<a href="https://kyzylorda-news.kz/">Kyzylorda-news.kz</a> «Елімізге қомақты инвестиция тарту керек. Қазір дүние жүзінде инвестицияға талас күшейіп барады. Жаңа инвестициялық кезеңді бастауымыз қажет. Қазіргі инвестиция тарту саясаты мардымды деп айта алмаймын. Қаражаттың көбі шикізат салаларына құйылып жатыр. Жалпы, бұл жаман емес, осындай инвестициялар бізге қажет.Бірақ қазір тұрған міндет – басқа. Бұл – өңдеу саласына көбірек қаражат тарту. Сондықтан Үкімет инвестиция саясатына басқаша көзқараспен қарауы керек. Қажет болса, жоғары технологияларға салынатын инвестицияларға жеңілдік беруге болады. Сондай-ақ мемлекеттің инвестициясы мен жеке бизнестің ірі бастамаларына бірдей назар аудару қажет. Ірі инвесторлармен қатар орта және шағын инвесторлармен тығыз байланыста жұмыс істеу керек. Қаражаттың қай бағытқа, қандай мақсатпен және қанша көлемде қажет екенін нақты білу қажет. «Инвестицияға тапсырыс» өндірістің сұранысына сай жасалуы керек. Еліміздегі инвесторлармен қарым-қатынас жүйесі күрделі әрі бытыраңқы. Қағазбастылық көп, түрлі органдардың құзыреттері қайталанады. Ал, қазіргі күрделі ахуал кезінде инвестиция тарту – кезек күттірмейтін мәселе, бізге жаңа ұстаным керек. Қалай болса да, инвестиция тарту бойынша барлық үйлестіру жұмысы тікелей Премьер-министрге жүктеледі. Жаңа министрлік құрудың қажеті жоқ. Бірақ, көзге оттай басылатын нәрсе: елімізде бірде-бір мекеменің атауында инвестиция деген сөз жоқ. Инвестиция тіпті, жетім бала сияқты үш-төрт мекемеге ортақ мәселе болып, өз жолын таппай жүр. Сондықтан Премьер-Министр он күн ішінде нақты ұсыныс беруге тиіс. Бұдан бөлек, Үкіметке инвестиция тарту жүйесін түгел жаңғырту жөніндегі нақты іс-шаралар жоспарын мейлінше қысқа мерзім ішінде әзірлеуді тапсырамын». t.me/aqorda_resmi

️Мемлекет басшысы Үкіметке инвестиция тарту жүйесін түгел жаңғырту жөніндегі нақты іс-шаралар жоспарын әзірлеуді тапсырды

<a href="https://kyzylorda-news.kz/">Kyzylorda-news.kz</a>&nbsp; «Қазір дүние жүзі жаңа тарихи дәуірге қадам басты. Бұл дәуірдің барша адамзат үшін оңай болмайтыны анық.Алпауыт елдер мен халықаралық одақтар арасындағы қарама-қайшылықтардың ауқымы өсіп бара жатыр. Халықаралық қатынастағы шиеленістер мен озбырлықтың салдарынан қақтығыстар мен соғыстар белең алды. Кейбір мемлекеттердің ішкі және сыртқы саясатында әсіре ұлтшылдық күшейді.Әлем экономикасында теңсіздіктер мен қайшылықтар ушыға түсті. Кейбір мемлекеттер экономикалық дамуда артта қалып, кейбір елдер жасанды интеллект саласында теңдессіз табысқа жетуде.Халықаралық құқықтың мән-маңызы кете бастады.Ал Біріккен Ұлттар Ұйымы өзінің рөлі мен мәртебесіне сай қазіргі басты түйткілдерді шешуге қауқарсыз болуда.Экологиялық және техногендік апаттардың кесірінен түрлі елдердің экономикасы орасан шығынға батуда.Батыстағы этносаралық-дінаралық үйлесім мен мәдени әралуандық тұжырымдамасы дағдарысқа ұшырады. Жаһандық деструктивті күштер ұлттық мәдениеттер мен дәстүрлердің іргесін шайқауда.Босқындардың саны көбейіп, көші-қон дағдарысы туындады. Адам саудасы, қару-жарақ пен есірткі саудасы да өршіп тұр.Бұрын-соңды болмаған мүлде жаңа сын-қатерлер күллі адамзаттың қауіпсіздігіне нұқсан келтіруде. Тіпті, жасанды интеллектіні пайдаланып, аса қауіпті қару жасайтындар пайда болды. Геосаяси ахуалдың түбірімен өзгере бастағанын аңғартатын басқа да факторлар аз емес. Қысқаша айтсақ, әлемде жаңа геосаяси тәртіп орныға бастады». t.me/aqorda_resmi

