<a href="https://kyzylorda-news.kz/">Kyzylorda-news.kz.</a> Қазақстандықтар жалпыға бірдей декларациялауға 2025 жылға дейін кезең-кезеңімен көшеді. 2021 жылы басталған міндеттеменің үшінші кезеңі басталады. Заңды тұлғалардың басшылары мен құрылтайшылары және жеке кәсіпкерлер мен олардың жұбайлары белгіленген тәртіп бойынша өздері жайлы толық мәліметті ұсынулары тиіс. Декларациялаудың үшінші кезеңінің қорытындысын Қызылорда облысы бойынша Мемлекеттік кірістер департаменті басшысының міндетін атқарушы Еркін Елшібеков мәлімдеді.<blockquote>- Жалпыға бірдей декларациялаудың үшінші кезеңінде 2024 жылдың 1 қаңтарынан бастап заңды тұлғалардың басшылары, құрылтайшылары және дара кәсіпкерлер сондай-ақ олардың жұбайлары болып табылатын барлық жеке тұлғалар активтер мен міндеттемелер туралы декларациясын ұсына бастады. 2024 жылы Декларацияны 86 304 мың жеке тұлға табыстауы қажет. Биылғы жылдың басынан бастап 53 285 мың жеке тұлға немесе декларанттардың жалпы санының 62 пайызы декларацияны тапсырды. Декларацияларды ұсыну бойынша ен үздік белсенділікті Ұлытау облысы мен Түркістан облысының тұрғындары танытып отыр.</blockquote>Заңды тұлғалардың басшылары, құрылтайшылары және дара кәсіпкерлер, сондай-ақ олардың жұбайлары үшін Декларацияны тапсырудың соңғы мерзімі 15 қырқүйекке дейін екенін ескертеміз.<blockquote>Салықтық міндеттемені уақытылы орындамау мәселесі туындамас үшін, декларацияны алдын-ала табыстауды ұсынамыз. Декларация тұрғылықты тіркелген жері бойынша ұсынылады,-деді Еркін Кеңесбекұлы.</blockquote>Фото: Қызылорда облысының Өңірлік коммуникациялар қызметі

 Жалпығы бірдей декларациялау: ІІІ кезеңнің қорытындысы қандай?

<a href="https://kyzylorda-news.kz/">Kyzylorda-news.kz</a> &nbsp;Жалағаш ауданы – ауыл шаруашылығы саласына негізделген аймақтың бірі. Аудандағы 335 шаруашылықтың 199-ы егінмен, ал 136-сы мал шаруашылығымен айналысады. Биыл ауыл шаруашылығы дақылдарының бекітілген сызбасына сәйкес 37 676 гектар жерге егін егілген. Бұл туралы бүгін Өңірлік коммуникациялар қызметінің ақпарат алаңында Жалағаш ауданының әкімі Ардақ Ибраимов айтты.<blockquote>– Ауыл шаруашылығы – өңір экономикасының негізгі саласының бірі. Аймақ басшысының тапсырмасына сәйкес ауданда егіс алқабын әртараптандыру жұмыстары жалғасып жатыр. Биыл суды аз қажет ететін дақылдар өткен жылмен салыстырғанда 597 гектарға көбейтілген. Егін шаруашылығымен бірге ауданда мал шаруашылығы да даму үстінде. Өткен жылдың осы кезеңімен салыстырғанда аудандағы жылқы басының саны 5,8 пайызға, мүйізді ірі қара 4,4 пайызға артқан. Сонымен қатар, кейінгі жылдары ауданда жол құрылысы қарқын алып, елді мекендердің ішкі көшелері орташа және күрделі жөндеуден өткізілуде. Осы мақсатта биыл 5 жоба іске асырылып жатыр. Қазіргі таңда Жалағаш ауданы бойынша елді мекендерге бағытталған негізгі күре жолдардың барлығына күрделі жөндеу жұмыстары жасалды. Ел Президентінің, үкімет басшысының және аймақ басшысының қолдауымен ауданаралық жолдардың мәселелері толық шешімін тапты. Одан бөлек, елді мекендерді ауыз сумен қамтамасыз ету бойынша нақты жұмыстар атқарылуда. Бүгінгі таңда аудан халқы 100 пайыз орталықтандырылған таза ауыз сумен қамтамасыз етілген,- деді Ардақ Әбдіғаппарұлы.</blockquote>Бүгінде Жалағаш ауданындағы тұрғындарлың 45,1 пайызы көгілдір отынның игілігін көріп отыр. Өткен жылы басталған Ақсу, М.Шәменов елді мекендерін газдандыру жұмыстары қыркүйек айында аяқталып, жылу беру маусымына дейін іске қосылады деп күтілуде. Бұл жобалар жүзеге асырылған уақытта аудан тұрғындарының 57,8 пайызы газбен қамтылатын болады.<blockquote>– Ауданды көгілдір отынмен қамтамасыз ету бағытындағы жұмыстар кезең-кезеңімен жүзеге асырылатын болады. Биыл Қаракеткен, Далдабай және Бұқарбай батыр елді мекендерін газдандыруға жоба-сметалық құжаттама әзірленіп, мемлекеттік сараптама өтуде. Сонымен қатар, Жалағаш кентіндегі №123, №246 орта мектептерін табиғи газға ауыстыру бойынша да құрылыс-монтаждау жұмыстары жүргізілуде. Одан бөлек, биыл аудандық бюджет есебінен 2 әлеуметтік нысан газ отына қосылатын болады,- деді Ардақ Әбдіғаппарұлы.</blockquote>Фото: Қызылорда облысының Өңірлік коммуникациялар қызметі

