<a href="https://kyzylorda-news.kz/">Kyzylorda-news.kz</a> &nbsp;WhatsApp 13 жасқа дейінгі балалар үшін шектеулі функционалды арнайы аккаунттарды іске қосады, деп хабарлайды <a href="https://t.me/dwglavnoe/62215">DW</a>.WhatsApp енді 13 жасқа дейінгі балаларға арналған арнайы шектеулі аккаунттарды ұсынады. Осы аккаунттар арқылы балалар тек хабарлама жіберіп, қоңырау шала алады. Профильді баптағаннан кейін оны ата-ана немесе қамқоршы бақылайды: кім хабарласа алады, бала қандай топтарға кіре алады – бұны сол кісі шешеді. Сонымен қатар ата-аналар белгісіз контактілерден келген хабарлама сұраныстарын көре алады және конфиденциалдық баптауларды басқара <a href="https://kaz.inform.kz/news/end-13-zhaska-deyng-balalardin-whatsapp-akkaunttari-ata-anasinin-bakilauinda-boladi-c80242/">алады.</a>Естеріңізге сала кетсек, Аустралия алғашқылардың бірі болып балалар мен жасөспірімдер үшін әлеуметтік желілерді пайдалануына тыйым салды. Бұл олардың психикалық денсаулығына алаңдаушылық туғызған еді. Кейбір елдерде ұқсас шараларды енгізу туралы талқылаулар жүріп жатыр.Қауіптің тағы бір себебі – мессенджерлерде хакерлердің шабуылдары, онда пайдаланушылардан қауіпсіздік кодтары мен PIN-кодтарды ашу сұралған. Бұл алаяқтарға жеке аккаунттар мен топтық чаттарға кіруге мүмкіндік берген.Осы жаңа жүйе арқылы WhatsApp балалардың қауіпсіздігін арттырып, олардың онлайн әрекеттерін ата-ана немесе қамқоршы бақылауына береді.Бұған дейін әлемдегі ең танымал хабар алмасу қосымшаларының бірі WhatsApp қолданбасы пайдаланушыларға «Топтық хабарламалар тарихы» деп аталатын жаңа мүмкіндікті ұсынды.Ал Қазақстанның Бас прокуратурасы WhatsApp мессенджеріне қатысты жаңа киберқатер туралы ескертті.Фото: Pixabay

Енді 13 жасқа дейінгі балалардың WhatsApp аккаунттары ата-анасының бақылауында болады 

&nbsp; Құрметті Сыр жұртшылығы!Ардақты ағайын!Жыл басында Қызылордада өткен Ұлттық құрылтай еліміздегі ауқымды өзгерістер мен түбегейлі бетбұрыстардың бастауы болғаны белгілі. Осы алқалы жиында Мемлекет басшымыз Қасым-Жомарт Кемелұлы ұсынған Конституциялық реформаны қоғам жан-жақты талқылады.Біртұтас Қазақстан халқының арман-аңсары, мақсат-мүддесі кеңінен қамтылған жаңа Конституцияның жобасы республикалық референдумға шығарылып, әр азамат өз таңдауымызды нақтылайтын күн жақын қалды.Алдағы жексенбіде қастерлі Отанымызды, егемендігіміз бен тәуелсіздігімізді, аумақтық тұтастығымызды сақтау, азаматтарымыздың құқықтары мен бостандықтарын қорғау, еліміздің тыныштығы мен тұрақтылығын қамтамасыз етуге бағытталған маңызды қадам жасаймыз.«Адам мемлекет үшін емес, мемлекет адам үшін» қағидатына берік негізделген халықтық Конституцияға қатысты түпкілікті шешім халық таңдауына сүйеніп қабылданады.Бұған дейінгі саяси реформалар кезінде Сыр жұртшылығы береке-бірліктің, тату тірліктің үлгісін көрсетіп белсенділік танытқан болатын.Бұл жолы да жерлестеріміз жаңғырудың жаңа кезеңінің мәнін терең түсініп, өз көзқарасын білдірудегі үлгілі жолды жалғайды деп сенемін.Біздің азаматтарымыздың бойындағы отаншылдық пен жауапкершілікке негізделген ұстанымдары айқын. Ол – елдің жарқын болашағы, бекем бірлігі және мызғымас тұтастығы.Нұрлыбек Нәлібаев,Қызылорда облысының әкіміФото: облыс әкімдігі