Мемлекет басшысы: «Әлемде жаңа геосаяси тәртіп орныға бастады»

<a href="https://kyzylorda-news.kz/">Kyzylorda-news.kz</a> Барлық реформаны салмақты көзқараспен мұқият, жан-жақты ойластырып, сапалы түрде жүзеге асыруымыз керек. Бұл туралы Мемлекет басшысы Қасым-Жомарт Тоқаев Қазақстан халқына Жолдауында <a href="https://kaz.inform.kz/news/kogamdi-zhangirtu-ushn-al-dekop-sharua-atkaruimiz-kerek-prezident-4f966f/">айтты</a>.<blockquote>– Өскелең ұрпақ бақытты және берекелі өмір сүруге тиіс. Сол үшін бәріміз бір ұлт болып, табанды еңбек етуіміз керек. Бұл — баршамызға ортақ өте маңызды жұмыс, аса жауапты азаматтық және ұлттық міндет. Жұмысымыз қаншалықты күрделі болса да, біз міндетті түрде табысқа жетуіміз керек. Басқа жол жоқ. Себебі бұл еліміздің болашағы, халқымыздың тағдыры. Сондықтан барлық реформаны салмақты көзқараспен мұқият, жан-жақты ойластырып, сапалы түрде жүзеге асыруымыз керек, – деді Президент.&nbsp;</blockquote>Мемлекет басшысы соңғы жылдары Қазақстанда ауқымды өзгерістер жасалғанын айтты.<blockquote>– Еліміздің саяси жүйесі анағұрлым озық әрі ашық бола түсті. Азаматтарымыздың сана-сезімі, болмысы өзгеріп жатыр. Соның арқасында халқымыздың мемлекеттік институттарға, заңға және әділдік пен тәртіпке деген сенімі нығаюда. Бірақ, алдымызда ауқымды жұмыс бар. Қоғамды жаңғырту үшін әлі де көп шаруа атқаруымыз керек. Қазір ел экономикасында реформалар жүргізіліп жатыр. Инфрақұрылымда және жаңа өндіріс орындарын ашуға қомақты инвестиция салынып жатыр. Мұның бәрі халықтың әл-ауқатын және еліміздің әлеуетін арттыру үшін жасалып жатқаны айдан анық, – деді Қасым-Жомарт Тоқаев.</blockquote>Скрин видеодан

Қоғамды жаңғырту үшін әлі де көп шаруа атқаруымыз керек – Президент  

<a href="https://kyzylorda-news.kz/">Kyzylorda-news.kz</a>&nbsp; Жаһандық деструктивті күштер ұлттық мәдениеттер мен дәстүрлердің іргесін шайқап отыр. Бұл туралы Мемлекет басшысы Қасым-Жомарт Тоқаев Қазақстан халқына Жолдауында <a href="https://kaz.inform.kz/news/zhasandi-intellektn-paydalanip-asa-kaupt-karu-zhasaytindar-payda-boldi-f900aa/">айтты.</a><blockquote>– &nbsp;Халықаралық құқықтың мән-маңызы кете бастады. Ал БҰҰ өзінің рөлі және мәртебесіне сай қазіргі басты түйткілдерді шешуге қауқарсыз болуда. Экологиялық және технологендік апаттардың кесірінен түрлі елдердің экономикасы орасан шығынға батуда. Батыстағы этносаралық, дінаралық үйлесіммен мәдениәралуандық тұжырымдамасы дағдарысқа ұшырады. Жаһандық деструктивті күштер ұлттық мәдениеттер мен дәстүрлердің іргесін шайқауда. Босқындардың саны көбейіп, көші-дағдарысы туындады. Адам саудасы, қару-жарақ пен есірткі саудасы өршіп тұр. Бұрын-соңды болмаған мүлде жаңа сын-қатерлер күллі адамзаттың қауіпсіздігіне нұқсан келтіруде. Тіпті, жасанды интеллектіні пайдаланып, аса қауіпті қару жасайтындар пайда болды, — деді Қасым-Жомарт Тоқаев.&nbsp;</blockquote>Мемлекет басшысы геосаяси ахуалдың түбірімен өзгере бастағанын аңғартатын басқа да факторлар аз еместігін баса айтты.<blockquote>— Қысқаша айтсақ, әлемде жаңа геосаяси тәртіп орныға бастады. Қазақстан әлем қауымдастығының ажырамас бөлігі. Мемлекетіміз Еуразия құрылғының дәл ортасында орналасқан. Қазіргі заман бұлыңғыр, тұрақсыз болса да біз бәріміз жаппай цифрландыру және жасанды интеллект дәуіріне қадам бастық. Менің негізгі мақсатым осындай түрлі қатерге толы кезеңде еліміздің тұрақты әлеуметтік-экономикалық дамуын және қауіпсіздігін қамтамасыз ету, — деді Президент.</blockquote>Фото: Оқу-ағарту министрлігі