Биыл Жалағашта 2 әлеуметтік нысан көгілдір отынға қосылатын болады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Ядролық физика институты» РМК бас директоры Саябек Сахиевпен кездесті.<blockquote>«Қазіргі уақытта республиканың барлық аймағында өздеріңіздің қатысуларыңызбен АЭС салуға қатысты жария талқылаулар өтуде. Әл-ауқаты мен экономикалық қуаты артқан еліміз үшін бұл өте өзекті мәселе. Шынайы және нақты ақпараттың жетіспеушілігінен қоғамда түсінбеушілік, түрлі алып-қашпа әңгіме тарайтыны да заңдылық. Осы жағдайда, өзіңіздей ғалымдардың, саланың үздік мамандарының түсіндірмелері халыққа өте қажет. Бүгін облыстық қоғамдық кеңес алаңында өткізілген жария талқылау қатысушыларға ой салды. Жария талқылаулар және алдағы уақытта жүргізілетін ақпараттық-түсіндірме жұмыстары жұртшылықтың шешім қабылдауына жәрдемдеседі деп ойлаймын», - деді аймақ басшысы.</blockquote>Кездесуде Сыр өңіріндегі инфрақұрылым желілерін дамыту мәселелері де талқыланды. Аймақта Президенттің, Үкімет басшысының, Парламенттің қолдауымен халықтың әлеуметтік жағдайын арттыру, инфрақұрылым объектілерін жаңарту бойынша ауқымды жұмыстар іске асырылуда. Мемлекет басшысының тапсырмасына сәйкес, оңтүстік өңірлерде электр энергиясының тапшылығын болдырмау үшін Қызылорда қаласында қуаты 240 МВт болатын жаңа жылу-электр орталығының құрылысы қарқынды жүруде. Жоба қазіргі "Қызылорда жылу-электр орталығы" аумағындағы 24,5 гектар жер учаскесінде іске асырылуда. Бүгінде инвестор «AKSA Energy» түрік компаниясы құрылысқа 70 млрд теңгеден астам инвестиция салды.Өз кезегінде, Саябек Қуанышбекұлы Сыр елінде әр салада серпінді даму байқалатынын атап өтіп, аймақ халқы үшін маңызды жобалардың сәтті жүзеге асуына тілектестік білдірді.Фото: Қызылорда облысы әкімінің баспасөз қызметі

