<a href="https://kyzylorda-news.kz/">Kyzylorda-news.kz.</a> ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясы 2022 жылғы 12 қаңтардағы жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады.
«Қызыл» аймақта: Нұр-Сұлтан, Алматы, Шымкент қалалары, Атырау облысы.
«Сары» аймақта: Ақтөбе, Батыс Қазақстан, Павлодар, Қызылорда, Қарағанды, Маңғыстау облыстары.
«Жасыл» аймақта: Ақмола,Алматы, Түркістан, Жамбыл, Қостанай, Солтүстік Қазақстан облысы, Шығыс Қазақстан облыстары.

Қызылорда «сары» аймаққа кірді

<a href="https://kyzylorda-news.kz/">Kyzylorda-news.kz.</a> Қазақстанда “омикрон” штамына байланысты эпидемиологиялық ахуал нашарлады. Осыған байланысты ведомствоаралық комиссия “қызыл” аймақтағы өңірлерде вирустың таралуын азайту үшін қосымша шаралар енгізеді. Бұл туралы денсаулық сақтау министрі Ажар Ғиният мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Министрдің айтуынша, Қазақстанда соңғы екі аптада ауру 41%-ке артты. Эпидемиологиялық жағдай “омикрон” штамының анықталуына байланысты нашарлаған.
<blockquote>
 “Эпидемиологиялық жағдайдың күрт нашарлауына байланысты “қызыл” аймақтағы өңірлерде ұжымдарды тарату және инфекцияның таралуын азайту бойынша қосымша профилактика шаралары Ведомствоаралық комиссияның кезекті отырысында қаралады”, – деді Ғиният үкімет отырысында.
</blockquote>
Министрлік мәліметінше, қазір “қызыл” аймақта Нұр-Сұлтан, Шымкент, Алматы қалалары мен Атырау облысы тұр.
<blockquote>
 “Сары” аймақта 6 өңір – Ақтөбе, Батыс Қазақстан, Қарағанды, Қызылорда, Павлодар және Маңғыстау облыстары орналасқан. Қалған жеті өңір “жасыл” аймақта. 
 Республиканың өзі “қызыл” аймаққа кірді.
</blockquote>

«Омикрон»: Кей өңірде шектеу енгізілуі мүмкін

<a href="https://kyzylorda-news.kz/">Kyzylorda-news.kz.</a> Қызылорда қаласының аумағындағы блок-бекетте&nbsp; «Honda Odyssey» маркалы автокөлігін тоқтатып тексеру барысында автокөліктің жүк салғышынан 1,5 келіге жуық «марихуана» есірткі заты анықталды.
Күдікті уақытша ұстау изоляторына&nbsp; қамаққа алынды.
<blockquote>
 «Қазіргі уақытта&nbsp; Қазақстан Республикасы&nbsp; Қылмыстық кодексінің 296-бабының 4-бөлігімен&nbsp; (аса ірі көлемде есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену,&nbsp; сақтау, тасымалдау) сотқа дейінгі тергеп-тексеру жүргізілуде», – делінген полиция департаментінің хабарламасында.
</blockquote>
Бүгінгі күні іс бойынша тергеу жалғасуда және өзге мәліметтер тергеу құпиясын сақтау мақсатында жариялануға жатпайды.

Қызылордада блок-бекеттен өтпек болған автокөліктен аса ірі  көлемде есірткі табылды (видео)