Жасанды интеллектіні пайдаланып, аса қауіпті қару жасайтындар пайда болды  

<a href="https://kyzylorda-news.kz/">Kyzylorda-news.kz</a>&nbsp; Қазақстан Республикасы Бас прокуратурасының Активтерді қайтару жөніндегі комитеті енді инвесторлар құқығын қорғау комитеті деп аталады. Бұл туралы Президент Қасым-Жомарт Тоқаев Қазақстан халқына Жолдауы барысында <a href="https://kaz.inform.kz/news/bas-prokuraturanin-aktivterd-kaytaru-zhonndeg-komitet-end-investorlar-kukigin-korgau-komitet-dep-ataladi-zholdau-a75730/">айтты. &nbsp;</a>Фото: Видеодан алынған скрин

Активтерді қайтару жөніндегі комитет енді инвесторлар құқығын қорғау комитеті деп аталады – Жолдау   

<a href="https://kyzylorda-news.kz/">Kyzylorda-news.kz</a> Алпауыт елдер мен халықаралық одақтар арасындағы қарама-қайшылықтардың ауқымы өсіп бара жатыр. Бұл туралы Мемлекет басшысы Қасым-Жомарт Тоқаев Қазақстан халқына Жолдауында <a href="https://kaz.inform.kz/news/halikaralik-katinastagi-shielenster-men-ozbirliktin-saldarinan-kaktigistar-men-sogistar-belen-aldi-prezident-3e2238/">айтты</a>.<blockquote>–&nbsp;Өткен аптада Парламенттің жаңа сессиясы ашылды. Қызметтеріңізге табыс тілеймін. Алдыңғы сессия жемісті болды деп күмәнсіз айтуға болады. Елге қажетті көптеген заң қабылданды. Халықтың көкейінде жүрген өзекті мәселелер көтерілді, жан-жақты талқыланды. Депутаттар жазғы демалыс кезінде аймақтарға барып, азаматтармен кездесті. Енді жұртышылық айтқан мәселелерді саралап, Үкіметпен бірге пысықтап, осы сессия барысында ескеру қажет. Жалпы, Парламент депутаттары елімізде түбегейлі реформалар жасау жолында маңызды рөл атқарып келеді. Сіздерге зор ризашылығымды білдіремін,&nbsp;— деді Мемлекет басшысы.&nbsp;</blockquote>Президент қазір дүниежүзі жаңа тарихи дәуірге қадам басқанын атап өтті.<blockquote>–&nbsp;Бұл дәуірдің барша адамзат үшін оңай болмайтыны анық. Алпауыт елдер мен халықаралық одақтар арасындағы қарама-қайшылықтардың ауқымы өсіп бара жатыр. Халықаралық қатынастағы шиеленістер мен озбырлықтың салдарынан қақтығыстар мен соғыстар белең алды. Кейбір мемлекеттердің ішкі және сыртқы саясатында әсіре ұлтшылдық күшейді. Әлем экономикасында теңгерімсіздіктер мен қайшылықтар ушыға түсті. Кейбір мемлекеттер экономикалық дамуда артта қалып, кейбір елдер жасанды интеллект саласында теңдессіз табысқа жетуде,&nbsp;— деді Қасым-Жомарт Тоқаев.</blockquote>Айта кетелік Бұл — Президенттің 8-ші Жолдауы. Мемлекет басшысы Жолдауларын жыл сайын қыркүйек айында, Парламенттің жаңа сессиясының ашылу рәсімінде жасап келді.Скрин видеодан