Нұрлыбек Нәлібаев: Жаңғыру жолындағы маңызды таңдау

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласы Полиция басқармасының Тасбөгет полиция бөлімінің криминалды полиция бөлімшесінің аға жедел уәкілі Таубай Еділ №257 орта мектебінің мұғалімдеріне интернет алаяқтығының алдын алу мақсатында профилактикалық түсіндірме жұмыстарын жүргізді.Мұндай шаралардың мақсаты - халық арасында алаяқтардың іс-әрекетін әшкерелеп, алаяқтық қылмыстарын болдырмау мен алдын алу. Бұл деген тәртіп сақшылары интернет-алаяқтықтың алдын алу бойынша жүйелі жұмыс жүргізе отырып, халықтың құқықтық сауаттылығын арттыруға көптеп көмек беріп жатқандығының бір дәлелі.Интернеттің мүмкіндігін қылмыстық іс-әрекеттерін жүзеге асыру үшін оңтайлы пайдаланып жүрген алаяқтардың әдіс-тәсілдері күн сайын өзгеріп отыр. Қылмыскерлердің көп таралған әдістері: әлеуметтік желілерге жалған хабарландырулар орналастыру; интернет арқылы сауда жасау және қызмет көрсету; инвестицияға пайда көру мақсатында ақша салу; мессенджерлерге күмәнді сілтемелер жолдау арқылы.<img src="https://knadmin.beoblood.kz/uploads/yzylordada_internet_alaya_ty_ty_aldyn_alu_ma_satynda_t_r_yndar_a_t_sindiru_zh_mystary_zh_rgizildi1_c0a8af209f.jpg" alt="Қызылордада интернет-алаяқтықтың алдын алу мақсатында тұрғындарға түсіндіру жұмыстары жүргізілді1.jpg">Өздерін банк немесе құқық қорғау органдарының қызметкері ретінде азаматтарға қоңырау шалып, жеке деректерді иемденіп, бөтен біреудің атынан онлайн-несие рәсімдеу және алаяқтықтың жаңа түрлері туралы бұқаралық ақпарат құралдары мен әлеуметтік желілер арқылы халыққа хабардар етілгенімен тұрғындардың алаяқтардың құрығына түсіп жатқан жағдайлар жиі кездесуде.Сондықтан полиция қызметкерлері интернет кеңістігіндегі алаяқтық әрекеттерге қарсы күресті күшейтті.Саят Асқар

Интернет-алаяқтықтың алдын алу мақсатында түсіндіру жұмыстары жүргізілді

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Темірханұлы кореялық «Hyundai Engineering Co., Ltd.» компаниясының ТМД елдері бойынша бас директоры Сонг Чханг Хой мырзамен кездесті.Айта кету керек, «Hyundai Engineering Co., Ltd.» – өнеркәсіптік және инфрақұрылымдық жобаларды жүзеге асыратын Оңтүстік Кореяның ірі инженерлік компаниясы. Компания мұнай-газ, химия, энергетика және машина жасау салаларында қызмет атқарады.Кездесу барысында машина жасау саласындағы ынтымақтастық мәселелері, сондай-ақ инвестициялық өзара іс-қимылдың өзге де бағыттары талқыланды. Тараптар бірлескен жобаларды іске асыру мүмкіндіктері мен серіктестікті дамыту перспективалары жөнінде пікір алмасты.Сонымен қатар, инвесторлар үшін қарастырылған қолдау шаралары мен өндіріс орындарын орналастыруға арналған Индустриялық аймақ пен Арнайы экономикалық аймақтың мүмкіндіктері таныстырылды. Сондай-ақ, инвестиция тартуды қажет ететін өңірдің перспективалы жобалары ұсынылды.