Аймақ басшысы Ядролық физика институтының директорымен кездесті

<a href="https://kyzylorda-news.kz/">Kyzylorda-news.kz</a> &nbsp; Жаңа оқу жылында педагогтердің жалақысын арттыру мәселесі қолданыстағы заңнамада қарастырылмаған. Алайда бүгінде педагогтерге сынып жетекшілігі үшін белгіленген қосымша ақының қолданыстағы мөлшерін ұлғайту мәселесі пысықталып жатыр. Бұл туралы Оқу-ағарту министрлігі редакцияның ресми сауалына берген жауабында мәлімдеді, деп хабарлайды <a href="http://inbusiness.kz/">inbusiness.kz </a>сайты.2024-2025 оқу жылында қандай өзгеріс болады? Білім беру бағдарламасына өзгерістер ене ме?<blockquote>"Көркем еңбек" пәнін 2 жеке пәнге "Бейнелеу өнері" мен "Еңбекке баулу" бөліп оқыту жалғасуда. Әр пәнді оқытуға 1 сағаттан бөлінген. 3-сынып оқушылары шет тілін үйренуге кіріседі. Әр мектеп оқу курстары мен элективті курстарды таңдауда дербес", - делінген ведомство жауабында.</blockquote>Мектептерде оқытылатын "Абайтану", "Алаштану" курстары таңдау курстарына жатады.<blockquote>"9-11 сыныптарға арналған "Абайтану" курсының бағдарламасы Оқу-ағарту министрінің 2022 жылғы 16 қыркүйектегі № 399 бұйрығымен бекітілген. Бұл курс таңдау курсына жатады. Оны оқыту туралы шешімді әр мектептің өзі дербес қабылдайды. Қазақ тілі мен әдебиетін тереңдетіп оқытатын гуманитарлық бағыттағы "Абай мектебі" желілік мамандандырылған мектептері 5-11 сыныптарда "Абайтану" пәнін міндетті түрде оқиды. Оқу-ағарту министрінің 2022 жылғы 16 қыркүйектегі № 399 бұйрығымен 9-сыныпқа арналған "Алаштану" таңдау курсының үлгілік оқу бағдарламасы бекітілді. Бұл курс – таңдау курсы. Оны оқыту туралы шешімді әр мектептің өзі дербес қабылдайды", - деп хабарлады Оқу-ағарту министрлігі редакцияның ресми сауалына берген жауабында.</blockquote>Биыл су тасқыны болған кей өңірде оқушылар онлайн білім алды. Министрлікке жаңа оқу жылында балалар қашықтан оқытылуы мүмкін бе деген сауал қойдық.<blockquote>"Оқу-ағарту министрінің 2023 жылғы 27 қарашадағы № 349 "Қашықтан оқытуды ұсыну бойынша білім беру ұйымдарына қойылатын талаптарды және бастауыш, негізгі орта, жалпы орта, техникалық және кәсіптік, орта білімнен кейінгі білімнің білім беру бағдарламалары бойынша қашықтан оқыту бойынша оқу процесін ұйымдастыру қағидаларын және техникалық және кәсіптік, орта білімнен кейінгі білімнің білім беру бағдарламалары бойынша онлайн-оқыту нысанында оқу процесін ұйымдастыру қағидаларын бекіту туралы" бұйрығына сәйкес орта, техникалық және кәсіптік, орта білімнен кейінгі білім беру ұйымдарында қашықтықтан оқыту мынадай жағдайларда жүргізіледі: 1) тиісті әкімшілік-аумақтық бірліктерде (жекелеген объектілерде) төтенше жағдай, шектеу іс-шаралары, оның ішінде карантин енгізу, төтенше жағдайлар жариялау; 2) қолайсыз ауа райы метеожағдайлары; 3) білім алушының денсаулық жағдайы туралы дәрігерлік-консультациялық комиссияның қорытындысы болған жағдайда; 4) білім алушылардың халықаралық, республикалық оқу-жаттығу жиындарына, спорттық жарыстарға, зияткерлік және шығармашылық конкурстар мен фестивальдерге қатысуы; 5) ата-аналарының немесе өзге де заңды өкілдерінің өтініштері негізінде", - делінген ақпаратта.</blockquote>Жаңа оқу жылында мұғалімдердің айлығы өсе ме?Оқу-ағарту министрлігінің берген жауабына сәйкес, жаңа оқу жылында педагогтердің жалақысын арттыру қолданыстағы заңнамада қарастырылмаған.<blockquote>"Қазіргі уақытта педагогтерге сынып жетекшілігі (топ жетекшілігі) үшін Азаматтық қызметшілерге еңбекақы төлеу жүйесімен (бұдан әрі – Еңбекақы төлеу жүйесі) белгіленген қосымша ақының қолданыстағы мөлшерін ұлғайту мәселесі пысықталып жатыр. Өз кезегінде министрлік ұсынылған бастамаға бюджет қаражатының қосымша қажеттілігін айқындап, бюджеттік жоспарлау жөніндегі уәкілетті органға заңнамада белгіленген тәртіпте ұсыныстар енгізуді жоспарлап отыр. Еңбекақы төлеу жүйесінің 4-қосымшасының 9)- тармағына сәйкес білім беру ұйымдарының басқару біліктілік санаты бар басшылары мен олардың орынбасарларына лауазымдық ақыдан 30%-дан 100%-ға дейінгі мөлшерде басқару біліктілік санатына байланысты (басшы-көшбасшы лауазымдық ақыдан 100%, басшы-менеджерге лауазымдық ақыдан 50%, басшы-ұйымдастырушыға лауазымдық ақыдан 30 %) қосымша ақы белгіленген. Сонымен қатар, еңбекақы төлеу жүйесінің 4-қосымшасының 8) тармағына сәйкес біліктілік санаты бар білім беру ұйымдарының педагогтеріне лауазымдық ақыдан 30%-дан 50%-ға дейінгі мөлшерде педагогикалық шеберлігіне байланысты (қосымша ақы белгіленген", - деп хабарлады ведомство.</blockquote>Айта кету керек, педагогтердің жалақы мөлшері білім деңгейіне, біліктілік санатына, жұмыс өтіліне, орындалатын жұмыстың көлеміне, сондай-ақ еңбек жағдайлары үшін өтемдік және ынталандырушы қосымша төлемдер мен үстемеақылардың болуына байланысты есептелінеді.Оқушылардың оқу жүктемесі<blockquote>"Қазіргі уақытта мемлекеттік жалпыға міндетті білім беру стандартына, үлгілік оқу жоспарлары мен бағдарламаларына өзгерістер енгізу бойынша жұмыстар жүргізілуде. Жалпы қолданыстағы мемлекеттік жалпыға міндетті білім беру стандартының, оқу жоспарлары мен бағдарламаларының құрылымдық негіздері сақталады. Оқу мақсаттары, сәйкесінше оқу бағдарламаларының тақырыптық мазмұны оңтайландырылды. Осының есебінен білім алушыға оқу жүктемесі азайтылды, оқу бағдарламаларында пәндер бойынша оқу материалын қайталауға және бекітуге қосымша сағаттар көзделген", - делінген жауапта.</blockquote>Ғаламторға қолжетімділігі төмен ауылдық жерлерде істейтін мұғалімдер электронды күнделікті толтыруда қиындықтарға тап болып жүр. Былтыр әлеуметтік желіде түрлі бейнежазбаларды көрдік. Бұл мәселе шешімін тапты ма?<blockquote>"Оқу-ағарту министрлігі Цифрлық даму, инновациялар және аэроғарыш өнеркәсібі министрлігімен бірлесіп Starlink спутниктік байланысы есебінен ауылдық мектептерді Интернетке қосу жөніндегі пилоттық жобаны іске асырып жатыр. Қазіргі уақытта 1879 мектептің ішінен StarLink технологиясын пайдалана отырып, 1 730 мектепті (92%) Интернетке қосу бойынша жұмыс жүргізілді", - деп хабарлады Оқу-ағарту министрлігі редакцияның ресми сауалына берген жауабында.</blockquote>Фото: inbusiness.kz

