының төрағасы ретінде баршаңызды бірлік пен ынтымақ ұстанымдарынан айнымауға, Президентімізбен бірге болуға шақырамын.
Мақсұт НӘЛІБАЕВ,
Қызылорда облыстық кәсіподақтар орталығының төрағасы,
Облыстық мәслихаттағы “Nur Otan” партиясы депутаттық фракциясының мүшесі.

Мақсұт Нәлібаев: Халықтың қуаты бірлікте

<a href="https://kyzylorda-news.kz/">Kyzylorda-news.kz.</a>&nbsp;ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссия 2022 жылғы 13 қаңтардағы жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады.
«Қызыл» аймақта: Нұр-Сұлтан, Алматы, Шымкент қалалары, Атырау, Ақтөбе Маңғыстау, Қарағанды, Қызылорда облыстары.
«Сары» аймақта: Ақмола, Батыс Қазақстан, Павлодар, Қостанай облыстары.
«Жасыл» аймақта: Алматы, Түркістан, Жамбыл, Солтүстік Қазақстан облысы, Шығыс Қазақстан облыстары.

Қызылорда облысы «қызыл» аймаққа кірді

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 792 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 197,
Алматы қаласы – 47,
Ақмола облысы – 34,
Ақтөбе облысы – 40,
Алматы облысы – 25,
Атырау облысы – 14,
Шығыс Қазақстан облысы – 45,
Жамбыл облысы – 13,
Қарағанды облысы – 114,
Қостанай облысы – 46,
Қызылорда облысы – 4,
Маңғыстау облысы – 2,
Павлодар облысы – 37,
Солтүстік Қазақстан облысы – 171,
Түркістан облысы – 3.
Қазақстан бойынша жазылғандар саны – 966588.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz.</a>&nbsp; Қазақстанда өткен тәулікте 9122 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 5118,
Алматы қаласы – 1205,
Шымкент қаласы – 320,
Ақмола облысы – 138,
Ақтөбе облысы – 225,
Алматы облысы – 133,
Атырау облысы – 243,
Шығыс Қазақстан облысы – 95,
Жамбыл облысы – 69,
Батыс Қазақстан облысы – 93,
Қарағанды облысы – 669,
Қостанай облысы – 94,
Қызылорда облысы – 268,
Маңғыстау облысы – 179,
Павлодар облысы – 85,
Солтүстік Қазақстан облысы – 59,
Түркістан облысы – 129.
Жалпы ел бойынша ауырғандар саны 1013586.

COVID-19: Қызылордада 268 адамнан анықталды

<a href="https://kyzylorda-news.kz/">Kyzylorda-news.kz.</a> Қазгидромет 13 қаңтарға арналған ауа райы болжамын ұсынады.
Антициклон ҚР солтүстік және солтүстік-батыс өңірлеріне әсер етіп, осыған байланысты жауын-шашынсыз ауа райы күтіледі. Еліміздің қалған аумағында оңтүстік циклондар мен фронтальды бөліктердің әсерінен қар, оңтүстікте, оңтүстік-шығыста, оңтүстік-батыста жауын – шашын (жаңбыр, қар) болады. Республика бойынша кей жерлерде тұман, көктайғақ, желдің күшеюі, орталықта, солтүстікте бұрқасын күтіледі.
Қызылорда облысының солтүстігінде, орталығында тұман, таңертең және күндіз облыстың оңтүстігінде көктайғақ күтіледі.