Бірлескен жобаларды іске асыру барысы қаралды

<a href="https://kyzylorda-news.kz/">Kyzylorda-news.kz</a> Өңірлік коммуникациялар қызметінің ақпарат алаңына келген сала мамандары өңірдегі гидрологиялық жағдайға тоқталып, су тасқынының алдын алу бағытында атқарылып жатқан жұмыстар жөнінде баяндады. Спикерлердің айтуынша, қазіргі таңда өзендегі су деңгейі тұрақты бақылауда және тиісті мекемелер тәулік бойы мониторинг жүргізіп отыр.Қызылорда облысындағы су тасқынына негізгі әсер етуші Сырдария өзені. Өзен бойында стратегиялық маңызы бар Қызылорда, Әйтек, Қазалы және Ақлақ су тораптары орналасқан. Қазіргі уақытта облыс аумағына Сырдария арқылы секундына 178 м³/сек су келуде.<blockquote>«Қызылорда су торабынан 150 м³/сек, Әйтек су торабынан 110 м³/сек, Қараөзек арнасы арқылы 30 м³/сек су жіберілуде. Ал Қазалы су торабынан 95 м³/сек, Ақлақ су торабынан 70 м³/сек су Кіші Арал теңізіне бағытталуда. Күннің жылынуына байланысты өзеннің оңтүстік және орталық бөліктері мұздан толық тазарған. Қызылорда және Сырдария аудандары аумағында өзен ашылып, су тораптары реттеліп, Жаңадария, Жаңаарық және басқа да каналдарға көлдер жүйесі мен жайылымдарды суландыру үшін су жіберілуде. Ал Қазалы мен Ақлақ су тораптары маңында өзен толық ашылмағандықтан, транзиттік режимде жұмыс істеп тұр. Мұз жүру кезеңінде кептелістің алдын алу үшін Қазалы су торабында арнайы драглайн техникасы кезекшілікке қойылды» , - деді «Қазсушар» РМК Қызылорда облысы филиалы директорының орынбасары Айдос Асанбаев.</blockquote>Сондай-ақ стратегиялық маңызы бар су тораптарының жұмысы қадағалануда. Қажет болған жағдайда суды реттеу және қауіптің алдын алу үшін тиісті шаралар қабылданады.<blockquote>«Қазіргі таңда Шардара су қоймасына 5009 млн м³ су жинал. Қоймаға секундына 1176,4 м³ су түсіп, төменгі ағысқа 600 м³/сек көлемінде жіберілуде. Сонымен қатар, Көксарай су реттегішіне де су қабылданып жатыр. Сырдария арқылы келетін су көлемінің Қызылорда су торабына жетуі шамамен 12-13 тәулік, ал Қазалы су торабына 21–22 тәулік уақыт алады. Сондықтан қазіргі жағдайда көктемгі су тасқыны қаупі жоқ. Жалпы облыс аумағындағы су шаруашылығы жағдайы тұрақты және тәулік бойы бақылауда», - &nbsp;«Арал-Сырдария» бассейндік инспекциясы басшысының орынбасары Сейітқасым Әбуов.</blockquote>