Жаңа оқу жылында мұғалімдердің айлығы өсе ме?

<a href="https://kyzylorda-news.kz/">Kyzylorda-news.kz</a> Чемпион Елдос Сметов жанкүйеріне теледидар сыйлады.&nbsp;Бұл туралы&nbsp;<a href="Kyzylorda-news.kz">Stan.kz</a>&nbsp;ақпарат агенттігі <a href="https://www.instagram.com/reel/C-DD3reMwx7/?igsh=MXhweWhkNWV3NG4wYw%3D%3D">хабарлайды.</a>Желіде Елдос Сметовтың финалдық ойынына жанкүйер болып, түрлі эмоцияны өткерген&nbsp;ер адамның видеосы тарады. Көпшілік мұндай қолдаудың арқасында спортшылар көп жеңіс сыйлай алатынын айтып өтті.Желі қолданушылары жанкүйердің теледидары ескі екеніне мән берген. Осыдан соң Сметов жанкүйеріне теледидар таңдап жүрген видеоны өз парақшасында жариялады.Айта кетейік,&nbsp;27 шілдеде&nbsp;Елдос Сметов Париж олимпиадасының алтын жүлдегері&nbsp;атанды.&nbsp;Ақтөбелік кәсіпкер олимпиада чемпионы Елдос Сметовке 100 жылқы сыйға тартты.Видеодан скриншот