Қызылордада тұман түсіп, көктайғақ болады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова қаладағы ірі сауда нысандары мен май құю бекеттерін аралап, әлеуметтік маңызды тауарлардың бағасын тексерді.
Ел Президенті Қасым-Жомарт Тоқаевтың шұғыл шешімдерінің нәтижесінде қазіргі таңда облыста сұйытылған газ бағасы литріне 60-65 теңгеден, АИ-92 маркалы бензин орташа 180,2 теңгеден, дизель отыны 229,9 теңгеден саудалануда. Өңірде қажетті жанар-жағармайдан тапшылық жоқ.
Аймақ басшысы «Sinooil», және «Qazaq Oil» жанар-жағармай бекеттеріне барып, жауапты сала басшыларына бензин және дизель отынының құны бекітілген шекті бағасынан аспау керектігін тапсырды. Сондай-ақ, тапшылықты туындатпау үшін нақты қадамдарды алдын-ала әзірлеу және отын қорының жеткілікті болуын тұрақты қамтамасыз етуді тапсырды.
Сондай-ақ, облыс әкімі «Small» және «Magnum Cash&amp;Carry» сауда үйлеріндегі азық-түлік қоры мен күнделікті маңызы бар өнімдердің бағасымен танысты. Әсіресе, көкөніс өнімдері мен ұнның бекітілген шекті бағадан асырмауды міндеттеді және бірқатар ескертулер берді.
Айта кетейік, әлеуметтік маңызы бар азық-түлік тауарлары бағасын мемлекеттік реттеуде облыста жыл сайын жергілікті бюджеттен қаржы бөлніп тұрақтандыру қоры толықтырылуда. Биылдың өзіне 1,3 млрд. теңге қарастырылып отыр.
Аймақ басшысы облыс орталығындағы тұрақтандыру қоры қоймасының жұмысымен де танысты. Қазіргі таңда өңірде азық-түлік қорында тапшылық жоқ. 34 әлеуметтік дүкен қалыпты жұмыс істеуде. Тұрақтандыру қорының қоймасында 1,5 мыңға жуық тонна өнім сақталып, төмен бағада сатылуда.
Облыс әкімі әлеуметтік маңызы бар тауралардың бағасы қолжетімділігі мен азық-түлік қорының жеткілікті болуын күнделікті бақылауда екенін жеткізді.
<blockquote>
 «Қазіргі таңда тұрақтандыру қорында азық-түлік жеткілікті. Ең бастысы, бағасы килограмына 130 теңгені құрайтын ұнның 440 тоннасы резервте тұр. Одан басқа, айналым схемасы бойынша кәсіпкерлермен келісім бойынша 7 мың тонна ұн әкелінетін болады. 100 тоннадан қарақұмық, күріш, макарон өнімдері мен көкөністер сақтаулы. Көрші Түркістан облысымен келісім бар, жетіспейтін азық-түлік бойынша 122 кәсіпкердің тізімі жасақталды. Тапшылықты болдырмаймыз», – деді облыс әкімі.
</blockquote>
Мұнан бөлек, облыс бойынша алдын-ала жинақталған мәлімет бойынша басқа да кәсіпкерлік субъектілерінің сауда үйлері мен азық-түлік қоймаларында бүгінгі күнге 115,3 мың тонна өнім қорлары бар.
Әлеуметтік маңызы бар тауарларды қамтамасыз етудің жай-күйін саралаған облыс әкімі ауыл шаруашылығы басқармасының басшысына жұмысты жүйелі түрде жалғастырып, күнделікті жағдайды бақылауда ұстауды тапсырды.
<img src="https://kyzylorda-news.kz/wp-content/uploads/2022/01/271752484_223185573336028_5761101393533048408_n.jpg" alt="" />
<img src="https://kyzylorda-news.kz/wp-content/uploads/2022/01/271802823_223185950002657_6269378573271563112_n.jpg" alt="" />
<img src="https://kyzylorda-news.kz/wp-content/uploads/2022/01/271774157_223185876669331_5419412561527189677_n.jpg" alt="" />
<img src="https://kyzylorda-news.kz/wp-content/uploads/2022/01/271837314_223185760002676_5950796444683081120_n.jpg" alt="" />
<img src="https://kyzylorda-news.kz/wp-content/uploads/2022/01/271775180_223185733336012_2210283510123042110_n.jpg" alt="" />
<img src="https://kyzylorda-news.kz/wp-content/uploads/2022/01/271811593_223185880002664_7789038869552151912_n.jpg" alt="" />