Сырдариядағы су деңгейі бақылауда

<a href="https://kyzylorda-news.kz/">Kyzylorda-news.kz</a> Ә.Тәжібаев атындағы облыстық әмбебап кітапханасында жасөспірімдерге буллингтің салдарын түсіндіру, құқықтық қорғау жолдарын үйрету және қауіпсіз орта қалыптастыру мақсатында «Буллинг және құқықтық қорғау» атты пікірталас ұйымдастырылды.Іс-шараға Қызылорда ҚПБ қоғамдық қауіпсіздік бөлімшесінің майоры Мерей Тишбаев, полиция &nbsp;аға лейтенанты Дамир Ахметулла, Арсен Нұриддин және А.Хангелдин атындағы №179 орта мектебінің, Қ.Мұхамеджанов атындағы №1 мектеп-гимназиясының оқушылары қатысты.Шара барысында қатысушылар буллинг ұғымының мәнін ашып, оның психологиялық, әлеуметтік және құқықтық салдарын талқылады. Сонымен қатар Полиция майоры М.Тишбаев, полиция аға лейтенанты Д.Ахметулла оқырмандардың сұрақтарына жауап беріп, ақыл-кеңесін ұсынды.Шара соңында оқушылар &nbsp;«Буллингсіз қоғам - бақытты бала» атты кітап көрмесімен танысты.Мерей ЖалғасбекҚорқыт ата атындағы Қызылорда университетінің 4 курс студенті

Жасөспірімдерге арналған пікірталас алаңы ұйымдастырылды

<a href="https://kyzylorda-news.kz/">Kyzylorda-news.kz</a> «Әділетті және Прогрессивті Қазақстанның Халықтық Конституциясы үшін!» аумақтық коалициясының мүшелері орман шаруашылығы саласы өкілдерімен кездесіп, жаңа Конституция жобасының негізгі бағыттары, енгізілетін өзгерістер мен толықтырулар жан-жақты түсіндірілді.Кездесуге аумақтық коалиция мүшелері Ақтөре Ибрагимұлы, Марат Бакуов, Жанна Сәркеева, Абай Мейрамбеков қатысты.&nbsp;Кездесу барысында сала өкілдеріне елде жүзеге асырылып жатқан ауқымды саяси реформалардың мәні мен маңызы кеңінен түсіндірілді. Сонымен қатар, жаңа Конституция жобасының негізгі бағыттары, оның қоғамды жаңғыртудағы рөлі және азаматтардың құқықтары мен мүмкіндіктерін кеңейтудегі орны жан-жақты талқыланды.Кездесуде сөз алған аумақтық коалиция өкілі Марат Бакуов реформаның маңызына тоқталды.<blockquote>– Бүгінде Конституцияның жаңа жобасы қоғамда кеңінен талқыланып, азаматтар тарапынан түрлі ұсыныстар мен пікірлер айтылуда. Бұл – халықтың ел тағдырына бейжай қарамайтынын, мемлекеттік маңызы бар шешімдерге белсенді қатысуға дайын екендігін көрсетеді. Сондықтан Жаңа Конституция жобасы саяси жүйені одан әрі жетілдіруге, заң үстемдігін қамтамасыз етуге және азаматтардың құқықтары мен бостандықтарын қорғауды күшейтуге бағытталған. Осы ретте, Қазақстан Республикасының әрбір азаматы тарихи сәтте сырт қалмай, ел тағдырына қатысты шешім қабылдауда белсенділік танытуы қажет деп білемін, – деді Марат Бакуов.</blockquote>Өз кезегінде сала өкілдері алдағы референдумға қатысатынын жеткізіп, ой-ұсыныстарымен бөлісті. Жиынды қорытындылаған коалиция мүшелері жиын қатысушыларын еліміздегі саяси өзгерістер науқанынан қапы қалмауға шақырды.<img src="https://knadmin.beoblood.kz/uploads/Referendum_2_fb9c7ea643.jpg" alt="Референдум 2.jpg">