Елдос Сметов жанкүйеріне жаңа теледидар сыйлады

<a href="https://kyzylorda-news.kz/">Kyzylorda-news.kz</a>&nbsp; Соңғы уақытта қала көшелері қайта жаңғыртылып, тұрғындар түзу жолмен жүріп-тұруда. Жауапты мамандар жүйелі жоспардың арқасында көшенің сапасын арттырды. Жаяу жүргіншілер жолдарының да жай-күйі жақсарды. Қайта қалпына келтірілген көшелерді жарықтандыру жұмысы да жоспарға сәйкес жүргізілмек. Бұл туралы Өңірлік коммуникациялар қызметінің ақпарат алаңында Қызылорда қаласының әкімі Серік Қожаниязов мәлімдеді.<blockquote>– &nbsp;Е.Көшербаев көшесі қайта жаңғыртылды. Н.Назарбаев даңғылынан Тәуелсіздіктің 25 жылдығы даңғылына дейінгі жаңадан жол құрылысы салынды. Сондай-ақ, 96 көшеге күрделі және 34 көшеге орташа жол жөндеу және Тәуелсіздіктің 25 жылдығы даңғылына жаңа жол құрылысын салу жұмыстарын жүзеге асыру жоспарланды. Биылғы жылы 54 көшеге жаяу жүргіншілер жолы салынып жатыр. Сондай-ақ жарықтандыру жұмыстарына тиісті қаржы бөлініп, процесс басталды,- деді Серік Салауатұлы.</blockquote>Фото: Қызылорда облысының Өңірлік коммуникациялар қызметі

Қаладағы 130 көшеге жөндеу жұмыстары жүргізілмек	

&nbsp;<a href="https://kyzylorda-news.kz/">Kyzylorda-news.kz</a> 2024 жылдың 1 шілдесінен бастау алған конкурсының іріктеу кезеңдері ұйымдастырылып, жалпы дауыспен барлық қатысушылар облыстық кезеңге жолдама алды. Қатысушылар саны - 17 жас.Бүгін облыстық кезеңге қатысқан 14 қатысушы өз жобаларын қорғап шықты. 2 өтінім беруші өз еркімен жиын отырысына қатыспайтынын білдіріп бас тартты. 1 қатысушы белгілі себептерге байланысты жиын отырысына қатыса алмады.Есепті кезеңде 14 қатысушының арасынан &nbsp;жас ерекшеліктері бойынша сараланып, 6 жас қатысушы жеңімпаз деп танылды.

"Тәуелсіздік Ұрпақтары" грант конкурсының облыстық кезеңі өткізіліп, жеңімпаздар анықталды

<a href="https://kyzylorda-news.kz/">Kyzylorda-news.kz</a> Қазақстанда ҰБТ-дан 1 ұпай жинаған Ерасыл Уәлиев Түркияның 10 университетінен шақырту алды, деп хабарлайды <a href="https://qaz.ulysmedia.kz/news/18063-ubt-dan-1-ball-erasyl-u-lievti-sheteldik-10-universitet-shakyrdy/">Ulysmedia.kz.</a><blockquote>Education Industry қолдауының арқасында ол Озиегин университетінде жасанды интеллект пен Анталия университетінде дизайнды зерттейді. Бұл табандылық пен мүмкіндіктің бағалаудан маңыздырақ екендігінің дәлелі – делінген Education Industry парақшасында тараған ақпаратта.</blockquote>Özyeğin University: жасанды интеллектOSTİM: Авиация және ғарыш техникасыFinal University: СтоматологияAntalya Bilim University: СәулетWorld Peace University: БағдарламалауDomus University: ойын дизайныKOSTU: бағдарламалауBeykent University: актерлік шеберлікФото: Ulysmedia