<a href="https://kyzylorda-news.kz/">Kyzylorda-news.kz.</a> Біз Мәжілістің жалпы отырысында жарияланған Президентіміздің мәлімдемесін тыңдадық. Мемлекетті жаңаша қарқында дамытуға бағытталған бұл мәлімдеменің барлығымыз үшін маңызы зор деп білемін.
Қасым-Жомарт Кемелұлы көптің көкейін күпті етіп жүрген мәселелерді қозғау арқылы көптеген түйіткілдердің түйінін тарқатты. Әскери құрылымдарымыз бен қорғанысымызды күшейтуден бастап, халықтың әл-ауқатын көтеру, баға тұрақтылығын қамтамасыз ету, кәсіпкерлікті дамыту, жастарға арналған жаңа жұмыс орындарын құру, банк жүйесін қайта қарау, нарық бағамдарын реттеу секілді күнтәртібінен түспейтін мәселелерге жеке тоқталып, оларға қатысты ұсыныстары мен жаңа бастамаларын таныстырды. Сонымен қатар, мәлімдемеде алдағы уақытта Халықаралық кеңістікте беделі мойындалған 5 жоғарғы оқу орынының филиалдарын ашу және арнаулы орта білім беретін оқу орындарына арналған гранттарды көбейту арқылы еңбек нарығының сұраныстарын қанағаттандыра алатын кадрлар пулын қалыптастыру көзделді. Білім саласына серпіліс сыйлайтын тағы бір бастама – Президент мұғалімдер жетіспейтін өңірлер үшін тиісті қолдау шаралары кешені мен үздік мұғалімдерді тарту бойынша арнайы бағдарлама дайындауды тапсырды.
Тәуелсіз Қазақстанның өркендеуі мен дамуына мүдделі азаматша ретінде мен де Президентіміздің барлық ұсынымдарын қолдайтынымды және оның жүйелі орындалуына бар білім-білігім мен күш-жігерімді жұмсайтынымды жеткіземін және барша Отандастарымызды Мемлекет басшысының игі бастамаларының айналасында бірігуге шақырамын. Біз сонда ғана Қасым-Жомарт Кемелұлы айтқандай, Қазақстанның жаңа даму кезеңіне еркін қадам басамыз!
Ақзира Қасымова,
Қызылорда облыстық білім басқармасының басшысы.

Ақзира Қасымова: Білім саласына серпіліс беретін тың бастамалар көтерілді

<a href="https://kyzylorda-news.kz/">Kyzylorda-news.kz.</a> Үкімет отырысында Министрлер кабинеті құрамына жаңадан қосылған министрлер ант қабылдады, деп хабарлайды <a href="https://lenta.inform.kz/kz/ukimet-kuramyna-kirgen-zhana-ministrler-ant-kabyldady_a3884411">ҚазАқпарат.</a>
<blockquote>
 «Қазақстан Республикасының Үкіметі туралы Конституциялық заңға сәйкес, Үкімет құрамына алғаш кірген адамдардың ант қабылдау рәсімін бастаймыз», – деді отырысты ашқан Премьер-Министр Әлихан Смайылов.
</blockquote>
Осыдан кейін ҚР Ақпарат және қоғамдық даму министрі Асқар Омаров, Әділет министрі Қанат Мусин, Денсаулық сақтау министрі Ажар Ғиният, Индустрия және инфрақұрылымдық даму министрі Қайырбек Өскенбаев, Энергетика министрі Болат Ақшолақов, Ұлттық экономика министрі Әлібек Қуантыров ант қабылдады
<blockquote>
 Өз кезегінде жаңа министрлер «Қазақстан Республикасының халқы мен Президенті алдында өз Отаны – Қазақстан Республикасының экономикалық және рухани даму ісіне барлық күш-жігерім мен білімімді жұмсауға, мемлекеттің Конституциясы мен заңдарын қатаң сақтауға, өзімнің іс әрекетімде заңдылық пен әділеттілік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, өз елімнің мемлекеттілігі мен дүниежүзілік қоғамдастықтағы беделін нығайта беруге ант етемін» деп салтанатты түрде ант берді.
</blockquote>

Үкімет құрамына кірген жаңа министрлер ант қабылдады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 4810 адамнан коронавирус инфекциясы ПТР арқылы анықталды.
Аймақтар бойынша:
Нұр-Сұлтан қаласы – 3312,
Алматы қаласы – 210,
Шымкент қаласы – 221,
Ақмола облысы – 48,
Ақтөбе облысы – 75,
Алматы облысы – 69,
Атырау облысы – 139,
Шығыс Қазақстан облысы – 78,
Жамбыл облысы – 52,
Батыс Қазақстан облысы – 79,
Қарағанды облысы – 75,
Қостанай облысы – 39,
Қызылорда облысы – 125,
Маңғыстау облысы – 156,
Павлодар облысы – 46,
Солтүстік Қазақстан облысы – 31,
Түркістан облысы – 55.
Жалпы ел бойынша ауырғандар саны 1004464.

125 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz.</a> 12 қаңтар күні Қазақстан аумағының басым бөлігінде жауын-шашынсыз ауа райы күтіледі.
Республиканың тек батысы мен солтүстігінде фронталды бөліктердің ықпалынан – қар, оңтүстігінде жауын-шашын (жаңбыр және қар түрінде) болады. Ел бойынша кей жерлерде тұман, желдің күшеюі, батыста – көктайғақ, солтүстікте – жаяу бұрқасын болжанады, деп хабарлайды «Қазгидромет».
Қызылорда облысының&nbsp;солтүстігі мен орталығында тұман күтіледі.