Аймақ басшысы азық-түлік тапшылығы болмайтынын айтты

<a href="https://kyzylorda-news.kz/">Kyzylorda-news.kz.</a>&nbsp; БЖЗҚ-ның Алматы қаласы және Қызылорда облысындағы қызмет көрсету кеңселері жұмысын қайта жандандырды, деп хабарлады зейнетақы қорының баспасөз қызметі.
<blockquote>
 “Алматы қаласындағы Шевченко көшесі, 80 үйде орналасқан филиалдың, сонымен қатар Есік, Қапшағай, Қаскелең, Өтеген батыр, Талғар қалаларындағы және Ұзынағаш ауылындағы Алматы қаласына іргелес қызмет көрсету орталықтарының 2022 жылдың 12 қаңтарынан бастап жұмысы қайта жанданғанын хабарлаймыз”, – делінген ақпаратта.
</blockquote>
Сондай-ақ өңірдегі жағдайдың жалпы тұрақтануын ескеріп, Қызылорда облысындағы қызмет көрсету кеңселері де тікелей қызмет көрсетуге кірісті.
Елде төтенше жағдай енгізілуіне байланысты 2022 жылдың 19 қаңтарына дейін кеңседе сағат 09:00-ден 16:00-ге дейін қызмет көрсетіледі.
БЖЗҚ қызметтері онлайн форматта да қолжетімді.

Қызылорда облысында БЖЗҚ кеңсесі  қызмет көрсете бастады

<a href="https://kyzylorda-news.kz/">Kyzylorda-news.kz.</a> Қазгидромет синоптиктері Қазақстанда 13-15 қаңтар аралығында болатын ауа райына болжам жасады.
Кезекті антициклон Қазақстан аумағынан кетіп, аязды да ығыстырып жатыр, деп хабарлады Қазгидромет.
Батыстағы циклон жылдам жылжып келеді. Ол 15 қаңтарда Қазақстанның барлық облысын қамтып, елге жауын мен қар, екпінді жел және көктайғақ алып келеді.
Термометр көрсеткіші жоғары көтеріледі. Тіпті солтүстік өңірлерде де күндізгі уақытта ауа температурасы 0 және минус 5 градус аралығында болады деп күтілуде.

Ертеңнен бастап күн жылиды

<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімі Гүлшара Әбдіқалықова террорлық акті салдарынан зақымданған әкімшілік ғимараттарды аралап, нысандарды қалпына келтіру жұмыстарын саралады.
Аймақ басшысы алдымен «Nur Otan» партиясының Қызылорда қалалық филиалы ғимаратында болды. Террорлық шабуыл салдарынан нысанның 20 пайызы бүлінген. Терезелері мен есіктері сынып, офистік техникаларына зақым келді. Қазір нысанды қалпына келтіру жұмыстары жүріп жатыр.
Мұнан соң өңір басшысы Қызылорда қаласы әкімдігіне барды. Бұл нысанның да есік-терезелері сынған. 7 қаңтардан бері әкімдік қалыпты жұмыс режиміне көшкен.
Террористер орталық алаңдағы әкімшілік нысандарға айтарлықтай залал келтірілген. Облыс әкімі «Nur Otan» партиясының облыстық филиалында террорлық әрекет салдарын жою бойынша жасалып жатқан жұмыстарды көрді. Нысанның 45 пайызы өртке оранып, мүлкіне залал келген. Қазірде шығын көлемі есептелуде. 
Ал, террористік әрекет салдарынан облыстық сот ғимаратының 460-қа жуық құрал-жабдығы мен 300-ден астам офистік техникасы жарамсыз күйге түскен. Қазір ғимаратты тазалау мен қалпына келтіру жұмыстары қолға алынған.
Өңір басшысы жөндеу жұмыстарының жүргізу және шығын көлемі нақты дәлелді есептемелермен, құжаттармен расталуы керектігін тілге тиек етті.
<blockquote>
 «Төтенше жағдай режиміне байланысты залал келтірілген ғимараттарға Үкімет резервінен қажетті қаражат бөлінеді. Ол алдағы уақытта белгілі болады. Ал оған дейін біз дайындық жұмыстарын жүргізіп, келтірілген шығын көлемін нақтылап жатырмыз. Қажетті сома бөлінген соң, қайта қалпына келтіру жұмыстарын бастаймыз. Жалпы 8 әкімшілік ғимараттың шығын көлемі 6 млрд. теңге көлемінде есептелді. Аймақтағы бизнес өкілдерінің шығындарын өтеу жөнінде мемлекет міндеттеме алды. Террорлық акті салдарынан облыста 15 кәсіпкер субъектісіне зиян келіп, оның көлемі шамамен 395 миллион теңгеден асты. Бірақ басты принцип – шынайылық болу керек. Шығын көлемі нақты құжаттармен рәсімделуі тиіс», – деді Гүлшара Әбдіқалықова.
</blockquote>
Мұнан соң, аймақ басшысы қалалық полиция басқармасының ғимаратында болып, қалпына келтіру жұмыстарының барысын саралады.
Айта кетейік, теріс пиғылдағы террорлардың шабуылы облыс әкімдігінің ғимаратында да орын алды. Әкімдіктің ғимаратында есік-терезелерді сындыру, офистік техникаларды ұрлап кету, қызметтік автокөліктерді өртеу әрекеттеріне дейін барған. Жалпы 1-3 қабаттағы кабинеттерге зақым келген.
<img src="https://kyzylorda-news.kz/wp-content/uploads/2022/01/271860014_223187506669168_8731835782936817288_n.jpg" alt="" />
<img src="https://kyzylorda-news.kz/wp-content/uploads/2022/01/271760222_223187650002487_7247721691006637491_n.jpg" alt="" />
<img src="https://kyzylorda-news.kz/wp-content/uploads/2022/01/271812802_223187526669166_7832434200200937141_n.jpg" alt="" />
<img src="https://kyzylorda-news.kz/wp-content/uploads/2022/01/271755622_223187613335824_3483181879407594128_n.jpg" alt="" />
<img src="https://kyzylorda-news.kz/wp-content/uploads/2022/01/271790890_223187533335832_5850715396899244803_n.jpg" alt="" />
<img src="https://kyzylorda-news.kz/wp-content/uploads/2022/01/271854245_223187673335818_8009319753064455081_n.jpg" alt="" />

Гүлшара Әбдіқалықова: Террорлық акті салдарынан облыста 15 кәсіпкер субъектісіне зиян келтірілді