ҰБТ-дан 1 балл. Ерасыл Уәлиевті шетелдік 10 университет шақырды

<a href="https://kyzylorda-news.kz/">Kyzylorda-news.kz</a> &nbsp;Мектептерде тегін және жеңілдікпен тамақтандыруға 93 ұйымға 27 мың түскі ас таратылды.Осы жылдың 1 қыркүйегінен бастап еліміздің барлық өңірінде "Әлеуметтік әмиян" шеңберінде оқушылар тегін және жеңілдікпен тамақтанатын болды, деп хабарлайды <a href="https://kyn.kz/35931/1-yrk-yeuten-bastap-o-ushylar-mektepte-tegin-tama-tanatyn-boldy">KYN.KZ</a> ақпарат агенттігі.Үкімет хабарламасында елімізде азаматтардың жекелеген санаттарын дәрі-дәрмекпен қамтамасыз ету, мектептерде тегін және жеңілдікпен тамақтандыру 2023 жылдың соңынан бері пилоттық режимде іске асырылып жатқаны жазылған.Сонымен қатар дәрі-дәрмекпен қамтамасыз ету бойынша 43 ұйым қосылып, 30 мың рецепт іске асырылған. Мектептерде тегін және жеңілдікпен тамақтандыруға 93 ұйымға 27 мың түскі ас таратылды. "Әлеуметтік әмиянды" әзірлеушілер аталған пилоттық жобаның сәтті тәжірибесін таратуға ниетті.<blockquote>"Әлеуметтік әмиян" азаматтардың EGOV қосымшасында мемлекет тарапынан көрсетілетін барлық қолдау құралдары мен шараларын жинақтау арқылы азаматтарға мемлекеттік қолдау шараларын алуды жеңілдету үшін жасалған. Аталған жоба арқылы мемлекеттік көмек алу және оның жүргізілу тарихын қадағалау ыңғайлы. Ваучерлер жекелендірілген түрде жазылады, бұл кез келген заңсыз тіркеулердің мүмкіндігін шектейді. Жыл соңына дейін аталған өнім еліміздің барлық азаматтарына ыстық тамақ пен дәрі-дәрмек бойынша қолжетімді болады деп жоспарланып отыр", – деді BTS Digital ЖШС бас директоры Нұртай Әбілғалиев.</blockquote>Жоба шеңберінде сонымен қатар бірнеше шара бойынша пилоттық жобаны іске қосу қосымша пысықталып жатыр. Оларға:- ақшалай қаражатты монетизациялау;- ерекше қажеттілігі бар адамдарға техникалық оңалту құралдарын сатып алу;- халықтың әлеуметтік осал топтарына ӘМАТ тізбесінен азық-түлік сатып алуда атаулы көмек көрсету;- әлеуметтік осал санаттағы тұтынушылар үшін тауарлы газға ваучерлер мен ЖЖМ бағасының өсуін өтеу үшін ваучерлер ұсыну жатады.Сурет: gdemoideti.ru