Халықаралық қатынастағы шиеленістер мен озбырлықтың салдарынан қақтығыстар мен соғыстар белең алды – Президент 

<a href="https://kyzylorda-news.kz/">Kyzylorda-news.kz</a> Парламент палаталарының бірлескен отырысы өтіп жатыр. Жиынға Сенат пен Мәжіліс депутаттары, орталық мемлекеттік органдар басшылары, Ұлттық құрылтай мүшелері, қоғам өкілдері мен еңбеккерлер қатысып <a href="https://kaz.inform.kz/news/kazakstan-ush-zhildin-shnde-zhappay-tsifrlik-el-bolui-kerek-prezident-31e8bc/">отыр.&nbsp;</a>Айта кетелік Бұл - Президенттің 8-ші Жолдауы. Мемлекет басшысы Жолдауларын жыл сайын қыркүйек айында, Парламенттің жаңа сессиясының ашылу рәсімінде жасап келді.Фото: Видеодан алынған скрин

Қазақстан үш жылдың ішінде жаппай цифрлық ел болуы керек – Президент  

<a href="https://kyzylorda-news.kz/">Kyzylorda-news.kz</a> &nbsp;Парламент палаталарының бірлескен отырысы басталды. Жиынға Сенат пен Мәжіліс депутаттары, орталық мемлекеттік органдар басшылары, Ұлттық құрылтай мүшелері, қоғам өкілдері мен еңбеккерлер қатысып <a href="https://kaz.inform.kz/news/live-prezident-kasim-zhomart-tokaevtin-kazakstan-halkina-zholdaui-5d9746/">отыр.</a>Сарапшылардың пікірінше, Президент Қасым-Жомарт Тоқаевтың Қазақстан халқына биылғы Жолдауы стратегиялық маңызы бар бағыттарға арналады. Оның ішінде мемлекеттік басқару мен экономикада тиімділігін дәлелдеген цифрландыру мен жасанды интеллекті енгізу мәселелері басты орынға шығады. Сонымен қатар ішкі нарықты дамыту, жоғары қосылған құны бар өнім өндіруді ынталандыру, азық-түлік, энергетикалық және көлік қауіпсіздігін нығайту мәселелеріне басымдық беріледі. Денсаулық сақтау, білім беру және экология саласындағы әлеуметтік реформаларға да ерекше назар аударылмақ.Фото: Kazinform

Президент Қасым-Жомарт Тоқаевтың Қазақстан халқына Жолдауы басталды

Бірыңғай есеп беру күніҚазақстан Республикасы Кәсіпкерлік кодексінің 131-1-бабына сәйкес, 2019 жылдан бастап қыркүйек айының соңғы бейсенбісінде еліміздің барлық өңірлерінде бақылау-қадағалау органдарының бизнес-қауымдастық алдында бірыңғай есеп беру күнін өткізу практикасы енгізілген.&nbsp;Бірыңғай есеп беру күні – кәсіпкерлік субъектілері мен мемлекет арасындағы іс-қимылды жақсарту мақсатында бизнес пен мемлекет қатынастарын реттеу мәселелерін талқылау, олар бойынша сындарлы шешімдер әзірлеу, қауіпсіз қызметті жүзеге асыру үшін кәсіпкерлік субъектілері мен ұйымдардың құқықтық сауаттылығын арттыру, мемлекеттің бақылау-қадағалау қызметін реформалауды іске асыру шеңберінде мемлекеттік бақылау мен қадағалау мәселелері бойынша заңнаманың міндетті талаптары бұзушылықтарының жүйелі профилактикасын дамыту үшін өткізіледі.Аталған шараға кәсіпкерлік субъектілері, бақылау және қадағалау органдарының өкілдері, мемлекеттік қызмет саласындағы уәкілетті органның, сыбайлас жемқорлыққа қарсы іс-қимыл жөніндегі уәкілетті органның, сондай-ақ тиісті аумақтық бірліктің прокуратура органдарының өкілдері қатысады.Қызылорда облысында бақылау және қадағалау органдарының бірыңғай есеп беру күнін өткізу 2025 жылдың 25 қыркүйегі сағат 11:00-ге белгіленді.&nbsp;Өткізілу орны: Қызылорда қаласы, Сұлтан Бейбарыс көшесі, 1 мекенжайы, облыстық мекемелер үйінің 3 қабаты, Г-блогы (мәжіліс залы).&nbsp;Жауапты ұйымдастырушы: «Қызылорда облысы кәсіпкерлік және өнеркәсіп басқармасы» КММ.Іс-шараға қатысуға тіркелу 8 (7242) 60-54-08, 60-54-07 байланыс телефондары арқылы жүргізіледі. &nbsp;