Жаңа Конституция жобасы түсіндірілді

<a href="https://kyzylorda-news.kz/">Kyzylorda-news.kz</a> «Әділетті және Прогрессивті Қазақстанның Халықтық Конституциясы үшін!» өңірлік коалициясы өкілдерінің қатысуымен ақпараттық-түсіндіру жұмыстары қарқынды жүргізілуде. Бүгін өңірлік коалиция мүшелері Ақжарма ауылдық округінің тұрғындарымен кездесті.Басқосу барысында коалиция мүшелері алдағы референдумның маңызы, ұсынылып отырған жаңа Конституция жобасындағы өзгерістер және олардың елдің дамуына тигізер ықпалы туралы кеңінен ақпарат беріп, түсіндіру жұмыстарын жүргізді.Кездесуге коалиция өкілдері Гүлшат Мұсаева, Абайбек Жүнісов, Нұрлан Әмір, Дәурен Сейтжанов, Арайлым Байжігіт, Әліби Басаров және Берік Шайнұров қатысты.Жиында сөз алған қалалық коалиция жетекшісінің орынбасары, облыстық мәслихат депутаты Гүлшат Мұсаева қазіргі кезеңдегі мемлекеттік басқарудың басты қағидаттарының бірі – адамға бағдарланған мемлекет қалыптастыру екенін атап өтті. Оның айтуынша, жаңа Конституция жобасы дәл осы ұстанымды негізге алады.<blockquote>«Құжатта адамның қадір-қасиеті, құқықтары мен бостандықтары мемлекет қызметінің басты бағыты ретінде айқындалған. Бұл әрбір азаматтың өмір сүру сапасын арттыруға, әлеуметтік қорғау жүйесін нығайтуға және баршаға тең мүмкіндік ұсынуға бағытталған маңызды қадам», – деді ол.</blockquote>Коалиция мүшесі, Исатай Әбдікәрімов атындағы Қызылорда политехникалық жоғары колледжінің директоры Абайбек Жүнісов жаңа Конституция жобасында ауылдық аумақтардың дамуына ерекше көңіл бөлінгенін атап өтті. Оның айтуынша, құжатта ауыл тұрғындарының өмір сапасын арттыру мақсатында ауыл шаруашылығын дамыту, инфрақұрылымды жетілдіру, сондай-ақ ауылдағы әлеуметтік жағдайды жақсарту мәселелері негізгі басым бағыттардың қатарында қарастырылған.Жалпы кездесуде тұрғындардың білім беру, медицина және әлеуметтік қызметтерге қолжетімділігін арттыру мәселесі де назардан тыс қалған жоқ. Бұл өз кезегінде ауыл мен қала арасындағы әлеуметтік-экономикалық айырмашылықты азайтып, өңірлердің теңгерімді дамуына мүмкіндік береді.&nbsp;Бұдан бөлек, аграрлық секторды қолдауға бағытталған жаңа құқықтық тетіктер енгізіліп, ауыл шаруашылығы саласының тұрақты дамуына жағдай жасалатыны да атап өтілді.Өз кезегінде коалиция өкілдері Нұрлан Әмір, Арайлым Байжігіт, Дәурен Сейтжанов және Әліби Басаров жаңа Конституция жобасы қоғамның барлық топтарының мүдделерін ескере отырып әзірленгенін айтып, оның қабылдануы ел дамуының жаңа мүмкіндіктеріне жол ашатынын жеткізді.Кездесу соңында тұрғындар өз ой-пікірлерін білдіріп, сауалдарына жауап алды. Коалиция өкілдері тұрғындарды ел болашағы үшін бірге дауыс беруге шақырды.<img src="https://knadmin.beoblood.kz/uploads/Zha_a_za_zhobasy_2_6f8784b296.jpg" alt="Жаңа заң жобасы 2.jpg">

Жаңа заң жобасы - әрбір азаматтың лайықты өмірінің кепілі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Орталық Азиядағы және Қазақстандағы БҰҰ әйелдері координациялық кеңесінің басшысы Джерен Гювен Гюрешпен кездесті. Кездесуде елімізде ерлер мен әйелдерге тең мүмкіндік берілгені, отбасы құндылықтарын сақтау мемлекеттік саясаттың басты бағытының бірі екені айтылды.<blockquote>«Қазақстан он бес жылдан астам уақыттан бері Біріккен Ұлттар ұйымының Әйелдер ұйымымен ашық әрі сенімді серіктес болып, өзара қарым-қатынасты дамытып келеді. Өзіңізге белгілі, Президентіміз Қасым-Жомарт Кемелұлы 2026 жылғы 15 наурызда Қазақстан Республикасының жаңа Конституциясына арналған республикалық референдум өткізу жөнінде Жарлыққа қол қойды. Бұл – еліміздің кемел келешегі үшін өз таңдауымызды жасап, қастерлі Отанымыздың берік негізін қалауға берілген тарихи мүмкіндік. Жаңа Ата Заңның жобасында неке ер адам мен әйел адамның ерікті және тең құқықты одағы екені нақтыланған. Бұл шешім дәстүрлі құндылықтарды ең жоғары құқықтық деңгейде қорғауға, әйелдер құқықтарын қорғауды күшейтуге бағытталған. Аймағымызда отбасы институтын дамыту, аналарды әлеуметтік қолдау бағытындағы жұмыстар нәтижелі іске асырылуда. Соңғы екі жыл қатарынан «Анаға тағзым» республикалық форумы өткізіліп келеді. Оған ҚР Президенті жанындағы әйелдер істері және отбасылық-демографиялық саясат жөніндегі комиссия төрағасы Балаева Аида Ғалымқызы, республиканың барлық аймағынан делегаттар қатысып, дәстүрлі тәжірибе алаңына айналды. Форум биыл да ұйымдастырылады. Қызылорда облысының әкімдігі ашық диалогқа, халықаралық әріптестік байланыстарға әрдайым дайын екенін мәлімдеймін», – деді Н.Нәлібаев.</blockquote>Өз кезегінде Джерен Гювен Гюреш бірлесіп жұмыс атқару ниетін білдіріп, алдағы жоспарларын бөлісті. Айта кетейік, бүгінде өңір халқының саны 845 135 адам, оның 419 819-ы, яғни 49,6%-ы – әйелдер. Қалалық жерде 185 мың, ауылдарда 230 мыңнан астам әйел тұрады.Облыста 160 мыңнан астам отбасы болса, оның 48 мыңнан астамы көпбалалылар, 17 мыңға жуық «Алтын алқа» және «Күміс алқа» иегері бар.Мемлекеттік қызметшілердің 45,4 пайызы, медицина қызметкерлерінің 88,1 пайызы, педагогтердің 78,3 пайызы, жалпы бюджеттік салада жұмыс істейтіндердің 62 пайызы, шағын және орта бизнестегілердің 55 пайызы – қыз-келіншектер.Координациялық кеңес басшысының Сыр өңіріне сапары аясында маңызды іс-шаралар ұйымдастырылады.

Облыс әкімі Орталық Азиядағы және Қазақстандағы БҰҰ әйелдері координациялық кеңесінің басшысымен кездесті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен өткен мәжілісте алдағы саяси науқан және Наурызнама мерекесін ұйымдастыру мәселелеріне байланысты мәжіліс өтті.Мәжілісте республикалық Референдумды аудан көлемінде заң талаптарына сәйкес, ашық әрі жоғары деңгейде өткізу мәселелері қаралды.Сонымен қатар, аудан басшысы Наурызнама онкүндігі аясында өтетін іс-шараларды мазмұнды әрі жоғары деңгейде ұйымдастыруды, әр күннің мазмұнына сай мәдени-рухани, ұлттық дәстүрді дәріптейтін шараларды кеңінен өткізіп, аудан тұрғындарының белсенді қатысуын қамтамасыз етуді жауапты сала басшылары мен кент және ауылдық округ әкімдеріне жүктеді.

Атқарылатын іс–шаралар жоспары талқыланды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Reinke Manufacturing Co., Inc. компаниясының вице-президенті Филип Джарвиспен кездесті. Кездесуде өңірге инвестиция тарту мәселесі талқыланды.<blockquote>«Біз Reinke Manufacturing Co., Inc компаниясының ауыл шаруашылығына арналған ирригациялық жабдықтар мен механикалық суару жүйелерін өндіруге маманданғанын жақсы білеміз. Осыған орай, ирригациялық жабдықтар өндірісін біздің өңірде локализация жасау мәселесі қызықтырады.«Харвест» компаниясы біздің аймақта 23 мың гектарға жуық суармалы жерді игеруде ауқымды жұмысты бастап кетті. Бұл жобаның алғашқы кезеңінің өзіне кемінде 450 бірлік суармалы жүйе қажет. Екінші кезеңінде 35 мың гектар алқапқа 700 бірлік суармалы жүйе қолдану көзделуде.Біз өндірістік қуатты тікелей негізгі тұтынушы орналасқан аймаққа шоғырландыруды ең тиімді стратегия деп санаймыз. Себебі, бұл габаритті емес конструкцияларды тасымалдау шығынын жойып, сервистік қызмет көрсету жеделдігін қамтамасыз етеді.Жоғарыда айтылған факторларды ескере келе, Сізден осы жобаны орналастыру үшін біздің өңірді қолайлы әрі болашағы зор инвестициялық алаң ретінде қарастыруға шақырамыз. Өз тарапымыздан жобаны іске асырудың әр кезеңінде мүдделі инвесторларға жан-жақты қолдау көрсетуге және кешенді сүйемелдеуге кепілдік береміз», – деді аймақ басшысы.</blockquote>​Бүгінде өңірде қолайлы инвестициялық климат қалыптасып, ірі инвестициялық жобалар жүзеге асуда. Соңғы үш жылда аймақ экономикасына 4 млрд. АҚШ долларына жуық, былтыр 1 млрд. 600 млн. АҚШ долларынан астам инвестиция, 9 айдың қорытындысымен 205 млн. АҚШ долларынан астам тікелей шетелдік инвестиция тартылды.Экономиканы әртараптандыру мақсатында 2026-2029 жылдары аймақта 3 млрд. 400 млн. АҚШ долларға 48 инвестициялық жоба іске асырылып, 10308 жаңа жұмыс орны ашылады. Биыл 183 млн. АҚШ доллардың 21 жобасын іске қосу жоспарлануда.Фото: Қызылорда облысы әкімінің баспасөз қызметі