1 қыркүйектен бастап оқушылар мектепте тегін тамақтанатын болады

<a href="https://kyzylorda-news.kz/">Kyzylorda-news.kz</a> Қызылордалық Абзал Жамалда 2000-ға жуық кітап қоры бар. Иә, бұл кітаптың барлығы Тасбөгеттік жас жігіттің үйінде сақталған. Арнайы бір бөлме кітапхана іспетті. Кітап сөресі медициналық салаға негізделген. Жазушылардың шығармалары менмұндалап тұр. Әлиасқар Жамалұлының студент кезінен бастап жинаған кітаптары бүгінде ұлы Абзал Жамалға мұра. Ол әкеден балаға қалған қымбат қазынаны әлі де дамытып, отбасылық кітапхана қорын көбейтуді мақсат етеді.<blockquote>&nbsp; &nbsp; – Әлиасқар Жамалұлы 1957 жылы дүниеге келген. Өте білімді кісі болды. Саналы ғұмырын медицина саласына арнады. 1974 жылы Алматы мемлекеттік медицина институтының фармацевтика факультетіне оқуға түсіп, 1979 жылы бітірді. Еңбек жолын Қызылорда қаласында дәріханалар басқармасында инспектор болып бастады. 1980-1981 жылдары облыстық туберкулезге қарсы диспансерінің 61 дәріханасының меңгерушісі қызметін атқарды. Ол жүрген жерінде кітапты насихатады. Жора-жолдастары «Тірі энциклопедия» деп айтушы еді. Жұбайым 1982 жылдан бастап кітап жинауды бастады. Баста жаздырып алып, кейін сатып алады. Тіпті көп кітапты бірден алған кездері де болды. Өзгелер байлықты, дүниені армандаса, ол балаларының білімді болуын, кітаптағы құндылықты сезінуге тәрбиеледі. Жаман болған жоқ, екі қызы жоғары білімді. Медицина саласында жұмыс істейді. Ұлының да жоғары дәрежелі дипломы бар. Ол өз таңдауы, заман ағымы бойынша кәсіпке бет бұрды. Десе де жұмыстан кеш қайтса да кітап оқуға үлкен ден қойып жүр. Әлиасқар ұрпақтарына мұраға құнды кітап қалдырды. Сондай-ақ өзіне ұнаған, әрбір адам оқуға тиіс деген кітапты үйге келген қонаққа сыйлыққа беретін, – дейді жары Фатима Сұлтанова.</blockquote>Біз көзбен көрген кітаптардан бөлек, өзге де кітаптары да бар екен. Олар сөреге сыймай қалған соң өзге бөлмеде жиналып тұр. Екі қыз, бір ұлдың әкесі Әлиасқар Жамалұлы кітапты ғана емес, газет жинағанды да ұнатқан. Ол шаңыраққа келген газет ешқашан жыртылмайды, қоқысқа тасталмайды. Газет бетін парақтап, оқып болған ұл-қыздары газет жинаулы тұрған сөреге жинақтап қоятын көрінеді. Бұл әкенің балаларға көрсеткен өнегесі іспетті.<blockquote>– Әкемнің кітапқа ғана емес, газетке деген қызығушылығы жоғары болатын. Біздің үйде газет аяқтың астында жатпайды, терезеде де ілініп тұрмайды. Бұл – әкемнің бізге берген тәрбиесі. Келген бойда ішін қарап, оқып шығамыз да арнайылап жинақтаймыз. Жылдар бойы сақталған газеттер арнайы бір бөлмеде сақтаулы. Бүгінде бойын ғаламтор билеген жастардың керек дүниесін, қажетті дүниесін кітаптан ғана ала алатынына көзі жететін уақыт келді, – дейді ұлы Абзал.</blockquote><img src="https://knadmin.beoblood.kz/uploads/1_3_1024x683_993d3363ee.jpg" alt="1-3-1024x683.jpg">Кітапхана сөресінде барлық жанрда жазылған туындылар бар. Медициналық, көркем әдебиет, балалар кітабы, түрлі ертегілер, діни кітаптар мен энциклопедия бар. Барлық кітапты екі тілде табу қиынға соқпайды. Құран кітаптың арабша, қазақша нұсқасы тұр.<blockquote>– Әкемнің кітапқа деген қызығушылығы біздің кітапқа деген махаббатымызды ашты. Кітаптың құнын, қасиетін ұқтыра білді. Осында тұрған әр кітап әкемнің қолынан өткен. Ол барлығын да оқыған. Бізге де кітап оқуды жиі айтып, тапсырма ретінде беріп тұратын. Сосын мына кітаптың мына жері қызық, мынау өте жақсы жазылған деп айтатын. Сондай-ақ кітаптардың басым бөлігі медицинаға бағытталған. Оның ішіне үңілсеңіз, бір жерін қызыл түспен, екінші жерін сары түспен белгілеп қояды. Ол белгіленген жерде аурудың емі, одан арылудың тәсілдері, күтіну жолы жазылып тұрады. Бүгінде бұл кітаптың барлығы балаларына қалды. Біз алдағы уақытта бұл кітапты ұстап тұрмай, оқырман тарту, жастарды кітап оқуға баулу мақсатында үйдің ішінен кітапхана ашуды жоспарлап отырмыз. Алдағы уақытта оқитын, қызығушылық танытатын адамдар керек кітабын алып, оқып болған уақытта өткізуді қарастырып жатырмыз. Бұл бір немесе бірнеше баланың зейінін ашып, оны кітап оқуға баулып, қызықтырады деген үміттемін, – дейді Абзал.</blockquote>Әке аманатын арқалаған жас Абзал Әлиасқарұлы Дінмұхамед Қонаевтың кітабын кітапхана қорына сыйға тартты. Мамандар мұнда кітапханада жоқ кітаптар да кездесетінін жасырмады.Кітапханаға барып, өзіңе ұнаған, қызығып оқитын кітапты аралап жүріп алудың өзі адамды ерекше күйге түсіреді. Ал үйдің ішінде тұрған кітап қорын көрудің өзі бақытқа бөлейді екен.Мөлдір САБЫРЖАН

Бір үйде 2000-нан аса кітап бар

<a href="https://kyzylorda-news.kz/">Kyzylorda-news.kz</a> &nbsp;Бүгінгі таңда Қызылорда қаласында халықты баспанамен қамту көрсеткіші артып келеді. Бұған себеп жыл сайын облыс орталығынан көпқабатты үйлердің көптеп бой көтеруі. Жалпы қалада 3 911 пәтерлі 74 көпқабатты тұрғын үйдің құрылысы жүргізілуде.Оның 3 139 пәтерлі 58 тұрғын үйі бюджет есебінен, ал 772 пәтерлі 16 тұрғын үй жеке инвестициялар есебінен салынды. Қызылорда қаласының әкімі Серік Қожаниязов 2024 жылдың бірінші жартыжылдығына қорытынды жасады.<blockquote>– Жыл соңына дейін 7 қабатты 840 пәтерлі 10 үйдің жоба-сметалық құжаттары және сараптама қорытындысын алу күтілуде. Қалада жыл басынан бері 763 пәтер табысталса, 2 500 тұрғын жаңа баспанаға ие болды. Жыл аяғына дейін 1 685 пәтер пайдалануға беріледі. Шаһардағы баспана салу жайы әлі де жалғасатын болады. Жоспарға сәйкес алдағы уақытта тағы 84 пәтерлі жеті қабатты 10 тұрғын үйдің құрылыс жұмыстарын жүргізуге жоба-сметалық құжаттары әзірленуде,- деді Серік Салауатұлы.</blockquote>Фото: Қызылорда облысының Өңірлік коммуникациялар қызметі