Хабарландыру

<a href="https://kyzylorda-news.kz/">Kyzylorda-news.kz</a> Сыр өңіріне жұмыс сапарымен келген ҚР Парламенті Мәжілісінің депутаттары Еділ Жаңбыршин, Мархабат Жайымбетов, Қытай Халық Республикасының «Майжике Инвестмент Менеджмент», «Хуанрань Медикал», «Иньцзян Эко-Пром» компанияларының өкілдері аймақтың инвестициялық мүмкіндіктерімен танысты.Облыс орталығындағы әлеуметтік нысандардың, өндіріс орындарының жұмысын көріп, олардың даму қарқынына оң баға берді.Кездесу қорытындысында шетелдік қонақтар бұған дейін қалыптасқан өзара сенім мен бірлескен жұмыстың нәтижесін ерекше атап өтіп, Қызылорда облысы әкімдігі мен «Майжике Инвестмент Менеджмент» компаниясы арасында өзара ынтымақтастық туралы меморандумға қол қойылды.Тараптар өңірде импортты алмастыруға бағытталған ірі инвестициялық жобаларды іске асыруға уағдаласты. Жоспарланған ынтымақтастық бірқатар стратегиялық саланы қамтиды. Атап айтқанда, экологиялық жобалар, құрылыс индустриясына қажетті материалдар шығару және медицина.Жаңа бастамалар Қызылорда облысының инвестициялық тартымдылығын арттырып қана қоймай, өңірде жаңа жұмыс орындарын ашуға, экологиялық жағдайды жақсартуға және медициналық қызметтің сапасын арттыруға елеулі үлес қосады деп күтілуде.Делегация мүшелеріне аймақтың инвестициялық әлеуетіне бағытталған ауыл шаруашылығы, химия және тау-кен, тамақ, жеңіл өнеркәсіптерді қамтитын, жалпы құны 2,2 млрд. АҚШ долларын құрайтын инвестициялық жобалардың тизерлері ұсынылды.Сонымен қатар, Үкімет қолдауымен биыл Қызылорда қаласында құрылған «Қорқыт Ата» арнайы экономикалық аймағы туралы жан-жақты ақпарат берілді. Арнайы экономикалық аймақта инвестициялық жобаларды орналастырудың артықшылықтары, мемлекет тарапынан көрсетілетін қолдау шаралары, салық жеңілдіктері мен басқа да преференциялар кеңінен таныстырылды.Фото: Қызылорда облысы әкімінің баспасөз қызметі