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысының төрағалығымен жедел штаб отырысы өтті. Онда Үкіметтік комиссияның төрағасы, Премьер-Министрдің бірінші орынбасары Роман Скляр, Алматы қаласының әкімі Бақытжан Сағынтаев, Ұлттық қауіпсіздік комитетінің төрағасы Ермек Сағымбаев және Ішкі істер, Қорғаныс, Төтенше жағдайлар министрлері баяндама жасады, деп хабарлайды <a href="https://akorda.kz/kz/kasym-zhomart-tokaev-zhedel-shtabtyn-otyrysyn-otkizdi-1204416?fbclid=IwAR1H7iX46xN-Ok4SQmMJRYfKf5tv1a7l0zu4i8_RX4cZzuSs6YUxyed3oL0">Ақорда.</a>
<img src="https://akorda.kz/public/assets/media/uploadMedia/1641984115_KZ1_4357.jpg" alt="" />
Президентке Алматы қаласына қосымша күштер, соның ішінде ҰҚШҰ бітімгерлік контингентінің күштерін жұмылдыруға қатысты берген тапсырмасының нәтижесінде қала лаңкестерден толық тазартылғаны туралы баяндалды.
Қазіргі уақытта қала тіршілігін қамтамасыз ететін барлық саланың жұмысын қалпына келтіру белсенді жүріп жатыр.
<img src="https://akorda.kz/public/assets/media/uploadMedia/1641984143_KZ1_4370.jpg" alt="" />
Қала әкімі Бақытжан Сағынтаевтың хабарлауынша, қаланы жылу, электр қуаты, су және газбен қамтамасыз ететін барлық нысан қалыпты жұмыс істеп жатыр. Сауда орталықтары, қоғамдық тамақтану орындары, базарлар, жанармай бекеттері және өнеркәсіп орындары жұмыстарын жандандыруда, қоғамдық көлік іске қосылған.
Қасым-Жомарт Тоқаевқа зардап шеккен әкімшілік ғимаратында 14 қалалық басқарма болғаны, қазіргі уақытта олардың резервтік ғимараттарға, сондай-ақ әкімшілікке қарасты ұйымдарға орналастырылғаны жөнінде ақпарат берілді.
Бұдан бөлек тәртіпсіздік кезінде келтірілген шығын көлемін анықтау жұмыстары жүргізілуде.
Мемлекет басшысы еліміздің ірі қаласына жасалған террористік шабуыл салдарын өз көзімен көру үшін Алматыға арнайы келгенін айтты.
<img src="https://akorda.kz/public/assets/media/uploadMedia/1641984208_KZ1_4400.jpg" alt="" />
Президент Үкіметтік комиссияға Алматы қаласының әкімдігімен бірлесе отырып, инфрақұрылым нысандарын, оның ішінде мемлекеттік, құқық қорғау және арнаулы құрылымдардың ғимараттарын, бейнебақылау жүйесін қысқа мерзім ішінде қалпына келтіруді тапсырды.
Сонымен қатар зардап шеккен кәсіпкерлерге қолдау көрсетіледі.
<blockquote>
 – Өздеріңізге мәлім, Алматы – менің туған қалам. Осында дүниеге келдім, оқыдым. Алдымызда қысқа мерзім ішінде қаланы қалпына келтіру міндеті тұр. Бұл – менің Президент ретінде және еліміздің азаматы ретінде парызым. Қаланың қалпына келетініне еш күмән жоқ. Үкіметтің алдында қаланың келбетін бұрынғыдан да жақсарту міндеті тұр. Бұл өте үлкен жұмыс, – деді Қасым-Жомарт Тоқаев.
</blockquote>
Мемлекет басшысы алда ҰҚШҰ бірлескен бітімгерлік контингентінің бөлімшелерін қайтару жұмыстары жүргізілетінін айтты.
<blockquote>
 – Ертең ҰҚШҰ бірлескен бітімгерлік контингентін елден шығару жұмыстары басталады. Мен тиісті мемлекеттердің басшыларымен сөйлестім. Осы сәтті пайдаланып, осы бірнеше күнде жүргізген ауқымды жұмыстары үшін&nbsp;&nbsp; контингенттің басшылығына алғыс айтамын. ҰҚШҰ бітімгерлік контингентінің Қазақстанға, соның ішінде Алматыға келгені жалпы еліміздегі жағдайды тұрақтандыруда үлкен рөл атқарды.&nbsp; Бұл әрекеттердің лаңкестер мен содырлардың агрессиясын қайтаруда үлкен психологиялық маңызы болғаны сөзсіз. Миссия өте сәтті өтті. Менің әріптестеріме Ұйымға мүше елдердің басшыларына үлкен алғыс білдіремін, – деді Президент.
</blockquote>
<img src="https://akorda.kz/public/assets/media/uploadMedia/1641984243_KZ1_4395.jpg" alt="" />
Жедел штабы отырысының қорытындысы бойынша Үкіметтік комиссия мен жергілікті әкімдіктер бірлесіп қысқа мерзім ішінде барлық аймақтағы нысандарды қалпына келтіруге, үздіксіз транспорт жұммысын қамтамасыз етуге, азық-түлікпен қамтамазы етуге, сондай-ақ шағын және орта бизнес нысандарының жұмысын жандандыруға күш салу тапсырылды.

Қазақстан және Қызылорда облысының жаңалықтары