Аймақ басшысы Reinke Manufacturing компаниясының вице-президентімен кездесті

<a href="https://kyzylorda-news.kz/">Kyzylorda-news.kz</a>&nbsp;Қызылорда қаласында Kyzylorda Hub алаңында ұлттық технологиялық форум Digital Qazaqstan аясында ұйымдастырылатын Digital Qazaqstan Battle стартап-жобалар байқауының өңірлік жартылай финалы өтті. Шараның басты мақсаты – елімізде технологиялық кәсіпкерлікті дамыту, перспективалы стартаптарды анықтау және олардың әрі қарай дамуына қолдау көрсету.Жүлде қоры 19 млн теңгені құрайтын Digital Qazaqstan Battle байқауы Қазақстанның түрлі өңірлеріндегі инновациялық жобаларды біріктіретін маңызды алаң саналады. Байқау бірнеше кезеңнен тұрады: алдымен жобалар ұйымдастыру комитеті мен сарапшылар комиссиясының іріктеуінен өтеді, кейін өңірлік жартылай финалдарда үздік стартаптар анықталып, финалға жолдама алады. Байқаудың финалдық кезеңі 2026 жылғы 27 наурызда&nbsp;Шымкент қаласында Digital Qazaqstan ұлттық технологиялық форумы аясында өтеді.Қызылордадағы жартылай финалға әртүрлі бағыттағы 12 инновациялық стартап-жоба қатысты. Қатысушылар өз жобаларын қазылар алқасына ұсынып, олардың тиімділігі, инновациялық әлеуеті және нарықтағы даму мүмкіндіктері бойынша бағаланды.Жартылай финалға қатысқан жобалар қатарында: FoodLink – қоғамдық тамақтану орындарын толық цифрландыруға арналған SaaS-платформа; Cortex AI – рентген суреттеріндегі патология белгілерін анықтайтын жасанды интеллект жүйесі; Zhailau AI – мал шаруашылығын басқаруға арналған аппараттық және бағдарламалық жасақтаманы біріктіретін платформа; Sheber.kz – клиенттерді тұрмыстық қызмет көрсететін шеберлермен байланыстыратын онлайн-платформа; EPICfolio – студенттердің оқу бағдарламасынан тыс жетістіктерін автоматты бағалауға арналған AI-платформа; PhishGuard – фишинг және алаяқтық сайттардан қорғайтын жасанды интеллект негізіндегі жүйе; PrepAI – IELTS емтиханына дайындалуға арналған онлайн-платформа; AgriX – ауыл шаруашылығына арналған AI-платформа, ол жер жағдайына сәйкес егін егу және тыңайтқыш қолдану бойынша нақты ұсыныстар береді; MediaHub – медиакреаторларға арналған цифрлық экожүйе; Kutim.kz – тері жағдайын фотосурет арқылы талдап, күтім бойынша ұсыныстар беретін AI-платформа; EcoQogam – жастардың экологиялық белсенділігін арттыруға бағытталған геймификацияланған мобильді қосымша; ProjectZero AI – идеяларды веб-қосымшаларға айналдыруға мүмкіндік беретін low-code/no-code интеллектуалды платформасы.Жартылай финалдың қазылар алқасы құрамында Сабит Ибадулла (Қызылорда облысының цифрлық технологиялар басқармасының басшысы), Ғани Ерназаров («JSOFT» ЖШС директоры) және Антон Баев («Grand Technology» басшысы) болды. Бағалау барысында қазылар алқасы жобалардың масштабталу әлеуетіне, инновациялық тартымдылығына, даму көрсеткіштеріне және команда құрамына ерекше назар аударды.«Digital Qazaqstan Battle жартылай финалына қатысу мен үшін үлкен тәжірибе болды. Өз жобамды сарапшылар алдында таныстырып, олардың ұсыныстары мен бағасын алу – маңызды қадам. Енді финалда өңіріміздің атынан лайықты өнер көрсетуге тырысамын», – деді жеңімпаз атанған Cortex AI жобасының авторы Асылжан Абдуллаев.Бағалау нәтижесінде үздік жоба анықталып, ол Қызылорда өңірінің атынан 27 наурызда Шымкент қаласында өтетін Digital Qazaqstan Battle финалында бақ сынайды.«Digital Qazaqstan Battle – өңірлердегі талантты IT-командаларды анықтап, олардың жобаларын жаңа деңгейге шығаруға мүмкіндік беретін алаң. Қызылордадағы жартылай финалда ұсынылған жобалардың деңгейі жоғары болды, бұл өңірде технологиялық стартаптарға қызығушылық артып келе жатқанын көрсетеді», – деп атап өтті Kyzylorda Hub жетекшісі Жанарыс Тубекбаев.Digital Qazaqstan Battle байқауы еліміздегі технологиялық стартаптарды қолдауға және инновациялық экожүйені дамытуға бағытталған маңызды бастамалардың бірі. Мұндай алаңдар жас кәсіпкерлерге өз идеяларын таныстырып, сарапшылардан кері байланыс алуға және жобаларын жаңа деңгейге көтеруге мүмкіндік береді.

Қазақстан және Қызылорда облысының жаңалықтары