Ынтымақтастық туралы меморандумға қол қойылды

<a href="https://kyzylorda-news.kz/">Kyzylorda-news.kz</a> Бүгін Парламент палаталарының бірлескен отырысы өтіп, онда Мемлекет басшысы Қасым-Жомарт Тоқаев Қазақстан халқына кезекті Жолдауын жария етеді. Бұл туралы<a href="https://kaz.inform.kz/news/prezident-bugn-kazakstan-halkina-dasturl-zholdauin-zhariyalaydi-08470c/"> kaz.inform.kz</a> хабарлады.&nbsp;Бұл - Президенттің 8-ші Жолдауы. Мемлекет басшысы Жолдауларын жыл сайын қыркүйек айында, Парламенттің жаңа сессиясының ашылу рәсімінде жасап келді. Қаңтар оқиғасы болған 2022 жылы Қасым-Жомарт Кемелұлы халыққа 2 Жолдау арнады. Оның біріншісі – наурызда, ал екіншісі қыркүйекте жарияланды.Осы екі Жолдаудың біріншісі еліміздегі тың саяси реформаларға жол ашты. Нақтырақ айтқанда, Президенттің тым көп өкілеттігін қысқарту, Парламенттің рөлін арттыру, Президенттің Сенаттағы квотасын 15-тен 10 депутатқа дейін азайту, Қазақстан халқы Ассамблеясының Мәжілістегі квотасын жою, Сенатқа Мәжіліс қабылдаған заңдарды тек мақұлдау немесе мақұлдамау құқығын беру, Мәжілістің депутаттық корпусының 70 пайызы пропорционалдық, 30 пайызы мажоритарлық тәсілмен жасақтау, мажоритарлық жүйе бойынша әрбір аймақ Парламенттің төменгі палатасына өзінің кемінде бір депутатын сайлау, Партияларды тіркеу рәсімін едәуір жеңілдету сынды бастамалар ұсынылып, кейіннен жүзеге асырылды.Семей аймағында Абай облысы құрылып, Семей қаласы жаңа облыстың орталығына айналды. Бұрынғы Жезқазған облысының аумағында Ұлытау облысы құрылып, Жезқазған қаласы қайтадан облыс орталығы болды. Алматы облысы екіге бөлініп, өңірде Жетісу және Алматы облыстары құрылды. Алматы облысының орталығы Қапшағай болса, ал Жетісу облысының орталығы Талдықорғанда орналасты.Бұл Жолдауда жергілікті өзін-өзі басқаруды орталықсыздандыру, жергілікті өзін-өзі басқару органдары үшін мемлекеттік сатып алу тәртібін жеңілдету, бюрократия мен формализмді жою, дағдарысқа қарсы кезек күттірмейтін шараларды қабылдау, мемлекеттік аппарат қызметін бюрократиядан арылту, саяси жаңғыру стратегиясын ескере отырып, экономика мен мемлекеттік басқару ісіндегі жаңа құрылымдық реформалар топтамасын әзірлеу сынды бастамалар да көтерілді.Мемлекет басшысының соңғы Жолдауы «Әділетті Қазақстан: заң мен тәртіп, экономикалық өсім, қоғамдық оптимизм» деп аталды. Онда ақша-несие саясаты мен фискалды саясаттың арасындағы үйлесімсіздікті жою, инвестициялық ахуалды және бизнес жүргізуге қажетті жағдайды жақсарту жолында үздіксіз жұмыс істеу, еліміздің өнеркәсіп әлеуетін толық пайдалану үшін жан-жақты шаралар қабылдау, инфрақұрылымға қатысты өзекті мәселелерді шешу, кадрлық әлеуетті біртіндеп арттыру, ұлт саулығын нығайту үшін кешенді шараларды қолға алып, халықты әлеуметтік қолдау жүйесін жаңғырту, экологиялық ахуалды жақсарту, мемлекеттік басқару ісінің тиімділігін барынша арттыру, қоғамда заң мен тәртіп идеологиясын терең орнықтыру мәселелері көтерілді. Жолдауда көтерілген мәселелердің бәрі де Үкімет тарапынан орындалып жатыр. Мәселен, әлеуметтік салада мемлекет жыл сайын шамамен 4,5 млн адамды төлемдермен қамти отырып, өзінің міндеттемелерін уақтылы және толық көлемде орындап отыр. Биылғы 7 айда жоспарланған 6 трлн теңгенің 3,4 трлн теңгесі төленді. Оның ішінде:2,5 млн зейнеткердің 2,5 трлн теңге сомасында зейнетақысы жалпы сомасы 382 млрд теңге болатын 542 мың азаматқа арналған мүгедектігі жөніндегі және 195 мың отбасыға арналған асыраушысын жоғалтқанына байланысты жәрдемақы 613 мыңнан астам көпбалалы отбасыға және 243 мың марапатталған аналарға арналған 354,5 млрд теңге төлемдер 200 мыңнан астам отбасыға арналған бала тууына және бала күтіміне қатысты берілетін 61,8 млрд теңге жәрдемақы 102 млрд теңге көлемінде өзгедей де төлемдер.Мемлекет басшысы алға қойған ең басты міндет – қуатты әрі әртараптандырылған экономика құру. 2025 жылдың 7 айының қорытындысы ұлттық дамудың локомотиві саналатын өнеркәсіп секторында оң серпін барын байқатты. Өнеркәсіптік өндіріс көлемі 6,9 пайызға нық өсім көрсетті. Мұндағы өсім драйверлері – көлемді 8,5 пайызға ұлғайған тау-кен өнеркәсібі және әртараптандыру үшін ерекше маңызды сала, 6,1 пайызға өскен өңдеу секторы.Мал шаруашылығы — елдің азық-түлік қауіпсіздігін қамтамасыз ететін стратегиялық маңызды сала.&nbsp;Сондықтан да бұл саланы дамытуға бағытталған жаңа тетіктер енгізіліп жатыр. Мал шаруашылығы агроөнеркәсіп кешенінің жалпы өнімінің шамамен 40%-ын құрайды. 2025 жылдың қаңтар–шілде айларында өндіріс көлемі 3,4%-ға өсіп, 2 трлн теңгеге жуықтады. Ет өндірісі 2%-ға артып, 608,8 мың тоннаға жетсе, сүт өндіру көлемі 6,5%-ға көбейіп, 2,25 млн тонна болды.Мал мен құс саны да тұрақты түрде өсіп келеді: ірі қара мал – 8,7 млн (+0,3%), жылқы – 4,6 млн (+6,7%), түйе – 300 мың (+3,9%), құс – 48 млн (+6,6%). Дегенмен, қой саны 3,7%-ға кеміп, 21,1 млн болды.Экспорт бағытында да оң нәтижелер бар. 2025 жылдың алғашқы бес айында сиыр еті экспорты 2,5 есеге өсіп, 12,3 мың тоннаға жетті. Қой еті экспорты 2,6 есеге артып, 9,2 мың тонна болды. Алғаш рет 797 тонна шошқа еті сыртқы нарыққа шығарылды. Бұл көрсеткіштер қазақстандық өнімнің халықаралық деңгейде сұранысқа ие екенін дәлелдейді.Үкімет&nbsp;өнеркәсіптік өсуді ынталандыру үшін инвесторларға қолайлы жағдай жасап жатыр.&nbsp;Ірі кәсіпорындармен ұзақмерзімді келісімшарттар және офтейк-келісімшарттар көлемі 2 есеге өсіп, 147 млрд теңгеден асты. 16 арнайы экономикалық және 55 индустриялық аймақ түріндегі инфрақұрылым белсенді дамып келеді.Арнайы экономикалық және индустриялды аймақтар – жаңа өндірістерді жүзеге асырудың негізгі құралдарының бірі. Аймақтар қажетті инфрақұрылыммен қамтамасыз етілген және жобаларды жүзеге асыру үшін бизнеске беріледі. Өңдеу өнеркәсібіндегі жаңа бастамаларды қолдау үшін шағын өнеркәсіптік аймақтар құру құралы іске қосылды, онда дайын өнеркәсіптік алаңдар жеңілдікті бағамен жалға беріледі. Мұндай аймақтар 8 өңірде салынады, 90-ға жуық жобаны іске қосып, 3 мыңнан астам жұмыс орнын ашу жоспарланып отыр.IT саласы тұрақты түрде өсіп келеді. Еліміздегі IT компаниялар саны 18 мыңнан асты, соңғы үш жылда өсім - 16 пайыз. 1700-ден астам қатысушыны біріктіретін Astana Hub халықаралық технопаркінің дамуы маңызды драйвер болды. Резиденттердің жиынтық табысы 1,2 трлн теңгеге жетті, экспорттық кіріс 140 млрд теңгеден асты. Өңірлік ІТ хабтар инновациялық экожүйенің негізгі элементіне айналды. Қазірдің өзінде Қазақстанда олардың 19-ы бар. Сонымен қатар Сауд Арабиясы, АҚШ, Ұлыбритания, Дубай және Қытайда шетелдік алаңдар ашылды.Еліміздің цифрлық дамуының тағы бір басым бағыты – криптоиндустрия. Қазақстан сrypto-friendly реттеу негізінде ашық және инвестициялық тартымды экожүйені қалыптастыруға кірісті.Жүзеге асырылып жатқан бастамалардың қатарында «Cryptocity» пилоттық аймағы, крипторезерв жобасы, цифрлық активтердегі трансшекаралық есептеулер, сондай-ақ майнингтік инвесторларды тарта отырып, 70/30 үлеспен энергия қуаттарын жаңғырту жөніндегі бағдарлама бар. Бұл шаралар тұрақты өсу мен технологиялық дамуға бағытталған ашық экожүйені қалыптастырады.Фото: akorda.kz

Президент бүгін Қазақстан халқына дәстүрлі Жолдауын жариялайды   

<a href="https://kyzylorda-news.kz/">Kyzylorda-news.kz</a> Биыл KazHackStan жетінші рет өтеді және бір алаңда Қазақстаннан, Орталық Азия елдерінен әрі әлемнен келген 6000-нан астам қатысушы мен 65-тен аса жетекші спикерлерді біріктіреді.Конференция форматы ақпараттық қауіпсіздіктің негізгі қырларын толық қамтуға бағытталған: мемлекеттік реттеуден бастап тәжірибелік дағдылар мен тікелей көрсетілімдерге дейін қамтиды.Тақырыптық үш күн1-күн — Government &amp; Business DayБірінші күн реттеу және жауапкершілік мәселелеріне арналады. Мұнда талқыланатын тақырыптар:&nbsp; • &nbsp; &nbsp;киберқауіпсіздік саласындағы біліксіздікке мүлдем төзбеушілік, әсіресе мемлекеттік құрылымдарда;&nbsp; • &nbsp; &nbsp;деректердің таралуы, бюджет тапшылығы және негізгі қауіпсіздік талаптарын елемеу;&nbsp; • &nbsp; &nbsp;аса маңызды ақпараттық инфрақұрылымға (ААИ) рұқсатсыз пентест жүргізу мәселесі;&nbsp; • &nbsp; &nbsp;қаржы секторының азаматтардың деректерін қорғауға бейжай қарауы;&nbsp; • &nbsp; &nbsp;әлсіз тұстар мен ақпараттың сыртқа таралуын жасыру мәселелері қарастырылады.2-күн — Secure Development DayЕкінші күн қауіпсіз әзірлеу тәжірибесіне және технологияларға арналады:&nbsp; • &nbsp; &nbsp;қорғалған периметр моделінің өзектілігін жоғалту себептері;&nbsp; • &nbsp; &nbsp;жасанды интеллект пен бұлттық шешімдердің әсерінен қауіп-қатер ландшафтының өзгеруі;&nbsp; • &nbsp; &nbsp;өзгермелі ақпараттық қауіпсіздік ортасында қорғаудың жаңа тәсілдеріне ерекше назар аударылады.3-күн — Hack DayҮшінші күн — хакерлер мен Red/Blue Team мамандарына арналған арнайы күн. Қатысушыларды келесі іс-шаралар күтуде:&nbsp; • &nbsp; &nbsp;әлемдік және өңірлік сарапшылардың мазмұнды баяндамалары;&nbsp; • &nbsp; &nbsp;аймақтағы ең ірі хакерлік жарыс — CyberKumbez финалы;&nbsp; • &nbsp; &nbsp;real-time бұзу көрсетілімдері, баг іздеу және кибер-шабуыл мен қорғау тәсілдерінің көрсетілімі ұсынылады.Конференцияны киберқауіпсіздік пен цифрлық егемендік саласында аймақтық көшбасшы TSARKA Group ҚР ЦДИАӨМ Ақпараттық қауіпсіздік комитетімен бірлесіп ұйымдастырылады.KazHackStan 2025 іс-шарасы Freedom Holding, PS.kz және Astana Hub қолдауымен өтеді. Бұл ұйымдар Қазақстандағы финтех, бұлтты сервистер және стартап-экожүйесін белсенді түрде дамытып келеді. Сонымен қатар, шараға Hewlett Packard Enterprise (HPE) – корпоративтік ІТ-шешімдер саласындағы жаһандық көшбасшы да киберфорумға қосылады.KazHackStan — бұл тек қана конференция емес. Бұл — мемлекет, бизнес және хакерлер киберқауіпсіздік тілінде сөйлесетін ең ірі өңірлік алаң. Қазіргі заманда шабуыл — уақыт мәселесі, ал әлсіздік кез келген жүйеден табылуы мүмкін. Сондықтан мұндай кездесулер артықшылық емес, қажеттілікке айналды.Фото: fingramota.kz

Қазақстан және Қызылорда облысының жаңалықтары