Сәрсенбіге арналған ауа райы

Kyzylorda-news.kz. Бүгін облыс әкімі Гүлшара Әбдіқалықова Мемлекет басшысының тапсырмалары мен міндеттемелерін орындау бағытына арналған кеңейтілген жиын өткізді. Отырысқа облыс әкімінің орынбасарлары, облыс әкімі аппаратының басшысы, салалық басқармалар мен департамент басшылары қатысты.
Күн тәртібінде қаралған бірінші мәселе – өңірде қоғамдық қауіпсіздікті қамтамасыз ету бағытындағы атқарылып жатқан шараларға арналды. Облыстық полиция департаменті бастығының орынбасары Ерлан Ахметов аймақтағы криминогендік ахуал жайлы баяндады.
Қазіргі таңда қала мен аудандардың шекараларына 27 қарулы блок-бекет қойылған. Қоғамдық қауіпсіздікті қамтамасыз етуге 103 қызметкер мен 34 арнайы техника жұмылдырылды. Террористік акті кезінде медициналық мекемелерге 73 қызметкер қаралған. 1 сарбаз қайтыс болды.
Департамент жанынан құрылған жедел-тергеу тобы арқылы террорлық актіге қатысқан 391 тұлға ұсталып, оның 62-сі қамауға алынды. 
Жиында өңір басшысы террористік әрекеттер қаупінің әлі сейілмегенін айтып, коменданттық режимнің қатаң сақталуын тапсырды.
<blockquote>
 Мемлекет басшысының тапсырмасына сәйкес күштік құрылымдардың әскери дайындығын күшейту және жабдықтау шараларына Үкімет резервінен 20,7 млрд. теңге бөлінуде. Осы ретте облыстық полиция департаментіне ҚР ІІМ-мен шұғыл түрде жұмыс жасап, әскери дайындықты күшейту мен жабдықтауға қажетті қаржының бөлінуін пысықтауды тапсырамын. 
 Жалпы, біз 2022 жылға бекітілген облыстық бюджетте күштік құрылымдарды материалдық-техникалық жарақтандыруға 2,5 млрд. теңге бөлінді. Алдағы облыстық бюджетті бірінші нақтылау кезінде бұл мәселелерге тағы қосымша қаржы қарастыратын боламыз. 
 Оған қоса, Мемлекет басшысымен «Қаза болған полиция қызметкерлері мен әскери қызметшілердің отбасыларына лайықты материалдық көмек көрсету» тапсырылды. Өкінішке орай, облыс орталығында болған террористік акті барысында Ұлттық ұланның 1 әскери қызметшісі, Қарағанды облысының тумасы қаза тапты. 
 Осыған орай, облыстық полиция департаменті облыстық қаржы басқармасымен бірлесіп қаза тапқан жауынгердің жақындарына материалдық көмек көрсету жөнінде нақты ұсыныс енгізсін, – деді Гүлшара Әбдіқалықова.
</blockquote>
Күн тәртібіндегі екінші мәселеде облыстық қаржы басқармасының басшысы Елена Шаврова террористік актінің салдарынан келтірілген шығын көлемін анықтау жөніндегі комиссияның атқарған жұмысы туралы баяндады.
Орын алған террорлық акті салдарынан келтірілген шығын көлемін анықтау жөнінде аймақ басшысының төрағалығымен өңірлік комиссия құрылып, шығын көлемі айқындалды. Бүгінде облыстың мемлекеттік маңызы бар нысандарына 5,8 млрд.теңге көлемінде шығын келген. Ал, кәсіпкерлерге келтірілген залал 395 млн.теңге болды. Шығын есебі қаржы министрлігіне жолданып, тиісті жұмыстар атқарылуда. Қаражатты Үкімет резервінен бөлу жөнінде ұсыныс жолданды.
Жиында өңір басшысы наразылықтың сұйытылған газ бағасының көтерілуінен басталғанын тілге тиек етіп, Үкіметпен бекітілген шекті бағаның бақылауда ұстау маңыздылығына тоқталды.
Қазіргі таңда облыста сұйытылған газ бағасы литріне 60-65 теңгеден, АИ-92 маркалы бензин орташа 180,2 теңгеден, дизельдық отын 229,9 теңгеден саудалануда. 
Отырысты қорытындылаған облыс әкімі жауапты басқармалар мен салалық департамент басшыларына нақты тапсырмаларды жүктеді. 
Атап айтқанда, облыстық бәсекелестікті қорғау департаменті мен облыстық кәсіпкерлік және туризм басқармасы жанар-жағар май бағаларына тұрақты түрде мониторинг жүргізіп, негізсіз өсім орын алған жағдайда тиісті шаралар қабылдаулары қажет. Ал, облыстық Монополияларды реттеу жөніндегі департаментке аймақтағы коммуналдық қызмет түрлеріне тарифтердің белгіленген мерзім ішінде көтерілмеуін қамтамасыз ету тапсырылды. 
Әлеуметтік маңызы бар азық-түлік тауарлары бағасын мемлекеттік реттеуде облыста жыл сайын жергілікті бюджеттен қаржы бөлніп тұрақтандыру қоры толықтырылуда. Биылдың өзіне 1,3 млрд. теңге қарастырылып отыр. Осы ретте облыстық ауыл шаруашылығы басқармасына «Байқоңыр» әлеуметтік-кәсіпкерлік корпорациясымен, аудандар мен және Қызылорда қаласы әкімдерімен бірлесіп, бағаны тұрақтандыру бағытында нақты шаралар қабылдау жүктелді.
Облыстық энергетика және тұрғын үй-коммуналдық шаруашылығы басқармасы аудандар мен Қызылорда қаласы әкімдерімен бірлесіп тұрғындардың тыныс-тіршілігін қамтамасыз ететін нысандардың әрі қарай да үздіксіз жұмыс жасауын және тиісті күзетпен қамтамасыз етілуін бақылауда ұстауы тиіс. 
Сондай-ақ, аймақ басшысы облыстық индустрия және инновациялық даму басқармасына мұнай экспорты көлемін ұлғайту мәселесін Энергетика министрлігі алдында қайта көтеріп, оң шешілуіне жұмыс жасауды тапсырды.
Жиын соңында облыс әкімі қиын кезеңде бірлесе жұмыс істеу қажеттігін және Президент Қасым-Жомарт Кемелұлы Тоқаевтың шешімдеріне қолдау білдіріп, алға қойған міндеттерін орындап, жедел әрекет ету керектігін тағы бір қаперге салды.
<img src="https://kyzylorda-news.kz/wp-content/uploads/2022/01/fb_img_1641905092127.jpg" alt="" />

Қызылордада күштік құрылымдарды материалдық-техникалық жарақтандыруға 2,5 млрд. теңге бөлінді

Kyzylorda-news.kz. Бүгін облыс әкімі Гүлшара Әбдіқалықова облыстық полиция департаментінің жергілікті полиция қызметіне барып, құқық қорғау саласының қызметкерлері және сарбаздармен кездесті.
Басқосу алаңында облыс әкімінің орынбасары Серік Ахмет, облыс әкімі аппаратының басшысы Ерлан Райғаниев, Қызылорда қаласының әкімі Ғанибек Қазантаев, облыстық полиция департаментінің бастығы Бектөре Сұлтан және әскери бөлімінің командирі Ербол Әбдірайм қатысты.
Аймақ басшысы полиция қызметкерлері мен сарбаздардың сын сағатта көрсеткен ерліктеріне алғысын жеткізіп, рухын көтеріп, күш-жігер беретін үндеу жасады.
<blockquote>
 Құрметті құқық қорғау органдарының қызметкерлері және әскери сарбаздар! Сын сағатта теріс ойдағы террористермен күресіп, елді қорғауда алдыңғы сапта тұрып, өмірлеріңізге түсер қауіп-қатерге қарамай, күн-түн демей, азаматтарымыздың өмірін сақтауда жанкештілік танытқан Сіздерге алғысымыз ерекше. 
 Батыл және жедел әрекеттеріңіздің арқасында террористік шабуылға тойтарыс берілді. Халықтың өмірін сақтауда бүлікшілермен күресіп, 5 сағат бойы қорғау шараларын нық қадаммен атқарып, Отанға берілген анттарыңызды адал орындап, ерлік көрсетіп, қызметтеріңізді мінсіз атқардыңыздар! 
 Елдің тұтастығын сақтап қалу жолында батырлықтың жарқын жолын көрсетіп, қысылтаяң кезде шұғыл шешім қабылдаған облыстық полиция департаментінің бастығы Бектөре Сұлтанға және барша полиция қызметкерлеріне Сыр жұртының атынан алғысымызды білдіреміз. 
 Сондай-ақ, қоғамда азаматтардың қауіпсіздігін қамтамасыз ететін маңызды құрылымдар – арнайы мақсаттағы құрылым қызметкерлеріне және Ұлттық ұлан, Барлау полкі, Шекара қызметі және өзге де құрылымдарының сапында жүрген сарбаздарға шынайы ықыласымызды білдіремін. 
 Бірлескен әрекеттің арқасында бұл қиындықтан өтетінімізге сеніміміз мол! 
 Ел Президенті Қасым-Жомарт Кемелұлы Тоқаевтың шешімдеріне қолдау білдіріп, күшіміздің бірлікте екенін дәлелдейік! 
 Елдің бірлігін сақтай отырып, мемлекет мүддесіне қызмет етейік! Біздің күшіміз бірлікте!, – деді Гүлшара Әбдіқалықова.
</blockquote>
Кездесуде құқық қорғау саласының қызметкерлері мен сарбаздар саптық шеру өткізді. 
Еске салайық, 5 қаңтарда орын алған экстремисттік топтардың террорлық шабуылынан 1 сарбаз қайтыс болды. Жарақат алғандардың қатарында полиция қызметкерлері бар. Қоғамдық тәртіпті бұзушылар 8 нысанды өртеді. Сондай-ақ, 32 қызметтік автокөліктің 24 өртенді, 8 – зақымдалды. 6 модульдік полиция пункті өртенді, 1 сынды. Құқыққа қарсы жасалған деректер бойынша сотқа дейінгі тергеп тексеру әрекеттері жүргізілуде.
Мұнан кейін, аймақ басшысы облыс орталығында орналасқан блок-бекеттердің жұмысын тексерді. 
Облыс аумағында қоғамдық қауіпсіздігін сақтау мақсатында 28 блок-бекет қойылды. Оның ішінде Қызылорда қаласы бойынша 4 блок-бекет бар. Барлық блок-бекеттерде сарбаздарға қажетті жағдай жасалған.
Аймақ басшысы Гүлшара Әбдіқалықова блок-бекеттердегі тексеру жұмыстарын қатаң бақылауға алып, қоғам тыныштығын күзету бағытында жанкешті жұмыс істеп жатқан сарбаздарға алғысын білдірді.
<img src="https://kyzylorda-news.kz/wp-content/uploads/2022/01/fb_img_1641904625804.jpg" alt="" />
<img src="https://kyzylorda-news.kz/wp-content/uploads/2022/01/fb_img_1641904628875.jpg" alt="" />
<img src="https://kyzylorda-news.kz/wp-content/uploads/2022/01/fb_img_1641904642547.jpg" alt="" />
<img src="https://kyzylorda-news.kz/wp-content/uploads/2022/01/fb_img_1641904645122.jpg" alt="" />

Гүлшара Әбдіқалықова құқық қорғау саласының қызметкерлерімен кездесіп, блок-бекеттерді аралады

Kyzylorda-news.kz. Бүгін облыс әкімі Гүлшара Әбдіқалықова қала нысандарын аралау барысында облыстық медициналық орталыққа барып, онда ем алып жатқан террористік шабуылдан жарақат алған сарбаздардың жағдайын білді және медицина саласының қызметкерлерімен пікірлесті.
Аймақ басшысы ауруханада ем алып жатқан 5 полиция және әскери қызметшінің жағдайын сұрады.
<blockquote>
 «Қадірлі сарбаздар, сіздер мемлекетімізді сақтап қалуда табанды еңбек етіп, анттарыңызға берік, Отанға деген адал қызмет атқарудың жарқын үлгісін көрсеттіңіздер. Сындарлы сәтте ұлт мүддесін қорғап, аса батылдықпен, жанкештілікпен тұрғындардың қауіпсіздігін қорғап қалу – ерлік пен азаматтықтың айқын дәлелі. Жауынгерлеріміз соғыс кезінде де, бейбіт заманында да азаматтық парызын аса жауапкершілікпен атқарып жүргеніне тағы да көзіміз жетті. Сіздерге айтар алғысымыз шексіз. Тезірек сауығып, қызметке оралуларыңызды тілеймін. Осындай ержүрек ұл тәрбиелеген ата-аналарыңызға да рахмет, оларға зор денсаулық, бақ-береке тілеймін», – деді облыс әкімі.
</blockquote>
Сондай-ақ, Гүлшара Әбдіқалықова ақ халаттылардың төтенше жағдайдағы еңбегін жоғары бағалап, жұмыстарына сәттілік тіледі.
<blockquote>
 «Құрметті медицина қызметкерлері, жанашыр жандар! Сіздер төтенше жағдай кезінде табандарыңыздан тік тұрып, қызметтеріңізге адалдық таныттыңыздар. Дәл қазіргі сәтте елдің тұтастығы үшін бірлесіп әрекет етіп, ел Президенті Қасым-Жомарт Кемелұлы Тоқаевтың шешімдеріне қолдау білдіруге шақырамын! Төтенше жағдай режимі талаптарын ұстанып, қауіпсіздік шараларын күшейту маңызды. Елдің бірлігін сақтай отырып, мемлекет мүддесіне қызмет етейік!», – деді облыс әкімі.
</blockquote>
Айта кетейік, 5 қаңтардан осы кезге дейін облыстық көпбейінді ауруханада 204 тұрғын медициналық көмекке жүгінсе 48 науқас ем алуда, 9 науқас жансақтау бөліміне жатқызылған.
<img src="https://kyzylorda-news.kz/wp-content/uploads/2022/01/fb_img_1641903408520.jpg" alt="" />
<img src="https://kyzylorda-news.kz/wp-content/uploads/2022/01/fb_img_1641903412611.jpg" alt="" />

Облыс әкімі террористік шабуылдан жарақат алған сарбаздардың жағдайын білді

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаевтың Парламент Мәжілісінің отырысында сөйлеген сөзіне орай жаңа Қазақстанды құруға атсалысу – әрбір азаматтың борышы.
Мемлекет басшысы қоғамда қалталылар мен әлжуаз топтар арасындағы алшақтықтың артып кеткенін, мемлекеттік аппараттың төмен кәсібилігін және өңірлердің табысындағы айырмашылықты азайту бойынша концептуалды тапсырмалар жүктеді.
Ел аузында жүрген ірі мәселелердің басын ашып, жақын болашақта саяси жүйенің реформалауды талқыға шығаратынын айтты.
Бүгінде Тәуелсіздік тарихындағы қиын күндері өткеріп отырмыз. Сол себепті жаңа Қазақстанды құру жолында бүгін айқындалған мақсат-мүдделерді жүзеге асыру үшін Мемлекет басшысына қолдау көрсетуіміз керек.
Ақмарал ӘЛНАЗАРОВА,
Қазақстан Республикасы Парламенті Сенатының депутаты.

Ақмарал Әлназарова: Жаңа Қазақстанды құруға атсалысу – әрбір азаматтың борышы

<a href="https://kyzylorda-news.kz/">Kyzylorda-news.kz.</a>&nbsp;Асқар Қуанышұлы Омаров Ақпарат және қоғамдық даму министрі қызметіне тағайындалды.
Асқар Омаров 1976 жылы Алматыда туған.
Тұран университетін бітірген.
1997-1998 жылдары — «Мәдениет мәселелері жөніндегі республикалық ғылыми орталықтың» әлеуметтік-экономикалық мәселелер секторының жетекші маманы.
1998-1999 жылдары — «Қазақстанның шағын бизнесі» журналында маркетинг жөніндегі маман.
2001-2005 жылдары — «Новости недели» РГ» ЖШС тілшісі.
2005-2006 жылдары — «Қазақстан» РТРК» АҚ – «Астана» ТРО филиалы Ақпараттық-талдау бағдарламалары дирекциясының Алматы бюросының шеф-редакторы.
Әр жылдары жеке ұйымдарда басшылық қызметтер атқарған.
2008-2010 жылдары — «Нұр-Медиа» ЖШС директоры, бас директорының орынбасары.
2011-2013 жылдары — «Түркі академиясы» КЕАҚ вице-президенті.
2014 жылы — «Астана ЭКСПО-2017» ҰК» АҚ басқарушы директоры.
2016-2017 жылдары — қоғамдық қордың президенті.
2017-2020 жылдары — «ҚазАқпарат» ХАА ЖШС бас директоры.
2020 ж. қаңтар – 2021 ж. 18 тамыз аралығында — «ҚазАқпарат» ХАА АҚ басқарма төрағасы.
2021 жылы тамызда&nbsp;Ақпарат және қоғамдық даму вице-министрі болып тағайындалған болатын.

Қазақстан және Қызылорда облысының жаңалықтары