Қалада 74 көпқабатты тұрғын үйдің құрылысы жүргізілуде

&nbsp;<a href="https://kyzylorda-news.kz/">Kyzylorda-news.kz</a> &nbsp; Бүгінгі ҚР Премьер-Министрі Олжас Бектеновтің төрағалығымен өткен Үкімет отырысында өрт қаупі жоғары кезеңдегі туындайтын мәселелер талқыланды.Үкімет отырысынан кейінгі арнайы мәжілісте облыс әкімі Нұрлыбек Нәлібаев жауапты тұлғаларға өрт қауіпсіздігін қамтамасыз ету бойынша бірқатар тапсырма берді.<blockquote>«Қызылорда облысы аумағында мемлекеттік орман қоры жерінің жалпы көлемі - 7 млн. гектар. Оның 3,8 млн. гектары - орманды алқаптар. Жыл басынан бері орман қоры жерінің 42,9 гектарында 10 өрт оқиғасы тіркелген. Осы жылғы 15 шілдедегі Үкімет қаулысымен орман мекемелері мен табиғат қорғау ұйымдарына "Кәсіпкерлікті дамыту қоры" арқылы өрт сөндіру техникаларын лизингпен алуға 20 млрд. теңге қаралған. Бұл мақсатқа бюджеттен тиісті қаржы бөлінуде. Алайда, орман өрті азаймаған. Көп жағдайда азаматтар өз қажеттілігін көздеп өрт қояды, малға қолайлы жайылымдық ашып, егістікті қоршауға қада дайындайды. Осындай деректерді ашу үшін өткен жылы 21, биыл 5 жағдай бойынша полиция органдарына материалдар жолданған. Дегенмен, бүгінгі күнге дейін кінәлілер анықталған жоқ. 28 шілде күні Қазалы ауданы "Бозкөл", "Тасарық", "Қызылқұм" ауылдық округтеріне шекаралас "Тайкеткен" учаскесінде қураған қамыс жанған. Болған оқиға туралы мәліметті уақытылы жіберіңіздер. Бұл тапсырма қала және барлық аудан әкімдеріне қатысты», - деді Нұрлыбек Машбекұлы.</blockquote>Аймақ басшысы синоптиктердің болжамы бойынша, алдағы тамыз айында жоғары ауа температурасы сақталатынын, қалыпты құрғақшылық күтілетінін ескертіп, орман және дала өртінің алдын алуды тапсырды. Сондай-ақ, өрт қаупі жоғары кезеңде шалғайдағы елді мекендердегі өрт бекеттерінің жұмысын күшейту қажет.Мәжіліс қорытындысымен Қызылорда қаласы және аудан әкімдеріне мемлекеттік өртке қарсы қызметі жоқ елді мекендердегі өрт сөндіру бекеттерін бейімделген ғимаратпен, қажетті құрал-жабдықтармен жарақтандыру тапсырылды. Облыстық табиғи ресурстар және табиғат пайдалануды реттеу басқармасы орман қоры жерлеріне жаңа минералдық жолақтар жүргізуді, ескі жолақтарды қайта қалпына келтіруді ұйымдастыруы тиіс. Өрт қаупі жоғары кезеңде орман шаруашылығына қарасты өрт сөндіру жасақтары күшейтілген режимде жұмыс жасауы қажет. Облыстық төтенше жағдайлар департаменті теміржол және автокөлік жолдарының бойына жаңа минералдық жолақтар жүргізуді, ескі жолақтарды қайта қалпына келтіруді бақылауға жауапты. Облыстық қоғамдық даму басқармасы төтенше жағдайлар департаментімен бірлесіп, қураған шөпті, қоқысты өртеуде қауіпсіздік талаптарын бұзғаны үшін қолданыстағы жауапкершілік туралы БАҚ-та кеңінен түсіндіруді ұйымдастыруы керек. Ал, облыстық полиция департаменті орман және алқаптарда болған өртке кінәлілерді жауапкершілікке тарту үшін тиісті шараларды қолға алмақ.<img src="https://knadmin.beoblood.kz/uploads/2_7787f4f323.jpg" alt="2.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары